Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Қызылорда облысы бойынша департаменті 2026 жылдың І жартыжылдығында атқарған жұмыстары қорытындыланды. Баспасөз конференциясына департаменттің өтініштерді талдау және бақылау бөлімінің басшысы Айбек Мұратұлы мен осы бөлімнің прокуроры Айдос Жылқыбай қатысты.Баспасөз мәслихатында құқықтық статистика саласындағы негізгі көрсеткіштер, азаматтардың өтініштерін қарау барысы және мемлекеттік органдар қызметіндегі заңдылықтың сақталуын бақылау жұмыстары кеңінен сөз болды.Айбек Мұратұлының айтуынша, Комитеттің негізгі міндеттерінің бірі мемлекеттік органдарды, жеке және заңды тұлғаларды елдегі заңдылық пен құқықтық тәртіптің жай-күйі туралы объективті әрі өзекті ақпаратпен қамтамасыз ету.<blockquote>– Біз уәкілетті орган ретінде мемлекеттік құқықтық статистиканы қалыптастырып, құқықтық статистика мен арнайы есепке алу саласындағы мәліметтердің толықтығы мен дұрыстығын қамтамасыз етеміз. Бұл құқық қорғау жүйесінің ашықтығы мен тиімділігін арттыруға бағытталған маңызды жұмыс, – деді бөлім басшысы.</blockquote>Спикердің мәліметінше, 2021 жылдың 1 шілдесінен бастап қолданысқа енгізілген Әкімшілік рәсімдік-процестік кодекс аясында жұмыс істейтін «е-Өтініш» ақпараттық жүйесі арқылы биылғы жылдың алғашқы жартысында облыстағы мемлекеттік органдарға 87 286 өтініш келіп түскен.&nbsp;Түскен өтініштердің 49 055-і қаралып, оның ішінде 35 926-сы әкімшілік рәсім тәртібімен, 18 129-ы оңайлатылған әкімшілік рәсім арқылы шешімін тапқан. Баспасөз конференциясында департаменттің прокуроры Айдос Жылқыбай құқықтық статистика саласындағы бақылау жұмыстары жөнінде баяндады.<blockquote>– Департамент құқықтық статистика және арнайы есепке алу субъектілері ұсынатын мәліметтердің дұрыстығы мен толықтығын қамтамасыз ету мақсатында тұрақты түрде тексерулер, мониторингтер және салыстырмалы талдаулар жүргізіп келеді. Бұл заңдылықтың сақталуына және мемлекеттік органдар қызметінің сапасын арттыруға мүмкіндік береді, – деді ол.</blockquote>Жыл басынан бері департамент тарапынан 11 тексеру, 2 458 салыстыру, сондай-ақ 25 талдау мен мониторинг жүргізілген.&nbsp;Анықталған заң бұзушылықтарды жою мақсатында 50 прокурорлық қадағалау актісі енгізілген.&nbsp;Спикерлердің айтуынша, алдағы уақытта да есепке алу және құқықтық статистика саласындағы заңдылықты қамтамасыз ету, азаматтардың өтініштерін сапалы қарау және мемлекеттік органдар қызметінің ашықтығын арттыру бағытындағы жұмыстар жүйелі түрде жалғаса береді.<img src="https://knadmin.beoblood.kz/uploads/IMG_20260729_WA_0074_0a9b67c251.jpg" alt="IMG-20260729-WA0074.jpg">

Азаматтардың өтініштері – мемлекеттік органдар жұмысының ашықтығын айқындайды

Өңірлік коммуникациялар қызметінің ақпарат алаңында өткен баспасөз конференциясында Қызылорда қаласының әкімі Нұржан Ахатов 2026 жылдың І жартыжылдығында шаһарда атқарылған жұмыстар мен алдағы міндеттер туралы баяндады.Биыл Қызылорда қаласына қарасты аумақтарда жалпы 7 819 гектар жерге ауыл шаруашылығы дақылдары орналастырылды. Егіс алқаптарында жаңа жоңышқа, қант құмайы, арпа, жаздық бидай, жүгері, судан шөбі егілсе, 2 450 гектарға көкөніс пен бақша дақылдары орналастырылды. Негізгі дақыл саналатын күріш 2 681 гектар алқапқа себілді.«Ауыл шаруашылығы экономиканың негізгі драйвері. Сондықтан бұл салаға ерекше екпін беріледі. Вегетациялық кезеңде су тапшылығының алдын алу шаралары жүйелі жүргізілуде. Шаруашылықтарға аяқ су жеткілікті деңгейде беріліп жатыр. Сонымен қатар су ресурстарын тиімді пайдалану мақсатында Қызылжарма каналының 9 шақырымдық науасын салу жұмыстары жоспарлы түрде жүзеге асырылуда. Бұл жоба су ысырабының алдын алып, егіншіліктің тиімділігін арттыруға мүмкіндік береді», – деді Қызылорда қаласының әкімі Нұржан Ахатов.Бүгінде Қызылжарма каналын науалау жобасы өңірдегі су үнемдеу технологияларын енгізудің маңызды бастамаларының бірі саналады. Ұзындығы 9 шақырым болатын құрылыс аяқталғаннан кейін су шығыны азайып, шаруашылықтарды суармалы сумен тұрақты қамтамасыз етуге және су ресурстарын ұтымды пайдалануға мүмкіндік береді.<img src="https://knadmin.beoblood.kz/uploads/AHATOV_BRIFING_67195ada51.jpg" alt="АХАТОВ БРИФИНГ.jpg">

Су үнемдеу мен әртараптандыру – ауыл шаруашылығындағы басым бағыт

Қызылорда облысында тұрғындарды сапалы коммуналдық қызметпен қамтамасыз ету бағытындағы жұмыстар кезең-кезеңімен жүзеге асырылуда. Биыл өңірде ауыз су, газ, электр және жылумен қамту салаларында бірқатар инфрақұрылымдық жобалар іске асырылып, инженерлік желілерді жаңғыртуға басымдық берілуде. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының энергетика және тұрғын үй - коммуналдық шаруашылық басқармасы басшысының міндетін атқарушы Бауыржан Ізмағамбетов мәлімдеді.Спикердің айтуынша, бүгінде облыстағы 4 қала мен 222 ауылдық елді мекен орталықтандырылған ауыз сумен толық қамтылған. Қазіргі таңда ауыз сумен жабдықтау және су бұру бағытында 7 жоба жүзеге асырылып жатыр. Соның нәтижесінде су құбырлары желілерінің тозу деңгейін 33 пайыздан 31 пайызға, ал кәріз желілерінің тозуын 32 пайыздан 30 пайызға дейін төмендету жоспарланған. Сонымен қатар, Арал және Қазалы аудандарының 160 мыңнан астам тұрғынын ауыз сумен қамтамасыз ететін Арал-Сарыбұлақ топтық су құбырының екі тармағының құрылысы жалғасуда.Газдандыру бағытында да жұмыстар қарқынды.-Қазіргі уақытта облыстағы барлық қала табиғи газға қосылған. Газдандырылған ауылдық елді мекендер саны 56-ға жетсе, жыл соңына дейін тағы 10 елді мекенді газға қосу жоспарланып отыр. Нәтижесінде өңірді газдандыру деңгейі 85 пайызға дейін жеткізілмек.Электрмен жабдықтау жүйесін жаңғырту аясында биыл 605 шақырым әуе желісі мен 190 қосалқы станция қайта жаңғыртылуда. Бұл жұмыстар электр желілерінің тозуын 60 пайыздан 59 пайызға дейін төмендетуге мүмкіндік береді. Сонымен қатар, өңірде жалпы қуаты 148 мегаватт болатын бес күн электр станциясы тұрақты жұмыс істеп тұр. Алдағы уақытта жалпы қуаты 234 мегаватт болатын бір жел және бес күн электр станциясының құрылысы жоспарланған.Жылу беру маусымына дайындық та жоспарға сай жүргізілуде. Жылу желілерін жаңғырту, насос станцияларын, газтурбиналық қондырғыларды, қазандықтар мен турбиналарды жөндеу жұмыстары жалғасып жатыр. Қазіргі таңда жөндеу жұмыстарының орындалуы 68 пайызды құрайды. Сондай-ақ, алдағы жылыту маусымына қажетті отын қорын қалыптастыру жұмыстары бақылауда. Бүгінге дейін облысқа 8 мың тоннадан астам көмір жеткізіліп, қоймаларда қосымша 12 мың тонна көмір қоры жасақталған. Қызылорда жылу электр орталығында мазут пен дизель отынының нормативтік қоры толық қамтамасыз етілген. Өңірде коммуналдық инфрақұрылымды жаңғырту бағытындағы жұмыстар алдағы уақытта да жалғасып, тұрғындарды сапалы әрі тұрақты коммуналдық қызметпен қамтамасыз етуге басымдық берілмек,- деді Бауыржан Нұрланұлы.<img src="https://knadmin.beoblood.kz/uploads/gaz_brifing_c0f11023f4.jpg" alt="газ брифинг.jpg">

Өңірде жыл соңына дейін газдандыру деңгейі 85 пайызға жетті 

Қызылордада мемлекеттік бюджеттің кіріс бөлігін қамтамасыз ету, салықтық әкімшілендіруді жетілдіру және кәсіпкерлерге қолайлы жағдай жасау бағытындағы жұмыстар жүйелі түрде жүргізілуде. Сонымен қатар, жаңа Салық кодексінің қолданысқа енгізілуі салық жүйесін жаңғыртуға, цифрлық қызметтердің қолжетімділігін арттыруға және мемлекеттік қызмет көрсету сапасын жақсартуға тың серпін берді. Бұл туралы Өңірлік коммуникациялар қызметінің ақпарат алаңында Қызылорда облысы бойынша Мемлекеттік кірістер департаменті басшысының міндетін атқарушы Асқар Елеманов мәлімдеді.Спикердің айтуынша, өңірде мемлекеттік бюджет кірістерін қамтамасыз ету бағытында тұрақты жұмыстар жүргізіліп келеді. Салықтық әкімшілендіруді жетілдіру, салық төлеушілермен өзара тиімді байланыс орнату және цифрлық технологияларды кеңінен енгізу нәтижесінде бюджет түсімдерінің тұрақтылығы сақталуда. Сонымен қатар, жаңа Салық кодексі аясында кәсіпкерлерге қолайлы жағдай жасауға, әкімшілік рәсімдерді жеңілдетуге және мемлекеттік қызметтердің сапасын арттыруға басымдық беріліп отыр. Бұл бағытта түсіндіру жұмыстары күшейтіліп, салық төлеушілердің құқықтық сауаттылығын арттыруға ерекше көңіл бөлінуде.- Алғашқы жартыжылдық уақытта мемлекеттік бюджет кірістерінің жоспары артығымен орындалды. Салықтық әкімшілендіру нәтижесінде бюджетке қосымша түсімдер қамтамасыз етілді. Жаңа Салық кодексінде салық ставкаларын саралау, қосылған құн салығын реформалау, арнайы салық режимдерін жетілдіру, салықтық әкімшілендіруді цифрландыру және сервистік модельге көшу секілді маңызды өзгерістер қарастырылған. Сонымен қатар, Үкімет тарапынан «Таза парақтан» бастамасы аясында салық төлеушілерге қолдау көрсету шаралары қабылданып, өсімпұлдар мен айыппұлдарды есептен шығару жұмыстары жүргізілді. Мемлекеттік қызметтердің басым бөлігі бүгінде электронды форматта көрсетіліп, бұл азаматтар мен кәсіпкерлер үшін қолайлы жағдай қалыптастыруға мүмкіндік беруде. Сондай-ақ, салықтық берешекті төмендету, кәсіпкерлерді қолдау, сыртқы сауда айналымын дамыту және экспорттық әлеуетті арттыру бағытындағы жұмыстар заң талаптарына сәйкес жүйелі түрде жалғасуда ,- деді Асқар Сейдекәрімұлы.Жалпы, мемлекеттік кірістер органдары алдағы уақытта да салықтық әкімшілендіруді одан әрі жетілдіру, цифрлық сервистердің мүмкіндіктерін кеңейту және салық төлеушілерге қолайлы жағдай жасау бағытындағы жұмыстарды жалғастырады. Бұл өңірдің инвестициялық тартымдылығын арттыруға, кәсіпкерліктің тұрақты дамуына және экономиканың орнықты өсуіне оң ықпал етіп, мемлекет пен бизнес арасындағы өзара сенімді нығайтуға негіз болмақ.<img src="https://knadmin.beoblood.kz/uploads/nalog_brifing_ce2901f330.jpg" alt="налог брифинг.jpg">Сурет: Финграмота

Өңірде салық жұмыстары жүйелі жүргізілуде 

Жол-көлік оқиғаларының алдын алу, жол қозғалысы қауіпсіздігін қамтамасыз ету және құқық бұзушылықтардың жолын кесу мақсатында облыс прокуратурасының үйлестіруімен полиция органдарымен бірлескен рейдтік-профилактикалық іс-шара өткізілді.Нәтижесімен жедел басқару орталығының бейнебақылау жүйелері арқылы жол қозғалысы қағидаларын бұзу фактілері анықталып, бұзушылыққа жол бергендер заңнама талаптарына сәйкес әкімшілік &nbsp;жауаптылыққа тартылды.<img src="https://knadmin.beoblood.kz/uploads/IMG_20260728_WA_0004_7989eae72a.jpg" alt="IMG-20260728-WA0004.jpg">Жол қозғалысы қауіпсіздігін қамтамасыз ету және құқық бұзушылықтардың алдын алу бағытындағы профилактикалық жұмыстар облыс прокуратурасының тұрақты бақылауында.Прокуратура азаматтарды жол қозғалысы қағидаларын қатаң сақтауға, өздерінің және өзге де жол қозғалысына қатысушылардың қауіпсіздігіне жауапкершілікпен қарауға шақырады.<img src="https://knadmin.beoblood.kz/uploads/IMG_20260728_WA_0005_40c57440d9.jpg" alt="IMG-20260728-WA0005.jpg">

Жол қауіпсіздігін қамтамасыз ету мақсатында бірлескен рейдтік іс-шара өтті

Астанада «Таза Қазақстан» республикалық экологиялық бастамасы мен «Заң мен тәртіп» қағидатын жүзеге асыру аясында қоғамдық орындардағы тазалықты сақтау бойынша рейдтер тұрақты түрде жүріп жатыр, деп хабарлайды елорда әкімдігінің ресми сайты.Елордадағы барлық ауданның саябағы мен демалыс орнында тұрғындарға қоршаған ортаны таза ұстаудың маңызы түсіндіріліп жатыр. Кезекті рейд Байқоңыр ауданындағы Ататүрік саябағында өтті.Іс-шара барысында полиция қызметкерлері қоғам тәртібін бақылап, демалушыларға түсіндіру жүргізді. Тұрғындарға саябақ аумағын ластамау, қоқысты арнайы жәшіктерге тастау, гүлзарлар мен жасыл желекке ұқыпты қарау керек екені айтылды. Сонымен қатар экология мәдениетін қалыптастыруға бағытталған ақпарат жадынамалары таратылды.Астана қаласы Байқоңыр ауданы полиция басқармасы Қоғамдық қауіпсіздік бөлімінің басшы орынбасары, полиция майоры Абзал Әбілдаевтың айтуынша, тазалықты сақтау – әр азаматтың жеке жауапкершілігі.<blockquote>«Таза Қазақстан» экологиялық акциясы аясында рейдтерді тұрақты түрде ұйымдастырып келеміз. Негізгі мақсатымыз – тұрғындар мен қала қонақтарының табиғатқа және қоғамдық орындарға ұқыпты қарауына ықпал ету. Саябақтар мен демалыс орындарының тазалығы – қаланың көркі. Сондықтан тазалықты сақтау әр азаматтың жауапкершілігі екенін түсінуіміз қажет», – дейді полиция майоры.</blockquote>Оның айтуынша, түсіндіру жұмысына қарамастан, кейбір азаматтар ескертулерге бейжай қарап, қоқысты арнайы жәшіктерге тастамайды. Сонымен бірге саябақтарда пикник ұйымдастырғаннан кейін қоқыстарын жинамай кететін жағдайлар да кездеседі.Тазалық мәдениетін қалыптастыруда тұрғындардың өз жауапкершілігі де маңызды. Алматыдан елордаға қонаққа келген Айман есімді тұрғын Ататүрік саябағында немерелерімен күн сайын серуендейтінін айтты.«Балаларға кішкентайынан тазалықты үйрету керек. Немерелеріме жеген балмұздақ пен тәттінің қағазын қоқыс жәшігіне тастау, гүлдерді жұлмау және айналаны ластамау керегін үнемі айтып отырамын. Тазалық әркімнің өзінен басталады. Осындай мәдениет қалыптастырсақ, қаламыз да әрдайым көрікті әрі таза болады», – дейді ол.Ұйымдастырушылардың айтуынша, рейдтердің негізгі мақсаты – азаматтарды жазалау емес, қоғамдық жауапкершілікті арттыру. Қоғамдық орындарды таза ұстау, табиғатқа ұқыпты қарау және ортақ кеңістікті күтіп ұстау – барша тұрғынның міндеті. «Таза Қазақстан» акциясы аясындағы түсіндіру және профилактикалық іс-шаралар алдағы уақытта да елорданың барлық саябағы мен демалыс орындарында жалғасады.<img src="https://knadmin.beoblood.kz/uploads/IMG_20260728_WA_0001_c9c60ed26a.jpg" alt="IMG-20260728-WA0001.jpg">

Елорда саябақтарында профилактикалық рейдтер өтіп жатыр

Сырдария ауданының әкімі Берік Сәрменбаевтың төрағалығымен Энергетикалық және коммуналдық секторларды жаңғырту ұлттық жобасын іске асыру барысы қаралды.Жиында электр желілерін жаңғырту бағытында атқарылып жатқан жұмыстар мен алдағы кезеңге жоспарланған жобалардың орындалу барысы сараланды.Ауданда электр желілерінің тозуын азайту және тұрғындарды сапалы әрі тұрақты электр қуатымен қамтамасыз ету мақсатында жүйелі жұмыстар жүргізілуде. Соңғы жылдары Айдарлы, Жетікөл, Аманкелді, Қоғалыкөл, Шаған және Қалжан ахун ауылдық елді мекендерінің электр желілері толықтай қайта жаңғыртылып, пайдалануға берілді.Биыл республикалық бюджет есебінен Асқар Тоқмағанбетов және Сәкен Сейфуллин ауылдарының электр желілерін қайта жаңғыртуға 1 млрд теңге қаржы бөлінді. Қазіргі таңда жобаларды іске асыруға дайындық жұмыстары аяқталып, құрылыс-монтаж жұмыстары жуық арада басталады. Аталған жобалардың нәтижесінде аудан бойынша электр желілерінің тозу деңгейі шамамен 50 пайызға дейін төмендейді деп күтілуде.Сонымен қатар, Тереңөзек кенті мен Нағи Ілиясов ауылының электр желілерін қайта жаңғыртуға жалпы құны 4,3 млрд теңгені құрайтын бюджеттік өтінім тиісті мемлекеттік органдарға ұсынылып, қазіргі уақытта қаржыландыру мәселесі қаралуда.Мәжіліс қорытындысында аудан басшысы қолайсыз ауа райы кезінде электр тарату желілерінде орын алатын авариялық жағдайлардың алдын алу, тұрғындарды сапалы әрі үздіксіз электр энергиясымен қамтамасыз ету бағытындағы жұмыстарды жандандыру қажеттігін атап өтті. Барлық жұмыстардың сапалы әрі белгіленген мерзімде орындалуын қамтамасыз етуді тапсырып, жауапты мекеме басшыларына нақты міндеттер жүктеді.<img src="https://knadmin.beoblood.kz/uploads/FB_IMG_1785239663060_17c3b422dd.jpg" alt="FB_IMG_1785239663060.jpg">

Электр желілерін жаңғырту бағытындағы атқарылып жатқан жұмыстарды талқылады 

1 тамыздан бастап Қызылордадағы кезекші Халыққа қызмет көрсету орталығының (ХҚКО) мекенжайлары өзгереді. Енді қала тұрғындары Ғ.Мұратбаев көшесі, 2Е жаңа мекенжайы бойынша қабылданады.Осы кезге дейін кезекші ХҚКО Астана даңғылы, 46 мекенжайында орналасқан болатын. Жаңа мекенжайға ауыстыру азаматтарға қызмет көрсетуді жаңа ғимаратта ұйымдастыру мақсатында жүзеге асырылуда. Ал Астана даңғылындағы цифрлық ХҚКО бұрынғыдай 09:00-ден 18:00-ге дейін жұмысын жалғастырады.Айта кетейік, кезекші ХҚКО-ның жұмыс кестесі өзгеріссіз қалады. Жұмыс күндері орталық 09:00-ден 20:00-ге дейін жұмыс істейді, бұл азаматтарға мемлекеттік қызметтерді негізгі жұмыс уақытынан кейін де алуға мүмкіндік береді. Сенбі күні қабылдау 09:00-ден 13:00-ге дейін жүргізіледі.Өзгеріс тек кезекші ХҚКО-ның мекенжайына қатысты. Мемлекеттік қызметтерді көрсету тәртібі мен жұмыс кестесі бұрынғыдай сақталады.

Тамыз айынан бастап Қызылордадағы ХҚКО-ның кезекші мекенжайлары өзгереді

Облыс әкімі Мұрат Ергешбаевтың төрағалығымен өткен мәжілісте «Энергетикалық және коммуналдық секторларды жаңғырту» ұлттық жобасын іске асыру барысы қаралды.Мәжіліске аудан әкімі Алмасбек Есмаханов селекторлық режим арқылы қатысып, жиыннан кейін облыс әкімінің жүктеген міндеттеріне сәйкес аппарат мәжілісін өткізді.Жиында инженерлік инфрақұрылымды жаңарту, коммуналдық қызметтердің сапасын арттыру, тұрғындарды үздіксіз электр энергиясымен, жылумен және ауыз сумен қамтамасыз ету бағытындағы жұмыстар жан-жақты сараланды.Аудан әкімі қазіргі таңда аудан бойынша электр желілерінің тозу деңгейі 67 пайызды, жылу желілерінің тозуы – 27,4 пайызды, ауыз су желілерінің тозуы – 44 пайызды, кәріз желілерінің тозуы 82 пайызды құрайтынын атап өтіп, бұл көрсеткіштерді кезең-кезеңімен төмендету жұмыстарын жеделдетудің маңыздылығына тоқталды.Бүгінде аудан аумағында инженерлік инфрақұрылымды жаңғырту бағытында бірқатар жобалар жүзеге асырылуда. Атап айтқанда, Жанқожа батыр, Бекарыстан би, Майдакөл және Ү.Түктібаев ауылдарында орамішілік газ желілерінің құрылыс-монтаждау жұмыстары жүргізілуде. Осыған байланысты аудан басшысы ауылдарды көгілдір отынмен қамту жұмыстарын жеделдету, тозығы жеткен электр желілерін кезең-кезеңімен жаңартуды, трансформаторлық қосалқы станцияларды жаңғыртуды, коммуналдық нысандардың тұрақты жұмыс жасауын қамтамасыз етуді және алдағы күзгі-қысқы жылыту маусымына дайындықты күшейтуді міндеттеді.Сондай-ақ газ желілерін заңнама талаптарына сәйкес коммуналдық меншікке кезең-кезеңімен өткізу, Әйтеке би кентінің кәріз жүйесін кеңейту жобасын қаржыландыру мәселесін пысықтау және коммуналдық кәсіпорындардың қысқы маусымға дайындық деңгейін арттыру жөніндегі жұмыстарды үйлестіру қажеттігі айтылды.Мәжілісте білім беру саласындағы өзекті мәселелер де назардан тыс қалмады. Аудан әкімі білім беру ұйымдарында жүргізіліп жатқан ағымдағы жөндеу жұмыстарын белгіленген мерзімде әрі сапалы аяқтауды қатаң ескертіп, әрбір нысандағы жұмыстардың тұрақты бақылауда болуын және жаңа оқу жылы басталғанға дейін барлық білім беру ұйымдарының толық дайын болуын қамтамасыз етуді тапсырды.Қосымша мәселе ретінде ауыл шаруашылығы жануарларын бірдейлендірудің ақпараттық дерекқоры мен статистикалық есеп арасындағы айырмашылықтар қаралды. Осыған сәйкес есепке алынбаған мал басын толықтай бірдейлендіру, мәліметтердегі сәйкессіздіктерді қысқа мерзімде жою және есептің нақтылығын қамтамасыз ету қажеттігі атап өтілді.Сонымен қатар ветеринариялық қауіпсіздікті қамтамасыз ету мәселесіне ерекше назар аударылды. Жауапты сала басшыларына Конго-Қырым геморрагиялық қызбасының алдын алу шараларын күшейту, елді мекендер мен мал қораларында кенеге қарсы залалсыздандыру жұмыстарын сапалы ұйымдастыру, қауіпті жануарлар ауруларының алдын алу, профилактикалық егу мен диагностикалық зерттеулерді уақтылы жүргізу, ветеринариялық-санитариялық талаптардың сақталуына тұрақты бақылау орнату міндеті жүктелді.Жиында аудан аумағындағы санитарлық тазалық пен абаттандыру жұмыстарының барысы да сараланды. Аудан орталығы мен елді мекендердегі тазалық жұмыстарын жүйелі жүргізу, стихиялық қоқыс орындарын жою, полигондардың жай-күйін ретке келтіру, ескерткіштерді тазалау және қураған ағаштарды кесу бағытындағы жұмыстарды жандандыру қажеттігі айтылып, бұл мәселелер бойынша жауапты сала басшылары мен ауылдық округ әкімдеріне нақты тапсырмалар берді.Жиын қорытындысында аудан әкімі барлық жауапты басшыларға көтерілген мәселелер бойынша атқарылатын жұмыстарды белгіленген мерзімде сапалы жүзеге асырып, әрбір тапсырманың сапалы орындалуын тұрақты бақылауда ұстауды міндеттеді.

Әлеуметтік мәселелер қаралды 

Бүгін ҚР Премьер-министрі Олжас Бектеновтің төрағалығымен өткен Үкімет отырысында «Энергетикалық және коммуналдық секторларды жаңғырту» ұлттық жобасын іске асыру барысы қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте осы және қосымша мәселелер талқыланып, &nbsp;жауапты сала басшыларына тапсырмалар жүктелді.Аймақ басшысы «Қызылорда электр тарату тораптары», «Қызылорда су жүйесі» және «Қызылорда жылу электр орталығы» мекемелеріне электр, жылу, ауызсу және кәріз желілерін жаңғырту жұмыстарын ұлттық жоба аясында сапалы әрі уақытылы ұйымдастыруды тапсырды.&nbsp; Сонымен қатар, табиғи монополияларды реттеу департаментіне &nbsp;жобаларды коммуналдық кәсіпорындардың тарифтік сметасына енгізуді жеделдетуді міндеттеді.Тұтынушыларды коммуналдық қызметтермен үздіксіз қамтамасыз ету - негізгі басымдықтардың бірі. &nbsp;Сондықтан жауапты мекемелер жұмысты үйлесімді әрі тиімді ұйымдастыруы керек.Биыл электр энергиясымен, жылумен қамтудың, ауызсу және су бұру желілерін жаңғыртудың 20 жобасы &nbsp;несие қаражатын тартпай, бюджет &nbsp;есебінен жүзеге асырылуда, 12 млрд теңгеге 5 жоба жоспарланған. Өңірде коммуналдық-энергетикалық инфрақұрылым нысандары жоспар бойынша &nbsp;жаңғыртылуда. Бүгінде электр желілері мен қондырғыларының 60 пайызы, жылу желілерінің 40, сумен жабдықтау желілерінің 15,8, ал су бұру желілерінің 16,9 пайызы тозған.

Ұлттық жобаны іске асыру барысы талқыланды 

Елімізде коммуналдық төлемдерге берілетін тұрғын үй көмегін тағайындау процесі автоматтандырылып, өңірлерде есептегіш құралдарды жаппай орнату жоспарланып отыр. Бұл туралы Премьер-министрдің орынбасары Қанат Бозымбаев Үкімет отырысында айтты.Вице-премьер «Энергетикалық және коммуналдық секторларды жаңғырту» ұлттық жобасын іске асыруда шешуді қажет ететін үш негізгі міндетке тоқталды. Біріншіден, артта қалған өңір әкімдіктері биылғы инфрақұрылымдық жобалардың уақытылы аяқталуын ерекше бақылауға алуы қажет.<blockquote>– Әкімдіктер биылғы жобаларды іске асыруды ерекше бақылауға алып, жөндеу жұмыстарының уақытылы аяқталуын қамтамасыз етуі керек. Сонымен қатар келесі жылға арналған барлық өңірлік жобалар бойынша дайындық жұмыстарын алдын ала пысықтап, қажетті шараларды уақытылы қабылдау қажет, – деді Қанат Бозымбаев.</blockquote>Екінші маңызды мәселе – коммуналдық секторды цифрландыру.Оның айтуынша, тұтынушыларды есепке алу құралдарымен толық қамтымайынша, цифрландыруды жүзеге асыру мүмкін емес.Осыған байланысты Энергетика, Өнеркәсіп және құрылыс министрліктеріне әкімдіктермен бірлесіп, әр өңірдегі есепке алу аспаптарына деген нақты қажеттілікті анықтап, 2029 жылға дейінгі іс-қимыл жоспарын әзірлеу тапсырылды.Үшінші бағыт тұрғын үй көмегін алу рәсімдерін жеңілдетуге қатысты. Қазір коммуналдық төлемдерді өтеуге берілетін әлеуметтік көмекті тағайындау процесін автоматтандыру жұмыстары жүргізіліп жатыр.<blockquote>– Процестерді толық автоматтандыру мақсатында Өнеркәсіп және құрылыс министрлігі, Еңбек және халықты әлеуметтік қолдау министрлігі және әкімдіктер бірлесіп, қысқа мерзімде Бірыңғай есеп айырысу орталықтарының мемлекеттік ақпараттық жүйелерімен тиісті интеграция жүргізуі қажет, – деді Қанат Бозымбаев.</blockquote>Осылайша Үкімет коммуналдық саланы цифрландыруды жеделдетіп, тұрғындардың коммуналдық төлем бойынша мемлекеттік қолдау алуын жеңілдетпек.Сурет: freepik.com&nbsp;

Қазақстанда коммуналдық төлемдерге берілетін әлеуметтік көмек автоматтандырылады

International Steppe School of Almaty by NIS оқушылары Шанхайда өткен Tigers Math China 2026 халықаралық математика олимпиадасының финалында үздік нәтиже көрсетті. Әлихан Иманжанов бірінші орын, Сағи Зейін-Ғабиден екінші орын, ал Ерали Ербатыр үшінші орын иеленді.Сайыс қорытындысы бойынша International Steppe School of Almaty by NIS оқушылары олимпиаданың абсолютті чемпиондары атанып, халықаралық білім беру жобаларына қатысу мүмкіндігіне ие болды. Жеңімпаздар келесі жылы Сингапур, Канада және Грекияда өтетін халықаралық финалдарға тегін жолдама, сондай-ақ халықаралық білім беру лагеріне шақырту алды.Tigers Math China 2026 финалы беделді Wycombe Abbey International School базасында өтіп, 25-ке жуық елден келген 8 500-ден астам жас математикті бір алаңға жинады. Қатысушылар қатарында Қазақстан, Өзбекстан, Қырғызстан, Ресей, Әзербайжан, Қытай, Оңтүстік Корея, Сингапур, Малайзия, Индонезия, Вьетнам, Таиланд, Жапония, Үндістан, Филиппин, Біріккен Араб Әмірліктері, Түркия және басқа да елдердің өкілдері болды. 5–12-сынып оқушылары өз білімін, математикалық ойлау қабілетін және стандарттан тыс шешім табу шеберлігін көрсетті.Айта кетейік, Tigers Math – дарынды оқушылардың басын қосатын, зияткерлік бәсекеге, логикалық ойлауды дамытуға және әр елден келген қатысушылар арасында тәжірибе алмасуға мүмкіндік беретін халықаралық математика олимпиадасы.

Қазақстан және Қызылорда облысының жаңалықтары: Қоғам