<a href="https://kyzylorda-news.kz/">Kyzylorda-news.kz</a> Бүгінде жұмыс орындарын құру – өнеркәсіп кәсіпорындарына мемлекеттік қолдау көрсету кезінде негізгі KPI көрсеткіштерінің бірі ретінде қарастырылады. Бұл туралы «AMANAT» партиясы жанындағы Экономика, цифрландыру және инновацияларды дамыту мәселелері жөніндегі республикалық кеңестің отырысында Мәжіліс депутаты, Кеңес төрайымы Екатерина Смышляева айтты.Отырыстың басты тақырыбы – еңбек нарығының трансформациясы мен цифрлық экономикаға көшу жағдайында жұмыс орындары экономикасын дамыту болды. Депутаттың айтуынша, жұмыс орнының экономикасы – тек бос жұмыс орнын құру ғана емес, сонымен қатар жұмыспен қамтудың кепілдіктері, қызметкерлердің әл-ауқат деңгейі, әлеуметтік қорғау және еңбек көші-қонын болжау сынды бағыттарды қамтитын кешенді мәселе.<blockquote>«Бұған дейін біз деректердің қайталануы және ашықтықтың болмауы мәселесіне тап болсақ, бүгінде цифрлық интеграцияның арқасында нақты көрсеткіштерді көріп отырмыз: қанша қаражат бөлінді, қанша жұмыс орны құрылды және қандай кәсіпорындар нақты жұмыс істеп жатыр», – деді Екатерина Смышляева.</blockquote>Еңбек және халықты әлеуметтік қорғау вице-министрі Асқарбек Ертаев еңбек нарығындағы өзекті деректер мен трендтерді ұсынды. Оның айтуынша, 2025 жылы 1,2 млн бос жұмыс орны жарияланады деп болжануда, ал 2035 жылға қарай жалдамалы жұмысшыларға қосымша сұраныс 316 мың адамға артады.<blockquote>«Сапалы жұмыс орындарын құру – Еңбек нарығын дамытудың тұжырымдамасында айқындалған басты бағыттардың бірі. Бүгінде бұл мемлекетіміздің жұмыспен қамту саласындағы негізгі басымдықтарының біріне айналды. Сапалы жұмыспен қамтудың негізгі факторларына – автоматтандыру, цифрландыру және еңбек өнімділігін арттыру жатады. Дәл осы факторлар болашақтағы тұрақты экономика мен еңбек нарығының негізін қалыптастырады», – деді ол.</blockquote>Асқарбек Ертаевтың айтуынша, бүгінде шамамен 1 млн азамат жеткізу және тасымалдау бойынша онлайн-сервистерде жұмыс істейді. Мемлекет бұл өзгерістерге белсенді әрекет етіп, осындай жұмыспен қамту түрлерін әлеуметтік қамсыздандыру жүйесіне тарту тетіктерін дамытып жатыр. Талқылаудың негізгі бағыттарының бірі – Ұлттық біліктілік жүйесін дамыту болды. Қазіргі таңда бұл жүйе экономиканың негізгі салаларының 97%-ын қамтиды. Бекітілген кәсіптік стандарттар негізінде 11 мыңнан астам білім беру бағдарламасы әзірленді. Уақыт талабына сай мамандықтар енгізілуде. Олардың ішінде киберқауіпсіздіктен бастап үлкен деректерді талдаушыларға дейінгі мамандықтар бар.2025 жылдың бірінші тоқсанында жұмыс күшінің саны 115 мың адамға артты, жұмыссыздық деңгейі 4,6%-ға дейін төмендеді, ал орташа айлық жалақы 423 мың теңгеге жетті. Осылайша, жалдамалы еңбек өзін-өзі жұмыспен қамтудан біртіндеп басым түсе бастады.Еңбек күшінің білім беру құрылымында да елеулі өзгерістер болып жатыр. Соңғы 11 жылда техникалық және кәсіптік білімі бар мамандардың үлесі 32%-дан 51%-ға өсті. Бұл көлік, сауда және өнеркәсіп сияқты нақты сектордың орта буын білікті кадрларға деген сұранысын көрсетеді.Екатерина Смышляева салық жүктемесі мәселесін азаматтардың негізгі құқықтарының орындалуымен тікелей байланысты екенін атап өтті. Ол еңбек нарығында пайда болған жаңа шарттық қатынастар түрлерін ескеру қажеттігін айтып, заңнаманың осы өзгерістерге бейімделуге тиіс екенін жеткізді.<blockquote>«Бүгінгі талқылаудағы басты назар – мемлекет немесе жұмыс беруші көтеретін шығын мен жұмыс орындарын құру не сақтау кезіндегі міндеттемелер арасындағы тепе-теңдікті табу болды. Бұл процесте экономикалық тиімділіктің көрсеткіші айқын әрі қадағаланатын болуы керек. Сондай-ақ салық жүктемесі туралы маңызды мәселе көтерілді. Менің ойымша, бұл мәселені хаттамаға енгізіп, бөлек қарастыру қажет, себебі ол азаматтардың құқықтарына тікелей байланысты. Сонымен қатар жаңа еңбек шарттарының түрлері де маңызды. Бұл – қазіргі өмірдің сұранысы. Азаматтық кодекс негізгі құжат болып қала берсе де, ол да қазіргі жағдайларға бейімделуі керек. Жаңа жұмыс істеу форматтары пайда болуда, сондықтан еңбек нарығын реттеу де соларға сай дамуға тиіс», – деді депутат.</blockquote>Сондай-ақ Екатерина Смышляева салалар бойынша бір жұмыс орнын сақтаудың құны туралы деректерді дайындап, инвестициялық жобалар навигаторы бойынша өзекті ақпаратты ұсынуды ұсынды. Жергілікті өзін-өзі басқару туралы заң жобасы аясында әлеуметтік жеңілдіктерді аймақтық ерекшеліктерді ескере отырып әділетті бөлуді қамтамасыз ету бойынша ұсыныстар әзірлеу тапсырылды. Депутаттың пікірінше, әкімдіктер әлеуметтік қолдау саласындағы өз өкілеттіктерін нақты түсінуге тиіс.Отырыс соңында қатысушылар жұмыспен қамту саласындағы мемлекеттік саясатты цифрлық трансформация жағдайына бейімдеу және біліктіліктің тұрақты жұмыспен қамту мен адами капиталды дамытудың негізі ретіндегі рөлін күшейту қажеттігін атап өтті.

«AMANAT»: Жұмыс орындарын құрудағы экономикалық тиімділік айқын және қадағаланатын болуға тиіс

<a href="https://kyzylorda-news.kz/">Kyzylorda-news.kz</a> Қылмыстық атқару жүйесі №60 мекемесінде &nbsp;облыстық Дін істері басқармасының мемлекеттік әлеуметтік тапсырысы аясында «Асыл мұра - Орда» қоғамдық қорының ұйымдастыруымен жазасын өтеушілер арасында ұлттық ойын түрлерінен спорттық сайыс өтті.Атап айтқанда жазасын өтеушілер асық ату, ләңгі тебу және арқан тарту бойынша &nbsp;өзара сайысты. Аталған жарысқа 13 жазасын өтеушілер&nbsp;қатысып, өзара мықтыны анықтады.Іс-шара соңында мекеме бастығының тәрбие жұмыстары жөніндегі орынбасары, әділет подполковнигі Өскенбаев Алтынбек Тұрарбекұлы жазасын өтеушілерді «Құрбан айт» мерекесімен құттықтап, аталған іс-шараға атсалысқаны үшін ұйымдастырушыларға алғысын білдірді.– Спорт – денсаулық кепілі. Әрбір азамат спортпен айналысып өз денсаулықтарын күтуі қажет. Осы орайда бүгінгі іс-шараны ұйымдастырушыларға мекеме басшылығы атынан алғысымды айтамын. Алдағы уақытта осындай ауқымды шаралар ұйымдастырылады деп сенеміз», – деді Алтынбек Тұрарбекұлы.Спорттық іс-шара жазасын өтеушілер арасында тартысты да қызықты өтті. Сонымен қатар олар да өз тараптарынан ризашылықтарын білдірді.​Іс-шара соңында жеңіске жеткен қатысушылар арнайы сыйлықтармен &nbsp;және дипломдармен марапатталды.<img src="https://knadmin.beoblood.kz/uploads/Whats_App_Image_2025_06_10_at_10_32_28_1_kopiya_9c62b20c62.jpeg" alt="ҚАЖ.jpeg">

Ұлттық ойын түрлерінен сайысқа түсті

<a href="https://kyzylorda-news.kz/">Kyzylorda-news.kz</a> &nbsp;Шиелі ауданының әкіміАйтбай Жандарбеков аудан ардагерлерімен бірге кездесіп, Шиелі кентіндегі абаттандыру жұмыстары жүргізіліп жатқан Ы.Жахаев және Дәулеткерей көшелерін аралап, орындалған жұмыстардың жай-күйімен танысты.Көшелерде жаяу жүргіншілер жолдары салынған, көгалдандыру мен жарықтандыру жұмыстары жүргізілген. Сонымен қатар, сапалы әрі заманауи үлгіде қоршаулар орнатылуда. Заманауи үлгідегі сапалы қоршаулар көшенің көркін ашып, жаңа кейіпке ендіруде. Көшелерде орнатылған жарық қондырғылары ауданның көркін ашуда.<img src="https://knadmin.beoblood.kz/uploads/Shieli_abattandyru_2_2a413b427a.jpg" alt="Шиелі абаттандыру 2.jpg">Аудан ардагерлері жасалып жатқан жұмыстарға оң бағасын беріп, тұрғындарға жайлы жағдай жасау жолындағы бұл игі істердің маңыздылығын атап өтті. Сондай-ақ, аудан басшысына алғысын білдіріп, жұмыстың сапалы әрі жүйелі жүргізіле беруіне тілектестік танытты.Аудан әкімі алдағы уақытта тұрғындардың игілігі үшін бірқатар игі жұмыстар жалғасын тауып, аудан экономикасын дамыту жолында жаңа жобалар жүзеге асырылатынын жеткізді.Тұрғындар да ауданның игілігі үшін жасалып жатқан жұмыстарға оң бағасын беріп, алдағы уақытта атқарылатын жұмыстарға сәттілік тіледі.<img src="https://knadmin.beoblood.kz/uploads/Shieli_abattandyru_3_8368b705e1.jpg" alt="Шиелі абаттандыру 3.jpg">

Шиелі ауданы: Абаттандыру жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Қазақстан Республикасы қылмыстық-атқару жүйесі мекемелерінің психология қызметтерін жетілдіру бойынша және сотталғандарға, сонымен қатар ұзақ мерзімге жазаға тартылғандарға психологиялық көмек беруді күшейтудің іс-шаралар жоспарына сәйкес жұмыстар атқарылуда.Мекеменің психологиялық қамтамасыз ету тобының психолог мамандары "Өзіне-өзі қол жұмсауға, өзіне дене жарақатын салуға бейім" жазасын өтеушілермен тренинг өткізді. &nbsp;Бұл іс-шараның негізгі мақсаты – жазасын өтеуші азаматтардың өмірге деген құштарлығын арттыра отырып, көңіл күйлерін көтеру.Іс-шара барысында жазасын өтеуші азаматтарға сергіту жаттығулары көрсетілді. Қорытындылау барысында шеринг әдісі қолданылды.

Психолог мамандар жазасын өтеушілер арасында тренинг өткізді 

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласына қарасты Қызылөзек ауылдық округіндегі «Қожақ» автомобиль көпірі өткен ғасырдың алпысыншы жылдары салынып, бүгінде тозығы жеткен, қатынасқа қауіпті нысанның біріне айналған еді.Тұрғындар осы көпірге күрделі жөндеу жүргізуді талай рет айтып, мәселе көтерген болатын. Ел сөзі елеусіз қалмай, оның жөндеу жұмыстарына қажетті қаражат бөлінді. Қазір мердігер "N Строй Сервис" ЖШС-гі өткелдің құрылысын жоспарға сай жүргізуде.«Қожақ» көпірі округтің Қараөзек ауылына апаратын негізгі қақпасы. Елдімекенде 2 354 жан тұрады. Ауылдағылардың негізгі кәсібі бау-бақша өсіру.<img src="https://knadmin.beoblood.kz/uploads/K_pir_rylysy_3_ce46464bfc.jpg" alt="Көпір құрылысы 3.jpg">

Көпір құрылысы қарқын алды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Машбекұлының төрағалығымен қауіпсіз еңбек жағдайлары мен еңбек саласын цифрландыру және туристерге қолайлы жағдай жасау мәселелері бойынша мәжіліс отырысы өтті.Облыс әкімінің мәжілісінен кейін аудан әкімі Жандос Еркінбек берілген тапсырмаларға қатысты арнайы жиналыс өткізді.Аудан басшысы идеология саласына жетекшілік ететін орынбасарына және жауапты бөлім басшыларына еңбекті қорғау, қауіпсіздік талаптарды қатаң сақтау және алдын алу шараларын ұйымдастыру жұмыстарын әзірлеуді тапсырды.Сондай-ақ, туристік маршруттар бойындағы туристік, мәдени-тарихи нысандардың инфрақұрылымдық жағдайын жақсарту бағытында аудандық дене тәрбиесі, спорт және туризм бөлімінің басшысына ішкі туризмді дамыту бойынша жазғы демалыс орындары, ойын-сауық орталықтарын ашу жолдарын қарастыру, аудан аумағында демалу мүмкіншіліктерін ұйымдастыру жөнінде бірқатар міндеттер жүктеді.Сонымен қатар, барлық мекеме басшыларына санитарлық-тазалық, көркейту-көгалдандыру мәселесіне және Мемлекет басшысының тапсырмасына сәйкес өткізіліп жатқан «Таза Қазақстан» экологиялық акциясына басымдық беріп, оның бұқаралық сипат алуын басты назарда ұстау қажет екендігін айтты.

Маңызды міндеттер уақытылы әрі нәтижелі орындалу қажет

<a href="https://kyzylorda-news.kz/">Kyzylorda-news.kz</a> &nbsp;Астанадағы автобус апатынан зардап шеккен жеті жастағы қыздың отбасына төрт бөлмелі пәтер берілді. Бұл туралы<a href="https://stan.kz/astanadagi-avtobus-apatinan-zardap-shekken-kizga-tort-b-419076/"> Stan.kz </a>ақпарат агенттігі хабарлайды.Мемлекет басшысының тапсырмасына сәйкес, Астана қаласының әкімдігі жеке демеушімен бірлесіп, отбасыға елордадағы жаңа тұрғын үй кешенінен төрт бөлмелі пәтердің сертификатын табыстады.<blockquote>“Тұрғын үй кешені биыл қазан айында пайдалануға беріледі. Бұдан бөлек, құрылыс компаниясы пәтерді жөндеу және жабдықтау жұмысына да көмек көрсететін болады. Осыған дейін зардап шеккен отбасыға көрсетілетін өзге де қолдау шаралары туралы хабарланған болатын”, –&nbsp;деп мәлімдеді Астана қалалық әкімдігінің баспасөз қызметі.&nbsp;</blockquote>Фото: gov.kz

Астанадағы автобус апаты кезінде аяғынан айырылған қыздың отбасына төрт бөлмелі пәтер берілді

<a href="https://kyzylorda-news.kz/">Kyzylorda-news.kz</a> Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі.Конкурсқа қатысуға қажетті құжаттар тізімі:<ul><li style="text-align:justify;">ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;</li><li style="text-align:justify;">асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;</li><li style="text-align:justify;">неке қию туралы куәліктің көшірмесі (бар болса);</li><li style="text-align:justify;">Ата-аналарының біреуі қайтыс болған жағдайда, қайтыс болу туралы куәліктің көшірмесі - бар болса;</li><li style="text-align:justify;">Балаларды тәрбиеленгені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;</li><li style="text-align:justify;">балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер;</li><li style="text-align:justify;">ұсынымдар (әріптестерінің, көршілерінің, достарының);</li><li style="text-align:justify;">отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері.</li></ul>«Мерейлі отбасы – 2025» ұлттық конкурсының қалалық және аудандық кезеңдеріне қатысуға ниет білдірген тұлғалар 2025 жылғы 15 мамырдан - 15 маусымға дейін Қызылорда қаласы және аудан әкімдіктерінің қоғамдық даму бөлімдеріне өтінім береді.Ескерту:<ul><li style="text-align:justify;">қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар;</li><li style="text-align:justify;">бұрын сотталған мүшелері бар отбасылар конкурсқа қатыса алмайды.</li></ul>

"Мерейлі отбасы-2025" ұлттық байқауының қалалық және аудандық кезеңдеріне құжат қабылдау жалғасуда

<a href="https://kyzylorda-news.kz/">Kyzylorda-news.kz</a> Биыл Қазалы ауданында жол инфрақұрылымын жақсарту бағытында бірқатар жұмыстар атқарылуда. Мәселен, бүгінде биылғы жылға жоспарланған Жанқожа батыр ауылына кіреберіс 3 шақырымды құрайтын және Әлсейіт көпірі мен Бекарыстан би елді мекенінің аралығындағы 6,5 шақырымды құрайтын жолға күрделі жөндеу жұмыстары, сондай- ақ Әйтеке би кентінің Т. Рысқұлов, Д. Оразымбетов, Қала маңындағы шаруашылық, Мүсірәлі қожа, Қызылбас палуан және И. Жақыпов сынды 6 көшесіне орташа жөндеу жұмыстары қарқынды жүргізілуде.&nbsp;Жол жөндеу жұмыстарының сапасын бақылау мақсатында аудан әкімі Мейрамбек Шермағанбет Жанқожа батыр ауылы мен Бекарыстан би ауылындағы және аудан орталығындағы жол жөндеу жұмыстарын аралап көріп, жауапты мердігер мекемелердің басшыларына жол құрылысының ең әуелі сапасына аса мән бере отырып, жұмыстарды жеделдетуді тапсырды. Сондай-ақ салаға жауапты орынбасары Мұрат Әбсұлтановқа жол жөндеу жұмыстарын күнделікті бақылауға алуды тапсырды.Аудандық маңызға ие «Қазалы – Көларық – Бекарыстан би – Жаңақұрылыс» бағытындағы 6,5 шақырымдық және «Жанқожа батыр елді мекеніне кіреберіс» 3 шақырымдық автомобиль жолдарына күрделі жөндеу жұмыстарымен мердігер мекеме - «Қазалы Жолшы» ЖШС айналысуда. Бүгінде Әлсейіт көпірінен бастап Бекарыстан би ауылына дейінгі жолдың 2 шақырымына қара шебень және ірі түйіршікті асфальт қабаты төселді. Ал Жанқожа батыр елді мекеніне кіреберіс автомобиль жолына қиыршық тас қабатын төсеу жұмыстары қарқынды жүргізілуде.&nbsp;<img src="https://knadmin.beoblood.kz/uploads/Zhol_rylysy_azaly_2_72053b4dad.jpg" alt="Жол құрылысы Қазалы 2.jpg">

Мердігерлерге сапаға мән беруді тапсырды

<a href="https://kyzylorda-news.kz/">Kyzylorda-news.kz</a> Ресейдің Пермь қаласында өткен Азия саяси партиялары халықаралық конференциясы (АСПХК) Тұрақты комитетінің 43-отырысы аясындағы қоғамдық-саяси тыңдауларға Қазақстан делегациясы қатысты. Делегацияны «AMANAT» партиясының Орталық аппаратының басшысы Мәди Оспанов бастап барды.Іс-шараны «Единая Россия» партиясының қолдауымен Азия саяси партиялары халықаралық конференциясы ұйымдастырды. Форумға ТМД, ШЫҰ, АСЕАН және басқа да аймақтық бірлестіктерден 300-ден астам делегат – саяси партиялар, парламенттер мен сарапшылық қауым өкілдері жиналды. Жиынның басты тақырыптары – Еуразия кеңістігіндегі қауіпсіздік, гуманитарлық және жастар ынтымақтастығын кеңейту, сондай-ақ партияаралық диалогты дамыту болды.Пленарлық отырыс пен тақырыптық пікірталастарда саясат, құқық, экономика және гуманитарлық саладағы өзекті мәселелер талқыланды. Қазақстандық делегация гуманитарлық бағыттағы пікір алмасуға белсенді атсалысып, Орталық Азия өңірінің тұрақты дамуы үшін жастар мен мәдени бастамалардың маңыздылығын ерекше атап өтті.Пленарлық отырыста сөз сөйлеген «AMANAT» партиясы Орталық аппаратының жетекшісі Мәди Оспанов гуманитарлық бағыт халықаралық ынтымақтастықтың жүйеқұраушы элементіне айналуға тиіс екенін айтты. Ол Еуразия кеңістігінде жастар мен мәдени байланыстарды күшейту маңызды екенін айтты, себебі бұл – өзара бір-біріне сенім артуға, сөйлесуге және бейбіт өмір сүруге жол ашады.<blockquote>«Мәдени-гуманитарлық ынтымақтастықта шекара болмайды. Бұл – қарудың емес, рухтың, идеяның және өзара құрметтің күші бағаланатын әлемді қалыптастыратын келісім. Біз өркениеттік тұрғыдан бірегей аймақта өмір сүріп отырмыз. Мұнда мәдениеттер диалогы әрдайым тұрақты даму мен татулықтың негізі болып келеді. Қазақстан жастар мен академиялық алмасуды, партияаралық әріптестікті дамыту және өзара сенім қағидаттарын ілгерілету бастамаларын әрдайым қолдайды», – деді ол.</blockquote>Сонымен қатар «AMANAT» партиясының парламенттік дипломатия, жастар ұйымдары және волонтерлік жобалар аясындағы бастамалары таныстырылды. Мәселен, былтыр Алматы облысында ШЫҰ аясында халықаралық саяси жастар лагері ұйымдастырылды. «Жастар Рухы» жастар қанатының бастамасымен халықаралық эко-волонтерлер штабы құрылды. Партия депутаттары ҰҚШҰ Парламенттік Ассамблеясы, ТМД Парламентаралық Ассамблеясы, Түркі мемлекеттерінің Ассамблеясы (ТүркПА) және Халықаралық Парламенттік Одақ сияқты құрылымдармен тығыз әріптестік байланыс орнатқан.Жиын соңында Азия саяси партиялары халықаралық конференциясы Тұрақты комитетінің отырысы өтті. Оған да «AMANAT» партиясының өкілдері қатысып, қазіргі геосаяси жағдай мен халықаралық сын-қатерлер аясында Азия және Еуразия партиялары арасындағы ынтымақтастықтың басым бағыттары айқындалды.«AMANAT» партиясы өзара құрметке, қолдауға және сындарлы ұстанымға негізделген тең құқықты халықаралық диалогты жүйелі түрде жақтайды. Мұндай халықаралық алаңдарға қатысу – Қазақстанның өңірлік әріптестік пен орнықты даму қағидаттарына берік екенінің көрінісі.Айта кетейік, биыл Азия саяси партиялары халықаралық конференциясының (ICAPP) құрылғанына 25 жыл толып отыр. Аталған ұйым 2000 жылы Филиппин астанасы Манилада құрылып, Азия мен Мұхит аймағы елдерінің саяси партияларын біріктіретін басты диалог алаңына айналды. ICAPP бүгінде Латын Америкасы, Африка және басқа да өңірлердегі серіктес құрылымдармен тығыз байланыс орнатқан.«AMANAT» партиясы Азия саяси партиялары халықаралық конференциясы Тұрақты комитетінің мүшесі ретінде 2008 жылдан бері атсалысып келеді. 2009 жылы Астанада Азия саяси партиялары халықаралық конференциясының 5-ші Бас ассамблеясы және Тұрақты комитеттің 10-отырысы өткен болатын.

«AMANAT» партиясы жастар және мәдени диалогты кеңейту бастамасын қолдады

<a href="https://kyzylorda-news.kz/">Kyzylorda-news.kz</a> Бүгінде елімізде банктер мен түрлі қаржы ұйымдары алдында қарызы мол азаматтардың үлесі өте басым. Мұның қатарында 2 млн шамасында жастардан бастап зейнеткерлерге дейін азаматтар бар.Осы орайда Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты халыққа Жолдауында «AMANAT» партиясының «Қарызсыз қоғам» жобасының тиімділігін атап өтіп, оның игілігін бүкіл еліміз көруі үшін ауқымын кеңейтуді тапсырды. Бүгінгі күні аталған тапсырмаға сәйкес «AMANAT» партиясымен тиісті органдар арасында жасалған Меморандумға сәйкес оқу семинарлары жалғасып жатыр.Бүгін партияның облыстық филиалының атқарушы хатшысы Ләйлә Төрешова және жобаның облыс бойынша менеджері Наталья Мишукова аумақтық партия филиалдарымен арнайы жиын өткізіп, жоба аясындағы жұмыстарды жетілдіруді тапсырды.Атап өту керек, биыл облыс бойынша онлайн және оффлайн түрде 22 мыңнан астам азаматты оқыту жоспарланған болатын. Ақпан айынан бүгінгі күнге онлайн 16 мыңға жуық азамат оқу курсын аяқтады. 4 мыңға жуық азамат оффлайн курстан өтті. Оқу курстары енді жыл соңына дейін біріңғай оффлайын түрде жалғасатын болады.Естеріңізге сала кетейік, жоба аясында аресттерді шешу, қарызды қайда құрылымдау, соттан тыс банкроттық, сот арқылы банкроттық, алаяқтардан зардап шеккендерге тегін заңгерлік кеңестер де қарастырылған.

Қарызсыз қоғам жобасы аясында оқыту семинары жалғасуда

<a href="https://kyzylorda-news.kz/">Kyzylorda-news.kz</a> Ерекше қажеттілігі бар адамдардың тұрмысын жақсарту – партияның сайлауалды бағдарламасындағы басым бағыттардың бірі. «AMANAT» партиясы бұл бағытта жүйелі жұмыс жүргізуде. Инклюзивті саясат тұжырымдамасының жүзеге асырылу барысы «AMANAT» партиясы жанындағы Мүгедектігі бар адамдардың инклюзиясы жөніндегі республикалық кеңес отырысында талқыланды.Кеңес төрағасының орынбасары, Мәжіліс депутаты Наталья Дементьева атап өткендей, бірінші кезекте қолжетімді, жайлы әрі шынайы инклюзивті әлеуметтік орта құрып, ерекше қажеттілігі бар балалар мен ересектердің тұрмысын жақсарту қажет. Инклюзия саласындағы мамандарды даярлауға, мүгедектігі бар адамдарға арналған әлеуметтік қызметтердің сапасын арттыруға, сондай-ақ партияның сайлауалды бағдарламасында көзделгендей, оңалтудың техникалық құрал-жабдықтар паркін құруға және дамытуға ерекше назар аудару керек.Еңбек және халықты әлеуметтік қорғау вице-министрі Асқарбек Ертаев бүгінге дейін жүзеге асырылған негізгі бастамаларға тоқталды. Олардың қатарында – оңалту мекемелерінде жан басына шаққандағы қаржыландыруды енгізу, өндірісте зардап шеккен адамдардың әлеуметтік кепілдіктерін қайта қарау, БҰҰ Конвенциясына сәйкес, мүгедектердің құқығы туралы терминологияны жаңарту сынды жұмыстар атқарылды. Инватакси қызметін реттеу жұмысына түзетулер енгізілуде. Мәселен, инватакси ақысын әлеуметтік қызметтер порталы арқылы төлеу мүмкіндігі назарға алынды.Мүмкіндігі шектеулі азаматтарға қалалық ортаның қолжетімділігін бағалау жұмысының жаңа тәсілдері әзірленуде. Болашақта мұндай бағалау қызметін тәуелсіз сараптамалық ұйымдарға беру жоспарланып отыр. Бұл қадам бағалау жұмысының шынайылығы мен сапасын арттыруға тиіс. Сонымен қатар арнайы әлеуметтік қызметтер стандарты жаңартылып, медицина, білім беру, мәдениет және спорт салаларын қамтитын «Социум» цифрлық жүйесі енгізілуде.<blockquote>«Арнайы қызмет көрсететін мекемелерді лицензиялауға ерекше көңіл бөлінуде. Бүгінде 91 мыңнан астам адам көмек алатын ұйымдардың 95%-ында лицензия бар. Оңалту жұмысының цифрлық күнделігі енгізілуде. Бұл қадам ата-аналарға көп мүмкіндік береді. Яғни олар мамандардың қашықтан көмек көрсетуі арқылы балаларын оңалта алады. Пилоттық жоба төрт өңірде жүзеге асырылуда», – деді Асқарбек Ертаев.</blockquote>Сондай-ақ курортта емделу қолжетімсіздігі, маусымдық шектеулер мен білікті мамандар жетіспеушілігі мәселелері талқыланды. Техникалық құралдарды жалға беру моделін енгізу қарастырылуда. Бұл қадам оның сенімділігін арттыруға және уақтылы ауыстыру жұмысын қамтамасыз етуге мүмкіндік береді. Сонымен қатар жұмыс орындарын квоталау тәсілдері, мүгедектігі бар адамдардың жұмысқа орналасуына жағдай жасамайтын жұмыс берушілерге өтемақы жарналарын енгізу мүмкіндігі қарастырылуда. Бұған қоса, осы саладағы квазимемлекеттік сектор мен жүйе құраушы кәсіпорындардың жауапкершілігін күшейту бойынша жұмыс жүргізілуде.<blockquote>«Оны бір жиналыс аясында қарастыру мүмкін емес. Көп проблема бар. Қайталап айтайын: оларды шешу үшін кешенді тәсіл керек. Бір ведомствоның емес, барлық министрліктің қатысуы, сондай-ақ азаматтық қоғамның белсенді атсалысуы қажет», – деп түйіндеді Наталья Дементьева.</blockquote>

Қазақстан және Қызылорда облысының жаңалықтары: Қоғам