<a href="https://kyzylorda-news.kz/">Kyzylorda-news.kz</a> Қызылорда қаласы әкімдігі және &nbsp;қалалық прокуратураның ұйымдастыруымен жастар арасында құқықтық мәдениетті қалыптастыру, заң талаптарын түсіндіру және азаматтық жауапкершілікті арттыру мақсатында «Заң. Тәртіп. Жауапкершілік» тақырыбында кездесу өтті.Аталған шараға қала прокурорының орынбасары Ерлан Алмаханов, танымал журналист &nbsp;Руслан Өтепбай, қалалық қоғамдық даму бөлімінің басшысы Жағыпар Тажмаханов, Қызылорда облыстық адвокаттар төралқасының төрағасы Мейірбек Даубалаев және танымал жайдарманшы, блогер Асылхан Дүкенбаев қатысты.Кездесуде заң алдындағы жауапкершілік, қоғамдық тәртіпті сақтау, құқықтық сауаттылық, азаматтық ұстаным және ақпараттық кеңістіктегі мәдениет мәселелері қозғалды.Спикерлер өз салалары бойынша ой-пікірлерімен бөлісіп, жастарға заң талаптарын сақтау, құқық бұзушылықтардың алдын алу және қоғам алдындағы жауапкершіліктің маңыздылығын түсіндірді.Негізгі спикер журналист Руслан Өтепбай журналистік зерттеулері мен кәсіби тәжірибесі тұрғысында өзекті тақырыптарға тоқталды.Жастар спикерлерге тікелей сұрақ қойып, өздерін толғандырған мәселелер бойынша нақты жауаптар алды.<img src="https://knadmin.beoblood.kz/uploads/Za_men_t_rtip_a_idaty_ayasynda_zhastarmen_kezdesu_2_6f4ab1ace7.jpg" alt="Заң мен тәртіп қағидаты аясында жастармен кездесу 2.jpg">

Заң талаптарын түсіндіру және азаматтық жауапкершілікті арттыру мақсатында жастармен кездесу өткізді

<a href="https://kyzylorda-news.kz/">Kyzylorda-news.kz</a> Арал ауданы әкімдігінде аудан әкімі Аманжол Оңғарбаевтың төрағалығымен әкімдік мәжілісі өтіп, күн тәртібінде ауыл шаруашылығы саласындағы бірқатар мәселелер талқыланды.&nbsp;Биыл ауданда 726 гектар жерге егіс орналастырылып, 1 мың тоннадан астам ауыл шаруашылығы өнімі өндірілді. Су ресурстарын тиімді пайдалану мақсатында су үнемдеу технологияларын енгізу жұмыстары да назардан тыс қалмады. 2025 жылы аталған технологиялар 240 гектар алқапқа енгізілсе, биыл бұл көрсеткіш 460 гектарға жеткізілді. Осы бағыттағы жұмыстарды одан әрі жандандыру және бақылауды күшейту жөнінде жауапты сала басшылары мен ауыл әкімдеріне аудан әкімі тарапынан бірқатар тапсырмалар берілді.2026 жылдың 8 айында ауыл шаруашылығы саласында 6,8 млрд теңгенің өнімі өндірілген. Дегенмен, ет өнімдерін өңдеу көлемі және ауыл шаруашылығы саласының негізгі қорына салынған инвестиция көлемі өткен жылдың сәйкес кезеңімен салыстырғанда төмендеген. Осыған байланысты тиісті көрсеткіштер бойынша нақты шаралар қабылдау қажет екенін айтқан аудан әкімі Аманжол Сақыпұлы, кемшіліктерді қалпына келтіру бағытында жұмысты жандандыру керектігін атап өтті.&nbsp;Мәжілісте мұнан өзге сондай-ақ су тасқынының алдын алу және қорғаныс нысандарының дайындығы, ауыл тұрғындарының табысын арттыруға бағытталған «Ауыл аманаты» жобасының жүзеге асырылу барысы және ауданның нысаналы индикаторлары мен негізгі әлеуметтік-экономикалық көрсеткіштерінің орындалуын қамтамасыз ету, барлық жобаларды сапалы әрі уақытылы іске асыру қажеттігі айтылды.&nbsp;Аудан әкімі Аманжол Сақыпұлы жауапты бөлімдер мен мекеме басшыларына белгіленген міндеттерді сапалы орындау және жұмысты күшейту жөнінде нақты тапсырмалар беріп, олардың мерзімінде орындалуы қатаң бақылауда болатынын жеткізді.<img src="https://knadmin.beoblood.kz/uploads/Aral_audany_m_zhilis_otyrysy_2_183dffd390.jpg" alt="Арал ауданы мәжіліс отырысы 2.jpg">

Бірқатар маңызды мәселелер назарға алынды

<a href="https://kyzylorda-news.kz/">Kyzylorda-news.kz</a> Женева, 2026 жылғы 29 қыркүйек – Қазақстан Дүниежүзілік зияткерлік меншік ұйымының (ДЗМҰ) 2026 жылғы Жаһандық инновациялық индексінде (Global Innovation Index, GII) елеулі ілгерілеу көрсетіп, бірден 8 сатыға көтерілді және әлемнің 139 экономикасы арасында 81-орыннан 73-орынға шықты. Бұл – Қазақстанның соңғы 10 жылдағы ең үздік нәтижесі.Өңірлік көрсеткіш бойынша Қазақстан Орталық Азия елдері арасында 1-орынға, ал Орталық және Оңтүстік Азияның 11 экономикасы арасында 2-орынға ие болды. Табыс деңгейі орташадан жоғары 35 елдің ішінде Қазақстан 17-орынға орналасты. Ең елеулі ілгерілеу инновациялық нәтижелер бойынша тіркелді. Инновациялық нәтижелер субиндексі (Innovation Outputs) бойынша Қазақстан бірден 11 сатыға көтеріліп, 84-орыннан 73-орынға шықты, ал инновациялық ресурстар субиндексі (Innovation Inputs) бойынша 75-орыннан 73-орынға жақсарды.GII 2026 нәтижелері Женевадағы ДЗМҰ штаб-пәтерінде мүше мемлекеттердің тұрақты өкілдеріне арналған Индекстің алдын ала таныстырылымы аясында ұсынылды.Қазақстанның рейтингтегі позициясының жақсаруына ұлттық және халықаралық деңгейлерде жүргізілген жүйелі жұмыс негіз болды. 2026 жыл ішінде Қазақстан Республикасының Женевадағы Тұрақты өкілдігі GII мәселелері бойынша ДЗМҰ-мен тікелей өзара іс-қимыл орнатып, нақты индикаторларға, оларды есептеу әдістемесіне және деректердің сапасына басымдық берді.Тұрақты өкілдіктің бастамасымен ДЗМҰ сарапшылары мен Қазақстанның мемлекеттік органдарының қатысуымен жеке онлайн-консультация ұйымдастырылды. Оның барысында ел көрсеткіштері, дереккөздер, жетіспейтін және ескірген статистикалық мәліметтер, сондай-ақ одан әрі жұмыс істеу бағыттары егжей-тегжейлі қаралды. Консультациялар қорытындысы бойынша Тұрақты өкілдік GII жөнінде нақты ұсынымдары бар талдамалық материал әзірлеп, оны Қазақстанның мүдделі мемлекеттік органдарына жолдады. Халықаралық статистиканың сапасына және Қазақстан бойынша деректердің уақтылы әрі дұрыс көрсетілуіне ерекше назар аударылды.Атқарылған жұмыс Қазақстан мен ДЗМҰ арасындағы өзара іс-қимылды рейтингті жыл сайынғы мониторингтеуден нақты көрсеткіштер, дереккөздер және мемлекеттік саясаттың қажетті шаралары бойынша мазмұнды жұмыс форматына көшіруге мүмкіндік берді.Қол жеткізілген ілгерілеуге қарамастан, ғылыми-зерттеу және тәжірибелік-конструкторлық жұмыстарға жұмсалатын шығыстар, университеттер мен бизнестің өзара іс-қимылы, венчурлік қаржыландыру, инновациялық кластерлерді дамыту, бағдарламалық қамтамасыз ету, сондай-ақ ғылыми-техникалық жарияланымдар бағыттарында одан әрі өсу әлеуеті сақталып отыр.Тұрақты өкілдік GII-дің жекелеген көрсеткіштері мен әдістемесі бойынша ДЗМҰ-мен өзара іс-қимылды жалғастырады. Келесі міндет – қол жеткізілген нәтижені бекіту және Индекстің негізгі индикаторлары бойынша мемлекеттік органдардың жүйелі жұмысы есебінен Қазақстанның позициясын одан әрі жақсарту.Сурет: ҚР Әділет министрлігі

Қазақстан Жаһандық инновациялық индексте ең үздік нәтижемен позициясын нығайтуда

<a href="https://kyzylorda-news.kz/">Kyzylorda-news.kz</a> Шиелі ауданының әкімдігінде аудан әкімі Айтбай Жандарбековтың төрағалығымен мәжіліс отырысы өтті.Мәжіліске аудандық мәслихат төрағасы, аудан әкімінің орынбасарлары, дербес бөлім басшылары, кент және ауылдық округ әкімдері қатысты.Алдымен аудан әкімі ауданда орын алған кадрлық өзгерістерге тоқталып өтті. Қазақстан Республикасы Су ресурстары және ирригация министрлігінің «Қазсушар» шаруашылық жүргізу құқығындағы республикалық мемлекеттік кәсіпорынның Қызылорда филиалы директорының 2026 жылғы 26 қыркүйектегі №370-ж/қ бұйрығымен «Шиелісушар» өндірістік учаскесінің басшысы лауазымына тағайындалған Рсымбетов Марат Сәдуақасұлын таныстырды.&nbsp;<img src="https://knadmin.beoblood.kz/uploads/Shieli_audany_m_zhilis_otyrysy_4_6f5395b641.jpg" alt="Шиелі ауданы мәжіліс отырысы 4.jpg">Күн тәртібінде бүгін Үкімет отырысында ««Егін жинау науқаны барысы туралы» мәселесі қаралды.<blockquote>«Егін жинау - ауыл шаруашылығы саласындағы ең жауапты кезеңдердің бірі. Сондықтан науқанды ұйымдасқан түрде өткізіп, белгіленген мерзімде аяқтау басты міндетіміз. Ауданда биыл ауыл шаруашылығы дақылдары бойынша 32 499 гектар жерге егіс орналастырылды. Қазіргі таңда егін жинау жұмыстары қарқынды түрде жүргізілуде. Қолдағы бар мәліметтерге сәйкес, бүгінгі таңда 8 268 гектар (71,3 %) күріш орылып, 7 152 гектары (86,5 %) бастырылған. Орташа өнім көлемі гектарына 49,2 центнерді құрап отыр» – деді аудан әкімі.</blockquote>Күн тәртібінен тыс қосымша «Таза Қазақстан» экологиялық акциясы аясында кент орталығында атқарылып жатқан абаттандыру және санитарлық тазалық жұмыстарының орындалу барысы қаралып, жауапты сала басшыларына тиісті тапсырмалар берілді.<img src="https://knadmin.beoblood.kz/uploads/Shieli_audany_m_zhilis_otyrysy_5_0a888ae0ab.jpg" alt="Шиелі ауданы мәжіліс отырысы 5.jpg">

Мәжілісте егін жинау науқаны жұмыстары қаралды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың қатысуымен «Заң мен Тәртіп» конституциялық қағидатын іске асыру жөніндегі ведомствоаралық комиссияның алғашқы отырысы өтті.Оған бейнеконференцбайланыс арқылы Ішкі істер министрлігі Профилактикалық жұмысты үйлестіру комитетінің төрағасы, полиция генерал-майоры Арман Саданов қатысты.Шілде айынан бастап күшіне енген еліміздің жаңа Конституциясында заң мен тәртіптің үстемдігін қамтамасыз ету мемлекеттің негізгі қағидаттарының бірі ретінде бекітілді.Осыған байланысты заңнамаға тиісті өзгерістер енгізіліп, облыс әкімдігі жанынан «Заң мен Тәртіп» конституциялық қағидатын іске асыру жөніндегі ведомствоаралық комиссия құрылды.Комиссия отырысында сотталғандар арасында құқық бұзушылықтар мен қайталама қылмыстардың алдын алу, оларды босатуға даярлау және әлеуметтік бейімдеуде қабылданып жатқан шаралар қаралды.Сонымен қатар халықтың ақшалай қаражатын заңсыз тарту және өзге де алаяқтық әрекеттерге байланысты құқық бұзушылықтардың жасалуына ықпал ететін себептер мен жағдайларды жою мәселесі талқыланды.Қызылорда облысы бойынша қылмыстық атқару жүйесі департаменті бастығының міндетін атқарушы Мақсұт Өтетлеуов және Қызылорда облысы бойынша экономикалық тергеп-тексеру департаментінің басшысы Кенесары Бағбанұлы баяндама жасады.Аймақ басшысы жауапты сала басшыларына бірқатар міндет жүктеді. Атап айтқанда, экономикалық тергеп-тексеру департаментіне күмәнді интернет ресурстарды анықтау, олардың жолын кесуді күшейту, анықталған фактілер бойынша жүргізілген жұмыстың нәтижелілігін тұрақты бақылауда ұстау тапсырылды.Полиция департаменті азаматтар арасында, әсіресе тәуекел тобына жататын тұрғындар мен еңбек ұжымдарында қаржылық алаяқтықтың алдын алуға бағытталған нысаналы профилактикалық жұмыстарды күшейтуі керек.Ал қоғамдық даму басқармасы, Қызылорда қаласы мен аудан әкімдері мүдделі мемлекеттік органдармен бірлесіп, тұрғындарға қаржы пирамидалары мен алаяқтық схемаларды ерте анықтауға мүмкіндік беретін түсіндіру жұмыстарын жүйелі түрде жүргізуі тиіс.Ең бастысы, бұл жұмыстар формалды сипатта емес, азаматтарды қаржылық шығынға ұшыраудан сақтандыруға &nbsp;бағытталуы керек.&nbsp;Бұдан кейін облыс әкімі Мұрат Ергешбаевтың төрағалығымен сыбайлас жемқорлыққа қарсы іс-қимыл мәселелері жөніндегі комиссия отырысы өтті. Күн тәртібінде квазимемлекеттік сектор субъектілеріндегі сыбайлас жемқорлыққа қарсы комплаенс қызметі, мемлекеттік әлеуметтік тапсырыс аясындағы шаралардың тиімділігі талқыланды.Аймақ басшысы барлық басқарма басшыларына, Қызылорда қаласы мен аудан әкімдеріне өздеріне қарасты квазимемлекеттік сектор субъектілерінің қызметіне талдау жүргізуді, сыбайлас жемқорлық тәуекелдері мен кемшіліктерді уақытылы анықтауды, оларды жоюдың нақты шараларын қабылдауды тапсырды.&nbsp;Сондай-ақ қолданыстағы талаптарға сәйкес квазимемлекеттік сектор субъектілерінде сыбайлас жемқорлыққа қарсы комплаенс қызметтері құрылып, дербес әрі тиімді жұмыс істеуі керек.Жүйелі профилактикалық шараларға басымдық беріліп, халықтың құқықтық сауатын арттыруға, адалдық қағидаттарын нығайтуға және сыбайлас жемқорлыққа төзбеушілік ұстанымын қалыптастыруға бағытталған шаралар қабылданады.Облыстық қоғамдық даму басқармасына мемлекеттік әлеуметтік тапсырыс шеңберіндегі сыбайлас жемқорлыққа қарсы жобаларға қойылатын талаптарды күшейту, олардың орындалуымен қатар, нақты нәтижесін бағалау жүйесін енгізу тапсырылды. Әр жоба бойынша қамтылған аудитория мен қол жеткен нәтиже нақты көрсетілуі қажет.Бұдан бөлек, барлық басқарма басшыларына, Қызылорда қаласы мен аудан әкімдеріне өздеріне қарасты салалар мен аумақтарда тәуекелдердіескере отырып, жүйелі профилактикалық жұмысты жолға қою міндеттелді. Осы орайда тек іс-шара өткізумен шектелмей, халықтың құқықтық сауатын арттыруға және сыбайлас жемқорлыққа төзбеушілік мәдениетін қалыптастыруға баса мән берілуі керек.Комиссия отырысында облыс әкімінің орынбасары Мейрамбек Шермағанбетов,ҚР Мемлекеттік қызмет істері агенттігі Қызылорда облысы бойынша департаментінің басшысы Ерлеген Мендалиев баяндама жасады.

«Заң мен тәртіп» қағидатын іске асыру жөніндегі комиссияның алғашқы отырысы өтті

<a href="https://kyzylorda-news.kz/">Kyzylorda-news.kz</a> Үкімет отырысында егін жинау науқанының барысы қаралды. Премьер-министр Олжас Бектенов мемлекеттік қолдаудың және заманауи агротехнологияларды енгізудің маңыздылығын атап өтті.&nbsp;<blockquote>«Президент тапсырмасына сәйкес мемлекет тарапынан аграрлық салаға айтарлықтай қолдау көрсетіліп келеді. Егін шаруашылығын орнықты дамытуға және ауыл шаруашылығы дақылдарының өнімділігін арттыруға бағытталған субсидиялау тетіктеріне баса көңіл бөлінуде. Мемлекет басшысы ауыл шаруашылығын қолдау шаралары бөлінген қаражаттың көлемімен ғана шектеліп қалмай, ең алдымен нақты экономикалық нәтижені қамтамасыз етуі тиіс екенін атап өтуде. Осы тұрғыдан алғанда, егін орағын сапалы әрі уақтылы өткізу – қойылған мақсаттарға қол жеткізудің басты шарттарының бірі», — деп атап өтті &nbsp;Олжас Бектенов.</blockquote>Биылғы егіншілік маусымы оңай өтпегені, вегетация кезеңінде бірқатар өңірде қуаңшылық белең алып, астықтың шығымына қатысты алаңдаушылық туғаны баса айтылды.Дегенмен, қабылданған шаралардың арқасында өнімділік орташа деңгейден жоғары болады деп күтілуде. Сондай-ақ астықтың сапасы мен балауызының деңгейі жоғары. Сақтауға қабылданған жалпы көлемнің 74%-дан астамы үшінші сыныпты және одан да жоғары сыныптарға жатады.Премьер-министр қуаңшылық пен су ресурстары тапшылығы жағдайында су үнемдеу технологиялары қолданылатын алқаптардың көлемін ұлғайтуға ерекше назар аударды.<blockquote>«Заманауи агротехнологияларды қолдану және тыңайтқыштарды уақтылы себу нақты нәтиже беріп отыр. Бұдан бөлек, Мемлекет басшысының тапсырмасына сәйкес, су үнемдеу технологияларын қолданатын алқаптардың көлемін ұлғайту шаралары қабылдануда. Қуаңшылық әрі су тапшылығы жағдайында бұл бастаманың маңызы өте зор. Сондықтан егіншілерді заманауи су үнемдеу технологияларына көшуге ынталандыру тәжірибесін жалғастыру қажет», — деп атап өтті Олжас Бектенов.</blockquote>Премьер-министр жаңбырлатып суару машиналарын, ауыл шаруашылығы техникаларын алғандай, жеңілдетілген қаржыландыру шарттарымен сатып алу мүмкіндігін пысықтауды тапсырды. Бұл қажетті техникаларға қолжетімділікті арттыруға мүмкіндік береді.&nbsp;

Мемлекеттік қолдаудың және заманауи агротехнологияларды енгізудің маңыздылығын атап өтті

<a href="https://kyzylorda-news.kz/">Kyzylorda-news.kz</a> Бүгін Үкімет отырысынан кейінгі облыс әкімі Мұрат Ергешбаевтың төрағалығымен өткен мәжілісте егін жинау науқанының барысы қаралды. Мәжіліске Қазалы ауданының әкімі Алмасбек Есмаханов селекторлық режим арқылы қатысты. Мәжілістен кейін тиісті сала басшыларына аймақ басшысының тапсырмаларына сәйкес нақты міндеттер жүктелді.Биыл аудан бойынша 12 475 гектар жерге ауыл шаруашылығы дақылдары орналастырылған. Оның ішінде 2 447 гектары күріш алқаптарына тиесілі. Бүгінгі күнге күріштің 809 гектары немесе 33,1 пайызы дестеге салынып, орташа өнімділігі гектарына 35 центнерді құрап отыр.Аудан әкімі егін жинау жұмыстарын белгіленген мерзімде аяқтап, жиналған өнімді ысырапсыз қамбаға түсіруді тапсырды. Сонымен қатар, келесі жылға егіс көлемін жоспарлау, су үнемдеу технологияларын кеңінен енгізу және ауыл шаруашылығы құрылымдарымен бірлескен жұмысты күшейту қажеттігін атап өтті.Мәжілісте аяқ су бойынша қалыптасқан берешекті өтеу мәселесіне де назар аударылды. Аудан бойынша шаруа қожалықтары мен жекелеген ауылдық округтердің аяқ суға берешегі 128,3 млн теңгені құрайды. Осыған байланысты жауапты тұлғаларға берешекті өндіріп алу жұмыстарын жандандыру және келесі суару маусымына дейін қарыздарды өтеуді қамтамасыз ету тапсырылды.Күн тәртібіндегі келесі мәселе бойынша ағымдағы жылдың 9 айында жер қатынастары саласында атқарылған жұмыстар мен алдағы міндеттер қаралды.Жыл басынан бері 10 644 гектар жер мемлекет меншігіне қайтарылған. Сонымен қатар, 2022–2025 жылдары мемлекет меншігіне қайтарылған 72,5 мың гектар жердің 56 646,9 гектары қайта айналымға енгізілген.Жерді тиімді әрі мақсатты пайдалану, мемлекетке қайтарылған жерлерді қайта айналымға енгізу, игерілмей жатқан учаскелерді анықтау, бос мемлекеттік жерлерді аукцион арқылы айналымға қосу және жайылымдық жерлерді тиімді пайдалану бағытындағы жұмыстардың барысы талқыланды.Аудан әкімі жер қатынастары саласындағы жұмыстарды заң талаптарына сәйкес жүргізіп, жер учаскелерінің мақсатты әрі тиімді пайдаланылуына тұрақты мониторинг жүргізуді тапсырды.Мәжіліс соңында ауданның санитарлық тазалығы мен абаттандыру жұмыстарының қазіргі жағдайы қаралып, Әйтеке би кенті мен Қазалы қаласында анықталған кемшіліктерді жою бойынша жауапты тұлғаларға нақты тапсырмалар берілді.Аудан басшысы мәжілісте берілген тапсырмалардың белгіленген мерзімде және сапалы орындалуы қатаң бақылауында болатынын ескертті.

Мәжіліс отырысында күн тәртібіндегі негізгі мәселелер қозғалды

<a href="https://kyzylorda-news.kz/">Kyzylorda-news.kz</a> 2026 жылғы 1 қаңтардан бастап елімізде жаңа Салық кодексі күшіне енді. Жаңа құжаттың негізгі бағыттарының бірі салықтық әкімшілендіруді жеңілдетіп, «жазалау» моделінен «сервистік» модельге көшіру. Яғни салық төлеушіге тіркелген сәттен бастап қызметін тоқтатқанға дейін қажетті қолдау көрсету көзделген.Бұл туралы Өңірлік коммуникациялар қызметінің ақпарат алаңында Қызылорда облысы бойынша Мемлекеттік кірістер департаменті басшысының орынбасары Асқар Елеманов мәлімдеді.<blockquote>– Мемлекеттік кірістер органдарының басты міндеті бюджет қазынасын толықтырумен қатар, халыққа сапалы әрі қолжетімді қызмет көрсету. Жаңа Салық кодексіндегі өзгерістердің түпкі мақсаты да салық төлеушілерге қолайлы жағдай жасап, кәсіпкерлікке түсетін әкімшілік жүктемені азайту. Биылғы көрсеткіштерге сәйкес мемлекеттік бюджет жоспары 105 пайызға орындалып, жоспарланған 174,2 млрд теңгенің орнына 182,8 млрд теңге түскен. Оның ішінде республикалық бюджетке 105,3 млрд теңге, жергілікті бюджетке 63,6 млрд теңге бағытталды. Салық төлеушілермен жүргізілген әкімшілендіру жұмыстарының нәтижесінде бюджетке қосымша 10,6 млрд теңге өндірілді. Өңірде бүгінде 12 904 заңды тұлға және 52 779 дара кәсіпкер мемлекеттік тіркеуде тұр. Ал 2026 жылдың сегіз айында Мемлекеттік кірістер департаменті 268,5 мыңнан астам мемлекеттік қызмет көрсеткен. Оның 99,9 пайызы электронды түрде жүзеге асырылға , – деді спикер.</blockquote>Салық төлеушілерге түсіндіру жұмыстары да күшейтілген. Жаңа Салық кодексінің талаптары мен кәсіпкерлікті қолдау шаралары бойынша семинарлар, тікелей эфирлер және ашық есік күндері өткізілуде. 2026 жылдың сегіз айында №1414 Бірыңғай байланыс орталығына 22,7 мыңнан астам өтініш түсіп, азаматтарға тиісті түсіндірме берілді.Жаңа кодекс аясында арнаулы салық режимдері де оңтайландырылды. Бұған дейінгі жеті режимнің орнына үш негізгі режим енгізілді. Олар өзін-өзі жұмыспен қамтығандарға, оңайлатылған декларация негізінде жұмыс істейтіндерге және шаруа немесе фермер қожалықтарына арналған режимдер. Сегіз айда өңірде 18 022 өзін-өзі жұмыспен қамтыған азамат тіркелген.Сонымен бірге жеке тұлғалардың көлік құралдарына қатысты да бірқатар өзгеріс бар. Пайдалану мерзімі 10 жылдан асқан жеңіл автомобильдерге 0,7, ал 20 жылдан асқандарға 0,5 түзету коэффициенті қолданылады. Шаруа және фермер қожалықтары бір пикап көлігі бойынша көлік салығын төлеуден босатылды.<blockquote>– Басты ұстанымымыз тек берешекті өндіріп алу немесе жауапкершілікке тарту емес. Кәсіпкерге салық міндеттемесін реттеуге мүмкіндік беру, артық қаржылық жүктемені азайту және кәсібін тұрақты жалғастыруына жағдай жасау маңызды. Осы бағытта цифрлық сервистерді дамыту, түсіндіру жұмыстарын күшейту және салық төлеушілерге қызмет көрсету сапасын арттыру жалғаса береді, – деді Асқар Сейдекәрімұлы.</blockquote>

Бюджет кірісі ұлғайып, салықтық қызметтер цифрландырылуда

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев 27 қыркүйекте Қорғаныс министрлігінің басшылық құрамымен өткен арнайы кеңесте әскердегі жағдайға баға берді. Мемлекет басшысы министрліктің жұмысына жан-жақты тексеру жүргізіп, он күн ішінде армияны реформалау жоспарын әзірлеуді тапсырды.Мемлекет қабылдап жатқан шараларға қоғамның көзқарасын білу үшін «Демократия институты» ғылыми-зерттеу қауымдастығы 28-29 қыркүйекте қоғамдық пікірді зерттеу мақсатында сауалнама жүргізді.Сауалнама нәтижесі армияның қазіргі жағдайы мен болашағы көпшілік назарында екенін көрсетті. Қатысушылардың 85,2 пайызы Президенттің Қорғаныс министрлігін кешенді тексеру туралы шешімін толық немесе ішінара қолдайды.Қарулы Күштерді реформалау туралы шешімге де осындай көзқарас қалыптасқан. Мемлекет басшысының бұл шешімін оң бағалағандардың үлесі де жоғары – 85,7%.Сауалнамаға қатысушылар армияда қандай өзгерістер қажет екенін де айтты. Бұл сұраққа бірнеше жауап таңдауға мүмкіндік берілді. Ең көп аталған ұсыныс – Қорғаныс министрлігінің ашықтығы мен есептілігін арттыру (47,4%). Бұдан кейін командалық құрамды жаңарту және оның кәсіби деңгейін көтеру (34,3%), сондай-ақ қорғаныс саласындағы жемқорлыққа қарсы күресті күшейту (29,4%) тұр.Әскери қызметтің күнделікті жағдайына қатысты мәселелер де назардан тыс қалған жоқ. Сауалнамаға қатысушылардың 25,3%-ы олардың қауіпсіздігі мен әлеуметтік жағдайын жақсартуды маңызды деп санайды. Қару-жарақ пен әскери техниканы жаңартуды 20,7%, жаңа технологияларды, оның ішінде цифрлық шешімдерді енгізуді 20,4%, ал жауынгерлік даярлық пен оқу-жаттығу деңгейін көтеруді 19,2% атаған.Сауалнама нәтижесі қоғамның армияда жан-жақты өзгеріс күтетінін көрсетеді. Елдің қорғаныс қабілетін нығайтумен қатар, жұрт әскери қызметтің күнделікті ұйымдастырылуы да жақсарғанын қалайды.Президент бастамаларын қолдаудың жоғары деңгейі реформаның нәтижесіне қатысты нақты талаптармен ұштасып отыр. Халық реформаны армияның әскери-техникалық әлеуеті қаншалықты артқанымен ғана емес, әскери қызметтің жағдайы мен қауіпсіздігі қалай өзгергенімен де бағалайды.Зерттеу туралы. Сауалнаманы «Демократия институты» ғылыми-зерттеу қауымдастығы 2026 жылғы 28-29 қыркүйекте онлайн-сауалнама (CAWI) әдісімен жүргізді. Зерттеуге 17 облыс пен республикалық маңызы бар үш қала – Астана, Алматы және Шымкенттен 18 жастан асқан 1000 респондент қатысты.Сурет: Ақорда

Мемлекет басшысы армияны реформалау жоспарын әзірлеуді тапсырды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында егін жинау науқанының барысы қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысында көтерілген мәселелерге орай .<blockquote>«Мақсат – егінді ысырапсыз әрі шығынсыз жинап алу. Науқанды қазан айының 15-інен кешіктірмей аяқтау керек. Қала және аудан әкімдіктерімен бірлесіп, барлық жұмысты белгіленген мерзімде сапалы атқаруға басымдық берілуі тиіс. Кәсіпкерлік саласындағы көрсеткіштерге тұрақты мониторинг жасап, мемлекеттік қолдау бағдарламаларының орындалуын қатаң бақылауда ұстаңыздар. Мемлекеттік кірістер департаменті қолдау алған кәсіпкерлердің мемлекет алдындағы міндеттемелерін орындауын қамтамасыз етсін.Жеңілдетілген қаржы, субсидия және кепілдікке ие болған кәсіпкерлердің салық түсімдеріне жан-жақты талдау жасалсын. «Жұмыс жүргізілді», «түсіндіру жұмыстары ұйымдастырылды» деген бос сөз, құр есеп қажет емес. Нақты нәтижеге мән беріп, қорытындысын баяндаңыздар», – деді Мұрат Нәлқожаұлы.</blockquote>Мәжілісте облыстық кәсіпкерлік және өнеркәсіп басқармасы басшысының міндетін атқарушы Жанар Берденова,облыстық ауылшаруашылығы және жер қатынастар басқармасының басшысы Талғат Дүйсебаев баяндама жасады.Биыл өңірде 193,7 мың гектарға ауыл шаруашылығы дақылдары егілді. Үкімет бекіткен Жол картасына сәйкес күріш алқабы өткен жылмен салыстырғанда 10,9 мың гектарға қысқарды. Мемлекет басшысының тапсырмасына сәйкес егісті әртараптандыру мақсатында 11 мың гектарға жүгері себілді.Алқаптарды сумен қамтамасыз ету үшін 3,2 млрд текше метр су лимиті бекітіліп, вегетациялық кезең штаттық режимде өтті. Диқандар тұқым, тыңайтқыш, гербицид және жанар-жағармаймен толық қамтылды. Сырдария өзенінен каналдар арқылы егістікке 2,5 млрд текше метр су берілді.Аймақта ерте егілген дәнді дақылдарды жинау аяқталды. Бүгінде 36 мың гектар күріш орылып, оның 27 450 гектары бастырылды.&nbsp;Орташа өнімділік гектарына 48,4 центнер, 133 мың тонна күріш салысы жиналды. Жиында жылу беру маусымына әзірлік барысы да қаралды. Биыл жылумен қамту нысандарын жаңғыртуға 5,5 млрд теңге бөлініп, 8,7 шақырым жылу желісін жаңғырту, газтурбиналық қондырғыға күрделі жөндеу жүргізу, жылу желілерін, қазандықтар, турбина және автономды қазандықтарды жөндеу жұмыстары толық аяқталды.Электр желілерін жаңғыртуға 7,6 млрд теңге бағытталып, 460 шақырым электр желісі мен 134 қосалқы станция жөндеуден өткізілді.Облыстағы 1 074 әлеуметтік нысанның дайындығы 100 пайыз. Жылу ауа райының нақты жағдайына және сыртқы ауаның тәуліктік орташа температурасына қарай беріле бастайды.&nbsp;Қыс мезгілінде тұрғындарға 68 мың тонна, әлеуметтік нысандарға 12 мың тонна, барлығы 80 мың тоннакөмір қажет. Көмір қорын толықтыру жұмыстары бекітілген кестеге сәйкес жүргізілуде.

Егін жинау науқанына байланысты жауапты сала басшыларына тапсырма берді

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Федералдық Президент Франк-Вальтер Штайнмайердің шақыруымен Германияға ресми сапармен барды.Сапар аясында Берлинде ГФР Президенті Франк-Вальтер Штайнмайермен және Федералдық Канцлер Фридрих Мерцпен келіссөздер жоспарланған.Тараптар Қазақстан мен Германия арасындағы стратегиялық серіктестікті нығайту перспективасын талқылайды. Сонымен қатар Қасым-Жомарт Тоқаев Мюнхен қаласына барады.Бұдан бөлек, Мемлекет басшысы Германияның маңдайалды компанияларының, қаржы және ғылыми институттарының жетекшілерімен, жоғары оқу орындарының ректорларымен кездесу өткізуді жоспарлап отыр. Президент Берлинде бизнес-форумға және Мюнхенде технологиялық бизнес-форумға қатысады.

Қасым-Жомарт Тоқаев Германияға ресми сапармен барды

<a href="https://kyzylorda-news.kz/">Kyzylorda-news.kz</a> Қызылорда облысында 214 бастауыш партия ұйымы жұмыс істейді. Олардың құрамында 54 мыңнан астам партия мүшесі бар. «Әділет» партиясы үшін бұл – жай ғана статистика емес, халықпен тікелей жұмыс істейтін үлкен күш. Бастауыш ұйымдардың жұмысы арқылы партия азаматтардың ұсынысы мен мәселесін жергілікті жерде естіп, оларды шешуге ықпал ете алады.Осы бағыттағы жұмысты талқылау мақсатында Қызылордада «Бастауыш ұйым: жаңа серпін - жаңа міндеттер» тақырыбында бастауыш партия ұйымдары өкілдерімен кездесу өтті.&nbsp;Кездесуде «Әділет» партиясы Қызылорда облыстық филиалының төрағасы Жандос Базартай бастауыш ұйымдардың партия жұмысындағы маңызына ерекше тоқталды.<blockquote>«Кез келген саяси партияның негізгі күші тек орталық немесе өңірлік құрылымында емес, ең алдымен, елмен тікелей жұмыс істейтін бастауыш партия ұйымдарында. Бастауыш ұйым – азамат пен партия арасындағы тікелей байланысты қалыптастыратын негізгі буын», – деді Жандос Базартай.</blockquote>Филиал төрағасының айтуынша әр партия мүшесінің артында қоғамға қатысты өзіндік пікірі, талабы мен ұсынысы бар. Олар халықтың мәселесін тыңдап, азаматтардың ұсыныстарын жеткізіп, жергілікті жердегі өзекті мәселелерді көтеріп, олардың шешілуіне ықпал етуі тиіс.<blockquote>«Біз халыққа партия туралы сөзбен ғана емес, нақты іспен көрсетуіміз қажет. Азаматтың мәселесін тыңдап, оның шешілуіне ықпал ету – біздің жұмысымыздың басты өлшемі», – деді Жандос Базартай.</blockquote>Кездесуде партияның сайлауалды бағдарламасының орындалуына бастауыш ұйымдардың атсалысуы да сөз болды. Сайлауалды бағдарламада белгіленген міндеттердің орындалуына жергілікті жердегі партия мүшелерінің белсенді қатысуы маңызды екенін атап өтті.Филиал төрағасы үздік ұйымдарды марапаттау барысында бұл бастаманың маңызына тоқталды.<blockquote>«Бұл марапат – жұмыстың аяқталғанын емес, керісінше, жақсы нәтижені одан әрі дамытуға берілген баға. Үздік бастауыш партия ұйымдарын анықтау арқылы тиімді жұмыс тәжірибесін қалыптастырып, бір-бірімізден үйренуге және барлық бастауыш ұйымдардың жұмыс сапасын арттыруға мүмкіндік жасаймыз», – деді Жандос Базартай.</blockquote>Байқау жеңімпаздарына түрлі-түсті және лазерлі принтерлер, сондай-ақ ноутбуктер табысталды. Бұл қолдау бастауыш ұйымдардың материалдық-техникалық базасын нығайтып, күнделікті жұмысын тиімді ұйымдастыруына мүмкіндік береді.Партия басшылығының айтуынша, мұндай қолдау алдағы уақытта да жалғасын табады. Негізгі мақсат – үздік тәжірибені кеңінен таратып, бастауыш ұйымдардың жұмыс сапасын арттыру. Партияның күші мүшелерінің санымен ғана емес, қоғамға пайдалы нақты істерімен өлшенеді. Ал осы жұмыстың халыққа ең жақын буыны – бастауыш партия ұйымдары.

Қазақстан және Қызылорда облысының жаңалықтары: Қоғам