<a href="https://kyzylorda-news.kz/">Kyzylorda-news.kz.</a> Президент бастамасымен елімізде «Жайлы мектеп» ұлттық жобасы қолға алынғаны белгілі. &nbsp;Оқушының сапалы білім алып, жан-жақты дамуына жағдай жасайтын жоба аясында алдағы үш жылда ел бойынша 401 жаңа мектеп салынбақ. Ал Сыр өңірінде 2025 жылға дейін жаңа құрылыс стандарттарына сай 21 мектеп салу жоспарлануда. Биыл өңірде 10 білім ордасының құрылысы басталады.«Жайлы мектеп» бойынша қолға алынған жұмыстар&nbsp;жайлы құрылыс, сәулет және қала құрылысы басқармасының басшысы Ерлан Төрәлиевтің айтуынша, 2023-2025 жылдары облыста екі кезең бойынша аталған жоба толық іске асырылмақ. Биыл бірінші кезеңде іргетасы қаланатын 10 мектептің жер учаскелері нақтыланып, инженерлік желілермен қамтамасыз етілген халыққа тиімді аумақтардан «Samruk-Kazyna Construction» АҚ-ның атына рәсімделген.<blockquote>«Қызылорда қаласындағы бес мектепке тоқталатын болсам, Сырдария өзенінің сол жағалауынан 900 орындық мектептің құрылысы үшін 3,7 гектар, «Арай» және СПМК шағын ауданындағы 2000 орындық мектепке 3,8 гектар, «КБИ» шағын ауданындағы 600 орындық білім ордасына 2,04 гектар, сондай-ақ, «Қызылжарма» ауылдық округіндегі 900 орындық мектепке 2,5 гектар жер учаскелері табысталды. Ал Арал ауданындағы 2 мектепке 2,04 гектар жер, Қазалы ауданы Жанқожа батыр ауылындағы 300 орындық мектеп құрылысына 2,8 гектар жер, Жаңақорған ауданындағы 600 және 300 орындық білім ордаларына 2,2 гектар жер телімдері берілді. 2024 жылы құрылысы басталатын 11 мектептің жер телімдері нақтылануда», – деді Е.Төрәлиев.</blockquote>Өз кезегінде «Samruk-Kazyna Construction» АҚ басқарма төрағасы Мәулен Айманбетов жоба аясында атқарылып жатқан жұмыстарға оң бағасын беріп, білім ордаларының талапқа сай болуын жіті қадағалау керегін жеткізді. Сондай-ақ, оқушылардың қауіпсіздігі мен сапалы білім алуы үшін толықтай бейнебақылау камералары және жоғары жылдамдықтағы интернет желісі орнатылуы қажет екенін айтты.<blockquote>««Жайлы мектеп» ұлттық жобасы аясында салынатын білім ордалары заманауи құрал-жабдықтармен қамтамасыз етіледі. Тағы бір ерекшелігі, мектептердің өз логотипі мен ішкі және сыртқы құрал-жабдықтары бірдей толықтырылады. Сондай-ақ, бұл мектептер қай елді мекендерде салынатын болса да, халыққа ыңғайлы аумақта болуы қажет, яғни, ата-аналар мен оқушылардың мектепке баруы қиындық тудырмауы тиіс. Бұдан бөлек, мектеп орналасқан шағын аудандардағы жолдарда көше жарықтары мен бейнебақылау камералары міндетті түрде болуы керек. Ол оқушылардың қауіпсіздігі үшін аса маңызды», – деді басқарма төрағасы.</blockquote>М.Айманбетов мердігерлерге қатаң талаптар қойылатынын айтты. Құрылыста отандық өндіріс материалдарын пайдалануға басымдық берілмек. Жаңа мектептер 300, 600, 900, 1 200, 1 500, 2 000 немесе 2 500 орындық деп белгіленген жеті түрлі нұсқаның біріне сай салынуы қажет. Олардың әрқайсысында роботтехника кабинеті, бірнеше зертхана, хореография залы, үш коворкинг алаңы болуы керек. Әр сыныпқа интерактивті тақта және мұғалімге арналған компьютер қойылады.Ұлттық жобаны жүзеге асыру барысында «Samruk-Kazyna Construction» АҚ іс-шаралардың ашықтығы мен қоғамдық бақылауға ерекше көңіл бөлмек.Құрылысты қадағалау инженерлік қызметтері де ашық конкурстық негізде сатып алынады, бұл қосымша ашықтықты қамтамасыз етеді. Барлық сатып алу «Samruk-Kazyna Construction»-ның сатып алуға арналған онлайн платформасында жүзеге асырылады. Құрылыс кезінде жалпы жағдайды бақылайтын ақпараттық цифрлы платформа жұмыс істейтін болады. Ақпараттық жүйе алғаш рет осындай ірі ұлттық жобада қолданылмақ. Электронды жүйе құрылыстың барлық кезеңін ашық бақылауға мүмкіндік береді.Жүйенің ерекшелігі – тапсырыс беруші, құрылысшылар, әкімдіктердің бірнеше басқармасы, министрліктер, техникалық бақылау сарапшылары және басқалары бірлесіп жұмыс істеп, бірге тапсырма беріп, оны бақылап, мәселе туындаса, сол бойда бюрократиясыз, уақытылы шешіп отырады.Айтпақшы, мердігер компанияларға қойылатын талап та қатаң. Бұл жобаға кеше ашылып, бүгін майлы жіліктің басын ұстап отыратын бір күндік фирмалар қатыса алмайды. Ережелер жергілікті компанияларға жеңілдіктер ұсынатынын да айта кетейік, яғни, мектеп қай облыста салынса, сол өңірдің компанияларына белгілі бір деңгейде жеңілдіктер қарастырылады.&nbsp;

«Жайлы мектеп»: Мердігерлерге қойылатын талап жоғары

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары ғылыми зерттеулер нәтижесінде ел экономикасының дамуына үлес қосуда. Мереке қарсаңында назарларыңызға қызылордалық әйел ғалымдардың ТОП – 5 ғылыми жаңалығын ұсынамыз.1. Дәнді дақылдың жаңа сорттарын шығардыАуыл шаруашылығы ғылымдарының докторы, Қорқыт ата атындағы Қызылорда университетінің «Аграрлық технологиялар» кафедрасының профессоры Тохетова Лаура Ануарқызы – дәнді дақылдардың жаңа сорттарын шығаруда. Лаура Ануарқызы өзге де ғалымдармен бірлесіп көп жылдар бойы жүргізілген ғылыми зерттеулер нәтижесінде «Сыр Аруы», «Қымбат», «Сымбат», «Құралай», «Елік», «Инкар», «Шахристан», «Қайсар», «Алтын арай» атты жаздық арпа сорттарын, бидайдың «Зарина» сортын классикалық селекция әдістерімен шығарды. Оның басшылығымен алғаш рет Қызылорда облысында дәнді дақылдар (арпа, бидай, сұлы) бойынша толық ауқымды селекциялық процессі ұйымдастырылды, сонымен қатар өсімдік шаруашылығы саласын әртараптандырудың ғылыми-практикалық негізі әзірленді.&nbsp; Ғалымның жетекшілігімен арпаның, бидайдың және сұлының &nbsp;стресстік факторларға төзімді 750 сортүлгілерден тұратын генетикалық коллекциясы қалыптастырылып, практикалық селекцияда ген-көзі ретінде кеңінен пайдалануда.2. Қаймақ әзірлеудің жаңа әдісін әзірледіҚорқыт ата атындағы Қызылорда университетінің қауымдастырылған профессоры, техника ғылымдарының кандидаты Смаилова Жұлдыз Жолдасқызы – сүт өнімдерінің биологиялық, тағамдық құндылығын арттыру, шикізат ассортиментін кеңейту, сүт шикізатын үнемдеу әдістерін зерттеуде.Ғалымның &nbsp;«Пробиотикалық ашытқыны қолдана отырып қаймақ алу әдісі» атты моделі ҚР Әділет Министрлігі Зияткерлік меншік құқығы Комитетінің Ұлттық зияткерлік меншік институтында тіркеліп, патент алды.Педагог экологиялық таза азық-түлік өнімдерін әзірлеу және әртүрлі аурудың алдын алу, ағзаның қорғаныш функцияларын нығайту үшін емдік-профилактикалық мақсаттағы өнімдер технологиясын әзірлеуге бағытталатын жұмыстармен айналысуда.3. Ұлттық нақыштағы киімдердің жаңа үлгісін жасадыҚорқыт ата атындағы Қызылорда университетінің «Дизайн және технология» кафедрасының қауымдастырылған профессоры, техника ғылымдарының кандидаты Шілдебаева Ләззат Қадырбекқызы – дәстүрлі қазақ костюмі негізінде заманауи киімдерді жобалау әдістемесін әзірлеуде.Ләззат Қадырбекқызы «Қазақтың ұлттық костюм негіндегі қазіргі заман киімдері. Modern clothes manufacturing based on kazakh national dress. Современная одежда на основе казахского традиционного костюма» Оқу құралы. Учебное пособие. Train aid» еңбегіне ҰЗМИ-нан №25306 авторлық куәлік алды.2022 жылы Ләззат Шілдебаеваның жетекшілігімен Мемлекеттік ұлттық ғылыми-техникалық сараптама орталығында (МҰҒТСО) ғылыми-техникалық қызмет нәтижелері &nbsp;бойынша «Қайта өнделген жүнді пайдалану арқылы брендтік өнімдер өндірісін ұйымдастыру» жобасы тіркелді. Бүгінде «Қазақтың ұлттық киіміндегі ойма қалтаны өндеу әдісі» атты өнертабысы бойынша ғылыми зерттеу жұмыстарын жалғастыруда.Ғалым – 16 патент және17 авторлық куәлік авторы.4. Күріш сабанынан целлюлоза алу тәсілін ұсындыҚорқыт ата атындағы Қызылорда университетінің «Физика-химиялық талдау әдістері» инженерлік бейіндегі зертхананың ғылыми қызметкері, педагогика ғылымдарының магистрі Ниязова Динара Жұмабекқызы &nbsp;ғалымдармен біріге отырып, күріш сабанынан целлюлоза алу тәсілін ұсынды.Күріш сабанынан алынған целлюлоза қағаз бұйымдарын өндіруде қолданыс табуы мүмкін.Мақсатты өнім – целлюлозаның шығымы 42,7-70,3 мас.% құрады. Десиликация мен делигнификация үрдісі аса жоғары жиілікті сәуледендірудің 180Вт қуатында 15 мин бойы аммоний молибдаты қатысында (кремнийсізденген целлюлозалық массадан 5%) натрий гипохлоритін қоспай жүргізгенде оңтайлы болып табылды, осындай жолмен алынған өнімнің құрамындағы альфа-целлюлозаның мөлшері 74,45 мас. % құрады, бұл өнім №2А маркасына сәйкес келеді (ақ түсті офис қағазын өндіруге арналған целлюлоза).5. Күл үйінділерінен құрылыс материалдарын даярлау жолын таптыҚорқыт ата атындағы Қызылорда универистетінің «Сәулет және құрылыс өндірісі» кафедрасының аға оқытушысы Жақыпова Гүлнұр Мұхамеджанқызы «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» бойынша зерттеу жұмыстарын жүргізіп келеді.Технологияны өңдеу мен енгізу мәселесіне жылу энергетикасының көп тонналы қалдықтарын пайдалану ресурсты үнемдеуі негіз болып табылады. Осылайша, жылу электр орталығының күлін пайдалану құрылыс техникалық қасиеттерінің жақсаруымен құрылыс материалдың жаңа тиімді түрін өндіруге, капиталды және ағымдағы шығындарды, күл үйінділердің құрамын бірден төмендетуге мүмкіндік береді. Сонымен қатар, бұйымның өзіндік құнын айтарлықтай арзандатады.Осы мәселелерді шешу мақсатында «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» тақырыбы негізінде зерттеу жұмыстарын жасау барысында 3 &nbsp;өнертабыс патентін алды. Атап айтсақ:1.Жол төсеніш тақтайшасына арналған құрам №4847; 2.Бетон құрамы № 5435; 3.Бетон араласпасының құрамы № 5304. Барлық өнертабыс патенттері жаңа құрамда жасалынған.Күл үйінділерін құрылыс материалдар өндірісінде қолдану арқылы біріншіден, аймақтың экологиялық жағдайы жақсарады, екіншіден, көп тонналы қалдықтарды утилизациялау мәселесі шешіледі.&nbsp;&nbsp;

Ел экономикасының дамуына үлес қосып жүрген ғалымдар

<a href="https://kyzylorda-news.kz/">Kyzylorda-news.kz.</a> Қызылорда облысында бастауыш сынып оқушылары 100 пайыз тегін ыстық тамақпен қамтылған Қызылорда облысы бастауыш сынып оқушылары толық деңгейде тегін тамақпен қамтылған өңірлер қатарында. Бұл туралы бүгін Үкімет отырысында айтылды.ҚР Премьер-Министрі Әлихан Смайыловтың төрағалығымен өткен Үкімет отырысында білім беру ұйымдарындағы қауіпсіздік және оқу процесін цифрландыру мәселелері қаралды.Жиында ҚР Оқу-ағарту министрі Ғани Бейсембаев республикадағы орта мектептерде бала қауіпсіздігін қамтамасыз ету барысы туралы баяндады. Министр баяндама барысында &nbsp;бастауыш сынып оқушыларына тегін ыстық тамақ ұйымдастыру мәселесіне тоқталып өтті.&nbsp;Еске салсақ, биыл Қазақстандағы бастауыш сынып оқушыларын 100 пайыз тегін ыстық тамақпен қамтамасыз еті тапсырылды. Қазіргі таңда бұл тапсырма бірқатар аймақта жүзеге асып жатыр. Әсіресе, Қызылорда облысында бұл тапсырма толығымен орындалып, мектептегі бастауыш сынып оқушылары бір мезгіл ыстық тамақ ішеді.&nbsp;Айта кетейік, Үкімет отырысынан соң Қызылорда облысының әкімі Нұрлыбек Нәлібаев ҚР Премьер-министрі берген тапсырмаларды пысықтау мақсатында жиын өткізіп, балалар қауіпсіздігін қамтамасыз ету білім беру саласындағы ең өзекті мәселелердің бірі екенін атап өтті.<figure class="image"><img src="https://knadmin.beoblood.kz/uploads/334528821_919202079112241_240141815686918640_n_189c3cdf64.jpg" alt="334528821_919202079112241_240141815686918640_n.jpg"></figure>

Қызылорда облысында бастауыш сынып оқушылары 100 пайыз тегін ыстық тамақпен қамтылған

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде профессор, филология ғылымдарының кандидаты Ұлжан Жанбершиева атындағы «Қазақ әдебиетінің тарихы» дәрісханасы ашылды.&nbsp;Салтанатты жиында Басқарма мүшесі - стратегиялық даму және қаржы жөніндегі проректор Нұрлан Уразбаев ғалымның ғылым мен білім саласына қосқан еңбегіне тоқталды.&nbsp;<blockquote>«Қорқыт ата атындағы Қызылорда университеті ғылым мен білім саласының дамуына зор үлес қосқан ғалымдардың есімін ұлықтауды дәстүрге айналдырды. Бұл – кейінгі үш жылда демеушілер қаржысы есебінен қайта жаңартылған он бесінші дәрісхана. Профессор атындағы дәрісхана бұдан былай университет білім алушыларының сапалы білім алуына қызмет ететін болады»,-деді Басқарма мүшесі - стратегиялық даму және қаржы жөніндегі проректор Нұрлан Уразбаев.&nbsp;</blockquote>Жиында Ұлжан Нахатқызына Ғылым және жоғары білім министрлігінің «Ахмет Байтұрсынұлы атындағы алтын медалі» табысталды.&nbsp; Профессор 1983 жылдан бастап бүгінге дейін Қорқыт ата атындағы Қызылорда университетінің «Қазақ тілі мен әдебиеті және журналистика» кафедрасында ассистент, оқытушы, аға оқытушы, доцент, кафедра меңгерушісі, профессор қызметтерін атқарып келеді.Ғалымның 12 оқу-әдістемелік құралы, 2 монографиясы, 4 әдеби-зерттеу еңбегі мен 250-ден астам ғылыми мақаласы жарық көрген.&nbsp; Саналы ғұмырын шәкірт тәрбиелеп, сапалы кадр дайындауға арнаған ұстаз «Қорқыт Ата атындағы Алтын медалімен», «Қазақстан Республикасы Білім беру ісінің үздігі» және «ҚР-ның Ғылымын дамытуға сіңірген еңбегі үшін» төсбелгісімен марапатталған.&nbsp;«Ұлжан Нахатқызы – ұлттық интелегенцияның біраз өкілдерін дайындап келе жатқан ұстаздар қауымының жарқын өкілі. Бізге әрі жетекші, әрі анамыз ретінде жол көрсетті. Ұстазымыздың ағарту саласындағы еңбегі орасан зор»,-деді «Ұлттық кино мен өнерді қолдау орталығы» Акционерлік қоғамы төрағасының орынбасары Абзал Мұхимов.&nbsp;Айта кетейік, тұсаукесер салтанатында лента қию рәсімі техника ғылымдарының докторы, профессор Қылышбай Алдабергенұлы мен экономика ғылымдарының кандидаты, профессор Қазыбай Құдайбергенұлына берілді.&nbsp;Жиынға зиялы қауым өкілдері, ардагер ұстаздар, профессор-оқытушылар мен білім алушылар, ғалымның шәкірттері мен замандастары қатысты. &nbsp;<figure class="image"><img src="https://knadmin.beoblood.kz/uploads/1_73ff39fd29.jpg" alt="1.jpg"></figure>&nbsp;<figure class="image"><img src="https://knadmin.beoblood.kz/uploads/3_35ec386b01.jpg" alt="3.jpg"></figure>

Профессор Ұлжан Жанбершиева атындағы дәрісхана ашылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары ғылыми зерттеулер нәтижесінде ел экономикасының дамуына үлес қосуда.Мереке қарсаңында назарларыңызға қызылордалық әйел ғалымдардың ТОП – 5 ғылыми жаңалығын ұсынамыз.<figure class="image image_resized" style="width:100%;"><img src="https://knadmin.beoblood.kz/uploads/Laura_e698acf2eb.jpg" alt="Лаура.jpg"></figure>1. Дәнді дақылдың жаңа сорттарын &nbsp;шығардыАуыл шаруашылығы ғылымдарының докторы, Қорқыт ата атындағы Қызылорда университетінің «Аграрлық технологиялар» кафедрасының профессоры Тохетова Лаура Ануарқызы – дәнді дақылдардың жаңа сорттарын шығаруда.Лаура Ануарқызы өзге де ғалымдармен бірлесіп көп жылдар бойы жүргізілген ғылыми зерттеулер нәтижесінде «Сыр Аруы», «Қымбат», «Сымбат», «Құралай», «Елік», «Инкар», «Шахристан», «Қайсар», «Алтын арай» атты жаздық арпа сорттарын, бидайдың «Зарина» сортын классикалық селекция әдістерімен шығарды.Оның басшылығымен алғаш рет Қызылорда облысында дәнді дақылдар (арпа, бидай, сұлы) бойынша толық ауқымды селекциялық процессі ұйымдастырылды, сонымен қатар өсімдік шаруашылығы саласын әртараптандырудың ғылыми-практикалық негізі әзірленді. &nbsp;Ғалымның жетекшілігімен арпаның, бидайдың және сұлының &nbsp;стресстік факторларға төзімді 750 сортүлгілерден тұратын генетикалық коллекциясы қалыптастырылып, практикалық селекцияда ген-көзі ретінде кеңінен пайдалануда.<img class="image_resized" style="width:100%;" src="https://knadmin.beoblood.kz/uploads/Zhuldyz_da12094f36.jpg" alt="Жулдыз.jpg">2. Қаймақ әзірлеудің жаңа әдісін әзірледіҚорқыт ата атындағы Қызылорда университетінің қауымдастырылған профессоры, техника ғылымдарының кандидаты Смаилова Жұлдыз Жолдасқызы – &nbsp;сүт өнімдерінің биологиялық, тағамдық құндылығын арттыру, шикізат ассортиментін кеңейту, сүт шикізатын үнемдеу әдістерін зерттеуде.Ғалымның &nbsp;«Пробиотикалық ашытқыны қолдана отырып қаймақ алу әдісі» атты моделі ҚР Әділет Министрлігі Зияткерлік меншік құқығы Комитетінің &nbsp;Ұлттық зияткерлік меншік институтында тіркеліп, патент алды.Педагог экологиялық таза азық-түлік өнімдерін әзірлеу және &nbsp;әртүрлі аурудың алдын алу, ағзаның қорғаныш функцияларын нығайту үшін емдік-профилактикалық мақсаттағы өнімдер технологиясын әзірлеуге бағытталатын жұмыстармен айналысуда.<figure class="image image_resized" style="width:100%;"><img src="https://knadmin.beoblood.kz/uploads/Shildebaj_Lyazzat_adyrbek_yzy_8f311288cb.jpg" alt="Шілдебай Ляззат Қадырбекқызы.jpg"></figure>3.Ұлттық нақыштағы киімдердің жаңа үлгісін жасадыҚорқыт ата атындағы Қызылорда университетінің «Дизайн және технология» кафедрасының қауымдастырылған профессоры, техника ғылымдарының кандидаты Шілдебаева Ләззат Қадырбекқызы – дәстүрлі қазақ костюмі негізінде заманауи киімдерді жобалау әдістемесін әзірлеуде.&nbsp;Ләззат Қадырбекқызы «Қазақтың ұлттық костюм негіндегі қазіргі заман киімдері. Modern clothes manufacturing based on kazakh national dress. Современная одежда на основе казахского традиционного костюма» Оқу құралы. Учебное пособие. Train aid» еңбегіне ҰЗМИ-нан №25306 авторлық куәлік алды.&nbsp;2022 жылы Ләззат Шілдебаеваның жетекшілігімен Мемлекеттік ұлттық ғылыми-техникалық сараптама орталығында (МҰҒТСО) ғылыми-техникалық қызмет нәтижелері &nbsp;бойынша «Қайта өнделген жүнді пайдалану арқылы брендтік өнімдер өндірісін ұйымдастыру» жобасы тіркелді. Бүгінде «Қазақтың ұлттық киіміндегі ойма қалтаны өндеу әдісі» атты өнертабысы бойынша ғылыми зерттеу жұмыстарын жалғастыруда.&nbsp; Ғалым – 16 патент және17 авторлық куәлік авторы.<figure class="image"><img src="https://knadmin.beoblood.kz/uploads/Dinara_Niyazova_46ac339d05.jpeg" alt="Динара Ниязова.jpeg"></figure>4. Күріш сабанынан целлюлоза алу тәсілін ұсындыҚорқыт ата атындағы Қызылорда университетінің «Физика-химиялық талдау әдістері» инженерлік бейіндегі зертхананың ғылыми қызметкері, педагогика ғылымдарының магистрі Ниязова Динара Жұмабекқызы &nbsp;ғалымдармен біріге отырып, күріш сабанынан целлюлоза алу тәсілін ұсынды.Күріш сабанынан алынған целлюлоза қағаз бұйымдарын өндіруде қолданыс табуы мүмкін.&nbsp;Мақсатты өнім – целлюлозаның шығымы 42,7-70,3 мас.% құрады. Десиликация мен делигнификация үрдісі аса жоғары жиілікті сәуледендірудің 180Вт қуатында 15 мин бойы аммоний молибдаты қатысында (кремнийсізденген целлюлозалық массадан 5%) натрий гипохлоритін қоспай жүргізгенде оңтайлы болып табылды, осындай жолмен алынған өнімнің құрамындағы альфа-целлюлозаның мөлшері 74,45 мас. % құрады, бұл өнім №2А маркасына сәйкес келеді (ақ түсті офис қағазын өндіруге арналған целлюлоза).<figure class="image"><img src="https://knadmin.beoblood.kz/uploads/G_ln_r_Zha_ypova_08f0bb9f64.jpg" alt="Гүлнұр Жақыпова.jpg"></figure>5.Күл үйінділерінен құрылыс материалдарын даярлау жолын таптыҚорқыт ата атындағы Қызылорда универистетінің «Сәулет және құрылыс өндірісі» кафедрасының аға оқытушысы Жақыпова Гүлнұр Мұхамеджанқызы «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» бойынша зерттеу жұмыстарын жүргізіп келеді.&nbsp;Технологияны өңдеу мен енгізу мәселесіне жылу энергетикасының көп тонналы қалдықтарын пайдалану ресурсты үнемдеуі негіз болып табылады. Осылайша, жылу электр орталығының күлін пайдалану құрылыс техникалық қасиеттерінің жақсаруымен құрылыс материалдың жаңа тиімді түрін өндіруге, капиталды және ағымдағы шығындарды, күл үйінділердің құрамын бірден төмендетуге мүмкіндік береді. Сонымен қатар, бұйымның өзіндік құнын айтарлықтай арзандатады. Осы мәселелерді шешу &nbsp;мақсатында «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» тақырыбы негізінде зерттеу жұмыстарын жасау барысында 3 &nbsp;өнертабыс патентін алды.&nbsp;Атап айтсақ:1.Жол төсеніш тақтайшасына арналған құрам №4847; 2.Бетон құрамы № 5435; 3.Бетон араласпасының құрамы № 5304. Барлық өнертабыс патенттері жаңа құрамда жасалынған.&nbsp; Күл үйінділерін құрылыс материалдар өндірісінде қолдану арқылы біріншіден, аймақтың экологиялық жағдайы жақсарады, екіншіден, көп тонналы қалдықтарды утилизациялау мәселесі шешіледі.

Қызылордалық әйел ғалымдардың ТОП-5 ғылыми жаңалығы

<a href="https://kyzylorda-news.kz/">Kyzylorda-news.kz.</a> «Дарын» республикалық ғылыми-практикалық орталығының ұйымдастыруымен биылғы жылдың 1-3 наурыз аралығында білім беру ұйымдарының психологтары арасында «Үздік жыл психологы» атты республикалық конкурсы өтті. &nbsp;&nbsp;Байқаудың мақсаты - дарынды психологтарды анықтау мен қолдау және озық тәжірибені насихаттау.&nbsp;Байқауға республика бойынша білім беру ұйымдарынан 98 педагог-психолог маман қатысты. Байқау қорытындысы бойынша жүлделі ІІ орынды Қызылорда қаласындағы №268 мектеп-лицейінің педагог-психологы Жадыра Бажеева иеленді.

Қызылордалық психолог республикалық байқауда жеңімпаз атанды

<a href="https://kyzylorda-news.kz/">Kyzylorda-news.kz.</a> Астанада жоғары оқу орындарының үздік оқытушыларын марапаттау рәсімі өтті. Байқау жеңімпаздарына 6 миллион теңге сыйақы берілді. Салтанатты жиында оқытушыларға марапатты ҚР Ғылым және жоғары білім министрі Саясат Нұрбек табыстады.&nbsp;«Жоғары оқу орнының үздік оқытушысы – 2022» байқауына еліміздің 71 оқу орнынан барлығы 775 үміткер қатысты.Байқау нәтижесі бойынша Қорқыт ата атындағы Қызылорда университетінің «Дизайн және технологиялар» кафедрасының меңгерушісі, профессор Жұлдыз Смаилова, «Аграрлық технологиялар» кафедрасының доценті, ауыл шаруашылығы ғылымдарының докторы Лаура Тохетова, «Физика және математика» кафедрасының академиялық профессоры, физика – математика ғылымдарының кандидаты Шералы Ибраев «Жоғары оқу орнының үздік оқытушысы» атанды.&nbsp;Салтанатты рәсімде оқытушыларға қаржылай ынталандырумен қатар төсбелгі де табысталды.Байқауда еліміздегі 43 жоғары оқу орнынан 150 оқытушы жеңімпаз атанды. Олардың әрқайсысы 2000 АЕК (6 млн 126 мың теңге) сыйақы алды.&nbsp;<blockquote>«Біз үшін оқытушыларды ынталандыру және мамандықтың беделін арттыру маңызды. Алдымызда тұрған негізгі басымдықтардың бірі – зерттеу экожүйесін қалыптастыру және ғылыми әлеуетті арттыру. Сондай-ақ, жоғары оқу орындарын цифрлық трансформациялау қажеттігін атап өту қажет», – деді салтанатты жиындағы сөзінде министр Саясат Нұрбек.</blockquote>Конкурстық комиссияның шешімімен сайыста электронды оқу ресурстарын, оқу материалдарын әзірлеу және жариялау, отандық және халықаралық журналдардағы ғылыми жарияланымдар, өнертабысқа патенттердің болуы және т.б. сияқты көрсеткіштер бағаланды. Сондай-ақ, үміткердің оқыту сапасы, оның бакалавриатта, магистратурада және докторантурада кадрлар даярлау қызметіндегі еңбегі ескерілді.<figure class="image"><img src="https://knadmin.beoblood.kz/uploads/fe393abc_ef24_44b4_b677_ddf9220afb34_8478229377.jpg" alt="fe393abc-ef24-44b4-b677-ddf9220afb34.jpg"></figure><figure class="image"><img src="https://knadmin.beoblood.kz/uploads/5a6e2b10_7760_44d2_bf3f_2735cd26b76f_7c5dc2bebc.jpg" alt="5a6e2b10-7760-44d2-bf3f-2735cd26b76f.jpg"></figure>

Қызылордалық ғалымдар 6 миллион теңгеден сыйақы иеленді

<a href="https://kyzylorda-news.kz/">Kyzylorda-news.kz.</a> Мемлекет басшысынан Қорқыт ата атындағы Қызылорда университетінің студенті Ақжайық Тәжіге хат келді.&nbsp;Ел Президенті хатында «Құрметті Ақжайық! Сенің жетістіктеріңе риза болдым. Еліміздің болашағы өзің сияқты белсенді әрі талапты жастардың қолында екені анық.Мемлекет өскелең ұрпақтың білім алуына барлық жағдайды жасап келеді. Осы мүмкіндікті тиімді пайдаланып, көп оқып, тынбай іздену өте маңызды.&nbsp;Оқуды жақсы бітіріп, мықты маман болуыңа және ел игілігіне қызмет етуіңе тілектеспін!» делінген.Ақордадан келген Президенттің хаты мен сыйлығын студентке облыс әкімінің орынбасары &nbsp;Нұрымбет Сақтағанов тапсырды.&nbsp;Айта кету керек, студент Ақжайық Тәжі Президенттің жастарға көрсетіліп отырған қолдауы үшін хат жазған. Мемлекет басшысының қолдауымен жүзеге асып жатқан жобалар нәтижесінде Ақжайық Тәжі халықаралық, республикалық деңгейдегі жетістіктерге қол жеткізген.Облыс әкімінің орынбасары Нұрымбет Аманұлы студентке жарқын болашақ тіледі. Сондай-ақ Президенттің артқан үмітін ақтайтынына сенім білдірді.<figure class="image"><img src="https://knadmin.beoblood.kz/uploads/yzylordaly_studentke_el_Prezidentinen_hat_keldi_2_ad4a86fd80.png" alt="Қызылордалық студентке ел Президентінен хат келді-2.png"></figure>

Қызылордалық студентке ел Президентінен хат келді

<a href="https://kyzylorda-news.kz/">Kyzylorda-news.kz.</a> Бүгін аудан әкімі Асқарбек &nbsp;Есжановтың қатысуымен Жалағаш кентіндегі «Жеті қазына» жеке балабақшасының ашылу рәсімі өтті.<blockquote>«Білімге құйылған инвестиция болашақтың игілігі жолындағы оң қадам. Осы тұрғыда білім саласына жанашырлық танытып бабалақша салған кәсіпкерге алғыс білдіреміз. Жалағаш кентінде салынған бұл балабақша 2 мен 6 жас аралығындағы 120 бүлдіршінді қабылдай алады. «Жеті қазына» ауданымыздағы көлемді балабақшалардың бірі. Жалағаштың өркендеуі жолында тың жобаларды жүзеге асырған меценаттармен біз мақтанамыз»-деді А.Есжанов.</blockquote>Бүгінгі күні «Жеті қазына» балабақшасында 18 қызметкер жұмыс жасайды. Оның ішінде 10 педагог, 8 техқызметкер. Қазіргі таңда 2-6 жас аралығында 80 бала қабылданды.Жалағаш ауданы бойынша ана мен балаға айрықша көңіл бөлініп, бүлдіршіндеріміздің алаңсыз өмір сүруіне барлық жағдай жасалып келеді.<figure class="image"><img src="https://knadmin.beoblood.kz/uploads/333051165_703491524786182_666450071664143336_n_56cdf83c56.jpg" alt="333051165_703491524786182_666450071664143336_n.jpg"></figure>&nbsp;<figure class="image"><img src="https://knadmin.beoblood.kz/uploads/333050901_136687655968875_8350553954498035530_n_4cdd2c2535.jpg" alt="333050901_136687655968875_8350553954498035530_n.jpg"></figure>&nbsp;<figure class="image"><img src="https://knadmin.beoblood.kz/uploads/333124569_556946956209083_8164881923662897210_n_b44431dc89.jpg" alt="333124569_556946956209083_8164881923662897210_n.jpg"></figure>

Жалағашта 120 орындық балабақша ашылды 

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің биылғы түлегі Алима Баймұхамбетова АҚШ пен Германияның беделді жоғары оқу орындарына шақырту алды. &nbsp;Атап айтқанда, Drexel university, Аrizona state university және Jacobs university дарынды оқушының жоғары білімі мен жан-жақтылығы ерекше қызықтырып, әртүрлі &nbsp;көлемде жеңілдіктер ұсынып отыр. Ал американдық Vanderbilt university Алиманың оқуына толықтай грант бөлуге дайын екендіктерін жеткізді. &nbsp;Вандербильт университеті – АҚШ-тың инженерия, технология мен медицина-биологиялық ғылымдар саласындағы үздік жоғары оқу орындарының бірі және әлемдегі ең үлкен зерттеушілік базасы бар университеттердің қатарында 14 орында тұр.Алима Баймұхамбетова&nbsp;бұл университетте инженер мамандығы бойынша білімін жалғастыруға шешім қабылдап отыр.

Қызылордадағы NIS-тің оқушысы әлемнің төрт университетіне шақырту алды

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағановтың төрағалығымен аймақтағы білім беру ұйымдарының қауіпсіздігі бойынша селекторлық мәжіліс отырысы өткізілді.Жиынға аудан әкімінің орынбасарлары, құқық қорғау органдарының өкілдері, білім, денсаулық сақтау саласының басшылары, мектеп және колледж директорлары, балабақша меңгерушілері қатысты.Күн тәртібінде білім беру ұйымдарындағы қауіпсіздік шараларын алдын алу, бейнебақылау мен дабыл түймелерімен толық қамтамасыз ету мәселелері қаралды.Мәжілісте облыстық білім басқармасының басшысы М.Шермағанбет және полиция департаменті жергілікті полиция қызметі басқармасының бастығы Б.Ибраев білім беру ұйымдарындағы қауіпсіздігі бойынша баяндама жасаса, денсаулық сақтау басқармасы басшысының орынбасары М.Мирзанова мүмкіндігі шектеулі балаларды білім беру ұйымдарына жолдау мәселесіне тоқталды.Облыс әкімі орынбасары Нұрымбет Аманұлы Президент тапсырмасына сәйкес, барлық білім беру ұйымдарының қауіпсіздігін 100% келтіру қажеттігін, білім нысанын инженерлік-техникалық жабдықталуын министрліктің №117 бұйрық талаптарына сәйкестендіру қажеттігін ерекше атап өтті.<blockquote>«Білім беру ұйымдарының қауіпсіздігінің алдын алу және оған жол бермеу мақсатында барлық білім беру ұйымдарында тоқсан сайын түсіндірмелік сабақтар ұйымдастыру, жасөспірімдердің білім нысандары аумақтарына әкелуге тыйым салынған заттарын алып өтуін қатаң бақылау, білім беру ұйымдарының қауіпсіздік жағдайына бірлесіп зерделеу жүргізу қажет. Сонымен қатар, денсаулық сақтау саласы бойынша &nbsp;мүдделі мекемелермен бірлесіп білім ұйымдарында білім алатын ерекше күтім қажет ететін, есепте тұратын балалармен тиісті шаралар қабылдау қажет», - деді облыс әкімінің орынбасары.</blockquote>

Қызылордада білім беру ұйымдарының қауіпсіздігі күшейтіледі

&nbsp;<a href="https://kyzylorda-news.kz/">Kyzylorda-news.kz.</a> Аймақта облыс әкімінің тікелей қолдауымен Әкелер, Аналар кеңесі құрылып, ұрпақ тәрбиелеуде абыройлы міндеттер атқаруда. Сонымен қатар өңірдегі барлық білім беру ұйымдарында ата-аналар комитеті нәтижелі жұмыстар жүргізіп келеді. Соның дәлелі - қаладағы С.Лапин атындағы №261 орта мектебінің ата-аналар комитеті «Үздік ата – аналар комитеті» республикалық байқауында жеңімпаз атанды.<blockquote>«Қазақ халқы қай уақытта да ұрпақ тәрбиесін ұлттың болашағы деп аса жауапкершілікпен қараған. Осы орайда, әр білім беру ұйымындағы ата-аналар комитеті мектепке және отбасыға көмек көрсету мақсатында құрылды. Жақында ҚР Оқу-ағарту министрлігінің «Балалардың құқықтарын қорғау» комитеті мен адамның үйлесімді дамуы ұлттық институтының ұйымдастыруымен «Үздік ата – аналар комитеті» байқауы ұйымдастырылды. Сайыс ережесіне сәйкес, байқау 3 кезең бойынша өткізіліп, 17 аймақтан қатысқан ата-аналар комитеті өз жұмыстарының таныстырылымын жасады. Облыс атынан қатысқан біздің мектептің ата-аналар комитеті озық деп танылып, жеңімпаз атандық. Бұл біздің аймақта ата-аналар мен мектеп байланысы мықты екенінің үлгісі», - деді С.Лапин атындағы №261 орта мектебінің ата-аналар комитетінің төрайымы Самал Абдуғаппарова.</blockquote>

Қазақстан және Қызылорда облысының жаңалықтары: Білім