<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім министрлігі мен Л.Н.Гумилев атындағы Еуразия ұлттық университетінің ұйымдастыруымен ғылым және жоғары білім саласындағы баспасөз хатшыларына арналған «UniMediaX25» республикалық семинар-тренингі өтті. Екі күнге созылған шараның басты мақсаты – ғылым және білім саласындағы баспасөз қызметі өкілдеріне медиа және коммуникация саласындағы заманауи әдіс-тәсілдерді үйрету, тәжірибе алмасу және олардың кәсіби біліктілігін арттыру.Семинарға еліміздің 35 жоғары оқу орны мен ғылыми зерттеу институттарының баспасөз қызметкерлері қатысты. Олардың қатарында Қорқыт ата атындағы Қызылорда университетінің медиа орталығының маманы Нұрай Зинадуллақызы да болды.Іс-шараның ресми ашылуында ҚР Ғылым және жоғары білім министрі Саясат Нұрбек құттықтау сөз сөйлеп, баспасөз хатшыларының кәсіби деңгейін көтеру мен тәжірибе алмасу мүмкіндіктерін кеңейтуге бағытталған бұл жиынның маңыздылығын атап өтті.Семинар барысында ҚР Мәдениет және ақпарат министрлігі БАҚ саласындағы мемлекеттік саясат департаментінің директоры Қайнар Ахетов, сондай-ақ «ZERDELI» ақыл-ой дамыту орталықтары мен мектептер желісінің негізін қалаушы Ырысбек Мәуіт сөз сөйледі.<blockquote>“Семинар-тренинг баспасөз хатшылары үшін жаңа мүмкіндіктерге жол ашты. Қазіргі медиа саласының өзгерістеріне бейімделуге, жаңа кәсіби байланыстар орнатуға мүмкіндік берді. Жас маман ретінде үлкен тәжірибе мен жаңа білім алдым”, – деді Нұрай Зинадуллақызы.</blockquote>Тренинг барысында қатысушылар пікір алмасып, интерактивті сессияларға қатысты. Сондай-ақ Астана қаласындағы жетекші жоғары оқу орындарының жұмысымен танысты.Шара соңында қатысушыларға сертификаттар табысталды.«UniMediaX25» республикалық семинар-тренингі – Қазақстандағы ғылым және білім саласындағы медиа-коммуникациялық қатынастарды жақсартуға, сондай-ақ осы саладағы мамандардың біліктілігін арттыруға бағытталған маңызды бастама.<img src="https://knadmin.beoblood.kz/uploads/Uni_Media_X25_Baspas_z_hatshylaryna_arnal_an_respublikaly_media_trening_tti_1_4c8fa4f2cd.jpg" alt="«UniMediaX25» Баспасөз хатшыларына арналған республикалық медиа тренинг өтті 1.jpg">

«UniMediaX25»: Баспасөз хатшыларына арналған республикалық медиа тренинг өтті

<a href="https://kyzylorda-news.kz/">Kyzylorda-news.kz</a>&nbsp; Студенттер сарайында “Мен сені сүйем, өмір” атты қайырымдылық концерті өтті. Іс-шараның ұйымдастырылуына Қорқыт ата атындағы Қызылорда университеті ұйытқы болды.Қайырымдылық шараға оқу орнының талантты жастары қолдау көрсетті. Өнерпаздар сахнада жоғары деңгейде өнер көрсетіп, кеш қонақтарына тамаша көңіл-күй сыйлады.Концерттен түскен қаржы әнші Азамат Құрманбекұлының еміне, сонымен қатар анасының көз жанарын емдеуге жұмсалады.Азамат Құрманбекұлы концертті ұйымдастыруға қолдау көрсеткен университет ұжымына және рухани-материалдық қолдау көрсеткен барша қайырымды жандарға алғыс білдірді.<img src="https://knadmin.beoblood.kz/uploads/Men_seni_s_jemin_mir_6b0fa4e967.jpg" alt="Мен сені сүйемін өмір.jpg">

«Мен сені сүйем, өмір» атты қайырымдылық концерті өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жаңақорған ауданының «Саяжай» шағын ауданында «Жайлы мектеп» ұлттық жобасы аясындағы 600 орындық білім ошағының салтанатты ашылу рәсімі өтті.Іс-шараға Парламент Мәжілісінің депутаты Мұрат Әбенов, жауапты салалардың, құқық қорғау органдарының басшылары, сала ардагерлері мен зиялы қауым өкілдері қатысты.Аймақ басшысы аудан тұрғындарын жаңа мектептің ашылуымен құттықтап, атқарылған жұмыстарға тоқталды. «Мемлекет басшысының төрағалығымен өткен Үкіметтің кеңейтілген отырсында өңірдің әлеуметтік-экономикалық даму қорытындыларын баяндадым. Президентіміз облысымыздың экономикалық өсіміне оң бағасын берді.<blockquote>Осы жиында Мемлекет басшысы Қасым-Жомарт Кемелұлы: «Биыл «Жайлы мектеп» ұлттық жобасы аяқталады. Барлық аймақта заман талабына сай тірек мектептер желісі құрылып жатыр. Менің тапсырмаммен үш жыл ішінде тағы 1300 мектеп жаңғыртудан өтеді», – деген болатын. Президентіміздің, Үкіметтің ерекше қолдауымен Сыр өңірінде байыпты бастамалар қолға алынып, жасампаз жобалар жүзеге асуда. Біз ұрпақ білімін арттыруға, қоғамда ұстаз беделін көтеруге әркез мүдделіміз. Тұрақты қолдаудың арқасында өңіріміздің білім саласы табысқа жетті. Сәулеті жаңарған мектептер бой көтерді. Өткен жылы білім саласына бөлінген қаржы 270 млрд теңге болса, биылғы бюджеті &nbsp;308 млрд 134 млн теңгеге жетті, яғни 16,9 пайызға артты. Жаңа мектептердің ашылуы – жай ғана ғимараттардың салынуы емес, бұл жаңа дәуірде білім алатын озат оқушыларға жаңа мүмкіндіктер сыйлау. Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 6 900 оқушыға арналған 10 мектеп құрылысы басталып, облыс орталығындағы 900 орындық алғашқы мектепті өткен жылдың қазан айында табыстадық. Жыл басында Жаңақорған ауданының «Жаңарық» ауылында, Арал қаласында 300 орындық, Қызылорда қаласында 600 орындық мектептерді пайдалануға бердік. Жыл ішінде тағы 5 «Жайлы мектептің» құрылысын аяқтаймыз. Бүгін, міне, «Самұрық-Қазына» акционерлік қоғамының үйлестіруімен жүзеге асырылған, құны 4 млрд 709 млн теңге болатын 600 орындық «Жайлы мектепті» ел игілігіне табыстаудамыз. Біз бұл арқылы Жаңақорған кентінде қарқынды өсіп келе жатқан «Саяжай» шағын ауданындағы балаларымыз баратын мемлекеттік мектептің мәселесін шештік. Енді оқушыларға басқа мектептерге қатынаудың қажеті жоқ. Алдымызда нақты жоспарларымыз бен бастамаларымыз әлі де көп. Оларды іске асыру бағытындағы жұмыстарымызды жалғастыра береміз. Қуаныштарыңыз құтты болсын!» – деді Нұрлыбек Нәлібаев.</blockquote>Жиында Мұрат Әбенов аудан тұрғындарын жаңа мектептің ашылуымен құттықтап, қоғам қайраткері, Қызылорда облысының құрметті азаматы Ибрагим Әбибуллаев батасын берді.Айта кетейік, өткен жылы аймағымызда 6 мектеп бой көтеріп, 5 мектепке қосымша ғимарат ел игілігіне табысталды. Осылайша Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді.«ҚазГермұнай» компаниясының демеушілігімен Қызылорда қаласында заманауи үлгідегі 350 орындық «Оқушылар сарайы», Жаңақорған ауданында 200 орындық «Оқушылар үйі» мен 50 орындық «Өнер мектебі» ел игілігіне табысталды. Жыл ішінде Шиелі ауданында да 200 орындық «Оқушылар үйі» мен 50 орындық «Өнер мектебі» жұмысын бастайды.Облыс орталығындағы «Шығармашылық академиясы», музыкалық колледждің жаңа ғимараты мамыр айында, дарынды балаларға арналған физика-математика мектеп-интернаты наурыз айында аяқталмақ.Биыл «Білім беру инфрақұрылымын қолдау қоры» есебінен Арал ауданының «Жалаңаш» ауылынан 150 орындық мектеп салынады. Былтыр 3 млрд 100 млн теңгеге 8 мектеп ғимаратына күрделі жөндеу жүргізілді.Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның 9-ы биыл күрделі жөндеуден өтеді.Салтанатты іс-шарада Жаңақорған ауданының әлеуметтік-экономикалық дамуына үлес қосқан азаматтар мен заманауи білім ордасының құрылысын жүргізген мердігер мекеменің қызметкерлері марапатталды.Фото: Қызылорда облысы әкімінің баспасөз қызметі

Жаңақорған: "Жайлы мектептің" ашылу салтанаты өтті

<a href="https://kyzylorda-news.kz/">Kyzylorda-news.kz</a> «Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды», - Қасым-Жомарт Тоқаев, Қазақстан Республикасының Президенті.2022 жылы Мемлекет басшысы Қазақстан халқына Жолдауында «Жайлы мектеп» ұлттық жобасын жүзеге асыруды тапсырды. Жоба аясында 2025 жылдың соңына дейін 460 мың орындық 217 заманауи мектептің құрылысы жоспарланған, оның ішінде 105 мектеп 2024 жылы салынды.«Жайлы мектеп» ұлттық жобасы балалардың тұрғылықты жеріне қарамастан, заманауи талаптарға сай келетін тегін білім алу мүмкіндігін қамтамасыз етуге бағытталған.Бастама жайлы мектептердің материалдық-техникалық базасын жақсартып қана қоймай, балалардың шығармашылық және интеллектуалды қабілеттерін дамытуға ықпал ететін орта қалыптастырады.Жайлы мектептердің көлемі типтік мектептерге қарағанда, 15-20%-ға кең, сондай-ақ техникалық жарақтануы да 4 есе артық. Мектептерде робототехника кабинеттері, STEM-зертханалар, хореография залдары, коворкинг аймақтары, 4 спорт залы қарастырылған, сондай-ақ алғашқы әскери дайындық үшін арнайы ашық алаңдар жабдықталады. Бастауыш және жоғары сынып оқушылары бөлек блоктарда білім алады. Жайлы мектептердегі ең басты жайлылық - &nbsp;эргономикалық кеңістіктің құрылуы.Жайлы мектептерде инклюзиялық білім беруге ерекше көңіл бөлінуде. Ерекше білім беру қажеттіліктері бар балалар үшін жеке санитарлық бөлмелерімен кең кабинеттер қарастырылған. Сонымен қатар мектептерде жеделсаты, пандустар, арнайы белгілер, психолог, логопед және дефектолог кабинеттері бар.Жайлы мектептің ерекшелігі сонда, әр блокта оқушылар мен педагогтер үшін демалыс аймақтарын көруге болады. Мұнда жұмсақ жиһаздар, кітаптар, музыкалық аспаптармен үстел ойындары қойылған. &nbsp;Мектептер сонымен қатар заманауи бейнебақылау және мектепке кіріп-шыққандарды қадағалау жүйелерімен қамтамасыз етіледі.Жобаның негізгі міндеттерінің бірі - оқу процесінде жаңа технологиялар мен әдістемелерді меңгерген білікті педагогикалық кадрлармен қамтамасыз ету.Бұдан бөлек, елімізде 510 мың оқушы орнына &nbsp;арналған 422 мектеп салынып, рекордтық көрсеткішке қол жеткізілді. &nbsp;Бұл 32 апатты және 71 үшауысымды мектеп мәселесін шешіп, ел аумағындағы 200 мектепте оқушы орны тапшылығын жоюға мүмкіндік берді.Білім беру инфрақұрылымын қолдау қорының желісі бойынша 100 мыңға жуық оқушы орнына арналған 89 мектептің құрылысы қаржыландырылды.2024 жылы 80 мыңнан астам педагог біліктілікті арттырудың тегін курстарынан өтті.Оқушы орындарының тапшылығы, үшауысымды оқыту және апаттық мектептер мәселесін шешу, сондай-ақ қалалар мен ауылдар арасындағы білім беру инфрақұрылымы сапасының айырмашылығын азайту мақсатында елімізде мектеп құрылысын жүргізу және реновациялау бойынша бастамалар қарқынды іске асырылуда.2025 жылы 28 білім беру ұйымдарының құрылысы жалғасуда, ол қосымша 25 мың оқушы орнын құруға мүмкіндік береді.300 мың орындық 200-ге жуық мектептің құрылысы жүзеге асырылады.<blockquote>«Ауыл мектептерін зияткерлік, сондай-ақ қоғамдық орталық ретінде дамыту маңызды. «Мектебі бар ауылда тіршілік бар» деп бекер айтылмаған», - деді ҚР Президенті Қасым-Жомарт Тоқаев.</blockquote>Мемлекет басшысының тапсырмасы бойынша жыл сайын аудандық және ауылдық 1000 мектеп жаңғыртылуда.Бүгінгі таңда орта білім беру ұйымдарының 67%-ын (5236 мектеп) аудандық және ауылдық мектептер құрайды, оның ішінде 4 мың мектеп жаңғыртылды.Таяудағы үш жыл ішінде еліміздің барлық өңірінде 1231 мектепті реновациялау жоспарлануда, оның ішінде 820 мектеп ауылдық жерлерде орналасқан. Реновация мектептердің материалдық-техникалық базасын жақсартуға, инновациялық білім беру технологияларын енгізуге және педагогтердің біліктілігін арттыруға мүмкіндік береді.Бұл шаралар халықтың туған жерінен табан аударып, қалаға жаппай көшу мәселесін де шешеді.Еліміздің барлық өңірінде жаңа білім беру нысандарын салу арқылы қосымша жұмыс орындары құрылуда, бұл әлеуметтік, экономикалық жағдайды жақсартуға және жалпы құрылыс саласын дамытуға ықпал етеді. 2024 жылдан бастап жаңа салынған мектептерде 5000-ға жуық педагог жұмыспен қамтылды.Ұлттық жобаның тағы бір маңызды бағыттарының бірі - қазақстандық тауарлар мен қызметтерді өндірушілерді қолдау болып табылады.Жаңа мектептерге барлық жиһаздарды отандық кәсіпорындар жеткізеді. Бұл ұлттық экономиканы нығайтуға және қазақстандық өндірушілердің жаңа жұмыс орындарын құруына, елдегі экономикалық тұрақтылыққа, жергілікті өнеркәсіпті дамытуға ықпал етеді.Заманауи форматтағы мектептер барлық қазақстандық балалардың қолжетімді әрі жайлы, қауіпсіз ортада сапалы білім алуына жол ашады.Фото: gov.kz

«Жайлы мектеп» - сапалы білім беру мен оқушылардың саулығы үшін жаңа мүмкіндіктерге жол ашады

<a href="https://kyzylorda-news.kz/">Kyzylorda-news.kz</a> Қазақстанда бірінші сынып оқушылары қысқы демалыста қосымша 7 күн демалады. Бұл туралы <a href="https://stan.kz/kazakstandik-1-sinip-okushilari-kiski-demalista-kosimsh-413046/">Stan.kz</a> ақпарат агенттігі хабарлайды.Еліміздің мектептерінде 2025 жылғы 9 қаңтардан бастап 10 оқу аптасынан тұратын III тоқсан басталды.1-сыныпта білім алушыларға 2025 жылғы 10-16 ақпан аралығында қосымша демалыс беріледі.Еске салайық, бұған дейін 2025 жылы қазақстандықтарды Жаңа жыл мен Наурыз мерекелерінде ұзақ демалыс күтіп тұрғаны туралы жазған едік. Қаңтардың бірінші аптасында бес күннің тек біреуі ғана жұмыс күні болса, ал наурызда қатарынан бес күн демалыс беріледі.Фото: Нұрболат Нұржаубай

Бірінші сынып оқушылары қысқы демалыста қосымша жеті күн демалады

<a href="https://kyzylorda-news.kz/">Kyzylorda-news.kz</a>&nbsp;Павлодарда мұғалім тақтада есеп шығарып тұрған оқушыға бұранда тығып алған. Ол жұмыстан босатылды. Бұл туралы <a href="https://stan.kz/">Stan.kz</a> ақпарат агенттігі хабарлайды.Оқиға сыныптағы бейнебақылау камерасына түсіп қалған.Павлодардың білім бөлімі оқиғаның мән-жайын түсіндірді.<blockquote>"Тоғызыншы сыныпта алгебра сабағында математика пәнінің мұғалімі тақтада тұрған оқушының жанынан өтіп бара жатып, оны белгісіз затпен нұқып жіберген. Мұғалімнің бұл әрекеті бақылау камерасына түсіп қалған. Видеода мұғалімнің шкаф бұрандасын шығарып алып, бұранданы&nbsp;оқушыға тығып алғанын көруге болады", –&nbsp;деп түсіндірді Павлодар қалалық білім басқармасының басшысы Қуаныш Қыдралин.</blockquote>Оның айтуынша, медбике мектеп оқушысын тексерген, алайда бұранданың&nbsp;ізін таппаған.<blockquote>"Баланы жедел жәрдем бригадасы да тексеріп, ешқандай жарақат анықтай алмады. Ата-анасына облыстық балалар ауруханасына сіреспеге қарсы екпе жасату ұсынылды, бірақ ата-анасы жеке емханаға барамыз деп бас тартты. Мұғалім оқушының ата-анасынан кешірім сұрады", –&nbsp;деді Қыдралин.</blockquote>Оқушының&nbsp;туыстары мұғалім балаға&nbsp;ине шаншып алған&nbsp;деп есептейді.<blockquote>“Інім мектептен келген соң, мұғалім математика сабағында тақтаға шығарып, ол есеп шығарып жатқанда арқасынан ине&nbsp;тығып алғанын&nbsp;айтты. Осының бәрі&nbsp;камераға түсіп қалған", –&nbsp;деді мектеп оқушысының әпкесі.</blockquote>Білім басқармасының қазір полиция оқиғаның мән-жайын анықтап жатқанын айтты.Артынша мұғалімнің жұмыстан босатылғаны&nbsp;белгілі болды<blockquote>"Мектеп басшылығы оқушыға қатысты заңсыз әрекетке барған мұғаліммен еңбек шартын бұзды", –&nbsp;деп жазды мектеп директоры Гүлмира Ниязбекова желідегі парақшасында.</blockquote>Видеодан скрин

“Оқушыға бұранда тығып алған”: Павлодарлық мұғалім жұмыстан шығарылды

&nbsp;<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Жасанды интеллект институтында Сеул Ұлттық Ғылым және Технология университетінің студенттері тәжірбие алмасты.Студенттер жасанды интеллект саласындағы зерттеу жобаларына қатысып, өз тәжірибелерін ортаға салды. Екі университеттің білім алушылары ғылым мен білім саласында бірқатар тақырыптар бойынша жұмыс істеді. Сонымен қатар, заманауи ақпараттық технологиялар мен жасанды интеллекттің келешектегі даму бағыттарын талқылады.<blockquote>“Біз тек академиялық білім мен тәжірибе ғана алмасып қоймай, мәдениетаралық қарым-қатынасты нығайтуға мүмкіндік алдық. Қазақстандағы білім беру жүйесі мен ғылыми зерттеулердің қарқынды дамығанын байқадым. Қорқыт ата университетіндегі жасанды интеллект және робототехника саласындағы зерттеулер ерекше қызық болды. Себебі бұл бағыттар біздің университетімізде де кеңінен зерттелуде”, - деді Со Бо Гиль.</blockquote>Шетелдік студенттер Сыр елінің тарихи орындарына барып, қазақ елінің ұлттық құндылықтарымен жақыннан танысты. Сондай-ақ, жасанды интеллект институтының білім алушыларымен дәстүрлі корей мерекесі – Соллаль жаңа жылын атап өтті.Оқу орнының басты мақсаты – студенттер мен оқытушыларға жоғары сапалы білім беру ғана емес, сонымен қатар оларды әлемдік ғылым мен технологиялар саласында жетекші мамандармен тәжірибе алмасуға бағыттау.Алдағы уақытта да шетелдік оқу орындарымен ортақ жобалар мен зерттеулер жүргізіп, ғылыми ынтымақтастықты одан әрі кеңейту жоспарлануда.

Кореялық студенттер Қызылордада тәжірибе алмасты

Асқарбек Есжанов,  облыстық білім басқармасының басшысы: «Әрбір жетістік сындарлы жолдан өтіп барып келеді»

<a href="https://kyzylorda-news.kz/">Kyzylorda-news.kz</a>&nbsp; “Ауыл” партиясының бастамасымен Сыр өңірінде “Білімді ауыл” жобасы бастауын алды. &nbsp;Жобаның алғашқы қадамы облыстағы озық білім ордасы Mansap мектебі мен І.Қабылов атындағы №32 орта мектебі арасындағы екі жақты тәжірибе алмасумен басталды.Мәдениет ауылының ұстаздары облыс орталығына келіп, Mansap мектебінде “Сингапур” әдісі бойынша 1 күн &nbsp;жаңа методикамен танысты. Аталған методика бойынша &nbsp;халықаралық деңгейде ғылыми жоба жұмысын жазу, оны қалай сәтті қорғау бойынша жаңа мағлұматтарға қанықты.Сондай-ақ, “Халық ауыз әдебиеті”, “I spy at the beach”, “Шаршы және тіктөртбұрыш”, “Madison’s daily routine”, “ҰБТ-ға дайындаудағы тиімді стратегиялар” тақырыбында ашық сабақтар ұйымдастырылып, қатысушыларға UNESCO-ның сертификаттары табысталды.Айта кетейік, партияның ықпалымен басталған жоба Жалағаш ауданында жалғасын табатын болады.<img src="https://knadmin.beoblood.kz/uploads/yzylordada_Bilimdi_auyl_zhobasy_bastaldy_1_38ea2d5744.jpg" alt="Қызылордада “Білімді ауыл” жобасы басталды 1.jpg"><img src="https://knadmin.beoblood.kz/uploads/yzylordada_Bilimdi_auyl_zhobasy_bastaldy_2_c2a18c0cfe.jpg" alt="Қызылордада “Білімді ауыл” жобасы басталды 2.jpg">

Қызылордада “Білімді ауыл” жобасы басталды 

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Математика және қолданбалы механика кафедрасының ардагер ұстазы, теориялық механика саласының майталманы Меңдіғара Жолымбетов атындағы дәрісхананың ашылуы және «Теориялық механика» оқу құралының тұсаукесері өтті.Меңдіғара Бейсінәліұлы – белгілі ғалым, ұлағатты ұстаз, өз ісінің шебері. Ол 1945 жылы 22 қаңтарда Қызылорда облысының Қазалы станциясында дүниеге келген.1974 жылы С.М. Киров атындағы Қазақ мемлекеттік университетінің механика-математика факультетін «Механика» мамандығы бойынша бітіріп, еңбек жолын Қызылорда политехникумында «Теориялық механика» пәнінің оқытушысы ретінде бастады. 1976-2001 жылдары Қорқыт ата атындағы Қызылорда университетінде аға оқытушы қызметін атқарып, көптеген шәкірт тәрбиеледі.Меңдіғара Бейсінәліұлы – 30-дан астам ғылыми және әдістемелік мақаланың, «Теориялық механика» пәні бойынша екі оқу құралының және оннан аса оқу-әдістемелік құралдың авторы. Ғылыми жұмысы бойынша техника ғылымдарының докторы, профессор Е.Р. Рахимовтың жетекшілігімен білімін шыңдады.Салтанатты шараға зиялы қауым өкілдері, ғылыми кеңес мүшелері, оқытушы-профессорлар құрамы, ардагер ұстаздың әріптестері мен шәкірттері және отбасы мүшелері қатысты.Дәрісхананың лентасын ректордың міндетін атқарушы Майнура Бурибаева, Меңдіғара Жолымбетовтың жары Гүлзада Өтегенова және «Тұран-Астана» университетінің профессоры Орақ Әлиев қиды.Сонымен қатар, «Математика және қолданбалы механика» кафедрасының профессоры, техника ғылымдарының докторы Бақытжан Жанмұлдаев «Теориялық механика» оқу құралының тұсаукесерін өткізіп, мазмұны мен маңыздылығын атап өтті. Шара барысында Меңдіғара Жолымбетовтың ұлы Серік Жолымбетов «Қорқыт ата атындағы Алтын медалімен» марапатталды.<img src="https://knadmin.beoblood.kz/uploads/korkyt_2_9577c7701d.jpeg" alt="коркыт 2.jpeg"><img src="https://knadmin.beoblood.kz/uploads/korkyt_3_1211d7fded.jpeg" alt="коркыт 3.jpeg">

Қорқыт ата атындағы Қызылорда университетінде демеушілер есебінен жиырмасыншы жаңа дәрісхана ашылды

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасына сәйкес елімізде балалардың құқығын қорғау бойынша ауқымды заңнамалық және стратегиялық шаралар жүзеге асырылады. Ел тұрғындарының үштен бір бөлігін балалар құрайды. Атап айтқанда, Қазақстанда 6,8 млн. бала бар.<blockquote>«Елдегі әрбір баланың бақытты және қауіпсіз балалық шағы болуы тиіс», - Қасым-Жомарт Тоқаев, ҚР Президенті.</blockquote>Қабылданған үш заңдағы маңызды бастама – ата-анасының қамқорлығынсыз қалған балалардың өмірге бейімделуі үшін тәлімгерлер институтының құрылуы. Бүгінде 330-дан астам бала тәлімгерлермен қамтылып, қажетті көмек алуда.Балалардың құқығын қорғаудағы негізігі шаралардың бірі – балаларға қатысты құқықбұзушылық үшін жаза қатаңдатылып, кәмелетке толмағандарға жәбір көрсеткені үшін әкімшілік жауапкершілік енгізілді. Жасөспірімдердің қауіпсіздігін күшейту мақсатында балаларды қоғамдық көліктерден түсіріп кетуге тыйым салынды.2025 жылдан бастап мектептер мен колледждерде республикалық бірыңғай «111» байланыс орталығына жедел хабарласа алатын QR-кодтар енгізілді. Биылғы жылдың қаңтар айындағы мәлімет бойынша байланыс орталығына 17 400 бала жүгінген.Елдің әр өңірінде балалардың құқықтары жөніндегі арнайы уәкілдер жұмыс істейді. 2024 жылдан бастап қорғаншылық органдарында мамандарының саны 303-тен 692 адамға, яғни екі есеге артты. Қорғаншылық органдарының штаттық саны бойынша норматив бекітілді. Атап айтқанда, 5 мың балаға кемінде 1 маманнан бөлінді.Елімізде ата-анасының қамқорлығынсыз қалған және жетім 17 660 бала қазақстандық отбасыларда тәрбиеленуде. 2024 жылы 3 мыңнан астам бала жаңа отбасын тапты.2025 жылдан бастап отбасылық орналастырудың жаңа түрі – кәсіби қабылдаушы отбасылар енгізілмек. Бұл бастама қиын өмірлік жағдайға тап болған балаларға қамқорлық көрсетіп, оларға үй жағдайында қолайлы орта қалыптастыруға бағытталған.2024 жылдан бастап елімізде 627 балабақша ашылып, 93,1% бала мектепке дейінгі ұйыммен қамтылды. Соңғы 3 жылда балабақша кезегі 2 есеге қысқарған.«Жайлы мектеп» ұлттық жобасы мектептердегі орын тапшылығы мен үш ауысымды оқу мәселесін тиімді шешіп келеді. Жоба жүзеге асырылған уақыттан бастап 105 жайлы мектеп қолданысқа берілді.Сонымен қатар 2024 жылы 373 мың орынға арналған 257 мектеп қолданысқа берілді. Биыл 300 мың білім алушыға арналған 200-ге жуық мектептің құрылысы жүруде. Білім беру ұйымдарының қауіпсіздік шаралары күшейтілді. 20 мыңнан астам нысан бейнебақылау жүйесімен жабдықталып, Жедел басқару орталықтарына қосылған. Барлық ұйымдарда дабыл түймелері мен турникеттер орнатылып, лицензияланған күзетпен қамтамасыз етілді.Мемлекет өскелең ұрпақ үшін тең мүмкіндіктер қалыптастыруға басымдық беріп келеді. 2024-2025 оқу жылында мемлекеттік мектептерде оқитын 1,7 млн. бала тегін тамақпен қамтамасыз етілді. Бұл мақсатқа 162 млрд. теңге бөлінді.«Жалпыға міндетті білім беру» қорының есебінен қосымша 22,5 млрд. теңге бөлініп, 510 мың бала мектеп керек-жарақтарымен қамтылды.2025 жылдан бастап жекеменшік мектептерде оқитын әлеуметтік тұрмысы төмен отбасылардың балалары да тегін тамақпен қамтылады. Жергілікті бюджеттен 25 мың баланы тегін тамақтандыру үшін 12 млрд. теңгеден астам қаражат бөлінді.<blockquote>«Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар – біздің болашағымыз. Сондықтан еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды», - Қасым-Жомарт Тоқаев, ҚР Президенті.</blockquote>Қазақстанда балалардың қосымша білім алуы, сапалы демалыс және сауықтыру ұйымдарымен қамтылуы үшін барлық жағдай жасалуда. Бүгінде 3,3 млн. бала түрлі бағыттар бойынша үйірмелерге, секцияларға қатысады.2024 жылдың жаз мезгілінде 3,1 миллионнан астам бала 10 743 лагерьде сауықтыру демалысын өткізді.Білім беру ұйымдарында қауіпсіз орта қалыптастыру тек техникалық қауіпсіздік жүйелерімен қамтамасыз етумен ғана шектелмейді.Мемлекет балаларды зорлық-зомбылықтан қорғау, суицидтің алдын алу және олардың құқықтары мен саламаттығын қамтамасыз ету бойынша кешенді жоспар қабылдады. Жоспар балаларға қауіпсіз орта қалыптастыруға бағытталған іс-шаралар жиынтығын қамтиды. Оның аясында өңірлерде 20 психологиялық қолдау орталығы ашылып, 242 759 оқушы мен ата-аналарға көмек көрсетілді.Барлық білім беру мекемелерінде буллингпен күрес жүргізу мақсатында Kiva және ДОСБОЛLiKe бағдарламалары енгізілді. Бұл шаралар мектептерде достық пен өзара сыйластық қарым-қатынасын құруға септігін тигізеді. 2024 жылдың қыркүйегінен бастап балалардың жас ерекшеліктерін ескере отырып әзірленген жеке қауіпсіздік сабақтары енгізілді. 14,3 мыңнан астам білім беру қызметкері балалардың құқықтарын қорғау мәселелері бойынша оқытылды.Сондай-ақ мектеп пен отбасы арасында ынтымақтастық орнатуға, позитивті ата-ана мәдениетін қалыптастыруға бағытталған «Біртұтас тәрбие» бағдараламасы енгізілді.Балалардың қауіпсіздігі – болашаққа жасалған қамқорлық. Бүгін ертеңгі елдің іргетасын қалайтын ұрпақты қалыптастырудамыз. Балаларға қамқорлық көрсете отырып, қауіпсіз әрі гуманист, мықты қоғам құрамыз.Қазақстан балалардың жан-жақты дамуы және болашағының жарқын болуы үшін құқықтық базаны нығайтып, әлеуметтік қолдауды күшейте отырып, олардың қауіпсіздігін қамтамасыз етуді жалғастырады.Фото: ҚР Оқу-ағарту министрлігі

Балалардың игілігі – мемлекеттің басым міндеті

<a href="https://kyzylorda-news.kz/">Kyzylorda-news.kz</a> Биыл білім саласына бөлінген қаржы өткен жылмен салыстырғанда 16,9 пайызға артқан. Бұл өз кезегінде балалардың қауіпсіз әрі жайлы ортада білім алуына және педагогтардың кәсіби дамуына жеткілікті жағдай жасауға мүмкіндік береді. Бүгін өңірлік коммуникациялар қызметінің ақпарат алаңында облыстық білім басқармасының басшысы Асқарбек Есжанов салада атқарылған жұмыстарды қорытындылады.<blockquote>– Педагогтардың біліктілігін арттыру арқылы білім сапасы да жоғарылай түседі. Ал, заманауи талапқа сай білім беру үшін мұғалімдер үнемі өз білімдерін жетілдіріп ғана қоймай, жаңа әдістемелерді де меңгеруі қажет. Осыған байланысты өткен жылы мектепке дейінгі тәрбиелеу мен оқыту мамандығы бойынша 468 педагог қайта даярлау курсынан өтсе, 759 педагог біліктілігін арттырған. 2024 жыл білім беру саласы үшін жетістікке толы жыл болды. Атап айтсақ, әБілім беру инфрақұрылымын қолдау" қоры мен жергілікті бюджеттің және жеке инвесторлардың есебінен 17 білім беру ұйымының құрылысы жүргізілді. Оның ішінде Қызылорда қаласында дарынды балаларға арналған 400 орындық физика-математика бағытындағы мектеп-интернаты наурыз айында іске қосылады деп күтілуде. Одан бөлек, 2 қосымша білім беру ұйымы мен музыкалық колледж ғимаратының құрылысы да биыл тапсырылады. Ал, бүгінгі күні 960 орындық 6 мектеп, 4 мектепке қосымша ғимарат, 350 орындық Қызылорда қаласындағы Оқушылар сарайы мен Жаңақорған ауданындағы 200 орындық оқушылар үйі мен 50 орындық өнер мектебінің құрылысы аяқталды. Сонымен қатар, Арал ауданында қарасты Тоқабай ауылындағы №248, Шиелі ауданы Шиелі кентіндегі №252 және Жансейіт ауылындағы №133 апатты мектептердің мәселесі шешілді. Өздеріңіз білесіздер, "Жайлы мектеп" ұлттық жобасы бойынша 6 900 орындық 10 мектептің құрылысы жоспарланған еді. Қазіргі таңда Қызылорда қаласы Сырдария өзенінің сол жағалауындағы 900 орындық мектеп, КБИ мөлтек ауданындағы 600 орындық мектеп, Жаңақорған ауданы, Жаңарық елді мекенінде 300 орындық мектеп және Арал қаласындағы 300 орындық Жайлы мектеп іске қосылды. Енді санаулы күнде Жаңақорған кентіне қарасты Саяжай шағын ауданында 600 орындық мектеп пайдалануға беріледі. Сондай-ақ, бұл жылы тағы да 5 мектеп пайдалануға берілетін болады,- деді Асқарбек Темірбекұлы.</blockquote><img src="https://knadmin.beoblood.kz/uploads/Bilim_bas_armasy_02199e198f.jpg" alt="Білім басқармасы.jpg">Фото: Нұрболат Нұржаубай/Қызылорда облысының өңірлік коммуникациялар қызметі

Қазақстан және Қызылорда облысының жаңалықтары: Білім