<a href="https://kyzylorda-news.kz/">Kyzylorda-news.kz</a> Оқу-ағарту министрі Ғани Бейсембаев Үкімет отырысында Мемлекет басшысы Қасым-Жомарт Тоқаевтың тапсырмалары аясында жарияланған Жұмысшы мамандықтары жылына сәйкес іс-шаралар жоспары әзірленгенін хабарлады.Ол Үкімет жанынан комиссия құрылғанын, техникалық және кәсіптік білім беруді трансформациялаудың жол картасы қабылданғанын, барлық 20 өңірде жұмысшы кәсіптерінің беделін және кадрлар даярлау сапасын арттыруға, жұмыс берушілермен өзара іс-қимылды күшейтуге бағытталған жоспарлар бекітілгенін атап өтті.Министр сонымен қатар осы жұмыс аясында кәсіби бағдар берудің жаңа тұжырымдамасы іске қосылатынын айтты.Ол осы бағыттағы жұмысты жүйелі дамыту үшін өңірлердің кадрларға деген қажеттілігін ескере отырып, барлық облыста «Жаңа мамандықтар атласы» әзірленетініне тоқталды.<blockquote>«Кәсіптік бағдар берудің жаңа тәсілдері оқушыларға еңбек нарығындағы жаңа талаптар туралы білуге, экономиканың нақты секторларындағы мансап перспективаларын бағалауға және мамандықтарды дұрыс таңдауға мүмкіндік береді. Бұл үшін мектептердегі кәсіби бағдарлау қызметі күшейтіледі, осы арқылы оқушыларды толығымен кәсіби диагностикамен қамтылады», — деп атап өтті Ғани Бейсембаев.</blockquote>Кәсіпорындар мен колледждердің ынтымақтастығы арқылы 1 мың мектепте бейіндік сыныптар ашылатыны атап өтілді. Жоғары сынып оқушыларын практикалық дағдыларға және колледждер базасында алғашқы жұмыс кәсібіне оқыту тәжірибесі енгізіледі.@KZgovernment

Қазақстанда кәсіптік бағдар берудің жаңа тұжырымдамасы іске қосылады

<a href="https://kyzylorda-news.kz/">Kyzylorda-news.kz</a> Қызылорда қаласындағы Титов мөлтек ауданының тұрғындары күн сайын жақын жерден ыстық, пештен жаңа шыққан нан өнімдерін алу мүмкіндігіне ие болды.Анар Раманова көпбалалы ана. Өзінің бірнеше мамандығы бар. Ағылшын тілі пәнінің мұғалімі, қаржыгер біліктіліктерін алып шыққан. Ұзақ жылдар бюджеттік салада жұмыс істейді. Жолдасының қызметі Астанаға ауысып, бірнеше жыл Астана қаласында тұрақтайды.Отбасылық табысты арттыру үшін алдынан «не істеуге болады?» деген сауал шыққанда өзін кәсіпте сынап көрмек болады. Нарық сұранысын тез бағамдай келе кофе және өзге де сусындар ұсынатын шағын кафе ашады. Кәсібі алға басып, тұрақты табыс әкеле бастайды. Жолдасының жұмысы қайтадан Қызылордаға ауысқан соң биыл Қызылордаға оралады. Келе сала бұл жақта да кәсіппен айналысуға бел буады. Анар Астанада кафеге қажет нан өнімдерін өзі әзірлейтін. Өніміне сұраныс өте жақсы болды. Сол қабілетін ескере келе Қызылордадан нан өнімдерін шығаратын кондитерлік цех ашуды көздейді.<blockquote>«Келе сала кәсіп бастау үшін мемлекеттік қолдау тетіктерін іздей бастадым. Оны жүзеге асыратын қаржы институттарының жұмысымен танысу барысында «Қызылорда» Өңірлік инвестициялық орталығының ұсынған бағдарламасы ұнады. Осылайша аталған орталықтан мемлекеттік бағдарламамен 30 млн теңге жеңілдетілген несие алдым. Жылына 6 пайыз ғана қосылады. Бұл мен секілді кәсіпкерлерге өте жақсы қолдау», - дейді Анар Раманова.</blockquote>Анар бұл қаржыны облыс әкімі Нұрлыбек Нәлібаевтың аймақтың азық-түлік қауіпсіздігін қамтамасыз ету мақсатында жүзеге асыруды тапсырған пилот жобаның аясында алды.<blockquote>«Жеңілдетілген несиеге Қызылорданың әзірге екі жерінде кондитерлік цех ашып жатырмын. Бірі сол жағалаудан, екіншісі Титов мөлтек ауданынан. Жұмысымызды бастағанымызға екі апта болды. Ал ресми енді ашып жатырмыз», - деді кәсіпкер.</blockquote>Кондитерлік цех әзірге күніне 400-500 дана нан өнімдерін шығарып жатыр. Әсіресе тұрғындар ыстық тапа нанды жиі сұрайды екен. Ашылғанына көп болмаса да күніне 120-170 данаға дейін шығаруда.Титов мөлтек ауданынан ашылған кәсіпкерлік нысан «ORDA BAKERY» тәттілер мекені деп аталады. Сенбіде өткен ашылу салтанатына сол аумақтың тұрғындары қатысып, қуаныштарын жеткізді.<blockquote>«Кондитерлік цехымның ерекшелігі – нан өнімдерін жасанды ашытқысыз дайындайтынымызда. Тұтынушылар да осы қадамымызға алғысын білдіруде. Мемлекет қолдауының арқасында 5 жұмыс орнын аша алдым. Алда бұдан да үлкен жоспарым бар», - дейді кәсіпкер Анар Раманова.</blockquote>Мемлекеттік бағдарлама аясында жеңілдетілген несие алуға қатысты сұрақтар туындаған жағдайда «Қызылорда» Өңірлік инвестициялық орталығына хабарласа аласыздар. Байланыс телефоны: 8 /7242/ 40-03-60, 40-02-37.<img src="https://knadmin.beoblood.kz/uploads/Zha_a_zhyl_arsa_ynda_yzylordaly_k_pbalaly_ana_konditerlik_czeh_ashty_1_4774099534.jpg" alt="Жаңа жыл қарсаңында қызылордалық көпбалалы ана кондитерлік цех ашты 1.jpg"><img src="https://knadmin.beoblood.kz/uploads/Zha_a_zhyl_arsa_ynda_yzylordaly_k_pbalaly_ana_konditerlik_czeh_ashty_2_65842ef394.jpg" alt="Жаңа жыл қарсаңында қызылордалық көпбалалы ана кондитерлік цех ашты 2.jpg"><img src="https://knadmin.beoblood.kz/uploads/Zha_a_zhyl_arsa_ynda_yzylordaly_k_pbalaly_ana_konditerlik_czeh_ashty_3_525fe592b1.jpg" alt="Жаңа жыл қарсаңында қызылордалық көпбалалы ана кондитерлік цех ашты 3.jpg">«Қызылорда» Өңірлік инвестиция орталығының баспасөз қызметі

Жаңа жыл қарсаңында қызылордалық көпбалалы ана кондитерлік цех ашты

<a href="https://kyzylorda-news.kz/">Kyzylorda-news.kz</a> Бүгінде елімізде 772 техникалық және кәсіптік білім беру ұйымы жұмыс істейді, онда 565 мың студент оқиды, оның 177 мыңы биыл қабылданды.Қосарлы оқыту жүйесімен 94 мың студент қамтылды. 2024 жылдың қорытындысы бойынша еліміздің колледждерінде мемлекеттік білім беру тапсырысының көлемі 143 мың орынға ұлғайды, бұл өткен жылмен салыстырғанда 10 мыңға артық. Студенттерді сұранысқа ие мамандықтар бойынша тегін техникалық және кәсіптік біліммен қамту 90% құрады. Мемлекет басшысының тапсырмасы бойынша мемлекеттік тапсырыстың 65% машина жасау, көлік, энергетика, IT, құрылыс және инженерияны қоса алғанда, техникалық мамандықтарға бағытталған. Қазақстанда колледж түлектерін жұмысқа орналастыру көрсеткіші 79% құрайды.Колледждерде кадрлар даярлау өңірлік экономиканы ескере отырып жүзеге асырылады. Бүгінгі таңда 195 колледжді бейіндеу және үлкейту жұмыстары басталды.Бұдан бөлек, колледждерде 160 стартап-жоба іске қосылды, 104 колледждің материалдық-техникалық базасы жаңартылды. Кәсіби стандарттардың, жоғары білімнің мемлекеттік жалпыға міндетті стандарты және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Оқытуда тиімді озық әдістемелер мен тәсілдерді тарату мақсатында локомотив-колледждер айқындалды, қазіргі заманғы колледждер базасында 3 IT-орталық құрылды.Колледж студенттерін қолдау мақсатында стипендиялық төлемдердің мөлшері екі есеге ұлғайды: 2023 ж. – 50%, 2024 ж. – 50%, 300 мыңнан астам студент қамтылды. Жатақханаға мұқтаж студенттердің 87%-дан астамы жатақханаларда орындармен қамтамасыз етілген. Биыл 1,2 мың орындық 4 жатақхана пайдалануға берілді.Фото: @KZgovernment

Кәсіптік оқыту жүйесіндегі негізгі аспектілер мен заманауи тәсілдер

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы іс-қимыл агенттігінің Қызылорда облысы бойынша департаменті мен «Атамекен» өңірлік кәсіпкерлер палатасы бірлесіп бизнестің заңды құқығын қорғау мақсатында «Бизнеске жол» жобасы аясында жүйелі жұмыстар жүргізілуде. Жоба аясында жыл басынан бері 1 850 кәсіпкерлік субъектісінің құқығы қорғалды.Департаментінің &nbsp;ақпаратына сәйкес жыл басынан бері «Атамекен» өңірлік кәсіпкерлер палатасымен бірлесіп өңір кәсіпкерлерімен 10 кездесу өткізілген.<blockquote>– &nbsp;Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің қызметі халықтың әлеуметтік және экономикалық жағдайын көтеруге, облыс тұрғындарын толғандыратын жүйелі проблемалық мәселелерін шешуге бағытталған. Негізінен кәсіпкерлердің тарапына әкімшілік кедергілер мемлекеттік сатып алу, гранттар беру, сұйытылған газды бөлу, құрылыс, жер қатынастары және сәулет салалары бойынша шағымданады. Мұндай жағдайларда департамент уәкілетті органға тиісті ұсыныстар жолдайды. Нәтижесінде кәсіпкерлердің өтініші оң шешімін тауып, тиісті қаражаттары толық аударылады, – деді Сыбайлас жемқорлыққа қарсы іс-қимыл агенттігі Қызылорда облысы бойынша департаментінің басшысы Қуаныш Ахметқалиев.</blockquote><img src="https://knadmin.beoblood.kz/uploads/yzylordada_2_my_a_zhuy_k_sipkerdi_y_y_or_aldy_11e9908e65.jpg" alt="Қызылордада 2 мыңға жуық кәсіпкердің құқығы қорғалды.jpg">Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">openbusiness.ru.jpg

Қызылордада 2 мыңға жуық кәсіпкердің құқығы қорғалды

<a href="https://kyzylorda-news.kz/">Kyzylorda-news.kz</a> Шолпан Сүлейменова Қызылорда облысына қарасты Жаңақорған ауданында тұрады. Денсаулық саласында жұмыс істеп келе жатқанына 30 жылдан асқан. 7 баланың анасы. Отбасылық кәсіптері бар. Отандық өнім шығарушы кәсіпкерлердің бірі. Бүгін осы отбасының кәсібі жайлы сөз етпекпіз.Шолпан Жәдігерқызы негізгі жұмысымен қоса сауда-саттық саласында шағын кәсіп бастап көреді. Тойтабаққа салынатын түрлі сабындар жасайды. Оған қоса есік алдындағы &nbsp;жылыжайда қияр, көк жуа, аскөк, ақжелкен өсіріп сатады. Бұл кәсіп түрін әлі де жалғастыруда.&nbsp;<blockquote>«Бала-шағамызбен ақылдасып өнім шығарайық деп шештік. Үнемі сұраныста болатынын ескере келе дәретхана қағазын шығармақ болып келістік. Қаржыландыру көздерін іздегенімде «Қызылорда» Өңірлік инвестициялық орталығының ұсынған талаптары ұнады. Сонымен 6 пайызбен мемлекеттік бағдарлама аясында 6 млн теңге жеңілдетілген несие алдым», - дейді Шолпан Сүлейменова. &nbsp;</blockquote>Кәсіпкер алғашқы уақытта қажет құрал-жабдықты табу оңай болмағанын айтады. Жартысын өзге өңірден тауып, қалғанын Қытайдан алдырып кәсібін бастап кетеді. &nbsp;&nbsp;Негізі кәсіпті жүргізіп отырған екі баласы – Нұрбек пен Бекзат. Өнімнің дизайнын балалары Расулбек пен Ерзат құрастырған. Бүгінде бір қорапта 10-нан 24-ке дейін сиятын дәретхана қағазын шығарады.&nbsp;<blockquote>“Қазір бізге жетпей жатқаны макулатураны өңдейтін құралдың жоқтығы. Біз жинаған макулатураны көрші облысқа барып қолдануға болатын материал қылып әкелеміз. Келген соң арнайы қалыпқа салып, кесіп, дайын өнімдерге айналдырамыз. Кәсіптің бұл түрін бастағанымызға да төрт жылға таяп қалыпты. Сұраныс жоғары. Тұрақты тұтынушылардан да ауыспайды”, - дейді кәсіпкер.&nbsp;</blockquote>Бүгінде Қызылордадан шығатын «Жаңақорғандық» деп аталатын дәретхана қағазы облыс көлемінде, сондай-ақ Орал, Қостанай, Өскемен қалаларына да жіберіледі екен.&nbsp;Шолпан Жәдігерқызының балалары күніне 4000 данадан астам, ал айына 120 000-нан астам &nbsp;дәретхана қағазын шығарады. Бағасы да қонымды, 70 теңге тұрады. Шолпан Сүлейменованың балалары еңбекқор. Дәретхана қағазынан өзге футболкаға, кружкаларға сурет салу қызметін де көрсетуде. Кәсіпкер алда кәсібін кеңейтуді көздеп отыр. Сұраныс бар да ұсынысты да арттырмақ.<img src="https://knadmin.beoblood.kz/uploads/yzylordaly_k_sipker_Otandy_nim_shy_ar_ym_keldi_2_29dd77c3c5.jpg" alt="Қызылордалық кәсіпкер «Отандық өнім шығарғым келді» 2.jpg">«Қызылорда» Өңірлік инвестициялық &nbsp;орталығының баспасөз қызметі

Қызылордалық кәсіпкер: «Отандық өнім шығарғым келді»

<a href="https://kyzylorda-news.kz/">Kyzylorda-news.kz</a> Қала көлемінде шетелдік брендтегі автокөлік сататын 10-ға жуық диллерлік орталық халыққа қызмет көрсетуде. Осындай орталықтардың қатарын "Geely” автосалоны толықтырды.Мұнда тұтынушыларға арналып көліктің таңдаулы маркалары ұсынылған. Салон иесі Бағдат Ибраев 1 млрд. теңгеге жуық инвестиция құйып ашқан орталықта 20 адам тұрақты жұмыспен қамтылған. Сұлтан Бейбарыс көшесі, №56 А мекенжайда орналасқан орталықтың аумағы 4 640 шаршы метрді құрайды. Сұранысы жоғары автокөліктерді сатылымға шығаратын автосалон сапалы қызмет көрсетеді.Брендті автокөлік салонының ашылу салтанатына қатысқан қала әкімінің орынбасары Пакуатдин Шамұратов орталық ұжымының қызметіне сәттілік тіледі.<blockquote>- «Мемлекет бәсекеге қабілетті шағын және орта бизнес субъектілерін құру, бизнесті сапалы дамыту, оның экономикадағы үлесін арттыру мәселесіне баса мән береді. Біз кәсіп иелерін уақытта қолдауға әркез дайынбыз. Жаңа автосалонның халыққа сапалы қызмет ете беруіне тілектеспін!»-деді Пакуатдин Сражадинұлы.</blockquote>Айта кету керек, биыл облыс орталығындағы жеке кәсіпкерліктің 1 мың 409 жобасы барлық қаржы көздерінен 30 млрд теңгеге қаржыландырылды.Нәтижесінде, қала кәсіпкерлерінің саны 33 мыңнан, ондағы жұмыспен қамтылған адамдар саны 65 мыңнан асты. Өндірісі өркендеген шаһарда шағын және орта кәсіпкерлікпен 300 млрд теңгеге өнім өндірілді.<img src="https://knadmin.beoblood.kz/uploads/avtosalon_1_112d9a4785.jpg" alt="автосалон 1.jpg"><img src="https://knadmin.beoblood.kz/uploads/avtosalon_2_db06ad8488.jpg" alt="автосалон 2.jpg">

Жаңа автосалон ашылды

<a href="https://kyzylorda-news.kz/">Kyzylorda-news.kz</a> Қызылордалық «Абзал және К» толық серіктестігінің өкілі Сағидулла Сыздықов Милан қаласында италиялық жетекші агроөнеркәсіптік компания өкілдерімен маңызды кездесу өткізді. Аграрлық саладағы ынтымақтастықты нығайту мақсатында Poluzzi Track System Engineering компаниясымен келісімге қол қойылды. Бұл келісім – аграрлық секторға жаңа технологиялар мен инновацияларды енгізуге, сондай-ақ, өңірдің ауыл шаруашылығын дамытуға бағытталған маңызды қадам.Мұнан бөлек, Сағидулла Сыздықов Ravaro компаниясымен ағынды астық кептіргішті жеткізу туралы келісімге қойды. Астық кептірудің заманауи технологиялары жұмыс тиімділігін арттыруға, өнім сапасын жақсартуға және сақтау кезіндегі шығындарды азайтуға көмектеседі.Сапар барысында италиялық ірі күріш компанияларының бірі – Omodei Zorini компаниясымен өзара ынтымақтастық туралы келісімге қол жеткізілді. Бұл серіктестік өңірде күріш шаруашылығын дамытудың, инновациялық технологияларды енгізудің және өнім сапасын арттырудың жаңа мүмкіндіктеріне жол ашады.<img src="https://knadmin.beoblood.kz/uploads/468951863_877697691218143_6010546514388566177_n_f35277e8ab.jpg" alt="468951863_877697691218143_6010546514388566177_n.jpg"><img src="https://knadmin.beoblood.kz/uploads/469353581_877697611218151_2989333757611954899_n_38b3903c1f.jpg" alt="469353581_877697611218151_2989333757611954899_n.jpg">Фото: Қызылорда облысы әкімінің баспасөз қызметі

 Аймақ кәсіпкерлері Италиялық жетекші агроөнеркәсіптік компания өкілдерімен кездесті

<a href="https://kyzylorda-news.kz/">Kyzylorda-news.kz</a> «Даму» Қоры субсидиялау, кепілдік беру және жеңілдікті қаржыландыру құралдары арқылы шағын және орта кәсіпкерлікке қолдау көрсетеді. Кепілдік құралы несие алу үшін банктер талап ететін кепіл болмаған кезде бизнесті ашуға немесе дамытуға мүмкіндік береді.Журналистерге арналған баспасөз туры барысында танысқан кәсіпкер Айнұр Баймаханова «Даму» Қорының субсидиясын пайдалана отырып «Қазақстан Халық банкінен» өндіріс үшін ғимаратпен жабдықтар сатып алуға несие алған.«Ainurs cakes» ЖК кондитерлік өнімдер өндірісі 2016 жылдан бастап айтарлықтай тәжірибе жинады. Негізінен нан-тоқаш және ұн кондитерлік өнімдерін шығарады. Кәсіпорын табысының кепілі деп кәсіпкердің кең ассортиментінайтуға болады. Айнұр кондитерлік өнімдерді өз рецепті бойынша өндіреді және тұтынушыларға дайын күйде, тапсырыспен сатады.<blockquote>«Цехта барлық қажетті жабдықтар бар, сақтау үшін оңтайлы температураны сақтайтын арнайы өнеркәсіптік тоңазытқыштар мен мұздатқыштар қолданылады. Тұрақты клиенттерім көп, ассортиментінің алуандығы мен табиғи құрамының арқасында тұтынушылардың ықыласына бөленіп жүрмін. Өнімдер күн сайын шығарылатындықтан жаңа піскен дәмді өнімдерге сұраныс мол», - деді Айнұр Баймаханова.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;</blockquote><img src="https://knadmin.beoblood.kz/uploads/K_sipker_memlekettik_ba_darlama_ar_asynda_konditerlik_czeh_ashyp_igiligin_k_rude_1_a4285cbb52.jpg" alt="Кәсіпкер мемлекеттік бағдарлама арқасында кондитерлік цех ашып, игілігін көруде 1.jpg"><img src="https://knadmin.beoblood.kz/uploads/K_sipker_memlekettik_ba_darlama_ar_asynda_konditerlik_czeh_ashyp_igiligin_k_rude_3_13943b619d.jpg" alt="Кәсіпкер мемлекеттік бағдарлама арқасында кондитерлік цех ашып, игілігін көруде 3.jpg"><img src="https://knadmin.beoblood.kz/uploads/K_sipker_memlekettik_ba_darlama_ar_asynda_konditerlik_czeh_ashyp_igiligin_k_rude_d2bd42a211.jpg" alt="Кәсіпкер мемлекеттік бағдарлама арқасында кондитерлік цех ашып, игілігін көруде.jpg">&nbsp;

Кәсіпкер мемлекеттік бағдарлама арқасында кондитерлік цех ашып, игілігін көруде

<a href="https://kyzylorda-news.kz/">Kyzylorda-news.kz</a> &nbsp;Аймақтағы шағын және орта кәсіпорындарында «Даму» Қоры жыл басынан бері 1 508 жобаға қолдау білдірді. Бұл туралы БАҚ өкілдеріне арналған баспасөз туры барысында белгілі болды.Баспасөз турында тілшілер барған келесі нысан «Жан-Арай» компаниясы. Онда жарма өндіру, майлы және жемшөп дақылдарын өсіру, жүзім, анар және сүйекті жемістер өсірумен айналысады. Шығаратын өнімдер қатарына күріш, түйіршіктелген құрама жем және жемістер жатады.<blockquote>«2015 жылы компания тәулігіне 80 тонна құрама жем шығаратын зауыт пен сағатына 12 тонна күріш өңдейтін зауыттың жұмысын бастады. Барлық қажетті жабдықтар Германиядан жеткізілді.Қызылорда қаласындағы «Жан-Арай» кешенінің құрамына күріш өңдеу зауыты мен құрама жем шығаратын кәсіпорын, көтерме-тарату орталығы, қоймалар, 300 орындық мейрамхана, қонақ үй және басқа да нысандар кіреді. «Жан-Арай» компаниясы бақшаларды тамшылатып суару арқылы өсіреді және оларды бірнеше есе көбейтуді жоспарлап отыр.Компанияда «Батыс Еуропа-Батыс Қытай» автожолының бойында орналасқан «Жан-Арай» көпсалалы агроиндустриялық кешені бар. Кешеннің аумағы кең, оған қонақ үй, 1500 тонналық көкөніс қоймасы, 300 орындық мейрамхана, алма бағы, қойма және шипажай кіреді, - деді “Жан-Арай” ЖШС директордын орынбасары Мұрат Айменов.</blockquote>Шикізатқа айналым қаражатын толықтыру мақсатында компания «Қазақстан Халық банкі» АҚ-нан несие алды, бұл ретте пайыздық мөлшерлемені «Даму» Қоры субсидиялады.<img src="https://knadmin.beoblood.kz/uploads/k2s3pker_1_3021d2e628.jpg" alt="к2с3пкер 1.jpg"><img src="https://knadmin.beoblood.kz/uploads/k_sipker_2_489f6629d3.jpg" alt="кәсіпкер 2.jpg">

 Мемлекеттің қолдауының арқасында өркендеп келе жатқан кәсіпорын көп

<a href="https://kyzylorda-news.kz/">Kyzylorda-news.kz</a> Қызылорда облысында «Даму» Қорынан қолдау алған шағын және орта кәсіпкерлік нысандары соңғы 3 жылда 4 мыңнан астам жаңа жұмыс орнын ашты. Аталған қордың ұйымдастыруымен қаладағы кәсіпкерлік нысандарына баспасөз туры ұйымдастырылды. БАҚ өкілдері «Dalatex» тігін фабрикасы, «Жан-Арай» көпсалалы агроиндустриялық кешені және «Ainurs cakes» кондитерлік өнімдер өндірісінің жұмысымен танысып, кәсіпкерлермен жүздесіп қайтты.«Даму» Қорының Қызылорда облысы бойынша филиалы директорының орынбасары Руслан Сламханның айтуынша, аталған қор субсидиялау, кепілдік беру және жеңілдікті қаржыландыру құралдары арқылы шағын және орта кәсіпкерлікке қолдау көрсетеді. Субсидия құралының шарты бойынша кәсіпкерлердің несие мөлшерлемесінің бір бөлігін мемлекет «Даму» Қоры арқылы өтеп береді. Нәтижесінде қарыз жүгі жеңілдеп, ай сайынғы төлемдер азаяды.Баспасөз туры барысында журналистер барған алғашқы нысан «Dalatex» тігін фабрикасы 2016 жылы құрылған. Қызылорда қаласындағы өз фабрикасында ерлер, әйелдер және балалар жейделерін, арнайы киімдері, жұмыс костюмдерін және т.б. киімдер тігеді.<blockquote>«Фабрика негізінен Қазақстан мен Ресей аумағында арнайы киімдер мен жейделер шығарады. Компанияға қажетті шикізатты Түркиядан сатып аламыз. Тұрақты тапсырыс берушілер қатарына ІІМ, МКК, Самұрық-Қазына Девелопмент, «Қазақтелеком» АҚ, сондай-ақ көптеген жергілікті, мемлекеттік органдар және т.б. кіреді», - деді «Dalatex» ЖШС-ның атқарушы директоры Нұргүл Кусаева.</blockquote><img src="https://knadmin.beoblood.kz/uploads/2_07e57d2463.jpg" alt="2.jpg"><img src="https://knadmin.beoblood.kz/uploads/3_5eb0f75911.jpg" alt="3.jpg">

Кәсібін кеңейткісі келетін кәсіпорындарға қолдау көрсетілуде	

<a href="https://kyzylorda-news.kz/">Kyzylorda-news.kz</a> Кәсіппен айналысатын азаматтардың бұл салаға келудегі мақсаты әр түрлі. Кәсіпкерлермен сұхбаттасқанда бірі еркіндік, бірі қаржы табу үшін, енді бірі өзіне керек тауарды таба алмаған соң осы саланы таңдағанын айтады.Қызылордалық кәсіпкер Нұрлыбек Ерімбетов соңғы нұсқаны таңдағандардың қатарында. Осыдан бірнеше жыл бұрын жерін қоршамақ болады. Қызылорданың нарығында қоршаудың басым бөлігі қаңылтырдан жасалған болып шықты.<blockquote>«Құм, қиыршықтастан жасалатын қоршау қымбатқа шығатын болды. Алдымда «енді немен қоршаймын?» деген сауал тұрды. Содан амал жоқ, евро қоршауды басқа өңірлерден көріп, жасап көрмек болдым. Оны дайындауға қажет құрал-жабдықты өзіміз құрастырып шықтық. Нарықта бар құралдардың басын қосып жасай бастадық», - дейді Нұрлыбек Ерімбетов.</blockquote>Ол өзіне қажет қоршауды жасап алғаннан кейін оның қаңылтырмен&nbsp;салыстырғанда сапалы, ал пескоблок аталып кеткен құмнан жасалатын қоршаудан арзанырақ болатынын байқайды. Осылайша Қызылорданың нарығында евро қоршауларды жасап бастайды.<blockquote>«Өніміміздің не үшін евро қоршау аталып кеткенін білмеймін. Европаға қатысы жоқ. Бірақ халық осылай айтып жүр. Бетон қоршаулар деп атаса да болады. Оның құрамына құм, қиыршықтас, цемент қолданылады. Толық облыста бар, жерілікті шикізаттар. Тек тоқылатын сымын ғана сырттан алдырамыз. Дайындау жолы күрделі. Арнайы құралмен қоспаның арасын тегістеп, біркелкі етеміз. Одан кейін жабық орында 60 градус ыстықта кептіреміз», - дейді кәсіпкер. &nbsp;</blockquote><blockquote>2023 жылы кәсіпті бастап кеткен Нұрлыбек сұраныс артқаннан кейін оны кеңейтуды жоспарлайды. Осылайша биыл «Қызылорда» Өңірлік инвестициялық орталығынан 6 пайызбен 4,8 млн теңге жеңілдетілген несие алады.</blockquote>«Бұл қаржыға цех салдық. Қазір кәсібіміз кеңейді. 10 адамды жұмыспен қамтып отырмын. Бұрын күніне 3-4 қоршау тірегін шығаратын болсақ, қазір оның саны 20-ға жетті. Қызылордалықтар сапалы өнімдерімізге үйреніп келеді. Сұраныс артса 40 тірекке дейін шығара аламыз», - дейді Нұрлыбек Ерімбетов.Кәсіпкер бүгінде бетон қоршаумен бірге термо панелдер, ауыл шаруашылығы мақсатындағы жер телімдерін қоршауға арналған қадалар да шығарып жатыр.Айта кету керек, «Қызылорда» өңірлік инвестициялық орталығы -&nbsp;микроқаржы ұйымы. 10 жылдан бері аймақта кәсіпкерлік саласындағы жобаларды мемлекеттік бағдарлама аясында қаржыландырып келе жатыр. Бүгінгі күнге дейін орталық жалпы құны 14,9 млрд теңгені құрайтын кәсіпкерлік мақсаттағы 2752 жобаны қаржыландырды. 2 993 жаңа жұмыс орны құрылды.<img src="https://knadmin.beoblood.kz/uploads/Kyzylorda_news_kz_4098c6c819.jpg" alt="Kyzylorda-news.kz.jpg"><img src="https://knadmin.beoblood.kz/uploads/k_sipker_2_e4a15e8b84.jpg" alt="кәсіпкер 2.jpg">«Қызылорда» Өңірлік инвестициялық орталығының баспасөз қызметі

Қызылордалық кәсіпкер: Кәсібім өзіме керек өнімді жасаудан басталды  

<a href="https://kyzylorda-news.kz/">Kyzylorda-news.kz</a> "Атамекен" Ұлттық кәсіпкерлер палатасы – кәсіпкерлердің құқығын қорғап, сыбайлас жепқорлыққа қарсы іс-қимыл кеңесі бойынша жұмыс істейді. Палата шағын және орта бизнес өкілдеріне және кәсіпкерлік бастамасы бар азаматтарға тегін қолдау көрсетіп келеді. Мәселен, кәсіпкерлер палатасы жыл басынан бері 1 595 азаматқа 5 384 рет кеңес берсе, сервистік қызмет көрсету аясында 468 кәсіпкерлік субъектісіне 593 қызмет көрсеткен. Сондай-ақ, биыл "Іскерлік байланыстарды кеңейту" құралы аясында 2 кәсіпорын Германиядан және 2 кәсіпорын Жапония елінде бизнес-тағылымдамадан өткен. Бұл туралы Өңірлік коммуникациялар қызметінің ақпарат алаңында облыстық кәсіпкерлер палатасының директоры Пірмұхаммед Сыздық айтты.<blockquote>– Бүгінде облыстық кәсіпкерлер палатасында 5 салалық кеңес жұмыс істейді. Олар сауда, қызмет көрсету және туризм, өнеркәсіп, құрылыс, адами капиталды дамыту және агроөнеркәсіптік кешені кеңестері. Салалық кеңес бүгінгі күні 174 тұрақты кәсіпкерді қамтып отыр. Кеңес жұмысының даму динамикасын арттыру мақсатында оның құрамы белсенді кәсіпкерлер және қауымдастық өкілдерімен толықтырылып, ұдайы жасақталуда. Сондай-ақ, 25 шілдеде "Бір ауыл – бір өнім" жобасы аясында өткізілген өнімдер көрмесіне 36 тауар өндіруші қатысып, Бренд-комитетті шешімімен 3 финалист анықталды. Ал, бизнесті қорғау саласы бойынша биыл кеңестің 9 отырысы өткізіліп, 11 мәселе қаралды. Кеңеспен кәсіпкердің құқықтарын қалпына келтіру бойынша мемлекеттік органдарға 15 ұсыныс беріліп, оның 8-і қолдау тауып, 3-і қаралу үстінде. Жалпы, жыл басынан бері бизнесті қорғау бағытында кәсіпкерлерден 98 өтініш келіп түсті. Бүгінде олардың 30-ы оң шешімін тауып, өтініштерді қарау барысында кәсіпкерлердің 450 млн теңгеден астам қаражаты сақталып қалды. Сонымен қатар, интерактивті инвестициялық карта бойынша бизнес субъектілер мен облыстық кәсіпкерлік және өнеркәсіп басқармасының ақпаратына сәйкес 20 инвестициялық жоба бойынша мәліметтер платформаға салынды. Бұл карта әр жобаның жүзеге асырылу кезеңін анықтауға мүмкіндік береді. Енгізілген жобалардың басым бөлігі инвестиция алдындағы кезеңнің 2 және 3 деңгейінде. Оның ішінде бүгінгі күнге 7 жобаның құрылысы аяқталып, іске қосылды, 1 жоба жыл соңына дейін іске қосылады деп жоспарланып отыр,- деді Пірмұхаммед Айтбайұлы.</blockquote><img src="https://knadmin.beoblood.kz/uploads/k_sipkerlik_83263f594e.jpg" alt="кәсіпкерлік.jpg">Фото: openbusiness.ru

Қазақстан және Қызылорда облысының жаңалықтары: Кәсіпкерлік