<a href="https://kyzylorda-news.kz/">Kyzylorda-news.kz</a> Мемлекет басшысы жаңа инвестициялық кезеңдібастау туралы тапсырмасы аясында өңірлерде жеке және шетелдік инвестициялар көлемін арттыру, ол үшін біртұтас экожүйе қалыптастыру, даму институттары мен бизнес арасында тиімді диалог орнату мәселелерін атап өткен болатын.Осыған орай кеше облыс әкімінің орынбасары Ардақ Зебешевтің төрағалығымен ҚР даму институттары өкілдерінің «Инвестиция тарту, өнеркәсіпті дамыту және экспортты ілгерілету бойынша мемлекеттік қолдау шаралары туралы өңірлік семинар-тренингі өтті.Шараға жергілікті атқарушы органдар, өңірлік даму институттары және бизнес-қауымдастық өкілдерімен өзара тығыз байланыстар орнату мақсатында «Kazakh Invest» ҰК», «Бәйтерек» ҰБК», «Қазақстанның даму банкі», «Өнеркәсіпті дамыту қоры», «Kazakh Export» ЭСК», «Даму» кәсіпкерлікті дамыту қоры» және «Аграрлық несие корпорациясы» акционерлік қоғамдарының өкілдері, қала және аудан әкімдерінің жауапты орынбасарлары, қаржы ұйымдары және банк басшылары, Атырау, Маңғыстау және Батыс Қазақстан облыстары бойынша «Kazakh Invest» ҰК» АҚ-ның өңірлік директорлары мен аймақ кәсіпкерлері қатысты.Семинарда облыс әкімінің &nbsp;орынбасары облыстың инвестициялық әлеуеті туралы айтты. &nbsp;«Kazakh Invest» ҰК» АҚ-ның «бір терезе» тобының басшысы Ғазиза Әбдінабиева инвестициялық қызметте мемлекеттік көрсететін қолдауына тоқталды. Ал облыс прокурорының орынбасары Нұрболат Дүйсенбаев инвесторларды қорғау бойынша атқарылған жұмыстарды сарапқа салды.Семинарда «бір терезе», «жасыл дәліз» қағидаларына сәйкес инвестициялық қызметті жүзеге асыру, өнеркәсіп саласын дамыту және шикізаттық емес экспорт көлемін арттыру бағытындағы мемлекеттік қолдау шаралары туралы түсіндірме жұмыстары жүргізілді.Қызылорда облысында алдағы уақытта жүзеге асырылуы жоспарланған 17 инвестициялық жобаға облыс, қала және аудан әкімдерінің орынбасарлары мен кәсіпкерлер арасында үшжақты «Жол карталарына» қол қойылды. Бұл өз кезегінде облыстың бизнес ахуалын жақсартуға және инвестициялық белсенділікті арттыруға жаңа серпін бермек.&nbsp;&nbsp;&nbsp;

Инвестиция – тың серпін, жаңа мүмкіндік

<a href="https://kyzylorda-news.kz/">Kyzylorda-news.kz</a>&nbsp; ҚР Премьер-министрі Олжас Бектеновтің төрағалығымен өткен Үкімет отырысында 2024 жылдың көктемгі дала жұмыстарына дайындық мәселесі қаралды. Қызылорда облысының әкімі Нұрлыбек Нәлібаев көктемгі егінге әзірлік барысын баяндады.<blockquote>– Мемлекет басшысының ауыл шаруашылығы өнім көлемін 5 жылда екі есеге арттыру тапсырмасына сәйкес, облыста 187 мың гектар жерге дақылдар егіледі. Оның ішінде күріш көлемі – 83,9 мың гектар. Өткен жылмен салыстырғанда егіс көлемін 6,4 мың гектарға, оның ішінде күрішті 5 мың гектарға азайттық. Орнына суды аз қажет ететін дақылдар егісін арттырамыз. Сырдария өзеніндегі су шаруашылығы жағдайы күрделі болғандықтан, су лимиті әлі белгіленбеген. Мемлекетаралық Су шаруашылығы үйлестіру комиссиясының 86-отырысында вегетация кезеңіне су лимиті белгіленгеннен кейін егіс көлемі қайта нақтыланатын болады. Бөлінген лимитке сәйкес күріш егісі әлі де қысқаруы мүмкін. Өңірде көктемгі егін егу жұмыстары наурыз айының бірінші онкүндігінде басталды, мамырда аяқталады. Күріш сәуір айының үшінші онкүндігінде себіле бастайды. Ерте егілетін дақылдар – жаңа жоңышқа, жаздық бидай, арпа, мақсары, қант құмайы жерге орналастырылуда. Бүгінгі күнге 16,5 мың гектары егілді, – деді аймақ басшысы.</blockquote>Облыс әкімінің айтуынша, су үнемдейтін озық технологияны енгізу биыл 4,2 мың гектарға жеткізіледі. Оның ішінде тамшылатып суару әдісімен «Таң ЛТД» ЖШС 800 гектар жүгері, «Qaratau Fruits» ШҚ 80 гектар қарқынды бақ, «Ер Әлі» ШҚ 15 гектар, майда шаруашылықтар 1800 гектар, жеке қожалықтар 1005 гектар көкөніс, бақша егеді. Жаңбырлатып суару әдісімен «РЗА Агро» ЖШС 260 гектарға сүрлемдік жүгері, «Gamil Pro» ШҚ 200 гектар жоңышқа, «Жетікөл Жер» ЖШС 40 гектар күнбағыс егуді жоспарлаған.Күріш мелиоративтік дақыл болғандықтан, атыздарда су үнемдеудің бірден-бір жолы – лазерлік тегістеу. Биыл күріш алқаптарының 70 пайызы лазермен тегістеледі. Бұл суды 20 пайызға дейін үнемдеуге және өнімділікті 30 пайызға дейін арттыруға мүмкіндік береді. Су тапшылығы жағдайында суды екінші рет қайта пайдалану үшін 351 су насосы дайындалды. Кепілді өнім алудың алғышарттарының бірі – тұқым және минералдық тыңайтқыштарды өз деңгейінде пайдалану. Тұқым дайындауда ешқандай мәселе жоқ, 100 пайыз қамтамасыз етілді. Минералды тыңайтқыштарға қатысты қосымша қаржыландыруды күтпей, жыл басында тыңайтқыш жеткізушілер және өндірушілермен жасалған келісімдер нәтижесінде бүгінгі күнге 52,8 мың тонна тыңайтқыш шаруашылықтарға жеткізілді. Бұл – қажеттіліктің 83 пайызы. Қаржысы шаруашылықтар және инвесторлар есебінен шешілді.Көктемгі дала жұмыстарын жүргізуге қажетті қаржы көлемі 26,7 млрд теңгені құрайды. Оның 87,1 пайызы немесе 23,3 млрд теңгесі қаржыландырылды. Каналдардың 134 шақырымы тазаланып, гидротехникалық құрылыстардың 75-і жөндеуден өтті. Ауыл шаруашылығы техникалары толық жөнделіп, егін егу науқанына қатысуда.Шаруашылықтардың қажеттілігіне сәйкес облысқа бөлінген 12,9 мың тонна арзандатылған дизельдің 40 пайызы жеткізіліп, 1 литрі 250 теңгеден босатылуда.Баяндама соңында Нұрлыбек Машбекұлы көктемгі дала жұмыстарына дайындық жеке бақылауында екенін және тиісті министрліктермен тығыз жұмыс жүргізілгенін айтты.Үкімет отырысынан кейінгі арнайы мәжілісте облыс әкімі Нұрлыбек Нәлібаев аталған мәселеге орай жауапты тұлғаларға бірқатар тапсырма берді.<blockquote>– Мемлекет басшысының ауыл шаруашылығы жалпы өнім көлемін алдағы 5 жылда екі есеге арттыру жөніндегі тапсырмасын орындауды биылдан бастауымыз керек. Ол үшін Үкімет мақұлдаған егін шаруашылығы индикаторлары бойынша биылға болжанған көлемді агротехникалық талаптарды сақтап, мерзімінде егу қажет. Жанар-жағармай, тыңайтқыш, тұқым, қаржы және су ресурстарымен қамтамасыз ету басты назарға алынады. Бүгінгі күнгі мәлімет бойынша «Шардарадан» жоғары орналасқан «Тоқтағұл», «Әндіжан», «Қайраққұм», «Шарбақ» су қоймаларындағы су көлемі 12,1 млрд текше метр, бұл өткен жылдағыдан 700 млн текше метрге кем. «Шардара» мен «Көксарайға» жиналған су көлемі 1 млрд текше метрге аз. Вегетациялық кезеңде «Шардара» су қоймасына жоғарыдан қосымша 3 млрд текше метр су берілмесе, қиындықтар туындайды. Сондықтан жоғарыдан келетін су көлемі тұрақты, күнделікті бақылауда болуы керек, – деді аймақ басшысы.</blockquote>Жиында шаруашылықтардың «Аграрлық несие корпорациясы» арқылы «Кең дала» бағдарламасымен 2,5 млрд теңге несие алуы, ауыспалы егіс тәртібін қатаң сақтау, су үнемдеу технологиясы қолданылатын егіс көлемін ұлғайту мәселелері талқыланды.Мәжіліс қорытындысымен облыстық ауыл шаруашылығы және жер қатынастары басқармасына жанар-жағармайдың бекітілген кесте бойынша жеткізілуін қадағалау, қаржыландыруды ұйымдастыру, Қызылорда қаласы және аудан әкімдерімен бірлесіп, бақшалыққа қажетті судың берілуін үйлестіріп, көлемін арттыру тапсырылды. «Арал-Сырдария» бассейндік инспекциясы егіске қажетті суармалы судың лимитін сәуір айының 5-не дейін нақтылауы тиіс. Ал «Қазсушар» мекемесінің облыстық филиалы көктемгі су алу науқаны басталғанға дейін су шаруашылығы нысандарын (каналдарды тазалау, гидротехникалық құрылыстарды, гидропосттарды) жөндеуді толық аяқтауға жауапты. Мұнан бөлек, Қызылорда қаласы мен аудан әкімдеріне қажетті тыңайтқышпен, тұқыммен, жанар-жағармаймен қамтамасыз ету, жергілікті тұрғындардың картоп, көкөніс, бақша дақылдарын егетін қосымша жерін дайындауды 1 мамырға дейін аяқтау жөнінде тапсырма берілді. &nbsp;&nbsp;

Өңір − көктемгі дала жұмыстарына дайын

<a href="https://kyzylorda-news.kz/">Kyzylorda-news.kz</a> Базар мен дүкендерде келісі 80 теңгеден басталады, деп хабарлайды&nbsp;<a href="https://24.kz/kz/zha-aly-tar/ekonomika/item/644291-yzylordada-piyaz-3-ese-arzandady">24KZ.&nbsp;&nbsp;</a>&nbsp;Ал азық-түлікті тұрақтандыру қорының әлеуметтік сауда нүктелерінде 30 теңгеден сатылып жатыр. Себебі қазан айынан бері қоймада сақталған пияз күн күрт жылыған кезде бұзылып кетуі мүмкін. Былтыр 120 тонна көкөніс жарамсыз болып, қоқысқа тасталды. Қазір тұрақтандыру қорында 400 тоннаға жуық пияз қалған.&nbsp;<blockquote>- Аудандар өзінің жол көліктерінің шығынын есептегенде 45-50 теңгеге барып қалуы мүмкін. Ал қала бойынша барлық нүктесінде, сауда үйлерінде, базарларда 30 теңгеден өзімізге тиісті әлеуметтік магазиндер арқылы сатып жатырмыз. Күніне осы тұрақтандыру қорының өзінен 3 тоннаға дейін жуа шығады, – деді тұрақтандыру қорының басқарма басшысы&nbsp;Мейрамбек Серікбай. &nbsp;</blockquote>Фото: Нұрболат Нұржаубай

Қызылордада пияз 3 есе арзандады

<a href="https://kyzylorda-news.kz/">Kyzylorda-news.kz</a>&nbsp; Көгілдір отынды тұтынған жергілікті халық біршама бейнеттен арылғаны мәлім. От жағып, күл шығырудан босаған табиғи газды тұтынушы қытымыр қыстан қиналмай шығуда. Қысы-жазы әрбір үйге газдың кедергісіз келуіне себепкер атанып отырған сала маманының еңбегі орасан. Бұрнағы күні редакцияға «Интер Газ Центральная Азия» мекемесіне қарасты АГРС «Тереңөзек» стансасының опереторы Алмат Нұрұшев бас сұққан болатын. Өз кезегінде Сырдария және Жалағаш ауданына көгілдір отынды жеткізумен айналысатын арнаулы өкілдіктің маманымен аз-кем пікірлесудің сәті түсті. Жалпы, аудан аумағында газ тарату жүйесімен қос мекеме айналысады. «Қызылорда газ тарату жүйесі» КМК көгілдір отынды пайдаланудағы қауіпсіздікті қамтамасыз етсе,&nbsp;АГРС «Тереңөзек» стансасы аудан орталығына табиғи газды жеткізумен айналысады. Құрамында 7 қызметкер бар мекеменің бөлініске сай жүргізілетін өзіндік міндеттемесі бар. Негізінен, күн райына қарамастан, тәулік бойы дамылсыз еңбек ететін әрбір маман газдың қысымын бақылап, апаттық жағдайдың орын алмауын назардан тыс шығармайды. Жүктелген жұмысты мүлтіксіз орындауға тырысатын&nbsp;Нұржан Сұлтанов, Әділет Есназаров, Серікбол Биболатұлы, Медет Шитманов, Фархад Қиықбаев, Ерәділ Тілеуов барынша ыждағаттылық танытады. Аңғарусыз қалған іс-әрекеттің арты – шығыны зор апатқа ұшыратуы мүмкін. Сондықтан тиянақтыпен жасалған жұмысқа&nbsp; мүдделі іргелі ұжым тұр. – Ең алғаш Тереңөзек кенті табиғи газға қосылғанда жергілікті жұртшылықтың қуанышында шек болмады. 2020 жылы АГРС «Тереңөзек» стансасы ретінде ашылған мекеменің негізгі қызметін көпшілік біле бермейді. Аудан орталығынан шеткері, яғни тоғайда орналасқан газ құбырлары біздің ұдайы бақылауымызда болады. Жаңабыр және қарлы, боран күндерде де, тұтынушы үшін қызметіміз тоқтамайды. Айта кетейік, АГРС «Тереңөзек» стансасына желілік құбыр арқылы 100 келі қысыммен газ келеді. Осы орайда, мамандар жоғары қысыммен келген газды Жалағаш және Сырдария ауданына белгіленген мөлшерде түсіріп, орталық жіберуді ұйымдастырамыз. Бір жағынан денсаулыққа кері әсерін тигізетін көгілдір отынның қақ ортасында жүреміз. Сонымен қатар тұтынушылар&nbsp; тұрғын үйлерінен газ&nbsp; иісі шығып, ақау барын білуі мақсатында одарантты табиғи газға қосамыз. Дер кезінде орын алған апатты жойып, газдың берілуін тоқтпатпаймыз. Жауапкершілікті сезіну арқылы ел алғысына бөлене бермекпіз, – дейді АГРС «Тереңөзек» стансасының опереторы Алмат Нұрұшев. Арнаулы мекеменің мамандары көзбен көретін қиындық атаулысы жеткілікті. Ең тоғайда құбыр жағалап, дамыл таппайтын олардың еңбегі ерен. Анығын айтқанда, сықырлаған аязды күні жылы үйде қаннен-қаперсіз жүру – сала мамандарының&nbsp; арқасы екенін білген жөн.&nbsp;&nbsp;

Сырдария ауданының аумағында газ тарату жүйесімен қос мекеме айналысады

<a href="https://kyzylorda-news.kz/">Kyzylorda-news.kz</a>&nbsp; Оралда су тасқынына байланысты төтенше жағдай жарияланды, деп хабарлайды <a href="https://sn.kz/sn-akparat-agyny/111211-oralda-totenshe-zhagdai-zhariialandy">Skifnews.kz </a>ақпарат порталы.Орал қаласы әкімдігінің мәліметінше, қала басшысы Миржан Сатқановтың жергілікті ауқымдағы табиғи сипаттағы төтенше жағдай жариялау туралы шешімі шықты.Шешімге сәйкес, Орал қаласы тұрғын үй-коммуналдық шаруашылығы, жолаушы көлігі және автомобиль жолдары бөлімі басшысына зардап шеккен нысандарды тексеру жүктелді.Фото: ҚР Ұлттық ұланы «Батыс» өңірлік қолбасшылығынан

Оралда төтенше жағдай жарияланды

Жаңақорғанда халыққа қажеттінің бәрі бар

<a href="https://kyzylorda-news.kz/">Kyzylorda-news.kz</a> Ауыл шаруашылығы – мемлекет үшін маңызды сала. Аудан еңбеккерлері бұл саланың көкжиегін кеңейтуде кенде қалмақ емес. Осыбір мезгілде диқаншылар жер жыртып, егін салуға асығады. Бүгінде олар алғашқы дәнін жерге тастап та үлгерді.Қармақшы аудан былтыр жалпы көлемі 26288 гектар жерге егін егіп, оның ішінде күріш көлемі &nbsp;13770 гектар, майлы дақылдар (мақсары) 1028 гектар, жаздық бидай 1050 гектар, арпа 150 гектар, сүрлем жүгері 39 гектар, күнбағыс 3 гектар, құмай 50 гектар, мал азықтық дақылдар 8728 &nbsp;гектар, картоп, көкөніс, бақша дақылдары 1470 гектарға орналастырылды.&nbsp;Көктемгі дала жұмыстарының барысымен 13 770 гектар күріш орналастырылып күтімге алынды. Қазіргі таңда арамшөптерге қарсы 9,0 мың га алқап химиялық өңделіп және 11,0 мың га алқап үстеп қоректендірілді. Күтімге алынған ақ егістің 1050 гектарынан жаздық бидай, 1050 гектарынан мақсары, 4140 гектарынан жаңа жоңышқа, 150 гектарынан арпа, 3 гектарынан күнбағыс, 50 гектарынан құмай дақылдарын жинау жұмыстары жүргізілді. Атап айтқанда, 1050 гектар жаздық бидай мен 150 гектар арпа дақылдары толықтай жиналып, 374,5 тонна бидай, 75 тонна арпа қамбаға құйылды. Ал, мал азығын дайындау бойынша 5193 гектар ескі жоңышқа 2 рет орылып, 25,5 мың тонна өнім жиналды, орта өнім 49,1 ц/га айналды.<blockquote>– Жанар-жағар май отынымен қамтамасыз ету бойынша көктемгі дала жұмыстарына ауыл шаруашылығы құрылымдары 1900 тонна арзандатылған дизель отынын алуға (230 тг/л) өтінім беріп, 1503 тонна жанар-жағар май отыны жеткізілді. &nbsp;Ал, күзгі егін жинау жұмыстарына 1830 тонна арзандатылған дизель отынына (245 тг/л) өтінім беріліп, жеткізуші оператор («Жібек жолы ЛТД» ЖШС және «РК Мұнай» ЖШС) белгіленді, науқан барысында 1483 тонна дизель отыны жеткізілді. Өткен жылдың қазан айында күзгі егін жинау жұмыстары қорытындыланып, 13770 гектар күріш орылып, 13770 гектар күріш бастырылды. Орта өнім 60 ц/га айналды, – дейді Қармақшы аудандық ауыл шаруашылығы және жер қатынастар бөлімінің басшысы Әсет Омаров. &nbsp;</blockquote>Егіске су жеткізу жұмыстары бойынша қазіргі таңда 520,0 млн м3 &nbsp;су алынды. &nbsp;Ал, су бөлу нүктесінен қашық орналасқан және биік танаптардағы егістіктерге су жеткізу үшін ауданға қарасты ауыл шаруашылығы құрылымдарымен 24 дана &nbsp;насос қондырғылары пайдаланылды. Жекелей тоқталар болсақ, «Тұрмағамбет» ЖШС – 4 дана, «Әділет Жер» ЖШС – 1 дана, «Ораз ахун ЛТД» ЖШС – 1 дана, «Шакизада» ШҚ – 1 дана, «Ақтөбе и К» ЖШС – 8 дана, «Достық Жер МК» ЖШС – 2 дана, «Жаңажол» ЖШС – 3 дана, «Әлиасқар Ата» ШҚ – 2 дана, «Дәуіт» ШҚ – 2 дана.Облыс әкімі Н. Нәлібаевтың әлеуметтік маңызы бар бақша өнімдерімен жергілікті тұрғындарды қамтамасыз ету үшін қосымша бақшалық жерлер дайындау туралы тапсырмасына сәйкес, бақшалық жер дайындау жұмыстары (жер белгілеу, айдау, қарықтау, қоршау, су жүйелерін дайындау) сәуір айының екінші он күндігінен басталып, егіс орналастыру жұмыстары мамыр айының 1-онкүндігінде жаппай жүргізіліп, қазіргі таңда барлығы 392 гектар (100%), оның ішінде 104 гектар картоп, 60 гектар көкөніс, 228 гектар бақша дақылдары егілді. Қосымша дайындалған бақшалық жерлер 881 отбасына бөлініп берілді.Иә, ауыл шаруашылығы – еліміздің азық-түлік қауіпсіздігінің кепілі, ауыл тұрғындарын еңбекпен қамту саласы ғана емес, бұл – ұлттық дәстүрімізді, өмір сүру салтымыз бен мәдениетімізді сақтап қалудың бірден-бір көзі.Жақында облыс әкімі Нұрлыбек Нәлібаевтың төрағалығымен ауыл шаруашылығы құрылымдары өкілдерімен вегетация кезеңіндегі болжамды су көлеміне сәйкес егін егу мәселесі талқыланған еді. Жиынға Қазақстан Республикасы Су ресурстары және ирригация министрі Нұржан Нұржігітов қатысты. Былтыр Сыр өңірі бойынша егіс көлемі 4800 гектарға ұлғайтылып, 193400 гектар жерге егін егілген. Оның 80 мың гектар күріш егістігінің әр гектарынан 56,5 центнерден өнім алынды. Саланы субсидиялауға 14 млрд теңге қаржы бөлініп, 224 млрд теңгенің өнімі өндіріліп, 3,7 пайызға артқан. Ал биылғы жылғы егіс көлемінің жоспары нақты шешілген жоқ.<blockquote>– Күріш – аймақтың табиғи ерекшелігіне, ауа райы мен топырақ құрамына бейімделген негізгі дақылымыз. Соңғы жылдары Сыр диқандары су тапшылығының кері әсерін сезініп келеді. Былтыр вегетация кезінде егісті сумен қамтамыз ету күрделі жағдайда өтті. Мемлекет басшысы Қасым-Жомарт Кемелұлы мен Үкіметтің қолдауының арқасында аймақта су тапшылығының алдын алу шаралары қабылданды. Биыл да Сырдария өзеніндегі судың жағдайына қарап, алдағы вегетация кезеңіндегі тапшылық болатыны болжануда, – деді облыс әкімі Нұрлыбек Машбекұлы. Сондай-ақ аймаққа іссапармен келген ҚР Су ресурстары және ирригация министрі Нұржан Нұржігітов те саладағы негізгі мәселелерді атап өтіп, шешу жолдарын ұсынды.</blockquote><blockquote>– Былтыр Мемлекет басшысының тапсырмасымен құрылған Су ресурстары және ирригация министрлігі 6 ай ішінде жаңа «Су кодексінің» жобасын жасап, Парламентке қарауға ұсынды. Бұл құжат үш мақсатты көздейді. Олар – су тапшылығына қарамастан, ел экономикасына пайда әкелу, тұрғындардың күнделікті жағдайын жасау және экологиялық мәселелерді шешу. Министрлік бірнеше бағыт бойынша жұмыс істеуде, ең маңыздысы – суды үнемдеу жолдарын қарастыру. Үкімет су үнемдеу технологияларын енгізетін шаруа қожалықтарын қолдауды ұсынуда. Атап айтқанда, тамшылатып және жаңбырлатып суаруды енгізсе, субсидия 50 пайызға дейін, ұңғыма қазса 80 пайызға дейін ұлғайтылды. Қазір су үнемдеу – аса маңызды мәселе, – деді ол.</blockquote>Судың ысырабын азайтудың және өнім көлемін арттырудың бірден-бір жолы – тамшылатып суару әдісі. Бүгінде бұл әдістің тиімділігін түсінген шаруагерлер баршылық. Осыған сәйкес, осы жүйеге өтіп жатқандардың да саны көбейіп келеді. Мәселен, былтыр Дүр Оңғар ауылындағы «Жаңажол» шаруашылығы 5 гектар жерге алма көшетін отырғызып, оны суаруды тамшылату әдісі арқылы жүзеге асырған-ды.Биыл да осы әдіспен 10 гектар жерге бақша егуді қолға алуда. Сондай-ақ Тұрмағамбет ауылы да 25 гектарға жоңышқа сеуіп, оны жаңбырлатып суару арқылы өсіруді көздесе, 3 гектар жерге бақша өнімдерін егіп, тамшылату әдісімен суаруды мақсат етіп отыр. Төребай би ауылындағы «Шабан ата» шаруа қожалығы да осы су үнемдеу әдісі арқылы 20 гектар жерге жоңышқа өсіруді жоспарлап отыр.&nbsp;<blockquote>– Биыл ауылшаруашылық саласындағы қуантарлық жаңалығымыз – суды үнемдеу технологиясын қолға алуымыз. Бұл аудан үшін үлкен серпіліс. Себебі су тапшылығы жылданжылға сезілген сайын шаруашылықтарымызға егін егу қиындап барады. Осыған орай суды аз қажет ететін дақылдардың көлемін көбейту жоспарымызда бар. Мемлекет басшысы Қасым-Жомарт Тоқаев жалпы су үнемдеу технологияларын кеңінен енгізуді тапсырып отыр. Осы әдіске шаруаларымыз ақырындап көшсе, еліміздің агросаласының жаңа белесіне шығарымыз сөзсіз, – дейді аудандық ауыл шаруашылығы және жер қатынастар бөлімінің басшысы Әсет Омаров.</blockquote>Қармақшы ауданы бойынша 2023 жылдың қаңтар-қараша айларында &nbsp;31239 бас мүйізді ірі қара, 58456 бас қой мен ешкі, 15410 бас жылқы, 4298 бас түйе, 21160 бас құс тіркеліп, өткен жылдың осы кезеңімен салыстырғанда мал басы бойынша айтарлықтай өсім байқалады. Өткен жылы аудан бойынша барлығы 3841,1 тонна ет (тірі салмақта), 6095,3 тонна сүт және 847,7 мың дана жұмыртқа өндірілген. Өндірілген ауыл шаруашылығы өнімдерінің жалпы көлемі 22 752,7 млн. теңгені құрап, өткен жылдың тиісті кезеңімен салыстырғанда 103,5%-ға орындалды.Асыл тұқымды мүйізді ірі қара мал басын көбейту мақсатында «Рахман», «Әбілда Ата» және «Олжа» шаруа қожалықтары 8 бас «Ақбас» асыл тұқымды бұқа сатып алды.«Дипломмен ауылға» бағдарламасы бойынша былтыр 62 жас маманға тұрғын үй сатып алу үшін 320 850,0 мың теңге несие берілді. Сонымен қатар, 55 жас маманға 18 975,0 мың теңге көтерме жәрдемақы берілді.Ауданда баға тұрақтылығы үнемі қадағалануда. Әлеуметтік маңызы бар азық-түлік бағасын тұрақтандыру бойынша аудан әкімдігі жанынан кұрылған 4 мобильді жұмысшы тобы аудан орталығында орналасқан шағын азық-түлік өнімдерін сататын дүкендердегі 19 түрлі әлеуметтік маңызы бар азық-түлік бағасын тұрақтандыру мақсатында мониторинг жұмыстарын жүргізіп келеді. Аудан бойынша әлеуметтік маңызы бар азық-түлік тауарларының 4 өнімге баға жоғарылады. Атап айтыр болсақ, нан өнімдері –1,1 %, қырыққабат – 0,3%, пияз – 0,6%, тұз – 1,3%, 1 өнімге баға – жұмыртқа – 4,9 % төмендеді.Әлеуметтік маңызы бар азық-түлікті сату баға тұрақтылығын қамтамасыз ету мақсатында әлеуметтік маңызы бар азық-түлік тауарларына баға белгілеудің бүкіл тізбегі бойынша делдалдық схемаларды тексеру жөнінде комиссия отырысының тапсырмасына сәйкес құрылған жұмысшы топпен шағын маркеттер мен үй жанындағы дүкендерді аралап негізсіз баға көтермеу жөнінде түсіндірме жұмыстарын жүргізіп келеді.Қазақстан Республикасы заңдарына сәйкес, 9-баптың 2-тармағының бірінші бөлігіне сәйкес белгіленетін әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшері асып кеткен кезде және &nbsp;«Әкімшілік құқық бұзушылық туралы» кодекстің 204-4 бабы ішкі сауда субъектісінің сауда қызметін реттеу туралы Қазақстан Республикасының заңнамасында белгілінген Әлеуметтік маңызы бар азық-түліктер сауда үстемесінің мөлшерінің асыруы – ескерту жасауға және бір жыл ішінде қайталанатындай жағдай болса – айыппұл салуға әкеп соғатындығы ескертілді.Сонымен қатар, «Байқоңыр» әлеуметтік кәсіпкерлік коорпорациясы» АҚ-мен бірлесіп нан бағасын тұрақтандыру бойынша арзандатылған ұн тасымалдаумен оператор ретінде белгіленіп ЖК «Ж.Жаппасбаев» 90 тонна (қоймада 20 тонна ұн бар) бірінші сұрыпты бидай ұны бағасы 262 &nbsp;теңге/кг сатылды және ЖК «Өмірзақов Бауыржан» 166 тонна, бірінші сұрыпты «Нури-Нан» маркалы ұнын 7300 теңгеден наубайханаларға сатылуда.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Аудан бойынша бағаның өсуін тежеу, әлеуметтік маңызы бар азық-түлік бағаларын қалыпты ұстап тұру мақсатында 10%-дан (жеткізушілерден алынған көтерме бағадан) аспайтын ең төменгі сауда үстемесі туралы екі жақты 10 кәсіпкерлік субьектімен 1 жылға меморандум жасалды.Азық-түлік тауарлары бағасының негізсіз өсуіне жол бермеу және олардың тиісті қорын жасақтау, сұранысқа сәйкес тауарлар бағасының қол жетімді болуына жағдай жасау шаралары, бағаның тұрақтылығы мен оны тежеу жұмыстары тұрақты бақылауда.

Қармақшы ауданы егін алқабында суды үнемдеу технологиясын қолға алды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен мәжілісте салық базасын ұлғайту мәселелері қаралды.<blockquote>«Өңірде тиімді салық саясатын жүргізу, облыстың қаржы қазанына түсімдердің толыққанды түсуін, тиімді жоспарлануын әрі игерілуін сапалы және нәтижелі ұйымдастыру – басты міндетіміз. Аудандар мен Қызылорда қаласы бюджеттерінің кіріс көзінің тиімді жоспарлануына, орындалуына жауапкершілікпен қарап, тұрақты бақылау жүргізілуі тиіс», – деді аймақ басшысы.</blockquote>Мәжілістен соң Қармақшы ауданының әкімі Жандос Еркінбек бірқатар сала басшыларымен бірлескен жиын өткізді. Онда күн тәртібінде көтерілген мәселелер талқыланды.Жиында кәсіпкерлік нысандарынан түсетін салық көлемі, әкімшілік айыппұлдарды толығымен және уақытылы өндіру, жылжымайтын және жылжымалы мүлікті салық салу объектісі ретінде базаға тіркеу, инвестиция көлемін ұлғайту жолдары секілді мәселелер қозғалды. Сонымен қатар, аудан бойынша салық базасын кеңейту үшін нақты жұмыстар атқарылып, ұсыныстар әзірленетін болады.Аудан басшысы мәжілісте көтерілген мәселелер бойынша сала басшыларына тапсырмалар жүктеп, жиынды қорытындылады.

Қармақшыда салық базасын кеңейту мәселелері қаралды

&nbsp;<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте құрылысы салынатын нысандардағы дайындық мәселесі талқыланды. Бұл туралы Қызылорда облысы әкімінің баспасөз қызметі хабарлады.&nbsp; Аймақ басшысы әлеуметтік нысандардың құрылысын сапалы жүргізіп, мерзімінде аяқтау өте маңызды екенін ескертті.&nbsp; «Соңғы жылдары аймағымыз қарқынды құрылыс алаңына айналып, республика бойынша алдыңғы қатарға тұрақтадық. Биыл 139 нысан салуға 100,1 млрд. теңге бөлінді. Қаражат жыл аяғына дейін едәуір көбейетін болады. Құрылысшылар кемшіліктерге жол бермей, асқан жауапкершілік танытуларыңыз қажет деп есептеймін. Қызылорда қаласы және аудан әкімдері, тиісті басқарма басшылары облыс аумағындағы барлық құрылыс нысандарын тұрақты бақылауға алыңыздар», - деді Нұрлыбек Машбекұлы. Жиында жоспарланған және құрылысы басталған нысандар бойынша атқарылған жұмыстар қаралып, тиісті тапсырмалар берілді. Қала, аудан әкімдері мен жауапты басқарма басшылары баяндама жасады. Талқылаудан соң облыстық құрылыс, сәулет және қала құрылысы басқармасына Арал және Қазалы аудандарындағы «Руханият орталықтарының» құрылысын 1 сәуірге дейін, «Ауылдық денсаулық сақтауды жаңғырту» ұлттық жобасы аясында салынатын 11 дәрігерлік нысанның құрылысын 15 мамырға дейін бастау тапсырылды. Қармақшы, Жалағаш, Сырдария аудандары әкімдері спорт кешендері құрылысын 30 сәуірге дейін толық аяқтауды ұйымдастыруы керек. Облыстық бақылау жөніндегі басқармасы құрылыс сапасына қатаң бақылау орнатып, кемшіліктердің алдын алуға жауапты болмақ. Мәжіліс соңында облыс әкімі барлық жауапты сала басшыларына нысандардың құжатын әзірлеуден бастап, салалық нормативтерге сәйкестігін алдын-ала бақылау қажеттігін қатаң ескертті.<img src="https://knadmin.beoblood.kz/uploads/433008628_716600730661174_869108495147399083_n_d7f4650b92.jpg" alt="433008628_716600730661174_869108495147399083_n.jpg"><img src="https://knadmin.beoblood.kz/uploads/433019715_716600893994491_7065508732162888761_n_d93e80a563.jpg" alt="433019715_716600893994491_7065508732162888761_n.jpg"><img src="https://knadmin.beoblood.kz/uploads/434643226_716600963994484_7334717129288131096_n_f5d89b89b2.jpg" alt="434643226_716600963994484_7334717129288131096_n.jpg">

Нұрлыбек Машбекұлы: Құрылысқа қатаң бақылау қажет

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қазақстанда ірі автожолдар жобасын қаржыландыруға және жүзеге асыруға мүдделі Біріккен Араб Әмірліктерінен келген «Al Badie Group for Trading &amp; Investment LLC» компаниясының өкілдерімен кездесті. Басқосуға аталған компанияның бас директорының орынбасары Алькамас Ясин Таха Мохамед Шитпен, Қазақстан Республика бойынша бас директордың орынбасары Наркес Бегалиева, өңірлік директор Арман Абдымананов, даму жөніндегі директор Алексей Новиков пен жауапты сала басшылары қатысты. Кездесуде Қызылорда облысы аумағындағы республикалық маңызы бар «Самара-Шымкент» автомобиль жолын жөндеу мәселесі талқыланды.Аймақ басшысы атқарылған жұмыстарды атап өтіп, алдағы жоспарларға тоқталды.<blockquote>«Қазақстан мен Біріккен Араб Әмірліктері - ұзақ жылдар бойы ашық және сенімді қарым-қатынас орнатқан стратегиялық серіктестер. Мемлекет басшысы Қасым-Жомарт Кемелұлы 2023 жылғы 10 қазандағы облысымызға сапары кезінде «Батыс Еуропа – Батыс Қытай» халықаралық дәлізінің Ақтөбе қаласына дейінгі аумағын 1-ші санатқа ауыстыру жөнінде тапсырма берді. Республикалық маңызы бар «Самара-Шымкент» автомобиль жолының 810 шақырымы Сыр өңірінен өтеді, Қызылорда қаласынан Ақтөбе облысының шекарасына дейін 566 шақырым. Бұл бағытта 5 аудан мен Байқоңыр қаласы, 320 мың халқы бар 119 елді мекен орналасқан. Аталған жоба осы жылдың соңында басталады деп күтілуде. Өңір халқы үшін бұл жобалардың маңызы зор, іске асқанда әлеуметтік-экономикалық дамуға оң септігін тигізеді. Сіздерге перспективалық жобаларды іске асыруда мүмкіндігінше жан-жақты қолдау көрсетеміз. Біздің өңірге жасаған сапарыңыз Қызылорда облысы мен Біріккен Араб Әмірліктері арасындағы достық байланысты одан әрі нығайтатынына сенімдімін», - деді Нұрлыбек Нәлібаев.</blockquote>Басқосуда Алькамас Ясин Таха Мохамед Шитпен бірлесіп жұмыс жасауға мүдделі екенін айтып, жобаның сәтті жүзеге асырылуына тілектестігін білдірді.Қызылорда облысы аумағында жергілікті маңызы бар автомобиль жолдарының ұзындығы – 3580,5 шақырым. Оның 1014 шақырымы - республикалық, 555 шақырымы - облыстық, 2011 шақырымы - аудандық маңызы бар автомобиль жолдары. Өткен жылы жол инфрақұрылымын дамытуға бюджеттен 38,5 млрд. теңге бөлініп, 671 шақырым жолдар, көшелер және көпір өткелдері жөндеуден өтті. Осылайша облыстағы жақсы жағдайдағы жолдың үлесі 87,5 пайызға жетті. Қазір республикалық және облыстық бюджеттен бөлінген қаржыға 247 шақырым жолдар жөндеуден өтеді деп жоспарлануда.2022 жылдан бері «Қызылорда-Жезқазған» республикалық маңызы бар автомобиль жолы қайта жаңғыртудан өтуде (424 шақырым). Оның Қызылорда облысына тиесілі аумағы - 216 шақырым. Құрылыс-монтаждау жұмыстары 6 лотқа бөлінген. Жобаның құны - 108,5 млрд. теңге. Бүгінде жолдың 104 шақырымы асфальтталды.<img src="https://knadmin.beoblood.kz/uploads/433902688_716224134032167_2301215527886476954_n_e288c0b2f7.jpg" alt="433902688_716224134032167_2301215527886476954_n.jpg">Фото: Қызылорда облысы әкімінің баспасөз қызметі &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Қызылорда аумағындағы «Самара-Шымкент» автомобиль жолы жөндеуден өтеді

<a href="https://kyzylorda-news.kz/">Kyzylorda-news.kz</a> &nbsp;Ауыл шаруашылығы – ел экономикасын дамытушы маңызды салалардың бірі. Соның ішінде Қызылорда облысының ауыл&nbsp;шаруашылығы саласына мемлекет тарапынан үлкен қолдаулар көрсетіліп келеді.Сыр өңірінің негізгі экономикалық тіреуші саласы – ауыл шаруашылығында жыл басынан бері айтарлықтай өсім қалыптасып келеді. Мәселен, қаңтар-ақпан айында аталған салада 12 379,8 млн теңгенің өнімі өндірілген. Тиісінше, бұл өткен жылмен салыстырғанда 102,2 пайызға артқан. Ал, тамақ өнімдерін өңдеу көлемі 2023 жылдың осы кезеңімен салыстырғанда 110 пайызды құрады.Бейнеттен бел жазбай ала жаздай еңбек ететін диқаншы қауым биыл 187 мың гектарға егін егіп, ауыл шаруашылығы дақылдарын орналастырады деп болжануда. Оның ішінде Сыр саласының көлемі – 83,9 мың гектарды құрап отыр. Ал, дәнді дақылдар – 93,7 мың га, майлы дақылдар – 5,0 мың га, мал азықтық дақылдар – 71 мың га, картоп, көкөніс, бақша – 17,3 мың гектарға егіледі. Сондай-ақ, биыл негізгі дақыл күріштің көлемін азайтып, орнына суды аз қажет ететін әртараптандыру бағытындағы дақылдардың көлемін 2,3 мың гектарға дейін ұлғайту межеленуде.Бүгінде көктемгі егін егу жұмыстарының дайындық барысы да жоспарға сәйкес жүргізілуде. Соның ішінде, тұқым дайындау және оны орналастыру жұмыстары басталып кетті. Атап айтқанда, көктемгі егіске облыс бойынша 21 304 тонна күріш тұқымы құйылды. Бұдан бөлек, 992 тонна жаздық бидай, 736 тонна күздік бидай, 58,4 тонна арпа, 10,8 тонна тары, 67,6 тонна дәндік жүгері, 5,0 тонна күнбағыс, 107 тонна мақсары, 13,5 тонна соя, 21,8 тонна сүрлемдік жүгері және 298 тонна жоңышқа тұқымы құйылды. Қазіргі таңда ауыл шаруашылығы құрылымдары бойынша қажетті тұқымдар 100 пайызға қамтылған.Шаруалардың татымды тірлігі техникалар арқылы түлейді. Осы жылғы есеп бойынша шаруашылық құрылымдарының есебіндегі 3 799 бірлік ауыл шаруашылығы техникалары көктемгі дала жұмыстарына қатысатын болады. Осы техникалардың 3 495 бірлігі жөндеуден өткізілді, қалғаны 1 сәуірге дейін толық дайын болады деп күтілуде.Фото:&nbsp;Қызылорда облысының Өңірлік коммуникациялар қызметі

Биыл Қызылорда облысында 187 мың гектарға егін егіледі

Бүгінгі Үкімет отырысының күн тәртібінде көктемгі дала жұмыстарына дайындық барысы қаралды.&nbsp;Үкімет отырысынан кейінгі арнайы мәжілісте облыс әкімі Нұрлыбек Нәлібаев аталған мәселеге орай жауапты тұлғаларға бірқатар тапсырма берді. Бұл туралы Қызылорда облысы әкімінің баспасөз қызметі хабарлады.&nbsp;<blockquote>«Мемлекет басшысының ауыл шаруашылығы жалпы өнім көлемін алдағы 5 жылда 2 есеге арттыру жөніндегі тапсырмасын орындауды биылдан бастауымыз керек. Ол үшін Үкімет мақұлдаған егін шаруашылығы индикаторлары бойынша биылға болжанған көлемді агротехникалық талаптарды сақтап, мерзімінде егу қажет. Жанар-жағармай, тыңайтқыш, тұқым, қаржы және су ресурстарымен қамтамасыз ету басты назарға алынады. Бүгінгі күнгі мәлімет бойынша "Шардарадан" жоғары орналасқан "Тоқтағұл", "Әндіжан", "Қайраққұм", "Шарбақ" су қоймаларындағы су көлемі 12,1 млрд. текше метр, бұл өткен жылдағыдан 700 млн. текше метрге кем. "Шардара" мен "Көксарайға" жиналған су көлемі 1 млрд. текше метрге аз. Вегетациялық кезеңде "Шардара" су қоймасына жоғарыдан қосымша 3 млрд. текше метр су берілмесе, қиындықтар туындайды. Сондықтан жоғарыдан келетін су көлемі тұрақты, күнделікті бақылауда болуы керек», - деді аймақ басшысы.</blockquote>Жиында шаруашылықтардың «Аграрлық несие корпорациясы» арқылы «Кең дала» бағдарламасымен 2,5 млрд. теңге несие алуы, ауыспалы егіс тәртібін қатаң сақтау, су үнемдеу технологиясы қолданылатын егіс көлемін ұлғайту мәселелері талқыланды.Мәжіліс қорытындысымен облыстық ауыл шаруашылығы және жер қатынастары басқармасына жанар-жағармайдың бекітілген кесте бойынша жеткізілуін қадағалау, қаржыландыруды ұйымдастыру, Қызылорда қаласы және аудан әкімдерімен бірлесіп, бақшалыққа қажетті судың берілуін үйлестіріп, көлемін арттыру тапсырылды. "Арал-Сырдария" бассейндік инспекциясы егіске қажетті суармалы судың лимитін сәуір айының 5-не дейін нақтылауы тиіс. Ал, «Қазсушар» мекемесінің облыстық филиалы көктемгі су алу науқаны басталғанға дейін су шаруашылығы нысандарын (каналдарды тазалау, гидротехникалық құрылыстарды, гидропостарды) жөндеуді толық аяқтауға жауапты. Мұнан бөлек, Қызылорда қаласы мен аудан әкімдеріне қажетті тыңайтқышпен, тұқыммен, жанар-жағармаймен қамтамасыз ету, жергілікті тұрғындардың картоп, көкөніс, бақша дақылдарын егетін қосымша жерін дайындауды 1 мамырға дейін аяқтау жөнінде тапсырма берілді.<img src="https://knadmin.beoblood.kz/uploads/420482286_716134907374423_4636244248907223176_n_5bc69b4db1.jpg" alt="420482286_716134907374423_4636244248907223176_n.jpg"><img src="https://knadmin.beoblood.kz/uploads/418150974_716134987374415_7471577555528546547_n_1e176c82a2.jpg" alt="418150974_716134987374415_7471577555528546547_n.jpg"><img src="https://knadmin.beoblood.kz/uploads/418858268_716134940707753_8949671572088433209_n_07d4456f27.jpg" alt="418858268_716134940707753_8949671572088433209_n.jpg"><img src="https://knadmin.beoblood.kz/uploads/419512175_716135040707743_7593108281774353740_n_9f260c328c.jpg" alt="419512175_716135040707743_7593108281774353740_n.jpg">

Қазақстан және Қызылорда облысының жаңалықтары: Экономика