<a href="https://kyzylorda-news.kz/">Kyzylorda-news.kz</a> ақпараттық агенттігінің 27 шілдеге арналған жұлдыз-жорамалы.
Тоқты 
Бүгін тосыннан орын алған жайттар сәттілік әкеледі. Өзіңізді қызықтырған істермен айналысасыз. Сонымен қатар жаңа серіктестермен танысасыз.
Торпақ 
Түске дейінгі уақытыңыз керемет өтеді. Өз мүмкіндігіңізді пайдаланып, жетістікке қол жеткізесіз. Ең алдымен маңызды мәселелерді қолға алыңыз.
Егіздер 
Сіздің іскерлігіңіз бен өз ісіңізге деген ынтаңыз жұмыста табысты болудың басты кепілі болмақ. Егер сіз жұмыс алушы болсаңыз онда бүгін сіз үшін сәтті күн.
Шаян 
Бүгін іскерлік кездесулер ойдағыдай өтеді. Серіктестермен бірге жұмыс көлемін ұлғайтып, істеріңіз берекелі болмақ.
Арыстан 
Бүгінгі күн ғашық болуға, сезіміңізді білдіруге қолайлы күн. Ескі қарым-қатынасты қайта жандандыруға да қолайлы уақыт болмақ.
Бикеш 
Бүгін күш-қуатыңыз да тасып, барлық шаруаны тез атқара аласыз. Энергияңыз тасып тұрған сәтте кейінге қалдырылып келе жатқан жұмысты да бітіріп тастаңыз.
Таразы 
Сәттілік серігіңізге айналады. Қызметте өсуді көздейсіз. Сіздің талантыңыз, іскерлігіңіз көлеңкеде қалып қоймайды.
Сарышаян 
Бүгін саяхаттап немесе жұмыс барысымен сапарға шығуыңыз мүмкін. Сонымен қатар бүгін жоғарғы білім алу туралы көп ойланасыз.
Мерген 
Жұмыста өзгерістер орын алып, қызметтік сатыда өскеніңізбен, әзірге бұл ісіңіз өз жемісін бермейді. Сондықтан барлығына өз еңбегіңізбен қол жеткізгеніңіз жөн.
Тауешкі 
Бүгін алыс жолға шығасыз. Сондай-ақ ғылыми жұмыспен айналысатын, білім беру саласының және саясатқа жақын жандардың жолы болады.
Суқұйғыш 
Сіздің материалдық жағдайыңыз жұмыс жасауыңызға байланысты болмақ. Көп табыс табуды жоспарласаңыз, ең алдымен біліміңізді жетілдіріңіз.
Балықтар 
Бүгін көпшіліктің көңілін өзіңізге аудара аласыз. Ұйымдастырушылық қабілетіңіз артып, таныстарыңыздың арқасында біраз шаруаны тындырасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a> ақпараттық агенттігінің 26 шілдеге арналған жұлдыз-жорамалы.
Тоқты
Өзіңізді кәсіби маман ретінде таныту қиын. Кейбір достарыңызбен сөзіңіз жараспай қиналасыз. Есесіне жақсы адамдармен танысасыз.
Торпақ
«Сабыр түбі – сары алтын» демекші, сабыр сақтай білсеңіз, барлығы оңынан болмақ. Аз уақытқа жалғыз қалғаныңыз өзіңізге жақсы.
Егіздер
Денсаулығыңыз оңалады. Сонымен қатар достарыңызбен қарым-қатынасыңызда жақсарып, өміріңізге жаңа өзгерістер енгізуге құштарлығыңыз артады.
Шаян
Өзіңізге осыған дейін қолдау көрсетіп жүрген туысқандарыңызға толықтай сенім артуыңызға болады. Ол көмек көрсетуге әзір.
Арыстан
Көпшіліктің көзіне түспеуге тырысыңыз. Сіздің қолыңыздан барлығы келеді. Сондықтан өзіңізге сеніңіз.
Бикеш
Жақындарыңызбен сөзіңіз жараспайды. Олар сіздің қолдауыңыздан бас тартады. Сондықтан жеке қалып, шығармашылықпен белсенді түрде айналысыңыз.
Таразы
Қоғамдағы беделіңіз артады. Сондай-ақ бүгін беделді тұлғалармен танысасыз. Ата-анаңыздың қолдауына ие болып, қаржылай қиындықтардан құтыласыз.
Сарышаян
Сіздің мейірімділігіңіз өзгелерге күн нұрындай шашылады. Өзіңіз де жаныңызға жылу сыйлайтын жанмен жолығасыз.
Мерген
Жақындарыңыздың ақылын тыңдаңыз. Сіздің ақшаңызға бола дос болып жүргендерді орнына қойыңыз.
Тауешкі
Жұлдыздар сақ болуға кеңес береді. Себебі, қаржылай қиындыққа тап болуыңыз мүмкін. Алайда таңғажайып романтикалық оқиғаны бастан өткізесіз.
Суқұйғыш
Бүгін нағыз достар табуға қолайлы күн. Егер сіз отбасылы болсаңыз, жолдасыңыздың мінезі өзгергенін байқайсыз.
Балықтар
Бүгін барлық мәселені ақылға салып шешіңіз. Дәл қазіргі сәт кемелдене түсуге ұмтылатын уақыт. Берілген тапсырмаларды мұқият орындайсыз.

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасының төрағасы, бас мүфти Наурызбай қажы Тағанұлы Құрбан айт намазына қатысты мәлімдеме жасады.
<blockquote>
 “Алла қаласа, биыл Құрбан айт мерекесі ғұламалар кеңесінің бекітуімен 31 шілде, 1-2 тамыз күндеріне сәйкес келіп тұр. Алайда елімізде карантин мерзімі 2 тамызға дейін ұзартылғандықтан, республика бойынша мешіттер жабық болады. Осыған байланысты 31 шілде күні Құрбан айт намазы оқылмайды”, – деді Тағанұлы.
</blockquote>
Осы орайда бас мүфти сындарлы сәтте сағымызды сындырып алмай, айналадағы адамдарды үрейге емес, үмітке шақыруға үндеді.&nbsp;&nbsp;
<blockquote>
 “Біз – өткенге салауат айтып, Алланың арайлап атқан әрбір таңынан жақсылық күткен халықпыз. Рухымызды түсірмей, сын сағатта сағымызды сындырып алмайық. Қадірлі жамағат, біз қазір сындарлы сәтте отырмыз. Қадірлі жамағат, біз қазір сындарлы сәтте отырмыз. Мұндайда халық даналығы “Бетеге кетсе, бел қалар. Бектер кетсе, ел қалар. Берекең кетсе, не қалар?” демей ме?”, – деп атап көрсетті Тағанұлы.
</blockquote>

Биыл елімізде Құрбан айт намазы оқылмайды

&nbsp;<a href="https://kyzylorda-news.kz/">Kyzylorda-news.kz.</a> Қызылордада сотталғандардың жақындары түрмеге есірткі заттарын әкелуін тоқтатар емес.
Қызылорда қаласындағы ЗК-169/5 мекемесініңаумағында&nbsp; жүрген азамат&nbsp; мекеме қызметкерлерінің күдігін туғызған. Қызметкерлер &nbsp;102 нөміріне хабарлап, Қызылорда ҚПБ-ның жедел-тергеу тобын шақыртады.
&nbsp;Ұсталған азаматты тінту барысында оң жақ қалтасынан 20,67 грамм «кептірілген марихуана» табылады. Күдік тудырған азамат тиым салынған затты түрмеде жазасын&nbsp; өтеп жатқан танысына кіргізбекші болған.
&nbsp;Аталған дерек бойынша ҚР ҚК-нің 296 бабының 2-бөлігімен сотқа дейінгі тергеп-тексеру амалдары жүргізілуде.

Түрмедегі танысына есірткі өткізбекші болған қызылордалық ұсталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың халыққа жолдаған үндеуі пандемияға қарсы күрес жөніндегі көптеген мәселелерді қамтыды. Халықтың көкейінде жүрген, көпшілігімізді толғандырып отырған сұрақтарға жауап айтылды. Бұл мемлекет басшысының халықпен қашанда бірге екендігінің дәлелі емес пе?! 
Ел президенті айтқандай, біздің елдегі жағдай оңай болып тұрған жоқ. Алапат індет арамыздан қаншама асыл жандарымызды алып кетті. Әрбір отандастарымыздың қазасы біз үшін ауыр. Жақындарынан айырылған әрбір отбасыға көңіл айтамын. 
Қадірлі ағайын, машақатты уақытта бір-бірімізге бекем болайық. Пайда емес, сауап іздеп халқымыздың амандығын тілейік. Қолдан келген көмегіміщді бірімізден-біріміз аямайық. Біз бұл індетті жеңеміз.
Қахар Дадашев, 
Қызылорда облыстық өзбек этномәдени бірлестігінің жетекшісі.

Қахар Дадашев: Халқымыздың амандығын тілейік

<a href="https://kyzylorda-news.kz/">Kyzylorda-news.kz.</a> Қазақстанда коронавирустың өлімі туралы статистика аптасына бір рет жарияланады. Бұл туралы ҚР Денсаулық сақтау министрі Алексей Цой айтты.
<blockquote>
 “Бұл маңызды жағдай. Енді біз статистикалық мәліметтерді өңдеуді жоспарлап отырмыз. Бұған дейін біз күн сайын осындай мәліметтерді жіберіп отырдық. Бірақ науқастың КВИ немесе басқа аурудан қайтыс болғаны кейін анықталып жатады. Әдетте, бұған бір немесе екі күн кетеді. Кейде науқас алдынғы күні қайтыс болады, ал бізге ақпарат келесі күні жетеді. Сондықтан күн сайын емес, статистиканы аптасына бір рет ұсынбақпыз”, – деді Цой.
</blockquote>
Сонымен қатар, ауру адамдардың “апта сайын ауырған” жағдайларын денсаулық сақтау министрлігі ресми ресурстарында көрсетеді.
<blockquote>
 “Осыған байланысты біз күнделікті жедел статистикалық көрсеткіштерді қадағалап отырамыз.&nbsp;Сосын аптасына бір рет жинақтап, халыққа ұсынамыз”, – дейді министр.
</blockquote>

Енді елімізде коронавирустан қайтыс болғандарды аптасына бір рет жариялайды

<a href="https://kyzylorda-news.kz/">Kyzylorda-news.kz.</a> Коронавирустан қайтыс болған адамдарды енді кез келген зиратқа жерлеуге болады. Бұл туралы денсаулық сақтау министрі Алексей Цой мәлімдеді, деп хабарлайды <a href="https://m.sputniknews.kz/society/20200630/14357142/Qazaqstan-koronavirus-zherleu.html">Sputnik Қазақстан.</a>
<blockquote>
 “Коронавирустан қайтыс болғандарды жерлеудің қолданыстағы тәртібіне өзгерістер енгізілді. Санитарлық, эпидемиологиялық, гигиеналық талаптарды қатаң сақтай отырып, марқұмдарды кез келген зиратқа жерлеуге рұқсат етіледі”, – деді министр онлайн брифингте.
</blockquote>
Цой елде коронавирустың таралуы күн сайын өсіп жатқанын айтты.
30 маусымындағы жағдай бойынша Қазақстанда шамамен 40 мыңға жуық адам індетке шалдыққан.

Қазақстанда коронавирустан қайтыс болғандарды жерлеу тәртібі өзгерді

<a href="https://kyzylorda-news.kz/">Kyzylorda-news.kz.</a> Төтенше жағдай аяқталды. Елдегі блокпосттар алынып тасталды. Бірақ карантиндік ережелер әлі де күшінде.
Өйткені әлемдік медицина мамандары пандемияның оңайлықпен аяқталмайтынын және екінші толқыны келуі мүмкін екенін айтып, дабыл қақты. Расымен, індеттің таралуы әлі тоқтар емес. Дерттен жазылғандар да, науқастан қайтыс болғандар да, ең қиыны вирус жұқтырғандар да күн санап көбеюде. Бұл дүниежүзі үшін өте қиын жағдай.
Медицина мамандарының сөзіне мән берсек, вирус жұқтырғандардың басым бөлігі, денсаулығына мән бермей, сақтанбағандар. Олардың көбісі карантиндік тәртіпті сақтамай, қауіпсіздік шараларын қабылдамағанынан осындай жағдайға душар болуда. Өйткені бұл дерттен аман болудың ең басты жолы – медициналық бетперде кию мен қолдың тазалығы және көпшіліктен оқшаулану. Сайып келгенде ортақ тәртіпке бағыну, қауіпсіздік шараларын қатаң сақтау. Босаңсуға, еркінсуге әлі ерте.
Қиын-қыстау кезеңде бірліктің үлгісін көрсетіп, тәртіпке бағынып, індетке жұмыла қарсы тұру біздің бірлігіміздің қаншалықты екенін көрсетеді. Қанша жанның өмірін қиған індетпен күресу шаралары күшеймесе, босаңсыған емес. Ендеше қазақстандықтар да мамандардың, медицина қызметкерлерінің еңбегін жоққа шығармай, карантиндік ережелерде көрсетілген талаптарды қатаң сақтап, демеу білдіріп, қолдау көрсетуге тиіс. Сын сағатта тас түйін, біртұтас елдің үлгісін көрсету керек. Өйткені бірге көтерген жүк жеңіл болады. Бірлік бар жерде тірлік те бар. Ал ауызбіршілікпен жасалған кез келген істің нәтижесі тек жақсылық болмақ.
Садық Әлиев
аудандық ардагерлер кеңесінің төрағасы
<img src="https://kyzylorda-news.kz/wp-content/uploads/2020/06/fb_img_1592911511396.jpg" alt="" />

Індеттің таралуы тоқтар емес

<a href="https://kyzylorda-news.kz/">Kyzylorda-news.kz.</a> Шекараның жабылуы отандық туризм бизнесін тұралатты. Шабаданын сайлап саяхатқа асыққан жандардың да жоспарын бұзды. 
Туртоптамаға сұраныс төмендеген осы шақта Қызылордадағы 8 агенттіктің біреуі ғана нарыққа қайта оралды. Ал жүздеген сырбойылық демалысқа алдын ала төлеген қаржысын қайтара алмай әуре. 
Айсалбаевтар отбасы Түркияға барып тынығуды екі жылдан бері жоспарлап жүрген. Ағымдағы жылдың қаңтарында алғашқы жарнасын төлеп, жазғытұрым теңіз жағасында қыздырынып жатқандарын елестетіп те қойған. Наурыз айында күшіне енген шектеулерге байланысты құмды жағалаулар, думанды кештер көзден бұл-бұл ұшты. 
<blockquote>
 «Алып ұшып алты ай бұрын тапсырыс беріп қойғанбыз. Туртоптама құнының 30%-ін төлеп жібердік. Жаһанды жайлаған індет отбасылық жоспардың күл-талқанын шығарды. Енді ақшамызды қайтара алмай турфирманың есігін аңдып жүрміз», – дейді қала тұрғыны Қайрат Айсалбаев. 
</blockquote>
Алдын ала броньдауға төленген ақшаның қайтымы қиын. Тұтынушылардың салымын агенттіктер туроператорларға жолдайды. Олар қаржыны әуе компаниялары мен қонақүйлерге аударады. Солай ізі сиырқұйымшақтанып кете береді. Туристік фирма өкілдерінің айтуынша, туроператорлар тұтынушыға балама бағыттар ұсына алмаған жағдайда ғана қаражат қайтарылады. 
<blockquote>
 «Қазір қозғалыс шектелді, саяхатшылар нөпірі жоқ. Сондықтан сапардан бас тартып, ақшасын кері қайтарғысы келетін азаматтардың сұрауын біз өтей алмай отырмыз. Жергілікті туроператор басқа нұсқа ұсына алмайды. Бұл рейс толығымен Қызылордадан алынып тасталады. Дегенмен, төлемді қайтаруға қатысты шаралар қабылдап жатырмыз», – дейді туристік агенттік директоры Перизат Әбілқасымова. 
 «Бұл кезеңде жұмыс қызып, үлгірмей жататынбыз. Түнгі 11-12 ге дейін құжаттар рәсімдейтінбіз. Қалыптасқан жағдайға орай қазір меңіреу тыныштық. Қолдан келері тек күту», – дейді туристік агенттік менеджері Елена Ким. 
</blockquote>
Күрделі жағдайды реттеуге мемлекет араласуы тиіс. Бұл жергілікті турагенттіктердің ұсынысы, жанайқайы десек те болады. Дербес субсидия, жеңілдетілген несие және чартерлік рейстердің бағасын түсіру отандық турбизнеске ауадай қажет.
<a href="https://24.kz/kz/zha-aly-tar/o-am/item/403297-shetelge-sayakhattaudy-zhosparla-an-yzylordaly-tar-a-shasyn-ajtara-almaj-zh-r">«Хабар 24»</a>

Шетелге саяхатты жоспарлаған қызылордалықтар ақшасын қайтара алмай жүр

**<a href="https://kyzylorda-news.kz/">Kyzylorda-news.kz.</a> ҚР ІІМ Әкімшілік полиция комитеті төрағасының орынбасары Серік Түсіпов Қазақстанда рулі оң жақта орналасқан көліктерге неліктен тыйым салынғанын түсіндіріп берді, деп хабарлайды <a href="https://www.inform.kz/kz/kazakstanda-ruli-on-zhakta-ornalaskan-kolikterge-nelikten-tyyym-salyngan-iim-zhauaby_a3662401">ҚазАқпарат.</a> 
**
<blockquote>
 «Армениядан әкелінген көлікті тіркеу құны – 11 940 теңге. Оған тіркеу жинағы үшін қосылатын 695 теңге, техникалық құжат үшін 3473 теңге, мемлекеттік нөмір үшін 7778 теңге төлеу керек. Әкелінген көліктер Арменияның жауапты органдарының есебінде тұрғандықтан оларды Қазақстанға тіркеу кезінде оларға сары түсті мемлекеттік тіркеу нөмірі беріледі. Мұндай нөмірлер – басқа мемлекетте тұрақты тіркеуі бар көліктерге беріледі. Сонымен қатар көлік иесінің тұрып жатқан облыстың кодымен тапсырылады», – деді ол ОКҚ-да «ҚР азаматтары Армениядан әкелген автомобильдерді тіркеу туралы» тақырыбында өткен баспасөз мәслихатында. 
</blockquote>
ІІМ өкілінің айтуынша, рулі оң жақтағы көліктер тіркелмейді. Себебі мұндай санаттағы көліктерге қатысты шектеу Қазақстанда 2009 жылдан бері бар. 
<blockquote>
 «Рулі оң жақта орналасқан көліктерге тыйым – жол жүру ережесі заңымен және кедендік одақтың техникалық регламентімен реттеледі. Бұл тыйым Армениямен бірге өзге мемлекеттерден келетін көліктерге қатысты. Рулі оң жақтағы көліктер әу баста жол ерекшеліктеріне байланысты Жапония, Ұлыбритания елдерінде рұқсат етілген. Мұндай көліктермен біздің елде жүру ыңғайсыздық туындатады. Мәселен, ондай көліктер алдындағы көліктен озғысы келетін жағдайда жүргізуші қарсы келе жатқан көліктерді байқамай қалуы мүмкін», – деді ол.
</blockquote>

Қазақстанда рулі оң жақта орналасқан көліктерге неліктен тыйым салынған – ІІМ жауабы

<a href="https://kyzylorda-news.kz/">Kyzylorda-news.kz.</a>&nbsp;Қазақстандықтардың армян автокөліктерін Қазақстан Республикасының аумағына кіргізу мәселесі, армян және қырғыз автокөліктеріне қатысты шектеулер туралы ҚР Қаржы министрі Ерұлан Жамаубаев халықпен есеп беру кездесуінде айтты.
Министр ондай автокөліктер тек уақытша тіркелетінін естеріңізге саламыз дейді. Оның сөзінше бұл процесті қаржы министрлігі қатаң қадағалауына алатын болады.
<blockquote>
 “2020 жылдың 1-ақпанына дейін жеткізілген автомобильдер үшін белгілі бір шешімдер бар, үкіметтің қаулысы қабылданды. Яғни олар уақытша тіркеліп, сары нөмірлерді алып, көлік салығын төлейді. Бұл процесті біздің қаржы министрлігі қадағалайтын болады”, – деді ол.
</blockquote>
1 ақпаннан кейін әкелінген автоөліктерге келер болсақ, ол заңда қарастырылған кедендік баж салығын, пайдалану ақысы мен басқа да төлемдерді толығымен төлеуге тура келетінін айтты.&nbsp;
<blockquote>
 “Армения Республикасының мемлекеттік кірістер органдарынан салықтар болуы мүмкін, салық міндеттемелері туындауы мүмкін деген мәселелері әлі де бар. Біз бұл мәселе бойынша армян тарапымен келіссөздер жүргізіп жатырмыз, сондықтан біздің аумақта жүретін көліктердің иелері бізге салық төлеуі тиіс”, – деп толықтырды Жамаубаев.
</blockquote>

1 ақпаннан кейін әкелінген армян көліктерінің иелері екі елде салық төлейді

<a href="https://kyzylorda-news.kz/">Kyzylorda-news.kz.</a> Қызылорда облысындағы жағажайлар жұмысын қайта бастады.
Жаһандық пандемияның салдары барлық кәсіпорындарға, шағын және орта бизнес өкілдеріне, оның ішінде туристік нысандарға да кері әсерін тигізіп, қызметтері тоқтаған болатын.
Осыған сәйкес, қазіргі таңда Қазақстан аумағында Төтенше жағдай режимі алынып, карантиндік шаралардың кезең-кезеңмен жеңілдеуіне байланысты, бірқатар туризм саласының қызметтері өз жұмыстарын қайта бастады.
Қазіргі таңда қала көлемінде «Сыр самалы» қалалық жағажайы, Белкөл кентіндегі «Балалар жағажайы» және Шиелі ауданында Ханқожа көлінің жағажайы («Бәйгеқұм» демалыс аймағы) демалушыларды қабылдауға дайын.
Сонымен қатар, қала көлемінде «Арай аква», «Аква Гранд», «Аква Хауз», «Селена аква», «Сабалақ аква», «Керуен», «Шах», «Дала Парк», «ПМК-26», «ПМК-29», Көксу мекен-жайында орналасқан «Сырдария толқыны» жұмыстарын жалғастыруда.
Бұдан бөлек, Арал ауданының Бас санитарлық дәрігерінің ағымдағы жылғы 31 мамырдағы №9 қаулысының 5.1 тармағына сәйкес, аудан көлемінде инфекциямен сырқаттанушылық деңгейі 0%-дан 36,6%-ға өсуіне байланысты эпидемиялогиялық ахуал тұрақталғанға дейін жағажай қызметтері өз жұмысын тоқтата тұру туралы қаулы етілді.
Осыған байланысты, Арал ауданында орналасқан «Қамыстыбас» демалыс аймағы облыс көлемінде өз жұмысын белгісіз мерзімге тоқтатып тұр.
Қазіргі таңда, COVID-19 жағдайының өршуі толық жойылмауына байланысты, жоғарыда аталған демалыс аймақтарына барған кезде карантиндік шараларды қатаң сақтай отырып, сақ жүру қажет.
<img src="https://kyzylorda-news.kz/wp-content/uploads/2020/06/zhagazhaj.jpeg" alt="" />
<img src="https://kyzylorda-news.kz/wp-content/uploads/2020/06/zhagazhaj1-1.jpeg" alt="" />
<img src="https://kyzylorda-news.kz/wp-content/uploads/2020/06/zhagazhaj2.jpeg" alt="" />

Қазақстан және Қызылорда облысының жаңалықтары: Рубрикасыз

Жұлдыздар не дейді?

Жұлдыздар не дейді?

Биыл елімізде Құрбан айт намазы оқылмайды

Түрмедегі танысына есірткі өткізбекші болған қызылордалық ұсталды

Қахар Дадашев: Халқымыздың амандығын тілейік

Енді елімізде коронавирустан қайтыс болғандарды аптасына бір рет жариялайды

Қазақстанда коронавирустан қайтыс болғандарды жерлеу тәртібі өзгерді

Індеттің таралуы тоқтар емес

Шетелге саяхатты жоспарлаған қызылордалықтар ақшасын қайтара алмай жүр

Қазақстанда рулі оң жақта орналасқан көліктерге неліктен тыйым салынған – ІІМ жауабы

1 ақпаннан кейін әкелінген армян көліктерінің иелері екі елде салық төлейді

Қызылордада жағажайлар қызметі жандануда