<a href="https://kyzylorda-news.kz/">Kyzylorda-news.kz</a> 1 маусым – Халықаралық балаларды қорғау күніне орай Қызылорда қаласындағы Достық үйі алаңында «Бейбіт ел – бақытты бала» атты мерекелік іс-шара ұйымдастырылды. Қызылорда облыстық қоғамдық даму басқармасының «Қоғамдық келісім және тіл орталығы» КММ ұйытқы болған шара балалардың шығармашылық әлеуетін дамытуға және бейбітшілік пен татулық құндылықтарын дәріптеуге арналды.Мерекелік бағдарламаның негізгі бөлігі «Бейбіт ел – бақытты бала» тақырыбындағы сурет байқауымен өрбіді. Байқауға қатысқан балалар өз ой-қиялын қағаз бетіне түсіріп, бейбіт қоғам, достық пен жарқын болашақ туралы көзқарастарын көркем бейнелеуге тырысты. Жас суретшілердің туындыларынан балалық шынайылық пен ізгілікке ұмтылыс анық байқалды.Іс-шараның ашылу салтанатында «Қоғамдық келісім және тіл орталығы» КММ директорының орынбасары Мартана Дәулетбаева сөз сөйлеп, бүлдіршіндерді мерекемен құттықтады. Ол балалардың алаңсыз күлкісі мен бақытты балалығы қоғамның басты құндылығы екенін атап өтті.Мерекелік кештің жүргізушісі – облыстық неміс этномәдени бірлестігінің төрағасы Ирина Шек қатысушыларға көтеріңкі көңіл күй сыйлап, шараның мазмұнды өтуіне үлес қосты.Бағдарлама әрі қарай «Адажио шоу» орталығы ұйымдастырған ойын-сауық бөлімдерімен жалғасты. Қызықты сайыстар мен қимылды ойындарға белсенді қатысқан балалар мерекелік атмосфераны сезініп, достарымен бірге көңілді уақыт өткізді. Шара барысында балаларға балмұздақтар таратылып, көтеріңкі көңіл күй сыйланды.Сурет байқауының қорытындысында барлық қатысушы жеңімпаз ретінде марапатталды. Осы ретте Ирина Шек балаларды мерекемен құттықтап, олардың шығармашылық ізденістеріне сәттілік тіледі.Мерекелік іс-шара Достық үйінің концерт залында жалғасын тауып, балаларға анимациялық фильм көрсетілді. Танымдық мазмұндағы туынды жас көрермендердің қызығушылығын арттырып, ерекше әсер қалдырды.Шара соңында қатысушыларға ойыншықтар мен кітапшалар табысталып, мереке мейірім мен шаттыққа толы әсерлі сәттермен қорытындыланды.

Қызылордада «Бейбіт ел – бақытты бала» тақырыбында шара ұйымдастырылды

<a href="https://kyzylorda-news.kz/">Kyzylorda-news.kz</a> Бүгін&nbsp;Сырдария&nbsp;ауданы әкімі Берік Сәрменбаевтың қатысуымен орталық алаңда 1 маусым – Халықаралық балаларды қорғау күніне арналған «Бақытты балалық шақ» атты мерекелік шара өтті. Мерекелік шараға зиялы қауым өкілдері, ардагерлер, ата-аналар мен аудан тұрғындары қатысты.<img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti6_a5ce910e13.jpg" alt="Сырдарияда «Бақытты балалық шақ» атты мерекелік шара өтті6.jpg">Мерекелік шара барысында балалардың шығармашылық және зияткерлік қабілеттерін дамытуға бағытталған бірқатар көрмелер ұйымдастырылды. Атап айтқанда, жас суретшілердің туындылары қойылған сурет көрмесі мен оқушылардың инновациялық жобалары ұсынылған робототехника көрмесі көпшілік назарына ұсынылды. Сонымен қатар ұлттық құндылықтарды дәріптеу мақсатында ұлттық спорттық ойындар ұйымдастырылды.<img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti_19c3c9a519.jpg" alt="Сырдарияда «Бақытты балалық шақ» атты мерекелік шара өтті.jpg">Мұнан соң аудан басшысы жиналған қауымды мерекемен құттықтап, өскелең ұрпаққа мемлекет тарапынан көрсетіліп жатқан қолдауға тоқталып өтті.<blockquote>– Бүгін бүлдіршіндерге қуаныш сыйлайтын ерекше күн ғана емес, сонымен қатар әр баланың құқығын қорғауға, олардың жарқын болашағы үшін жауапкершілікті арттыруға үндейтін маңызды мереке. Қазақ халқы қашанда бала тәрбиесіне ерекше мән берген. «Балалы үй – базар», «Бала – адамның бауыр еті» деп ұрпағын ұлықтаған халқымыз жас буынды адамгершілікке, адалдыққа, еңбекқорлыққа тәрбиелеген. Президентіміздің бастамасымен елімізде балалардың құқықтарын қорғау, олардың сапалы білім алуына, денсаулығын нығайтуына және жан-жақты дамуына бағытталған ауқымды жұмыстар жүзеге асырылып келеді. Бүгінде білім беру саласын дамыту, мектептердің материалдық-техникалық базасын жақсарту, заманауи технологияларды енгізу, балалар спорты мен шығармашылығын қолдау бағытында нақты нәтижелерге қол жеткізілуде. Ауданда балалардың сапалы білім мен саналы тәрбие алуы бағытында жүйелі жұмыстар жүргізілуде. Мәдениет үйлеріндегі 140 үйірмеде 1700 жас шығармашылықпен айналысуда. «Адал адам» мәдени-тәрбие орталықтарында өткізілген іс-шараларға 17 мыңнан астам бала қатысты. Биыл аудандағы «Жалын» тынығу лагерінде 791 бала демалатын болса, мектеп жанындағы лагерьлерде 3036 бала жазғы демалыспен қамтылатын болады. Елімізде сіздердің жан-жақты дамуларыңыз бен сапалы білім алуларыңыз үшін барлық жағдай жасалған. Бүгінгі атқарылып жатқан игі істердің барлығы – сіздердің жарқын болашақтарыңыз үшін. Әрдайым білімге құштар, өнерге жақын, елін сүйетін азамат болып өсулеріңізге тілектеспін, – деді Берік Әбдіғаппарұлы.</blockquote><img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti1_17e636aff2.jpg" alt="Сырдарияда «Бақытты балалық шақ» атты мерекелік шара өтті1.jpg">Сонымен қатар, түрлі байқаулар мен қоғамдық іс-шараларда белсенділік танытқан бірқатар балалар аудан әкімінің "Алғыс хатымен" марапатталып, мерекелік сыйлықтар табысталды.<img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti2_7206e17154.jpg" alt="Сырдарияда «Бақытты балалық шақ» атты мерекелік шара өтті2.jpg">Мерекелік шара жас жеткіншектердің қатысуымен өткен концерттік бағдарламамен жалғасып, көрермендерге көтеріңкі көңіл күй сыйлады.

Сырдарияда «Бақытты балалық шақ» атты мерекелік шара өтті

<a href="https://kyzylorda-news.kz/">Kyzylorda-news.kz</a> Бүгін Халықаралық балаларды қорғау күнінде облыс әкімі Мұрат Ергешбаев, ҚР Парламенті Сенаты мен Мәжілісінің депутаттары Руслан Рүстемов, Мархабат Жайымбетов, зиялы қауым өкілдері мен ел ағалары Мемлекет басшысының қолдауымен салынған Ботаникалық бақтың ашылу рәсіміне қатысты.Мереке күні жеткіншектерге тарту етілген Ботаникалық бақ Президент саябағы аумағында орналасқан. Бас мердігер - «Alem Qurylys AQ» ЖШС. Құрылысына 4,9 млрд теңге бөлінген, нысанның іргетасы былтыр қыркүйек айында сол кездегі аймақ басшысы Нұрлыбек Нәлібаевтың бастамасымен қаланған болатын.<img src="https://knadmin.beoblood.kz/uploads/yzylordada_botanikaly_ba_pajdalanu_a_berildi_8df38257e1.jpg" alt="Қызылордада ботаникалық бақ пайдалануға берілді.jpg">Ашылу рәсімінде облыс әкімі Мұрат Нәлқожаұлы балаларды мерекемен құттықтап, Ботаникалық бақ жұмысы жеткіншектердің тиімді демалысын ұйымдастыруға және тың жобаларды жүзеге асыруға бағытталғанын атап өтті.<blockquote>«Баршаңызды 1 маусым – Халықаралық балаларды қорғау күні мерекесімен шын жүректен құттықтаймын! Бала – біздің басты байлығымыз. Білімді, дені сау, ұлтжанды ұрпақ тәрбиелеу – баршамыздың ортақ парызымыз.Президентіміз Қасым-Жомарт Кемелұлы: «Ұл-қыздарымыздың парасатты, жан-жақты болып өсуіне жағдай жасау, жас азаматтарымыздың құқығын қорғап, денсаулығын сақтау – мемлекетіміздің басты міндеті», – деген болатын.Бүгін Президент саябағының аумағынан ашылған Ботаникалық бақ – осы ауқымды бастаманың аймағымыздағы нақты әрі жемісті көрінісі. Бақ ішіне Қытай, Оңтүстік Африка, Жапония, Оңтүстік және Орталық Америкада өсетін жасыл желек егілді. Осы арқылы жас жеткіншектерге өсімдіктердің экожүйедегі маңызы түсіндіріледі. Бұл жай ғана балалар серуендейтін саябақ емес, табиғат пен ғылымды ұштастыратын, экологиялық мәдениетті қалыптастыратын көпфункционалды кешен болмақ. Балаларымыз осы жерде табиғатпен тілдесіп, эко-жауапкершіліктің, еңбекқорлықтың шынайы үлгісін көреді. Осы бақтан біздің аймақтың ғана емес, бүкіл еліміздің экологиясын зерттейтін болашақ ғалымдар, биологтар мен агрономдар шығады деп сенеміз», – деді Мұрат Нәлқожаұлы.</blockquote>Рәсімде Руслан Рүстемов, Мархабат Жайымбетов құттықтау сөз сөйледі. Білім беру саласының дамуына елеулі үлес қосқан ұстаздар мен жаңа нысан құрылысын мерзімінде аяқтаған мердігер мекеме қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/yzylordada_botanikaly_ba_pajdalanu_a_berildi1_18649defeb.jpg" alt="Қызылордада ботаникалық бақ пайдалануға берілді1.jpg">Ботаникалық бақ – экологиялық танымды, туризмді дамытуға және жаңа қоғамдық кеңістіктер құруға бағытталған заманауи көпфункционалды кешен. Жалпы ауданы 1500 шаршы метр болатын екі жылыжайға Африка, Оңтүстік Америка, Австралия, Жапония, Қытай және Мадагаскар сияқты әлемнің әр аймағынан 92 түрлі 3300-ден астам өсімдік егілген. Веерлі пальма, Канар құрмасы, кактус пен алоэ, вашингтония пальмасы, стрелиция, жакаранда, алып юкка, мақта ағашы, бамбук, сәндік өсімдіктер, кариота жайқалып тұр. Бұл өсімдіктер гүлдегенде хош иісі аңқып, қызғылт сары, көгілдір, күлгін сияқты алуан түске боялады.Өсімдіктерге қолайлы жағдай жасау үшін микроклиматты автоматты басқару, суару және су дайындаудың заманауи инженерлік жүйелерімен жабдықталған.Ботаникалық бақ өсімдіктердің бірегей түрлері өсетін орын ғана емес, экологиялық мәдениеттің, білім берудің және ішкі туризмнің дамуына қызмет ететін, аймақ тұрғындары мен қонақтары жиі бас қосатын мекенге айналады.Мұнда студенттер, мектеп оқушыларының, табиғат жанашырларының танымын кеңейтуге барлық жағдай жасалған. Ботаникалық бақтың ерекше атмосферасы келушілерге жайлылық сыйлайды.<img src="https://knadmin.beoblood.kz/uploads/yzylordada_botanikaly_ba_pajdalanu_a_berildi4_86730b88e5.jpg" alt="Қызылордада ботаникалық бақ пайдалануға берілді4.jpg">Айта кетейік, Мемлекет басшысының қолдауымен Сыр өңірінде кейінгі төрт жылда 46 заманауи білім беру нысаны табысталды.«Келешек мектептері» ұлттық жобасы аясында 10 жаңа мектеп салынды. Физика-математика бағытындағы «Білім-инновация» лицей-интернаты, музыкалық колледждің жаңа оқу ғимараты мен жатақханасы пайдалануға берілді. «Оқушылар сарайы», «Сыр жұлдыздары» академиясы, Жалағаш, Жаңақорған, Шиелі аудандарындағы «Оқушылар үйі» мен «Өнер мектептері» жас жеткіншектердің шығармашылық, зияткерлік әлеуетін арттыруға қызмет етуде. Жақында ғана жыл бойы үздіксіз қызмет көрсететін «AI-KERIM» оқу-сауықтыру орталығы балалар игілігіне айналды.Фото: Қызылорда облысы әкімінің баспасөз қызметі

Балаларға базарлық: Қызылордада Ботаникалық бақ пайдалануға берілді

<a href="https://kyzylorda-news.kz/">Kyzylorda-news.kz</a> Өткен аптаның сенбі күні Шиелі ауданында Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан «Таза Қазақстан» республикалық экологиялық акциясы аясында кең көлемді сенбілік жұмыстары ұйымдастырылды.Шиелі ауданының әкімі Айтбай Жандарбеков экология мен санитарлық тазалық мәселелерін әрдайым басты назарда ұстап, бұл бағыттағы жұмыстардың жүйелі жүргізілуіне ерекше мән беріп келеді. Аудан басшысының тапсырмасына сәйкес аудан аумағында абаттандыру, көгалдандыру және санитарлық тазалықты сақтау бағытындағы жұмыстар тұрақты түрде жүзеге асырылуда.<img src="https://knadmin.beoblood.kz/uploads/Shieli_tazaly_sharasy_ea51b1de5e.jpg" alt="Шиелі тазалық шарасы.jpg">Аталған сенбілікке аудан орталығы мен барлық ауылдық округтердің тұрғындары, дербес бөлім қызметкерлері, білім беру және денсаулық сақтау мекемелерінің ұжымдары, жастар ұйымдары мен еріктілер белсенді қатысып, көшелер мен қоғамдық орындарды тазарту жұмыстарын қарқынды жүргізді.Сенбілік барысында көшелер мен саябақтар тазартылып, қоқыстар шығарылып, арам шөптер орылды. Сонымен қатар, әлеуметтік және мәдени нысандардың аумақтарында әрлеу-сырлау жұмыстары атқарылып, аудан келбетін жақсартуға бағытталған жұмыстар жүйелі түрде жүзеге асырылды.Мұндай игі шаралар тұрғындардың қоршаған ортаға деген жауапкершілігін арттыруға, ауданның санитарлық тазалығын қамтамасыз етуге және өңірдің көркеюіне оң ықпал етуде.&nbsp;Айта кету керек, «Таза Қазақстан» акциясы аясындағы тазалық және абаттандыру шаралары алдағы уақытта да тұрақты түрде жалғасын тауып, аудан тұрғындарын ортақ іске белсене атсалысуға шақыру жұмыстары жүргізіле береді.

Шиеліде «Таза Қазақстан» экологиялық акциясы аясында ауқымды сенбілік өтті

<a href="https://kyzylorda-news.kz/">Kyzylorda-news.kz</a> Өткен аптада Арал аудандық мәдениет үйінде Қызылорда облысы бойынша тексеру комиссиясының ұйымдастыруымен «Бюджет қаражатын басқарудың және пайдаланудың тиімділігін арттыру» тақырыбында семинар-кеңес өтті.Аталған жиынға Арал ауданы әкімі аппаратының, аудандық мәслихат аппаратының, дербес бөлімдердің басшылары, қала, кент және ауылдық округ әкімдері, сондай-ақ білім, денсаулық сақтау, спорт салалары мекемелерінің есепшілері мен қаржы саласына жауапты мамандары қатысты.Семинар-кеңесті аудан әкімінің орынбасары Е. Әбішев ашып, күн тәртібіндегі мәселелердің маңыздылығына тоқталды. Семинар барысында қатысушыларға бюджет қаражатын тиімді әрі заң талаптарына сәйкес басқару, мемлекеттік аудит барысында жиі анықталатын кемшіліктердің алдын алу, сондай-ақ мемлекеттік сатып алу саласындағы жаңа өзгерістер жөнінде кең көлемде түсіндірме жұмыстары жүргізілді.Алдымен Қызылорда облысы бойынша тексеру комиссиясының мемлекеттік аудит бөлімінің басшысы Б. Ниеталиев баяндама жасап, мемлекеттік аудит барысында анықталған заң бұзушылықтар, қаржылық тәртіпті сақтау және олардың алдын алу бағытындағы жұмыстар жөнінде жан-жақты мәлімет берді.Мұнан кейін облыстық мемлекеттік сатып алу басқармасының бас маманы М.Құрақбаев сөз сөйлеп, мемлекеттік сатып алуды жүзеге асыру қағидаларына енгізілген өзгерістер мен толықтыруларға тоқталды. Сонымен қатар, сатып алу рәсімдерін өткізу барысында заң талаптарын сақтау, ашықтық пен тиімділікті қамтамасыз ету мәселелері түсіндірілді. Жиын соңында қатысушылар тарапынан ұсыныс-пікірлер айьылып, қойылған сұрақтарға жауап берілді.<img src="https://knadmin.beoblood.kz/uploads/Aral_audany_konferencziya_2_05e511a5cd.jpg" alt="Арал ауданы конференция 2.jpg">

Бюджет қаражатын басқарудың және пайдаланудың тиімділігін арттыру мәселелері талқыланды

<a href="https://kyzylorda-news.kz/">Kyzylorda-news.kz</a> Қазақстан Ұлттық Банкінің Қызылорда филиалы «Дала қазынасы» сериясынан QORQYT ATA коллекциялық монеталары сатуға шығарылғанын хабарлады.Номиналы 500 теңгелік монета ұлы композитор, ойшыл әрі абыз жырау Қорқыт атаға арналған. Оның есімі Сыр елінің киелі топырағымен және Қызылорда өңірінің сан ғасырлық тарихымен тамырлас. Аңыз бойынша VIII-IX ғасырларда өмір сүрген жырау – қазақ халқының бай рухани мәдениетін қалаған ұлы тұлғалардың бірі.Абыздың қастерлі мұрасын Қызылорда өңірінде 1980 жылы бой көтерген мемориалдық кешен ұлықтап келеді. 2018 жылы бұл ескерткіш ЮНЕСКО-ның Бүкіләлемдік мұралар тізіміне енгізіліп, мемлекеттің ерекше қорғауына алынды.QORQYT ATA монетасы 925 сынамалы күмістен жасалған, салмағы – 24 г, диаметрі– 37 мм, дайындалу сапасы – proof, номиналы – 500 теңге.QORQYT ATA монетасы мен басқа да коллекциялық монеталарды Қазақстан Ұлттық Банкінің Kazcoins интернет-дүкенінен алуға болады.

QORQYT ATA монетасы: коллекцияңызда сақталатын шежіре

<a href="https://kyzylorda-news.kz/">Kyzylorda-news.kz</a> Өткен аптада облыстық қоғамдық даму басқармасының ұйымдастыруымен Қызылорда қаласында «Медиа және коммуникация: ақпаратқа жедел ден қою әдістері» тақырыбында семинар-тренинг өтті.&nbsp;Іс-шараның мақсаты – ақпараттық саясатты жетілдіру, өңірдің ақпараттық бейнесін қалыптастыру, аймақтың әлеуметтік-экономикалық дамуы бағытындағы мемлекеттік саясатты халыққа насихаттау, мемлекеттік органдардың қоғаммен байланыс орнатудағы тиімділігін арттыру және дағдарыстық жағдайларда жедел ақпараттық әрекет ету тетіктерін талқылау.Семинар-тренингке облыстық қоғамдық даму басқармасының басшысы Руслан Каюпов, «Qyzylorda» телеарнасының директоры Нұрбек Әмиша, Өңірлік коммуникациялар қызметі және ақпараттық талдау орталығының директоры Гүлнұр Бүркітбаева, медиа саласының мамандары, облыстық басқарма басшыларының орынбасарлары мен баспасөз хатшылары, қалалық, аудандық қоғамдық даму бөлімдерінің басшылары мен әкімдердің баспасөз хатшылары қатысты.<img src="https://knadmin.beoblood.kz/uploads/Media_zh_ne_kommunikacziya_trening_2_29f9747732.jpg" alt="Медиа және коммуникация тренинг 2.jpg">Жиын барысында ақпарат кеңістігіндегі өзекті тақырыптар көтеріліп, тәжірибе алмасу алаңы қалыптасты. Семинарда облыстық қоғамдық даму басқармасының басшысы Руслан Мұхамедәліұлы мемлекеттік ақпараттық саясаттың негізгі міндеттері мен басым бағыттары жөнінде сөз қозғады.Сонымен қатар, облыстық «Qyzylorda» телеарнасының директоры Нұрбек Әмиша коммуникация саласындағы өзекті мәселелерге тоқталып, бұқаралық ақпарат құралдарының қоғаммен байланыстағы рөлі, мемлекеттік органдардың медиамен байланысы туралы пайдалы ақпараттармен бөлісті.<img src="https://knadmin.beoblood.kz/uploads/Media_zh_ne_kommunikacziya_trening_4_136a858e03.jpg" alt="Медиа және коммуникация тренинг 4.jpg">Өңірлік коммуникациялар қызметі және ақпараттық талдау орталығының директоры Гүлнұр Бүркітбаева өңірлік коммуникациялар қызметінің жұмысы, брифинг ұйымдастыру ережелері, әлеуметтік желілермен жұмыс жасау және ақпараттық ден қою тетіктері жайында ақпарат берді.<img src="https://knadmin.beoblood.kz/uploads/Media_zh_ne_kommunikacziya_trening_3_42b6035b67.jpg" alt="Медиа және коммуникация тренинг 3.jpg">Бұдан бөлек, жас блогер және PR-менеджер Мадина Болатханова контент-жоспар құру, әлеуметтік желіде аудитория қалыптастыру және тиімді стратегия әзірлеу бағытындағы тәжірибесін ортаға салды.Жиын соңында қатысушылар медиа саласындағы заманауи тәсілдер мен тиімді коммуникация бағытында өзара пікір алмасып, тәжірибелік кездесудің ақпарат саласы мамандары үшін маңызды алаң болғанын атап өтті.

Қызылордада баспасөз хатшыларының қатысуымен семинар-тренинг ұйымдастырылды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстан халқына арнаған Жолдауында жасанды интеллект мүмкіндіктерін тиімді пайдалану арқылы еліміздің әлеуметтік-экономикалық және инновациялық дамуының жаңа бағытын айқындады. Осыған орай өңірде атқарылып жатқан жұмыстар туралы Өңірлік коммуникациялар қызметінің ақпарат алаңында облыстық цифрлық технологиялар басқармасының басшысы Сабит Ибадулла мәлімдеді.<blockquote>– Цифрландыру және жасанды интеллект жылы аясында Қызылорда облысында бірқатар маңызды жобалар жүзеге асырылуда. Бүгінде өңірдегі мемлекеттік қызметшілер Astana Hub пен «AMANAT» партиясының қолдауымен әзірленген арнайы платформа арқылы жасанды интеллект құралдарын пайдалану бойынша толық оқытудан өтті. Қорқыт ата атындағы университет жанындағы Жасанды интеллект институтында 240 студент білім алуда, ал биыл алғаш рет тәулік бойы жұмыс істейтін Tomorrow School мектебі ашылып, дарынды жастарды даярлау басталды. Инновациялық жобаларды дамыту мақсатында Kyzylorda Hub орталығы арқылы соңғы үш жылда 48 стартап іске асырылып, 20 жаңа жұмыс орны құрылды. Денсаулық сақтау саласында 21 медициналық ұйымда онкологиялық ауруларды ерте анықтайтын жасанды интеллект технологиялары енгізілсе, қоғамдық қауіпсіздік бағытында барлық аудан орталықтары мен Байқоңыр қаласында цифрлық жүйелер жаңғыртылып, бейнебақылау камералары AI платформасына біріктірілді. Сонымен қатар, елімізде алғаш рет өңірде SUNQAR құрылғылары арқылы қауіпсіздік белдігін тақпау және көлік жүргізу кезінде ұялы телефон пайдалану деректерін автоматты түрде анықтау жүйесі іске қосылды. Білім беру саласында Президент тапсырмасына сәйкес бірыңғай AI-экожүйесі енгізілуде, ал Бас прокуратураның «Цифрлық қадағалау» пилоттық жобасы республика бойынша алғашқылардың бірі болып Қызылорда облысында жүзеге асырылуда, - деді Сабит Ибадуллаұлы.</blockquote>

Қызылордада жасанды интеллект пен цифрландыру бағытындағы жобалар қарқын алуда 

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы Қасым-Жомарт Тоқаев Халықаралық балаларды қорғау күнімен құттықтады<blockquote>– Халықаралық балаларды қорғау күні құтты болсын! Жас ұрпақтың құқығын қорғау, денсаулығын сақтау және олардың жан-жақты дамуына қолайлы жағдай жасау – жалпыұлттық мақсат және конституциялық міндет. Ауызбіршілігі мықты, тату-тәтті отбасы – бақытты балалық шақтың арқауы. Сондықтан отбасы құндылықтарын қорғау жаңа Конституцияның аса маңызды нормасының бірі ретінде айқындалды. Өскелең ұрпақтың жасампаздық рухы орасан зор. Олар білім мен спортта, өнерде мол табысқа жетуде. Менің бастамаммен қолға алынған «Ұлттық қор – балаларға» жобасы аясында мемлекет тарапынан әрбір балаға қамқорлық жасалып жатыр. Биыл «Қазақстан балалары» тұжырымдамасы іске асырыла бастады. Жас буынды қолдау әрдайым еліміздің, яғни Әділетті және Озық Қазақстанның басты назарында болады, – деп жазды Президент Instagram парақшасында.</blockquote>

Мемлекет басшысы Халықаралық балаларды қорғау күнімен құттықтады

<a href="https://kyzylorda-news.kz/">Kyzylorda-news.kz</a>&nbsp;2026 жылдың 29 мамырында «AMANAT» партиясы Қызылорда қалалық филиалында партия филиалының Атқарушы хатшысы Гүлшат Мұсаеваның қатысуымен партиялық бақылау комиссиясының отырысы өтті.&nbsp;Жиында қаладағы медициналық қызметтің сапасы мен балалардың жазғы демалысын ұйымдастыру мәселелері жан-жақты талқыланды. &nbsp;Денсаулық сақтау басқармасының өкілі Динара Сарманова медицина саласындағы оң өзгерістерге тоқталды. Соңғы бес жылда Қызылорда қаласы тұрғындарының орташа өмір сүру ұзақтығы 69,26 жастан 74,96 жасқа дейін өсті. Сонымен қатар, қатерлі ісіктерден болатын өлім-жітім 14,7%-ға, ал туберкулезден болатын өлім-жітім 20%-ға төмендеді. Медициналық қызмет сапасына тұрғындардың қанағаттану деңгейі 2025 жылы 60,4%-ды құрап, өткен жылмен салыстырғанда 3,6%-ға артты. Қазіргі таңда қалада 300 орындық көпбейінді аурухана мен №5 қалалық емхананың құрылысы қарқынды жүргізілуде. 2026 жылға арналған басты мақсат – алғашқы медициналық-санитариялық көмектің тиімділігін арттыру және кадрлық тапшылықты азайту болып қала береді. &nbsp;Күн тәртібіндегі екінші мәселе бойынша білім бөлімінің өкілі Нұрқанат Амантаев жазғы маусымға дайындық жайын баяндады. Биылғы жазғы демалыс кезінде оқушылардың 98,5%-ын немесе 70 802 баланы сауықтыру және бос уақытын тиімді ұйымдастыру жоспарлануда. Оның ішінде 7230 бала мектеп жанындағы 61 лагерьде тынығады. Сондай-ақ, әлеуметтік жағынан осал отбасылардан шыққан балаларға қолдау көрсету мақсатында бюджеттен 54 млн 740 мың теңге қаражат бөлінді. Балалардың қауіпсіздігін қамтамасыз ету – басты міндеттердің бірі ретінде айқындалды. &nbsp;Отырыс соңында қаралған мәселелер бойынша тиісті қаулы қабылданып, комиссия мүшелері өз ұсыныстарын жеткізді. «AMANAT» партиясы Қызылорда қалалық филиалының атқарушы хатшысы мен комиссия мүшелері қатысқан жиын қорытындыланып, партиялық бақылау жұмысы жалғасатыны мәлімделді.

«AMANAT»: Халық денсаулығы мен балалардың жазғы демалысы – басты назарда

<a href="https://kyzylorda-news.kz/">Kyzylorda-news.kz</a>&nbsp;Партияның облыстық филиалының төрағасы Жандос Базартай Жаңақорған ауданындағы жұмыс сапарында &nbsp;«Жастар – еріктілік жолында» атты аудан &nbsp;жастарының &nbsp;слетіне қатысты.&nbsp;Іс-шараның негізгі мақсаты - жастар арасында еріктілік мәдениетін қалыптастыру, қоғамдық белсенділікті арттыру және өзекті мәселелер төңірегінде ашық пікір алмасу алаңын құру.Еркін, &nbsp;ашық форматта өткен кездесу барысында филиал төрағасы жастардың ел дамуындағы рөліне тоқталып, еріктіліктің қоғам үшін маңызын атап өтті. Сондай-ақ, еріктілік – тек көмек көрсету емес, азаматтық жауапкершілік пен елге деген жанашырлықтың айқын көрінісі екенін жеткізді.&nbsp;Диалог алаңында жастар саясаты, білім, кәсіп, жұмыссыздық, әлеуметтік белсенділік, экология, патриоттық тәрбие және цифрлық сауаттылық мәселелері кеңінен талқыланды. Жастар өз ұсыныстары мен пікірлерін ашық білдірді.Іс-шара соңында қоғамдық жұмыстарға белсене қатысып, еріктілік бағытында ерекше атсалысып жүрген бірқатар жастар арнайы Алғыс хаттармен марапатталды.Сонымен қатар, слет аясында мотивациялық кездесулер мен тәжірибе алмасу алаңдары ұйымдастырылып, жастардың жаңа бастамаларына қолдау көрсетілді.Мұндай мазмұнды кездесулер жастардың бірлігін нығайтып қана қоймай, олардың қоғам өміріне белсенді араласуына мүмкіндік береді.

Жаңақорғанда жастар слеті өтті

<a href="https://kyzylorda-news.kz/">Kyzylorda-news.kz</a>&nbsp; Биыл Қазалы ауданында су шаруашылығы инфрақұрылымын жақсарту бағытындағы маңызды жобалар кезең-кезеңімен жүзеге асырылуда. Атап айтқанда, ауданның сол жағалау алабындағы 1-ГД, 2-ГД, К-3-2 қашыртқылар жүйесін реконструкциялау және механикалық тазалау жұмыстары басталуда. Жоба аясында 6 аумаққа 19 насос орнатылып, жалпы ұзындығы 89,94 шақырым болатын қашыртқылар механикалық тазалаудан өтеді.Аталған жобаның жалпы құны 2 млрд 405 млн 497 мың теңгені құрайды. Құрылыс жұмыстарын қаржыландыру мақсатында 2026 жылға республикалық бюджеттен 801,832 млн теңге бөлінген.Сонымен қатар, Қызылқұм ауылдық округі аумағындағы «Нартай» каналын механикалық тазалау жұмыстары да қолға алынды. Қазіргі таңда 2-ГД қашыртқысын тазалау жұмыстары жүргізілуде.Қазалы ауданының әкімі Алмасбек Есмаханов тиісті сала басшыларымен бірге Бозкөл ауылдық округі аумағындағы 2-ГД қашыртқылар жүйесінде жүргізіліп жатқан жұмыстармен танысты. Сонымен қатар, Қызылқұм ауылдық округіндегі «Нартай» каналында атқарылып жатқан механикалық тазалау барысын көріп, мердігер мекемелерге нақты тапсырмалар жүктеді.Айта кетейік, 2-ГД қашыртқылар жүйесін тазалау арқылы Өркендеу және Аранды ауылдық округтеріндегі егістік алқаптарынан суды тиімді шығару мүмкіндігі артады. Ал «Нартай» каналын тазалау нәтижесінде «Жуанбалық» учаскесіндегі шабындық және жайылымдық жерлерге су еркін жетіп, жердің өнімділігі жақсарады.Аудан әкімі жұмыстардың сапалы әрі белгіленген мерзімде аяқталуын қатаң бақылауда ұстауды тапсырды. Сондай-ақ, жайылымдық және шабындық жерлерді суландыру арқылы халықты мал азығымен, соның ішінде шөппен қамтамасыз ету мәселесінің маңыздылығына тоқталып, бұл бағыттағы жұмыстарды жүйелі түрде жүргізу қажеттігін айтты. Қазіргі таңда нысандарда механикалық тазалау жұмыстары жоспарға сәйкес жалғасуда.<img src="https://knadmin.beoblood.kz/uploads/Kanaldardy_mehanikaly_tazalau_3020aabc42.jpg" alt="Каналдарды механикалық тазалау.jpg">

Қазақстан және Қызылорда облысының жаңалықтары: Қоғам