&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін Қызылордада бастауыш партия ұйымдарының облыстық &nbsp;форумы өтті. Онда бастауыш ұйымдардың мәртебесі мен белсенділігін арттыру, сонымен қатар ұйымдар жұмысын жетілдіру жолдары талқыланды.Форумға 46 мыңға жуық партия мүшесін біріктіріп отырған 206 бастауыш&nbsp;ұйымның төрағалары қатысты.<blockquote>«Соңғы жылдары елімізде ауқымды саяси жаңғыру жұмыстары жүргізілді. Атап айтсақ, Конституцияға өзгерістер мен толықтырулар енгізіліп, Президент, Парламент Мәжілісі мен мәслихаттар сайлауының жаңа форматы, ауылдар мен аудандар әкімдерін сайлау секілді ауқымды саяси өзгерістер орын алды. Бастауыш ұйымдар бұл саяси өзгерістердің бел ортасында болып, партияға жүктеліп отырған жаңа талаптарды зор сенім, аса жауапкершілікпен жүзеге асыруға атсалысты»,- деді форум жұмысына сәттілік тілеген партияның облыстық филиалының төрағасы Наурызбай Байқадамов.<img src="https://knadmin.beoblood.kz/uploads/1eac4734_7244_4fce_ac69_44428ef02f07_a98d95287a.jfif" alt="1eac4734-7244-4fce-ac69-44428ef02f07.jfif"></blockquote>Филиал төрағасының айтуынша бастауыш ұйымдар партия бастамаларын халыққа жеткізумен қатар, қоғамның әрбір мүшесіне бағытталған партиялық жобалардың іске асуына үлес қосып, ел Президентінің «Халық үніне құлақ асатын мемлекет» тұжырымдамасына сай халықпен кері байланысты нығайтып, азаматтардың құқықтары мен бостандықтарын қорғау, халықтың тұрмыс сапасын жақсарту бағытында шараларды іске асырып келеді. Бұл үшін партияның облыстық филиалы 500-ден аса партия мүшесі бар 11 ірі бастауыш ұйым алаңында депутаттар мен мекеме басшыларының қоғамдық қабылдауларын ұйымдастыруды тұрақты жолға қойған. Мәселен, жыл басынан аталған ұйымдарда 14 қабылдау өтіп, тұрғындардан түскен өтініштердің 21-і оң шешілсе,12 мәселе бойынша қолданыстағы заңнамалар аясында кеңестер берілген. &nbsp;Бұл сайлаушылардың партияға деген сенімін білдірсе, екінші жағынан ұйымдар жұмысының дұрыс бағытта келе жатқанын айқындайды.Форум барысында партия жұмысының бастауыш ұйымдарға қатысты негізгі бағыттары бойынша арнайы түсіндірме жұмыстары жүргізіліп, әдістемелік құралдар ұсынылды. Сонымен қатар, жұмыс барысында туындайтын ортақ проблеммалық мәселелер талқыға салынып, оларды шешудің нақты жолдары айтылды.Жалпы өңірде партия филиалымен атқарылған жұмыстар аз емес. Бастауыш ұйымдар партияның әрбір бастамасын жергілікті жерде табысты жүзеге асыруға белсене атсалысып жатыр. Мәселен, екі айда «Қарызсыз қоғам» жобасы аясында 1000-ның үстінде өңір тұрғыны қаржылық сауаттылығын арттырса, өткен жылы «Жер аманаты» жобасы шеңберінде 225,3 мың гектар жер мемлекет меншігіне қайтарылған. «Ауыл аманаты» жобасы бойынша ауыл тұрғындарына 3 млрд теңгені құрайтын 406 жобаға несие берілген.Бұл игілікті істер бастауыш ұйымдарға топтасқан партия белсенділерімен биыл да жалғасын таппақ.<img src="https://knadmin.beoblood.kz/uploads/1c5360a5_6ef1_420a_b2e1_40d6e6050781_b1039b119b.jfif" alt="1c5360a5-6ef1-420a-b2e1-40d6e6050781.jfif"><img src="https://knadmin.beoblood.kz/uploads/78343e96_56ff_4d0d_abb2_39c93f09c07a_b2d8e8b586.jfif" alt="78343e96-56ff-4d0d-abb2-39c93f09c07a.jfif"><img src="https://knadmin.beoblood.kz/uploads/ca4b1f3a_dbf6_4c29_96cc_11d6ade15028_e3b7c70c6f.jfif" alt="ca4b1f3a-dbf6-4c29-96cc-11d6ade15028.jfif">

Бастауыш ұйым – партияның негізгі күші

<a href="https://kyzylorda-news.kz/">Kyzylorda-news.kz</a>&nbsp; &nbsp;Биылға бекітілген қала бюджеті&nbsp;58,2 миллиард теңге болса, қазіргі таңда бұл қаражат 72,6 миллиард теңгеге нақтыланған. Бұл туралы қала әкімі Серік Қожаниязов қоғамдық кеңес алдындағы есеп беру кездесуінде айтты.Шаһар басшысы қала бюджетіне республикалық және облыстық бюджеттен 31,9 миллиард теңге трансферт бөлініп, 92 жоба жүзеге асырылатын болады деді.Атап айтқанда, өткен жылы құрылысы басталған Сырдария өзенінің сол жағалау бөлігінде 7 қабатты 84 пәтерлі ипотекалық 6 тұрғын үйдің құрылыс жұмыстарын жалғастыруға 1,7&nbsp;миллиард теңге қаралған.«Сумен жабдықтау және су бұру жүйесін дамыту» бағдарламасы аясында ұзындығы 18,7 шақырымды құрайтын 4 жоба жүзеге асырылады. Оған Ұлттық қордан 892,4 миллион теңге және облыстық бюджеттен 163,3 &nbsp;миллион теңге, жалпы сомасы 1&nbsp;миллиард теңге бөлінген.«Инженерлік коммуникациялық инфрақұрылымды жобалау және дамыту» бағдарламасы бойынша құны 6,2 миллиард теңгені құрайтын 19 жобаның жұмыстары жүргізілуде. Құрылыс жұмыстары жыл аяғына дейін аяқталып, іске қосылатын болады.Биыл осал топтағы отбасыларына 200 пәтер және 135 пәтер жалғыз баспанасы апатты деп танылған тұрғындарға сатып алуға 4,2&nbsp;миллиард теңге бөлінді (1 пәтерге 12&nbsp;713 мың теңге). Республикалық бюджеттен қосымша құны 10&nbsp;миллиард теңгені құрайтын 800 пәтерді сатып алуға бюджеттік өтінім ұсынылған.Қаланы абаттандыру және көгалдандыру бағытында 7,5 миллиард теңге қаралды. Оның &nbsp;1 миллиард, 135,1 миллион теңгесі Ұлттық қордан бөлінсе, облыстық бюджеттен - 4 милилард 507,5 миллион теңге, жергілікті бюджеттен – 1 миллиард 894,9 миллион теңге қаралған.Биыл қаланы көгалдандыру жұмыстарын қамтамасыз ету мақсатында жаңадан құрылған «Жасыл Қызылорда» коммуналдық мемлекеттік мекемесі жұмыс істейтін болады. Мекемеге 2024 жылға жалпы жергілікті бюджеттен&nbsp; 702,2 милилон теңге қаржы қаралған.&nbsp;Бүгінгі таңда, мекеме тарапынан әуежай бойында орналасқан «Табиғат», «Жібек жолы» және Қызылжарма каналдарын тазалау жұмыстары жүргізіліп, арықтар мен каналдарға аяқ су жіберілуде.Соынмен қатар, қала аумағындағы 10 көпқабатты тұрғын үйдің ауласындағы балалар ойын алаңдарына күрделі жөндеу жұмыстарын жүргізуге облыстық бюджеттен 375,4 миллион теңге қаралды. Жоба құны 510 миллион теңге, жауапты мердігер «Авангард ПГС» ЖШСмекемесі.Бұдан бөлек, облыстық бюджеттен бөлінген 686,7 миллион теңгеге қосымша 15 көпқабатты тұрғын үйдің ауласындағы балалар ойын алаңдары қайта жаңғыртылатын болады. Бұл жобаның құны 1,1 миллиард теңге, қазіргі таңда мемлекеттік сатып алу конкурсы ұйымдастырылуда.Облыстық бюджеттен бөлінген 140,3 миллион теңгеге &nbsp;4 көппәтерлі тұрғын үйдің ауласына күрделі жөндеу жұмыстарын жүргізу &nbsp;үшін мемлекетттік сатып алу конкурсы ұйымдастырылуда. Жоба құны 215,8 миллион теңгені құрайды.Сонымен қатар, Қожа Ахмет Яссауи көшесін абаттандыруда жоспарға енген. Оған облыстық бюджеттен 72,5 миллион теңге қаралған. Ал жоба құны 725 миллион теңге.Сонымен қатар, облыстық медициналық орталығы алдындағы скверді абаттандыру үшін облыстық бюджеттен 262,9 миллион теңге бөлінді. Оған «Дарен Строй» ЖШСмердігер мекемесі жауапты болмақ.Қазіргі заман талабына сай 10 аялдама салу үшін де жергілікті бюджеттен 52,5 миллион теңге қаралып отыр. Қазіргі таңда мемлекеттік сатып алу конкурсы ұйымдастырылуда.Көшені жарықтандыру мәселесін шешуде қала бойынша 54 көшеге жарық бағаналарын орнату үшін республикалық бюджеттен 1,3 миллиард теңге бөлініп, құрылыс жұмыстары сәуір айында басталады деп жоспарлануда. Оған «Энерго-Мера», «Энергиянұр», «Айсұлтан компания» ЖШС медірге мекемесі жауапты.Сондай-ақ, жаяу жүргіншілер жолын салу ісі биылда жалғасады. Оған облыстық бюджеттен бөлінген 1,8 миллиард теңгеге жалпы ұзындығы 48 шақырым болатын қаланың 40 көшесіне жаяу жүргіншілер жолын салу жоспарланған. Бұдан бөлек, М.Ықсанов атындағы Қызылорда политехникалық колледж маңынан жаңа сквер құрылысын салу жоспарланған.Көппәтерлі тұрғын үйлердің қасбеттері мен шатырына ағымдағы жөндеу жұмыстарын жүргізу үшін 925,9 милилон теңге бөлінген. Қала аумағында орналасқан 21 көппәтерлі тұрғын үйлерге күрделі жөндеу (модернизация) жұмыстарын жүргізу үшін республикалық бюджеттен 1,9 милилард теңге бөлініп, бүгінгі таңда мердігер мекемелерді анықтау мақсатында мемлекеттік сатып алу конкурсы ұйымдастырылуда.Қала аумағында орналасқан ғимараттардың қасбеттерін бірыңғай сәулет стилі (Дизайн код) әзірленіп, қызыл сызық талаптарын сақтау бағытында көше-жол желісіне түзетулер енгізілетін болады. Осылайша, қаламыздың көшелерінің сәулеті бірыңғай үлгісі жолға қойылып, ондағы әлеуметтік нысандар мен ғимараттардың сыртқы қасбеті, оның түсі, сондай-ақ көше бойындағы жарықшамдар, жерге төселетін қыртастар (брусчатка) пішіні және тағы басқа архитектуралық формалар бір стильде қалыптастырылады деп жоспарлануда. Мұны жүзеге асыру үшін жоба құны100,3&nbsp;миллион теңгені құрап отыр.Ал жол-көлік инфрақұрылымын дамыту бағытында бюджеттің барлық көздерінен 6 миллиард &nbsp;теңге қаралды. Оған құны 192,8 миллион теңгеге «Тәуелсіздікке 25 жыл» даңғылының бойында «Қызылжарма» каналы арқылы өтетін автожол көпірі салынатын болады. Аталған жоба құны 428,3 миллион &nbsp;теңгені құрайды.Қазіргі таңда, мердігер мекеме ретінде «Сервис НС» ЖШС белгіленіп, жақын күндері құрылыс-монтаж жұмыстары бастау алатын болады.&nbsp;

Қызылордада ауқымды жобалар жүзеге асады

<a href="https://kyzylorda-news.kz/">Kyzylorda-news.kz</a>&nbsp; &nbsp;Әлеуметтік-экономикалық ахуалы артқан шаһарды көркейту-көгалдандыру жұмыстары да белсенді жүргізіліп келеді. Елде таза қала атанған облыс орталығын абаттандыру күн тәртібінен түспейтін мәселе. Бұл бағытта атқарылып жатқан нәтижелі жұмыстар да жетерлік.Қалада атқарылған жұмыстар туралы қоғамдық кеңес алдында есеп берген қала әкімі Серік Қожаниязов абаттандыру ісіндегі ауқымды жұмыстарды айтып өтті.&nbsp; &nbsp; &nbsp; &nbsp; Өткен жылы қаланың орталық алаңы қайта жаңғырту, абаттандыру жұмыстарының жүргізілуіне байланысты жабылған болатын. Бұл жұмыстар меценат Асқар Әубәкіровтың демеушілігімен және облыс әкімдігінің қолдауымен жүзеге асырылуда. Абаттандыру жұмысына кәсіпкер 1 миллиард теңге қаржы бөлген. Сондай-ақ, облыстық бюджет есебінен 329&nbsp;миллион 200 мың теңге қаржы бөлінген. Құрылыс жұмыстары биыл мамыр айында бітуі тиіс орталық алаң заманауи дизайнда жаңғырып, қала тұрғындары мен қонақтарының бос уақытта серуендеуі үшін де қолайлы аумақ болмақ.&nbsp; &nbsp; &nbsp; &nbsp; Шаһарды абаттандыруда көпқабатты тұрғын үйлердің аулалары да ескерілген. Ол үшін былтыр&nbsp;облыстық бюджеттен бөлінген 800&nbsp;миллион теңгеге қала аумағындағы&nbsp;көпқабатты 17 тұрғын үйдің ауласына күрделі жөндеу&nbsp;жұмыстары жүргізілген.&nbsp;Сонымен қатар,&nbsp;облыстық бюджеттен қосымша 403,5&nbsp;миллион теңге қаралып, 19 үйдің ауласын абаттандыру ісі жалғасты. Бұл шара өз кезегінде халықтың ризашылығын алды. Мұндай&nbsp;абаттандыру&nbsp;жұмыстары биыл аяқталады.Қаланы абаттандыруда былтыр қолға алынған жаңа жобалардың бірі – көпқабатты тұрғын үйлердің қасбетін панельдермен қаптау болатын. Оған облыстық бюджеттен бөлінген 693,6 миллион теңгеге&nbsp;көпқабатты 16 тұрғын үйдің қасбеті жаңалануда. Ал, өткен жылы демеушілер есебінен 1,1 миллиард теңгеге 26 көпқабатты тұрғын үй мен 3 әлеуметтік нысанның сыртқы қасбеттері қапталған болатын.Былтыр атқарылған абаттандыру жұмысының ауқымдысы Сұлтан Бейбарыс көшесінде жүргізілді. Оған 1,6 миллиард теңге қаражат бөлініп, абаттандыру жұмыстары толығымен аяқталды.Қазіргі таңда Сол жағалаудағы Абылай хан даңғылы да абаттандырылу үстінде. Оған бюджеттен &nbsp;564,8 &nbsp;миллион теңге қаралған. Сонымен қатар, &nbsp;демеушілік тарапынан Абай даңғылындағы №47 «А, Б, В, Г» көпқабатты тұрғын үйдің аулалары толықтай абаттандырылды. Жобаға 200,0 миллион теңге жұмсалды.Өткен жыл қала тұрғындары үшін игілікті жыл болғаны жасырын емес. Қызылордалықтар үшін ауыз су және кәріз су, газ, жылу желілері жүргізілді. Мәселен, тозығы жеткен ауыз су және кәріз су желілерін қайта жаңғыртуға республикалық және облыстық бюджеттерден барлығы 3,8 миллиард теңге қаралып, қала аумағындағы коммуналдық желілер жаңаланды. Тұрғындардың 100 пайызы орталықтандырылған ауыз сумен қамтылды.Бұдан бөлек Қосшыңырау ауылдық округінің Абай, Досан елді мекендеріне газ құбырын жүргізу үшін республикалық және облыстық бюджеттен 629,2 миллион теңге бөлініп, құрылыс жұмыстары жүргізілді. Бүгінде ауыл тұрғындары көгілдір отынмен қамтамасыз етілді. Бүгінде қала бойынша газбен қамту көрсеткіші 93 пайызды құрайды.Сондай-ақ, жылу желілерін қайта жаңғыртуға 8 жоба әзірленіп, оған республикалық бюджеттен 8,2 миллиард теңге бөлінді. Оның ішінде, ең өзектісі Бейбарыс сұлтан көшесінің бойындағы жылу құбырлары жер астымен жүргізілді. Жобаға 5,2 миллиард теңге қаражат жұмсалды. &nbsp;Ал тұрғын үйлерді қайта жаңғырту бойынша республикалық бюджеттен бөлінген 773,8 миллион теңге қаражатқа көппәтерлі 12 тұрғын үй қайта жаңғыртудан өткізілді.Қалада оң шешімін тауып келе жатқан тағы бір жағдай – қоғамдық көлік мәселесі. 2022 жылы лизингке 150 дана автобус сатып алуға облыстық бюджеттен 1,4 миллиард теңге бөлінсе, 2023 жылы облыстық бюджеттен тағы 150 дана автобус сатып алуға&nbsp; 1,6 миллиард теңге қаралды. Бүгінгі күні қалаға барлық автобустар жеткізіліп, тиісті бағыттарға қосылып, жолаушыларға толыққанды қызмет көрсетуде.Жалпы облыс орталығының әлеуметтік ахуалы жақсарып келед. Мәселен, жыл басынан бері экономиканың барлық саласында&nbsp;15 мың 022 адам жұмыспен қамтылған.&nbsp;Ел Президентінің 10 мың адамға 100 жаңа жұмыс орнын құру тапсырмасы қала бойынша артығымен орындалған. Белгіленген&nbsp;жоспар бойынша – 5278 жұмыс орны құрылу қажет болса, бұл көрсеткіш қалада 5396 нысанға жеткен.Сондай-ақ, жастар арасындағы жұмыссыздық деңгейі 3,7 процентті, жалпы жұмыссыздық 4,7&nbsp;процентті құрап отыр.&nbsp;Бұл өткен жылмен салыстырғанда жұмыссыздық көрсеткіші едәуір төмендегенін көрсетеді.

Биыл абаттандырылған жаңа орталық алаң ел игілігіне беріледі

<a href="https://kyzylorda-news.kz/">Kyzylorda-news.kz</a> &nbsp;Қызылордалық екі кәсіпкер аса ірі мөлшердегі мазутты мұнай өнімдерінің шығарылу заңдылығын растайтын құжаттарынсыз иеленіп, сақтап, өткізіп отырған.Сондай-ақ, У.Н. есімді кәсіпкер қылмыстық құқық бұзушылықтардан түскен мүлікті мәмілелер жасасу арқылы қылмыстық жолмен алынған өзге мүлікті заңды айналымға тартып, заңдастырған. Ал, сотталушы Ж.Е. жауапкершілігі шектеулі серіктестігінің басшысы қызметін атқара жүріп, өзінің іс-әрекетінің қоғамға қауіпті екенін біле тұраөзге адамдармен келісімге келіпмазут өнімінзаңсыз жолмен иемденіп, серіктесіне өткізуге жәрдемдесіп келген.ҚР ҚМА Қызылорда облысы бойынша Экономикалық тергеп-тексеру департаментімен сотқа дейінгі тергеп- тексеру жүргізу барысында аталған екі азамат бірлесе отырып, 2022-2023 жылдар аралығында жалпы сомасы 58 223 514 теңгені құрайтын 1023 тонна көлемдегі «М-100» маркалы мазутты мұнай өнімдерінің шығарылу заңдылығын құжаттарынсыз иеленіп, сақтап, өткізіп келгені дәлелденген.Нәтижесінде У.Н. есімді азамат Қазақстан Республикасының ҚК-нің 197-бабы 4-бөлігінің 2- тармағымен, ҚК-нің 218-бабы 1-бөлігімен кінәлі деп танылып, 3 жыл бас бостандығынан айырылса, Ж.Ε. есімді азаматқаҚК- нің 63-бабы 1-бөлігіне сәйкес, шартты түрде 3 жыл бас бостандығынан айыру түріндегі жаза тағайындалды.Сонымен қатар ҚК-нің 98-2-бабы 4) тармағына сәйкес, сотталушылардың әр қайсынан жиырма айлық есептік көрсеткіш мөлшерінде 69 000 (алпыс тоғыз мың) жәбірленушілерге өтемақы қорына мәжбүрлі төлем өндірілілетін болады.Айта кету керек, сот үкімімен бас бостандығынан айырылған азамат бұрында осы санаттағы істер бойынша сотты болған, яғни бұрыңғы соттылықтарынан тиісті нәтиже шығармай қайта қылмыс жасаған.Фото: Нұрболат Нұржаубай

Қызылордада мазутты заңсыз сатқандар сотталды

<a href="https://kyzylorda-news.kz/">Kyzylorda-news.kz</a> Бүгін Сыр еліне келген «Бәйтерек» Ұлттық басқарушы холдингі» АҚ Қазақстанның Даму Банкі, Даму «Кәсіпкерлікті дамыту қоры» АҚ , «QazIndustry» АҚ, Invest Kazakhstan, KazakhExport, «Өнеркәсіпті дамыту қоры» және «Аграрлық несие корпорациясы» өкілдерінен делегация өңірдің бірқатар өндірістік нысандарына, атап айтқанда, ас тұзын өндіретін зауытқа, күріш өндіретін кәсіпорынға, сондай-ақ шыны зауытына барды.Алдымен қуаттылығы жылына 197,1 мың тонна шыны шығаруға қауқарлы «Orda Glass Ltd» ЖШС-нің жұмысымен танысты. Бүгінгі күні зауытта 370 адам тұрақты жұмыспен қамтылған.Мұнан соң делегацияның сапары «Алтын Орда» ЖШС-де жалғасты. Компания йодталған ас тұз өндіру саласындағы қазақстандық нарық көшбасшыларының бірі болып табылады. Компания 1997 жылы Қызылорда қаласында құрылды. 2016 жылдан бастап компания барлық талаптар мен сапа стандарттарына сәйкес «Ассоль» және «Сафия» брендтерімен ас тұзын өндіреді. Тұз 2 зауытта өндіріледі. Олардың біріншісі 2016 жылы сағатына 3 тонна қуатпен іске қосылды. 2022 жылда қуаттылығы сағатына 10 тонналық екінші зауыт іске қосылды. Компанияда 150-ден астам адам жұмыс істейді.Енгізілген сапа менеджменті жүйесі шикізат пен материалдардың 100% қадағалануын қамтамасыз етеді, осылайша сатып алушының қауіпсіздігі мен денсаулығына кепілдік береді.Бүгінгі таңда «Ассоль» және «Сафия» брендтерімен өнімдер елдің барлық аймақтарында сатылады. Сонымен қатар, өнімдер Ресейге, Беларуссияға, Грузияға, Қырғызстанға, Моңғолияға және Балтық елдеріне экспортталады.2023 жылы Қызылорда облысына ресми сапары аясында ҚР Президенті Қ.Қ. Тоқаев тұз өндіретін зауыттың жұмысымен танысып, кәсіпорын қызметіне жоғары баға берді.Кездесу барысында делегация өкілдері инвестициялық қызметті жүзеге асыру, өнеркәсіпті дамыту және шикізаттық емес экспорт көлемін ұлғайту бойынша «бір терезе» және «жасыл дәліз»қағидаттарымен таныстырып, әлеуетті инвесторларды сапалы сүйемелдеу және оларға қажетті қолдау көрсету маңызды екендігі атап өтілді. Әсіресе жаңа өндірістер құруға, сапалы жұмыс орындарын ашуға, ғылым мен білім беруді дамытуға тың инвестициялар қажет.<img src="https://knadmin.beoblood.kz/uploads/434373653_1600289430732248_6049062355937751101_n_6d6ab31822.jpg" alt="434373653_1600289430732248_6049062355937751101_n.jpg"><img src="https://knadmin.beoblood.kz/uploads/434404735_1600289407398917_1821081847643512583_n_2e31158bac.jpg" alt="434404735_1600289407398917_1821081847643512583_n.jpg"><img src="https://knadmin.beoblood.kz/uploads/434730287_1600289630732228_4157265777600541204_n_73571b78b4.jpg" alt="434730287_1600289630732228_4157265777600541204_n.jpg">

Қызылордада «Ассоль» және «Сафия» брендтерімен ас тұзы өндірілуде 

<a href="https://kyzylorda-news.kz/">Kyzylorda-news.kz</a>&nbsp; Қала әкімі Серік Қожаниязов қоғамдық кеңес алдында есеп беру кездесуінде шаһарда әлеуметтік салада атқарылып ждатқан жұмыстарға тоқталды.&nbsp;Былтыр облыс орталығында тұрғын үй құрылысын дамытуға қаржыландырудың барлық көздерінен 22,8 миллиард теңгеге 2 424 пәтерді құрайтын&nbsp; көпқабатты 39 тұрғын үйдің іргесі қаланды. Ал 1486 пәтерді құрайтын көпқабатты 23 тұрғын үй өткен жылы пайдалануға берілді. Оның ішінде 580 пәтер – несиелік тұрғын үй, 906 пәтер&nbsp;– осал топқа жататын отбасыларға арналған.&nbsp;Құрылыс жұмыстарының басым бөлігін білім саласының нысандары құрайды. Биыл сол жағалаудан құны 2,4 миллиард теңгені құрайтын «Оқушылар сарайы» және құны 7,9 миллиард теңге болатын&nbsp;300 орынға арналған жатақханасы бар 400 орындық физика-математикалық мектеп-интернатының құрылысы аяқталып, ел игілігіне табысталады деп күтілуде.&nbsp;Ал, «Жайлы мектеп» ұлттық жобасы бойынша бастау алған білім нысандарының 5-еуін биыл аяқтау жоспарланып отыр. Қалған 3 мектептің құрылысы биыл басталып, келер жылы тапсырылмақ.&nbsp;Сонымен қатар өткен жылы облыс әкімінің тапсырмасымен үш ауысымдық оқуды болдырмау мақсатында облыстық бюджеттен 2,6 миллиард теңге бөлініп, Абай атындағы №2 (575,7 миллион теңгеге), С.Толыбеков атындағы №3 (760,4 миллион теңгеге), Ә.Мүсілімов атындағы №101 (575,8 миллион теңгеге) және Т.Есетов атындағы №264 (734,9 миллион теңгеге) мектептерге қосымша ғимараттар салынды.&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Бәйтерек» мөлтек ауданындағы құны 1,3 миллиард теңгені құрайтын 600 орындық мектеп те оқушыларды қабылдап, жұмысын бастап кетті.Осындай халық сұранысына қажетті ғимараттардың құрылыстары биыл да жалғасуда. Яғни, Сол жағалаудан құны 4,8 миллиард теңгені құрайтын музыкалық колледждің құрылысы қарқын алды. Оның алғашқы жұмыстарына 904 миллион теңге бөлінді.Ал денсаулық саласында құны 2,9 миллиард теңге болатын «Облыстық қан орталығының» құрылысын аяқтау биылға жоспарланған. Сондай-ақ жоба құны 36,4 миллиард теңгені құрайтын бір ауысымда&nbsp;100 келушіге арналған емханасы бар, 300 төсектік көпбейінді аурухана салынуда.&nbsp; Баймұрат батыр ауылында салынып жатқан дәрігерлік амбулатория жақын күндері пайдалануға беріледі. Оған бөлінген қаражат көлемі 422,5 миллион теңге.&nbsp; Осы құрылыспен қатар жүрген Қосшыңырау ауылдық округіндегі медициналық бекетті сәуір айында табысталмақ.&nbsp;Бұдан бөлек мәдениет саласы бойынша былтыр 568,1 миллион теңгеге Талсуат пен Қарауылтөбе ауылдарынан 150 орындық клуб пайдалануға беріліп, мәдениет пен руханиятқа үлкен сый болды.&nbsp;Игі бастамалар жалғасы Тасбөгет кентінде де орын алды. Яғни, облыстық бюджеттен бөлінген 514,5 миллион теңгеге стандарттарға сай дене шынықтыру-сауықтыру кешені ашылды. Ал, «Самұрық-Қазына» қоры болса, өз есебінен 239 миллион теңге бөліп,&nbsp; Ақсуат ауылдық округінен жаңа спорт кешенін салды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кәсіпкер-меценат Марат Дүйсенбаевтың демеушілігімен салынған құны 1,7 миллиард теңгені құрайтын «Анаға тағзым» орталығы қала халқына ерекше тарту болды. Бүгінде аталған орталықта түрлі жиындар өткізіліп, қыз-келіншектерге арналған үйірмелер, курстар ұйымдастырылуда.Сондай-ақ спорттық ойындардың бірі – үстел теннисі де бас шаһарда дамитын болады. Жуырда сол жағалаудан жаңа үстел теннисі орталығының іргетасы қаланды. Бюджеті 2,7 миллиард теңгені құрайды. Жобаға қажетті қаражаттың жартысы «Самұрық қазына» қоры арқылы бөлінді.&nbsp; Сонымен қатар, дәл осы аумақтан құны&nbsp;21 миллиард теңге болатын жеті мың орындық стадионның да құрылыс басталды.

Биыл Қызылорда қаласында бірнеше әлеуметтік нысан ел игілігіне берілмек

<a href="https://kyzylorda-news.kz/">Kyzylorda-news.kz</a> Мемлекет басшысы жаңа инвестициялық кезеңдібастау туралы тапсырмасы аясында өңірлерде жеке және шетелдік инвестициялар көлемін арттыру, ол үшін біртұтас экожүйе қалыптастыру, даму институттары мен бизнес арасында тиімді диалог орнату мәселелерін атап өткен болатын.Осыған орай кеше облыс әкімінің орынбасары Ардақ Зебешевтің төрағалығымен ҚР даму институттары өкілдерінің «Инвестиция тарту, өнеркәсіпті дамыту және экспортты ілгерілету бойынша мемлекеттік қолдау шаралары туралы өңірлік семинар-тренингі өтті.Шараға жергілікті атқарушы органдар, өңірлік даму институттары және бизнес-қауымдастық өкілдерімен өзара тығыз байланыстар орнату мақсатында «Kazakh Invest» ҰК», «Бәйтерек» ҰБК», «Қазақстанның даму банкі», «Өнеркәсіпті дамыту қоры», «Kazakh Export» ЭСК», «Даму» кәсіпкерлікті дамыту қоры» және «Аграрлық несие корпорациясы» акционерлік қоғамдарының өкілдері, қала және аудан әкімдерінің жауапты орынбасарлары, қаржы ұйымдары және банк басшылары, Атырау, Маңғыстау және Батыс Қазақстан облыстары бойынша «Kazakh Invest» ҰК» АҚ-ның өңірлік директорлары мен аймақ кәсіпкерлері қатысты.Семинарда облыс әкімінің &nbsp;орынбасары облыстың инвестициялық әлеуеті туралы айтты. &nbsp;«Kazakh Invest» ҰК» АҚ-ның «бір терезе» тобының басшысы Ғазиза Әбдінабиева инвестициялық қызметте мемлекеттік көрсететін қолдауына тоқталды. Ал облыс прокурорының орынбасары Нұрболат Дүйсенбаев инвесторларды қорғау бойынша атқарылған жұмыстарды сарапқа салды.Семинарда «бір терезе», «жасыл дәліз» қағидаларына сәйкес инвестициялық қызметті жүзеге асыру, өнеркәсіп саласын дамыту және шикізаттық емес экспорт көлемін арттыру бағытындағы мемлекеттік қолдау шаралары туралы түсіндірме жұмыстары жүргізілді.Қызылорда облысында алдағы уақытта жүзеге асырылуы жоспарланған 17 инвестициялық жобаға облыс, қала және аудан әкімдерінің орынбасарлары мен кәсіпкерлер арасында үшжақты «Жол карталарына» қол қойылды. Бұл өз кезегінде облыстың бизнес ахуалын жақсартуға және инвестициялық белсенділікті арттыруға жаңа серпін бермек.&nbsp;&nbsp;&nbsp;

Инвестиция – тың серпін, жаңа мүмкіндік

<a href="https://kyzylorda-news.kz/">Kyzylorda-news.kz</a>&nbsp; ҚР Премьер-министрі Олжас Бектеновтің төрағалығымен өткен Үкімет отырысында 2024 жылдың көктемгі дала жұмыстарына дайындық мәселесі қаралды. Қызылорда облысының әкімі Нұрлыбек Нәлібаев көктемгі егінге әзірлік барысын баяндады.<blockquote>– Мемлекет басшысының ауыл шаруашылығы өнім көлемін 5 жылда екі есеге арттыру тапсырмасына сәйкес, облыста 187 мың гектар жерге дақылдар егіледі. Оның ішінде күріш көлемі – 83,9 мың гектар. Өткен жылмен салыстырғанда егіс көлемін 6,4 мың гектарға, оның ішінде күрішті 5 мың гектарға азайттық. Орнына суды аз қажет ететін дақылдар егісін арттырамыз. Сырдария өзеніндегі су шаруашылығы жағдайы күрделі болғандықтан, су лимиті әлі белгіленбеген. Мемлекетаралық Су шаруашылығы үйлестіру комиссиясының 86-отырысында вегетация кезеңіне су лимиті белгіленгеннен кейін егіс көлемі қайта нақтыланатын болады. Бөлінген лимитке сәйкес күріш егісі әлі де қысқаруы мүмкін. Өңірде көктемгі егін егу жұмыстары наурыз айының бірінші онкүндігінде басталды, мамырда аяқталады. Күріш сәуір айының үшінші онкүндігінде себіле бастайды. Ерте егілетін дақылдар – жаңа жоңышқа, жаздық бидай, арпа, мақсары, қант құмайы жерге орналастырылуда. Бүгінгі күнге 16,5 мың гектары егілді, – деді аймақ басшысы.</blockquote>Облыс әкімінің айтуынша, су үнемдейтін озық технологияны енгізу биыл 4,2 мың гектарға жеткізіледі. Оның ішінде тамшылатып суару әдісімен «Таң ЛТД» ЖШС 800 гектар жүгері, «Qaratau Fruits» ШҚ 80 гектар қарқынды бақ, «Ер Әлі» ШҚ 15 гектар, майда шаруашылықтар 1800 гектар, жеке қожалықтар 1005 гектар көкөніс, бақша егеді. Жаңбырлатып суару әдісімен «РЗА Агро» ЖШС 260 гектарға сүрлемдік жүгері, «Gamil Pro» ШҚ 200 гектар жоңышқа, «Жетікөл Жер» ЖШС 40 гектар күнбағыс егуді жоспарлаған.Күріш мелиоративтік дақыл болғандықтан, атыздарда су үнемдеудің бірден-бір жолы – лазерлік тегістеу. Биыл күріш алқаптарының 70 пайызы лазермен тегістеледі. Бұл суды 20 пайызға дейін үнемдеуге және өнімділікті 30 пайызға дейін арттыруға мүмкіндік береді. Су тапшылығы жағдайында суды екінші рет қайта пайдалану үшін 351 су насосы дайындалды. Кепілді өнім алудың алғышарттарының бірі – тұқым және минералдық тыңайтқыштарды өз деңгейінде пайдалану. Тұқым дайындауда ешқандай мәселе жоқ, 100 пайыз қамтамасыз етілді. Минералды тыңайтқыштарға қатысты қосымша қаржыландыруды күтпей, жыл басында тыңайтқыш жеткізушілер және өндірушілермен жасалған келісімдер нәтижесінде бүгінгі күнге 52,8 мың тонна тыңайтқыш шаруашылықтарға жеткізілді. Бұл – қажеттіліктің 83 пайызы. Қаржысы шаруашылықтар және инвесторлар есебінен шешілді.Көктемгі дала жұмыстарын жүргізуге қажетті қаржы көлемі 26,7 млрд теңгені құрайды. Оның 87,1 пайызы немесе 23,3 млрд теңгесі қаржыландырылды. Каналдардың 134 шақырымы тазаланып, гидротехникалық құрылыстардың 75-і жөндеуден өтті. Ауыл шаруашылығы техникалары толық жөнделіп, егін егу науқанына қатысуда.Шаруашылықтардың қажеттілігіне сәйкес облысқа бөлінген 12,9 мың тонна арзандатылған дизельдің 40 пайызы жеткізіліп, 1 литрі 250 теңгеден босатылуда.Баяндама соңында Нұрлыбек Машбекұлы көктемгі дала жұмыстарына дайындық жеке бақылауында екенін және тиісті министрліктермен тығыз жұмыс жүргізілгенін айтты.Үкімет отырысынан кейінгі арнайы мәжілісте облыс әкімі Нұрлыбек Нәлібаев аталған мәселеге орай жауапты тұлғаларға бірқатар тапсырма берді.<blockquote>– Мемлекет басшысының ауыл шаруашылығы жалпы өнім көлемін алдағы 5 жылда екі есеге арттыру жөніндегі тапсырмасын орындауды биылдан бастауымыз керек. Ол үшін Үкімет мақұлдаған егін шаруашылығы индикаторлары бойынша биылға болжанған көлемді агротехникалық талаптарды сақтап, мерзімінде егу қажет. Жанар-жағармай, тыңайтқыш, тұқым, қаржы және су ресурстарымен қамтамасыз ету басты назарға алынады. Бүгінгі күнгі мәлімет бойынша «Шардарадан» жоғары орналасқан «Тоқтағұл», «Әндіжан», «Қайраққұм», «Шарбақ» су қоймаларындағы су көлемі 12,1 млрд текше метр, бұл өткен жылдағыдан 700 млн текше метрге кем. «Шардара» мен «Көксарайға» жиналған су көлемі 1 млрд текше метрге аз. Вегетациялық кезеңде «Шардара» су қоймасына жоғарыдан қосымша 3 млрд текше метр су берілмесе, қиындықтар туындайды. Сондықтан жоғарыдан келетін су көлемі тұрақты, күнделікті бақылауда болуы керек, – деді аймақ басшысы.</blockquote>Жиында шаруашылықтардың «Аграрлық несие корпорациясы» арқылы «Кең дала» бағдарламасымен 2,5 млрд теңге несие алуы, ауыспалы егіс тәртібін қатаң сақтау, су үнемдеу технологиясы қолданылатын егіс көлемін ұлғайту мәселелері талқыланды.Мәжіліс қорытындысымен облыстық ауыл шаруашылығы және жер қатынастары басқармасына жанар-жағармайдың бекітілген кесте бойынша жеткізілуін қадағалау, қаржыландыруды ұйымдастыру, Қызылорда қаласы және аудан әкімдерімен бірлесіп, бақшалыққа қажетті судың берілуін үйлестіріп, көлемін арттыру тапсырылды. «Арал-Сырдария» бассейндік инспекциясы егіске қажетті суармалы судың лимитін сәуір айының 5-не дейін нақтылауы тиіс. Ал «Қазсушар» мекемесінің облыстық филиалы көктемгі су алу науқаны басталғанға дейін су шаруашылығы нысандарын (каналдарды тазалау, гидротехникалық құрылыстарды, гидропосттарды) жөндеуді толық аяқтауға жауапты. Мұнан бөлек, Қызылорда қаласы мен аудан әкімдеріне қажетті тыңайтқышпен, тұқыммен, жанар-жағармаймен қамтамасыз ету, жергілікті тұрғындардың картоп, көкөніс, бақша дақылдарын егетін қосымша жерін дайындауды 1 мамырға дейін аяқтау жөнінде тапсырма берілді. &nbsp;&nbsp;

Өңір − көктемгі дала жұмыстарына дайын

<a href="https://kyzylorda-news.kz/">Kyzylorda-news.kz</a> Базар мен дүкендерде келісі 80 теңгеден басталады, деп хабарлайды&nbsp;<a href="https://24.kz/kz/zha-aly-tar/ekonomika/item/644291-yzylordada-piyaz-3-ese-arzandady">24KZ.&nbsp;&nbsp;</a>&nbsp;Ал азық-түлікті тұрақтандыру қорының әлеуметтік сауда нүктелерінде 30 теңгеден сатылып жатыр. Себебі қазан айынан бері қоймада сақталған пияз күн күрт жылыған кезде бұзылып кетуі мүмкін. Былтыр 120 тонна көкөніс жарамсыз болып, қоқысқа тасталды. Қазір тұрақтандыру қорында 400 тоннаға жуық пияз қалған.&nbsp;<blockquote>- Аудандар өзінің жол көліктерінің шығынын есептегенде 45-50 теңгеге барып қалуы мүмкін. Ал қала бойынша барлық нүктесінде, сауда үйлерінде, базарларда 30 теңгеден өзімізге тиісті әлеуметтік магазиндер арқылы сатып жатырмыз. Күніне осы тұрақтандыру қорының өзінен 3 тоннаға дейін жуа шығады, – деді тұрақтандыру қорының басқарма басшысы&nbsp;Мейрамбек Серікбай. &nbsp;</blockquote>Фото: Нұрболат Нұржаубай

Қызылордада пияз 3 есе арзандады

<a href="https://kyzylorda-news.kz/">Kyzylorda-news.kz</a>&nbsp; Көгілдір отынды тұтынған жергілікті халық біршама бейнеттен арылғаны мәлім. От жағып, күл шығырудан босаған табиғи газды тұтынушы қытымыр қыстан қиналмай шығуда. Қысы-жазы әрбір үйге газдың кедергісіз келуіне себепкер атанып отырған сала маманының еңбегі орасан. Бұрнағы күні редакцияға «Интер Газ Центральная Азия» мекемесіне қарасты АГРС «Тереңөзек» стансасының опереторы Алмат Нұрұшев бас сұққан болатын. Өз кезегінде Сырдария және Жалағаш ауданына көгілдір отынды жеткізумен айналысатын арнаулы өкілдіктің маманымен аз-кем пікірлесудің сәті түсті. Жалпы, аудан аумағында газ тарату жүйесімен қос мекеме айналысады. «Қызылорда газ тарату жүйесі» КМК көгілдір отынды пайдаланудағы қауіпсіздікті қамтамасыз етсе,&nbsp;АГРС «Тереңөзек» стансасы аудан орталығына табиғи газды жеткізумен айналысады. Құрамында 7 қызметкер бар мекеменің бөлініске сай жүргізілетін өзіндік міндеттемесі бар. Негізінен, күн райына қарамастан, тәулік бойы дамылсыз еңбек ететін әрбір маман газдың қысымын бақылап, апаттық жағдайдың орын алмауын назардан тыс шығармайды. Жүктелген жұмысты мүлтіксіз орындауға тырысатын&nbsp;Нұржан Сұлтанов, Әділет Есназаров, Серікбол Биболатұлы, Медет Шитманов, Фархад Қиықбаев, Ерәділ Тілеуов барынша ыждағаттылық танытады. Аңғарусыз қалған іс-әрекеттің арты – шығыны зор апатқа ұшыратуы мүмкін. Сондықтан тиянақтыпен жасалған жұмысқа&nbsp; мүдделі іргелі ұжым тұр. – Ең алғаш Тереңөзек кенті табиғи газға қосылғанда жергілікті жұртшылықтың қуанышында шек болмады. 2020 жылы АГРС «Тереңөзек» стансасы ретінде ашылған мекеменің негізгі қызметін көпшілік біле бермейді. Аудан орталығынан шеткері, яғни тоғайда орналасқан газ құбырлары біздің ұдайы бақылауымызда болады. Жаңабыр және қарлы, боран күндерде де, тұтынушы үшін қызметіміз тоқтамайды. Айта кетейік, АГРС «Тереңөзек» стансасына желілік құбыр арқылы 100 келі қысыммен газ келеді. Осы орайда, мамандар жоғары қысыммен келген газды Жалағаш және Сырдария ауданына белгіленген мөлшерде түсіріп, орталық жіберуді ұйымдастырамыз. Бір жағынан денсаулыққа кері әсерін тигізетін көгілдір отынның қақ ортасында жүреміз. Сонымен қатар тұтынушылар&nbsp; тұрғын үйлерінен газ&nbsp; иісі шығып, ақау барын білуі мақсатында одарантты табиғи газға қосамыз. Дер кезінде орын алған апатты жойып, газдың берілуін тоқтпатпаймыз. Жауапкершілікті сезіну арқылы ел алғысына бөлене бермекпіз, – дейді АГРС «Тереңөзек» стансасының опереторы Алмат Нұрұшев. Арнаулы мекеменің мамандары көзбен көретін қиындық атаулысы жеткілікті. Ең тоғайда құбыр жағалап, дамыл таппайтын олардың еңбегі ерен. Анығын айтқанда, сықырлаған аязды күні жылы үйде қаннен-қаперсіз жүру – сала мамандарының&nbsp; арқасы екенін білген жөн.&nbsp;&nbsp;

Сырдария ауданының аумағында газ тарату жүйесімен қос мекеме айналысады

<a href="https://kyzylorda-news.kz/">Kyzylorda-news.kz</a>&nbsp; Оралда су тасқынына байланысты төтенше жағдай жарияланды, деп хабарлайды <a href="https://sn.kz/sn-akparat-agyny/111211-oralda-totenshe-zhagdai-zhariialandy">Skifnews.kz </a>ақпарат порталы.Орал қаласы әкімдігінің мәліметінше, қала басшысы Миржан Сатқановтың жергілікті ауқымдағы табиғи сипаттағы төтенше жағдай жариялау туралы шешімі шықты.Шешімге сәйкес, Орал қаласы тұрғын үй-коммуналдық шаруашылығы, жолаушы көлігі және автомобиль жолдары бөлімі басшысына зардап шеккен нысандарды тексеру жүктелді.Фото: ҚР Ұлттық ұланы «Батыс» өңірлік қолбасшылығынан

Қазақстан және Қызылорда облысының жаңалықтары: Экономика