Төтенше жағдайларды жою жөніндегі республикалық жедел штабтың отырысы өтті

<a href="https://kyzylorda-news.kz/">Kyzylorda-news.kz</a> Бесарық ауылындағы «Абай Дәулет» шаруа қожалығының ұжымымен «Жаңа Конституциялық реформа – әділетті қоғамның негізі» тақырыбында пікір алмасу ұйымдастырылды. Кездесу барысында елімізде жүзеге асып жатқан конституциялық реформалардың маңызы, оның қоғам дамуына және азаматтардың құқықтарын қорғауға тигізетін оң әсері кеңінен талқыланды.Ұжым мүшелері реформалардың басты мақсаты – әділетті қоғам құру, заң үстемдігін нығайту және халықтың мемлекеттік басқаруға қатысу мүмкіндігін кеңейту екенін атап өтті. Сонымен қатар, әрбір азаматтың ел болашағына бейжай қарамай, қоғамдық-саяси бастамаларға белсенді қатысуы маңызды екені айтылды.Кездесу барысында қатысушылар өз ой-пікірлерін білдіріп, реформалардың қоғам дамуы үшін маңызы зор екенін жеткізді.Фото: «Абай Дәулет» шаруа қожалығы

«Абай Дәулет» шаруа қожалығында әділетті қоғам мен жаңа реформалар жайында пікір алмасу өтті

<a href="https://kyzylorda-news.kz/">Kyzylorda-news.kz</a> «Анаға тағзым» орталығында облыс әкімінің орынбасары Мейрамбек Шермағанбет әлеуметтік сала, білім, мәдениет, денсаулық сақтау бағыттарындағы қызмет атқарып жүрген нәзік жандылармен кездесіп, «Жаңа прогрессивті Конституция – біздің бірлігіміздің негізі» тақырыбында басқосу өткізді.Кездесудің басты мақсаты – жаңа Конституцияның мән-маңызын түсіндіру, қоғамдағы бірлік пен жауапкершілікті талқылау және әлеуметтік сала мамандарымен ашық пікір алмасу болды. Бұл жиын Астана қаласында өткен «Әйел әлемі – ел тағдырына жауапкершілік» тақырыбындағы көшбасшы әйелдердің кездесуімен үндесіп, өңірлік деңгейде жалғасын тапты.Өз сөзінде Мейрамбек Шермағанбет жаңа Конституциялық модель мемлекет пен қоғам арасындағы сенімді нығайтуға, азаматтардың құқықтары мен бостандықтарын қорғау тетіктерін жетілдіруге бағытталғанын жеткізді. Сонымен қатар, әлеуметтік сала қызметкерлерінің қоғамдағы тұрақтылық пен бірлікті сақтаудағы рөлі ерекше екенін атап өтті.«Сіздерді көктемнің шуақты шуағымен келетін, нәзіктік пен парасаттың, мейірім мен адалдықтың айрықша символына айналған 8 наурыз – Халықаралық әйелдер күнімен шын жүректен құттықтаймын. Қоғамның әр саласында аянбай еңбек етіп, ел дамуына үлес қосып жүрген Сіздердің еңбектеріңіз әрдайым құрметке лайық. Жаңа Конституция жобасы адам құқықтарына басымдық беріп, отбасы институтын нығайтуға, әлеуметтік жауапкершілікті арттыруға, цифрлық құқықтарды қорғауға және экологиялық қауіпсіздікті қамтамасыз етуге бағытталған маңызды нормаларды қамтиды. Бұл құжат – ел болашағын баянды ететін стратегиялық бағдар. Сондықтан өңіріміздің қоғамдық өміріне белсенді араласып жүрген арулар ретінде Сіздерді бұл маңызды бастаманың мән-маңызын халық арасында кеңінен түсіндіруге шақырамын. Бірлік пен жауапкершілік бар жерде елдің болашағы әрдайым жарқын болады», – деді Мейрамбек Зинабдинұлы.Кездесу барысында қатысушылар өз ойларын ортаға салып, ұсыныстарын білдірді. Ашық әрі мазмұнды форматта өткен жиын қоғамдағы ынтымақ пен жауапкершілік қағидаттарын нығайтуға бағытталған маңызды алаңға айналды.Жаңа Конституция ел бірлігінің, тұрақтылық пен дамудың берік тұғыры екені тағы бір мәрте айқын көрінді.Фото: Қоғамдық даму басқармасы

Жаңа прогрессивті Конституция – әлеуметтік саланың дамуы мен ел бірлігінің негізі

<a href="https://kyzylorda-news.kz/">Kyzylorda-news.kz</a> Арал ауданы, Жаңақұрылыс ауылында «Әділетті және Прогрессивті Қазақстанның Халықтық Конституциясы үшін!» аумақтық коалициясы тұрғындармен &nbsp;кездесу ұйымдастырып, жаңа Конституция жобасының мәнін жан-жақты түсіндірді.Кездесудің басты мақсаты – жаңа Конституция жобасының елдің саяси тұрақтылығы мен әлеуметтік дамуына әсерін көрсету және алдағы республикалық референдумның тарихи маңызын түсіндіру болды.Коалиция жетекшісі тұрғындарға жаңа Конституцияның елдің заман талабына сай жаңғыруына, ауылдық жерлерді дамытуға, азаматтардың құқықтары мен бостандықтарын қорғауға, мемлекеттік басқарудың ашықтығы мен әділдігін арттыруға қалай ықпал ететінін егжей-тегжейлі түсіндірді.Коалиция мүшелері жаңа Конституцияның басты басымдығы – адамға бағдарлану екенін атап өтті. Преамбулада адам құқықтары мен бостандықтары алғаш рет мемлекеттің негізгі басымдығы ретінде белгіленіп, мемлекеттік биліктің қайнар көзі – Қазақстан халқы екені нақты көрсетілген. Бұл ұстаным бүкіл Конституцияның мазмұны мен бағытын айқындайды.<img src="https://knadmin.beoblood.kz/uploads/Zha_a_Konstitucziya_zhobasy_2_2396551c8d.jpg" alt="Жаңа Конституция жобасы 2.jpg">

Арал: Тұрғындарға түсіндірме жұмыстарын жүргізді

Төтенше жағдайларды жою жөніндегі республикалық жедел штабтың отырысын өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында өңірлік коалиция өкілдері «Абзал и К» компаниясының қызметкерлерімен кездесті. Онда компания ұжымына жаңа Конституция жобасының мән-маңызын түсіндіріп, 15 наурызда өтетін республикалық референдумға белсенді қатысуға шақырды.Кездесу барысында аумақтық коалиция жетекшісінің орынбасары Гүлшат Мұсаева жаңа Конституция жобасында отбасы құндылықтарына ерекше назар аударылғанын атап өтті.<blockquote>«Отбасы – қоғамның іргетасы. Ата заң жобасында мемлекет неке мен отбасы институтын қорғауға, ата-ана мен баланың құқықтарын сақтауға ерекше көңіл бөледі. Сонымен қатар, бала тәрбиесі мен отбасы жауапкершілігіне қатысты нормалар нақтыланып, қоғамдағы дәстүрлі құндылықтарды нығайтуға бағытталып отыр. Бұл – ел болашағы үшін маңызды қадам, – деді Гүлшат Мұсаева.</blockquote>Ал коалиция мүшесі Дәурен Сейтжанов жаңа Конституция жобасында кәсіпкерлік пен әлеуметтік саланы дамытуға қатысты бірқатар маңызды өзгерістерге тоқталды. Оның айтуынша жаңа Конституцияда мемлекет кәсіпкерлік бастамаларды қолдап, экономикалық еркіндікті дамытуға жағдай жасауға міндетті екені айқын көрсетілген. Бұл – шағын және орта бизнестің дамуына серпін береді. Сонымен қатар, әлеуметтік мемлекет қағидаты күшейтіліп, азаматтардың еңбек ету, әлеуметтік қорғау, білім алу және медициналық қызмет алу құқықтары нақты бекітілген. Мұның барлығы халықтың әл-ауқатын арттыруға бағытталған, – деді ол.Кездесу барысында компания ұжымына жаңа Конституция жобасындағы әлеуметтік-экономикалық жүйені жаңғырту,мемлекеттік басқару жүйесін жетілдіру, билік тармақтарының теңгерімін нығайту және азаматтардың құқықтары мен бостандықтарын қорғауды күшейту бағытында көзделіп отырған нормалар кеңінен таныстырылды.Өз пікірлерімен ашық бөлісіп, нақты ақпаратқа қанық болған ұжым мүшелері Ата заңдағы еңбек құқығы, әлеуметтік кепілдіктердің нақтылануы бұл – ауыл еңбеккерлері үшін аса маңызды екендігін тілге тиек етіп, жаңа Конституция жобасын еңбек адамын қолдауға бағытталған қадам деп қабылдады.&nbsp;

Жаңа Конституция - еңбек адамын қолдауға бағытталған қадам

<a href="https://kyzylorda-news.kz/">Kyzylorda-news.kz</a>&nbsp; 15 наурызда өтетін республикалық референдум қарсаңында азаматтар үшін өз сайлау учаскесін іздеуге арналған цифрлық сервис қолжетімді. Дауыс беретін қажетті пунктті eGov Mobile мобильді қосымшасы мен GOV.KZ порталында бірнеше қадамды орындап табуға болады.eGov Mobile мобильді қосымшасы мен GOV.KZ порталының басты беттерінде «Референдум» арнайы баннері орналастырылған. Баннерге өткеннен кейін пайдаланушы сайлау учаскесін тексеру сервисіне өтеді, онда ол өзінің ЖСН-ін және өңірін көрсетуі қажет. Деректер енгізілгеннен кейін жүйе автоматты түрде сайлау учаскесінің нөмірін, өңір мен ауданды, сондай-ақ дауыс беру орнының нақты мекенжайын көрсетеді.Сондай-ақ осы бетте «Жиі қойылатын сұрақтар» бөліміне сілтеме қолжетімді, онда азаматтар референдумға қатысты пайдалы ақпаратты таба алады.

Азаматтар өздерінің сайлау учаскесін eGov Mobile мобильді қосымшасы және Gov.kz сайты арқылы онлайн тексере алады

<a href="https://kyzylorda-news.kz/">Kyzylorda-news.kz</a>&nbsp; Бүгін Премьер-министр Олжас Бектеновтің төрағалығымен өңірлердің 2026 жылғы су тасқыны кезеңіне дайындығы талқыланған республикалық штаб отырысы өтті. Оған облыс әкімі Нұрлыбек Нәлібаев селекторлық режим арқылы қатысты.Қазіргі таңда "Шардара" су қоймасынан Сырдария өзенінің төменгі ағысына секундына 200 текше метр су жіберілуде. Оның 50 текше метрі "Көксарай" су реттегіші арқылы алынып, аймаққа секундына 179 текше метр су түсуде.Ақпанның 13-нен бері Сырдария өзенінен мұз жүрді. Бүгінде ықтимал су тасқынының алдын алудың кешенді іс-шаралар жоспары бекітіліп қолға алынған. Су басу қаупі бар аймақтарға арнайы техникасы мен күш-құралдары бар жауапты мекемелер бекітілді. Су тасқынына қарсы материалдық-техникалық қор жеткілікті, халықты көшіру пункттері дайын.Жергілікті атқарушы органдар, төтенше жағдайлар және су шаруашылығы мамандары тәулік бойы кезекшілікте.«Қазавиақұтқару» акционерлік қоғамымен жасалған келісімшартқа сәйкес 1 тікұшақ дайын. Мұз жаруға арнайы мамандандырылған мекемемен келісімшарт жасалды.Өткен жылы 199,1 млн. теңге қаржыға 11 нысанның қорғаныс бөгеттері жөнделіп қалпына келтірілді. Бұдан бөлек, бюджеттен тыс көздер есебінен 1 нысанға жөндеу жұмыстары жүргізілді.

Өңірлердің су тасқынына дайындығы республикалық штаб отырысында талқыланды

<a href="https://kyzylorda-news.kz/">Kyzylorda-news.kz</a> Облыстық мәслихаттағы «AMANAT» партиясы фракциясының мүшесі Ержан Искендер партия алаңында азаматтарды жеке мәселелері бойынша қабылдады.Қабылдау барысында тұрғындар медициналық сақтандыру және әлеуметтік көмек бойынша өтініш-тілектер білдірді.&nbsp;Көтерілген мәселелер бойынша фракция мүшесі қайырымдылық көмек көрсету мүмкіндіктерін түсіндіріп, тиісті мекемелермен бірлесіп, өтініштерді заң аясында қарастыру және оңтайлы шешу жолдарын зерделеу бағытында жұмыс жүргізетінін айтты. &nbsp;Сондай-ақ өтініш иелеріне қосымша хабар берілетіні жеткізілді. Қоғамдық қабылдау қорытындысы бойынша барлық өтініштер бақылауға алынып, тиісті жұмыстар атқарылатын болады.

«AMANAT»: Азаматтарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Астана қаласында «Әйел әлемі – ел тағдырына жауапкершілік» тақырыбымен көшбасшы әйелдердің кездесуі өтті. Іс-шараға Мәжіліс Төрағасы Ерлан Қошанов, Премьер-Министрдің орынбасары – Мәдениет және ақпарат министрі Аида Балаева қатысты. Қазақстанның барлық өңірінен келген мыңға жуық әйел жаңа Конституцияны қабылдау бойынша 15 наурызда өтетін референдумды талқылады.Жалпыұлттық коалиция Жетекшісі Ерлан Қошанов Мемлекет басшысының гендерлік саясатқа ерекше мән беретінін атап өтті. Ол әйелдердің қамқорлығы, отбасы мен балалар болашағына деген жауапкершілігі қоғамдағы адамгершілік құндылықтарының негізін қалыптастыратынын айтты. Бұл құндылықтар жаңа Конституцияның басты қағидаттарында көрініс тапқан.Сондай-ақ Ерлан Қошанов «AMANAT» партиясының Әйелдер қанаты аз уақытта еліміздегі ең белсенді қоғамдық-саяси алаңдардың біріне айналғанын атап өтті. Әйелдер қанаты соңғы 3 жылда әлеуметтік жобаларды жүзеге асырып, заң шығару ісінде белсенділік танытты.Жаңа Конституцияда отбасы институты мен дәстүрлі құндылықтарды қорғауға ерекше мән берілді. Неке ер мен әйелдің тең құқықты одағы ретінде бекітілді, қыз алып қашу әрекеті үшін жауапкершілік күшейтілді. Бұл шаралар әйелдердің ар-намысы мен қауіпсіздігін қорғауға, әділетті қоғам құруға бағытталған.Ерлан Қошанов Қазақстандағы тұрақтылық пен бейбітшілікті сақтау, билік институттарының үйлесімді жұмысын қамтамасыз ету жаңа Конституцияның стратегиялық мәнін көрсететінін атап өтті.Аида Балаева жаңа Конституция жобасы Қазақстанның әлеуметтік мемлекет ретіндегі сипатын сақтап қана қоймай, оны одан әрі нығайтатынын ерекше атап өтті.&nbsp;Форум делегаттары цифрлық деректерді қорғау, ғылым мен білімге басымдық беру, отбасы мен ананы қорғау, инклюзивті білім беру, медицина қызметкерлерін қолдау, құқықтық айқындық пен волонтерлікті институционалдық қолдау сияқты маңызды мәселелерге назар аударды.Айта кетейік, аталған жиынға Сыр өңірінен 32 белсенді көшбасшы әйел қатысып, өңірдің қоғамдық-саяси өміріндегі әйелдердің белсенді рөлін айқындай түсті.<img src="https://knadmin.beoblood.kz/uploads/K_shbasshy_jelderdi_kezdesui_tti_2_20a504b886.jpg" alt="Көшбасшы әйелдердің кездесуі өтті 2.jpg">

Көшбасшы әйелдер жаңа Конституцияны қолдады

<a href="https://kyzylorda-news.kz/">Kyzylorda-news.kz</a> Бүгін аудан әкімі Алмасбек Есмаханов Ақтан және Жанқожа батыр ауылдарына барып, тұрғындармен кездесу өткізді. Кездесу барысында аудан әкімі аймақ басшысы Нұрлыбек Машбекұлының қолдауымен ауданда атқарылып жатқан жұмыстар, алдағы жоспарлар жайында кеңінен айтып өтті.&nbsp;<blockquote>– Өткен жылы Мемлекет басшысының бастамасымен қолға алынған «Келешек мектептері» ұлттық жобасы аясында Жанқожа батыр ауылында 300 орындық мектеп пайдалануға беріліп, ауылға кіреберістегі 3 шақырым жол жөндеуден өтті. Елді мекенге өткен жылы магистралды газ құбыры жеткізіліп, жуық арада елдімекенішілік газ желілерін жүргізу жұмыстары басталатын болады. Ал, Ақтан батыр ауылы бүгінде көгілдір отынның игілігін көріп отыр. Биыл ауыл тұрғындарының өтінішіне сәйкес Абай Құнанбаев атындағы көшеге күрделі жөндеу жұмыстары жүргізілетін болады. Бұдан бөлек екі ауылдыңда алдағы уақытта электр желілерін қайта жаңғырту жұмыстарын жүргізуді жоспарлап отырмыз, - деді аудан басшысы.&nbsp;</blockquote>Тұрғындармен кездесуде аудан әкімі Мемлекет басшысы Қасым-Жомарт Кемелұлының бастамасымен 2026 жылғы 15 наурызда өтетін Қазақстан Республикасының жаңа Конституциясына арналған республикалық референдумға кеңінен тоқталды. Бұл – еліміздің жарқын келешегі үшін өз таңдауымызды жасап, қастерлі Отанымыздың берік негізін қалауға берілген тарихи мүмкіндік екенін айтып, елдік істе үлкен ауызбіршіліктің үлгісін көрсетуге шақырды.Өз кезегінде ауыл тұрғындарыда елде жүзеге асырылып жатқан оң өзгерістерге ризашылықтарын білдіріп, өңірдің дамуына бағытталған игі бастамаларға бірлесе атсалысуға дайын екендерін жеткізді.Кездесулерден кейін аудан әкімі Жанқожа батыр ауылындағы №94 мектепте орналасқан №70 және Ақтан батыр ауылындағы №190 мектепте орналасқан №78 референдум учаскелерін аралап, дайындық барысымен танысты.<img src="https://knadmin.beoblood.kz/uploads/azaly_t_r_yndarmen_kezdesu_Konstitucziya_8632d7e454.jpg" alt="Қазалы тұрғындармен кездесу Конституция.jpg">

Атқарылып жатқан жұмыстар жайында кеңінен баяндады

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» өңірлік коалициясының өкілдері Қосжар ауылы тұрғындарымен кеңейтілген форматта кездесу өткізді. Басқосуға өңірлік коалиция жетекшісінің орынбасары Мұрат Тлеумбетов, өңірлік коалиция мүшелері Ержан Искендір мен Садық Мұстафа, аумақтық коалиция жетекшісі Базарбай Төрахметов, сондай-ақ аумақтық коалиция мүшелері Талғат Қанатов пен Болатбек Алипов қатысты.Кездесу барысында жаңа Конституция жобасының мазмұны жан-жақты түсіндіріліп, оның ел дамуына, соның ішінде ауылдық аумақтардың әлеуметтік-экономикалық ахуалына тигізер ықпалы кеңінен талқыланды. Спикерлер конституциялық реформаның басты бағыттарына тоқталып, мемлекеттік саясаттың әлеуметтік сипатын күшейту, еңбек адамының құқықтарын нақты қорғау тетіктерін бекіту, ауыл тұрғындарының жергілікті басқару ісіне қатысу мүмкіндігін кеңейту мәселелерін тарқатып айтты.Әсіресе, жергілікті өзін-өзі басқаруды дамыту арқылы ауыл халқының шешім қабылдау үдерісіне белсенді араласуы маңызды екені атап өтілді. Бұл қадам ауылдық жерлердегі инфрақұрылымды жақсарту, әлеуметтік нысандардың сапасын арттыру және халықтың тұрмыс деңгейін көтеруге негіз болатыны жеткізілді. Сонымен қатар, Конституция деңгейінде бекітілетін әлеуметтік және экономикалық кепілдіктер азаматтардың құқықтық қорғалуын күшейтіп, ел болашағына деген сенімін нығайтатыны айтылды.<img src="https://knadmin.beoblood.kz/uploads/Aral_t_r_yndarmen_kezdesu_2_959b1a5f9b.jpg" alt="Арал тұрғындармен кездесу 2.jpg">

Қазақстан және Қызылорда облысының жаңалықтары: Қоғам