<a href="https://kyzylorda-news.kz/">Kyzylorda-news.kz</a>&nbsp; Жалағаш ауданының әкімі Ардақ Ибраимов «Руханият» орталығында ұйымдастырылған «Жас өнертапқыштар: Инновация және болашақ» атты аудан оқушыларының ғылыми-техникалық бағыттағы инновациялық жобалар көрмесімен танысты.Дарынды оқушылар ғылыми-техникалық бағыттағы инновациялық жобаларын жаңа ғылыми идеялар негізінде әзірленгенін жан-жақты түсіндіріп өтті. Ұсынылған жобалар қоғамның түрлі салаларында прогрессті қамтамасыз етуге, өндіріс пен қызмет көрсету процесін оңтайландыруға, ресурстарды тиімді пайдалану және экологиялық тұрғыдан таза суды қамтамасыз ету мақсатында жүзеге асыруға бағытталған.Аудан әкімі инновациялық жобалардың болашақта ел игілігі үшін жүзеге асуына тілектестігін білдіріп, жас ғалымдар мен дарындылардың туындыларын жоғары бағалады.<blockquote>«Әрбір жобаның артында үлкен еңбек пен шығармашылық тұр және бұл жобалардың болашақта қоғамға қосар үлесі зор екені айқын. Жастарымыздың ғылыми-техникалық әлеуеті өте жоғары. Бұл жобалар ауданымыздың дамуына жаңа серпін беріп, еліміздің болашағы үшін маңызды қадам болмақ. Бүгінгі көрмеде көрсетілген жұмыстар мен идеялардың әрі қарай сәтті жүзеге асуына тілектеспін!» – деді аудан әкімі Ардақ Ибраимов.</blockquote>Айта кетейік, инновациялық жобалар көрмесіне республикадан орын алған 30 жоба ұсынылды. Аудан оқушылары биылғы оқу жылында да республикалық, облыстық білім бәйгелерінде үздіктер қатарынан көрініп келеді.Фото: Жалағаш ауданы

Ардақ Ибраимов инновациялық жобалар көрмесімен танысты

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Электр энергетикасы, техносфералық қауіпсіздік және экология білім беру бағдарламасының ұйымдастыруымен «Жас электрик &nbsp;– 2025» турнирі өтті.Байқауға жоғары оқу орындары мен техникалық және кәсіптік білім беру мекемелерінің электр энергетикасы бағытындағы білім алушылар қатысты. Турнир студенттердің білім деңгейін, практикалық дағдыларын жетілдіру, сондай-ақ теория мен тәжірибені ұштастыру мақсатында өткізілді.Жарыс Қызылорда облысының 7 техникалық және кәсіптік білім беру мекемесінен 14 білім алушыны қамтыды. Әр командада екі студенттен қатысты.Жарыс алдындағы жеребе тастау рәсімі арқылы сайыскерлердің шығу реті мен жұмыс орны белгіленді.І орын – Болашақ университетінің Жоғары колледжі, ІІ орын – Шиелі индустриалды-аграрлық колледжінің сутденттері иеленді. Ал жүлделі ІІІ орын – Смағұл Ысқақов атындағы Қызылорда құрылыс және бизнес колледжі мен ІІІ орын – И. Әбдікәрімов атындағы Қызылорда политехникалық жоғары колледжінің студенттері лайықты деп танылды.&nbsp;

«Жас электрик  – 2025» турнирі өтті

<a href="https://kyzylorda-news.kz/">Kyzylorda-news.kz</a> ЖАСҰО Бас директоры Болатбек Айтбаев ZOOM режимінде өткізген онлайн-кездесуге еліміздің 18 өңірінен жоғары сыныптың &nbsp;4 000-нан астам оқушысы мен кейбір өңірлерде олардың ата-аналары да қатысты.Болтабек Қобланбекұлы қатысушыларды 2025-2026 оқу жылындағы қабылдау ережелерімен, "Көлік құрылысы" мамандығына бөлінетін мемлекеттік гранттар санымен, оқуға түсу ерекшеліктерімен, факультеттермен және мамандықтармен, оқу шарттарымен және мансаптық өсу мүмкіндіктерін таныстырды. Спикер түлектердің келешекте жұмысқа орналастыру және оқу кезеңінде студенттердің өзін-өзі дамытатын мүмкіндіктерін әңгімеледі.Түлектерге Қазақстанның автожол ЖОО-да оқудың артықшылықтары туралы мәлімет &nbsp;берілді.Биылғы оқу жылына мемлекет "Көлік құрылысы" білім беру бағдарламалары тобына 700-ден астам грант бөлді. &nbsp;Оқуға түсу үшін бейіндік пәндер-математика және физика жіне 50 балмен өту мүмкіндігі қарастырылған.Анықтама үшін: Жол активтері сапасының ұлттық орталығы жыл сайын жастарға кәсіптік бағдар беру жұмыстарын жүргізеді. Кәсіпорында студенттер ақылы өндірістік практикадан өтеді (80 мың теңге./ ай.). &nbsp;243 студент ЖАСҰО-да тәжірибеден өтті, оның 19-ы кәсіпорынға жұмысқа орналасты. &nbsp;ЖАСҰО қызметкерлері кәсіптік бағдар беру бағытында оқушылармен 7500-ден астам кездесу өткізді. Астана және Алматы қалаларының РФММ, BINOM SCHOOL меморандумдарға қол қойды. &nbsp;Сапа орталығының зертханаларында оқушылар үшін Ашық есік күндері үнемі өткізіледі. Онда іс жүзінде балаларға жолдың жай-күйі қалай анықталатыны көрсетіледі.<img src="https://knadmin.beoblood.kz/uploads/Bir_mezette_4_my_nan_asa_o_ushy_a_mamandy_ta_dauda_k_sibi_ba_dar_berildi_19b3c8f524.jpg" alt="Бір мезетте 4 мыңнан аса оқушыға мамандық таңдауда кәсіби бағдар берілді.jpg"><img src="https://knadmin.beoblood.kz/uploads/1_Bir_mezette_4_my_nan_asa_o_ushy_a_mamandy_ta_dauda_k_sibi_ba_dar_berildi_0278e57b72.jpg" alt="1 Бір мезетте 4 мыңнан аса оқушыға мамандық таңдауда кәсіби бағдар берілді.jpg">Фото: freepik.com

Бір мезетте 4 мыңнан аса оқушыға мамандық таңдауда кәсіби бағдар берілді

<a href="https://kyzylorda-news.kz/">Kyzylorda-news.kz</a> «NIS бірге оқиық» желілік жобасы аясында Сыр өңіріндегі Зияткерлік мектеп кітапханашылары, кураторлар мен тәрбиешілер бірлесіп Бердібек Соқпақбаевтың «Ана жүрегі» және Шерхан Мұртазаның «Интернат наны» шығармалары негізінде танымдық іс-шара ұйымдастырды.7-8 сынып оқушылары кітап мазмұнын талқылап, өз ойларымен бөлісті. Мәтінді талдау үшін сыни тұрғыдан ойлауды дамытуға ықпал ететін «Write around» интерактивті әдісі және шығармалардың моральдық аспектілерін түсінуге бағытталған «Құндылықтар сөздігі» әдісі қолданылды.Шығармаларда ананың қамқорлығы, достық және адамгершілік сынды маңызды тақырыптар қозғалады. Қатысушылар бұл құндылықтардың кейіпкерлердің өмірінде және шынайы өмірде қалай көрініс табатынын талқылады. Пікірталас шынайы, эмоцияға толы, құнды тұжырымдар болды.<img src="https://knadmin.beoblood.kz/uploads/nish_764ae8a699.jpg" alt="ниш.jpg"><img src="https://knadmin.beoblood.kz/uploads/nish2_6b2be9e18d.jpg" alt="ниш2.jpg">

NIS бірге оқиық

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің өкілдері ҚР Сыртқы істер министрлігі мен Отандастар қоры ұйымдастырған көрмеге қатысты. &nbsp;Білім көрмесі алғаш рет Монғолияның Баян-Өлгей аймағында өтті.<blockquote>«Көрмеде оқу орнының артықшылықтары, білім беру бағдарламалары, қос дипломды білім беру бағдарламалары, академиялық ұтқырлық, оқу жүйесі туралы мәліметтер берілді. Басты мақсатымыз – шетелдік азаматтарды, оның ішінде Моңғолия жастарын университетте білім алуға ынталандыру», -деді Рекрутинг және мансап бөлімінің басшысы Асхат Мырзабай.</blockquote>«Моңғолиядағы Қазақстандық білім күндері» көрмесіне жиырмаға жуық қазақстандық жоғары оқу орындарының өкілдері қатысып, 1500-ден астам мектеп бітіруші түлектеріне ақпараттық түсіндірме жұмыстарын жүргізді.

Қорқыт ата университеті - Монғолияда

<a href="https://kyzylorda-news.kz/">Kyzylorda-news.kz</a> Бүгін Абай атындағы үш тілде оқытатын дарынды балаларға арналған мамандандырылған сыныптары бар мектебі аймақта алғашқылардың бірі болып “PISA – 2025” халықаралық зерттеуіне қатысты. Бұл зерттеу оқушылардың математика, жаратылыстану және оқу сауаттылығы бойынша білім деңгейін бағалауға бағытталған.Зерттеуге мектептен 40 білім алушы қатысып, өз білімдері мен дағдыларын халықаралық деңгейде сынап көрді. Бұл олардың тек академиялық білімін ғана емес, сонымен қатар сыни ойлау, ақпаратты талдау және оны өмірде қолдану қабілетін көрсететін маңызды сынақ болды.Абай атындағы мектептің 10 “G” сынып оқушысы Мақсұт Надира “PISA – 2025” халықаралық зерттеуіне қатысып, тапсырмаларды орындау барысында ешқандай қиындық болмағанын атап өтті. Ол барлық сұрақтардың оқу бағдарламасына сай келетінін, алған білімінің бұл сынақта өз нәтижесін көрсеткенін және бұл зерттеу – мектептің білім беру сапасының жоғары деңгейде екенін тағы бір дәлелдейтін жетістік екендігін айтты.Естеріңізге сала кетейік, сәуір айының 1 - 22 аралығында өтетін “PISA -2025” халықаралық зерттеуіне біздің өңірдегі 24 мектеп, 5 колледжден 1029 білім алушы қатысатын болады.<img src="https://knadmin.beoblood.kz/uploads/mektep_1_6f5efece4e.jpg" alt="мектеп 1.jpg">Фото: Қызылорда облысының білім басқармасының баспасөз қызметі

Абай атындағы мектеп “PISA – 2025” халықаралық зерттеуінен өтті

<a href="https://kyzylorda-news.kz/">Kyzylorda-news.kz</a> Арал ауданы Шижаға ауылындағы іргелі білім ошағы Е.Көшербаев атындағы №57 орта метептің 90 жылдық мерейтойына арналған салтанатты шара өтті. Бұл тарихи сәт – тек мектеп ұжымы үшін ғана емес, бүкіл ауыл тұрғындары үшін үлкен қуаныш пен мақтаныш.Тарихы сонау 1934 жылдан басталатын бұл білім ошағы кешегі мен бүгіннің арасын жалғаған бірнеше буынның қалыптасуына сеп болды. Заманның қиын уақытында құрылса да, іргесі сөгілмеген алтын ұя небір алыптардың айналып соғар құттыхана мешітіне айналды.Мектеп ауласы Наурыз мерекесіне сай безендіріліп, қазақы салт-дәстүр, әдет-ғұрыпқа негізделген көріністермен үйлесім тапқан. Мерейтой қарсаңына орай келген мәртебелі меймандар, зиялы қауым өкілдеріне арнайы дәм ұсынылып, мектеп оқушыларының түрлі тақырыпқа сай өнерлері көрсетілді. Мектеп ғимаратында қонақтарға Мемлекет және қоғам қайраткері Елеу Көшербаев атындағы және мектеп тарихынан сыр шертетін суреттер көр<a href="https://knadmin.beoblood.kz/admin/content-manager/collectionType/api::post.post?page=1&amp;pageSize=20&amp;sort=createdAt:DESC&amp;plugins[i18n][locale]=kk">Новости</a>месі таныстырылды.Мерекелік шарада аудан әкімінің міндетін атқарушы Ш.Есжанов сөз алып, жұртшылықты мектептің 90 жылдық торқалы тойымен құттықтады.<blockquote>– Құрметті жерлестер, қадірлі ауылдастар! Біздің басқосуымызға бірінші себеп, өздеріңіз тұрған іргелі қара шаңырақ, талай шәкіртті түлетіп, қияға қаннаттандырған білім ошағы №57 орта метептің 90 жылдығы. Мерейлі белес баршаңызға құтты болсын, – деді ол.</blockquote>Бүгінде сол ұстаздар қауымының еңбекқорлығы және ізденімпаздығының арқасында үлкен теңізде еркін жүзіп келе жатқан іргелі білім ошағы 90 жылдық белесте өз тұғырынан бір саты төмен түскен жоқ. Солай бола да бермек. Осы жолда ортақ абырой үшін еңбек етіп келе жатқан барша ұстаздарға және осы мектептен білім алған шәкірттерге, тілеулес ағайынға мереке құтты болсын дегім келеді.Интеллектуал ұлт қалыптастыру жолындағы ортақ ойдың жемісі саналатын әр бастамаларыңыз шәкірт жүрегіне жол тауып, ел атын шығара беруге сеп болғай. Білімді шәкірттеріңіз көп болып, әрқашан ел атын асқақтата берсін, – деген Шерхан Жұбаханұлы орта мектеп ұжымына аудан әкімінің арнайы құттықтауын табыстады.Мұнан соң мерейтойға арнайы келген қонақтар Қызылорда облыстық футбол федерациясының бірінші вице-президенті Болат Көшербаев, облыстық мәслихат депутаты Мейрамбек Жұмашев, аудандық маслихат төрағасы Базарбай Төрахметов, аудан прокуроры Мадияр Бекпанов және аудандық білім бөлімінің басшысы Санира Жанназаровалар өз лебіздерін білдіріп, мектеп ұжымына сый-құрметтерін көрсетті.Салтанатты шара барысында ұрпақ тәрбиесі, ұлт болашағы жолында ұстаздық қызметті абыройлы атқарып келе жатқан бір топ ұстаздар Қызылорда облыстық білім басқармасының Құрмет грамотасымен және арнайы Алғыс хатымен марапатталды.Бұл айтулы күн №57 орта мектептің өткені мен бүгіні тоғысқан, болашаққа деген сенім нығая түскен тарихи сәт болды. Ғасырлық белеске иек артқан іргелі қара шаңырақтың 90 жылдық торқалы тойы қарсаңында мектеп оқушылары ән-жырдан шашу шашып, шараға арнайы келген қонақтар мен ұстаздар қауымына шетсіз-шексіз құрметтің үлгісін көрсетті.<img src="https://knadmin.beoblood.kz/uploads/Shizha_a_mektep_4_d48cd5f814.jpg" alt="Шижаға мектеп 4.jpg">Фото: Арал ауданы әкімдігі

Іргелі білім ұясына 90 жыл

<a href="https://kyzylorda-news.kz/">Kyzylorda-news.kz</a> Президент тапсырмасына сәйкес және Жұмысшы мамандықтары жылы аясында еліміздің орта білім беру ұйымдарында педагог-кәсіптік бағдар беруші лауазымы ресми түрде бекітілді.Оқу-ағарту министрлігінің баспасөз қызметі мәлім еткендей, бұл бастама оқушыларға мамандық таңдауда ерте бағыт-бағдар беруге, сондай-ақ оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталған.Педагог-кәсіптік бағдар берушінің негізгі міндеттері:<ul><li style="text-align:justify;">Оқушыларға мамандық пен білім бағытын таңдауда қолдау көрсету;</li><li style="text-align:justify;">Жеке және топтық кәсіби кеңес беру жұмыстарын жүргізу;</li><li style="text-align:justify;">Кәсіптік бағдар беруге арналған іс-шараларды ұйымдастыру;&nbsp;</li><li style="text-align:justify;">Жұмыспен қамту орталықтарымен, колледждермен және кәсіпорындармен байланыс орнату;</li><li style="text-align:justify;">Оқушыларға еңбек нарығындағы сұранысқа ие&nbsp;мамандықтар мен заманауи үрдістер туралы ақпарат беру.</li></ul><blockquote>—&nbsp;Жаңа лауазымның енгізілуі оқушылардың сана­лы әрі дұрыс кәсіптік таңдау жасауына көмектеседі, жұмысшы мамандықтарының беделін арттырып, еңбекке бейім, білікті және бәсекеге қабілетті ұрпақ тәрбиелеуге ықпал етеді,&nbsp;— делінген хабарламада.</blockquote>Фото: Нұрболат Нұржаубай

Алғаш рет мектепте «педагог-профориентатор» лауазымы ресми түрде енгізілді

<a href="https://kyzylorda-news.kz/">Kyzylorda-news.kz</a> Алматыда өтіп жатқан “AlmatyFair.ai” көрмесінде ЖИ көмегімген жүзеге асырылған бағдарламалар ұсынылды, деп хабарлайды Алматыдағы <a href="https://baq.kz/qazaqstan-mektepterinde-zhana-bagdarlama-engiziledi-200010508/">BAQ.KZ тілшісі.</a>Өткен жылы Премьер-министр Олжас Бектенов CodiPlay жобасын қазақстандық мектептерде енгізуді тапсырған еді.Айта кетейік, CodiPlay – 2021 жылы құрылған білім беру технологиялары (EdTech) саласындағы қазақстандық стартап.<blockquote>CodiPlay қолданбасы қызықты мобильді ойындар арқылы Scratch, C++ және Python тілдерінде бағдарламалауды үйренуге мүмкіндік береді. Бұл бағдардаманы 1-11 сынып аралығында қолдануға болады. Ең алдымен бастауыш сынып оқушылары лего ойншықтарды құрастырса, ойын арқылы бағдарламалау тілін үйренеді. Жоғарғы сыныптарға барғанда өзінің жобаларын жүзеге асырады. Қосымшадан бөлек, бағдаршамнан бастап ақылды үй жүйесіне дейінгі әртүрлі IoT (Internet of Things) жобаларын жасауға арналған макеттер мен бөліктерден тұратын CodiKit" жиынтықтары да бар. Біздің қолдаңбамызды қазіргі таңда Алматы, Астана, Ақтөбе, Түркістан сынды қалалардың мектептерінде қолданып жатыр. Болашақта еліміздің барлық мектептерінде қолдаңба енгізіліп, балалардың роботехника, ЖИ жөнінде білімі артады деген сенімдеміз,- дейді Лаззат.</blockquote>Құрастырушылардың айтуынша, &nbsp;CodiTeach веб-платформасы мұғалімдерге оқу бағдарламасын ұйымдастыруға арналған құралдарды қолдануға мүмкіндік бермек.Фото: Нұрболат Нұржаубай

Қазақстан мектептерінде жаңа бағдарлама енгізіледі

«Тұрғылықты жеріне қарамастан, әрбір баланың білім алуына қолайлы жағдай жасау – мемлекеттің міндеті» Қасым – Жомарт Тоқаев, Қазақстан Республикасының Президенті<a href="https://kyzylorda-news.kz/">Kyzylorda-news.kz</a> Қазақстанда тұрғылықты жеріне қарамастан әрбір баланың сапалы білім алуы үшін қолайлы, қауіпсіз әрі жайлы жағдайлар жасауға бағытталған тұрақты мемлекеттік саясат жүргізіліп келеді. Бұған соңғы жылдары жүзеге асырылып жатқан ауқымды мемлекеттік бағдарламалар да ықпал етуде.Елде жаңа мектептердің құрылысы бұрын-соңды болмаған қарқынмен жүріп жатыр. Мемлекет басшысының тапсырмасы бойынша биыл төртінші жыл қатарынан жыл сайын 1000-ға жуық ауыл мектептері модернизациядан өтуде. Бұл балалар үшін оқу жағдайларын жақсартуға ғана емес, сонымен қатар қала мен ауыл мектептері арасындағы білім беру сапасындағы алшақтықты азайтуға мүмкіндік береді.Соңғы үш жылда 4 мыңнан астам мектептің материалдық-техникалық базасы жаңартылды. 2 мыңнан астам білім беру ұйымында робототехника, химия, биология, физика және STEМ бойынша заманауи пәндік кабинеттер ашылды. Бір ғана 2024 жылдың қорытындысын алып қарар болсақ, 967 мектепте 1621 пәндік кабинет жабдықталды. Бұл бағыттағы жұмыстар әлі де жалғасуда, 2029 жылға қарай еліміздің мектептерінде кемінде 7000 заманауи пәндік кабинет ашу жоспарланған.Білім беру сапасын арттырудың тағы бір маңызды факторы – цифрлық технологияларды енгізу болып табылады. Ұлттық бастамалар аясында мектеп оқулықтарының 100%-ы цифрлық форматқа көшірілді, ал мектептердің 95,2%-да жоғары жылдамдықты интернетке қолжетімділік айтарлықтай жақсарды. Білім беру платформалары енгізілуде, жасанды интеллект элементтері оқу процесіне интеграциялануда. Осы шаралардың барлығы оқушыларды болашақтың сын-қатерлеріне дайындауға және олардың бойында ерте жастан цифрлық дағдыларды қалыптастыруға бағытталған.Білім беру сапасы педагогикалық қауымдастықтың кәсібилік деңгейімен де тікелей байланысты. Осы тұрғыда мемлекет тарапынан мұғалімдерді тұрақты түрде қолдау, олардың мәртебесін, материалдық әлеуетін арттыру бойынша атқарылып жатқан жұмыстарды да атап өту керек. 2020 жылдан бастап педагогтердің жалақысы 2 есеге артты, ал біліктілік санаттары бар мұғалімдерге ол үшін лауазымдық жалақысының 35%-дан 50%-ға дейін үстемеақы төленеді. Бүгінде орта білім беру жүйесінде жұмыс істейтін 400 мың педагогтің 300 мыңға жуығына осындай үстемеақылар төленіп келеді.Ауыл мұғалімдерін қолдауға ерекше назар аударылуда, олардың жалақысы қалалардағы әріптестерімен салыстырғанда кем дегенде 25%-ға жоғары. Бұл өңірлерге білікті кадрларды тартуға ықпал етеді.2023 жылдың қыркүйегінен бастап Президенттің тапсырмасы бойынша барлық бастауыш сынып және әлеуметтік осал топтар санатындағы оқушыларды тегін ыстық тамақпен қамту енгізілді. 1,7 миллион оқушыны қамтамасыз етуге жергілікті бюджеттерден 192 млрд теңгеден астам қаражат бөлінді. Сондай-ақ тамақтану сапасын арттыру мақсатында асхана қызметкерлеріне қойылатын талаптар күшейтілді, тегін тамақ алушылардың есебі автоматтандырылды, күнделікті бақылау енгізілді.Сонымен қатар «Жалпыға бірдей білім беру» қоры аясында әлеуметтік осал санаттағы 510 мыңнан астам оқушы мектеп құралдарымен қамтамасыз етілген.2025 жылдан бастап жекеменшік мектептердің оқушылары үшін де әлеуметтік қолдау шараларын енгізу көзделуде.Фото: Нұрболат Нұржаубай

Қазақстанда білім беру жүйесі қалай өзгеруде? 

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы білім басқармасының «Тәрбие, спорт &nbsp;және қосымша білім беру» орталығы, қосымша білім беру бөлімінің жылдық жұмыс жоспарына сәйкес № 282 мектеп-лицейі базасында &nbsp;«Біртұтас тәрбие» бағдарламасы – сапалы білімнің тұғыры» тақырыбында &nbsp;білім беру ұйымдарының оқу, ғылыми-әдістемелік, бейіндік оқыту жөніндегі орынбасарлар, мектепке дейінгі білім беру ұйымының меңгерушілері, әдіскерлеріне&nbsp;арналған облыстық семинар өтті.&nbsp;Іс-шараға &nbsp;аталмыш білім беру ұйымдарынан &nbsp;130 педагог&nbsp;қатысты. Тәжірибе алаңын ұйымдастырудағы мақсаты – ұлттық және рухани-адамгершілік, жалпыадамзаттық құндылықтарды дәріптеу арқылы өскелең ұрпақты тәрбиелеудің жаңа бағдарламалары мен жобаларын, пәндерге интеграциялаудағы сапалы білім алу тәсілдемелерін ұсыну, тәжірибе алмасу.&nbsp;Бағдарлама мазмұнына сай шығармашылық-әдістемелік көрмелер, фольклорлық ансамбльдің орындауында &nbsp;қазақ күйлерінің топтамасы, &nbsp;«Мәдениет және ұлттық салт-дәстүр» ұлттық көрмесі және «Адал еңбек, адал табыс – жарқын болашақ» жұмысшы мамандықтар көрмесі таныстырылымы болды. Іс-шарада Біртұтас тәрбие бағдарламасы аясында "Ұлттық ойын – ұлт қазынасы" шарасы аясында ұлттық ойындар, түлектермен ағаш егу рәсімі болды.Пленарлық отырыста тәжірибе алаңының кіріспе сөзі Тәрбие, спорт және қосымша білім беру орталығының директоры &nbsp;Ф.Досаевқа беріліп, іс-шараға қатысушыларға сәттілік тіледі.&nbsp; &nbsp; "Құндылықтарға негізделген сабақ: қазіргі заманғы тәсілдер мен технологиялар" айдары бойынша гуманитарлық, жаратылыстану, бастауыш пәндері бойынша құндылықтарды интеграциялау бойынша шеберлік сыныптары, панорамалық сабақтар және практикалық жұмыстар жүргізілді.&nbsp;Тәжірибе алмасуға келген мамандар өз салалары бойынша қысқа мерзімді жоспарлар құрып, &nbsp;іс-тәжірибе алмасты.&nbsp;Семинарға қатысушылар өз кезегінде жылы лебіздері мен алғыстарын айта отырып, шеберлік сыныптарына кері байланыс берді. Іс-шара соңы марапаттау рәсімімімен және салтанатты мерекелік бағдарламамен &nbsp;жалғасын тапты. Барлық қатысушыларға сертификат табысталды.<img src="https://knadmin.beoblood.kz/uploads/1_Birt_tas_t_rbie_ba_darlamasy_sapaly_bilimni_t_yry_atty_seminar_tti_34d5ed26e3.jpg" alt="1 «Біртұтас тәрбие» бағдарламасы – сапалы білімнің тұғыры» атты семинар өтті.jpg"><img src="https://knadmin.beoblood.kz/uploads/2_Birt_tas_t_rbie_ba_darlamasy_sapaly_bilimni_t_yry_atty_seminar_tti_a410b7c369.jpg" alt="2 «Біртұтас тәрбие» бағдарламасы – сапалы білімнің тұғыры» атты семинар өтті.jpg"><img src="https://knadmin.beoblood.kz/uploads/3_Birt_tas_t_rbie_ba_darlamasy_sapaly_bilimni_t_yry_atty_seminar_tti_e3f4af9596.jpg" alt="3 «Біртұтас тәрбие» бағдарламасы – сапалы білімнің тұғыры» атты семинар өтті.jpg">

«Біртұтас тәрбие» бағдарламасы – сапалы білімнің тұғыры» атты семинар өтті  

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде &nbsp;«Таза Қазақстан» экологиялық мәдениетті дамыту жобасы аясында «Eco life» студенттік экологиялық клубы ашылды.Жиынға Әлеуметтік және тәрбие жұмыстар проректоры Жандос Базартай қатысып, оқу орнында ашылған жиырма екінші студенттік ұйым жұмысына сәттілік тіледі. Экоклубқа 100 студент қабылданып, оларға алдағы міндет-жоспарлар таныстырылды.Ашылу рәсімі 22 наурыз – Дүниежүзілік су күні мен 26 наурыз – Арал теңізі күніне орай ұйымдастырылды. Осы ретте, клуб жетекшісі, «Электр энергетикасы, техносфералық қауіпсіздік және экология» білім беру бағдарламасының аға оқытушысы Светлана Кужамбердиева клубқа қабылданушы студенттерге су экологиясы мен ресурстарын тиімді басқарудың маңыздылығын айтты.<blockquote>«Су – тіршіліктің көзі. Экологиялық клубты дәл осы күні ашуымыздың басты мақсаты – білім алушыларға судың экологиялық жүйенің негізі болып табылатынын түсіндіру. Адамдардың іс-әрекеті салдарынан өңіріміздегі Арал теңізінің экосистемаларға қалай әсер еткені – соның айқын мысалы. Қазіргі кезде Аралды құтқару бағытында жоспарлы түрде ғылыми негізде жұмыстар жүргізілуде. Әлем назарындағы Арал теңізін сақтап қалу үшін жастарды экологиялық мәселелерді шешуде ғылыми зерттеулер жүргізуге, жалпы қоршаған ортаны қорғауға баулу басты міндетіміз»,-деді Светлана Кужамбердиева.</blockquote>Экоклубтың мақсаты – студенттердің қоршаған ортаға деген саналы көзқарасын қалыптастыру, экологиялық мәдениетті дамыту, табиғатты қорғауға белсенді қатысу, университетте және одан тыс жерлерде экологиялық мәселелерді шешу, сонымен қатар тұрақты даму ұстанымдары мен экологиялық таза технологияларды насихаттау.<blockquote>«Eco life» клубы құрамында болу маған экологиялық мәселелерге қатысты түсінігімді тереңдетуге мүмкіндік береді. Әрбір адам өз іс-әрекетімен табиғаттың тепе-теңдігін бұзбай, айналамызға деген жауапкершіліктің маңыздылығын түсінуі керек. Клубта өзім сияқты көптеген жастар табиғатты қорғау үшін не істей алатынын талқылап, өзара пікір алмасуға мүмкіндіктері бар. Алдағы уақытта экологиялық мәселерді шешуде ғылыми жобалар мен зерттеулер жүргізіп, өз үлесімді қосамын деген сенімдемін. Және барлық жастарды белсенді болуға шақырамын!», - деді клуб мүшесі Жібек Ақнұрова.</blockquote>Айта кетейік, экоклуб мүшелерінің зерттеу жұмыстарын жүргізіп, іс-шаралар ұйымдастыруына қолайлы орта қалыптастыру негізінде қайта жаңғыртудан өткен дәрісхана пайдалануға берілді. Сонымен қатар, қалдықтарды қайта өңдеу, су мен энергияны үнемдеу, табиғат ресурстарын сақтауға бағытталған көрме қойылды. Жаңа студенттік ұйымға экологиялық мәдениетті қалыптастыруға үлес қосамын деген университеттің студенттері мүшелікке қабылданады. Осы арқылы экологиялық мәдениетті дамытуға, студенттердің бастамаларын қолдауға бағытталған қадам болмақ.<img src="https://knadmin.beoblood.kz/uploads/2_f961d6d702.jpg" alt="2.jpg">

Қазақстан және Қызылорда облысының жаңалықтары: Білім