<a href="https://kyzylorda-news.kz/">Kyzylorda-news.kz.</a>&nbsp;«Alumni NIS» қағидаттарына айналған OTANYŃDY SUI, ÄLEMDI ÖZGERT, ADAL BOL сөздері Назарбаев Зияткерлік мектептері түлектерінің Франкфурт қаласындағы Қазақстан Республикасының Бас консулдығында өткен кездесуінде айтылды.<blockquote>«NIS-тің мен үшін нағыз әлеуметтік лифтке айналып, үлкен мүмкіндіктер берген мекен екенін мақтанышпен айту үшін осындай тамаша сәтті күттім. Мен Өскемен қаласындағы Зияткерлік мектепке Шығыс Қазақстан облысындағы Қасым Қайсенов атындағы қарапайым ауылдық мектептен түстім, ағылшын тілі мен химия пәнінен қиындықтар бірден пайда болды. Бір шет тілін меңгерудің аздық ететінін түсініп, неміс тіліне қызыға бастадым, 12-сыныпта IELTS емтиханынан 8.0 балл алып, қатарынан бірнеше университетке, соның ішінде Экономика жоғары мектебіне грантқа шақырту алдым. Мен Германиядағы Рейн-Вааль қолданбалы ғылымдар университетін таңдадым, Солтүстік Рейн-Вестфалиядағы Клеве қаласында орналасқан. Қазіргі уақытта биоинженерия саласында оқимын, қазақстандық ғылымда, соның ішінде фармацевтикада өзімнің қолтаңбамды қалдыруды армандаймын. Бос уақытымда шығармашылықпен айналысып, ағылшын тілінде өлеңдер жазамын, екі кітап шығарып та үлгердім. Ауылымдағы мектепте оқып жүрген кезде шетелде білім алып, бірнеше тілді жетік меңгеремін деген ой мүлде болмаған. NIS маған үлкен мүмкіндіктер сыйлады, Зияткерлік мектепке түскеннен кейін өзіме деген сенімім артып, біздің басты қағидаттарымызға айналған «отан алдындағы жауапкершілік», «академиялық адалдық», «қоғамға қызмет ету» ұғымдарын бойыма сіңірдім», -деді Hochschule Rhein-Waal студенті Амина Бақтиярова.</blockquote>Аминаның жетістігі – жарқын, иланымды, есте қаларлық және ... барлық NIS түлектеріне тән. Назарбаев Зияткерлік мектептері өз оқушыларына бірегей үміт пен мүмкіндік берді. &nbsp;Кездесу қатысушылары Германиядағы биохимия, цифрлық технология, машина жасау, инженерия, логистика және экология салаларында мамандандырылған үздік университеттерде білім алуда.&nbsp;Бейбарыс Есенгелдин екі жыл бұрын Шымкенттегі физика-математика бағытындағы NIS-ті тәмамдады, мектеп президенті болды, Франкфуртқа Венгрияның Дьор шаһарынан келді, Szent Istvan University-де оқиды. Жоғары оқу орнында Бейбарыстың жаратылыстану-математикалық бағыттағы академиялық дайындығы ғана емес, NIS-тің жан-жақты білімі мен маңызды адами қабілеттерге баулитыны таң қалдырды. Ал Талдықорғандағы Зияткерлік мектеп түлегі, бүгінде Technische Hochschule Würzburg-Schweinfurt студенті Назира Өмірбековаға ата-анасы осы кездесуге баруға кеңес берген. Алматыдағы физика-математика бағытындағы NIS түлектері Еликай Атабаева Мюнхен техникалық университетінде, Әдия Бекдәулетова Швайнфурт қолданбалы ғылымдар университетінде, Мадина Қарақұлова Мюнхендегі Людвиг және Максимилиан университетінде оқиды. Кристина Муляр Павлодардағы NIS түлектерінің алғашқы легін таныстырды, бүгінде Гамбургте жұмыс істейді, мектептегі академиялық дайындығының арқасында университеттегі замандастарынан ерекшеленгенін мойындады. Петропавлдағы NIS-тен Ангелина Бендер Technische Universität Munchen-де цифрлық технологиялар саласын меңгерген, бүгінде ол Германиядағы ең ірі сақтандыру компанияларының бірінде жұмыс істейді және сүйікті мектебінен мүмкіндіктер мен үлкен қолдау алғанын жасырмайды. Оралдағы NIS түлегі Данел Бегалиев Бранденбург қаласынан келді, ол Котбус-Зенфтенберг техникалық университетінде қоршаған ортаны басқару мамандығы бойынша оқиды. Әлихан Нұрдәулет елордадағы физика-математика зияткерлік мектебін бітірген, Karlsruher Institut fur Technologie-де машина жасау мамандығында білім алуда. Абдуллаким Замирбек уулу кездесудің күтпеген әрі ерекше қонағына айналды. Ол – болашақ дата-аналитик, The University of Messina-да білім алуда. Бішкек халықаралық мектебінің түлегі Абдуллаким Назарбаев Зияткерлік мектептерінің түлектеріне тән қасиеттердің арқасында табысқа жетудің жолын түсіну үшін Италиядан Франкфуртқа арнайы келді. Еуропаның озық университеттерінің үздік студенттері Зияткерлік мектепті тәмамдады, олар NIS бауырластығын мақтан тұтады, қиын уақытта бір-біріне қолдау көрсетіп, жеке оқиғаларымен шабыттандыруға әрқашан дайын.<blockquote>«Зияткерлік мектептер түлектерінің басты артықшылығы – академиялық жетістіктер емес, адами қасиеттер. Германияның әр жерінде тұрып, білім алып жатқан кездесу қатысушылары алғаш рет Франкфурттегі Қазақстан Республикасының Бас консулдығында жиналды. Дипломаттар тарапынан жасалған жайлы әрі отбасылық атмосфера, шынайы диалог пен дәмді дастархан үйлерінен жырақта жүрген балалардың көңілінен шықты», – деп мойындады Абдуллаким.</blockquote><blockquote>«Бүгінде Германияда білім алып жатқан әрбір қазақстандық студент – өз елінің өкілетті өкілі, олар Абай, Ахмет Байтұрсынов, Әлихан Бөкейханов, Міржақып Дулатов және қазақтың басқа да біртуар перзенттерінің рухани мұрасын әлемге танытуда», – деп атап өтті Франкфурт қаласындағы Бас консул Тауболды Үмбетбаев.</blockquote>«Назарбаев Зияткерлік мектептері» дербес білім беру ұйымының басқарма төрайымы Күләш Шәмшидинова Германиядағы кездесу желтоқсан-қаңтар айларында NIS түлектерінің туған жерінде басын қосқан бірінші «SAMGAU» форумының заңды жалғасатынын айтты.&nbsp;«Зияткерлік мектептің әрбір оқушысы, мұғалімі, ата-анасы біздің түлектеріміздің Қазақстанды әлемге лайықты танытып, «Alumni NIS» қағидаларына айналған «отанды сүю», «әлемді өзгерту», «нағыз тұлға» болуды насихаттайтынын мақтан тұтады», - деді Күләш Шәмшидинова.<figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_02_01_at_11_10_19_2_c873605902.jpeg" alt="WhatsApp Image 2023-02-01 at 11.10.19 (2).jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_02_01_at_11_10_19_1_30083a0d52.jpeg" alt="WhatsApp Image 2023-02-01 at 11.10.19 (1).jpeg"></figure>

«Alumni NIS» қағидаттары Назарбаев Зияткерлік мектептері түлектерінің Франкфурт қаласындағы кездесуінде айтылды

<a href="https://kyzylorda-news.kz/">Kyzylorda-news.kz.</a>&nbsp; Бұл туралы Өңірлік коммуникациялар қызметінде өтіп жатқан баспасөз мәслихатында Шиелі ауданының әкімі Нұржан Ахатов мәлімдеді.“Шиелі ауданында жалпы білім беретін 40 мектеп жұмыс істейді. Оқу процесі екі ауысымда жүргізіледі. Аудан бойынша үш ауысымдық және апатты мектептер жоқ” - деді аудан әкімі.Сондай-ақ, Жансейіт елді мекенінде 100 орындық, аудан орталығынан «Жайлы мектеп» жобасы аясында 900 орындық мектеп құрылысын салу жоспарланып отыр.&nbsp;

Шиелі ауданында үш ауысымдық және апатты мектептер жоқ

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде &nbsp;Bilim Media Group басшысы Рауан Кенжеханұлы профессор-оқытушылармен кездесіп, Coursera білім беру платформасының курстары студенттерге қазақ тілінде қолжетімді екенін айтты.&nbsp;Coursera – әлемдегі ЖОО арасында ең жиі қолданылатын халықаралық қашықтықтан білім беру платформасы. Бүгінде 200 мемлекетте 110 миллионнан астам адам бұл жүйені тұрақты түрде қолданып келеді.&nbsp;Кездесуде ректордың міндетін атқарушы Майнұр Бөрібаева Қорқыт ата атындағы Қызылорда университетінде 500 білім алушы Coursera лицензиясын пайдалануға өтініш бергенін атап өтті.&nbsp;«Coursera дүниежүзіндегі алдыңғы қатарлы 170 университеттің оқу курстарын бір платформаға жинақтады. Оны осы кезге дейін негізінен оқу бағдарламаларын ағылшын тілінде жүргізетін қазақстандық ЖОО-лар қолданды. Курстардың ЖОО арасында кең қолданылуына кедергі болған басты жағдай – ағылшын тілінде болуы. Қазіргі кезде Coursera-дағы алғашқы 50 курс қазақ тіліне аударылды. Алдағы бір жыл ішінде шамамен 654 курсты қазақ тіліне аудармақпыз. Студенттер емтихан тапсырып, әйгілі оқу орындарының курстарын оқығандығы жөнінде сертификат ала алады», – деді Рауан Кенжеханұлы.Айта кету керек, Қорқыт ата атындағы Қызылорда университетінің білім алушыларына 1 жылға 500 лицензия берілген. Жиында профессор-оқытушылар платформаны білім беру процесінде қолдану мәселелері туралы сұрақтарды талқыға салды.&nbsp; &nbsp;<figure class="image"><img src="https://knadmin.beoblood.kz/uploads/ab9596a6_4db4_429f_8b4e_a4e16f47e60f_0ad1d9b6de.jpg" alt="ab9596a6-4db4-429f-8b4e-a4e16f47e60f.jpg"></figure>&nbsp;<figure class="image"><img src="https://knadmin.beoblood.kz/uploads/e0ed6830_584c_441f_b40c_f94500d45238_84686f384d.jpg" alt="e0ed6830-584c-441f-b40c-f94500d45238.jpg"></figure>

Рауан Кенжеханұлы Coursera білім беру платформасының жаңа мүмкіндіктерімен таныстырды

<a href="https://kyzylorda-news.kz/">Kyzylorda-news.kz.</a> Назарбаев Зияткерлік мектептері NIS-тің әлемдік стандарттарын растайтын беделді еуропалық сертификатқа ие болды.&nbsp;Германиядағы ACQUIN-нің штаб-пәтерінде Күләш Шәмшидиноваға NIS Педагогикалық шеберлік орталығын жаңа сертификаттау туралы куәлік табысталды.Германияның Байройт қаласындағы ACQUIN-нің штаб-пәтерінде «Назарбаев Зияткерлік мектептері» ДББҰ басқарма төрайымы Күләш Шәмшидиноваға Педагогикалық шеберлік орталығының жаңа жетістігі туралы куәлік табыс етілді. Бұл – мұғалімдердің кәсіби дамуындағы «Мектеп командасы: тиімді басқару және білім беру сапасы» атты өзекті бағдарламасын шартсыз сертификаттау. Мюнхен қаласындағы Қазақстан Республикасының Бас консулы Денис Рогов NIS-ті жаңаша танылуымен бірінші болып құттықтады. ACQUIN аккредиттеу, сертификаттау және сапаны қамтамасыз ету институты «Назарбаев Зияткерлік мектептері» дербес білім беру ұйымының жоғары стандарттары мен Педагогикалық шеберлік орталығының кәсіби жетістіктерін мойындады.ACQUIN бағдарламалық және институционалды аккредиттеу бөлімінің басшысы Ясмин Рудольф NIS-тің Қазақстанды әлемдік білім беру кеңістігіне интеграциялағанын ерекше атап өтті.ACQUIN аккредиттеу бөлімінің үйлестірушісі Юлия Балакший сертификаттаумен жұмыс істеген ACQUIN-нің Швейцария мен Германиядағы сарапшыларыөздерінің білім беру жүйелерінде Назарбаев Зияткерлік мектептерінің кәсіби командасы дайындаған табысты шешімдерді енгізуге дайын екендерін жеткізді.<blockquote>«Педагогикалық шеберлік орталығықосымша кәсіптік білім беру жүйесінде сыртқы сараптамаға арналған бағдарламаларды елімізде бірінші болып ұсынды. ACQUIN өкілдері Педагогикалық шеберлік орталығының барлық бағдарламалары шартсыз сертификаттаудан бірден өткенін айтты», – дейді Педагогикалық шеберлік орталығының директоры Жанбота Кабдыкаримова.&nbsp;</blockquote>Жаңа танылу ПШО-ның үш жыл бойы беделді еуропалық агенттікте өтіп жатқан маңызды аккредитацияларының ауқымды сериясын жалғастырды.Германиядағы аккредиттеу, сертификаттау және сапаны қамтамасыз ету институтында осыған дейінПедагогикалық шеберлік орталығы әзірлеген он бағдарламааккредиттелген. Олар мұғалімнің көшбасшылығына, тиімді оқыту мен қазіргі білім берудегі басқа да өзекті басымдықтарға бағытталған. Бұл мектептің топ-менеджментіне, математика мұғалімдері мен психологтарға, сондай-ақ жоғары оқу орындарының, колледждер мен мектепке дейінгі білім беру ұйымдарының оқытушыларына арналған тақырыптық бағдарламалар, соның ішінде «Мұғалім тәжірибесіндегі зерттеу» курсы. Педагогтердің кәсіби дамуы үшін жасақталған барлық бағдарламалар бүгінде елімізде табысты жұмыс істеуде.<blockquote>«Міндетті сыртқы бағалау стандарттары сапа саясатына сәйкестікті, бағдарламаларды әзірлеу мен бекітудің ашық және стандартталған рәсімдерін, оқыту мен бағалаудың жоғары деңгейін, тренерлер құрамының абсолютті кәсібилігін, тұрақты ресурстық базаны және жүйелі мониторингті қамтиды», – деп атап өтті «Мектеп командасы» жобасының менеджері Айша Садықова.</blockquote>Педагогикалық шеберлік орталығының табысты дамуының келесі кезеңінде институционалды аккредиттеуден өту жоспарда тұр. Беделді ACQUIN аккредиттеу агенттігі білім беру саласындағы сапаны қамтамасыз етуге арналған барлық тиісті халықаралық қауымдастықтар мен жобалық бастамалардың мүшесі болып табылады, 2009 жылдан бастап жоғары білім беру сапасын қамтамасыз етудің Еуропалық тізілімінде тіркелген.Стратегиялық басымдықтары – бағдарламалық және институционалды аккредиттеудің халықаралық процедуралары, Еуропалық Одақтың ғылыми жобалары.<figure class="image"><img src="https://knadmin.beoblood.kz/uploads/nish_505838e12f.jpg" alt="ниш.jpg"></figure><figure class="image"><img src="https://knadmin.beoblood.kz/uploads/Bezymyannyj_cf902b4982.jpg" alt="Безымянный.jpg"></figure>

NIS Қазақстанды әлемдік білім беру кеңістігіне интеграциялауда

<a href="https://kyzylorda-news.kz/">Kyzylorda-news.kz.</a> Қызылорда облысында тұтастай бір ауылдың жоғарғы сынып оқушылары көрші ауылға қатынап оқуға мәжбүр. Ал осы Арал ауданына қарасты Ақшатау ауылының бастауыш сынып оқушылары болса балықшылардың жатақханасында тәлім-тәрбие алуда. Бұл ғимараттың өзіне де жарты ғасырдай уақыт болыпты. Білім ордасында оқушыларға арналған асхана, спорт алаңы атауымен жоқ, деп хабарлайды <a href="https://azattyq-news.kz/kk/oqushylar-balyqshylardyn-jataqhanasynda-bilim-alyp-jatyr/?fbclid=IwAR1bhT6AnzYdgXuf4i9YKrBVT_bj2jckqq3kFM02zDJbZUcvlILuMS21HGs">«Azattyq-News»</a>.Әр дүйсенбі таңғы сағат 6-дан бастап Ақшатау ауылының тұрғындары балаларын көрші ауылда орналасқан мектеп-интернатқа шығарып салады екен. Алты орындық Уаз автокөлігіне осы ауылдан 20-ға жуық бала шығып, ауыз-мұрнына дейін тиеліп барады. Екі ауылдың ортасындағы жолдың нашарлығынан жасөспірімдер бір сағаттан аса уақыт көлікте теңселіп жүруге мәжбүр.<blockquote>«Балаларды осы сүйретіліп, таң атпай әкелеміз мына жерге. Жол қатынасы қиын, оның есесіне ана жерден канал қазып жатыр, білмеймін ол канал қазылса вообще жол болмайтын шығар», – дейді Ақшатау ауылының тұрғыны Жарасхан Дүкенбаев.</blockquote>Ауыл тұрғыны Шанжархан Жұбатхановтың айтуынша, тұрғындардың мектеп сұрап келе жатқанына 7 жыл болған.&nbsp;<blockquote>«Аудан әкімі, облыс әкімі бәрі шет жағасын біледі. Бірақ бізге жағдай жасап, жанайқайымызды тыңдап тұрған &nbsp;адам жоқ», – дейді ол</blockquote>Бұл ауылға мектеп салып беремін деген алғашқы әкім Қырымбек Көшербаев екен. Жеке қабылдауында Аралдықтарды қабылдаған ол қарамағындағыларға жобаны қарастыруды тапсырыпты. Бір жылдан соң аймаққа келген жаңа басшы сметалық құжаттарда көрсетілген қаржыны тым көп деп жобаны қайта қарауға жіберіпті.<blockquote>«Алдында бөлінген 589 млн. теңге ақша көп. Мен ол ақшаға Қызылорданың ортасынан 5 қабатты үй салдырамын деп жауап берді. Кім айтты оны? Ысқақов мырза айтты. Ол мен үшін түсініксіз жағдай болды», – дейді ауыл тұрғыны Нұртай Әбенов.</blockquote><figure class="image image_resized" style="width:100%;"><img src="https://knadmin.beoblood.kz/uploads/S3420012_MP_4_Still007_300x169_7449753777.jpg" alt="S3420012.MP4.Still007-300x169.jpg"></figure>Ақшатаудағы бастауыш сыныптарға арналған мектептің жағдайы болса тым ауыр. Тұрғындар бұл бір қабатты ғимарат осыдан 40 жыл бүрын балықшылардың жатақханасы болып салынған дегенді айтады. Мектептің меңгерушісі түсірілім тобымызды ішке кіргізуден бас тартты. Бір білгеніміз ішке бүлдіршіндерге арналған ыстық тамақ та қаралмапты.<blockquote>«Бұл жерде ыстық тамақ асхана болмағандықтан жеңіл тамақ беріледі. Қандай? Айран, сүт сондай», – дейді бастауыш мектептің меңгерушісі Асхат Мұқашев.</blockquote>Халық арасында «ханның қызы» болып танылған Гүлшара Әбдіхалықова болса &nbsp;мектепке тендер де жариялапты. Жеңімпаз мердігерлердің жұмысын алайда шенеуніктер қайта тоқтатып тастаған. Ауыл әкімі болса аудан қайтадан мектептің жаңа жобасы сызылғанын жеткізді.<blockquote>«2023 жылы салыну керек болатын. Бірақ мына елді-мекендегі халықтың санына байланысты өткізілген проектіні, жобаны қайта өзгертті кеше. Типовой мектеп қой, бірақ шағын қылып өзгертіп жатыр қаржыға байланысты», – дейді Аманөткел ауылдық округінің әкімі Қайрат Әбдіраманов.&nbsp;</blockquote><figure class="image image_resized" style="width:100%;"><img src="https://knadmin.beoblood.kz/uploads/S3420012_MP_4_Still009_300x169_3bbf2ea120.jpg" alt="S3420012.MP4.Still009-300x169.jpg"></figure>Осылайша Ақшатаулықтарға биыл да мектеп бұйырмайтын секілді. Ертең жақын арада екі ауылды жалғап отырған бөгетті де сырып тастайды екен. Ол кезде оқушылар мүлдем мына қыл көпірден өтуге мәжбүр болады. Балаларының денсаулықтарына алаңдаған Аралдықтар жергілікті билік осы мәселені тезірек қолға алса дейді.

Қызылорда: Оқушылар балықшылардың жатақханасында білім алып жатыр

<a href="https://kyzylorda-news.kz/">Kyzylorda-news.kz.</a> Қызылорда облыстық ҚХА жанындағы медиаторлар кеңесінің ұйымдастыруымен Қарауылтөбе ауылдық округінің А. Хангелдин атындағы №179 орта мектебінде оқушылармен кездесу өтті.&nbsp;Кездесуге отставкадағы судья, «Құрметті судья» атағының иегері, облыстық медиаторлар кеңесінің мүшесі, медиатор Зина Жаңбыршаева, «Қоғамдық келісім» КММ бөлім басшысы, медиаторлар кеңесінің үйлестірушісі Шахизат Абдраманова, «Бітім» медиация орталығының директоры, кәсіби медиатор Жанна Мирамбекқызы қатысып,&nbsp; мектептік медиацияның балалардың үлкен өмірге аяқ басуына, әлеуметтік ортаға тез бейімделуіне көмектесетіндігін алға тартты.&nbsp;Спикерлер әсіресе, мектеп медиациясы жанжалды азайтуға жағдай жасап, оқушыларға құрдастарымен ғана емес, ересектермен де қарым-қатынасты сауатты құруға көмектеседі деген пікірлерін ортаға салды.«Қоғамдық келісім» КММ бөлім басшысы, медиаторлар кеңесінің үйлестірушісі Шахизат Абдраманова қатысушыларды өңірдегі медиацияның даму тарихымен таныстырды. Сондай-ақ, мектепте өзіндік татуластыру қызметін құру өте маңызды мәселе екенін және бұл бағытта облыстық ҚХА медиаторлар кеңесінің тарапынан елеулі істер атқарылып келетіндігін атап өтті.&nbsp;Оқушылар тарапынан көптеген сұрақтар қойылып, тұшымды жауаптар айтылды. Алдағы уақытта мектеп оқушыларына арналған мұндай&nbsp; оқу сабақтары өз жалғасын таппақ.&nbsp;Себебі&nbsp; дәрістер медиация институтын мектеп қабырғасынан бастап мақсатты түрде дамытып, өскелең ұрпақты дауды немесе жанжалды шешуге медиативтік көзқараспен қарауға үйрететін татулық кілті.&nbsp;<figure class="image"><img src="https://knadmin.beoblood.kz/uploads/326935035_935345694295885_2403206226485140796_n_1e19296f40.jpg" alt="326935035_935345694295885_2403206226485140796_n.jpg"></figure>

Мектеп медиациясы – татулық кілті

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының білім басқармасының «Дарын» облыстық қосымша білім беру орталығының ұйымдастыруымен облыс бойынша жалпы білім беретін пәндер бойынша республикалық пәндік олимпиаданың қалалық, аудандық кезеңі бастау алды.Білім бәсекесінің аудандық, қалалық кезеңі жаратылыстану-математика, қоғамдық-гуманитарлық бағыттардағы 15 пән бойынша 8 тірек мектепте өткізілуде.Олимпиадаға облыс көлемінде 9-11 сынып бойынша барлығы 5 404 оқушы қатысуда. Ал білім додасының алғашқы күнінде 994 оқушы математика және физиеа пәндерінен бақ сынауда.Академиялық адалдық пен ашықтықты сақтау мақсатында олимпиада «El Umiti цифрлық онлайн платформасы» ақпараттық жүйесінде веб-камера, фотофиксациямен прокторинг сервисін пайдалана отырып, әр минут сайын суретке түсіру арқылы электрондық форматта өткізілетін болады.

Республикалық пәндік олимпиаданың қалалық, аудандық кезеңі басталды

<a href="https://kyzylorda-news.kz/">Kyzylorda-news.kz.</a> Спорттық жарыстар, жас биологтар байқауы, гүл отырғызу акциясы мен скриниг шарасы… Бұл шаралар Қызылорда қаласындағы Зияткерлік мектепте биология және дене шынықтыру, өнер пән бірлестіктерінің апталығы аясында өткізілді.Оқушылар арасында салауатты өмір салтын насихаттау және ғылымға деген қызығушылығын арттыру, шығармашылық қабілеттерін шыңдау мақсатында ұйымдастырылған апталыққа мектептің барлық оқушылары, ұстаздары мен ата-аналары тартылды.&nbsp; Спорттық сайыстар кезеңінде 8-сынып оқушылар футзалдан жарысса, 7-сыныптың білім алушылары волейбол ойынында үздік команда орнына таласты. &nbsp;Мергендер додасында 11-сыныптардың өрендері винтовкадан оқ атудан бақ сынасып, жүлделі орындарды иемденді.Ал «Скрининг-2023» іс-шарасында оқушылар мұғалімдерді медициналық тексеруден өткізіп, денсаулығын &nbsp;бақылау жүргізу арқылы кеңестер ұсынды. Арнайы ұйымдастырылған аймақтарда дарынды өрендер келушілердің қан қысымын, зат алмасу мөлшерін, күнделікті қажетті калория санын анықтап, &nbsp;қалыпты салмақты есептеп берді. Сондай-ақ қан құрамында глюкоза, селен мөлшерін анықтау сараптамаларын жасап, терапевт, окулист, нутрицолог секілді мамандардың қызметін көрсетті. Сонымен қатар, жас дәрігерлер гипотониялық аурулардың &nbsp;пайда болу себептерін түсіндіріп, алдын-алу жолдары &nbsp;бойынша кеңестерін берді.<blockquote>«Бұл акция өте қызықты әрі пайдалы болды. Жоғары сынып оқушыларының ғылымға деген қызығушылықтары артып, мамандық таңдауына әсер етті деп ойлаймын. Өзгенің денсаулығына жауапкершілікпен қарап, дәрігер мамандығының қаншалықты маңызды әрі қажетті екенін көре алды», - дейді биология пәнінің мұғалімі Сәуле Шажанбаева.</blockquote>«Гүл отырғызу» &nbsp;акциясы да оқушылар үшін өте пайдалы болды. Биологияны жаны сүйетін &nbsp;өрендер бөлме өсімдіктеріне топырақ дайындау, көшіріп аудару және күтіп баптау әдістерін меңгеріп, гүлдердің түрлері бойынша білімдерін кеңейтті. Осылайша 7-сыныптың белсенділері ең көп 26 гүл отырғызып, мектептің қысқы бағында орналасқан гүлдердің санын арттыруға өз үлестерін қосты.<figure class="image"><img src="https://knadmin.beoblood.kz/uploads/Whats_App_Image_2023_01_25_at_15_27_45_bc59495e41.jpeg" alt="WhatsApp Image 2023-01-25 at 15.27.45.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_01_25_at_15_27_46_1_4179f7b409.jpeg" alt="WhatsApp Image 2023-01-25 at 15.27.46 (1).jpeg"></figure>

Салауатты өмір салтымен жарқын болашаққа

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Н.М. Нәлібаевтың қолдауымен облысымызда 2022 жылдың 17-18 желтоқсан күндері өткен «InnoFest» Qyzylorda инновациялық идеялар фестивалінің «Контент&amp;Медиа» секциясының жеңімпазы Темірболат София ұсынған жоба патентке ие болды. ⠀ Жоба атауы – «Cyber City хикаялары» комикс кітабы. Біріккен Ұлттар Ұйымының Балалар Қорының арнайы «Қауіпсіз интернет», «Кибербуллинг ол не және оны қалай тоқтату қажет» кибербуллингке қарсы бағдарламасы мен зерттеулер аясында және толық осы концепцияға сәйкес жасалған. Балаларға қауіпсіз киберкеңістікті аталған кітап арқылы оқыту жоспарланған. Сонымен қатар, цифрлық иллюстрациялар мен комикстерді профессионалды оқыту жоспарланған. Қазіргі таңда кітапты баспаға беруге дайындық жұмыстары жүргізілуде. ⠀ Айта кетсек, «InnoFest» Qyzylorda – «SmartСity», «Контент&amp;Медиа», «Кино&amp;Видео» бағыттары бойынша 24 сағат ішінде идеядан прототипке дейін инновациялық жобаларды жасауды мақсат ететін іс-шара. Фестивальдің негізгі мақсаты – «Ақылды қалалардың» эталондық стандартына сәйкес жобаларды анықтау, облыс тұрғындарының IT-саласына қызығушылығын арттыру және инновациялық IT жобаларды қолдау.

«InnoFest»  жеңімпазының жобасы патентке ие болды

<a href="https://kyzylorda-news.kz/">Kyzylorda-news.kz.</a> «Ақмешіт апталығы» газетінің осы жылдың 21 қаңтарындағы №6 санында «Болашақтың» студенттері далада қалмайды» атты мақала жарияланған болатын. Жазылған мақалаға орай бірнеше оқырманымыз хабарласып, «мақалада қазіргі «Қызылорда технология және қызмет» институты, яғни бұрынғы «Ақмешіт» институты да лизенциясынан айырылғаны туралы жазылыпты, ақпарат қаншалықты рас?» деп сұрау салды.Оқырман сауалына орай мәселенің анық-қанығын білу мақсатында аталған оқу орнының проректоры Ерлан Шынбергеновке жолықтық.<blockquote>– «Қызылорда технология және қыз­мет» институты Сыр өңірінің білім беру ісінде өзіндік орнын қалыптастырған жоғары оқу орнының бірі, – деп бастады әңгімесін проректор.</blockquote>Айтуына қарағанда, бұрын «Ақмешіт» деп аталған жоғары оқу орны 1998 жылы құрылған. Алғашқы жылдары оқу үдерісі «Техника және бизнес» факультетінің «Математика және ақпараттық технология», «Эконо­мика және менеджмент», «Жалпы инженерлік пән­дер», «Әлеуметтік пәндер» кафедра­ларында ұйымдасты­рылған. 25 жылдық тарихы бар оқу орнының материалдық-техникалық базасын нығайту мақсатында атқарыл­ған жұмыс аз емес.Осындай мәліметтерді алға тартқан оқу орнының проректоры Ерлан Әлімжанұлы «Ақмешіт» институтының лицензиясынан айы­рылмағанын,&nbsp; «Қы­зыл­орда технология және қызмет» инс­титуты болып тек атауын ғана өз­герткенін мәлім етті.Проректор берген мәліметке сүйен­сек, «Қызылорда технология және қыз­мет» инс­титуты 2022 жыл­дың маусымын­да Қазақстан Рес­публикасында танылған аккредит­теу органдарының тізіліміне енген Қазақстанның заманауи (элиталық) білім ассоциациясы (KAZSEE) арқылы халық­аралық институционалдық және білім беру бағдарламаларының маман­дандырылған ак­кредиттеуінен өткен. Нәтижесінде институтқа KAZSEE-дің аккредиттеу кеңесінің шешімімен 5 жыл мерзімге институционалдық және білім беру бағдарламаларының маман­дандырылған аккредиттеуінен өт­кендігі туралы сертификаттар беріл­ген. Бүгінде бұл білім ордасы бака­лав­риат­тың 18 білім беру бағдарламасы бойынша ҚР Ғылым және жоғары білім министрлігінің лицензиясына сәйкес жұмыс жасап отыр.Айта кетейік, бұған дейін «Қызыл­орда технология және қызмет» инсти­туты мен «Болашақ» университеті бірігетінін жазғанбыз. «Қызылорда тех­нология және қызмет» инс­титутының бас лицензиясы негізінде екі оқу орны бірігіп, жаңадан «Қызылорда Ашық университеті» құрылады.

«Ақмешіт» лицензиядан айырылған жоқ

<a href="https://kyzylorda-news.kz/">Kyzylorda-news.kz.</a>&nbsp;Аймақтағы білім беру ұйымдарында тәрбие жұмысын жандандыру мақсатында облыстық білім басқармасының жанынан жұмысшы тобы құрылып, алғашқы отырысы өткізілді.Жиынға облыстық білім басқармасының басшысы Мейрамбек Шермағанбет, оқу әдістемелік орталық қызметкерлері, білім саласының ардагерлері, колледж, мектеп директорлары, тәрбие ісі жөніндегі орынбасарлар, әлеуметтік педагогтер мен психолог мамандар, бала құқықтары жөніндегі өңірлік уәкіл, құқық қорғау органдарының қызметкерлері мен ҮЕҰ өкілдері қатысты.Отырыста басқарма басшысы құқық бұзушылық, суицид, ерте жүктілік, нашақорлық, әлімжеттіктің алдын алу мақсатында бірінші кезекте тәрбие мәселесіне баса назар аударуды, ол үшін мүдделі органдармен бірлескен арнайы іс шаралар жоспарын әзірлеп, барлық білім беру ұйымдарында жүзеге асыру қажеттігін атап өтті.<blockquote>Қай уақытта да ұрпақ тәрбиесі маңызды. Жеткіншектерге саналы тәрбие беру бүкіл қоғамның, салаға жауапты мамандар мен аға буын өкілдерінің қастерлі міндеті. Сондықтан, құрылған жұмысшы топ құрамына тәжірибелі ардагерлер мен саланың білікті мамандарын енгізіп отырмыз. Статитистикалық мәлімет бойынша, өткен жылдарға қарағанда көрсеткіштер біршама төмендеген. Бірақ мәселе бала тағдырына тікелей қатысты болғандықтан біздің басты мақсатымыз – өңірдің ерекшелігіне сәйкес жас ұрпақты ұлттық тәрбие өзегінде тәрбиелеу, келеңсіз жайттардың алдын алу және болдырмау. Сонымен қатар, сынып жетекшілері мен тәрбие ісіне жауапты орынбасарлардың жұмыстарын жүйелеп, озық тәжірибелерді білім беру ұйымдарына енгізуіміз қажет, - деді М. Шермағанбет.</blockquote>Жиында білім саласының ардагерлері отбасылық тәрбиенің моделі қажеттілігін айтып, оған ғалымдар, осы саламен айналысып келе жатырған мамандарды, социологтар мен ҮЕҰ өкілдері және жастардың өздері де атсалысуы керектігін қаперге салды.<img src="https://knadmin.beoblood.kz/uploads/323883202_1596861957422300_3368727770375106933_n_94c8a3d8fb.jpg" alt="323883202_1596861957422300_3368727770375106933_n.jpg">

Білім беру ұйымдарында тәрбие жұмысын жетілдіруге байланысты жұмысшы тобы құрылды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде &nbsp;профессор, филология ғылымдарының кандидаты Өскенбай Көзбеков атындағы дәрісхананың ашылу салтанаты өтті. Бұл – соңғы үш жылда демеушілер есебінен ашылған он төртінші дәрісхана.Жиында Басқарма төрағасы-ректор Бейбіткүл Кәрімова ғалымның еліміздегі білім мен ғылым саласына қосқан еңбегін атап, университеттің стратегиялық дамуына қосқан үлесі үшін Өскенбай Арысбайұлының ұлы Ерсұлтан Өскенбайұлын «Қорқыт Ата атындағы Алтын медальмен» марапаттады.&nbsp;Тұсаукесер салтанатында лента қию рәсімі университет ректоры Бейбіткүл Сәрсемханқызы мен профессор Жеңіс Сәдуақасұлына берілді. Салтанатты шарада ғалымның шығармашылығы мен естеліктері баяндалды. Басқосуға Ахмет Яссауи атындағы халықаралық қазақ-түрік университетінің вице-президенті Асқар Әбдуәлиұлы, облыстық мәдениет және спорт басқармасы басшысының міндетін атқарушы Қуаныш Қуантқанұлы, Қазақ тілі мен әдебиеті және журналистика кафедрасының ғалымдары Жеңіс Сәдуақасұлы, Ұлжан Нахатқызы, Сара Тамшыбайқызы, Ғабит Әнешұлы, зиялы қауым өкілдері, ардагер ұстаздар, профессор-оқытушылар мен білім алушылар, ғалымның отбасы, достары және шәкірттері қатысты.<blockquote>Жаңа дәрісхана әдебиеттану теориясына арналған. Дәрісхана интерактивті тақтамен қамтылған, онда еліміздегі ғалымдардың Өскенбай Көзбеков туралы ең үздік лекциялары жинақталды. Мұндағы барлық көрнекілік білім алушыларға замануи білім беруге негізделген, – деді «Қазақ тілі мен әдебиеті және журналистика» кафедрасының қауымдастырылған профессоры Аман Абасилов.</blockquote>Өскенбай Көзбеков еңбек жолын 1991-1992 оқу жылында Қорқыт ата атындағы Қызылорда мемлекеттік университетінде оқытушылық қызметтен бастаған. Ұстаздық қызметін ғылыммен байланыстырып, 1998 жылы «О.Бөкеев прозасының поэтикасы» тақырыбында қазақ әдебиеті мамандығы бойынша кандидаттық диссертациясын сәтті қорғады.&nbsp;&nbsp;Профессор әдебиетті оқыту әдістемесі мәселелерімен де айналысып, «Әдебиеттануға кіріспе» пәні бойынша әдістемелік нұсқаулық әзірлеген. Сонымен қатар, «Орыс әдебиетінің тарихы» атты типтік оқу бағдарламасын құрастырды. Өскенбай Арыстбайұлы – 30-дан астам ғылыми-әдістемелік мақаланың авторы. &nbsp; &nbsp;<figure class="image"><img src="https://knadmin.beoblood.kz/uploads/de013775_0801_40c7_a4ad_1bbd60f2be54_fecd310e30.jpg" alt="de013775-0801-40c7-a4ad-1bbd60f2be54.jpg"></figure>&nbsp;<figure class="image"><img src="https://knadmin.beoblood.kz/uploads/609869ba_dabe_448c_a09f_06aa958d4d3f_40c1ffb12e.jpg" alt="609869ba-dabe-448c-a09f-06aa958d4d3f.jpg"></figure>&nbsp;<figure class="image"><img src="https://knadmin.beoblood.kz/uploads/ada3d9b8_28cc_45e3_b29d_16e6205b731e_f8899110ed.jpg" alt="ada3d9b8-28cc-45e3-b29d-16e6205b731e.jpg"></figure>

Қазақстан және Қызылорда облысының жаңалықтары: Білім