<a href="https://kyzylorda-news.kz/">Kyzylorda-news.kz.</a> Биылғы жылдың 24 сәуірінен - 2 мамыр аралығында 4-9 сынып оқушылары арасында білім жетістіктерінің мониторингі (ББЖМ) өтеді. Оған 1473 мектептен 50 мыңнан астам оқушы қатысып, үш бағыт бойынша компьютерлік кешенді тестілеуден өтеді. Ол оқу, математикалық және жаратылыстану бағыттары.Айта кетейік, білім алушылардың білім жетістіктерінің мониторингі – құқықтық салдары жоқ. Тестілеуді арнайы оқытылған өкілдер өткізеді. Халықаралық салыстырмалы зерттеулермен ұқсастығы мониторинг жүргізу жөніндегі нұсқаулық пен тест-әкімші сценарий әзірленді. Сондай-ақ мониторинг барысында білім алушылардың білім сапасына әсер ететін факторларды анықтау үшін тест тапсырушылар, педагогтер және білім беру ұйымдарының әкімшіліктері арасында сауалнама жүргізіледі.<blockquote>«Білім алушылардың білім жетістіктерінің мониторингі қорытындысы бойынша еліміздің барлық өңіріне білім беру сапасын жақсарту бойынша әдістемелік ұсынымдар әзірленеді, ол мектептердегі білімді дамытуға ықпал етеді. Әрбір білім беру ұйымы оның ішінде басшылықтан бастап педагогтер, оқушылар нақты нәтижелердің маңыздылығын түсінуі тиіс. Сондықтан мониторинг жүргізу кезінде академиялық адалдық қағидаттарының сақталуын қамтамасыз ету қажет», - деді Білім беру саласындағы сапаны қамтамасыз ету комитетінің бас сарапшысы Анар Тасмұратова.</blockquote>Естеріңізге сала кетейік, білім алушылардың білім жетістіктерінің мониторингі 2021 жылдан бастап өткізіліп келеді. Жыл сайын іріктеу параметрлерін ескере отырып, мектептердің жалпы санының 25% қамтылады. 2022 жылы 1441 мектеп қатысып, мониторинг қорытындысы бойынша барлық өңірлер кешенді талдау мен әдістемелік ұсынымдар алды. Онда білім беру сапасын арттыру үшін жұмысты күшейту бағыттары нақты көрсетілген.

Мектептерде білім алушылардың білім жетістіктерінің мониторингі басталады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Нәлқожа Ергешбаев атындағы №172 орта мектепте жасөспірімдер арасындағы құқықбұзушылықтың алдын алу мақсатында «Құқықтық сауаттылық – заман талабы» тақырыбында 8-11 сыныптар арасында ашық пікір алаңы өткізілді.Жасөспірімдер мен кәмелетке толмағандар арасында құқық бұзушылықтың алдын алу және оны болдырмау бағытында түсіндірме жұмыстарын жүргізу мақсатында ұйымдастырылған іс-шараға «Сенімен Болашақ» Республикалық ата-аналар қоғамдық бірлестігінің Қызылорда облысының филиал директор, педагог Ш.Жұмабекұлы мен балалар психологы Ж.Баянова, Қызылорда облысының дін істер басқармасының дін мәселелерін зерттеу орталығының психолог маманы Қ.Қойшыбаева, Қызылорда қалалық полиция басқармасы ювенальды полиция бөлімшесінің ниспекторы полиция капитаны А.Абрахманова, ата-аналар комитетінің төрағасы А.Күнғабылов, мектеп директоры &nbsp;М.Байдилдаева, директордың тәрбие ісі жөніндегі орынбасары Ж.Құрманова, педагог-психолог З.Сисенбаева, әлеуметтік педагог А.Жанетова қатысты. «Сенімен Болашақ» Республикалық ата-аналар қоғамдық бірлестігінің Қызылорда облысының филиал директоры, педагог Ш.Жұмабекұлы мен балалар психологы Ж.Баянова, 8-11 сыныптың ұл балаларына «Атом-молекула» әдісі арқылы оқушыларды екіден, үштен, төрттен жұптастырып,сұрақтар қойды. Балалар психологы Ж.Баянова қыз балаларға «Су бұрқақ» әдісін пайдаланып, ер балаларға қошемет көрсету арқылы көңіл күйлерін көтерді. Кездесу барысында оқушылар,психолог Ж.Баяновадан жасөспірім шақтағы 4 қауіп түрі туралы ақпарат алды. Ол өз сөзінде депрессия, суицидалды ой, түрлі тәуелділік, криминальды топтарға қосылып кетудің себептері мен салдары, көмек алуға болатынын, досыңа көмектесу үшін тек байқау және тиісті маманға бағыттау дағдысының жеткілікті екенін алға тартты. Сонымен қатар оқушылар буллинг, кибербуллинг яғни "Интернет-буллинг" туралы ақпарат беріп, қорғану жолдарын баяндады сәлемдесіп, оқушыларды серпілтіп алды. Оқушылармен жақсы қарым-қатынаста бола отырып түрлі ойындар арқылы баланың ішкі жан дүниесіне үңіле білді. Оқушылар түрлі сұрақтар қойып, сұрақтар арқылы жауап ала білді. Алдағы уақытта оқушылармен тығыз байланыста жұмыс жүргізетіндіктері туралы атап өтті.Қызылорда облысының дін істер басқармасының дін мәселелерін зерттеу орталығының психолог маманы Қ.Қойшыбаева қазіргі уақытта жастардың жат дінге немесе діни ағымның соңына ермеуіне, ғаламтордағы алдаушылыққа еру, ақша ұсыну мақсатында, еліктеушілік, сенгіштік және кез келген сайттарға тіркелуге болмайтындығы, мысалы әр адамның нөмірі тіркелулі кез келген сайттардан материалдар оқыған кезде абайлауымыз керек сияқты мәселелерді &nbsp;қатаң назарда ұстауымыз керектігін ескертті.Ата-аналар комитетінің төрағасы А.Күнғабылов Тасбөгет кентіндегі ерікті жастардың көшбасшысы ретінде жасөспірімдерді қолдап, түрлі іс-шаралар мен қайырымдылық істерге белсене араласуына ықпал жасап жүргендігін және осы аталған шараға мектептен де оқушылардың үнемі қатысып отыратындығын айтты. Оқушыларға өзінің осы мектептің түлегі, ата-анасы және ата-аналар комитетінің төрағасы ретінде таныстырып өтті. Қазіргі таңдағы &nbsp;орын алып жатқан &nbsp; құқық бұзушылыққа байланысты &nbsp;алдағы уақытта мұндай келеңсіз оқиғалардың қайталанбауын, қай кезде де бала қауіпсіздігі басты назарда болатынын айтты.Қызылорда қалалық полиция басқармасының ювенальды полиция бөлімшесінің инспекторы полиция капитаны А.Абрахманова кәмелеттік жасқа толмағандар арасында жасалған іс-әрекеттері қоғамға қарама-қарсы болса онда олар қылмыстық немесе әкімшілік жауаптылыққа тартылатындығы туралы айтты. Сонымен қатар кәмелеттік жасқа толмағандардың беймезгіл уақытта көшеде бос жүрмеу керектігін де атап өтті. ҚР ӘҚБтК-нің 442 бабы 1-2-3 бөлімдері, 434 бап, 437 бап, 440 бап пен 127 баптардың түсіндірмесін оқушыларға жеткізді.Мектеп директоры Мария Шынәліқызы болашақ кемелді жастардың &nbsp;қолында екендігін атап айтып, іс-шараға келген қонақтарға ризашылығын білдірді. Оқушылардан іс-шара соңында кері байланыс алынып, өздерінің алған әсерлерін ортаға салып ой бөлісуге шақырды.

Қызылордада жоғары сынып оқушылары құқық тақырыбы аясында ашық пікір алаңына қатысты

<a href="https://kyzylorda-news.kz/">Kyzylorda-news.kz.</a> Қызылорда облысының прокуратурсы кәсіпкерлік ортадағы жүйелі мәселелерді, әкімшілік кедергілерді және бизнес өкілдеріне қысым көрсетуді анықтау мақсатында бизнес өкілдерімен кездесу тұрақты түрде өткізіліп келеді.Кезекті кездесу барысында Қызылорда қаласында орналасқан қоғамдық тамақтандыру орындарының өкілдері полиция органдарының Кальянды, яғни Қорқорды тұтынуды анықтау мақсатындағы тексерістеріне шағым білдірді.Зерделеумен бұл бағыттағы мемлекеттік бақылауды жүзеге асыру санитариялық-эпидемтологиялық бақылау органдарының құзыретіне жататыны анықталды. Осылайша Полиция органдары кәсіпкерлік субъектілеріне заңсыз тексеріс жүргізіп, негізсіз әкімшілік жауаптылыққа тартылғаны анықталды. Аталған мәселені талқылап, полиция органдарының бизнеске заңсыз араласуын болдырмауға шаралар белгілеу мақсатында &nbsp;мәжіліс өткізілді.Мәжіліске Қоғамдық тамақтану нысандарының өкілдері, облыстық полиция департаментінің, қалалық полиция басқармасының, Санитариялық-эпидемиологиялық бақылау департаментінің, қалалық басқармасының, Кәсіпкерлер палатасының басшылары қатысты.&nbsp;Негізінен «Халық денсаулығы және денсаулық сақтау жүйесі туралы» Кодекстің талаптарына сәйкес қоғамдық тамақтандыру орындарында Қорқор тұтынуға тыйым салынған, тек осы насандардағы Денсаулық сақтау министрінің 10.12.2020ж. №246/2020 бұйрығымен бекітілген талаптарға сәйкес келетін арнайы бөлінген орындарда тұтынуға рұқсат және бұл саладағы мемлекеттік бақылауды жүзеге асыру Санитариялық-эпидемиологиялық бақылау органдарына жүктелген. Алайда полиция қызметкерлері қоғамдық тамақтандыру орындарын аралап, анықтағлан жағдайда Қорқорды тұтынған адамға ӘҚБтК-тің 441-баптың 1-тармағымен хаттама толтырып, одан әрі тексеру әрекетін жүргізіп, кафе иесіне ӘҚБтК-тің 441-баптың 3-тармағымен хаттама толтырған. Осылайша полиция қызметкерлері кәсіпкерлік нысандарға тексеріс жүргізудің тәртібін бұзып, кәсіп иелерін негізсіз әкімшілік жауаптылыққа тартылған.Жиналыс қорытындысымен Полиция органына «Қазақстан Республикасының iшкi iстер органдары туралы» Заңының 6-бабы 2-тармағында көзделген негіздер болған жағдайда кәсіпкерлік нысандарға қарап тексеру жүргізу, Қорқорды тыйым салынған жерде тұтыну фактілерін растайтын құжаттардың (хаттама, түсінік, фото-бейне жазбалар) көшірмелері тіркелген жолданыммен мемлекеттік бақылау жүргізіп, ӘҚБтК-тің 425-бабымен әкімшілік жауаптылығын шешу үшін Санитариялық-эпидемиологиялық бақылау органдарына жүгіну белгіленді. Сонымен қатар Санитариялық-эпидемиологиялық бақылау департаментіне Кәсіпкерлер палатасымен бірлесіп облыс көлемінде бір айлық мерзімде қорқорды пайдалануға салынған тыйымдар мен пайдалану тәртібін реттейтін талаптарға түсіндірме жүргізу ұсынылды.Сонымен қатар жыл басында мемлекеттік кірістер органдарының мәмілелерді жарамсыз деп танумен байланысты сотқа жаппай жүгіну әрекетіне шағымдарын білдірген болатын. Бұл мәселені де зерделеп, Мемлекеттік кірістер органдарының жеткілікті дәлелсіз кәсіпкерлерді сот процесіне тартылып келгені анықталды.Мысалы өткен жылы салық органдары 500 кәсіпкердің мәмілелерін жарамсыз деп тану туралы сотқа 315 талап арыз беріліп, оның жартысына жуығы мемлекеттік кірістер органдарының пайдасына шешілмеген. Бұл өз кезегінде 200-ден астам кәсіпкердің қалыпты жұмысына кері әсерін тигізген.&nbsp;Сондықтан кәсіпкерлерді сотқа негізсіз тартуды болдырмау мақсатында Прокуратура, Мемлекеттік кірістер органы, Кәсіпкерлер палатасы болып үш жақты меморандумға қол қойылды.Меморандумға сәйкес мемлекеттік кірістер органдары сотқа жүгінбес бұрын үш органның өкілдерінен құралған комиссияның отырысында қаралып, жеткілікті негіздер болған жағдайда сот органдарына талаппен жүгінетін болды. Жалпы ағымдағы жылдың 1 тоқсанында кәсіпкерлердің құқықтарын қорғау саласында 25 прокурорлық қадағалау актісі енгізілді, қаралу қорытындысымен 306 актінің, 93 әкімшілік хаттамалардың күші жойылды, 500 кәсіпкердің құқығы қорғалып, 68 кәсіпкерге тиесілі 53 млн. теңге қаржысы өндірілді.«Халық үніне құлақ асатын мемлекет» тұжырымдамасын іске асыру аясында облыстың барлық прокуратура органдарында кәсіпкерлердің шағымдарына жедел әрекет ететін мобильді топтардың жұмысы жүргізілуде.Байланыс нөмерлері прокуратураның, әкімдіктің ресми сайттарында орналастырылған және оның жұмысы туралы әлеуметтік желілерде кеңінен таратылуда. &nbsp;Ағымдағы жылдың 1-тоқсанында осы мобильді топтарға кәсіпкерлерден 124 сигнал түсті, оның 70-не заң талаптары түсіндірілсе, 54 шағым өз дәлелін тапты. Қолданылған қадағалау актісімен 54 кәсіпкерге тиесілі 26,1 млн. теңге мемлекеттік сатып алу шартының орындалуын қамтамасыз ету қаржысы өндіріліп берілді. Сонымен қатар прокуратурамен Мемлекеттік кірістер органдарының «Түбіртекті талап ет» пилоттық жобасының іске асырылуы талданды. &nbsp; &nbsp; &nbsp;&nbsp;Пилоттық жоба бойынша дүкенге барған тұтынушы сатып алған зат үшін чек бермеген жағдайды бейне &nbsp;камераға түсіріп, дүкеннің атауын, орналасқан мекен-жайын көрсетіп, ұялы телефонға жүктелген арнайы бағдарламаның көмегімен хабарлама беру мүмкіндігі қаралған. Осы пилоттық жоба бойынша 712 дүкенге әкімшілік жаза қолданылған.Заңдылығын зерделеумен чектің берілмегенін растайтын жеткілікті материалсыз 93 әкімшілік істер анықталып, енгізілген прокурорлық қадағалау актісінің қаралу қорытындысымен күштері жойылды.Оған қоса осы әкімшілік істердің ішінде 8 жағдайда мемлекеттік кірістер органдарының қызметкерлері дүкендерге тексеріс жүргізудің тәртібін бұзғаны анықталып, тиісінше ӘҚБтК-тің 175-бабымен әкімшілік іс қозғалып, негізінен қарау үшін сотқа жолданды.Бүгінгі күнге 3 салық қызметкеріне осы баппен айыппұл салынса, қалған әкімшілік істер соттың өндірісінде. Сонымен қатар салықтық берешекті өндіру туралы жеке тұлғаға қатысты қабылдануы тиіс салықтық бұйрықтардың 306 кәсіпкерге заңсыз шағырылғаны анықталып, қолданылған шаралармен аталған бұйрықтардың күші жойылды.

Прокуратура: Қызылордада кәсіпкерлердің қызметіне заңсыз араласу мәселесі бақылауда

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен &nbsp;Қ.Мұхамеджанов атындағы №1 мектеп гимназиясында «Құзіреттілікке бағытталған білім беру - жаратылыстану бағытында» &nbsp;тақырыбында қалалық &nbsp;семинар өтті.&nbsp;Семинарға Қызылорда қалалық білім бөлімінің әдіскері Нұрқанат Ақылбайұлы арнайы қатысып, ұстаздарға сәттілік тіледі.«Құзіреттілікке бағытталған білім беру - жаратылыстану бағытында» семинары мақсаты жаратылыстану пәндерін оқытуда жаңа әдіс тәсілдерді қолданып, оқушылардың функционалдық сауаттылығын арттыру, өзара тәжірибе алмасу мақсатында ұйымдастырылды. &nbsp;Химия пәнінен Гүлжан Тоқтарқызы «Қышқылдардың құрылысы» атты, биология пәнінен Жадыра Таңатарова «Ұрықтық дамудың алғашқы кезеңдері» тақырыбында және география пәнінен Жанділдаева Кенже &nbsp;«Елдерді саяси-географиялық аудандастыру» тақырыптарында ашық сабақтар көрсетті. Семинар соңында география пәні мұғалімі Венера Сарманкулова география пәнінен «ҰБТ-ға дайындаудағы тиімді әдіс тәсілдер» атты шеберлік сағатын өткізді.Семинарға арнайы келген қонақтар тал егу акциясы аясында мектеп ауласына көшеттер отырғызып, «Семинар маңызды әрі мәнді өтті. Қатысушылар ретінде өздерімізге қажетті дүниелерді алып қайттық», - деген пікірін білдірді.

Құзіреттілікке бағытталған білім беру - жаратылыстану бағытында

<a href="https://kyzylorda-news.kz/">Kyzylorda-news.kz.</a> Мемлекеттік тапсырысты тәулігіне 10,5 сағатқа төлеуді сұраған қызылордалық жеке балабақша иелерінің мәселесі шешілді.Биыл ақпанда Қызылорда облысы кәсіпкерлер палатасына «Қазақстандық үздіксіз білім беру қауымдастығы» жеке кәсіпкерлер мен заңды тұлғалар бірлестігінің аймақтық филиал директоры Наталья Мишуковадан өтініш келіп түсті.&nbsp;Хатта: «Қызылорда қаласында 207 жеке балабақша жұмыс істейді. Басым көпшілігінің жарғысында 5 күндік жұмыс аптасымен балалардың 10,5 сағат болуы көрсетілген. Соған қарамастан Қызылорда қаласының білім бөлімі 5 күндік жұмыс аптасымен мемлекеттік тапсырыс аясында жұмыс істеп жатқан жеке балабақшаларға 9 сағатпен келісімшарт жасады», дей келе мәселені шешуге көмек сұраған.Кәсіпкерлер палатасының заңгерлері мәселені ҚР Сыбайлас жемқорлыққа қарсы іс-қимыл агенттігінің облыстық департаменті басшысының Палата алаңындағы жеке қабылдауына шығарды.&nbsp;<blockquote>«Қосымша бұл сұрақты қалалық білім бөлімі мен облыстық білім басқармасына, сондай-ақ Оқу-ағарту министрлігіне жолдап, түсіндірме беруін сұрадық. Себебі кәсіпкерлердің көтеріп отырған мәселесі орынды. Нормативтік-құқықтық актілерде қандай да бір шектеу көрсетілмеген», – дейді Кәсіпкерлер палатасы директорының құқықтық мәселелер жөніндегі орынбасары Салават Құлмахан.</blockquote>Осыдан кейін облыстық білім басқармасының өкілдері жеке балабақша иелерімен кездесіп, мектепке дейінгі тәрбие мен оқытуға мемлекеттік білім беру тапсырысын орналастыру бойынша конкурстық комиссияға тиісті құжаттарды (күн тәртібі көрсетілген мекеме жарғысы, ұйым қызметкерлерінің үлгі штатқа сай жасақталғанын және санитарлық талаптарға сай аз мәзірі мен үш мезгіл ыстық тамақпен қамтамасыз ету талабының сақталғаны дәлелдейтін құжаттар) тапсыруды ұсынады.Наурызда аталған комиссияның отырысы өтіп, өтінім берген 99 балабақшаның құжаттарының талапқа сәйкестігі қаралады. Нәтижесінде комиссия мүшелері 99 балабақшаға 10,5 сағатпен мемлекеттік тапсырыс орналастыру жөнінде қаулы шығарды.<blockquote>«Кәсіпкерлердің мәселесіне дер кезінде мән беріп, шешуге мұрындық болған Кәсіпкерлер палатасы мен Сыбайлас жемқорлыққа қарсы іс-қимыл агенттігінің облыстық департаментіне алғысымыз шексіз» – дейді «Қазақстандық үздіксіз білім беру қауымдастығы» жеке кәсіпкерлер мен заңды тұлғалар бірлестігінің аймақтық филиал директоры Наталья Мишукова.</blockquote>Кәсіпкерлікке қатысты сұрағы бар азаматтар Қызылорда облысының кәсіпкерлер палатасына 8 /7242/ 40-09-81 нөмірі арқылы хабарласа алады немесе Facebook желісіндегі «Сыр өңірі мен Қызылорда қаласындағы БИЗНЕС» тобынан барлық жаңалықпен танысуына болады. &nbsp;

Жеке балабақша иелерінің мәселесі шешілді

<a href="https://kyzylorda-news.kz/">Kyzylorda-news.kz.</a>&nbsp; Гүлназ Құлымбетова мәртебелі мамандық жолына түсіп, бала тәрбиелеу ісін өмірлік серік өтуді кішкентай күнінен армандаған болатын.&nbsp;Жастайынан атасы Әбілхайыр Құлымбетовтің қызметіне қарап бой түзеп, сол кісіден үлгі алған екен.Әбілхайыр ақсақал кезінде №129 Қызыл Ту атында болған орта мектептің директоры болған деседі. Жас ұрпаққа тәлім мен тәрбиені қатар игертіп, Қалтайдай қарымды қаламгер, Әбіраштай айтулы ақындарды түлетіп ұшырған. Отбасында әке-анасымен қатар ата-әженің тәрбиесін көріп өскен Гүлназ кішкентай кезінен әділдікке, тазалыққа бой үйреткен. Аяулы ұстаз 1972 жылы Шіркейлі ауылындағы берекесі тасыған шаңырақта дүние есігін ашқан. Берекелі шаңырақта сәби үні шырқалған әкесі Қуанышбайдың қуанышында шек болмаған. Қуанышбай Әбілхайырұлы туған ауылының өркендеуіне үлес қосқан, еңбегімен ел құрметіне бөленген қарапайым жан. Мамандығы электр саласымен байланысты екендігін ескертейік. Ал анасы Құрманкүл Жакеева – зейнеттік демалысқа шыққанша тынымсыз еңбек еткен ақ халатты абзал жан ретінде ауылға белгілі. Мамандығы – фельдшер.<blockquote>Мектеп қабырғасындағы аяулы ұстаздарым Ә.Құдайбергенов, Д.Әлиасқаров, Ә.Палымбетов, Б.Сүлейменов, З.Таңатқанова, Б.Зарипова, Ж.Азаматова секілді ұлағатты ұстаздардан алған тәлімді тәрбие мен сапалы білімнің арқасында мен де мұғалімдік мамандықты таңдадым. Жібек апайымның өлеңді мәнеріне келтіріп оқуы, әр сабақты әсерлі етіп өткізуі қазақ тілі мен әдебиеті мамандығын таңдауыма ықпал етті. Атамның ұлағатты ұстаздық жолын мен осылай бастап, абыроймен жалғастырып келемін, – деді Гүлназ апай бізбен әңгімесінде.</blockquote>Г.Құлымбетова 1994 жылы Қызылорда қаласындағы Қорқыт ата атындағы институтты бітірген соң Нұрлыбек Шадановпен шаңырақ көтереді. Тағдыр айдап, Қоғалыкөл ауылына қоныс аударады. Осындағы №44 орта мектепке жұмысқа орналасады. Міне, содан бері аталған білім ордасында бала тәрбиелеу ісімен айналысып, ел өркендеуіне өзіндік үлесін қосып келеді.<blockquote>Сол кезеңде менің есімде ерекше сақталғаны – институтты бітіргеннен кейін әрқайсысымыз өз ауданымызға жолдама алу үшін облыстық білім басқармасының басшысы Әли Мүсілімовтің қабылдауында болған кезіміз. Ол кісі барынша қарапайым және өте талапшыл жан екен. Бірінші күні бізді қабылдауға сағат 15.00-ге шақырған болатын. Алайда, көпшілігі айтылған уақыттан кешігіп келді. Ағай бізді келесі күнге дәл сол уақытқа қайта шақырды. Сонда «Өздерің аз уақыттан кейін мұғалімдік қызметті бастағалы отырсыңдар. Сабаққа да осылай кешігіп баратын болсаңдар, оқушыға қалай талап қоясыңдар? Баланы тәрбиелеу үшін алдымен өздерің тәрбиелі болуларың керек» деп қатаң ескерту жасаған еді. Сондағы айтқан сөзін мен осы кезге дейін басты ұстанымым етіп келемін, – дейді Г.Құлымбетова алғаш еңбек жолын бастаған кездер туралы естеліктерді есіне түсіріп.</blockquote>Бала тәрбиесі – баршаның ісі. Дегенмен, басты талап ата-ана мен мұғалімге қойылатыны анық. Осы ретте қызығы мен қиындығы қатар жүретін мұғалімдік мамандықтың иесі болу үлкен жауапкершілік жүктейтіні белгілі. Ол үшін үлкен төзім мен жігер керек.<blockquote>&nbsp;«Болат қайнауда шынығады» дейді халық даналығы. Мәртебелі мамандықтың мерейлі иесі болуыма бірден-бір ықпал еткен сол уақытта оқу ісінің меңгерушілігі қызметін атқрған М.Іскендіров және сол кезеңдегі талап бойынша «ақылшы-ұстазым» болған Е.Ысқақов ағайларды ерекше атап өткім келеді. Ол кісілер әрдайым сабағыма және сыныптан тыс іс-шараларыма қатысып, өзіндік пікірімен бөлісе отырып, менің кәсіби толысуыма зор ықпал еткен болатын. Әсіресе, Мұрат ағайдың «Балам, пайдаланған көрнекі құралдарың эстетикалық талғамға сай болсын» деген ескертуін осы кезге дейін сабақ немесе іс-шара өткізген сайын өзіме басты талап етіп қоямын. Сабақ арасындағы үзіліс уақытында Есенжол ағайдан түсінбеген тұсыңды сұрай қалсаң «Е-е, балам, ол былай ғой» деп бастап, байсалды жауап беруінің өзі менің кәсіби өсуіме көп ықпал еткен еді. Өкінішке орай, Есенжол ағай қазір арамызда жоқ, бақилыққа аттанған, – деді кейіпкеріміз өзінің ақылшы ұстаздары туралы ой тербеп.</blockquote><blockquote>«Менің ұзақ жылғы тәжірибемнен түйгенім – тек мұғалім оқушыны тәрбиелеп қана қоймайды екен. Оқушының да мұғалімге ой салып, бағыт беретін кездері де болады» дейді тәжірибелі маман. Гүлназ апай алғаш еңбек жолын бастап, мамандықтың қыр-сырына енді ден қойып жүрген кезі екен. Сабақ беретін сыныбындағы оқушылар сабақ барысында баяу, көздерінде қорқыныш бардай сезіледі ұстазға. Бала мен оқытушы арасындағы байланысты бірінші орынға қоятын мұғалім оқушыларға «Балалар, менің сабағымды түсінбей жүрсіңдер ме? Әлде сабақ қиын ба?» деп ашық сұрақ қойыпты. Сонда оқушылардан «Жоқ, апай, сіздің сабағыңызды жақсы түсінеміз. Алайда, біз сізден қорқа-соқтаймыз. Сіз сабаққа кіргенде және сабақ уақытында қабағыңызды түйіп жүресіз» депті. Оқушымен дұрыс коммуникация құра алған Гүлназ апай оқушылардың сынын дұрыс қабылдап, сабақ барысын одан сайын қызықты өткізуге күш алған екен. «Мен мұғалімнің баланы тәрбиелей отырып өзінің де тәрбиеленетіндігіне көзім жетті. Балалардың өз ойын батыл айтуы маған ой салумен қатар, оқушылармен арадағы байланыстың нығаюына ықпал етті» дейді сондағы бір қызықты күндерді еске түсіген білікті маман.</blockquote>Гүлназ апай мектепте білікті ұстаз, оқушылардың сүйікті мұғалімі болса, отбасында аяулы жар, асыл ана, ардақты әже. Жолдасы да үнемі қызметіне, уақытпен санаспай жұмыс істеуіне мүмкіндік жасаған, әркез қолдау көрсетіп отырады. Отбасының, арқасүйер азаматының рухани қолдауын әркез сезінетін аяулы жан Н.Шадановпен бірге бір ұл, екі қызды тәрбиелеп өсірген. Ұлы Даниярдың мамандығы – орманшы. Аружан есімді келін әкеліп, ата-анасын қуантқан. Ата-ана ізін қуып, шаттыққа толы шаңырақтың негізін салған жандар дүниеге Феруза, Әли, Нұрғали есімді сүйкімді бүлдіршіндерді әкелген. Ал қыздың үлкені Назерке – кітапханашы, Әйгерім – магистрант.<blockquote>– Отбасындағы жарасымды өмірдің арқасында мен қазіргі уақытта таңдаған мамандығымның таңдаулы иесі болып отырмын. Мақтан тұтар шәкірттерім де баршылық. Атап айтқанда, Ж.Тоқмырзаева, Д.Қырдан, Г.Демжанова, Б.Айқынқызы және басқалары. Институтта оқып жүрген кезде ұстазым Ә.Жақыпов ағай өзінің «Түйе өсірушінің түсіндірме сөздігі» атты кітабына «Гүлназ, шәкірттерің өзіңнен биік болғай!» деп қолтаңба жазғанда, сол сөздің мағынасын ол уақытта дұрыс түсінбеппін. Шынымды айтсам, неге менен гөрі шәкірттерім биік болу керек деген ойда болған едім. Кейін түсіндім, бұл мұғалім үшін айтылар тілектің ең құндысы екен, – дейді кейіпкеріміз.</blockquote>Ендеше біз де білікті маман, ұлағатты ұстаз, отбасының шамшырағына айналған аяулы жанға балаларыңыздың қызығын көре беріңіз, ұстаздан озар шәкірттеріңіз көп болсын деп тілек білдіреміз.<figure class="image"><img src="https://knadmin.beoblood.kz/uploads/b7d95d65_858e_475f_93d4_2c5cf188a225_e587bafe15.jpg" alt="b7d95d65-858e-475f-93d4-2c5cf188a225.jpg"></figure>

Білім саласының білікті маманы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде 12 сәуір – Ғылым қызметкерлері күніне орай «Әлемді ғылым құтқарады» атты салтанатты шара өтті.&nbsp;Жиында Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева ғылым саласындағы жетістіктерге тоқталып, ғалымдарды кәсіби мерекемен құттықтады.<blockquote>«Қазіргі таңда университетте ғылым саласының дамуы – басты назарда. Өткен жылдан бастап жас ғалымдарға арналған ректор гранты тағайындалып, жастарды ізденіске жігерлендіретін үрдіс жалғасын табуда.Сонымен қатар, 2020-2023 жылдар аралығында 50 шетелдік университет, білім беру орталығымен және халықаралық қорлармен ынтымақтастық туралы меморандум, келісімшарт жасалды. Жыл сайын халықаралық байланыс нығайып, әріптестік байланыс артуда. Университетте соңғы 3 жылда 45 шетелдік ғалым онлайн және офлайн форматта дәріс оқып, тәжірибелік сабақтар өткізді», – деді Майнұр Әбілтайқызы.</blockquote>Айта кетейік, 2022-2023 жылдары халықаралық «Болашақ» бағдарламасы аясында университеттің 6 қызметкері ғылыми тағылымдамадан өтті.«Қос диплом» бағдарламасы бойынша Корея Республикасының Кангнам университеті, РФ Томск ұлттық зерттеу политехникалық университеті, Қытай мұнай университеті, РФ Дубнин университетімен бірлескен білім беру бағдарламалары жүзеге асырылуда. &nbsp; &nbsp; &nbsp;Алдағы уақытта оқу орны Корея Республикасының Сеул ұлттық ғылым және технология университетімен біріккен халықаралық жобаны жүзеге асырмақ. Сондай-ақ, жаһандық трендтерге сәйкес биологиялық ғылымдар мен биотехнологиялар, IT және жасанды интеллект, аграрлық ғылымдар, жасыл технологиялар және энергия тиімділігі, мұнай-газ кешені саласындағы ғылыми зерттеулерге бағытталған ұжымдық технопарк салу жоспарланған.Салтанатты жиынға Қызылорда облысы әкімінің орынбасары Нұрымбет Сақтағанов, Өзбекстан ұлттық зерттеу университетінің профессоры Көміл Астанакулов, оқу орнының профессор-оқытушылары мен білім алушылары және БАҚ өкілдері қатысты.Шарада бірқатар ғалым ҚР Ғылым және жоғары білім министрлігінің «Ғылымды дамытуға сіңірген еңбегі үшін» төсбелгісімен, Қызылорда облысы әкімінің Құттықтауы және Алғыс хатымен марапатталса, оқу орнының стратегиялық дамуына үлес қосқан қызметкерлерге Басқарма Төрағасы-ректордың арнайы марапаттары &nbsp;табысталды. Сонымен қатар, жиын барысында университет ғалымдары өз зерттеулері бойынша баяндама оқып, тың жаңалықтарымен бөлісті.Айта кету керек, салтанатты шарада отандық ғалымдардың ғылыми еңбектері кітап көрмесіне қойылды.<figure class="image"><img src="https://knadmin.beoblood.kz/uploads/a57d0afc_becd_42c5_9a48_250d1964321b_671d7020c1.jpg" alt="a57d0afc-becd-42c5-9a48-250d1964321b.jpg"></figure>&nbsp;<figure class="image"><img src="https://knadmin.beoblood.kz/uploads/f927d2ff_d3f7_47d9_ba0c_ac05791027f3_1_a8a3e0798a.jpg" alt="f927d2ff-d3f7-47d9-ba0c-ac05791027f3 (1).jpg"></figure>

Ғылым қызметкерлері күніне арналған салтанатты жиын өтті

<a href="https://kyzylorda-news.kz/">Kyzylorda-news.kz.</a> 2022-2023 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы оқу-ағарту министрінің бұйрығы қабылданды.Оқу-ағарту бірінші вице-министрі Шолпан Каринованың мәлімдеуінше, министр қол қойған құжатқа сәйкес, оқу жылы 31 мамырда аяқталады.Бұйрық бойынша:9 (10) сыныптарда білім алушылардың қорытынды бітіру емтихандары 2023 жылғы 2-13 маусым аралығында өткізіледі.11 (12) сыныптарда білім алушылардың мемлекеттік бітіру емтихандары – 2023 жылғы 5-19 маусым аралығында өткізіледі.Қорытынды аттестаттауды өткізудің мынадай мерзімдері бекітілген:9 (10)-сынып оқушылары үшін:1) оқыту тілі бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектептер үшін – жазбаша жұмыс (мақала, әңгіме, эссе) – 2023 жылғы 2 маусым; 2) математика (алгебра) бойынша жазбаша емтихан (бақылау жұмысы) – 2023 жылғы 6 маусым; 3) өзге тілдерде оқытатын сыныптарда қазақ тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) және қазақ тілінде оқытатын сыныптарда орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2023 жылғы 9 маусым; 4) таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 13 маусым;11 (12) сынып оқушылары үшін:1) оқыту тілі бойынша жазбаша емтихан – 2023 жылғы 5 маусым; 2) алгебра және анализ бастамалары бойынша жазбаша емтихан – 2023 жылғы 8 маусым; 3) Қазақстан тарихы бойынша ауызша емтихан – 2023 жылғы 12 маусым; 4) өзге тілдерде оқытатын сыныптарда қазақ тілі мен әдебиетінен және қазақ тілінде оқытатын сыныптарда орыс тілі мен әдебиетінен жазбаша емтихан – 2023 жылғы 15 маусым; 5) таңдау пәні бойынша жазбаша емтихан (физика, химия, биология, география, геометрия, дүниежүзілік тарих, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 19 маусым. Облыстардың, Астана, Алматы және Шымкент қалаларының білім басқармалары оқу жылын ұйымдасқан түрде аяқтау бойынша тиісті шараларды ұйымдастырады.

Биылғы оқу жылының аяқталу мерзімі бекітілді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Президент жанындағы Ғылым және технологиялар жөніндегі Ұлттық кеңестің алғашқы отырысын өткізді. Жиында еліміздің ғылыми-техникалық саясатының алдағы басымдықтары айқындалды, деп хабарлайды Ақорданың ресми сайты.&nbsp;Мемлекет басшысы қай заманда да дамудың басты кілті ғылым екенін атап өтті.<blockquote>– Адамзат тарихындағы жетістіктің барлығы – білімнің жемісі. Әсіресе қазіргі озық технология дәуірінде ғылымсыз алға басу мүмкін емес. Сондықтан мен ғылымды дамыту ісіне айрықша мән беріп отырмын. Осы өзекті мәселе бойынша сайлау алдындағы бағдарламада арнайы өз пікірімді айттым. Себебі ғылымды дамыту – мемлекет саясатындағы ең маңызды бағыттың бірі. Өкінішке қарай, елімізде ұзақ жыл бойы оған баса назар аударылған жоқ. Соған байланысты шешімін таппай жатқан мәселелер аз емес. Тіпті, бұл сала артта қалды деуге болады. Біз өркениетті ел боламыз десек, осы олқылықтың орнын толтыруымыз керек, – деді Қасым-Жомарт Тоқаев.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ2_2542_2.jpg">Президент ғылым мен технологияның өте қарқынды дамып жатқанына тоқталды. Оның айтуынша, ғылым саласы қаржы айналымы миллиардтаған долларды құрайтын алып индустрияға айналды. Технологиялық ірі корпорациялардың құны триллион долларға жеткен. Нейрожелі және жасанды интеллект революциялық үдерістерге бастау болып жатыр.<blockquote>– Бір сөзбен айтсақ, заман өте жылдам өзгеріп жатыр. Біз осы өзгеріске бейімделуіміз керек. Әйтпесе өркениет даңғылынан қалып қоюымыз мүмкін. Түпкі мақсатымыз – көшке ілесетін емес, сол көшті бастайтын елдердің қатарында болу. Бұл мақсат, әрине, өте күрделі, оны жақсы түсінуіміз керек. Мен бұл туралы үнемі айтып жүрмін. Жалпы, біз алдымызға қол жеткізе алмайтын тым асқақ мақсаттар қоймауымыз керек, бірақ ғылыми жетістіктерге жету үшін бар күш-жігерімізді салуымыз қажет. Қазақстан үйренетін емес, үйрететін, тұтынатын емес, өндіретін мемлекетке айналуға тиіс. Бұл міндет бос сөз күйінде қалмауы керек. Ол үшін біз әрдайым батыл қимылдап, бір қадам алда жүруіміз қажет. Жұмысты дұрыс үйлестіре алсақ, бұл шаруа біздің қолымыздан келетіні анық, – деді Мемлекет басшысы.</blockquote>&nbsp;Қасым-Жомарт Тоқаев соңғы жылдары ғылым саласында біршама өзгеріс болғанын атап өтті. Атап айтқанда, ғылымды қаржыландыру тәсілдері жақсарып, қаржы көлемі едәуір артты. Ғылыми мекемелер біртіндеп жаңғыртылып жатыр. Әлемге әйгілі ғылыми орталықтарда тәжірибеден өткен мамандар саны көбейіп келеді. Жастардың ғылымға деген қызығушылығы ояна бастады. Бірақ мұның бәрі жеткіліксіз. Ғылым саласы әлеуметтік-экономикалық өркендеуге &nbsp;әлі де тың серпін бере алмай отыр.<blockquote>– Соңғы бес жылда ғылымға бөлінетін қаржы 60 пайызға артты. Ал ішкі жалпы өнімдегі ғылымның үлесі, керісінше, 0,13 пайызға төмендеді. Бұл қаражаттың басым бөлігі, нақтырақ айтсақ, 70 пайызы бюджеттен бөлінеді. Сондай-ақ ғылымның түрлі саласын қаржыландыру ісінде өте үлкен теңсіздік бар. Қаражаттың 82 пайызы іргелі және қолданбалы ғылымға жұмсалады. Қалған 18 пайызы ғана тәжірибелік-конструкторлық зерттеулерге арналған. Елімізде ғылыми зерттеулерді іске жаратып, қолданысқа енгізетін өндіріс өте аз. Кәсіпорындардың 65 пайызы шикізат, металлургия саласында жұмыс істейді. Бұл – үшінші технологиялық деңгей деген сөз. Машина жасау, мұнай-химия саласындағы, яғни төртінші деңгейдегі өндірістің үлесі – 34 пайыз. Қалған 1 пайызы микроэлектроника, роботтандыру және IT салаларында немесе бесінші деңгейдегі технологиямен жұмыс істейді. Нано және биотехнологияға негізделген алтыншы деңгейдегі өндіріс бізде мүлде жоқ. Бұл жағдай көш соңында жүргенімізді көрсетеді. Ғылымның анағұрлым озық салалары бойынша тым артта қалып келе жатырмыз. Мен нақты цифрларды мысалға келтірдім. Оны мойындауымыз керек. Дамыған елдерде кәсіпорындардың тең жартысынан көбі – бесінші, ал 5 пайызы – алтыншы деңгейге жеткен. Бір сөзбен айтқанда, біздің өндірістеріміз олармен салыстырғанда артта қалған. Бұл айырмашылықты жою – еліміз үшін өте өзекті мәселе. Сондықтан ғалымдарымызға айрықша міндет жүктеледі. Ғылым саласы ұлттық экономиканы жаңғырту ісінде аса маңызды рөл атқаруға тиіс, – деді Мемлекет басшысы.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293586_KZ2_2152_2+.jpg">Президенттің пікірінше, Үкімет Қазақстанда ғылымның ашық моделін қалыптастыру үшін кешенді шараларды жүзеге асыруы керек. Ең алдымен, ғылымды дамытудың жаңа тәсілдерін заң жүзінде бекітіп, мемлекеттің ғылыми-технологиялық және экономикалық саясатының өзара байланысын күшейткен жөн. Оның айтуынша, ғылым мен технологиялық саясат туралы арнайы заң әзірлеудің қажеттілігі туындады. Бизнесті ғылымға қаржы құюға ынталандыру үшін салық жеңілдіктері мен инвестициялық преференцияларды «ауқымды шегерімдер» түрінде енгізу қажет. Салық, Кәсіпкерлік және Бюджет кодекстеріне нақты нормаларды биылдан қалдырмай енгізу керек.<blockquote>– Ғылымды мемлекет тарапынан қаржыландыруға ғалымдар, нақтырақ айтқанда псевдоғалымдар «майшелпек» ретінде қарамауы керек екенін баса айтқым келеді. Қаржы гранттарының көбінесе ғылыми маңызы, өзектілігі жоқ жобаларға берілетіні ешкімге жасырын емес. «Парасат» ғылыми холдингінде болған өкінішті жағдай – осының анық мысалы. Бөлінген қаражаттың бәрі құмға сіңген судай болды. Ал оның бұрынғы басшысы, химия ғылымдарының докторы Америка азаматтығын алып, отбасымен бірге елден кетіп қалды, – деді Қасым-Жомарт Тоқаев.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ4_3293_2.jpg">Мемлекет басшысы ғылыми-жаратылыстану, инженерлік-технологиялық және әлеуметтік-гуманитарлық бағыттағы мықты ғылыми орталықтар мен институттарды ашу жөніндегі кешенді жоспарды іске асыра бастаған жөн деп санайды. Президент сондай-ақ уәкілетті органға жыл сайын докторантураға қабылданатындардың санын 5 мыңға дейін жеткізуді тапсырды. Ғалымдардың мәртебесін дәйекті түрде көтеріп, оларды әлеуметтік тұрғыдан қамтамасыз ету шараларын күшейту үшін жоғары оқу орындары мен ғылыми мекемелер қызметкерлерінің ғылыми дәрежесі мен атағына қарай төленетін үстемеақыны 1,5 есе арттыру міндетін жүктеді.<blockquote>– Елімізде «ақылды қалаларды» және агломерацияларды дамыту ісі өте маңызды. Сондай-ақ Каспий теңізін жан-жақты зерттеу және еліміздің биологиялық қауіпсіздігін сақтау керек. Жаңа сорттар арқылы астықтың шығымын арттыру, мал тұқымын асылдандыру, шөлді аймақтарда жеміс-жидекті үнемдеп суару сияқты мәселелерге ғылыми тұрғыдан қарау қажет. Осындай өзекті бағыттарға ауқымды гранттар бөлу керек. Шын мәнінде, гранттармен қамтамасыз етілген ғылыми жобалар өзекті, сұранысқа ие болуы қажет. Қазір көптеген ғылыми мекеменің материалдық-техникалық жағдайы мәз емес. Тіпті нашар деуге болады. Ғалымдардың жалақысы төмен. Сол себепті кейбір дарынды ғалымдарымыз шетелдің ғылыми орталықтарында жұмыс істегісі келеді. Мұны ашық айтуымыз керек. Сондықтан негізгі ғылыми-зерттеу институттарын бюджеттен тікелей қаржыландыру қажет. Олардың инфрақұрылымы жаңғыртылып, заманауи зертханалар салынуға тиіс. Ғылыми зерттеу институттарының жұмысы қаншалықты тиімді екеніне талдау жасау керек. Жас ғалымдар онда ықыласпен жұмыс істеуі үшін жағдай жасау қажет, – деді Мемлекет басшысы.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ3_8800_2.jpg">Сонымен қатар Қасым-Жомарт Тоқаев ғылымды дамытудың жаңа үлгісіне сәйкес Ұлттық ғылым академиясының рөлі ерекше болатынын айтты. Жақында Ғылым академиясына Президент жанындағы орган мәртебесі берілді. Оны қаржыландыру мәселесі шешілді. Академиктерге өмір бойы стипендия төленетін болды.<blockquote>– Бірақ осы жерде ашық айтуым керек: бізде академиктер тым көп, кейбір академиктердің таза ғылымға еш қатысы жоқ. Бір қарағанда, академик деген аты бар. Бірақ ғылымды дамытуға қосқан үлесін ешкім білмейді. Осындай академиктердің ғылыми сапасы да, олардың ғылымға қосқан үлесі де күмәнді. Бұл Академияға нұқсан келтіргені сөзсіз. Сондықтан Академияның жаңа басшылығы осы маңызды мәселеге назар аударуы керек. Ғылым академиясының беделі, абыройы мінсіз болуы қажет. Нағыз ғалым болу – академик не болмаса доктор атағына ие болу емес, жан-дүниеңмен беріліп ғылыммен айналысу, зерттеу жүргізу арқылы қоғамға, елге пайдаңды тигізу екенін назарда ұстау қажет. Академияның жұмысы түбегейлі өзгеруге тиіс, – деді Президент.</blockquote><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_1882_2.jpg">Қасым-Жомарт Тоқаев ғылымның жаңа үлгісі мемлекет пен бизнестің әріптестігіне негізделуге тиіс екенін атап өтті. Оның айтуынша, осы тәсіл әлеуметтік-экономикалық мәселелерді шешуге мүмкіндік береді. Бұл Әділетті Қазақстанды құру жолындағы стратегиялық бағдарымызға толық сай келеді.Президент сөзін қорытындылай келе, елімізде Қаныш Сәтбаев, Әлкей Марғұлан сияқты ғұламалардың жолын қуған ғалымдардың жаңа буыны шығатынына нық сенімді екенін айтты және жиынға қатысқан ғалымдарды Ғылым күнімен құттықтады.Кеңес отырысында Қазақстан Республикасының Ұлттық ғылым академиясының академигі Асқар Жұмаділдаев, Қазақстан Республикасының Ұлттық ғылым академиясының президенті Күнсұлу Закарья, Пурду университеті (АҚШ) Ядролық энергетика мектебінің профессоры Зинетола Еңсепов, Қазақстан Республикасының Ұлттық ғылым академиясының академигі Жәкен Таймағамбетов, Густав Рози институтының (Франция) директоры әрі қауымдастырылған профессор Мұрат Сапарбаев, Ғылым және жоғары білім министрлігіне қарасты Экономика институты жаһандану және халықаралық ынтымақтастық бөлімінің бас ғылыми қызметкері Оразалы Сәбден, Аустрия ғылым және технология институтының қауымдастырылған профессоры Жәнібек Әлпейішев және Лос-Аламос ұлттық зертханасының (АҚШ) ғылыми қызметкері, техника ғылымдарының кандидаты Дияр Талбаев сөз сөйледі.<img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_1917_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_1979_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_2011_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293586_KZ2_2052_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293585_KZ2_2014_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293586_KZ2_2204_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1681293620_KZ2_2296_2.jpg">&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

 Президент жанындағы Ғылым және технологиялар жөніндегі ұлттық кеңестің отырысы өтті

<a href="https://kyzylorda-news.kz/">Kyzylorda-news.kz.</a> 12 сәуір- Ғылым қызметкерлерінің күні. Осы датаға байланысты бүгін Өңірлік коммуникациялар қызметінің ақпараттық алаңында өткен брифингте экономика ғылымдарының кандидаты Алмакүл Әбдімомынова ғылым саласындағы жаңалықтармен бөлісті.<blockquote>«Бүгінде облыста 500-ге жуық ғылыми қызметкер бар. Айтулы күнге байланысты университетте «Әлемді ғылым құтқарады» тақырыбында ғылым декадасы басталды. 1-29 сәуір аралығында ғылымды дамытуға байланысты іс-шаралар, халықаралық конференциялар, кездесулер өткізіледі. Айта кетейін, «500 ғалым» жобасы аясында Мәскеу мемлекеттік университетінен біржылдық тағылымдамадан өттім. Бүгінде ауыл шаруашылығын цифрландыруға байланысты ғылыми жоба дайындалуда. Жобаға қаржылық қолдау болса, алдағы уақытта жүзеге асатын болады», - деді Алмакүл Шәкірбекқызы.</blockquote>Археология және этнография ғылыми орталығының жетекшісі Әзілхан Тәжікеев бүгінде отандық ғылыми мекемелермен қатар шетелдік ғалымдармен де әріптестік орнатылып жатқанын айтты.<blockquote>«Болашақ» бағдарламасы бойынша Германияның Тюбинген университетінен ғылыми тағылымдамадан өттім. Қазіргі уақытта отандық ғылыми мекемелермен қатар шетелдік ғалымдармен де әріптестік орнатылуда. Мәселен, Тюбинген университетімен қатар Германия археология институтының Берлин қаласындағы филиалымен де әріптестік байланысты нығайттық. Сондай-ақ, Батыс Еуропа археологиясы туралы мағұлматтар алып, археология ғылымында жартылыстану ғылымдарының әдістерін қолдану, елімізде енді дамып жатқан «ландшафты археология» туралы қажетті ақпарттар алдым. Алдағы уақытта ғылыми зерттеу әдістерін өзіміздегі зерттеу жұмыстарында қолданылатын болады. Университет жанындағы «Археология және этнография» орталығының бекітілген жоспарына сәйкес жұмыстар жүргізетін болады. Жанкент қалашығындағы археологиялық қазба жұмыстары енді Халықаралық Түркі Академиясының қызметкерлерімен бірлесіп өткізіледі. Одан бөлек, облыстық бюджеттің есебінен Жанкент, Бәбіш Мола, Сығанақ қалашықтарына жылдағыдай дәстүрмен жалғасатын болады. Алдағы жоспарларымыз легі ауқымды», - деді Археология және этнография ғылыми орталығының жетекшісі Әзілхан Тәжікеев.</blockquote><img src="https://knadmin.beoblood.kz/uploads/Bezymyannyj_4f099f60eb.jpg" alt="Безымянный.jpg">

Қызылорда облысында 500-ге жуық ғылыми қызметкер бар

​<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен &nbsp;Жанәбіл Нұрманов атындағы №198 мектебінде математика, информатика және физика пәндері мұғалімдерінің қатысуымен «ХХІ ғасыр педагогикасының функционалдық және цифрлық сауаттылығы» тақырыбында қалалық семинар өткізілді. Педагогтер семинарына Қызылорда қалалық білім бөлімінің әдіскері Жомартбек Құлмағанбетұлы арнайы қатысып, қалалық мектептердің ұстаздар қауымына сәттілік тіледі.Семинар оқушылардың оқу жетістіктерін бағалайтын халықаралық «PISA», «TIMSS», «PIRLS» зерттеулерінің тапсырмаларын оқу үдерісінде қолдану, математика, информатика және физика пәндері бойынша функционалдық сауаттылықты арттыру, оқушылардың алған білімдерін өмірде қолдана білуге үйрету, цифрлық, ақпараттық сауаттылық тақырыбында тәжірибе алмасу мақсатында ұйымдастырылды.&nbsp;Семинар барысында оқушылардың өздері жасаған «Робот - балалар көзімен», «3D жиынтық» пен жас бағдарламашылар клубы жұмыстарынан көрме ұсынылды. Семинар соңында келген қонақтар кері байланыс орнатып, семинардан алған әсерлерімен бөлісті.

Қызылордада «ХХІ ғасыр педагогикасының функционалдық және цифрлық сауаттылығы» семинары өтті

<a href="https://kyzylorda-news.kz/">Kyzylorda-news.kz.</a>&nbsp; Балаңыз өмірге келгеннен соң оның кішкентайынан жайлы орта, жақсы мекенде өскенін қалайтын боларсыз. Әрине өмір болған соң тіршілік қамымен жұмысбасты пендеге айналып, балаға күнұзақ қарап, оның балғын шағынан өзіне қажетті дүниелермен сусындап өскенін қалайсыз, бірақ мүмкіндік бола бермейді. Әрине мұндайда балаға жайлы орта ретінде өз ауданыңыздағы балабақшаларды таңдайсыз. Жүз ойланып, мың толғанып еркеліктен өзгені білмейтін бөбегіңізді балабақшаға беруге тура келеді. Әрине жағдайы жеткендер арнайы күтуші жалдайды. Ал айлыққа қарап күн кешетіндер ше? Әрине мұндайда балабақшаның болғаны қандай жақсы.Қазір бала тәрбиесі мен оның күтіміне келгенде арнайы жұмыс істейтін орталықтар баршылық. Аты дардай болғанымен, қызметіне көңіл толмаушылық та байқалып жатады кейде. Осыдан бірер жыл бұрын Алматы, Астана сынды үлкен қалаларда жұмыс істейтін балалар орталығының жұмысынан шу шықты. Қорғансыз сәбиге жасалған қиянат пен кемсіту сынды тәрбиешілердің озбырлығы мүлгіген қоғамды дүр сілкіндірген-ді. Алайда солай болды екен деп баласын балабақшаға беруден бас тартатын ата-ана жоқ. Сәбиін бір Аллаға, сосын күтушіге табыстап, тіршілік қамымен күнделікті қызметіне кіріседі. Сұраныс болған соң сәйкесінше балабақшалардың да саны артып келеді. Қазіргі таңда ауданның өзінде жиырманың үстінде мемлекеттік балабақшалар бар. Балаға сапалы қызмет көрсетіп, көптеген ата-аналардың алғысын алып жүрген балабақшалар да бар. Солардың арасында жұрт қаладағы «Қарлығаш» балабақшасын жиі айтады. Әрине оның қызметіне көңілі толып, марқайып қайтқан ата-аналардың да барын білдік. Дей тұрғанмен, балаға жайлы орта ретінде жұмыс істеп, көпшілік көңілінен шығып жүрген бұл ұжымның бірлескен ісін көпшілік білсе дейміз.Тарихы терең, тәрбиесі тәлімге толы бұл орталықтың ел сеніміне лайық қызмет етіп келе жатқанына бүгінде 40 жылдан асты. 1979 жылы іргетасы қаланып, пайдалануға берілген бұл орталықтың заман ағымына сай жұмысы жүйелі жүргізіліп, ісі алға басып келеді. Әрбір шаңырақтың еркелерін есейтіп, тәрбиеге баулып, уақытын тиімді өткізуге күш салып келе жатқан ұжымның алға қойған басты мақсаты – баланың денсаулығы мен өмірін қорғау жағдайын құру, мектепке дейінгі балалардың шығармашылық қабілетін ойын арқылы дамыту, балабақшада тәрбиелеу және білім беру үдерісіне жаңаша әдісін енгізу арқылы балаларды жан-жақты &nbsp;дамыту.Расында жұрт сеніп тапсырған соң оң-солын білмейтін балдырғандарды күтіп, мектепке дейінгі тәрбие беру ісінде толымды жұмыс атқарып келе жатқан орталық қазіргі уақытта 280 балаға 12 топ бойынша ілім мен білім, тәрбие мен тәлім беріп келеді. Жаңа Қазақстанның жарқын болашағын қалыптастыру жолында жұмыс істеп келе жатқан бөбекжайда 7 топ қазақ тілінде жұмыс жүргізсе, қалған 5 топ орыс тілінде жұмыс жүргізіп жатыр. Ал балаларға тәлім-тәрбие беретін педагогтардың бұл жұмыста тәжірибесі толысқан. Баламен қалай жұмыс істеу керектігі жолында ұдайы ізденіс үстінде болатын мамандардың үлкен ұжымның жүрегі һәм тірегі екені айтпаса да түсінікті.Әрине ата-ананың таңдауы түрлі бағытта жұмыс жүргізіп, түрлі жетістіктерге жеткен, баланың бағытын жақсы ортаға бейімдеп, тәлімді тәрбие беретін орталықтарға түсері сөзсіз. Бұл мүдде жолында бірігіп жұмыс істеп келе жатқан Гүлнара Әнесқызы басшылық ететін іргелі ұжымның жеткен жетістіктері жетерлік. Бұған дейінгі жетістіктері өз алдына, осы оқу жылының өзінде аудандық білім бөлімінің ұйымдастыруымен өткізілген «Үздік тәрбиеші – 2022» байқауына бөбекжай-бақшаның тәрбиешісі Роза Құрмансейітова қатысып, аудан бойынша «Ең үздік тәрбиеші – 2022» номинациясын жеңіп алды. Бұл жетістіктің өзі аталған балалар орталығының үздіктер санатында екенін дәлелдеп-ақ тұр. Осы орталықтың мәдени шараларын ұйымдастырып, жетістік жолында бірге жұмыс жүргізетін бөбекжай әдіскері Айгерім Кірбасова:<blockquote>&nbsp;Зейнолла Шүкіров атындағы қалалық мәдениет үйінің ұйымдастыруымен өткізілген «Ең сүйкімді бүлдіршін» атты балалар байқауында бөбекжай-бақшамыздан 2 тәрбиеленуші Амандық Димаш (тәрбиешілері Г.Тұрсынбаева, А.Жеткербаева) және Айзере Жеткербай (тәрбиешілері М.Жұбаниязова, Ұ.Шманова) қатысып, Димаш жүлделі орынды, Айзере ІІ орынды иеленді. Бұдан осы жылы «Жазғы шынықтыру-сауықтыру жұмыстарының ерекшеліктері» тақырыбында облыстық семинар өткізіп шықты. Семинарда педагог қызметкерлердің үздік жұмыстары көрсетілді. Мұндай нәтижелі жұмыстар мен жетістіктерден өзге баламен жұмыс істеудің түрлі тәсілдері бөбекжай ұжымында ұдайы қолға алынып отырады. Сондықтан да біздің орталықтың баламен жұмыс істеуде ауыз толтырып айтуға тұрарлық жетістіктері бар, – дейді.</blockquote>Иә, бүгінде "Қарлығаш" қанаттандырған қарлығаштардың алды аға буын өкіліне айналды десек, тәуелсіз еліміздің кемел келешегі үшін түрлі салада табысты еңбек етіп жатқан жастар қаншама? Ал сәні мен салтанаты келіскен, ұжым мүшелері ұдайы ізденіспен алға басатын тәрбие ошағының табысты жұмысы жыл сайын жаңа жетістіктермен жаңарып отыратыны айтпаса да түсінікті. Бұл мақсатта Гүлнара Әнесқызының басшылығымен қолға алынып жатқан жұмыстардың табысты тізбегі бұдан әрі де жалғасын таба береді деген сенімдеміз.

Қазақстан және Қызылорда облысының жаңалықтары: Білім