&nbsp;<a href="https://kyzylorda-news.kz/">Kyzylorda-news.kz</a> Ауыл мектептерінің 9-11 сынып оқушыларына арналған жалпы білім беретін пәндер бойынша республикалық пәндік олимпиада мәресіне жетті. Еліміз бойынша 500-ге жуық оқушының қатысуымен өткізілген білім бәсекесінде үздік нәтиже көрсеткені үшін Қызылорда облысы «Ең үздік олимпиадалық команда-2024» номинациясымен 1 орынды иеленді. Бұл туралы Өңірлік коммуникациялар қызметінің баспасөз алаңында «Дарын» облыстық қосымша білім беру орталығының директоры Баян Ниязова мәлімдеді.<blockquote>– Білім бәйгесінің республикалық кезеңіне өңірімізден 40 оқушы қатысты. 26-30 қараша аралығында Астана қаласында олимпиаданың жаратылыстану-математикалық бағыты бойынша республикалық кезеңі өткізілді. Бағы жанған 25 оқушы жүлделі орындарға ие болды. Алтын медаль – 7 оқушы, Күміс медаль – 10 оқушы, Қола медаль – 8 оқушы, Алғыс хатпен – 4 оқушы марапатталды. Қазалы ауданы №249 мектеп-лицейінің 11 сынып оқушысы, химия пәнінен алтын медаль иегері Әдiлбек Анель және Жалағаш ауданындағы №201 мектеп-лицейдің 11 сынып оқушысы Тұрсынбек Азамат физика пәнінен алтын медаль алып, Сүлеймен Демирель Университетінің білім грантын жеңіп алды. Сыр елінің мерейін асырған басқа да оқушыларымыз жүлделі орындар алып, өз білімдерін дәлелдеді, – деді Баян Бақытжанқызы.</blockquote><img src="https://knadmin.beoblood.kz/uploads/Respublikaly_bilim_b_sekesinde_Syr_daryndary_top_zhardy_b17c6038b7.webp" alt="Республикалық білім бәсекесінде Сыр дарындары топ жарды.webp">Фото: Өңірлік коммуникациялар қызметі

Республикалық білім бәсекесінде Сыр дарындары топ жарды

<a href="https://kyzylorda-news.kz/">Kyzylorda-news.kz</a> 27-29 қараша күндері Астана қаласында өткен «NXplorers: Жасыл ұрпақ бәйгесі» республикалық экологиялық жобалар байқауының финалдық кезеңінде Қызылорда қаласының Б.Ермекбаев атындағы №271 орта мектеп оқушылары Фазылқызы Ақниет, Қадыров Дамир, Бегалы Дана топ жарып, жүлделі І орын иеленді.Сонымен қатар, оқушыларға жобаны әрі қарай жалғастыру үшін 1 000 000 теңге гранттың сертификаты табысталды.Оқушылардың және жоба жетекшісі Аймыратова Гайнегүл Абдижановна.&nbsp;<img src="https://knadmin.beoblood.kz/uploads/1_000_000_te_ge_grantty_sertifikaty_tabystaldy_2_1ac6a133a9.jpg" alt="1 000 000 теңге гранттың сертификаты табысталды 2.jpg">

«NXplorers: Жасыл ұрпақ бәйгесі»:  Қызылордалық оқушылар бірінші орын иеленді 

«Балалар кітапханасы» жобасы: Белсенді  оқу-тиімді тәжірибе                                                  

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Басқарма төрағасы-Ректоры Бейбіткүл Каримова, халықаралық байланыстар бөлімінің топ жетекшісі Темірболат Кеншінбай, академиялық мәселелер жөніндегі департамент директоры Баянәлі Досжанов 2024 жылғы 25-29 қараша аралығында Еуропалық Одақтың Еразмус+ бағдарламасы аясында Бельгия Корольдігіндегі Ховест қолданбалы ғылымдар университетінің шақыруымен іссапарға барды.Университет ректоры Бейбіткүл Каримова іссапар барысында Ховест қолданбалы ғылымдар университетінің президенті Фредерик Д'ульстер мырзамен кездесіп, академиялық коллаборация, профессор-оқытушылар және білім алушылар алмасу бойынша келіссөздер жасап Меморандумға қол қойды.Меморандум бойынша академиялық &nbsp;ұтқырлық бағдарламасы шеңберінде &nbsp;Қорқыт ата атындағы Қызылорда университетінің студенттері бір академиялық кезеңге немесе бір &nbsp;оқу жылына &nbsp;тегін оқуға қол жеткізілді. Өз кезегінде Фредерик Д'ульстер мырза Ховест университеті де ІТ саласы бойынша Сеул Ұлттық ғылым және технологиялар университетімен әріптес екеніне тоқталды. Сонымен қатар, 3 университет арасындағы байланысты дамыту үлкен нәтижеге қол жеткізуге мүмкіндік беретінін айтты.Делегация сондай-ақ, Ховест қолданбалы ғылымдар&nbsp;университетінің Кортрейк, Брюгге қалаларындағы кампустарымен, заманауи үлгіде жабдықталған дәрісханаларымен, зертханаларымен, &nbsp;өндірістік базаларымен танысты. "Ақпараттық технологиялар" департаментінің жетекшісі Уильям Шокколе мырзамен, "СмартТех" кластерінің академиялық &nbsp;директоры Воутер Гевертпен оқу бағдарламалары жөнінде, профессор-оқытушылар Клаудия Икхаутпен, Воутер Вервейрдермен, Иоахим Франсуамен оқытудың жаңа &nbsp;технологиялары және әдістері туралы пікір алмасты. Ховест университетінде академиялық ұтқырлықпен оқып жүрген Қорқыт ата атындағы Қызылорда университетінің &nbsp;студенттерімен кездесу өткізілді.<img src="https://knadmin.beoblood.kz/uploads/Haly_araly_riptestik_ayasy_ke_eyude_1_6a4bf10a38.jpg" alt="Халықаралық әріптестік аясы кеңеюде 1.jpg"><img src="https://knadmin.beoblood.kz/uploads/Haly_araly_riptestik_ayasy_ke_eyude_2_5f2a8a4105.jpg" alt="Халықаралық әріптестік аясы кеңеюде 2.jpg">

Халықаралық әріптестік аясы кеңеюде

<a href="https://kyzylorda-news.kz/">Kyzylorda-news.kz</a> Атырауда алғаш рет «Адал табыс – Адал азамат» ұранымен, қызметі құқықтық білім мен &nbsp;сыбайлас жемқорлыққа қарсы мәдениетті насихаттауға бағытталған «Саналы ұрпақ» клубтарының І Республикалық слеті өтті.Іс-шараға Атырау, Ақтөбе, Алматы, Маңғыстау, Шығыс Қазақстан, Ақмола, Абай, Жамбыл, Батыс Қазақстан, Қызылорда, Түркістан облыстары мен Алматы, Шымкент қалаларының белсенділері мен «Саналы ұрпақ» клубтарының басшылары қатысты.&nbsp;Слет тәжірибе алмасу, өзекті мәселелерді талқылау және сыбайлас жемқорлыққа қарсы күрес бойынша бірлескен шешімдер әзірлеу алаңына айналды. Оның шеңберінде қатысушылар сыбайлас жемқорлыққа қарсы заңнаманың және сыбайлас жемқорлыққа қарсы мәдениетті қалыптастырудың өзекті мәселелерін талқылады, өз өңірінде атқарылған жұмыстар туралы өздерінің бейне презентацияларын ұсынды, оларда қоғамның парасаттылығына шақыра отырып, сыбайлас жемқорлыққа деген көзқарастарын көрсетті, сонымен қатар, сюжеттік және музыкалық қойылымдар дайындады.Слет қортындысы бойынша Қызылорда облысы колледжінің «Саналы ұрпақ» клубы жүлделі ІІІ орынға ие болды. «Саналы ұрпақ» слеті жастардың сыбайлас жемқорлықсыз адал және әділ қоғам үшін күресуге дайын екенін көрсетті.Сыбайлас жемқорлыққ ақарсы мәдениеттің алдын алу ісінде ең белсенді және ерекше көзге түскен жастар дипломдармен және естелік сыйлықтармен марапатталды.<img src="https://knadmin.beoblood.kz/uploads/Sanaly_rpa_respublikaly_sletinde_irdi_studentteri_III_oryn_a_ie_boldy_2_e50c27b97e.jpg" alt="«Саналы ұрпақ» республикалық слетінде өңірдің студенттері ІІІ орынға ие болды 2.jpg"><img src="https://knadmin.beoblood.kz/uploads/Sanaly_rpa_respublikaly_sletinde_irdi_studentteri_III_oryn_a_ie_boldy_3_5463693cc9.jpg" alt="«Саналы ұрпақ» республикалық слетінде өңірдің студенттері ІІІ орынға ие болды 3.jpg"> &nbsp;

«Саналы ұрпақ» республикалық слетінде өңірдің студенттері ІІІ орынға ие болды

<a href="https://kyzylorda-news.kz/">Kyzylorda-news.kz</a> «Білімдегі өзгерістердің 1 000 көшбасшысы» жобасына қатысып резервке алынған қарапайым педагог шалғайдағы ауыл мектебіне конкурссыз директоры болып тағайындалады.&nbsp;Бұл туралы бүгін аталған жоба қатысушыларына сертификат тапсыру рәсімінде Оқу-ағарту министрлігі Орта білім беру комитетінің төрағасы Қаныбек Жұмашев айтты деп хабарлады<a href="https://kaz.inform.kz/news/kadrlik-rezervke-alingan-karapayim-pedagog-auil-mektebne-konkurssiz-direktori-bolip-tagayindaladi-0bd517/"> kaz.inform.kz&nbsp;</a><blockquote>«Қазақстанда 2023 жылы тұңғыш рет білім беру саласында «Білімдегі өзгерістердің 1 000 көшбасшысы» жаңа жобасы басталған болатын. Бұл жоба Президенттік жастар кадрлық резерві сияқты білім беру саласында кадрлық резервті қалыптастыруға бағытталған. Бұрын білім беру жүйесінде мектептердің, білім беру ұйымдарының басшыларын тағайындау конкурс арқылы және негізінен мамандардың біліктілігіне, жинаған еңбек өтіліне қарай жүзеге асырылды. Бірақ, әлемдік тәжірибені зерттей келе байқағанымыз, Еуропа елдерінде, АҚШ-та білім беру ұйымдарының басшыларын тағайындау арнайы дайындықтан өткеннен кейін ғана жүзеге асырылады. Осыны ескере келе Оқу-ағарту министрлігі арнайы бағдарлама жасап, 4 сатыдан өтетін оқуды ұйымдастырды», — деді ол.</blockquote>Оның атап өтуінше, былтыр бұл жобаға мектеп директорларының 8 мыңнан астам орынбасары қатысты. 4 сатыдан өткен 207 адам кадрлық резервке алынды. Ал олардың 170-і мектеп директоры болып тағайындалды.<blockquote>«Олардың басқа мамандардан айырмашылығы кадрлық резервке алынған маман конкурссыз басшылыққа тағайындалады. Резервтен директорлық лауазымға тағайындалған педагогқа «жоғары деңгейдегі басшы» деген арнайы санат беріледі. Олардың жалақысы 2 есеге дейін өседі. Бұл жобаның мақсаты — басқару жүйесін күшейту, сол арқылы білім сапасын арттыру», — деді комитет төрағасы.</blockquote>Қаныбек Жұмашевтің дерегінше, биыл жобаға 13 мыңнан астам қатысты. Оның ішінде 376 адам кадрлық резервке өтті.&nbsp;<blockquote>«Жобаның биылғы айырмашылығы қарапайым педагогтардың да қатысуына мүмкіндік бердік. Олар мектеп директорының орынбасары лауазымына конкурссыз тағайындалады. Сонымен қатар, шалғай ауылдардағы мектептерде кадр жетіспейді. Оларға директор болып баратын мамандардың да үлесі аз. Сондықтан, біз кадрлық резервке енген қарапайым педагогтерді шалғай ауылдағы мектепке директор боламын десе, конкурссыз негізде тағайындаймыз. Кадрлық резервке енген педагогтер білім саласына жаңа леп әкеледі деп отырмыз», — деді ол.</blockquote>Фото: inbusiness.kz

Кадрлық резервке алынған педагог мектепке конкурссыз директор болып тағайындалады

&nbsp;<a href="https://kyzylorda-news.kz/">Kyzylorda-news.kz</a> “Мектепке жол” жалпыреспубликалық қайы­рым­дылық акциясы “Ауыл” партиясының Қызылорда облыстық филилалында қарқынды жүруде. Облыстық, қалалық, аудандық мәслихат депутаттарының ықпалымен қайырымдылық акцияның бір парасы аумақтық филиал кеңсесінде өтті.Он жылдан бері үзілмей келе жатқан қайырымдылық шарасы аясында биыл “Ауыл” партиясының Қызылорда облыстық филиалы тұрмыс жағдайы төмен отбасылар мен ата-аналарының қамқорлығынсыз қалған 100-ге жуық балаға әлеуметтік көмек көрсетпек.«Менiң таңдауым – балаларға көмек көрсету!» ұранымен ұйымдастырылып жатқан шараны қыркүйектің соңғы жұмыс күніне дейін жалғастыру көзделуде.

Қайырымдылық акциясы Қызылордада өтті

<a href="https://kyzylorda-news.kz/">Kyzylorda-news.kz</a> Астанада өткен «Қазақстан мұғалімі» ұлттық сыйлығының финалистері анықталды.&nbsp;Үздіктер қатарында Қызылорда қаласындағы Назарбаев Зияткерлік мектебінің қазақ тілі мен әдебиеті пәнінің мұғалімдері Гүлзат Шынтасова мен Жадыра Ажибаева бар. Білікті ұстаздар Өңірлік коммуникациялар қызметінің баспасөз алаңына келіп, БАҚ өкілдерінің сұрақтарына жауап берді.Отандық байқауға Қазақстанның барлық аймағынан 2200-ден астам мұғалім өтініш қалдырған. Нәтижесінде 50 финалист таңдалып, олардан ТОП-10 үздік педагог анықталды. Гүлзат Шынтасова сол ондықтың қатарында. Сырбойылық ұстаз алғашқы болып марапат төрінен көрінді. Қаржылай жүлдесі мен «Әлем мұғалімі» байқауына жолдаманы оған Global Teacher Prize жаһандық сыйлығының 2023 жылғы жеңімпазы пакистандық Зеф ханым табыстады.<blockquote>– Шара әлемнің түкпір-түкпірінен мұғалімдер, ғалымдар мен сарапшылардың басын қосқан Nobel Fest &amp; Teacher Summit білім беру форумы аясында болды. Бұл сыйлық – Varkey Foundation-мен бекітілген Global Teacher Prize халықаралық байқауының қазақстандық кезеңі. 1 млн АҚШ доллары көлеміндегі бас жүлде білімге қосқан үлесі үшін әлемнің үздік мұғалімдеріне беріледі,&nbsp;– деді Гүлзат Бурабайқызы.</blockquote>Сонымен қатар аталған сайысқа Назарбаев Зияткерлік мектебінің қазақ тілі мен әдебиеті пәнінің мұғалімі Жадыра Ажибаева да қатысып, ТОП-50 қатыранан көрінді.<blockquote>– Бұл байқауда мұғалімдер жоғары академиялық жетістіктерін, білім беру жүйесін дамытуға қосқан үлестерін көрсетіп, азаматтық белсенділігі мен маңызды әлеуметтік жобалары арқылы қоғамға пайдалы жұмыстарымен бөлісті,&nbsp;– деді Жадыра Ажибаева.</blockquote>

Қызылордалық мұғалім «Әлем мұғалімі» атағына үміткер

<a href="https://kyzylorda-news.kz/">Kyzylorda-news.kz</a> Шымкентте колледж студентінің миы шайқалып, балалар ауруханасында жатыр. Айтуынша, директордың орынбасары ұлдарды жертөлеге кіргізіп алып, сағаттап ұрған. Ал оған себеп — студенттердің мұғалім туралы әлеуметтік желідегі әзілі. «Парасат» колледжі директорының тәрбие жөніндегі орынбасары үлкен курс студенттері мен дене шынықтыру мұғалімдерін жинап, солардың көзінше сабады дейді тәлімгерлер. Дегенмен педагогтің өзі мұны жоққа шығарып отыр, деп хабарлайды&nbsp;<a href="http://skifnews.kz/">Skifnews.kz</a>&nbsp;ақпарат порталы&nbsp;<a href="https://azattyq-ruhy.kz/">Azattyq Rýhy</a>&nbsp;сайтына сілтеме жасап.«Парасат» колледжінің екі студенті қансырап үйіне келген соң, шошыған ата-ана дереу полицияға жетектейді. Арыз жазып шыққан студенттер колледж директорының тәрбие жөніндегі орынбасары жертөлеге кіргізіп, үшінші курс студенттері мен мұғалімдердің көзінше сабағанын айтып берген.<blockquote>«Бетімізден де, денемізден де аямай ұрды, құлаған кезде аяқпен де тепкіледі. Ағайдан таяқ жеп жатқан кезде үлкен курстың студенттері қарап тұрды, ал сол жерде болған дене шынықтыру пәнінің мұғалімдерінің біразынан шапалақ та жедік. Негізінен соққыны ағайдан алдық, ұрып жатқан кезде ол кісі «егер арызданатын болсаңдар, көміп тастаймын» деп қорқытты», - дейді ІІ курс студенті.</blockquote>Әбдіғаппар миы шайқалып ауруханада жатыр. Ал оның туыстары бүгін колледжге мәселенің мән-жайын білмекке аттанды. Ұлдары таяқ жеді деген жертөлені көрді. Соққыға жығылған студенттердің бірі &nbsp;директордың орынбасарының «ТикТок парақшасындағы бір әңгімеге күлгеніміз үшін таяқ жедік» деп отыр.«Ағайдың екі саусағында жаңа түскен тыртығы болуы керек. Себебі мені ұрған кезде қолы тайып кетіп, жиһазға тиіп қанағанын көрдім. Оның бар ашуына оның ТикТоктағы бір видеосына күлгеніміз болды. «Ешқандай жаман ойымыз болған жоқ» дегенімізді тыңдаған да жоқ. Жертөлеге кіргізіп, быт-шытымызды шығарды», - деді студент .Директордың орынбасары мұның бәрін жоққа шығарды. Тіпті соққыға жығылған қос студентті «бүкіл колледж бұзақы ретінде таниды» дейді директордың орынбасары. Былтыр полиция шақыруға тура келген екен. «Мүмкін соны кешіре алмай, жала жауып жатыр» деп ақталды.Ғимаратта орнатылған бейнебақылау камералары тола болғанымен, сол күні барлығы істен шыққан. Соққыға жығылған студенттердің ата-анасы ұлдарын оқу орнынан шығарып алды. Полицияға арыз жазып, прокуратура істі бақылауына алса деген өтініші бар. Ал таяқ жеген жігіттердің «жас болса да, тым қу» деген колледж басшылығы жала жабу дерегімен «біз де арызданамыз» деп бекініп отыр.Фото: Pixabay

«Ағай аяусыз тепкіледі»: Шымкентте колледж студентінің миы шайқалып ауруханаға түскен

<a href="https://kyzylorda-news.kz/">Kyzylorda-news.kz</a> Мессенджерлерде күннің ерте батуына байланысты сабақ уақыты қысқаратыны туралы ақпарат тарады. <a href="https://massaget.kz/news/kunnn-erte-batuyina-baylanyistyi-sabak-uakyityi-120854/">Massaget.kz </a>тілшісі бұған қатысты Оқу-ағарту министрлігіне сауал жолдады. Ведомство бұл ақпаратты жоққа шығарды.<blockquote>"2-ауысым оқушылары сабақтан тарағанда күн өте қараңғы болуына байланысты сабақ ұзақтығы уақытша 40 минутқа ауыстырылды", - делінген тараған ақпаратта.</blockquote>Оқу-ағарту министрлігі Massaget.kz тілшісіне бұл ақпаратқа қатысты пікір білдірді.<blockquote>"Сабақ уақыттарын заң бойынша жергілікті орган шешеді. Себебі аяз немесе түрлі іс-шара секілді түрлі жағдай болады", - делінген жауапта.</blockquote>Оқу-ағарту министрлігінің өкілдері күннің ерте батуына байланысты сабақ уақытын қысқарту жоспарда жоғын айтты.Бұл хабарлама Астанадағы ата-аналар чатында тараған. Редакция Астана білім басқармасына сауал жолдады. &nbsp;<blockquote>"Астана қаласының Білім басқармасы қысқы уақытта сабақтардың ұзақтығын қысқарту туралы бұйрық шығармады. Сол себепті, сабақ уақытын қысқарту мәселесі қарастырылып жатқан жоқ", - деп жауап берді ведомстводағылар.&nbsp;</blockquote>

Күннің ерте батуына байланысты сабақ уақыты қысқаратыны рас па?

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында "Әлеуметтік әмиян" жобасын іске асыру, мектепке дейінгі ұйымдардағы дербестендірілген ваучерлік қаржыландыру, дәрілік заттарды таңбалау және қадағалау, медициналық көмектегі төлемнің бірыңғай жүйесі, бюджетті жоспарлау мен қаржыландырудың кешенді автоматтандырылған жүйесіне қатысты мәселелер қаралды. Жиынға жауапты министрліктер қатысып, өңір әкімдіктері онлайн байланыс арқылы қосылды.Үкімет отырысынан кейін аймақ басшысы Нұрлыбек Нәлібаевтың төрағалығымен өткен арнайы жиында талқыланған мәселелер бойынша тапсырмалар берілді.<blockquote>«Мемлекет басшысы бастауыш сынып оқушылары мен аз қамтылған отбасы балаларына мемлекет есебінен тегін ыстық тамақ беруді, мектеп асханаларындағы тамақ сапасын қадағалауды міндеттеді. Осы ретте санитарлық-эпидемиологиялық нормалардың сақталуын қатаң бақылау, оқушыларды сапасы күмәнді, арзан азық-түлікпен тамақтандырмау, тағамдардың бала ағзасын барлық қажетті дәруменмен қамтамасыз етуін назарда ұстау керек. Бұл өскелең ұрпақтың денсаулығына тікелей әсер ететіні айтпаса да түсінікті. Сондықтан мектепте берілетін ыстық тамақтың сапасын тұрақты бақылауды тапсырамын.«Әлеуметтік әмиян» жобасы бойынша тиісті шараларды қабылдап, мектептердің қосылуын қамтамасыз етіңіздер. Ата-аналар мен кәсіпкерлер арасында кеңінен түсіндірме жұмыстарын жүргізіңіздер.Меншік нысанына қарамастан, медициналық ұйымдарда әлеуметтік- медициналық сақтандыру қоры арқылы қаржыландырылатын дәрілік заттар таңбалануы тиіс. Дәрілік заттардың дұрыс және уақытылы таңбалануын қадағалаңыздар. Емдеу ұйымдарында дәрі-дәрмекке берілетін сұранысты уақытылы қаржыландырыңыздар», - деді Н.Нәлібаев.</blockquote>Айта кетейік, өңірде "Әлеуметтік әмиян" жобасын енгізуге арналған арнайы жол картасы бекітілді. Биыл облыстағы оқушы мен қызметкер саны 700-ден асатын және аудан, қала орталықтарында орналасқан 87 мектепке аппараттық- бағдарламалық кешен орнатуға 119,2 млн. теңге бөлініп, «Транстелеком» мекемесі жүзеге асыруда. Облыстың 298 мектебінде балаларға ыстық тамақ ұйымдастырылған. Тегін тамақпен қамтылған бала саны - 89 572, ол жалпы бала санының 52,2 пайызын құрайды.Бастауыш сыныптар 100 пайыз қамтылған.Тегін дәрі-дәрмекті босатуда мемлекеттік және жеке емханалар таңбалау штрих-код сканері, деректерді жинақтау терминалы және планшет құралдарымен қамтылған. Қазіргі таңда, 27 медициналық ұйымда «Әлеуметтік әмиян» жобасы аясында жалпы саны 25 530 рецепт жазылып босатылған.<img src="https://knadmin.beoblood.kz/uploads/O_ushylardy_ysty_tama_pen_amtu_m_selesi_araldy_1_324abf2051.jpg" alt="Оқушыларды ыстық тамақпен қамту мәселесі қаралды 1.jpg"><img src="https://knadmin.beoblood.kz/uploads/O_ushylardy_ysty_tama_pen_amtu_m_selesi_araldy_2_ff54dae8fe.jpg" alt="Оқушыларды ыстық тамақпен қамту мәселесі қаралды 2.jpg">

Оқушыларды ыстық тамақпен қамту мәселесі қаралды

<a href="https://kyzylorda-news.kz/">Kyzylorda-news.kz</a> Білім саласында жетістіктер аз емес. Өйткені жетістіктер алаңы болып саналатын жетекші мектептер баршылық. Алайда сол жетекші мектептердің ауыл өмірінде емес, тек қалаларда негізі қаланып, білім сапасы бойынша қаланың ауылдан көшілгері тұрғаны жасырын емес. Өйткені ауыл мектебі, оның ішіндегі білім алатын сыныбы және ондағы атмосфера, пәндік кабинеттер мен ондағы заманауи құрылғылар да үлкен рөл ойнайды. Бәрі заманауи болса, әрине оқушының да ынтасы ерекше артатыны белгілі.Жалағаш ауданына келген қонақтардың Дәуімбай елді мекеніндегі мектеп ғимаратына көзі түсіп, қызыға қарайтынын естіп жүрміз. «Бұл қандай зәулім мектеп, осындай жаңа ғимаратта ауыл балалары білім ала ма?» деген сөздер әрине, көңіл қуантады. Сырт келбетін күнде көріп жүрген бізге де аталған зәулім ғимарат кеше ғана бой көтергендей көрінеді. Шыны керек, ғимараттың кіреберісіне аяқ басқаннан-ақ «біз оқушы болғанда мұндай мектеп болмады» деген ой пайда болады. Кіреберістегі үлкен залда ғұлама Әбу-Наср әл-Фарабидің, А.Құнанбаевтың, қазақтың тұңғыш ағар¬тушылары Ы.Алтынсарин мен А.Байтұрсыновтың, Алаш зиялыларының нақыл сөздері жазылған көрнекті жазбалар, мектеп тарихымен танысуға арналған арнайы бұрыш, бәрі-бәрі жайлы білім алуға бағытталған.Мақаламызға арқау болған Зейнолла Жарқынбаев атындағы №202 орта мектеп 2009 жылы ел игілігіне берілген. Дәл осы жылы мектеп ұжымы жаңа нысандағы жұмысын 490 оқушымен бастайды. Ал ғимарат 1100 орынға негізделген. Мектеп ғима¬раты «100 мектеп, 100 аурухана» бағдарламасы бойынша типтік жобада салынған.&nbsp;Биыл жаңа оқу жылын білім ордасы 734 оқушымен бастады. Гүлнар Бекмолдаева басқаратын ұжымда қазіргі таңда 113 мұғалім еңбек етеді. Қуантарлығы, соңғы жылдары мектепте оқушы саны айтарлықтай артқан. Мұны Дәуімбай елді мекеніндегі халық санының артуымен, үйлердің көптеп салынуымен байланыстырады. Бұрын сол маңдағы ата-аналар балаларын кент орталығындағы мектептерге оқытатын болса керек. Ал біз мұны алтын ұядағы ұстаздар берген білімнің сапасымен ұштастырдық.Былтыр Зейнолла Жарқынбаев атындағы мектеп оқу жылын үлкен жетістікпен қорытындылады. Айта кетейік, білім ордасы ауыл мектептерінің жарқын үлгісі ретінде «PISA Халықаралық оқушы қабілетін бағалау» бағдарламасы аясында рейтингке ілінген. Жалпы былтырғы оқу жылында мектепті 31 түлек бітірген. Оның ішінде 1 оқушы «Алтын белгі», ал 2 оқушы «Үздік аттестат» иегері атанған. Қуантарлығы, түлектердің барлығы қалаған оқу орындарына түсіп, студент атанған.<blockquote>– Әсіресе ауылдағы мектептердің білім сапасын, деңгейін көтеру өте маңызды. Мемлекет басшысының өзі ауыл оқушыларының білім деңгейін көтеруге ерекше көңіл бөліп, оны дамыту, заманауи құрал-жабдықтармен жабдықтау, ауыл мұғалімдерінің құзыреттілігін арттыру бағытында жұмыс істеуді тапсырып келеді. Демек, ауыл мектебінің жағдайын түземей, білім көшін оңалта алмаймыз. Мәселен, лингафонды және мультимедиялық кабинет, интерактивті тақта, ал модификацияланған кабинеттерді біздің мектептен таба аласыз. Біз балаларға мейлінше сапалы білім беруіміз керек. Басты мақсатымыз да сол. Нәтиже жоқ емес. ҰБТ бойынша нәтижеміз жоғары, – дейді мектеп директорының оқу-ісі жөніндегі орынбасары Жазира Тұрымбетова.</blockquote>Мектеп дәлізінде үзілісте керемет көрініске тап болдық. Оқушылар үзілісте уақытын бос жоғалпай, әрі-бері шапқылап жүгірудің орнына шахмат, дойбы, тоғызқұмалақ ойнап жатыр. Дене шынықтыру пәнінің мұғалімі Орныққан Сапанов оқушыларға аталған ойындардың тиімді әдістерін үйретумен әлек. Дәліз қабырғасының бір жағына әдемі табиғаттың суреті бейнеленіпті. Оқушылардың айтуынша, қабырғадағы суретті мектептегі сурет үйірмесінің жетекшісі Ермек Бүркітбай мен шәкірті Ақбота Рахымбек салыпты.&nbsp;Айтпақшы, бұл мектеп өңірге спорт саласында топ жарған өрендерімен де етене таныс. Ұзақ жылдар білім саласында қажырлы еңбек еткен Орныққан Сапанов шәкірттерінің алды аймаққа белгілі аяқдоп шеберлеріне айналған. Дене шынықтыру пәнінің мұғалімі бүгінде мектеп қабырғасында білім алып жатқан бірқатар шәкіртіне үлкен сенім артатынын айтады.<blockquote>– Мектепте «Ән», «Би», «Домбыра», «Сурет» және спорттың екі түрі бойынша тағы қос үйірме жұмыс жасайды. Ғимаратта бір емес, үш спорт зал жабдықталған. Нәтиже де жоқ емес. Қазіргі таңда аталған үйірмелердің қатысушылары түрлі дең-гейдегі жарыстардың бас бәйгесін бермей келеді. Мәселен, мектебіміздің жас спортшы өрендері «Ұлттық мектеп лигасының» аудандық, облыстық кезеңінде табысты өнер көрсетті. Ұлттық мектеп лигасының облыстық кезеңінде гандболдан мектебіміздің 5-6 сынып оқушылары II орын иеленді. Сондай-ақ 11 сынып оқушысы Балнура Қалнияз жеңіл атлетикадан ҚР чемпионатында күміс жүлдегер атанып, Азия чемпионатында қола жүлдені жеңіп алды. Гір спортынан мектептің 11 сынып оқушысы Нұрислам Орынбасар ел біріншілігінде және Азия чемпионатында қола жүлдегер атанды. Бір сөзбен айтқанда, оқушылар біліммен қатар спортты да қатар алып жүруге талпынады, – дейді дене шынықтыру пәнінің мұғалімі.</blockquote>Қазіргі таңда ауыл мектептері болашақ ұлт мектебінің негізін қалаушы болып саналады. Нақты айтқанда, ұлттық білім саясатын жүзеге асыратын мекемелер екені аян. Осы орайда мектепте руханият, өнер бағыты бойынша&nbsp; бірқатар үйірме жұмыс жасайды. Мәселен, «Шапағат» вокалды тобы «Жеті өнер» республикалық байқауында бас жүлде иеленіп, халықаралық кезеңде өнер көрсеткен. Мектеп оқушыларынан құралған «Дәуімбай» командасы жайдарман сайысында аудандық лиганың чемпионы атанып, облыстық жарыста I орын алған. Сондай-ақ «Ақмоншақ» би тобы «Bala fest» республикалық өнер байқауында І орын иеленген.&nbsp;Оқушылар арасында бір ғылыми бағытта немесе бір пән бойынша ерекше дарындылардың болатыны белгілі. Олардың табиғат берген ерекше қабілеті мен дарынын тани отырып, одан әрі дамуына жағдай жасап, бағыт-бағдар беру – өте жауапты іс. Әр баланың жеке қабілетін анықтай отырып, оны сол бағытта жетелеп дамыту – қоғам мен мектептің, одан соң ұстаздардың парызы. Оқушыны заманына қарай икемдеп, заманының озық өнегесін санасына сіңіріп, оларды заманауи бағытта оқыту – бүгінгі күннің басты талабы. Осы ретте аталған білім ордасы соңғы жылдары жоғары сынып оқушыларын техникалық мамандықтарға дайындап, жаратылыстану бағытында тереңдетіп оқытуды қолға алған. Себебі бүгінде жоғары сынып оқушыларының басым бөлігі жаратылыстану бағытында терең білім алғанды құп көреді екен. Атап айтқанда, физика, химия, география және биология секілді пәндерді түсініп оқуға тырасады. Сөзіме дәйек болсын деп мектептегі арнайы жабдықталған химия пәні кәбинетінде өтіп жатқан сабаққа қатыстым. Онда түлектер химия пәні мұғалімі Ақерке Қасымовамен лабораториялық зерттеу жүргізуде. Оқушылардың ең қиын пәнге деген қызығушылығы бізді таңқалдырды.&nbsp;Балалар мен жасөспірімдерді дұрыс тамақтандыру олардың денсаулығын нығайтып, дене және ой қабілетінің дамуына мүмкіндік береді, сабаққа үлгеру қабілетін арттыратыны тағы бар. Оқушыларды сапалы тамақтандыру мақсатында мектеп ас ішу блоктарын заман талабына сай құрал-жабдықтармен жабдықтаған. Жалпы білім ордасында 493 оқушы ыстық тамақпен 100 пайыз қамтылған.Зейнолла Жарқынбаев атындағы №202 мектептің бүгінгі тынысы осындай. Ғылымның қарыштап дамыған дәуірінде оқушылардың заманға сай сапалы білім алуына бар жағдай жасауды басты миссия еткен мектеп ұжымы тек ілгері қадам жасап, жоғары нәтижеге қол жеткізуді мақсат еткен. Бір сөзбен айтқанда, білім беру сапасында мін жоқ.<img src="https://knadmin.beoblood.kz/uploads/Zhala_ash_Ozy_lgidegi_bilim_ordasy_2_26548ebe6b.jpg" alt="Жалағаш Озық үлгідегі білім ордасы 2.jpg">Жандос ЖАЗКЕН

Қазақстан және Қызылорда облысының жаңалықтары: Білім