<a href="https://kyzylorda-news.kz/">Kyzylorda-news.kz.</a> Бүгінде Мемлекет басшысы Қасым-Жомарт Тоқаев білім саласына айырықша назар аударып, мұғалімдердің жағдайына жіті мән беріп отыр. Қабылданған жаңа заңның аясында педагогтардың мәртебесін көтеруде көптеген жұмыстар атқарылып келеді. Оның мақсаты – мұғалімдердің жағдайын жасау арқылы жаңашыл, ізденімпаз мұғалімдердің қатарын көбейту, жас ұрпаққа ұлттық тәрбие бере отырып, оларды жаңа методикалар арқылы әлемдік стандарттарға сәйкес оқытуға мүмкіндік туғызу.&nbsp;Жалағаш ауданындағы Т.Жүргенов атындағы №123 мектеп-лицей мұғалімдері дарынды балаларды, білікті шәкірттерді тәрбиелеуде республикада алдыңғы қатарлы білім ордаларының қатарында. Осы орайда, озат мектептегі қазақ тілі мен әдебиеті, шетел тілі пәндерінің білікті ұстазы Салтанат Қосжанованы ерекше атап өтуге болады.Білікті мұғалім Салтанат Қосжанованың ұстаздық жолға келгеніне де 15 жылдай уақыт болыпты. Ең алғашқы еңбек жолын Астана қаласындағы №49 орта мектепте қазақ тілі мен әдебиеті пәнінің мұғалімі болып бастаған. Кейіннен осындағы мемлекеттік гуманитарлық колледжінде ағылшын тілі пәнінен, Астана медицина университетінде шетел тілдері кафедрасында ағылшын тілі пәні бойынша, 2012 жылдың қыркүйек айынан бастап Т.Жүргенов атындағы №123 мектеп-лицейінде қазақ тілі мен әдебиеті, ағылшын тілі пәндерінің мұғалімі болып жұмыс істейді. Гуманитарлық ғылымдардың магистрі Салтанат Қосжанованың сабақ беретін сыныптың оқушылары талай білім бәйгесінде қатарларынан оза шауып, ұстаз мерейін асқақтатты. Өз ана тілін, әдебиетін, қазақтың ақын-жазушыларының өнегелі өмірлерін, шығармашылығын тереңінен оқып білген оқушылар сайыстарда, байқауларда топ жарып жүр.Шәкірттердің білім бәйгесін үздіктер қатарынан көрінуі де заңдылық. Себебі ұстазы Салтанат Қосжанова да білім саласының дамуына қосқан үлесі мен нәтижелі жұмысы үшін Қазақстан Республикасы Білім және ғылым министрлігінің «Құрмет грамотасымен» марапатталған. Сонымен бірге 2017 жылы іскер, қабілетті басшыны анықтау мақсатында ұйымдастырылған республикалық «Менің басшым – ең үздік директор» атты эссе байқауда жүлделі ІІ орын алса, осы жылы облыстық білім басқармасының «Құрмет грамотасы», «Үздік сындарлы сабақ», педагогикалық қызметкерлердің біліктілігін арттыру, «Жас ғалымдардың заманауи көзқарасы» тақырыбында өткен білім бәйгелерінде жүлделі орындармен марапатталған. Бұдан бөлек, «Үштілділік – білім берудің жаңа мүмкіндігі» облыстық байқауында ІІ орын, 2018 жылы оқушыларды ҰБТ-ға жүйелі дайындағаны үшін «Облыстық олимпиадалар және қосымша білім беру» орталығының дипломымен, 2018 жылы «BILIM LAND» сайты ұйымдастырған «Жаңашыл мұғалім-2018» байқауының финалисі атанғаны үшін «Алғыс хатпен», 2018 жылы Арал қаласында Ә.Нұрпейісовтің «Соңғы парыз» романы бойынша өткізілген облыстық командалық дебатта ІІІ орын иеленген.&nbsp;Сонымен қатар, «Қызылорда облысының білім беру саласын дамытудағы еңбегі үшін» жергілікті ерекшелік белгісімен, инклюзивті сыныпқа арналған сабақты жоспарлау облыстық байқауында ІІ орынмен, шығармашыл мұғалімдердің облыстық тәжірибе алаңында көрсеткен үздік жұмыстары үшін Құрмет грамотасымен, Әл-Фараби – әлемдік тұлға республикалық-ғылыми конференцияға қатысып, кәсіби шеберлік көрсеткені үшін республикалық «Дарын» орталығының дипломымен, республикалық қосымша білім беру оқу-әдістемелік орталығы ұйымдастырған «Білім беру жүйесіндегі бәсекеге қабілетті ұрпақ тәрбиелеудің маңыздылығы» атты республикалық конференцияда І орынмен, өткен жылы «Педагогикалық идеялар фестифалі – 2020» республикалық байқауында ІІІ орынмен марапатталып, Қазақстан Республикасы Білім және ғылым вице министрінің грамотасы мен медалін иеленді.&nbsp;Білікті ұстаз Қазақстан Республикасы Білім және ғылым министрлігі «Дарын» республикалық ғылыми-практикалық орталығы ұйымдастырған Қазақстан Республикасы Президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арналған жолдауындағы білім саласына байланысты бағыттарын кеңінен насихаттау мақсатында өткен «Білім беру ісінің үздік педагогі – 2020» атты республикалық байқау жеңімпазы атанып, жүлделі І орынды иеленген.Салтанат Қосжанованың марапат тақтасын Қазақстан Республикасы Білім және ғылым министрлігі «Оқулық» республикалық ғылыми-практикалық орталығы ұйымдастырған Елбасы Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласын білім беру ұйымдары мн білім алушылар арасында кеңінен насихаттау мақсатында өткен «Жаңартылған білім беру мазмұны бойынша оқытудағы жаңа әдіс-тәсілдер» атты республикалық байқауда иеленген І орын дипломы, Мемлекеттік тілдің дамуына қосқан елеулі үлесі мен қоғамдық жұмыстарға белсене қатысқаны үшін халықаралық «Қазақ тілі» қоғамының Құрмет грамотасы, «Педагогикалық идеялар фестифалі – 2020» республикалық байқауында &nbsp;алған ІІІ &nbsp;орын дипломы, Қазақстан Республикасы Білім және ғылым вице министрінің грамотасы мен медалі толықтырып тұр.Жыл сайын дәстүрлі түрде өткізіліп тұратын республикалық «Үздік педагог – 2022» байқауы жуырда мәресіне жетіп, қорытындыланды. Биыл аталған білім бәсекесіне республика бойынша 5 500 талапкер қатысса, соның 123-і облыстан іріктеліп, республикалық кезеңге өтті. Яғни, байқаудың соңғы кезеңінде білім беру саласының 123 қызметкері бақ сынады. Олардың ішінде Жалағаш ауданынан Темірбек Жүргенов атындағы №123 мектеп-лицейдің қазақ тілі мен әдебиеті пәні мұғалімі Салтанат Қосжанова да қатысты. Байқаудың қорытынды нәтижесінде алғаш рет өңіріміздің төрт ұстазы әртүрлі пәндер бойынша жеңімпаз атанды. Атап айтсақ, Темірбек Жүргенов атындағы №123 мектеп-лицейдің қазақ тілі мен әдебиеті пәні мұғалімі Салтанат Қосжанова, Мәншүк Мәметова атындағы Қызылорда педагогикалық жоғары колледжінің оқытушысы Ұлжан Есмаханова, №9 дарынды балаларға арналған облыстық «Білім-инновация» лицей интернатының география пәні мұғалімі Ләззат Құлымбетова және Жәлел Қизатов атындағы №23 мектеп-лицейдің биология пәні мұғалімі Айгүл Қиясова 2022 жылдың үздік педагогы деп танылды.&nbsp;Елордадағы «Radisson Hotel Astana» қонақ үйінде өткен байқаудың салтанатты марапаттау рәсіміне Қазақстан Республикасының Оқу-ағарту министрі Асхат Аймағамбетов арнайы қатысып, жеңімпаздарды құттықтаса, 1000 айлық есептік көрсеткіш көлемінде, яғни 3 млн теңге сыйақы мен «Үздік педагог» төсбелгісін табыс етті.&nbsp;<blockquote>«Мұғалім – ең қастерлі мамандықтың бірі. Сіздер Ахмет Байтұрсынов, Ыбырай Алтынсарин сынды ұлтына адал қызмет еткен көрнекті ағартушылардың ізін де, ісін де жалғастырып келесіздер. Мемлекет басшысының өзі білім саласына, ұстаздарға көп көңіл бөліп отыр. Соның нәтижесінде «Педагог мәртбесі туралы» заң қабылданды. Мұғалім мәртебесін көтерудің алғы шарты – мұғалімдердің айлық жалақысын көтеруді көздеді. Сонымен бірге ұстаздарды өзінің қызметтік міндетіне жатпайтын функциялардан босатуға мүмкіндік берді. Мұғалімдерге одан да басқа қолайлы жағдайлар жасала бастады. Алайда білім сапасына қатаң талап қойылды. Бүгін мәресіне жетіп отырған байқау да білім сапасын жақсартудың бір тетігі. Жылдан-жылға бұл байқаудың маңызы артып келеді және соған орай қатысушылардың да қатары көбейіп отыр. Бұл байқау мұғалімдерге өзінің білім деңгейін анықтап, салада жинаған тәжірибесін саралауына, еңбегін бағалауына мүмкіндік береді. Қай салада да бәсеке болуы керек. Сонда ғана даму болады, алға ілгерілеу болады. Әрине бүгінгі байқаудың жеңімпаздары өздерінің білім деңгейі мен біліктіліктерін дәлелдеп шықты. Сіздерді жеңістеріңізбен құттықтаймын және білім саласын дамытуға қосқан үлестеріңіз үшін алғысымды білдіремін, – деді Асхат Аймағамбетов.&nbsp;</blockquote>Салтанат Қосжанова – үнемі ізденіс үстінде жүретін жаңашыл мұғалім және жиған білімі, тәжірибесімен шәкіртті ғана емес, өзін де үнемі жетілдіріп отыратын нағыз ұстазға тән бекзат болмыстың иесі. Оқырмандардың ойына тағы да сала кеткенді жөн көрдік, Салтанат Қосжанова – Қазақстан Республикасының Оқу-ағарту министрлігі ұсынған «Абайтану» оқулығын әзірлеген авторлардың бірі. Нақтырақ айтсақ, биыл жаңа оқу жылынан бастап мектеп бағдарламасына еніп, пән ретінде оқытыла бастаған қосымша әдістемелігі «Абайтану» хрестоматиясын жазып, даярлаған республика бойынша үш мұғалімнің бірі.&nbsp;Сондай-ақ, Салтанаттың өз пәні бойынша дайындаған оқушылары облыстық, республикалық, халықаралық олимпиадалардан жүлделі орындар иеленіп жүр.&nbsp;<blockquote>«2012 жылдан бері өткізіліп келе жатқан бұл байқауға қойылатын талап өте жоғары. Байқаудың ережесі бойынша әр қатысушы мұғалімнің республикаға тараған педагогикалық тәжірибесінен жинақталған әдістемелері, авторлық бағдарламасы, республикалық конкурстарға, фестивальдарға, конференцияларға қатысқаны, ондағы жасалған баяндамалары болуы тиіс. Сонымен бірге түсірген телевизиялық сабақтары, «Оқуға құштар мектеп» жобасы, дебаттық қозғалыс бойынша атқарған жұмыстары және ата-аналармен қарым-қатынас жұмыстары, волонтерлық қызметтері, қайырымдылық іс-шараларына белсенділігі және басқа да педагог атқаруы тиіс жұмыстардың барлығы сұралады. Мен байқаудың облыстық кезеңінде өзге әріптестерімнен басым ұпай жинап, республикалық кезеңге өттім. Байқаудың ережесі бойынша бұрын көрмеген мектебімізде болып, танымайтын оқушыларға сабақ бердік. Сабақтарымды талдау кезеңінде комиссиядан жоғары баға алдым. Сабақтың құрылымы, сабақ барысында қолданылған тың әдістәсілдеріңіз, сабақтың әр кезеңінде оқушылармен қарым-қатынас орнатуыңыз, соның ішінде олардың әрбір сөзі мен әрекетіне жіті мән беруіңіз, оқушылармен жұмыстарды саралауыңыз көңілімізден шықты және біз оны тәжірибе ретінде өз сабағымызда қолданатын боламыз. Шынымды айтсам, комиссия мүшелері мен әріптестерімнің осындай бағасы мен үшін байқаудың жүлдесінен де қымбат болды», – дейді Салтанат Қосжанова.&nbsp; &nbsp;</blockquote><img src="https://knadmin.beoblood.kz/uploads/19_6604ff079a.jpg" alt="19.jpg">

Салтанат Қосжанова: Білікті ұстаз білімді ұрпақ тәрбиелейді

<a href="https://kyzylorda-news.kz/">Kyzylorda-news.kz.</a> Қызылорда облысының орталығындағы отбасы үлгідегі «Атамекен» балалар үйінің тәрбиеленушілері мен тәрбиешілері Қызылорда қаласындағы Зияткерлік мектепте бір күн болып, әртүрлі бағыттағы шараларда тәжірибе алмасты. &nbsp;&nbsp;Зияткерлік мектептің жатақхана қызметкерлері мен &nbsp;педагог-кураторлар бірлесіп өткізген Ашық есік күнінде &nbsp;атамекендік балалар мен ұстаздар әртүрлі тәрбиелік жобаларға қатысты. &nbsp;Бүлдіршін тобы &nbsp;қуыршақ театры ұсынған Ахмет Байтұрсынұлының «Алтын балық», «Алтын қораз» ертегілерін тамашаласа, екінші топ мүшелеріне Елбасы мұражайы таныстырылып, буктрейлер үйірмесінің жұмыстарын карточкалар арқылы ойнатып, түсіндірілді.&nbsp;Сонымен қатар, ер балалар тобына &nbsp;«Мен мейірімділік әлеміндемін» атты тренингі жүргізіліп, тоғызқұмалақтан шебер сағаты ұйымдастырылды. Ал сұлулар асханада «Жеміс-жидектің әсем өрнектері» атты шеберлік сағатына қатысып, жемістерді сәнді турап, оларды әсем безендіруді үйренді.&nbsp;Ашық есік күн барысында қонақтар Ақтау қаласындағы &nbsp;Зияткерлік мектептің &nbsp;жатақхана тәрбиешілері онлайн өткізген «Ағылшын тілін оқытудағы үздік 5 әдістеме» сабағына және «Сәндік раушан гүлін жасау технологиясы» атты шеберлік сағатына қатысып, біліктіліктерін арттырды. &nbsp;«Біз сіздермен біргеміз!» деп аталатын шараның қорытынды кезеңінде «Сұңқар», «Хан тәңірі» шаңырақтарының оқушылары мен олардың ата-аналары, жатақхана кеңесінің мүшелері және қазақ тілі мен орыс тілі әдістемелік бірлестігі әзірлеген &nbsp;сыйлықтар үлестірілді.<figure class="image"><img src="https://knadmin.beoblood.kz/uploads/318774701_1161300017926252_3531084746276247383_n_52f6d1ac8f.jpg" alt="318774701_1161300017926252_3531084746276247383_n.jpg"></figure><figure class="image"><img src="https://knadmin.beoblood.kz/uploads/319924106_508589331241396_4819267038710153533_n_fce8bab610.jpg" alt="319924106_508589331241396_4819267038710153533_n.jpg"></figure><figure class="image"><img src="https://knadmin.beoblood.kz/uploads/319503665_1170516237203350_3819217076737672421_n_e651d2576f.jpg" alt="319503665_1170516237203350_3819217076737672421_n.jpg"></figure><figure class="image"><img src="https://knadmin.beoblood.kz/uploads/319641916_866786454346044_2419996088949125730_n_c4b52ac90d.jpg" alt="319641916_866786454346044_2419996088949125730_n.jpg"></figure><figure class="image"><img src="https://knadmin.beoblood.kz/uploads/319097904_835391787711000_5615925100155194042_n_54e25d29e6.jpg" alt="319097904_835391787711000_5615925100155194042_n.jpg"></figure><figure class="image"><img src="https://knadmin.beoblood.kz/uploads/319671766_1167168847266198_6385929640142920452_n_3756eca1d5.jpg" alt="319671766_1167168847266198_6385929640142920452_n.jpg"></figure><figure class="image"><img src="https://knadmin.beoblood.kz/uploads/319309230_674755564095294_5336473837756611374_n_1f24b6fb7e.jpg" alt="319309230_674755564095294_5336473837756611374_n.jpg"></figure>

«Атамекен» үйінің тұрғындары бір күнін NIS-те өткізді

<a href="https://kyzylorda-news.kz/">Kyzylorda-news.kz.</a>&nbsp; «Жайлы мектеп» жобасы бойынша Қазалы ауданында 2 білім ордасы бой көтереді. Соның бірі Әйтеке би кенті мен Қазалы қаласының екі аралығынан салынады.Қазіргі таңда мектеп салынатын орын белгіленді. Оған екі аралықтан орын таңдап алынуы да бекер емес. Себебі алдағы уақытта осы аумақтағы 600 гектар жерге инженерлік-инфрақұрылым жұмыстары жүргізіліп, 3 мыңнан астам тұрғынға үй салу үшін жер беріледі. Сол уақытта халық бұл аумаққа көптеп шоғырланып, мектеп салуды қажет етеді.Қазалы&nbsp;ауданының әкімі Мұхтар Оразбаев тиісті сала басшыларымен бірге білім ордасы салынатын орынға арнайы барып, бірқатар мәселелерді талқылады.Мұхтар Әуесұлы мұнан соң қала мен кенттің екі аралығындағы жарықшамдар орнату жұмыстарының барысын көрді.Сондай-ақ,&nbsp;аудан әкімі Мұхтар Оразбаев пен аудандық мәслихат хатшысы Бақытжан Жарылқап Алға ауылдық округіне арнайы барып, жаңадан салынып жатқан спорт кешенінің құрылысын көрді.Кеңес Одағының батыры Үрмәш Түктібаев атындағы ауылда салынып жатқан спорт кешені 2 қабаттан тұрады. Спорт кешенінде баскетбол және волейбол секциялары қаралған.Бүгінгі күнге ішкі әрлеу жұмыстары, жылу жүйесі, ішкі ауыз су, кәріз желілері орнатылуда.Сонымен қатар, әжетхана және санузел бөлмелеріне кафель жабыстыру жұмыстары жүргізілуде.Қазіргі таңда ғимарат алаңын абаттандыру жұмыстары аяқталды. КТПН қондырғысы монтаждалып, электр желісі жүргізілуде.Жылдан жылға Сырдария өзеніндегі су деңгейінің төмендеуіне байланысты егістікке су жіберетін канал бойындағы гидротехникалық құрылыстарға жөндеу жұмыстарын жүргізіп, механикалық тазалаудың маңызы жоғары.Сондықтан да биыл «Қазалысушар» өндірістік учаскесінің теңгеріміндегі «Сол жаға» магистралды каналы бойындағы гидротехникалық құрылыстарға ағымдағы жөндеу жұмыстары жүргізіліп жатыр.Осы орайда аудан басшысы Өркендеу ауылдық округіндегі «Сол жаға» магистралды каналына арнайы барып, құрылыс жұмыстарының барысын көрді.Мұнда «Қазалысушар» өндірістік учаскесі бастығының орынбасары Нұрлан Әбілдаев атқарылып жатқан жұмыстармен таныстырды.Қазіргі таңда магистралды канал бойындағы 7 бас су өткізгіш гидротехникалық құрылыс пен 15 гидромостқа жөндеу жұмыстары жүргізілуде. Құрылыс жұмыстары жақын күндері аяқталады.Сондай-ақ, «Сол жаға» магистралды каналының 3 шақырымына механикалық тазалау жұмыстары жүргізіліп жатыр.Аудан әкімі Мұхтар Оразбаев Сырдария өзенінің төменгі жағында орналасқан Қазалы ауданы үшін бұл құрылыс жұмыстарының маңызы жоғары екенін атап өтті.&nbsp;<figure class="image"><img src="https://knadmin.beoblood.kz/uploads/319357962_3536887743198814_5305243165796478352_n_071ccbe57f.jpg" alt="319357962_3536887743198814_5305243165796478352_n.jpg"></figure>&nbsp;<figure class="image"><img src="https://knadmin.beoblood.kz/uploads/318662758_3536923063195282_3035078132907828019_n_300869f1a2.jpg" alt="318662758_3536923063195282_3035078132907828019_n.jpg"></figure>&nbsp;<figure class="image"><img src="https://knadmin.beoblood.kz/uploads/319812603_3536922499862005_4513130537420322996_n_7400163e65.jpg" alt="319812603_3536922499862005_4513130537420322996_n.jpg"></figure>&nbsp;<figure class="image"><img src="https://knadmin.beoblood.kz/uploads/318555562_3536888059865449_6068368937509218102_n_7a5227e890.jpg" alt="318555562_3536888059865449_6068368937509218102_n.jpg"></figure>&nbsp;<figure class="image"><img src="https://knadmin.beoblood.kz/uploads/319523910_3536963566524565_6637096872840142553_n_9288acb8e1.jpg" alt="319523910_3536963566524565_6637096872840142553_n.jpg"></figure>&nbsp;<figure class="image"><img src="https://knadmin.beoblood.kz/uploads/319363209_3536963399857915_5696854469079082619_n_1dff0b5a30.jpg" alt="319363209_3536963399857915_5696854469079082619_n.jpg"></figure>

«Жайлы мектеп»: Қазалы ауданында 2 білім ордасы салынады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Климат және су ресурстары өзгеруі жағдайына қазақстандық Арал өңірі суармалы егіншілігін бейімдеу (адаптация) технологиясын шаруашылықтарға енгізу және тарату жобасы» бойынша ғылыми-тәжірибелік конференция өтті.Конференцияға ғылыми жұмыстар және халықаралық байланыстар жөніндегі проректор Майнұр Бөрібаева қатысып, су тапшылығы жағдайында әртараптандыруды жүргізу үшін егіншілік мәдениетіне ғылымның озық жетістіктерін енгізу мәселелері талқыланды.Арал-Сырдария бассейндік инспекция басшысы Сейілбек Нұрымбетов&nbsp;Қызылорда облысына 2022 жылдың вегетация кезеңіне белгіленген су пайдалану лимиті, Шардара су қоймасы мен Көксарай қарсы су реттегішінің жұмыс кестесіне тоқталды.Жиында Қорқыт ата атындағы Қызылорда университетінің профессоры, техника ғылымдарының докторы Серікбай Өмірзақов су тапшылығы жағдайында күріш ауыспалы егістігінде мал азықтық дақылдарын өсіру технологиясы туралы айтты.<blockquote>«Ұсынылып отырған технология бойынша жоңышқаны қант құмайымен бүркемелеп егу және ауыспалы егісте карталарға мозайкалық әдіспен орналастыру арқылы суармай-ақ, топырақ ылғалдылығын өсімдікке қолайлы режимде реттеу нәтижесінде бірінші орымның өзінде жақсы өнім алуға жол ашылады. Жобада аталған дақылдар учаскелік бас жаптардың ортасындағы танапта орналасуына байланысты бірде-бір рет суарылған жоқ. Наурыз айының 10-15 аралығында егілді. Жоңышқа өнуі, өсуі қант құмайымен бүркелемеудің арқасында жоғары өнім түзеді», – деді профессор.</blockquote>Ғалымның айтуынша, бірінші орым 12 шілдеде жүргізіліп, 15 гектардан 1200 пресс жиналған.Конференция барысында ғалымдар мен сала мамандары пікір алмасып, жаңа идеяларын ортаға салды.<figure class="image"><img src="https://knadmin.beoblood.kz/uploads/64ed8b6bbc3e82328e2fe8acc3ba1824_552e22767b.jpg" alt="64ed8b6bbc3e82328e2fe8acc3ba1824.jpg"></figure>

Егін шаруашылығын әртараптандыру мәселелері талқыланды

<a href="https://kyzylorda-news.kz/">Kyzylorda-news.kz.</a> «Қолдайық ауыл мектебін» ұранымен Қызылорда қаласындағы Зияткерлік мектеп аудан мектептеріне 500-ге жуық кітап сыйлады.&nbsp;Қазақ, орыс және ағылшын тілдеріндегі &nbsp;көркем шығармалар мен танымдық энциклопедиялардан құралған кітаптар қоры Қазалы ауданы Кәукей ауылындағы №225 қазақ орта мектебіне және Сырдария ауданы Қалжан Ахун ауылындағы білім ордасына үлестірілді. Бұл әдебиеттерді зияткерлік мектеп қауымдастығы Назарбаев Зияткерлік мектебінің Bookcrossing жобасы аясында белсенді жинап, ауылдағы достарына тарту етуді жөн көрді. &nbsp;<blockquote>«Оқушылардың кітап оқуға қызығушылығын арттыру мақсатында көптеген жұмыстар атқарылады. Соның бірі — Bookcrossing. Оқушылар, ұстаздар мен ата-аналарымыз өздері оқыған сүйікті кітаптарын алып келді. Бұл әдебиеттер оқушыларға ұнайды және алдағы уақытта кітапханадан алып, оқиды деп сенеміз. Күнделікті 10 минут уақыт кітап оқуға арнасақ, жылына бірнеше кітап оқып шығуға болады. Кітап оқу арқылы білім көкжиегімізді кеңейтіп, сөздік қорымызды арттырамыз», - дейді мектеп директоры Жаңбыржан Сәрсенұлы.&nbsp;</blockquote>Екі білім ордасының кітапхана сөрелерін 200-ден астам отандық және әлемдік бестсе́ллермен толықтырған NIS ұжымына мектеп шәкірттері ерекше алғыстарын білдірді. Қалжанахундық өрендер Зияткерлік мектептің кітапханашысы Бағдат Төлепбергенова жүргізген тренингте тіпті ас мәзірін әзірлеп, алғашқы оқитын шығармаларын жіктеп алды. &nbsp;<blockquote>«Өте құнды әрі пайдалы әдебиеттер жинақталған екен. Енді әлем классиктерінің туындыларын қазақ тілінде де оқи аламыз. Және өз әдебиетіміздің озық шығармаларынан рухани азық аламыз», - дейді №126 орта мектептің оқушысы Талшын Төребекова.</blockquote>Айта кетейік, Назарбаев Зияткерлік мектебінің желісінде жастарды кітап оқуға баулу мақсатында көптеген жобалар іске асырылып келеді. Атап айтқанда, «Оқушыларға ұсынылатын 100 кітап», «Reedx», «Reedingtime» және «Руханият» оқырмандар клубы. Қос мектептің ұжымына зияткерлік кітапханашылар алдағы уақытта ынтымақтастықта жұмыс жасап, әдістемелік қолдау көрсетуге әзір екендігін жеткізді.<figure class="image"><img src="https://knadmin.beoblood.kz/uploads/318460426_3267761446887100_4350202794841936419_n_4942a52e76.jpg" alt="318460426_3267761446887100_4350202794841936419_n.jpg"></figure><figure class="image"><img src="https://knadmin.beoblood.kz/uploads/318344613_3267762766886968_5124805994409770585_n_f57aee735b.jpg" alt="318344613_3267762766886968_5124805994409770585_n.jpg"></figure>

Қызылордадағы Назарбаев Зияткерлік мектебінің ұжымы ауыл мектептеріне 500-ге жуық кітап тарту етті

<a href="https://kyzylorda-news.kz/">Kyzylorda-news.kz.</a> Қорқыт Ата атындағы Қызылорда университетінің халықаралық байланыстар бөлімі серіктес Лодзь университетінде (Польша) 2023 жылғы көктем семестрде оқуға арналған академиялық ұтқырлық бағдарламасы конкурсына құжаттарды қабылдайтынын жариялайды. Бағдарламаға бакалавриат, магистратура және докторантура білім алушылары қатыса алады.Конкурстан өткен жағдайда білім алушылар өздері келесі шығыстарды төлеуге тиіс болады: барып-қайту жолақысын, медициналық сақтандыру полисін, визалық шығындарын және жатақханада тұру төлем ақысын. Лодзь университетінде 20.02.2023-07.07.2023жж. аралығында оқу тегін болады. Лодзь университетінің бағдарламасын семестр бойынша толық орындаған білім алушыларға транскрипт пен сертификат беріледі.Өтініш беруші келесі құжаттарды тапсыруы қажет:1) Білім алушының толық деректерімен университет басшысының атына конкурсқа қатысу туралы өтініш (институт, мамандық, топ, төлқұжат деректері, тұрғылықты мекенжайы, э-пошта);2) Үлгерімі туралы куәлік: университеттің мөрімен куәландырылған ағымдағы үлгерімі туралы транскрипт;3) Шетел тілін (ағылшын тілі) меңгеру деңгейін растайтын құжат: бар болған жағдайда шетел тілін білуді бағалаудың халықаралық жүйелері арқылы алынған сертификат (IELTS/TOEFL);4) IELTS/TOEFL сертификаттары болмаған өтініш берушілер ағылшын тілі бойынша институционалды тестті 19 желтоксан күні сағат 17:00-де бас оқу ғимаратында офлайн форматында тапсырады.Құжаттар халықаралық байланыстар бөлімінде 2022 жылдың 19 желтоқсанға дейін қабылданады.Мекен-жайымыз: Қызылорда қ-сы, Әйтеке Би көшесі 29-А, бас оқу ғимараты, 2-қабат, 212-ші кабинет, телефон: 26-17-25<figure class="image"><img src="https://knadmin.beoblood.kz/uploads/Korkyt_e681bf60f3.jpg" alt="Коркыт.jpg"></figure>

Қорқыт Ата атындағы университеті академиялық ұтқырлық бағдарламасы конкурсына құжат қабылдайды

<a href="https://kyzylorda-news.kz/">Kyzylorda-news.kz.</a> Биылғы жылдың 4 желтоқсанында елордасы Астана қаласында «Worldskills Kazakhstan 2022» VII республикалық кәсіби шеберлік чемпионаты жалауын көтерген еді.&nbsp;6 желтоқсан күні Астана қаласында «WorldSkills Kazakhstan 2022» кәсіби шеберліктің VII республикалық чемпионатының ашылу салтанаты өткен дүбірлі додаға еліміздің барлық өңірлерінен 500-ден астам жас маман, WorldSkills өңірлік турларының жеңімпаздары 30 ресми құзырет бойынша сайысқа түсті. Олардың қатарында М.Мәметова атындағы Қызылорда педагогикалық жоғары колледжінен «Мектепке дейінгі тәрбие» құзіреттілігі бойынша Сәуле Нұрымбетова мен «Кіші сыныптарда оқыту» құзіреттілігі бойынша Аружан Сьездқызы бар.&nbsp;Заман талабына сай кадр даярлаудың орнықты үлгісін қалыптастыруды, адами капиталды дамыту және бизнес пен кәсіптік білім беруді мақсат еткен Халықаралық «WorldSkills» чемпионатының республикалық кезеңінде колледждің студенті Аружан Съездқызы оқ бойы озық шығып, Сыр білімінің жетістік қоржынына «Алтын жүлде» салды. Ал, «Мектепке дейінгі тәрбие» құзіреттілігі бойынша бақ сынаған Сәуле Нұрымбетова байқау қорытындысына сәйкес «Үздік маман» номинациясын иеленді.<blockquote>«Сырдың үмітін арқалап, елдік додада үздіктер қатарынан табылған колледжіміздің қос шәкіртінің жеңісі құтты болсын, жерлестер! Ізденушісі санасына бағдарлы білім мен кәсіби мүмкіндіктерді сіңіру жолында биік белестерді бағындырып келе жатқан колледж ұжымы мен шәкірттер жетістігі молая бергей», - деп тілектестік білдірді колледж ұжымы.</blockquote>Айта кетейік, «WORLDSKILLS-2022»​ техникалық және кәсіптік білім беру ұйымдарының студенттері арасындағы республикалық чемпионатқа Сыр өңірінен 16 құзыреттілік бойынша 17 қатысушы бақ сынап, нәтижесінде алғаш рет 2 алтын,​ 1 күміс, 1 қола​ медалімен және 7 қатысушымыз медальонмен марапатталды.Конкурс қорытындысы бойынша нәтиже төмендегідей:​ ​ ​&nbsp;​1. М. Мәметова атындағы Қызылорда педагогикалық жоғары колледжінен қатысушы Съездқызы Аружан &nbsp;«бастауыш білім беру» құзыреттілігінен 1-орын (Алтын медаль);2. Жаңақорған аграрлы-техникалық колледжінен қатысушы Матен Нұрдәулет &nbsp;«Кірпіш қалау» құзыртілігінен 1-орын (Алтын медаль);3. Абылай хан атындағы жоғары колледжінен қатысушы Амангелдиев Алматбек &nbsp;«құрғақ құрылыс және сылақ жұмыстары» құзыреттілігінен 2-орын (Күміс медаль);Қазалы аграрлы-техникалық колледжінен қатысушы Ақжол Рамазан &nbsp;«Жеңіл автомобильдерді жөндеу және пайдалану» құзыреттілігінен-3 орын (Қола медаль);Сонымен қатар,​ «Үздік маман» номинациясы бойынша И. Әбдікәрімов атындағы Қызылорда аграрлы-техникалық жоғары колледжінің қатысушысы Жақсылық Айбол​ «Инженерлік графика cad» құзыреттілігі бойынша;Абылай хан атындағы жоғары колледжінің қатысушысы Пак Анастасия «Шаштараз» құзыреттілігі бойынша;Абылай хан атындағы жоғары колледжінің қатысушысы Рашит Айнаш «Сән технологиясы» құзыреттілігі бойынша;Қазалы аграрлы-техникалық колледжінің қатысушысы Мырзағұлов Дамир &nbsp;«Дәнекерлеу технологиясы» құзыреттілігі бойынша;Қазалы аграрлы техникалық колледжінің қатысушысы Үйрекбай Аида «Графикалық дизайн» құзыреттілігі бойынша;Текей батыр Қарпықұлы атындағы жоғары колледжінің қатысушысы Аманбай​ Диас «Сантехника және жылыту» құзыреттілігі бойынша;М. Мәметова атындағы Қызылорда педагогикалық жоғары колледжінің қатысушысы Нұрымбетова Сәуле «Мектепке дейінгі білім" құзыреттілігі бойынша медальонмен марапатталды.«Worldskills» - әлемде жұмысшы мамандықтарының мәртебесін көтеруге, білікті мамандарды даярлауға бағыттайтын бірегей жоба.&nbsp;<figure class="image"><img src="https://knadmin.beoblood.kz/uploads/318638213_1338027047006728_2855030476084162278_n_fea01ad02d.jpg" alt="318638213_1338027047006728_2855030476084162278_n.jpg"></figure>

«WorldSkills Kazakhstan 2022»: Қызылордалық жас мамандар жеңіс төрінде 

<a href="https://kyzylorda-news.kz/">Kyzylorda-news.kz.</a> Биыл мемлекет қайраткері, ұлт ұстазы, ұлттық жазудың реформаторы, ағартушы Ахмет Байтұрсынұлының туғанына 150 жыл толып отыр. Осыған орай Сыр өңіріндегі барлық білім беру ұйымдарында түрлі іс-шаралар қолға алынып, жоғарғы деңгейде ұйымдастырылуда.&nbsp;Облыс орталығындағы Тәкей Есетов атындағы N264 мектеп-лицейінің «Ұлт ұстазының ұлы жолы» атты бастауыш әдістемелік бірлестігінің онкүндігі ұйымдастырылып, апталық аясында жоспарға алынған барлық іс-шаралар, ашық сабақтар, сыныптан тыс жұмыстар сәтті және жоғары деңгейде ұйымдастырылды.«Басқадан кем болмау үшін біз білімді, бай һәм күшті болуымыз керек. Білімді болу үшін оқу керек. Бай болуға кәсіп керек. Ал күшті болуға бірлік керек»,- деп Ахмет Байтұрсынұлы айтқандай, бүгінде аталған мектеп оқушылары түрлі сайыстарда бақ сынап, жүлделі орындармен марапатталуда.Оқу үрдісін жетілдірумен қатар баланың шығармашылық, жас және жеке ерекшеліктерін ескере отыра, рухани-адамгершілік ,эмоционалдық және дене дамуын қамтамасыз ету керек. Сол себепті де бастауыш сынып мұғалімдері онкүндік жоспарын құра отырып келесі міндеттерді қойды. Атап айтқанда оқушының оқуға деген оң мотивациясын қалыптастыру, сабақ және сыныптан тыс шараларды қызықты өткізу формаларын қолдана отырып, барлық балаларды оқу және тәрбие үрдісіне тарту болып табылды.&nbsp;Онкүндіктің қорытындысы бойынша мәнерлеп оқу сайыстары, пәндік олимпиадалар, диктант жазу сайысы, зияткерлік сайыстар, ашық сабақтар мен түрлі байқаулар ұйымдастырылып, оқушылардың қызығушылықтары оянды. Ата-аналар да жүргізілген жұмыстардың нәтижелі екендігін айтып, жылы лебіздерін білдіруде.Жалпы әр істе жаңашылдық таныту,оқушыларды оқыта отырып дамыту әр ұстаздың парызы екенін әр адам сезінді, түсінді, ой түйді. Осындай ауқымды, мазмұнды, мәнді, игілікті істер жалғаса бермек.<figure class="image"><img src="https://knadmin.beoblood.kz/uploads/Bez_imeni_fb7640b5cf.jpg" alt="Без имени.jpg"></figure>

Ахмет Байтұрсынұлының 150 жылдығы: Ұлт ұстазының ұлы жолы

<a href="https://kyzylorda-news.kz/">Kyzylorda-news.kz.</a> Қызылорда облыс орталығындағы Абылай хан атындағы №140 қазақ орта мектебінде «Жылы жүрек - ізгі тілек» атты сайыс өтті.Ерекше білім беруді қажет ететін балаларды қолдау айрықша маңызды. Осы орайда бұл бағыттағы жұмыстарға барынша күш салып, балаларға қолайлы жағдай жасау бағытында елімізде тиісті қадамдар жасалып келеді. Себебі білімді ұрпақты тәрбиелеу жолында ешқандай кедергі болмауы керек. Бұл ретте, Абылай хан атындағы №140 қазақ орта мектебінде ерекше білім беруді қажет ететін балалармен «Қамқор әпке, қамқор аға» жобасы аясында біршама жұмыстар жүргізіліп келеді.&nbsp;Аталған мектеп бойынша ерекше білім беруді қажет ететін білім алушылар арасында «Жылы жүрек - ізгі тілек» тақырыбындағы мектепішілік «Шебер қолдар» сайысы өткізілді.&nbsp;Сайыстың мақсаты - ерекше білім беруді қажет ететін білім алушылардың шығармалығын шыңдап, мүмкіндігін айқындау. Сайысқа ерекше білім беруді қажет ететін білім алушылар мен сыныптастарының бірлескен жұмыстары видеоролик, презентация арқылы таныстырылып, көрсетілді.&nbsp;Сайыс өз мақсатына жетіп, білім алушыларымыз жүлделі орындармен және алғыс хаттармен марапатталып, сыйлықтар тарту етілді.<img src="https://knadmin.beoblood.kz/uploads/317516459_903246557719599_1667931208136473490_n_56b86273e3.jpg" alt="317516459_903246557719599_1667931208136473490_n.jpg">

«Жылы жүрек - ізгі тілек» сайысы ерекше балаларды қолдайды

<a href="https://kyzylorda-news.kz/">Kyzylorda-news.kz.</a> Әлия Молдағұлова атындағы №173 орта мектепте &nbsp;дүбірлеген мерей той болып өтті.Мектеп іргетасынының қаланғанына 60 жыл және Әлия Молдағұлова есімі берілгеніне 30 жыл толуына орай &nbsp;қатар келген қос тойдың мерекелік кеші &nbsp;Мадина Ералиева атындағы мәдениет үйінде кең көлемде аталып өтті.Мерекелік жиынға Қызылорда қалалық кәсіподақ ұйымының төрайымы Алимбетова Орынша Міржақыпқызы, &nbsp;Қызылорда қалалық білім бөлімінің заңгері Нұрмаханов Аралбек Көбегенұлы, және қалалық білім бөліміне қарасты мектеп басшылары мен &nbsp;ардагер ұстаздар, мектеп түлектері, ата-аналар, ұстаздар, оқушылар қатысты. &nbsp;Мерекелік кеште ұстаздар қауымы Облыстық білім басқармасы басшысының, Облыстық кәсіподақ комитеті төрайымының, Қызылорда қаласындағы педагогикалық шеберлік орталығы басшысының, Қалалық білім бөлім &nbsp;басшысының және қалалық &nbsp;кәсіподақ ұйымы төрайымының Құрмет грамотасы және Алғыс хатымен марапатталды.Мерекелік кеште мектеп тарихы, мектеп басқарған &nbsp;басшылары, &nbsp;ұстаздардың еңбек жолдары туралы сыр шертілсе, мектеп ұстаздары мен оқушылары өз өнерлерін көрсетті.&nbsp;Мерекелік кеште мектеп басшысы &nbsp;Конырбаева Гүлмира &nbsp;Рәсілқызы сөз алып, мектептің қазіргі таңдағы оң өзгерістерін, &nbsp;материалдық–техникалық базасының жаңаруын, ұстаздармен оқушылардың жетістіктеріне тоқталып, &nbsp;бүгін кешке келген &nbsp;қонақтарға өз алғысын білдірді.<figure class="image"><img src="https://knadmin.beoblood.kz/uploads/318414000_825914015406960_9209275629192943848_n_c074ced846.jpg" alt="318414000_825914015406960_9209275629192943848_n.jpg"></figure><img src="https://knadmin.beoblood.kz/uploads/318177856_825913758740319_3762641484196993157_n_b9c3ab0607.jpg" alt="318177856_825913758740319_3762641484196993157_n.jpg"><img src="https://knadmin.beoblood.kz/uploads/318461711_825913888740306_5356955498905460106_n_6b8e6a874b.jpg" alt="318461711_825913888740306_5356955498905460106_n.jpg">

Білім ордасының 60 жылдығы кең көлемде аталып өтті

<a href="https://kyzylorda-news.kz/">Kyzylorda-news.kz.</a> Қазақстанда «Еліміздегі колледждердің ТОП-100 студенті» республикалық байқауы аяқталды. Жоба жеңімпаздары еліміздің ірі кәсіпорындарында жұмысқа орналасу мүмкіндігіне ие болады.Бүгін колледждің үздік студенттерін марапаттау рәсіміне ҚР Оқу-ағарту министрі Асхат Аймағамбетов қатысты. Ол студенттерді жеңіспен құттықтап, алдағы кәсіби қызметтеріне табыс тіледі.<blockquote>«Республикалық кезеңде үздік атақ үшін барлық облыстың колледж студенттері таласты. Бүгін колледждің 100 үздік студентін марапаттағалы отырмыз. Олардың барлығы облыстық, республикалық және халықаралық WorldSkills чемпионаттарының, ғылыми конференциялардың, түрлі байқаулардың жеңімпаздары, жобалардың, инновациялық идеялар мен стартап жобалардың авторлары. Сіздерді жеңіспен құттықтап, жеткен жетістіктеріңізбен тоқтап қалмай, алға ұмтылуды, өз ісіңіздің кәсіби маманы атанып, еліміздің дамуына үлес қоса берулеріңізге тілектеспін. Мемлекеттің техникалық және кәсіптік білім беруге ерекше назар аударып отырғанын атап өткім келеді. Мемлекет басшысының тапсырмасы бойынша «Тегін техникалық және кәсіптік білім беру» жобасы жүзеге асырылып жатыр. Жақын арада біз оқуға түскісі келетіндердің барлығын сұранысқа ие мамандықтар бойынша тегін ТжКБ-мен 100% қамтуды жоспарлап отырмыз», - деп атап өтті өз сөзінде ҚР Оқу-ағарту министрі Асхат Аймағамбетов.</blockquote>Колледждердің «ТОП-100» студентін қазақстандықтар 2022 жылғы 1 қараша мен 15 қараша аралығында өткен онлайн дауыс беру арқылы анықтады. Байқау жеңімпаздары мен қатысушылары туралы толық ақпаратты <a href="https://kasipkor.kz/prod/top100/index.php">ресми</a> интернет-ресурсынан білуге болады.Қызылорда облысы бойынша 10 студент бақ сынады. Атап айтсақ:1. Текей батыр Қарпықұлы атындағы жоғары колледжінің «Құрылыс бұйымдары мен конструкцияларын өндіру» мамандығы бойынша студенті Өсербай Мади Жалғасұлы.2. М.Мәметова атындағы Қызылорда педагогикалық жоғары колледжінің «Әлеуметтік-мәдени қызметі және халықтық көркемдік шығармашылығы» мамандығы бойынша студенті Өмірзақ Дидар Серікұлы.3. М.Мәметова атындағы Қызылорда педагогикалық жоғары колледжінің «Мектепке дейінгі тәрбие және оқыту» мамандығы бойынша студенті Әлібек Аймереке Әлібекқызы.4. «Абылай хан» атындағы жоғары колледжінің «Төтенше жағдайда қорғау» мамандығы бойынша студенті Қанибай Асхат Бауыржанұлы.5. М.Мәметова атындағы Қызылорда педагогикалық жоғары колледжінің «Мектепке дейінгі тәрбие және оқыту» мамандығы бойынша студенті Қалдыбай Нұрай Бірлікқызы.6. М.Мәметова атындағы Қызылорда педагогикалық жоғары колледжінің «Мектепке дейінгі тәрбие және оқыту» мамандығы бойынша студенті Серикова Аяжан Айтбайқызы.&nbsp;7. М.Мәметова атындағы Қызылорда педагогикалық жоғары колледжінің «Негізгі орта білім беру» мамандығы бойынша студенті Мустафаева Гүлжан Акимжанқызы.8. М.Мәметова атындағы Қызылорда педагогикалық жоғары колледжінің «Бастауыш білім беру» мамандығы бойынша студенті Мамзада Аружан Айдосқызы.9. М.Мәметова атындағы Қызылорда педагогикалық жоғары колледжінің «Негізгі орта білім беру» мамандығы бойынша студенті Жақсылық Ақбөпе Данабекқызы.10. Қазалы аграрлы -техникалық колледжінің «Автомобиль көлігіне техникалық қызмет көрсету, жөндеу және пайдалану» мамандығы бойынша студенті Ақжолов Рамазан Русланұлы.<figure class="image"><img src="https://knadmin.beoblood.kz/uploads/student_6554359bf5.jpg" alt="студент.jpg"></figure><figure class="image"><img src="https://knadmin.beoblood.kz/uploads/319045067_1363718684401540_308975824783120150_n_9fac0443c9.jpg" alt="319045067_1363718684401540_308975824783120150_n.jpg"></figure><figure class="image"><img src="https://knadmin.beoblood.kz/uploads/320023271_698931984955725_7412909185174244687_n_9015dde8dc.jpg" alt="320023271_698931984955725_7412909185174244687_n.jpg"></figure><figure class="image"><img src="https://knadmin.beoblood.kz/uploads/318794535_3401582856784320_8025216096477083693_n_f71f350cd4.jpg" alt="318794535_3401582856784320_8025216096477083693_n.jpg"></figure><figure class="image"><img src="https://knadmin.beoblood.kz/uploads/319400817_602238228370616_2429383640506387518_n_ead823936e.jpg" alt="319400817_602238228370616_2429383640506387518_n.jpg"></figure><figure class="image"><img src="https://knadmin.beoblood.kz/uploads/320385316_1825305111177742_5652582023407864186_n_bc0235f41a.jpg" alt="320385316_1825305111177742_5652582023407864186_n.jpg"></figure><figure class="image"><img src="https://knadmin.beoblood.kz/uploads/320063327_689165225892485_949262206940543167_n_7cc7105a0b.jpg" alt="320063327_689165225892485_949262206940543167_n.jpg"></figure><figure class="image"><img src="https://knadmin.beoblood.kz/uploads/320215149_5318259018275973_3145796057100754905_n_fd7d1aef2b.jpg" alt="320215149_5318259018275973_3145796057100754905_n.jpg"></figure>

«ТОП-100 студент»: Жеңімпаздар жұмысқа орналасуға мүмкіндік алады

<a href="https://kyzylorda-news.kz/">Kyzylorda-news.kz.</a> Шаһар басшысы Асылбек Шаменов үлкен жүректі ұстаз, «Білім беру ісінің үздігі», «Ерен еңбегі үшін» медалінің иегері Күлзия Оспанованы қабылдап, мерейлі 70 жасымен құттықтады.​Еңбек жолын ұстаздықтан бастап, кейін №4 С.Сейфуллин атындағы орта мектеп директоры, Қызылорда қалалық білім бөлімі меңгерушісінің орынбасары, облыстық мұғалімдердің кәсіби шеберлігін арттыру институтының директоры, қалалық білім бөлімінің басшысы, №233 орта мектеп директоры қызметтерін атқарған Күлзия Оспанова өнегелі өмір жолында біліктілігі мен адамгершілік қасиеттерімен даралана білді.​Өзіне жүктелген міндеттерді абыроймен атқара жүріп, шебер ұйымдастырушылық қабілетін көрсеткен Күлзия Жұмағалиқызы жинаған мол тәжірибесін, әдістемелік жұмыстарды облыстың барлық мектептеріне енгізумен айналысты. Қызылорда қалалық білім бөліміне басшы болған жылдары қала мектептеріндегі оқу-тәрбие жұмыстарын жандандырып, жүйеге келтірді.​Көп жылғы білім саласындағы атқарған еңбегі еленіп, «Білім беру ісінің үздігі», «Ерен еңбегі үшін», «Тәуелсіздіктің 10» және «20 жылдық» мерекелік төсбелгілерімен марапатталды.<blockquote>​ «Алты Алаштың баласы бас қосқан жерде төрдегі орын ұстаздыкі» деп ақын Мағжан Жұмабаев айтпақшы, ұрпақ тәрбиесі қашанда ұстазға байланысты. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Білім көшін жылжытып келе жатқан ұстаздар қауымына әрқашан құрметім ерекше» деген қала әкімі Асылбек Шаменов Күлзия Оспанованың ұлағатты өмір жолы көпке үлгі екендігін жеткізді. Өз кезегінде мерейтой иесі үлкенге лайық құрмет көрсеткен қала басшысына алғысын білдірді.</blockquote><figure class="image"><img src="https://knadmin.beoblood.kz/uploads/317991564_3252069508393118_8005197812302180851_n_69409e903e.jpg" alt="317991564_3252069508393118_8005197812302180851_n.jpg"></figure>&nbsp;<figure class="image"><img src="https://knadmin.beoblood.kz/uploads/319159382_3252067088393360_359895876270173283_n_048f7acb93.jpg" alt="319159382_3252067088393360_359895876270173283_n.jpg"></figure>&nbsp;

Қазақстан және Қызылорда облысының жаңалықтары: Білім