<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Қазақ тілі мен әдебиеті және Журналистика» білім беру бағдарламаларының оқытушылары Өзбекстан Республикасының Самарқанд, Ташкент қалаларында 4-8 маусым аралығында «Сыр сүлейлері шығармаларындағы Шығыстық дәстүр» жобасы аясында іссапарда болды.Сапар барысында жобаның жетекші ғылыми қызметкері Ұлжан Жанбершиева, аға ғылыми қызметкерлері Гүлзира Оралова, Айдынгүл Төлебаева Шығыс елдері арасындағы мәдени-әдеби байланыс, әдеби мұралардағы ұқсас ортақ мотивтерді айқындау, қолжазбалармен танысу, ғылыми зерттеу еңбектерін саралау жұмыстарын жасады.Зерттеу жұмыстары негізімен Шараф Рашидов атындағы Самарқанд мемлекеттік университетінде болып, университет жанындағы кітапхана қорын пайдалануға мүмкіндік алды. Қордағы диссертациялық еңбектермен танысып, қазақ поэзиясындағы шығыстық дәстүр мен әлем халықтарындағы шығыстық дәстүрдің байланысын әдеби ықпалдастықты зерделеп, салыстыра қарап, сараптама жасады.Әлішер Науаи атындағы Өзбекстан Ұлттық кітапханасында, Өзбекстан Республикасы Ғылым академиясының «Өзбек тілі, әдебиеті және фольклор» институтының сирек қолжазбалар бөлімінде ғылыми зерттеулер жүргізді.Нәтижесінде өзбек-қазақ әдебиетіндегі және түркі халықтарына ортақ әдеби дәстүрлер, ортақ қазына және әдеби байланыстар сараланып, қажетті материалдар жинақталды.Айта кетейік, Әлішер Науаи атындағы Өзбекстан Ұлттық кітапханасы Өзбекстан Республикасындағы қолжазбалардың, баспа басылымдарының және полиграфия өнерінің ең үлкен қоймасы. Өзбек тіліндегі қолжазба және баспа материалдарының әлемдегі ең үлкен қоры. Кітапханатану және библиография саласындағы жетекші ғылыми орталық. Құрылымына Өзбекстан Республикасы Президентінің Әкімшілігі жанындағы ақпарат және бұқаралық коммуникация агенттіктері кіреді . &nbsp;Ташкент қаласында орналасқан.&nbsp;2012 жылдан бастап кітапхана (Симпозиум сарайымен бірге) "Мажрифат маркази" сәулет кешенінің бөлігі болып табылатын ғимаратта жұмыс істейді. "Өзбекстанның Әлішер Науаи атындағы ұлттық кітапханасы" мемлекеттік мекемесі аясында екі ірі астаналық кітап қоры − Өзбекстан Республикасының Әлішер Науаи атындағы Мемлекеттік кітапханасы мен Республикалық ғылыми-техникалық кітапхана біріктірілді.&nbsp;Тарихына тоқталсақ, 1867 жылы тамызда Түркістан генерал-губернаторлығында алғаш рет Ташкентте көпшілікке қол жетімді кітапхана құру идеясы көтерілді. Негізгі қор Түркістан мен оған іргелес жатқан аймақтардың географиясы мен мәдениетін қамтитын материалдармен жинақталуы керек еді. Түркістан генерал-губернаторы және Түркістан әскери округі әскерлерінің қолбасшысы орыс генералы Константин Кауфман (1818-1882) Орта Азия территорияларын аннексиялауды жүзеге асырған Ташкентте көпшілікке қол жетімді кітапхана құру идеясын мақұлдап, оны ұйымдастыруға қаржы бөлуге бұйрық берді. 1867 жылдан бастап &nbsp;кітаптар мен басқа да материалдар қорын қалыптастыру бойынша алғашқы жұмыстарға белгілі орыс библиографы В.И. Межов щақырылған . Генерал-губернатортың тапсырмасы бойынша Межов бірден Түркістан өлкесі туралы материалдар жинауға кірісті.&nbsp;Кітапхана 1870 жылы Ресей империясының генерал-губернаторы әкімшілік басшысының бұйрығымен "Ташкент көпшілік кітапханасы" ретінде құрылды. Кітапхана Ресей империясының Халық ағарту министрлігінің, Ресей Ғылым академиясының, Санкт-Петербургтің көпшілік кітапханасының, Орыс географиялық қоғамының және Ресей армиясының Бас штабының қорларынан ақысыз сәлемдемелер арқылы құрылды. Олардың көпшілігі өз қорларынан шыққан көшірме басылымдар болды. 1870 жылы мамырда Ташкенттегі Көпшілік кітапхананың кітап қоры шамамен 2200 томды немесе 1200 атауды құрады. Жеке тұлғалар да өз кітаптарын кітапхана қорына аударды. Кітапхананы дамытудың басым бағыты Түркістан өлкесі мен көршілес елдердің тарихына арналған басылымдар жинағы болған.1920 жылы Кітапхана "мемлекеттік" мәртебеге ие болды. 1920 жылдан бастап Түркістан өлкесінде басылып шыққан барлық басылымдардың "көшірмелері" міндетті түрде кітапханаға жіберіліп, оны Түркістандағы ең ірі кітап депозитарийі мен мәдени орталығына айналдырды. Қызметкерлердің біліктілігін арттыру мақсатында кітапханалық курстар ұйымдастырылып, кітапхана қорлары мен каталогтарын құру тәртібі анықталды. Өзбекстанның астанасы Ташкентте әр түрлі жерлерде "Үлкен кітапхананың" филиалдары ашылды. Сауатсыздықпен кеңінен күресу ерекше алаңдаушылық туғызды, ол үшін Ескі қалада филиалдар ашылды, онда кітап жинақтары барлығына қол жетімді болды.1925 жылға қарай кітапхана қорында 140 мың сақтау бірлігі болды.1925 жылы шілдеде Өзбекстан Мемлекеттік көпшілік кітапханасының "Шығыс бөлімі" жанынан "Интерндер институты" жұмыс істей бастады, онда кітапхана қызметкерлері арнайы курстарда біліктіліктерін арттырды:• Кирилл әріптерін жазуға негізделген өзбек тілін оқыту курстары (1929 жылы желтоқсанда жұмыс істей бастады) • Ғылыми кітапханалардың каталогтарын даярлау курстары (1930 жылы тамызда басталды) • Каталогтау, жүйелеу және пән бойынша үш айлық курстар (1932 жылдың қаңтарынан бастап жұмыс істейді) • 1934 жылдың қазан айында мемлекеттік республикалық ғылымдар комитеті жанындағы "Ғылыми кітапхана қызметкерлеріне арналған курстар" да жұмыс істей бастады. • 1933 жылы Өзбекстан Үкіметінің шешімімен Ташкенттегі Мемлекеттік көпшілік кітапханасы "Республиканың шығыс қолжазбаларының орталық қоймасы" мәртебесіне ие болды.1920-1930 жылдардың онжылдығында Кітапханада библиографиялық жұмыстар қарқынды жүргізілді. Нәтижесінде Кітапхана қорын өңдеуге негізделген ірі библиографиялық еңбектер жарық көрді. &nbsp;Кітапханаға ұлттық және шетелдік басылымдардың бас мемлекеттік кітап депозитарийі, көпфункционалды кітапханалық-ақпараттық және ғылыми-зерттеу мекемесі, Өзбекстан Республикасының барлық кітапханалары үшін әдістемелік орталық мәртебесі берілді.Өзбекстанның Әлішер Науаи атындағы Ұлттық кітапханасының жаңа ғимараты Өзбекстанның астанасы Ташкент қаласындағы "Мажрифат маркази" бірыңғай монументалды сәулет кешенінің құрамына кірді, онда Ұлттық кітапхана ғимараттары мен Симпозиум сарайы орналасқанА.Текебай &nbsp;Фото:Қорқыт ата атындағы Қызылорда университеті

Қызылордалық оқытушылар Өзбекстанда

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының қоғамдық даму басқармасының ұйымдастыруымен Ахмет Байтұрсынұлы атындағы «Үздік оқытушы – 2024» республикалық байқауының облыстық кезеңі өтті.Байқаудың басты мақсаты – мемлекеттік тілді авторлық бағдарлама арқылы оқытатын шығармашыл әлеуеті бар оқытушыларды анықтау, қолдау және олардың авторлық әдістемелерін кеңінен тарату.Іс-шараның алғысөзін алған Қызылорда облысының қоғамдық даму басқармасының басшысы А. Есмаханов тіл саясатын жүргізу бағытында облыста атқарылып жатқан жұмыстар туралы айтып, қатысушыларға сәттілік тіледі.Облыстық тілдерді оқыту орталығының мемлекеттік тіл оқытушылары өзара бақ сынасып қана қоймай, кәсіби біліктіліктерін жетілдіріп, ересектерге мемлекеттік тілден сабақ берудің сапасын арттырудың оңтайлы әдістерімен бөлісіп, тәжірибе алмасты.Қатысушылар «Қазақ тілі сабағында заманауи технологияларды тиімді пайдалану», «Сұрақ-жауап», «Жағдаят» тапсырмаларын орындау секілді үш кезең бойынша сынға түсті.«Үздік оқытушы» байқауына қатысушылардың еңбегіне Ұлттық құндылықтар академиясының Қызылорда облысы бойынша төрағасы Орманова Мария Айтбайқызы, Қызылорда қаласындағы химия-биология бағытындағы Назарбаев зияткерлік мектебінің қазақ тілі мен әдебиеті пәнінің мұғалімі Шынтасова Гүлзат Бурабайқызы және І.Қабылов атындағы №12 ақпараттық технология мектеп-лицейінің қазақ тілі мен әдебиеті пәні мұғалімі Ибрагимова Гүлмира Паттеқызы қазылық етіп, сараптама жасады.Байқау нәтижесі бойынша Қызылорда облысының тілдерді оқыту орталығының Қызылорда қаласы бойынша мемлекеттік тіл оқытушысы Үміт Абат III орын, ал Жалағаш ауданы бойынша мемлекеттік тіл оқытушысы Н.Есаманова II орын иемденді. Қазылар алқасының шешімімен байқауда сабақ берудің үздік әдісін көрсетіп, үш кезең бойынша да жоғары ұпай жинаған Қазалы ауданы бойынша мемлекеттік тіл оқытушысы Жұбатқан Таңжанов I орынға лайық деп танылып, республикалық кезеңге жолдама алды.Жеңімпаздар мен өзге қатысушыларға облыстық қоғамдық даму басқармасы басшысының Дипломы мен арнайы сыйлықтары табысталды.

«Үздік оқытушы – 2024» облыстық байқауының жеңімпазы анықталды

<a href="https://kyzylorda-news.kz/">Kyzylorda-news.kz</a>&nbsp; 2025 жылдан бастап Қорқыт ата атындағы Қызылорда университетінің студенттері қос диплом бағдарламасы бойынша Сеул Ұлттық Ғылым және технологиялар университетінде (СеулТех) оқитын болады. Мұндай мүмкіндік университеттер арасындағы Қазақстандық және Корей студенттері үшін жаңа мүмкіндіктер ашатын келісімнің арқасында пайда болды.&nbsp;Бүгін Корея Республикасы Президенті Юн Сок Ёльдің Қазақстан Республикасына мемлекеттік сапары аясында Астана қаласында Инвестициялар және бизнес, ғылым және білім беру саласында бірқатар іс-шаралар өткізілді. Осы іс-шаралар шеңберінде Сеул Ұлттық Ғылым және технологиялар университеті мен Қорқыт ата атындағы Қызылорда университеті арасында "AI architect", "Data management" сияқты білім беру бағдарламалары бойынша бакалавриат деңгейінде кадрлар даярлау туралы екіжақты келісімге қол қойылды.Студенттер қос диплом ала алады – СеулТехтен және Қорқыт ата атындағы Қызылорда университетінен. Осы бағдарламабойыншаоқуғақабылдау 2025-2026 оқу жылынан басталады. Бағдарламаны Қорқыт Ата атындағы Қызылорда университетінің Жасанды интеллект және информатика жоғары мектебіне түскен студенттер пайдалана алады. Келісім аясында студенттер Қазақстанда алғашқы төрт семестр оқиды, содан кейін келес ітөрт семестр Сеул Ұлттық Ғылым және ехнологиялар университетінде оқуды жалғастырады.&nbsp;<blockquote>Бағдарламаға қатысушылар екі университеттің академиялық талаптарын, соның ішінде міндетті және таңдамалы курстарды орындауы керек. Бағдарламаға қатысушыларды іріктеу академиялық және тілдік құзыреттер, мәдениетаралық коммуникация дағдыларынегізіндежүзегеасырылады. Бұл бағдарлама Қазақстан мен Оңтүстік Корея арасындағы академиялық байланыстарды тереңдетуге, студенттердің мәдениетаралық құзыреттілігін дамытуға және олардың халықаралық еңбек нарығында бәсекеге қабілеттілігін қамтамасыз етуге бағытталған. Студенттердің бірінші тобы осы бағдарлама аясында 2025 жылдың қыркүйегінде оқуға кіріседі.Жоғары оқу орындары ректорларының кездесуінде Қорқыт Ата атындағы Қызылорда университетінің басқарма төрағасы - ректоры Бейбіткүл Кәрімова: "Біз СеулТехпен ынтымақтастықтың жаңа кезеңін бастауға қуаныштымыз, ол студенттеріміздің алдында халықаралық білім алу және мәдени алмасу үшін бірегей мүмкіндіктер ашады", - деп атап өтті.&nbsp;</blockquote>"Шартқа қол қою біздің академиялық байланыстарымызды нығайтады және екі елдің студенттері үшін жаңа көкжиектер ашады. Біз бұл бағдарламаны іске асыруды асыға күтеміз", - деді Сеул Ұлттық Ғылым және технологиялар университетінің президенті Дон Хван Ким.Осылайша, Қазақстанда алғаш рет жасанды интеллект сәулетшілері мен деректерді басқару жөніндегі мамандар даярланады. Елімізге күнделікті қызметпен бизнес-процестерге ЖИ енгізе алатын Қазақстандықтардың өмір сүру сапасын жақсарта алатын жоғары білікті кадрлар қажет. Сондықтан әлемдік технологияларды білетін адами капиталды қалыптастыру жаһандық білімсіз және халықаралық ынтымақтастықсыз мүмкін &nbsp;емес.

Қызылорда университеті мен СеулТех қос диплом бағдарламасын іске қосуда

<a href="https://kyzylorda-news.kz/">Kyzylorda-news.kz</a>&nbsp; &nbsp;Ұлттық бірыңғай тестілеу – жоғары оқу орнында тегін білім алуға жасалған алғашқы қадам, әрі түлек бағындырар белестің бірі. Жас түлектер толықтай бұл сыннан өтіп болған жоқ. Десе де алғашқы нәтижелердің өзі қуантуда.&nbsp;Қазіргі таңда қатарластарынан оза шауып, Ұлттық бірыңғай тестілеуден 132 балл жинаған түлек қаладағы С.Әлжіков атындағы №144 орта мектебін тәмәмдап жатыр. Аталған мектептің үздік оқушысы Раушанбеков Арсен Алматұлы математика пәнінен 50 балдан 49 балл, Геграфиядан 50 балдан 45 балл жинаған.

Қызылордалық оқушы ҰБТ-дан 132 балл жинады

<a href="https://kyzylorda-news.kz/">Kyzylorda-news.kz</a> Қазалы ауданындағы Сәкен Сейфуллин атындағы №165 орта мектеп ұжымы «Жасыл мектеп» жобасын 2022 жылдан бастап қолға ала бастады. Жобаның мақсаты – жобаға қатысушыларды &nbsp;экологиялық сауаттылығын арттыру арқылы &nbsp;қоршаған ортаны сүюге, құрметтеуге, табиғи ресурстарды үнемдеуді үйрете отырып, экологиялық мәдениеттілікке тәрбиелеу.&nbsp;Жобаға қатысушыларды жаһандық экологиялық проблемаларды зерттей білуге және осы сала бойынша мемлекеттік саясаттың жергілікті жерде іске асу деңгейін сараптап, өз тараптарынан шешім қабылдау, шешімді іске асыру дағдыларын қалыптастыру. Мүдделі топтармен нәтижелі жұмыстар атқара отырып, мектепті «Экомектеп» деңгейіне көтеру.Алғашқы жұмыстар мектеп ішінде икемделген зертханалық бөлме ашудан басталды. Оқушылар зертхана бөлмесінде түрлі бөлме гүлдерін, жеміс дәндерін егіп, баптауға зерттеу жүргізді. Сонымен қатар, жоба жоспарына сәйкес, тұрмыстық қалдықтардан бұйымдар жасау, суды үнемдеу, энергияны үнемдеуге арналған жобалар жасаумен айналысады.2023 жылы демеушілердің қолдауымен шағын жылыжай алынды. Жылыжайда оқушылар көкөністер мен дала гүлдеріне көшеттер дайындаумен машықтанады.

Қазалы: "Жасыл мектеп" жобасы қарқынды жүргізілуде

<a href="https://kyzylorda-news.kz/">Kyzylorda-news.kz</a>&nbsp; Жыл сайын білім алушылардың ғылыми-зерттеу және оқу-танымдық қызметін ынталандыру мақсатында берілетін Президенттік шәкіртақы иегерлері анықталды. Қызылордалық қос студент Президент шәкіртақысын иеленді.&nbsp;Соның бірі Қорқыт ата атындағы Қызылорда университетінің "Су шаруашылығы және жерге орналастыру" білім беру бағдарламаларының кадастр білім беру бағдарламасының 4 -курс студенті Русланова Аружан.&nbsp;Студенттердің республикалық және халықаралық олимпиадалардағы, шығармашылық конкурстардағы, спорттық жарыстардағы, фестивальдардағы жетістіктері ескерілетін бұл степендияны алуға лайықты деп танылған Аружан университет қабырғасында ғылыми конференция, олимпиадаларға қатысып, жүлделі орындар иеленіп, Алғыс хат, дипломдармен марапатталып жүр.Атап айтар болсақ, «Bilim-orkenieti» ұлттық инновациялық ғылыми-зерттеу орталығы, Мемлекет басшысы Н.Ә.Назарбаевтың «Болашаққа бағдар: рухани жаңғыру» бағдарламалық мақаласын оқушылар арасында насихаттау мақсатында «Жылдың үздік ғылыми жобасы-2020» республикалық байқауына қатысып, 1 дәрежелі дипломмен және «Ғылыми жобаның үздік авторы» төсбелгісімен марапатталды. 2021-2022 жылғы «Елбасы медалі» жобасының қола медаль иегері.«Бөбек» Жалпыұлттық қозғалысы қауымдастық нысанындағы заңды тұлғалар бірлестігі, «IV халықаралық кітап басылымы» жарияланымға ғылыми жобасы қабылданып, «ҮЗДІК СТУДЕНТ – 2022» 1 дәрежелі дипломымен және төсбелгімен марапатталды. 2023 жылы Әл-Фараби атындағы Қазақ Ұлттық Университетінің ұйымдастыруымен өткен ҚР жоғары оқу орындары студенттерінің XV Республикалық пәндік олимпиадасында кадастр мамандығы бойынша 3 дәрежелі дипломымен және белсене қатысқаны үшін сертификатпен марапатталды.Республикалық студенттік ғылыми-зерттеу жұмыстары сайысының І кезеңінде І орынға және ІІ кезеңінде ІІІ орынға ие болды. Институттың белсенді студенті ретінде қоғамдық жұмыстарға қатысып, ұйымдастырушылық қабілеттерімен де танылған Аружан оқу жылында үш мәрте Президент шәкіртақысына ие болды.&nbsp;ҚР Президентінің шәкіртақысының иегері атанған студенттің енді бірі − Ақбота Әміртай. Ол"Су шаруашылығы және жерге орналастыру" білім беру бағдарламалары, жерге орналастыру білім беру бағдарламасының 4-курс студенті.Өздеріңіз білетіндей, ҚР Президентінің шәкіртақысының иегерлері оқудағы көрсеткіштері ғана емес, ғылыми және шығармашылық өмірдегі белсенділігі де ескеріледі. Осы талапқа сай шыққан Ақботаның да жетістіктері аз емес. Әміртай Ақбота Қазақстан Республикасы жоғары оқу орындары студенттерінің ХІV Республикалық пәндік олимпиадасының ІІ кезеңінде «Жерге орналастыру» мамандығы бойынша ІІІ дәрежелі дипломмен марапатталды.9-мамыр, Жеңіс күніне орай, Жастар ұйымдары арасында өткізілген университетішілік байқауға қатысып, ІІ орынға ие болды.«Bilim-orkenieti» ұлттық инновациялық ғылыми-зерттеу орталығының ұйымдастыруымен өткен Республикалық «Дарынды жастар» жобасы аясында «Қазақстан Республикасы жастарының 100 жаңа есімі» атты байқауға қатысып, І дәрежелі дипломмен және төсбелгімен марапатталды.Академик Ш. Есенов атындағы ғылыми білім беру қоры ұйымдастырған «Әлем зертханаларында ғылыми тағылымдама» байқауының финалисті.

Қызылордалық студенттер Президент шәкіртақысын иеленді

<a href="https://kyzylorda-news.kz/">Kyzylorda-news.kz</a> &nbsp;«Адам өмірде екі нәрседен қателеспеу керек» дейді. Оның бірі – жар таңдау болса, екіншісі – мамандық таңдау &nbsp;болып табылады. Әне-міне деп, көзді ашып жұмғанша оқу жылы да аяқталып, жас түлектер ұлттық бірыңғай тестілеу тапсыру үстінде. Негізінен, 11 жыл оқыған білім ордасынан түлеп ұшып, алған білімін дәлелдеп, сан түрлі мамандықтың тізгінін ұстайтын түлектердің ой-санасы мен бар көңілі оқу жылының аяғына дейін алаңдаулы болғаны рас. Себебі ҰБТ-ны өмірдің шешуші қадамы деп ойлайды.Мектеп бі­тіріп отыр­ған әр тү­­лектің алдында үл­кен жа­уапты әрі маңызды кезеңнің бірі – мамандық таң­дау сәті күтіп тұрғаны жасырын емес. Дұрыс мамандық таңдау – әр адамның өмірінде қаншалықты ма­ңызды рөл атқаратынын айтпасақ та түсінікті. «Мамандық таңдау – өміріңнің бір кірпішін дұрыс қалау» деп бекер айтылмаса керекті, себебі бұл үлкен өмірге деген жауапты қадамның бірі болып саналады. Ал таңдаған мамандық бойынша қалаған оқу орнына оқуға түсу мүмкіндігі ҰБТ-дан жинаған ұпай санына тікелей байланысты екені белгілі. Дегенмен жастарға ҰБТ нәтижесі төмен болған жағ­дайда қапа бол­мау қажеттігін түсін­діруіміз керек. Себебі қазір оқи­мын деген адамға мүм­кіндік жетерлік.Ұлттық бірыңғай тестілеу тарихындағы екі үлкен реформаны айрық­ша атап өтуге болады. Оның бірі – 2017 жылдан бастап аталған тестілеу тек жоғары оқу орнына түсу емтиханы болып бекітілгені еді. Оған дейін естеріңізде болса, ҰБТ-ға барлығы байланып қалған еді, оның нәтижесі «Алтын белгі», «Ерекше аттестат» алуға, мектептегі емтихан қорытындысына, тіпті аудандар мен облыстардың білім сапасындағы рейтингіне ықпал ететін. Мұның бәрі тесті­леуде объективті бір нәтиженің шығуына өз кедергісін келтірді. Осыған байланысты 2017 жылы маңызды шешім қабылданып, ҰБТ-ның нәтижесі жоғарыда аталған ешбір мәселеге, тіпті мектептегі қорытынды аттестатқа да әсер етпейтін болды. Бүгінгі таңда тестілеу аяқталған соң әр үміткердің нәтижесі мектепке, білім бөлімдері мен басқармаларға берілмейді. Қорытындыны баланың өзі ғана жеке кабинетінде көре алады. Екінші елеулі өзгерістің бірі – Ұлттық бірыңғай тестілеу форматының қағаз нұсқадан электронды нұсқаға ауыстырылуы. Компьютерлік форматқа өту тестілеуді жылына бірнеше рет өткізуге мүмкіндік берді. Бұрынғы формат бойынша талапкер тестілеуді жылына тек бір-ақ рет тапсыра алатын. Электронды нұсқаға өту тестілеуді ұйымдастыру сапасын арттыруға да әсер етті. Айталық, тест тапсырушы нәтижесін бірден көре алады және қорытындысымен келіспеген жағдайда сол жерде, тестілеу аяқтала салысымен аппеляцияға бере алады. Биылғы жылы ҰБТ бойынша айтарлықтай өзгеріс болған жоқ, тек бірқатар ішінара өзгерістер ғана енгізілген болатын. Ал форматы дәл бұрынғыдай. Биылғы жылдағы өзгерістің бірі – оқу сауаттылығы мен математикалық сауаттылық бойынша 10 сұраққа қысқарды, ал бұрын 15 сұрақ болатын.Биылғы жылы елімізде 186 мың түлек орта мектепті тәмамдайтын болса, оның 181 мыңы ҰБТ тапсыруға ниет білдірген. Олардың әрқайсысының тестілеуге қатысуға екі рет мүмкіндігі бар. Ең жақсы нәтиже бойынша грант конкурсына қатысуға болады. Бұл әр түлек үшін берілген үлкен мүмкіндік. 2024 жылы түлектер саны 9 мың адамға көп, сәйкесінше гранты саны былтыр 88 мың болса, биыл 93 мың болып артты. Сырдария ауданы бойынша биыл барлығы 441 оқушы мектеп бітірсе, оның 376-сы ҰБТ тапсыруға ниет білдірген. ҰБТ 16 мамырдан бас­тап 5 шілдеге дейін жалғасын таппақ. Бүгінгі күні Ұлттық бірыңғай тестілеу тапсырып үлгерген түлектеріміздің нәтижесі жаман емес. Атап айтқанда, №37 мектеп-лицей түлектерінің ара­сында ең жоғарғы 123 ұпайды «Алтын белгіге» үміткер Әйгерім Совет алып отыр. Мектеп-лицей түлектерінің жинаған ұпайлары 100-ден кем емес. №36 Ә.Тәжібаев атындағы мектеп-лицейдің бітіруші түлегі «Алтын белгіге» үміткер Рүстем Әбілмансұр 125 ұпай жинады. Әбілмансұр бұған дейін XVI Президенттік олимпиаданың республикалық кезеңінде топ жарып, ауданымыздың мақтанышына айналған болатын. Сондай-ақ №35 И.Тоқтыбаев атындағы мектеп-лицейдің 11 сынып оқушысы Асылай Бектасқызы ұстаздарының берген білімі мен өзінің тыңғылықты дайындығының арқасында тестілеуден 131 балл жинады. №137 орта мектеп оқушысы Жәмилә Әбсаттарқызы 131 жинаса, №129 Ә.Жәмішев атындағы мектеп-лицей түлектері Зехра Қуаныш 130 балл, Инабат Төребек 128 балл жинап, үздік атанды. Мектеп бітіруші түлектердің ҰБТ-дан ең жоғарғы ұпай жинап, өздері таңдаған мамандық бойынша грант иегері атануына тілектеспіз. Еліміздің кемел келешегі – бүгінгі білімді жас, болашақ өскелең ұрпақтың қолында.

Сырдариялық оқушылар ҰБТ тапсыруда

<a href="https://kyzylorda-news.kz/">Kyzylorda-news.kz</a>&nbsp; Тағы да бір оқу жылын артқа тастадық. Десе де мектеп түлектері алдағы ҰБТ сынағын тапсыруға дайындық үстінде. Иә, он бір жыл мектепте үздік оқып, ата-ана мен ұстаздарының қуанышы болған мектеп бітіруші түлектер &nbsp;ауданның &nbsp;ғана емес, еліміздің мақтанышы. Олардың болашағынан ел-жұрты үлкен үміт күтеді.&nbsp;Биылғы жылы Қармақшы аудан бойынша &nbsp;барлығы 15218 оқушы білім алып шықты. Оның ішінде 685 оқушы жалпы білім беретін орта мектепті бітіреді. Осы түлектердің 94,7 пайызы, яғни 649 бітіруші Ұлттық бірыңғай тестілеуге қатысады деп күтілуде. Сондай-ақ, білім беру ұйымдары бойынша &nbsp;биылғы жылдың ерекшелігі 54 мектеп бітіруші «Алтын белгіге», 67 бітіруші «Үздік аттестатқа» үміткер ретінде ұсынылды.&nbsp; Айта кетейік, Қармақшы ауданда №121 мектептің бітіруші түлегі Мақсат Қуанышбек ұлттық бірыңғай тестілеудің алғашқы нәтижесінен-ақ ұстаздарының берген білімі мен тыңғылықты дайындығының арқасында 140 балдың 136 ұпайын жинап, аудан мерейін асқақтатып жатыр. Ол өзі қалаған Алматы қаласындағы «Алматы КБТУ ҚАЗАҚ Британ» университетіне «Ақпараттық технология» мамандығы бойынша түсу мүмкіндігіне ие болып отыр.&nbsp;

Қармақшы: «Алтын белгі» үміткерлеріне артылар үміт көп

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданының білім бөліміне қарасты №186 орта мектебінде жақында "Алтын балалық шақ" декадасы және "Бала еңбегін қанаудың 12 күні" ұлттық ақпараттық науқаны аясында "Тәрбие негізі – ұлттық құндылықта" тақырыбында ашық есік күні өткізілді. Іс-шараға аудандық білім бөлімінің әдіскері Ақтолқын Тоқшылықова, аудандық санитарлық-эпидемиологиялық бақылау басқармасының басшысы Гүлнар Төлепбергенова, аудандық ата-аналар кеңесінің төрағасы Мағауия Әлиев, аудандық жастар орталығының психологі Әмина Кетебаевалар қатысты.Шара барысында "Құтты мекен – Қуаңдария" этнолагерінің тынығушылары ұлттық дәстүр-салтымызды ұлықтайтын "Ата кәсіп –ұрпаққа нәсіп" тақырып аясында «Аталар мектебі» мүшесі Қыстаубай Кетебайұлы атаның қолөнерімен, "Мен әжемін ұрпағымды әлдилеген" тақырыпта «Әжелер мектебінің» мүшелері, ата аналар комитетінің төрайымы Роза әже және Баян әже, Гүлзира әжелер лагерь тынығушыларына «жүн түту», «ұршық иіру», «құрақ құрау» жайында шеберлік сыныптар көрсетті.Спорттық лагерь тынығушылары "Бес асық", "Гір көтеру", "Асық ату" ойындарынан жарыс өткізді.Қазақтың ұлттық тағамдарынан «Жеңгелер мектебінің» мүшелері қыздарға ұлттық тағамдардың жасалу жолдарын көрсетіп, ұмытылып бара жатырған салт-дәстүрлерімізді жаңғыртты.

Жазғы лагерь: Тәрбие негізі – ұлттық құндылықта

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қоғамда «мұғалімдердің еңбек демалысы көп, сәйкесінше көп ақша алады» деп педагогтердің жалақысын есептеп жүретіндер аз емес. Мұғалімдердің еңбек демалысы туралы Оқу-ағарту министрлігі ресми <a href="https://kaz.inform.kz/news/mugalmderdn-enbek-demalisi-kalay-esepteled-aab471/">ақпарат ұсынды</a>, деп хабарлайды <a href="https://kaz.inform.kz/news/mugalmderdn-enbek-demalisi-kalay-esepteled-aab471/">ҚазАқпарат</a>.</h4>Педагогтер үшін ең маңызды әлеуметтік кепілдіктердің бірі – жыл сайынғы ақылы еңбек демалысына шығу уақытының ұзақтығын белгілеу.Оның ұзақтығы барлық педагог үшін 56 күнтізбелік күнді құрап отыр. Педагогтерге жыл сайынғы ақылы еңбек демалысының 2 түрі берілетінін атап өткен жөн: негізгі және қосымша. Қосымша демалыс экологиялық қолайсыз және радиациялық қаупі бар аумақтарда тұратын педагогтер үшін қарастырылған. Оның ішінде экологиялық қолайсыз аумақтарда тұратын педагогтер үшін қосымша демалыстың ұзақтығы 7 күннен 12 күнге дейінгі, ал радиациялық қауiптi аумақтарда тұратын педагогтер үшін 5 күннен 14 күнге дейінгі мерзімді құрайды. Демалыс уақытына түскен мереке күндері еңбек демалысына кірмейді. Еңбек демалысын беру кезінде нақты жұмыс істеген уақыт қана есепке алынады.<blockquote>«Еңбек демалысын беру кезінде сауықтыруға арналған жәрдемақы лауазымдық жалақы мөлшерінде төленеді. Сауықтыру жәрдемақысының мөлшерін есептеу педагогтің демалыс берілген күнгі нақты жүктемесін ескере отырып, лауазымдық ақы мөлшерінде жүргізіледі, мұнда қосымша ақылар мен үстемеақылар есептелмейді», – дейді ҚР Оқу-ағарту министрлігі Бюджеттік жоспарлау департаментінің Еңбекақы төлеу әдіснамасы басқармасы басшысы Гүлайым Тоқпанова.</blockquote>Педагог қосымша жұмысты немесе уақытша болмаған қызметкердің міндеттерін өзінің негізгі жұмысынан босатылмай орындаған жағдайда бұл лауазымдарды қатар атқару болып табылады. Мұндайда сауықтыруға арналған жәрдемақы педагогке негізгі лауазымы бойынша ғана төленеді. Егер педагог қосымша жұмысты лауазымдарды қоса атқару туралы жеке еңбек шарты бойынша негізгі жұмыстан бос уақытында атқарса, сауықтыруға арналған жәрдемақы негізгі жұмыс үшін де, қосымша жұмыс үшін де бөлек төленуге тиіс.

Мұғалімдердің еңбек демалысы қалай есептеледі?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қазіргі таңда бала тәрбиесі мен тәртібі күн тәртібінен түспей тұр. Бұған қатысты қала әкімі Серік Қожаниязовтың төрағалығымен қалалық мәслихатта білім саласының ғана емес, құқық қорғау, төтенше жағдай саласы мамандары мен қалалық мәслихат депутаттары, бөлім басшылары да қатысқан жиын өтті.</h4>Бүгінде бала тәрбиесі ақсап тұр. Бұл қоғамның ең өзекті мәселесіне айналды. Екі адамның басы қосылса, жасөспірімдер тәрбиесіндегі түйткіл ушығып тұрғанын айтады. Қай жерден қателестік? Жүгенсіздікті жөнге қойып, тентекті тезге салатын қазақтың қалпы қандай еді? Бала тәрбиесіне бей-жай қарамайтын былайғы жұрттың да басын ауыртқан осы мәселе еді... Аз ғана уақытта аймақтың атын айға шығарған түйткілді тарқатуды мақсат еткен жиында қала әкімі Серік Қожаниязов мәселені шешудің тиімді жолдарын қарастыруды ұсынды.<blockquote>– Бірдеңе бола қалса, ең оңайы – мектеп директорын жұмыстан босату. Бүйте берсек, жұмыста ешкім қалмайды. Сіз де, біз де кете береміз. Бұл – тек білім саласының ғана емес, тұтас қоғамның мәселесі екенін түсінуіміз керек. Түсінемін, еңбек демалысының уақыты. Бірақ түнгі рейдке келгенде «мен демалыстамын» деген болмау керек. Сенбілік бар, басқа да іс-шараларды қысқартып, оқу процесіне кедергі келтірмейтін жолын қарастырдық. Ұстаз мәртебесін көтеруге Президенттен бастап мән беріп, кешенді іс-шаралар жүргізілуде. Жалақысын көтеріп, жағдайын жасаудың бәрі қолға алынған, – деді қала әкімі Серік Қожаниязов.</blockquote>Бес саусақтың бірдей емес екенін алақанға қарап-ақ айта аламыз. Соны білсек те, екі бірдей мұғалімнің әрекеті тұтас білім саласына кір келтіргені айқын. Балаларды жөнге сала алмай жүргенде, олардың кері кеткен әрекеті де жығылғанға жұдырық болғаны жасырын емес. Айтпақшы, осы ретте сандарды сөйлетсек... Сенесіз бе, күні кеше бір түнде ғана жасөспірімдерге қатысты 56 әкімшілік-құқық бұзушылық тіркелген. Бір түнде ғана... Ал бір жылдағы 365 күнде мұндай жағдайдың қаншамасы болып жатыр. Жыл басталғалы кәмелетке толмағандардың заңды өкілдеріне 173 хаттама толтырылса, оның 48-і – бір жылда бірнеше рет қайталанғандар.<blockquote>– Кәмелетке толмағандарға қатысты қылмыстар өткен жылдың есепті кезеңімен салыстырғанда 120 қылмысқа төмен. Қылмыстардың ашылуы 13 пайызға артты. Рейд нәтижесінде кәмелетке толмағандар арасында 62 заңсыз суық қару сақтау фактісі тіркелді. Күнделікті рейд жүргізіліп тұрады, – дейді қалалық полиция басқармасының бастығы Айдар Қасанов.</blockquote>Бұл ретте әрине, ата-ананың жауапкершілігі де қаралғаны орынды. Әйтпесе еңбек демалысына шыққан мұғалім атаулы қолына шыбық ұстап, канал жағасында жүр.<blockquote>– Біздің жігіттер су алған апат аймақтарынан енді ғана келіп жатыр. Алдағы уақытта қауіпті аймақтардағы мамандардың санын арттырамыз. &nbsp;Қазір қала бойынша суға шомылуға тыйым салынған 21 учаскеде 20-25 маман кезекшілікте жүр. Демалыс күндері олардың санын екі есеге дейін арттырамыз. Ол жердің барлығында ескерту тақтайшалары ілінген. Бірақ балалар оған қарап жатқан жоқ. Мәселен, іс-шара барысында «КБИ» шағын ауданында су жағасында «Шұғыла» шағын ауданының балалары жүр. Айтып ескерттік, артынша олар Тасбөгеттен бір-ақ шықты. Жазаны қатайтпай, осылай балаларды қуып жүре береміз, – дейді қалалық төтенше жағдайлар басқармасы бастығының міндетін атқарушы Ернұр Райымбеков.&nbsp;</blockquote>Қала әкімі Серік Салауатұлы басқарма тарапынан әлі де болса халық арасында насихаттық жұмыстарды кеңінен жүргізе отырып, мүдделі органдармен бірге кезекшілікті күшейтуді міндеттеді.<blockquote>– Жазғы демалысты тиімді өткізу шараларына жіті мән берілу керек. Біз ата-аналармен жұмыс істедік, рейдтік іс-шаралар тұрақты жүргізілуде. Енді біз не істеуіміз керек? Бұдан нәтиже шықпаса, бәлкім, жұмыс бағыты мен көзқарасымызды өзгерту керек шығар. Спорттық үйірмелердің, клубтардың жұмысын жолға қояйық, – деді қала әкімі жиында.</blockquote>Таяуда ғана тағайындалған қалалық білім бөлімінің басшысы Жанат Сәдуақасова жиында сөз алып, болған жағдайлар мұғалім атына кір келтіргенін мойындайтынын, жасөспірімдер арасындағы тәртіпсіздіктің алдын алудағы қадамдардың жасалып жатқанын жеткізді.<blockquote>– Әрине, мұғалім атына кір келді. Оны қоғам алдында мойындап отырмыз. Балалардың қауіпсіздігіне келсек, мектеп директорларымен іс-шаралар, ата-аналармен жиналыстар тұрақты өткізіледі. Облыс әкімінің бекіткен іс-шара жоспарына сай өтуде. Мұғалімдердің 80 пайызы еңбек демалысында. Бірақ солай екен деп олардың түнгі рейдтегі белсенділіктері төмендеген жоқ. Менің ұсынысым, суға түсу маусымында қалада балаларға тегін суға түсетін арнайы жерлер белгіленсе, – дейді Жанат Сәдуақасова.</blockquote>Қалалық мәслихат төрағасы Ибадулла Құттықожаев жұмысқа жауапкершілікпен қарағанда ғана нәтиже шыға¬тынын айтты. Ал бала тәрбиесі тұрғысындағы жауапкершіліктің жүгі ауыр екені анық.<blockquote>– Мектептегі оқушыларға мұғалімдер еге болу керек. Көшедегі рейдтің орнына қиын балалардың үйіне барып, тәрбиелік мәні бар іс-шара, әңгімелесу, түсіндірме жұмыстарын жүргізсін. Ата-аналардың жауапкершілігін түсіндіру керек. Суға түсуге тыйым салынған аймақтардағы белгілер бүгін қойса, ертең жоқ. Бұл не деген тәртіпсіздік?! Түгендеу керек. Ол жерге суға түсуге болмайтынын адамдар білу керек. Мұнан бөлек, болашақта полиция боламын деп армандайтын жастарды ерікті түрде полиция қызметкерлерінің қатарына қосып, көмекке жұмылатын арнайы ықпалды топ жасақтауға болады. Өйткені олар жасөспірімдердің қайда жиналатынын, қайда баратынын біледі. Біз сол арқылы балалардың тәртібін қадағалай аламыз, – деп ұсынысын білдірді мәслихат төрағасы.</blockquote>Жыл өткен сайын «Білімді ұрпақ – ел болашағы» деп, салаға көптеп көңіл бөлінуде. Иә, мемлекет қазынасынан да бұл салаға аз қаржы бөлініп жатқан жоқ. Мұғалімдердің жалақысы өсіп, білім беру ұйымдары қажетті жабдықтармен жарақтандырылуда. Облыс әкімінің қолдауымен қала көлемінде үш ауысымды мектептер жойылып, санға емес, сапаға мән берілуде. Ендігі жерде қоғам мойнында үлкен жүк тұр. Ол – оқушылардың білімі мен тәрбиесі және мұғалімдердің мәртебесін көтеру. Сіз не дейсіз, қадірлі оқырман?! &nbsp;Н.Тұрсынхан

Қызылорда: Бала тәрбиесі салғырттықты көтермейді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Еліміздің жарқын болашағы жолында мұғалімдер қауымы аянбай еңбек етіп жүр. Жалпы кім-кімнің де жақсы адам, мықты маман болуы ұстазына байланысты. Қазіргідей мемлекет тарапынан ұстаздар қауымына қолдау бар кезде оқытушылар жаңашылдықпен еңбек етеді деп ойлаймын. Осындай білікті де білгір, өз мамандығын шексіз сүйетін ұстаздарымыздың бірі – шет тілі пәні мұғалімі Ақмарал Баймұратова.</h4><h4 style="margin-left:0px;text-align:justify;">Оқушылардың жүрегіне жол таба алатын, жас та болса шығармашыл ұстаздың бойынан нағыз мұғалімде болу керек қасиеттерді мақтанышпен атап айтуға болады. Шәкірттері Шанбай Дінмұхамед, Жұмажанова Бибінұр – жалпы білім беретін пәндер бойынша республикалық пән олимпиадасының аудандық, облыстық, республикалық кезең жеңімпаздары. Болашақ шет тілі мамандығын таңдап отырған оқушыларына жүйелі дайындық жұмыстарын жүргізіп, жоғары көрсеткішке қол жеткізді.</h4><h4 style="margin-left:0px;text-align:justify;">Шәкіртке жан-жақты білім беріп қана қоймай, оны дүниежүзілік ақпарат кеңістігіне шығуға, яғни бәсеке жағдайында өмір сүруге тәрбиелеу – Ақмаралдың басты ұстанымы.</h4><h4 style="margin-left:0px;text-align:justify;">Ш.Амонашвилидің «Мұғалім өз сабағын сүймесе, оған өзі сүйсіне білмесе, ол шәкірт бойына да сүйіспеншілікті дарыта алмайды» деген сөзі босқа айтылмағаны белгілі. Әр сабағына тындырымды дайындалып келетін, тиімді әдіс-тәсілдерді кеңінен қолдана білетін, оқушы бойына қызығушылық туғызып, жан-жақты болуға баулитын, ертеңіне сеніммен қарайтын ұстаздың еңбегі ақталар күн алда.</h4>

Қазақстан және Қызылорда облысының жаңалықтары: Білім