<a href="https://kyzylorda-news.kz/ru">Kyzylorda-news.kz.</a> &nbsp; Өткен жылы Қызылорда қаласында қызылшамен ауырған 1266 науқас тіркелген. 14 жасқа дейінгі балалар саны – 1111. Бұл туралы Қызылорда қалалық санитариярық-эпидемиологиялық бақылау басқармасының басшысы Гүлмира Сыздықова хабарлады.<blockquote>Жыл басынан бері қызылшамен ауырған 130 науқас тіркелді. Оның басым бөлігі (90,0%) 14 жасқа дейінгі балалар. Айта кету керек, қызылша ауруының эпидемиологиялық ахуалын тұрақтандыру үшін қажетті шаралар жүргізіліп келеді. Қызылша індетіне шалдыққандардың басым бөлігі - ауруға қарсы екпе алмаған жандар. Сондықтан аурудың алдын алып, уақытылы екпе қабылдаған жөн, - деді Гүлмира Сыздықова.</blockquote>Брифинг барысында Ана мен бала денсаулығын қорғау бөлімінің бөлім басшысы Айгүл Төлегенова екпе егу шараларына тоқталып өтті. Бүгінде 1 жастағы 9264 және 6 жастағы 8292 балалар қызылшаға қарсы профилактикалық екпелермен қамтылды. Ендігі ретте, 6 айдан бастап 10 айға дейінгі және 2 жастан бастап 4 жасқа дейінгі балаларды қосымша жаппай иммундау жүргізілуде. Қазіргі таңда осы санаттағы 23 767 бала екпемен қамтылды. 6-10 ай аралығындағы балалардың 2 106-сы, 2-4 жас аралығындағы балалардың 17 776-сы егілген.<blockquote>Вакцинациялаудан бас тарту түрлі инфекциялардың өршуіне әкелуі мүмкін. Соған байланысты ата-аналардан сұрайтынымыз, вакцинациялау арқылы балалардың денсаулығын сақтауды қамтамасыз ету, - деп толықтырды Қызылорда облыстық жұқпалы аурулар ауруханасы бас дәрігерінің емдеу ісі жөніндегі орынбасары Шарипа Алиева.</blockquote>

Қызылша: Қызылордада эпидемиологиялық ахуал қалай? 

<a href="https://kyzylorda-news.kz/ru">Kyzylorda-news.kz.</a>&nbsp; Белсенділер Қазақстанда донорлық туралы заңды өзгертуді сұрады. Бұл туралы <a href="https://www.ktk.kz/ru/news/video/2024/01/15/260948/">КТК</a> арнасы хабарлайды.Бүгінде донорлық ағзаға мұқтаж мыңдаған жан шетелден келетін ағза трансплантациясына ғана үміттенеді. Себебі ол елдерде қайтыс болған адамдардың мүшесін алу үшін туыстарының рұқсаты талап етілмейді.<blockquote>“Дәрігерлер қордан ақша алғанша, заңды елімізде донорлық дамитындай етіп өзгерту керек дейді. Тиісті конференция өткізілді. Денсаулық сақтау министрлігімен бірге үкіметті де, қоғамды да трансплантация және мәйіт донорлығы туралы заңды өзгертуге шақыру мақсатында осы конференцияға қатыстық”, – деді "Қазақстан халқына" қорының басқарма төрағасы Болат Жәмішев.</blockquote> Шетелдегі органдарды сатып алу туралы өтініштерді "Қазақстан халқына" қоры қабылдайды. Бұл өте қымбат болғандықтан, көптің қалтасы көтермейді.Елімізде қайтыс болған азаматтардың ағзасын туыстарының рұқсатынсыз алуға заң рұқсат етсе, мыңдаған адамның өмірін сақтап қалар еді. Қазір Қазақстанда 4 мыңға жуық адам органға мұқтаж, оның 90-ы бала. Халықтың басым бөлігі бұған қарсы болғандықтан, көбі кезекке жетпей, көз жұмады.Фото: Нұрболат Нұржаубай

Қазақстанда қайтыс болғандардың ағзасын туыстарының рұқсатынсыз алу ұсынылды

<a href="https://kyzylorda-news.kz/ru">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев Жаңақорған ауданына жұмыс сапарымен барып, Төменарық ауылдық округінде салынатын 15 орындық аурухананың іргетасын қалау рәсіміне қатысты.Аймақ басшысы ауыл тұрғындарын жаңа нысан құрылысының басталуымен құттықтады.<blockquote>«Адамның баға жетпес байлығы – денсаулығын, өмір сапасын жақсарту жолында мемлекет тарапынан атқарылған жұмыс ауқымды. Әлемдегі геосаяси ахуалдан туындаған экономикалық қиындықтарға қарамастан Президентіміз Қасым-Жомарт Кемелұлы денсаулық сақтау саласын дамытуды басым бағыттардың бірі ретінде белгілеп, халыққа арнаған Жолдауларында нақты талаптар қойды. «Сапалы медициналық қызмет азаматтардың тұрғылықты жеріне қарамастан бәріне бірдей қолжетімді болуы керек» деп атап өтті.Бүгінгі қолға алынған жұмыстардың барлығы да халық денсаулығын нығайту, аурудың алдын алу үшін жасалуда. Құрылысы басталған амбулаториясы бар аурухана осы мақсаттың орындалуына септігін тигізіп, аурушаңдықтың азаюына ықпал етеді деген сенімдеміз», – деді Нұрлыбек Машбекұлы.</blockquote>Бас мердігер «Астана сервис ЛТД» жаңа аурухананы биыл мамыр айында пайдалануға бермек. Жалпы ауданы 1072 шаршы метр нысан құрылысының құны 893 млн теңге.Іс-шарада еңбек ардагері Жақсылық Сапарбеков жерлестерін құттықтап, бата берді. Сондай-ақ, Төменарық ауылының әлеуметтік-экономикалық дамуына үлес қосқан бірқатар азаматтың еңбегі еленіп, марапатталды.Айта кетейік, өңірдің денсаулық сақтау саласына биыл 156 млрд 100 млн теңгеге жуық қаржы бағытталуда. Қызылорда қаласында 36 млрд 400 млн теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. «Ауылда денсаулық сақтауды жаңғырту» ұлттық жобасы аясында елді мекендерде 27 нысан салынуда. Өткен жылы 15-і ел игілігіне табысталды. Оның ішінде, Жаңақорған ауданының Қаратөбе ауылында жаңа амбулатория ашылса, биыл Бесарық және Әбдіғаппар ауылдарында бой көтереді. Ұлттық жоба аясында Арал, Қазалы, Шиелі, Жаңақорған аудандарындағы көпбейінді орталық ауруханаларға қосымша ғимараттар салынады. Жақын күндері көпбейінді облыстық аурухана жанынан 70 төсектік перинаталдық орталық халық игілігіне беріледі. Қызылорда қаласында 200 төсек-орынға арналған заманауи перинаталдық орталық құрылысы басталады. Жоба құны 30 млрд теңге. Мамыр айында Қан орталығы қызметіне кіріседі. Мұнан бөлек, жергілікті бюджеттен Арал ауданында «Қамқорлық» оңалту орталығының құрылысы басталады. Жалпы 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда. Бұл жұмыстарға 3 млрд 700 млн теңге қаралды. Облыстық психикалық денсаулық, өкпе аурулары орталықтары ғимараттарына күрделі жөндеу жұмыстары жүргізілуде. Биыл облыстық жұқпалы аурулар ауруханасының ғимараты күрделі жөндеуден өткізілмек.Сыр өңірі «Қазақстан халқына» қоғамдық қорымен тығыз әріптестік байланыста. Қор соңғы екі жылда аймағымыздың білім мен медицина саласына 4 млрд теңгеге жуық қаржы бөлді. Бұл қаржыға облыстық балалар ауруханасы базасында «Қамқорлық» реабилитациялық орталығы ашылып, құны 1 млрд 100 млн теңге тұратын онкологиялық скрининг жүргізуге арналған екі жылжымалы медициналық кешен, өзге де қажетті құрал-жабдықтар мен дәрі-дәрмектер алынды. Қазір жылжымалы медициналық кешен шалғай ауылдарда қызмет көрсетуде.Облыс әкімі рәсімнен соң ауыл тұрғындарымен, ақсақалдармен кездесіп, ұсыныс-пікірлерін тыңдады.<img src="https://knadmin.beoblood.kz/uploads/418508600_676189371368977_5380460242835838242_n_03eae78f95.jpg" alt="418508600_676189371368977_5380460242835838242_n.jpg">

Жаңақорған ауданында аурухана құрылысы басталды

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысының 600-ге жуық тұрғыны бүйрек жеткіліксіздігімен диспансерлік есепте тұр. 200-ге жуық адам демеуші терапия – гемодиализ бағдарламасында. Бұл қандай әдіс, қанша тұрады және мұндай осы диагнозбен ауыратын науқастарды емдеудің балама түрі бар ма? Осы сұрақтарға өз сұхбатында көпсалалы облыстық аурухананың бас дәрігері Жасұлан Баймаханов жауап берді.- Жасұлан Болатбекұлы, бүгінде бүйрек жеткіліксіздігінің салдары қандай және осы диагнозбен ауыратын науқастарға қандай медициналық көмек көрсетілуде?- Бүйрек жеткіліксіздігі бүкіл ағзаның жұмысына әсер етеді. Қанның құрамы өзгереді, нәтижесінде қан аздық және қан кету бұзылыстары пайда болады. Жүректің және қан тамырларының дисфункциясы, бұл гипертония мен жүрек жеткіліксіздігіне әкелуі мүмкін. Асқорыту, жүйке және иммундық жүйелерде бұзылулар орын алады, тірек-қимыл аппаратына әсер етеді. Нәтижесінде науқас - іріңді-септикалық процестер, ішкі қан кету секілді өмірге қауіп төндіретін жағдайларға тап болуы мүмкін. Барлық осы жағымсыз салдардың алдын алу үшін емделушілер гемодиализ бағдарламасына жіберіледі. Бұл бүйректен тыс қанды тазарту әдісі, оның барысында улы метаболикалық өнімдер ағзадан шығарылады, су мен электролит балансының бұзылуы қалыпқа келтіріледі. Бүгінде аймақта 200-ге жуық адам гемодиализде. Айта кету керек, бұл арзан ем шара емес.- Оның құны қанша және емделушілерге қаншалықты тиімді?- Пациенттер ештеңе төлемейді, емделу ақысы Әлеуметтік медициналық сақтандыру қоры арқылы төленеді. Басты міндет – «сақтандырылған» мәртебесі болуы қажет. Бірақ оның құны гемодиализдің өзінен әлдеқайда төмен. Жыл сайын әр пациентке шамамен 6 миллион теңге қарастырылған. Бұл әр емделушінің өзінің отбасылық бюджетінен бөле алмайтын орасан зор қаражат. Ем-шара өмірлік екенін ескерсек, бұл қолжетімсіз шығындар.- Гемодиализге балама бар ма?– Иә, донорлық бүйрек трансплантациясы. Облысымызда мұндай алғашқы ота 2014 жылы жасалған болатын. Астана, Алматы, Шымкент, Ақтөбеден кейін Қызылорда облысы республика бойынша мұндай оталарды жүргізетін бесінші өңір болды. Қазір облыста ағзасы ауыстырылған 85 адам тұрады. Трансплантациялау оталары А.Н.Сызғанов атындағы Ұлттық ғылыми хирургия орталығында жасалды. Енді көптеген шеберлік сабақтарын аяқтаған тәжірибелі мамандарымыз мұндай оталарды өз бетінше жасайтын болады. Өткен жылдың соңында Қызылорда қаласының 25 жастағы тұрғыны Дастан Мамытқа отаны сәтті жасадық. Науқас үш жыл бойы жасанды бүйрек аппаратына тәуелді болды. Донор оның ағасы, 39 жастағы Омар Мамытов. Трансплантация тек жақын туыстар арасында жүргізіледі. Бүгінгі таңда реципиент пен донордың денсаулық жағдайы қанағаттанарлық. Отаны медицина ғылымдарының докторы, профессор, жоғары санатты дәрігер Болатбек Баймаханов пен көпсалалы облыстық аурухананың трансплантолог дәрігерлері жасады.- Ота тегін бе?- Науқас үшін, иә. Бірақ қаржыландыру міндетті әлеуметтік медициналық сақтандыру жүйесі арқылы келеді. Құны гемодиализдікіне ұқсас, 6 миллион теңге. Бірақ хирургия, гемодиализден айырмашылығы, емделушілердің өмір сүру сапасын айтарлықтай жақсартады. - Отаға науқастарды қандай негізінде таңдайсыз?&nbsp; – Алдын ала комиссия құрылады, оның ішінде заңгерлер де бар. Науқасты, донорды мұқият медициналық тексеруден өткізгеннен кейін және барлық тәуекелдерді талдаудан кейін мұндай отаны жасауға рұқсат беріледі. Бұл күндері доноры бар тағы 2 науқас дайындалуда. Және жоғарыда атап өткенімдей, біз отаға мұқият дайындаламыз!-Бүйрек трансплантациясынан кейін өмір сүру деңгейі қандай болады?-Науқас дәрігердің барлық ұсыныстарын орындап, салауатты өмір салтын ұстанатын болса, асқыну қаупі аз болады. Бір бүйрегі бар донор да, реципиент те толыққанды өмір сүре алады. Отадан кейін мұндай науқастардың өмір сүру ұзақтығы айтарлықтай артады. Пациенттің ең кішісі үш айлық, ең үлкені 60 жаста. Қазірдің өзінде трансплантациялау отасынан өткен адамдардың тұтас топтары бар. Олар отбасын құрады, жұмыс істейді және, былайша айтқанда, толыққанды өмір сүреді.&nbsp;Сұхбатыңызға рақмет!&nbsp;

Диализдің орнына донор бүйрек: МӘМС қаржысы қайда кетеді?

<a href="https://kyzylorda-news.kz/ru">Kyzylorda-news.kz.</a>&nbsp; Әлеуметтік медициналық сақтандыру қоры медициналық көмекті қаржыландыру бойынша 2023 жылдың қорытындысын шығарды. Осыған бірнеше есеп арналады. Алғашқысы ана мен баланы қорғау саласындағы медициналық қызметтерге қатысты. Қор сарапшыларының есебінше, былтыр МӘМС қаражатынан жүкті әйелдер мен босанған әйелдерге медициналық көмек көрсетуге 169 млрд теңге бағытталған. Орташа есеппен алғанда бір әйелге 433 мың теңгеден келеді. Бұдан бөлек, ЭКҰ-ның 7 мың ем-шарасын жүзеге асыруға 8,1 млрд теңге бөлінді. &nbsp;Жүктілікті жүргізу және скринингтер 2023 жылы жүкті әйелдерге дәрігерлердің бақылауымен байланысты 12,2 млн қызмет көрсетілді. Бұл зертханалық және диагностикалық зерттеулер, скринингтер және басқа да қажетті медициналық қызметтер. Осыны қаржыландыруға МӘМС бойынша жалпы 31,2 млрд теңге қарастырылды. Олардың төрттен бір бөлігі іштегі сәбидің ауруларын ерте диагностикалау үшін пренатальды скринингтік қызметтерге бағытталды. &nbsp;<img src="https://knadmin.beoblood.kz/uploads/slajd_kaz_2_310d5de1e9.jpeg" alt="слайд каз 2.jpeg">Дәрі-дәрмекпен қамтамасыз ету Фертильді жастағы 35,4 мың әйелге темір тапшылығы анемиясын емдеуге арналған препараттар берілді. Осыған 57 млн теңге жұмсалды. Айта кетерлігі, МӘМС бойынша іштегі сәбидің туа біткен ақауларының алдын алу үшін дәрі-дәрмектерді қаржыландыруға 87 млн теңге қарастырылған. &nbsp;<img src="https://knadmin.beoblood.kz/uploads/slajd_kaz_3_6254dbecb3.jpeg" alt="слайд каз 3.jpeg">Бала туу 100,4 млрд теңге акушерлік бейіндегі тәулік бойы және күндізгі стационарларда 636 мың әйелді емдеуге жұмсалды. Олардың жартысына жуығы босану қызметтерін көрсетті. Перинаталдық кезең аурулары бар 79 мың жаңа туған нәрестеге ем қажет болды. Осыған 37,4 млрд теңгеге МӘМС жүйесі есебінен қаржыландырылды.&nbsp; &nbsp;<img src="https://knadmin.beoblood.kz/uploads/slajd_kaz_4_4938106072.jpeg" alt="слайд каз 4.jpeg">Жүкті әйелдерге қандай медициналық көмек қажет екендігі туралы толығырақ мына жерден және ҚР акушерлік-гинекологиялық көмек көрсетуді ұйымдастыру Акушерлік-гинекологиялық көмек көрсетуді ұйымдастыру стандартынан оқыңыз. Жүкті әйелдердің патронажы туралы Педиатриялық қызметті ұйымдастыру стандартынан білуге болады. &nbsp; &nbsp;<img src="https://knadmin.beoblood.kz/uploads/slajd_kaz_5_972da49441.jpeg" alt="слайд каз 5.jpeg">

Ана мен баланы қорғауға МӘМС-тен қанша қаражат жұмсалды?

<a href="https://kyzylorda-news.kz/ru">Kyzylorda-news.kz.</a> Ғылыми-зерттеу саласында нәтижелі еңбек етіп жүрген жас жетерлік. Олар алда үлкен жауапкершілік тұрғанын сезінеді. Сондықтан білім жетілдіріп, тәжірибелерде тәуекелге бел буу – басты мақсаты. Жерлесіміз, дәрігер Мұхит Құлмағанбетовтың жаңашылдыққа деген құлшынысы соған дәлел. Мұхит Қызылорда облысында өскен. Қалжан ахун ауылында, кейін Тереңөзек кентінде білім алған. Осылайша арманына қанат байлаған жас С.Ж.Асфендияров атындағы Қазақ Ұлттық медицина университетінің жалпы медицина факультетіне оқуға түседі.Ауылдан Ұлыбританияға дейінАуылдан шыққан қазақтың қара баласы бұл қадамнан соң Еуропаның жоғары оқу орындарының бірінде лекция оқитын деңгейге жеткен. Жалпы хирургия мамандығын тәмамдаған соң Қазақ көз аурулары ғылыми-зерттеу институтында офтальмолог болсам деген мақсат қойыпты. Сол уақытта Ұлыбританияға жолы түсіп, ғылыми конференцияға қатысқан. Осы сәттен бастап білімді жастың жоспары күрт өзгереді. Мұхитқа Кардифф университетінің профессорлары бірге жұмыс істеуге ұсыныс білдіреді.<blockquote> – Әлем мойындаған, офталь­мологияның алдыңғы қатардағы ғалымдарының өздері ұсыныс айтқанда қуанышымда шек болмады. Тез арада жобаның жоспарын талқылап, қаражат іздей бастадық. 3 айдан кейін тәуекелге бел буып, Кардифф университеті және Британия кеңесі (British Council) ұйымдастырған жарысқа қатыстық. Дүниежүзінен қатысқан 680 үміткердің арасынан 7 жеңімпаз әртүрлі мамандық бойынша PhD докторантураға оқуға мүмкіндік алдық. Сол жерде офтальмология, оптика, анатомия және клиникалық диагностика пәндерінен сабақ бердім. Кардифф университеті көз зерттеулері бойынша Еуропаның алдыңғы қатарында тұрса, Ұлыбританияда мінсіз көшбасшы. Сондықтан таңдауым осы елге түскен еді, – дейді жас ғалым.</blockquote>Үлкен академиялық атағы бар университеттер грант, демеуші немесе қолдаушы іздеп әуреге түспейді. Керісінше, сол жердегі мамандарға сұраныс жоғары. Сол себепті қаражат мәселесі, оның ішінде зерттеу шығындары қолбайлау емес. Сондықтан болар, кейіпкерімізге «ақша жоқ, зерттеуіңді арзан түрде жаса» деп қысым көрсетілмеген көрінеді.Туабітті көз ауруын емдеуге боладыСоның нәтижесінде Мұхит «Көздің торлы қабығының нейродегенеративті ауруларын оптикалық когерентті томографияны және жасанды интеллектті пайдалана отырып ерте анықтау» тақырыбына терең бойлаған. Аталған ауруларға глаукома, жасқа байланысты макулярлы дегенерация (ЖМД) және Альцгеймер аурулары жатады. Бұл аурулардың ортақ ерекшелігінің бірі – радикалды емнің жоқтығы. Бұған қоса глаукома және ЖМД соқырлықтың негізгі себебі.<blockquote> – Зерттеу үш сатылы эксперименттен тұрды. Ол – химиялық, жануарларға эксперимент жасау және клиникалық жұмыс. Бірінші сатысында көздің торлы қабығының жасанды оптикалық фантомдарын органикалық және бейорганикалық химикаттардан жасап, кейін оптикалық когерентті томографиямен түсірдім. Бұрын химия пәнін жақсы көргеннен кейін осы зерттеу ойдағыдай шықты. Екінші бөлікте жануарлар, оның ішінде тышқан мен егеуқұйрықтың көзін зерттедім. Эксперимент барысында кеміргіштердің көзіне ауру моделін жасап, кейін диссекцияладық. Сол әдіс арқылы торлы қабықтың ганглиозды жасушаларының апоптозын зерттедік. Сонымен қатар 3xTg тышқан моделінің көзін ОКТ-ға түсірдік, бұл тышқандарда Альцгеймер ауруының сипаттары бар. Кейін биологиялық өзгерістердің математикалық есебін шығардық. Осы орайда машинамен оқыту әдісін пайдаландық. Зерттеудің үшінші, әрі ең маңызды сатысы – клиникалық жұмыс. Бұл кезеңде глаукома және ЖМД бар науқастардың көзін томографияға түсірдім. Кейін скандардың барлығын жинап болған соң, жасанды интеллект әдісін пайдаланып, аурулардың ерте диагнос­тикасымен айна­лысамыз. Тіпті кванттық техногологиямен туабітті көз ауруын емдеуге болады, – дейді ол.</blockquote> Жас ғалымның бұл ізденісі ғылыми ортаға жылдам тараған. Уэльсте Қазақстаннан келген студент оптикалық жүйе жасаумен айналысып жүр дегенді естіген Канададағы Уатерлоу университеті институтының физиктері маман қажеттігін айтып, хабарласқан.<blockquote> – Олар Уатерлоу университетіне баруыма немесе Гонконгта енді құрыла бастаған кванттық офтальмология бойынша зертханаға жетекшілік ету туралы ұсыныс тастады. Мен докторантураны бітіргім келетінін және электроника, инженерияны меңгергенмен, кванттық физиканы білмейтінімді айттым. Келісім аясында ғалымдарға оқу мерзімі аяқталғанға дейін кванттық физиканы меңгеруге уәде еттім. Олар да қолдау көрсетті. Осылайша, Гонконг зертханасында жұмыс істеу өз еліме ғылымның жаңа технологиялық жаңалықтарын жеткізуге берілген зор мүмкіндік деп білемін, – дейді Мұхит.</blockquote>Қазақстан үшін үшінші микроскоп жасағым келедіБүгінде Гонконг зертханасында АҚШ, Ұлыбритания, Канада, Үндістан, Гонконг, Сербия, Ресей, Қазақстаннан барған жеті ғалым жұмыс істейді. Топтың кураторы – канадалық-америкалық профессор, Массачусетс технологиялық институтының ең мықты кванттық физигі Дэвид Кори. Ал ғалым-әріптестер құрған Structured Light Tomography компаниясының басшысы – Мұхит Құлмағанбетов. Олардың жұмысына тіпті Нобель сыйлығының лауреаттары қызығушылық танытып отыр екен. Мұхиттің айтуынша, әлемдік медицинада глаукома, диабеттік ретинопатия, макулярлы дегенерацияның емі табылған жоқ. Әлеуметтік салдары күрделі осындай ауруларды емдеу, алдын алу уақыт еншісінде. Ғалымдар қазіргі кезде микроскопты миниатюризирлеу және толық­қанды цикл бойынша жұмыстар істеп жатыр. Өндірісті аяқтау мерзімі келер жылдың ортасына қарай болжанған. Мұндай жағдайда Мұхит Гонконг зертханасымен үш жылға жасалған келісімшартты ұзартуы мүмкін. Ал сынақтан өткен аппараттар нарыққа шыққаннан кейін әлем офтольмологтері үшін үлкен жаңалыққа айналатыны анық. Гонконг зертханасындағы жұмыс Мұхитқа жаңа тәсілдер үйренуде де сеп болған. Себебі, ғылыми ізденістен бөлек коммерцияландыру, мақала жариялауға болады. Қазіргі кезде екі ел арасында жиі қатынайтын кейіпкеріміз Канадада профессорлардың үлкен зертханасында науқастарды қабылдап, кванттық физика, офтальмология тұрғысынан ауру түрлерін анықтауға атсалысып жатыр. Сонымен қатар Алматыдағы Көз аурулары ғылыми-зерттеу институтында 2014 жылдан бері ғылыми сарапшы ретінде қашықтан жұмыс істеп келеді. Бүгінде аталған институтпен Кардифф университеті арасында білім, ақпарат, технология алмасу бойынша меморандумға қол қойылған. Сондай-ақ ол аэроғарыш медицинасы бойынша NASA-дағы әріптестерімен бірлескен жоба жасап жатыр. Жан-жақты ғалым «Қашан елге келіп, еңбек етесіз?» деген сауалға былай жауап берді.<blockquote> – Медицина, әсіресе ғылыммен айналысатын мамандар тапшы кезде Қазақстанға оралу – ел мүддесіне де қажет стратегиялық қадам. Бірақ мүмкін болса, сыртта жүрген жас ғалымдарды шақырып, оларға жайлы жағдай жасаған дұрыс деп ойлаймын. Болашақта Қазақстан үшін үшінші микроскоп жасағым келеді. Сонда біз глаукоманы, ЖҚА және басқа да ауруларды ерте кезеңде анықтай аламыз. Мен қазір елімізге ғана емес, бүкіл әлемге көмектесетін ғылыммен айналысып жатырмын деп санаймын, – деп түйіндеді әңгімесін ғалым.</blockquote> Мөлдір СНАДИН

Қазақстандағы алғаш кванттық офтальмолог Қызылордадан шықты

Фото: dknews.kz<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрлігі бұған дейін ведомствоның Telegram-арнасында министр Ажар Ғинияттың отставкаға кетуі туралы өтініші бар материалға сілтеме не себепті берілгенін түсіндірді. Бұдан бөлек, министрлік петиция туралы да айтты, деп хабарлайды <a href="https://sn.kz/sn-akparat-agyny/109021-densaulyk-saktau-ministrligi-kazakstandyktardyn-undeuine-zhauap-berdi">Skifnews.kz</a> ақпарат порталы.Министрліктің түсіндіруінше, бұл жарияланым осы петицияны теріске шығаратын материалды орналастыру кезіндегі қателіктің нәтижесінде пайда болған.Петиция мазмұны шындыққа сәйкес келмейтіндіктен, оның үстіне сенімсіз ақпаратпен азаматтарды адастыратындықтан, департаменттің баспасөз қызметі теріске шығару мәтінін дайындаған, – деді Денсаулық сақтау министрлігі.Сондай-ақ ведомство пайдаланушылардан алдымен әлеуметтік желідегі парақшаларында репост жасауды сұраған бұл петицияға қол қою механизмі азаматтар үшін ашық дауыс беру жүйесін қамтамасыз етпейтінін айтты.<blockquote>Денсаулық сақтау министрлігі жалған ақпарат себептері, тексерілмеген дереккөздер пайдаланылып, тікелей арандатушылықтар қолданылған ақпараттық шабуылдардың нысанасына бірнеше рет айналды. Бұқаралық ақпарат құралдарындағы жалған ақпарат арқылы беделге нұқсан келтіру әрекеттеріне қарамастан, министрлік мемлекеттік орган ретінде әрқашан ашықтық пен жариялылық саясатын ұстанатынын және сындарлы диалог пен пайдалы пікірталасқа әрқашан дайын екенін атап өткіміз келеді, – деді &nbsp;ведомство өкілдері.</blockquote>Айта кетейік, бұған дейін желіде Денсаулық сақтау министрі Ажар Ғинияттың отставкаға кетуін сұрап онлайн түрде петиция жарияланғаны белгілі болған. Оған әзірге 584 адам қол қойған.

Денсаулық сақтау министрі Ажар Ғиният отставкаға кете ме?

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Қазалы ауданына сапары кезінде Әйтеке би кентіндегі 600 орындық мәдениет үйінің ашылу рәсімінде тұрғындарды құттықтады. Іс-шараға ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев қатысты.<blockquote>«Қазалы ауданы – қазақ өнері мен мәдениетінің көрнекті тұлғалары дүниеге келген, сабақтастықтың алтын тіні үзілмеген, ел-халықтың ықыласына бөленген таланттарға бай өлке. Осы жылы ауданда ауқымды жұмыстар атқарылады. Бүгін Қазалыда 250 орындық жаңа мектепті пайдалануға бердік. Кәукей ауылында 100 орындық ауылдық клуб салынуда. Майдакөл ауылында да жақын күндері клуб құрылысы басталады. Бекарыстан би, Қожабақы ауылдары мен Әйтеке би кентінде спорт кешені бой көтереді. Әлеуметтік қолдауды қажет ететін отбасыларға арналған 22 тұрғын үй табысталады. Өзге де ауқымды жоспарларымыз бар», – деді аймақ басшысы.</blockquote>Іс-шарада ҚР Парламенті Мәжілісінің депутаты Мұрат Ергешбаев қазалылықтарды жаңа мәдениет ошағының ашылуымен құттықтап, «РЗА» АҚ президенті Самұрат Имандосов бата берді.Ашылу рәсімінде өңірдегі қоғамдық бастамаларға үн қосып, ауданның әлеуметтік-экономикалық дамуына үлес қосқан тұрғындарға, өнерпаздар мен спортшыларға құрмет көрсетілді.Әрі қарай іс-шараға қатысушылар жаңа ғимаратты аралап, аудан өнерпаздарының концерттік бағдарламасын тамашалады.Айта кетейік, өткен жылы облыста 150 орындық төрт клуб жаңадан салынып пайдалануға берілді. Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады.Биылға да өңірдің мәдениет пен спорт саласында ауқымды жобалар жоспарланған. Облыс орталығында халықаралық стандарттарға сәйкес келетін Орталық стадион және жабық бассейні бар көпсалалы дене шынықтыру-сауықтыру кешенінің құрылысы басталды. Келесі жылы нысандар ел игілігіне табысталады. Жақын арада «Самұрық қазына траст» қорымен бірге құны 2,7 млрд теңге болатын үстел теннисі орталығының құрылысы басталмақ. Биыл облыс бойынша 4,8 млрд теңгеге 6 спорт кешені мен 4 ауылдық клуб құрылысы қолға алынады. Құны 3 млрд 700 млн теңгені құрайтын 1000 орындық Өнер орталығы жақын күндері ашылады.Сондай-ақ, жуырда барлық аудандарда музей, кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтарының құрылысы басталмақ. Балалар мен жасөспірімдердің шығармашылығын шыңдау мақсатында Қызылорда қаласында «Шығармашылық академиясы» салынады.<figure class="image"><img src="https://knadmin.beoblood.kz/uploads/418736584_673901894931058_7514830987944960678_n_c559b1da0a.jpg" alt="418736584_673901894931058_7514830987944960678_n.jpg"></figure>&nbsp;<figure class="image"><img src="https://knadmin.beoblood.kz/uploads/418732856_673901844931063_6550165856111041552_n_8c7ec28396.jpg" alt="418732856_673901844931063_6550165856111041552_n.jpg"></figure>&nbsp;<figure class="image"><img src="https://knadmin.beoblood.kz/uploads/418505738_673901818264399_3151647501423293847_n_2af5083a90.jpg" alt="418505738_673901818264399_3151647501423293847_n.jpg"></figure>&nbsp;<figure class="image"><img src="https://knadmin.beoblood.kz/uploads/418478401_673902008264380_7448734113711459401_n_f04f200986.jpg" alt="418478401_673902008264380_7448734113711459401_n.jpg"></figure>&nbsp;<figure class="image"><img src="https://knadmin.beoblood.kz/uploads/418500129_673901864931061_7841222141677593603_n_2a47e9356e.jpg" alt="418500129_673901864931061_7841222141677593603_n.jpg"></figure>&nbsp;<figure class="image"><img src="https://knadmin.beoblood.kz/uploads/418439681_673901921597722_1075864580305674925_n_f53b374a5f.jpg" alt="418439681_673901921597722_1075864580305674925_n.jpg"></figure>

Қазалы ауданында мәдениет үйі ашылды

Фото: stopfake.kz<a href="https://kyzylorda-news.kz/ru">Kyzylorda-news.kz.</a> Вакцина алмаған қазақстандықтарға 1414 нөмірінен екпе алғаны туралы хабарлама келіп жатыр. Егер екпе алынбаған, бірақ хабарлама келген жағдайда не істеу керек? Бұл сұраққа денсаулық сақтау вице-министрі Бейбіт Есенбаев жауап берді, деп хабарлайды <a href="https://sputnik.kz/20240110/1414-nomirinen-vaktsina-alyngany-turaly-khabarlama-kelgen-zhagdayda-ne-isteu-kerek-41482272.html">Sputnik</a>.Оның айтуынша, жалған хабарлама үш жағдайда жіберілуі мүмкін. Бірінші - медициналық ұйым тарапынан тізімге енгізіп жіберу, екінші - медицина қызметкерінің вакцина алған адамның мобильдік телефон нөмірін базаға енгізу кезінде жіберген қателігі. Сонымен қатар бала екпе алған жағдайда хабарлама ата-анасына жіберілуі мүмкін.<blockquote>"Егер вакцинация туралы жалған хабарлама келген жағдайда медициналық әлеуметтік сақтандыру қорына хабарласып, вакцина алынғаны жөнінде фактінің жалған екенін айту қажет", - дейді вице-министр.</blockquote>Сонымен қатар eGov mobile қосымшасының eDensaulyq бөлімінде пациенттің вакцина алмағаны жөнінде түзетулер енгізуге өтініш беруге болады. Мұндай жағдайда ақпарат МӘМС жүйесіне түседі.

1414 нөмірінен вакцина алынғаны туралы хабарлама келген жағдайда не істеу керек?

<a href="https://kyzylorda-news.kz/">Kyzylorda-news.kz.</a> МӘМС төлемдері бойынша ставкалар өзгеріссіз қалды, бірақ 2024 жылдың 1 қаңтарынан бастап елімізде ең төменгі жалақы (ЕТЖ) мөлшері ұлғайды. Ол бірнеше төлемнің көлеміне әсер етті. Қазақстандықтар ағымдағы жылы медициналық сақтандыру үшін қанша төлеуі керек? Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов толығырақ айтып берді.Жұмыс берушілер қызметкер үшін жалақының 3% мөлшерінде аударымдар жүргізеді, бұл ретте салық салынатын ай сайынғы табыс 10 ЕТЖ (2024 жылы 850 000 теңге) аспауға тиіс, яғни жұмыс берушінің аударымдарының ең жоғары төленетін сомасы айына 25 500 теңгені құрайды.Бұл қаражат қызметкердің жалақысынан ұсталмайды, оларды жұмыс беруші кәсіпорын есебінен төлейді.Азаматтық-құқықтық сипаттағы шарты негізінде қызмет көрсететін жалдамалы жұмыскерлер мен қызметкерлер МӘМС-ке ай сайынғы табысының 2% мөлшерінде жарна төлейді. Салық салу объектісі барлық жұмыс орындарынан айына 10 ЕТЖ (2024 жылы 850 000 теңге) аспауы тиіс, яғни қызметкердің жалақысына қарай, төлейтін ең жоғары жарнасы 17 000 теңгені құрайды.&nbsp; Жеке кәсіпкерлер 1,4 еселенген ЕТЖ-дан 5% төлейді. 2024 жылы: (1,4 * 85 000) * 5% = 5 950 теңге. Егер жеке кәсіпкер есептілікті «нөлмен» тапсырса, бірақ өз қызметін ресми түрде тоқтатпаса, онда ол Салық кодексі талап еткендей жарналарды төлеуді жалғастыруы керек екенін есте ұстаған жөн. Әйтпесе, қарыз пайда болады.Дербес төлеушілер ең төменгі жалақының 5% көлемінде, яғни 4 250 теңге жарна төлейді.&nbsp; Естеріңізге сала кетейік, МӘМС жүйесінде сақтандырылу үшін &nbsp;өткен 12 айдың берешегін жабу керек немесе алдағы 1 жылға жарна төлеуге болады. Бұл жағдайда төлемді әр айға жеке-жеке төлеген жөн. &nbsp;1 қаңтардан БЖТ қолданылу мерзімі аяқталғандықтан, &nbsp;өзін-өзі жұмыспен қамтығандар мәртебені екі жолмен ала алады: - жеке кәсіпкер ретінде тіркелу және жарналарды ЖК ретінде төлеу; - жарналарды дербес төлеуші ретінде төлеу.Мемлекет 15 жеңілдік санатына кіретін азаматтар үшін 2024 жылы 5852,63 теңге жарна төлейді.Екі жерде жұмыс жасаса, жарналарды қалай төлейді?Кейбір азаматтар екі жерде жұмыс істейді. Бұл жағдайда төлемдерді есептеу үшін шекті табысты ескеру керек – ол 10 ЕТЖ (2024 жылы 850 000 теңге). &nbsp;&nbsp;МӘМС-ке аударымдар әр жұмыс орнынан аударылады, бірақ 25 000 теңгеден аспауы керек. (850 000 теңгенің 3%).&nbsp; Ал жарналарды есептеу кезінде барлық жұмыс орынанан түсетін ортақ табысы ескеріледі, яғни әр айға жарна 17 000 теңгеден аспауы тиіс (850 000 теңгенің 2%).&nbsp;Қызметкер төлемдерді дұрыс есептеу үшін бірінші жұмыс орнынан екіншісіне анықтама тапсыру керек.&nbsp; Мысалы, қызметкер А ұйымынан 550 000 теңге жалақы алса, Б ұйымынан 400 мың теңге түседі. Оның ортақ табысы 950 000 теңге, яғни, шекті салық салынатын кірістен жоғары.&nbsp;Бұл жағдайда бірінші жұмыс беруші 11 мың теңге көлемінде жарна ұстап, 16 500 теңге көлемінде аударым жасайды.&nbsp; Екінші жұмыс орнында оған 6 000 теңге (жарнаның ең жоғары мөлшері 17 мыңнан &nbsp;төленген 11 000 теңге жарнаны шегергенде) жарна төлейді.&nbsp; Аударымдардың мөлшері 18 000 теңгені құрайды (аударымдарды есептеу үшін табыс қосылмайды).Сондай-ақ, ресми қызметінен бөлек, жеке бизнесі бар жеке кәсіпкерлер де бар. Бұл жағдайда қызметкердің жалақысынан қажетті жарналар мен аударымдар төленеді әрі Салық кодексі талап еткендей жеке бизнесі үшін төлеуі қажет.Сақтандыру мәртебесін келесі жолдармен тексеруге болады: • Qoldau 24/7 мобильді қосымшасы • &nbsp; fms.kz ресми сайты • Telegram-дағы @SaqtandyrýBot https://t.me/SaqtandyryBot • &nbsp; 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы&nbsp; • Kaspi.kz мобильді қосымшасы • egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік &nbsp; қызметі арқылы.<img src="https://knadmin.beoblood.kz/uploads/1_3643a04d38.jpeg" alt="1.jpeg"><img src="https://knadmin.beoblood.kz/uploads/2_044a63a02c.jpeg" alt="2.jpeg"><img src="https://knadmin.beoblood.kz/uploads/3_b835a5303b.jpeg" alt="3.jpeg"><img src="https://knadmin.beoblood.kz/uploads/4_a968c55238.jpeg" alt="4.jpeg"><img src="https://knadmin.beoblood.kz/uploads/5_916cb2a83f.jpeg" alt="5.jpeg">Фото: Нұрболат Нұржаубай

Биыл МӘМС үшін қанша төлейді? 

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2024 жылдың 1 қантарға дейін Қызылорда облысының тұрғындары Әлеуметтік медициналық сақтандыру қорына 66,5 млрд. теңге аударды.«Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовтің айтуынша аударылған қаржының 40,3 млрд. теңгесі жұмыс берушілердің аударымдары болса, қалған 26,2 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.&nbsp;Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;Фото: Нұрболат Нұржаубай &nbsp;

Қызылордалықтар Әлеуметтік медициналық сақтандыру қорына 66,5 млрд теңге аударды

<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрі Ажар Ғиният үкіметте өткен баспасөз мәслихатында Қазақстанда ата-ананың рұқсатынсыз балаларды қауіпті инфекцияларға қарсы вакцинациялау міндетті бола ма деген сұраққа жауап берді. Министр барлығы елдегі эпидемиологиялық жағдайға байланысты болады деп жауап берді, деп хабарлайды Zakon.kz.Үкімет отырысында министр вакцинамен басқарылатын аурулардың көбеюі 2015 жылы енгізілген, ата-аналардың балаларын екпеден бас тартуына мүмкіндік беретін заңмен тікелей байланысты екенін айтты. Бұл соңғы бес-жеті жыл ішінде халық арасында "иммундық емес қабаттың" жиналуына әкелді.<blockquote>“Алдын ала мәліметтер бойынша, бүгінде алты жасқа дейінгі 800 мыңға жуық бала екпе алмаған және дифтерия, полиомиелит, туберкулез және басқа да қауіпті инфекциялардан қорғалмаған. Осыған байланысты министрлік әкімдіктермен бірлесіп, биылғы жылы Балаларды жоспарлы егумен қатар, вакцинациялаудың ұлттық күнтізбесі шеңберінде жоспарлы екпелерді өткізіп алған балаларды қосымша егу жұмыстары жүргізілетін болады”, - &nbsp;Ажар Ғиният.</blockquote>Баспасөз мәслихатында журналистер Денсаулық сақтау министрлігі ата-аналардың балаларына екпеден бас тартуына рұқсат беретін ережені алып тастау туралы бастамамен парламентке барғалы жатқанын сұрады.<blockquote>“Бүгінге жоспарланбайды. Бұл елдегі эпидемиологиялық жағдайға байланысты болады. 800 мың бала екпе алмаған. Қолданыстағы заңнамаға сәйкес, медициналық қарсы көрсетілімдер болған жағдайда екпеден бас тартуға болады. Ең бастысы, вакцинацияланғандар ауыр аллергиялық ауруды бастан кешірсе. реакциялар және иммун тапшылығы жағдайлары бар.Бүгін біз медицина қызметкерлерімен, сондай-ақ вакцинацияланатын балалардың ата-аналарымен жұмыс істеп жатырмыз”, - Ажар Ғиният</blockquote>Қазақстан Республикасы Үкіметінің отырысында Ажар Ғиният 2023 жылы Қазақстанда қызылшамен ауырғандар саны 30 мыңға жуықтағанын хабарлады.<span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: pixabay.webp

Қазақстан және Қызылорда облысының жаңалықтары: Денсаулық