<a href="https://kyzylorda-news.kz/">Kyzylorda-news.kz</a> Алғашқы суық түсісімен тұмау мен &nbsp;вирустық инфекциялардың белсенді болатыны белгілі. Осыған орай, бүгін Өңірлік коммуникациялар қызметі алаңында өткен брифингте жауапты сала мамандары эпидемиялық маусымға қалай дайындалып жатқанын баяндап, тұрғындарды сақтық шараларын күшейтуге шақырды.Денсаулық сақтау басқармасы басшысының орынбасары Мая Мирзанованың айтуынша, облыста эпидемияға қарсы кешенді іс-шаралар жоспары бекітіліп, медициналық ұйымдар толық дайындыққа көшкен.&nbsp;<blockquote>«Облыс бойынша емдеу-сауықтыру мекемелерінде 425 төсек орны дайындалды. Оның ішінде облыстық жұқпалы аурулар ауруханасында 200 төсек және аудандарда 225 төсек қарастырылған. Қажетті дәрі-дәрмектер мен қорғаныш құралдарының резерві толық жасақталды. Атап айтқанда, вирусқа қарсы препараттар, дезинфекциялық заттар мен бір реттік маскалар жеткілікті көлемде бар. Сонымен қатар, 1-қазаннан &nbsp;бастап қауіпті топтағы азаматтарды тұмауға қарсы вакцинациялау жұмыстары басталады. Бұл мақсатта жергілікті бюджет есебінен 85 007 доза вакцина сатып алынды», – деді Мая Миранбайқызы.</blockquote>Өз кезегінде Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова күзгі-қысқы маусымдағы санитариялық талаптар мен шектеу шараларына тоқталды.<blockquote>«Бас мемлекеттік санитариялық дәрігердің қаулысына сәйкес, 1 қазаннан бастап медициналық ұйымдарда қызметкерлер үшін маска тағу режимі енгізіліп, дезинфекциялық тәртіп күшейтілді. Сондай-ақ білім беру ұйымдарында балалар арасында аурудың таралуын ерте анықтау үшін күн сайын “таңертеңгі сүзгі” жұмыс істейді. Егер сыныптағы оқушылардың 20-30 пайызы ЖРВИ-мен ауырса, байланыста болғандар 7 күн бойы медициналық бақылауға алынады. Ал көрсеткіш 30 пайыздан асса, қашықтан оқытуға көшу қарастырылады. Тұмау асқынуларының алдын алудың ең тиімді жолы – вакцина алу, сондықтан тұрғындарды сақтық шараларын қатаң сақтауға шақырамыз», – деді Әлия Мүтәліпқызы.</blockquote>Мамандар тұмаудың алғашқы белгілері (дене қызуының көтерілуі, әлсіздік, тамақ ауруы) байқалған жағдайда өз бетінше емделмей, дер кезінде дәрігерге қаралу қажеттігін ескертеді.Эпидемиялық маусым қарсаңында өңірдегі барлық медициналық және білім беру ұйымдары қажетті инфрақұрылыммен қамтамасыз етіліп, қатаң бақылауға алынды. Дегенмен, тұрғындардың денсаулығы мен қауіпсіздігі көбінесе әр азаматтың өз жауапкершілігіне тікелей байланысты: санитарлық талаптарды сақтап, дер кезінде екпе алу жұқпалы аурулардың таралуын тоқтатудың ең басты кепілі.<img src="https://knadmin.beoblood.kz/uploads/T_maudy_aldyn_alu_950b4f52fa.jpg" alt="Тұмаудың алдын алу.jpg">Сурет: freepik.com

Тұмау мен ЖРВИ-дің алдын алу шаралары басталды

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінің ұйымдастыруымен мемлекеттік қызметшілер арасында «Ыстық қайрат, нұрлы ақыл, жылы жүрек» тақырыбында аудандық дебат өтті.Дебатқа ауданның мемлекеттік мекемелерінен 8 команда қатысып, сыни ойлау, дәлелді пікір білдіру, көпшілік алдында сөйлеу, командалық жұмыс және моральдық-әдеп құндылықтары бағытында өзара пікір алмасты.Дебат барысында қатысушылар өз білімдері мен шешендік шеберліктерін көрсетіп, тақырып аясында мазмұнды ойларымен бөлісті.

Шиеліде «Ыстық қайрат, нұрлы ақыл, жылы жүрек» тақырыбында дебат ұйымдастырылды

<a href="https://kyzylorda-news.kz/">Kyzylorda-news.kz</a> Қызылордада 1 қазан – Халықаралық қарттар күніне орай «Әділет» партиясының «Үш ұрпақ – Ортақ мұрат» тұжырымдамасы аясында «Сыр сақасы» атты асық атудан облыстық сайыс өтті. Ұлттық ойынға негізделген жарыстың басты ерекшелігі – әр команда құрамында үш буынның өкілі, яғни ардагер, орта буын және бала бірге өнер көрсетті.Іс-шараға барлығы 6 команда қатысты. Үш буын өкілдерінен құралған командалар асық атудан өзара бақ сынап, мергендік пен дәлдіктен шеберліктерін көрсетті. Ұйымдастырушылардың айтуынша, жарыстың негізгі мақсаты – ұлттық ойындарды дәріптеу ғана емес, аға буынның тәжірибесі мен өнегесін жас ұрпаққа жеткізіп, ұрпақтар арасындағы байланысты нығайту.<blockquote>«Бала тәрбиесі – бір отбасының ғана емес, тұтас қоғамның ортақ міндеті. Сондықтан ұрпақтар сабақтастығын сақтау, ұлттық құндылықтарды дәріптеу және балалардың толыққанды дамуына жағдай жасау – біз үшін маңызды бағыттардың бірі. «Әділет» партиясы өзінің тұғырнамасында адам әлеуетін дамыту, білім мен жауапкершілік мәдениетін қалыптастыру, патриотизм мен ұлттық құндылықтарды нығайтуға басымдық беріп отыр. Ал бұл құндылықтардың барлығы ең алдымен жас ұрпақтың тәрбиесінен басталады. Бүгінгі шара осы мақсаттардың қарапайым әрі нақты көрінісі деп ойлаймын. Біз аға буынның өмірлік тәжірибесін жастарға, ал ұлттық дәстүрді кейінгі ұрпаққа жеткізудің осындай тиімді жолдарын көбейтуіміз керек. Үш ұрпақтың бір командада өнер көрсетуі – үлкенге құрмет, кішіге ізет көрсетудің жақсы үлгісі», – деді «Әділет» партиясы Қызылорда облыстық филиалының төрағасы Жандос Базартай.</blockquote><img src="https://knadmin.beoblood.kz/uploads/Whats_App_Image_2026_10_01_at_17_45_00_47fba91c30.jpeg" alt="Асық ату сайысы.jpeg">Өз кезегінде сөз алған ұлттық ойындарды дәріптеуші, асық ату шебері Райхан Наукеев ұлттық ойынның ұрпақ тәрбиесіндегі маңызына тоқталды.<blockquote>«Асық ату – баланың ептілігін, дәлдігін, мергендігін ғана дамытатын ойын емес. Оның тәрбиелік мәні де зор. Бүгін біз осы ұлттық ойынды үш буынның басын қосатын ортақ алаңға айналдырып отырмыз. Аға буын өз тәжірибесін бөліссе, жастар мен балалар ұлттық ойынның қыр-сырын үйренеді. Мұндай шаралар дәстүрдің сабақтастығын сақтауға ықпал етеді», – деді Жәнібек Жанайбек.</blockquote>Жарыс барысында қатысушыларға асық атудың ережелері түсіндіріліп, ойынның ерекшеліктері таныстырылды. Асық ату – дәлдік пен мергендікті, ептілік пен шапшаңдықты талап ететін қазақтың дәстүрлі ұлттық ойындарының бірі.Сайыс қорытындысы бойынша Темуров Қалабайдың командасы І орын, Абдикалиев Азеннің командасы ІІ орын, Көшеров Ибрагимнің командасы ІІІ орын иеленді. Жеңімпаздар мен жүлдегерлерге бағалы сыйлықтар табысталды.Ұйымдастырушылардың пікірінше, «Үш ұрпақ – Ортақ мұрат» секілді жобалардың маңызы – әр буынды бір ортаға жинап, ұлттық құндылықтарды бірге дәріптеуге мүмкіндік беруінде. Қарияның батасы мен өнегесі, орта буынның тәжірибесі және баланың талпынысы тоғысқан жерде ұрпақтар сабақтастығы қалыптасады.<img src="https://knadmin.beoblood.kz/uploads/Whats_App_Image_2026_10_01_at_17_44_59_1_ad2109e4c6.jpeg" alt="Асық ату сайысы.jpeg">

Қызылордада асық атудан облыстық сайыс өтті

<a href="https://kyzylorda-news.kz/">Kyzylorda-news.kz</a> 1 қазан – Қарттар күні қарсаңында «Әділет» партиясы Қызылорда қалалық филиалының төрағасы Гүлшат Мұсаева мен қалалық мәслихат депутаты Рүстем Ізтілеуов «Ардагерлерді ардақтайық» партиялық жобасы аясында жалғыз тұратын ардагер Гүлжамал Жомартованың үйіне арнайы барып, мерекемен құттықтады.Ардагерге партия атынан сыйлық табысталып, жылы лебіздер айтылды. Ал «Жастар Рухы» жастар қанатының белсенділері қарияның ауласын тазалап, үй шаруасына көмектесті.Гүлшат Мұсаеваның айтуынша, аға буынға құрмет көрсету тек мереке қарсаңында емес, тұрақты түрде жалғасуы тиіс.<blockquote>«Қарияларымыздың өмір жолы мен елге сіңірген еңбегі – кейінгі ұрпаққа үлкен өнеге. «Ардагерлерді ардақтайық» жобасы аясында үлкендердің жағдайын сұрап қана қоймай, қажет кезінде нақты көмек көрсетуге басымдық береміз. Әсіресе жалғыз тұратын қарттарға көңіл бөліп, тұрмыстық мәселелеріне қолғабыс ету маңызды. Жастардың үлкендермен етене араласып, олардың ақыл-кеңесін тыңдауы да – ұрпақтар сабақтастығын нығайтатын жақсы дәстүр», – деді Гүлшат Мұсаева.</blockquote><img src="https://knadmin.beoblood.kz/uploads/Whats_App_Image_2026_09_29_at_19_05_21_82feaccf99.jpeg" alt="Әділет.jpeg">Өз кезегінде Гүлжамал Жомартова көрсетілген қамқорлыққа ризашылығын білдірді. Ардагердің айтуынша, партия өкілдерінің жастарды ертіп келіп, күнделікті шаруасына көмектескені көңіліне қуаныш сыйлаған.<blockquote>«Әділет» партиясының азаматтарына алғысымды білдіремін. Жағдайымызды біліп қана қоймай, жастарды ертіп келіп, үй шаруасына көмектесті. Ауланы тазалап, үйдің жұмыстарын реттеуге қолғабыс етті. Осындай көңіл бөліп, үлкендерді ұмытпай жүргендеріңізге рақмет. Жастарға айтарым – білімге құштар болып, өмірде өз жолдарыңды табыңдар. Үлкеннің батасын алып, жақсыдан үлгі алыңдар. Алдарыңнан әрдайым жақсы адамдар жолықсын, – деді Гүлжамал Жомартова.</blockquote>Қарияның ақ тілегін алған жастар да өз кезегінде үлкенге құрмет көрсетудің маңызын атап өтті. Мұндай кездесулер аға буынға көңіл бөліп қана қоймай, жастарды ізеттілікке, қамқорлыққа және жауапкершілікке тәрбиелеуге мүмкіндік береді.«Ардагерлерді ардақтайық» жобасы аясындағы бастаманың мәні де осында. Үлкеннің хал-жағдайын сұрап, қажет кезде қол ұшын созу – құрметтің нақты көрінісі. Ал қарияның ризашылығы мен ақ батасы – осындай игі істің ең үлкен бағасы.<img src="https://knadmin.beoblood.kz/uploads/Whats_App_Image_2026_09_29_at_19_05_22_482a473ee9.jpeg" alt="Әділет.jpeg">

«Жастар Рухы» жастар қанатының белсенді жастары ардагерге көмектесті

<a href="https://kyzylorda-news.kz/">Kyzylorda-news.kz</a> Қазалы ауданында 1 қазан - Халықаралық қарттар күніне орай «Өнегелі өмірі – ұрпаққа аманат» атты мерекелік кеш өтті. Салатантты шарада аудан әкімі Алмасбек Есмаханов ел ағалары мен ақ жаулықты аналарды мерейлі мерекемен құттықтап, ізгі лебізін білдірді.<blockquote>- Қазақ халқы қашанда қариясын төріне шығарып, ақсақалын елдіктің темірқазығы санаған. «Қариясы бар елдің – қазынасы бар», «Көп жасағаннан сұрама, көпті көргеннен сұра» деген халқымыздың даналық сөздері аға буынның өмірлік тәжірибесіне деген құрметтен туған. Мемлекет басшысы Қасым-Жомарт Кемелұлы Тоқаев еліміздегі аға буынның еңбегіне әрдайым жоғары баға беріп келеді. Бүгінде елімізде ардагерлерді әлеуметтік қолдау, медициналық және әлеуметтік қызметтердің қолжетімділігін арттыру, олардың белсенді өмір сүруіне жағдай жасау бағытында жүйелі жұмыстар жүргізілуде. Бұл игі жұмыстар өңірімізді төрт жылдан астам уақыт басқарған, бүгінде Қазақстан Республикасы Премьер-Министрінің бірінші орынбасары қызметін атқарып отырған Нұрлыбек Машбекұлының, облыс әкімі Мұрат Нәлқожаұлының қолдауымен Сыр өңірінде де өз жалғасын тауып келеді. Бұл мақсатта бюджеттен бөлінетін қаржы көлемі де артуда. Соңғы үш жылда жылына бір рет төленетін әлеуметтік көмектің көлемі Ұлы Отан соғысының ардагерлеріне 1,5 млн. теңгеден 5 млн. теңгеге, оларға теңестірілген ардагерлер мен тыл ардагеріне 90 мыңнан 196 мың теңгеге ұлғайды. Биыл ауданымызда 255 ардагерге барлығы 56 млн. теңге көлемінде бір реттік әлеуметтік көмек көрсетілді. Аудан бойынша жыл сайын 100-ге жуық қарттарымыз шипажай қызметіне ұқсас арнаулы әлеуметтік қызметтермен қамтылуда. Асыл қазыналарымызды әлеуметтік қолдау бағытындағы кешенді жұмыстарымыз алдағы уақытта да жалғаса беретін болады. Сіздерді бүгінгі мерекелеріңізбен шын жүректен құттықтай отырып, дендеріңізге саулық, ұзақ ғұмыр, отбастарыңызға бақ-береке, ырыс-несібе тілеймін, - деді аудан басшысы.</blockquote>Сондай-ақ, бүгінгі жас ұрпаққа үлкен өнеге көрсетіп, елдің ынтымағы мен ырысына, бірлігі мен берекесіне, түрлі қоғамдық жұмыстарға белсене араласып жүрген ардагерлерге облыс әкімі Мұрат Ергешбаев пен аудан әкімінің Алғыс хаттары және ауданның ең жоғары марапаты «Құрмет грамотасын» табыстады.Мерекелік шара барысында аудандық ардагерлер кеңесінің төрағасы, «Құрмет» орденінің иегері Оразғали Достанұлы бастаған ел ағалары, Қызылорда облысының Құрметті азаматы, «Құрмет», «Парасат», І және ІІІ дәрежелі «Барыс» ордендерінің иегері Самұрат Жұманұлы және өмірінің көп бөлігін қоғамның әр саласында қажырлы еңбек етуге арнаған еңбек ардагерлері сөз сөйлеп, мерекелік тілектерін жеткізді.Қариялардың мерейін үстем еткен көңілді кеште аудандық мәдениет орталығының өнерпаздары ән-күйден шашу шашып, Қазалының қазыналы қарияларына аудан басшысының арнайы мерекелік сыйлықтары табысталды.<img src="https://knadmin.beoblood.kz/uploads/azaly_arttar_k_ni_3_12d4c55fff.jpg" alt="Қазалы қарттар күні 3.jpg">

Қарттар күніне орай «Өнегелі өмірі – ұрпаққа аманат» атты мерекелік іс-шара өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, қала әкімі Нұржан Ахатов, облыстық ардагерлер кеңесінің төрағасы Серік Дүйсенбаев 1 қазан – Халықаралық қарттар күніне орай №1 Қызылорда арнаулы әлеуметтік қызметтер көрсету орталығына барып, қарттарды мерекемен құттықтады.<blockquote>«Қазақ халқы үшін үлкенді сыйлау, қарттықты қадірлеу – ғасырдан ғасырға жалғасып келе жатқан озық дәстүр. Бұл – өскелең ұрпақ үшін өлшеусіз рухани қазына. Сондықтан қазыналы қарияларымызды құрметтеу – әрбіріміздің азаматтық парызымыз. Аймақ ардагерлерін әлеуметтік қолдау – менің назарымдағы басты мәселе. Сіздерге көрсетілетін қамқорлық әрі қарай да жалғаса береді. Біз Сіздерге қолайлы жағдай жасап, қызмет көрсетуге қашан да дайынбыз. Баршаңызға мықты денсаулық, амандық тілеймін!», – деді Мұрат Нәлқожаұлы.</blockquote>Аймақ басшысы орталық ғимаратының алдындағы киіз үйде ұйымдастырылған көрмемен танысты. Көрмеге қызмет алушылардың өз қолымен жасаған ұлттық нақыштағы түрлі бұйымдары қойылған.Бүгінде өңірде 90 мыңға жуық қарт тұрады. Оның 2 мыңнан астамы арнаулы әлеуметтік қызметпен қамтылған. №1 Қызылорда арнаулы әлеуметтік қызметтер көрсету орталығына биыл 843,8 млн теңге қаржы бөлінді.&nbsp;Орталық заманауи талаптарға сай жабдықталып, қызмет алушылардың денсаулығын жақсарту, оңалту үшін қолайлы жағдай жасалды. Материалдық-техникалық базаны толықтыру әлі де жалғасады.Сонымен қатар Талсуат елді мекеніндегі 150 орынға арналған оңалту орталығында, Қызылорда қаласындағы 50 орындық жартылай стационарда зейнеткерлерге арнаулы әлеуметтік қызмет көрсетіледі.<img src="https://knadmin.beoblood.kz/uploads/arttar_a_rmet_k_rsetti_2_8d2810e460.jpg" alt="Қарттарға құрмет көрсетті 2.jpg">

Қазыналы қарттарға құрмет көрсетті

<a href="https://kyzylorda-news.kz/">Kyzylorda-news.kz</a> 1 қазан – Халықаралық қарттар күніне орай Жаңақорған ауданында аға буын өкілдеріне құрмет көрсетуге бағытталған тағылымды іс-шаралар ұйымдастырылуда.Жаңақорған ауданының әкімі Ғалымжан Жарқынбектің қолдауымен аудандық жұмыспен қамту және әлеуметтік бағдарламалар бөлімінің есебінде тұрған қарт азаматтарға рухани-танымдық саяхат ұйымдастырылып, олар Түркістан облысындағы Арыстанбаб кесенесі мен Қожа Ахмет Ясауи кесенесіне зиярат етті. Сапар барысында қариялар тарихи-мәдени орындарды аралап, рухани тағылым алып, мазмұнды демалыс өткізді.Сондай-ақ бүгін Жаңақорған кентіндегі «Ар Меди» мейрамханасында «Қарты бар ел – қазыналы ел» атты мерекелік іс-шара ұйымдастырылады.Тағылымды басқосудың негізгі мақсаты – ел ағалары мен ақ жаулықты әжелерге құрмет көрсетіп, олардың өнегелі өмір жолын кейінгі ұрпаққа үлгі ету, ұлттық құндылықтарды дәріптеп, үлкенге ізет, кішіге құрмет қағидатын нығайту.

Жаңақорғандық тұрғындарға құрмет көрсетті

<a href="https://kyzylorda-news.kz/">Kyzylorda-news.kz</a> Қазақстан Республикасы Бас прокуратурасының делегациясы Бас прокурор Берік Асыловтың басшылығымен Қазанда өткен ТМД-ға қатысушы мемлекеттердің Бас прокурорларының үйлестіру кеңесінің 36-шы отырысына қатысты.Отырыста Әзербайжан, Армения, Беларусь, Қазақстан, Қырғызстан, Ресей, Тәжікстан және Өзбекстанның қадағалау органдарының басшылары активтерді іздеу және шетелден қайтару саласындағы заманауи сын-қатерлер мен жаңа шешімдерді, сонымен бірге халықаралық құқықтық ынтымақтастық мәселелерін талқылады.Қылмысқа қарсы күрес саласындағы халықаралық шарттарды қолдану, бірлескен бағдарламаларды іске асыру және прокуратура органдарының өзара іс-қимылын жетілдіру мәселелері бойынша тәжірибе алмасу жүргізілді.Өз сөзінде қазақстандық қадағалау органының басшысы активтерді қайтару саласындағы жұмыстың нәтижелерін атап өтіп, соңғы 3 жылда мемлекетке 2,8 млрд АҚШ доллары көлемінде активтер қайтарылғанын, олар денсаулық сақтау, сумен жабдықтау және білім беру салаларын қоса алғанда, 466 әлеуметтік және коммуналдық объектінің құрылысына бағытталғанын атап өтті.<img src="https://knadmin.beoblood.kz/uploads/Whats_App_Image_2026_10_01_at_11_58_07_9c7ae6891f.jpeg" alt="ТМД-ға қатысушы мемлекеттердің Бас прокурорларының үйлестіру кеңесінің жұмысы.jpeg">Отырыс қорытындысы бойынша заңдылық пен құқық тәртібін қамтамасыз ету саласындағы өңірлік ынтымақтастықты нығайтуға бағытталған бірқатар құжатқа, оның ішінде терроризм мен экстремизмге қарсы іс-қимыл саласындағы ынтымақтастық туралы келісімге қол қойылды.Бұдан бөлек, өткен іс-шара аясында Қазақстан делегациясының басшысы Ресей, Беларусь және Қырғызстанның бас прокуратураларының басшылығымен екіжақты кездесулер өткізіп, олар барысында өзара іс-қимылдың өзекті мәселелері талқыланды.Қол жеткізілген уағдаластықтарды іске асыру мақсатында Беларусь Республикасы мен Ресей Федерациясының бас прокуратураларымен 2027–2028 жылдарға арналған ынтымақтастық бағдарламаларына қол қойылды, олар прокурорлық қызметтің түрлі бағыттары бойынша бірлескен іс-шаралар өткізуді және тәжірибе алмасуды көздейді, сондай-ақ Қазақстан Республикасының және Қырғыз Республикасының бас прокуратуралары арасында активтерді қайтару саласындағы Серіктестік және ынтымақтастық туралы меморандумға қол қойылып, бірлескен жұмыстың практикалық тетіктерін дамыту көзделді.<img src="https://knadmin.beoblood.kz/uploads/Whats_App_Image_2026_10_01_at_11_58_09_f57026d572.jpeg" alt="ТМД-ға қатысушы мемлекеттердің Бас прокурорларының үйлестіру кеңесінің жұмысы.jpeg">

Қазақстан прокуратурасының делегациясы ТМД-ға қатысушы мемлекеттердің Бас прокурорларының үйлестіру кеңесінің жұмысына қатысты

<a href="https://kyzylorda-news.kz/">Kyzylorda-news.kz</a> «Әлеуметтік медициналық сақтандыру қоры» КеАҚ Басқарма төрағасының бұйрығымен Рахменшеев Сапар Құттыбайұлы Қордың Қызылорда облысы бойынша филиалының директоры болып тағайындалды.Сапар Рахменшеев Қожа Ахмет Ясауи атындағы Халықаралық қазақ-түрік университетінің медицина факультетін «Емдеу ісі» мамандығы бойынша тәмамдаған. PhD докторы, Master of Business Administration (MBA) дәрежесіне ие. Сондай-ақ «Денсаулық сақтауды және қоғамдық гигиенаны ұйымдастыру» және «Психиатрия» мамандықтары бойынша жоғары біліктілік санаттары бар.Сапар Құттыбайұлы денсаулық сақтау саласындағы еңбек жолын 1997 жылы дәрігер-психиатр-нарколог қызметінен бастаған. Көп жылдық еңбек жолында тәжірибелік дәрігерден денсаулық сақтау жүйесіндегі ірі ұйымдар мен құрылымдардың басшысына дейінгі кәсіби жолдан өтті.Әр жылдары Алматы және Қызылорда облысының денсаулық сақтау жүйесінде басшылық қызметтер атқарды. Атап айтқанда, Қызылорда облысының денсаулық сақтау басқармасы басшысының орынбасары, облыстық денсаулық сақтау басқармасының басшысы, Медициналық қызметтерге ақы төлеу комитеті департаменттерінің директоры, Денсаулық сақтауды дамыту институты директорының орынбасары қызметтерін атқарды.2017-2018 жылдары Алматы қаласындағы «№1 қалалық емхана» ШЖҚ МКК бас дәрігері болды. Ал 2018 жылдың қаңтарынан 2026 жылдың наурызына дейін Алматы қаласындағы «Психикалық денсаулық орталығы» ШЖҚ МКК директоры қызметін атқарды.Қор Басқарма төрағасының кеңесшісі Бақытжан Абдуллаев филиал ұжымына жаңа басшыны таныстыра отырып, оның денсаулық сақтау саласындағы мол кәсіби тәжірибесін атап өтті.<blockquote>– Сапар Құттыбайұлының денсаулық сақтау жүйесін ұйымдастыру және басқару, медициналық менеджмент пен практикалық медицина саласында мол тәжірибесі бар. Бұл тәжірибе Қордың жұмысында сұранысқа ие болып, оның қызметін одан әрі жетілдіруге өз үлесін қосатынына сенімдімін. Алдағы жұмысыңызға табыс, кәсіби жетістіктер тілеймін, – деді.</blockquote>

Қызылорда облысы бойынша ӘМСҚ филиалының директоры тағайындалды

<a href="https://kyzylorda-news.kz/">Kyzylorda-news.kz</a> Үкімет отырысынан кейін облыс әкімінің төрағалығымен мәжіліс өтіп, онда «Егін жинау науқаны барысы» қаралды. Жиында көтерілген міндеттерге сәйкес Жаңақорған ауданының әкімі Ғалымжан Жарқынбектің төрағалығымен аппараттық мәжіліс өтті.Биыл ауданда 38 232 гектарға ауыл шаруашылығы дақылдары орналастырылды. Оның ішінде 6 756 гектарға күріш егілді. Күріш алқаптарының барлығы көктемгі дала жұмыстарына дейін лазерлік тегістеуден өткізілген.Қазіргі таңда 4 533 гектар күріш орылып, 3 735 гектары бастырылды. Орташа өнімділік гектарына 52,1 центнерді құрап отыр.Аудан басшысы егін жинау науқанын белгіленген мерзімде әрі сапалы аяқтау үшін ауылдық округ әкімдері мен жауапты сала басшыларына жұмыстарды тұрақты бақылауда ұстауды, шаруашылықтарды қажетті дизель отынымен уақытылы қамтамасыз етуді тапсырды.Жиында су тапшылығы мәселесіне де ерекше назар аударылды. Мемлекет басшысының суды тиімді әрі үнемді пайдалану жөніндегі тапсырмаларына сәйкес, ауданда каналдарды бетондау жұмыстары жүргізілуде. Осы бағыттағы жобаларды жеделдету жөнінде нақты міндеттер жүктелді.Сонымен қатар мәжілісте шағын және орта кәсіпкерлікті дамыту, алдағы жоспарланған қоғамдық - саяси маңызы бар іс-шараларға дайындық барысы қаралды.Мәжіліс қорытындысымен аудан әкімі аталған бағыттардағы тапсырмалардың сапалы әрі белгіленген мерзімде орындалуы қатаң бақылауда болатынын ескертті.<img src="https://knadmin.beoblood.kz/uploads/Zha_a_or_an_m_zhilis_c8d6c42cfa.jpg" alt="Жаңақорған мәжіліс.jpg">

Мәжіліс отырысында аталған мәселелерді қатаң бақылауға алуды тапсырды

<a href="https://kyzylorda-news.kz/">Kyzylorda-news.kz</a> Адам ғұмырының ең күрделі сәттері кейде сахна төрінде сөйлейді. Күлкі мен мұң қатар өріліп, көрерменнің жүрегіне үнсіз сұрақ тастайтын сондай тағылымды кеш Арал төрінде өтті.Арал аудандық мәдениет үйінде Нартай Бекежанов атындағы облыстық музыкалық драма театрының гастрольдік сапары аясында халық жазушысы Флорид Буляковтың «Отыз ұлың болғанша…» атты мұңды комедиялық қойылымы көрермен назарына ұсынылды. Қарттық дейтін кемел кезеңнің қадірменді жандары қонақ болған бұл кештің 1 қазан – халықаралық Қарттар күнінде өтуінің өзі ауданның аға буынына үлкен тарту болды.Қойылымның өзегі ретінде өмірдің талай белесін артқа тастап, ғұмырының соңғы кезеңінде жалғыздықтың салмағын сезінген төрт кейуананың жан тебірентерлік тағдыры суреттеледі. Бір қарағанда қарапайым көрінетін кейіпкерлердің өмірі арқылы шығарма адам баласына аса қажет мейірім мен махаббаттың, жанашырлық пен жылылықтың бағасын терең ұғындырады.<img src="https://knadmin.beoblood.kz/uploads/Aral_audany_ojylym_3_6cb16a3140.jpg" alt="Арал ауданы қойылым 3.jpg">Сахнадағы әрбір сөз бен әрбір әрекет көрерменді өз өміріне үңілдіргендей әсер қалдырды. Қойылым бірде күлдірсе, бірде жүректі шымырлатып, «Адамға адамнан артық не керек?», «Қарттықтағы жалғыздықтың өтеуі не?» деген сауалдарды санаға салмақ салмай-ақ сіңіре білді. Бабаларымыз «бір тұтам» деп пайымдаған өмірдің ең әсерлі шақтарын сахна төрінде шебер суреттеген жандар қатарында Қазақстанның еңбек сіңірген артисі, «Құрмет», «Парасат» ордендерінің иегері, Қызылорда қаласының құрметті азаматы, Қызылорда облысының құрметті ардагері Бақытбек Алпысбайұлы бастаған бір топ өнер майталмандары болды.Бұл тек театрландырылған қойылым емес, адамдық қасиеттердің қадірін еске салған рухани сырласу болды. Қойылымды көпшілікпен бірге тамашалаған аудан әкімінің орынбасары Нұрмұхамед Бохаев аудан ардагерлеріне және гастрольдік сапармен ауданған арнайы келген өнер ұжымына ерекше алғысын білдіріп, аудан әкімінің арнайы Алғыс хатын табыстады.Көрермен ықыласына бөленген сахна саңлақтары екі қойылған қойылым барысында кейіпкерлердің жан әлемін шынайы жеткізіп, аралдық ағайынға әсерлі өнер кешін сыйлады.Аралдық көрермен театр ұжымын зор қошеметпен шығарып салып, өнерпаздарға шығармашылық шабыт пен толағай табыс тіледі.<img src="https://knadmin.beoblood.kz/uploads/Aral_audany_ojylym_2_be0450b226.jpg" alt="Арал ауданы қойылым 2.jpg">

Арал сахнасында комедиялық қойылым сахналанды

<a href="https://kyzylorda-news.kz/">Kyzylorda-news.kz</a> Қазақстан Coursera Global Skills Report 2026 жаһандық есебі аясында ұсынылған жаңа AI-Human Skills Synergy Index 2026 индексінде 98 елдің ішінде 55-орынға ие болды. Жаңа индекс білім алушылардың жасанды интеллект саласындағы дағдыларды оларды тиімді қолдануға қажетті сыни ойлау, көшбасшылық, коммуникация және күрделі міндеттерді шешу сияқты негізгі адами құзыреттермен қатар қаншалықты белсенді дамытып жатқанын бағалайды.Индекс онлайн оқыту пайдаланушылары арасында дағдыларды дамыту динамикасын, сондай-ақ оларды ел деңгейінде қолдануға қажетті жағдайларды ескереді. Coursera әдістемесіне сәйкес қорытынды баға дағдыларды меңгеру деңгейі, зерделенетін құзыреттердің ауқымы және AI дағдылары мен адами дағдылардың үйлесімі жөніндегі көрсеткіштерге, сондай-ақ Oxford Insights Government AI Readiness Index деректеріне негізделеді. Аталған индекс мемлекеттердің жасанды интеллект әлеуетін пайдалану мүмкіндігін мемлекеттік саясат, инфрақұрылым, адами капитал, AI секторының дамуы және басқа да факторларды ескере отырып бағалайды.<blockquote>«Қазақстан AI-Sana ұлттық бағдарламасын іске қосқанда цифрлық курстарға қолжетімділікті қамтамасыз ету жеткіліксіз екенін түсіндік. Жүйелі өзгерістерге қол жеткізу үшін алынған білімді білім беру процесіне енгізіп, оны іс жүзінде қолдануға мүмкіндік беретін жағдай жасау маңызды болды. Бүгінде бағдарламаға 100 жоғары оқу орны қатысып, курстарды білім беру процесіне енгізу, нәтижелерді бақылау және жасанды интеллект технологияларының қарқынды дамуына сәйкес оқу мазмұнын тұрақты түрде жаңарту бағытында жұмыс жүргізіп келеді. Сонымен қатар оқытушылардың цифрлық және педагогикалық құзыреттерін дамытуға ерекше мән беріп отырмыз. Қазірдің өзінде 1 200-ден астам педагог заманауи онлайн оқыту әдістерін меңгеріп, сапалы 35 авторлық курс әзірлеуге қатысты. Бұл тәсіл жасанды интеллект саласындағы білімге қолжетімділікті кеңейтіп қана қоймай студенттерді өзгермелі еңбек нарығының талаптарына жүйелі түрде дайындауға мүмкіндік береді», – деді ҚР Ғылым және жоғары білім министрі Саясат Нұрбек.</blockquote>Қазақстанның нәтижесі цифрлық оқытудың белсенді пайдаланушылары арасында жасанды интеллект саласындағы техникалық құзыреттерге ғана емес, оларды іс жүзінде тиімді қолдануға қажетті дағдыларға да тұрақты қызығушылық бар екенін көрсетеді. Жасанды интеллект білім беру үдерісіне, кәсіби қызметке және күнделікті жұмыс міндеттеріне кеңінен еніп жатқан қазіргі жағдайда мұндай дағдыларды қатар дамыту айрықша маңызға ие.Бұл ретте AI-Human Skills Synergy Index көрсеткіштерін оның әдістемелік ерекшеліктерін ескере отырып қарастырған жөн. Coursera деректері негізінен платформа пайдаланушыларының білім алуға қатысты белсенділігін көрсетеді және елдегі барлық халықтың дағдылар деңгейін тікелей сипаттамайды. Сондықтан Қазақстанның нәтижесі цифрлық оқытуға қатысушылар арасында AI және адами дағдылардың даму динамикасын көрсететін халықаралық көрсеткіш әрі құзыреттерді дамытудағы жаһандық үрдістерді бағалаудың қосымша құралы.Сурет: ҚР Білім және жоғарғы ғылым министрлігі

Қазақстан және Қызылорда облысының жаңалықтары: Қоғам