<a href="https://kyzylorda-news.kz/">Kyzylorda-news.kz</a> Мемлекеттің экономикалық мүддесін қорғау, бюджет қаражатының мақсатсыз жұмсалуына жол бермеу және көлеңкелі экономиканың тамырына балта шабу басты назардағы мәселе. Өңірде бұл бағытта атқарылып жатқан жұмыстар мен жыл басынан бергі көрсеткіштер қандай? Бұл сұраққа Өңірлік коммуникациялар қызметінің ақпарат алаңында өткен брифингте Қызылорда облысы бойынша Экономикалық тергеп-тексеру департаменті басшысының орынбасары Руслан Сатыбалдиев жауап берді.Жиында сала өкілі халықты әбігерге салған 2 қаржы пирамидасының қызметіне тосқауыл қойылғанын айтты. Жәбірленушілерге келтірілген 59 млн теңге залал анықталып, сот үкімімен құны 5 млн теңге болатын автокөлік пен 2 947 945 USDT криптоактивтер мемлекет кірісіне тәркіленді. Ал заңсыз ойын бизнесін ұйымдастырғандарға қатысты 5 қылмыстық іс сотқа жолданған.<blockquote>«Біздің жұмыс тек жазалаумен немесе тергеумен шектелмейді. Қылмыстың алдын алу мақсатында тұрғындар мен жастар арасында 50-ге жуық түсіндіру шарасы өтіп, 4 мыңнан астам адам қамтылды. Алдағы уақытта да халықтың қаржылық сауаттылығын арттыруға бағытталған ауқымды шаралар жалғасады. Сондай-ақ әлеуметтік желілерге тәулік бойы мониторинг жасалып, «Кибернадзор» жүйесі арқылы алаяқтық пен қаржы пирамидаларын насихаттайтын 10 000-нан астам сілтеме бұғатталды», – деді Руслан Нұрланұлы.</blockquote>

Қызылордада экономикалық құқық бұзушылықтарға қарсы күрес күшейді

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің тапсырмасына сәйкес, аудан әкімінің орынбасары Самат Смағұловтың төрағалығымен аудан тұрғындарын жеке мәселелері бойынша қабылдау өткізілді.Қабылдауға келген тұрғындар тұрақты жұмысқа орналасу, тұрғын үймен қамту және басқа да әлеуметтік мәселелер бойынша өтініштері мен ұсыныстарын жеткізді.Қабылдау барысында тұрғындардың әрбір мәселесі жеке қаралып, қолданыстағы заңнама талаптарына сәйкес тиісті түсініктемелер берілді. Жұмыс іздеп жүрген азаматтарға қолжетімді мемлекеттік бағдарламалар мен қоғамдық жұмыстарға қатысу мүмкіндіктері жөнінде ақпарат ұсынылды.Сонымен қатар көтерілген мәселелерді зерделеп, заң аясында шешу бағытында жауапты сала басшыларына тиісті тапсырмалар берілді.

Азаматтарды жеке мәселелері бойынша қабылдады 

<a href="https://kyzylorda-news.kz/">Kyzylorda-news.kz</a> Қазалы ауданына жұмыс сапарымен Қызылорда облысының жұмылдыру дайындығы, аумақтық және азаматтық қорғаныс басқармасының басшысы Исламбек Тынарбайұлы Төлегенов барды.Басқарма басшысының жұмыс сапары аясында мерзімді әскери қызметке шақыру жұмыстарын пысықтауға арналған арнайы мәжіліс өтті. Жиынға аудандық шақыру комиссиясының мүшелері, медициналық комиссия өкілдері, аудандық қорғаныс істері жөніндегі бөлім, полиция бөлімі және денсаулық сақтау саласының жауапты мамандары, сондай-ақ Қазалы қаласы мен Әйтеке би кентінің әкімдері және әскери есеп мамандары қатысты.Мәжіліске аудан әкімінің орынбасары Жалғас Сүйеубаев төрағалық етіп, облыстық басқарма басшысын жиынға қатысушыларға таныстырып өтті.Қазалы ауданы бойынша 2026 жылдың көктемгі шақыру науқанына белгіленген 79 азаматты әскер қатарына жіберу тапсырмасы толық орындалған. Ал күзгі шақыру науқаны бойынша төтенше жағдайлар қызметі мен Қарулы Күштерді қоспағанда, 58 азаматты әскери қызметке жіберу жоспарланған. Оның ішінде Шекара қызметіне – 18, Ұлттық ұланға – 39, Мемлекеттік күзет қызметіне – 1 азамат.Қазіргі таңда 364 азаматқа қолма-қол шақыру қағазы таратылып, «1414» бірыңғай байланыс желісі арқылы хабарламалар жіберілген. Іздестіру жұмыстарын жүргізу үшін аудандық полиция бөліміне 29 азаматтың тізімі жолданып, оның 5-еуі шақыру пунктіне жеткізіліп, тиісті хаттамалар толтырылған.Жиында облыстық басқарма басшысы Исламбек Төлегенов әскерге шақыру жұмыстарын ұйымдастыру, азаматтарды медициналық тексеруден өткізу, шақыру тәртібін сақтау және тиісті органдардың өзара іс-қимылы жөнінде сөз сөйлеп, жауапты мамандарға бірқатар міндеттерді атап өтті.Басқарма басшысы жұмыс сапары барысында Қазалы ауданындағы әскерге шақыру пунктінің жай-күйімен танысып, нысанның дайындық барысын көрді.Мәжіліс соңында қатысушылар тарапынан қойылған сұрақтарға жауап беріліп, әскерге шақыру науқанын сапалы әрі белгіленген мерзімде өткізу бойынша тиісті жұмыстарды жалғастыру тапсырылды.

Мәжілісте күзгі әскерге шақыру жұмыстары қаралды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев Шиелі ауданына жұмыс сапары кезінде Бәйгеқұм және Еңбекші ауылдарының тұрғындарымен кездесті. Онда елді мекендердің инфрақұрылымын, ауыл шаруашылығы және кәсіпкерлік салаларын дамыту, халықтың тұрмыс сапасын арттыру бағытында атқарылып жатқан жұмыстар талқыланды.Ауылдық округтерде көшелерге асфальт төселген, аяқсумен қамтылған және жарықтандырылған. Тұрғындар мал ұстайды, кәсіпкерлікпен айналысады.Кездесуде айтылған ұсыныс-пікірлер бойынша жауапты сала басшыларына тиісті тапсырмалар берілді. Аймақ басшысы Бәйгеқұм ауылындағы учаскелік полицияның жаңа пунктінің жұмысымен танысты. Нысанды демеушілік қаражат есебінен 22 млн теңгеге «Сәт-Сервис» серіктестігі салып, қыркүйек айында пайдалануға берілген.Бұл ауылда 2330 тұрғын бар. Учаскелік полиция пунктінің ашылуы қауіпсіздікті қамтамасыз етуге, құқықбұзушылықтың алдын алуға және полиция қызметкерлерінің халықпен тікелей байланысын нығайтуға мүмкіндік береді.Одан кейін облыс әкімі «Гежуба Шиелі Цемент» серіктестігінің қаржыландыруы есебінен 1,2 млрд теңгеге салынып жатқан 4,3 шақырым «Самара-Шымкент-Еңбекші» автомобиль жолының құрылысын көрді. Бас мердігер «Орда АвтоДор» ЖШС қолға алған құрылысты авторлық қадағалауға «Димаш-Сервис», техникалық қадағалауға «Опора Строя» серіктестіктері жауапты. Қайта жаңғыртудан өткен жол Еңбекші ауылы тұрғындарының көлік қатынасын жайлы етеді.Шиелі кентіндегі жол жөндеу жұмыстары, мамандандырылған балалар-жасөсіпірімдер мектебі де назардан тыс қалмады. Биыл &nbsp;Қожа Ахмет Яссауи, Бәкіров және Есабыз көшелерін, сондай-ақ Байтұрсынов көшесінен канал көпіріне дейінгі автомобиль жолдарын қайта жаңғыртуға &nbsp;облыстық бюджеттен 544,6 млн теңге, аудандық бюджеттен 350 млн теңге бөлінді. Қазір құрылыс-монтаждау жұмыстары жүргізілуде.№9 Шиелі аудандық олимпиадалық резервтің мамандандырылған балалар-жасөспірімдер мектебі күрделі жөндеуден өткен. Жалпы 249,9 млн теңге бөлінген жөндеу жұмыстарының нәтижесінде мектеп ғимараты жаңартылып, спортшылар мен жаттықтырушылар үшін қолайлы жағдай жасалды.Айта кету керек, Шиелі ауданы аумағындағы автомобиль жолдарының жалпы ұзындығы 325,9 шақырым болса, оның 80 шақырымы &nbsp;республикалық, 100,5 шақырымы &nbsp;облыстық және 145,4 шақырымы аудандық маңыздағы жолдар санатында.Аудандық маңызы бар 145,4 шақырым жолдың 138,1 шақырымы (94,9 пайыз) жақсы және қанағаттанарлық жағдайда. Ал облыстық және республикалық маңызы бар жолдар 100 пайыз асфальтталған.<img src="https://knadmin.beoblood.kz/uploads/Oblys_kimi_shielilik_t_r_yndarmen_kezdesti_8a6e057a33.jpg" alt="Облыс әкімі шиелілік тұрғындармен кездесті.jpg">

Аймақ басшысы Бәйгеқұм және Еңбекші ауылдарының тұрғындарымен кездесті

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың қатысуымен «Vigor Holding» компаниясының Шиелі ауданындағы қуаттылығы 20 МВт күн-электр станциясын іске қосу рәсімі өтті. Оған облыс прокуроры-инвестициялық омбудсмен Ризабек Ожаров, зиялы қауым өкілдері мен ел ағалары, аталған компанияның және жобаға қаржылай қолдау көрсеткен «Қазақстанның Даму Банкінің» өкілдері арнайы қатысты.<blockquote>«Мемлекет басшысы Қасым-Жомарт Кемелұлы елімізде жаңа инвестициялық кезеңді бастауды, оның ішінде индустрия, энергетика және құрылыс салаларында заманауи өндірістер ашуды тапсырған болатын. Жаңа жобаларды іске асыруға, өнеркәсіпті дамыту үшін жеке капитал тартуға мемлекет жан-жақты қолдау көрсетіп, қолайлы жағдай жасап келеді. Осының айқын көрінісі ретінде, бүгін отандық инвестордың қатысуымен жүзеге асқан жоба – «Vigor Holding» компаниясының күн-электр станциясын іске қосу рәсіміне жиналдық. Біз отандық және шетелдік инвесторлармен ашық әрі сенімді қарым-қатынас орнатып, нәтижелі жұмыс жасауға әрдайым дайынбыз! Жаһандық бәсеке күшейіп тұрған қазіргі заманда бұл – өте маңызды бастама. Өндірістер ашуға, жаңа технологияларды дамытуға салынған инвестицияның міндетті түрде қайтарымы болады. Осы ретте, ұтымды әлеуетімізді және мүмкіндіктерді тиімді пайдалануымыз қажет. Жаңа станцияның жұмысы табысты болсын!», – деді Мұрат Нәлқожаұлы.</blockquote>Жиында ауданның әлеуметтік-экономикалық дамуына үлес қосқан және жобаның нәтижелі жүзеге асуына атсалысқан азаматтар облыс әкімінің Алғыс хатымен марапатталды. Ризабек Кәрімұлы, «Vigor Holding» компаниясының бас директоры Айтуған Ахметұлы құттықтау сөз сөйлеп, ардагер Өркен Әзімханұлы ақ батасын берді.Бүгінде өңірде жалпы қуаттылығы 151 мегаватт болатын 11 күн-электр станциясы жұмыс істеп тұр. Алдағы уақытта қуаттылығы 225 мегаваттан асатын тағы 7 күн-электр станциясын іске қосу жоспарланған.Қазір Арал және Жаңақорған аудандарында 30 мегаваттық станциялар құрылысы жүргізілуде. Сонымен қатар, Қызылорда қаласында 15 мегаваттық, ал Шиелі ауданында әрқайсысының қуаттылығы 60 мегаватт болатын екі күн-электр станциясының жобасы әзірленуде. «ҚызылордаЭнерджиГаз» мекемесінің 10 мегаваттық станциясының құрылысы алдағы айда басталады.<img src="https://knadmin.beoblood.kz/uploads/Whats_App_Image_2026_09_30_at_17_18_42_f7f97bd8f1.jpeg" alt="Шиелі күн электр станциясы.jpeg">

Шиеліде күн-электр станциясы іске қосылды

<a href="https://kyzylorda-news.kz/">Kyzylorda-news.kz</a> Ардагерлер – ел тарихының тірі шежіресі, ұрпаққа жол көрсететін өмір мектебі. Олардың еңбегін бағалау, өнегесін дәріптеу және үлкенге құрмет көрсету – баршамызға ортақ парыз. Сол аға буынның құрметіне аудандық мәдениет үйінде елге еңбегі сіңген ардагерлерге құрмет көрсетуге арналған «Ардагерлер – елдің асыл қазынасы» атты арнайы іс-шара өтті.Тағылымды кеш «Бір хаттың ізімен» атты деректі фильммен басталып, көрермендерге ардагерлердің өмір жолы мен ел тарихындағы орны туралы сыр шертті.Одан кейін сахнада «Атаның альбомы» атты қойылым ұсынылып, ата мен немере арасындағы әсерлі әңгіме арқылы ұрпақтар сабақтастығы, үлкенге құрмет, өткенді бағалау және өмірлік тәжірибені кейінгі буынға жеткізу тақырыптары көрініс тапты.Салтанатты іс-шара барысында аудан әкімі Аманжол Оңғарбаев ардагерлерді құттықтап, елдің әлеуметтік-экономикалық және қоғамдық дамуына елеулі үлес қосқан аға буын өкілдеріне ізгі тілегін білдірді. Сондай-ақ ауданда соңғы жылдары атқарылған ауқымды жұмыстарға арнайы тоқталып, алдағы бірқатар міндеттерді саралады.Мерекелік шарада бірқатар ардагерлерге елге сіңірген еңбегі мен қоғамдық өмірге қосқан үлесі үшін арнайы марапаттар табысталды.Аға буын өкілдерінің ел мен қоғам алдындағы еңбегін дәріптеу, олардың өнегелі өмір жолын кейінгі ұрпаққа үлгі ету және ардагерлерге деген құрметті арттыру мақсатында өткен шарада туған жерге деген сүйіспеншілікті, жастық шақты, отбасы құндылықтарын, әке мен анаға деген құрметті арқау еткен әндер мен күйлер орындалып, ұлттық өнеріміз ұлықталды.

Арал: Ардагерлерге арналған тағылымды кеш ұйымдастырылды

<a href="https://kyzylorda-news.kz/">Kyzylorda-news.kz</a> Руханият орталығында ел тыныштығы мен қоғамдық қауіпсіздікті қамтамасыз ету, жас ұрпаққа әскери-патриоттық тәрбие беру және Отан алдындағы азаматтық борыштың маңызын насихаттау мақсатында кездесу өтті.Жиынды аудан әкімінің орынбасары Н. Бохаев жүргізді. &nbsp;Қызылорда облысының жұмылдыру дайындығы, аумақтық және азаматтық қорғаныс басқармасының басшысы &nbsp;И. &nbsp;Төлегенов арнайы қатысып, маңызды мәселелерді ортаға салды.Кездесу барысында Отан қорғау, әскери қызметтің жауапкершілігі, елге адал қызмет ету, азаматтық парыз және жас ұрпаққа патриоттық тәрбие беру мәселелері кеңінен талқыланды.Отан қорғау – әр азаматтың қасиетті борышы екені айтылып, елін, жерін қорғаған ерлердің ерлігі мен өнегелі жолы кейінгі ұрпаққа мәңгі үлгі екені және бүгінгі &nbsp;өскелең ұрпақтың бойында елжандылық, отансүйгіштік, жауапкершілік және азаматтық ұстаным қалыптастырудың маңыздылығы атап өтілді.<img src="https://knadmin.beoblood.kz/uploads/Aral_skerge_baru_2_e3986472cd.jpg" alt="Арал әскерге бару 2.jpg">

Отан алдындағы азаматтық борыштың маңызын насихаттау мақсатында кездесу өтті

<a href="https://kyzylorda-news.kz/">Kyzylorda-news.kz</a> 2026 жылғы 29–30 қазанда Астанада «Мектеп және адами әлеует: сапалы білім және тең мүмкіндіктер» тақырыбында «Назарбаев Зияткерлік мектептері» дербес білім беру ұйымының XV Халықаралық ғылыми-практикалық конференциясы өтеді.Дәстүрлі кәсіби алаңға биыл 20 елден 2 000-ға жуық қатысушы жиналады. Олардың қатарында педагогтер, зерттеушілер, білім беру ұйымдарының басшылары, мемлекеттік органдар өкілдері мен шетелдік сарапшылар бар.Конференцияның халықаралық спикерлері – білім берудегі өзгерістер мен мектеп көшбасшылығын зерттеуші Энди Харгривз (Канада), білім экономикасының маманы Гарри Энтони Патринос (АҚШ), суретші әрі педагог, Global Teacher Prize 2026 сыйлығының иегері Рубл Наги (Үндістан), нейроғалым Кэтри Саарикиви (Финляндия), білім беру саласындағы сарапшы Саймон Лайтман (БАӘ), білім беру саясаты жөніндегі сарапшы Эстер Саламон (Нидерланд) және басқа да әлемдік деңгейдегі мамандар.Конференция бағдарламасы да ауқымды: пленарлық баяндамалар, панельдік пікірталастар, практикалық шеберлік сабақтары мен воркшоптар, дөңгелек үстелдер, Ignite Talks, сондай-ақ қазақстандық педагогтердің озық тәжірибелері ұсынылады. 9 тақырыптық бағытты қамтитын 36 параллель сессияда қазіргі білім берудің өзекті мәселелері жан-жақты талқыланады.Сондай-ақ зерттеу постерлері көрмесінде практик-мұғалімдердің 120-ға жуық жұмысы таныстырылады. Ал «NIS Korme» арнайы көрме кеңістігінде қатысушылар білім беру бастамаларымен, баспа жобаларымен және цифрлық технологиялармен таныса алады.Биылғы кәсіби пікірталастың өзегінде болашақ мұғалімі, цифрлық құзыреттер, мектеп трансформациясы, оқушылардың әл-ауқаты, білім беруде деректерді тиімді пайдалану, оқыту сапасы мен тең білім беру мүмкіндіктері секілді маңызды тақырыптар бар.Жылдар өте NIS Conference Қазақстан мен Орталық Азиядағы білім саласының өзекті мәселелері талқыланатын ірі кәсіби алаңдардың біріне айналды. Конференция педагогтерге әлемдік тәжірибемен танысып қана қоймай, өз идеяларын ортаға салып, кәсіби байланыстар орнатуға мүмкіндік береді.<ul><li style="text-align:justify;">Әр қатысушыға атаулы онлайн-сертификат беріледі.</li><li style="text-align:justify;">29–30 қазан 2026 жыл</li><li style="text-align:justify;">Астана, «Конгресс орталығы»</li><li style="text-align:justify;">Тіркелу және билеттер: conf.nis.edu.kz</li></ul><img src="https://knadmin.beoblood.kz/uploads/Whats_App_Image_2026_09_30_at_15_51_06_df51b14576.jpeg" alt="НИШ.jpeg">

Елордада Назарбаев Зияткерлік мектептерінің  XV Халықаралық конференциясы өтеді 

<a href="https://kyzylorda-news.kz/">Kyzylorda-news.kz</a> 1 қазан – Халықаралық қарттар күніне орай аудан әкімі Алмасбек Есмаханов аудандық мәслихат төрағасы Ғазиз Әліш, аудандық ардагерлер кеңесінің төрағасы Оразғали Бекпанов және Қазалы ауданының Құрметті азаматы Қасқырбай Әлімбаймен бірге аудандағы ардақты аға буын өкілдерінің шаңырақтарына арнайы барып, мерекемен құттықтады.Алдымен аудан басшысы Қазалы қаласында тұратын Алқожаев Нұржан ақсақал мен Шолпан Тұрымбетованың шаңырақтарына барып, өнегелі өмір жолдарымен танысып, ақжарма тілегін білдірді.Нұржан ақсақал 1963 жылдан бастап Қазалы ветеринариялық станциясында малдәрігері болып, 45 жыл бойы абыройлы еңбек етті. Еңбек жолын бір мекемеде табан аудармай жалғастырып, құрметті зейнетке шыққан ардагер 2 қыз, 2 ұл тәрбиелеп өсірді. Бүгінде 11 немере мен 15 шөберенің қызығын көріп отырған бақытты ата.<img src="https://knadmin.beoblood.kz/uploads/azaly_audany_kimi_arttar_k_nimen_tty_tady_2_0dc55afe65.jpg" alt="Қазалы ауданы әкімі қарттар күнімен құттықтады 2.jpg">Ал Тұрымбетова Шолпан апа ғұмырын маңдай термен өріп, үш қыз тәрбиелеп, өмірдің талай сынағына қайсарлықпен төтеп берген ардақты ана. Қазалы қаласындағы туберкулез ауруханасының рентген бөлімінде 17 жылдан астам уақыт санитарка болып еңбек етіп, 1991 жылы зейнеткерлікке шыққан. Бүгінде балалары мен немере-шөберелерінің ортасында берекелі ғұмыр кешіп отыр.Бұдан кейін аудан әкімі Әйтеке би кентінің тұрғындары, ардагерлер Оразымбетов Жайылхан ақсақал мен Тұманбаева Күнипа апайдың шаңырақтарына арнайы барды. 1943 жылы туған Жайылхан ақсақал ұзақ жылдар бойы теміржол саласында машинист болып еңбек етіп, құрметті еңбек демалысына шыққан. Бір ұл, бір қыз тәрбиелеп өсірген ардагер бүгінде 7 немере, 6 шөберенің сүйікті атасы. Ал 1939 жылы дүниеге келген Күнипа апай – 10 перзент тәрбиелеп өсірген, «Алтын алқа» иегері. Бүгінде 11 немере, 18 шөберенің ортасында ұрпағының қызығын көріп отырған аяулы ана.Кездесу барысында аудан әкімі ардагерлерге аймақ басшысы Мұрат Нәлқожаұлының құттықтауын жеткізіп, зор денсаулық, ұзақ ғұмыр, отбасыларына амандық пен береке тілеп, олардың елге сіңірген еңбегі мен кейінгі ұрпаққа қалдырған өнегесі қашанда құрметке лайық екенін атап өтті. Сондай-ақ ардагерлерге аудан әкімінің арнайы құттықтауын табыстап, иықтарына шапан жауып, аналарға камзол мен жаулық жауып, арнайы сый-сияпат көрсетті.<img src="https://knadmin.beoblood.kz/uploads/azaly_audany_kimi_arttar_k_nimen_tty_tady_3_504df469c2.jpg" alt="Қазалы ауданы әкімі қарттар күнімен құттықтады 3.jpg">

Қазалылық ардагерлерді қарттар күнімен құттықтады

<a href="https://kyzylorda-news.kz/">Kyzylorda-news.kz</a> Жол – елді мекендерді ғана емес, өңірдің экономикалық және әлеуметтік тынысын байланыстыратын маңызды инфрақұрылым. Сондықтан автомобиль жолдарының сапасы құрылыс жұмыстары басталғаннан бастап, нысан пайдалануға берілгенге дейін жіті бақылауды қажет етеді.Осы бағытта «Жол активтері сапасының ұлттық орталығы» Қызылорда облысы бойынша филиалының мамандары аймақта атқарылып жатқан жол-құрылыс жұмыстарына сараптамалық бақылау жүргізіп келеді.2026 жылы филиал автомобиль жолдарын салу, қайта құру, күрделі, орташа және ағымдағы жөндеу жұмыстары бойынша 96 нысанды сапа сараптамалық бақылауымен қамтыды. Бұл – жол құрылысының әр кезеңіндегі жұмыстардың белгіленген талаптарға сәйкес орындалуын бақылауға бағытталған жүйелі жұмыс.<img src="https://knadmin.beoblood.kz/uploads/Whats_App_Image_2026_10_01_at_16_26_25_2_92dc130cae.jpeg" alt="Жол сапасы.jpeg">Жылжымалы зертхана – жол бойындағы бақылаудың маңызды құралыЖол сапасын бақылау тек зертхана қабырғасында жүргізілмейді. Мамандар қажетті құрал-жабдықтармен жабдықталған жылжымалы зертхана арқылы тікелей құрылыс нысандарына шығып, жол-құрылыс жұмыстарының барысын орнында зерделейді.Бүгінде жылжымалы зертхана мамандары 702 құрылыс нысанына тексеру жүргізу үшін арнайы шыққан.Бұл жұмыс ауқымының қаншалықты үлкен екенін жүріп өткен жол көлемінен де аңғаруға болады. Жылжымалы зертханамен мамандар жол сапасын бақылау мақсатында 154 мың шақырым жол жүріп өткен.154 мың шақырым – аз көрсеткіш емес. Бұл қашықтықты Жердің экваторының ұзындығымен салыстырғанда, мамандардың жүріп өткен жолы жер шарын экватор бойымен шамамен 4 рет айналып шығумен тең.Яғни, бір нысаннан екіншісіне жету, жолдың жағдайын бақылау, қажетті материалдардан сынама алу және олардың сапасын тексеру үшін филиал мамандары жол үстінде тұрақты жұмыс атқарып келеді.<img src="https://knadmin.beoblood.kz/uploads/Whats_App_Image_2026_10_01_at_16_26_25_1b34c20b31.jpeg" alt="Жол сапасы.jpeg">Сапа – тек көзбен бағаланбайдыЖолдың сыртқы көрінісі оның сапасын толық көрсете алмайды. Жол құрылысына қолданылатын материалдардың физикалық және басқа да белгіленген көрсеткіштері тиісті талаптарға сай болуы қажет.Осыған байланысты филиал инженерлері құрылыс нысандарынан жол-құрылыс материалдарының сынамаларын алып, арнайы зертханада зерттейді.Мәселен, жыл басынан бері&nbsp;орталық инженерлері 1789 сынама алған.&nbsp;Зерттеуге жол құрылысына пайдаланылатын түрлі материалдар жіберіледі. Олардың қатарында асфальт, құм, қиыршық тас, битум және басқа да жол-құрылыс материалдары бар.Алынған әрбір сынама заманауи құрал-жабдықтармен қамтамасыз етілген арнайы зертханада зерттеледі. Мұнда материалдардың нормативтік талаптарға сәйкестігі зерделеніп, белгіленген көрсеткіштер бойынша тиісті тексеру жүргізіледі.Зертханадағы жұмыс – жол сапасының маңызды бөлігіЖолдың беріктігі мен ұзақ уақыт пайдаланылуы оның құрылысында қолданылған материалдардың сапасына тікелей байланысты. Сондықтан зертханалық бақылау жол сапасын қамтамасыз етудің маңызды тетіктерінің бірі саналады.Мамандардың жұмысы құрылыс алаңындағы визуалды бақылаумен шектелмейді. Нақты нәтижеге қол жеткізу үшін жол-құрылыс материалдарынан сынама алынып, зертханалық жағдайда жан-жақты тексеріледі.Осылайша, құрылыс нысанындағы бақылау, жылжымалы зертхананың жұмысы және арнайы зертханадағы сынақтар бір-бірімен сабақтасып, жол сапасын бағалаудың кешенді жүйесін қалыптастырады.<img src="https://knadmin.beoblood.kz/uploads/Whats_App_Image_2026_10_01_at_16_26_26_3d7129f711.jpeg" alt="Жол сапасы.jpeg">Күн-түн демей – жол сапасы үшінЖол құрылысының маусымы – мамандар үшін жауапкершілігі жоғары кезең. Өйткені көптеген құрылыс және жөндеу жұмыстары ауа райы мен маусымдық жағдайларға байланысты белгіленген мерзімде атқарылуы тиіс.Осы кезеңде «Jol sapa» мамандары өңірдің әр аумағына шығып, құрылыс нысандарындағы жұмыстарды бақылап, қажетті сынамаларды алады және оларды зертханалық тексеруден өткізеді.96 нысан, 702 құрылыс нысанына шығу, 154 мың шақырым жол және 1789 сынама – бұл жай ғана статистикалық көрсеткіштер емес. Оның артында жол сапасын бақылауға бағытталған күнделікті еңбек пен мамандардың тынымсыз жұмысы тұр.Жолдың сапасы – жол пайдаланушының қауіпсіздігіне, көлік қозғалысының қолайлылығына және инфрақұрылымның ұзақ мерзімді қызмет етуіне әсер ететін маңызды мәселе. Сондықтан сапаны бақылау жұмыстары жол құрылысының әр кезеңінде өзектілігін жоғалтпайды.Сапалы жол – өңірдің дамуына жол ашатын маңызды фактор. Ал сапалы жолдың негізінде кәсіби бақылау мен жауапты еңбек жатыр.<img src="https://knadmin.beoblood.kz/uploads/Whats_App_Image_2026_10_01_at_16_26_25_1_5412ab7684.jpeg" alt="Жол сапасы.jpeg">

Сапалы жол – ел игілігі

<a href="https://kyzylorda-news.kz/">Kyzylorda-news.kz</a> Олжас Бектенов маусымаралық кезеңде әлеуметтік маңызы бар көкөніс өнімдерінің тапшылығына және бағаның негізсіз өсуіне жол бермеуді тапсырды.Үкімет қысқы және көктемгі кезеңдерге көкөніс қорын дайындау жұмыстарын күшейтеді.<blockquote>«Қысқы және көктемгі кезеңдерге көкөніс, әсіресе картоп қорын дайындап алу басым бағыт болып қала береді. Егін орағы кезінде қажетті көлемдерді алдын ала келісімшарт арқылы уақтылы сатып алып, сақтауға қою керек. Өңір әкімдіктері бұл мәселені бақылауда ұстап, маусымаралық кезеңде әлеуметтік маңызы бар көкөніс өнімдерінің тапшылығына және бағаның негізсіз өсуіне жол бермеуге тиіс. Бұл ретте өнімнің артылған көлемін экспортқа бағыттау қажет. Сауда және Көлік министрліктері шаруаларға өнімді өткізу нарықтарын іздестіруге және сатуға жәрдемдесуге тиіс», — деп атап өтті Премьер-министр Олжас Бектенов.</blockquote>Сурет: ҚР Үкіметі

Қазақстан өңірлерінде қысқы және көктемгі кезеңдерге көкөніс қоры дайындалады

<a href="https://kyzylorda-news.kz/">Kyzylorda-news.kz</a> Үкімет отырысынан кейін облыс әкімінің төрағалығымен мәжіліс өтіп, онда «Егін жинау науқаны барысы» қаралды. Бұл жиындағы міндеттер бойынша қала әкімдігінде шаһар басшысы Нұржан Ахатов тиісті сала жетекшілеріне бірқатар тапсырма жүктеді.&nbsp;Биыл қалада 7 859 гектар жерге ауыл шаруашылығы дақылдары орналастырылды. Оның ішінде негізгі дақыл күріш - 2 681 гектарға егілді. Бүгінгі күні 1 618 гектар күріш алқабы орылып, оның 1 288 гектары бастырылды. Нәтижесінде 6 053,6 тонна өнім жиналды.<img src="https://knadmin.beoblood.kz/uploads/ala_kimdigi_egin_zhinau_nau_any_2_538cb0beb3.jpg" alt="Қала әкімдігі егін жинау науқаны 2.jpg"><blockquote>- Егін жинау науқанын белгіленген мерзімде аяқтап, өнімді толық әрі ысырапсыз жинауды қамтамасыз ету керек. Тиісті шараларды қабылдап, шаруашылықтармен тығыз байланыс орнату қажет,-деді Нұржан Сәбитұлы.&nbsp;</blockquote>Соңғы жылдары су тапшылығының әсері қатты сезілуде. Осыған қарамастан шаруашылықтарға суды мүмкіндігінше толық көлемде жеткізу бағытындағы жұмыстар атқарылды. Алайда, кейбір шаруашылықтар берілген суды пайдаланып, қалыптасқан берешектерін өтеу мәселесіне тиісті деңгейде көңіл бөлмей отыр. Қала әкімі жауапты сала басшылығына қалыптасқан берешектерді қысқа мерзімде толық өтеу бойынша қажетті жұмыстарды жүргізуді тапсырды.<img src="https://knadmin.beoblood.kz/uploads/ala_kimdigi_egin_zhinau_nau_any_3_08fe6d6947.jpg" alt="Қала әкімдігі егін жинау науқаны 3.jpg">

Қазақстан және Қызылорда облысының жаңалықтары: Қоғам