<a href="https://kyzylorda-news.kz/ru">Kyzylorda-news.kz</a>&nbsp;&nbsp; Міндетті әлеуметтік медициналық сақтандыру жүйесінде жүрек-қан тамырлары ауруларының алдын алу мен емдеуге ерекше көңіл бөлінеді. Қызылорда қаласындағы көпсалалы облыстық ауруханада кардиологтар ашық жүрекке қымбат ота жасауда.Шиелі ауданының тұрғыны Сүлеймен Әбдіраманов ентігу, шаршау шағымдарымен дәрігерлерге жүгінген. 53 жастағы ер адам жүрегінің митральды қақпақшасының дұрыс жұмыс істемейтінін білмеген. Науқасқа шұғыл ота жасалды. Қазір оның денсаулығы әлдеқайда жақсы.<blockquote>«Жүрегім бір жыл бойы мазалады, бірақ дәрігерлерге бармадым. Жүрегіме ота жасады, қақпақты ауыстырды, ол қымбат. МӘМС-те сақтандырылғанмын, тегін емделемін. Дәрігерлерге мың алғыс», – дейді Сүлеймен Әбдіраманов.</blockquote>Кардиохирургия бөлімшесінің меңгерушісі Берік Даутбаев атап өткендей, жыл сайын облыстық ауруханада жүрекке үш жүзге жуық ота жасалады. Сондай-ақ, екі мыңнан астам коронарография, оның ішінде сегіз жүз стенттеу. Жүрекке ота - ең қымбат медициналық қызметтердің бірі. Шұғыл жағдайларда бұл оталар міндетті әлеуметтік медициналық сақтандыру аясында ҚР барлық азаматтарына тегін жасалады.<blockquote>«Науқас бұрын диспансерлік есепте тұрмаған, оған жүректің ревматикалық ауруы диагнозы қойылған. Ашық жүрекке ота жасалды. Тозығы жеткен митральды қақпақшаның орнына американдық биологиялық қақпақ орнатылды. Науқастың денсаулық жағдайы жақсы, ентігу жоқ. Бұл МӘМС аясында жасалатын құны 3,5 миллион теңге тұратын қымбат ота», - деді Берік Дәуітбаев.</blockquote>Жыл басынан бері КОА-ның кардиохирургиялық орталықта 2 771 адам ем қабылдаған. Осы мақсаттарға Әлеуметтік медициналық сақтандыру қорынан 3,3 млрд теңге бөлінді. &nbsp;

МӘМС аясында жүрекке операция тегін жасалады

Фото: chgtrk.ru<a href="https://kyzylorda-news.kz/ru">Kyzylorda-news.kz</a> Елімізде қызылша ауруы бойынша эпидемиологиялық жағдай тұрақсыз. Бұл туралы Денсаулық сақтау министрі Ажар Ғиният мәлім етті, деп хабарлайды <a href="https://kaz.inform.kz/news/azhar-giniyat-kizilsha-orshgen-onrlerd-atadi-54aec7/Kazinform">Kazinform.</a><blockquote>«Қызылшамен сырқаттанушылықтың өсуі байқалды. Бүгінгі таңда қызылша ауруы бойынша эпидемиологиялық жағдай тұрақсыз. Республикада қызылшаның 17 мыңнан астам жағдайы тіркелген, 82 пайыздан астамы балаларға тиесілі. Оның ішінде, 83 пайызы – екпе алмаған балалар. Бұл ретте, балалардың 60 пайызы бас тартуға байланысты, қалған балалар егу жасына жетпеуіне байланысты және медициналық көрсетілімдер бойынша вакцинация алмаған. Қызылша ауруы барлық өңірде тіркелді», - деді министр Орталық коммуникациялар қызметіндегі брифингте.&nbsp;</blockquote>Оның дерегінше, қызылша Шымкент, Алматы қалаларында, Жамбыл, Алматы, Маңғыстау, Ақтөбе, Қызылорда және Атырау облыстарында өршіп тұр.<blockquote>«Сырқаттанушылықтың күрт өсуі осы жылдың қыркүйегінен бастап ұйымдасқан ұжымдарда, яғни оқу жылында балалардың жиналуына байланысты байқалады. Нәтижесінде сырқаттанушылық деңгейі екі есе өсті. Бүгінгі таңда елімізде қызылшамен ауырған науқастар үшін инфекциялық ауруханаларда 3,5 мыңнан астам төсек-орын ашылды. Стационарлық емделуде 2 375 бала жатыр. Төсек-орынмен қамту 59,5 пайызды құрайды. Резервте 1 мыңнан астам орын бар», - деді Ажар Ғиният.</blockquote>

Қызылша Қызылорда облысында өршіп тұр

<a href="https://kyzylorda-news.kz/ru">Kyzylorda-news.kz</a> «Суықпен емдеу» деп аталатын криоаблацияның инновациялық әдісін пайдалана отырып, жүрекке оталарды Алматы қ. №7 қалалық клиникалық ауруханасының, Қызылорда қ. көпсалалы облыстық ауруханасының кардиологиялық орталығының мамандары бірлесіп жасады. Шеберлік сабақтардың барысында 9 ота жасалды.73 жастағы Нұржамал Қуанышбаеваға (аты-жөні өзгертілді) ота жасалды. Көптеген жылдар бойы жоғары қан қысымымен ауырады, диспансерлік есепте тұрады. Денсаулық жағдайының нашарлауына байланысты науқас жүрек ырғағын емдеуге арналған жоспарлы отаға жіберілді.Алматы қаласының №7 қалалық клиникалық ауруханасының интервенциялық аритмолог дәрігері Қанат Ергешов айтқандай, криоаблацияға көрсеткіш – қақпақша ақаулары және жүрек ырғағының бұзылуы. Қарсы көрсетілімдер жоқ. Қан ұйығыштары болса да, хирургтар араласып, оларды алып тастайды. Сонымен қатар, криоаблация тромбоэмболиялық асқынулар мен инсульттің алдын алуға көмектеседі.<blockquote>«Ота жергілікті анестезиямен тіліксіз жасалады. Арнайы катетер артерияға енгізіліп, жүректегі қан тамырларына жеткізіледі. Дәрігер бұл процесті мониторда бақылайды. Аритмия орны табылғаннан кейін, бұл жерге арнайы катетер арқылы суық әсер етеді. Суықтың көзі - арнайы баллондағы азот оксиді. Егер бұрын мұндай оталар ҒЗИ-ры мен жетекші ауруханаларда ғана жасалса, енді МӘМС жүйесінің арқасында аймақтарда жүректі криоаблациясы жасалады. Отаның құны - шамамен 4 млн.теңге. Сақтандырылған азаматтар үшін – тегін», - деп түсіндірді Қанат Ергешов.</blockquote>Дәрігерлердің айтуынша, отадан кейін қалпына келтіру қысқа уақытты алады. Бір айдан кейін науқастың әл-ауқаты айтарлықтай жақсарады. Жүрек-қан тамырлары ауруларын ерте анықтау үшін жыл сайынғы скринингтен өту керек, ол да тегін қол жетімді.Жыл басынан бері көпсалалы облыстық ауруханада 51 пациентке жүректі криоаблациялау бойынша оталар жүргізілді. Осы мақсаттарға Әлеуметтік медициналық сақтандыру қорынан 223,8 млн. теңге бөлінді. &nbsp;<figure class="image"><img src="https://knadmin.beoblood.kz/uploads/Kardio_kreoablacziya_92c9e93164.webp" alt="Кардио креоаблация.webp"></figure>

 МӘМС аясында инновациялық оталар қолжетімді

Фото: chgtrk.ru<a href="https://kyzylorda-news.kz/ru">Kyzylorda-news.kz</a> Денсаулық сақтау министрлігіне қарасты санитарлық-эпидемиологиялық қадағалау комитетінің мамандары қызылшаның өршуіне байланысты шектеу шараларын енгізу мәселесін түсіндірді, деп хабарлайды <a href="https://sputnik.kz/?_ga=2.239075783.516417006.1701051078-138522855.1629862799">Sputnik Қазақстан</a>.Комитет басшысының орынбасары Зәуре Ахметованың айтуынша, қызылшаны вакцинамен бақылап отыруға болады. Сондықтан ешқандай шектеу шаралары немесе карантин енгізілмейді.<blockquote>“Алайда белгілі бір ұжымда ауру өршіп кетсе, ал екпе алмаған адамдардың саны тиісті нормадан (10 процен) асқан жағдайда инфекцияны өршуіне қарсы шаралар қолға алыналы”,- деді Ахметова үкіметте өткен брифингте.</blockquote>Қазіргі кезде республика бойынша қызылшаға шалдыққан 17 мың адамның 82 проценті - балалар. Олардың басым бөлігі ауруға қарсы вакцина алмаған.Бүгінде ата-аналар баланың вакцина алғанын, я алмағанын емханадан біле алады. Ол жерде әрбір баланың вакцинация паспорты жүргізіледі. Ал профилактикалық екпе күнтізбесіне сәйкес, қызылшаға қарсы екпені екі рет алады. Біріншісі - 12-15 айлық жаста, ал ревакцинация 6 жаста жасалады.<blockquote>“Қазақстанда қызылшаға қарсы вакцина жеткілікті. Бұл екпе Үндістанда жасалған. Біз оны 2012 жылдан бері пайдаланамыз. Осы уақыттың ішінде вакцина өз тиімділігін және қауіпсіздігін көрсетті”,- деп атап көрсетті Ахметова.</blockquote>

Қазақстанда қызылшаға байланысты карантин енгізіле ме?

Фото: medikom.ua<a href="https://kyzylorda-news.kz/ru">Kyzylorda-news.kz</a> &nbsp; Денсаулық сақтау министрі Ажар Ғиният қызылшаға жиі шалдығатын балалардың жасын атады, деп хабарлайды <a href="https://sputnik.kz/?_ga=2.173459815.516417006.1701051078-138522855.1629862799">Sputnik Қазақстан</a>.Қазіргі кезде қызылшаның өршуіне байланысты жоспарлы екпе салу шаралары күшейтілді. Иммундаумен 600 мыңнан астам бала қамтылды. Олардың 84 проценті - 1 жас және 6 жастағы балалар. Жыл соңына дейін осы жас тобындағы 100 мыңнан астам бала вакцинациялауға жатады.<blockquote>“Ауырғандардың 65 пайызы 5 жасқа дейінгі балаларға тиесілі екенін ескере отырып, қараша айынан бастап 1 жасқа дейінгі балаларды, сондай-ақ 2 жастан 4 жасқа дейінгі балаларды қосымша жаппай иммундау басталды, 94 мың адам қамтылды”,- деді Ғиният үкіметтің бүгінгі отырысында.</blockquote>Бүгінде қызылшаға қарсы вакцинаның қосымша 1,5 млн дозасы сатып алынды. Соның 500 мың дозасы келіп түсті, желтоқсан айында 1 млн доза жеткізіледі деген жоспар бар.<blockquote>“Қосымша иммундаудың тиімділігі 2005, 2015 және 2019 жылдардағы қызылшаның алдыңғы өршуі кезінде дәлелденді. Ағымдағы жылдың желтоқсанның ортасында сырқаттанушылықты азайту үшін қосымша жаппай иммундаумен жоғары қамтуға қол жеткізуіміз керек”, - деп атап көрсетті министр.</blockquote>

Қызылшаға неше жастағы балалар жиі шалдығады?

Фото: medcentr-meduzas.com<a href="https://kyzylorda-news.kz/ru">Kyzylorda-news.kz.</a> Денсаулық сақтау министрлігі балаларды қызылшаға қарсы вакциналау жоспарымен бөлісті, деп хабарлайды&nbsp;<a href="https://kaz.inform.kz/">Кazinform</a>.<blockquote>«Халықтың арасында қызылшаның таралуын болдырмау үшін қосымша жаппай иммундау шарасы басталды. Иммундауға, бірінші кезекте, 6-11 ай аралығындағы нәрестелер жатқызылды. Желтоқсан айынан 2 жастан бастап 4 жас 11 ай 29 күн аралығындағы балаларды бұған дейін қызылшаға қарсы екпе алғанына қарамастан, иммундау өтеді. Сондай-ақ қызылшаға қарсы екпесі жоқ медицина қызметкерлерін вакциналау жоспарланған», – деп жазылған ведомствоның редакция сауалына жолдаған жауабында.</blockquote>Министрлік мәліметінде балаларға жоспарлы екпе жасау көрсеткіштеріне ай сайын мониторинг жасалып отыр. Сондай-ақ мектепке дейінгі білім мекемелеріндегі балаларды кемінде 90 пайыз екпемен қамту бағытындағы жұмыстар күшейтілген.

Желтоқсан айында 2-5 жастағы балаларды қызылшаға қарсы егу басталады

Фото: egemen.kz<a href="https://kyzylorda-news.kz/">Kyzylorda-news.kz.</a>&nbsp; Дүниежүзілік денсаулық сақтау ұйымы Қытайдан елдің солтүстігінде балалар арасында таралған белгісіз пневмония кластері туралы барлық ақпаратты беруді сұрады, деп хабарлайды <a href="https://stan.kz/ddy-kitaydan-eldin-soltustigindegi-balalar-pnevmoniyasi-391613/">Stan.kz</a>.Қытайдың мемлекеттік емес ақпарат құралдарының хабарлауынша, елдің кейбір аудандарындағы балалар ауруханалары науқас балаларға толып кеткен.Қытай билігі биылғы маусымда тұмау ауруларының көбеюін Ковидке қарсы шаралардың күшеюімен байланыстырады.ДДҰ Қытай тұрғындарын инфекцияның таралу қаупін азайту үшін шаралар қабылдауға шақырады. Ұйым өз мәлімдемесінде сонымен қатар бұқаралық ақпарат құралдарындағы жарияланымдар туралы қосымша ақпаратты, сондай-ақ аурудың өршуін бақылауға арналған халықаралық ProMed жүйесінен алынған мәліметтерді сұрайды.Дүниежүзілік денсаулық сақтау ұйымының өтінішінен кейін "Синьхуа" мемлекеттік ақпарат агенттігі Ұлттық денсаулық сақтау комиссиясының өкілдері респираторлық аурулармен ауыратын балаларды диагностикалау мен емдеуге ерекше көңіл бөлетінін айтқан мақала жариялады.Жақында болған ковидтік пандемиядан кейін Қытайда инфекцияның таралуы туралы кез келген сұрақтар алаңдаушылық тудыруы мүмкін. Дегенмен, ДДҰ-ның эпидемиологиялық жағдай туралы барлық ықтимал ақпаратты сұрауы әдеттегі тәжірибе.Бейжің барлық сұрақтарға жауап бермейінше, пневмонияның таралуының нақты себептерін анықтау мүмкін емес.Пневмонияның көбеюі туралы не белгіліДүниежүзілік денсаулық сақтау ұйымының мәліметі бойынша, биылғы жылдың қазан айынан бері Қытайдың солтүстігінде тұмауға ұқсас аурулардың саны соңғы үш жылдың сәйкес кезеңіндегі ең жоғары көрсеткішке жеткен.Өткен аптада Қытайдың Ұлттық денсаулық сақтау комиссиясы бүкіл елде респираторлық аурулардың, атап айтқанда тұмау, Ковид, микоплазмалық пневмония (көбінесе жас балаларға әсер ететін қарапайым бактериялық инфекция) және респираторлық синцитиальды вирус көбейгенін хабарлады.Шенеуніктердің айтуынша, аурушаңдықтың артуы Ковидке қарсы қатаң шектеулердің алынып тасталуымен байланысты.<blockquote>“Қытай дәл қазір балалар арасындағы респираторлық инфекциялардың үлкен толқынын бастан кешіруі мүмкін, өйткені бұл ұзақ локдауннан кейінгі алғашқы қыс. Бұл респираторлық инфекциялардың таралуын, демек, эндемиялық инфекцияларға иммунитетті күрт төмендеткен сияқты”, – дейді Лондон университеттік колледжінің генетика институтының профессоры Франсуа Баллу.</blockquote>Дүниежүзілік денсаулық сақтау ұйымының мәліметі бойынша, пневмонияның өршуі мен Қытайдағы респираторлық инфекциялар санының жалпы өсуі арасында байланыс бар-жоғы әлі белгісіз. Сондықтан ұйым толығырақ ақпарат алу үшін ресми сауал жолдаған.Дүниежүзілік денсаулық сақтау ұйымы сонымен қатар Қытай тұрғындарын негізгі сақтық шараларын сақтауға шақырды – вакцинация алуға, бетперде киюге және қолыңызды жууға.&nbsp;

Қытайда балалар арасында белгісіз пневмония тарады

Фото: lada.kz<a href="https://kyzylorda-news.kz/">Kyzylorda-news.kz.</a>&nbsp; Қы­зыл­орда облысының санитарлық-эпидемио­логиялық бақылау департаментінің дерегінше қызылша мен қызамық – бір-біріне өте ұқсас жұқпалы аурулар. Екеуінің қоздырғышы – вирус, ауа арқылы таралады, екеуіне тән белгі –денеде бөртпелердің шығуы.Сондай-ақ дене қызуы көтеріліп, жөтел пайда болып, көз жасаурап, мұрын бітеледі. Бұл жағдай 2-3 күнге дейін созылып, одан соң денеде бөртпелер пайда болады. Алғашында бет аймағында, құлақ артында шығып, содан соң денесіне тарайды. Ауру көзі болып ауру белгілері анық сипатталған және жасырын түрде өтетін науқастар болып табылады. Туа біткен қызамық ауруына шалдыққан нәресте де өте қауіпті болып саналады, себебі ол 1,5 жасқа дейін вирусты қоршаған ортаға бөледі.Соңғы мәліметтер бойынша облыста қызылша ауруының 1129 дерегі анықталды. Балалар арасында жиі шалдығу жағдайлары жалғасуда, 14 жасқа дейінгі балалар арасында 994 жағдай есепке алынды.Эпидемиологиялық ахуалды тұрақтандыру мақсатында атқарылып жатқан шаралар барысы бүгін облыс әкімінің орынбасары Мейрамбек Шермағанбеттің қатысуымен өткен жедел штаб отырысында көтерілді. Проблемалық сұрақтар мен оларды шешу жолдары талқыланды, тиісті тапсырмалар жүктелді.

Қызылша: Қызылордада 1129 адам анықталды

<a href="https://kyzylorda-news.kz/">Kyzylorda-news.kz.</a> &nbsp; Мемлекет басшысының қолдауымен 2022 жылы «Қазақстан Халқына» қоғамдық қоры» құрылған болатын. Қор құрылған сәттен бастап, Қызылорда облысының әкімдігімен бірлескен түрде денсаулық сақтау, білім беру, әлеуметтік қолдау және оңалту салаларындағы күрмеулі мәселелерге қаржылай қолдау көрсету мақсатында бірқатар жобалар жүзеге асуда.Аталған бағытта соңғы 2 жылда аймаққа 3,0 млрд теңге қаржы бөлінген. Атап айтқанда, онкологиялық скрининг жүргізуге арналған құны 1,1 млрд теңгені құрайтын 2 жылжымалы медициналық кешен өз жұмысына кірісті. Жылжымалы кешен алғаш рет табысталған республиканың 3 өңірінің бірі ретінде Қызылорда облысы таңдалды. Кешен халықтың денсаулығындағы кінәратты ерте анықтаудың мүмкіндігін арттырады.Бұл өз кезегінде, шалғай елді мекендердегі тұрғындардың жоғары мамандандырылған медициналық көмекке қолжетімділігін арттыруға, орташа өмір сүру жасын ұзартуға мүмкіндік береді.2 көліктен тұратын жылжымалы медициналық кешен томосинтез функциясы бар сандық маммографиялық жабдықпен, сарапшылық деңгейдегі ультрадыбыстық жүйемен және жоғары дәлдікпен зерттейтін компьютерлік томографпен жабдықталған. Екі құрал да Жапонияда жасалған. Мұндай кластағы және конфигурациядағы медициналық жабдық Қазақстанда алғаш рет қолданысқа берілуде.&nbsp;«QH Денсаулық жолы» жобасының іске асырылуы онкологиялық ауруға шалдыққандарды ерте сатыда анықтауға мүмкіндік береді. Халықты онкологиялық скринингпен қамту бойынша қазіргі жоспар 60%-ды құрайды. Жобаны енгізу арқылы пилоттық өңірлер бойынша тексерумен қамтуды 70%-ға дейін ұлғайту көзделуде.Атап өту керек, жылжымалы кешен 22 қарашадан бастап, Байқоңыр қаласында өз жұмысын бастады. Ал, желтоқсан айының басынан Арал, Қазалы, Қармақшы, Жалағаш, Сырдария, аудандарына шығып, жыл аяғына дейін 2 мыңнан аса тұрғынды онкоскринингтен өтпеген мақсатты контингетті және де сақтандырылмаған азаматтарды жылжымалы медициналық кешеннің зерттеу түрлерімен қамту жоспарлануда.&nbsp;Мобильді бригада құрамы 12 маманмен, атап айтқанда онколог дәрігері, ультрадыбыстық зерттеу дәрігері, сәулелік диагностика дәрігері, рентген-лаборант және т.б мамандарымен қамтылған.&nbsp;

«Қазақстан халқына»: Қызылордада әлеуметтік жобалар жүзеге асырылуда

<a href="https://kyzylorda-news.kz/">Kyzylorda-news.kz.</a> Талаптыға нұр жауар. Қазақстан ауқымды реформалар табалдырығында тұр. Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында қазақстандықтардың өмір сүру сапасын арттыруға бағытталған бірқатар шараларды атап өтті. Осылайша, азаматтардың табысын арттыру мақсатында 2024 жылдың 1 қаңтарынан бастап ең төменгі жалақыны 85 мың теңгеге дейін көтеруді тапсырды. Бұл шара бюджеттік ұйымдар қызметкерлерінің әл-ауқатына оң әсер етеді.&nbsp;2021-2023 жылдар аралығында еліміздің мемлекеттік медициналық мекемелеріндегі 6 мыңға жуық медицина қызметкерлерінің жалақысы жыл сайын өсті, дәрігерлердің жалақысы 30%-ға, орта медицина қызметкерлерінікі 20%-ға. Сондай-ақ, Мемлекет басшысының тапсырмасы бойынша резидентурадағы гранттар саны 70%-ға ұлғайды. Ауыл медицинасын жақсартуға қаражат бөлініп, жаңа ауруханалар салынатыны атап өтілді.&nbsp;Бүгінде денсаулық сақтау саласында ауқымды жұмыстар атқарылуда. Біз міндетті әлеуметтік медициналық сақтандыру жүйесінің тиімділігін арттыруымыз керек. Азаматтар медициналық қызметтердің сапасы мен қолжетімділігінің жақсарғанын сезініп, көруі керек.Жалпы, елімізде атқарылып жатқан бірқатар шаралардың нәтижесінде халық сұранысына ие дәрі-дәрмек пен медициналық мақсаттағы бұйымдардың өндірісі ұлғаймақ, ал оларды тіркеу, сараптау және баға белгілеу ашық болмақ.Еліміз бен азаматтарымызға қатысты көптеген маңызды және өзекті тақырыптар қозғалды. Мемлекет басшысы еліміздің әрбір азаматы Әділ Қазақстанды құруға жауапты екенін атап өтті: «Шын мәнінде, адалдық жоқ жерде ешқашан әділдік болмайды. Әрбір адам ісі мен сөзі бір жерден шығатын Адал азамат болса, әділдік орнайтыны сөзсіз».Бақыт Торғайбайұлы Исмаханбетов, Әлеуметтік медициналық сақтандыру қорының&nbsp; Қызылорда облысы бойынша филиалының директоры&nbsp; &nbsp;

Жолдауда медициналық сапаны жақсарту бойынша нақты міндеттер қойылды

Фото: den-der.kz<a href="https://kyzylorda-news.kz/">Kyzylorda-news.kz.</a>&nbsp; «Міндетті әлеуметтік медициналық сақтандыру туралы» Заңның 26-бабына сәйкес жұмыс істемейтін жүкті әйелдер, баланы (балаларды) үш жасқа толғанға дейін тәрбиелеп отырған жұмыс істемейтін адам (баланың заңды өкілдерінің бірі) МӘМС жарналарын мемлекет төлейтін азаматтардың жеңілдетілген санатына кіреді. Бұл тұлғалар мемлекет есебінен сақтандырылған және МӘМС пакетінде көрсетілетін медициналық қызметтерге қол жеткізе алады.&nbsp;Алайда, кейде азаматтардың бұл санаттары сақтандырылмаған болып шығады. Өзекті сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Жүкті әйел жұмыс істемесе, МӘМС жарнасын төлеу керек пе және қанша төлейді? Бала туылғаннан кейін қалай болады?&nbsp;Егер жүкті әйел жұмыс істемесе және бірыңғай жиынтық төлемді (БЖТ) төлемесе, онда ол МӘМС жарналарын мемлекет төлейтін азаматтардың жеңілдікті санатына кіре алады. Ол үшін тіркелген жері бойынша өз емханасына жүгініп, жүктілігі бойынша есепке тұруы қажет.&nbsp; Егер әйелдің МӘМС мәртебесі «сақтандырылмаған» болса, онда ол аймақтық дәрігер мен акушер арқылы есепке тұра алады. Босанғаннан кейін бұл әйел үш жасқа дейінгі балаларды тәрбиелеп отырған жұмыс істемейтіндер үшін басқа жеңілдікті санатқа кіреді және де мемлекет есебінен сақтандырылатын болады.Егер жұмыс істемейтін жүкті әйел жеңілдікті мәртебе бергеннен кейін БЖТ төлеген болса, онда ол қайтадан жеңілдікті мәртебеге қалай ие болады?Шұғыл жоспарлы медициналық көмек қажет болған жағдайда дербес төлеуші ретінде өткізіп алған айлар үшін МӘМС жарнасын төлеу қажет (2023 жылы – 3500 теңге). Немесе жеңілдік мәртебесін алу үшін 2 ай күту керек. Содан кейін МӘМС жүйесіндегі жеңілдік мәртебесі міндетті зейнетақы жарналары мен әлеуметтік аударымдар төленген күннен бастап 2 айдан кейін автоматты түрде беріледі.Егер жұмыс істемейтін жүкті әйел ресми жұмысқа шыққысы келсе, МӘМС жүйесіндегі мәртебе өзгере ме?Бұл жеңілдік санаты жұмыс істемейтін әйелдерге ғана беріледі. Егер сіз жұмыс жасасаңыз, МӘМС төлемдерін сіз үшін жұмыс беруші төлейді. Жұмыс берушілердің жұмыскерлер үшін аударымдары 3% - ы құрайды, аударымдардың ең жоғары сомасы 21 000 теңгеден аспауы тиіс. Бұл 10 айлық есептік көрсеткішінің 3% - і болып саналады. Сондай-ақ, сіздің жалақы деңгейіңіздің 2% мөлшерінде жарналар ұсталады. Жарнаның ең жоғары сомасы 14 000 теңгені құрайды. Бұл 10 айлық есептік көрсеткішінің 2% - і болып саналады.Декреттік демалыстағы әйел жеке кәсіпкер болса, МӘМС үшін төлем жасауы керек пе?&nbsp;Егер әйел жеке кәсіпкер болса, онда ол өзі үшін 4 900 теңге (2023 ж.) мөлшерінде белгіленген жарнаны төлейді. Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.&nbsp; Егер жеке кәсіпкер жұмыс жасамаса (кірісі болмаса), онда салық органдарында кәсіпкерлігін тоқтата тұру үшін тиісті рәсімдерді жүргізу қажет.Өзбекстан азаматы, Қазақстанда тұруға ықтиярхаты жоқ, бірақ «Қандас» мәртебесі бар. Бұл науқасты емханаға тіркеп, жүкті әйелдердің регистріне қоса аламыз ба?&nbsp;Егер «Қандас» мәртебесін дәлелдейтін құжаттар болса, онда пациент кепілдендірілген медициналық көмек пен міндетті медициналық сақтандыру тізіміне енгізілген барлық медициналық қызметтерді (сақтандыру мәртебесі болған жағдайда) алуға құқылы. Алғашқы медициналық-санитарлық көмек көрсететін медициналық ұйымға тіркелуге құқылы. Жүктілікке тіркелуге және жеңілдік санатындағы «жұмыс істемейтін жүкті әйел» мәртебесіне жүгінуге құқылы (қажет болған жағдайда).&nbsp;

Жұмыс істемейтін жүкті әйелдер МӘМС жүйесінде сақтандырылған

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді.Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.Жеңілдік бойынша сақтандыру кімге беріледі?МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.Қазақстанда &nbsp;оқитын студенттер үшін сақтандырылған мәртебесін алу алгоритмі:Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.&nbsp; Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.Егер отандық ЖОО студенті сақтандырылмаған болса не істеу керек?Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге &nbsp;хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.Оқу орындарына арналған жадынама: Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. &nbsp;  Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет.  Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды.&nbsp; Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар &nbsp;туралы мәліметтердің дұрыс және уақтылы толтырылуына &nbsp;байланысты болады.Шетелде оқитын қазақстандықтар үшін сақтандырылған мәртебесін алу алгоритмі: Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.&nbsp; Ол үшін электрондық үкімет порталындағы egov.kz сервисін пайдалану қажет:&nbsp; 1. Ізденіс жолына келесіні енгізу: «Шетелде оқитын студенттерді тіркеу».&nbsp; 2. Ашылған терезедегі өтінішті толтыру және оқуды растайтын құжаттарды қоса беру қажет. 3. Өтінішке ЭЦҚ көмегімен қол қою. 4. Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.&nbsp; 5. Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.&nbsp;<figure class="image"><img src="/uploads/image_b98130b782.png"></figure>Кері байланысӨкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады. Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді.Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1414 байланыс орталығы, Qoldau 24/7 және Telegramдағы Saqtandyry-Bot мобильді қосымшасы.<figure class="image"><img src="https://knadmin.beoblood.kz/uploads/Studenty_ochno_kaz_a1695b4d86.jpeg" alt="Студенты очно каз.jpeg"></figure>

Қазақстан және Қызылорда облысының жаңалықтары: Денсаулық