<a href="https://kyzylorda-news.kz/ru">Kyzylorda-news.kz</a> «Заң мен тәртіп» идеологиясын ілгерілету, азаматтардың құқықтық сауаттылығын арттыру және интернет кеңістігіндегі алаяқтықтың алдын алу мақсатында Қызылорда облысы Полиция департаментінің қызметкерлері өңірге танымал блогер Ерсұлтан Байжановпен бірлесіп, ақпараттық-түсіндіру жұмыстарын жүргізді.Іс-шара барысында полиция қызметкерлері мен блогер халық көп шоғырланатын орындарда тұрғындармен кездесіп, интернет алаяқтарының кең таралған тәсілдері туралы түсіндірді. Сондай-ақ азаматтарға жеке және банктік деректерді қорғау, күмәнді сілтемелерге өтпеу, бейтаныс нөмірлерден келетін қоңырауларға сақтықпен қарау және алаяқтардың арбауына түспеу жолдары жөнінде кеңестер берілді.<img src="https://knadmin.beoblood.kz/uploads/Whats_App_Image_2026_08_10_at_09_51_17_598f761a98.jpeg" alt="Заң мен тәртіп.jpeg">Тұрғындарға интернеттегі қауіпсіздік ережелері көрсетілген ақпараттық парақшалар таратылды. Сонымен қатар азаматтардың назарын аудару мақсатында интернет алаяқтықтың алдын алуға бағытталған арнайы бейнеДроппер – өзінің банк картасын, шотын немесе өзге де төлем құралдарын үшінші тұлғаларға беріп, заңсыз ақша аударымдарын жүзеге асыруға мүмкіндік беретін адам. Алаяқтар мұндай шоттарды жәбірленушілерден түскен қаражатты басқа шоттарға аудару немесе қолма-қол ақшаға айналдыру үшін пайдалануы мүмкін.Полиция азаматтарды өздерінің банк карталарын, шоттарын және банк қосымшаларына қатысты деректерді бөгде адамдарға бермеуге шақырады. Күмәнді ұсыныстарға сенбей, кез келген қаржылық операцияға барынша сақтықпен қарау қажет. Полиция интернет алаяқтықтың алдын алу бағытындағы түсіндіру жұмыстарын тұрақты түрде жалғастырады.<img src="https://knadmin.beoblood.kz/uploads/Whats_App_Image_2026_08_10_at_09_51_17_1_0989fc4b36.jpeg" alt="Заң мен тәртіп.jpeg">

Қызылорда облысында интернет алаяқтықтың алдын алуға бағытталған ақпараттық-түсіндіру іс-шарасы өтті

<a href="https://kyzylorda-news.kz/ru">Kyzylorda-news.kz</a> «12 тамыз – Халықаралық жастар күні» онкүндігі аясында Қызылорда қаласындағы Президент паркінің амфитеатрында «Жастар және заң мен тәртіп» тақырыбында облыстық «Жайдарман» ойындары ұйымдастырылды.Іс-шараның негізгі мақсаты – Мемлекет басшысының «Заң мен тәртіп» қағидатын қоғамда кеңінен насихаттау, жастардың құқықтық сауаттылығы мен мәдениетін арттыру, заңға құрметпен қарау және азаматтық жауапкершілік құндылықтарын қалыптастыру.Сайысқа Қызылорда қаласы мен облыс аудандарынан жас жайдарманшылар қатысып, қоғамдағы өзекті мәселелерді әзіл мен ұтқыр ой арқылы жеткізді. Қатысушылар өз қойылымдарында заң талаптарын сақтау, қоғамдық тәртіп, жауапкершілік, құқықтық мәдениет және азаматтық белсенділік тақырыптарын кеңінен қамтыды.Іс-шара барысында облыстық қоғамдық даму басқармасының басшысы Руслан Каюпов жастарға бағытталған мұндай бастамалардың тәрбиелік және қоғамдық маңызына тоқталды.<blockquote>– Заң мен тәртіп – орнықты қоғамның негізгі тірегі. Құқықтық мәдениет тек заң талаптарын білу немесе оны орындаумен шектелмейді. Ол – әр азаматтың өз құқығы мен міндетін терең түсінуінен, қоғамдық ортадағы жауапкершілігін сезінуінен басталады. Әсіресе, елдің ертеңін қалыптастыратын жастардың бойында осы құндылықтардың берік орнығуы аса маңызды. Бүгінгі «Жайдарман» ойыны – жастардың шығармашылық әлеуетін танытумен қатар, қоғамдағы өзекті мәселелерді ашық көтерудің, азаматтық ұстанымды әзіл арқылы жеткізудің тиімді алаңы. Жастардың құқықтық сауаты жоғары, ойы сергек, жауапкершілігі мол болған сайын қоғам да соғұрлым берік болады. Сондықтан «Заң мен тәртіп» қағидаты күнделікті өмір салтына айналуы тиіс, – деді Руслан Мұхамедәліұлы.</blockquote>Ойын барысында командалар сахналық қойылымдар арқылы құқық бұзушылықтың алдын алу, қоғамдық тәртіпті сақтау, заң талаптарына құрметпен қарау және азаматтық жауапкершілікті арттыру мәселелерін көрермен назарына ұсынды.Айта кету қажет, биылғы Халықаралық жастар күніне арналған мерекелік шаралар Қазақстан Республикасы Конституциясының күшіне енуі және алда өтетін Құрылтай депутаттарының сайлауы аясында өткізілуде. 10–12 тамыз аралығында республика көлемінде «Жастармен бірге!» акциясы ұйымдастырылып, оның басты іс-шарасы Астанадағы «Jastar Fest» республикалық жастар фестивалі болмақ.Сонымен қатар, өңірімізде Абай күніне арналған әдеби кештер, кітап оқу мәдениетін насихаттайтын «Оқы. Ойлан. Өзгер.» акциясы, «100 минут оқу» челленджі, жастардың цифрлық сауаттылығын арттыруға арналған кездесулер, сондай-ақ экологиялық және волонтерлік акциялар өткізіледі. Сондай-ақ, жастарға білім алу, жұмысқа орналасу, кәсіпкерлік пен мемлекеттік қолдау тетіктері бойынша кеңес беретін бірыңғай жастар алаңдары жұмыс істейді.

«Жастар және заң мен тәртіп» атты облыстық жайдарман ойындары өтті

<a href="https://kyzylorda-news.kz/ru">Kyzylorda-news.kz</a> Шиелі ауданы орталығында әр аптаның жұмасы дәстүрге айналған, ауыл жастарының шығармашылығын қолдау, ұлттық құндылықтар мен мәдени мұраны дәріптеуге бағытталған «Ауыл Vibe, Retro Night» байқауы өз жалғасын тапты.Мерекелік шараға аудан әкімінің орынбасары Болатбек Ысмағұлов қатысып, қатысушылар мен көрермендерді құттықтады. Болатбек Ысмағұлов сөзінде мұндай жобалардың ауыл жастарының шығармашылық әлеуетін дамытуға, ұлттық өнерді насихаттауға және ауылдық округтер арасындағы мәдени байланысты нығайтуға зор ықпал ететінін атап өтіп, барлық қатысушыларға сәттілік тіледі.<img src="https://knadmin.beoblood.kz/uploads/Shieli_audany_baj_au_2_0d12679eb3.jpg" alt="Шиелі ауданы байқау 2.jpg">Бүгінгі байқауда Қоғалы және Талаптан ауылдық округтерінің өнерпаздары сахна төрінде өз өнерлерін паш етті. Олар туған өлкенің тарихы мен мәдениетін, ұлттық салт-дәстүрлері мен шығармашылық әлеуетін әсерлі қойылымдар арқылы көрермен назарына ұсынды. Кеш барысында ретро әндерден құралған концерттік бағдарлама, заманауи музыкалық қойылымдар мен түрлі шығармашылық нөмірлер көпшілікке көтеріңкі көңіл күй сыйлап, ерекше әсер қалдырды.Байқаудың басты мақсаты - тұрғындардың бос уақытын тиімді ұйымдастыру, жастардың қоғамдық белсенділігін арттыру, ауылдардың мәдени әлеуетін кеңінен таныту, сондай-ақ ретро әндерді жаңғыртып, оларды заманауи технологиялар мен жасанды интеллект мүмкіндіктері арқылы жаңа форматта көпшілікке ұсыну.Сонымен қатар, жоба Мемлекет басшысы Қасым-Жомарт Кемелұлы Тоқаевтың цифрландыру мен жасанды интеллект технологияларын дамыту жөніндегі бастамаларын қолдай отырып, мәдениет пен өнер саласында инновациялық технологияларды тиімді пайдаланудың маңызын айқындай түседі.<img src="https://knadmin.beoblood.kz/uploads/Shieli_audany_baj_au_3_0263834c9f.jpg" alt="Шиелі ауданы байқау 3.jpg">

Шиеліде «АУЫЛ VIBE, RETRO NIGHT» байқауы өтті

<a href="https://kyzylorda-news.kz/ru">Kyzylorda-news.kz</a> &nbsp;Қызылорда облысында ауыл тұрғындарын жайылыммен қамтамасыз ету және пайдаланылмай жатқан ауыл шаруашылығы жерлерін қайта айналымға енгізу бағытында жүйелі жұмыстар жүргізілуде. Бұл Мемлекет басшысының жер ресурстарын тиімді пайдалану және елді мекендердің жайылым қажеттілігін қамтамасыз ету жөніндегі тапсырмаларын орындауға бағытталған.Қызылорда облысындағы 146 ауылдық округтің 97-сі бүгінгі таңда жайылыммен толық қамтамасыз етілген. Жалпы өзіндік қосалқы шаруашылықтардағы 153,8 мың шартты мал басына 1 966,5 мың гектар жайылым қажет. Қазіргі таңда оның 1 534,9 мың гектары немесе 78 пайызы қамтамасыз етілген. Бұл туралы Өңірлік коммуникациялар қызметінің ақпарат алаңында Қызылорда облысының ауыл шаруашылығы және жер қатынастары басқармасының басшысы Талғат Дүйсебаев мәлімдеді.&nbsp;Сонымен қатар елді мекендер маңындағы 98,5 мың гектар жер 19 елді мекеннің жайылымдық қажеттілігіне белгіленді. Бұл ауыл тұрғындарының мал жаю мүмкіндігін кеңейтіп, жайылым тапшылығын кезең-кезеңімен азайтуға мүмкіндік береді.<blockquote>- Жер қорын тиімді пайдаланудың тағы бір маңызды бағыты игерілмей жатқан ауыл шаруашылығы алқаптарын мемлекет меншігіне қайтару. 2026 жылы облыс бойынша 30 мың гектар пайдаланылмай жатқан немесе заң талаптарын бұза отырып пайдаланылған жерді қайтару жоспарланған болатын. Бүгінде бұл көрсеткіш артығымен орындалып, мемлекет меншігіне 35,9 мың гектар жер қайтарылды. Қайтарылған жерлерді ауыл шаруашылығы айналымына енгізу жұмыстары да қарқынды жүргізілуде. 2022-2025 жылдары мемлекетке қайтарылған 504,6 мың гектар жердің барлығы қайта айналымға енгізілді, - деді Талғат Тұрсынұлы.</blockquote>Биыл ауыл шаруашылығы айналымына қосымша 70 мың гектар жер енгізу жоспарланған. Қазіргі таңда оның 8,7 мың гектары игеріліп, айналымға алынды.<blockquote>- Жер ауыл шаруашылығының негізгі өндірістік ресурсы. Сондықтан пайдаланылмай жатқан алқаптарды мемлекет меншігіне қайтарумен қатар, оларды нақты ауыл шаруашылығы айналымына енгізуге басымдық беріп отырмыз. Бұл жерді тиімді пайдаланып, ауыл шаруашылығы өндірісінің көлемін арттыруға мүмкіндік беретін маңызды қадам. Сонымен бірге елді мекендердің жайылым қажеттілігін өтеу мәселесі де тұрақты бақылауда. Алдағы уақытта да жайылымдық жерлерді тиімді басқару, пайдаланылмай жатқан алқаптарды айналымға тарту және ауыл шаруашылығы мақсатындағы жерлерді ұтымды пайдалану бағытындағы жұмыстар жалғаса береді, – деді басқарма басшысы.</blockquote>

Жер ресурстары тиімді игерілуде

<a href="https://kyzylorda-news.kz/">Kyzylorda-news.kz</a> Биыл облыстың егіс алқаптарын сумен қамтамасыз ету үшін 3,2 млрд текше метр су лимиті бекітілді. Вегетациялық кезең басталғалы Сырдария өзенінен каналдар арқылы 2,9 млрд текше метр су алынып, оның 2,4 млрд текше метрі егістікке жеткізілді. Жалпы биыл өңірде 185,8 мың гектар ауыл шаруашылығы дақылдары орналастырылды. Бұл туралы Өңірлік коммуникациялар қызметінің ақпарат алаңында Қызылорда облысының ауыл шаруашылығы және жер қатынастары басқармасының басшысы Талғат Дүйсебаев баяндады.Суды көп қажет ететін күріш алқабы өткен жылмен салыстырғанда 10,9 мың гектарға қысқартылып, 70,1 мың гектарды құрады. Оның орнына дәндік жүгері егісі бес есеге ұлғайып, 10 мың гектарға жеткізілді. Бүгінде күріш алқаптарында агротехникалық шаралар қарқынды жүргізілуде. 59,9 мың гектар жер үстеп қоректендіріліп, 62,3 мың гектарда арамшөптерге қарсы химиялық өңдеу жүргізілді. Күріш жинау жұмыстары тамыз айының үшінші онкүндігінде басталады.Облыстық ауыл шаруашылығы және жер қатынастары басқармасының басшысы Талғат Дүйсебаевтың айтуынша, егін шаруашылығында су үнемдеу мен әртараптандыру жұмыстары алдағы кезеңде де басым бағыт болып қала береді.<blockquote>«Су үнемдеу технологияларын енгізу көлемі де айтарлықтай артты. Өткен жылы мұндай технологиялар 8,1 мың гектар алқапта қолданылса, биыл көрсеткіш 14,2 мың гектарға жетті. Сонымен қатар лазерлік тегістеу жұмыстары 65 мың гектар күріш алқабын қамтыды. Егін шаруашылығын әртараптандыруға алдағы үш жылда 34 млрд теңгеден астам мемлекеттік қолдау қарастырылған. Биыл Жалағаш ауданында «Харвест Агро» серіктестігі 21 мың гектар аумақта жүгері, соя және техникалық қарасора өсіруге бағытталған агрокластер қалыптастыруда. Шиелі ауданында «Центр семеноводства» серіктестігі жаңбырлатып суару арқылы 10 мың гектарға жүгері егуді, «Таң ЛТД» серіктестігі 3 мың гектарда тамшылатып суару технологиясын енгізуді қолға алды», – деді Талғат Дүйсебаев.</blockquote>Шаруаларды қолдау шаралары да жалғасуда. «Кең дала-2» бағдарламасы арқылы 80 шаруашылыққа 9,4 млрд теңге жеңілдетілген несие беріліп, 30,3 мың гектар егістік қаржыландырылды.

Өңірде жаңа жоба арқылы 80 шаруашылық қаржыландырылады

<a href="https://kyzylorda-news.kz/ru">Kyzylorda-news.kz</a> Қазалы қаласында қала жастарының бастамасымен жаңа спорт алаңы пайдалануға берілді.Жаңа спорт нысанының ашылу салтанатына аудан әкімі Алмасбек Есмаханов қатысып, тұрғындар мен спортсүйер қауымды игі бастаманың жүзеге асуымен құттықтады.Аудан әкімі өз сөзінде бұқаралық спортты дамыту, жастарды салауатты өмір салтына баулу бағытында атқарылып жатқан жұмыстарға тоқталып, туған жерге жанашырлық танытып, ел игілігі үшін бас қосқан Қазалы қаласының азаматтарына алғысын білдірді.<figure class="image"><img src="https://knadmin.beoblood.kz/uploads/FB_IMG_1786249215941_f1de52d17f.jpg" alt="FB_IMG_1786249215941.jpg"></figure><blockquote>- Президентіміз Қасым-Жомарт Кемелұлы Тоқаев халыққа жасаған Жолдауларында бұқаралық спортты дамыту, жастарды салауатты өмір салтына баулу мәселесіне ерекше назар аударып келеді. Биылғы жылдың өзінде ауданымызда Президентіміздің, Үкіметтің және облыс әкімінің ерекше қолдауымен «Ауыл – Ел бесігі» бағдарламасы аясында Бекарыстан би ауылында жаңа спорт кешені пайдалануға берлісе, жуық арада ғана облыс әкімі Мұрат Нәлқожаұлының қатысуымен Әйтеке би кенті мен Қожабақы ауылында заманауи спорт кешендері ел игілігіне пайдалануға берілді. Бұдан бөлек маусым айында аудан орталығы – Әйтеке би кентінде 2 спорт алаңы ашылды. Бүгін осындай игі істер тағы да жалғасын табуда. Мұның барлығы — балаларымыздың дені сау әрі елжанды азамат болып қалыптасуы үшін жасалып жатқан игі істер, - деді аудан әкімі Алмасбек Әбілқасымұлы.</blockquote>Мұнан кейін спорт алаңын салуға атсалысқан бірқатар азаматтар аудан әкімінің Алғыс хатымен марапатталды.Жаңа спорт алаңының ашылуында Мәлік Тілеп ақсақал ақ батасын беріп, игі бастамаға ізгі тілегін жеткізді.Спорт алаңының ашылу салтанаты әрі қарай қала жастары арасында шағын футболдан ұйымдастырылған турнирге ұласты.Айта кетейік, бұған дейін Қазалы қаласында қала жастарының ұйымдастыруымен тағы бір спорт алаңына жөндеу жұмыстары жүргізіліп, ойын алаңы қайта жаңғыртылған болатын.<img src="https://knadmin.beoblood.kz/uploads/FB_IMG_1786249233139_bc738dd466.jpg" alt="FB_IMG_1786249233139.jpg">

Қазалыда жаңа спорт алаңы ашылды

Облыс әкімі Мұрат Ергешбаев «Таза Қазақстан» республикалық экологиялық акциясы аясында &nbsp;Қорқыт ата аллеясында сенбілікке атсалысып жатқан «Жасыл ел» еңбек жасақтарының сарбаздарымен кездесті.Аймақ басшысы табиғатты қорғау, қоршаған ортаны таза ұстау өркениетті қоғамның басты құндылығы екенін атап өтті.<blockquote>«Президентіміз Қасым-Жомарт Кемелұлының бастамасымен жүзеге асырылып жатқан «Таза Қазақстан» жалпыұлттық экологиялық акциясы аясында өңірімізде ауқымды жұмыс атқарылуда. &nbsp;Шілде айының басында күшіне енген халықтық Конституцияда &nbsp;табиғатты қорғау, қоршаған ортаға ұқыпты қарау қағидаты алғаш рет заң деңгейінде бекітілді. Ендігі жерде қоршаған ортаға жанашырлық таныту – әрбір азаматтың конституциялық парызы. Қызылорда қаласындағы орталық алаң, қалалық мәдени-демалыс паркі, Президент саябағы, бүгінгі сенбілік өтіп жатқан Қорқыт Ата саябағының жаңаша келбетке енуі – өңіріміздің әлеуметтік инфрақұрылымын жаңғыртуға бағытталған жүйелі саясаттың жемісі. Осындай игі істердің бел ортасында әрдайым «Жасыл ел» еңбек жасағының сарбаздары жүреді. «Жасыл ел» – маусымдық жұмыс емес, жастарды еңбекке баулитын, елжандылыққа тәрбиелейтін, қоғамдық жауапкершілікті қалыптастыратын үлкен азаматтық мектеп. Бұл жоба арқылы мыңдаған жас алғашқы еңбек тәжірибесін жинақтап, туған жердің дамуына сүбелі үлесін қосып келеді. Биыл жобаға 21 жыл толды. Осы уақыт ішінде «Жасыл ел» өз тиімділігін дәлелдеп, жастар саясатының ең табысты жобаларының біріне айналды. Туған өлкеміздің тазалығы мен көркеюі жолында аянбай еңбек етіп жүрген баршаңызға шынайы ризашылығымды білдіремін!», - деді Мұрат Нәлқожаұлы.</blockquote>Сенбілікте аймақ басшысы жастармен экологиялық мәдениетті қалыптастыру жөнінде еркін пікір алмасты.Айта кетейік, өткен жылы «Жасыл ел» еңбек жасағының қатысуымен 118 саябақ, сквер, аллея және қоғамдық демалыс орындары көгалдандырылып, 12 гектар аумақ тұрмыстық қалдықтан тазартылды.&nbsp;Биыл да 1200-ден астам жас осы игі іске атсалысып, өңірдің тазалығы мен көркеюіне өз үлесін қосуда.&nbsp;Жасақ сарбаздары арнайы киімдермен, құрал-жабдықтармен қамтылған.Сонымен қатар, бүгін облыс әкімі «КБИ» , «Бәйтерек» шағын аудандары мен Жаппасбай батыр көшесіндегі тазалық, абаттандыру және балалар ойын алаңдарының жағдайын, Сағымбаев көшесін қайта жаңғырту жұмыстарын көріп, жауапты сала басшыларына нақты тапсырмалар жүктеді.<img src="https://knadmin.beoblood.kz/uploads/FB_IMG_1786248956217_00318b0f32.jpg" alt="FB_IMG_1786248956217.jpg">

"Жасыл ел" еңбек жасақтарының қатысуымен экологиялық сенбілік өтті

Қазалы аудандық мәслихаттың төрағасы Ғазиз Әліштің төрағалығымен аудандық мәслихаттың кезектен 60-шы сессиясы өтті. Сессияға аудан әкімі Алмасбек Есмаханов, аудандық ардагерлер кеңесінің төрағасы Оразғали Бекпанов, облыстық бағыныстағы мекеме басшылары, қала, кент, ауылдық округ әкімдері мен дербес бөлімдер басшылары және қоғамдық кеңес мүшелері қатысты.Сессияның күн тәртібінде қозғалған 2026-2028 жылдарға арналған аудан бюджетіне және ауданның 2026-2030 жылдарға арналған даму жоспарына өзгерістер енгізу туралы мәселелері бойынша аудандық экономика және қаржы бөлімінің басшысы Бахытжан Жарылқап хабарлама жасады.Жиында аудан әкімі сөз сөйлеп, 2026 жылға арналған аудан бюджетіне енгізілген өзгерістерге тоқталып өтті.<blockquote>-2026 жылға арналған аудан бюджетінің көлемі 13,6 млрд. теңге болып бекітіліп, бүгінгі күнге 18,9 млрд. теңге болып нақтыланды. Оның ішінде өз кірістеріміздің жоспары 4 млрд. 269,4 млн. теңге болса, 4 млрд. 362,2 млн. теңге болып бекітілді. Бүгінгі күні аудан бюджеті нақтыланып, аудан халқының игілігіне бағытталған бірқатар маңызды жобаларға қаржы қарастырылып, тиісті жұмыстар атқарылуда. &nbsp;Атап айтқанда, жол жөндеу, Әйтеке би кентіндегі жаңа кварталдағы жеке тұрғын үй құрылысына инженерлік инфрақұрылым салу, көпқабатты тұрғын үйлердің ауласын абаттандыру, елді мекендердегі жеке тұрғын үй секторының инженерлік инфрақұрылым құрылысын жүргізу, елді мекендерді газдандыру жобаларын жүзеге асыру және тағы да басқа аудан халқының игілігіне бағытталған жобаларды жүзеге асыруға қаржы бөлініп отыр. Осы ретте барша аудандық мәслихаттың депутаттарын, кент, қала және ауылдық округ әкімдері мен мекеме, кәсіпорын басшыларын Президентіміздің, Үкімет басшысының және облыс әкімінің тапсырмалары мен алға қойған міндеттерін жоғарғы деңгейде жүзеге асырып, ауданда басталған игі бастамаларды одан әрі дамыту жолында бірлесе, аянбай жұмыс жасауға шақырамын, - деді аудан әкімі Алмасбек Әбілқасымұлы.</blockquote>Сессия отырысында «Қазалы аудандық мәслихатының депутаты Жалғасбаев Нұрғиса Жаппарбергенұлының депутаттық өкілеттігі туралы аудандық сайлау комиссиясының төрағасы Нұрлан Аманбай Қазалы ауданының аумақтық сайлау комиссиясының &nbsp;қаулысының негізінде Нұрғиса Жаппарбергенұлының Қазалы аудандық мәслихатының депутаты өкілеттігі мерзімінен бұрын тоқталғанын хабарлады.Сессияда аудан басшысы елімізде 23 тамызда өтетін Құрылтай сайлауы - қоғамның әртүрлі саласындағы белсенді әрі білікті азаматтардың басын қосып, елдің өзекті мәселелерін талқылауға және ортақ шешімдер қабылдауға бағытталған маңызды саяси оқиға екенін жеткізді. Осы ретте барша жиынға қатысушыларды елдің ертеңіне жауапкершлікпен қарап, Құрылтай сайлауына белсене қатысуға, берекелі бірліктің үлгісін көрсетіп, Мемлекет басшымыздың бастамаларына қолдау көрсетуге шақырды.Жиын соңында Нұрғиса Жалғасбаевқа депутаттық өкілеттігі кезінде атқарған жұмыстарына алғыс білдіріп, Қазалы ауданының ең жоғары наградасы «Құрмет грамотасын» табыстады.Сессия алдында аудандық мәслихаттың тұрақты комиссияларының бірлескен отырысы өткізіліп, сессияның күн тәртібіне ұсынылған мәселелер талқыланды.<hr><img src="https://knadmin.beoblood.kz/uploads/FB_IMG_1786160223936_5d18732b27.jpg" alt="FB_IMG_1786160223936.jpg">

Мәслихаттың сессиясында күн тәртібіндегі өзекті мәселелер қаралды 

Сырдария ауданы әкімі аппаратының басшысы Димаш Байдушевтің төрағалығымен Қазақстан Республикасының кейбір заңнамалық актілеріне енгізілген өзгерістер мен толықтырулар талаптарын түсіндіруге арналған семинар өтті. Семинарға аудан әкімі аппаратының қызметкерлері қатысты.Жиынның басты мақсаты – Конституциялық реформаларға сәйкес сыбайлас жемқорлыққа қарсы заңнамаға енгізілген өзгерістер мен толықтыруларды түсіндіру, заң талаптарын тиімді іске асыруға ықпал ету және қоғамда сыбайлас жемқорлыққа төзбеушілік мәдениетін қалыптастыру.Семинар барысында екі мәселе қаралды. Алғашқы мәселе – «Қазақстан Республикасының Конституциялық реформаларына сәйкес сыбайлас жемқорлыққа қарсы заңнамадағы өзгерістер туралы». Мемлекет басшысының бастамасымен жүзеге асырылған Конституциялық реформалар еліміздің құқықтық жүйесін жаңғыртуға, мемлекеттік басқарудың тиімділігі мен ашықтығын арттыруға, азаматтардың құқықтары мен заңды мүдделерін қорғауды күшейтуге бағытталғаны атап өтілді. Осы өзгерістердің маңызды бағыттарының бірі – сыбайлас жемқорлыққа қарсы саясатты жетілдіру және осы саладағы заңнаманы заман талабына сай жаңарту екені түсіндірілді.Екінші мәселе – «Жаңадан қабылданған Қазақстан Республикасының Конституциясына сәйкес заңдардағы негізгі өзгерістер және заң талаптарын сақтаудың маңызы туралы». Қазақстан Республикасының құқықтық, демократиялық және әлеуметтік мемлекет ретіндегі қағидаттарын нығайтуда Конституция мен қолданыстағы заңнаманы жетілдірудің маңыздылығы айтылды. Конституциялық реформалардың мемлекеттік басқару жүйесін жаңғыртуға, азаматтардың құқықтары мен бостандықтарын қорғауды күшейтуге және заң үстемдігін қамтамасыз етуге бағытталғаны түсіндірілді.Сонымен қатар заң талаптарын сақтау қоғамдық тәртіптің, тұрақтылықтың және әділеттіліктің негізгі кепілі екені атап өтілді. Семинар соңында қызметкерлер өздерін толғандырған сауалдарын қойып, заңнамадағы өзгерістер мен толықтыруларға қатысты тиісті жауаптар мен түсіндірмелер алды.<img src="https://knadmin.beoblood.kz/uploads/FB_IMG_1786159986497_63c179675f.jpg" alt="FB_IMG_1786159986497.jpg">

Заңнамадағы өзгерістер мен толықтыруларды талқылады 

«Өнер орталығында» Құрылысшылар күніне арналған салтанатты шара өтті.Оған облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен сала ардагерлері қатысты.&nbsp; Аймақ басшысы құрылысшылардың өңірді дамытудағы еселі еңбектерін жоғары бағалады.<blockquote>«Баршаңызды кәсіби мерекелеріңіз – Құрылысшылар күнімен шын жүректен құттықтаймын! Құрылысшы – қоғамдағы ең қадірлі, ең жасампаз мамандықтардың бірі. &nbsp;Мемлекет басшысы Қасым-Жомарт Кемелұлы «Елімізде неғұрлым құрылыс көп болса, Қазақстан да соғұрлым өркендей береді. Ең алдымен, бұл – негізгі инфрақұрылымға қатысты мақсат. Біз теміржолдарды, автожолдарды, әуежайларды, вокзалдарды, сумен қамтамасыз ететін ірі құрылғыларды, өндіріс және өнім кәсіпорындарын, қала ғимараттарын және тағы басқа нысандарды жоғары қарқынмен салуымыз керек» деген болатын. Сыр бойындағы құрылыс шежіресінің тамыры тереңде жатыр. Көне Шірік Рабат, Сығанақ пен Жанкент шаһарларынан бастау алған сәулет өнерінің дәстүрі бүгінгі заманауи құрылыспен сабақтасады. &nbsp;Президентіміздің, Үкіметтің ерекше қолдауымен Сыр өңірі &nbsp;қарқынды құрылыс алаңына айналды. Аймағымызда 2022 жылдан бері 270-тен астам әлеуметтік нысан салынып, 46 білім беру, 45 денсаулық сақтау, 22 мәдениет, 27 спорт нысаны халық игілігіне берілді. Мемлекет басшысының қолдауымен Қорқыт Ата әуежайының жаңа терминалы, заманауи үлгідегі автовокзал ғимараты іске қосылды. «Қазақстан Темір Жолы» компаниясының, жергілікті кәсіпкерлердің демеушілігімен Қызылорда теміржол вокзалы күрделі жөндеуден өтті. Президентіміздің тапсырмасымен барлық аудандағы теміржол вокзалдары қайта жаңғыртылды. &nbsp;Биыл 28 жобаның құрылысына бюджеттен 177 млрд. теңге бөлінді. Бүгінде сол жағалаудағы 100 келушіге арналған емханасы және онкологиялық бөлімшесі бар 300 орындық көпбейінді аурухана, 500 келушіге арналған емхана, Титов шағын ауданында 400 орындық № 5 емхана ғимараты, 200 орындық перинаталдық орталық және &nbsp;«Қызылорда Арена» көпфункционалды спорт кешені салынуда. Мемлекет басшысының Ұлттық құрылтайдың бесінші отырысында берген тапсырмасына сәйкес қаламызда тәулік бойы жұмыс істейтін заманауи кітапхана мен жаңа драма театрдың құрылысы басталды. &nbsp;Осы ретте ел игілігіне адал қызмет етіп жүрген құрыш қолды құрылысшыларға &nbsp;облыс халқының атынан шексіз алғысымды білдіремін! Сіздерге сарқылмас күш-қуат, отбасыларыңызға құт-береке, дендеріңізге саулық тілеймін!», - деді Мұрат Нәлқожаұлы.</blockquote>Салтанатты шарада құрылыс саласының үздіктері ҚР Премьер-министрінің бірінші орынбасары Нұрлыбек Нәлібаевтың Алғыс хатымен, Өнеркәсіп және құрылыс министрлігінің «Құрметті құрылысшы» төсбелгісімен, Құрмет грамотасымен және Алғыс хатымен, Қызылорда облысының Құрмет грамотасымен, «Қызылорда облысының дамуына қосқан үлесі үшін» медалімен, облыс әкімінің Алғыс хатымен марапатталды. &nbsp;Мерекелік іс-шарада эстрада әншісі, Қазақстанның еңбек сіңірген қайраткері &nbsp;Айгерім Қалаубаева және Сыр өнерпаздары әннен шашу шашты.Аймақта тұрғындарды баспанамен қамтамасыз етуге бағытталған жобалар нәтижелі іске асуда. Соңғы төрт жылда 7600 пәтер беріліп, 30 мыңнан астам тұрғын баспаналы болды.&nbsp;2026-2027 жылдары 6200-ден астам пәтер табыстау, 25 мыңға жуық тұрғынның баспана мәселесін шешу жоспарланған. Оның 1200 пәтері аудан орталықтарында салынып жатыр.&nbsp;Жыл соңына дейін құрылыс жұмыстарының нақты орындалған көлемін 369 млрд. теңгеге жеткізу көзделуде.Жақында ғана Президенттің қатысуымен стратегиялық инфрақұрылымдық жобалардың бірі - «Қызылорда – Сексеуіл», «Ұлғайсын – Сексеуіл» және «Бейнеу – Сексеуіл» автокөлік жолдарының құрылысы ресми түрде бастау алды.«Қазатомөнеркәсіп» Ұлттық атом компаниясының демеушілігімен 2,9 млрд. теңгеге жуық қаржыға Жаңақорған, Шиелі аудандарында екі спорт кешені, ауылдық клуб пен емхана құрылысы биыл басталады.<img src="https://knadmin.beoblood.kz/uploads/FB_IMG_1786159616982_3980de144b.jpg" alt="FB_IMG_1786159616982.jpg">

Ел игілігі үшін еңбек етіп жүрген құрылысшыларға құрмет көрсетті

<a href="https://kyzylorda-news.kz/ru">Kyzylorda-news.kz</a>&nbsp; Шиелі ауданының әкімі Айтбай Жандарбеков тиісті сала басшыларымен бірге аудан орталығында жүргізіліп жатқан жолдарды қайта жаңғырту жұмыстары барысымен танысты.Қазіргі таңда Шиелі кентіндегі Яссауи, Бәкіров, Есабыз және Байтұрсынов көшелерінің қиылысынан Шиелі кентіндегі К-4 каналы көпіріне дейінгі автомобиль жолдарын қайта жаңғырту мен жаяу жүргіншілер жолдарын салу жобалары жүзеге асырылуда.Жобаның жалпы құны 1 млрд 520 млн теңгені құрайды. Жаңғыртылатын автомобиль жолдарының жалпы ұзындығы 4,04 шақырым.Жобаның бас мердігері – «УАД» ЖШС, техникалық қадағалаушысы – «СК Энерго-OIL» ЖШС, ал авторлық қадағалаушы мекеме – «СпецМонтажСтрой LTD» ЖШС.Айта кету керек, жоба аясында Яссауи көшесі төрт жолақты болып қайта жаңғыртылады.Сонымен қатар, жоба толық аяқталғаннан кейін аталған көшелер заманауи талаптарға сай жаңартылып, жолдың жүріс бөлігі абаттандырылады, жол бойына заманауи аялдамалар орнатылатын болады. Сондай-ақ, жол белгілері, жол таңбалары және көше жарықтандыру шамдары толықтай жаңартылатын болады.Жұмыс барысымен танысқан аудан әкімі мердігер мекемеге құрылыс жұмыстарының сапасын қатаң бақылауда ұстап, белгіленген мерзімде аяқтау жөнінде нақты тапсырмалар берді.<img src="https://knadmin.beoblood.kz/uploads/Shieli_zhol_rylysy_e5890b794a.jpg" alt="Шиелі жол құрылысы.jpg">

Жол құрылысы жұмыстары жүйелі жүргізілуде

<a href="https://kyzylorda-news.kz/ru">Kyzylorda-news.kz</a> Еуразиялық интеграция институты БАҚ өкілдеріне арналған онлайн-брифинг барысында қазақстандықтардың электоралдық мінез-құлқының түрлі аспектілерін зерттеу аясында 2026 жылғы 16-26 шілде аралығында жүргізілген әлеуметтанулық зерттеу нәтижелерін жариялауды жалғастырды.Бұған дейін хабарланғандай, азаматтар арасында жүргізілген жаппай сауалнамаға (face-to-face) Қазақстанның 17 облысынан және Астана, Алматы, Шымкент қалаларынан 4 000 респондент қатысты.Сауалнама қоғамда сайлау науқандары, саяси партиялардың рөлі мен функциясы туралы нақты және байыпты түсінік қалыптасып отырғанын, сондай-ақ жүргізіліп жатқан саяси реформалардың жағымды әсері туралы пікір басым екенін көрсетті.&nbsp;Құрылтай депутаттарының сайлауы қарсаңында зерттеу аясында анықталған бірқатар &nbsp;көрсеткіштер арнайы назар аударуға тұрарлық.&nbsp;Бірінші. Сайлау белсенділігіне орай жүргізілген жалпы өлшем бойынша, сауалнамаға қатысқан азаматтардың 78,2%-ы сайлаулар мен референдумдарда дауыс беруге қатысатынын көрсетті.&nbsp;Оның ішінде атап өтерлігі, әрбір науқан өткен сайын дауыс беруге қатысатын азаматтардың саны артып отырған. Респонденттердің жауаптарына сәйкес, 2023 жылғы парламенттік сайлауға азаматтардың 53,4%-ы, 2024 жылғы референдумға 63,4%-ы, 2026 жылғы референдумға 75,3%-ы қатысқан. Сауалнама нәтижелері ҚР Орталық сайлау комиссиясының ресми деректерімен барынша сәйкес келетінін атап кеткен жөн.&nbsp;Екінші. ҚР жаңа Конституциясын қабылдау бойынша өткен референдумға қатысқан азаматтар өздерін дауыс беруге ынталандырған мынандай себептерді атап өтті:Азаматтардың 71%-ы дауыс беруді өздерінің азаматтық борышы деп санайды.&nbsp;Респонденттердің 69,6%-ы жүргізіліп жатқан саяси реформаларды маңызды деп санайды.Ал 31,4%-ы дауыс беруді өзінің ажырамас демократиялық құқығы деп есептейді.&nbsp;Сауалнамаға қатысқандардың 18%-ы дауыс беруге құқылы жасқа жетуіне байланысты қатысқан. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; (респонденттер бірнеше жауап нұсқасын таңдау мүмкіндігіне ие болғандықтан, жауаптардың жиынтық &nbsp;көрсеткіші 100%-дан асады)Сайлау белсенділігінің осы факторлары 23 тамыздағы референдумда шешуші рөлге ие болуы мүмкін.&nbsp;Үшінші. Сауалнамаға қатысқан қазақстандықтар жүргізіліп жатқан сайлау процестері туралы хабар алатын ТОП-7 негізгі ақпарат көзі анықталды: теледидар – 51,6%, Instagram – 44,5%, жаңалық таратушы интернет-порталдар – 32,5%, отбасы мүшелері және туыстары арқылы &nbsp;– 27,4%, TikTok – 23,8%, жұмыс орнында, ұйымда – 22,5%, достары арқылы – 21,7%. (респонденттер бірнеше жауап нұсқасын таңдау мүмкіндігіне ие болғандықтан, жауаптардың жиынтық &nbsp;көрсеткіші 100%-дан асады)Бұл нәтижелер саяси контентті жалпы медиа тұтынуда &nbsp;телеарналардың әлі де өзекті екенін және әлеуметтік желілердің ішінде Instagram және TikTok желілерінің кеңінен танымал екенін көрсетеді. Азаматтар сайлау барысы туралы тұрақты түрде хабар алып отырады және оны күнделікті өз ортасында талқылайды.&nbsp;Төртінші. Қазақстандықтардың басым көпшілігінің пікірінше жаңа Конституцияны қабылдау сияқты палаталы Құрылтайдың құрылуы да оң өзгерістермен байланысты. Сауалнама нәтижелері азаматтардың Құрылтай сайлауынан жақсылық күтетінін көрсетеді.Респонденттердің 68%-ы Құрылтай сайлауынан кейін өмірінде жақсы өзгерістер болатынына үмітті. &nbsp;Қоғамдық пікірді нақтылау мынаны көрсетті.&nbsp;Сауалнамаға қатысқандардың 48,8%-ы сайлаудың әділ өтетініне сенімді.&nbsp;Респонденттердің 43,3%-ы Құрылтайға сайланатын депутаттар азаматтардың мүддесін қорғайды деп күтеді.&nbsp;Респонденттердің 35,9%-ы жаңа депутаттардың келуімен халықтың әлеуметтік-экономикалық жағдайы жақсарады деп санайды. &nbsp;23,8%-ы – жаңа депутаттар саяси мәдениет деңгейінің жоғарылауына ықпал етеді деп сенеді.&nbsp;Азаматтардың 22,3%-ы депутаттардың халыққа жақын болуын және өз сайлаушыларымен ашық сөйлесуін қалайды. (респонденттер бірнеше жауап нұсқасын таңдау мүмкіндігіне ие болғандықтан, жауаптардың жиынтық &nbsp;көрсеткіші 100%-дан асады).Бесінші. «Қазақстандағы саяси партия тиімді қызмет етуі үшін ең алдымен не істеуі керек?» деген сұраққа респонденттердің жауаптарын тізбелесек. &nbsp;Азаматтардың партияларға қойылатын ТОП-3 талаптары:44%-ы – партия елдің экономикалық өсуі мен өркендеуіне атсалысуы керек екенін атап өтті,&nbsp;32,4%-ы – елдің алдағы дамуы жайлы нақты түсіндіре алуы керек &nbsp; деп есептейді,&nbsp;33,2%-ы – өз жұмысында әлеуметтік бақуаттылық пен теңдікті қамтамасыз етуге баса назар аударуы тиіс дейді.Сондай-ақ, респонденттер партия көшбасшылары мықты, тартымды тұлға &nbsp;болуы (29,9%), заңдармен сауатты жұмыс істей білуі және халыққа тікелей пайда әкелетін заң жобаларын ғана насихаттауы (29,8%), демократияға адал болуы &nbsp;(20,1%), сайлаушылармен тұрақты байланыста болуы, оның ішінде бұқаралық ақпарат құралдары мен әлеуметтік желілері арқылы байланыс ұстауға (20%) тиіс екенін атап өтті. (респонденттер бірнеше жауап нұсқасын таңдау мүмкіндігіне ие болғандықтан, жауаптардың жиынтық &nbsp;көрсеткіші 100%-дан асады)Сурет: gov.kz

Қазақстан және Қызылорда облысының жаңалықтары: Қоғам