&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін Сырдария ауданының әкімі Берік Сәрменбаев Сәкен Сейфуллин ауылындағы кварталішілік газ тарату желілері құрылысының жұмыстарымен танысты.Аудан орталығына жақын орналасқан Сәкен Сейфуллин елді мекенін газдандыруға өткен жылдың аяғында облыстық бюджеттен 20 млн. теңге бөлініп, жұмыстар бастау алған болатын. Осы орайда биыл облыстық және республикалық бюджеттен тиісті қаржы қаралып, газ құбырларын тарту жұмыстары қарқынды жүргізілуде.Аудан басшысына мердігер мекеме – «АЭS and Limited» ЖШС-нің өкілі атқарылып жатқан жұмыстарды айтты. Бүгінде жобада қаралған жұмыстардың 65 пайызы орындалған.&nbsp;Айта кетейік, ауданған қарасты Асқар Тоқмағамбетов елді мекенінде де газдандыру жұмыстары жүргізілуде. Бұл ауылда да «АЭS and Limited» ЖШС 70 пайыз жұмысты аяқтаған.Сонымен қатар, Берік Әбдіғаппарұлы елді мекендерді газдандыру маңызды екенін, тұрғындар асыға күтіп отырғанын атап, құрылыс жұмыстарының сапалы жүргізілуін ескертті. Тиісті сала басшыларына күнделікті бақылауда ұстап, құрылыс қарқынын бәсеңдетпей, мерзімінде аяқтау жұмыстарын қамтамасыз етуді тапсырды.&nbsp;

Сырдарияда екі елді мекенде газдандыру жұмыстары қарқынды жүргізілуде

&nbsp;<a href="https://kyzylorda-news.kz/">Kyzylorda-news.kz</a>&nbsp; Еліміз бойынша соңғы жылдары құжаттарды "Электрондық үкімет" порталы арқылы тапсыру бір жүйеге түскен. Қай саланы алып қарасаңызда кез келген ақпаратты алу цифрландырылған. Бұл халық үшін тиімді, әрі сыбайлас жемқорлықтың жолын кесудің бірден бір жолы болып табылады.Сырдария ауданында жер саласы аясындағы мемлекеттік қызмет көрсетудің бизнес-процестері оңтайландырылған. Қызмет көрсету белгілі бір автоматтандыру бағытына көшіп, «Е-License» ақпараттық жүйесі арқылы электронды түрде қабылдануы басты назарға алынған. Яғни мемлекеттік қызмет бұл салада толыққанды электронды түрде көрсетілуде.&nbsp;Осы ретте Сырдария аудандық ауыл шаруашылығы және жер қатынастары бөлімінің басшысы Қ.Нұрсейіт:– Қазақстан Республикасы Ауыл шаруашылығы министрінің 2020 жылғы 1 қазандағы № 301 бұйрығына сәйкес, жер қатынастары саласы бойынша көрсетілетін 11 мемлекеттік қызметтің 8-і электрондық форматқа көшті. ҚР «Мемлекеттік қызмет көрсету» Заңына сәйкес 2024 жылдың 3 айында 292 мемлекеттік қызмет стандарттары бойынша қызмет түрі көрсетілді, – деді.Атап айтқанда: жерге орналастыру жобаларын бекіту – 81, іздестіру жұмыстарына рұқсат беру – 2,&nbsp; жер учаскесінің нысаналы мақсатын өзгерту – 3, ауыл шаруашылығы алқаптарын бір түрден екінші түрге ауыстыру – 3, сауда-саттықты талап етпейтін жер учаскелеріне құқықтар беру – 77, елді-мекен шегінде объект салу үшін жер учаскесін беру – 62, жер учаскелерінің бөлінетіндігі мен бөлінбейтіндігін айқындау мен бүлінген жерлерді қалпына келтіру (рекультивация) бойынша өтініш түспеген, жер учаскесін жеке меншікке ақысын бірден төлеп не бөліп төлеуге сату&nbsp;&nbsp;&nbsp;&nbsp;&nbsp;&nbsp; – 10, жер учаскесінің жалдау мерзімін ұзарту&nbsp; – 1, жер учаскесін алу үшін кезекке қою Тереңөзек кенті бойынша 3 айда 53 өтініш&nbsp;&nbsp; &nbsp;түскен. Барлығы – 292 мемлекеттік қызмет түрі көрсетілген.&nbsp;Сонымен қатар бөлімде «Өзіне-өзі қызмет ету бұрышы»&nbsp; орнатылған.Жер қатынастары саласындағы мемлекеттік қызметтерді көрсету жөніндегі қағида талаптары бөлімнің арнайы стендте және фейзбук парақшасында ай сайын қызмет алушылар назарына жариялануда.Дегенмен, ақпараттық-түсіндірме жұмыстарының жүргізілуіне, нормативтік құқықтық актілердің қол жетімділігіне қарамастан, 2023 жылы Сырдария ауданы бойынша жер қатынастары және ауыл шаруашылығы саласы бойынша 16 мерзім бұзушылық фактісі орын алған. Ал 2022 жылы 30 бұзушылық анықталған. Мәселен, 4 мерзім бұзушылық Тереңөзек кенті (ақпан айы), 2 мерзім бұзушылық Ақжарма ауылдық округі (сәуір), 2 мерзім бұзушылық А.Тоқмағанбетов ауылдық округі (ақпан, қараша), 2 мерзім бұзушылық Қоғалыкөл ауылдық округі (наурыз, қазан), 2 мерзім бұзушылық Іңкәрдария ауылдық округі (ақпан, желтоқсан), 1 мерзім бұзушылық Аманкелді ауылдық округі (ақпан), 1 мерзім бұзушылық Жетікөл ауылдық округі (ақпан), 2 мерзім бұзушылық аудандық ауылшаруашылық және жер қатынастары (ақпан, тамыз).Айту керек, орын алған мерзім бұзушылық фактілері үшін жауапты орындаушылар әкімшілік айыппұл төлеп, тиісті тәртіптік жазалар қолданылған.Бұған қоса, «Қазақстан Республикасы Мемлекеттік қызмет істері агенттігінің Қызылорда облысы бойынша департаменті қызметкерлерімен 2023 жылдың қаңтар айынан 2024 жылдың қаңтар айына дейінгі аралықта ауыл шаруашылығы және жер қатынастары саласы бойынша Е-License» ақпараттық жүйесінде сырттай жүргізілген бақылау нәтижесінде жұмыс уақытынан тыс орындалған, яғни кешкі саған 19:00 мен 22:00 аралығында 112&nbsp;мемлекеттік қызмет көрсету тәртібі бұзылғандығы анықталған. Нәтижесінде, бөлім мамандарына «ескерту» түрінде тәртіптік жаза қолданылған.– Сонымен қатар, аталған кемшіліктерді жою және алдын алу мақсатында мемлекеттік қызмет көрсету сапасын арттыру бойынша 2023 жылы аудан әкімдігінде облыс әкімі аппаратының және ауылшаруашылығы және жер қатынастары басқармасының мамандарын арнайы шақырып, ауылдық округі әкімі аппараты мен дербес бөлімдердің жауапты мамандарымен бірге семинар өткізілген. Бұдан бөлек, өзімнің төрағалығымен мемлекеттік көрсетілетін қызметтердің тиісті деңгейде орындалуы және мерзімдерін бұзу фактілерін болдырмау жөнінде семинар-кеңес өткізілді, – дейді бөлім басшысы.Сырдария ауданының әкімдігі тарапынан ауыл шаруашылығы және жер қатынастары саласындағы мемлекеттік қызмет көрсететін мамандарымен ауыл тұрғындарына Қазақстан Республикасының Мемлекеттік қызмет істері агенттігінің Қызылорда облысы бойынша департаменті бекіткен жоспарға сәйкес мемлекеттік қызмет жәрмеңкесін тұрақты өткізіп тұрады.Мемлекеттік қызметтер жәрмеңкесін өткізудің негізгі мақсаты – мемлекеттік қызметтерге кол жетімділікті арттыру, халықты ақпараттандыру, оны электрондық нұсқада алуды үйрету, мемлекеттік қызметтердің ашықтылығын көрсету және қызметтердің сапасын арттыру, аудан&nbsp; көлемінде көрсетілетін мемлекеттік қызметтер және электронды қызметтер туралы толық ақпаратты бере отырып, қызмет көрсету бағытында толғандырған ойлар мен проблемалық мәселелерге, сұрақтарға жауап беру.Бөлім басшысы жер қатынастары саласында көрсетілетін мемлекеттік қызметтерге талдау жүргізе отырып, тиісті көрсетілетін қызметтерді жетілдіру мақсатында ұсынысын атап өтті.– Жер қатынастары саласында мемлекеттік көрсетілетін қызметтердің басым көпшілігі электронды үкімет порталы арқылы жүзеге асырылады.&nbsp; Мемлекеттік көрсетілетін қызметтің барлығы ҚР Ауыл шаруашылығы министрлігің 2020 жылғы 1 қазандағы №301 бұйрығына сәйкес бекітілген Қағида талаптары бойынша жүргізілуде. &nbsp;&nbsp;&nbsp;&nbsp;&nbsp;&nbsp;&nbsp;&nbsp; Алайда,&nbsp;«Е-лицензиялау» ақпараттық жүйесінде түзетуді қажет ететінді атап өтсем.&nbsp;Бірінші, "Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу" мемлекеттік көрсетілетін қызметтің 1-кезеңі бойынша өтініш тиісті аудан немесе ауылдық округ әкіміне түседі.&nbsp;Табысталуға жататын кез келген нысаналы мақсаттағы жер учаскесіне құқық табыстау үшін аудандық жер комиссиясының оң немесе теріс қорытынды қабылданған хаттамалық шешімі толтырылады. Жүйеде тиісті хаттамалық шешім жер қатынастары жөніндегі уәкілетті органмен толтырып, тиісті ауылдық округ әкіміне жолданады. Электронды толтырылған хаттамалық шешімге комиссия төрағасының орнына ауыл әкімі қол қойып шығаруда.&nbsp;Осыған байланысты, толтырылған хаттамалық шешімнің аудандық жер комиссиясының төрағасының электронды сандық қолтаңбасына түсуін жүйеде қалпына келтіруін ұсынамын. Себебі, электронды шығарылған хаттамалық шешім жерге орналастыру жобасын дайындауға негіз болатын аса маңызды құжат болып есептеледі.&nbsp;Сонымен қатар, "Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу" мемлекеттік көрсетілетін қызметтің 1-кезеңі бойынша тиісті аудан немесе ауылдық округ әкіміне түскен өтінішті Қағидаға сәйкес жер қатынастары жөніндегі және сәулет және қала құрылысы саласындағы уәкілетті органға жолдайды деген. Алайда, жүйеде тек бір уәкілетті органға жолдаумен шектелген. Осыған байланысты, бір мезетте жүйеде екі органға жолдауды қарастыруды ұсынамын.&nbsp;Екінші, жоғарыда аталған қызметтің 2-кезеңі бойынша жерге орналастыру жобасы бекітілгеннен кейін бұйрық негізінде аудан, кент және ауылдық округі әкімдері үш жұмыс күні ішінде жер учаскесін табыстау туралы шешім қабылдайды.&nbsp;Шешімді жер қатынастары жөніндегі уәкілетті орган толтырады. Жүйеде ауыл әкімінің шешімі өкім ретінде басылып шығуда. Соған байланысты, тиісті қателікке түзету енгізуді ұсынамын.Үшінші,&nbsp;«Жер учаскесін алу үшін кезекке қою» мемлекеттік көрсетілетін қызмет бойынша қазіргі таңда егов үкімет порталы арқылы азаматтардан&nbsp; өтініш беру тоқтаусыз жүргізілуде. Қағида талаптарына сәйкес, өтінішті қарауға 12 жұмыс күні берілген. Алайда, электронды үкімет порталы арқылы жер учаскесін алуға кезекке тұру жүзеге асырылып жатыр. Яғни, өтінішті қарау мерзімін қысқартуды ұсынамын.Төртінші, құқық нормаларының коллизиясы бойынша "Жер учаскелерін қалыптастыру жөніндегі жерге орналастыру жобаларын бекіту" мемлекеттік қызметін көрсету қағидасындағы Мемлекеттік қызмет көрсету тәртібінде «Мемлекеттік көрсетілетін қызметті облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органдары көрсетеді» –&nbsp;делінген. Алайда, осы мемлекеттік көрсетілетін қызметті жер қатынастары саласындағы уәкілетті орган көрсетеді. Осыған байланысты, қағидаға өзгеріс енгізу ұсынылады, – деп қорытындылады өз сөзін бөлім басшысы Қанат Нұрсейіт.

Сырдарияда жер қатынасы саласы бойынша 292 мемлекеттік қызмет көрсетілді

Жаңақорғанда байыпты бастамалар басым

<a href="https://kyzylorda-news.kz/">Kyzylorda-news.kz</a> Қызылорда облысының макроэкономикалық көрсеткіштер бойынша аймақтар арасында республика көлемінде алдыңғы қатарда екенін жақсы білеміз. Үкімет отырысында айтылған жаңалық Сыр жұртшылығын бір қуантып тастады. Әйтсе де Алашқа ана атанған Сыр өңірі мұндай нәтижелі көрсеткішке қалай жетті? Бұл ретте атқарылған жұмыс, тартылған инвестиция, өндіріс, құрылыс, инфрақұрылым сынды тағысын тағыатап өтерлік тындырымды тірлік жетіп-артылады. Бұл қатарға аймақтың бюджеті де қосылатыны жасырын емес. Өйткені жұмыс істеу үшін де ақша қажет деген қағида тағы бар. Орайы келгенде Қызылорда облысының бюджеті жайлы сөз қозғағанды жөн санадық. Ақпаратымыз шынайы шығуы үшін облыс әкімі Нұрлыбек Нәлібаевтың ел алдында айтқан сөзі мен аудан басшыларының Қызылорда облыстық Өңірлік коммуникациялар қызметінде өткен брифингте алға тартқан деректерін, қалалық аудандық мәслихат сессияларында келтірілген сандарды және аудандардың даму жоспарын қарау жөніндегі кеңесте негізге алынған мәліметтерді шолып шығатын боламыз.Қызылорда облысының бюджеті 650 млрд теңге болып бекітілдіАймақтың бюджеті 650 млрд теңгеге жеткенін облыс әкімі Нұрлыбек Нәлібаев Наурыз мерекесі қарсаңында ел алдына шығып сөйлеген құттықтау сөзінде айтып өтті. Облыс басшысының сөзінше, қаңтар-ақпан айларындағы әлеуметтік-экономикалық даму көрсеткіштері бойынша өңірлер арасында алғашқы орынды иелендік.<blockquote>– Тамыры терең, тарихы кенен Алаштың анасы – қасиетті Сыр өңірінде соңғы жылдары мақсатты бастамалар қолға алынып, аймағымыз қарқынды даму жолына түсті. Қаңтар-ақпан айларындағы әлеуметтік-экономикалық даму көрсеткіштері бойынша өңірлер арасында алғашқы орынды иелендік. Биылғы бюджетіміз 650 млрд теңге болып бекітілді. Бұл ауқымды қаражат халықтың ең өзекті деген мәселелерін шешуге, өмір сүру сапасын арттыруға бағытталуда. Сырбойылықтардың 98,4 пайызы орталықтандырылған ауыз сумен қамтылған. Биыл осы бағытта 14 жоба жүзеге асырылады. Өңіріміз күн санап көркейіп, қала мен ауылдардың ажарын айшықтайтын зәулім ғимараттар, тұрғын үйлер бой көтеруде. Алдымызда айқын міндеттер, оларды жүзеге асыруға құрылған жүйелі жоспарымыз бар, – деді аймақ басшысы.</blockquote>&nbsp;Қызылорда: қала бюджеті 74,7 млрд теңгеден астыӨткен жылы негізгі макроэкономикалық көрсеткіштер бойынша Қызылорда қаласының өсу динамикасы тұрақты деңгейде сақталды. Негізгі капиталға салынған инвестициялар 108,7% орындалып, 232,9 млрд теңгені құрады. Бюджет 98,5% игерілді.Қаланың өз кірісі 2022 жылы 16,7 млрд теңге болса, 2023 жылы 6,7 млрд теңгеге өсті.2022 жылдың басында қала бюджеті 51,7 млрд теңге болса, екі жылда облыстың бас шаһарына бөлінген қаржы екі есе өскен. Өткен жылды Қызылорда қаласы 95,2 млрд теңгемен қорытындылағанын айта кеткен дұрыс.Негізі Қызылорда қаласының бюджеті 2024 жылға 58,2 млрд теңге болып бекітілді. Қала бюджетінің құрамында 40,4 %, немесе 23,5 млрд теңге трансферттер, өз кірістері – 37,7 % (21,9 млрд теңге), субвенция – 15,6 % (9,1 млрд теңге), несиелер – 6,3 % (3,7 млрд теңге). Даму бюджеті 16,1 млрд теңгені құрады.Жыл басынан бері Қызылорда қаласының бекітілген бюджетінде жалпы құны 31,9 млрд теңгені құрайтын 92 жобаға қаржы, оның ішінде Ұлттық қордан 4,4 млрд теңге, республикалық бюджеттен 6,1 млрд теңге, облыстық бюджеттен 21,4 млрд теңге бөлінді.Арал ауданының бюджеті артқанҚолда бар деректерге жүгінсек, биыл Арал ауданының бюджеті көбейген. Өткен жылмен салыстырғанда 770 млн теңгеден астам қаржыға артып отыр. Нақтырақ айтқанда, Арал ауданының биылғы бюджеті 15 млрд теңгеден асады.Мақалаға арқау еткен ақпаратты облыс әкімі Нұрлыбек Нәлібаевтың төрағалығымен Арал ауданының даму жоспарын қарау жөніндегі кеңесте айтылған мәліметтерден алып отырмыз.&nbsp;<blockquote>– Өткен жылы Қызылорда қаласы мен аудандар бөлінісіндегі негізгі макроэкономикалық көрсеткіштер бойынша Арал ауданының өсу динамикасы тұрақты деңгейде сақталды. Негізгі капиталға салынған инвестициялар 24,3 млрд теңгені немесе 148% құрап, бюджет қаражатына деген тәуелділіктің төмендегені байқалады. &nbsp;Ауданның өз кірісі 2022 жылы 3 млрд теңге болса, 2023 жылы 3,5 млрд теңгеге жеткен. Бұл бағыттағы жұмыстарды биыл да жүйелі түрде жалғастыру қажет, – деді Нұрлыбек Машбекұлы.</blockquote>Осы жиында Арал ауданының әкімі Аманжол Оңғарбаев алдағы уақытта жүзеге асатын және ұсынылған жобалар жөнінде баяндаған болатын. Аманжол Сақыпұлы айтқан мәліметтерді алға тартсақ, аудан бюджеті 2024 жылға трансферттер мен кредиттерді қоса алғанда 15,2 млрд теңге болып бекітілген. &nbsp;Ол өткен жылмен салыстырғанда 770,1 млн теңгеге артық немесе 105,3% құрайды.Қазалыда бюджет кірісі артқанҚазалыда да ауыз толтырып айтарлық нәтижелі жұмыс аз емес. Аудан әкіміндегілер 2023 жылы көздеген мақсат-міндеттер жүзеге асты деп толық айта аламыз деп отыр. Өйткені 2023 жылға аудан бюджетінің кірістері 10,9 млрд теңге болып бекітілді. Ал жыл соңында 13,4 млрд теңгеге нақтыланып, 13,6 млрд теңгеге немесе 101,3 пайызға орындалды. Оның ішінде өз кірістері2,6 млрд теңге болса, субвенция көлемі 5,4 млрд теңге, ағымдағы нысаналы трансферттер 2,7 млрд теңге, нысаналы даму трансферттері 2,9 млрд теңге болған.Қолда бар деректерге қарағанда, негізгі макроэкономикалық көрсеткіштер бойынша Қазалы ауданының өсу динамикасы тұрақты келе жатыр. Негізгі капиталға салынған инвестициялар 22,5 млрд теңгені құрап, 107,5% болды, бюджет қаражатына тәуелділік төмендеген. Бюджет қаржысы 99,9% игерілген. Тағы бір атап өтерлігі, Қазалы аудандар бөлінісінде 2-орынға тұрақтады. Өз кірісі 2022 жылы 2,1 млрд теңге болса, 2023 жылы 2,6 млрд теңгеге өскен. Бұл ауданның 2024 жылғы бюджеті 11,1 млрд теңге, оның 2,6 млрд теңгесі – өз кірістері, қалған 8,5 млрд теңгесі – субвенция және трансферттер. Қазалылықтардың өмір сүру сапасын арттырып, қолайлы орта қалыптастыру үшін биыл 17 нысанның құрылысы жаңадан басталады. Бұл жобаларға 2,3 млрд теңге қаржы бөлінді.Қармақшының биылғы бюджеті 15 млрд теңгеге жуықтаған Қорқыт баба мәңгілік байыз тапқан Қармақшы ауданында 2024 жылға аудан бюджеті 14 млрд 617 млн теңге болып бекітілген. Салыстырмалы түрде қарайтын болсақ, 2023 жыл 11 млрд 369 млн теңге болған екен. &nbsp;Биылғы бюджет өткен жылғыдан 28,5 пайызға немесе 3 млрд 248 млн теңгеге артып отыр. Қармақшы ауданының әкімі Жандос Еркінбековтің Өңірлік коммуникациялар қызметінде өткен брифингтегі сөзіне сүйенсек, &nbsp;бюджет кірісі артқан.<blockquote> – Ауданның өз кірістеріміз 2024 жылға &nbsp;2 млрд 111млн теңге болса, 2023 жылдың бекітілген кірістер жоспарымен салыстырғанда (2023 жылы – 1 млрд. 920 млн теңге)191 млн теңгеге немесе 10 пайызға артты. 2023 жылмен салыстырғанда республикалық және облыстық бюджеттен келген трансферттер көлемі (4 млрд 64 млн теңге) 1 млрд 550 млн теңгеге артты. Жалпы 2024 жылы трансферттер көлемі &nbsp;5 млрд 615 млн теңгені құрады. 2023 жылы аудандық бюджеттен қажеттілігіне қарай елді мекендерді көркейту мен абаттандыру мақсатында 437 млн теңге қосымша бағытталған болса, 2024 жылы бұлкөрсеткіш 2 есеге артық жоспарланып, 919 млн теңге бағытталды, – деді Қармақшы ауданының әкімі. &nbsp;</blockquote>Жалпы Қармақшы ауданы бойынша 2024 жылдың1 қаңтарына түсімдер болжамы 12 млрд 373 млн теңгенің орнына 12 млрд496 млн теңгеге атқарылып, 101 пайызды құраған.Жалағаш: трансферттер 3,5 млрд теңгеге жеткенАқ күріштің Қостанайы атанған Жалағашта да 2023 жылы бюджетті игеру жұмыстары қарқынды жүрген. Деректерге қарағанда, Жалағаш ауданының бюджеті өткен жылы 10,8 млрд теңгені құрап, 99,9 пайызға атқарылған. Мамандар өз кірістері 100,7 пайызды құрап, 1,9 млрд теңгеге орындалды деп отыр.Жалағаш ауданының әкімі Ардақ Ибраимовтың Өңірлік коммуникациялар қызметінде өткен брифингтегі сөзіне сүйенсек, &nbsp;бекітілген бюджеттің ішіндегі субвенция көлемі 4,1 млрд теңге болып отыр.<blockquote>– 2024 жылға бекітілген аудан бюджеті 10,2 млрд теңге көлемінде қалыптасты. Оның ішінде, жергілікті кірістер болжамы 2,2 млрд теңге, субвенция 4,1 млрд теңге, трансферттер 3,5 млрд теңге, бюджеттік кредиттер 0,4 млрд теңге, – деп атап өткен Жалағаш ауданының әкімі.</blockquote>Сырдария ауданының даму динамикасы тұрақтыОблыс орталығына ең жақын ауданның бірі ретінде Сырдарияны атап өтуге болады. Өңір өзегі болып саналатын өзенмен аттас ауданның өсу динамикасын мамандар тұрақты деңгейде сақталған деп отыр. Негізгі капиталға салынған инвестициялар 65,5 млрд теңгені құрады. Бюджет қаражатының игерілуі 99,5%-ға орындалып, аудандар бөлінісінде 4-орынға тұрақтаған. Ауданның өз кірісі 2022 жылы 4,7 млрд теңге болса, 2023 жылы 5,2 млрд теңгеге өскен.&nbsp;Трансферттер мен кредиттерді қоса алғанда Сырдария ауданының 2024 жылғы бюджеті 11,1 млрд теңге болып бекітілген . Өткен жылы 10 млрд теңге болатын. Бюджеттің өз кірістері 42,8 пайыз немесе 4,7 млрд теңге, даму бюджеті 2024 жылға 3,5 млрд теңге болса, облыстық басқармаларға қаралған қаржымен қоса алғанда 5 млрд теңге екенін айта кетейік.Шиелі: бюджет шығысы 99,8 пайызға игерілдіЖеті әулиеге мекен болған Шиелі ауданының2024 жылғы бюджеті несиелерді қоса есептегенде 14 млрд 977 млн теңге көлемінде бекітілген. Оның ішінде, аудандық бюджеттің өз кірісі 4 млрд 229 млн теңгені құрайды. Өткен &nbsp;жылдың басында аудандық бюджет несиелерді қоса есептегенде 10 млрд 754 млн &nbsp;теңге көлемінде бекітілді, оның ішінде аудандық бюджеттің өз кірісі 4 млрд 166 млн теңге болды.Тағы бір айта кетерлігі, 2024 жылғы 1 қаңтарға түзетілген бюджет несиелерді қоса есептегенде 16 млрд 457 млн теңге көлемінде бекітілген екен.&nbsp; 2023 жылға жоспарланған аудан бюджетінің шығысы99,8 пайызға игерілді.&nbsp;Жаңақорған: Өткен жылы аудан бюджетінің кірістері 1 млрд теңгеге дейін арттыҚызылорда облысының оңтүстіктегі қақпасы саналатын, Түркістанмен шектесіп жатқан Жаңақорған ауданының бюджеті 16,1 млрд теңге болып бекітілген. Оның ішінде республикалық бюджеттен 5,4 млрд, облыстық бюджеттен 1,2 млрд, субвенция 4,9 млрд, ауданның өз кірісі – 3,8 млрд теңге.&nbsp; 2023 жылғы бекітілген Жаңақорған ауданының бюджеті &nbsp; 3 млрд 354 млн теңгені құраған болатын. Өткен жылы аудан бюджетінің кірістері 1 млрд теңгеге дейін артты. Оның ішінде, &nbsp;салықтық түсімдердің жоспары 3 млрд 950 млн 985 мың теңгенің орнына 4 млрд 365 млн 331,6 мың теңге түскен.414 млн 346,6 мың теңге артық түсім болып 110,5 пайыз. Салыққа жатпайтын түсімдер 570 млн 397,9 млн теңгені құрап, 4 есеге жуық артық түсті.&nbsp; Біз бұл мақаламызға облыстағы бюджет жайын ғана арқау еттік. Әйтпесе Сыр өңірінде ауыз толтырып айтарлық нәтижелі жұмыс жеткілікті. Аймақтың дәл қазіргі көрінісінен Қызылорданың үлкен құрылыс алаңына айналғанын аңғаруға болады. Инвестиция тартуда да толымды жұмыстар аз емес.Әзиз ЖҰМАДІЛДӘҰЛЫ &nbsp; Фото: gov.kz

Бюджет: 2023 жылы қалай орындалды, 2024 жылға бекітілген көлем қанша?

&nbsp;<a href="https://kyzylorda-news.kz/">Kyzylorda-news.kz</a>&nbsp;&nbsp;Бүгінде жұртшылық қаншама адамның табыс тауып, отбасын асырауға жағдай жасап тұрған &nbsp;«Қамқор вагон» серіктестігін Қазалы вагон жөндеу депосы деп біледі.Бұл күні жаңа технологияларға байланысты білімін толыстырған вагон шаруашылығының инженер маманы, жөндеу цехтарында шыңдалған Талғат Әзімжанұлы депоға басшы болып тағайындалғалы жаңа леп әкелді десек артықтық етпейді. Ол көбіне тәртіп, тазалық пен жауапкершілікті басты назарда ұстайды. Қызметкерлердің біліктілігі мен техникалық интеллектуалын ескеріп, ұйымдасқан жүйелі кадр жасақтай білді. Оның іскерлігі өз нәтижесін беріп, Қазалы вагон жөндеу депосы үшін толағай табыс әкеле бастады. Қазір вагон жөндеу ісі жүйелі жолға қойылып, жұмыс орнының материалдық базасы ұлғайып, қосымша штаттар бөлінді. Осы тұста сапасы сын көтермей тұрған мекеме шатыры жаңартылғанын айта кеткен жөн. Мекеме ауласында жұмысшылар демалатын субұрқақтар, гүлдер бақшалығы, демалыс үйшігі, көркем бильборттар, депо тарихымен таныстыратын аллея салынып, жүйелі жұмысқа жарасымды жағдай жасалды.Қазалы вагон жөндеу депосы айрандай ұйыған ауызбіршілік пен тындырымды тірліктің арқасында қазақ теміржолы бойынша «Үздік ұжым» аталды. Бұндағы әрбір жұмысшының еңбегі ескерусіз қалмады. «Үздік басшы», «Үздік ұжым», «Үздік шебер» номинациясы бойынша марапаттауларға ие болды.Талғат Әзімжанұлының бастамасымен мекеме ішінде «Өлі разы болмай, тірі байымайды» деген тәмсілді бетке ұстап, ұзақ жылдар бойы осы салада аянбай тер төккен азаматтарды ұлықтайтын, бұрынғы технологияларды ерекше еске салатын теңдессіз мұражай жасақталған.Қазіргі таңда қазалылық 122 жұмысшы осы жерден нәпақаларын айырып, отбасын асырап отыр. Олардың әрбірінің басында болып жатқан қуаныш, қайғылы жағдайлардың барлығын мекеме басшылығы назардан тыс қалдырмайды. Мүмкіндігінше қаржылай, материалды көмектер қарастырылады.Вагон жөндеу ісінде слесарьлардың, токарь мен электргазбен дәнекерлеушінің еңбегі зор. Сонымен бірге, фрезеровшілер мен бұрғылаушыларсыз шаруа шешілмейтіндігі де белгілі. Осы мамандардың еңбекке деген адалдығы мен жанашырлығының арқасында жүк тауарлары уақытылы мәреге, жолаушылар дін аман діттеген жеріне жетіп, жақындарымен қауышуда. Шойын жолда шыңдалғандар еңбегі қай жағынан алып қарасаңызда әрқашан үлкен қошеметке лайық.Вагон құрастыру цехыЕл экономикасының дамуына теміржол саласының қосар үлесі мол. Қамқор вагонда жалпы, алты цех бар. Онда шойынжолдың шеберлері көп. Мұндағы депоға арнайы тапсырыс бойынша жеткізілген жүк вагондарына мерзімді және жоспардан тыс жөндеу жүргізіледі. Сонымен бірге, қосалқы бөлшектері ауыстырылып, қалпына келтіріледі. Барлық белгіленген ауқымды жұмыстар вагон құрастыру, қосалқы бөлшектерді дайындау, қалпына келтіру және жөндеу, диагностика және бұзбай бақылау, өндірістік процеске қызмет көрсету, доңғалақ-роликті жөндеу цехы мен автотежегіштер бақылау пункті арқылы атқарылады. Бұлардың ішінде, вагон құрастыру цехының орны бөлек. Себебі, мұнда жүк вагонының шанағы, қорабы, жүріс бөлігі, автотежегіш құрылымдары, соққы және тіркеу бөліктері бөлшектеліп, әр цехқа жіберіледі. Жөнделіп болғаннан кейін, осында қайтадан жинақталады.Еңселі де, кең цехта жоғары салмақты жүктерді көтеруге бейімделген электрлі крандар орналасқан. Ауыр бөлшектерді көтеруге, тасымалдауға арналған ауа қысымымен істейтін арбашалар пайдаланылады. Цехты қырық екі жылдық еңбек өтілі бар Қанатбек Төлемісов басқарады. Екі ауысымда жұмыс жүргізіліп, отыздан астам адам келген тапсырыстарды орындайды. Цехта өз ісінің білгірлері баршылық. Слесарьлар – Серікбай Аюбаев, Нұрлан Сахиев, Өмірзақ Сартов, Жалғас Оспанов, газбен және электрмен темір пісіруші – Қажымұрат Ақмырзаев &nbsp;пен кран машинисі – Сапарғали Елубаев сияқты тәжірибелі мамандардың ісі де, өзі де мақтауға тұрарлық.<img src="https://knadmin.beoblood.kz/uploads/3f86be4e_d4fb_45d1_8876_51fb7d8b6886_d1d5368326.jpg" alt="3f86be4e-d4fb-45d1-8876-51fb7d8b6886.jpg"><img src="https://knadmin.beoblood.kz/uploads/ec762ff4_06da_459f_912d_8d86d2fc4e4a_8de4d9e845.jpg" alt="ec762ff4-06da-459f-912d-8d86d2fc4e4a.jpg">

Қазалыда жүк вагондарының ақаусыз болуын қадағалайтын мекеме бар

<a href="https://kyzylorda-news.kz/">Kyzylorda-news.kz</a>&nbsp; Жақында «Достық» үйінде аудандық ардагерлер кеңесінің өткен жылды қорытындылау мақсатында алқа мәжілісі және Тереңөзек кенті ардагерлер ұйымының жалпы отырысы өткізілді. Аталған жиынға Сырдария аудандық қоғамдық кеңесінің төрағасы Маратбек Еспенбетов, аудандық мәслихат депутаты Ақтөре Ибрагимұлы, Тереңөзек кенті әкімінің орынбасары Ғани Нұртазаев, аудан әкімі аппаратының ұйымдастыру және инспекторлық жұмыс бөлімінің маманы Ғани Оралов, бастауыш ардагерлер ұйымының төрағалары қатысты. &nbsp;&nbsp; Жиынды ашқан аудандық ардагерлер кеңесінің төрағасы Мұса Келдібаев күн тәртібіндегі мәселелерге тоқталды. Ең алдымен, жиналған ардагерлер қауымы Тереңөзек кенті ардагерлер кеңесінің төрағасын сайлады. Негізінен, осыған дейін қызмет атқарып келген Зайдағали Жүсіпбайұлы денсаулығына байланысты өз өтінішіне сәйкес, Тереңөзек кенті ардагерлер кеңесінің төрағасы қызметінен босады. Ал аталған төрағалық қызметке ұзақ жылдар бойы мемлекеттік қызметте жұмыс жасаған Сталбек Тобағұлов сайланды. &nbsp;Өз кезегінде жиналыс хатшысы Жанат Жансейітова жаңа төрағаның &nbsp;өмірбаянын, жүріп өткен жолын көпшілікке таныстырды. Сонымен қатар Тереңөзек кенті ардагерлер кеңесінің мүшелігінен босатылған азаматтардың орнына темірден түйін түйген қолөнер шебері Сәйділда Сәдуақасов, орман шаруашылығы саласының ардагері Кенжебек Мұстафаев, құрыш қолды құрылысшы &nbsp;Қожамұрат Сматовты сайлау үшін көпшілікке ұсыныс жасалды.&nbsp; Аудандық ардагерлер кеңесінің алқа мәжілісінде 2 мәселе қаралды. Бірінші кезекте, аудандық ардагерлер кеңесінің төрағасы Мұса Келдібаев өткен жылы атқарылған жұмыстарды саралады.&nbsp; – Сырдария ауданында &nbsp;бүгінде 4291 ардагер бар. Шын мәнінде, ардагерлерді барынша қолдау мақсатында өткен жылы елеулі іс-шаралар атқарылды. Танымдық, тағылымдық бірнеше кештер жүзе асты. Және дөңгелек жасқа толған ардагерлерге құрмет көрсетілді. Қашанда ел ішінде орын алған айтулы оқиғаның басы-қасынан табылатын ардагер біткен салиқалы сөзімен, көрегенділігімен &nbsp;жастарға бағыт-бағдар беріп келеді. Біздің ардагерлеріміз жыл көлемінде облыстық деңгейдегі іс-шараларға қатысып, бақтарын сынауда. Ардагерлер арасында ұйымдастырылған байқау мен спорттық жарыстар да белсенділік танытады. Бұған дейін &nbsp;ауданның әлеуметтік-экономикалық дамуы жолында сүбелі үлесін қосқан азаматтарға шынайы алғысымды білдіремін. Бұл ретте, Тереңөзек кенті ардагерлер кеңесінің төрағасы қызметіне келген Сталбек Зікірияұлына, өзге де сайланған жандардың жұмысына сәттілік тілеймін. – деді Мұса Алпысбайұлы. &nbsp;&nbsp; Күн тәртібіндегі екінші мәселе бойынша Қалжан ахун ауылдық ардагерлер кеңесінің төрағасы &nbsp;Жорабек Маханбетов &nbsp;елді мекен ардагелерімен бірлесіп атқарылған жұмыстарға тоқталды. Сондай-ақ жиында аудандық ардагерлер кеңесінің орынбасары қызметін атқарып келген ұлтық спорт түрлері шахмат, тоғызқұмалақ ойындарының дәріптеушісі, ардақты жан Мектепхан Елеусіновтің орнына &nbsp;білім саласының ардагері Байырбек Әмірбеков келді.&nbsp; Жиын барысында Сырдария аудандық қоғамдық кеңесінің төрағасы Маратбек Еспенбетов, аудандық мәслихат депутаты Ақтөре Ибрагимұлы, Тереңөзек кенті әкімінің орынбасары Ғани Нұртазаев, Халықаралық «Қазақ тілі қоғамы» қоғамдық бірлестігінің аудандық филиалының төрағасы Шаһарбек Нұрсейіт, Сырдария аудандық әйелдер кеңесінің төрайымы Ұлмекен Жаналиева, Бесарық ауылдық ардагерлер кеңесінің төрағасы Ермек Әлжіков, Шаған ауылдық ардагерлер кеңесінің төрағасы Абддулла Атақаев, ардагерлер Сәйділдә Сәдуақасов, Мектепхан Елеусінов, Мүсілім Қалмұратұлы, Қожамұрат Сматов жиында көтерілген мәселелерге байланысты өз пікірлерін жеткізді.&nbsp; – Бүгінгі жиында аудан ардагерлеріне қатысты көптеген мәселе көтерілді. Елеусіз қалып кеткен, мекемелері жабылған жандарды қолдау – күн тәртібінен түспегені дұрыс. Расында, ардагерлер арасында әйелдер қауымының белсенділігі жоғары. Қандай іс-шара болмасын олар аудан мерейін асқақтатып отырады. Сонымен қатар әжелер мектебінің жұмысы қалыптасып, қазіргі уақытта жас ұрпаққа тәлім-тәрбие беруге барлық мүмкіндіктер қарастырылуда. Ата-әженің өнегесін алып өскен баланың болашағы жаман болмайды, – деді Ұлмекен Шанайқызы.&nbsp; Жиын соңында Аманкелді ауылдық ардагерлер кеңесінің төрағасы Нұрмағанбет Құдайбергенов жиналған жұртшылыққа ақ батасын берді.&nbsp;

Аудандық ардагерлер кеңесінің алқа мәжілісінде 2 мәселе қаралды

<a href="https://kyzylorda-news.kz/">Kyzylorda-news.kz</a>&nbsp; Биыл Сыр өңірінде 187 мың гектарға ауыл шаруашылығы дақылдарын егу жоспарлануда. Оның ішінде 83,9 мың гектары негізгі дақыл күрішке тиесілі. Тиісінше, былтырғы жылмен салыстырғанда жалпы егіс көлемі 6,4 мың гектарға, оның ішінде күріштің көлемі 5 мың гектарға азайтылып, орнына суды аз қажет ететін әртараптандыру бағытындағы дақылдардың егіс көлемін арттыру көзделуде. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасы басшысының орынбасары Ерсұлтан Әпетов мәлімдеді.<blockquote>-&nbsp;Биыл су үнемдеу технологияларын пайдалану арқылы егілетін егіс көлемдерін 2,3 мың гектарға дейін ұлғайту межеленуде. Яғни, тамшылатып суару әдісі арқылы ауыл шаруашылығы өнімдерін құнарлы егу жүзеге асырылмақ. Сондай-ақ, биыл 938 тонна жаздық бидай, 736 тонна күздік бидай, 48,9 тонна арпа, 10,8 тонна тары, 67,6 тонна дәндік жүгері, 5,6 тонна күнбағыс, 108,5 тонна мақсары, 13,5 тонна соя, 21,8 тонна сүрлемдік жүгері және 298 тонна жоңышқа тұқымы құйылды. Бұдан бөлек, биыл егілетін күріш тұқымының 2,4 пайызын отандық сорттар, ал 97,6 пайызын Ресейлік және Украина сорттары құрап отыр. Жалпы өңірде көктемгі дала жұмыстары наурыз айының бірінші он күндігінде басталды. Ал, күріш дақылын егу сәуір айының үшінші онкүндігінде бастау межеленіп отыр. Бүгінде 32,3 мың гектар ерте егілетін жаңа жоңышқа, жаздық бидай, арпа, мақсары, қант құмайы дақылдарының 16,5 мың гектары егілді. Бұл жұмыстарды күріш егу жұмысы басталғанға дейін аяқтау межеленіп отыр. Көктемгі егін егу жұмыстарына қамтылатын ауыл шаруашылығы техникалары да толық дайындықтан өтуде. Осы жылы құны 9,3 млрд теңгені құрайтын 253 бірлік ауыл шаруашылығы техникалары сатып алынып, ауыр техникалардың 4,5 пайызы жаңартылды. Жалпы қолда бар техникалардың әлеуеті көктемгі дала жұмыстарын атқаруға жеткілікті, - деді Ерсұлтан Амантайұлы.</blockquote>Айта кетейік, бүгінгі күнге дейін су жүйелерін тазарту жұмыстары жоспарға сәйкес жүргізілуде. Сәйкесінше, 49,9 мың га шабындық және 4,4 мың гектар жер ылғалдандырып суарылды.&nbsp;Фото: Қызылорда облысының Өңірлік коммуникациялар қызметі

Дала жұмыстарының дайындығы жүйелі

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев өңірдегі ірі мұнай компанияларының өкілдерімен кездесті. Кездесуге &nbsp;«Петро Қазақстан Инк» АҚ &nbsp;президенті Ян Миньюй, &nbsp;«CNPC» Орталық Азия және Ресей компаниясының президенті Биан Дыжы, &nbsp;аталған компания өкілі Ванг Хао және жауапты сала басшылары қатысты.Аймақ басшысы мұнай-газ саласын дамытуда түсіністікке негізделген екіжақты қарым-қатынас маңызды екенін айтты.<blockquote>«ПетроҚазақстан» компаниясы Оңтүстік Торғай бассейнінің 13 кен орнын игеруде. Қазір көптеген кен орындарындағы жұмыстар өндірістің соңғы сатысына шыққандықтан, олардағы қалдық қорды алу қиынға соғуда. Жекелеген кен орындарындағы ұңғымалар 95%-ға дейін суланған. Осының салдарынан ұңғымалардың одан әрі игерілмеу және жұмыс орындарының сақталмау қаупі бар. Құрметті Миньюй мырза, барлауды тек қолданыстағы келісім-шарт аумақтарында ғана емес, жаңа перспективалық учаскелерде де бастауыңызды сұраймыз. Қазіргі уақытта Энергетика министрлігі көмірсутек шикізаты кен орындарын барлау құқығын іске асыру бойынша аукцион өткізуде. Қызығушылық танытып, қатысу керек. Тағы бір мәселе, газ тапшылығына жол бермеу үшін Үкімет газ кен орындарын дамытуға ерекше көңіл бөлуде. Осы ретте, 2022 жылы «ПетроҚазақстан Инк.» және «Тұзкөлмұнайгаз» шикі газды өндіру орнына дейін құбыр жеткізу бойынша Энергетика министрлігімен меморандумға қол қойған болатын. Мәселенің өзектілігін ескеріп, құрылысты қысқа мерзімде аяқтау қажет. Облыс әкімдігі түйткілдерді шешуге қолдау көрсетуге дайын. Болашақта да біздің қарым-қатынасымыз өзара тиімді түсіністікке құрылады деп үміттенеміз», – деді Нұрлыбек Нәлібаев.</blockquote>Кездесуде Ян Миньюй аймақтағы кейбір әлеуметтік маңызы бар мәселелер мен жобаларға қолдау көрсетілетінін, бірлесіп жұмыс жасалатынын атап өтті.Айта кетейік, өндіруді талдау қорытындысына қарағанда, ол жыл сайын 10-12%-ға төмендеген. Өткен жылы өндіру көлемі 3,7 млн.тонна болды, бұл 2022 жылмен салыстырғанда 7,5%-ға (300 мың тонна) аз. Биыл өндірістің тағы да 16,6%-ға төмендеуі болжануда. Мысалы, «ПетроҚазақстанҚұмкөлРесорсиз» АҚ былтыр 548,4 &nbsp;мың тонна өнім өндірді. Осы жылы болжамды өндіру 439,1 мың тонна (20%-ға төмен). Облыс әкімдігінің бастамасымен «Сырдария» және «Арал» шөгінді бассейндерін зерттеу қарастырылған. «Арал» бассейніндегі жұмыстар осы жылдың желтоқсан айында аяқталады. Ал, «Сырдария» бассейнін зерттеуге республикалық бюджеттен қаржы бөлінеді деп күтілуде.<img src="https://knadmin.beoblood.kz/uploads/FB_IMG_1712070014531_ef3d2c62b1.jpg" alt="FB_IMG_1712070014531.jpg">

Облыс әкімі өңірдегі ірі мұнай компанияларының өкілдерімен кездесті

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданында «Санитарлық тазарту, көркейту және көгалдандыру» екі айлығы аясында сенбілік өткізіліп, жергілікті тұрғындар тал екті. &nbsp;Сенбілікте аудан әкімі Берік Сәрменбаевтың қатысуымен «Тағзым» алаңында тал егілді. Аудан басшысы жергілікті тұрғындарға көркейту іс-шарасының маңыздылығын атап, тазалық акциясына белсенді қатысуға шақырды.<blockquote>– Көктем шығып, тазалық іс-шарасы жүзеге асуда. Өз кезегінде аудан жұртшылығы сенбіліккте белсенділік танытып жатса, қуанымыз. Бүгінде айналаны күл-қоқыстан арылту – күн тәртібінен түспейді. Аудан орталығы мен елді мекендердегі тазалық іс-шарасы ұдайы тұрақты жасала береді. Сонымен қоршаған ортаға табиғатқа ерекше әсем көрініс беретін тал егу көктем мезгілінде тоқтамайды. Шын мәнінде айналаны жасыл желікке айналдыруымыз керекпіз, – деді аудан басшысы.</blockquote>Қазіргі таңда негізі су арналарын тазартуға күш жұмсалуда. Өйткені, жақын арада каналдарға су жіберілгенде, қыс бойы ішіне жиналған қоқыстар су ағысына кедергі келтіреді. Осы ретте, каналдар арқылы аяқ су жеткізілетін арықтарды тазалау жұмыстары жүргізілді.Бұдан бөлек, сырдариялықтар тиісті көшелерде ағаштарды әктеп, санитарлық тазалық жұмыстарында белсенділік танытты.&nbsp;

Аудан тұрғындары тал екті 

<a href="https://kyzylorda-news.kz/">Kyzylorda-news.kz</a> Қызылорда қаласы әкімдігінің мәжіліс залында аппарат мәжілісі өтті. Жиынға шаһар басшысы Серік Қожаниязов қатысып, онда күн тәртібіндегі екі мәселе қаралды.Мәжілісте қаланы абаттандыру жұмыстары бойынша Қалалық тұрғын үй коммуналдық шаруашылығы, жолаушылар көлігі және автомобиль жолдары бөлімі» КММ-нің басшысы Жеңісбек Файзуллаев баяндама жасады.&nbsp; &nbsp; &nbsp; &nbsp; Жалпы қаланы абаттандыру жұмыстарына мерекелік іс-шараларды ұйымдастыру, машина және механизм қызметі, брусчатканы ағымдағы жөндеу, қоршауларды жуу мен сырлау, ескерткіштерді, су бұрқақтарын, аялдамаларды, аллея мен скверлерді, Қызылорда қаласының паспорттарын, контейнер алаңдарын, бильбордтарды, ҚР Тұңғыш Президенті саябағын, қаладағы балалар ойын алаңдарын күтіп ұстау және ағымдағы жөндеу жұмыстары кіретін атап өткен сала басшысы бұл бағытта өткен жылы 646,1 миллион теңге қаржы бөлінгенін тілге тиек етті. Сонымен қатар, облыстық бюджет қаражаты есебінен осыдан 4 жыл бұрын бастау алған Ы.Жахаев, Әйтеке би, Бұқарбай батыр көшелері мен орталық стадион аумағын абаттандыру жұмыстары және қаладағы 5 көшеге жарық бағаналарын орнату жұмыстары жүргізіліп, облыстық бюджеттен осы жұмыстарды толығымен аяқтауға 237,0 миллион теңге қосымша қаржы бөлінген. Бөлім басшысы қазіргі таңда аталған жобалардың ішінде Әйтеке би көшесі және қаладағы 5 көшені жарықтандыру жұмыстары толығымен аяқталғанын мәлімдеді.– Былтыр «Қызылорда қаласы, Бейбарыс сұлтан көшесін Н.Назарбаев даңғылынан Тәуелсіздік даңғылына дейін абаттандыру жұмысы» жобасы бойынша сараптаманың оң қорытындысы алынып, жалпы сметалық жоба құны 1 741,7 миллион теңгені құрады. Конкурстың нәтижесі&nbsp;бойынша «ТехоснасткаРемсервис» ЖШС жеңімпаз атанып, қазіргі таңда құрылыс жұмыстарын толығымен аяқтады. Сонымен қатар, қаладағы ұзындығы 30 шақырым болатын 18 көшеге жаяу жүргіншілер жолын салу үшін облыстық бюджеттен 690,0 миллион теңге бөлініп, мемлекеттік сатып алу конкурсы нәтижесінде келісім шарт жасалған мекеме «Қызылорда жолдары» ЖШС-мен тоғыз көше және «Ақнұр-Авто» ЖШС тоғыз көшеге жаяу жүргіншілер жолы салынып, бүгінгі күні жұмыс барысы толық аяқталды. Сондай-ақ, қала аумағындағы 17 көпқабатты тұрғын үй аулаларын күрделі жөндеу үшін облыстық бюджеттен 800,0 миллион теңге бөлініп, мемлекеттік сатып алу конкурсы нәтижесінде «Азамат-Құрылыс» ЖШС-мен келісім шарт жасалып, қазіргі таңда құрылыс-монтаж жұмыстары аяқталды. Сонымен қатар, өткен жылы «Халық қатысатын бюджет» бағдарламасына облыстық бюджеттен 318,0 миллион теңге бөлініп, жобаның басым көпшілігі абаттандыру және көгалдандыру жұмыстарына бағытталды. Соның аясында «Халық қатысатын бюджет» бағдарламасы бойынша19 жоба жүзеге асырылды, а – деді жиында баяндама жасаған қалалық тұрғын үй коммуналдық шаруашылығы, жолаушылар көлігі және автомобиль жолдары бөлімі» КММ-нің басшысы Жеңісбек Файзуллаев.Күн тәртібіндегі екінші мәселеде қаланы көркейту-көгалдандыру жайы қозғалды. Өткен жылы қыркүйек айында облыс орталығын көгалдандыру ісі бойынша жаңа мекеме өз жұмысын бастаған болатын. Жаңа бастаманы жүзеге асыруда биыл жергілікті бюджеттен 686,2 &nbsp;миллион теңге қаражат бөлінген.– «Жасыл-Қызылорда» МКК-ның мақсат-міндеттері қаланы көгалдандыру, гүлдер мен газондар егу, каналдар мен арық жүйелерін күтіп-ұстау, жасыл екпелерді суаруға арналған насостарды күтіп ұстау, талдарды күтіп ұстау, талдарды балақтау, ақтау жұмыстары, талдарды химиялық өңдеу, ұңғымаларды күтіп ұстау болып табылады. Қызылорда қаласындағы Әйтеке би көшесін Желтоқсан көшесінен А.Байтұрсынов көшесіне дейін, Ы.Жахаев көшесін Әйтеке би көшесінен Қорқыт ата көшесіне дейін абаттандыру жобасына жалпы сметалық құны, 1,130 миллион теңге бөлініп, мердігер мекеме «Техоснастка-ремсервис» ЖШС құрылыс жұмыстарын жүргізуде. Жоба бойынша субұрқақтар аумағына брусчаткалар, жолжиек тастар орнатылады. Жарықдиодты шамдар қойылып, газондар, көпжылдық жасыл көшеттер отырғызылады. Сонымен қатар, шағын архитектуралық пішіндемелер орналастырылады. Ы.Жахаев көшесінің Қорқыт ата көшесінен орталық алаңға дейінгі аралығы да толықтай абаттандырылады, – деді мәжілісте «Жасыл Қызылорда» КММ-нің басшысы Әжіғали Мампаев.&nbsp; &nbsp; &nbsp; &nbsp; Жаңа мекеме тарапынан бұдан бөлек Н.Назарбаев даңғылының аллеялары 2,6 миллион теңгеге, Саламатов көшесі мен Журба көшелерінің қиылысында орналасқан аллеяны 2,63 миллион теңгеге абаттандыру, сондай-ақ, қалада&nbsp;5,88 миллион теңгеге 6 дана жылы аялдама орнату жұмыстарына мемлекеттік сатып алу конкурсы жүргізілуде. Мемлекеттік сатып алу конкурсы нәтижесіне сәйкес мердігер мекеме анықталғаннан кейін жобалар жүзеге асырылатын болады.&nbsp; &nbsp; &nbsp; &nbsp; Абаттандыру жұмыстары мұнымен шектелмек емес. Жаңадан құрылған «Жасыл Қызылорда» мекемесінің қарқыны мықты. Қаланың орталық көшелерінен бөлек, аулаларды абаттандыру жұмыстарын да қолға алмақ. Бұл ретте, Әйтеке би көшесi №5, Қазантаев көшесi №31, Айтбаев көшесi №29, Төле би көшесі №114, №137А, №141, №145, №136А, №138Б, Шұғыла шағын ауданы №6, Титов шағын ауданы №28, №31, Сырдария шағын ауданы №1, №2, №3, №4, №5, №6, №14А мекенжайындағы көппәтерлi тұрғын үйлердiң аулалары «ДаренСтрой» ЖШС мекемесімен абаттандырылады. Бұған 4 миллион теңгеден астам қаржы жұмсалмақ. Сонымен қатар Әйтеке би көшесi №5, Төле би көшесі №114, №139, Торайғыров көшесі №55, Сырдария шағын ауданы №19, Титов шағын ауданы №28, №30, №31, Мүсірепов көшесі №20, Сол жағалау шағын ауданы №28 мекенжайындағы көппәтерлі тұрғын үйлердің балалар ойын алаңдарын күрделі жөндеу жұмыстарын жүргізуге 5 миллион теңгеден астам қаражат қаралған. Құрылыс жұмыстарын «Авангард ПГС» ЖШС мекемесі жүргізетін болады.Сондай-ақ, көпқабатты тұрғын үйлерді абаттандыру, оның ішінде 15 ойын алаңдарын қайта жаңғырту, орнату бойынша Әбуова 3 укр.квартал 8, Әйтеке би 36,38,42, Ақмешіт 2,3, Бегім ана 10,12,12А, Титов, Жаңақұрылыс 11,15,19,22, Желтоқсан 104А, Ілиясова 18,31, Қоғалы 1,2,3,5, Қорқыт ата 15,17,21, Мерей 4,6, Паримбетов 2,5,29, Токмағанбетов 1,22, Толыбеков 14,45,53, Өсербаева 15,17,17А,21 үйлердің аулаларына жүргізу жоспарлануда. Оған 1 миллион теңгеден астам қаржы қаралуда. Бұдан бөлек 4 көппәтерлі тұрғын үйдің ауласын күрделі жөндеу жобасы қаралуда. Оған 2 миллионнан астам қаржы жұмсалмақ.«Жасыл Қызылорда» мекемесінің басшысының айтуынша, сметалық құны 127,8 миллион теңгені құрайтын қалаға қарасты Тасбөгет кентіндегі 6 көшеге жаяу жүргіншілер жолын салу жұмыстарын бастауға қалалық бюджеттен тиісті қаражат бөлініп, мердігер мекеме «Әлем Транс Жол» ЖШС-мен келісім шарт жасалып, қазіргі таңда құрылыс жұмыстары жүргізілуде. Ал қалаға қарасты Белкөл кентіндегі Әбдіқадыров көшесіне жаяу жүргіншілер жолын салу үшін қалалық бюджеттен 62,3 миллион теңге бөлініп, мемлекеттік сатып алу конкурсы жүргізілуде. Мердігер мекемемен шарт жасалғаннан кейін, құрылыс жұмыстары басталатын болады.

Қызылорданы абаттандыру, көгалдандыру ісі жанданбақ

<a href="https://kyzylorda-news.kz/">Kyzylorda-news.kz</a> Жаңақорған кент тұрғындары санының өсуі жер кезегі мен тұрғын үйге деген сұранысты арттыратыны заңдылық. Міне, осы мақсатта кент төңірегінде бірнеше аймаққа инфрақұрылым жүргізу ісі қарқынды жүргізілуде. Биылғы жылы «Саяжай1», «Саяжай2» аудандарының инфрақұрылымы басталып, жұмыс жүйелі жүргізілуде.Жасыратыны жоқ, біздің аудан өңірде халық өсімі жөнінен соңғы он жылда көштің алдын бермей келеді. Кент тұрғындарының саны 40 мыңнан асқалы қашан. Жас отау құрғандар қатары да еселеніп келеді. Әрине, бұл қуанар¬лық жағдай. Кент келбеті күн сайын жаңарып, жаңғырып, әлеуметтің әлеуеті артып келеді. Бірақ баспана салуға мемлекеттен берілетін 10 соттық, тегін жердің жайы жыр болып тұр. Осы мәселе төңірегінде тағы бір талқылап талдау жасап көрдік.Ақиқатында, Жаңақорған ауданының барлық саласында серпін бар, өндіріс өркендеп келеді. Алайда жалдамалы пәтер мен тұрғын үйдің бағасы аспандап тұр. Әрбір шаңырақ баспаналы болуды армандайды. Бұл үшін тегін жер берілсе деген тілек бар. Осы тақырыпты зерделеу кезінде мынандай заңдылықты көзіміз шалды. Мемлекеттен берілетін жер кезегіне тіркелген кісі электронды түрде тізімді бақылай алады. Мұны республикалық бақылауда тұрған сайт деуге негіз бар. Тақырыпты тарқату үшін аудандық жер қатынастары бөлімінің есігін қақтық. Заңдылыққа сүйенсек, ҚР Жер Кодексінің 50-бабына сәйкес Қазақстан азаматтарына жеке тұрғын үй құрылысы үшiн – 0,10 гектар жер тегін беріледі. Ал ауылдық жерлерде өзiндiк қосалқы шаруашылық (үй маңындағы және егiстiк телiмдердi қоса алғанда) жүргiзу үшiн суарылмайтын жерде 0,25 гектар және суармалы жерде 0,15 гектар ел азаматтарына жеке меншікке тегін беріледі. Ол үшін әкімдікке арнайы өтініш жазып, жер кезекке тұра аласыз. Жұмысбасты адамдар онлайн өтініш жаза алады.<blockquote>– Жер учаскесін алу үшін кезектілікке тіркелмегендігі анықталса ҚР Ауыл шаруашылығы министрінің №301 бұйрығының 15-қосымшасына сәйкес "Жер учаскесін алу үшін кезекке қою" мемлекеттік қызметін көрсету қағидасы арқылы egov.kz порталына жеке электрондық цифрлық кілтіңіз арқылы кіресіз. "Жылжымайтын мүлік" батырмасын басып, "Жер қатынастары" тізілімін таңдап, "Жеке тұрғын үй құрылысына жер учаскесін (10 сотық жер) алуға кезекті қарау немесе кезекке тұру" бөлімшесіне өтесіз. Жаңақорған кенті немесе республиканың кез-келген аймағын таңдап өтініш білдіруге болады. Тағы айтамын, тіркелу тек электронды түрде, – деді бөлімнің бас маманы Самал Нұрлыбаева.</blockquote>Жаңақорған кенті бойынша 2023 жылы 856 адам тіркеліп, кезек қатары 9854 адамға жетті. Биыл қаңтар айында 199 адам, ақпанда 126 адам өтініш берген. Бас-аяғы қазір 10 710 адам жер кезегі тізілімін қалыптастырды. Бұл бұрын-соңды ел тарихында болмаған үлкен көрсеткіш. Әрі кенттің өзінде осынша адам тұрғын үй жеріне мұқтаж деу де қисынсыз. Кезекте тіркеліп тұрғандардың біразы өмірден озған болса, енді бірі көшіп кеткені расталған.<blockquote>– Бізге шағым айтып келушілердің көбі «жер кезегім жылжымай тұр» деп жатады. Маман ретінде айтарым, бұл жерде даурығуға еш себеп жоқ. Мәселен, 2015 жылы 3031 болып тіркелген, әлі де 3031-ші болып тұр екенмін, – деп шағымданған бір азаматтың алдында 84 адам ғана тұр. Қазірге дейін 2015 жылы кезекке тұрған азаматтардың басым бөлі¬гіне жер үлестірілді. Ашығын айтқанда, жыл сайын жер кезегіне 2000-3000 адам тіркеліп жатса, жылы¬на 10-15 адамға ғана жер телімі берілуде. Осының салдарынан жер кезегінің қатары артты. Жерді тиімсіз пайдаланғандардың жері мемлекетке қайтарылып, тіркелген азаматтарға жер берілуде. Биыл Саяжай 2 мөлтек ауданы тұрғындар игілігіне берілетін болса, мыңға жуық адам тұрғын үй салуға мүмкіндік алар еді. Жұмыс алдағы уақытта да атқарылып, жер берілу кезектілікпен жүзеге асады, – деді жауапты сала маманы.</blockquote>Жер қатынастары бөлімі құжат тапсыру жұмыстары жөнінде де нақтылап берді.Жаңақорғандықтар асыға күтіп жүрген “Сая¬жай 2” мөлтек ауданы құрылысының жай-күйі қалай? Бұл бойынша аудандық сәулет, қала құрылысы және құрылыс бөлімінен жауап іздедік. Бөлімнің сектор меңгерушісі Шыңғыс Маханұлы болашақ мөлтек аудандардың географиясымен таныстырып, бірнеше жұмыстың жоспарын сөз етті.<blockquote>– Жаңақорған кентінің болашақ жаңа қоныстарына жан-жақты зерттеу-зерделеу жұмысын жасау – біздің басты міндетіміз. Саяжай 1 және Саяжай 2 мөлтек ауданының инфақұрылымын дайындадық. Бұл маңда мемлекеттік нысандар, кәсіпкерлік жерлер мен тұрғын үйлердің жобасы толық зерттелді. Алдағы уақытта Қаратау, Қаратау 2, Қаратау 3 және Ызғар мөлтек аудандары жобаға енеді, – деді ол.</blockquote>Саяжай 2 мөлтек ауданының инфрақұрылымы 2021 жылы жеке тұрғын үйге арналған жер учаскесімен қамтамасыз ету мақсатында қолға алынған еді. Бүгінде басты жобасы дайын, мемлекеттік бюджеттен қолдау күтіп тұр. Нақтырақ айтсақ, Жаңақорған кентінде Саяжай 2 аумағынан 300 гектар учаскеге егжей-тегжейлі жоспарлау жобасын (ПДП) әзірлеуге аудандық бюджеттен 24903,301 мың теңге қаржы бөлінді. Жаңақорған кентінің Саяжай-2 мөлтек ауданына нақты көлемі 300 гектар болатын егжей-тегжейлі жоспарлау жобасы (ПДП) жасалды.Бұл егжей-тегжейлі жоспарлау жо¬басында Саяжай-2 мөлтек ауданынан жеке тұрғын үй құрылысына арналған 1597 жер учаскесі, 180 орындық балабақша, 1100 орындық орта мектеп, май құю станциясы салу жоспарда бар. Сонымен қатар бұл аумақтағы жолдар мен көшелердің ұзындығы – 52 шақырым, ауыз су құбырының ұзындығы – 48,3 шақырым, кәріз жүйесінің ұзындығы – 19,9 шақырым, газбен жабдықтау желісінің ұзындығы – 51,8 шақырымды құрайды. 10 дана газ тарату пункті, бір дана автоматты газ тарату пункті салынуы мүмкін.<blockquote>– Жаңадан ашылатын аймақта электр желілері, станциялар салынуы тиіс. Газ бен ауыз су да толық шешімін табуы маңызды. Жол мәселесін шешіп алғаннан кейін ғана қоныстануға рұқсат беріле¬ді. Бір сөзбен айтсам, инфрақұрылым жұмыстары толық біткеннен кейін ғана халық қоныстанатын болады, – деді бөлімнің сектор меңгерушісі Шыңғыс Маханұлы.</blockquote>Келешекте түсетін Саяжай 2 мөлтек ауданының инженерлік-коммуникациялық инфрақұрылымымен қамтамасыз етуге арналған құжат дайын. Биыл құжат толық жасалынып мақұлданса, келер жылы құрылысына қаражат бөлініп қалар деген үміт мамандарда. Егер қаражат жоғарыдан толық шешілсе, бір жылдың ішінде шағын ауданның шырайы кірмек. Яғни, 1600-ға жуық кезегін күткен тұрғын жер алып, баспана қазығын түзбек. Бұл жобамен 2016 жылдан бастап кезекке тіркелгендердің өтінішін толық қамтиды деген сөз. Мүмкіндік болса 2017 жылды да еңсеріп қаламыз деген үміт бар.Айтпақшы, кенттің қала статусын алуға мүмкіндігі молая бастады. Халық саны жеткілікті, жер көлемі де талапқа сай. Болашақта 4 мөлтек ауданға қоныстана бастасақ, қай қаладан кем боламыз?! Жібек жолының торабында құшағын кеңге жайған Жаңақорған кентінің сәулеті де дәулеті де тасып, көп назарын өзіне қарата бастады.Саяжайдың жоғары жағынан Саяжай 2 орын тепсе, Қаратау, Қаратау 2, Қаратау 3 жаңа қонысы Ипподром аймағының жоғары бөлігінен бұйырмақ. Мұнда ұзыннан ұзақ Шалқия кенішінің теміржолы жатыр. Кенттің байырғы бас жобасында кент осы маңнан бітетін еді. Енді бас жобаға бірнеше өзгерістер енуіне байланысты бірнеше аймаққа ұлғайды. Жасыратыны жоқ, мұнда басты мәселе – жол. Орталықпен байланысуына кедергі болып тұрған теміржол бойынан арнайы жол өткелдерін салмаса, халықтың қозғалысын қиындататын секілді.Ал екінші мәселе, қоқыс қалдықтарын төгетін арнайы орынның орналасуы да қоныстанушыларға басты мәселе болуы ықтимал. Сондықтан бұл полигонды көшіру ісі де оңай шаруа емес. Үшінші мәселе, орта ғасырлық тарихы терең¬де жатқан Ордакенттің орналасуы да қазақы сенім-нанымға керағар. Ал, Ызғар мөлтек ауданының ашылуы орташа есеппен он-он бес жылдың еншісіндегі дүние секілді. бұл аймақ орман шаруашылығы бөліміне қарасты жер болғандықтан мемлекет меншігіне қайтару ісі де ұзаққа созылары даусыз. Осы маңдағы Кеңес дәуірінен келе жатқан 24 разъезд пен 25 разъезд тұрғындары кентке қосылатынына қуанышты. Шағын шаруақожалық иесі Сырбай Әбдірұлы:<blockquote>– Жуырда аудан әкімдігінің жиынында жаңа аймақтардың жобасы сөз болды. Біздің Ызғар аймағы егінге де, малға да шұрайлы жер. Мұнда балық шаруашылығын дөңгелеткен кәсіп иелері де бар. Орталыққа қосылсақ иен далада қалған қауқарсыздың күйін кешпейтін едік. Біз де осы мақсатты қолдаймыз, – дейді.</blockquote>Ашығын айтсақ, жер үлестіру жұмысында көзге көрінбейтін, алайда ауқымды астары бар мәселелер адымды тұсайды. Әр аймаққа қомақты қаражат бөлу жұмысы да ортақ қазандыққа едәуір салмақ салатыны анық. Қаржы қарекеттің мәселесін шешіп, жүйелі жоспармен инфрақұрылымды игерсек, кезек күткен көпшіліктің қарасы азаяр еді. Біздің ұққанымыз, жаңа қоныстың халыққа жайлы болуы жан-жақты зерделеніп қана қоймай, қарыс қадам жердің тағдыры таразылануы тиіс. Қысқасы, кенттің даму динамикасы оңтүстік батысқа қарай бет алуда. Жері шұрайлы, қонысқа жайлы жерлерді игерудің бас жоспарында әлі де шешілуге тиісті мәселелер жоқ емес. &nbsp;

Жаңақорғанда жаңа мөлтек ауданның инфрақұрылымы басталды

<a href="https://kyzylorda-news.kz/">Kyzylorda-news.kz</a>&nbsp; Қоршаған ортаның тазалығына жауапкершілікпен қарау – әрбір адамның міндетті. Бүгін, тазалықты жанына серік еткен қазалылықтар сенбілікке шығып, Қазалы ауданы аумағындағы бей-берекетсіз шашылған қоқыстарды жинастырды.Соның ішінде, Қазалы ауданы Әйтеке би кенті мен Қазалы қаласының аралығы, қазақ қорымы – Арзан сити аралығы, Мектепбай каналы және Тесік көпір мен 5 квартал аумағы, Водокачка елді мекеніне барар жол, қоқыстан тазартылды.Қазалы ауданы орталығындағы жүргізілген сенбілік жұмыстарын Қазалы ауданының әкімі Мейрамбек Шермағанбет аралап көріп, Қазалы ауданы Әйтеке би кентінің әкімі Мұрат Әбсұлтановқа әрбір аймақтағы жүргізіліп жатқан тазалық жұмыстарына байланысты тапсырмалар берді.Тазалық жұмыстары барысында Қазалы ауданы орталығындағы ғимараттар мен кәсіпкерлік нысандардың сырт келбетіне әктеу, сырлау жұмыстарыда жүргізілді.Сенбілік жұмыстарына Қазалы аудандық мәслихат депутаттары Талғат Әліпбаев пен Нұркен Ботабаевта атсалысып, арнайы техникалармен қамтамасыз етті.Жергілікті жердің тазалық жұмыстарына барлық мекеме қызметкерлері қатысып, әрбір ұжым бөлінген аумақтарда тазалық жұмыстарын қарқынды жүргізді.Айта кетейік, жалпы Қазалы ауданы көлемінде ұйымдастырылған тазалық жұмыстарына 2300-ден астам адам, 39 техника жұмылдырылып, 34,7 тонна қоқыстар тазартылды және 30,3 тонна тұрмыстық қатты қалдықтар арнайы орынға шығарылды.&nbsp;

Қазақстан және Қызылорда облысының жаңалықтары: Экономика