<a href="https://kyzylorda-news.kz/">Kyzylorda-news.kz</a> Nazarbayev University (NU) халықаралық Times Higher Education (THE) рейтингіде білім және медицина пәндері бойынша үздік 200-ге көтерілді. Жалпы сыналған 9 бағыттың бесеуі үздік 500 қатарына кіреді. Рейтинг оқу орындарының бағдарламаларын оқыту, зерттеу ортасы, зерттеу жұмыстарының сапасы, индустриямен байланыс және интернационализациялау дәрежесі сияқты критерийлер бойынша бағалады, – деп хабарлайды <a href="https://stan.kz/nu-mektepteri-the-alemdik-reytinginde-uzdik-200-katarin-412702/">Stan.kz.</a>2023 жылы NU алғаш рет беделді THE рейтингіне кіріп, 501-600 диапазонына жайғасып,әлемнің ең үздік жоғары оқу орындарының қатарына кірді. 2024 жылы NU пәндік рейтингтегі нәтижелерін жақсартты. Университет білім және медицина салалары бойынша ең жақсы көрсеткіш көрсетіп отыр. NU білім бағыты бойынша өткен жылы 251-300 позициясынан 176-200-ға дейін көтерілді. Осы кезеңде университеттің медициналық пәндері де 501-600-ден 401-500-ге дейін өсім көрсетті. Орталық Азияның ең үздік университетіне қалай түсуге болатыны туралы келесі сілтемеден біле аласыздар:"Бұл университетіміздің академия және зерттеу саласында мінсіздікке ұмтылатынының бірден-бір дәлелі. Ол оқытушылар, зерттеушілер, студенттер мен қызметкерлеріміздің еңбегінің нәтижесі әрі өз істеріне деген адалдығының белгілі. Жеткен жетістіктерімізбен мақтана отырып, әрі қарай осы жолда дамуға міндеттеме алып отырмыз", — деді университеттің алған асулары туралы NU президенті доктор Вакар Ахмад.Атап айтқанда, бұл жетістіктер – NU-дың Жоғары білім беру мектебінің және Медицина мектебінің табысты жұмысының нәтижесі. 2012 жылы негізі қаланған Жоғары білім беру мектебі University of Cambridge және University of Pennsylvania &nbsp;сияқты білім саласындағы әлемдік көшбасшылармен белсенді ынтымақтаса отырып, инновациялық магистрлік және докторлық бағдарламаларды ұсынады.Жоғары білім беру мектебін қабырғасы қаланған сәттен бастап басқарып келе жатқан оқу орны мектептерінің арасындағы жалғыз қазақстандық әйел Аида Сағынтаева бұл жетістік туралы:<blockquote>"Бұл жетістік – оқытушылар, қызметкерлер мен студенттеріміздің көп жылдық еңбегінің нәтижесі. Қазақстан үшін маңызды қадам, халықаралық білім беру аренасында салмағы бар ойыншыға айналып келе жатқанымыздың дәлелі. Қазақстанда өсіп-өнген азамат ретінде мен мұны жеке жетістігім деп білемін. Бұл білім саласын дамытуда қаншалықты алдыға жылжығанымыздың белгісі, біз жергілікті ерекшеліктерді сақтай отырып, ғаламдық академиялық қауымдыстыққа үлес қосып жатырмыз", — деді.</blockquote>Жоғары білім беру мектебі әсіресе ғылымдардың жұмысына жүгіну көрсеткіші және халықаралық ынтымақтастық бойынша ерекшеленеді. Ғалымдардың жұмыстарына жүгіну индексі (FWCI) 2,81-ді құрайды, бұл оны Duke University сияқты әлемнің жетекші университеттермен бір сапқа қояды. Мектеп оқытушылары жарияланымдарының 65,5%-ы Q1 деңгейіндегі журналдарға шығарылған, бұл олардың жоғары ғылыми деңгейін растайды. Жоғары білім беру мектебінің зерттеулері төрт негізгі тақырыпқа бағытталған: жоғары білім беруді трансформациялау, инклюзивті білім беру, тіл, мәдениет және саясат, білім берудегі өзгерістер және көшбасшылық.Өз кезегінде 2015 жылы University of Pittsburgh Медицина мектебімен серіктестікте құрылған NU Медицина мектебі Қазақстанда революциялық денсаулық сақтау жүйесін құруға ықпал етуде. Құрылған сәттен бастап Мектептің бастапқы стратегиялық мақсаттарының бірі зерттеулерді, инновацияларды, білім беруді және пациенттерге күтім көрсетуді интеграциялау арқылы Қазақстанда медициналық қызмет көрсету моделін әзірлеу болды.<blockquote>"Бұл небәрі 9 жыл бұрын құрылған салыстырмалы түрде жас білім беру құрылымы – NU Медицина мектебі үшін маңызды кезең. Бұл жетістік екі аккредителудің тікелей нәтижесі – “Медицина ғылымының докторы” бағдарламасы Еуразиялық жоғары білім беру және денсаулық сақтау саласындағы аккредиттеу және сапаны қамтамасыз ету орталығымен (ECAQA), ал Университеттік медицина орталығы (UMC) Халықаралық аккредиттеу комиссиясымен (JCI) мойындалған. Екеуі де NU медицинасының білім беру, ғылыми зерттеулер және денсаулық сақтау саласындағы жоғары сапаға деген ұмтылысын растайды. Бұл жетістіктер біздің оқытушыларымыздың, қызметкерлеріміз бен студенттеріміздің қажырлы еңбегі мен жетістіктерінің нәтижесі. Болашаққа көз жүгірте отырып, біз Қазақстан халқы үшін және одан тыс жерлерде дені сау болашақ құруға ықпал ететін дәрігерлердің, медбикелердің, қоғамдық денсаулық сақтау саласындағы мамандардың және биомедициналық ғалымдардың жаңа буынын тәрбиелеуді жалғастырамыз", — деді NU-дың вице-президенті, Медицина мектебінің деканы Массимо Пиньятелли.</blockquote>Университет 2030 жылға қарай Times Higher Education рейтингі бойынша әлемнің ең үздік 300 жоғары оқу орнының қатарына кіруді мақсат етіп отыр. Әлемдік рейтингтерде тұрақты ілгерілеуінің және білім беру мен зерттеу сапасына назар аударуының арқасында университет академиялық инновациялар мен әлеуметтік дамудың жетекші орталығы ретіндегі позициясын нығайтуды жалғастырмақ.Фото: Stan.kz

NU мектептері THE әлемдік рейтингінде үздік 200 қатарына кірді 

<a href="https://kyzylorda-news.kz/">Kyzylorda-news.kz</a> Энергетика саласы білікті кадрлар дайындауды қажет етеді. Саланың қыр-сырын меңгеру, білім мен біліктілігін арттыру аса маңызды рөл атқарады. Ірі кәсіпорындардан бастап тұрмыстық қызмет көрсету орындарына дейін электр энергетигі мамандарына сұраныс үнемі жоғары. Дей тұрғанмен бұл салада қызмет жасаймын дегендердің қатары қаншалықты кеміді,қаншалықты артты? Бұл туралы И.Әбдікәрімов атындағы Қызылорда аграрлық техникалық жоғары колледжінің директоры Абайбек Жүнісов пен APEC Training center директорының орынбасары Виктория Варавина айтты.<blockquote>- Мен APEC Training center орталығын таныстыратын боламын. Біздің орталық Атырау қаласында орналасқан. Негізгі қызметі - Қазақстанда мұнай-газ, тау-кен өндіру, құрылыс және басқа да салалардағы барлық деңгейдегі жоғары білікті қызметкерлерді даярлаумен айналысатын жетекші инновациялық оқу орталығы. Біздің оқу орталығы көптеген халықаралық аккредитацияларға ие, халықаралық оқу орталықтарымен серіктес, сонымен қатар «Алтын Алмас» компанияларының әкімшілік басқарушыларына арналған курстар бар. Олардың тізімі шектеусіз, бізде тапсырыс берушінің сұранысы бойынша қысқа мерзімде кез-келген курсты әзірлеуге және енгізуге дайын бағдарлама құрастырушылардың үлкен тобы бар. Жалпы оқу-білімге ынтасы бар жанға керекті көмек қарастырылған,-деді Виктория Георгиевна.&nbsp;</blockquote>Өздеріңізге белгілі, Мемлекет басшысы Қ.Ж. Тоқаев 2025 жылды “Жұмысшы мамандықтар жылы” деп жариялады.&nbsp;<blockquote>– «Осы уақыт ішінде техникалық және кәсіби білім беру жүйесін реформалау қажет. Әрі біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз», - деді президент. Демек қоғамда еңбекқорлық, кәсібилік сияқты қасиеттер өте жоғары бағалануы тиіс. Өз кәсібін жетік меңгерген мамандар ұлт сапасын арттыра түсетіні мәлім. И.Әбдікәрімов атындағы Қызылорда аграрлық техникалық жоғары колледжі трансформациялау критерияларының алғы шартының бірі Халықаралық салалық аккредиттеуден «Электрмен қамтамасыз ету» мамандығы бойынша 2024 жылдың желтоқсан айында өтіп, 9 оқытушы, 11 білім алушымыз халықаралық сертификат иегерлері атанды,- деді Абайбек Талғатұлы.</blockquote><figure class="image image_resized" style="width:93.41%;"><img src="https://knadmin.beoblood.kz/uploads/Maman_dajyndau_ma_yzdy_mindet_brifing_c151b4965c.jpg" alt="Маман дайындау маңызды міндет брифинг.jpg"><figcaption>&nbsp;</figcaption></figure>Фото: Нұрболат Нұржаубай

Маман дайындау – маңызды міндет

<a href="https://kyzylorda-news.kz/">Kyzylorda-news.kz</a> Бүгін партияның облыстық филиалының төрағасы Алмасбек Есмаханов партиялық бақылау комиссиясы және фракция мүшелерімен бірге Сайлауалды бағдарлама аясында СПМК-70 мөлтек ауданында салынып жатқан «Жайлы мектеп» құрылысы жұмыстарымен танысты.Білім ордасының құрылыс жұмыстарын 2024 жылдың шілде айынан бастап келісімшарт бойынша «Integra Construction KZ» ЖШС жүргізуде. 1500 орынға шақталған білім ошағы құрылысы ағымдағы жылы аяқталып, пайдалануға беріледі деп күтілуде.Құрылыс қарқынын көрген аманаттықтар мониторинг барысында тыпсырыс беруші және мердігер, техникалық қадағалаушы мекеме өкілдерімен жүздесіп, құрылыс қарқынын жоғарылату, құрылыс сапасы мен мерзімінде аяқталуы жөнінде нақты ұсыныстарын айтты.«Мемлекет басшысының бастамасымен «Жайлы мектеп» ұлттық жобасы аясында еліміздің барлық аймағында білім ордалары саланып жатыр.Біздің өңірімізде жоба аясында 9500 орындық 10 мектеп құрылысы басталып, оның 4-уі ел иглігіне табысталды. Бүгінгі күні қалған мектептер құрылысы Президентіміздің және аймақ басшысының тікелей бақылауында. Жас ұрпақтың игілігі үшін салынып жатқан білім ордасаның сапасы дұрыс болуы керек. Мұнда өзіміздің балаларымыз, немерелеріміз білім алатын болады. Сондықтан асығыс жасап, пайдалануға берілмей жатып, қайта жөндеуді талап етпейтін, кемі 30-40 жыл қызмет жасайтындай сапалы болуы керек. Балалардың қауіпсіздігі үшін барлығымыз да жауаптымыз»,- деді өз ұсыныстарымен бөліскен партияның облыстық филиалының төрағасы Алмасбек Есмаханов.

Жайлы мектеп құрылысына партиялық бақылау жасалды

<a href="https://kyzylorda-news.kz/">Kyzylorda-news.kz</a> Болашақ бағдарламасымен оқығандар енді белгілі бір шарттарын орындаса, елге қайтпауына болады.&nbsp;Бұл туралы&nbsp;<a href="https://stan.kz/bolashak-bagdarlamasimen-bilim-algandar-elge-kaytpasa-b-412642/">Stan.kz</a>&nbsp;ақпарат агенттігі хабарлайды.20 қаңтарда ғылым және жоғары білім министрлігі "Болашақ" стипендиясын алу және жүзеге асыру ережелеріне өзгерістер енгізілгенін хабарлады.Жаңартылған ережеге сәйкес, іріктеуден өткендер ғана шәкіртақы ала алады. Бұрын жыл соңына дейін күту қажет болса, енді сол күнтізбелік жыл ішінде қайта өтініш беруге болады.Осы уақытқа дейін стипендиаттар Қазақстанға оралып, елде кемінде бес жыл жұмыс істеуі керек еді. Бұл талап енді міндетті емес."Бағдарлама түлектерінің Қазақстан мүшелік ететін БҰҰ, ЮНЕСКО, ШЫҰ және ТМТ сияқты халықаралық ұйымдарда жұмыс тәжірибесінен өтуге мүмкіндігі бар”, – деп хабарлады министрліктің баспасөз қызметі."Болашақ" мүшелері енді шетелде тек халықаралық ұйымдарда ғана емес, тағы екі нұсқа бойынша еңбек тәжірибесінен өте алады:<ul><li style="text-align:justify;">Акцияларының немесе жарғылық капиталының 50%-дан астамы Қазақстан Республикасына тиесілі компанияларда.</li><li style="text-align:justify;">Акцияларының немесе жарғылық капиталының 50%-дан астамы Қазақстанның ұлттық компанияларына тиесілі компанияларда.</li></ul>Тағы бір жаңалық мемлекеттік қызметкерлерге қатысты. Енді олар тіл курстарынан өту мүмкіндігімен шетелде магистратурада оқи алады. Министрлік атап өткендей, бұл мемлекеттік аппараттың тиімділігін арттыруға бағытталған.Фото: Pixabay.com

Болашақ бағдарламасымен білім алғандарға елге қайтпауға рұқсат етілді

<a href="https://kyzylorda-news.kz/">Kyzylorda-news.kz</a> Елімізде &nbsp;жақында 5-18 жас аралығында балаларға арналған "Келешек" бағдарламасы басталды. &nbsp;Бұл ұрпақ тәрбиелеп отырған кез келген ата-ана үшін қуанышты жаңалық болды. Өйткені, мемлекеттік қолдауымен баланың кішкентай кезінен келешегіне аз-аздан белігілі бір мерзім аралығында қаржы жинауға мүмкіндік туды.Бұл білім беру жүйесінің сапасын жақсартуға бағытталған жоба деп есептеймін. Өз кезегінде еліміздің жұмыс күшінің сапасын арттырып, еңбек нарығындағы сұранысқа сай кадрларды қамтамасыз етеді.Бағдарламаның тағы бір тиімді тұсы ата-аналардың қаржылық сауаттылығын арттырады. Бұл, өз кезегінде, экономикалық тұрақтылықты сақтауға ықпал етіп, ел экономиканың өсуіне жағдай жасайды.Сонымен қатар, бағдарлама Қазақстанның білім беру жүйесіне бәсекелестік тұрғысынан оң әсер етпек. Өйткені есепшотында білім алуға қажетті қаражат жиналғанда балада таңдау болады. Осы арқылы ел ішіндегі білім сапасының артуы және шетелдегі білім алу мүмкіндіктері артады. Нәтижесінде студенттер мен ғалымдар өз әлеуетін толық пайдаланып, Қазақстанды білім мен ғылым саласындағы жаһандық деңгейде бәсекеге қабілетті елдер қатарына қоса алады. Шетелдік білім беру жүйелерімен ынтымақтастық еліміздің білім саласындағы ашықтықты арттырып, халықаралық деңгейде танылуына ықпал етеді.

“Келешек" - жас ұрпақтың болашағына жасалған инвестиция

<a href="https://kyzylorda-news.kz/">Kyzylorda-news.kz</a> Жасанды интеллект - ғаламдық дамудың жаңа бағыты. Осы саланы терең меңгерген маман болашақта үлкен сұраныста болатыны анық. Қазіргі таңда жаңадан бой көтерген Жасанды интеллект институтының алғашқы білім алушылар қатарынанмын.&nbsp;Уақыт өте келе бұл таңдауымның дұрыс екеніне көзім жетуде. Себебі, оқытушылардың кәсібилігі мен жаңа мүмкіндіктердің ашылуы жасанды интеллект саласына қызығушылығымды одан әрі арттыруда.&nbsp; Қазіргі таңда жаңа технологиялардың тілін түсініп, оларды қолдану дағдыларын дамытудамыз. Жасанды интеллект саласы болашақта жоғары сұранысқа ие болып, &nbsp;жаңа жұмыс орындарының ашылуына мүмкіндік ашады. Қазіргі таңда Жасанды интеллект үлкен мәліметтерді (Big Data) өңдеуде және анализдеуде керемет құрал болып табылады. Осы бағытта биыл институтта SeoulTech университетімен қос дипломды «AI архитекторы», «Деректерді басқару» білім беру бағдарламалары бойынша кадрларды даярлау жүзеге аспақ.Алдағы уақытта осы бағдарлама негізінде Кореяда білімімді жетілдіріп, жаңа технологияларды әзірлеуге және болашақтың ғылымын өзгертуге ықпал етуді армандаймын. &nbsp;Толғанай Жақсыбай, Жасанды интеллект институтының 1-курс студенті

Жасанды интеллект  - келешектің келбеті

<a href="https://kyzylorda-news.kz/">Kyzylorda-news.kz</a> Бүгінде ғылым мен білімнің дамуына, халықаралық байланыстарды нығайтуға, сондай-ақ елімізде жаңа технологиялар мен инновацияларды енгізуге ерекше көңіл бөлінуде. Соның бірі – Болашақ бағдарламасы шеңберіндегі “ 500 ғалым” жобасы.Бұл жоба қазақстандық ғалымдардың өз салаларында жаңа бағыттарды меңгеріп, халықаралық тәжірибені қолдануына, сондай-ақ Қазақстанның ғылыми ортасын жаңартып, зерттеу жұмыстарын кеңейтуге мүмкіндік береді.Былтыр жоба аясында Қазақстанның ғылыми әлеуетін арттыруға және әлемнің жетекші университетінде тәжірибе алмасуға мүмкіндік алып, АҚШ-тың Иллинойс (UIUC) университетінде ғылыми тағылымдамадан өттім. UIUC әлемдегі ең үздік 50 университеттің қатарына кіреді. Әсіресе жаратылыстану, инженерия, информатика және бизнес саласындағы білім, ғылым, өндірістік бағдарламаларымен танымал. Осы ретте, өз саламда шетелдік ғалымдардың жеке дәрістеріне, тілдік дағдыларды арттыру мақсатында әртүрлі семинарлар мен академиялық іс-шараларына қатысу арқылы кәсіби білімімді шыңдадым.Америка Құрама Штаттары білім беруге ерекше көңіл бөледі. Ғылым мен білім саласындағы әлемдегі озық әрі жетекші оқу орындары да осы елде орналасқан. Тағлымдама барысында білім беру жүйесінің тиімділігі мен сапасын арттыру үшін үздік басқару әдістері мен стратегияларды қолдануды үйрендім.Шетелден келген кейін жаңа ғылыми жобаларды қолға алудамын. Тағылымдама кезінде байланыс орнатқан ғалымдардың қатысуымен экология саласында зерттеу тәжірибесін дамытып, жаңа жобалар ашуды жоспарлап отырмыз. Жаңа білімім мен тәжірибемді университеттің дамуына, білім алушылар мен жас әріптестерге үйретіп, заман талабына сай білім беру үшін қолданғым келеді.Фото: Қорқыт ата атындағы Қызылорда университеті

Рахат Құрманбаев: “500 ғалым” жобасы Қазақстан ғылымының болашағына тың серпін береді

<a href="https://kyzylorda-news.kz/">Kyzylorda-news.kz</a> Қазір жасанды интеллект саласы қарқынды дамуда. Сондықтан менің таңдауым Қорқыт ата университетінде Сеул Ұлттық ғылым және технологиялар университетімен бірлесіп ашқан білім бағдарламасы болды.Бүгінде мен Жасанды интеллект институтының 1-курс студентімін. Жаңа институттың алғашқы білім алушылар қатарында болғаныма қуаныштымын. Бұл салада білім алу – сұранысқа ие маман болу үшін үлкен мүмкіндік.Қазірдің өзінде жасанды интеллект институтындағы білім беру сапасының деңгейі жоғары деп айта аламын. Практикалық жобалармен айналысуға, стартап жобаларымызды ұсынуға мүмкіндер көп.Мен бағдарламалау жүйесі саласына қатты қызығамын. Болашақта осы саланың дамуына өз үлесімді қосқым келеді.Әділет Ерланұлы,Жасанды интеллект институтының 1-курс студентіФото: автордан

Жасанды интеллект тек техникалық сала емес, ол қоғамды жақсартудың жаңа заманауи құралы

<a href="https://kyzylorda-news.kz/">Kyzylorda-news.kz</a> &nbsp;Денсаулық сақтау министрлігі денсаулық сақтау және білім беру ұйымдарындағы тамақтану стандарттарына өзгерістер енгізетін бұйрық дайындады, деп хабарлайды<a href="https://baq.kz/auruhanalar-men-mektepterde-beriletin-tamaq-turi-ozgeretin-boldy-200005680/"> BAQ.KZ.</a>Құжат балаларды қауіпсіз, сапалы және теңгерімді тамақтанумен қамтамасыз ететін заманауи халықаралық талаптарды ескереді.Министрліктің мәліметінше, бұл түзетулердің негізгі артықшылығы – тұз, қант және майларды тұтынуды азайту, сондай-ақ көкөністер мен жемістерді тұтынуды арттыру.Көкөністер мен жемістер кальций, темір, фолий қышқылы және басқа да витаминдерге бай, олар балалардың денсаулығын қолдап, иммундық жүйесін нығайтады, – делінген құжатта.Министрлік атап өткендей, тұз бен қантты шамадан тыс тұтыну – семіздік, қант диабеті, жүрек-қан тамырлары және онкологиялық аурулар сияқты жұқпалы емес аурулардың пайда болуына негізгі себептердің бірі.Осы құжатты қабылдау балаларды тамақтандырудың қауіпсіздігін, сапасын және қолжетімділігін қамтамасыз етуге бағытталған, сондай-ақ білім беру мекемелеріндегі балалардың тамақтануын ұйымдастыруға бірыңғай талаптарды белгілеуді көздейді, – делінген негіздемеде.Сондай-ақ министрліктің мәлімдеуінше, енгізілген шаралар білім беру және тәрбиелеу ұйымдарындағы тамақтану стандарттарына бірізді тәсілдерді қамтамасыз етіп, асханалары жоқ шағын жинақты мектептерде тамақтануды ұйымдастыру форматын да қарастыруға мүмкіндік береді.Бұдан бөлек, бұл құжатты жүзеге асыру арқылы тамақтан улану мен жұқпалы аурулардың алдын алу механизмдерін енгізу жоспарлануда.Құжат 29 қаңтарға дейін «Ашық НҚА» сайтында көпшілік талқылауы үшін жарияланды.Фото: Нұрболат Нұржаубай&nbsp;

Ауруханалар мен мектептерде берілетін тамақ түрі өзгеретін болды

<a href="https://kyzylorda-news.kz/">Kyzylorda-news.kz</a> Мемлекет басшысы 2024 жылғы 2 қыркүйектегі Қазақстан халқына Жолдауында: «Үкімет жоғары білім саласын халықаралық білім беру кеңістігімен ықпалдастырып жатыр. Қазірдің өзінде елімізде шетелдің белгілі 23 жоғары оқу орны жұмыс жүргізе бастады. Оларға мейлінше қолдау көрсету керек. Атап айтқанда, маман даярлауға берілетін мемлекеттік тапсырысты біртіндеп көбейткен жөн», – деп атап өтті.34 шетелдік жоғары оқу орнымен серіктестік келісімдер жасалды. Бүгінгі таңда елімізде Ұлыбритания, Италия, Қытай, Ресей, АҚШ, Франция және Оңтүстік Кореяның 23 серіктес жоғары оқу орындары жұмыс істейді. 2025 жылы тағы 11 келісімді іске асыру қажет.Шетелдік серіктестік жоғары оқу орындарында қазақстандық студенттерге арналған 2 090 грант оқуға мемлекет бөлді.Бүгінгі таңда мыңдаған студент 34 мамандық бойынша білім алады, оның ішінде педагогикалық, инженерлік-техникалық және жасанды интеллект сияқты негізгі бағыттар бар. Бұл мақсаттарға мемлекеттік білім беру гранттары (бірлескен білім беру бағдарламалары және қос диплом бағдарламалары) және мемлекеттің қолдауымен оларға жағдай жасау арқылы инвесторлардың қаражаты бөлінеді.Шетелдік серіктес ЖОО-ларды іріктеу жекелеген салалардағы кадрлық қажеттілікке және өңірлердің сұраныстарына негізделеді.Шетелдік жетекші жоғары оқу орындарымен ынтымақтастық атом өнеркәсібі, «жасыл» сутекті әзірлеу, Қазақстанда баламасы жоқ су қауіпсіздігін қамтамасыз ету сияқты аса сұранысқа ие және тапшы мамандықтар бойынша мамандар даярлауға бағытталған.Мемлекет басшысының тапсырмасын орындау шеңберінде Қ.Жұбанов атындағы Ақтөбе өңірлік университеті базасында мұнай инженериясы, электр энергетикасы және компьютерлік инженерия бағдарламалары бойынша британдық Heriot Watt университетінің филиалы ашылды.Химия және химиялық технологиялар саласында кадрлар даярлау үшін М.Дулати атындағы Тараз өңірлік университеті базасында Д.И.Менделеев атындағы Ресей химия-технологиялық университетінің филиалы ашылды.Педагогикалық кадрларды даярлау мақсатында Оңтүстік Қазақстан педагогикалық университеті базасында Гази университетінің (Түркия) филиалы жұмыс істейді.Бейжің тіл және мәдениет университетінің (ҚХР) филиалы Астана халықаралық университеті базасында жұмыс істейді.Квинс университетінің филиалы (Ирландия) Нархоз университеті базасында жұмыс істейді.2025 жылға дейінгі жоғары білім беруді интернационалдандыру стратегиясы шеңберінде шетелдік азаматтарға, соның ішінде Қазақстан Республикасының азаматтары болып табылмайтын қазақ диаспорасының өкілдеріне арналған стипендиялық бағдарлама іске қосылды.2024-2025 оқу жылында шетелдік азаматтарға арналған стипендиялық бағдарлама бойынша Қазақстанның 37 ЖОО-да 550 білім алушы қабылданды (бакалавриат - 490, магистратура - 50, докторантура - 10). Стипендиялық бағдарлама тегін білім алуды және ай сайынғы стипендияны қамтиды.Қазақстанда білім беру туризмін дамыту«Болашақ» халықаралық стипендиясы 30 жыл бойы жүзеге асырылып келеді. Мемлекет басшысының тапсырмасы бойынша «Болашақ» халықаралық стипендиясы техникалық, инженерлік, медициналық және педагогикалық бағыттарға қайта бағытталды.Осы жылдар ішінде стипендия 12&nbsp;727 қазақстандыққа әлемнің жетекші жоғары оқу орындарында білім алуға мүмкіндік берді, оның ішінде 55%-ы гуманитарлық, 36%-ы инженерлік-техникалық, 7%-ы медициналық, 2%-ы мәдениет және өнер бағыты бойынша білім алды.Түлектер әлемнің 30-дан астам елінде 400-ден астам жетекші шетелдік жоғары оқу орындарында оқыды және тағылымдамадан өтті.2024 жылы бағдарлама түлектері 213 мың медициналық ота жасап, 145 мың білім алушы мен студенттерді оқытып, мыңнан астам ғылыми еңбектерін жариялады.2024 жылы ЖОО контингентіндегі шетелдік студенттердің үлесі 15%-ды құрады, әлемнің 23 елінен 97 университеттермен 245 қос диплом бағдарламасы іске асырылды.Шетелдік студенттер саны 93 елден 31 400 адамды құрады, бұл 2023 жылғы 82 елден 26 800 студентке қарағанда 4 600 адамға көп.Қазақстанның жоғары оқу орындарына оқытушылық қызметке 1600-ден астам шетелдік сарапшы тартылды.2024 жылғы білім беру бағдарламаларының нәтижесінде QS World University Rankings 2024 әлемнің үздік университеттерінің халықаралық рейтингіне 21 қазақстандық ЖОО кірді.«Университет пәндерін оқытудың мазмұны мен әдісін айтарлықтай жаңарту қажет. Болашақ мұғалімдер, дәрігерлер, агрономдар, заңгерлер және салалық мамандар жасанды интеллект бойынша базалық білімді міндетті түрде меңгеруі керек», – деп атап өтті Қасым-Жомарт Тоқаев.Мемлекет басшысының тапсырмасын іске асыру мақсатында еліміздің ғылыми ұйымдары мен ЖОО-на халықаралық дерекқорларға тегін қолжетімділік қамтамасыз етілді.Google компаниясымен бірлесіп еліміздің 15 жоғары оқу орнының 5000 студентіне арналған жасанды интеллект бойынша курстар іске қосылды.Coursera онлайн білім беру платформасы жобасы аясында қазақстандық студенттерге 40 мың лицензия бөлініп, 93 жоғары оқу орнынан 153 мың сертификат берілді.Корея мен Қытайдың жетекші жоғары оқу орындарымен білім беру және мамандарды бірлесіп даярлау бойынша уағдаластықтарға қол жеткізілді.Мемлекет басшысының тапсырмасы бойынша үш қазақстандық ЖОО базасында жасанды интеллект мектептері жұмыс істейді:Қорқыт ата атындағы Қызылорда университетінде Сеул Ұлттық Ғылым және технологиялар университетінің Жасанды интеллект және информатика мектебі ашылды. Қ.И.Сәтбаев атындағы Қазақ ұлттық техникалық зерттеу университетінде City University of Hong Kong филиалы ашылды. Д.Серікбаев атындағы Шығыс Қазақстан техникалық университетінде Лу Бань шеберханасының базасында ЖИ бойынша халықаралық зерттеу орталығы және көлікті басқарудың ақылды технологиялар орталығы ашылды.Отандық жоғары оқу орындарында Google, NVIDIA, Huawei, Coursera және басқа да халықаралық технологиялық алпауыттарының тиісті курстары енгізілді.Coursera, Google, Nvidia, «Huawei Technologies Kazakhstan» LLP, 01 Edu System, Binance Kazakhstan-мен меморандумдарға қол қойылды.AstanaHub технопаркі базасында бағдарламада Қазақстанның 47 жоғары оқу орнынан 700 оқытушыны қамтитын ЖИ бағыттары бойынша ЖОО оқытушыларын оқытуға арналған толыққанды курстар іске қосылды.Жасанды интеллект (ЖИ) саласында университетаралық ЖИ стандарты қабылданды, 20 ЖОО-мен 20 білім беру бағдарламасы әзірленді.Қазақ, ағылшын, орыс тілдерінде 148 миллиард токен негізінде KazLLM тілдік модельді оқыту аяқталды.Модель Nazarbayev University, әл-Фараби атындағы Қазақ ұлттық университеті, Шайсұлтан Шаяхметов атындағы «Тіл-Қазына» Ұлттық ғылыми-практикалық орталығы және т.б. командасының қатысуымен әзірленді.Әзірлеуге 117 сарапшы, оның ішінде 40-тан астам ғылым кандидаттары, PhD және зерттеу институттары мен жоғары оқу орындарының магистрлері тартылды.Министрлік Мемлекет басшысына жасанды интеллект, бағдарламалау және стартап акселерациясын оқитын 100 мың студентті қамтитын басым мамандықтар бойынша барлық деңгейдегі студенттер арасында ЖИ саласындағы дағдыларды жан-жақты дамытуға бағытталған AI-Sana ЖИ бойынша пилоттық бағдарламаны ұсынды.Фото: gov.kz

Қазақстанның жоғары оқу орындарын интернационалдандыру: халықаралық білім беру стандарттарына жасалған қадам

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы 600 орындық мектептің ашылу рәсіміне қатысты. Білім ошағы «Жайлы мектеп» ұлттық жобасымен салынған.Оған облыстық мәслихат төрағасы Мұрат Тілеуімбетов, ардагерлер кеңесінің төрағасы Серік Дүйсенбаев, қоғамдық кеңес төрағасы Әріп Хожбанов, зиялы қауым өкілдері мен жауапты сала басшылары және қала тұрғындары қатысты.Аймақ басшысы жиналған жұртшылықты еңселі де сәулетті мектептің ашылуымен құттықтап, ізгі тілегін жеткізді.<blockquote>«Президентіміз «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды» деген болатын.Жаңа мектептердің ашылуы – бұл жай ғанағимараттардың салынуы емес, жаңа дәуірде білім алатын оқушыларға жаңа мүмкіндіктер сыйлау. Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 6 900 орынға арналған 10 мектеп салу жоспарланып, оның алғашқы 900 оқушыға арналған мектебін өткен жылдыңқазан айында сол жағалаудан табыстадық.Осы айдың басында Жаңақорған ауданының Жаңарық ауылында және Арал қаласында 300 орындық 2 жайлы мектеп ашылды. Бұл арқылы Жаңарық ауылындағы бейімделген ғимаратта орналасқан, Арал қаласындағы үш ауысымды оқытуға көшуі мүмкін мектептердегі орын тапшылығы мәселесі шешімін тапты.Бүгін міне, «Самұрық-Қазына» акционерлік қоғамының үйлестіруімен жүзеге асқан, құны 4 млрд 732 млн теңге болатын 600 орындық «Жайлы мектепті» шәкірттер мен ұстаздаригілігіне береміз. Жаңа нысанды салу арқылыбейімделген ғимаратта орналасқан Әбу Құдабаев атындағы №197 орта мектептің мәселесін шештік. Құрылыс басталғалы бері балаларымызға қала ішіндегі басқа мектепте оқуына тура келді. Ұрпақ игілігіне бағытталғанортақ істе түсіністік танытқан барша ата-аналарға алғысымызды білдіреміз. Жасампаз істердің жаршысы болатын жеткіншектерімізенді қолайлы әрі қауіпсіз, заманауи жабдықталған, кең де жайлы мектепте білім алатын болады. Бүгін табысталған жаңа білім ғимаратынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болғай», – деді аймақ басшысы.</blockquote>Салтанатты іс- шарада білім саласының ардагері, ҚР Білім беру ісінің үздігі, Қызылорда қаласының Құрметті азаматы Алтынсары Шүренов жиылған жұртшылықты құттықтады. Еңбек ардагері, Қызылорда облысының Құрметті азаматы, Қазақстан Республикасының еңбек сіңірген қайраткері, «Құрмет» орденінің иегері Қорғанбек Қайроллаұлы батасын берді. Сондай-ақ, аймақтың әлеуметтік-экономикалық дамуына үлес қосқан азаматтар мен құрылыс мекемесінің мамандары марапатталды.Айта кетейік, 2024 жылы білім саласына бөлінген қаржы 264 млрд теңгеге, алдыңғы жылмен салыстырғанда 9,3 пайызға ұлғайды. Саланың биылғы бюджеті 308 млрд 134 млн теңге, бұл өткен жылмен салыстырғанда 16,9 пайызға арттық.Былтыр аймақта 6 мектеп, 5 мектепке қосымша ғимарат салынып, іске қосылды.Нәтижесінде Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді.«ҚазГермұнай» компаниясының демеушілігімен Қызылорда қаласында заманауи үлгідегі «Оқушылар сарайы»,Жаңақорған ауданында «Оқушылар үйі» мен «Өнер мектебі» ел игілігіне табысталды.Балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы»,дарынды балаларға арналған физика-математика мектеп-интернаты, «Саутс Ойл» компаниясының демеушілігімен музыкалық колледждің жаңа ғимараты бой көтеруде. Жыл ішінде Шиелі ауданында да «Оқушылар үйі»мен «Өнер мектебі» жұмысын бастайды.Биыл «Білім беру инфрақұрылымын қолдау қоры» есебінен Арал ауданының Жалаңаш ауылынан 150 орындық мектеп салынады.Былтыр 8 мектеп ғимаратына күрделі жөндеу жүргізілді. Мемлекет басшысының 1300 мектепті күрделі жөндеу тапсырмасына сәйкес 3 жыл ішінде облыстағы 51 мектеп, биылсоның 9-ы күрделі жөндеуден өтеді.<img src="https://knadmin.beoblood.kz/uploads/yzylorda_alasynda_Zhajly_mektep_ashyldy_3_840a2a807f.jpg" alt="Қызылорда қаласында «Жайлы мектеп» ашылды 3.jpg"><img src="https://knadmin.beoblood.kz/uploads/yzylorda_alasynda_Zhajly_mektep_ashyldy_1_520fff42e9.jpg" alt="Қызылорда қаласында «Жайлы мектеп» ашылды 1.jpg"><img src="https://knadmin.beoblood.kz/uploads/yzylorda_alasynda_Zhajly_mektep_ashyldy_2_eb948a7c73.jpg" alt="Қызылорда қаласында «Жайлы мектеп» ашылды 2.jpg">Фото: Қызылорда облысы әкімінің баспасөз қызметі

Қызылорда қаласында «Жайлы мектеп» ашылды

<a href="https://kyzylorda-news.kz/">Kyzylorda-news.kz</a> Қызылорда қаласындағы NIS-тің география пәні мұғалімі Арай Нұрбаева республикалық «Педагогикалық идеялар фестивалі» республикалық байқауында ІІІ орын иеленді. Ол танымал Minecraft платформасы арқылы географияны қызықты және интерактивті түрде оқытудың нновациялық жобасын таныстырды.Арай Талғатқызының ұсынған оқыту әдістемесі оқушыларды географиялық объектілер мен үдерістерді виртуалды ортада модельдеуге мүмкіндік береді. GeoFuture-Minecraft – мұғалімдерді оқытудың дәстүрлі емес тәсілдерін қолдануға және заманауи технологияларды оқу үдерісіне енгізуге шабыттандыратыны сөзсіз.<blockquote>«Педагогикалық идеямның мақсаты – география сабағын заманауи және қызықты өткізу. Бұл формат білім алушыларды әлемдік тұрақты даму мақсаттарын зерттеуге көмектеседі. Сонымен қатар, цифрлық сауаттылықты арттырады. Оқушылар сабақта алған теориялық білімдерін Minecraft-та нақты жобалар жасау арқылы тәжірибеде қолданады. Экологиялық тұрақты қалаларды жоспарлау, баламалы энергия көздерін алу және климаттың өзгеруін зерттейді», – дейді Арай Талғатқызы.</blockquote>Фото: Назарбаев зияткерлік мектебі

Қазақстан және Қызылорда облысының жаңалықтары: Білім