<a href="https://kyzylorda-news.kz/">Kyzylorda-news.kz.</a> Қазіргі қоғам дамуының басты тетігі білім саласын дамыту екені анық. Заңғар жазушы Мұхтар Әуезовтің сөзімен айтар болсақ, халық пен халықты, адам мен адамды теңестіретін – білім, адамдықтың тепе-теңдігі болатын алтын таразы мектеп екені хақ. Осы салада аянбай еңбек етіп жатқан Жалағаш ауданындағы қоғам қайраткері Темірбек Жүргенов атындағы №123 мектеп-лицей ұжымының үлгілі жұмысы көп.&nbsp;«Бүгінгі күн – келешегіңнің жемісі, ертеңгінің болмысы» дейді дана халқымыз. Білім бәйгесінде биіктен көрініп жүрген алтын ұя 1962 жылы құрылып, 1999 жылы 21 сәуірде ҚР Үкіметінің №441 қаулысына сәйкес қоғам қайраткері Темірбек Жүргеновтің есімімен аталған. 2015 жылы мектеп-лицей болып құрылған. Есімі елге танылған тұлға, туған жері мен халқына елеулі қызмет жасаған, саналы ғұмырында Қазақстандағы мәдениет, әдебиет, өнер саласының талантты ұйымдастырушыларының бірі, басқа да абыройлы әрі жауапты қызметтерді атқарған Темірбек Жүргенов атындағы білім ордасының ойы озық, шығармашылығы жоғары, ізденісі ілгері ұстаздары сол алғашқы жылдардан-ақ &nbsp;талабы мен таланты, пейілі мен зейіні озық, таза жүректі жас түлектерді өмірдің ұлы жолына қадам бастырып келеді.&nbsp;Бүгінде 857 оқушы білім алатын мектеп-лицейде барлығы 108 ұстаз сабақ беріп, еліміздің келешегін қалыптастыру жолында тынымсыз еңбек етіп келеді. Солардың ішінде 17 білім-ғылым магистрі, 25 педагог-зерттеуші, 29 педагог-сарапшы, 22 модератор және 1 педагог-шебер мәртебесін иеленген мұғалім бар және 1 мұғалім доктарантурада білімін жалғастыруда. Білім мен тәрбиенің алғашқы баспалдағы – бастауыш сынып. Бастауыш саты білім, дағды, іскерліктің қалыптасуының бастамасы болып табылады. Келешекте жалпы білім алу мен кез келген арнаулы мамандықтарға талпынудың іргетасы осы бастауыш сыныпта қаланады. Жаңа оқу жылында мектепке бірінші сыныпқа 99 бала қабылданған. Білім ордасының тыныс-тіршілігімен танысуға барғанда &nbsp;оқушылардың жеткен жетістіктерінен бөлек, ұжымның да салаға айтарлықтай еңбек сіңіріп жатқанын аңғардық. Оған мектеп кіреберісіндегі ілулі тұрған марапаттар дәлел.Ұжымның облыстық білім басқармасы және облыстық кәсіподақ ұйымымен бірлескен «Үздік әлеуметтік әріптес – 2020» номинациясын 5 жыл қатарынан иеленгенін, жыл сайын білім саласындағы жетістіктері үшін берілетін аудан әкімінің «Үздік білім беру ұйымы» номинациясына ие болып жүргенін ерекше айтуға болады. «Білім өркениеті» ұлттық-инновациялық ғылыми-зерттеу орталығының ұйымдастыруымен өткен «ҚР Педагогтарының Алтын кітабы» республикалық байқауында мектептен үш мұғалім І дәрежелі дипломмен және «Үздік педагог» төсбелгісімен марапатталған. Аталған мектеп жыл сайын түрлі номинациялардың иесі атанып келеді. Мәселен, білім берудегі жаңашыл, шығармашыл, нәтижелі еңбегі, жоғары жетістіктері мен білім саласын дамытуға қосқан үлесі үшін биыл арнайы «Білім шыңы» номинациясының иегері атанып, 4 млн теңге қаржылай сыйақымен марапатталды. Бұдан бөлек білім саласын дамытуға және педагог кадрлардың әлеуетін арттыруға қосқан үлесі үшін «Білім бәйтерегі» номинациясын иеленді. Сонымен қатар «Үздік инновациялық мектеп» номинациясымен марапатталып, 1 млн теңге жүлде иегері атанған. Сондай-ақ қайраткер атындағы алтын ұя – еліміз бойынша үздік 100 мектептің қатарына енген үлгілі білім ордасы.Мектептің жүрегі болған мұғалімдердің шығармашылықты шыңдап, ізденісті ілгерілету, білім сапасын жақсарту, мектеп мәртебесін көтерудегі, ең бастысы бәсекеге қабілетті маман болу жолындағы атқарып жатқан істері тындырымды. Мектеп оқушыларының пәндік олимпиада, ғылыми жобаларға қатысуда да қарқыны жоғары. Олар – білікті мамандармен бірлесе отырып, тыңғылықты дайындықтың нәтижесінде үздіктер қатарынан көрініп жүрген озат оқушылар.Былтырғы оқу жылында 48 түлек алтын ұямен қоштасып, оның 47-сі ұлттық бірыңғай тестілеуге қатысқан. Нәтижесінде 43 түлек мемлекеттік грант иегері атанып, 4-еуі ақылы оқуға түскен. Екі білім алушы пәндік олимпиада нәтижесінде Қорқыт ата атындағы Қызылорда университетінің білім грантының жеңімпазы атанған.&nbsp;Биыл 31 түлек мектеп бітіреді. Қазіргі таңда барлығы ұлтық бірыңғай тестілеуге дайындалып, қатысуға ниетті. Олардың қатарында Наргиз Нұрбек АҚШ Мемлекеттік департаменті толығымен қаржыландыратын 3 турдан тұратын Future Leaders Exchange (FLEX) бағдарламасының жеңімпазы атанды.&nbsp;Наргиз 2023 жылдың тамызынан 2024 жылдың мамыр-маусым айларына дейін американдық отбасында тұрып, американдық мектепте 1 жыл бойы тегін білім алу мүмкіндігіне ие болған. «Алтын белгі» мен «Үздік аттестат» иелерінің артуы, олимпиада сынды білім бәсекелерінде топ жарған балалар, оқушылар мен мұғалімдердің аудан, облыс, республика көлемінде білім, өнер, спорт додаларында биіктен көрінуі – адал еңбек, нақты мақсат, жүйелі істің нәтижесі. Ең озық, айтулы білім ордаларымен иық теңестіріп тұрған алтын ұяның ел ертеңі жастарды білім мен тәрбие негізінде шыңдап, тұлға етіп қалыптастырудағы еңбегі орасан.

Жалағаштағы Т.Жүргенов атындағы алтын ұя салаға серпін беруде

<a href="https://kyzylorda-news.kz/">Kyzylorda-news.kz.</a> Мұғалім шәкірттерімен мақтанады. Себебі салаға сіңірген еңбегі де шәкіртімен ақталады. Жалағаш ауданындағы қайраткер атындағы алтын ұяда үздік оқушы Шерхан Әдіс оқуда озат болып, ата-анасының да, ұстаздарының да сенімін ақтап келеді. Небары 17 жастағы үлгілі оқушының жеткен жетістіктері көп. Өйткені ол – білім алуда еңбекқор оқушы.Оқушылардың ақыл-ой қабілетін жетілдіру, дарынды балаларды оқыту мен дамыту, тәрбиелеуде мұғалімдер қарап қалмайды. Расында мұғалімнің жемісі үздік оқушыны қалыптастыруда жатыр. «Білімді шәкірт – мектеп мақтанышы» деп аталатын мектеп тақтасында &nbsp;суреті орын алған Шерханның да жетістігі мол.&nbsp;Ол – қазіргі таңда Темірбек Жүргенов атындағы №123 мектеп-лицейдің 10 сынып оқушысы. Мектепке 8 сыныпта ауысып келгелі бері біраз білім бәйгелерінен үздік атануда.&nbsp;Мектеп – кеме, білім – теңіз, ал толқынында жүзушілер – шәкірттер. Осы &nbsp;мектептің &nbsp;намысын қорғап жүрген &nbsp;Шерханның оқушылар арасында да беделі жоғары. Былтыр мектеп оқушылары арасында президент болып, биыл дебат қозғалыс министрі ретінде сайланған.&nbsp;Кейіпкеріміз – тек білімді оқушы ғана емес, шығармашыл, салауатты өмір салтын ұстанатын спортшы. Оған дәлел ақиық ақын Мұқағали Мақатаевтың мерейтойына арналған «Мұқағали – мәңгілік ғұмыр» атты поэзия кешінде белсенділік үздіктер қатарынан көрінуі. Ілияс Жансүгіров, Абай &nbsp;оқуларына да қатысып, аудандық кезеңінен ІІ, ІІІ орын &nbsp;иегері &nbsp;атанған. Сондай-ақ Жақсыбай Сарбалаұлының 80 жылдығына орай аудандық кітапхананың ұйымдастыруымен өткен «Жыр-жұлдыз» мүшәйрасында үздік өнер көрсетіп, І орын иеленіп, 25 000 теңге қаржылай сыйақымен марапатталған.Жігітке жеті өнер де аз. Спортта да мектеп дәрежесін асқақтатып жүрген Шерхан футболдан өткен «Былғары доп» облыстық сайысында аудан құрамасына капитан болып, команда ІІ орын иеленген. Сонымен қатар осы жарыста «Үздік жартылай қорғаушы» номинациясымен марапатталған. Аудандағы үздік оқушы ретінде «Балдәурен» оқу-сауықтыру орталығының жаздық ауысымына шақырту алып, ол жерде де өзінің белсенділігін көрсеткен. Орталықта «Ауысым президенті» атағын алған.Шынында, баланың білімге құштарлығы мен қызығушылығы мектептен бастау алатыны сөзсіз. Мектеп қабырғасынан бастап баланың жан-жақты ашылып, оның білімге деген қызығушылығы оянады. Қазіргі таңда Шерхан секілді үздік оқушылардың жетістігі – осының дәлелі. Олар осы көрсеткіштері арқылы болашақта ел дамуының жарқын үлгісі мен келелі ой, салиқалы пікір айтып, батыл шешімдер қабылдай алады. Мұғалімнің атқарған еңбегінің жемісі де осында.– Шерхан – оқу үздігі. Өзіне берілген тапсырмаларды тиянақты орындайды, мектепте өтетін іс-шараларға белсене араласады, берілген қоғамдық жұмыстарға жауаптылықпен қарайды. Сынып ішінде, оқушылар арасында беделді, өзінің білімімен жан-жақты оқушы екенін көрсетіп, кішілерге қамқор болып, үлкендерге құрмет көрсетеді. Әдеби кітаптар оқығанды ұнатады. Мен Шерханмен мақтанамын, – дейді сынып жетекшісі Самал Ерғали.&nbsp;Осынша жетістікке жеткен Шерхан өзінің артында ұлы тұлға ұстаздары тұрғанын айтты. Оқушының әр сөзінде білімге деген құштарлығы &nbsp;мен ұстаздарға деген махаббаты ерекше көрінді. Әр жарыстар мен мүшәйрадағы &nbsp;қызықтарымен бөлісіп, алғысын да білдірді.&nbsp;<blockquote>– Ұстаз – оқушының тәрбиешісі. Оны үлкен өмірге тәрбиелейтін де осы ұстазы. Оқушының үлкен белесті бағындыруы – тек ата-ананың ғана емес, ұстазының да арқасы. Менің де осындай жетістіктерге жетуім ұстаздарымның арқасы деп білемін. Осы орайда мен Қосжанова Салтанат, Серік Жасұлан, Ахметов Айдос ағай-апайларыма үлкен алғысымды &nbsp;білдіремін. Жетістікке жеткенім де осы ұстаздарымның арқасы деп білемін. &nbsp;Олар маған әрқашан кеңес беріп, үлкен додаларда жеңіске жетуіме көмектесіп, қабілетімнің ашылуына себепші &nbsp;болды. Ал &nbsp;қабілет – іс-әрекеттің белгілі бір түрін ойдағыдай нәтижелі етіп орындауда көрінетін адамның жеке қасиеті. Менің бойымдағы қабілетімді ашып, әркез жарыс-бәйгелерде сенім артып жүрген ұстаздарыма мың алғыс айтамын, – дейді мектеп мақтанышы.</blockquote>Қазіргі кезде әрбір оқушының қабілеті көз ілеспес жылдамдықпен дамуда. Мектептегі жаңа бағдарламалар күн сайын емес, ай сайын жаңаруда. Білімді бәрінен биік қоятын ұлт қана табысқа жетеді. Қазіргі кезде білім алуда Шерхан айтпақшы, әр адамның бойындағы қабілеті маңызды. Себебі оқушының білім сапасы мен деңгейін анықтап, салыстырмалы мониторингтер жасауға көмектеседі. Сондықтан әр баланың өз бойындағы қабілетін ашып, он дамыту – әр ұстаздың міндеті.

Жалағаштық оқушы ұстаздар үмітін ақтап келеді

Қосымша білім беру оқытудың пәрменді құралы

<a href="https://kyzylorda-news.kz/">Kyzylorda-news.kz.</a> Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиетті бойына дарытып, адамгершілік рухта бағыт-бағдар беруде ұстаздың еңбегі зор.&nbsp;Ұстаз болу – жүректің батырлығы,Ұстаз болу – сезімнің ақындығы,Ұстаз болу – мінездің күн шуағы,Азбайтұғын адамның алтындығы –деп ақын Ғафу Қайырбеков ағамыз жырлағандай, өскелең ұрпақтың әр қадамы ұстаздың еңбегімен өлшенеді. Осындай ұлағатты ұстаздың бірі – Раушанбек Сариев. Ол облыстық білім басқармасының, қалалық білім бөлімінің қосымша білім беру оқу-әдістемелік орталығы­ның «Робото­техника» үйірмесінің жетекшісі, «KazRobotics» федерация­сының&nbsp; ай­мақтағы үйлестірушісі.Білікті ұстаз 1960 жылы&nbsp; Жалағаш&nbsp;ауданында дүниеге келген.&nbsp; 1983 жылы&nbsp; &nbsp;Н.В.Гоголь&nbsp; атындағы&nbsp;педагогикалық&nbsp; институтын физика&nbsp; және&nbsp; математика&nbsp;пәні мамандығы бойынша бітірген. Өзінің еңбек жолын 1983 жылы Қызылорда пионерлер және оқушылар сарайында радиоэлектроника лаборо­ториясының меңгерушісі және үйірме жетекшісі болып бастаған. 2015 жылы қалалық Оқушылар сарайына робототехника үйірмесінің жетекшісі ретінде&nbsp;қабылданған.&nbsp;Өзінің кәсіби қызметінде қо­сымша білім беру жүйесіндегі озық педагогикалық&nbsp;тәжірибені зерде­леу арқылы оқу дағдысын же­тіл­діру, облыстық, қалалық,&nbsp; аймақ­тық, республикалық семинарға, республикалық конференцияға қатысу арқылы басқа өңірдегі әріптестерге дәріс өткізіп келеді. Білім саласындағы жұмыс өтілі – 26 жыл. Біліктілік санаты – педагог-модератор.&nbsp;Педагогтың&nbsp; қосымша білім беру ұйымында атқарған ұзақ жылдарда­ғы еңбегі бағаланып, әр жылдары Қазақстан Республикасы білім және ғылым министрлігі «Дарын» рес­публикалық ғылыми-практикалық орталығының, «Өрлеу» біліктілікті арт­тыру ұлттық орталығының,&nbsp; қал­алық білім бөлімінің Құрмет гра­мотасымен, «KazRoboProject – 2020» Қазақстан білім беру және спорттық робототехника «ҚАЗРОБОТИКС» фе­дерациясының, республикалық қо­сымша білім беру оқу-әдістемелік орталығының, «Халықаралық эко­логия, инженерия және педагогика ғылымдар академиясы ҚҚ»,&nbsp; «Казроботикс» рес­­­публикалық фе­дерациясының, об­лыс­тық білім бас­қармасының, Түркіс­тан облысының адами әлеуетті дамыту басқармасы «білім беруді дамыту орталығының», облыс әкімінің Алғыс хатымен марапатталған. «Жыл үздігі» аталы­мының иегері. Робототехника шеберіҰстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиетті бойына дарытып, адамгершілік рухта бағыт-бағдар беруде ұстаздың еңбегі зор. &nbsp;&nbsp; Ұстаз болу – жүректің батырлығы, Ұстаз болу – сезімнің ақындығы, Ұстаз болу – мінездің күн шуағы, Азбайтұғын адамның алтындығы – деп ақын Ғафу Қайырбеков ағамыз жырлағандай, өскелең ұрпақтың әр қадамы ұстаздың еңбегімен өлшенеді. Осындай ұлағатты ұстаздың бірі – Раушанбек Сариев. Ол облыстық білім басқармасының, қалалық білім бөлімінің қосымша білім беру оқу-әдістемелік орталығы¬ның «Робото-техника» үйірмесінің жетекшісі, «KazRobotics» федерация¬сының &nbsp;ай-мақтағы үйлестірушісі. Білікті ұстаз 1960 жылы &nbsp;Жалағаш &nbsp;ауданында дүниеге келген. &nbsp;1983 жылы &nbsp; Н.В.Гоголь &nbsp;атындағы &nbsp;педагогикалық &nbsp;институтын физика &nbsp;және &nbsp;математика &nbsp;пәні мамандығы бойынша бітірген. Өзінің еңбек жолын 1983 жылы Қызылорда пионерлер және оқушылар сарайында радиоэлектроника лаборо¬ториясының меңгерушісі және үйірме жетекшісі болып бастаған. 2015 жылы қалалық Оқушылар сарайына робототехника үйірмесінің жетекшісі ретінде &nbsp;қабылданған.&nbsp; Өзінің кәсіби қызметінде қо¬сымша білім беру жүйесіндегі озық педагогикалық &nbsp;тәжірибені зерде¬леу арқылы оқу дағдысын же¬тіл¬діру, облыстық, қалалық, &nbsp;аймақ¬тық, республикалық семинарға, республикалық конференцияға қатысу арқылы басқа өңірдегі әріптестерге дәріс өткізіп келеді. Білім саласындағы жұмыс өтілі – 26 жыл. Біліктілік санаты – педагог-модератор.&nbsp; Педагогтың &nbsp;қосымша білім беру ұйымында атқарған ұзақ жылдарда¬ғы еңбегі бағаланып, әр жылдары Қазақстан Республикасы білім және ғылым министрлігі «Дарын» рес¬публикалық ғылыми-практикалық орталығының, «Өрлеу» біліктілікті арт¬тыру ұлттық орталығының, &nbsp;қал¬алық білім бөлімінің Құрмет гра¬мотасымен, «KazRoboProject – 2020» Қазақстан білім беру және спорттық робототехника «ҚАЗРОБОТИКС» фе¬дерациясының, республикалық қо¬сымша білім беру оқу-әдістемелік орталығының, «Халықаралық эко¬логия, инженерия және педагогика ғылымдар академиясы ҚҚ», &nbsp;«Казроботикс» рес¬¬¬публикалық фе¬дерациясының, об¬лыс-тық білім бас¬қармасының, Түркіс¬тан облысының адами әлеуетті дамыту басқармасы «білім беруді дамыту орталығының», облыс әкімінің Алғыс хатымен марапатталған. «Жыл үздігі» аталы¬мының иегері.&nbsp; Жаңаша білім беруді көздей оты¬рып, кәсіби маман ретінде оқу-шылардың шығармашылығын арт¬тыру арқылы жеткен жетістіктері де көптеп саналады. Білікті ұстаздың шәкірттері «Ұлы өнертапқыштыққа алғашқы қадам» республикалық инновациялық жобалар конкурсының облыстық кезеңінде ІІІ орын, &nbsp;«Ру¬хани жаңғыру» бағдарламасының «Білімнің салтанат құруы» бағыты аясында «KazRoboProject – 2019» және «KazRoboSport-2019» облыстық чем¬¬¬пионатында ІІІ орын, «Ұлы өнертап-қыш¬тыққа алғашқы қадам» иннова¬циялық идеялар республикалық байқауының облыстық ке¬зеңін¬¬¬де I орын, «KazRoboProject – 2019» Қазақстан білім беру және спорт¬¬¬тық робототехника «ҚАЗРОБО¬ТИКС» федерациясы РҚБ ІІІ орын, «KazRoboProject – 2019» және «Kaz¬RoboSport-2019» облыстық чем¬пио¬на¬тында І орын, «Robo Fest-Orda» об¬лыстық фестивалінде І орын, &nbsp;«Kaz¬Robotics-2018» федерациясының дип¬¬¬ломы, І орын, қазақстандық білім беру және спорттық робототехника «KazRobotics – 2019» федерациясының дипломы, І орын, қалалық білім бөлімі «KYZYLORDA ROBOT SCHOOL» қалалық чемпионатында, І орын, «KazRoboProject – 2019» және «KazRoboSport-2019» облыстық чем-пионатында ІІІ орын, «Robo Fest – Orda» облыстық фестивалінде ІІІ орын, «Ұлы өнертапқыштыққа алғашқы қадам» инновациялық идеялар рес-публикалық байқауының облыстық кезеңінде I орын, «Ұлы өнер-тапқыштыққа алғашқы қадам» рес¬публикалық инновациялық жоба І орын, &nbsp;«KazRoboProject – 2019» және «KazRoboSport – 2019» облыстық чемпионатында І орын, Биатлон І орын, «Ұлы өнертапқыштыққа алғашқы қадам» облыстық инновациялық жоба І орын, &nbsp;«KazRoboProject – 2019» және «KazRoboSport – 2019» облыстық чемпионаты жоба І орын, «Болашақ университетінің білім гранты», KazRoboProject - 2019» және «KazRoboSport – 2019» облыстық чемпионаты эстафетасында ІІІ орын, қазақстандық білім беру және спорттық робототехника «KazRobotics-2022» федерациясы дипломы мен &nbsp;ІІІ орынды жеңіп алған. Осы жетістіктің бәрі ізденімпаз ұстаздың маңдай тері мен үлкен еңбегінің жемісі.&nbsp; Раушанбек Әбілдаұлы балаларға қосымша білім мен тәрбие беруде талмай еңбек етіп, оқу-тәрбие жұ¬мыстарының тиімділігін арттыру мақсатында дарынды оқушылардың жеке тұлғалық қасиеттерін дамыту, ғылыми-практикалық конференция¬ға баулу, оқушыларды қалалық, облыстық, республикалық, халық¬аралық жарыстарға дайындаумен қатар жас мамандарға да қолдау көрсетіп отырған кәсіби шеберлігі жоғары, білікті ұстаз.&nbsp;Жаңаша білім беруді көздей оты­рып, кәсіби маман ретінде оқу­шылардың шығармашылығын арт­тыру арқылы жеткен жетістіктері де көптеп саналады. Білікті ұстаздың шәкірттері «Ұлы өнертапқыштыққа алғашқы қадам» республикалық инновациялық жобалар конкурсының облыстық кезеңінде ІІІ орын,&nbsp; «Ру­хани жаңғыру» бағдарламасының «Білімнің салтанат құруы» бағыты аясында «KazRoboProject – 2019» және «KazRoboSport-2019» облыстық чем­­­пионатында ІІІ орын, «Ұлы өнертап­қыш­тыққа алғашқы қадам» иннова­циялық идеялар республикалық байқауының облыстық ке­зеңін­­­де I орын, «KazRoboProject – 2019» Қазақстан білім беру және спорт­­­тық робототехника «ҚАЗРОБО­ТИКС» федерациясы РҚБ ІІІ орын, «KazRoboProject – 2019» және «Kaz­RoboSport-2019» облыстық чем­пио­на­тында І орын, «Robo Fest-Orda» об­лыстық фестивалінде І орын,&nbsp; «Kaz­Robotics-2018» федерациясының дип­­­ломы, І орын, қазақстандық білім беру және спорттық робототехника «KazRobotics – 2019» федерациясының дипломы, І орын, қалалық білім бөлімі «KYZYLORDA ROBOT SCHOOL» қалалық чемпионатында, І орын, «KazRoboProject – 2019» және «KazRoboSport-2019» облыстық чем­пионатында ІІІ орын, «Robo Fest – Orda» облыстық фестивалінде ІІІ орын, «Ұлы өнертапқыштыққа алғашқы қадам» инновациялық идеялар рес­публикалық байқауының облыстық кезеңінде I орын, «Ұлы өнер­тапқыштыққа алғашқы қадам» рес­публикалық инновациялық жоба І орын,&nbsp; «KazRoboProject – 2019» және «KazRoboSport – 2019» облыстық чемпионатында І орын, Биатлон І орын, «Ұлы өнертапқыштыққа алғашқы қадам» облыстық инновациялық жоба І орын,&nbsp; «KazRoboProject – 2019» және «KazRoboSport – 2019» облыстық чемпионаты жоба І орын, «Болашақ университетінің білім гранты», KazRoboProject - 2019» және «KazRoboSport – 2019» облыстық чемпионаты эстафетасында ІІІ орын, қазақстандық білім беру және спорттық робототехника «KazRobotics-2022» федерациясы дипломы мен&nbsp;ІІІ орынды жеңіп алған. Осы жетістіктің бәрі ізденімпаз ұстаздың маңдай тері мен үлкен еңбегінің жемісі.&nbsp;Раушанбек Әбілдаұлы балаларға қосымша білім мен тәрбие беруде талмай еңбек етіп, оқу-тәрбие жұ­мыстарының тиімділігін арттыру мақсатында дарынды оқушылардың жеке тұлғалық қасиеттерін дамыту, ғылыми-практикалық конференция­ға баулу, оқушыларды қалалық, облыстық, республикалық, халық­аралық жарыстарға дайындаумен қатар жас мамандарға да қолдау көрсетіп отырған кәсіби шеберлігі жоғары, білікті ұстаз.&nbsp;

Робототехника шебері

&nbsp;<a href="https://kyzylorda-news.kz/">Kyzylorda-news.kz.</a>&nbsp; «Білегіңе сенбе, біліміңе сен», - дейді дана қазақ. Рас, бұл заман білектің емес, білімнің күшімен бәсекеге шығатын заман. Бұл тұрғыда қызылордалық жас өрендер де білім бәсекесінен дес берер емес. Мәселен, ақпан айында Тараз қаласында өткен республикалық ғылыми жобалар сайысында қызылордалық 37 оқушы бақ сынады. Нәтижесінде, 13 оқушы жеңіс тұғырынан көрініп, еліміздегі беделді жоғары оқу орындарының грантын жеңіп алды. Олар Өңірлік коммуникациялар қызметінің ақпарат алаңында өз жобалары туралы баяндап, жетістіктері туралы сөз етті.<blockquote>– Жалпы білім беретін пәндер бойынша республикалық ғылыми жобалар конкурсы жыл сайын өткізіліп тұрады. Биылғы оқу жылында конкурсқа жалпы саны 1 542 оқушы тіркелді. Солардың ішіне 499 оқушы облыстық кезеңге жолдама алып, оның 184-і жүлделі орынға ие болды. Ал, республикалық қорытынды кезеңге 37 оқушы қатысты. Республикалық кезеңде ел экономикасын көтеруге, жергілікті жердің жағдайын жақсартуға және ғылымға қосатын үлесі бар, сараптамадан өткен ғылыми жобалар іріктелді. Жарысқа қатысқан оқушылар өздерінің ғылыми жобаларын қорғап, нәтижесінде 13 оқушымыз жүлдегер атанды. Оның ішінде 9 оқушы бірінші орынды иеленсе, 2 оқушы екінші орынды, екі оқушы үшінші орынға ие болды, - деді «Дарын» облыстық қосымша білім беру орталығы директорының орынбасары Гүлжахан Ізбасарова.</blockquote>Оқушылар өздерінің жобаларын брифинг барысында таныстырып өтті.&nbsp;<blockquote>– Менің жобамның тақырыбы – өрт сөндіргіш роботтың көмегімен өрт сөндіру тиімділігін арттыру. Жобаға тақырып іздеу барысында тек өңірімізде ғана емес, еліміздегі ең басты және ауқымды мәселелерді зерттедім. Зерттей келе адам өміріне аса қауіпті мамандықтың бірі – өрт сөндіруші екенін түсіндім. Жобаны дамыту барысында «Arduino Uno» микросхемасында жұмыс жасайтын робот прототипін жасауды көздедім. Бұл құрылғыны жасауға жеті ай уақыт кетті. Осы уақыт аралығында қаладағы №1 өрт сөндіру мекемесінің бастығынан арнайы сұхбат алып, қажетті мәліметтерді анықтап, роботқа аудио мен «Еsp camera» модульін енгіздім. Тиісінше, камера арқылы өрт шарпыған аумақтың қауіпті жерін дәл анықтауға болады, - деді оқушы Шайхы Ғафур.</blockquote>Саяжан Шералиев «Шәкәрім» университетінің грантын жеңіп алған.<blockquote>– Мен бұл ғылыми жобаға биология пәні бойынша қатыстым. Таңдаған тақырыбым – механикалық қасиеттерді өзгертетін жақ сүйегі қозғалыс биомеханикасы әдістерінің маңыздылығы. Қазіргі таңда жас жеткіншектердің арасында белең алған мәселенің бірі – тістің қисық өсуі болып отыр. Болашақ тіс дәрігері ретінде бұл тақырып маған қызық болды. Зерттеу барысында тіс дәрігерлерінен қажетті мәлімет алдым. Нәтижесінде, «Кокосты био-гель» өнімі мен арнайы шөптерден жасалған биоөнім «Тіс биобремеханика» спрейін жасап шығардым. Бұл өнім жақ пен тістің қисықтығын ретке келтіріп, тісті маржандай жылтыр етеді. Осы жобамды жасау арқылы «Шәкәрім» университетінің грантын жеңіп алдым, - деді оқушы Саяжан Шералиева.</blockquote><img src="https://knadmin.beoblood.kz/uploads/431777138_1965100680552101_2578349224577680566_n_e396723d11.jpg" alt="431777138_1965100680552101_2578349224577680566_n.jpg"><img src="https://knadmin.beoblood.kz/uploads/431724972_1965100777218758_2323328739916716236_n_ef91d7fa4a.jpg" alt="431724972_1965100777218758_2323328739916716236_n.jpg">Фото: Қызылорда облысының Өңірлік коммуникациялар қызметі

Қызылордалық 13 оқушы еліміздегі беделді жоғары оқу орындарының грантын жеңіп алды

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының бастамасымен қолға алынған «Жайлы мектеп» ұлттық жобасы аясында өңірде 12300 орынға арналған 21 мектеп &nbsp;салынады деп жоспарланған. Нақты дерек бойынша 10 мектеп биыл пайдалануға берілсе, қалған 11-і алдағы жылы бой көтереді.Облыс әкімі Нұрлыбек Нәлібаевтың төрағалығымен «Жайлы мектеп» ұлттық жобасының аймақта жүзеге асырылу барысы арнайы мәжілісте талқыланды. Мәжіліске облыс әкімінің орынбасарлары мен басқарма басшылары, «Samruk Kazyna Construction» АҚ-ның өңірлік жоба басшысы Ерік Қонақбаев және департамент директоры Тимур Дәуітов, мердігер компаниялар мен коммуналдық мекеме өкілдері қатысты.Жиында биылға жоспарланған 10 «Жайлы мектеп» құрылысының бастапқы жұмыстарына байланысты мәселе қаралып, жауапты мердігерлер тарапынан айтылған ұсыныс, пікірлер &nbsp;нақтыланды.<blockquote>– Өздеріңізге белгілі, Мемлекет басшысы жақында өткен Үкіметтің кеңейтілген отырысында «Жайлы мектеп» ұлттық жобасы бойынша Үкіметке және облыс әкімдіктеріне құрылыстарды уақытылы әрі сапалы іске асыруды тапсырды. Облыста 12 300 орынға арналған 21 мектеп салу жоспарланған. Биыл 6900 орындық 10 мектеп, 2025 жылы 5400 орындық 11 мектеп пайдалануға беріледі деп күтілуде. Мемлекеттік бюджеттен өткен жылы 19,6 млрд теңге бөлінсе, осы жылы 24,5 млрд теңге бөлінетін болады, – деді облыс әкімі.</blockquote>Айта кетейік, биыл салынатын «Жайлы мектептердің» 4-уі қала ішінде, тұрғындар тығыз орналасқан «Арай», «СПМК», «КБИ», «Қызылжарма» сияқты шағын аудандарда болса, қалған 6 мектеп аудан, кент &nbsp;орталықтарында. Бүгінде аталған жоба аясында 9 мердігер анықталып, жер телімдері белгіленіп, жоба-сметалық құжаттары әзірленіп, алғашқы жұмыстар бастау алған, ал 1 мектепке (Арал ауданы «Сексеуіл» кентіндегі 300 орындық мектеп). байланысты құжат рәсімдеу жұмыстары жүріп жатыр. Құрылыс алаңдарына инфрақұрылым жеткізу бойынша жергілікті бюджеттен 118,4 млн теңге бөлініп, жоба-сметалық құжаттары әзірленген. Жобаны үйлестіруші «Samruk-Kazyna Construction» акционерлік қоғамы өкілдерімен бірлескен жол картасына сәйкес жұмыстар жүргізілуде.«Жайлы мектеп» жобасының жүзеге асыруы туралы баяндама жасаған облыстық құрылыс, сәулет және қала құрылысы басқармасының басшысы Ерлан Төрәлиевтің айтуынша, кейбір мектептер &nbsp;құрылысы уақытында аяқталмауы мүмкін. Бұған байланысты облыс әкімі мердігер мекемелерге ұлттық жобаның Үкіметтің тікелей бақылауында екенін, сондықтан құрылысшылар санын арттырып, екі ауысыммен үздіксіз әрі сапалы жұмыс жүргізу қажеттігін айтты.Аймақ басшысы жобаға жауапты мердігерлерге алдағы қыркүйек айында басталатын жаңа оқу жылына дейін «Жайлы мектептерді» толық пайдалануға беруді тапсырды.<blockquote>– Мемлекет басшысының қойып отырған талабы – қала және ауыл мектептері арасындағы білім сапасының алшақтығын жойып, барлық баланың бір деңгейде заманауи мектепте білім алуына жағдай жасау. Сондықтан бұл жобаның маңыздылығы өз алдына, жауапкершілігі де өте жоғары, – деді облыс әкімі.</blockquote>Аймақ басшысы жиынды қорытындылай келе, қала, аудан әкімдеріне бұл мәселені тұрақты бақылауда ұстап, мектеп құрылыстарының барынша сапалы жүргізілуіне жауапкершілікпен қарауды тапсырды. Сонымен қатар «Жайлы мектеп» елді мекендердің ең көрнекті жерінде орналасуын, оған баратын жолдың сапасын, жарықтандыру, абаттандыру жұмыстарының барлығын қадағалау қажеттігін айтты.Фото: Нұрболат Нұржаубай &nbsp;

«Жайлы мектеп» жобасы аясында 21 оқу орны салынады

Облыстағы оқушылар үйінің жұмысы жемісті

Сыр өңірінде білім беру ісі қарқынды

<a href="https://kyzylorda-news.kz/">Kyzylorda-news.kz</a>&nbsp; Бойдағы талантты жасыру мүмкін емес. Сыр өңірі шайырлар мекені десек, осы өлеңді өміріне серік еткендер легі бүгін де бар. Әрі жас есімдермен толығып келеді. Осындай ойы озық, бойы талантқа толы жас өреннің бірі – Ердәулет Орынбасаров. Ол бөлек бітімді жырларымен талғампаз оқырманның көзайымына айналып үлгерген жас ақын.Талапты жас Тәйімбет Көмекбаев атындағы №250 мектеп-лицейінің 10-сынып оқушысы. Өлеңге деген қызығушылығы бастауыш сыныптан басталыпты. Жазба ақындығымен қатар Ердәулет жас айтыскер ақын. 2021 жылдан бері Берік Аққалиев пен Сырым Әділбековтен тәлім алады. Мектептегі қоғамдық жұмыстардың да белсенді қатысушысы. 3 жылдан бері аудандық «Жас Ұлан» ББЖ ұйымының ұланбасы. Өлеңді де, айтысты да, қоғамдық жұмыс пен сабақты тең алып жүрген жас талант мінезге де бай. Қазақы қарапайымдылық, ер азаматқа тән сабырлылық, кішіпейілділік те бір бойына тоғысқан.Өлеңге іңкәр өрен ел көлемінде өткізілген жыр дүлділдерінің бәсекелерінде ортаға олжа салып, даралығын дәйекті түрде дәлелдеп келеді. Нақтылай түссек, 2021 жылы «Ғасыр ғұмырлы ғажап ақын» атты облыстық оқушылар айтысында ІІ орын иеленсе, былтыр «Арда туған Алаштың арыстары» атты облыстық ақындар мүшәйрасында І орын, осы жылы республикалық Абай оқулары байқауының «Мен жазбаймын өлеңді ермек үшін» номинациясы бойынша ІІІ орын алған. Кезең-кезең болып өткізілетін Ілияс Жансүгіров оқуларының «Ілияс Жансүгіровке арнау» номинациясы бойынша аудандық, облыстық кезеңнен І орын иеленіп оза шапқан өрен республикалық кезеңде де бас жүлдені қанжығасына байлаған. Осы ретте айта кеткен жөн, жас ақынның Ілияс Жансүгіровке арнаған «Мұң» және «Құлагердің қайғысы» деген екі поэмасы бар.Қаламы қуатты жас дарын суырыпсалмалықты талап ететін айтыс додаларында да жас айтыскер ретінде біршама белесті бағындыруда. 2018 жылы облыстық деңгейдегі дарынды оқушылардың «Сыр үміті» энциклопедиясына есімі енсе, 2021 жылы жас ақын ретінде сол уақыттағы аудан әкімі Қайрат Нұртайдың «Жас дарын – 2021» атты марапатын иеленген.<blockquote>Негізі өлеңге деген қызығушылығым 4-сыныпта басталған. Алғаш рет ұстазыма арнап қалам тербегенмін. Ата-анамның ақындық өнерге қатысы жоқ. Десе де атамның қарындасы Мырзакүл Тілеумұратқызы журналист әрі ақын болған деседі. Үйдегілер бұл өнер қанымызда бар деп топшылайды. Ата-анам әрбір қадамыма қолдау, адымыма серпін беріп отырады. Ал ұстаздарым бағыт-бағдар көрсетіп, өнер әлеміне терең бойлауды санама сіңіруде. Солардың арқасында жыл сайын шыңдалып, бой түзеп келемін. Өзім білім алып жүрген Т.Көмекбаев атындағы №250 мектеп-лицейінің ұжымы да әрдайым өнерімді қолдап, қолпаштап отырады. Алдағы уақытта жеке шығармашылық кешімді өткізіп беруге де ниетті. Алға қойған жоспарларым – нық, мақсатым – айқын. Болашақта қазақ тілі мен әдебиеті пәнінен ұстаз болуды таңдап отырмын, – дейді жас өрен.&nbsp;</blockquote>&nbsp;Ердәулеттің ел сыйлар азамат болып өсіп келе жатқаны көз қуантады. Айналасындағылар да оның мінезін көпке үлгі етеді. Шығармашылығын шыңдауда әдеби кітаптар оқуды да әдетке айналдырған ол «Кітап – менің айнымас серігім» деп әңгімесін әрі қарай жалғады.<blockquote>– Әсіресе, поэзиядан Қадыр Мырза Әлі мен Ұлықбек Есдәулетті, прозадан Әбіш Кекілбаев пен Шерхан Мұртазаны және Ілияс Есенберлиннің шығармашылығын сүйсіне оқимын. Ал шабыт – ішкі сезім. Ішкі сезімге байланысты өлең туады. Жалпы мына зат шабыт сыйлайды деп дөп басып айта алмаймын. Десе де, көңілденген кезде не мұңайған мезетте жақсы жыр жазылып, өрнекті өлең өріледі. Бұйырса проза және поэзия бағытындағы шығармаларымнан кітапша шығарсам деген ниет бар, – дейді Ердәулет.</blockquote>Жырларынан жасын жарқылының ұшқыны аңғарылып, Сырдың самалы есіп тұратын, шығармашылық келбеті шырайлы ұланның бағындырар биіктері әлі алда. Ердәулет есімін абыройлы арқалап жүрген жас ақынның келешегі кемел болары күмәнсіз.

Қаламы қуатты қармақшылық жас ақын

<a href="https://kyzylorda-news.kz/">Kyzylorda-news.kz.</a> Жалағаш ауданындағы дарынды балаларды тәрбиелеп, шәкірттерді үздік жетістіктерге жетелеуде Темірбек Жүргенов атындағы №123 мектеп-лицейдің алатын орны айрықша. Әрине шәкірттің үздік болуы білікті ұстазға байланысты екені анық. Қазіргі уақытта мектептің дамуында, оқушылардың үлкен дәрежеде көрінуінде, жалпы аудан білімін жоғары деңгейде көрсетуде мектептің қазақ тілі мен әдебиеті және ағылшын тілі пәні мұғалімі Салтанат Орынтайқызының ерең еңбегін ерекше айтуға болады. &nbsp;Салтанат Қосжанова 1983 жылы 28 маусымда Жалағаш ауданында дүниеге келіп, 2000 жылы бүгінде өзі оқушыларына білім беріп жатқан Темірбек Жүргенов атындағы №123 мектепті тәмәмдаған. 2000-2005 жылдары аралығында «Қорқыт ата» атындағы мемлекеттік университеттің үздік түлегі атанып, сол жылдан бастап өз мамандығын жақсы көрген ұстазға айналған.Ұстаздық жолын сонау 2005 жылы Астана қаласынан &nbsp;бастаған &nbsp;Салтанат Орынтайқызы қазіргі таңда Темірбек Жүргенов атындағы №123 мектеп-лицей директорының тәрбие ісі жөніндегі орынбасары қызметін атқаруда. Осы жылға дейін өзінің ізденімпаздығы мен еңбекқорлығының арқасында тек қазақ тілі мен әдебиеті пәнінің мұғалімі ғана емес, сонымен қоса ағылшын пәнінің де мұғалімі қызметін атқарған. Иә, расында мұғалімге жеті өнер де аз! Осы ұранды ұстанған ұстазымыз Салтанат Қосжанова қандай жетістіктерге жеткенін білесіз бе?Он сегіз жыл бойы қаншама шәкірттің бойындағы шамын жаққан, шәкірттерін қаншама жетістікке жеткізген ұстазымыздың да жетістіктері аз емес. Атап айтсақ, «Педагогикалық идеялар фестивалі – 2020» республикалық байқауының жеңімпазы, 2020 жылдың қорытындысы бойынша облыс әкімі тағайындаған &nbsp;«Қызылорда облысының білім беру саласын дамытудағы еңбегі үшін» төсбелгісімен марапатталған.2021 жылы шығармашыл мұғалімдердің облыстық тәжірибе алаңында көрсеткен үздік жұмыстары мен жоғары кәсіби шеберлігі үшін Қызылорда облысы педагогтерінің біліктілігін арттыру орталығының «Құрмет» &nbsp;грамотасымен, «Пәндік олимпиада – дарындылар додасы, ғылымның алғашқы баспалдағы» тақырыбында облысқа шебер сынып көрсеткені үшін Қызылорда облыстық оқу орталығының сертификатымен, 24-31 наурыз аралығында Анталия қаласында өткен халықаралық семинарға «Қазақстан педагогтар қауымдастығы» атынан қатысып, Trends in the development of Turkish – Kazak modern education» атты халықаралық конференцияда баяндама жасап, арнайы сертификатын, Ы.Алтынсарин атындағы ұлттық білім академиясы мен Шымкент қаласы білім басқармасы ұйымдастырған «Заманауи білім беру парадигмасындағы Алтынсарин ілімі» атты аймақтық форумда «Ы.Алтынсарин шығармаларындағы рухани-мәдени құндылықтар» тақырыбында баяндама жасап, алғыс хатпен, Халықаралық қазақ тілі қоғамының Құрмет грамотасымен, Қазақстан Республикасының Оқу-ағарту министрлігі ұсынған «Арман-ПВ» баспасынан шыққан жалпы білім беретін мектептің 8,10,11 сыныптарға арналған «Абайтану» кешенді оқулықтары авторының бірі болып, &nbsp;осынша марапат иесі атанып, жыл соңын &nbsp;«Үздік педагог – 2022» атағының иегері дәрежесін алып, 3 млн теңге сыйақымен марапатталды.Сонымен бірге, аудан әкімінің «Жыл ұстазы 2022» номинациясының иегері атағымен 2022 жылды үздік нәтижеде аяқтады.Биыл Қызылорда облысының тілдерді оқыту орталығының алғысымен, Жалпы білім беретін пәндер бойынша облыстық олимпиада жеңімпазын дайындағаны үшін облыстық білім басқармасы басшысының алғысымен, жалпы білім беретін пәндер бойынша республикалық &nbsp;олимпиада жеңімпазын дайындағаны үшін облыстық білім басқармасы басшысының алғысымен, «Үздіксіз ізденіс жаңашылдыққа жетелейді» тақырыбында қазақ әдебиетінің классигі Ғабит Мүсіреповтің 120 жылдығына орай өткен облыстық семинарда шебер сынып көрсетіп, арнайы сертификатпен марапатталған. Астана қаласында өткен қазақ тілі мен әдебиеті пәні мұғалімдерінің республикалық тұңғыш сьезінің қатысушысы атанды. Сонымен қатар &nbsp;жақында ғана аудан педагогтары ішінде ең алғашқы «педагог-шебер» санатындағы ұстаз атағын иеленді.Осы орайда Әзілхан Нұршайықовтың «Егер ертең шәкірттеріңе үлгілі ұстаз боламын десеңдер, еңбекшіл болыңдар» деген сөзі еріксіз еске түседі. Білікті мұғалімнен білімді оқушы шығары анық. Ахмет атамыз секілді ұлт ұстазы бола білген, Ыбырай Алтынсарин секілді балаларды оқуға шақырып, Мағжан секілді жастарға сенген Салтанат Орынтайқызы ұстаздарға өз ойын жеткізді.&nbsp;<blockquote>– Ең бірінші, әрбір мұғалімнің бойында ыстық қайрат, нұрлы ақыл жылы жүрек болуы керек. Екіншіден, кез келген мұғалім ізденісте жүрсе, &nbsp;өз білімін үздіксіз дамуда ұстап, жетілдіріп отырса ғана нағыз шыңдалған, кәсіби мұғалім болып шығары анық. Бірақ &nbsp;ең маңыздысы, әр адам өз мамандығын жақсы көруі тиіс. &nbsp;Маған мамандығым қатты ұнағаны сонша үйде жатқан кезде емес, оқушыларға сабақ беру кезінде демаламын. Нағыз ұстаз уақытпен санаспай, күндіз-түні еңбектенсе ғана ол мұғалімнен нәтиже шығады. Қазақта «ауруын жасырған өледі» деген сөз бар, қазір қоғамда кітап оқитын оқушылар да, тіпті ұстаздар да жоқтың қасы. Абай атамыздың керемет бір сөзі бар, артық білім кітапта, ерінбе оқып көруге. &nbsp;Ұстаздарға айтар ақыл-кеңесім кітап оқитын ұрпақ тәрбиелеу қажет. Ал ол үшін мұғалімнің өзі кітап оқуы керек. Ауданда оқырмандар конференциясын ұйымдастыруды ұсынар едім. Сол арқылы ұстаздардың да, оушылардың да, жалпы қоғамның кітап оқуға деген махаббатын аша алатын секілдіміз, – деді Салтанат Қосжанова.&nbsp;</blockquote>Тоқсан ауыз сөздің тобықтай түйіні, ұстаз – ұлы есім. Ұлт ұстазы болған Ахмет Байтұрсынов та «мектептің жаны – мұғалім. Мұғалім қандай болса, мектеп сондай болмақ. Яғни мұғалім білімді болса, ол мектептен балалар көбірек білім алып шығады. Солай болған соң ең әуелі мектепке керегі – білімді, педагогика, методикадан хабардар, жақсы оқыта білетін мұғалім» дейді. Адамның адамшылдығы жақсы ұстаздан, батыр да, ақын да, басшы да, қосшы да осы ұстаздан тәлім-тәрбие алады. Әрбір ісіңіз жеңіске жетіп жатса, оның артында ұстаздың бір тамшы болса да еңбегі барын есте сақтаңыз.&nbsp;

Жалағаштық ұстаз дарынды балаларды тәрбиелеуде

<a href="https://kyzylorda-news.kz/">Kyzylorda-news.kz.</a> Қазіргі таңда ауылшаруашылығына көңіл бөлу басты назарда. Ол туралы мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында: «Ет, сүт, астық өнімдерін терең өңдеу және өндірістік жылыжай шаруашылықтарын дамыту сияқты біз үшін болашағы зор бағыттарға басымдық берген абзал» деп айрықша атап өткен болатын. Осы бағытта жылыжай салу жұмыстары қаламыздағы білім ордаларында да жалғасын тапқан. Сол жылыжайлардың бірі – Ж.Әбдірашев атындағы №62 мектеп-лицейіндегі жылыжай.Жалпы мектеп тарихы 1986 жылдан бастау алады. Сол уақыттан бері мектеп ішінде өз жұмысын жасап келген жылыжай тоқырау жылдарында өз жұмысын тоқтатқан болатын. Оған сол бір қиын шақта жылудың, жарықтың жетіспеушілігінен апаттық жағдайға түскендігі себеп болған. Дегенмен сол бір жұрнағы бар жылыжайды қайта дамыту ісінің биылғы жыл басында сәті түскен. Осылайша аудандық білім бөлімінің басшысы Санира Нұрқожақызының бастамасымен мектеп оқушыларының экология, биология сабақтарындағы теориялық білімін жетілдіруге әрі оларды еңбексүйгіштікке, табиғат қорғаны болуға баулу мақсатында жоба қолға алынды.Жобаға облыстық Білім басқармасынан 8 миллионға жуық қаржы бөлініп, мамыр айында мемлекеттік сатып алу жұмыстары өтті. Нәтижесінде 5млн. 300 мың теңге көлемінде жергілікті кәсіпкер Мұстафаева Құндыз жеңімпаз атанып, жобаны иеленді. Жоба жұмыстары маусым айында басталып, шілде айында өз мәресіне жетті. Дегенмен ауа-райының ыстық әрі құрғақ болуы себепті ол уақытта жылыжайды пайдалану мүмкіндігі болмады. Шілде-тамыз айлары толықтай дәнді дақылдарды өңдеп, күтумен кетіп, қыркүйек айында алғаш рет жылыжайға егу жұмыстары жүргізілді.<blockquote>– Қыркүйек айында алғашқы жұмыстар басталды. Оған оқушылар, мұғалімдер мен техникалық қызметкерлер атсалысты. Қазіргі таңда жылыжайда қияр, қызанақ, асқабақ, сарымсақ, саңырауқұлақ салат жапырақтары, аскөк сынды көкөністер мен құлпынай жемісі және түймедақ пен раушан гүлдері өседі. Сонымен қатар биология сабағындағы практикалық жұмыстар жүргізіліп отыр. Өткен аптада алғаш рет жылыжайда өскен аскөк пен салат жапырақтарынан бастауыш сынып оқушылары мен ыстық тамақпен қамтамасыз етілген оқушылар мектеп асханасынан дәм татты. Алдағы уақытта мектеп жылыжайынан алған көкеністерді де асханаға пайдалану ойда бар, – деді мектеп директоры Жасұлан Маханбетұлы.</blockquote>Бүгінде жылыжайдағы көкөністерді, гүлдерді баптау, егу, арам шөптен тазалау жұмыстары Аида Қыпшақбайқызының мойнында.<blockquote>– Өзім жастайымнан ата-анамның гүл баптағанын, жеміс өсіргенін көріп өскем. Сондықтан бұл жұмыстар маған қиындық тудырмайды. Қыркүйек айынан бері апта сайынғы тазалық жұмыстарын жүргіземін. Жылыжайда тамшылатып суару жүйесі жұмыс жасайды әрі жылыжай іші ылғалды. Сол себептен өте күтімді қажет ететін өнімдерді өсіру де оңайырақ. Бүгінде балалардың сабақ үлгеріміне, табиғатты қорғау мақсатында жұмыстар жүргізіліп отыр. Күзгі демалыс күндерінде №260, №13 орта мектеп оқушыларына да арнайы экскурсия ұйымдастырылған болатын. Солардың бәрі мен үшін қуаныш. Алдағы уақытта жыл аяғына дейін тағы бір мәрте егу жұмыстарын жүргізетін боламыз, – дейді маман сұхбат барысында.</blockquote>

Аралдағы мектеп жанындағы жылыжайда өсірілген көкөністер мектеп асханасын қамтамасыз етіп отыр

<a href="https://kyzylorda-news.kz/">Kyzylorda-news.kz</a> Білім беру жүйесінің негізгі мақсаты – шығармашыл, белсенді, интеллектісі жоғары, білімді және кәсіби сауатты жастарды қалыптастыру. Осы мақсатта Жаңақорған ауданы бойынша білім бөлімінің ұйымдастыруымен “Жас ұрпақты ұлттық құндылықтар негізінде тәрбиелеуде мектеп пен отбасының ынтымақтастығы” тақырыбында Құттықожа ауылындағы №164 орта мектебінде облыстық семинар өтті.Халық тәрбиесі – ғасырлар бойы сараланып сан сыннан өткен, сол халықтың ой-арманымен, тіршілік тынысымен, шаруашылық кәсібімен, ұлттық тәлім-тәрбие дәстүрімен тығыз байланыста туып, өсіп-өркендеп, дамып және ұрпақтан-ұрпаққа жалғасып жеткен тарихи және мәдени мұрасы. Әр халықтың ұрпақ тәрбиелеудегі сан ғасырларға созылған өзіндік тарихын ұмыт қалдырмай ұрпақ санасына сіңіру бүгінгі күннің басты талабы. Осы мақсатта ұйымдастырылған семинарға облыстық «Тәрбие, спорт және қосымша білім беру» орталығының директоры Фархат Досаев аудандық білім бөлімі басшысының міндетін атқарушы Есенбаев Бекжан Шахизатұлы жылы лебіздерін білдіріп, өскелең ұрпақты қазақы мінезбен, ұлттық құндылықпен тәрбиелеу әрбір ұстаздың басты ұстанымы болуы тиіс. Бүгінгі жаһандану үрдісі жүріп жатқан жағдайда ұлттық мүдде, ұлттық тәрбие, ұлттық рухты сақтап қалу – үлкен міндет екенін атап өтті.Семинардың мақсаты – оқушы тәрбиесіндегі ұлттық құндылықтар мен жалпыадамзаттық құндылықтарды насихаттау барысында өзекті негіздері, тілі мен діні, тарихы мен салт-дәстүріне, рухани мәдениетке тәрбиелей отырып, ұлттық рухының кемелденуіне бағдар беру, тәжірибе алмасуды негіз етіп алыпты.Семинарда аудандық білім бөлімінің әдістемелік кабинет меңгерушісі Нұргүл Аширова, аудандық білім бөлімінің әдіскері Жанна Нұрмұхамбетова мен мектеп директорының міндетін атқарушы Меруерт Камалова сөз алды.<blockquote>– Мұғалімдер – үнемі ізденіс үстінде болатын, жаңашылдыққа жаны құмар жандар. Әлемде білім саласында көптеген жаңалықтар орын алып жатыр. Біздің ұстаздарымыз да осындай жаңалықтан құр қалмай, өзара тәжірибе алмасып, тынбай еңбек етуде. Өскелең ұрпақтың бойына ұлттық құндылықтарымызды сіңіруде мектептің алар орны ерекше. Бұл ретте, балалардың жеке басының қалыптасуы мен дамуы сол бағытта педагогтардың түрлі тәсілдерді қолдана білу сауаттылығына байланысты екені даусыз. Осындай ауқымды басқосулар жаңа заман баласының бойына ұлттық құндылықтарымызды сіңіре отырып, еліміздің патриот жастарын тәрбиелеуге даңғыл жол ашады деп есептеймін, – деп ұстаздарға орайы келгенде ойындағысын жеткізді.</blockquote>Семинарға мектеп директорларының оқу ісі жөніндегі орынбасарлары қатысты. Семинар жұмысы критериалды бағалау жүйесін практикада қолдана білу дағдыларының қалыптасуына ықпал жасау, әрі оқыту сапасын жақсарту үшін критериалды бағалау жүргізудің маңыздылығын ұғындыру, тиімділігін көрсетуді негіз етіп алыпты.Семинардың барысы мектептің білікті маманы, қолөнер шебері Ә.Айдаровтың шығармашылығынан жасалған көрмеден бастау алды. Одан бөлек, «Аналар» клубының ұйымдастыруымен семинар қатысушылары мектеп тарихы мен қалыптасқан дәстүрлер туралы терең түсінік алды. «Мектеп жұмысы мен оқушы жетістігі – мектептің бейнесі» тақырыбындағы көрмемен таныстырылым мектептің екінші қабатында жалғасын тапты. Көрмеге жиынтық бағалау кестелері, модерация хаттамалары, пән мұғалімдері жасаған жиынтық бағалау жұмыстары, формативті бағалаудың әртүрлі әдістері қойылды.«Көңілі көтеріңкі ұстаздың еңбегі де жемісті» тақырыбында Бүрлібаева Балжан тренинг өткізсе, Данембаева Гүлназ «Критериалды бағалау – сапалы білім өлшемі» тақырыбында коучинг ұйымдастырылып, қатысушыларды төрт топқа бөлінді. Бөлінген топтар семинар жұмысында «Түбір мен қосымшаның жазылуы. 40-43 жаттығулар» тақырыбында қазақ тілі пәнінен Дүйсенбаева Ақмарал Әбдіғаппарқызы, «Денелердің электрленуі, электр заряды, өткізгіштер мен диэлектриктер» тақырыбында физика пәнінен Әкімбаев Бауыржан Әбдіқадырұлы, «Бүйрек және зәр шығару жүйесінің аурулары. Зәр шығару жүйесінің гигиенасы» тақырыбында биология пәнінен Қаржауова Нәзипа Сенбекқызы, «Тарихи сауаттылыққа негізделген критериалды бағалау» тақырыбында тарих пәнінен Ереханова Зейнеш Төреханқызы ҰБТ-ға байланысты кірістірілген сабақтарын өткізді.Соңында тарих пәні үйірмесінің жетекшісі А.Әбсаттарованың ұйымдастыруымен «Жусан иісі» шығармасынан театрландырылған қойылымды үйірме мүшелері сахналады. Семинар барысында мұғалімдер әрбір сабаққа кері байланыс жасап, өз пікірлерін айтып отырды. Тәжірибелі ұстаздардың осындай семинар өткізуі жас мамандар үшін таптырмас асыл қазына болмақ. Себебі, өздері ұстаздық қызметін жаңадан бастап жатқан жас ұстаздарымыз осындай семинарларға қатысу арқылы қашықтықтан оқыту кезінде абдырап қалмай, білікті мамандардың тәжірибесіне сүйеніп, білім көшін қиналмай алға жылжытуына мүмкіндік туады.Ұстаздар басқосуының негізгі міндеті – мұғалімдердің құзіреттілігін арттырып, оқушылардың мүмкіндігін кеңейту негіз болып отыр. Оқу жылында тәрбие үдерісінде ерекше қолға алынып жатқан бағыттардың бірі – ата-аналарды педагогикалық қолдау орталықтарының жұмысының ұйымдастырылуы.Семинар барысында мектепте "Ата-аналарды педагогикалық қолдау" сыныбын облыстық тәрбие, спорт және қосымша білім беру орталығының директоры Фархад Лиясұлы мен аудандық ардагерлер ұйымының төрағасы Аллаберген Сахымбекұлы салтанатты түрде ашып, ізгі тілектерін білдірді. Семинардың қоржыны бастауыш сынып бірлестігі ұйымдастырған "Ата дәстүрі – асыл қазына" атты даналық мектебінің көрінісімен толықты десек қателеспейміз. Одан әрі "Ата-аналарды педагогикалық қолдау" орталығының "Сен жанбасаң лапылдап" тақырыбында Құрбаназарова Дариға, "Балаға үйрету: ақылыңды мейірімге орап бер" тақырыбында Кеңесқызы Жайдар, "Атадан өсиет – анадан қасиет" тақырыбында Әшімбекова Нұргүл ұстаздардың өткізген сабақтарымен жалғасты. Сонымен қатар, оқушыларға ұлттық құндылықтар негізіндетәрбие беруді көздейтін жобалар бойынша "Айтыс - қазақтың төл өнері" тақырыбында Жетпісова Гүлмира, "Асық ойыны ұрпаққа аманат" тақырыбында Ермаханова Гүлназ, "Отбасылық дәстүрлер" тақырыбында Утжанова Жазира жүргізген сынып сағаттары шараның шырайын аша түсті.Қорытынды кезеңінде семинарға қатысушылар ойпікірлерін ортаға салды әрі мектептің "Таңшолпан" театры әннен шашу шашып, оқушылар мың бұрала билеп, «Көлеңке» театры ерекше қойылымды ұсынып, «Үкілі домбыра» ансамблі күмбірлеген күйлерімен шараның көркін келтіріп, оқушылардың жан-жақты, өнерлі қырларын көрсете білді.Бүгінгі мектеп партасындағы әрбір бала – ертеңгі болашақтың иесі. Сондықтан алдымызда отырған оқушыларға алғашқы күннен бастап-ақ сапалы білім, саналы тәрбие беріп, білімнің нәрлі қайнарымен сусындату үшін ұстаздар қауымы педагогикалық шеберліктің, тәжірибенің негіздерін дұрыс қолдана білуі тиіс. Оқушылардың шығармашылық бағытын жанжақты дамыту әрі ұлттық құндылық дәнін себу – бүгінгі күннің басты талабы екенін атаулы семинарда жан-жақты талқылады.Қорытынды кезеңінде семинарға қатысушылар жылы лебіздерін білдіріп, ойпікірлерін ортаға салды. Бүгінгі мектеп партасындағы әрбір бала – ертеңгі болашақтың иесі. Сондықтан алдымызда отырған оқушыларға алғашқы күннен бастап-ақ сапалы білім, саналы тәрбие беріп, білімнің нәрлі қайнарымен сусындату үшін ұстаздар қауымы педагогикалық шеберліктің, тәжірибенің негіздерін дұрыс қолдана білуі тиіс. Оқушылардың шығармашылық бағытын жанжақты дамыту – бүгінгі күннің басты талабы.

Қазақстан және Қызылорда облысының жаңалықтары: Білім