<a href="https://kyzylorda-news.kz/">Kyzylorda-news.kz.</a> &nbsp;Бүгін Әбділда Тәжібаев атындағы Қызылорда облыстық кітапханасында оқырмандардың кітап оқу мәдениетін қалыптастыру мақсатында «Артық білім кітапта» тақырыбында жаңа әдебиеттердің кітап көрмесі ұйымдастырылды.Мақсаты - оқырмандардың кітап оқуға қызығушылығын арттыру, кітап оқу арқылы мәдениеттілікке тәрбилеу, кітапхана мен оқырмандар арасындағы байланысты нығайту.Көрмеге қойылған белгілі қаламгер, ақын Аманжол Қорғанбектің «Айсберг астындағы ағыстар» кітабында &nbsp;көркем әдебиетке қатысты ой-толғамдары, эссе-мақалалары мен сұхбат әңгімелері топтастырылған. Салтанат Минайханың «Жеңілмейтін махаббат» атты кітабы Отанға деген сағыныш, ата-ананың махаббаты, екі жастың адал сезімдерімен қатар ауылдың сағынышка толы естеліктері суреттелген. Егеухан Мұқамәдиқызының «Талбесік» атты төрт бөлімнен туратын &nbsp; жыр жинағына өлеңдері мен толғау-поэмалары және соңғы кездері жазған жаңа шығармалары енген. &nbsp;Ақын жырларының әрбір жолынан ана жүрегінің мейірімге толы ыстық лүпілі аңғарылып тұрады.&nbsp;Сондай-ақ, көрмеге Мадина Омарованың «Менің қаһарман шөберем» кітабы, Нұргали Оразовтың балалар мен жасөспірімдерге арналған хикаяттар мен әңгімелері жинақталған «Ақ ұлпа» жинағы, Надежда Чернованың «Летящие в тумане», ақын Базарбай Исаевтың «Мөлдір», Ділдар Мамырбаеваның хикаяттар мен әңгімелері енген «Роботтар отбасы» кітаптары, Ербол Тілешовтың Алаш қозғалысының тұлғалары, тарихы жайлы «Алаш туы астында…» ғылыми танымдық жинағы, Нұржан Светқалидың «Жастықтың жазғы жайлауы» т.б. кітаптар оқырман назарына ұсынылды.<figure class="image"><img src="https://knadmin.beoblood.kz/uploads/316813781_3438582746464329_2205321906747717096_n_bd8501e5df.jpg" alt="316813781_3438582746464329_2205321906747717096_n.jpg"></figure>

Қызылордада кітап оқу мәдениетін қалыптастыру көрмесі өтті

<a href="https://kyzylorda-news.kz/">Kyzylorda-news.kz.</a> Қызылорда облысының Арал ауданындағы Ж.Әбдірашев атындағы №62 мектеп-лицейінің ұстаздары Қызылордадағы Зияткерлік мектептегі тағылымдаманы сәтті аяқтады.&nbsp;Ауыл ұстаздарының біліктілігі мен педагогикалық тәжірибесін арттыруға арналған оқыту курсында қатысушылар &nbsp;NIS мұғалімдерінің жаратылыстану-математикалық және тілдік пәндер бойынша ашық сабақтарына қатысып, жоспарлау, оқыту мен оқуда заманауи әдіс-тәсілдер қолдану, критериалды бағалау ерекшеліктерімен танысты. Сондай-ақ оқу үдерісін басқару, инновациялық кітапханалар жұмысын ұйымдастыру, психологиялық қызметті жүргізу бағытындағы шеберлік сыныптардан тәжірибе жинақтап, &nbsp;әдістемелік қоржындарын тың идеялармен толықтырды.<blockquote>«Бұл тағылымдама мен үшін пайдалы ақпараттарға толы болды. Қарапайым дүниелерді сабақта тиімді пайдалану арқылы оқушылардың пәнге деген қызығушылығын арттыру, оқу үдерісіне белсене араласып, жаңа тақырыпты қалай игертуге болатынын көрдік. Бұл мектепте ұстаздардың сабақ жоспарын бірлесіп құруы жақсы қолға қойылған екен», – дейді аралдық ұстаз Жанна Нарикеева.&nbsp;</blockquote>Тағылымдамашылар NIS желісінде тәрбие жұмысын іске асырудағы ерекшеліктерімен де танысуға мүмкіндік алды. Зияткерлік мектептің педагог-кураторлары жүргізген практикумдарда мұғалімдер «Ұлы дала ақындары», «Менің өмірімде қолданылатын мақал-мәтелдер», «Ұрпақтар сабақтастығы», «100 күйдің тарихы», «Қазақ әндері», «100 кітап», «Ата-аналар университеті», «Әкелер кеңесі» &nbsp;секілді &nbsp;тәрбиелік жобалар мен әлеуметтік тәжірибелер бойынша құзыреттіліктерін дамыта түсті. Жатақхана қызметкерлері ұйымдастырған әдістемелік алаңда оқушылармен жүргізілетін жұмыстардың жаңашыл тәсілдерін меңгерді.&nbsp;<blockquote>«Тәрбие саласында бірнеше жобалардың жүзеге асырылып жатқанын көрдік. Көптеген педагогикалық инстайттар ала білдік. Алған білімдерімізді алдағы уақытта өз тәжірибемізде қолданамыз деп ойлаймын», – деп бөлісті ауылдық мектеп директорының орынбасары Жадыра Аймағанбетова.</blockquote><figure class="image"><img src="https://knadmin.beoblood.kz/uploads/316939305_3255698418093403_3273454291080208099_n_cb634964fb.jpg" alt="316939305_3255698418093403_3273454291080208099_n.jpg"></figure><figure class="image"><img src="https://knadmin.beoblood.kz/uploads/317422589_3255698301426748_2817010289418884992_n_7cb2a9d59a.jpg" alt="317422589_3255698301426748_2817010289418884992_n.jpg"></figure>

Қызылордада NIS мұғалімдері педагогикалық инсайттармен бөлісті

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университеті Ғылыми кеңесінің шешімімен оқу орнының 6 ғалымы «Құрметті профессор» атағымен марапатталды.Серікбай Өмірзақов – «Су шаруашылығы және жерге орналастыру» кафедрасының доценті, техника ғылымдарының докторы; Шарбан Майгельдиева– «Педагогикалық-психологиялық білім беру және оқыту әдістемесі» кафедрасының доценті, педагогика ғылымдарының докторы, &nbsp;университет профессоры; Оңғар Бермаханов – «Философия және әлеуметтік гуманитарлық пәндер» кафедрасының аға оқытушысы, философия ғылымдарының кандидаты, университеттің қауымдастырылған профессоры; Асылбек Наурызбаев – «Қаржы, есеп және аудит» кафедрасының аға оқытушысы, экономика ғылымдарының кандидаты, университеттің қауымдастырылған профессоры; Ұлжан Жанбершиева – «Қазақ тілі мен әдебиеті және журналистика» кафедрасының доценті, филология ғылымдарының кандидаты; Бақыт Қалиев – «Физика және математика» кафедрасының доценті, техника ғылымдарының кандидаты. Басқарма Төрағасы-ректор Бейбіткүл Кәрімова еліміздің ғылым мен білім саласының дамуына үлес қосып, университеттің стратегиялық дамуына айрықша үлес қосқан ғалымдарға құрмет көрсетті. Жиын соңында Ғылыми кеңес мүшелері профессорларды құттықтап, жылы лебіздерін білдірді.&nbsp;

Университет ғалымдарына Құрметті профессор атағы берілді

<a href="https://kyzylorda-news.kz/">Kyzylorda-news.kz.</a> Әбділда Тәжібаев атындағы Қызылорда облыстық әмбебап ғылыми кітапханасы «Кітап бізді өзгертеді» жобасын өткізді.&nbsp;Жоба аясында «Кітап құрттары» ерікті жастар ұйымымен бірлесіп рухани құндылықтарды насихаттап, оқырмандардың кітапқа деген қызығушылығын арттырып, кітап оқуды ілгерілету мақсатында облыс орталығындағы орталық көше Арбаттың бойында «Жастар – Start» атты буккроссинг ұйымдастырылды.&nbsp;«Буккроссинг» қозғалысы кітап пен оқырман арасын жақындатудың тиімді жолы. Кез-келген адам оқыған қызықты кітаптарын буккроссинг сөрелеріне қойып, орнына сол сөреден өзі оқымаған кітапты алып кетуі арқылы достарымен бөліседі.&nbsp;Іс-шара барысында кітап сүйер оқырмандар кез келген ұсынылған кітапты оқып, оны жеке пайдаланудағы басқа кітапқа айырбастауға мүмкіндік алды. Буккроссингте оқырмандарға әр түрлі әдеби жанрдағы көркем кітаптар ұсынылды.Сонымен қатар облыстық кітапхананың ұйымдастыруымен 2022 жыл - Балалар жылына орай түрлі іс-шараларды өткізіп келеді.&nbsp;Балаларды кітап оқуға қызықтыру мақсатында ұйымдастырылған шара апта басында өтті. Оқушылардың сәндік қолданбалы шығарма бұйымдарына деген қызығушылылығын ояту, қолөнер дағдыларын үйрету мақсатында фетрден кітап жасау бойынша шеберлік сағаты ұйымдастырылды.Шараға Б.Шалғынбаев атындағы №217 ІТ-мектеп-лицейінің көркем еңбек пәнінің мұғалімі Рисманбетова Гүлмира Сағындыққызы 8-сынып оқушылары қатысты.Шара барысында балаларға фетрден кітап жасаудың тәсілдері, қажетті құрал-жабдықты дұрыс пайдалану және қауіпсіздік ережелерін сақтау туралы мәлімет берілді. Шара соңында қатысушылар «Қарлығаштың құйрығы неге айыр?» атты ертегісі бойынша кітап жасап шығарды.<figure class="image"><img src="https://knadmin.beoblood.kz/uploads/316408132_3434738696848734_4958276450278656495_n_9fba391350.jpg" alt="316408132_3434738696848734_4958276450278656495_n.jpg"></figure><figure class="image"><img src="https://knadmin.beoblood.kz/uploads/316411916_3435508763438394_5657231630244358523_n_3a321b9b4e.jpg" alt="316411916_3435508763438394_5657231630244358523_n.jpg"></figure>

Қызылордалық жастар буккроссинг қозғалысына қосылды

<a href="https://kyzylorda-news.kz/">Kyzylorda-news.kz.</a> Қызылордалық педагогтар республикалық білім сынында аймақ абыройын тағы бір асқақтатты. «Үздік педагог-2022» республикалық байқауына қатысқан 123 мұғалімнің арасынан сырбойылық 4 ұстаз жеңімпаз атанып, төсбелгі тақты. Олардың әрқайсысы 3 миллион теңгенің сертификатын алды.Байқаудағы биылғы ерекшелік - әр өңірден барған ұстаздар елорда мектептерінің бірінде ашық сабақ өткізіп, әдісімен бөліседі.30 жылға жуық білім саласында тәжірибесі қалыптасқан Қызылорда қаласындағы №23 мектеп-лицейінің биология пәнінің мұғалімі Райкүл Қиясова үздіктер қатарынан көрінді. Ол бұған дейін Польша республикасының Варшава қаласында өткізілген еуропа елдері арасындағы ІІІ олимпиаданың жеңімпазы атанып, аймаққа олжалы оралды.Сондай-ақ,&nbsp;«Үздік авторлық бағдарлама» республикалық конкурсының ІІ дәрежелі жеңімпазы. "Қызылорда облысының білім беру саласын дамытудағы еңбегі үшін" төсбелгісімен марапатталған.«Үздік педагог»&nbsp;байқауының тағы бір жеңімпазы ауыл мектебінің мұғалімі - Салтанат Қосжанова. Ол Жалағаш ауданындағы №123 мектепте қазақ тілі мен әдебиеті пәні бойынша сабақ береді. Педагогикадағы үздік тәжірибесі ескеріліп,&nbsp;«Қызылорда облысының білім беру саласын дамытудағы еңбегі үшін» төсбелгісін алған.«Педагогикалық идеялар фестивалі» республикалық конкурсының ІІІ дәрежелі жеңімпазы атанған.&nbsp;Елордадан жеңіспен келгендердің ендігі бірі педагогикада 20 жылдан бері шәкірт тәрбиелеуде. №9 дарынды балаларға арналған облыстық&nbsp;«Білім-инновация» лицей-интернатының география пәнінің мұғалімі Ләззат Құлымбетованың аймаққа есімі белгілі.&nbsp;Ұлағатты ұстаздың шәкірті Ерасыл Сапарбеков Стамбул қаласында өткен 17 Халықаралық олимпиададан ІІІ орын иеленген және Халықаралық зияткерлік олимпиадада жеңімпаз атанғаны үшін ҚР Президент марапатын иеленген.&nbsp;Өңір атынан республикалық додада топ жарған Мәншүк Мәметова атындағы Қызылорда педагогикалық жоғары колледжінің педагогика пәнінің оқытушысы Ұлжан Есмаханова&nbsp;«Үздік ұстаз» атанды. Оның педагогикалық тәжірибесі республикалық денгейде бірнеше мәрте таратылған.&nbsp;«Worldskills Kyzylorda - 2020» облыстық чемпионатының жүлдегерлерін дайындаған. 2021 жылдың қорытындысы бойынша&nbsp;«Жыл үздігі» номинациясына ие болған.Айта кетейік, аймақта облыс әкімі Нұрлыбек Нәлібаевтың қолдауымен жыл соңында еңбегімен көзге түсіп, білімімен топ жарған 10 ұстазға 900 мың теңгенің ақшалай сертификаты табысталады.&nbsp;<figure class="image"><img src="https://knadmin.beoblood.kz/uploads/316297847_437274695260447_2708339543471228823_n_18533cdd80.jpg" alt="316297847_437274695260447_2708339543471228823_n.jpg"></figure>&nbsp;<figure class="image"><img src="https://knadmin.beoblood.kz/uploads/316415453_437260225261894_2128571288226660839_n_4445cac711.jpg" alt="316415453_437260225261894_2128571288226660839_n.jpg"></figure>&nbsp;

Қызылордалық 4 педагог «Үздік ұстаз» атанып, 3 миллион теңгенің сертификатын иеленді

<a href="https://kyzylorda-news.kz/">Kyzylorda-news.kz.</a> «Назарбаев Зияткерлік мектептері» дербес білім беру ұйымы 2023-2024 оқу жылында Назарбаев Зияткерлік мектептерінің 7-сыныптарында білім алу үшін үміткерлерге Қазақстан Республикасы Тұңғыш Президенті – Елбасының «Өркен» білім беру грантын тағайындауға конкурс жариялайды.Құжат қабылдау 2022 жылғы 1 желтоқсаннан 2023 жылғы 10 қаңтарға дейін жүргізіледі. Кешенді тестілеу 2023 жылғы 2-3 наурыз күндері өтеді.Зияткерлік мектептерге оқушыларды қабылдау үшін халықаралық стандарттарға сай және барлық үміткерлер үшін объективтілікті, әділеттілік пен теңдік қағидасын қамтитын конкурстық іріктеу жүйесі қолданылады.Зияткерлік мектептерге оқушыларды конкурстық іріктеудің қолданыстағы жүйесінің тиімділігі валидациялық зерттеулермен (2016, 2020 жылдар) және 2022 жылы сараптама және сертификаттау зерттеу орталығының (RCEC, Нидерланд) халықаралық аккредитациясынан табысты өтуімен расталды.Конкурстың қорытындысы негізінде «Өркен» білім беру грантын тағайындау жөніндегі республикалық комиссия нақты мектептерге бөлінген гранттарға сәйкес жаратылыстану-математикалық бағыттағы пәндерді зерделеу қабілеттерін бағалау және тілдік тестілеуден неғұрлым жоғары жалпы балл жинаған үміткерлерге 7-сыныптарда оқуға грант тағайындайды.Гранттарды тағайындау кезінде Комиссия келесі көрсеткіштерді басшылыққа алады:оқыту тілдеріне сәйкес кешенді тестілеу нәтижесінде неғұрлым жоғары жалпы балл жинағандар саны; мектептердің жобалық сыйымдылығы. Назарбаев Зияткерлік мектептеріне қабылдауға үміткерлерді дайындау мақсатында ДББҰ келесі жобаларды жүзеге асырады: • 5, 6-сынып оқушылары үшін Виртуалдық мектеп (онлайн, ақысыз); • Виртуалдық мектептің қорытынды тестілеуінен өткен оқушылар үшін Назарбаев Зияткерлік мектептерінің базасында өтетін Каникулярлық мектеп (ақысыз); • www.academia.kz сайтындағы «Назарбаев Зияткерлік мектебіне түсуге қалай дайындалуға және өз мүмкіндіктерін бағалауға болады» онлайн оқыту курсы (ақылы); • Назарбаев Зияткерлік мектептері базасында оқушыларды конкурстық іріктеуге байқау тестілеуі (ақылы).Жобалар туралы толық ақпаратты www.nis.edu.kz сайтында «Үміткерлер» бөлімінен алуға болады. Бұл курстардан өту Зияткерлік мектептерге түсуге кепілдік бермейді.Ескерте кетейік, бүгінде елімізде 1900-ден астам дайындық орталықтары бар. Соңғы кезде оқушыларды Назарбаев Зияткерлік мектептеріне оқуға түсу үшін қабылдау емтихандарына дайындауға қатысты кейбір білім беру қызметтерін ұсынып жүрген ұйымдар мен жеке тұлғалардың өз сайттарында және жарнамалық материалдарында «Назарбаев Зияткерлік мектептері» ДББҰ ресми логотипін заңсыз қолдану мен дайындық тесттік тапсырмалар жинағын шығару оқиғалары жиі кездесуде, сондай-ақ конкурстық іріктеу шарттары мен Зияткерлік мектептерде білім алуға бөлінген гранттар саны туралы жалған ақпарат беруде.Осыған орай, «Назарбаев Зияткерлік мектептері» ДББҰ оқушыларды Назарбаев Зияткерлік мектептеріне түсуге дайындық қызметтерін ұсынып жүрген ұйымдармен, жеке тұлғалармен бірлесе жұмыс жүргізбейтінін ресми хабарлайды.Конкурстық іріктеудің шарттары және тапсырмалар үлгілері туралы толық мәліметті сіздер тек «Назарбаев Зияткерлік мектептері» ДББҰ www.nis.edu.kz ресми сайтының «Үміткерлерге» бөлімінен ала аласыздар.<figure class="image"><img src="https://knadmin.beoblood.kz/uploads/nish_e6728a4954.jpg" alt="ниш.jpg"></figure>

NIS: Қызылордалық оқушыларды оқуға шақырады

<a href="https://kyzylorda-news.kz/">Kyzylorda-news.kz.</a> Барша адамзат дамуының шамшырақ тұлғасы және ел мен елдіктің, білім мен біліктің ұйытқысы – ұстаз. Педагогикалық мамандық адамды жас, белсенді және тынымсыз болуға міндеттейді. Оқушыларды зерттеу жұмысына үйретіп, оларды адамзат жинаған тәжірибені құрметтеуге, қоршаған әлемге және өмірге деген сүйіспеншілікке тәрбиелеумен бірге мұғалімнің өзі де білім алады, шеберлігін шыңдайды.&nbsp;Арал ауданында 23-24 қараша күндері «Қамбаш» олимпиадалар және қосымша білім беру орталығында педагогикалық шеберлік орталығы мен Арал ауданы бойынша білім бөлімінің бірлескен «Мұғалімнің кәсіби дамуы: инновациялар арқылы білім сапасына» тақырыбында педагогикалық идеялар фестивалі өтті. Іс-шараға білім беру қызметкерлері кәсіподағының аудандық комитеті демеушілік жасады.&nbsp;Педагогикалық шеберлік орталығының Қызылорда қаласы бойынша филиал директоры Камалова София Тәкенқызы мен білім саласы қызметкерлерінің Қызылорда облыстық комитеті төрғасының орынбасары Өтегенова Нұргүл Сабырқызы және Арал ауданы бойынша білім бөлімінің басшысы Жанназарова Санира Нұрқожақызы қатысушыларды педагогикалық идеялар фестивалінің ашылуымен, сонымен бірге, педагогикалық шеберлік орталығының 10 жылдық мерейтойымен құттықтап, шығармашылық табыстар тіледі.&nbsp;Мотивациялық кездесу бағытында аталған шараға қатысқан спикерлер – Сексеуіл локомотив пайдалану депосы бастығының орынбасары, облыстық мәслихат депутаты Аяғанов Еркебұлан Бауыржанұлы, Қамыстыбас елді мекеніндегі жеке кәсіпкер Балмырзаева Азат Төлебайқызы ұстазға деген ұлы сыйластық туралы айта келіп, ортақ мүддеге ұмтылған ата-ана мен мұғалім және оқушы арасындағы тығыз байланысқа тоқталды. Өздерін бұрынғы шәкірт, қазіргі таңда ата-ана ретінде әңгімелей отырып, жеткен жетістіктерінің барлығының бастауы мектепте алған білім екендігін тілге тиек етті. Ұстаздар қауымына үлкен алғыстарын білдірді.&nbsp;Фестивальге Қызылорда қаласынан және облыстың барлық аудандарынан шығармашыл топтар қатысты. Олар ұйымдастырылған жұмыстарда өз білімдері мен біліктіліктерін таныта білді. Сондай-ақ, өнерпаздық қабілеттерін көрсетіп, сахна төрінде жұлдыздай жарқырады.«Әлемді жақсы жаққа өзгертеміз!» командалық таныстырылымда табысты жас ұрпақты дайындайтын ұстаз келбетін ашатын топтық тұжырымдарын ұсынды.&nbsp;«Кәсіби шешімдер мен тапқырлық» квест ойындарынан соң, педагогикалық шеберлік орталығы тренерлерінің шеберлік сыныптарына қатысты.&nbsp;«Идеядан іске асыруға дейін» воркшоп барысында әр ауданның шығармашыл мұғалімдерінің үздік жұмыстары көрсетілді.Фестивальде педагогикалық идеяларымен тәжірибе алмасқан топ мүшелері «Бірге билейік!» флешмобында және «Жұлдыздар жауған түн!» шығармашыл ұстаз кешінде өз өнерлерін көрсетіп, нағыз өнерпаз жандар екендіктерін танытты. Жүректен шыққан өлеңдерден өрнек тоқылып, әсем әннен шашу шашылды.&nbsp;Фестивальдің келесі күнінде «Алғашқы күннің дайжесті» тақырыбында постер галереясы ұйымдастырылды.&nbsp;«Өмір бойы білім алу» деп аталатын педагогикалық жобалар қорғау жұмысында «Зерттеу дизайны: жоспарлаудан рефлексияға дейін», «INSIGHT лаборатория: оқыту формалары мен стратегиялары», «Білім берудегі сандық технологиялар», «Саралап және даралап оқытудан дербес оқытуға» бағыттары бойынша жобалар қорғалды. Әрбір топ өз жұмыстарын жан-жақты талдап түсіндірді. Өз идеяларын ортаға салды.&nbsp;Педагогикалық идеялар фестивалі өз жұмысын қорытындылап, командалар арнайы Дипломмен және Алғыс хаттармен марапатталды.<figure class="image"><img src="https://knadmin.beoblood.kz/uploads/316538685_1204537310098940_2672148510060639515_n_a42207d2bb.jpg" alt="316538685_1204537310098940_2672148510060639515_n.jpg"></figure>&nbsp;<figure class="image"><img src="https://knadmin.beoblood.kz/uploads/316196544_1204537806765557_4957949032861494575_n_0a73dc1d60.jpg" alt="316196544_1204537806765557_4957949032861494575_n.jpg"></figure>&nbsp;<figure class="image"><img src="https://knadmin.beoblood.kz/uploads/316297801_1204536936765644_1741006504944942700_n_ebf1165d3e.jpg" alt="316297801_1204536936765644_1741006504944942700_n.jpg"></figure>&nbsp;<figure class="image"><img src="https://knadmin.beoblood.kz/uploads/316257588_1204537086765629_1015644427599870359_n_ce3062c9bc.jpg" alt="316257588_1204537086765629_1015644427599870359_n.jpg"></figure>&nbsp;<figure class="image"><img src="https://knadmin.beoblood.kz/uploads/316094867_1204537253432279_3367985687217886431_n_d2876bf464.jpg" alt="316094867_1204537253432279_3367985687217886431_n.jpg"></figure>

Арал ауданында педагогикалық идеялар фестивалі өтті

<a href="https://kyzylorda-news.kz/">Kyzylorda-news.kz.</a> Ғылым Қоры АҚ-ның ұйымдастырумен «Ғылыми және ғылыми техникалық қызмет нәтижелерін коммерцияландыруды ынталандыру шаралары» тақырыбында онлайн семинар өтті. Семинарға Қорқыт ата атындағы Қызылорда университетінің 90-нан астам ғалымы мен ғылыми қызметкері қатысты.Ғылым мен ғылыми-техникалық қызмет нәтижелерін коммерцияландыру – қазіргі таңда күн тәртібіндегі өзекті мәселелердің бірі. Себебі бұл мәселе ғылыми ұйымдар мен оқу орындары қызметінің басым бағыты болып саналады.Қазақстан Республикасы ғылымын дамытудың 2022 – 2026 жылдарға арналған тұжырымдамасы ғылыми және ғылыми-техникалық қызмет нәтижелерін коммерцияландыруды жүзеге асыруға бағытталып отыр.«Ғылым қоры» АҚ-ның бастамасымен Қорқыт ата атындағы Қызылорда университетінің ұйымдастыруымен өткен онлайн семинар соның дәлелі.Семинарда&nbsp; «Ғылым қоры» АҚ Басқарма төрағасы Әбділда Шәменов ғылымды дамытудың өзектілігіне тоқталды.«Ғылым қоры» АҚ Инвестициялар және жаңа жобалар департаментінің директоры Құрманғазы Омаров коммерцияландыру жөніндегі ғылыми жобаларды қолдаудың қолданыстағы шаралары туралы айтып, жоба ұсынудың маңызын атап өтті.«Инвестициялар және жаңа жобалар» департаментінің бас менеджері Юлия Вяткина ғылым мен бизнесті интеграциялау мәселелері бойынша ақпарат берді. Ал, «Ғылым қоры» АҚ бизнес-тренері Әсел Жүнісова ҒҒТҚН коммерцияландыру жобаларын гранттық қаржыландыру бойынша конкурсқа қатысу үшін қажетті қоса қаржыландыруды тарту мақсатында әлеуетті бизнес-серіктес үшін презентациялар дайындау туралы маңызды хабарлама жасады.<blockquote>«Ғылыми және ғылыми-техникалық қызмет нәтижелерін&nbsp; коммерцияландыруды ынталандыру шаралары туралы» семинардың біздің университет ғалымдары үшін маңызы зор. Сондықтан осындай аса маңызды шараның өтуіне қолдау көрсеткен «Ғылым қорына» алғысымызды білдіреміз», – деді Қорқыт ата атындағы Қзылорда университетіндегі коммерцияландыру бөлімінің басшысы Нұржан Еділбаев.</blockquote>Қорқыт ата атындағы Қызылорда университетінің 2025 жылға дейінгі даму жоспарында ғылымнан түсетін табысты ұлғайту, ғылыми жобаларды жүзеге асыру және коммерцияландыру, ғалымдарды ынталандыру мәселелері нақты көрсетілген. Сондықтан семинар алдағы жоспарларға жету жолын айқындап, мол тәжірибеге жинақтауға септігін тигізді.<img src="https://knadmin.beoblood.kz/uploads/Whats_App_Image_2022_11_24_at_08_35_28_3_091e3e25da.jpeg" alt="WhatsApp Image 2022-11-24 at 08.35.28 (3).jpeg"><img src="https://knadmin.beoblood.kz/uploads/Whats_App_Image_2022_11_24_at_08_35_28_1_22a37d40ba.jpeg" alt="WhatsApp Image 2022-11-24 at 08.35.28 (1).jpeg">

Ғылымды коммерцияландыру  мәселелері талқыланды

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында облыстық «Жастар ресурстық орталығы» КММ-нің ұйымдастыруымен жаһандану заманында бәсекеге қабілетті, ұшқыр ойлы, интеллектуал ұлт тәрбиелеу мақсатында «IQ-ORDA» республикалық интеллектуалды байқауы өтті.&nbsp;Республиқалық жастар байқауына облыс әкімінің орынбасары Нұрымбет Сақтағанов арнайы қатысып, қатысушыларға сәттілік тіледі.Интеллектуалды сайысқа республикамыздың түкпір-түкпірінен 18-35 жас аралығындағы білімді, ізденімпаз, коммуникативті және тапқыр интеллектуал жастары қатысты. Нақтырақ айтсақ, сайыста Атырау, Ақтөбе, Жетісу, Түркістан, Шығыс Қазақстан облыстарынан, Қызылорда қаласы мен барлық аудандардан келген үздік 20 команда өзара сынға түсті.Сайыс 5 кезеңнен тұрды. Сұрақтардың да деңгейі жоғары. Кіл білімді жастар жиналған командалар үшін жеңімпаз атану оңайға түспеді. Қорытынды нәтиже бойынша бірінші орынды Қазалы ауданы, 2 орынды Жалағаш ауданы, 3 орынды Алматы қаласынан келген білімді жастар иеленді.Сайыс соңында білім додасында еліміздің әр аймағынан &nbsp;бақ сынауға келген жастар арнайы номинациялар бойынша марапатталып, жеңімпаз командаларға ақшалай сыйлық табысталды. &nbsp;<figure class="image"><img src="https://knadmin.beoblood.kz/uploads/341466b7_5249_4e7d_93dc_c9dfd66be8c3_d0253933d4.jpg" alt="341466b7-5249-4e7d-93dc-c9dfd66be8c3.jpg"></figure>&nbsp;<figure class="image"><img src="https://knadmin.beoblood.kz/uploads/120c70a2_f0d5_4dd2_91a8_ed8a19ec7bf0_93ef7ab798.jpg" alt="120c70a2-f0d5-4dd2-91a8-ed8a19ec7bf0.jpg"></figure>&nbsp;<figure class="image"><img src="https://knadmin.beoblood.kz/uploads/8f9efc4d_1a58_4de0_af45_bd8ddbc4497e_1028fa0dfd.jpg" alt="8f9efc4d-1a58-4de0-af45-bd8ddbc4497e.jpg"></figure>&nbsp;

Қызылорда: «IQ-ORDA» республикалық интеллектуалды байқауы өтті

<a href="https://kyzylorda-news.kz/">Kyzylorda-news.kz.</a> Екі ойыншы, екі стратегия, екі әскер және бір жеңімпаз – NIS-те шахматтан дәстүрлі спартакиада өтті.NIS-те дәстүр бойынша шахматқа айрықша қызығушылық танытатын оқушылардың басын қосқан желілік спартакиада өтті.Ақ-қара ойынның жас виртуоздарын «Назарбаев Зияткерлік мектептері» дербес білім беру ұйымдарының басқарма төрайымы Күләш Шәмшидинова мен оңтүстік астанадағы шахмат федерациясының аға жаттықтырушысы Асылхан Қараев құттықтады.&nbsp;NIS шахматшылары Lichess платформасында кездесіп, үш күн бойы тартысты ойын көрсетті.Командалық есепте елордадағы физика-математика бағытындағы NIS құрамасы чемпиондық атаққа ие болды. Алматыдағы физика-математика бағытындағы Зияткерлік мектептің жас шахматшылары күміс жүлдені еншілесе, үздік үштікті Семей қаласындағы NIS командасы жапты.7-9 сыныптар арасында бірінші орынды елордадағы халықаралық бакалавриат мектебінен Бексұлтан Молдағали және Семей қаласынан Тоғжан Кәрібаева иеленсе, 10-12 сыныптар арасындағы сайыс жеңісі атыраулық Ибрагим Ғалымжанұлы пен Алматыдағы физика-математика бағытындағы NIS оқушысы Елдана Қалиахметке бұйырды.Ең жас ойыншылар арасында Көкшетаудағы Зияткерлік мектептің спортшысы Алидар Құрмантас пен астаналық Амина Дүйсенова чемпиондар болып танылды.<blockquote>«Мен шахматпен он жасымнан бастап айналысамын. Бұл ойын қызықты стратегия құрып, жоспарлау дағдыларын қалыптастырады, сол себепті де таңдауым осы спорт түріне түсті», – дейді елордадағы Халықаралық бакалавриат мектебінің оқушысы Бексұлтан Молдағали.&nbsp;</blockquote>Зияткер 7-9 сыныптың ұлдары арасында үздік ойын көрсетіп, жеңіске жетті. Бүгінде ол – спорт шеберіне үміткер.&nbsp;Ал 10-12 сыныптардың қыздары арасында бірінші орынға ие болған Алматыдағы физика-математика бағытындағы Зияткерлік мектеп оқушысы Елдана Қалихамет NIS жүйесінде шахмат ойынының қарқын алып жатқанын атап өтті.<blockquote>«Желілік спартакиадаға қатысқаныма өте қуаныштымын. Жарыс жоғары деңгейде ұйымдастырылған, қарсыластар да осал емес. Зияткерлік мектептерде бұл спорт түрінің дамып келе жатқаны бәрімізге шабыт бергені сөзсіз», - дейді Елдана Қалиахмет.</blockquote>Ең жас қатысушылар санатында Астанадағы халықаралық мектеп оқушылары ерекше көзге түсіп, 1 алтын және 1 күміс, 2 қола жүлдені иеленді.Талдықорғандық NIS атынан қатысқан Алима Өмірсерікті шахматқа баулыған Балқия әжесі екен. Қазіргі таңда оның жарқын марапаттары қатарында 2018 жылғы Азия чемпионатының қоласы, 2020 жылғы Анатолий Карпов атындағы халықаралық кубоктың алтыны (Мәскеу), 2022 жылғы Батыс Азия чемпионатының алтыны (Мальдив аралдары) және 2022 жылғы рапид пен блиц бойынша ҚР чемпионатының қола медалі бар, ал желілік спартакиадада Алимаға екінші орын бұйырды.<blockquote>«Шахматты кез келген адам үйрене алғанымен, жүйелі түрде айналысып, шыңдай алатындар аз. Мен үшін бұл спорт түрінің орны ерекше, себебі мінезімді қалыптастырды, төзімді болуға үйретті», - дейді Алима Өмірсерік.</blockquote>Ақ-қара зияткерлік ойынды күнделікті өмірде де пайдалану керек деген пікірді Ақтөбедегі Зияткерлік мектеп оқушысы, I разрядты шахматшы Арсен Жетібаев айтты.<blockquote>«Бұл спорт түріндегі ең маңызды қасиет – талдай білу. Өзім түрлі тапсырмаларды орындамас бұрын оны жан-жақты зерделеуді әдетке айналдырдым, алдағы уақытта ойын тактикасын шынайы өмірде қолдануды қолға аламын», - дейді ол.</blockquote>Ересек санатта ұлдар арасында қола иеленген қостанайлық Ануар Мусаев жарыстың жоғары деңгейде өткеніне риза, ол өзіне жаңа мотивация ала білді.«Турнир өте тартысты әрі қызықты өтті. Биылғы қола медалімді алдағы жылдары алтынға айналдыратыныма сенімдімін», - дейді Ануар Мусаев.Павлодардағы Зияткерлік мектеп оқушысы Сабыр Берікұлы желілік спартакиадада алғаш рет өнер көрсетіп, үлкен тәжірибе жинақтағынын мойындады.<blockquote>«Бірінші рет қатысқандықтан қобалжу сезімінің болғанын жасырмаймын, барымды салып ойнадым. Өзім үшін ең бастысы – тәжірибе алу болды», - деді Сабыр Берікұлы.</blockquote>Ал Шымкенттегі физика-математика бағытындағы NIS-те пианиноның ақ-қара пернелерін меңгерген Данияр Керімқұл бағын ақ-қара зият ойынында да сынап көрді.<blockquote>«Пианинода өзіңнің ішкі күйіңді қозғай отырып ойнасаң, шахматта қарсылас бар, барлық зейін тақтада болады екен. Ерекше әсерге бөлендім», – дейді шымкенттік қатысушы.&nbsp;</blockquote>Қарағандыдағы Зияткерлік мектеп оқушысы Санжар Смағұл шахматты 7 жасынан бастап серік еткен, оның басты мақсаттарының бірі – NIS-ке түсуде зияткерлік ойынның көп көмегі тиген.<blockquote>«Норвегиялық шахматшы Магнус Карлсен «Маған спортпен шұғылдану, достарыммен кездесу ұнайды, бірақ шахмат әрдайым менімен бірге, менің миымның ішінде болады» деген екен, осы сөздермен толықтай келісемін», – деп өскемендік Жәңгір Заманбек бұл спорт түрінің өзінің өміріндегі орнын айшықтады.</blockquote>Алматы қаласындағы шахмат федерациясының өкілі Әділ Тоқтамысов басқарған төрешілер алқасы қатысушылардың логикалық және креативті ойлауын, талдамалық қабілеттерін және сәйкесінше спартакиаданың жоғары деңгейін атап өтті.<figure class="image"><img src="https://knadmin.beoblood.kz/uploads/Whats_App_Image_2022_11_23_at_17_06_21_1_334049af1c.jpeg" alt="WhatsApp Image 2022-11-23 at 17.06.21 (1).jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_11_23_at_17_06_21_f1eff780b2.jpeg" alt="WhatsApp Image 2022-11-23 at 17.06.21.jpeg"></figure>

NIS: Қызылордалық оқушылар шахматтан дәстүрлі спартакиадаға қатысты

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті, «Экономика және құқық» институтының «Философия және әлеуметтік-гуманитарлық пәндер» кафедрасы 2011 жылдан бастап дәстүрлі түрде Дүниежүзілік философия күнін атап өтіп келеді.Атаулы күнге орай «Философия және әлеуметтік-гуманитарлық пәндер» кафедрасында арнайы жиын өтіп, «Қорқыт ата университеті – бұл менің таңдауым» атты философиялық эссе жазу бойынша конкурстың жеңімпаздары марапатталды. Іс-шараға оқу орнының профессор-оқытушылар құрамы, студенттері қатысты.Кештің модераторы «Философия және әлеуметтік-гуманитарлық пәндер» кафедрасының меңгерушісі, PhD доктор Жарқынбек Әбікенов болды.Шарада Экономика және құқық институтының директоры Нұрлан Құлмырзаев қоғамдағы философияның рөліне тоқталды.Жиын барысында университеттің «Түлектер қауымдастығы» ассоциациясының жетекшісі Гүлшат Дүзелбаева мерекенің маңыздылығын атап өтіп, қауымдастық атынан ұжымға сыйлық тарту етті.Кафедраның аға оқытушысы Мақпал Сыздықова студенттерден алынған әлеуметтік сауалнама нәтижелерімен таныстырды. Сонымен қатар, кафедра доценті Ербол Абенов, аға оқытушы Болат Апенов философияның негізгі ерекшеліктеріне тоқталды.Шара соңында философиялық эссе конкурсының жеңімпаздарын институт директоры Нұрлан Құлмырзаев марапаттады.Философия пәнін кеңінен насихаттауға бағытталған мазмұнды, тыңдаған қауымға берері бар мұндай ауқымды іс-шаралар алдағы уақытта университет аясында өз жалғасын таба беруі керек.Айта кету керек, 2002 жылы ЮНЕСКО-ның Дүниежүзілік ұйымы жыл сайын қараша айының үшінші бейсенбісінде Философия күнін өткізу туралы жариялады. Бұл күн әлемнің ЮНЕСКО-ға мүше 80-нен астам елдерінде атап өтіледі.<img src="https://knadmin.beoblood.kz/uploads/165121321_f2f1c3fb00.jpg" alt="165121321.jpg">

Университетте дүниежүзілік философия күні атап өтілді

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде Халықаралық педагогикалық білім беру академиясының корреспондент мүшесі, педагогика ғылымдарының кандидаты, академиялық профессор Пажарбек Сапарходжаевтың 70 жасқа толуына арналған салтанатты Ғылыми Кеңес өтті.Ғылыми кеңесте университеттің Басқарма Төрағасы-Ректоры Бейбіткүл Кәрімова профессордың білім саласына қосқан үлесін ерекше атап өтті.Жиынға облыстық мәслихат депутаты, университеттің құрметті ректоры, техника ғылымдарының докторы Қылышбай Бисенов, Қызылорда қалалық мәслихатының хатшысы Ибадулла Құттықожаев, Ы.Алтынсарин атындағы Ұлттық білім академиясының Тілдерді оқытудың мазмұны мен әдістері зертханасының бас ғылыми қызметкері, педагогика ғылымдарының кандидаты Әкімжан Әбдықалықұлы Сайлыбаев, зиялы қауым өкілдері және университеттің Ғылыми Кеңес мүшелері қатысты.Пажарбек Ыбырайұлы университетте 1993-1996 жылдары «Жалпы физика және физиканы оқыту әдістемесі» кафедрасының аға оқытушысы қызметін атқарды. 1996-1997 жылдары «Физика-математика» факультеті деканының орынбасары, 1997-1999 жылдары «Физика» кафедрасының меңгерушісі, 1999-2008 жылдары Қорқыт Ата атындағы Қызылорда мемлекеттік университеті жанындағы Қазақ-түрік лицейінің директоры, 2008-2012 жылдары «Жалпы физика» кафедрасының меңгерушісі болып еңбек етті. 2012 жылдың 1 кыркүйегінен бастап «Физика және математика» кафедрасының академиялық профессоры қызметін атқаруда.Профессордың 90-нан аса ғылыми-әдістемелік еңбегі отандық және шет елдік беделді басылымдарында жарық көрді. «Электродинамика», «Физика мұғалімінің кәсіптік дайындығын көтерудегі әдістемелік есептер жүйесінің рөлі» және т.б. көмекші оқу құралдарының авторы.Ғалымның еңбектері ескеріліп, 1997 жылы «ҚР білім беру ісінің үздігі» төсбелгісі, 2002 жылы ҚР білім және ғылым министрлігінің құрмет грамотасымен, 2013 жылы Университеттің 75 жылдық мерекелік медалімен, 2014 жылы «Ы.Алтынсарин» төсбелгісімен, 2017 жылы «Қазақстан Республикасының ғылымын дамытуға сіңірген еңбегі үшін» төсбелгісімен, Қорқыт Ата атындағы «Алтын медалімен», 2018 жылы «Қызылорда қаласына 200 жыл» мерекелік медалімен, Қызылорда облысы басшылығының құрмет грамотасымен, Қызылорда қаласының әкімінің құрмет грамотасымен марапатталды.<img src="https://knadmin.beoblood.kz/uploads/315834181_627827965753406_7381878628527307177_n_79f0107e1d.jpg" alt="315834181_627827965753406_7381878628527307177_n.jpg">

Қазақстан және Қызылорда облысының жаңалықтары: Білім