Сырдарияда 8219 оқушы білім алады

<a href="https://kyzylorda-news.kz/">Kyzylorda-news.kz.</a>&nbsp;«Түнде – жұмыс, таңертең – сабақ». Бұл – студенттердің жиі айтатын сөзі. Елімізде студенттердің дипломын алмай жатып, жұмыс істеуіне не себеп? Ал сонда сабақты кім оқиды? Кім нағыз маман болып шығады? Осы тектес сұрақтар тақырыпқа арқау болды.Студенттің қосымша жұмыс істеуі – үйреншікті жайт. Бірақ бұған тосқауыл қоятын сәт жеткен сыңайлы.Елімізде жоғары оқу орнында оқитын студенттер орташа есеппен 31 мың теңге шәкіртақы алады. Бұл ақша бүгінгі күні студенттердің шайлығына да жетпейтіні айдан анық. Сол себепті жұмыс істеп, қосымша ақша табады. Қазақстандағы шәкіртақы студенттердің сабаққа көңіл бөлмей, жаппай жұмыс істеуіне мәжбүрлейді. Алайда жұмыс істейтін студенттерге қатысты әлдебір статистикалық деректер немесе сараптама табу мүмкін емес.Кейіпкеріміз Айнұр Ақмағанбет Қазақ Ұлттық Аграрлық университеті «Ветеринария» факультетінің 1 курс магистранты. Мемлекеттік грантта оқиды. Алатын шәкіртақысы – 86 937 теңге. Бірақ қосымша жұмыс істейді. Яғни, ол аталған университеттің «Микробиология, вирусология және иммунология» кафедрасында 0,5 бірлігінде зертханашы. Алатын табысы – 51 мың. Сонда жалпы есеппен айына – 137 937 мың теңге алады. Қарап отырсақ, оның айына алатын қаржысы еліміздегі ең төменгі жалақыдан да жоғары.&nbsp;<blockquote>«Мемлекеттік грантта оқысам да, қосымша жұмыс істесем де, жүріп-тұруыма ақша жетпейді. Оны жасырып қайтемін. Ата-анама салмақ салуға ұяламын. Оның үстіне, тек мен ғана емес, курстастарымның бәрі де қосымша жұмыс істейді. Олардың көбі жұмысты сайттан және көше бойына жапсырылған хабарландырулардан табады. Өзіңіз де білесіз, Алматыда өмір сүру оңай емес. Жүріп-тұрғаныңның бәрі – ақша», – дейді ол.</blockquote>Бүгінде сабақтан қолдары қалт етсе жұмыс істеп, жоғын бүтіндеп жүрген студенттер көп. Бірінің шәкіртақысы киіміне, не тамағына жетпесе, ақылы бөлімде оқитындардың жай-күйі тіптен қиын. Солардың бірі – Әдемі Сұлтан. Шымкент қаласындағы медициналық колледждердің бірінде 1 курс оқиды.<blockquote>«Егер грантта оқысам жұмыс істемейтін едім. Ақша жетпегендіктен, амалсыз даяшы, одан бөлек сатушы болып жұмысқа орналастым. Күніне 3000 теңгеге жуық ақша аламын. Бұрын жатақханада тұрдым. Бірақ ол жұмыс істеуіме кедергі болғандықтан, жалдамалы пәтерге көштім. Ата-анам қарсылық танытпады емес, танытты. Бірақ қыз баласы болғандықтан керек-жарағың көп болады. Бір сөзбен айтқанда, таңертең – сабақ, түнде – жұмыс. Ал басқа жұмыс табу қиын. Сондықтан амалын тауып жүрмін. Негізі, ақылы бөлімде оқитын студенттердің көбі жұмыс істейді», – дейді Әдемі.</blockquote>Жоғарыда айтылған пікірлерге қарап, студенттердің бар тапқан-таянғандары алдындағы асынан артылмайтындығын байқайсыз. Бірінші орынға материалдық жағдайды қойып отырғанына қарап, жаның ашиды. Әрине, жастарды да түсінуге болады. Оларда ортасына, жан-жағына қарап сәнді киініп, түрлі сауық кештеріне барғысы келеді.Ата-аналарының «бір айға» деп салған ақшасын бір күнде жаратып тастап, жол бойы кафелер мен мейрамханаларды жағалап жүрген жастар. Сондағы іздегендері: даяшы, ыдыс жуушы, еден жуушы т.б. сынды қара жұмыстар. Шындығында, студент атану – қиынның қиыны. Нарық заманында студент түгiлi, жұмыс iстеп, жалақы алып жүрген адамның өзi әрең күн көруде. Осыдан барып бiлiм аламын деп жоғары оқу орнына түскен жас, жан сақтап қалу үшiн сабақтан тыс уақыттарда жалданып жұмыс iстеуге мәжбүр. Түнiмен жұмыс атқарған студенттiң ұйқысы қанбастан әрең дегенде сабаққа барып, онда ұйқылы-ояу отырады. Содан үлгерiмi нашарлап, студенттiң оқуға деген ықыласы жоғала бастайды.Шамамен 70 процентке жуық студенттер оқудан тыс қосымша табыс табуды жөн көреді. Оқуды ысырып тастап, ақша көздеген жастардың бұл әрекеті түсінуге тұрарлық. Көбісі жұмысқа мұқтаждықтан тұрады. Елімізде бағалар күннен күнге өсуде, теңге құнсыздануда, ал бұл жағдай студенттерді қол қусырып отырғыза алмасы анық. Ақылы оқитындар туралы сөз қозғау да қиын. Әке-шешеге салмақ салмай, өз күнін өзі көріп жүрген баланың да ержүректігі осында жатыр. Таяқтың екі ұшы болатыны секілді, бұл мәселенің келесі жағы – студенттің негізгі міндеті білім алу екенін естен шығаруы. Ал оқуды кім оқиды? «Жұмыс» деп жүріп, студент ретіндегі басты миссияң – білім алу екенін ұмытпа.

Жағдайың қалай студент?

<a href="https://kyzylorda-news.kz/">Kyzylorda-news.kz.</a> Жосалы кенті Елеу Көшербаев көшесінің бойында орналасқан №3 «Ертөстік» бөбекжай-бақшасының ғимараты алыстан көз тартады. Ғимараттың алдыңғы қапталына тақта отырған хан, аттың үстіндегі жауынгер, ұлттық киім киген балалар суреті салынып, қазақтың ою-өрнегімен безендірілген. Қолында желбіреген көк туы бар ұл мен қыздың бейнесі патриоттық сезімді оятары хақ. Балақайлар мекенінің табалдырығынан аттағаннан-ақ ерекше жайлылық сезімге еніп, балаға деген мейірім мен махаббаттың арта түскенін қалай жасырайық. Бірдей формада киініп, ілтипатпен сәлемдескен қызметкерлерге қарап баланың бабын тапқан, білімнің шамын жаққандар осындай-ақ болсын дейсіз.Балабақша жайлы әңгіме бастамас бұрын аталған алтын ұяның меңгерушісі Айткүл Әбжалиқызының еңбегіне тоқталып кеткен дұрыс болар. Ұзақ жылдан бері өлшеусіз еңбек етіп, талай маманға тәлімгер болған жанды қармақшылықтарға таныстырудың қажеті аз. Оған осы елдің еңкейген қариясы батасын берсе, еңбектеген баласы құшағын жая жүгіреді.Қоғамға қай кезде де қолынан іс келетін, алысты болжайтын, сөзі мен ісі қабысып жататын басшылар керек. Ел игілігіне бағытталар кез келген шаруаның ұйытқысы болу, ұжымдағы мамандардың білек сыбана, бірлесе, жұмыла іс атқаруы да осындай басшыларға байланысты. Сонда ғана ұжымның ісі берекелі болмақ. Бөбекжайдың әр мүшесінің қабілет-қарымын тамыршыдай дөп басып, бағамдай білу ортақ істің оңғарылуына себепші. Шеберлік деңгейіне жету жолында балабақша басшысы қаншама тер төкті. Айткүл Әбжалиқызы Амандық, Сайлаукүл, Шолпан есімді көргені көп, түйгені мол апайлардың жанынан бір елі қалмай, қызметтің қыр-сырын меңгерген. Ол 2006 жылдан бастап осы балабақшаға меңгерушілік етіп келеді.– Аудандағы барлық балабақшамен тығыз қарым қатынаста тәжірибе алмасып, бір-бірімізге көмектесіп жүретінбіз. Сол кездері білім бөліміне басшылық еткен Дастан Нәзікбаев нағыз шығармашыл жан. Рухани дүниеге баса назар аударды. Маманға жұмысқа деген жігер сыйлайтын. Патриот болуға баулитын. Рухани күш беретін түрлі шаралар өтті, – дейді өткенге шегініс жасаған ол.&nbsp;Балабақша тарихына көз жүгіртер болсақ, 1998 жылдың 1-наурызда 75 орындық, 3 топ болып ашылған. Кейін 2017 жылы жобалық қуаттылығы 90 орындық 5 топ болып типтік үлгіде, екі қабаттық &nbsp;жаңа ғимаратқа көшіріледі. Қазіргі таңда бөбекжай-бақшада 16 – педагог, 26-техникалық қызметкер жұмыс жасайды. Педагогтардың – 12-сі жоғары білімді, 4-і арнаулы орта білімді. &nbsp;Педагог &nbsp;сарапшы – 1, педагог модератор – 8, ІІ санат бойынша – 2 педагог. &nbsp; Балбақшада &nbsp;«Күншуақ» мектепалды тобы, «Ақкөгершін» ересек тобы, «Қызғалдақ» және «Балапан» ортаңғы топтары және «Балбөбек» кіші тобымен 5 топ жұмыс жасайды. &nbsp;«Күншуақ» тобында –20 бала, «Ақкөгершін» ересек тобында -20 бала, «Қызғалдақ» ортаңғы тобында 20 бала, «Балапан» ортаңғы тобында – 15 бала, «Балбөбек» кіші тобында – 15 бала, барлығы 90 бала &nbsp;тәрбиеленуде. Сондай – ақ &nbsp;топтарда Күншуақ тобында «Абай оқулары», &nbsp;Ақкөгершін тобында – «Жас суретшілер», Қызғалдақ және Балапан топтарында – «Ертегілер елінде» үйірмелері жүргізіледі. Балаларға тәрбие мен білім беруде әдіскер-психолог,10 тәрбиеші, музыка жетекшісі, хореограф, логопед, дене тәрбие нұсқаушысы мамандар қызмет етеді. Балабақша балалардың &nbsp;тәрбие білім алып, өздерінің шығармашылық мүмкіндіктерін іске асыруға, белсенді дамуына жағдай &nbsp;туғызатын орта. Балаларға тәрбие мен білім беруде жаңа технологияларды, заманауи әдістерді енгізу, оларды тиімді қолдану, педагогтың күнделікті шығармашылық ізденімпаз жұмысы. Бөбекжай-бақшада «Үздік-педагог» педагогтардың білімін, ізденісін, шығармашылығын дамыту мақсатында жыл сайын балабақша ішілік байқау өткізіліп отырады.Қызылорда облыстық оқу орталығының ұйымдастыруымен 28 сәуір 2023 жылы оқу орталығының базасында &nbsp; №3 «Ертөстік» бөбекжай-бақшасында «Күннің екінші жартысында балалармен жүргізілетін инновациялық жұмыс түрлері» тақырыбында облыстық семинар өткізіліп, облыстық мектепке дейінгі мекемелер арасында Қармақшы ауданындағы № 3 «Ертөстік» бөбекжай- бақшасының іс – т әжірибесін насихаттау мақсатында әдістемелік вебинарды оқу орлығының орынбасары Гұлнар Батырбекқызы ашып, вебинардың мақсат- міндетін айтты. Бағдарламаға сәйкес бөбекжай- бақша меңгерушісі Әбжалиқызы Айткүл «Шығармашылық ізденістерге бағытталған нәтиже» тақырыбында дайындалған бейне президентациясын таныстырды. Бөбекжай-бақша тәрбиешілері Ұшыға Рахатова, Айгүл Корбаева, Нұргүл Ұзақбаева, Ақмарал Тоқтарова, Ботагөз Сыздықова күннің екінші жартысында жүргізілетін инновациялық жұмыс түрлерімен таныстырады. Музыкант Нұризат Жалғасбаеваның жасақтаған ансамблі кішкентайларды ұлттық аспаптарды тануға машықтандырса, хореограф Айгерім Жанғабылова би өнеріне баулып келеді. Ал логопед Айгерім Үсенбаева болса бөбектердің дұрыс сөйлеуіне ден қояды.&nbsp;Бөбекжай педагогтары ата-аналармен бірігіп, бүлдіршіндерді Қорқыт ата кешеніне, этнопаркке, музей, жыраулар үйі, балалар кітапханасы, саябақтарға, өрт сөндіру бөлімі, шаштараз, мектеп сынды әсем жерлерге саяхат жасайды.– Жаңа ғимаратта бар жағдай жасалған. Балалар бұрын ескі әрі тар ғимарат болған соң жазылып ойнай алмайтын. Қазір әр топта оқу зал, жайлы да жарық жатын бөлме, жуынатын орын, ыдыс-аяқ жуатын бөлме бар. Тағамның сапасына назар ерекше қойылады. Мұнда тағам тек сиыр еті, қолдан кесілген кеспелермен да-йындалады. Самса, бәліш, тоқаш сатып алынбайды. Асханадан шыққан дәмді астың иісі танауды жарады. Барлық құрал-сайманы соңғы технологиямен. Компот, шырындар жасайтын, пирог пен кекс пісіретін пеш, блендрге дейін бар. Балалардан «мың алғыс» алып жүрген аспазшы апайлар ерекше дәмді тағамдармен балаларды қуанта бермек, – дейді әдіскер Нұргүл Ұзақбаева.Дәрігер бөлмесі де талапқа сай. Дәрі-дәрмек сақтайтын және ауырған балаға ем-дом жүргізетін арнайы бөлме бар. Бала ауырғанда көрсетілетін алғашқы көмек, қажетті дәрі-дәрмек толық қамтылған. Медбике Гүлзира Рысбаева тәжірибелі маман. 10 күндік ас мәзірін жасап, бала денсаулығы мен тазалығына жете мән береді. Атап айтарлығы, соңғы бес жылда байқаусызда құлап, жарақаттанған, түрлі жұқпалы аурумен ауырғаны тіркелмеген. Бұл медбикенің тиянақтылығы мен тәрбиешінің қырағылығының арқасы.Ерекше білім беруді қажет ететін бүлдіршіндерді қолдау мақсатында &nbsp;бөбекжай-бақша қызметкерлері мен бүлдіршіндері «Аңсаған» ерекше балаларды қолдау орталығымен бірлесіп, шығармашылық іс-шаралар өткізеді.Жас мамандарды, жас ата- аналарды, сүйемелдеу, іс-шараларға белсене араласуға тарту мақсатында Жастар ресурстық»орталығымен кездесулер мен жиын өткізіліп отырады.Бөбекжай-бақшада үлкенге құрмет, кішіге ізет көрсету мақсатында жыл сайын ардагер ұстаздарға сый-құрмет &nbsp;көрсету дәстүрге айналған. Сондай-ақ туған жер, атамекен деген сөз құлаққа жылы естіліп қуаныш ұялатады, әр бала жер ананың туып өскен жерінің перзенті. Осы орайда бүлдіршіндердің Отанға деген сүйіспеншілігін ояту, қамқор болу, санасына сіңіруді қалыптастыру үшін «Туған өлкеге саяхат» жасалады. Балалардың шығармашылық дағдыларын қалыптастыру мақсатында ән және би үйірмелері жүргізіледі және республикалық, облыстық, аудандық &nbsp;«Үркер», «Бозторғай», «Патриоттық әндер» тағы басқа түрлі шығармашылық байқауларда бүлдіршіндер өнер көрсетіп, телевидение, баспасөздерде жарияланып, марапатталады.Балалардың шығармашылығын шыңтау мақсатында аудандық мәдениет үйінде «Жаса, жайна Қазақстаным» атты шығармашылық кеш өткізіліп отырады. Қазақ халқының ұлттық құндылықтарын бойына сіңіру, дәріптеп «Асық ату»үйірмесі өткізіледі. Ертегінің бала өмірінде атқаратын қызметі кең. Ол әрі тәрбиелік, әрі көркем, эстикалық әдеби қазына. Ертегінің барлық жанрлық ерекшелігі осы екі сипатынан көрінеді. Бөбекжай-бақшада «Ертегі әлемінде» түрлі театрландырылған үйірмесі жұмыс істейді.&nbsp;Бақшада «Игілік» қамқоршылық кеңесі құрылған. Балаларды балабақшаға тарту мақсатында ата-аналарға консультациялық пункт бар. Олар апта сайын бақшаға келіп балалармен түрлі іс- әрекеттерге, сайыстарға, ертеңгіліктерге қатысады. Психолог кабинетінде психологпен түрлі тренингтер жүргізеді. Бақшада жыл сайын «Жылы жүрек» акциясын ұйымдастырып, әлеуметтік жағдайы төмен отбасыларға демеушілік жасап, қайырымдылық көрсетіледі.&nbsp;Әр үйдің үміті болған кішкентай қоғам иелерін жан- жақты ақыл, парасаты мол, ұқыпты, ұстамды, мейірімді, сыпайы, білімді, мәдениетті, өнегелі етіп тәрбиелеу осы балабақшадан бастау алады. Өйткені бала тәрбиесі бір сәттіде қалт &nbsp;жіберуге болмайтын ұлы да, игі іс. Ал осы орайда «Ертөстік» балабақшасы ұжымының ауызбіршілігі, ұйымдастыру қабілетінің шеберлігі байқалады.&nbsp;Балаға бір күн ғана түсіндіріп, ертеңіне нәтиже сұрау артық. Күн сайын үйретіп, айтып, көрсетіп отырғанда ғана дағды қалыптасады. Басшы да тәрбиешілер мен ұжым қызметкерлеріне ішкі ере¬же мен тәртіпті жиі айтып отырудан жалықпайды.

Қармақшыдағы бүлдіршінге шаттық сыйлаған бөбекжайға - 25 жыл

<a href="https://kyzylorda-news.kz/">Kyzylorda-news.kz.</a> Бірлік күні мерекесіне орай Ұлы Отан соғысының батыры Үрмәш Түктібаев атындағы ауылда бәйге ұйымдастырылды. Айтулы шараның өтуіне ауылдағы «Орынбет ишан» мешітінің имамы Ғабдулла Ізәттің қосқан үлесі айрықша.Бұған дейін аудандық, облыстық деңгейде діни дәстүрге негізделген түрлі мәдени-танымдық, ұлттық спорттық ойындарды сонымен қатар айтыс, жыраулар сайысын ұйымдастырып, батыр ауылында ауқымды шараларды өткізіп, елдікпен бірлікті танытуда халықтың ықыласына бөленген Ғабдулла қажы Иниятуллаұлы биыл батыр ауылында Ұлттық ат бәйгесін өткізуді қолға алды. Ол осы шара арқылы өмірден озған анасына деген ыстық ықыласын, сағынышын көрсетті. Ардақты ана, аяулы ұстаз атанған Жібек Әлиқызын еске ала отырып, есімін ел жадында, ұрпақтар санасында сақтауды жөн көрген ұлдың бұл ісі көпке үлгі, кейінгіге өнеге болды.Жібек Әлиқызы 1951 жылы Ү.Түктібаев ауылында дүниеге келген. Ауылдағы білім ошағында 40 жыл ұстаздық етіп, еңбек жолын ағартушылыққа арнаған, білім саласының дамуы жолында өзіндік қолтаңбасын қалдырған ұлағатты ұстаз. Талай шәкіртті білім нәрімен сусындатып, үлкен өмірге қанат қақтырды. Оның оқушылары еліміздің түкпір-түкпірінде еңбек етіп жүр. Жүректерге жылылық ұялатып, алдына келген баланың бәрін бірдей көріп, талабын ұштауға атсалысқан ұстаздың еңбегін замандастары мен көзкөргендер әлі күнге ризашылықпен еске алады.Ұстаз-ананы ұлықтау мақсатында өткізілген айтулы шара жоғары деңгейде өтіп, мереке күні халыққа керемет көңіл-күй сыйлады. Бір-бірімен мәре-сәре ағайын, ауылдастар мен қонақтар емен-жарқын шүйіркелесіп, бір марқайып қалды.Бәйге десе қашанда делебесі қозып тұратын халық емеспіз бе?! Бұл күні «Қасқа төбе» баурайына жиналғандардың қарасы қалың болды. Жүйріктердің жарысы басталмас бұрын ауыл әкімі Олжас Кенжебайұлы халықты бірлік мерекесімен құттықтап, шабантоздарға сәттілік тіледі.Күні кеше ауданымыздың бас имамы болып тағайындалған Нұрдәулет Набиев, алғашқы қадамын батыр ауылындағы шарадан бастап жатқандығын тілге тиек етіп, рухани шараның маңыздылығын айтып өтті. Елге келген арнайы қонаққа Ғабдулла қажы отбасы атынан дәстүрге сай шапан кигізді. Ауыл ақсақалы Бүркітбай Бөрмаханов жиылған халыққа бата беріп, өнегелі істің жалғаушысы болған Ғабдулла Ізәтке тұрғындар атынан алғысын білдірді.Бұдан соң көптің күткен бәйгесі басталып кетті. Әп-сәтте ала шаңға айналған айналада жанкүйерлер дауысы жан-жақтан жамырай шығып, додаға қосқан дүлділдердің дүбірі естілді. Қазақы тай бәйгесінде Бекарыстан би, Майдакөл және Түктібаев ауылдарынан 15 тай жарыс жолына түсті. Алдына қара салмаған Әділбек Бейбарыс бірінші болып, мәре сызығын кесті. Ербол Жеткербаев екінші, Кенжебек Дәстен үшінші болып жеңіс тұғырына жетті. Үздік үштіктен көрінгендерге 30, 20, 15 мың теңгелік сертификаттар сыйланды. Аралас тай бәйгесінің 30 000 сертификатын майдакөлдік Дархан Аяғанов алды. Екінші орынның 20 000 жүлдесі Қызылбай Бердіжар олжалады. Үшінші орынға тігілген 15 000 теңге бекарыстанбилік Дәукен Ахметовтің «Көзмоншақ» атты тайына бұйырды.Бұған дейін бәйгеге бапталған арғымақ тайлар жарыс жолына түсіп, шабыстары жиылған көпшілікті сүйсіндірді. Тұрпаты келіскен шөмішкөлдік Олжас Әнәпияевтың «Қара қыз» атты арғымағы мәре сызығын бірінші қиып, 50 000 теңгелік сертификатқа ие болды. Ізәт Ғабдулланың атынан қосылған «Жебесі» жебедей есіп, екінші орынның 40 000 теңге қаржысын қоржынға салды. 30 000 теңгелік сый-сияпат Лақалы ауылыннан ат қосқан Батыр Жолдасбаевқа бұйырды. Сонымен қатар айта кету керек жайт тай бәйгелерінде 4,5,6 болып келген тайлар үшінде Ғабдулла қажы арнайы жүлделер табыстап жомарттығын көрсетті.Шара соңы жергілікті жерлерде аталатын «Өгіз өлді» бәйгесі ұйымдастырылды. Мініс аттарынан құралған бұл бәйгенің жүлделерін Сүйінішбай Сариев, з Ахан Қожания және Болатбек Боздақовтар өзара бөлісті.Жарыс бітіп, көптің көңілі бірленді. Көрерменнің қошеметіне бөлеген жүлдегерлер мен бәйгеде бақ сынағандар осындай дода үнемі ұйымдастырылып тұрса деген тілегін жеткізді. Барша жұрт «Орынбет ишан» мешітіне жиналып, ұлағатты ұстаз, білім саласының құрметті ардагері Жібек Әлиқызын еске алуға арналған астан дәм татып, рухына құран бағыштады.Ауыл жастары атынан «Жастар жанашыры» бағамын иеленген Ғабдулла қажының қай істе де білек түре кірісіп кететін кеңдігіне көпшілік бүгінгі шарада тағы бір мәрте куә болды.

Қазалыда ұлағатты ұстаз ұлықталды

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрі Ғани Бейсембаев Сыр өңіріне жұмыс сапарымен келді. Еліміздің Оқу-ағарту министрлігі мен облыс әкімдігі бірлесіп білім саласын жетілдірудің жол картасын әзірледі. Жеті жылдық бағдарламада аймақтың ағарту саласындағы өзекті мәселелер толық шешімін табатын болады. Соның алғашқы қадамы ауыл мектептеріне автобус табыстаудан басталды.Облыста шалғайдағы 20-дан аса ауылда балалар білім алу үшін жақын елдімекендердегі мектепке қатынап оқиды. Бұрын оқушыларды тасымалдау үлкен қиындық туғызса, енді міне арнайы 30 автобус алынып, мәселе оң шешімін тапты. Бұл балаларды мектепке және үйлеріне қауіпсіз тасымалдауды қамтамасыз етуге үлкен мүмкіндік береді. Бүгінде жаңа 30 автобустың жартысы қалаға жеткізілген. Қалған автобустар алдыңғы айда толық жеткізілгеннен кейін мектептерге пайдалануға берілетін болады. Айта кетейік, бұл тасымалдаушы көліктер 20 және 40 орынға шақталған. Мектеп автобустарының техникалық сипаттамалары барлық талаптарға сәйкес келеді. Қауіпсіздік белдіктері, апаттық шығу жол, жылдамдық шектегіштер мен сәйкестендіру белгілері бар және автобуста бала қалған жағдайда белгі беретін жүйемен қамтылған. Жалпы бұл аймақтың білім саласына жасалып жатқан игі жобалардың бастамасы ғана. Жергілікті билік алдағы уақытта заманауи балабақша мен мектептердің құрылысына айрықша басымдық бермек.– Біздің өңірде 21 жайлы мектептің құрылысы салынады. Оның жақын күндері 10-ының құрылысы басталады. Оның сегізі осы облыс орталығы Қызылорда қаласында, 13-і аудандарда салынатын болады, – деді аймақ басшысы Нұрлыбек Нәлібаев. Жаңа автобустың 1-еуі кентіміздегі Ү.Томанов атындағы №183 орта мектепке берілсе, екіншісі Төретам кентіндегі №269 мектепке берілді.&nbsp;Сондай-ақ, сапар барысында Оқу-ағарту министрі Ғани Бектайұлы ауданымыздағы №277 мектеп-лицейінде болып, Байқоңыр қаласындағы ұстаздар қауымымен кездесті.

Қармақшы: Ауыл мектептеріне автобус берілді

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаевтың Сыр өңіріне жұмыс сапары облыс орталығында қорытындыланды. Білім беру ұйымдарының жұмысымен танысып, саланың өзекті мәселелерін саралаған министр мен облыс әкімі Нұрлыбек Нәлібаев бүгін 2023-2029 жылдарға арналған Қызылорда облысының білім беру жүйесін дамытудың өңірлік Жол картасына қол қойды.Жиында аймақ басшысы Ғани Бектайұлының жұмыс сапары білім саласына оң серпін беретініне, министрліктің қолдауымен маңызды мәселелердің шешім табатынына сенім білдірді.<blockquote>«Соңғы жылдары Мемлекет басшысы Қасым-Жомарт Кемелұлының бастамасымен еліміздің білім саласында ауқымды реформалар жүзеге асырылды. Білім сапасын арттыруда, педагогтарды әлеуметтік қолдауда тың бастамалар қолға алынды. Бұл саланың сапа тұрғысынан өркендеуіне жасалған ерекше қамқорлық деп білеміз. Білім - күнделікті жүйелі жұмысты талап ететін күрделі әрі ауқымды сала. Оның маңызды құрамы – қаражат мәселесі. Биыл білім саласына бөлінген қаржы 262 млрд. теңгеге жетіп, облыс бюджетінің 44,2 пайызын құрады. Бұл көрсеткіш былтырғы жылмен салыстырғанда 17%-ға артқан. Тиісінше, біз алдағы жылдары салаға бағытталған қаржы көлемін арттыра береміз. Білімге жұмсалған қаржы - болашаққа салынған инвестиция. Балаларымыздың болашағы бәрінен де маңызды, ол үшін барлық қажетті шараларды қабылдау - біздің басты міндетіміз», - деді облыс әкімі.</blockquote>Айта кетейік, өңірлік Жол картасы білім беру процесінің 8 бағыты бойынша жасақталған 107 іс-шараны қамтиды. Бұл құжат бойынша алдағы 7 жылда жергілікті, республикалық және инвесторлар қаржысы есебінен проблемалық мәселелер өз шешімін таппақ. Атап айтқанда, мектепке дейінгі білім беретін 12 ұйымға күрделі, 160 нысанға ағымдағы жөндеу жүргізіледі. Жоғары оқу орындары базасында мектепке дейінгі білім беру ұйымдары педагогтарын қайта даярлау, біліктілігін арттыру қолға алынады. 80 балабақша компьютерлік техника мен интерактивті панельдермен, 40 балабақша ойын алаңдарымен жарақталып, шағын сәулет нысандары жаңартылады. Үш ауысыммен білім беру, орын тапшылығы мәселелері шешіліп, «Жайлы мектеп» ұлттық жобасы шеңберінде 15 100 орындық 21 мектеп құрылысы жүргізіледі. Сонымен бірге, «Білім беру инфрақұрылымын дамыту» қоры есебінен жаңадан 10 мектеп салынады.Еске салсақ, Үкімет басшысының Сыр еліне сапары кезінде 300 орындық жатақханасы бар 400 орынға лайықталған физика-математика бағытындағы мектеп-интернат салу жобасы қолдау тауып, құрылысы басталуда. Білім ошақтарына 447 робототехника, химия, биология физика, математика, STEAM пәндік кабинеттері сатып алынып, әдістемелік көмек көрсету үшін «Назарбаев зияткерлік мектептері» АҚ-мен бірлесіп «Жетекші мектептер» жобасы іске асырылады.Қызылорда қаласында ерекше мүмкіндіктері бар балалар үшін 1 психологиялық– медициналық - педагогикалық консультация, 14 инклюзивті білім беру кабинеті ашылады. Ең бастысы, 2023 жылдан бастап бастауыш сынып оқушыларын түгелдей тегін ыстық тамақпен қамтамасыз ету өз шешімін тапты. Бұл алдағы жылдары да жалғасады.<img src="https://knadmin.beoblood.kz/uploads/343449458_212941044782632_5762453707908501496_n_51c66c646b.jpg" alt="343449458_212941044782632_5762453707908501496_n.jpg"><img src="https://knadmin.beoblood.kz/uploads/343492368_929611281688699_1173220803082494012_n_359f863eef.jpg" alt="343492368_929611281688699_1173220803082494012_n.jpg">

Қызылорда: Білім беру жөніндегі өңірлік жол картасына қол қойылды

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаевтың Сыр өңіріне жұмыс сапары облыс орталығында қорытындыланды. Ведомство басшысы Қызылорда қаласындағы бірқатар білім беру ұйымының жұмысымен танысып, облыс әкімі Нұрлыбек Нәлібаевпен бірге оқушыларды тасымалдайтын 19 автобусты табыстады.Алдымен министр «Бегім Ана» бөбекжай-бақшасына барды. 280 орындық балабақшада 76 қызметкер, оның ішінде 36 педагог жұмыс істейді. Мұнда бүлдіршіндердің жан-жақты дамуына арналған «Мобилді кітапхана», «STEAM» дамытушы орталығы, "KIDS City" балалар ойын қалашығы, «Ұлттық ойындар алаңы» дамытушы орталықтары бар. Ведомство басшысы кабинеттерді аралап, күні бойы бір топта екі тәрбиеші болатын "Айгөлек" пилоттық жобасымен танысты.Әрі қарай Ғани Бейсембаев Б. Момынбаев атындағы №278 IT мектеп-лицейіне барды. Мектепте оқушылар білім алғаннан бөлек, «Hitech» шеберханасы» сандық бағдарламасымен басқарылатын термопресте, төсбелгі дайындайтын білдекте, 3D станоктарда түрлі операция жасайды. Осылайша өзін заман талабына сай дамыта алады.Мұнан әрі мектеп ауласында оқушыларға арналған автобустарды табыстау рәсімі өтті. Салтанатты іс-шараға ардагерлер мен білім саласының қызметкерлері қатысты.Аймақ басшысы жаңа көлік алған мектеп ұжымдарын құттықтады.<blockquote>«Мемлекет басшысы Қасым-Жомарт Кемелұлының «Орта білімнің сапасы – табысты ұлт болудың маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс» деген тапсырмасы саланы дамыту бағытына батыл қадам қосты. Президент қолдауымен соңғы жылдары еліміздің білім саласында ауқымды реформалар бастау алды. Педагог мәртебесін көтеруде көп жұмыс атқарылды. Оның ішінде, Сыр өңірінің білім саласында ауқымды жобалар жүзеге асуда. Біз адами капиталды дамыту және білім саласын жетілдіру мемлекеттің негізгі міндеттерінің бірі екенін әрдайым айтып жүрміз. Бүгін, міне, көптен күткен ақжолтай жаңалық - Президенттің балаларды тасымалдауды ұйымдастыру тапсырмасына сәйкес, облысқа бөлінген жаңа үлгідегі автобустарды тапсырудамыз. Көп жылдан бері өзекті болған тасымал мәселесі Мемлекет басшысының, Үкіметтің пәрменімен оң шешімін тапты. Бұл — көптен күткен қуаныш», - деді облыс әкімі.</blockquote>Айта кетейік, бұған дейін өңірдегі 7 ауданда, мектебі жоқ 21 елді мекенде оқушыларды мектепке қауіпсіз тасымалдау өзекті болатын. Осыған орай мектептерді автобустармен жарақтандыру жөніндегі Жол картасы жасалып, 30 жаңа автобус алынды. Сыйымдылығы 20 және 40 орынға шақталған бұл автобустардың техникалық сипаттамасы заманауи талаптарға сай, көлікте қауіпсіздік талаптары толықтай ескерілген.Сапар соңында ҚР Оқу-ағарту министрі Т. Есетов атындағы №264 мектеп-лицейінің обсерватория, киностудия, BIOMASTER, BIOFLOWERS, STEM лаборатория кабинеттерін аралап көрді. «Ғылыми идеялар аллеясы» жұмысымен танысты. Облыстағы білім беру ұйымдары басшыларымен кездесіп, саладағы өзекті мәселелерді талқылады.<img src="https://knadmin.beoblood.kz/uploads/343495157_627312862191025_1038140802978931612_n_8bda908f88.jpg" alt="343495157_627312862191025_1038140802978931612_n.jpg"><img src="https://knadmin.beoblood.kz/uploads/343230535_9644835845534373_709852326515538944_n_250bff6d75.jpg" alt="343230535_9644835845534373_709852326515538944_n.jpg"><img src="https://knadmin.beoblood.kz/uploads/343528915_772443950955115_5346735195430996947_n_7f623c2d79.jpg" alt="343528915_772443950955115_5346735195430996947_n.jpg"><img src="https://knadmin.beoblood.kz/uploads/343700576_1501011813760192_8773094119579659491_n_9aaf9d61e2.jpg" alt="343700576_1501011813760192_8773094119579659491_n.jpg"><img src="https://knadmin.beoblood.kz/uploads/343429408_544475517762523_8523425474386972996_n_2ef9a2af09.jpg" alt="343429408_544475517762523_8523425474386972996_n.jpg">

Қызылордалық оқушылар мектепке жайлы автобуспен қатынайды

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасының Оқу-ағарту министрі Ғани Бектайұлы Бейсембаев Жалағаш ауданына жұмыс сапарымен келді.Жұмыс сапары барысында №118 орта мектеп жұмысымен танысып, оқушылар тасымалына арналған автобус табыстады.Кездесу барысында ауылдың білімді балаларына арналған білім олимпиадаларын ұйымдастыру қолға алынып жатқанын, мектеп асханасының мәзіріне ұлттық тағамдар кірістірілетінін, бұл білім ұясы мен балабақшадағы бүлдіршіндердің денсаулық жағдайын жақсартатынын жеткізді. Жұмыс сапарын қорытындылай келе, ауданның даму жолындағы жобаларға сәттілік тілеп, ел болашағын тәрбиелеуші бүгінгі мұғалімдер екенін айтты.Ендігі кезекте Таң ауылы, Жаңақоныс елді мекенінің оқушылыры білім мекеніне заманауи жаңа көлікпен қатынайды.Жалпы аудан бойынша білім саласына ерекше мән берілген. Атап айтқанда, 2022 жылы Жалағаш кентінен 200 орындық оқушылар үйі мен 50 орындық өнер мектебі, демеушілер есебінен 5 елді мекенде жалпы құны 42 млн теңгені құрайтын 6 балалар ойын алаңы салынды.&nbsp;40,8 млн. теңгеге 5 мектеп жаңа модификациялық кабинеттермен қамтылса, биылғы жылы 4 мектепті қамту жоспарланған.2023 жылы Таң, Мақпалкөл, Далдабай елді мекендеріндегі балалар ойын алаңына ағымдағы жөндеу жұмыстары жүргізілмек. Сондай-ақ, жоба-сметалық құжаттары дайын №123 мектеп-лицейге қосымша ғимарат салу, №31 және №33 мектептерді күрделі жөндеуден өткізу жұмыстары жүргізіліп, «Жайлы мектеп» Ұлттық жобасы аясында Жалағаш кенті орталығынан 300 орындық жаңа мектеп құрылысын салу жоспарлануда. Бұл бағытта 1,3 га жер телімі бекітіліп берілді. Қазіргі таңда жоба-сметалық құжаттары әзірленіп, құрылыс жұмыстары 2024 жылы басталатын болады.<img src="https://knadmin.beoblood.kz/uploads/Whats_App_Image_2023_04_29_at_13_29_26_1_c9b5cf2c27.jpeg" alt="WhatsApp Image 2023-04-29 at 13.29.26 (1).jpeg"><img src="https://knadmin.beoblood.kz/uploads/Whats_App_Image_2023_04_29_at_13_29_26_682668251b.jpeg" alt="WhatsApp Image 2023-04-29 at 13.29.26.jpeg">

Жалағаш ауданындағы мектепке жаңа автобус берілді

<a href="https://kyzylorda-news.kz/">Kyzylorda-news.kz.</a>&nbsp; Өз ісін адал атқарған еңбекқор жандардың болмыс-бітімі жас ұрпақтың бағыт алар бағдарына айналары белгілі. Себебі туған жеріне, өскен өңіріне қызмет еткен жандар қашан да мақтан төрінде, марапат биігінде. Заман көшінде ілгері басып, саналы ұрпақ тәрбиелеуде өзіндік салмағы бар жандар Сыр өңірінде жетерлік. Саналы ғұмырында қажырлы еңбек етіп, көптің көңілінен шыға білген осындай өнегелі өмір иесінің бірі – Қынаш Әуелбекова.Қынаш апай 1954 жылы Оңтүстік Қазақстан облысы, Отырар ауданында дүниеге келген. Кейін қарт Қаратау баурайынан Сырға қоныс аударады. Мектеп қабырғасынан-ақ білім көрсеткішімен дараланды. Өмір бағдарына айналған ұстаздардың білімі жетістікке жетелеп, мақсатқа анық қадам басуға ықпал еткен еді. Кейіпкеріміз өз естелігінде алғаш әріп үйреткен мұғалімі, ЖОО қабырғасындағы ұстаздары туралы ой бөлісуді ұмытқан емес. Әсіресе, кәсібінің өзегі – тарих пәніне деген қызығушылықты оятқан жандарды жадынан шығармаған. Әрбірінің бет-бейнесі, мінез-құлқы, таным-тағылымын ерек бағалап, білімге ұмтылысының бастауын солардан іздейді. Бұл жаны таза жанға ғана тән қасиет болса керек.Қынаш Әуелбекова тарихшы боламын деген асқақ арман жетегімен Н.Гоголь атындағы педагогикалық институтын тәмамдап, кәсіби маман дәрежесіне көтерілді. 1976 жылы Сырдария ауданы Ақжарма ауылындағы Абай атындағы №130 орта мектепке тарих пәнінің мұғалімі болып орналасады. Сол кезден бастап қызығы мен шыжығы мол ұстаздық жолдың бастауына түсті.<blockquote>Абай атындағы №130 орта мектебіндегі қызметім өмірдегі жарқын белестің біріне айналды. Ұжымда Дәулет Қалжанов, Жақсылық Әбділдаева, Алмат Пірімбетов секілді ұстаздар тарихтың мән-маңызын, шәкірт тәрбиелеудің жауапкершілігін терең сезінуге мүмкіндік сыйлады. Мектеп директоры Алмат Пірімбетов ағай жаңадан келген ұстаздардан оқушы тәрбиесіне ерекше ден қоюды талап етіп, білім сапасын &nbsp;жіті қадағалаушы еді. Әр сабақтың нәтижелі болуына ықпал еткен де сол азамат. Алғашқы ұстаздық жолымда із қалдырған мектеп ұжымы да өнегелі тәлім көзіне айналды, – дейді ол.</blockquote>Расында, өзара үйлесім бар жерде жетістік болары анық. Қынаш апай тәжірибелі ұжыммен байланыса отырып, көп белесті бағындырды. Білім бәсекелерінде жүлдеге ілігіп, білім берудегі ерекше әдістемесін бөлісіп, көптің алғысын алды. Оған білікті маманның 1985-1990 жылдар аралығында «Ұстаздық еткен жалықпас, үйретуден балаға» атты аудандық мұғалімдер байқауында үздіктер қатарынан көрінуі дәлел. Осылайша, ауыл мектебінің абыройын асқақтатып, қадірлі ардагер-ұстазға айналды.Әрине, ұстаздың басты жетістігі – шәкіртінің шыққан биігі. Осы орайда ол білім берген шәкірттердің жетістігі мен тәжірибесі жетерлік. Олардың қатарында Ғалия Шілманова, Айнұр Оңғарова, Рита Қожалақова, Мария Есімова есімді мамандығының майталман шеберлері бар. Оған қоса ЖОО-да білім берген Манат Жайлауова, Райкүл Диуанова, Сәрсен Тілеубаева, Еркін Ақтаевтар ардагер ұстаздың тәлімін алған шәкірттер санатында.Қынаш апай Сыр топырағында береке тауып, жетілгенімен, туған жері Отырарды есінен шығарған жоқ. Оны Отырар туралы әңгімелерінен, тіпті жеке кітапхана қорындағы жерлес ақын-жазушылардың кітаптарынан да аңғаруға болады. Қынаш апайдың жеке кітапханасында отырарлық зиялылардың еңбегі, ғылыми жинақтары мен кітаптарын кезіктіресіз. Олардың қатарында Бейсенбай Кенжебаев, Өзбекәлі Жәнібеков, Мұхтар Әлиев, Мұхтар Шаханов, Дүкенбай Досжан, Шәмші Қалдаяқов, Ержан Уәйіс сияқты қазақтың қарымды қаламгерлерінің еңбектері бар.Ол ұстаздық қызметін шығармашылықпен ұштастырып, басылымдарға мақала беруді дәстүрге айналдырған. Әсіресе, өмір жолында кездескен, қызметтес болған азаматтар туралы естеліктері мерзімді басылымда жиі жарияланады.Орайы келгенде айта кеткен жөн болар. Қынаш апай жары Мұрат аға екеуі бес бала тәрбиелеп, ұлды ұяға, қызды қияға қондырып, берекелі отбасының тірегі бола білді. Бүгінде ұл-қызы сан салада қызметтің тізгінін ұстап, өз алдына үй болып отыр. Олар мұнай, экономика, агроном, заң, &nbsp;білім саласында табысты еңбек етуде. Берекелі әулетте немере-шөберелер ер жетіп келеді.Қ.Әуелбекова кітап оқу мәдениетін қалыптастыру, мәдени мұраларды қорғауға атсалысу, ұрпақтар сабақтастығын нығайту бағытында тың ойларын ортаға салады. Түрлі мінберде білім беру ісін жетілдіруге қатысты тың ойларын да бүкпесіз айтып келеді. Сондықтан ардагер ұстаздың өнегелі жолы өскелең ұрпаққа сабақ болары анық. &nbsp;

Тәжірибелі ұстаз білім беру саласында тың ойымен бөлісті 

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаев Қызылорда облысына жұмыс сапары аясында Қазалы ауданындағы «Бала тәрбиесі – баршамызға ортақ міндет» атты бірлескен кеңес отырысына қатысты. Кеңес отырысында министр кішкентай балаларды өрттен құтқарған оқушы Жансерік Әлімді және оның ата-анасы мен сынып жетекшісiн Алғыс хатпен марапаттады.Ведомство басшысы өскелең ұрпақ тәрбиесінің &nbsp;маңызын атап өтіп, әртүрлі салада үздік нәтиже көрсеткен жастарға «Ел үміті» медалі табысталатынын жеткізді.«Алдағы уақытта түрлі салада үздік нәтижеге қол жеткізіп, ел мақтанышына айналған жастарды «Ел үміті» медалімен марапаттаймыз. Оларды тәрбиелеген ата-анасы да «Мейірім» медалімен марапатталады, сынып жетекшілеріне де құрмет көрсетіліп, арнайы марапаттар табысталмақ», – деді министр.Еске салсақ, жуырда &nbsp;Ғ.Мұратбаев атындағы №17 орта мектебінің 4 сынып оқушысы Жансерік Әлім өртенген үйден бесіктегі сәби мен 2 баланы аман алып шыққан болатын.&nbsp;Айта кетейік, Қызылорда облысының әкімі Нұрлыбек Нәлібаев Қазалы ауданының Ү.Түктібаев елді мекенінде дене шынықтыру-сауықтыру кешенінің ашылу рәсіміне қатысты.

ҚР Оқу-ағарту министрі қазалылық батыр баланы марапаттады

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаевтың Қызылорда облысына жұмыс сапары Қазалы, Жалағаш аудандарында жалғасты.Қазалы ауданындағы Р.Бағланова атындағы аудандық мәдениет орталығында ведомство басшысы мен облыс әкімі Нұрлыбек Нәлібаев білім саласы, құқық қорғау органдары қызметкерлерімен, зиялы қауым өкілдерімен және ата-аналармен кездесті. Кәмелетке толмағандар арасындағы құқықбұзушылықтың алдын алу мәселесі бойынша «Бала тәрбиесі – баршамызға ортақ міндет» атты бірлескен кеңес отырысына қатысты. Жиында Қызылорда облыстық полиция департаменті бастығының міндетін атқарушы Шамшидин Амитов, облыстық білім басқармасының басшысы Мейрамбек Шермағамбет және аудан әкімі Мұхтар Оразбаев баяндама жасап, ұстаздар мен ата-аналар өз пікірлерін білдірді.Аймақ басшысы тәрбие ісіндегі басты бағдар балалардың құқық бұзушылыққа бармауын қатаң қадағалау екенін, бұл орайда атқарылуы тиіс іс-шараларды атап өтті.<blockquote>«Қызылорда қаласы мен аудан әкімдері, облыстық білім басқармасының және облыстық полиция департаментінің басшылығы оқу орындары басшыларымен бірлесе отырып, балаларға қатысты зорлық-зомбылықты, олардың өзара қарым-қатынасындағы келеңсіздікті болдырмауға бағытталған жедел жұмыстарды күшейтуі тиіс. Ол үшін оқушылардың бос уақыты дұрыс әрі пайдалы етіп ұйымдастырылуы керек. Жастар орталықтарымен бірлесіп, құқықбұзұшылыққа бейім оқушыларды қоғамдық шараларға, мектеп жанындағы спорт, музыка, өнер үйірмелеріне кеңінен тарту жемісін береді. Сот, прокуратура және полиция өкілдерін шақыртып, жауапкершілік, жасөспірімдер жасаған қылмыстар мен тәртіп бұзушылықтардың салдары туралы оқу сағаттарын ұйымдастырсын. Балалар құқықбұзушылыққа бармауы үшін белсенді азаматтар, ардагерлер, ата-аналар комитеті, білім саласына жанашыр депутаттар ортақ іске азаматтық тұрғыда үн қосуы тиіс», – деді облыс әкімі.</blockquote>Байқоңыр қаласына аялдаған ҚР Оқу-ағарту министрі осындағы №277 мектеп-лицейінде ұстаздар қауымымен пікірлесті. Байқоңыр қаласына арнайы бағдарлама жасауды тапсырып, бітіруші түлектерге грант бөлу мәселесін шешу қажеттiгiн атап өтті.Әрі қарай ведомство басшысы мен облыс әкімі Жалағаш ауданындағы Таң ауылына барды. Ауылдағы №118 мектеп ұжымымен кездесіп, жаңа автобус табыстады. Еске салсақ, Қызылорда облысы әкімінің қолдауымен аймақтағы ауыл мектептері 30 жаңа автобуспен толығады. Бұл балаларды мектепке және үйлеріне қауіпсіз тасымалдауды қамтамасыз етуге мүмкіндік береді. Көліктер 20 және 40 орынға шақталған. Мектеп автобустарының техникалық сипаттамалары барлық талаптарға сәйкес келеді. Қауіпсіздік белдіктері, апатты жағдай туындағандағы шығу жолы, жылдамдық шектегіштер мен сәйкестендіру белгілері бар, автобуста бала қалған жағдайда белгі беретін жүйемен жабдықталған.<img src="https://knadmin.beoblood.kz/uploads/343944402_624864632481955_1512282332725657604_n_4223eab827.jpg" alt="343944402_624864632481955_1512282332725657604_n.jpg">

Министр Ғани Бейсембаевтың жұмыс сапары Қазалы және Жалағаш аудандарында жалғасты

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде профессор, филология ғылымдарының кандидаты Ғабит Әнешұлының 60 жас мерейтойына арналған университет Ғылыми кеңесінің салтанатты мәжілісі өтті.Жиында география ғылымдарының кандидаты, доцент, университеттің бас редакторы Қали Омаров мерейтой иесінің білім саласында салған сара жолы мен &nbsp;университеттің дамуына қосқан елеулі үлесін атап өтті.&nbsp;<blockquote>«Ғабит Әнешұлы – нағыз ұлтжанды ғалым. Бұл оған берілген кәсіби мінездеме ғана емес, ең алдымен ақиқатты ашуға ұмтылуы мен ақыл-парасатының шынайы тазалығынан тұратын ішкі сипаты.&nbsp; Қай еңбегін алсаң да бейіндік &nbsp;ғылыми әдістемелерді мейлінше көп пайдаланғаны, мәселеге жекелей де, тұтастай да талдау жүргізгені, типология, тарихи хронология мен деректерге деген &nbsp;ыжадағаттылығы және шығармашылық ұстаханасының идеялық мазмұны, көркемдік-эстетикалық талғамы, тілі мен стилі &nbsp;мен-мұндалап тұрады.&nbsp; Қоғамның да табыстылығының кілті ғылымда екені ақиқат. Бұл тұрғыда Ғабит Әнешұлының ғылымға берері әлі де көп деп ойлаймын»,- деді Қали Әбдіұлы.</blockquote>Ғылыми кеңесте Басқарма төрағасы-ректордың міндетін атқарушы Майнұр Бөрібаева ғалымға ҚР ЖОО Қауымдастығының «А.Байтұрсынов атындағы Алтын медалін» табыстады.&nbsp;Сонымен қатар, Ғабит Әнешұлы облыс әкімінің Құрмет грамотасымен марапатталды. Бұдан бөлек, ҚР Парламенті Сенатының Әлеуметтік-мәдени даму және ғылым комитетінің мүшесі Нұртөре Жүсіптің, Қызылорда облыстық мәслихатының төрағасының құттықтауы, облыстық мәдениет және спорт басқармасы мен облыстық білім басқармасы басшысының, М.О.Әуезов атындағы Әдебиет және өнер институты мен И.Әбдікәрімов атындағы Қызылорда аграрлық-техникалық жоғары колледжі директорының құттықтау хаттары табысталып, құрмет көрсетілді.&nbsp;Ғабит Тұяқбаев &nbsp;- 2003 жылы профессор Б.Кәрібозұлының жетекшілігімен «Қаңлы Жүсіп Қадырбергенұлының әдеби мұрасы» тақырыбында кандидаттық диссертация қорғаған. 2009 жылдан бастап Қорқыт ата атындағы Қызылорда мемлекеттік университетінде Қазақ тілі мен әдебиеті және журналистика кафедрасының аға оқытушысы, кафедра меңгерушісі, жоғары оқу орнынан кейінгі білім беруді ұйымдастыру бөлімінің басшысы, университет ректорының кеңесшісі қызметтерін атқарған.&nbsp;Профессор - 100-ден астам ғылыми-публицистикалық мақаланың, 3 монография, 1 оқу құралы мен 1 кітаптың және 2 сөздіктің авторы. Ғалымның құрастыруымен 8 кітап жарыққа шыққан.&nbsp;Ғабит Әнешұлы «Руханиятты қолдау» қоғамдық қорының төрағасы, Қазақстан педагогикалық ғылымдар академиясының академигі, Қазақстан Журналистер Одағының мүшесі.Айта кетейік, салтанатты жиынға облыс әкімдігінің қызметкерлері, зиялы қауым өкілдері, бұқаралық ақпарат құралдарының басшылары, ғалымдар, университеттің профессор-оқытушылары, ғалымның туыстары мен достары, шәкірттері және білім алушылар қатысты. &nbsp;<figure class="image"><img src="https://knadmin.beoblood.kz/uploads/342608413_626429138983122_4532266254435975819_n_6302125a78.jpg" alt="342608413_626429138983122_4532266254435975819_n.jpg"></figure>&nbsp;<figure class="image"><img src="https://knadmin.beoblood.kz/uploads/342539219_1156994128308424_6192946084024720329_n_1986cd9a2f.jpg" alt="342539219_1156994128308424_6192946084024720329_n.jpg"></figure>&nbsp;

Қазақстан және Қызылорда облысының жаңалықтары: Білім