<a href="https://kyzylorda-news.kz/">Kyzylorda-news.kz</a>. Жалағаш аудандық сотында «TrueConf» мобильді қосымшасының көмегін пайдалана отырып, төтенше жағдайдың жариялануына байланысты мемлекеттік орган белгілеген режим талаптарын бұзу фактілері бойынша 3 әкімшілік құқық бұзушылық туралы іс қаралды.
Іс-құжаттарына сәйкес, кент тұрғыны азамат Д. Жалағаш ауданында карантин жарияланып, аудан аумағы бойынша кіруге және шығуға тыйым салынғанына қарамастан төтенше жағдай режимін бұзып, автокөлігімен санитариялық бекетке себепсіз келіп, тосқауыл бекеттен заңсыз өтуін талап еткені үшін, ҚР ӘҚБтК-нің 476-бабының 6,9-тармақшасымен кінәлі деп танылып, соттың қаулысымен 2 тәулікке әкімшілік қамаққа алынды.
Сонымен қатар, тағы 1 әкімшілік іс бойынша төтенше жағдай кезінде азаматтардың негізсіз тұрғын үйден шығуына және автокөліктерімен жүруіне шектеу салынғанына қарамастан, азамат Б.-ның такси қызметін жасағаны анықталған.
Сот қаулысымен азамат Б. ҚР ӘҚБтК-нің 476-бабының 6-тармақшасымен кінәлі деп танылып, 1 тәулікке әкімшілік қамаққа алынды.
Жалағаш кент тұрғыны Н. спирт ішімдігін ішкен күйде, тұрғылықты үйінен негізсіз, маскасыз шығып, карантин талаптарын бұзған. Құқық бұзушы ҚР ӘҚБтК-нің 476-бабының 6-тармақшасымен кінәлі деп танылып, 10 тәулікке әкімшілік қамаққа алынды.
Сот қаулылары заңды күшіне енбеген.

Жалағашта төтенше жағдай режимін бұзғандар сот алдында жауап берді

<a href="https://kyzylorda-news.kz/">Kyzylorda-news.kz</a>. Қызылорда облысында балық аулауға шыққан екі азаматтың қайығы аударылып, өздері суға кетті. Оқиғалар Арал және Жаңақорған аудандарында тіркелді, деп хабарлайды <a href="https://lenta.inform.kz/kz/kyzylordada-balyk-aulauga-kayykpen-shykkan-eki-adam-suga-ketti_a3638082">ҚазАқпарат</a>.
Жаңақорған ауданы аумағындағы №24 теміржол бекеті аумағындағы Қаракөл көлінде 35 жастағы азаматтың қайығы аударылды. Соның салдарынан ол суға батып кетті. Денесі тұрғындардың көмегімен жағаға шығарылды.
Осыған ұқсас жағдай Арал ауданы Қарашалаң елді мекені аумағында да болды. Ол ауыл аумағындағы көлде қайықтан құлап, суға кетті. Оның денесін де тұрғындар жағаға алып шықты.
<blockquote>
 «Балық аулауға шыққандар көп жағдайды сақтық шараларын ұмытып кетіп жатады. Бұл орны толмас оқыс оқиғаларға алып келеді. Қазір бұдан бұрын суға кеткен 5 адамның денесі табылмай жатыр. Жұртшылықтан сақтық шараларын қатаң сақтауын сұраймыз», – деді Өрт сөндіру және авариялық құтқару қызметі ММ бастығының орынбасары, жедел-құтқару жасағының басшысы Бақыт Ембергенов.
</blockquote>

Қызылордада балық аулауға қайықпен шыққан екі адам суға кетті

<a href="https://kyzylorda-news.kz/">Kyzylorda-news.kz</a> ақпарат агенттігінің 6 сәуірге арналған жұлдыз-жорамалы.
Тоқты
Мақсатқа жетуге деген құлшынысыңыздың, еңбекқорлығыңыздың арқасында көп жетістікке жетесіз. Материалдық жағдайыңыз жақсарады. Сондықтан қайырымдылықпен айналысқаныңыз жөн.
Торпақ
Кәсіби тұрғыда біліктілігіңіз артады. Жұмыста өз құзыретіңізді толық пайдаланасыз. Бүгін тіл табыса алмай жүрген адаммен ымыраға келесіз. Өзіңіз ақылға қонымды мінез-құлық танытсаңыз, жолыңыз әркез болады.
Егіздер
Қосымша табыс тауып, материалдық жағдайыңызды жақсартасыз. Маңызды шаруаларға білек сыбана кірісіңіз. Тез шешім қабылдауға тырысыңыз. Бүгін сіз көп еңбектенуіңіз қажет.
Шаян
Бүгін өміріңізді жаңа бағытқа бұрасыз. Сізді көп өзгеріс күтіп тұр. Ең алдымен өзіңізге не қажет екенін айқындап алыңыз. 
** 
Арыстан**
Өз ісіңізге мығымсыз. Сондықтан жұмыста қысқарып қаламын деген ойдан аулақ болыңыз. Егер басыңыз бос болса, екінші жартыңызды жолықтырасыз. Ал отбасылы болсаңыз бүгін өмірлік серігіңіз таңқалдыратын болады.
Бикеш
Арманыңызға жетуге бірнеше ғана қадам қалды. Сәттілік серігіңізге айналғалы тұр. Сондықтан тез шешім қабылдағаныңыз жөн. Нағыз бақытты күндерге қарай жақындап келесіз.
Таразы
Достарыңыздың арқасында үмітіңіз ақталады. Серіктестермен бірігіп жұмыс жасау өз пайдасын әкеледі. Өз күшіңізге сеніп, өзіңізді жоғары бағалаудан сақтаныңыз. Бұл мақсатқа жетуге кедергісін келтіруі мүмкін. &nbsp;
Сарышаян
Болмашыға бола мазаңызды қашырғыңыз келмейді. Алайда барлығы сіз қалағандай болмайтыны анық. Көңіл-күйіңіздің жоқтығынан жаныңыздағыларды ренжітіп алмаңыз. Бүгін отбасыңыздың жанында болыңыз.
Мерген
Мақсатқа жету оңай емес, бірақ табандылық танытар болсаңыз ойыңыздағы орындалады. Есіңізде болсын, бүгін тек өзіңіз сенетін адамдарға ғана сенім артыңыз. Әйтпесе, әлдекімдер алдап кетуі мүмкін.
Тауешкі
Табысыңыз артады. Бірақ бұл айлық жалақыңызға еш қатысы жоқ. Яғни, сіз қосымша табыс табатын боласыз. Жол сапарға шығыңыз, сонда сіздің үй шаруасы мен жұмыстан шаршағаныңыз басылады.
Суқұйғыш
Жұмысыңыз бірқалыпты. Жақындарыңызбен қарым-қатынасыңыз жақсарады. Жоспарланған барлық істі атқаруға мүмкіндігіңіз артады. Әріптесіңізбен қарым-қатынасты бұзып алмаңыз.
Балықтар
Бұрын атқарған жұмыстарыңыздың жемісін көресіз. Үй салу немесе отбасы құруды жоспарласаңыз, барлығына мұқият болыңыз. Мақсатқа жетуге нық қадам бассаңыз, өзгелердің қызғанышын тудыратындай әрекет етпеңіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> «Бөбек» Жалпыұлттық қозғалысы» қауымдастық нысанындағы заңды тұлғалар бірлестігі және ҚР БҒМ “Мемлекет тарихы институты” бірлесе ұйымдастырған Халықаралық жоба аясында “ТМД-ның Үздік жас ғалымы” атты іс- шара өтті.
Аталған жобаға Тәуелсіз Мемлекеттер Достастығының 9 мемлекетінен 1200 өтінім қабылданған. Нәтижесінде «Үздік жас ғалым-2020» номинациясы бойынша үздік деп танылған бірқатар жас марапат төрінен көрінді.
Олардың қатарында Қорқыт Ата атындағы Қызылорда мемлекеттік университеті «Мемлекеттік және жергілікті басқару» мамандығының 3 курс студенті Бекжан Сейілханов та бар. Жоба барысында жас ғалым І дәрежелі дипломмен және арнайы төсбелгімен марапатталды.
Ал ғылыми жетекшісі Ақмарал Мұхтароваға Алғыс хат табыс етілді.

Қызылордалық студент &#8220;ТМД-ның Үздік жас ғалымы&#8221; атанды

Kyzylorda-news.kz. Бүгін облыс әкімі Гүлшара Әбдіқалықова облыстық кәсіпкерлер палатасының директоры Ғ.Жақсылықов, өңірдегі жеңіл өнеркәсіп қауымдастығының төрағасы, «DALATEX» ЖШС директоры Д.Әбізов және «Фирма «Best-Service LTD» ЖШС диреторы А.Махамбетовты қабылдады.
Кездесуде аймақтың кәсіпкерлік саласында атқарылған жұмыстар мен ауқымды жобалар талқыланды. Өңір басшысы экономикалық көрсеткіштерді тұрақты деңгейде ұстап тұру, өндірісті бәсеңдетпеу, жұмыссыздықты жою бағытындағы жұмыстарға тоқталды.
«Өңірдегі егістік жұмыстарына 10 750 тонна дизель отыны қажет болады. Жанармайды жеңілдетілген бағамен сатып алу мәселесі шешіледі.
<blockquote>
 “Жұмыспен қамтудың жол картасы” бағдарламасы аясында 36,9 млдр. теңге облысқа беріледі. Бұл қаржы құрылыс, тұрғын үй коммуналдық шаруашылығы, елді мекендерді абаттандыру және көлік инфрақұрылымын дамыту сынды бағыттарға жұмсалады. Бұған жеке кәсіпкерлер қатыса алады. Конкурсты жүргізу тәртібі жеңілдетіліп жатыр”, – деді облыс әкімі.
</blockquote>
Жиында облыс әкімі аймақ бойынша 308 шағын және орта бизнес субъектісіне қатысты төлемдерді кейінге қалдыру жөнінде шешім қабылданғанын жеткізді. Сондай-ақ, олардың мемлекет алдындағы салықтық міндеттемелеріне жеңілдік жасалғанын атап өтті.
<blockquote>
 “Сіздерге айтар өтінішім, осы жеңілдіктерді кәсіпкерлерге жеткізу. Бизнес өкілдеріне конкурсқа қатысу, несиеге қол жеткізу талаптарын түсіндірсеңіздер. Тағы бір маңызды мәселе, әрбір кәсіпкерлік субъектісі мүмкіндігіне қарай аз қамтылған отбасыларға көмектесуі керек. Одан бөлек, экономикамызды тұрақтандыру, өз деңгейінде ұстап тұруымыз қажет. Сондықтан сіздермен жұмыс істейтін боламыз”, – деді Гүлшара Әбдіқалықова.
</blockquote>
Жиында өңір кәсіпкерлері толғандырған мәселелерін көтерді. Карантин талаптарына байланысты қалаға кіріп-шығу жолдары кеңінен түсіндірілетіні айтылды. Қазіргі таңда облысқа арнайы экономикалық аймақтың қажеттігі де атап өтілді. Осы ретте, өңір басшысы жобаның тұжырымдамасын әзірлеп, нақты істерді қағазға түсіруді тапсырды. Ал қалыптасқан жағдайға байланысты кәсіпкерлерге азық-түлік бағасының тұрақтылығын сақтау қажеттігін атап өтті.

Гүлшара Әбдіқалықова бизнес қауымдастығының өкілдерімен кездесті

<a href="https://kyzylorda-news.kz/">Kyzylorda-news.kz.</a> Сырбойылық зиялы қауым өкілдері облыс тұрғындарын сабырға шақырып, хат жазды. Облыс тұрғындарына арналған үндеудің толық нұсқасын төменде ұсынып отырмыз.
Мынау індеттің таралуы бір елдің, бір жұрттың басындағы ауырлық емес, күллі адам баласын алаңдатқан ахуал. Халқымыз сындарлы шақта келген қауіпті ауызбірлікпен, тәртіпке бағынған анық іспен аластаған. «Төртеу түгел болса, төбедегі келеді» деген даналықтың түп мәніне бойлай білгуге тиіспіз. «Төбе» деп отырғаны – Жаратаушының жарылқауы. Бүгінгі күні бізге жақсы сөз айтып, ниетімізді жақсылыққа бұрудың маңызы зор. «Ауызбен орақ орғанның белі ауырмайды» деген, әр жерден шыққан әсіре ақпаратқа сенбейік, бойымызды үрейге алдырмайық, болып жатқан жағдайға сауатты көзқараспен, салауатты санамен байып жасайық.
Облыс әкімі Гүлшара Әбдіқалықованың аймақта короновирус індетінен қалыптасқан жағдайға байланысты тұрғындарға үндеу жариялағанын бәріңіз білесіздер. Үндеуде: «Короновирус індеті таралуының алдын-алу талаптарын қатаң сақтауға тиіспіз. Қазір кез келген адам вирус жұқтыруы мүмкін. Барлық тұрғындар дерттен оқшауланғаны дұрыс. Елді&nbsp;жөнсіз дүрліктірмес үшін ресми&nbsp;ақпараттарға сүйенуіміз қажет. Төтенше жағдай талаптарын бұзғандарға заң аясында қатаң шаралар қолданылатынын ескертемін», – деп атап өтті аймақ басшысы. «Тәртіпке бағынған құл болмайды» дейді Бауыржан атамыз. Бізге – қала, аймақ тұрғындарына дәл осы сәтте заңға бағынып, тәртіпке мойынсұнып, үйде отыру ең абзал іс болмақ. Бұл өз басымыңыздың қауіпсіздігі ғана емес, қоғамға деген құрмет екенін түсінетін боларсыз.
Ақпарат көздерінен хабардар болып отырғанымыздай, облыс, қала басшылығы ат үстінде жүр. Облыс орталығы мен аудандар тосқауыл бекеттер арқылы жабылып, әскерилер, медица қызметкерлері, әкімшілік, кәсіпкерлік өкілдері күн-түні күзет басында қалып отыр.
Коронавирус – құрбанын алғанда ғана көрінетін, асынған қаруын жасырып келген жау. Біздің аталарымыз талай соғысты бастан өткеріп, жан берді. Қазір халықты қауіпсіз баспасына отырғызып, қауырт іс істінде жүрген қызмет адамдары – бүгінгі күннің батырлары. Үйде отырғандар мен онлайн жұмыс тәсіліндегілерге қарағанда оларға «жаудың» оғына ұшырау қаупі сәт сайын төніп тұр. Қарапайым жұрт ат үстіндегі ел ағалары мен жанкешті қызметкерлердің, антына адал дәрігерлердің осы еңбегін бағалауы керек. Бұл баға олардың тәртіпке бағынып, ережені бұзбауы болмақ.
Өкінішке қарай, ауданаралық жолдардағы бекеттерді айналып өтушілер мен кісі басын жинап, тіршілік түйткілі толас таппай отырғандар да кездеседі. Бүкіл қоғам болып қолы ұзын індеттің аяғын қысқарта алмай жатқанда, жер астынан жік шыққандай бұлардыкі қандай ақылға сыятын іс? Осы жайлы естігенде біз оларды есіктегі жауды төрге шығарғандар немесе ел мүддесін ескермеген есерлер деп есептеуге мәжбүрміз.
Құрметті Сыр елінің игі-жақсылары, бүгінгі сәт ел болашағына жаны ашитын әр азаматтың сабырды сауыт, ақылды қорған қылатын кезеңі.
Қатаң да болса ережеге сай іс қылайық, бұл да өтпелі кезең, «күн жаманы кетеді» деген қазақ. Жайдары, жақсы күндерге бірге жету үшін, қай кезде де бірге болғанымыз абзал, ағайын.
Құрметпен, бір топ қызылордалық зиялы қауым өкілдері.

Сырбойылық зиялы қауым өкілдері облыс тұрғындарын сабырға шақырды

Алматыда тағы 5 адам коронавирус жұқтырды.
Coronavirus2020.kz мәліметінше, 27 наурыз түнгі 23:15-тегі жағдай бойынша Алматыда 5 адам қауіпті індетке шалдыққан.
Осылайша Қазақстанда коронавирус жұқтырғандар саны 150 болды.
Осы сағатта Нұр-Сұлтан қаласы бойынша – 75 адам, Алматы қаласында – 55 адам, Қарағанды қаласында – 4, Жамбыл облысында – 3 адам, Атырау облысы – 3 адам, Ақмола облысында – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, жалпы 150 науқас тіркелді.

Қазақстанда коронавирус жұқтырғандар саны 150 болды

Коронавирус індетін жұқтырған тағы 8 адам тiркелді, Нұр-Сұлтан қаласында 6 адам, Ақмола облысында – 2 адам, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-27-nauryz-sagat-22-20-zhagday_a3630317">coronavirus2020.kz.</a>
Осы сағатта Нұр-Сұлтан қаласы бойынша 75 адам, Алматы қаласында – 50 адам, Қарағанды қаласында – 4, Жамбыл облысында -3 адам, Атырау облысы – 3 адам, Ақмола облысында – 3 адам, Шымкент қаласында – 2 адам, Алматы облысында – 1 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, жалпы 145 науқас тіркелді.

Қазақстанда коронавирус жұқтырғандар саны 145-ке жетті

<a href="https://kyzylorda-news.kz/">Kyzylorda-news.kz.</a> Осы аптаның соңында коронавирустан емделген қазақстандықтар ауруханадан шығарылуы мүмкін. Бұл туралы ҚР Денсаулық сақтау министрі Елжан Біртанов мәлімдеді.
<blockquote>
 «Белгіленген алгоритмге сәйкес, науқастарға 14 күн бақылау жасаймыз. Ауырған адамдардан сол 14 күннің ішінде бірнеше рет қан сынамасын алып, емдейміз. Кейбір азаматтар жеңіл жағдаймен жатыр, ешқандай симптомдары жоқ. Оларды бақылап, жағдайлары дұрыс болса осы аптаның соңына қарай ауруханадан шығарып, үйлеріне жібереміз. Құдай қаласа емделді, дені сау, жағдайы жақсы деп шығарамыз»,- деді министр ведомствоның Facebook-тегі парақшасында «Денсаулық министрлігі хабарлайды…» деген айдармен жарияланған видеода.
</blockquote>

Коронавирустан емделген бірінші қазақстандық ауруханадан қашан шығады?

<a href="https://kyzylorda-news.kz/">Kyzylorda-news.kz.</a> Төтенше жағдай кезінде жұмыс істеген дәрігерлерден бөлек, полиция қызметкерлеріне де үстемеақы төленеді. Бұл туралы мемлекет басшысы Қасым-Жомарт Тоқаев мәлімдеді.
<blockquote>
 “Үкімет пен әкімдіктерге коронавирусқа қарсы шараларға жұмылдырылған дәрігерлерге, полицейлерге және басқа да мамандарға бір жолғы қызметтік жалақысы көлемінде үстемеақыны қамтамасыз етуді және қосымша қаржы қарастыруды тапсырамын”, – дейді президент төтенше жағдай жөніндегі мемлекеттік комиссияның отырысында.
</blockquote>
Еске салайық, бұған дейін қауіпті індетпен күресіп жатқан <a href="https://kyzylorda-news.kz/densawlyq/toetenshe-zhaghdaj-medicina-mamandarynyng-zhalaqysy-koebejdi-51321/">дәрігерлерге сыйақы</a> төленетінін хабарлаған болатынбыз.

Төтенше жағдай: полицейлерге де сыйақы төленеді

<a href="https://kyzylorda-news.kz/">Kyzylorda-news.kz.</a> Елімізде карантин режмиіне байланысты онлайн үйленген алғашқы жұп тіркелді. Олар елордалық Азамат пен Әсел Нүсіповтер, деп хабарлайды&nbsp;<a href="https://almaty.tv/kz/news/proisshestviya/2018-karantin-dgastar-uylenu-toyyn-onlayn-otkize-bastady">Алматы арнасы.</a>
Елімізде алғаш рет ата-анасынан бейнеқоңырау арқылы ақ батасын алып, некесін онлайн қиған Азамат пен Әсел неке қию рәсімін Ұлыстың ұлы күні – &nbsp;әз-Наурыз мейрамына орай жоспарлаған. Құдалық пен ұзату, неке қию Арыс қаласында 22 наурыз күніне жоспарланған.
Алайда елімізде төтенше жағдай жарияланып, тойды аяқ асты кейінге қалдыруға тура келді. Десе де екі жақтың үлкендері ойланып, бір сөзге тоқтам жасап, телефон арқылы танысып, келісіп, өздерінің ақ батасын бейнеқоңырау арқылы берген.
<blockquote>
 «Шынын айтсақ, 2 күнге дейін не істерімізді білмей жүрдік. Екі жас өзіміз барып қайтамыз ба? Әлде қалай деп ойланып жүрген кезімізде үлкендер өздері шешімге келіп, жұбайымның ата-аналарына хабарласып, онлайн түрде ақ батасын алды. Біз енді Қазақстанда алғаш онлайн үйленген жұппыз деп әзілдейміз. &nbsp;Қазіргі қауіпсіздік шараларын сақтана отырып, өзіміздің ағайын-туыстың арасында, кішкентай ғана үйде келін түсіру отырысы болды. Мешіттен имам шақырып, ақ некемізді, ең бастысы Алланың алдындағы аманат пен ата-ананың алдындағы аманатты жасадық. Сөйтіп, шағын тойымыз өтті, қазір үйде жатырмыз бал айын өткізіп», – деді Азамат Асқарұлы.
</blockquote>
Қыз жақ тойға керек-жарақтың барлығын алып, құдаларды күтуге сақадай сай отырған.&nbsp; Бастысы&nbsp;–&nbsp;қос ғашықтың бақытты болып кетуі, дейді жақындары. &nbsp;
<blockquote>
 «Әрине, қыз ұзату болмайды, тек құдаласу болады Алла бұйыртса. Осы дерттен аман шықсақ, екі жақтың танысуы болады. Оның бәрі алда. Біздің ниетіміз &nbsp;бен жоспарымыз бойынша неке қию Арыс қаласында өтуі керек болған. Бірақ бәрі осы жақта болды. Оның барлығын жұбайымның ата-анасы, әпкелеріміз телефон арқылы хабарласып, сырға салудың барлығын үстел барысында барлығын көрсетті»,&nbsp;– деді Әсел Әбдімәлікқызы.
</blockquote>
Ал ұл жақтан Арысқа 20 шақты адам бармақ болыпты. Олар барып-қайтар билеттерін қайтарып жатыр. Асығыстық жоқ дейді. Себебі төтенше жағдайға байланысты билеттерін өткізіп жатқандар көп көрінеді.
Елдегі қиын жағдайға қарамастан, Ұлыстың ұлы күні – әз-Наурызда келін түсіріп, қолынан шай ішіп отырған Нүсіповтер әулеті өздерін бақытты санайды. Бұл жақсының жоралғысы деп біледі. Қалай дегенмен, Қазақстанда онлайн үйленудің үлгісін көрсеткен бірінші жұп осы жастар.

Карантин: Елімізде үйлену тойы алғашқы рет онлайн өткізілді (видео)

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев Наурыз мерекесіне арналған шараларды және әскери парадты өткізбеу жөнінде тапсырма берді. Бұл туралы Мемлекет басшысының баспасөз хатшысы Берік Уәли «Facebook»-тегі парақшасында хабарлады.
<blockquote>
 «Мемлекет басшысы елімізде коронавирустың таралуына жол бермеуге байланысты Наурыз мерекесіне арналған қоғамдық шараларды және елордада Жеңістің 75 жылдығына арналған әскери парадты өткізбеу туралы шешім қабылдады. Сонымен қатар бұған дейін жоспарланған халықаралық форумдарды кейінге шегеруді тапсырды. Дегенмен шағын және орта бизнес жұмысын жалғастыра беруі тиіс. Қасым-Жомарт Кемелұлы шектеу шаралары олардың жұмысына кедергі келтірмеуі керек екенін атап айтты. Ірі кәсіпорындар да үздіксіз жұмыс істей береді. Бүгін Президент коронавирус пандемиясына қарсы күрес мәселесі жөнінде бірқатар мемлекеттік орган басшыларымен шұғыл кеңес өткізді. Жағдай Мемлекет басшысының ұдайы бақылауында» делінген хабарламада.
</blockquote>

Қазақстан және Қызылорда облысының жаңалықтары: Рубрикасыз

Жалағашта төтенше жағдай режимін бұзғандар сот алдында жауап берді

Қызылордада балық аулауға қайықпен шыққан екі адам суға кетті

Жұлдыздар не дейді?

Қызылордалық студент “ТМД-ның Үздік жас ғалымы” атанды

Гүлшара Әбдіқалықова бизнес қауымдастығының өкілдерімен кездесті

Сырбойылық зиялы қауым өкілдері облыс тұрғындарын сабырға шақырды

Қазақстанда коронавирус жұқтырғандар саны 150 болды

Қазақстанда коронавирус жұқтырғандар саны 145-ке жетті

Коронавирустан емделген бірінші қазақстандық ауруханадан қашан шығады?

Төтенше жағдай: полицейлерге де сыйақы төленеді

Карантин: Елімізде үйлену тойы алғашқы рет онлайн өткізілді (видео)

Қазақстанда Наурыз мерекесіне арналған шаралар мен әскери парад өтпейді

Қазақстан және Қызылорда облысының жаңалықтары: Рубрикасыз

Жалағашта төтенше жағдай режимін бұзғандар сот алдында жауап берді

Қызылордада балық аулауға қайықпен шыққан екі адам суға кетті

Жұлдыздар не дейді?

Қызылордалық студент &#8220;ТМД-ның Үздік жас ғалымы&#8221; атанды

Гүлшара Әбдіқалықова бизнес қауымдастығының өкілдерімен кездесті

Сырбойылық зиялы қауым өкілдері облыс тұрғындарын сабырға шақырды

Қазақстанда коронавирус жұқтырғандар саны 150 болды

Қазақстанда коронавирус жұқтырғандар саны 145-ке жетті

Коронавирустан емделген бірінші қазақстандық ауруханадан қашан шығады?

Төтенше жағдай: полицейлерге де сыйақы төленеді

Карантин: Елімізде үйлену тойы алғашқы рет онлайн өткізілді (видео)

Қазақстанда Наурыз мерекесіне арналған шаралар мен әскери парад өтпейді

Қызылордалық студент “ТМД-ның Үздік жас ғалымы” атанды