<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев құқық қорғау органдарының бірінші басшыларымен бірге Жаңақорғандағы Оқушылар үйінде аудан тұрғындарын жеке мәселелері бойынша қабылдады. &nbsp;Жаңақорғандықтар негізінен тұрғын үй, жер кезегі, денсаулық сақтау саласына қатысты сұрақтарды көтерді.Атап айтсақ, зейнеткер мүгедектігі бар баласына тұрғын үй, &nbsp;аудан тұрғыны шипажайға жолдама &nbsp;беру мәселесін қозғады. Аймақ басшысы барлық сауалға орай &nbsp;заң аясында тиісті шара қабылдауды жауапты сала басшыларына тапсырды.Мемлекет басшысының бастамасымен қолға алынған «Халық үніне құлақ асатын мемлекет» тұжырымдамасының түпкі мақсаты – билік пен қоғам арасында тұрақты диалог орнату.&nbsp;Қабылдауда 40-қа жуық азаматтың өтініші жан-жақты қаралып талқыланды. &nbsp;Ал, облыс әкімі 20-ға жуық тұрғынның сұрақтарына жауап берді.<img src="https://knadmin.beoblood.kz/uploads/Zha_a_or_an_oblys_kimi_abyldau_2_d2fac3e66d.jpg" alt="Жаңақорған облыс әкімі қабылдау 2.jpg">

Аймақ басшысы жаңақорғандық тұрғындарды қабылдады

<a href="https://kyzylorda-news.kz/">Kyzylorda-news.kz</a> “AMANAT ”партиясы облыстық филиалының атқарушы хатшысы Ләйлә Төрешованың төрағалығымен &nbsp;партияның облыстық филиалы Саяси кеңесі Бюросының отырысы өтті. Алқалы жиында облыстық филиалдың кезектен тыс ХХХV конференциясын шақыру, конференцияның күн тәртібін бекіту, филиал төрағалығына кандидат ұсыну және облыстық Саяси кеңесті шақыру туралы мәселелер қаралды.&nbsp;Бюро отырысында партияның облыстық филиалының &nbsp;Атқарушы хатшысы Ләйлә Төрешова партияның Қызылорда облыстық филиалының төрағасы Алмасбек Есмахановтың аудан әкім болып сайлануына байланысты бұл лауазымға &nbsp;облыстық филиалдың Саяси кеңесі Бюросының ұсынуымен және партияның Орталық аппаратының келісімімен ұсынылып отырған кандидатты таныстырды.&nbsp;Ол өз сөзінде 19 қарашада сайлау қорытындысымен партияның облыстық филиалы Төрағасы Есмаханов Алмасбек Әбілқасымұлы Қазалы ауданының әкімі болып сайлануына байланысты бос тұрған филиал төрағасы орнына облыстық филиалы Саяси кеңесі Бюросының ұсынуымен және партияның Орталық аппаратының келісімімен Базартай Жандос Нұртайұлының кандидатурасы ұсынылып отырғандығын жеткізді.&nbsp;Қоғамдық ұйымдарды тиімді басқару тәжірибесін жинақтап, мемлекеттік қызметте де жауапты жұмыстарды абыроймен атқарған облысқа танымал азаматтың кандидатурасын Бюро мүшелері бір ауыздан қолдады.&nbsp;Бюро отырысының күн тәртібіндегі барлық мәселелер толық қаралып, Бюро мүшелерімен нақты шешімдер қабылданды. &nbsp;

Саяси кеңес бюросының отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев құқық қорғау органдарының бірінші басшылары, облыстық мәслихат төрағасы, еңбек ардагерлерімен бірге Жаңақорған ауданындағы «Caspian Services Asia» ЖШС-нің жол бойындағы заманауи қызмет көрсету кешенінің жұмысымен танысты.&nbsp;Жеке инвестор кешен құрылысына 1 млрд. теңге салған. Мұнда 64 адам жұмыспен қамтылған. Қонақ үй мен 60 адамға арналған жолаушыларға қызмет көрсету (автовокзал) орны бар. Былтыр құрылысы басталған нысанда &nbsp;бір мезетте 110 келушіге қызмет көрсететін қоғамдық тамақтану орны қарастырылған. Сонымен қатар кешен аумағында жанармай құю бекеті де орналасқан.Аймақ басшысы жаңа нысанды көріп, жол бойындағы қызмет көрсетудің озық тәжірибелеріне сүйеніп жұмысты жетілдіре түсу маңызды екенін атап өтті.<img src="https://knadmin.beoblood.kz/uploads/Zhol_bojy_yzmet_k_rsetu_ortaly_y_2_6e9b568299.jpg" alt="Жол бойы қызмет көрсету орталығы 2.jpg">

Жаңақорған: Жол бойы қызмет көрсету кешені заманауи талаптарға сай

<a href="https://kyzylorda-news.kz/">Kyzylorda-news.kz</a> 2025 жылы 20-21 қарашада Қызылорда облысының Төтенше жағдайлар департаментінде “Қыс-2025” командалық-штабтық оқу-жаттығуын өткізу жөнінде Қызылорда облысының Төтенше жағдайлар департаментінің бастығы полковник Мадияр Мырзагелдиевтің төрағалығымен жиын өтті.Жиынға азаматтық қорғаудың мемлекеттік жүйелерінің басшылары қатысты.&nbsp;Жиында оқу-жаттығуға қатысатын күш-құралдардың атқаратын іс-қимылдары пысықталды. Сонымен бірге оқу-жаттығудың өткізілуі барысында орындалатын іс-қимылдар бойынша жауапты мамандарға тапсырмалар жүктелді.

“Қыс-2025” командалық-штабтық оқу-жаттығуының өту барысы талқыланды

<a href="https://kyzylorda-news.kz/">Kyzylorda-news.kz</a> &nbsp;Астанада «Шабыт» халықаралық шығармашылық байқауының финалдық кезеңі басталды.«Шабыт» байқауы – соңғы отыз жылға &nbsp;жуық уақыт ішінде әртүрлі елдің талантты жастарын біріктіретін ең ірі халықаралық шығармашылық платформалардың бірі болып келеді. Биыл &nbsp;қатысушылармен қазылар алқасының географиясы бұрынғыданда кеңейіп, жобаның беделі мен маңыздылығын айқын дәлелдеп отыр. «Шабыт»–2025 байқауының халықаралық қазылар алқасына Қытай, Ресей, Түркия, Италия, Қырғызстан және Өзбекстан елдерінің танымал музыканттары, өнер қайраткерлері мен салалық сарапшылары енді.<img src="https://knadmin.beoblood.kz/uploads/Whats_App_Image_2025_11_19_at_10_40_28_efe534affd.jpeg" alt="WhatsApp Image 2025-11-19 at 10.40.28.jpeg"><blockquote>– Елордамен бірге қалыптасып, дамып келе жатқан бұл бірегей шығармашылық фестиваль жастар үшін ерекше маңызды. Әлемге талай дарынды жасты танытқан «Шабыт» биыл 28-рет ұйымдастырылып отыр. Аздаған үзілістен кейін қайта жалғасқан байқау өз деңгейін жоғалтпай, бас қаланың жаңашылдық пен жас таланттардың ордасы екендігін тағы бір мәрте дәлелдеп отыр, – деді Астана қаласы әкімінің орынбасары Есет Байкен.</blockquote>Жеребе тарту кезеңі финалистердің өнер көрсету ретін белгілеп, конкурс күндерінің динамикасын айқындайтын маңызды сәт болмақ. «Шабыт» мәдениет, тәжірибе және жаңа идеялар тоғысатын халықаралық шығармашылық зертханасы ретіндегі мәртебесін нығайта түсуде.<blockquote>– «Шабыт» фестивалі өңірде баламасы жоқ бірегей шығармашылық алаң. Биылғы маусымда еліміздің түпкір-түпкірінен және алыс-жақын шетелдерден 800-ден астам өтінім келіп түсті, бұл шығармашыл жастардың байқауға деген қызығушылығының артып келе жатқанын көрсетеді. Қазылар алқасының құрамына әлемнің және еліміздің білікті, танымал өнер қайраткерлері енді. Қатысушыларға әділ, кәсіби бағалау алуға мүмкіндік береді, – деді Астана қаласы мәдени іс-шараларды өткізу дирекциясының жетекшісі Бағдат Бекмадина.</blockquote><img src="https://knadmin.beoblood.kz/uploads/Whats_App_Image_2025_11_19_at_10_40_31_c9a1d963e0.jpeg" alt="WhatsApp Image 2025-11-19 at 10.40.31.jpeg">«Шабыт» фестивалінің жеңімпаздары мен Гран-при иегерлерін салтанатты түрде марапаттау рәсімі 22 қараша күні Қазақ ұлттық өнер университетінде (ҚАЗҰӨУ, «Шабыт» ғимаратында) өтеді. Рәсім барысында барлық номинациялар бойынша лауреаттар мен байқаудың басты жүлдесінің иегері жарияланады.Толық ақпарат: <a href="https://shabyt2025.kz/">shabyt2025.kz</a> ресми сайтында

"Шабыт" халықаралық шығармашылық байқауының финалдық кезеңі басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жаңақорған ауданындағы автоматты газ тарату станциясының ашылу рәсімі өтті. Оған құқық қорғау органдарының бірінші басшылары, облыстық мәслихат төрағасы, ардагерлер қатысты.Аймақ басшысы өңір экономикасын өркендету жолындағы &nbsp;жетістіктерді, жаңа нысанның аудан инфрақұрылымына қосатын үлесін атап өтті.<blockquote>«Сіздермен бірге Жаңақорған автоматты газ тарату станциясын салтанатты түрде іске қосамыз. 2015 жылы жұмысын бастаған, қуаты 20 000 м³/сағат болатын станция сол уақытта Жаңақорған кенті мен 6 елді мекендегі 45 мыңға жуық тұрғынды газбен қамтамасыз етіп келді. Қазір &nbsp;қуаттылығы 2 есеге дейін (40 000 м³/сағатқа) дейін ұлғайтылды. Жоба құны 2 млрд. 300 млн. теңге, осы арқылы ауданның Сыр беткейіндегі Қожакент, Өзгент, Ақсуат, М.Нәлібаев, Жаңарық, Қыркеңсе, Байкенже, Билібай елді мекендерінің 12 мыңға жуық тұрғыны көгілдір отынның игілігін көреді. Соның ішінде &nbsp;6 млрд. теңгеге &nbsp;6 ауылға газ тарту жұмыстары «ҚазақГаз» компаниясының инвестициялық бағдарламасымен жүзеге асады. Бұл арқылы ауданның газдандыру көрсеткіші 67 пайызға жетеді. Автоматтандырылған газ тарату стансасына ірі өндіріс орындары, атап айтқанда, &nbsp;жылына 3500 тонна өнім өндіретін құс фабрикасы, құрылысы келесі жылы бастау алатын, 1500 адамды жұмыспен қамтитын &nbsp;«Шалқия цинк» кен байыту фабрикасы, өзге де &nbsp;нысандар қосылады. Тағы 5 елді мекенді, яғни Сунақата, Еңбек, Екпінді, Қожамберді, Тақыркөлді газбен қамту жобасы әзірленіп, жұмыс жоспарланды. Бұл инфрақұрылымдық жоба халықтың тұрмыс сапасын жақсартуға жаңа серпін береді», - деді Н.Нәлібаев.</blockquote>Рәсімде ауданның әлеуметтік-экономикалық дамуына үлес қосқан аға буын мен газдандыру жұмысын жүргізген мердігер мекеме қызметкерлері облыс әкімінің Алғыс хатымен марапатталды. Қоғам қайраткері Нажмадин Мұсабаев жаңа бастамаға бата берді.Шарадан кейін аймақ басшысы &nbsp;сол жерде аудан ардагерлерімен кездесіп, өңірдегі бастамаларды, инвестициялық, инфрақұрылымдық жобаларды жүзеге асыру барысы туралы айтты.<img src="https://knadmin.beoblood.kz/uploads/Avtomatty_gaz_taratu_stancziyasy_c4a6f23c19.jpg" alt="Автоматты газ тарату станциясы.jpg">

Жаңақорғанда автоматты газ тарату станциясы іске қосылды

Нұрлыбек Нәлібаев: Халық сенімі іске серпін береді

<a href="https://kyzylorda-news.kz/">Kyzylorda-news.kz</a> “AMANAT” партиясы алаңында облыстық мәслихаттағы «AMANAT» партиясы фракциясының мүшесі Рахметов Алмас Алтынбайұлы кестеге сәйкес қоғамдық қабылдау өткізді.Фракция мүшесінің қабылдауына келген азаматтар ауыз су, табиғи газ мәселесі, әлеуметтік қолдау шаралары және де науқас баласының еміне қаржылай көмек көрсету тақырыптар бойынша өтініштерін білдірді.Өз кезегінде Алмас Алтынбайұлы айтылған мәселелерді шешу жолдарын ұсынып, заң нормалары аясында түсіндірме жүргізді. &nbsp;Тиісті мемлекеттік мекемелермен байланыс орнатып, аталған мәселелердің шешілу жолдарын қарастырды.Сонымен қатар, науқас баланың еміне қаржылай көмек көрсетті. Қабылдау барысында аталған барлық мәселе жеке бақылауда болып, оң нәтижеге қол жеткізу үшін тиісті шаралар қабылданатыны айтылды.

“AMANAT”: Фракция мүшесі қабылдау өткізді

<a href="https://kyzylorda-news.kz/">Kyzylorda-news.kz</a> Бүгін&nbsp;Қазалы&nbsp;ауданының әкімі Алмасбек Есмаханов денсаулық сақтау саласының ардагерлері Құбыл Ршымбетов, Болат Сәдуов және Омарғали Басымбеков сынды азаматтармен кездесті.Кездесуде аудан әкімі өңірде Президентіміз Қасым-Жомарт Тоқаевтың қолдауымен, облыс әкімі Нұрлыбек Нәлібаевтың басшылығымен медицина саласында атқарылып жатқан игі жұмыстар жайында айтып өтті.<blockquote>- Өздеріңіз білесіздер, аудандағы денсаулық сақтау саласында елдің игілігіне бағытталған ауқымды жұмыстар атқарылып келеді. Бұған дейін ауданымыздағы Абай, Бозкөл және Кәукей ауылдарында «Ауылда денсаулық сақтауды жаңғырту» ұлттық жобасы аясында дәрігерлік амбулториялар пайдалануға берілсе, биыл ұлттық жобасы аясында Қазалы аудандық көп бейінді орталық ауруханасының жанынан 42 төсектік кардиология және инсульт орталығының құрылысы қарқынды жүргізілуде. Аудан халқына жоғары және сапалы медициналық көмек көрсетуге арналған орталықтың құрылысы желтоқсан айының екінші онкүндігінде аяқталатын болады. Жоба бойынша онда бүгінге дейін аудан тұрғындары үшін ең өзекті мәселелердің бірі болып келген МРТ құрылғысы орнатылып, тиісті мамандардың білімі жетілдірілмек. Өткен жылы аймақ басшысының қолдауымен ауданның денсаулық сақтау ұйымдарының автопаркін жаңару мақсатында 25 санитарлық автокөлік алынып, бүгінде халыққа сапалы қызмет етуде. Әрине, мұның барлығы аймақ басшысының денсаулық сақтау саласының дамуына көрсеткен үлкен қолдауының нәтижесі, - деді аудан әкімі.</blockquote>Алмасбек Әбілқасымұлы сала ардагерлерімен кездесу барысында Қазалы ауданының Құрметті азаматы, медицина саласының ардагері Құбыл Ршымбетовті 77 жасқа толған төл мерекесімен құттықтады. Сондай-ақ үлкенге құрмет көрсетудің, адал еңбекті бағалаудың маңызын атап өтті.Айта кетейік, өткен жылы 50 жыл бойы өңірдің медицина саласында қалтқысыз қызмет атқарып, адал еңбегімен халықтың ықыласына бөленген ардақты азамат Құбыл Ршымбетұлына - Президент Жарлығымен Сыр өңірінің медицина саласының дамуына қосқан үлесі үшін мемлекеттік награда - «Ерен еңбегі үшін» медалі табысталған болатын.Басқосуда аудандық мәслихат төрағасы Ғазиз Әліш пен медицина саласының ардагерлері Болат Сәдуов саладағы оң өзгерістер, халықтың денсаулығын жақсарту бағытындағы жұмыстарға алғыстарын жеткізіп, мереке иесіне ізгі тілектерін жеткізді.

Қазалы: Аудан әкімі денсаулық сақтау саласының ардагерлерімен кездесті

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы Достық үйінің мәжіліс залында облыстық Қазақстан халқы Ассамблеясы жанындағы Ақсақалдар кеңесінің төртінші отырысы өтті. Жиынға облыстық, қалалық және аудандық Ақсақалдар кеңестерінің төрағалары мен мүшелері, сондай-ақ «Қоғамдық келісім» КММ қызметкерлері мен этномәдени бірлестіктердің өкілдері қатысты.Отырысты Ақсақалдар кеңесінің төрағасы Нұрмұрат Ерманов ашып, қатысушыларды күн тәртібімен таныстырды. Ол өз сөзінде аймақтағы Ақсақалдар кеңесінің 2023 жылдан бері үздіксіз жұмыс істеп келе жатқанын, түрлі бағытта маңызды жобалар жүзеге асырылғанын атап өтті. Сонымен қатар биылдан бастап жыл қорытындысын шығару мақсатында барлық деңгейдегі кеңестердің атқарған жұмыстары тыңдалатынын жеткізді.Кеңесте екі негізгі мәселе қаралды: Байқоңыр қалалық және Қармақшы аудандық Ақсақалдар кеңестерінің жылдық жұмыстарының есебі.Алғашқы болып Байқоңыр қалалық Ақсақалдар кеңесі төрағасының орынбасары Шайқыбек Сүйеумбетов баяндама жасады. Нұрмұрат Наятұлы оның берген ақпаратын жоғары бағалап, Байқоңырдың стратегиялық маңызы зор аймақ екенін, сондықтан онда атқарылған әрбір бастама аса жауапкершілікпен жүргізілетінін атап өтті. Қалалық кеңестің биылғы жылдағы жұмысы жүйелі ұйымдастырылғанын айтып, алдағы қызметтеріне сәттілік тіледі.Одан кейін Қармақшы аудандық Ақсақалдар кеңесінің төрағасы Шегебай Құндақбаев жыл көлемінде атқарылған жұмыстар жөнінде баяндама жасады. Кеңес мүшелері Қармақшыдағы қоғамдық келісім мен рухани тәрбие бағытындағы бастамаларды ерекше атап өтіп, пікірлерін ортаға салды.Пікір алмасу бөлімінде қатысушылар өңірдегі қоғамдық тұрақтылықты нығайту, ұрпақ тәрбиесін жетілдіру, ауылдық жерлердегі үйлестіру жұмыстарын арттыру жөнінде ұсыныстар айтты. Әсіресе жастар арасындағы тәрбиелік кездесулер мен этносаралық татулықты сақтау бағытындағы шараларды күшейту қажеттігі қозғалды.Жиын қорытындысында Ақсақалдар кеңесінің төрағасы Нұрмұрат Ерманов баяндамашылардың көтерген мәселелері бойынша тиісті ұйымдарға ресми ұсынымдар жолданатынын жеткізді. Сондай-ақ алдағы уақытта қосымша мәліметтерді дер кезінде ұсыну қажеттігін еске салды.Отырыс мазмұнды пікірталаспен өтіп, өңірдегі қоғамдық келісім саласындағы жұмыстардың жаңа бағыттары айқындалды, сондай-ақ Ақсақалдар кеңесінің бірқатар мүшелері марапатталды.

Қызылордада Ақсақалдар кеңесінің төртінші отырысы өтті

<a href="https://kyzylorda-news.kz/">Kyzylorda-news.kz</a> Ұлттық суперкомпьютер «Alem.Cloud» әлемдегі ең қуатты есептеу жүйелерінің халықаралық рейтингі TOP500 тізімінде 86 орынды иеленді. Бұл рейтингке тек HPL (High-Performance Linpack) стандарты бойынша тәуелсіз тестілеуден өткен, яғни әлемдік деңгейде мойындалған есептеу өнімділігіне ие кластерлер ғана енгізіледі.«Alem.Cloud» ұлттық суперкомпьютер кластері Мемлекет басшысының тапсырмасы бойынша Жасанды интеллект және цифрлық даму министрлігіне қарасты «Ұлттық ақпараттық технологиялар» АҚ инфрақұрылымының негізінде құрылған болатын. Суперкомпьютер жасанды интеллект, жоғары өнімді есептеулер және үлкен деректерді талдау бағыттарындағы жобаларды іске асыруға арналған. Кластердің архитектурасы жоғары тығыздықтағы бірыңғай GPU-кешеніне біріктірілген 64 HPE Cray серверінің базасында іске қосылған. Әрбір есептеу торабы жоғары жылдамдықты қамтамасыз ететін NVIDIA H200-бен жабдықталған.Alem.Cloud суперкомпьютері жобасы Біріккен Араб Әмірліктеріндегі G42 тобына кіретін Presight халықаралық технологиялық компаниясымен бірлесіп жүзеге асырылды. Presight жоғары өнімді есептеу кластерлерін жобалау мен AI экожүйесін дамытуға техникалық қолдау көрсетіп, әлемдік үздік тәжірибелерді Қазақстанның қажеттіліктеріне бейімдеуге мүмкіндік берді.Жүйе жоғары петафлопс диапазонында өнімділікті қамтамасыз етеді және Қазақстан мен Орталық Азия аймағындағы ең қуатты есептеу платформасы болып саналады. Суперкомпьютер бағдарламалық жасақтамасы SUSE Harvester (виртуализация және таратылған есептеулерге арналған жаңа буын гипервизоры), SUSE Rancher (Kubernetes пен AI-жүктемелерін орталықтан басқару платформасы) технологияларын қамтиды. Кластердің қауіпсіздігін қамтамасыз ету үшін SUSE NeuVector (контейнерлік қауіпсіздік, желілік бақылау және рантайм-қорғау жүйесі), Palo Alto Networks желілік сегментация және киберқауіпсіздік шешімдері, сондай-ақ Thales криптографиялық және аппараттық шифрлау құралдары қолданылады.Бұған дейін «ҰАТ» АҚ техникалық мамандары халықаралық серіктестермен бірлесіп, HPL (Linpack) әдістемесі бойынша кешенді тестілеу жүргізді. Мақсаты – жүйенің нақты есептеу өнімділігін өлшеу және оның TOP500 рейтингінде тіркеуге дайын екенін растау. Нәтижесінде суперкомпьютер қажетті көрсеткіштерге жетіп, Қазақстанның жаһандық TOP500 рейтингіне ресми түрде өтінім беруіне мүмкіндік берді.

Қазақстан әлемдегі ТОП-100 суперкомпьютер қатарына енді

<a href="https://kyzylorda-news.kz/">Kyzylorda-news.kz</a> &nbsp;Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен 2025 жылғы 20-21 қараша аралығында Арал қаласында өткізілетін «Қыс - 2025» облыстық командалық-штабтық оқу-жаттығуын ұйымдастыруға арналған арнайы жиын өтті.«Қыс - 2025» оқу-жаттығуын дайындау және өткізу жөніндегі нұсқаулыққа сәйкес, биылғы оқу-жаттығудың өткізу орны ретінде Арал қаласы белгіленген болатын. Себебі ауданның күрт континенттік климаты, қыста боран, үскірік, қатты аяз, қарлы жаңбыр секілді табиғи құбылыстардың жиі болуы техногендік және табиғи сипаттағы төтенше жағдайлар туындау қаупін арттырады.Аудан аумағында алғаш рет өткізілгелі отырған облыстық деңгейдегі бұл оқу-жаттығуға дайындық барысы туралы аудандық төтенше жағдайлар бөлімінің бастығы А.Сыдықов хабарлама жасады.Аудан әкімі Аманжол Сақыпұлы оқу-жаттығудың маңыздылығына тоқталып, оны жоғары деңгейде ұйымдастыру қажеттігін атап өтті. Сондай-ақ аудандық азаматтық қорғау қызметтерінің дайындығын жан-жақты пысықтап, әр мекеме басшысына өз бағыты бойынша нақты жоспар құрып, жауапкершілікпен жұмыс істеуді тапсырды.Жиында аудан басшысы тарапынан оқу-жаттығу кезеңінде орындалатын нұсқаулықтарды қатаң сақтау, кезекшілік қызметтерін күшейту, қажетті техника мен құрал-жабдықтарды әзірлеу, халықты ақпараттандыру жұмыстарын пысықтау керектігі жауаптыларға жүктелді.Фото: Арал ауданы әкімінің баспасөз қызметі

Қазақстан және Қызылорда облысының жаңалықтары: Қоғам