<a href="https://kyzylorda-news.kz/">Kyzylorda-news.kz</a> Қырғыз Республикасының делегациясы «Азаматтарға арналған үкімет» мемлекеттік корпорациясына келіп, Қазақстанның жылжымайтын мүлікті тіркеу және жер кадастры саласындағы цифрлық қызметтерді енгізу тәжірибесімен танысты.Сапар барысында қырғыз делегациясына тіркеу рәсімдерін жеңілдетуге, үдерістердің жылдамдығын арттыруға және мемлекеттік қызметтердің қолжетімділігін кеңейтуге бағытталған негізгі цифрлық шешімдер таныстырылды.Делегация мүшелері жылжымайтын мүлікке құқықтарды тіркеу, оның ішінде кепілдер мен мәмілелерді «Blockchain» технологиясының негізінде ресімдеу үдерісімен танысты. Сондай-ақ жылжымайтын мүлікке қатысты сатып алу-сату, кепіл қою және жалға алу шарттарын тіркеуді қамтитын кешенді цифрлық сервистің жұмысы көрсетілді. Сервис іске қосылған уақыттан бері 250 мыңнан астам қызмет көрсетілген.<blockquote>«Қазақстан цифрландыру бағытында өз позициясын жүйелі түрде нығайтып келеді. Бүгінде еліміз электрондық қызметтердің даму деңгейі бойынша жоғарғы көрсеткіштерге ие. Бұл – жүргізіліп жатқан жұмыстың тиімділігін айқындайды. Сонымен бірге қазақстандық цифрлық шешімдерге деген қызығушылық артып келеді: түрлі елдерден келген әріптестер біздің технологиялар мен тәжірибемізді зерделеуге мүдделі. Мұндай кездесулер өзара тәжірибе алмасуға және азаматтардың өмір сапасын жақсартатын заманауи тәсілдерді бірге дамытуға мүмкіндік береді», – деді Арман Кенжеғалиев, «Азаматтарға арналған үкімет» мемлекеттік корпорациясының Басқарма Төрағасы.</blockquote>Талқылауға сондай-ақ Геодезия, картография, кадастр және Жерді қашықтан зондтау мәселелері жөніндегі мемлекетаралық кеңестің жұмыс тобының мүшелері онлайн форматта қатысты. Кеңес құрамына Қазақстан, Қырғызстан, Армения, Әзірбайжан, Беларусь, Молдова, Ресей, Тәжікстан және Өзбекстан кіреді.Делегация өкілдері «ЦОН» мобильді қосымшасының мүмкіндіктерімен, Халыққа қызмет көрсету орталығының жұмысымен және Ахуалдық орталық қызметімен де танысты.Сапар барысында қонақтар жылжымайтын мүлікті тіркеу саласындағы ауқымды цифрлық трансформацияның ұйымдастырушылық, техникалық және құқықтық компоненттерін жан-жақты зерделеді. Қазақстанның тәжірибесі қазіргі цифрлық шешімдердің тиімділігін көрсетіп, Қырғыз Республикасында осындай бастамаларды енгізуге бағыт-бағдар бола алады.

Қырғызстан делегациясы Қазақстанның жылжымайтын мүлікті тіркеу саласындағы цифрлық шешімдерімен танысты

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтың қатысуымен құқықбұзушылық профилактикасы жөніндегі ведомствоаралық комиссия отырысы өтті. Күн тәртібінде пробация есебіндегілердің қайта қылмысқа баруының алдын алу, бұрын сотты болған адамдарды қайта әлеуметтендіру және қоғамға бейімдеу, өсім алған қылмыстар бойынша атқарылған жұмыстар талқыланды.<blockquote>«Интернет алаяқтық, топтық бұзақылық және түнгі көңіл көтеру орындарындағы құқықбұзушылықты азайтуда жедел профилактикалық шаралар күшейтілсін. Қаладағы көңіл көтеру орындарының жұмысын реттеу және ондағы тәртіпті бақылауды күшейту жөнінде ұсыныстар әзірлеу керек. Мал ұрлығын болдырмау үшін бақташы қызметін ұйымдастыру және тұрғындарға түсіндіру өте маңызды. Алаяқтық пен тұрмыстық зорлық-зомбылықтың алдын алуда да ақпараттық түсіндіру жұмыстары тұрақты жүргізілсін», – деді Данияр Еренғалиұлы.</blockquote><img src="https://knadmin.beoblood.kz/uploads/1_Foto_yzylorda_oblysy_kimini_baspas_z_yzmeti_a2e6df7d0c.jpg" alt="1 Фото Қызылорда облысы әкімінің баспасөз қызметі.jpg">Жиында облыстық қылмыстық-атқару жүйесі департаменті пробация қызметіне басшылық жасау басқармасының бастығы Ғаламат Құлманов, облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңбаев, облыстық полиция департаменті қоғамдық қауіпсіздік басқармасының бастығы Ердәулет Жаукеев баяндама жасады.Фото: Қызылорда облысы әкімінің баспасөз қызметі

Қылмыстың алдын алу бағытындағы ведомствоаралық комиссия отырысы өтті

<a href="https://kyzylorda-news.kz/">Kyzylorda-news.kz</a> Әлеуметтік желіде Гүлнәр Оразалина атты блогердің мәлімдемесі ерекше баласы бар аналардың шамына тиіп, олар ұжымдық арыз берген, деп хабарлайды <a href="https://kznews.kz/">kznews.kz.</a>Ол ерекше балалардың өмірге келу себебі аналары жүргіш болғандықтан екенін айтқан.<blockquote>«Жүргіштердің жазасын алатын кезі келді. Осыған дейін де олар жайлы деректерді естіген едім. Қазір ерекше балалар мен аутизм көбейіп кетті. Әлемде екінші бала ауру болып туады. Оның барлығы сол «жүргіштіктің» кесірінен», - дейді блогер.</blockquote>Бұл мәлімдемеден кейін ерекше балалардың аналары өре түрегелді. Танымал әншілер де блогердің сөзін сынады. Ал блогер Перизат Көшкімбаева бірқатар анамен бірігіп, ұжымдық арыз жазатынын айтты.<blockquote>«Біз ерекше аналардың атынан арыз үлгісін жасадық. Тағы бір заңгер ана бізге көмектесті. Қазақстан бойынша кез келген ана арыздана алады. Біз Гүлнәр деген блогерді жазаға тартуымыз керек. Себебі ерекше балаларды ешкім ренжітпеуі керек. Біз осы қадам арқылы болашақта біздің балаларымызды ешкім ренжіте алмайтын орта құрғымыз келеді», - дейді блогер.</blockquote>Бұл мәселенің ушыққаны сонша Балалар құқығы жөніндегі уәкіл Динара Зәкиева да іске араласты.<blockquote>«Маған ерекше қажетіліктері бар балаларға блогер тарапынан әлеуметтік желілерде айтылған қорлау фактісіне байланысты өтініштер түсіп жатыр. Дискриминацияға жол берілмейді. Қорлағаны үшін қылмыстық жауапкершілік қарастырылған. Бұл мәселеге құқықтық баға беру және процессуалдық шешім қабылдау үшін ІІМ-ге жүгіндім», - деп жазды ол.</blockquote>Ал блогердің өзі әлі де ешкімнен кешірім сұрамай, өзінің айтқан сөзін дәлелдеумен әлек.Фото: видеодан скриншот

“Ерекше балалар жүргіш әйелден туады”: Аналардың шамына тиген блогердің басы дауға қалды

<a href="https://kyzylorda-news.kz/">Kyzylorda-news.kz</a> Алматы қаласы полиция департаменті әуежайда Қытай азаматтарының ұсталғанын растады.Алматы әуежайында қолында&nbsp;суррогат аналардан туған сәбилері бар шетелдіктер Қазақстаннан кетпек болғанда ұсталды.&nbsp;Бұл туралы&nbsp; <a href="Tengrinews.kz">Tengrinews.kz</a>&nbsp;порталы хабарлады.11 қараша күні Алматы әуежайында қолында суррогат аналардан туған сәбилері бар қытайлық&nbsp;екі отбасылық жұп ұсталды. Шетелдіктердің балаларға қатысты құжаттары&nbsp;болған, бірақ&nbsp;олар Қазақстаннан шыға алмады.Алматы қаласы полиция департаменті әуежайда Қытай азаматтарының ұсталғанын растады.<blockquote>“Бұл факті бойынша Алматы қалалық полиция департаментінің тергеу басқармасы қылмыстық кодекстің 135-бабының 1-бөлімі (Кәмелетке толмағандар &nbsp;саудасы)&nbsp;бойынша қылмыстық істі тергеп жатыр. Қазір іс бойынша тергеу жүргізілуде”, – деп хабарлады полиция.</blockquote>Фото: Pixabay

Қазақстаннан нәресте әкетпек болған қытайлықтар Алматы әуежайында ұсталды

<a href="https://kyzylorda-news.kz/">Kyzylorda-news.kz</a> Кездесуге 8 жасқа дейінгі санатта әлем чемпиондары атанған Әдинұр Әділбек пен Алиша Бисалиева, 12 жасқа дейінгі санатта әлем чемпионы болған Данис Қуандықұлы, 14 жасқа дейінгі санатта әлем біріншілігінде жеңіс тұғырынан көрінген Марк Смирнов, 16 жасқа дейінгі санат бойынша әлем чемпионатында алтыннан алқа таққан Эдгар Мамедов, 16 жасқа дейінгі шахматшылар арасында әлем біріншілігінің күміс жүлдесіне қол жеткізген Сауат Нұрғалиев қатысты, деп хабарлайды Ақорда.Мемлекет басшысының айтуынша, жас спортшылардың жетістіктері халықаралық аренада Қазақстанның мерейін үстем етеді әрі елімізде шахматтың келешегі зор екенін көрсетеді. Президент чемпиондардың биік мақсаттарға ұмтылуы қажеттігін жеткізіп, оларға жарқын жеңістер тіледі.<blockquote>– Шахмат деген үлкен өнер. Сондықтан шахматпен күнделікті, мұқият, арнайы кітаптарды оқи отырып айналысу қажет. Бүгін Халықаралық шахмат федерациясының президенті Аркадий Дворковичпен кездесіп отырсыздар. Бұл – Сіздердің бақытты сәттеріңіздің бірі, – деді Мемлекет басшысы.</blockquote>Кездесу соңында Қасым-Жомарт Тоқаев шахмат тақтасына естелік жазба қалдырды.

Мемлекет басшысы жас шахматшылармен кездесті

<a href="https://kyzylorda-news.kz/">Kyzylorda-news.kz</a> Жалағаш аудан әкімдігінің мәжіліс залында ауыл шаруашылығы бағытындағы өзекті мәселелер талқыланған жұмыс жиналысы өтті.Жиынға облыстық ауыл шаруашылығы және жер қатынастары басқармасының басшысы Т. Дүйсебаев, «Казсушар» РМК Қызылорда филиалының директорының орынбасары А.Асанбаев, «Арал-Сырдария» бассейіндік инспекциясының басшысы З. Қазтоғанов, «Аграрлық несие корпорациясы» АҚ облыстық филиалының бас маманы Н. Жаналиев, сондай-ақ «Қызылорда крахмал-сірне зауыты» ЖШС директоры Ш. Құрбанов қатысты.Күн тәртібінде мемлекеттік қолдау бағдарламаларын түсіндіру, сондай-ақ егінді сумен қамтамасыз ету мәселелері қаралды. Мамандар ауыл шаруашылығы саласындағы қолдаудың жаңа тетіктері, субсидиялау талаптары, несие беру механизмдері туралы жан-жақты ақпарат берді. Сонымен қатар су ресурстарын тиімді пайдалану, каналдар жүйесі мен су беру режимін үйлестіру мәселелері талқыланып, нақты ұсыныстар айтылды.<img src="https://knadmin.beoblood.kz/uploads/Auyl_sharuashyly_y_zhiyn_2_0b6e05b72c.jpg" alt="Ауыл шаруашылығы жиын 2.jpg">

Ауыл шаруашылығы саласындағы өзекті мәселелер бойынша жиын өтті

<a href="https://kyzylorda-news.kz/">Kyzylorda-news.kz</a> 1 желтоқсан күні Мәжіліс әлеуметтік-мәдени даму комитетінің отырысында Мәдениет және ақпарат министрі Аида Балаева премьер-министрдің орынбасары лауазымына тағайындалды. Бұл туралы Ақорда хабарлайды.<blockquote>“Мемлекет басшысының Жарлығымен Аида Ғалымқызы Балаева Қазақстан Республикасы премьер-пинистрінің орынбасары – Мәдениет және ақпарат министрі лауазымына тағайындалды”, – деп жазды Ақорда.</blockquote>Аида Балаева Абай атындағы Алматы мемлекеттік университетін және Қазақ ұлттық аграрлық университетін тәмамдаған.1999-2002 жылдары Алматы облысының ақпарат және қоғамдық келісім басқармасында жетекші маман, бас маман, бөлім бастығы қызметтерін атқарған.2002-2004 жылдары Алматы қаласының ақпарат және қоғамдық келісім басқармасында қоғамдық-саяси процестерді талдау және үйлестіру бөлімінің бастығы болған.2004-2005 жылдары Алматы бойынша ақпарат басқармасының бөлім бастығы, басқарма бастығының орынбасары қызметін атқарған.2005-2008 жылдары Алматы қаласының ішкі саясат департаментінің директор орынбасары және директоры болған.2010-2014 жылдары Балаева елорда әкімінің орынбасары қызметін атқарған.2008-2010 жылдары – Астана қаласының ішкі саясат басқармасының бастығы.2014-2019 жылдары – Президент әкімшілігінің ішкі саясат бөлімінің бастығы.2019-2020 жылдары – Президенттің көмекшісі, Президент әкімшілігінде өтініштерді қарауды бақылау бөлімінің бастығы болған.2020-2022 жылдары – Қазақстан Республикасының ақпарат және қоғамдық даму министрі.2022-2023 жылдары – Президент әкімшілігі басшысының орынбасары қызметін атқарған.2023 жылдың қыркүйегінен бастап – Қазақстан Республикасының мәдениет және ақпарат министрі лауазымын атқарып келеді.<span style="background-color:rgb(255,255,255);color:rgb(68,68,68);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;font-size:11px;">Фото: Мәдениет және ақпарат министрлігі

Аида Балаева жаңа лауазымға тағайындалды

<a href="https://kyzylorda-news.kz/">Kyzylorda-news.kz</a> Қазалы ауданы орталығындағы теміржол вокзалы аумағында абаттандыру жұмыстары қарқынды жүргізілуде. Аталған жұмыстар жолаушыларға қолайлы жағдай жасау, теміржол бойындағы аумақтың эстетикалық келбетін арттыру және санитарлық тазалықты сақтау мақсатында қолға алынған.&nbsp;Абаттандыру аясында вокзал алдындағы Әйтеке би ескерткіші алаңындағы жаяу жүргіншілер жолы жөнделіп, заманауи үлгіге сай, ерекше көрік беретін қоршаулар. аялдамалар орнатылуда.Аудан әкімі Алмасбек Есмаханов вокзал аумағындағы жұмыстарды аралап көріп, атқарылып жатқан жұмыстарға байланысты бірқатар кемшіліктерді шұғыл жөндеуді және мердігер мекеме «СтроймодульАстана» ЖШС-нің жауапты өкіліне белгіленген жұмыстарды тезірек күн суытпай тұрғанда сапалы етіп аяқтауды тапсырды.Бұл жұмыстар — аудан келбетін жақсартуға және тұрғындар мен қонақтардың жайлылығы үшін жасалып жатқан нақты істердің көрінісі.Айта кету керек, бүгінде 120 жылдық тарихы бар теміржол вокзалыда қайта жаңғыртылып, теміржол үстінен өтетін жаяу жүргіншілер көпіріде қайта салынуда.<img src="https://knadmin.beoblood.kz/uploads/azaly_abattandyru_zh_mystary_2_595c0837bb.jpg" alt="Қазалы абаттандыру жұмыстары 2.jpg">

Қазалы: Абаттандыру жұмыстары әркез бақылауда

<a href="https://kyzylorda-news.kz/">Kyzylorda-news.kz</a> Шағын және орта бизнестің қабылданған жобаларына субсидия төлеу үшін Үкімет қаражат бөлді. Ал «Даму» Қоры кәсіпкерлерге қаражат аударуға кірісті. Бұл туралы Ұлттық экономика министрлігі мәлім етті.<blockquote>– Қазір мемлекет қажет қаражатты толық бөлді. Осы жылдың соңына дейін біз мойнымыздағы міндеттемелерімізді толық орындап бітеміз. Қордаланған берешектер қазірдің өзінде өтеліп жатыр, ал ШОБ бұған дейін төлеген пайыздар бойынша субсидия ала бастайды. Банктерге барлық төлемдер толық аударылады. Осылайша, берешекке байланысты ШОБ мәселелері толық шешіледі. Жыл соңына дейін біз барлық міндеттемелерді орындаймыз, — деді Қордың Басқарма төрағасының орынбасары Талғат Смағұлов.</blockquote>Бұл ретте 2025 жыл ішінде кідірістер барлық өңірде бірдей болмағанын атап өту маңызды. Атап айтқанда, Алматыда Жергілікті атқарушы органның қолдауының арқасында уақтылы төленіп келді.Фото: freepik.com

Елімізде шағын және орта бизнес несиесіне субсидия беріле бастады 

<a href="https://kyzylorda-news.kz/">Kyzylorda-news.kz</a> Қазгидромет 1 желтоқсанда ауа райына байланысты бірқатар өңірде дауылды ескерту жариялады, – деп хабарлайды <a href="https://kaz.inform.kz/news/koktaygak-tuman-kistin-algashki-kun-aua-rayi-kanday-boladi-2911cc/">Қазақпарат.</a>Синоптиктердің болжамы бойынша Қызылорда облысының солтүстігінде, орталығында тұман түседі.Фото: Нұрболат Нұржаубай

Көктайғақ, тұман: қыстың алғашқы күні ауа райы қандай болады?

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетов, мәслихат депутаттары Садық Мұстафа, Мақсұт Нәлібаев, Қанағат Сақтағанов, Нұркен Бақытбекұлы қала аумағындағы құрылыс нысандарын аралады.Алдымен Президент саябағын қайта жаңғырту барысын көрді. Мұндағы қолға алынған абаттандыру жұмыстары, инфрақұрылымдық жобалар өте ауқымды.&nbsp;Бас мердігер «Bi Global» ЖШС саябаққа 3 аллея, 6 субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, биіктігі 50 метр болатын айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен көпірлер, шахмат, баскетбол және футбол алаңдарын, арқан саябағы мен модульдік санитарлық нысандар салуды жоспарлаған.Сондай-ақ саябақта жыл он екі ай жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бас мердігер Alem Qurylys AQ ЖШС жобаға сәйкес спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салады.Әрі қарай мәслихат төрағасы қайтажаңғыртудан өткен Қорқыт ата саябағында болды. Бүгінде бұл аумақ тұрғындардың демалуына, серуендеуіне және балалардың ойнауына қолайлы орынға айналды. Абаттандыру кезінде брусчатка төселіп, көгалдандырылды, субұрқақтар, спорт және балалар ойын алаңдары, серуен жолдары мен жарық шамдары орнатылды. Келушілерге арналғанорындықтар, шағын сәулеттік нысандар қойылып, көгалдандыру және суару жүйесі жүргізілді.Кейінгі жылдары қайта жаңғыртылған қалалық мәдени-демалыс паркі, орталық алаң, ботаникалық саябақ сияқты халық көп жиналатын, демалатын, серуендейтін орындардың саны артып келеді. Бұл демалыс орындары бір жағынан қала келбетін көріктендіре түссе, екінші жағынан үлкен-кішіге бірдей ыңғайлы.&nbsp;Фото: Қызылорда облысы әкімінің баспасөз қызметі

Демалыс орындарының саны арта түседі

<a href="https://kyzylorda-news.kz/">Kyzylorda-news.kz</a> Астанада Мемлекет басшысы Қасым-Жомарт Тоқаевтың қатысуымен ауыл әкімдерінің диалог-платформасы өтті. Президент өз сөзіндеауылды өркендету, ауыл әкімдері институтын одан әрі жетілдіру міндеттерін атап өтті. Cондай-ақ,еліміздің саяси және әлеуметтік-экономикалық дамуының маңызды мәселелеріне тоқталды.<blockquote>«Бүгінгі жиынның мән-маңызы айрықша. Еліміздегі барлық деңгейдегі атқарушы билік өкілдері осы жерге арнайы шақырылды. Ауыл әкімдерінің басым көпшілігі, яғни 80 пайызы осында. Жалпы, осындай ауқымды құраммен алғаш рет бас қосып отырмыз. Шын мәнінде, тақырып өте өзекті.Ауылдың жағдайы – еліміз үшін стратегиялық маңызы бар мәселе. Себебі халқымыздың тамыры ауылда. Ауылдарымыз мықты болса, еліміз де берекелі болмақ. Сондықтан ауыл әкімдеріне қойылатын талап та, оларға жүктелетін міндет те әрдайым ерекше», – деді Мемлекет басшысы.</blockquote>Сонымен қатар Үкіметке экономиканың тұрақты сапалы өсімін қамтамасыз ету, инфляцияны төмендетіп, халықтың табысын арттыру арқылы тұрмыс жағдайын жақсарту, жеке секторды дамытып, өндірісті жандандыруды тапсырды.Бүгінгі диалог-платформа аясында «Клиентке бағдарланған сервистік мемлекеттік қызмет: диалог, кәсібилік, ашықтық» сессиясы өтті. Күн тәртібінде мемлекеттік басқарудың сапасын жергілікті деңгейде арттырудың заманауи тәсілдерін талқылау, мемлекеттік аппараттың жұмысында сервистік, клиентке бағдарланған үлгіні дамыту мәселелері талқыланды. Оған облыс әкімі Нұрлыбек Нәлібаев қатысып, «Жергілікті деңгейдегі көшбасшылық: ауыл әкімі – өзгерістердің агенті» тақырыбында баяндама жасады.Нұрлыбек Машбекұлы өз баяндамасындаМемлекет басшысының тапсырмасымен атқарылған ауылдық аумақтарды дамыту бағыты туралы айтты.&nbsp;<blockquote>«Президентіміздің бастамасымен енгізілген саяси реформаның бірі – қала, аудан, ауыл әкімдерін тікелей сайлау. Әкімдер халық таңдауымен сайланып, қызметке келуде. Бұл бастама халықтың саяси белсенділігін арттырып, тұрғындарды жергілікті өзін-өзі басқару ісіне тартуға мол мүмкіндік берді», – деді облыс әкімі.&nbsp;</blockquote>Бүгінде өңірдің 447 мың тұрғыны (халық саны 845 мың адам) яғни, халықтың 53 пайызы ауылдарда тұрады, 146 кент пен ауылдық округ бар. Жаңа сайлау жүйесі енгізілгеннен бері 205 әкім сайлауы өткізілді. Барлық елді мекен әкімдері 100 пайыз жаңадан сайланды. 2023 жылы пилоттық жоба аясында Шиелі және Сырдария аудандарының әкімдері сайланса, биыл Қазалы ауданының әкімі де халық таңдауы арқылы қызметке келді.Бұл өзгерістер демократиялық процестерді дамытумен қатар, жергілікті билік органдарының ашықтығы мен есептілігін арттырып, әкімдердің жауапкершілігін күшейтуде.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам