<a href="https://kyzylorda-news.kz/">Kyzylorda-news.kz</a> Өңірдегі бүгінгі жұмыс сапары барысында сенат депутаттары Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Қызылорда қаласындағы картон зауытында болды.Гофрлеу және картонның тегіс қабаты үшін қағаз өндірісі жобасының бастамашысы «Rem Plast Invest» ЖШС. Қуаттылығы Айына 5400 тонна Өндірілетін өнім қағаз өндірісі (гофратара). Жобаны жүзеге асыру үшін «ЦКЗ» өндіріс индустриялық аймағынан 2,5 га жер телімі табысталған. Жоба құны 559,1 млн. теңге. Мұнда 15-ке жуық адамды жұмыспен қамту жоспарлануда. Қазіргі таңда:құрылыс жұмыстары 60% аяқталып, қондырғыларды орналастыру жұмыстары жүргізілуде. Зауыт толығымыен ағымдағы жылдың ІІІ-тоқсанында іске қосылады.Бұл жоба — экологиялық таза, қайталама шикізатты пайдалана отырып, жасыл экономиканы дамытуға қосылған нақты үлес.<img src="https://knadmin.beoblood.kz/uploads/Karton_zauyty_2_c4a14bdaa2.jpg" alt="Картон зауыты 2.jpg">

Қызылордада картон зауыты іске қосылады

Облыстық кәсіпкерлік және өнеркәсіп басқармасының басшысы Әбілқайыров Дәурен Тұрғанбайұлы партияның облыстық филиалы алаңында қоғамдық қабылдау өткізді.Қабылдау барысында кәсіпкерлік нысанды ұлғайту, кәсіпкерлікті дамытудағы қолайлы бағдарламалар, әлеуметтік көмек көрсету төңірегінде мәселелер қозғалды.Д. Тұрғанбаев кәсіпкерлік нысанды ұлғайту мәселесінде кәсіпкердің ынтасына қарай қолдау білдіріп, мүмкіндігінше көмек көрсететінін жеткізді. Қосымша кәсіпкерлікті дамыту мақсатындағы тиімді бағдарламалар жайлы кеңес беріп, партия бастамасымен жүргізіліп жатқан “Қарызсыз қоғам”, «Ауыл аманаты» жобаларының мүмкіндіктері жайлы түсіндірме жұмыстарын жүргізді.Әлеуметтік көмек көрсету бойынша басқарма басшысы алдағы уақытта әрбір мәселені зерттеп, қосымша хабар беретінін жеткізді.

Кәсіпкерлік саласы бойынша бірқатар кеңес берді

<a href="https://kyzylorda-news.kz/">Kyzylorda-news.kz</a> Бүгінгі кейіпкеріміз өткен жылы ғана айына 3 мың тәтті тоқаш пісірсе, бүгінде ең кемі 15-16 мыңнан астам нан өнімдерін тұтынушыларына ұсынуда. Кәсіп иесі бұл көрсеткішке кәсіпкерлік саласындағы мемлекеттік қолдаудың, яғни «Қызылорда» Өңірлік инвестициялық орталығынан жеңілдікпен алған несиенің арқасында жеткенін айтты.Қызылордалық Лаура Ұзақова 4 баланың анасы. Негізгі мамандығы химия пәнінің мұғалімі. Бала күтіміне байланысты уақытша демалысқа шыққаннан кейін мамандығы бойынша қайта жұмыс істеуге мүмкіндігі болмайды. Осы кезде декретте отырғанда енесінен үйренген ісі табыс көзіне айналдыруға сеп болады.<blockquote>«Жолдасымның анасы Жұмакүл Арынғазиева 40 жыл наубайханада жұмыс істеген. Тәжірибелі маман. Ол кісінің қолынан шыққан нан өнімдерін жақын маңдағы дүкендер алып тұратын. Жанында жүріп тәтті тоқаш пісіруді үйреніп алдым. Жұмыссыз қалғанда анамыздан үйренген істі кәсіпке айналдыруды ойластырдым», - дейді Лаура Ұзақова.</blockquote>Жас кәсіпкер алғашында отбасының қаржысына алынған екі секциялы пешпен ісін бастайды.<blockquote>«Нан өнімдерінің ішінде тәтті тоқашымызда сұраныс жоғары болды. Айына 3000 тоқаштай пісіріп, шағын дүкендерге жеткізіп беріп жүрдік. Өнімімізге сұраныс артты. Алайда бір пешпен үлгермейтініміз белгілі болды. Осылайша кәсіпті кеңейту керек, бірақ оған қаржыны қайдан табамыз деп жүргенде спорт секциясына балаларды тасып жүрген жолдасым ата-аналардың бірінен «Қызылорда» Өңірлік инвестициялық орталығы жайлы естіп, үйге айтып келді», - дейді жас кәсіпкер.</blockquote>Өңірлік орталықтың жергілікті кәсіпкерлерді қолдауға арналғанын &nbsp;білгеннен кейін бағдарламаларымен танысып, өтінім береді. Кәсіпті кеңейтуге Орталық арқылы биыл мамырда 6,5 млн теңге жеңілдетілген несие алады.<blockquote>«Бұл қаржыға төрт секциялы екі пеш, екі жұмыс үстелін, нан өнімдеріне арналған сөрелер, қалыптар, өзге де қажет құрал-жабдықтар алдық. Енді тиімділігін айтайын, өнім көлемі бірден артты. Бұрын айына ең көбі 3500 тоқаш шығарып жүрсек, қазір кәсіпті кеңейткеннен кейін 15-16 мың тоқаш пісіріп жатырмыз. Негізгі тұтынушыларымыз үлкен дүкендер. Жұмыс қолы жетпей жатыр. Сол үшін жақында 3 адамды жұмысқа аламыз», - дейді Лайра Ұзақова.</blockquote>Айта кеткен жөн, тамақ өндірісімен айналысатын кәсіпкерлерге тамаша мүмкіндік жасалуда. Қызылорда қаласындағы Сол жағалаудан ашылып жатқан өндірістік аймақта орналасатын кәсіпкерлер кәсібіне қажетті құрал-жабдықтарға «Қызылорда» Өңірлік инвестициялық орталығы арқылы жеңілдікпен 3 пайызбен несие ала алады.Қосымша сұрақтар бойынша Орталыққа +7 705 177 47 30, +7 775 757 94 74, 40-03-60 байланыс нөмірлері арқылы хабарласуға болады.Фото:&nbsp;«Қызылорда» Өңірлік инвестициялық орталығының баспасөз қызметі

Лаура Ұзақова: Мемлекеттік қолдаудың арқасында өнім өндіру көлемі бес есеге артты

<a href="https://kyzylorda-news.kz/">Kyzylorda-news.kz</a> Қармақшы ауданында шағын және орта кәсіпкерлікті дамытуға айрықша мән беріліп отыр. Бұл туралы Өңірлік коммуникациялар қызметінің баспасөз алаңында аудан әкімі Жандос Еркінбек баяндады.<blockquote>- 2025 жылдың 1 шілдесіне дейін ауданда 3205 кәсіпкерлік субъектісі тіркелді. Жыл басынан бері мемлекеттік бағдарламалар аясында 33 жоба қаржылай қолдауға ие болды. Сонымен қатар, жаңа бизнес-идеяларды дамыту үшін әлеуметтік осал топтар арасынан Байқоңыр қаласынан 11, Қармақшы ауданынан 37 адамға қайтарымсыз грант беру мақұлданды, - деді Жандос Еркінбекұлы.</blockquote>

Қармақшыда кәсіпкерлік көкжиегі кеңеюде

<a href="https://kyzylorda-news.kz/">Kyzylorda-news.kz</a> &nbsp;«Панабек» ЖШС – ерлі-зайыпты Амангелді Панабеков пен Айнұр Исмаилованың отбасылық кәсібі.Бүгінде өңірдегі жиһаз өндірісі бойынша көшбасшы компанияның осыдан 20 жылдан астам уақыт бұрын шағын шеберхана болып ашылғанын көпшілігі біле бермейді.<blockquote>«Алғаш 18 жасымда қыз жасауына қажет сандық жасап шықтым. Одан әрі үйіме ас үй жиһазын әзірледім. Жұмысымның нәтижесін жеке компания өкілдері көріп, жақсы бағалады. Осылайша жеке сектордан алғашқы тапсырыстарды қабылдай бастадым. 2003 жылы үйімнен 50 шаршы метр жерде шағын шеберхана аштым. Кәсібіміз осылай басталды», - дейді Амангелді Панабеков.</blockquote><img src="https://knadmin.beoblood.kz/uploads/1_yzylordaly_k_sipkerdi_50_sharshy_metrden_bastal_an_biznesi_67952c6655.jpg" alt="1 Қызылордалық кәсіпкердің 50 шаршы метрден басталған бизнесі.jpg">2020 жылдан компания облысқа қарасты Арал, Қазалы, Қармақшы, Шиелі және Жаңақорған аудандарында салынған мектептерді жиһазбен қамтамасыз еткен.«Жайлы мектеп» жобасы аясында Қызылорда қаласының Сол жағалауында салынған 900 орындық мектептің жиһазын да «Панабек» ЖШС-ның мамандары әзірлеп шықты. Одан өзге қаладағы 3 мектеп, оның ішінде Арай мөлтек ауданындағы ең үлкен 1500 орындық мектепті де техникамен, жиһазбен жабдықтау аталған компанияға жүктелген.<img src="https://knadmin.beoblood.kz/uploads/2_yzylordaly_k_sipkerdi_50_sharshy_metrden_bastal_an_biznesi_95944d4c86.jpg" alt="2 Қызылордалық кәсіпкердің 50 шаршы метрден басталған бизнесі.jpg"><blockquote>«Сұраныстың артуы, әрі Мемлекет басшысының тапсырмасымен елімізде жүзеге асырылып жатқан «Жайлы мектеп» жобасына қатысуымыз цехымыздың ауқымын кеңейту қажет екенін көрсетті. Жаңа &nbsp;өндірістің жай ғана жиһаз шығаратын орын емес, оның сан түрін көрсететін көрмесімен болғанын қаладым. Былтыр қала әкімдігі мен «Самұрық-Қазына» АҚ-ның қолдауымен жиһаз өндірістік кешенін салуды бастап кеттім», - дейді кәсіпкер.</blockquote>Көлемі 5000 шаршы метрден астам аумақты алып жатқан жаңа өндірістік кешеннің 1000 шаршы метрінде көрме-шоурум орналасса, қалған аумағында жиһаздың сан түрі жасалмақ.<img src="https://knadmin.beoblood.kz/uploads/4_yzylordaly_k_sipkerdi_50_sharshy_metrden_bastal_an_biznesi_960c1535e7.jpg" alt="4 Қызылордалық кәсіпкердің 50 шаршы метрден басталған бизнесі.jpg"><blockquote>«Қазір бұл кешеннің көрме аумағы ғана толықтыруды қажет етеді. Бүгінде жиһаздың 40-қа жуық түрін шығарамыз. Айына тұрақты 2000-нан 3000-ға дейін өнім өндірудеміз. Қолымызда бар жабдықтармен үлгермей жатырмыз. Осылайша қосымша құралдар алу қажет болды. Жан-жақтан сұрастырып, қаржы институттарының талаптарын салыстыра бастадық. Жергілікті «Қызылорда» Өңірлік инвестициялық орталығының өндірісті қолдайтынын естіп, өтінім бердік», - дейді Амангелді Панабеков.</blockquote>Кәсіпкердің өтініші қолдау тауып, Өңірлік орталық 5 жылға 6 пайызбен 59 млн теңге несие береді.<blockquote>«Бұл қаржыға өнімділікті арттыратын құралдар алдық. Соның ішінде Қытайдан алдырған робот-станокты ерекше атап өткім келеді. Жұмысымызға жаңа серпін берері сөзсіз. Қалған жабдықтарды шетелдік компаниялардың еліміздегі ресми өкілдері арқылы алдырдық», - дейді кәсіпкер.<img src="https://knadmin.beoblood.kz/uploads/5_yzylordaly_k_sipkerdi_50_sharshy_metrden_bastal_an_biznesi_8f48a20b95.jpg" alt="5 Қызылордалық кәсіпкердің 50 шаршы метрден басталған бизнесі.jpg"></blockquote>Бүгінде «Панабек» ЖШС-де 60-қа жуық қызылордалық жұмыс істейді. Компания өнімдеріне тапсырыс тек облыс көлемінде ғана емес, сондай-ақ Алматы, Астана, Шымкент, Ақтау, Тараз, Орал қалаларынан да жиі түседі. Алдағы уақытта кәсіпкер шетел нарығына шығуды да жоспарлауда.Фото: «Қызылорда» Өңірлік инвестициялық орталығының баспасөз қызметі

Қызылордалық кәсіпкердің 50 шаршы метрден басталған бизнесі

<a href="https://kyzylorda-news.kz/">Kyzylorda-news.kz</a> Қызылорда облысында кәсіпкерлік саласының өркендеуіне жол ашу, нарықтағы әділ бәсекелестік пен ашықтықты қамтамасыз ету бағытында жүйелі жұмыстар жүргізілуде. Әсіресе, әлеуметтік маңызы бар азық-түлік, құрылыс, отын-энергетика секілді негізгі салалар тұрақты бақылауда. Бұл туралы Өңірлік коммуникациялар қызметінің ақпарат алаңында Бәсекелестікті қорғау және дамыту агенттігінің Қызылорда облысы бойынша департаменті басшысының орынбасары Еркін Қазығұлов мәлімдеді.<blockquote>– Өңірде бәсекелестікті қорғау және дамыту бойынша нақты жұмыстар атқарылуда. 2025 жылдың бірінші жартыжылдығында нарық субъектілерінің заңнама талаптарын сақтауына қатысты бірқатар хабарламалар мен нұсқамалар берілді. Сондай-ақ, 3 тергеп-тексеру жұмысы жүргізілуде. Оның ішінде иодталған тұз өндіру, авиакеросинді бөлшек саудада өткізу, мемлекеттік кәсіпорындардың қызмет аясын кеңейту секілді бағыттар қамтылған. Бұдан бөлек, жыл басынан бері 20 мемлекеттік кәсіпорын мен заңды тұлғаның қызметіне мониторинг жасалып, олардың кейбір қызмет түрлерін монополияға қарсы органның келісімінсіз жүзеге асыру фактілері анықталды. Әкімшілік кедергілерді азайту бойынша арнайы Кеңесте 7 мәселе қаралып, орталық агенттікке ұсыныстар жолданды. Біздің мақсат – өңірде әділ әрі ашық нарықтық қатынасты қалыптастырып, кәсіпкерліктің дамуына қолайлы жағдай жасау, – деді Еркін Қожахметұлы.</blockquote>Кедергілер жөніндегі кеңес төрағасы Тілеулиев Бейбітәлі әділ нарық қалыптастыру - тұтынушы мен кәсіпкер құқығын қорғаудың кепілі екенін атап өтті.<blockquote>– Қазіргі уақытта кәсіпкерлерге ең керегі – ашық әрі әділ бәсекелестік орта. Бизнестің дамуына жол ашу үшін алдымен олардың алдынан шығатын тосқауылдарды жоюымыз керек. Біз кедергілер жөніндегі кеңесте осы бағытта жұмыс істеп, кәсіпкерлерден келіп түскен ұсыныстар мен өтініштерді жинақтаймыз. Әр мәселені талдап, оның шешу жолдарын ұсынып, орталық агенттікке жолдап отырамыз. Өңірімізде бәсекелестікті дамыту үшін ең алдымен бизнесті шектейтін әкімшілік кедергілерді азайту маңызды. Кәсіпкерлер неғұрлым еркін жұмыс істесе, экономика да соғұрлым қарқынды дамиды. Сондықтан бұл бағыттағы жұмыстар алдағы уақытта да жүйелі түрде жалғасын табады, – деді Бейбітәлі Дербісәліұлы.</blockquote><img src="https://knadmin.beoblood.kz/uploads/1_545431d2a2.jpg" alt="1.jpg">Фото: Freepik

Өңірде әділ бәсекелестікті қалыптастыру жұмыстары күшейді

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданында елді мекендерді абаттандыру, инфрақұрылымды жаңарту және тұрғындарға қолайлы орта қалыптастыру бағытында ауқымды жұмыстар жүргізілуде. Өңірлік БАҚ өкілдері ауданға ұйымдастырылған баспасөз туры барысында ондағы бірқатар жұмыстармен танысып, елді мекендерде іске асырылып жатқан жобаларға куә болды.<img src="https://knadmin.beoblood.kz/uploads/Zhala_ashta_y_zh_jeli_zh_mystar_zhal_asuda_2f4215caed.jpg" alt="Жалағаштағы жүйелі жұмыстар жалғасуда.jpg"><blockquote>– Биыл Жалағаш кентінде 11 көшеге күрделі жөндеу жұмыстары жүргізілуде. Олардың жалпы ұзындығы 10 км болса, жоба құны 670 млн теңгені құрайды. Қазіргі таңда ауданымыздың орталығында 90 пайызға күрделі жөндеу жұмыстары аяқталып тұр. Қалған біршама тұйықтар келер жылы өз шешімін табатын болады. Аудан орталығы 100 пайыз көгілдір отынмен және ауыз сумен қамтамасыз етілген. Қазіргі таңда Дәуімбай елді мекені бойынша электр жүйелерін жаңғырту жұмыстары бастау алып, сатып алу жұмыстары жүргізілуде. Сонымен қатар, демеушілер есебінен кенттің орталығы мен Дәуімбай елді мекеніне балалар ойын алаңы салынатын болады,- деді Жалағаш кентінің әкімі Мардан Жамалатов.</blockquote><img src="https://knadmin.beoblood.kz/uploads/1_Zhala_ashta_y_zh_jeli_zh_mystar_zhal_asuda_2cd43c95ae.jpg" alt="1 Жалағаштағы жүйелі жұмыстар жалғасуда.jpg">Сондай-ақ, Аққыр ауылында да абаттандыру мен инфрақұрылымдар жаңарып, бірқатар жұмыстар іске асуда. Мұнда «Қазақстан халқына» қорының демеушілігімен 175 млн теңгеге спорт кешені салынып, құрылысы аяқталған.<blockquote>– Аққыр ауылдық округінде биыл бірқатар ауқымды жұмыстар жүзеге асуда. Ауыл кіреберісіндегі жасыл белдеу қоршалып, санитарлық тазалық жұмыстары жүргізілді. Сонымен қатар, кіреберіс пен орталық көшеге бейнебақылау камералары орнатылды. 2025 жылы ауылдың 5 көшесіне күрделі жөндеу жоспарланған. Қазіргі таңда Аққыр және Н.Таспенов көшелері асфальт төсеу жұмыстары аяқталды. Қалған көшелерде де құрылыс жұмыстары қарқынды жүргізілуде. Сонымен қатар, спорттық жаттығу алаңы салынуда. Бұдан бөлек, 100 орындық ауылдық клуб пен «Аққыр» каналына су шаруашылығы жұмыстарына ЖСҚ әзірленіп, тиісті басқармаларға ұсынылды,- деді Аққыр ауылының әкімі Бауыржан Шынжыров.</blockquote>Фото: Қызылорда облысының Өңірлік коммуникациялар қызметі

Жалағаштағы жүйелі жұмыстар жалғасуда

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданында кәсіпкерлік саласы айтарлықтай даму үстінде. Ауданға қарасты бірқатар ауыл тұрғындары мемлекеттік бағдарламалар арқылы кәсібін дөңгелетіп, өз ісін жолға қойған. Солардың бірі – Еңбек ауылындағы «Ақерке тәттілері» кондитерлік кәсібі.<blockquote>– 2024 жылы «Ауыл аманаты» бағдарламасына құжат өткізіп, биыл қаңтар айында 4 млн 250 мың теңге қаражат алып «Ақерке тәттілері» атты жеке кондитерлік кәсібімізді бастадық. Мемлекеттен алған қаржыға торт пісіретін түрлі пештерімізді, керек құрал-жабдықтарымызды алдық. Қазіргі таңда келініміз екеуміз тапсырысқа кез келген нан өнімдері мен торт түрлерін пісіреміз. Болашақта кәсібімізді кеңейтіп, аудан көлемін өзіміздің тәтті өнімдерімізбен қамтысақ деген ниетіміз бар,- деді «Разия» жеке кәсіпорнының басшысы Разия Ағатаев.</blockquote><img src="https://knadmin.beoblood.kz/uploads/3_K_sipkerlik_k_kzhiegi_ke_ejgen_Zhala_ash_9c0fd9c0e7.jpg" alt="3 Кәсіпкерлік көкжиегі кеңейген Жалағаш.jpg"><img src="https://knadmin.beoblood.kz/uploads/2_K_sipkerlik_k_kzhiegi_ke_ejgen_Zhala_ash_b84b27da30.jpg" alt="2 Кәсіпкерлік көкжиегі кеңейген Жалағаш.jpg">Ал, Бұхарбай батыр ауылындағы «Арман ком» ЖШС басшысы Еділ Жұмабек 2019 жылдан бері пескоблок өндірісімен айналысып келеді. Ол қазіргі таңда 3 адамды тұрақты жұмыспен қамтып, күніне 800 дана өнім шығарып отыр.<blockquote>– Осы кәсіппен айналысып жатқанымызға бес жылдың көлемі болды. 2020 жылы «Бизнестің жол картасы – 2025» бағдарламасы аясында 2 млн теңге қайтарымсыз қаражат алған едік. Кейін «Ауыл аманаты» бағдарламасы бойынша осы кәсіпті дамыту мақсатында 4 млн 440 мың теңге несие алдық. Осыған дейін өндірістен шыққан өнімдерімізді өз ауылымыздан бөлек, көрші аудандарға да жеткіземіз. Қазіргі таңда өнімнің нарықтағы бағасы 300 теңгені құрайды. Өндіріске керек шикізаттың барлығы өзіміздің өңірден шығады,- деді Еділ Жұмабек.</blockquote>Ауданға қарасты Мақпалкөл ауылдық округі ауыл шаруашылығы бағытында тың жобаларды жүзеге асыруымен танымал. Ауыл тұрғындары жергілікті жердің мүмкіндіктерін тиімді пайдаланып, егін, бау-бақша, мал шаруашылығы мен балық шаруашылығын да қатар дамытып отыр. Мәселен, «Құрманбай ата» шаруа қожалығына қарасты алма бағы 2018 жылы құрылған. Өткен жылы бақтан 80 тоннаға жуық өнім жиналған.<blockquote>– Жалпы жоба құны 35 млн теңгені құрайды. 6 гектар аумақты алып жатқан бақтың қазіргі таңда 5 гектарына алма ағаштарын отырғыздық. Шаруа қожалығында алма сорттарынан «Голден делишес» – 5 000 түп, «Джонаттан» – 5 000 түп, «Ренет симмернко» – 2 650 түп егілген. Жыл өткен сайын табиғи, таза отандық өнімге сұраныс артып келе жатыр. Биылдан бастап бақ аумағын таза ұстау және зиянкестерден биологиялық жолмен қорғану мақсатында 300 дана қаз құсын өсіру ісін қолға алдық,- деді бағбан Нұрбол Сейсенбаев.</blockquote>Ауыл аумағында орналасқан тағы бір шаруашылық – «Ер Әлі» шаруа қожалығы. Шаруашылық күріш өсіру саласында өңір бойынша үздік көрсеткішке ие.<blockquote>– «Ер Әлі» шаруашылығына қарасты егілетін күріш көлемі – 1 700 га құрайды. Шаруашылықта каурис, маршалл, премиум, айсұлу бикунт деген күріш сорттары егіледі. Былтырғы орташа өнім 92 центнер болды. Күріш алқаптарында су үнемдеу мен есеп жүргізуге арналған заманауи «Рубикон» су өлшеу құрылғысы қолданылады. Сонымен қатар, шаруашылыққа қарасты 546 гектар жерге жоңышқа егілсе, тамшылатып суару әдісі арқылы жалпы көлемі 12 гектар жерге бау-бақша өнімдері егілген,- деді «Ер Әлі» шаруа қожалығының бригадирі Нұрлан Әбжаппаров.</blockquote><img src="https://knadmin.beoblood.kz/uploads/1_K_sipkerlik_k_kzhiegi_ke_ejgen_Zhala_ash_514fb01b93.jpg" alt="1 Кәсіпкерлік көкжиегі кеңейген Жалағаш.jpg">Фото: Қызылорда облысының Өңірлік коммуникациялар қызметі

Кәсіпкерлік көкжиегі кеңейген Жалағаш

<a href="https://kyzylorda-news.kz/">Kyzylorda-news.kz</a> &nbsp;Арал ауданына қарасты Шижаға елді мекенінде туристік аймақ қалыптасып келеді. Қазірдің өзінде мұнда 4 кәсіпкер тіркеліп, он шақты үй тігіп үлгерген. Құмның үстінде түйемен серуендеуге қызығушылық танытқандар үшін барлық жағдай жасалған. Алдағы уақытта мұнда 40-қа жуық кәсіпкер жұмыс істейді деп күтілуде. Бұл туралы өңірлік коммуникациялар қызметіндегі брифингте Арал ауданының әкімі Аманжол Оңғарбаев айтты.<blockquote>– Ауданда туризмді дамытуға бағытталған жұмыс көп. Бұрын алдымен ауызға ілінетіні Қамбаш еді. Қазір Шижаға қосылды. Мұндай құм ауданға қарасты Ақеспе, Ақбасты тәрізді 7-8 елді мекенде бар. Шижағада мінем деген адамға жылқы да, түйе де дайын. Мұнан өзге теңіздің кепкен ұлтанын да туристік аймаққа айналдыруға болады. Осыдан 60-70 жыл бұрынғы 50-60 метр тереңдіктегі теңіздің табанын көзімен көргісі келетіндер көп. Теңіз табанындағы Кердері мәдениетіне жататын көне қаланың орны да қандай тарих десеңші. Су астында қалған мұнаралар теңіз кемесінің бауырына тиетіндіктен оны да қолдан құрылғылар арқылы жарып тастаған. Мұндай туристерге қызықты дүние көп. Мұның барлығы алдағы уақытта қолға алынатын ірі жобалардың ізі, – деді Аманжол Сақыпұлы.</blockquote><img src="https://knadmin.beoblood.kz/uploads/Aral_714f8f05b2.jpg" alt="Арал.jpg">Ауданның дамуы 7 макроэкономикалық көрсеткіштегі өсімнен де айқын аңғарылып тұр. Жыл сайын жаңа жобалар қолға алынып, экономикалық өсім алға жылжып келеді. Биыл жалпы құны 13,1 млрд теңгені құрайтын 6 инвестициялық жобаны іске қосу жоспарланса, оның біреуі мамыр айында жұмысын бастады. Жыл аяғына дейін бес жоба іске қосылмақ. Ал ауыл шаруашылығындағы өсім 101,8 пайызға жеткен.<blockquote>– Ауданға қарасты Қарақұм, Сазды, Аққұм, Жіңішкеқұм және Қосаман елді мекендерінде жайылымдық және шабындық жерлерге біріншіден киіктер зиян тигізсе, кейін жаппай шегіртке басып мал шаруашылығына айтарлықтай қиындық тудырды. Біз қазір осы жағдайлардың салдарымен күресіп жатырмыз. Жоспар бойынша 2025-2026 жылдарға 181,5 мың тонна мал азығын дайындау жоспарланған. Осы кезде бұрынғы қалдық шөппен қоса есептегенде 3&nbsp;865 тонна шөп дайындалса, 529 тонна жоңышқа пресі сатып алынды, – дейді аудан әкімі.</blockquote><img src="https://knadmin.beoblood.kz/uploads/Aral_1_464bdf2c0b.jpg" alt="Арал 1.jpg">Таяуда ғана Ақбастының халқы бөркін аспанға ата қуанды. Ауызсуға қолы жетпей жүрген ауылдықтар бұл күнді талай жыл сарыла күткен еді. Бүгінде ауданнан шалғай жатқан мұндай елді мекендерді ауызсу желісіне қосуға байланысты қарқынды жұмыс басталып кеткен.<blockquote>– Қазіргі таңда Тоқабай, Абай елді мекендерін ауызсу желісіне қосуға қарқынды жұмыс істеп жатырмыз. Мұнан бөлек, Ерімбетжаға, Тастүбек елді мекендеріне ауызсу желісін тарту жобасына барлығы 2,2 млрд теңге қаржы бөлініп, жұмыс қолға алынды. Осы бастамалардың нәтижесінде ауданды таза ауызсумен қамту көрсеткізі 95,9 пайызға жетеді, – деді А.Оңғарбаев.</blockquote>Ауданда халықты баспанамен қамту мәселесі де жолға қойылған. Ұлттық жобалар аясында кейінгі 3 жылда 3,6 млрд теңгеге 286 пәтер салынып, пайдалануға берілді. Өткен жылдың өзінде мемлекеттік бюджеттен 2,2 млрд теңгеге салынған 150 пәтер өз иесін тапты. Биыл тағы 100 пәтердің кілті табысталмақ.Аралда инфрақұрылым, білім, денсаулық сақтау салаларында да жаңашылдыққа толы бастамалар жетерлік. Білім саласына жасалған жағдайдың нәтижесінде білім сапасы жоғарылады. Өткен оқу жылында 59 «Алтын белгі» иегері, 88 «Үздік аттестат» иегері үмітті ақтады. Денсаулық сақтау саласында елді мекендер мен кенттерде жаңа нысандар пайдалануға берілді. Алда да жоспар жетерлік.<blockquote>– «Ұлт саулығын нығайту» жобасы аясында орталық аурухана жанынан 17 төсектік нейро-инсульт, 35 төсектік кардиология бөлімшелеріне арналған жапсаржай құрылысы басталды. Оған МРТ және ангиограф қондырғылары орнатылмақ. Осы арқылы аудан тұрғындары ат арытып, өзге аймақтарға бармай өз жерінде тиісті ем алуына мүмкіндік туады, – деді аудан әкімі.</blockquote>Дәулет ҚЫРДАН

Теңіз ұлтанын туристік аймаққа айналдыруға болады

<a href="https://kyzylorda-news.kz/">Kyzylorda-news.kz</a> Кеше Жаңақорған ауданында облыс әкімінің тапсырмасына сәйкес ұйымдастырылған пресс-тур аясында бұқаралық ақпарат құралдарының өкілдері «Жаңақорған Автоматтандырылған Газ Тарату Станциясын (АГТС) кеңейту» жобасының жүзеге асырылу барысымен танысты.Жаңақорған ауданы аумағында жүзеге асып жатқан бұл маңызды инфрақұрылымдық жоба – қолданыстағы «Жаңақорған АГТС»-тің қуатын 20 000 м³/сағаттан 40 000 м³/сағатқа дейін ұлғайтуды көздейді. Жобаның жалпы құны – 2,3 млрд теңгені құрайды.Құрылыс жұмыстарын «Транс Азия Констракшн» ЖШС жүргізуде. Ал қажетті технологиялық құрал-жабдықтар «Батыс Мұнай Газ Жабдықтары» ЖШС тарапынан жеткізіліп, бүгінде 13 блок-модуль мен тиісті құрылғылар толық орнатылды.Бүгінгі таңда құрылыс жұмыстарының 98 пайызы орындалып, нысанды ағымдағы жылдың шілде-тамыз айларында толық аяқтау жоспарлануда.Айта кетейік, жоба іске қосылған жағдайда аудандағы&nbsp;8 елді мекеннің (Қожакент, Өзгент, Ақсуат, М.Нәлібаев, Жаңарық, Қыркеңсе, Байкенже, Билібай) тұрғындары мен кәсіпорындары көгілдір отынға қосылады. Бұл – 1793 тұрғын үй мен 11604 халықтың өмір сапасын жақсартуға сеп болмақ.Сондай-ақ, БАҚ өкілдері «Шалқия тас» ЖШС-нің бастамасымен жүзеге асып жатқан асфальт шығару зауытының құрылысына барды. Аталған жоба жыл аяғына дейін іске қосылады. Жоба аясында дайын асфальт өнімдері шығарылмақ.Қазіргі уақытта қажетті құрал-жабдықтар сатып алынып, құрылыс-монтаж жұмыстары жүргізілуде. Бүгінде құрылыс жұмыстарының 88 пайызы аяқталған.Жоба бірыңғай индустрияландыру картасына енгізілген. Мемлекеттік қолдау аясында зауытқа 6 гектар жер телімі берілді. Жоба құны – 700 миллион теңге. Жоба іске қосылған жағдайда 10 жаңа жұмыс орны ашылады.Жобаның құрылтайшысы — «Engineering &amp; Construction Company» («ЕСС») ЖШС, компания басшысы Ашимов Талғат Әзімханұлы.<img src="https://knadmin.beoblood.kz/uploads/ASFALT_Sh_Y_ARU_ZAUYTYNY_Zh_OBASYMEN_TANYSTY_622b954756.jpg" alt="АСФАЛЬТ ШЫҒАРУ ЗАУЫТЫНЫҢ ЖОБАСЫМЕН ТАНЫСТЫ.jpg">

БАҚ өкілдері «Жаңақорған АГТС» жобасымен танысты

<a href="https://kyzylorda-news.kz/">Kyzylorda-news.kz</a> Жаңақорған ауданы бүгінде серпінді дамудың жолына түскен аймақ. Экономика, инфрақұрылым, ауыл шаруашылығы мен кәсіпкерлік салаларында ауқымды жобалар жүзеге асуда. Осы жұмыстарды көзбен көріп, өңірдегі нақты өзгерістермен танысу үшін арнайы баспасөз туры ұйымдастырылды. БАҚ өкілдері аудан орталығы мен ауыл-аймақтарды аралап, іске асып жатқан жобалармен танысып, даму қарқынын байқап қайтты.БАҚ өкілдері алдымен Жаңақорған кентіндегі жақында пайдалануға берілген аспалы көпірге барды. Бұл нысан - 15 елді мекеннің 22 мыңнан астам тұрғынын «Батыс Еуропа - Батыс Қытай» халықаралық дәлізіне тіке қосатын маңызды құрылыс. Бұрын тұрғындар айналма жолмен қатынаса, енді уақыт пен қаражатты үнемдеп, еркін қозғалу мүмкіндігіне ие болды. Көпірдің екі жағына жаяу жүргіншілер жолы, түнгі жарық шамдары орнатылған. Жобаның жалпы құны - 1,4 млрд теңге.Келесі бағыт - «Жаңақорған Автоматтандырылған Газ Тарату Станциясы». Қуаты екі есе арттырылған нысан іске қосылғанда 8 елді мекеннің 11 мыңнан астам тұрғыны табиғи газбен қамтылады. Құны 2,3 млрд теңгені құрайтын жоба бүгінде 98 пайызға орындалған.Бұдан соң тілшілер Қыраш ауылдық округіндегі «Қадіржан» жеке кәсіпкерлігінің сабын шығару цехында болды. «Ауыл аманаты» бағдарламасы аясында ашылған өндіріс орны күніне 100-200 дана сабын шығарады. Бұл - жергілікті кәсіпкерліктің дамып келе жатқанын көрсететін игі бастама.БАҚ өкілдері сондай-ақ Шалқия кентінде салынып біткен асфальт зауытының жұмысымен танысты. 6 гектар аумаққа орналасқан өндіріс ошағы индустрияландыру картасына енген. Зауыт іске қосылғанда аудандағы жол құрылысын сапалы материалмен қамтамасыз етеді әрі 10 адамды тұрақты жұмыспен қамтымақ.Баспасөз турының маңызды бағыттарының бірі - Жайылма ауылындағы «Мырзатай» шаруа қожалығы болды. Бұл - Сыр бойына танымал Жайылманың атақты қарбызын өсіріп отырған ірі қожалықтардың бірі. Қожалық жетекшісі Нұрсұлтан Ходжаевтың айтуынша, биыл қарбыз 3 гектар жерге егілген. Ерте көктемде егілген қарбыз бүгінгі таңда пісіп, нарыққа жол тарта бастады. Табиғи нәрі мен күннің қызуынан толықтай жетілген Жайылманың қарбызы дәмі, сапасы жағынан сұранысқа ие. Өнімдер жергілікті нарықпен қатар, еліміздің басқа өңірлеріне де жөнелтіліп жатыр.Сапар соңында тілшілер Екпінді елді мекеніндегі инженерлік-коммуникациялық инфрақұрылымның, соның ішінде жаңа электр желілерінің құрылысын көрді. Бұл жоба нәтижесінде 936 тұрғын сапалы әрі тұрақты электр энергиясына қол жеткізеді.Жалпы, баспасөз-туры барысында ауданның әлеуетін арттырып жатқан жобалардың барысы таныстырылды. Жаңақорған ауданы - жаңару мен даму жолындағы әлеуетті аймақ екенін тағы бір мәрте айқын көрсетті.

Жаңақорған – жаңғыру мен дамудың мекені 

<a href="https://kyzylorda-news.kz/">Kyzylorda-news.kz</a>&nbsp; БАҚ өкілдері Жаңақорған ауданында «Ауыл аманаты» бағдарламасының шеңберінде қаржыландырылған бірқатар табысты бастамалармен танысты.Атап айтқанда, Қыраш ауылының тұрғыны Индира Тлеуханқызы негізін қалаған «Қадіржан» жеке кәсіпкерлігі 2024 жылы сабын өндіру ісін қолға алған. Бұл кәсіп «Ауыл аманаты» бағдарламасы аясында «Байқоңыр» әлеуметтік-кәсіпкерлік корпорациясы арқылы 2,5 пайызбен 6 млн теңге көлемінде жеңілдетілген несие алып, іске қосылған. Қазіргі таңда өндірістік қуаттылығы тәулігіне 100-200 дана сабын өндіруде. Жоба арқылы &nbsp;2 адам жұмыспен қамтылған.Кәсіпкердің айтуынша, табиғи өнімдерге сұраныс жоғары. Қазіргі таңда дайын өнімдер аудан орталығындағы сауда үйлерінде және ауыл дүкендерінде сатылуда. Алдағы уақытта өндіріс көлемін ұлғайтып, көршілес аудандарға да жеткізу жоспарлануда.Жалпы, «Ауыл аманаты» бағдарламасы аясында Жаңақорған ауданында 2024 жылы «Байқоңыр» әлеуметтік - кәсіпкерлік корпорациясы арқылы жалпы құны 165,4 млн теңгені құрайтын 29 жоба қаржыландырылған.2025 жылдың ақпан айында өткен комиссия отырысында 208,3 млн теңге көлеміндегі 27 жоба мақұлданып, қазіргі таңда құжаттары жинақталу үстінде.

Қазақстан және Қызылорда облысының жаңалықтары: Кәсіпкерлік