<a href="https://kyzylorda-news.kz/">Kyzylorda-news.kz</a> Жаңақорған ауданында «AMANAT» партиясының бастамасымен дәстүрлі түрде өткізілетін «Таза бейсенбі» экологиялық акциясы аясында кезекті тазалық шарасы ұйымдастырылды. Акция Мемлекет басшысының «Таза Қазақстан» жалпыұлттық бастамасын қолдау мақсатында әр апта сайын тұрақты түрде өткізіліп келеді.Бұл жолы партия мүшелері, белсенді жастар мен еріктілер Жаңақорған кентіндегі темір жол бойы аумағын қоқыстан тазартып, қоршаған ортаның тазалығын сақтауға өз үлестерін қосты. Тазалық жұмыстары барысында аумақ ретке келтіріліп, тұрғындарға экологиялық мәдениетті қалыптастырудың маңызы түсіндірілді.«AMANAT» партиясы Жаңақорған аудандық филиалының төрағасы Арман Мажитов экологиялық акцияның маңызына тоқталып өтті.<blockquote>«Таза бейсенбі» – қоршаған ортаны қорғауға бағытталған бір реттік шара емес, қоғамда тазалық мәдениетін қалыптастыратын маңызды бастама. Мемлекет басшысының «Таза Қазақстан» акциясы әрбір азаматты туған жердің тазалығына жауапкершілікпен қарауға үндейді. Бұл тек көше мен ауланы таза ұстау ғана емес, адамның ішкі мәдениеті мен ар тазалығының да көрінісі. Себебі айналасына жанашырлықпен қарайтын, қоғамдық мүлікке құрметпен қарайтын азаматтың ниеті де, ұстанымы да таза болады. Сондықтан тазалық – табиғатты аялаудан басталып, қоғамның рухани жаңғыруына ұласатын құндылық», – деді Арман Мажитов.</blockquote>Айта кетейік, «Таза бейсенбі» акциясы аясында аудан көлемінде қоғамдық орындар, көшелер, саябақтар мен әлеуметтік нысандардың аумақтарында тазалық жұмыстары тұрақты түрде жүргізіліп келеді. Бастаманың басты мақсаты – тұрғындардың экологиялық жауапкершілігін арттырып, туған жерге деген жанашырлық мәдениетін қалыптастыру.

«Таза бейсенбі» – «Таза Қазақстан» идеясын қолдаудағы жүйелі бастама

<a href="https://kyzylorda-news.kz/">Kyzylorda-news.kz</a> Қызылорда облысы Әділет департаментінде сыбайлас жемқорлықтың алдын алу және мемлекеттік қызметшілердің қызметтік әдеп нормаларын сақтау бағытында кешенді жұмыстар тұрақты жүргізілуде. Бұл туралы Өңірлік коммуникациялар қызметінің ақпарат алаңында &nbsp;Әділет департаментінің басшысының орынбасары Ұзақбай Оразгелдіұлы мәлімдеді.Спикердің айтуынша, сыбайлас жемқорлыққа қарсы мәдениетті қалыптастыру және құқық бұзушылықтардың алдын алу мақсатында мемлекеттік қызметшілер арасында түсіндіру және профилактикалық шараларға басымдық берілуде. Атап айтқанда, қызметкерлерге мемлекеттік қызмет туралы заңнама талаптары, Әдеп кодексінің нормалары, қызметтік тәртіпті сақтау және қоғаммен тиімді қарым-қатынас орнату мәселелері бойынша тұрақты түрде түсіндіру жұмыстары жүргізіледі.Сонымен қатар, сыбайлас жемқорлыққа қарсы қызмет мамандарының қатысуымен семинарлар ұйымдастырылып, құқық бұзушылықтардың салдары түсіндірілуде.<blockquote>– Қоғамда сыбайлас жемқорлыққа мүлдем төзбеушілік қағидатын қалыптастыру-негізгі міндеттердің бірі. Осы мақсатта жоғары және арнаулы орта оқу орындарының студенттерімен кездесулер өткізіліп, жастар арасында адалдық пен парасаттылық құндылықтары кеңінен насихатталуда. Сондай-ақ тұрғындардың құқықтық сауаттылығын арттыру үшін «Әділет органдарының ашық есік күні» және «Әділет кеңес береді» акциялары тұрақты ұйымдастырылып келеді. Бұл шаралар азаматтардың құқықтық көмекке қолжетімділігін арттыруға және халық пен мемлекеттік органдар арасындағы ашық диалогты нығайтуға мүмкіндік береді,- деді Ұзақбай Оразгелдіұлы.</blockquote>Брифинг барысында мемлекеттік қызметшілердің кәсіби және моральдық жауапкершілігін арттыруға ерекше көңіл бөлінетіні айтылды. Осы бағытта қызметкерлер арасында іскерлік әдепті сақтау, құмар ойындарға қатысудың алдын алу, деструктивті діни ағымдардың ықпалынан сақтану және құқық бұзушылықтарға жол бермеу мәселелері бойынша профилактикалық жұмыстар тұрақты жүргізілуде.Спикердің сөзінше, адалдық, әділдік және жауапкершілік қағидаттарын нығайту мемлекеттік қызмет сапасын арттырып қана қоймай, азаматтардың мемлекеттік институттарға деген сенімін күшейтеді. Осыған байланысты облыстық Әділет департаменті сыбайлас жемқорлықтың алдын алу, заң мен тәртіп қағидаттарын сақтау және мемлекеттік қызметшілердің әдеп нормаларын нығайту бағытындағы жұмыстарды алдағы уақытта да жүйелі түрде жалғастыра береді.<img class="image_resized" style="width:100%;" src="https://knadmin.beoblood.kz/uploads/Sybajlas_zhem_orly_a_arsy_at_aryl_an_zh_mystar_brifing_eadffdcd7c.jpg" alt="Сыбайлас жемқорлыққа қарсы атқарылған жұмыстар брифинг.jpg">Фото freepik.com

Сыбайлас жемқорлыққа қарсы мәдениетті қалыптастыру жұмыстары жалғасуда

<a href="https://kyzylorda-news.kz/">Kyzylorda-news.kz</a> Бүгін Рәміздер алаңында 4 маусым – Қазақстан Республикасының Мемлекеттік рәміздер күніне арналған салтанатты іс-шара өтті. Мерекелік жиынға аудан тұрғындары, ардагерлер, жастар, мемлекеттік қызметкерлер мен құқық қорғау органдарының өкілдері қатысты.Салтанатты іс-шара Қазақстан Республикасының Мемлекеттік Әнұранын орындаумен басталды. Салтанатты жиында сөз сөйлеген Шиелі ауданының әкімі Айтбай Жандарбеков аудан тұрғындарын мерекемен құттықтап, Мемлекеттік рәміздердің ел тәуелсіздігі мен егемендігінің басты нышаны екенін атап өтті.<img src="https://knadmin.beoblood.kz/uploads/Shieli_R_mizder_k_ni_2_b86e00ddac.jpg" alt="Шиелі Рәміздер күні 2.jpg"><blockquote>– “Мемлекеттік рәміздер – халқымыздың рухын көтеретін, елдік пен бірліктің, тәуелсіздіктің символы. Көк байрағымыз, Елтаңбамыз бен Әнұранымыз әрбір Қазақстандықтың жүрегінде ерекше орын алады. Рәміздерімізді құрметтеу - Отанға деген сүйіспеншіліктің жарқын көрінісі,” – деді аудан басшысы.</blockquote>Салтанатты іс-шара барысында аудандық мәдениет үйінің өнерпаздары патриоттық әндер орындап, көпшілікке көтеріңкі көңіл-күй сыйлады. Елдік рухты дәріптеген концерттік бағдарлама көрермендердің ыстық ықыласына бөленді.Сонымен қатар, салтанатты жиында мемлекеттік қызметке жаңадан қабылданған мемлекеттік қызметшілер мен құқық қорғау органдарының қызметкерлері ант қабылдап, елге адал қызмет етуге серт берді.Іс-шара соңында қатысушылар мемлекеттік рәміздерге құрмет көрсетіп, еліміздің жарқын болашағы жолындағы ортақ құндылықтардың маңыздылығын тағы бір мәрте айшықтады.<img src="https://knadmin.beoblood.kz/uploads/Shieli_R_mizder_k_ni_3_14e1ef3360.jpg" alt="Шиелі Рәміздер күні 3.jpg">

Айтбай Жандарбеков: «Мемлекеттік рәміздер – ел тәуелсіздігі мен егемендіктің басты нышаны»

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының төрағасы Базартай Жандос Нұртайұлы Сырдария ауданына жұмыс сапары барысында Аманкелді ауылындағы «АКЗ ЛТД» серіктестігінің еңбек ұжымымен кездесті.Кездесуге «AMANAT» партиясы Сырдария аудандық филиалының төрағасы, аудандық мәслихат төрағасы Ержан Әжікенов, «АКЗ ЛТД» серіктестігінің директоры Руслан Каскиев, аудандық филиалдың Атқарушы хатшысы Ақтөре Ибрагимұлы және серіктестік қызметкерлері қатысты.Жиын барысында партияның «Халықпен бірге!» сайлауалды бағдарламасының жүзеге асырылуы, өңірде атқарылып жатқан жұмыстар мен партиялық жобалардың нәтижелері талқыланды. Сонымен қатар еңбек ұжымы өкілдерімен пікір алмасып, олардың ұсыныс-тілектері тыңдалды.Кездесу аясында серіктестік қызметкерлерінің бастамасымен «АКЗ ЛТД» серіктестігі жанынан жаңа бастауыш партия ұйымы құрылды. Облыстық филиал төрағасы бастауыш партия ұйымдарының партия мен халық арасындағы байланысты нығайтудағы маңызды рөліне тоқталып, жаңа ұйымның жұмысына сәттілік тіледі. Жиын барысында бірқатар азаматқа партиялық билет пен Алғыс хат табысталды.

Сырдариялық еңбек ұжымымен кездесіп, ұсыныс-тілектерін тыңдады

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының төрағасы Базартай Жандос Нұртайұлыың Жалағаш ауданына жұмыс сапары аясында Ақсу ауылында маңызды партиялық іс-шара ұйымдастырылып, «Сәрке батыр» ЖШС жанынан бастауыш партия ұйымының ашылу рәсімі, партия белсенділерін марапаттау және жаңа мүшелерге партиялық билеттерді табыстау шарасы өтті.Іс-шараға партия ардагерлері, бастауыш партия ұйымдарының төрағалары, партия мүшелері, қоғам белсенділері мен ауыл тұрғындары қатысып, партияның алдағы міндеттері мен ел игілігі жолындағы атқарылып жатқан жұмыстар жөнінде пікір алмасты.Сонымен қатар, партияның қоғамдық-саяси өміріне белсенді араласып, партиялық жобалар мен қоғамдық жұмыстардың жүзеге асуына үлес қосып жүрген бірқатар азаматтарға Алғыс хаттар мен арнайы марапаттар табысталды. Олардың елдің дамуы мен қоғамның өркендеуіне қосқан еңбектері жоғары бағаланды.Іс-шараның ерекше сәттерінің бірі – партия қатарына жаңадан қабылданған азаматтарға партиялық билеттерді салтанатты түрде табыстау рәсімі болды. Жаңа мүшелер партияның мақсат-міндеттерін жүзеге асыру жолында белсенді еңбек етуге дайын екендіктерін білдірді.<blockquote>«Бастауыш партия ұйымдары – партия жұмысының негізі әрі халықпен тікелей жұмыс жүргізетін басты буын. Сондықтан олардың қызметін күшейту, белсенді азаматтарды қолдау және партия қатарына жаңа мүшелерді тарту – біздің негізгі міндеттеріміздің бірі. Бүгінгі ашылып отырған бастауыш партия ұйымы да ел мүддесіне қызмет етіп, қоғамдағы өзекті мәселелердің шешілуіне өз үлесін қосады деп сенемін. Партияның күші – оның белсенді мүшелерінде, ал халықтың сенімі – біз үшін ең үлкен жауапкершілік», – деді Жандос Нұртайұлы.</blockquote>Филиал төрағасы жаңадан ашылған “Сәрке батыр ЖШС” бастауыш партия ұйымының кабинетімен танысып, ұйымның алдағы жоспарлары мен жұмыс бағыты жөнінде пікір алмасты. Сондай-ақ, бастауыш партия ұйымының қызметін жүйелі ұйымдастырып, тұрғындармен және партия мүшелерімен тығыз байланыста жұмыс жүргізудің маңыздылығына тоқталды.<img src="https://knadmin.beoblood.kz/uploads/Amanat_Zhala_ash_a_is_sapar_2_4a6db9711e.jpg" alt="Аманат Жалағашқа іс-сапар 2.jpg">

Жалағаш ауданына жұмыс сапарымен барып, тұрғындармен кездесті

<a href="https://kyzylorda-news.kz/">Kyzylorda-news.kz</a> Бүгін Қызылордадағы Мемлекеттік рәміздер аллеясында облыс әкімі Мұрат Ергешбаевтың қатысуымен 4 маусым – ҚР Мемлекеттік рәміздері күніне арналған «Рәміздер рухы – Конституцияның күші» атты жалпыұлттық патриоттық акция өтті.Оған облыстық мәслихат төрағасы, облыс әкімінің орынбасарлары, құқық қорғау органдарының басшылары, облыстық қоғамдық кеңес төрағасы, зиялы қауым, саяси партиялар, этномәдени бірлестіктер, үкіметтік емес ұйымдар, жастар ұйымдарының өкілдері қатысты.Акция «Мемлекеттік рәміздер – тәуелсіздік символы» атты тақырыптық прологпен ашылды. Аймақ басшысы жиналған қауымды Мемлекеттік рәміздер күнімен құттықтап, ел тәуелсіздігінің басты нышандарының тарихи мәні мен маңызына тоқталды.<img src="https://knadmin.beoblood.kz/uploads/R_mizder_k_ni_akcziya_2_9d30b920af.jpg" alt="Рәміздер күні акция 2.jpg"><blockquote>«Мемлекет басшысы: «Ұлт рәміздері – Тәуелсіздігіміздің киелі бойтұмары. Елтаңба, Ту және Әнұран – мызғымас мемлекеттігіміздің белгісі. Қастерлі нышандарымыз Қазақстанның егемен ел, еңселі жұрт екенін жер жүзіне әйгілейді. Байрағы биік елдің рухы асқақ болады», – деп атап өтті. Біздің мемлекеттік нышандарымыз Қазақстанды күллі әлемге бейбітшілік пен татулықтың символы ретінде дәріптеуде. Көк туымыз халықаралық ареналарда, әлемдегі алпауыт ұйымдардың төрінде Тәуелсіз Қазақстанның атын танытты. Айбынымызды асырған Мемлекеттік рәміздерді құрметтеп ұлықтау, келер ұрпаққа аманат ету – біздің азаматтық парызымыз. Баршаңызды Қазақстан Республикасының Мемлекеттік рәміздері күнімен шын жүректен құттықтаймын! Тәуелсіздігіміздің тұмарына айналған мемлекеттік нышандарымыз болашаққа бастаған ұлы көшімізді демеп, игі істеріміздің ұйытқысы бола берсін! Бірлігіміз жарасып, жарқын болашаққа басқан әр қадамымыз нық, ел іргесі берік болсын!», – деді Мұрат Нәлқожаұлы.</blockquote>Іс-шарада хордың сүйемелдеуімен Мемлекеттік Әнұран шырқалып, жергілікті өнерпаздар патриоттық әндер орындады. Рәміздер күніне арналған акция ипподромда атты шерумен жалғасты. Сондай-ақ төтенше жағдайлар қызметкерлері Сырдария өзенінде Мемлекеттік Туды қайықпен алып жүріп, мереке мазмұнын айшықтай түсті.&nbsp;

«Рәміздер рухы – Конституцияның күші» атты жалпыұлттық патриоттық акция өтті

<a href="https://kyzylorda-news.kz/">Kyzylorda-news.kz</a> Бүгін Қазалы ауданында 4 маусым – Қазақстан Республикасының Мемлекеттік Рәміздер күні мерекесіне орай «Рәміздерім мақтанышым» атты мерекелік салтанатты іс-шара өтті.&nbsp;Қазалы ауданында орталығындағы Рәміздер алаңында ұйымдастырылған патриоттық іс-шараға аудан әкімі Алмасбек Есмаханов, зиялы қауым өкілдері, ардагерлер, аудандық мәслихат депутаттары, құқық қорғау органдарының басшылары, мемлекеттік мекеме қызметкерлері мен жастар және аудан тұрғындары қатысты.Мерекелік шара домбырашылардың орындауындағы «Көңілашар» күйімен басталып, бишілер тобының ерекше қойылымымен жалғасты. Салтанатты шарада аудан әкімі Алмасбек Әбілқасымұлы сөз сөйлеп, барша қазалылықтарды елдік пен бірліктің маңызын айқындайтын айшықты мерекемен құттықтады.<blockquote>– Президентіміз Қасым-Жомарт Кемелұлы: «Ұлт рәміздері – Тәуелсіздігіміздің киелі бойтұмары. Елтаңба, Ту және Әнұран – мызғымас мемлекеттігіміздің белгісі. Қастерлі нышандарымыз Қазақстанның егемен ел, еңселі жұрт екенін жер жүзіне әйгілейді. Байрағы биік елдің рухы асқақ болады», - деген болатын. Еліміз Тәуелсіздік алған соң даму жолында тапжылмай жылжуға мүмкіндік беретін маңызды жетістіктерге жетті. Бұл жолда қол жеткізген үлкен жетістіктердің барлығына да киелі Сыр өңірі мен қазыналы Қазалы ауданының қосқан үлесі зор. Президентіміз Қасым-Жомарт Кемелұлы Тоқаевтың өңірге жасаған қолдауының нәтижесінде, 4 жылдан астам уақыт аймақты басқарған Қазақстан Республикасы премьер-министрінің бірінші орынбасары Нұрлыбек Машбекұлының басшылығымен ауданымызда мақсатты бастамалар қолға алынып, ел игілігіне бағытталған көптеген жұмыстар атқарылды. Алдағы уақытта да облыс әкімі Мұрат Нәлқожаұлының басшылығымен, аудан халқына деген қолдауымен ауқымды жобалар жүзеге асатын болады. Тәуелсіздігіміздің тұмарына айналған мемлекеттік нышандарымыз болашаққа бастаған ұлы көшімізді демеп, игі істеріміздің ұйытқысы бола берсін. Бірлігіміз жарасып, жарқын болашаққа басқан әр қадамымыз нық, ел іргесі берік болсын. Елтаңбамыз – еңселі, туымыз – тұғырлы, әнұранымыз – айбынды болғай, - деді аудан әкімі.</blockquote>Мерекелік жиында ауданның әлеуметтік-экономикалық дамуына үлес қосып жүрген бірқатар сала қызметкерлері аудан әкімінің Алғыс хатымен марапатталса, жас мемлекеттік қызметшілер салтанатты түрде ант берді. Іс-шара соңында Қазалы ауданының өнерпаздары патриоттық әндер шырқап, жиылғандарға ерекше мерекелік көңіл-күй сыйлады.<img src="https://knadmin.beoblood.kz/uploads/azaly_R_mizder_k_ni_is_shara_2_fb53a389ca.jpg" alt="Қазалы Рәміздер күні іс-шара 2.jpg">

Қазалы ауданында мақсатты бастамалар қолға алынып, ел игілігіне бағытталған көптеген жұмыстар атқарылды

<a href="https://kyzylorda-news.kz/">Kyzylorda-news.kz</a> Бүгін «Достық үйінде» облыс әкімі Мұрат Ергешбаевтың қатысуымен Мемлекеттік рәміздер күніне арналған салтанатты іс-шара өтті.Аймақ басшысы сырбойылықтарды мерекемен құттықтап, елдік рухты асқақтатқан Мемлекеттік рәміздердің айрықша маңызына тоқталды.<img src="https://knadmin.beoblood.kz/uploads/R_mizder_k_ni_saltanatty_is_shara_2_eff6d682a6.jpg" alt="Рәміздер күні салтанатты іс-шара 2.jpg"><blockquote>– Баршаңызды Мемлекеттік рәміздер күнімен шын жүректен құттықтаймын! Президентіміз Қасым-Жомарт Кемелұлы: «Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады», – деген болатын. Бүгінгі айтулы мерекеге орай облыс көлемінде Мемлекеттік ту көтеру рәсімдері ұйымдастырылып, түрлі форматтағы іс-шаралар өтуде. Осы ретте, еліміздің жарқын болашағына аянбай еңбек етіп, отансүйгіштіктің нағыз үлгісін көрсетіп жүрген жерлестерімізді марапаттау рәсімінде бас қостық. Тәуелсіздігіміздің тұғырын нығайтып, елдігіміздің еңсесін көтеруде әрбір азаматтың адал еңбегі мен берік ұстанымы маңызды. Сіздер Әділетті, Қауіпсіз әрі Таза Қазақстанды құруға, аймағымыздың әлеуметтік-экономикалық дамуына, халықтың әл-ауқатын арттыруға зор үлес қосып келесіздер. Алдағы уақытта да қасиетті Отанымыздың өсіп-өркендеуіне барлық күш-жігерлеріңізді жұмсап, жоғары нәтижелерге қол жеткізеді деп сенемін! – деді облыс әкімі.</blockquote>Мерекелік шарада Мәдениет қайраткері Шәкизада Әбдікәрімов сөз сөйледі. Президент Жарлығына сәйкес жерлестеріміз «Құрмет» орденімен, «Ерлігі үшін», «Ерен еңбегі үшін» және «Шапағат» медальдарымен марапатталды.Сонымен қатар ҚР Премьер-министрінің бірінші орынбасары Нұрлыбек Нәлібаевтың Алғыс хаты табысталды, бірқатар азамат облыстың Құрмет грамотасын, «Қызылорда облысының дамуына қосқан үлесі үшін» медалін және облыс әкімінің Алғыс хатын алды.<img src="https://knadmin.beoblood.kz/uploads/R_mizder_k_ni_saltanatty_is_shara_3_389d7c251e.jpg" alt="Рәміздер күні салтанатты іс-шара 3.jpg">

Мемлекеттік Рәміздер күніне арналған салтанатты іс-шара өтті

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының төрағасы Жандос Базартай Жалағаш ауданында жұмыс сапарымен болып, «Ұлт саулығы – AMANAT назарында» тақырыбымен ұйымдастырылған «Денсаулық керуені» акциясының жұмысына қатысты.Іс-шара барысында Мәдениет ауылының тұрғындары білікті дәрігерлердің қабылдауында болып, медициналық тексеруден өткізілді. Мамандар азаматтардың денсаулық жағдайын бағалап, қажетті кеңестер беріп, аурулардың алдын алу бағытында түсіндіру жұмыстарын жүргізді.Облыстық филиал төрағасы акцияның өту барысымен танысып, тұрғындармен пікірлесіп, халықтың сапалы медициналық қызметке қолжетімділігін арттыру - партияның маңызды міндеттерінің бірі екенін атап өтті.<img src="https://knadmin.beoblood.kz/uploads/Amanat_mediczinaly_akcziya_2_32766ecfa1.jpg" alt="Аманат медициналық акция 2.jpg"><blockquote>«Мемлекет басшысы азаматтардың денсаулығын жақсарту мен сапалы медициналық қызметтің қолжетімділігін қамтамасыз етуге ерекше мән беріп келеді. Сондықтан ауыл тұрғындарының білікті дәрігерлердің қабылдауынан өтуіне мүмкіндік беретін мұндай бастамалар өз жалғасын табуы тиіс. Халықтың денсаулығы – елдің басты байлығы», – деді Жандос Базартай.</blockquote>«Денсаулық керуені» ауыл тұрғындарының денсаулығын нығайтуға, аурулардың алдын алуға және медициналық көмектің қолжетімділігін қамтамасыз етуге бағытталған маңызды бастама болып табылады.

AMANAT: Ұлт саулығы – партия назарында

<a href="https://kyzylorda-news.kz/">Kyzylorda-news.kz</a> &nbsp;Құрметті отандастар! Баршаңызды Мемлекеттік рәміздер күнімен шын жүректен құттықтаймын! Бұл – қасиетті Отанымыз – Қазақ елінің әрбір азаматы үшін маңызы ерекше мереке. Біз осы күні байрағымызды биікке көтереміз. Сол арқылы еңселі, егемен ел екенімізді күллі әлемге паш етеміз.Қастерлі рәміздеріміз – ұлт құндылықтарының жарқын символы.Мемлекетіміздің әр нышаны халқымыздың болмыс-бітімінің көрінісі саналады. Елтаңба – елдігіміздің айшықты белгісі. Әнұран – азаттығымыздың айбынды үні. Көк Туымыз – Тәуелсіздік тұмары. Төбемізге көтеріп, қадір тұтатын осы үш рәмізді мемлекеттігіміздің мызғымас үштағаны десек, артық болмайды.Тарихқа үңілсек, жұртымыз әрқашан бір тудың астына жиналып, ынтымақ-бірлігін сақтай білген. Қазір де еліміз ауызбіршілігін нығайтып, алға қарай сеніммен қадам басып келеді.Бәріңізге белгілі, наурыз айында біз біртұтас қоғам болып жалпыұлттық референдумға қатыстық. Азаматтарымыз конституциялық реформаны қолдап, дауыс берді. Осылайша, біз жаңа Конституциямызды қабылдап, төл тарихымыздың жаңа парағын аштық. Ата заңда халқымыздың сан ғасырлық арман-тілегі, мақсат-мұраты көрініс тапты. Кең байтақ жеріміздің тұтастығы, еліміздің егемендігі, азаматтардың құқықтары және бостандықтары басты құндылықтар деп жазылды.Заң мен тәртіпті сақтау, білім мен ғылымды, жаңа технологияларды дамыту, тазалықты дәріптеу, табиғатты қорғау, волонтерлік қызметті қолдау конституциялық міндет ретінде айқындалды. Түбегейлі жаңа сипатқа ие болған Ата заңымыз Әділетті Қазақстанның мызғымас жарғысына айналды.Конституцияда әр адам еліміздің мемлекеттік рәміздерін құрметтеуге тиіс деп көрсетілді. Себебі ұлттық нышандарымызды қадірлеу отаншылдық рухының ең биік өлшемі екені сөзсіз. Нағыз патриоттар ғана елдің көшін алға бастайды, жердің шетін жаудан қорғайды. Басқа сөзбен айтқанда, отаншылдық дегеніміз – жеріміздің қауіпсіздігі және тұтастығының кепілі. Ұлт рәміздерінің мәртебесін арттыру, бұл – аса маңызды мемлекеттік жұмыс. Таяу арада Үкімет мемлекеттік рәміздерді орынды пайдалану мәселесі бойынша қаулыға қажетті түзетулерді енгізеді. Ұлттық нышандарымызды ұлықтау – ортақ парыз, бұл – әр азаматтың міндеті. Түптеп келгенде, рәміздерді қастерлеу – мемлекетімізді құрметтеу деген сөз.<img src="https://knadmin.beoblood.kz/uploads/Vystuplenie_Glavy_gosudarstva_na_czeremonii_podnyatiya_Gosudarstvennogo_flaga1_f36d733a7e.jpg" alt="Выступление Главы государства на церемонии поднятия Государственного флага1.jpg">Құрметті отандастар!Біз биыл Тәуелсіздіктің 35 жылдығын атап өтеміз. Бұл тарихи кезең жүріп өткен жолымызды жан-жақты терең талдауды және болашаққа стратегиялық жоспар құруды мұқият ойластыру тұрғысынан үлкен мәнге ие. Аталған мерейлі датаны қажырлы еңбекпен және нақты нәтижелермен қарсы алуымыз керек. Биыл тұтас еліміз үшін ауқымды өзгерістерге толы жыл болып отыр. Қазақстан қоғамдық өмірдің барлық саласында соны серпіліске ұмтылған ел ретінде орнықты дамудың даңғыл жолына түсті.Жалпыхалықтық референдумда қабылданған Конституция – Қазақстанның алдағы ондаған жылдарға арналған басты заңы. Дәл осы Ата заң халқымызды әлемдік өркениеттің жаңа белестеріне бастайды. Технологиялық жетістіктер, саяси дүрбелеңдер, әскери қақтығыстар белең алып жатқан қазіргі дәуірде Негізгі заңымыздың жол нұсқаушы темірқазық ретіндегі маңызы еселене түседі.Еліміздің бас құжаты – Конституция 1 шілдеден бастап күшіне енеді. Тамыз айында бір палаталы Құрылтай сайлауы өтеді, ал қыркүйекте Қазақстан Халық Кеңесі құрылады.Осылайша, біз ауқымды өзгерістер кезеңіне аяқ басамыз. Қазірдің өзінде халқымыздың болмысы, құндылықтары, сана-сезімі, тіпті, дүниетанымы өзгеріп жатыр. Азаматтарымыздың басым көпшілігі заңға құрметпен қарау, қоғамдық тәртіпті нығайту стратегиясын қолдайды, сондай-ақ «Таза Қазақстан» акциясына белсене қатысады.Алайда бұл әр жетістікке мәз болып, жайбарақат отыратын заман емес. Біз биік мақсаттарға ұмтылып, тек қана алға – жарқын болашаққа қарай жүруіміз керек. Келешекке зор сеніммен қарап, Қазақстанды шын мәнінде өркениетті мемлекетке айналдыруымыз қажет.Қазір біз бір ел болып жасампаздық жолына түстік: қоғамымызда жаңа идеялар, жаңа тұлғалар, отаншыл азаматтардың жаңа буыны пайда болуда. Мен Мемлекет басшысы ретінде осындай игі үрдісті қолдаймын. Мұны ел ішінде жасалып жатқан реформалардың айқын көрінісі деп санаймын.Халқымыздың ауызбіршілігін нығайту басты мақсатымыз болып қала береді. Бұл – елдің табысты дамуының бірден-бір шарты, тиімді әрі ұзақмерзімді факторы.Реформалардың бастапқы кезеңінде еліміздегі көзі ашық және ілгері қоғамдық-саяси күштер жалпыұлттық құндылықтар мен мақсаттар аясында бірігуі қажет деп санаймын. Сонда ғана Әділетті Қазақстанды құру, мемлекеттілігімізді нығайту ісінде табысқа жете аламыз.Еліміздің Егемендігі, Тәуелсіздігі – ең маңызды, ең қастерлі құндылығымыз.Біз өркениетті әрі озық ойлы ұлт ретінде өзімізге сенімді болуымыз керек. Ешкімге жалтақтамай батыл әрекет етуіміз қажет. Бұдан басқа жол жоқ. Мақсаты айқын, көзі ашық, көкірегі ояу азаматтарымыз мемлекет тағдырына жауапты екенін терең түсінеді. Олар еріктілер қатарына қосылып, қайырымдылық жасап, маңызды бастамаларды табысты іске асырып жүр.Нағыз отаншыл адам көзбояушылыққа бармайды, шын патриот ел мүддесі үшін табанды еңбек етеді. Жасампаз отаншылдық дегеніміз де – осы.Мемлекет үшін бір күннің қамы емес, болашақтың жайы маңызды. Сондықтан біз Абайдың ұлағатына сай «ақырын жүріп, анық басамыз». Ұлт мүддесін бәрінен биік қойып, алысқа көз тігеміз. Төл тарихымызға құрметпен қарап, ұрпақтар сабақтастығын сақтауға баса назар аударамыз.Бұл бағытта белсенді жұмыс істелуде. Жошы хан жерленген Ұлытау аймағына облыс мәртебесі берілді. Елімізде Жошы ұлысын зерттеу институты құрылды. Біз бұл мекеменің ғылыми әлеуетін күшейте береміз.. Көп ұзамай Қазақстан тарихының жеті томдық академиялық еңбегі жарыққа шығады. Оның бір томы түгелдей Алтын Орда тақырыбына арналды.Бұдан бөлек, біз жаңа Конституцияда қазақ елінің төл шежіресі Ұлы даланың мыңдаған жылдық тарихымен сабақтас екенін айқын көрсеттік. Елордамызда Ұлы дала өркениетіне арналған зәулім ғимарат салынады. Жақында Астанада ЮНЕСКО-ның аясында Алтын Орда мұрасын зерттеу ісіне арналған халықаралық симпозиум өткізілді. Мұның бәрі мемлекеттігіміздің тұғырын нығайта түсуге зор ықпал етеді. Алтын Орда өзінің басқару институттары, дипломатиялық қызметі, байланыс және кеден жүйесі, әлемде мойындалған валютасы, озық инновациялары бар орта ғасырдағы алып ел болды.Қазір Қазақстанда берік орныққан президенттік басқару үлгісі Алтын Орда кезінде құрылған саяси жүйеден бастау алады. Алтын Орданың ең басты мұрасы – оның мызғымас құндылықтары. Себебі алып мемлекетте діні, тілі, мәдениеті, дәстүрі бөлек адамдар ортақ ережелер аясында тату-тәтті өмір сүрді. Бабаларымыздың осындай тағылымды жолы біз үшін өшпес өнеге және басты стратегиялық бағдар болып қала береді.Алтын Орданың жетістігі Еуразиядағы көптеген халықтың ортақ игілігі саналады. Сондықтан Ұлық Ұлыстың мұрагері ретінде біз Еуразияның біртұтастығын, өсіп-өркендегенін, ондағы мемлекеттердің барлығы тату-тәтті ғұмыр кешіп, ортақ қауіпсіздікті сақтап, халықтарының игілігі үшін қызмет еткенін құптаймыз.Біздің мақсатымыз – өзгелердің таптаурын болған тәжірибелері мен идеяларын үлгі-өнеге етпеу, өнбейтін дау-дамайдан бойды аулақ салу. Сонымен бірге өткен ұлы дәуірдің құндылықтарын ой елегінен өткізіп, сапалы түрде жаңғыртып, заманауи өркениетке қарай бейімдеу.Жаппай цифрландыру және жасанды интеллект технологиялары дамудың бұрын-соңды болмаған үлгісі мен тәсілдеріне жол ашатын жаңа әрі шексіз кеңістік қалыптастырды. Мыңның біріне берілетін дәл осы тарихи мүмкіндікті тек қуатты, күшті, болашаққа бағдар түзеген халықтар пайдалана алады.Бұл міндетті еңсеру біздің өскелең ұрпақтың қолынан келеді. Мен бұған сенімдімін.Қазақстанның орнықты дамуының негізінде ұлы тарихымыз, одан кем түспейтін қазіргі сәт және, ең бастысы, жарқын болашақ арасындағы ажырамас байланыс жатыр.Қазір Қазақстан жаңа тұрпатты елге айналды. Біз біртұтас әрі жасампаз ұлт ретінде дамудың даңғыл жолына түстік. Кейінгі жылдарды еліміз үшін тарихи бетбұрыс кезеңі деуге толық негіз бар. Ауқымды реформалар барлық салаға тың серпін беруде. Түбегейлі өзгерістер, әсіресе, қоғамдық санаға зор сілкініс әкелді. Ішкі саясаттың мазмұны жаңарды, бағыт-бағдары айқындала түсті. Ел ішінде жанашырлық, еңбекқорлық, ұқыптылық, үнемшілдік қасиеттері орныға бастады. Азаматтарымыздың көзқарасы және ұстанымы өзгеруде. Халқымыз Әділетті, Мәдениетті, Таза және Қауіпсіз елде өмір сүруді қалайды. Сондықтан жұртымыз тәртіп бұзушылыққа, заңсыздыққа тұтас қоғам болып тосқауыл қоюда. Алайда, алдымызда тұрған жұмыс – өте ауқымды. Бұл жұмысты бәріміз бір ел, біртұтас халық болып міндетті түрде ойдағыдай орындаймыз.<img src="https://knadmin.beoblood.kz/uploads/Vystuplenie_Glavy_gosudarstva_na_czeremonii_podnyatiya_Gosudarstvennogo_flaga2_df9939517c.jpg" alt="Выступление Главы государства на церемонии поднятия Государственного флага2.jpg">Құрметті жас сарбаздар!Мен былтыр әскери оқу орындарының үздік түлектерін қолдау жөнінде бастама көтердім. Оларға қалыптасқан дәстүрге сай «лейтенант» емес, «аға лейтенант» шенін тапсыру қажет екенін айттым. Соған сәйкес нақты тапсырма бердім. Міне, бүгін осы бастама нақты жүзеге асырылмақ. Сіздер оқуды бітіріп, бірден «аға лейтенант» шенін алатын тұңғыш түлек боласыздар. Бұл – өздеріңізге артылған зор сенім және үлкен жауапкершілік.Қазақтың біртуар батыры Сағадат Нұрмағамбетовтің «атақты алғаннан оны арқалап жүру қиын» деген сөзі бар. Шын мәнінде, нағыз сарбаздың абырой-беделі оның шенімен емес, ең алдымен, Отан алдындағы мінсіз қызметіне қарай өлшенеді. Көптеген жастарымыз сіздерге қарап бой түзейді, үлгі алады. Бәріңіз де антқа адал болып, қазақ сардары деген атаққа әрдайым лайық боласыздар деп сенемін. Бүгін алқалы жиынға озат түлектердің ата-аналары да қатысып отыр. Сіздер Қазақстанның дәл осындай отаншыл азаматтарына тәлім-тәрбие бердіңіздер. Баршаңызға шынайы ризашылығымды білдіремін.Жас офицерлердің алғашқы әскери шені құтты болсын! Қызметтеріңізге табыс тілеймін! Туымыз әрдайым көкте желбіресін! Қазақ елі мәңгі болсын!

Президент Қасым-Жомарт Тоқаев Мемлекеттік Ту көтеру рәсімінде сөз сөйледі

<a href="https://kyzylorda-news.kz/">Kyzylorda-news.kz</a> Бүгін айдынды Арал өңірінде Мемлекеттік рәміздер күніне арналған «Рәміздер рухы – Конституцияның күші» атты патриоттық іс-шара ұйымдастырылды.Рәміздер алаңында өткен мерекелік іс-шараға Арал ауданының әкімі Аманжол Оңғарбаев, зиялы қауым өкілдері, құқық қорғау саласының қызметкерлері мен белсенді жастар мен тұрғындар қатысты.Мерекелік салтанатта Ту көтеріліп, еліміздің Әнұраны шырқалды. Рәміздер алаңында өткен іс-шарада аудан әкімі Амажол Сақыпұлы аралдықтарды мерекемен құттықтап, ізгі лебізін білдірді.Өз сөзінде мемлекеттік нышандардың Тәуелсіздіктің баға жетпес құндылығы екенін атап өткен аудан әкімі ел азаматтарын Отанын қастерлеуге, мемлекеттік нышандарды қадірлей білуге шақырды.Патриоттық шара аясында мемлекеттік қызметке алғаш қабылданып, жұртшылық алдында салтанатты түрде ант қабылдаған жас мамандарға арнайы қызметтік куәлік табысталды.<img src="https://knadmin.beoblood.kz/uploads/Aral_R_mizder_k_ni_2_7ba39f73ea.jpg" alt="Арал Рәміздер күні 2.jpg">Сондай-ақ Вьетнам мемлекетінің Дананг қаласында өткен жасөспірімдер арасындағы U17 Азия чемпионатында алтын медаль жеңіп алып, Азия чемпионы атанған грек-рим күресінен халықаралық дәрежедегі спорт шебері Мирас Махамбет пен жаттықтырушысы Ардақ Таңатаровқа қаржылай сыйақы тарту етілді.&nbsp;Арал ауданының әкімі мұнан соң әр салада абыройлы еңбек етіп, түрлі спорттық сайыстарда жетістіктерге жетіп жүрген бір топ азаматтарға аудан әкімінің Алғыс хатын табыстады.&nbsp;Салтанатты іс-шарада аудан әкімі Аманжол Сақыпұлы зиялы қауыммен бірге «Жас ұлан» ұйымының қатарына қабылданған оқушыларға арнайы галстук тағып, қадамына сәттілік тіледі.Мерекелік іс-шарада азаматтардың елге, жерге деген сүйіспеншілігін арттырып, жігерлендіре түсетін патроиттық бағыттағы әндер шырқалып, көпшілікке көтеріңкі көңіл-күй сыйлады.<img src="https://knadmin.beoblood.kz/uploads/Aral_R_mizder_k_ni_2d44f552b6.jpg" alt="Арал Рәміздер күні.jpg">

Арал ауданында патриоттық іс-шара ұйымдастырылды

<a href="https://kyzylorda-news.kz/">Kyzylorda-news.kz</a> Қызылорда медициналық жоғары колледжінде жастар арасында кең таралып бара жатқан аса қауіпті мәселелер – нашақорлық пен ойынқұмарлықтың зардаптарын ашып көрсетуге, сондай-ақ заң мен тәртіпті сақтау және мемлекеттік рәміздердің құндылығын дәріптеуге арналған ауқымды кездесу өтті.<img src="https://knadmin.beoblood.kz/uploads/Za_dyly_pen_y_ty_t_rtip_m_selesi_tal_ylandy1_4727b42dcb.jpg" alt="Заңдылық пен құқықтық тәртіп мәселесі талқыланды1.jpg">Іс-шараны Қызылорда облыстық Қазақстан халқы Ассамблеясы жанындағы Ақпараттық түсіндіру тобы ұйымдастырып, жастармен еркін пікір алмасу алаңын құрды. Басқосуға «Қоғамдық келісім және тіл орталығы» КММ бөлім басшысы, Ақпараттық түсіндіру тобының мүшесі Жанболат Досмаханов, Аналар кеңесінің төрағасы Айгүл Мұсабаева, сондай-ақ колледж студенттері мен оқытушылары қатысты.<img src="https://knadmin.beoblood.kz/uploads/Za_dyly_pen_y_ty_t_rtip_m_selesi_tal_ylandy3_b9a5e743ed.jpg" alt="Заңдылық пен құқықтық тәртіп мәселесі талқыланды3.jpg">Жиында қоғам дертіне айналған зиянды әдеттердің адам денсаулығына, психикасына, отбасылық қарым-қатынас пен болашақ мансапқа тигізетін кері әсері нақты мысалдармен түсіндірілді. Мұнымен қоса, кездесуде кез келген дамыған қоғамның берік іргетасы – заң мен тәртіп үстемдігі екеніне ерекше назар аударылды. Әрбір жас азаматтың құқықтық мәдениетті қалыптастырудағы жауапкершілігі сөз болып, мемлекеттік рәміздердің қадір-қасиеті кеңінен насихатталды.<img src="https://knadmin.beoblood.kz/uploads/Za_dyly_pen_y_ty_t_rtip_m_selesi_tal_ylandy_2873262621.jpg" alt="Заңдылық пен құқықтық тәртіп мәселесі талқыланды.jpg">Көк Туымызды, Елтаңбамыз бен Әнұранымызды қастерлеу — отаншылдық рухтың, елге деген шынайы құрмет пен ұлттық бірегейліктің басты белгісі екені айтылды.Басқосу соңында колледж ұжымы ұйымдастырушыларға алғыс білдіре отырып, мұндай кездесулердің жастарды жат қылықтардан сақтандыруда, бойына патриоттық сезім ұялатуда тәрбиелік және алдын алу маңызы өте зор екенін жеткізді.

Қазақстан және Қызылорда облысының жаңалықтары: Қоғам