Қызылорда: Жетістігі мол мектеп

<a href="https://kyzylorda-news.kz/">Kyzylorda-news.kz</a> Бүгінгі таңдағы мәселе – «білімді азаматтарды қалай даярлап жатырмыз? Қазақстан Республикасының экологиялық білім беру тұжырымдамасы қазіргі таңдағы әлемдік, аймақтық, жергілікті экологиялық проблемалар және оларды шешудің маңызды мәселелерімен туындайтын оқушы – жастарға экологиялық тәрбие берудің жаңа, тиімді жүйесін ұсынады. Отандық экологиялық білім жүйесі білімдердің қажетті кешенімен қатар, мақсатқа сай шешімдерді қабылдай алатын заңнамасының бекітілген табиғатты қорғау мөлшерлері мен қалыптарына сәйкес әрекет ету іскерліктерін игерген адамдардың мінез – құлық таптаурын (стереотиптерін) қалыптастыру, дамыту және пысықтауға арналған.Оқушы – жастарға экологиялық білім мен тәрбие берудің жаңа тұжырымдамалық міндеттерін іске асыруда жаңа типтегі экологиялық білім беру жүйесі қызмет ететін нақтылы әлеуметтік, жергілікті жағдайларды ескеру өте маңызды. Әсіресе, ауылдық аумақтарда оқушыларға экологиялық тәрбие берудің бірқатар өзіне тән жақтары, осыған байланысты оңтайлы мүмкіндіктері, сонымен бірге қиындықтарын алдын ала көре білу бұл бағыттағы тәрбиелік жұмысты ұйымдастыру мен жүзеге асырудың тиімділіктің шарты болып табылады. Атап айтқанда, негізінен оқушыларға экологиялық білім мен тәрбие берудің мазмұны, формалары мен әдіс – тәсілдері оның нәтижелеріне қойылатын талаптардың жалпы бірдей болғанымен этноаймақтық ерекшеліктерді ескеру принципіне сәйкес қала мен ауыл мектептерінде балалар бойына экологиялық сана – сезім және мінездерді сіңіруді өзіндік айырмашылықтар болуын есепке алу керек. Басқаша айтқанда, ауыл мектептерінде экологиялық білім мен тәрбие беру міндеттерін іс-жүзіне асырудың өзіне тәндігін айқындап алу мәселесі алға қойылады.Халқымыздың түп-тамыры ауылдан басталады. Әсіресе, ұлттық мәдениетіміздің бесігі де ауыл. Шынайы мағынадағы табиғатқа үйлесімді тәрбие де ауылдан бастау алатындығы, ал, халық педагогикасының асыл мұралары да, ауылдық өмірде сақталып келгендігіне ешқандай күмән жоқ.Дана халқымыз: "Адам бір жылдығын ойласа, дән себеді, жүз жылдығын ойласа, ағаш отырғызады, ал мың жылдық ұзақ ғұмырын ойласа ұрпақ тәрбиелейді" деп келетін терең мағыналы сөзі бар. Осыдан-ақ, ата-бабаларымыздың жас ұрпақ тәрбиесіне, білімі мен өнер үйренуге &nbsp;деген көзқарасының қаншалықты жоғары болғандығын айқын аңғаруға болады. Бабалар жолын жалғап, бала жүрегіне ұлттық құндылықтар арқылы жол табу әрбір ұстаздың абыройлы міндеті болуы тиіс деп есептеймін. Біз сонда ғана, саналы ұлттың төріне еніп, болашақта іргесі берік, ұлттық рухы мықты ел боламыз. Осы орайда, Қазалы ауданына қарасты Сарыбұлақ ауылындағы №78 орта мектеп директоры Гүлдәурен Рахатдинқызы жеті жыл басшылық еткен білім ордасы жайлы баяндап берді.Оның мәлімдеуінше, Қызылорда облысы, Қазалы ауданы, Сарыбұлақ ауылындағы №78 орта мектебі ғимараты – 2015 жылы 100 орындық болып балалар игілігіне берілді. Мектепте – 30 педагог, 25 техникалық қызметкер жұмыс жасайды.<blockquote>– Жаңа мектепті ақ қабырға күйінде әріптесімнен қабылдап алдым. Бұл басшылықты 2017 жылдың тамыз айынан бастап тізгіндедім. Бұған дейін мектеп директорының бейінді оқыту жөніндегі орынбасары қызметінде – 10 жыл еңбек еттім. Жалпы, еңбек жолымды осы мектептен бастағанмын. &nbsp;1993 жылдан бері балаларға білім - тәрбие жолында жұмыс жасадым, – дейді Сарыбұлақ ауылындағы №78 орта мектеп директоры Гүлдәурен Рахатдинқызы.</blockquote>Ұстаз жолы - оңай емес әрине. Бала бағбаны бола білу - мұғалімнің басты &nbsp;міндеті саналады. Оларда осы еңбек жолында талай қиыншылықтар да болды. Ең қиыны - ауылдың шалғайлығы. Ауданнан – 120 шақырым қашықтықта орналасқан. Одан әрі жоқтан бар жасау деген осы уақытқа дейін белең алып келеді.– Жағдайы бар мектепте жұмыс жасаған сірә да, оңай болар деймін. Дегенмен, бар қиындықты еңсердік десем де болады. Қазіргі таңда мұғалімдер мен оқушылардың ізденіп, қызығушылығын арттыруға &nbsp; барынша жағдайлар жасалынды. Сылтауға айтуға жол жоқ. Мен өзім қашанда адалдық , шыншылдықты ту етемін. Осы адалдықты жаныма жалау еткеннен болар, &nbsp;ұжымда қашанда болмасын өзіндік орнымның болғаны деп ойлаймын. Үнемі қай орта да болсын осы бір сөзді жиі айтамын . " Қандай жағдайда да болмасын , адамның жақсы жағын көре біл" деуден жалыққан емеспін.Қазір адамдар барынша білімге ұмтылады. Әрине, бұл ретте адамға рухани қолдау керек. Ал, енді, бүгінгі сөз еткен басшылықта&nbsp;жасаған тәжірибем, әдіс - тәсілдерім арқылы жеткен жетістіктеріме қалай қол жеткіздім деген сауалдан бұрын, ең алдымен, мектеп басшысы болмастан бұрын, "Егер мен мектеп директоры болсам " деп , өз - өзіме алдымен, мақсат қойып , біршама жобаларды алдымен жоспарлап , одан басшы мандатын алған соң тағы бір өзіме сауал қойдым. Құлазып тұрған жұмыстарды реттеу үшін маған қанша уақыт керек? Бір жыл... жо жоқ! Үш жыл уақыт керек. &nbsp;Міне , сол мақсатымды басшылық тізгінін қолға алған күннен бастап іске асырдым. &nbsp;Әрине , ең алдымен, ұжымды бірлікке үндей отырып , тәлімді тәрбие орталығына айналдырдым, – дейді Гүлдәурен Рахатдинқызы.Оның ойынша, талап бар жерде - тәртіп бар деп әрі қарай &nbsp;өзі іштей жоспарлаған мақсатын іске асыратын уақытты құр жұмсамаған. Сол мақсаттарын іске асыру үшін әр пән мұғалімдерін бейініне &nbsp;, жұмыс атауларына қарай топтастыра білген.&nbsp;<blockquote>– Әрбір азаматтың парызы өз туған өлкесінің тарихын, әдебиетін, мәдениетін білуге, оны дәріптеуге міндетті. Айтар болсам, туған жеріміздің айналасы тұнған тарих. Киелі жер-су мекендері. Міне, осыдан барып мектеп жұмысын ұлттық құндылыққа негіздедім. Яғни, басшылық қызметімнің басты мақсатын ұлттық құндылықтарды дәріптеу, мектеп қоғамында салт-дәстүріміз бен әдет-ғұрпымызды төл мәдениетімізді насихаттаумен байланыстыра отырып, алты &nbsp;бағытқа негіздеп, жұмыс жоспарын жасап, жүзеге асырдық. Әрине, ауызбіршілік, ынтымақтың арқасында деп білемін, – деп өз жан-дүниесімен бөлісті мектеп директоры.</blockquote>Бүгінгі таңда мектебіміздің жарқын жұмыстары бірізді жолға қойылған. Әр бағыт бойынша арнайы кабинеттер жасақталған. Кабинеттер өз дәрежесінде үнемі &nbsp;жұмыс жасайды. Мұғалімдердің жайлы жұмыс жасауына барынша жағдайлар жасалынды десек артық айтқандық емес. Атап айтқанда, мектеп оқушыларының шығармашылық қабілетін дамыту және олардың зерттеушілік бейімін жетілдіру мақсатында өлке тарихын ұғындыра отырып, туған жерге сүйіспеншілікті оқушы бойына сіңіру &nbsp;мақсатында құрылған."Жас жиһангез" жас өлкетанушылар клубы, туған өлке айналысындағы тарихи ескерткіштер мен киелі жер - су мекендерімен таныс болу мақсатта &nbsp;өскелең ұрпакты тәрбиелеу арқылы саяхат сабақтар ұйымдастырылады. Мектеп жанынан өлкетану мұражайы 2020 жылы ашылды. Мұражайда ата - бабалардан қалған көне жәдігерлер, тарихи ескерткіштер маңынан табылған көне бұйымдар орналастырылған. Өлкетану бағыты бойынша "Жасыл мектеп" жобасы аясында гидропоника кабинеті жұмыс жасайды. &nbsp;Су және топырақ арқылы өнімдер егіледі. Қазалы ауданында &nbsp;гидропоника кабинетінің жұмыстары таныстырылды. Одан әрі "Руханият" әдеби танымдық клубы. Басты мақсат – ұлттық педагогика жаухарларының еңбегін ұрпақ бойына сіңірту болып табылады. 5-11сыныптар аралығында танымдық сабақ ретінде жүргізіледі.5-сынып - Ыбырайтану, 6-сынып - Абайтану, 7-сынып - Шоқантану, 8-сынып - Ахметтану, 9-сынып - Міржақыптану, 10-сынып Мағжантану, 11-сынып - Жүсіпбектану.Әзірге танымдық сабақтың жоспарларын сынып жетекшілеріне &nbsp;ықшамдап, жоспарлы түрде берілді .Ұлттық педагогикамызға негізделген танымдық сабақтың жоспарын авторлық негізде &nbsp;қарастырылып, әлде де, &nbsp;толықтырылуда. Ұлттық спорт түрлері аркылы салауатты өмір салтын қалыптастыру үшін "Жамбы" ұлттық спорт клубы бар. Бұл арқылы балаларды ұлттық ойындар арқылы салауттылыққа баулиды.Ал, "ұлттық салт-дәстүр" деген ұғымды іздесең, тек ауылдан табылатыны сөзсіз. Біз ұлттық құндылығымызды күнделікті өмірмен байланыстырмасақ, ұлттық дәстүрімізді дәріптемесек, бұл бізге - үлкен сын. Сондықтан, оқушыларды өздігінен ізденіп, ұмыт болып бара жатқан өнерді қайта жандандырып, оның шығу тарихын, қалай пайда болғанын түсініп ғана қоймай, оларды өз қолдарымен жасап, сәндік – қолданбалы өнерді қайта жаңартуға, оған жаңа мазмұн беруге баулу мақсатында "Асыл мұра" клубында "Тұмар" әкелер және&nbsp;"Ісмер" аналар &nbsp;мектебі, " Даналық мектебі " шәкірттердің рухани дүниесін байыта отырып, қазақ халқының өнеріне деген сүйіспеншілігін арттыру,&nbsp;мәдениетімізді құрметтеуге үйрету барысында үйірме жұмыстар арқылы өз дәрежесінде &nbsp;жұмыс жасауда. Өрмек тоқу , ши тоқу тағы басқа қолөнер түрлері қамтылған. Келесі жұмыстар оқушылардың &nbsp;әртістік шеберліктерін дамыту мақсатында "Тағылым" мектеп театры жобалары жүзеге асқан болатын. Жүйелі жұмыс қашан да, өз жемісін береді. Аз ғана жылдың ішінде мектеп ұжымы жақсы нәтижелерге қол жеткізе алды. Ең үздік қойылым Шерхан Мұртазаның "Домалақ ана" қойылымы аудандық деңгейде аудан орталығындағы мәдениет үйінде сахналанып, " Көрермен көзайымына " айналды.Келесі бағыт&nbsp;"Өркениет" жас ғалымдар мектебі. Бұл мектептің жұмысы ғылыми жобалар байқауы бойынша аудандық, облыстық кезеңдерінің жеңімпазы атанып, соңғы бес жылдықтағы тұрақты қатысушысына айналды."Сарыбұлақ боры" атауымен дала шпаты шикі өнімдерінен мектеп құралының бірі - бор өнімі бірнеше рет облыстық, аудандық деңгейде &nbsp;қорғалды. &nbsp;"Сарыбұлақ ауылы аймағындағы топономикалық атаулар" жобасымен облыстық ғылыми жобалар байқауында жүлделі болса, "Тұздыкөл құпиясы" жобасымен Қорқыт Ата атындағы Қызылорда Университетінің оқуға 50 процент жеңілдік грантын жеңіп алды. Ал, Ащыбұлақ суының емдік қасиетінің пайдасы тіптен ерекше болды. Жас ғалымдардың зерттеу жұмыстарымен айналысуға жақсы жағдай қарастырылып, осы бағытта &nbsp;"Өркениет" жас ғалымдар мектебі пайдалануға берілді. Бұдан бөлек, ауылдық клубпен меморондумға сәйкес, оқушыларға мектептен арнайы домбыра үйірмесі ашылып, жұмыс жасауда. Әр бағыт бойынша жауапты жетекшілер мен мүшелері&nbsp;бекітілген. Ұлттық құндылықтарды насихаттап, кейінге тарату арқылы бабалар өсиетін, аталар аманатын, ағалар ақылын бойтұмар қылатын намысты ұл мен әженің өнегесі мен ананың тәлімі дарыған текті қыз тәрбиелей аламыз. Біз әрқашан өз дәстүріміз бен ата жолынан жаңылмай жалғайтын болсақ, келер &nbsp;ұрпақ өмір сүріп жатқан кездерден де, жарқын болашақта өмір сүре алатынына &nbsp;сенім мол.

Гүлдәурен Рахатдинқызы: Ұлттық құндылық - ұлт қазынасы

Мұғалім мәртебесі басты назарда

<a href="https://kyzylorda-news.kz/">Kyzylorda-news.kz</a> Бұл білім ордасының бала тәрбиесі мен білім беру жолындағы тарихы тоғыз жылды қамтиды. 2015 жылдың 1 қыркүйегінде Қызылорда қаласы әкімдігінің №4136 қаулысымен &nbsp;қалалық &nbsp;білім бөлімінің &nbsp;«№278 орта мектебі» &nbsp;коммуналдық мемлекеттік мекемесі болып ашылған болатын.&nbsp; Араға 4 жыл салып аталған білім ұясына қала әкімдігінің №13513 қаулысымен &nbsp;«Қызылорда қаласы білім бөлімінің №278 ақпараттық технология мектеп-лицей (ІТ-мектеп-лицей) коммуналдық мемлекеттік мекемесі атауы беріледі. Ал Қызылорда облысы әкімдігінің 2021 жылғы 28 маусымдағы &nbsp;№291 қаулысымен &nbsp;және Қызылорда &nbsp;облысының қаржы басқармасының 2021 жылғы 3 шілдедегі №859 қаулысымен «Қызылорда облысының білім басқармасының Қызылорда қаласы бойынша білім бөлімінің Байзақ Момынбаев атындағы №278 ақпараттық технология мектеп-лицейі (ІТ-мектеп-лицей)» коммуналдық мемлекеттік мекемесі болып өзгертіледі. Мектеп тарихы осылай өрбіді. Білім көкжиегіндегі іргесінің қаланғанына санаулы жылдар өтсе де &nbsp;Байзақ Момынбаев атындағы №278 ақпараттық технология мектеп-лицейі облыс орталығында өзге де білім ошақтарымен иық тіресе алатындай білімі мен тәрбиесі жақсы нәтиже көрсеткен мектептің бірі. Үш қабатты типтік жобада салынған мектеп ғимараты 900 орынға арналған.&nbsp; Білім беру үрдісі бүгінде заман талабына сай күн сайын түрлі өзгерістер мен үдерістерге толы. Қатардан қалмай сенім артқан ата-ана мен білім аламын деген оқушының бойына сапалы білім мен тәрбиені ұштастыра отыра сіңіруің керек-ақ. &nbsp;Бұл ретте барлық білім ошақтарына қойылатын талап бір. Десе де артылған сенім жауапкершілікпен атқару бәріне ортақ дүние емес.&nbsp; Бүгінде білім ордасы оқушыларды түрлі бағытта дамытып келеді. Әсіресе, мектеп атына сай ІТ саланы меңгергісі келетін шәкірттері үшін берер мүмкіндігі зор. Білім ұясынан нәр алған оқушылар түрлі олимпиадалар мен сайыстардың жеңімпазы атанып, ұстаз еңбегін ақтап келеді. Сондай-ақ түрлі ғылыми байқауларда да топ жарып мектеп абыройын асқақтатуда.&nbsp; Ал білім ордасының ұжымы, ұстаздар қауымы білімді, саналы жас ұрпақты қалыптастыру жолында тынбай, аянбай еңбек етіп келеді. Шәкірттерінің заманға сай дамып, өсуі үшін білім беру бағдарламасындағы барлық талапқа сәйкес үйретуге, дағдыландыруға машықтанған.&nbsp; Ұл ұстазы болған Ахмет Байтұрсынов үлгілі мектеп пен ұстаздың бойында болуы тиіс қасиетті айшықтап берген емес пе?.. Білімсіз күнің жарық болмайтыны бүгінгі таңда айқын көрінеді. Қазір ақпарат пен технологияның дамыған заманы. Сәт сайын әлемде небір өзгеріс, жаңашылдық орын алып жатады. Ал сол өркениеттен қалыс қалмау бүгінгі заманның басты талабына айналғандай. Әсіресе, ғылым мен білімнің дамуы кемел болашақтың кепілі екендігін уақыт өзі дәлелдеп келеді. Бұл ретте барша ұстаздар қауымы мен оқушыға артылатын жүк орасан зор. Ал Байзақ Момынбаев атындағы №278 ақпараттық технология мектеп-лицейі осындай үдерістен кеш қалмауға, көшпен бірге сап түзеуге бет алған, соның нәтижесінде аз уақыт ішінде өзіндік орнын қалыптастырған білім ошағы десек артық болмас.&nbsp; Бүгінде аталған білім ұясында түрлі бағыттағы пилоттық жобалар жүзеге асып келеді. Мәселен, Қызылорда облысының Білім басқармасының 2021 жылғы 31 наурыздағы №24 &nbsp;бұйрығына сәйкес, «Кәсіпкерлік мектебі» пилоттық жобасы аясында оқу-өндірістік комбинаты ашылған. Мұнда оқушылар кәсіпкерлік саласы туралы ақпарат алып қана қоймай, оның бағыт-бағдарын бағамдауға мүмкіндік алады. Соынмен қатар 2021 жылы &nbsp;ҚР білім және ғылым министлігінің қосымша білім беру департаментінің директоры, вице министрі Райса &nbsp;Петровна &nbsp;Шер білім ордасына арнайы ат басын бұрып, мектептің хал-ахуалы, біліс саласындағы мүмкіндігін саралап кеткен болатын. Ал 2022 жылдың мамыр айында ҚР Білім және ғылым министрлігінің техникалық мамандықтар бөлімі бойынша вице-министр Ш.Каринова «Кәсіби білім беру» пилоттық жобасы бойынша алғашқы түлектерге куәлік тапсырады.&nbsp; 2021-2022 оқу жылы бойынша бітіруші түлектердің дәстүрлі &nbsp;«Соңғы қоңырау» жиынына Қызылорда облысының әкімі Нұрлыбек Мәшбекұлы Нәлібаев қонақта болды. Нұрлыбек Мәшбекұлы мектеп түлектеріне жылы лебізін білдіріп, сәт-сапар тіледі. Бұл да өз кезегінде аталған бідлім ошағының айшықты орны барын айқындап берді.&nbsp; Мектеп мәртебесін асқақтатуда ұстаздар берген білімді бойға сіңіріп, тәлімін көпке танытып жүрген оқушылар да жетерлік. Мәселен, 2023-2024 оқу жылында Ө.Жолдасбеков атындағы ХІV Халықаралық математика және механика бойынша &nbsp;зерттеу жобалары конкурсында математика секциясы бойынша ұстазы Махамбетжанова Жанардың жетекшілігімен Мадияр Нұртуған ІІІ орын иегері атанса, республикалық «Зерде» зерттеу жұмыстары мен шығармашылық жобаларында 7 сынып оқушысы Ибрайм Ералы жеңімпаз атанып, жетекшісі Айменова Венераның мәртебесін биіктетті. Сонымен бірге жалпы білім беретін пәндер бойынша 5-6 сынып оқушыларына арналған олимпиаданың &nbsp;қазақ тілі пәні бойынша қазақ тілі пәнінің мұғалімі Утамбетова Оразкул жетекшілік жасаған Абдуалиева Салтанат республикалық кезеңнің жеңімпазы атанды.&nbsp; Бала тәрбиесі ісінде тек сапалы білім мен өнегелі тәоім-тәрбиенің қазығын қаққан мектеп ұжымы осылайша талай бәйгеден топ жарып, аймақ, қала, мектеп абыройын асқақтатып келеді. А.Сейіл

Қызылорда: Тоғыз жылда топ жарған білім ордасы

<a href="https://kyzylorda-news.kz/">Kyzylorda-news.kz</a>&nbsp; Елімізде жаңартылатын энергия көздерін дамыту өте өзекті. Ғалымдар бұл бағытта іргелі зерттеу жұмыстарын жүргізуде.Осы орайда Қорқыт ата атындағы Қызылорда университеті, «Электр энергетикасы, техносфералық қауіпсіздік және экология» білім беру бағдарламасының жетекшісі, техника ғылымдарының кандидаты&nbsp;Гүлнар Сыдықовамен сұхбаттастық. Ғалым жуырда «500 ғалым» жобасы аясында Әзірбайжанда ғылыми тағылымдамадан өткен болатын.– Әзірбайжандағы ғылыми тағы­лымдама барысында энергияның жаңартылатын баламалы көздерін табу бойынша шетелдік ғалымдармен бірқатар ғылыми шара өткізілді. Тың жаңалықтар көп болды ма?<blockquote>– Тағылымдама жоспарына сәйкес Әзірбайжан Республикасындағы жер гілікті ресурстарды пайдалану арқылы энергияны үнемдеу, жаңар­тылатын энергияның заманауи технологияларының әдістерін тиімді пайдалану, энергиямен жабдықтау жүйелерінің құрылымын оңтайландыру бойынша бірлескен ғылыми зерттеу жұмыстары жүргізілді. Әзірбайжан мен Қазақстандағы энергетикалық ауысуларға мониторинг жасалып, стратегиялық салдарларына зерттеу жүргізілді. Бірлескен жұмыс нәтижесінде жаңартылатын энергия көздерін пайдалану арқылы энергиямен жабдықтау жүйелерінің құрылымын оңтайландыруға ұсынымдар әзірленді.</blockquote>– Жаңартылған баламалы энергия, оның түрлері туралы айтып берсеңіз… Мұндай құрылғылар аймақта қолданысқа кеңінен енді ме? Білуімізше, университетте де күннен энергия алатын құрылғы бар…<blockquote>– Жергілікті және жаңартылатын энергия ресурстарын кеңінен қолдана отырып, өнеркәсіптік кәсіпорындар мен ауылдық елді мекендерді энергиямен қамтамасыз етудің энергетикалық қауіпсіздік деңгейін арттыру мәселесі өте өзекті.Отын-энергетикалық кешенге жаңартылатын энергия көздерін тарту, электр энергиясын өндіруге, таратуға және тасымалдауға кететін шығындарды азайту кезек күттірмейтін мәселе. Шаруашылық салаларында энергия үнемдеу және тиімділігін арттыру, қоршаған ортаға антропогендік жүктемені азайту мәселелері де алдынғы кезекте тұруы тиіс.Географиялық орны мен климаттық жағдайына байланысты Қызылорда облысының күн энергиясын өндіруге зор әлеуеті бар. Күн радиациясының ұзақтығы жылына 2800-ден 3000 сағатқа дейінгі уақытты құрайды.Осы артықшылықты ескере отырып, облыста жаңартпалы энергия көздерін пайдалануға көп көңіл бөлінуде. Бүгінде Қызылорда облысында жалпы қуаты 89 МВт тоғыз күн электр станциясы (КЭС) бар. Оның үшеуі салыстырмалы түрде шетелдіктердің қатысуымен салынған ірі станция болып саналады. Олар – Шиелі ауданындағы Қазақстан-Британдық «Baikonyr solar» компаниясының қуаты 50 МВт күн электр станциясы, Жалағаш ауданындағы «Total Eren» француз компаниясының қуаты 28 МВт күн электр станциясы және Жаңақорған ауданындағы ресейлік «Хевель» компаниясының қуаты 10 МВт зауыты. Сондай-ақ, қуаты 20 МВт болатын күн электр станциясын Арал ауданында салу жұмыстары жүргізілуде.Қазір Қорқыт ата атындағы Қызылорда университетінің №5 оқу ғимаратының жанында қуаты 18 кВт күн-жел электр станциясы іске қосылып, оқу ғимараты мұқтаждығының бір бөлігін өтеуде. Сонымен қатар, бұл станция білім алушылар мен жас ғалымдардың ғылыми-зерттеу жұмыстарын жүргізуіне мүмкіндік беруде.</blockquote>– Отандық кәсіпорындарда инженерлік білімі бар мамандарға сұраныс жоғары. Жастарды бұл салаға қызықтыру мақсатында қандай жұмыстар атқарылуда?<blockquote>– Дәл қазір баламалы энергия және жаңартылатын ресурстар саласындағы білікті мамандарға қажеттілік күннен күнге артуда. Әлемдік нарықта оларға деген сұраныс жыл сайын 15-20 пайызға жоғарылайды деп күтілуде.Университетімізде жаңартылатын энергия көздерін стратегиялық басқару және энергия тиімділігі саласында стратегиялық, инновациялық менеджмент дағдыларын пайдалана отырып, жаңартылатын энергия нысандарын басқара алатын жоғары білікті мамандарды даярлауға бағытталған магистратураның «Жаңартпалы энергетика» білім беру бағдарламасы жұмыс істейді. Болашақ мамандардың практикалық дағдылары, кәсіби құзыреттіліктері облыс аумағындағы күн электр станциялары нысандарында қалыптасады.Сонымен қатар, алыс-жақын шетелдік ғалымдардың қатысуымен жыл сайын дәстүрлі түрде «Энергия мен ресурс үнемдеуші технологиялар: тәжірибелер және келешегі» тақырыбында халықаралық конференция ұйымдастырылады.Дәстүрлі түрде жыл сайын электр энергетикасы мамандықтарының білім алушылары арасында «Жас электрик» облыстық турнирі өтеді. Аталған шараның нәтижесінде білім алушыларға кәсіби бағдар бойынша түсіндірме жұмыстары жүргізіледі.</blockquote>– Қорқыт ата университетінің білім алушылары осы сала бойынша академиялық ұтқырлықпен өзге оқу орындарында тәжірибе жинақтай ала ма?<blockquote>– Қазір студенттердің академиялық ұтқырлығын тиімді ұйымдастырудың маңызы зор. Осы орайда университеттің «Электр энергетикасы», «Өміртіршілік қауіпсіздігі және қоршаған ортаны қорғау» және «Экология» білім беру бағдарламаларының білім алушылары көршілес мемлекеттердің іргелі оқу орындарында аталған бағдарлама бойынша білім алуда.</blockquote>– Өзіңіздің ғылыми зерттеу жұмыстарыңыз туралы айтып берсеңіз…<blockquote>– Үш айлық ғылыми тағылымдама барысында Әзірбайжандағы жаңартылатын энергия көздерін (ЖЭК) пайдаланатын нысандардың жұмыс ерекшеліктерін зерттедік. Ел шаруашылығының тұрақты дамуы үшін жаңартылатын көздерді пайдалану арқылы энергия ресурстарының ұтымды құрылымы негізделді.Энергия ресурстарының ұтымды құрылымының жаңартылатын көздермен алмастырылатын энергияның тиімді үлесіне тәуелділігі анықталды. Ауыстырылатын энергияның үлесін анықтау үшін функционалдық құрылым қарастырылады. Біріктірілген энергиямен жабдықтау жүйесінде жаңартылатын энергияны пайдаланатын ішкі жүйенің жұмыс істеуінің жалпыланған моделін ұсыну да алға қойған жұмыстардың бірі.Тағылымдама бағдарламасына сәйкес Баку қаласында былтыр желтоқсан айында өткен «Машина жасау және энергетика: жаңа концепциялар мен технологиялар» II Халықаралық ғылыми-практикалық конференцияда «Энергия тиімділігі тұрақты даму драйвері ретінде: Әзірбайжан мен Қазақстан мысалында» және «Қазіргі жел электр қондырғыларының жұмыс тиімділігін талдау» тақырыптарында екі баяндама жасалды. Бұл мақала швейцариялық «Trans Tech Publication» баспасының беделді реферат және индекстеу жүйелеріне (деректер базаларына) енгізілген журналда жарияланды. Сонымен қатар, жоғары оқу орнының білім алушыларына арналған «Жел энергетикасы негіздері» оқу құралы дайындалды.Айта кету керек, қазір жас ғалымдар мен магистранттар Қызылорда өңірінде ауыл шаруашылығы тұтынушыларын энергиямен қамтамсыз ету үшін күн фотоэлектрлік қондырғыларының тиімділігін арттыру мәселелерін зерттеуде.</blockquote>– Сұхбат үшін рақмет!&nbsp;Әңгімелескен Айдана ЖҰМАДИНОВА

Қызылорданың күн энергиясын өндірудегі әлеуеті зор

<a href="https://kyzylorda-news.kz/">Kyzylorda-news.kz</a> "Қазақстан мұғалімі" 2024 ұлттық сыйлығына (National Teacher Prize Kazakhstan) қатысуға өтінімдер қабылдау басталды, деп хабарлайды BAQ.KZ тілшісі.Бұл бірегей іс-шара мұғалімдердің көрнекті жетістіктерін атап өтіп қана қоймай, сонымен қатар бүкіл Қазақстан бойынша оқытудағы шығармашылық әлеуетті ынталандыруға, жаңа құзыреттер мен мүмкіндіктерді қалыптастыруға арналған.Кім қатыса алады?Бастауыш және орта мектептің мұғалімдері сыйлыққа қатысып, еліміздің үздік мұғалімдерінің қатарына қосылу мүмкіндігіне ие бола алады. Үздіктердің үздігі, ТОП-10 мұғалім әлемдік деңгейге өтіп, "Әлем мұғалімі" жаһандық сыйлығына үміткер болады. Үздік мұғалімдер жаһандық сыйлықтың бас жүлде қоры – 1 миллион долларға таласады.Өтінішті қашан және қалай беруге болады?Өтініш беру 2024 жылғы 22 сәуірден 22 маусымға дейін ашық болады. Қатысу үшін әрбір үміткер https://www.teachers-summit.org сайтында өтінім формасын толтырып, бейнеролик және шығармашылық эссе бекітуі керек. Сондай-ақ комиссияның іріктеуінен өту үшін қатысушылар келесі шарттарға сай болуы керек:кемінде үш жыл жұмыс тәжірибесінің болуы; алдағы 5 жыл ішінде оқытушылық қызметте қалуды жоспарлау; 5 жастан 18 жасқа дейінгі балаларға сабақ беретін мұғалім болу, Балаларды бетпе-бет оқытуға аптасына кемінде 10 сағат жұмсау; осыған дейін Сыйлық жеңімпазы болмау; осыған дейін Сыйлықтың ТОП-10 финалист қатарында болмау.Бұған дейін қазақстандық ұстаздар әлемнің ТОП-50 мұғалімінің қатарына екі мәрте енген болатын, енді еліміз межені бұдан да жоғары көтеруге дайын. Биылғы жүлде қоры рекордтық 20 миллион теңгені құрап, бұл шараның маңызы мен мәнін айқындайды.Іс-шараның серіктесі "Әлем мұғалімі" жаһандық сыйлығын ұйымдастырушы - Варке қоры. Біріккен Араб Әмірліктерінің вице-президенті - Премьер-министрі және Дубай әмірі Мәртебелі шейх Мұхаммед бен Рашид Әл Мактумның бақылауымен өтетін бұл шара ынтымақтастық пен білім берудегі негізгі алаңға айналып келеді. Иорданияның Мәртебелі патшайымы Рания Аль Абдулла, Билл Гейтс, Билл Клинтон, Тони Блэр секілді әлемдік тұлғалардың қолдауы шараның маңыздылығын дәлелдейді."Қазақстан мұғалімі" ұлттық сыйлығы қандай сыйлық?"Қазақстан мұғалімі" ұлттық сыйлығы "Әлем мұғалімі" жаһандық сыйлығының бір бөлігі және білім беру мен қоғамға айтарлықтай үлес қосып жүрген мұғалімдердің көрнекті жетістерін айшықтауға арналған. Ұйымдастырушылар іріктеу кезеңінің және аудиторлық компанияның бағалау үдерісінің ашықтығын бақылауды қамтамасыз етеді.Сыйлықтың биылғы басты ұйымдастырушысы Inclusive Development Foundation (Инклюзивті даму қоры) корпоративтік қоры.Inclusive Development Foundation дамушы елдердегі адами капитал мен білім сапасын дамытуға ерекше көңіл бөледі. Ол сондай-ақ халықаралық сарапшыларды шақырып, ашық диалогты ілгерілете отырып Nobel Fest, Teachers’ Summit және New Vision секілді ауқымды білім беру мен ғылыми-инновациялық жобаларды ұйымдастырушысы.2023 жылы Астанада алғаш рет Нобель фестивалі аясында «Білім беруді жаңарту» атауымен мұғалімдердің бірінші саммитіөткен болатын. Оған 2 мыңнан астам мұғалім қатысып, «Әлем мұғалімі» жаһандық сыйлығының жеңімпаздары мен үміткерлерінің, сондай-ақ математика/STEM бойынша Lesson Study халықаралық сарапшылардың шеберлік сыныптарының арқасында практикалық дағдылар мен білім алды.Фото: Оқу-ағарту министрлігі

"Қазақстан мұғалімі" атанған педагогке 20 млн теңге беріледі

<a href="https://kyzylorda-news.kz/">Kyzylorda-news.kz</a> Қазіргі кезде төтенше жағдайлар қызметіне қызығушылық танытып, оқуға талаптанған мектеп оқушылары артып келеді. Осы орайда, Сырдария ауданына қарасты №36 Ә.Тәжібаев атындағы мектеп-лицейі жанынан «Жас құтқарушылар» кадет сыныбы ашылған болатын. Бүгінгі таңда оқушылар құтқарушылардың әдіс-тәсілдерін, саланың қыр-сырын кәсіби тұрғыда меңгеруде.Бұрнағы күні аудандық төтенше жағдай бөлімі қызметкерлері «Жас құтқарушылар» кадет сыныбының оқушыларын Қызылорда қаласындағы төтенше жағдайлар депаратаментінің мұражайына және жедел құтқару жасағының мекемесіне экскурсияға апарды. Аға анықтаушы азаматтық қорғау аға лейтенанты Ә.Кенжеев пен бөлімнің инженері азаматтық қорғау лейтенанты Ә.Мұқтар мұражай мен жедел құтқару жасағының қызметімен таныстырды.<blockquote>– Экскурсияны ұйымдастырудың мақсаты – жас құтқарушылардың бойына отансүйгіштік, патриоттық қасиетті қалыптастырып, төтенше жағдайларда дұрыс әрекет етуге, құтқару жұмыстарының әдіс-тәсілдерін меңгеруге, құтқарушы тәсілдері арқылы саламатты өмір салтының дағдыларын меңгеруге бағыт-бағдар беру. Бүгінгі іс-шарада кадет сыныбының оқушыларына азаматтық қорғау саласындағы құтқарушылардың тыныс-тіршілігі таныстырылды. Құтқару жасағының судағы және басқа да төтенше жағдайлардың алдын алу бойынша құралдарымен таныстыру жұмыстары ұйымдастырылды. Экскурсия барысында жас құтқарушылар жылдамдық пен жауапкершілікті талап ететін саланың қыр-сырын үйреніп, психологиялық дайын­дықтан өтуге мүмкіндік алды. Алдағы уақытта осындай іс-шаралар өз жалғасын табатын болады, – дейді аудандық төтенше жағдайлар бөлімінің бастығы Қанат Шарафадинов.</blockquote>Іс-шара соңында оқушылар өз алғыстарын білдіріп, «Кұтқарушы» кім және қаншалықты өз өмірімен тәуекел ететін қызмет екендігін түсінді. Жас құтқарушыларға бұл экскурсия алдағы уақытта мамандық таңдауға оң ықпалын тигізетінін болады.

«Жас құтқарушылар» кадет сыныбының оқушыларына экскурсия ұйымдастырылды

<a href="https://kyzylorda-news.kz/">Kyzylorda-news.kz</a> «Айбын» әскери-патриоттық жиыны жастар талап ететін сандық технологиялармен байланысты әскери-патриоттық тәрбиенің жаңа нысандарын жасауға және өскелең ұрпақтың ел азаматының жоғары патриоттық сезімдері мен адамгершілік қасиеттерін қалыптастыруға ықпал етеді.&nbsp; &nbsp;Сайыстың мақсаты – Қазақстан Республикасында әскери-патриоттық жұмыстарды жетілдіру болып табылады. Оған қатысушы жастардың қызығушылығы күн сайын артып, «Жас сарбаз» қозғалысының қатары толығуда. Жылдамдық пен ептілік, төзім мен күш сыналатын бәсеке осы жылы да өз жалғасын таппақ. ҚР Қорғаныс министрлігінің қолдауымен Алматы қаласында «Айбын» халықаралық әскери-патриоттық жастар жиыны өткізіледі. Осы орайда, халықаралық жиынға қатысатын облыстық команданы қалыптастыру мақсатында облыстық әлеуметтік жобасы аясында «Қызылорда облысының қоғамдық даму басқармасының «Жастар ресурстық орталығы» КММ және «Қызылорда облысының жастар одақтары» ҚБ-нің ұйымдастыруымен Б.Момынбаев атындағы №278 ақпараттық-технологиялық мектеп-лицейінде облыстық іріктеу туры өтті. Оған аймаққа қарасты аудандар мен қаладан 8 команда жасақталып, 8 түрлі сайыс бойынша бақтарын сынады. Атап айтсақ пневматикалық винтовкамен ату, АК-74 қаруын бөлшектеп және жинақтау, белтемірде тартылу, шалқалап жатып денені көтеру, әскерилендірілген эстафета, ұлдар арасында3000 метр жүгіру, қыздар арасында 1000 метр жүгіру, арқан тарту сайыстары бойынша оқушылар сынға түсіп, бақ сынады. Сайыс қорытындысымен жалпы командалық есеп бойынша бас жүлде Қызылорда қаласына бұйырса, I орын - Арал ауданы, Ii орын - Жаңақорған ауданы, IІІ орын - Сырдария ауданы иеленді. Ал бас жүлде иеленген Қызылорда қаласының командасы республикаға жолдама алды. Сондай-ақ, әр сайыстан үздік атанған жастар да марапатталып, арнайы сыйлықтар табысталды. &nbsp;

Қызылордалық оқушылар бас жүлде иеленді

<a href="https://kyzylorda-news.kz/">Kyzylorda-news.kz</a> Қазақ халқының нағыз азаматын тәрбиелеп өсіру негіздерін қалыптастыратын тұңғыш мектеп – ол балабақша. Балабақша келер ұрпақты еңбекке, өнер-білімге, елінің ар намысын қорғауға және ізгі адамгершілік ниеттерге баулиды. Келешек ел басқарар, жер суына иелік етер, ел халқын гүлдентер, мерейін өсіріп, мәртебесін биіктетер жасампаз жандарды шыңдап өмірдің ең басты сатысын қалайтын киелі ұя. Осындай балабақшаның бірі – Қармақшы ауданы Дүр Оңғар ауылындағы №11 бөбекжай-бақшасы. Бұл ұжым келешек ұрпақтың тәрбиелі болып өсуіне қызмет етуде.&nbsp;Бүгінде балабақшада кіші «Балапан», ортаңғы «Жұлдыз», ересек «Күншуақ», аралас «Қызғалдақ» топтарында 90 бүлдіршін тәрбиеленуде.&nbsp;<blockquote>– Балабақшамыздың жақсы жетістіктерге жетуі, әрбір тәрбиешінің өз еңбегінің нәтижесімен, жаңалығымен біліктілігі мен білімдерінің арқасы деп білеміз. Қазіргі таңда жалпы 34 қызметкер, оның ішінде 15-і педагог (барлығы жоғары &nbsp;білімді), 19 техникалық қызметкер жұмыс істейді. Педагогтар біліктілік санаты бойынша педагог-сарапшы – 2, педагог-модератор – 10, басшы-ұйымдастырушы – 1. Бөбекжай-бақшамызда логопункт қызметі бар, онда арнайы логопед маманы сөйлеу тілінде кемшіліктері бар 13 баламен түзете-дамыту жұмыстарын жүргізеді. Балабақша ұжымының әрбір қызметкерлерінің міндеті – күнделікті тәрбиеленуші бүлдіршіндерге бақыт сыйлау. «Үйренер нәрсең – білім мен мейірімділік» деп, Жүсіп Баласағұн айтқандай балабақша ұжымы әрбір күнін ізденіспен өткізеді. Балабақшамыз «Мектепке дейінгі тәрбие мен оқытудың үлгілік оқу бағдарламасы» бойынша оқу-тәрбие жұмыстарын қазақ тілінде жүргізеді. Балабақшамыздың жетістігі де жетерлік, – дейді бөбекжай-бақшасының меңгерушісі Рая.</blockquote>Бөбекжай-бақшаның педагогтары мен тәрбиеленушілері түрлі байқауға қатысып, бақ сынаудан қалыс қалған емес. Биыл Республикалық Балаларды ерте дамыту институтының ұйымдастырған «Әжем, анам және мен» республикалық байқауының аудандық кезеңінен ересек «Күншуақ» тобының бүлдіршіні Жібек Сламхан, жетекшісі Зада Қошқарова &nbsp;бас жүлдені жеңіп алса, «Ғарышкерлер» республикалық байқауының аудандық кезеңінен аралас «Қызғалдақ» тобының тәрбиеленушісі Кәусар Мейрамбек, жетекшісі Индира Демесова жүлделі ІІ орын иеленген. Әбілхан Қастеевтің туғанына 120 жыл толуына орай өткізілген Республикалық «Бояулар құпиясы» байқауына аралас «Қызғалдақ» тобының бүлдіршіні Әлфия Алмабек (жетекшісі Нағима Қожабаева) І орынмен марапатталды. Республикалық «Барлығына рахмет» челленджіне тәрбиеші Демесова Индира қатысып алғыс хатпен марапатталды. Білім ұясының мұнан да өзге ауыз толтырып айтарлықтай жетістігі баршылық.&nbsp;Сондай-ақ балабақша ішіндегі әрбір бұйым тәрбиешілердің қолынан шыққан. Тағы бір айта кетерлігі, әр топқа Ұлттық бұрыш қойылған. Мобильді кітапхана да қамтылған. Заман талабына сай білім мен тәрбие беріп, ждүйелі жұмысымен ел алғысына бөленіп отырған балабақша балалардың саялы мекені. Алдағы уақытта да ізденімпаз ұжым шығармашылық өсу жолында аянып қалмақ емес. &nbsp;

Ауыл бүлдіршіндерін шаттыққа бөлеген балабақша

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапхана жүйесіне қарасты №1 кітапханада «Адал Адам» мәдени-тәрбие орталығының «Әлем ВООК» жобасы аясында 7 мамыр Отан қорғаушылар күніне орай «Ел ертеңі-бүгінгі жас ұрпақ» және Кеңес Одағының батыры Әлия Молдағұлова 100 жыл толуына орай «Әлия-батыр қызы сен халқымның» атты ерлік сағаты ұйымдастырылды.Өскелең ұрпаққа ата-баба ерлігі мен бүгінгі бейбіт заманның қадірін ұғындыру, батырларды&nbsp;мәңгілік ел есінде сақтау мақсатында ұйымдастырылған шараға қаладағы 5547 әскери бөлімінің жеке атқыштар ротасының взвод командирі, лейтенант Р.Молдаш сарбаздарымен, «ОRDA» жоғары колледжінің Алғашқы әскери және технологиялық дайындық пәнінің оқытушысы А.Нұрпейісов және колледж студенттері қатысты.Шарада барысында С.Майқанова атындағы мәдениет үйінің қызметкері Амангелдіқызы Диана «Катюша» әнін орындады. Сондай-ақ «Дарын» ән үйірмесінің оқушылары патриоттық әндер шырқады. Кеш қонақтары құттықтау сөз сөйлеп, жас буынға Отанымызды қорғап,қызметке айтулы үлес қосуға шақырды. Шара соңында«Әлия-батыр қызы сен халқымның» атты кітап көрмесі ұйымдастырылып, оқырмандарға кеңінен таныстырылды.

Қызылорда: Кітапханада ерлік сағаты ұйымдастырылды

Kyzylorda-news.kz. Облыс әкімі Нұрлыбек Нәлібаев Қызылорда қаласындағы Сырдария өзенінің сол жағалауынан «Жайлы мектеп» ұлттық жобасы аясында бой көтерген білім ошағы құрылысымен танысты.Өткен жылы құрылысы басталған мектеп 900 орындық, бас мердігер – «Дәнекер» ЖШС. Үш қабатты ғимаратты салуға республикалық бюджеттен 5,01 млрд.теңге бөлінді, мектеп биыл пайдалануға берілмек.Аймақ басшысы құрылыс сапасына айрықша мән беруді ескертіп, жауапты мекемелерге жұмыс барысын тұрақты қадағалауды тапсырды.Айта кетейік, биыл өңірде жаңадан 15 мектеп және 4 мектепке қосымша құрылыс салынып, пайдалануға беріледі. «Жайлы мектеп» ұлттық жобасымен 12 300 орынға лайықталған 21 мектеп, «Білім беру инфрақұрылымын қолдау» қоры арқылы 7 млрд. 900 млн. теңгеге дарынды балаларға арналған 400 орындық физика-математика бағытындағы мектеп-интернат, Шиелі ауданында 988 млн. теңгеге 100 орындық және Жаңақорған ауданында жергілікті бюджет есебінен 926 млн. теңгеге 150 орындық мектеп салынуда. Арал ауданы Тоқабай ауылындағы апатты мектеп және Ақшатау ауылындағы бастауыш мектептің жаңа ғимараты жеке инвесторлардың демеушілігімен бой көтеруде. Бұдан бөлек, «Білім беру инфрақұрылымын қолдау» қоры арқылы Шиелі, Жаңақорғандағы, жергілікті бюджет есебінен Қызылорда қаласы мен Қармақшы ауданындағы мектептер жанынан қосымша құрылыстар жүргізілуде.Балалардың қосымша білім алуына оңтайлы мүмкіндік жасау үшін «ҚазГерМұнай» компаниясының демеушілігімен 2 млрд. 300 млн. теңгеге 350 орындық заманауи Оқушылар сарайы, жергілікті бюджет есебінен Жаңақорған ауданында 200 орындық Оқушылар үйі және 50 орындық Өнер мектебі &nbsp;салынуда.&nbsp; Нысандар жаңа оқу жылы қарсаңында ел игілігіне табысталады.

Облыс әкімі «Жайлы мектеп» жобасының құрылысымен танысты

&nbsp;<a href="https://kyzylorda-news.kz/">Kyzylorda-news.kz</a> &nbsp;«Мәдениет – ұлт мәйегі» деп текке айтылмаса керек. Олай дейтініміз, мәдениет пен өнердің еліміздің жан-жақты дамуы мен өсіп-өркендеуіне қосар үлесі өлшеусіз. Өзіндік сан түрлі қызығымен бірге қиындығы қатар жүретін бұл егіз ұғым –&nbsp;қаншама сан ғасыр бойы құнды мұра болып үзілмей келе жатқан халықтың рухани құндылығы, дәулет-байлығы, асыл қазынасы. &nbsp; &nbsp; &nbsp; Ұлттық сананың кемелденуі, ел мәдениеті мен өнерін өркендету жолында мәдениет саласы мамандарының, оның ішінде айтқанда мәдениет үйінің, ауылдық клуб және шығармашылық орталық қызметкерлерінің орны әркез &nbsp;ерекше. Жүгі ауыр, жауапкершілігі мол салада қажырлы еңбек етіп, ғасырлар бойы ұрпақтан ұрпаққа жеткізу жолында игілікті іс атқарып жүрген білікті&nbsp;қызметкерлер қаншама. Ауданымыздың мәдениет саласы күннен-күнге &nbsp;қанатын кеңге жайып, өркендеп келеді деп айтуға толық негіз бар. Еліміздің мәдени мұрасы мен ұлт руханиятының даму жолында, аудан игілігі үшін тынымсыз еңбек етіп жүрген жанның бірі – мәдениет саласының білікті маманы Гүлзира Райымбекова.&nbsp;Өмірін өнерімен өрнектеген Гүлзира Жақыпбекқызы – Шаған ауылында дүниеге келген. Білікті маман өзі туып өскен Шағандағы №37 орта мектепте білім алып, 1989 жылы ойдағыдай тәмәмдайды. Өнер әлемінің өр тұлғасы бала кезінен-ақ өнерге бір табан жақын болған. Бес жасынан бастап ауыл сахнасында өнер көрсетіп, би билеген өнер иесі ауыл көркем өнерпаздарының «Жаңаша» ойын-сауық отауының барлық концерттерінде түрлі ұлт өкілдерінің ұлттық биін билеп, сол кезден-ақ өнерімен көпшіліктің көзіне түсе білген. Ауданның мәдениет саласында жастардың шығармашылығын шыңдап жүрген ардақты ұстаз бүгінде ұл мен қыз тәрбиелеп отырған бақытты ана.<blockquote>&nbsp;– Мектепті ойдағыдай бітірген соң облыстық «Алло, мы ищем талантов» атты өнер байқауына қатысып, сол байқаудан Шымкент қаласындағы қазіргі М.Әуезов атындағы университеттің хореография бөліміне қабылданып, оқуға түстім. Алайда ата-анам қарсы болған соң ауылға қайтып оралып, алғашқы еңбек жолымды 1989 жылы Шаған ауылдық ауруханасында медрегистратор болып бастаған болатынмын. Бала күнгі арманыма жетелеп 1990-1994 жылдары Қызылорда қаласындағы Қорқыт ата атындағы Мемлекеттік университетінің музыка факультетінің жыраулар кафедрасында білім алдым. 1994 жылы №37 орта мектепте бастауыш сыныбында, одан бөлек Қызылорда қаласындағы №173 орта мектепте ән-күй сабағынан ұстаздық еттім. Қызығы мен шыжығы бірге жүретін жауапкершілігі мол салада қызмет етіп, шәкірт тәрбиелеу – мен үшін үлкен мәртебе. Шәкірттерімнің жеткен жетістігі – жылдар бойы тынымсыз еңбегімнің нәтижесі деп білемін, – дейді кейіпкеріміз.</blockquote>&nbsp;Ауыл мәдениетінің дамуы мен өсіп-өркендеуіне айрықша үлес қосып жүрген білікті маман 2002 жылы Шаған ауылында «Шаған-жер» агрофирмасына биші-хореограф болып орналасып, ең алғаш рет би үйірмесін ашып жеткіншектерге сабақ берген. Одан бөлек ауылдық мәдениет үйінде көркемдік жетекші маманы қызметін атқара жүріп, мәдениет үйі жанынан «Сыр гүлі» би үйірмесін ашып, шәкірт тәрбиелеген. Сол «Сыр гүлі» би үйірмесіндегі оқушылардың бойындағы би өнеріне деген құштарлығын, қызығушылығын арттырып, үйірме оқушыларын жетелеп түрлі аудандық, облыстық, республикалық, халықаралық бай-қауларға апарған ұстаз, түрлі би түрлерін үйрете жүріп жан-жақты өнерге деген қызығушылығын арттырған. Өлке өнерінде өзіндік өрнегі бар, жылдар бойғы еңбегімен аудан мәдениетінің мәйегіне айналған Гүлбану Жақыпбекқызының жеткен жетістіктері жетерлік. Атап айтқанда 2016 жылы ҚР Мәдениет және спорт министрлігінің бұйрығымен «Халықтық» және «Үлгілі» атағы аяулы жан жетекшілік ететін іргелі ұжымға берілді. 2011 жылы аудандық мәдениет үйінің директоры Н.Көшербаевтың «Үздік көркемдік жетекші» дипломымен, ал 2015 жылы Астана қаласында өткен халықаралық «Ақ көгершін» байқауында жоғары нәтиже көрсетіп, «Үздік оқытушы» номинациясымен марапатталған. Одан бөлек облыстық «Үздік үйірме жетекшісі-2016» атты үйірме жетекшілерінің кәсіби байқауынан жүлделі ІІ орынды және «Үздік би үйірмесі жетекшісі» номинациясын иеленген. Шәкірт тәрбиелеп, жылдар бойы тынымсыз қызмет еткен білікті маманның еңбегі бағаланып, 2022 жылы республикалық «Жеті Өнер» балалар шығармашылығы мен жасөспірімдер өнер орталығының Құрмет грамотасымен, «Үздік көшбасшы хореограф» төсбелгісімен марапатталған. Бұл аталған жетістіктер Гүлбану Райымбекованың жеткен жетістіктерінің тек бір бөлігі ғана десек болады.<blockquote>&nbsp; – Осы уақытқа дейін Шаған ауылдық мәдениет үйінде көркемдік жетекші қызметін атқарып, ауыл ішіндегі барлық мәдени іс-шараларды ұйымдастырып, оның сценарийін жазып, жүргізіп, ән айтып, халқымның ақ батасын алып келемін. Ауылымның халқының алдында басымды иемін, ризашылығым шексіз. Жаңаша ой, жаңа жаңалықтар іздеп, дәл солай болмаса да соған жақындау етіп түрлі форматта, түрлі аудиториямен заманауи үлгіде жұмыс жасағанды, сонымен қоса ең бірінші баламен, көпшілікпен жұмыс жасағанды жөн санаймын. Өмір бір уақытты ұстап тұра бермейді, адам болған соң алға талпыну керек, жақсы өмір сүруге, адал еңбектің нанын жеуге тырысу керек. Өмір болған соң түрлі сынақ, түрлі қиындықтар болатыны сөзсіз. Осындай бір келеңсіз кезеңдерді бастан кешірген кезде қасымнан табылып өз ақылын айтып, үлкен жол көрсетіп келген мәдениет саласының ардагері Күләш апайыма үлкен алғысымды білдіремін. Қазіргі уақытта осы үстіміздегі жылдың сәуір айынан бастап Қызылорда қаласындағы жақында аймақ басшының қолдауымен ашылған облыстық филармониясының «Жыр елі Жыраулар үйінде» әдіскер болып қызмет атқарып келемін. Жаңа орта, жаңа қызметке ауыстым. Келгеніме аз ғана уақыт болса да, жаңа ортаға тез үйренісіп, жұмыс жасаудамын. Жаңа қызметтегі басшыларыма алғысым шексіз және осы уақытқа дейін 22 жыл бірге жұмыс жасаған Шаған ауылдық мәдениет үйінің басшысы Ербол Медет пен ұжымыма үлкен алғысымды айтамын, – дейді білікті маман.</blockquote>&nbsp;Ұлттық сананың кемелденуі жолында мәдениет саласының маман-дарының қосатын үлесі орасан. Мұның барлығы – өнер адамдарының еселі еңбегі, жүйелі жұмысы. Өмір айнасы өнер болған соң, ол жарыққа шықпай тұра алмайтыны анық. Олай деуге себеп, мәдени шаралардың өзі – өмірдің бір бөлшегі және ұрпаққа берер тәрбие. Еліміздің бай мəдени мұрасы мен руханиятының дамуына айрықша үлес қосып келе жатқан азаматтардың еңбегі әркез бағалы. Өңірлердегі мəдениет ошақтарында қызмет етіп жүрген мамандардың еңбегі әркез ел есінде, ұмытылмақ емес.

Қазақстан және Қызылорда облысының жаңалықтары: Білім