<a href="https://kyzylorda-news.kz/ru/">Kyzylorda-news.kz</a>. Осы күнге дейін МӘМС-ке бір де бір рет жарна төлемеген немесе өткен 12 айда берешегі көп азаматтар алдағы бір жылға төлем жасап, сақтандырылған мәртебесін ала алады. Ал бірнеше ай берешегі барлардың қарызды ғана жауып, МӘМС қатысушысы болуына мүмкіндік бар. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов толығырақ айтып берді.Әрбір сақтандырылған адам аударған жарна мөлшеріне қарамастан, медициналық көрсеткіштері болса, барлық көмекті толық көлемде алуға құқылы. МӘМС пакеті пациенттерге қажет негізгі медициналық қызметтерді қамтиды. Атап айтар болсақ, бейінді мамандардың кеңесі, қымбат анализдер, диагностикалық зерттеулер, консультациялар, сонымен қатар жоғары технологияларды пайдалана отырып жасалатын операциялар және т.б. қызметтер кіреді. Бұндай операциялардың көбі бірнеше миллион теңге тұрады. Ал азаматтар ай сайын дербес төлеуші ретіңде жарна төлеп, осы қызметтерді қосымша қаржы төлемей-ақ ала алады.Сонымен, қай кезде мәртебе берілмейді &nbsp;және оны қалай алуға болады?Түсініктірек болу үшін бірер мысал келтірейік.1-жағдай. Бір азамат 2023 жылдың тамыз айында ресми жұмысқа тұрды делік. Сол кезден бастап қызметкер үшін төлемнің екі түрі түсе бастады:1) аударымдар – жұмыс беруші өз қаражаты есебінен төлейді. 2023 жылы оның мөлшері қызметкер жалақысының 3 пайызын құрайды. Аударымдардың ең жоғары мөлшері 10 ЕТЖ-ның 3%-нан аспауы керек (3%*10*70000=21000 теңге); 2) жарналар – жұмыс беруші қызметкердің жалақысынан 2% ұстайды. Бұл ретте аударымдардың ең жоғары мөлшері 10 ЕТЖ-ның 2%-нан аспауы тиіс (2%*10*70000=14000 теңге).&nbsp;&nbsp;2024 жылдың ақпан айында осы кісі емханаға дәрігердің қабылдауына барса, мәртебесі сақтандырылмаған екенін біледі. Ол ресми жұмыс істейтінін әрі жұмыс беруші қажет төлемдерді уақтылы аударатынын айтып, себебін сұрайды.&nbsp;Белгілі болғандай, жұмысқа орналасқанға дейін бұл адам МӘМС жарналары мен аударымдарын мүлдем төлемеген. Ал «МӘМС туралы» заңға сай, азаматтың өткен немесе алдағы 12 айға төлемі болуға тиіс.&nbsp;Азаматтың 6 айға төлемі бар, 2023 жылдың тамызынан 2024 жылдың қантар айына дейін. Бұл жағдайда не істеу керек? Мәртебе алу үшін 2023 жылдың жетіспейтін айлары үшін, яғни қаңтардан шілдеге дейін (қоса алғанда) 3 500 теңгеден айма ай төлем жасау керек (2023 жылы дербес төлеушілер төлейтін жарна көлемі осындай болды). Сақтандырылған мәртебесі төлем жасалған соң 3 жұмыс күннің ішінде беріледі.2-жағдай. Бір ұйымда екі жыл жұмыс істеген қызметкер жұмыстан шығып қалды делік. Қазір оған невропатолог &nbsp;кеңесі мен УДЗ өту керек. Бірақ ол екі айдан бері басқа жұмысқа тұрмағандықтан әрі МӘМС жарналарын төлемегесін бұл медициналық көмекті ала алмаймын деп ойлайды.Бұл азаматқа алаңдауға негіз жоқ. Себебі өткен 12 айға төлемі бар адамның алдағы 3 ай бойы мәртебесі сақтандырылған болады. Ол осы уақыт ішінде жұмысқа тұрып немесе дербес төлеуші ретінде МӘМС үшін төлем жасауын жалғастыра алады. Тек берешек қалыптасқан айларды жабуы керек. Сонымен қатар, ресми жұмысқа тұрғанша дербес төлеуші ретінде МӘМС-ке жарна төлеуді жалғастыруға болады.3-жағдай. Жазда ғана табыс табатын маусымдық жұмысшылар не істеу керек? 2023 жылдың сәуір-қыркүйек айларына жарна төленген, бірақ азаматтың мәртебесі «сақтандырылмаған».Маусымдық жұмысшылар жылына 6 ай жұмыс істеулері мүмкін. Әрі қарай олар сақтандырылған мәртебесін жоғалтпау үшін МӘМС жарналарын жеке жеке әр айға дербес төлеуші ретінде төлеп шығуы керек.&nbsp;Дербес төлеушілер үшін 2024 жылы жарналардың мөлшері 4 250 теңгені құрайды.Жарнаны қалай төлейді?МӘМС жарналарын екінші деңгейдегі кез келген банктердің мобильді қосымшалары, жылдам төлем терминалдары және «Қазпошта» кассалары арқылы төлеуге болады.&nbsp;Жарнаны қате төлеп қойса, не істеу керек?Төлемдерді шатасып басқа мерзімге төлеп қойған азаматтар ақшасын қайтарып ала алады. Ол үшін «Азаматтарға арналған Үкімет» Мемлекеттік корпорациясына өтініш жазып, түбіртектерді қоса тапсыру қажет.Егер сіздің тағы да сұрақтарыңыз болса немесе медициналық көмек алуда қиындықтар туындаса, өз емханаңыздағы «Пациенттерді қолдау қызметіне» жүгіне аласыз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, 1414 байланыс орталығы, Qoldau 24/7 мобильді қосымшасы және Telegram-дағы SaqtandyryBot.&nbsp;Фото: Нұрболат Нұржаубай &nbsp;

 МӘМС: Берешек салдарынан сақтандырылған мәртебесін ала алмай жүрсіз бе?

<a href="https://kyzylorda-news.kz/ru">Kyzylorda-news.kz.</a>&nbsp; Қазақстанда мемлекеттік медициналық сақтандырудың ең жоғары жарнасын бес есе арттыру қарастырылып жатыр. Бірақ ол жалақысы 850 000 теңгеден асатын қызметкерлерге ғана қатысты. Бұл туралы Stan.kz ақпарат агенттігі хабарлайды.&nbsp;Денсаулық сақтау министрлігі міндетті әлеуметтік медициналық сақтандыру жүйесіне (МӘМС) жарна мен аударымдарды есептеу үшін ең төменгі жалақыны (ЕТЖ) 10-нан 50-ге дейін ұлғайту ұсынылған заң жобасын жариялады.Егер ол қабылданса, онда МӘМС-ке ең жоғарғы аударым жұмыс берушілер үшін 2024 жылы 25 500 теңгеден 127 500 теңгеге дейін, ал жалдамалы қызметкерлер үшін жарна 17 000 теңгеден 85 000 теңгеге дейін өседі. Сәйкесінше сома бес есе артады.Кейбір сарапшылар жарнаның бұлай күрт өсуі қазақстандық салық төлеушілерге салмақ салуы мүмкін деп санайды. Дегенмен мемлекеттік әлеуметтік медициналық сақтандыру қоры өкілдерінің (МӘМС) айтуынша, бұл ұсыныс халықаралық тәжірибені ескере отырып жасалған және азаматтардың әл-ауқатына айтарлықтай әсер етпейді.МӘМС есептеуі бойынша мөлшерлемені көтеру барлығына әсер етпейді. Себебі азаматтардың көбі (91%) ең жоғары мөлшерлемені қолданатындай үлкен жалақы алмайды. Қазір еліміздегі қызметкерлердің тек 9%-ы 10 ЕЖЖ немесе 850 000 теңге алады.Қор өкілдерінің пікірінше, бұл шара медициналық көмектің қолжетімдігін арттыруға, оның сапасын жақсартуға ғана емес, сонымен қатар әлеуметтік медициналық сақтандыру жүйесінің ортақ жауапкершілік қағидатын сақтауға мүмкіндік береді.Фото: Нұрболат Нұржаубай

Елімізде медициналық сақтандыру жарнасы бес есе артады: Өзгеріс кімдерге қатысты болады?

Фото: freepik<a href="https://kyzylorda-news.kz/ru">Kyzylorda-news.kz.</a> Үкімет қаулысымен бақылауға жататын есірткі құралдары, психотроптық заттар мен прекурсорлар тізбесіне өзгерістер енгізілді.• Фентанил — синтетикалық, күшті анальгетик. Препарат физикалық тәуелділікке алып келеді;• Брофин — халық арасында «күлгін героин» деген атпен белгілі. Теріс мақсатта пайдаланса тәуелділік тудырады;• Метонитазен — күшті синтетикалық опиоид. Ол героин мен фентанилге ұқсас әсер етеді;• Фенциклидин — көктамырішілік анестезияға арналған синтетикалық фармакологиялық препарат;• Эутилон — синтетикалық психостимулятор.Қаулы 6 ақпанда күшіне енеді.

Елімізде бес дәріні пайдалануға тыйым салынды

Kyzylorda-news.kz. Облыс әкімі Нұрлыбек Нәлібаевтың төрағалығымен өткен жұмыспен қамту және әлеуметтік қорғау саласына арналған мәжілісте өзекті мәселелер талқыланып, алдағы міндеттер белгіленді.Аймақ басшысы ел Президентінің тапсырмаларын орындау үшін жоспарланған жұмыстарды сапалы әрі уақытылы іске асырудың маңыздылығын атап өтті.<blockquote>«Халықтың әлеуметтік көмекпен қамтылуы, мүгедектігі бар адамдарды әлеуметтік қолдау – мемлекеттік саясаттың басты бағыттарының бірі. Өздеріңізге белгілі, өткен жылдың қазан айында Мемлекет басшысы Қасым-Жомарт Кемелұлы Сыр өңіріне жұмыс сапары барысында Нағи Ілиясов ауылындағы «Еңбек аллеясында» еңбек адамдарымен жүздесіп, пікір алмасты. «Шын мәнінде, еңбек адамдары – халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек. Сондықтан мен сіздерді қолдаймын» деп ерекше ықыласын білдірді.&nbsp; Мемлекет басшысының тапсырмасымен 2023 жылғы 1 шілдеден бастап Әлеуметтік кодекс күшіне енді. Кодекстің негізінде облыстық жұмыспен қамтуды үйлестіру және әлеуметтік бағдарламалар басқармасы жанынан «Еңбек мобильділігі орталығы» құрылды. Қазір Қызылорда қаласы және барлық аудандарда филиалдары («Мансап» орталығы) қызмет көрсетуде. Қызылорда қаласы мен Арал, Қазалы, Қармақшы, Жалағаш, Шиелі, Жаңақорған аудандарында «Отбасын қолдау орталықтары» ашылды. Сырдария ауданы мен Байқоңыр қаласында осындай орталық биыл ашылмақ. Президент қолдауымен отбасының цифрлық картасы, 100 мың жасты жұмысқа орналастыру, жастардың кәсіпкерлік бастамаларына қолдау көрсету, оларға жеңілдетілген тәртіппен жылдық өсімі 2,5 пайыз болатын шағын несие беру жұмыстары жүргізілуде», – деді Нұрлыбек Машбекұлы.</blockquote>Облыс әкімі еңбек адамының беделін көтеру мақсатында биыл Еңбек форумы өткізілетінін хабарлап, іс-шараны жоғары деңгейде ұйымдастыруды тапсырды.Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев өткен жылы атқарылған жұмыстарды баяндап, жыл қорытындысымен салада барлық көрсеткіштердің артығымен орындалғанын, бөлінген қаржы толық игерілгенін жеткізді.&nbsp; Мәжіліс қорытындысымен облыстық жұмыспен қамтуды үйлестіру және әлеуметтік бағдарламалар басқармасына жастардың кәсіпкерлік бастамаларына жылдық өсімі 2,5 пайызбен берілетін жеңілдетілген шағын несиенің 2024 жылға бөлінген қаржысын мерзімінен бұрын толық игеріп, қосымша қаржы тартуды үйлестіру тапсырмасы берілді. Мұнан бөлек, «Қызылорда облысының 2021-2025 жылдарға арналған даму жоспарындағы» салаға қатысты индикаторлар толық орындалуы тиіс. Сонымен қатар, әлеуметтік қолдауды қажет ететін топтарға көмек көрсету, жаңа жұмыс орындарын ашу және кәсіп көзінің санын арттыру, «Отбасының әлеуметтік картасы» ақпараттық жүйесіндегі мәліметтерді өзектендіру туралы нақты тапсырмалар берілді.<img src="https://knadmin.beoblood.kz/uploads/FB_IMG_1706328979032_d3d82ccbda.jpg" alt="FB_IMG_1706328979032.jpg">

Қызылордада биыл Еңбек форумы өтеді 

<a href="https://kyzylorda-news.kz/ru">Kyzylorda-news.kz.</a>&nbsp; Қазақстанда денсаулығына байланысты демалыс парағы енді тек электронды түрде беріледі. Денсаулық сақтау министрлігінің мәлімдеуінше, бұл жұмыс берушілердің де, азаматтардың да өмірін жеңілдетеді. Бұл туралы Stan.kz ақпарат агенттігі хабарлайды.Бизнес-процестің өзі толығымен қайта жасақталды. Науқастарға еңбекке жарамсыздық парағын алу үшін енді емханаға келудің қажеті жоқ, ал жұмыс берушілерге оның оған қол қоюдың қажеті болмайды. Барлығы тек электронды форматта жүргізіледі. Еңбекке жарамсыздық парағын порталдағы eDensaulyq қызметінен және eGov.kz мобильді қосымшасынан табуға болады.<blockquote>“Биыл қағаз түріндегі еңбекке жарамсыздық парағын толығымен алып тастадық. Еңбекке жарамсыздық парағын ашу туралы фактілер де азаматтың келісімімен жұмыс берушіге электронды түрде беріледі. Егер бұрын еңбекке жарамсыздық парағы қызметкер жұмысқа келген кезде әкелінетін болса, енді біз еңбекке жарамсыздық парағы ашылған немесе ұзартылған сәтте хабарлаймыз”, – деп мәлімдеді Денсаулық сақтау вице-министрі Бейбіт Есенбаев.&nbsp;</blockquote>Фото: Нұрболат Нұржаубай

Денсаулығына байланысты демалыс парағы енді тек электронды түрде беріледі

Фото: pixabay<a href="https://kyzylorda-news.kz/ru">Kyzylorda-news.</a>&nbsp; Жұмыс сапарында жүрген кезде уақытша еңбекке жарамсыздық парағын ашуға бола ма? Қандай талдауларды тегін тапсыруға болады? Осы және басқа сұрақтарға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап береді.Мектепте мұғалім болып жұмыс істеймін, сонымен қатар күндізгі бөлімде оқитын студентпін. Жұмыс орнымнан МӘМС төлемдері ұсталады ма?Орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысаны бойынша білім алатын адамдар МӘМС жүйесінде жеңілдікті санатқа кіреді және жарналардан босатылады. Жұмыс берушіге оқу орнынан оқу кезеңі көрсетілген және ай сайынғы растауды қажет етпейтін анықтаманы ұсыну қажет.МӘМС бойынша тегін тапсыруға болатын талдаулардың толық тізімін қайдан көруге болады? Неліктен кейбір талдаулар МӘМС негізінде тегін тапсырылмайды?МӘМС және ТМККК шеңберінде көрсетілетін қызметтер тізбесімен «Амбулаториялық жағдайларда мамандандырылған медициналық көмек көрсету қағидаларын бекіту туралы» Қазақстан Республикасы Денсаулық сақтау министрінің 2022 жылғы 27 сәуірдегі № ҚР ДСМ-37 бұйрығын қарау арқылы таныса аласыз. МӘМС пакетіне кірмейтін медициналық қызметтер пациенттің өз қаражаты есебінен, яғни ақылы негізде жүзеге асырылады.Мен басқа қалада жұмыс сапарында жүрмін. Мұнда уақытша енбекке жарамсыздық парағын ашуға болады ма?Уақытша енбекке жарамсыздық парағы тиісті медициналық ұйым басшысының келісімі бойынша беріледі. Көрсетілген аурухана парағын ұзарту адамның тіркелген жері бойынша медициналық ұйымда аурухана парағын ашқан медициналық ұйымның ДКК қорытындысы болған кезде жүргізіледі (ҚР ДСМ 2020 жылғы 18 қарашадағы № ҚР ДСМ-198/2020 бұйрығы 28 тармағының негізі).Қосымша сұрақтар туындаған жағдайда оларды емхананың анықтама қызметіне қоюға немесе жағдайды шешу үшін Пациенттерді қолдау қызметіне хабарласуға болады. Егер сол жерде түсіністікке қол жеткізу мүмкін болмаса, сіз үшін ыңғайлы байланыс арнасы бойынша Әлеуметтік медициналық сақтандыру қорына хабарласуыңыз керек: fms.kz ресми сайты, 1414 байланыс орталығы, Qoldau 24/7 мобильді қосымшасы және Telegram-дағы SaqtandyryBot.&nbsp; &nbsp;

Неліктен кейбір талдаулар МӘМС негізінде тегін тапсырылмайды?

<a href="https://kyzylorda-news.kz/ru">Kyzylorda-news.kz.</a> Парламент мәжілісі кейбір заңнамалық актілерге денсаулық сақтау мәселелері бойынша өзгерістер енгізу туралы заңды екінші оқылымда қабылдады, деп хабарлайды<a href="https://ru.sputnik.kz/?_ga=2.192735210.132202159.1705914006-1872977318.1665144974"> Sputnik Қазақстан</a>.Заңға сәйкес, енді ауылға жұмыс істеу үшін баратын медицина қызметкерлеріне 100 ең төменгі жалақы мөлшерінде біржолғы ақшалай төлем беріледі.Мәжіліс депутаты, әлеуметтік-мәдени даму комитетінің төрағасы Асхат Аймағамбетовтің айтуынша, бұл норма медицина кадрларын ынталандыру және ауылдағы кадр тапшылығын жою үшін қабылданып отыр.&nbsp;<blockquote>"Бұған дейін біз ауылға баратын жас дәрігерлерге біржолғы көтерме ақы береміз деп айтқан едік. Қазір біз сол уәдемізді орындап отырмыз. Бүгін заң қабылданды. Енді ауылға барған, медицина саласында істейтін жас маман біржолғы 100 ең төменгі жалақы мөлшерінде (8,5 млн теңге – Sputnik) көтерме ақы алады", - деді Аймағамбетов мәжіліс кулуарында журналистердің сұрағына жауап беріп.</blockquote>&nbsp;Депутат бұл көтерме ақы қолданыстағы әлеуметтік көмектерге қосымша енгізіліп отырғанын атап өтті.<blockquote>"Қазір "Дипломмен ауылға" бағдарламасы және тағы басқа көтерме ақы бар, оны ешкім алып тастаған жоқ. Сол көтерме ақының үстіне біз тағы бір жаңа көтерме ақыны енгізіп отырмыз. Медицина саласында істейтін мамандарды қолдау үшін, ауылдағы медицинаны дамыту үшін, ауылдағы кадр тапшылығын шешу үшін 100 ең төменгі жалақыға тең көмек береміз. Биыл оның мөлшері 9 миллион теңгеге жуықтайды", - деді мәжілісмен.</blockquote>Аймағамбетовтің айтуынша, ауылға баратын дәрігерлердің еңбек өтілі ескерілмейді. Олар тек көтерме ақыны алғаннан кейін бес жыл сол ауылда жұмыс істеуге міндеттеледі.Айта кетері, биылдан бастап елімізде ең төменгі жалақы 85 мың теңгені құрайды.Фото: Нұрболат Нұржаубай

Ауылға баратын дәрігерлерге 8,5 млн теңге біржолғы көтерме ақы беріледі

&nbsp;<a href="https://kyzylorda-news.kz/ru">Kyzylorda-news.kz.</a>&nbsp; Әлеуметтік медициналық сақтандыру қоры медициналық көмекті қаржыландыру бойынша 2023 жылдың қорытындысымен бөлісуін жалғастырады. &nbsp;Келесі есебіміз ауылдық жерлерде көрсетілген медициналық қызметке арналады.&nbsp;2023 жылы аудандық деңгейдегі медициналық ұйымдар медициналық қызметтерді көрсету үшін 600 млрд теңге көлемінде қаражат алды. Аталған қаражат алғашқы медициналық-санитариялық, консультациялық-диагностикалық көмек, амбулаториялық дәрі-дәрмекпен қамтамасыз ету, медициналық оңалту, стационарларда емдеуге жұмсалды. Осы қаражаттың 40%-ы МӘМС активтері болып табылады.<img src="https://knadmin.beoblood.kz/uploads/Whats_App_Image_2024_01_23_at_10_43_29_2_e113a67e9a.jpeg" alt="WhatsApp Image 2024-01-23 at 10.43.29 (2).jpeg">1 млн-ға жуық тұрғын аудандық ауруханалардағы тәулік бойғы және күндізгі стационарларда ем алды. Тиісті қызметтерге әлеуметтік сақтандыру қаражаттарынан 102 млрд теңге бағытталды. Қалалық, облыстық көпбейінді ауруханаларда және мамандандырылған стационарларда 700 мыңға жуық ауыл тұрғындарына 213 млрд теңгенің медициналық көмегі көрсетілді. Оның ішінде 21 млрд теңгеге жоғары технологиялық медициналық көмек көрсетілгенін айта кету керек. Сонымен бірге 88 мың ауыл тұрғындары 21,5 млрд теңге МӘМС қаражатына медициналық оңалтудан өтті. &nbsp;<img src="https://knadmin.beoblood.kz/uploads/Whats_App_Image_2024_01_23_at_10_43_30_1_a35de3fe70.jpeg" alt="WhatsApp Image 2024-01-23 at 10.43.30 (1).jpeg">7,7 млн қазақстандық ауылдық емханаларға тіркелген. 2023 жылы емханаға жүгінушілерің саны 53 млн-ға жетті. Олардың төрттен бірі профилактикалық мақсатта қаралды, бұл былтырғы дәл осындай көрсеткіштен 1,5 есе көп. 2 млн-ға жуық ауыл тұрғындары профилактикалық тексеруден өтіп, ТМККК бойынша 5,4 млрд теңгенің 8 млн-ға жуық қызметін алған. Оның ішінде: бүйрек, асқазан-ішек жолдары, тыныс алу және қуықасты безі органдарының ауруларын ерте кезеңде диагностикалау үшін кеңейтілген скрининг.&nbsp;<img src="https://knadmin.beoblood.kz/uploads/Whats_App_Image_2024_01_23_at_10_43_30_2_235c9c556f.jpeg" alt="WhatsApp Image 2024-01-23 at 10.43.30 (2).jpeg"> МӘМС қаражатынан 5,6 млрд теңге КТ және МРТ зерттеулеріне бағытталды. Жалпы алғанда, жарты миллиондай қызмет көрсетілді. Оның ішінде: 207,4 мың КТ және 238,2 мың МРТ. Сонымен қатар, былтыр ауыл тұрғындарына 483,6 мың қызмет қашықтан көрсетілді. Бұл мақсатқа ТМККК және МӘМС-тен 1,2 млрд теңге бағытталды.<img src="https://knadmin.beoblood.kz/uploads/Whats_App_Image_2024_01_23_at_10_43_30_97a1913299.jpeg" alt="WhatsApp Image 2024-01-23 at 10.43.30.jpeg"> МӘМС жүйесі бойынша 5,1 млрд теңгеге ауыл тұрғындарына автомобильдік жылжымалы медициналық кешендермен 1,7 млн қызмет көрсетілді. Дәл осындай теміржолдағы кешендер 3,6 мың елді мекенді қамтыды: 80 мың тұрғынның денсаулығын тексеруге әлеуметтік медициналық сақтандыру қаражатынан 768 млн теңге жұмсалды.<img src="https://knadmin.beoblood.kz/uploads/Whats_App_Image_2024_01_23_at_10_43_29_114eab6d63.jpeg" alt="WhatsApp Image 2024-01-23 at 10.43.29.jpeg">

ӘМСҚ 2023 жылы ауыл медицинасына қанша қаражат бөлді?

<a href="https://kyzylorda-news.kz/ru">Kyzylorda-news.kz.</a> Арықтаймын деп дәрі ішкен ақтаулық қыздың жүрегі 5 минутқа тоқтап қалған, - деп хабарлайды &nbsp;mangystaumedia.kz сайты.&nbsp;Кардиохирург-дәрігерлер арықтаймын деп дәрі ішіп, жүрегі 5 минутқа тоқтаған 30 жастағы науқасты аман алып қалды.&nbsp;Науқас желтоқсан айында жедел жүрек жетіспеушілігі диагнозымен аурухананың қабылдау бөліміне өте ауыр жағдайда түскен. Артериалдық қан қысымы күрт төмендеп, науқаста кардиогенді шок болған. Дәрігерлер жедел түрде УДЗ жасап, жүректің жиырылу қабілеті төмендегенін анықтады.<blockquote>"Ата-анасының айтуынша, науқас арықтатуға арналған дәріні ішкен. Соның салдары жүрекке әсер етті деген тұжырымға келдік. Себебі арықтатуға арналған дәрінің құрамында "сибутрамин" деген зиян зат бар. Бұл дәрі жүрек-қан тамыр жүйесінің әлсіздігіне алып келеді. Науқастың қан қысымы қалыпқа келмеген соң жедел түрде жасанды жүрек-өкпе (ЭКМО) құрылғысына қостық. Осылайша, жүрекке қосымша сүйемелдеу арқылы көмек беріп, қан қысымын 70-ке дейін көтердік", - дейді кардиохирург-дәрігер Әбунасыр Суханов.</blockquote>Науқас ЭКМО (жасанды жүрек-өкпе) құрылғысымен 1 апта жүрді. Жүргізілген ем нәтижесінде жүректің фракциясы өсе бастады, сәйкесінше, қан қысымы да көтерілді. Науқас оянған соң ЭКМО және өкпені жасанды желдету аппаратынан да ажыратылды. Қазір науқастың жағдайы жақсы. Науқастың анасы Мейрамгүл Кенжебаева дәрігерлерге алғысын айтып, ризашылығын білдірді.Фото: Нұрболат Нұржаубай

Арықтаймын деп дәрі ішкен қыздың жүрегі тоқтап қалған  

<a href="https://kyzylorda-news.kz/ru">Kyzylorda-news.kz.</a>&nbsp; Денсаулық сақтау вице-министрі Айжан Есмағамбетова адам папилломасы вирусына қарсы вакцина егу тәртібін түсіндірді, деп хабарлайды <a href="https://sputnik.kz/">Sputnik Қазақстан</a>.Министрлік 9 млрд теңгеге папиллома вирусына қарсы вакцинаны сатып алуды жоспарлап отыр. Жалпы, Қазақстанға 350 мың дозасы жеткізіледі. Вакцина екі рет салынады. Сондықтан 175 мың адамға жетеді.<blockquote>"Негізі бұл вакцинаны 11-14 жас аралығында салуға кеңес беріп жатады. Біз 11 жастан бастап егеміз. Вакцина алғашқы жыныстық қатынасқа дейін салынуы қажет. Сонда тиімділігі жоғары болады", - деді Есмағамбетова сенатта өткен брифингте.</blockquote>Оның айтуынша, вакцинация кезінде 11 жастағы қыздарға ғана екпе тегін салынады. Ал әйелдер ақылы вакцинаны іздеуі керек.Айта кетері, папиллома вирусы жатыр мойны обырының қоздырушысы болып саналады. Қазақстанда жыл сайын 1800 әйел осы онкологиялық ауруға шалдығып, 600-і қайтыс болады.Фото: pixabay

Оқушы қыздарға арналған вакцинаның 350 мың дозасы сатып алынады

<a href="https://kyzylorda-news.kz/">Kyzylorda-news.kz</a> &nbsp;Денсаулықтан асқан қадірлі дүние жоқ. Былайғы күнде қадіріне жетіп құнттай қоймағанмен, басқа іс түскенде бірінші байлық үшін бар дәулетті сарп етуге даярмыз. Ағза алмастыруға тізімге тіркеліп, ұзақ жыл күтетін жандардың шарасыз күйге түсуі тіпті қынжылтады. Себебі аты аталса, үрке қарайтын қоғам үшін трансплантация мәселесі дұрыс түсіндіру жұмыстары мен сауатты насихатты қажет ететінін көрсетеді. Бүгінгі күні елімізде жүрек, өкпе, бауыр, бүйрек, ұйқы безі транспланттанады. Деректерді парақтасақ, 2012 жылдан бастап 2379 транспланттау жүргізілген. Ал қазір 4 мыңға жуық адам ағзасын ауыстыруға зәру, оның ішінде 2023 жылғы жағдай бойынша 109 бала тағатсыз көмек күтіп отыр.&nbsp;Бұл орайда Мәжіліс депутаты Гүлдара Нұрымова ішкі ағза трансплантациясына рұқсат беру туралы бастама көтерген еді. Өйткені былтыр 320 адам кезек күте амалсыз ажал құшқан. Бұл бастамаға «Транспланттауды және жоғары технологиялық медициналық қызметті үйлестіру жөніндегі республикалық орталықтың» директоры Сәуле Талғатқызы былай жауап берді. Маманның айтуынша, бүйректі ақшаға сату ДДҰ-ның адам клеткаларын, тінін жане органын трансплантациялау жөніндегі нұсқауына қайшы. Атап айтқанда, 5 басқарымдық қағидатта айтылған: «Тірі донордың клеткаларын беру тек ақысыз түрде жүзеге асады.&nbsp;Клеткаларды, тіндерді және органдарды тірі донормен немесе қайтыс болған науқастың туыстарымен сату немесе сату туралы түсетін ұсыныстарға қатаң тыйым салыну керек. Сонымен қатар транспланттау ҚР бірқатар нормативтік құқықтық актілерімен реттелетініне көңіл аудару қажет және оны бұзу жауапкершілікке әкеледі. Қылмыстық кодекстің 116 бабына сәйкес, адам органын транспланттау немесе басқа да мақсаттарда заңсыз алынуы, немесе мәжбүрлеп алынуы, сонымен қатар тірі адамның органына қатысты заңсыз келісім шарт жасалуы 6 жылдан бастап 10 жылға дейін бас бостанды­ғынан айырумен жазаланады.<blockquote> – Дүниежүзілік денсаулық сақтау ұйымының мәліметі бойынша, орган саудасы ұйымдасқан қылмыстың бір түрі және адам құқықтарының қатаң бұзылуына әкеледі. Бүйректі сатуға рұқсат беру бұл мәселені айтарлықтай ушықтыруы мүмкін. Сонымен қатар көптеген донор бүйректі алып тастаудың кәсіби емес және қауіпті процедураларының құрбаны болуы ғажап емес, бұл ауыр асқынуға, тіпті өлімге әкелуі мүмкін. Осылайша, трансплантация үшін бүйректі сатуға рұқсат беру проблема тудыруы мүмкін және ол орган тапшылығын шешудің ең тиімді жолы емес. Оның орнына халыктың донорлық туралы хабарын арттыру, трансплантацияны ұйымдастыру жүйесін жетілдіру, сондай-ақ медицинада заманауи технологияларды қолдану сияқты басқа әдістерге назар аудару керек, – дейді Сәуле Талғатқызы.</blockquote> Осы орайда тағы бір мәселенің шеті шығады. Көз жұмған адамның ішкі ағзасы бірнеше науқасқа өмір сыйлайтынын мамандар үнемі айтып жүр. Алайда марқұмның туыстары мұндай қадамға бара бермейтінін назарға алу керек. Сәйкесінше, сау ағзаға мұқтаж жандар донор көмегін бірнеше жыл күтуіне тура келеді. Біздегі орташа статистика бойынша, 5-6 жыл күтуі мүмкін. Өйткені мүрдеден донорлық жасауға біздің менталитетке байланысты бәрі келісім бермейді. Ал бұған дейін осы мәселеге қатысты бірнеше пәтуа шығарған мүфтият кейінгі кезде донорлықты құптайтынын насихаттады.<blockquote> – Негізінде әрбір адам ағзасын басқа адамға беру арқылы соның денсаулығын, өмірін сақтап қалуға үлес қосады, ол үлкен сауапты іс болады. Демек, ислам діні адам ағзасын өзге адамға көмек ретінде беруді қолдайды. Тек, тиісті шарттарға сай келу керек, – дейді имам Тілепберген Жәкиев.</blockquote> Ең бастысы, ағза сатылмайды. Донордың келісімі немесе көз жұмған жанның туыстарының рұқсаты болу шарт. Бүгінде елімізде түрлі факторларға байланысты көптеген адамдар трансплантацияны қажет етеді. Бірақ өзгеге ағза беру мәселесі қоғам тарапынан дұрыс қолдау таппай отыр. Соңғы мәліметтер бойынша, Қазақстанда 1718 адам бүйрек, 66 адам жүрек, 565 жан бауыр алмастыруды күтіп отыр. Алайда оларға қажетті ағзаның қашан табылатыны белгісіз. Өйткені еліміздегі донор банкінде бұл ағзалар тапшы. Екі мәрте Денсаулық сақтау министрі болған Жақсылық Досқалиев трансплантация саласы 2017 жылға дейін елде қарқынды дамыды, бірақ сол жылы үлкен шу шығып, «заңсыз ағза ауыстырды» деп айыпталған дәрігер-транс­плантологтардың ісі Қазақс­тандағы трансплантация саласының дамуына кері әсер етті деген пікірде.<blockquote> – Қазір тірі адамнан бауырдың жартысын алуға болады, екі бүйректің біреуін алуға болады. Бауырдың трансплантациясы, ол да сол 2012 жылы басталды. Мәйіттен алуға, тірі адамнан да алуға болатыны сол заңда көрсетілді. Осы тәсіл 2017 жылға дейін елде дамыды. Сол тұста екі дәрігер істі болып қалды, «тірі адамнан алады екен, ойлайтыны тек ақша» деп. Депутаттардың құлағына жетіп, заңды өзгертті де тастады. Бұрын заң бойынша, егер де адам өзінің ықыласын білдірмесе, мәйіт болғаннан кейін, ешкімнен сұрамай, ағзаны мәйіттен ала беретін еді. Заңды өзгерткеннен кейін адам тірі кезінде рұқсатын берсе де, бермесе де, ағзасын туысқан­дарының қолхатынсыз алуға болмайды деген заң шықты. Осының кесірінен қазір мәйіттен жылына бір не екі ағза ғана алады. Кім жеңді бұдан? Қоғам ұтылып қалды. 4 мыңға таяу адам кезекте тұр, мұқтажы одан да көп. Оның өзі операцияға жарайды дегендегісі. Жылына екі мәйіттен ғана ағза алынатын болса, санаңыз оған қай жылы кезек келетінін. Қолданыстағы заңнаманы өзгерту қажет. Өйткені осы саладағы қыруар қаржыға алынған базалық жабдықтар мен мамандар тиісті мақсатта жұмылдырылмай келеді, – дейді хирург.</blockquote> Қоғамда ағза мүшесінің донорлығына оң көзқарас қалыптастыру – денсаулық сақтау саласындағы маңызды мәселенің бірі. Сол себепті трансплантацияны үйлестірушілер бұл бағытта ауқымды ақпараттық-түсіндіру жұмыстарын жүргізуді жалғастыруда. Қазақстандықтар өзі қайтыс болғаннан кейін ағза доноры болуға ықтияры бар-жоғын көзі тірісінде gov.kz порталында жазып көрсете алатынын да айту керек. 2020 жылдан бері порталда 18 мыңға жуық өтінім тіркелген екен, оның ішінде 17 мыңнан аса адам донорлықтан бас тартса, мыңға жуығы келісім берген деген дерек бар.Мөлдір Қалымбет

Мәйіт донорлығын қалай дамытуға болады?

<a href="https://kyzylorda-news.kz/ru">Kyzylorda-news.kz.</a> &nbsp;Қазақ онкология және радиология ҒЗИ мамандары мен ДДҰ сарапшысы Қазақстандағы жатыр мойны обыры проблемасын шешудің кешенді тәсілін, Қазақстандағы АПВ вакцинопрофилактикасының перспективаларын, жатыр мойны обырын диагностикалаудың негізгі әдістері мен емдеу қағидаттарын түсіндірді, деп хабарлайды <a href="https://sn.kz/sn-akparat-agyny/109199-11-zhastagy-kyzdarga-zhana-vaktsina-salynatyn-boldy">Skifnews.kz</a> ақпарат порталы.El.kz ақпарат агенттігінің жазуынша, жатыр мойны обыры - жатыр мойны эпителийінде пайда болатын қатерлі ісік. ЖМО-қазақстандық әйелдерде жиі кездесетін онкологиялық аурулардың бірі болып саналады. Сонымен қатар, бұл адам папилломавирусына (АПВ) қарсы вакцинациялау арқылы алдын алуға болатын жалғыз обырдың түрі. Көп жағдайда жатыр мойны обырының дамуына АПВ себеп болады. Жатыр мойны обырының ең жоғары деңгейі 40-44 жаста.Қазақстанда әйелдердің арасындағы онкопатология құрылымында жатыр мойны обыры (ЖМО) сүт безі обырынан кейін екінші орында тұр. Жыл сайын «жатыр мойны обыры»диагнозы 1800 әйелге қойылады, жыл сайын осы аурудан 600 қазақстандық әйел қайтыс болады.Дүние жүзінде жатыр мойны обыры жыл сайын шамамен 600 000 әйелде анықталады және жыл сайын шамамен 340 000 әйел аурудан қайтыс болады.Дәстүр бойынша, қаңтар - бұл проблема туралы халықты хабардар ету және Дүниежүзілік денсаулық сақтау ұйымының (ДДҰ) қоғамдық денсаулық сақтау проблемасы ретінде жатыр мойны обырын жоюдың жаһандық стратегиясын қолдауды күшейту үшін жатыр мойны обыры туралы хабардар болу айы.Дүниежүзілік денсаулық сақтау ұйымының жатыр мойны обырын жою жөніндегі жаһандық стратегиясы денсаулық сақтау мәселесі ретінде жол картасын қамтиды:Вакцинациялау: қыздардың 90%-ы 15 жасқа дейін АПВ вакцинасымен толық егілуі керек (ұлдарды да егу ұсынылады). Скрининг: әйелдердің 70%-ы 35 жасында және 45 жасында жоғары тиімді тест арқылы скринингтен өтуі керек. Емдеу: обыралды бар әйелдердің 90% және инвазивті обырға шалдыққан әйелдердің 90% емделуі керек.Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">pixabay

Қазақстан және Қызылорда облысының жаңалықтары: Денсаулық