<a href="https://kyzylorda-news.kz/">Kyzylorda-news.kz.</a> 1972 жылдың наурыз айында Азаматтық қорғаныстың Халықаралық Ұйымы құрылып, Қазақстан Республикасы 1997 жылдың қазан айында тәуелсіз мемлекет ретінде Азаматтық Қорғаныстың Халықаралық Ұйымының қатарына қосылды.&nbsp;&nbsp;&nbsp;&nbsp;&nbsp;&nbsp; 
Содан бері елімізде жыл сайын 1 наурыз – Бүкіләлемдік Азаматтық Қорғаныс күні болып аталып, мемлекетіміз азаматтардың өмірін қорғау және қауіпсіздігін қамтамасыз ету саясатын жүргізіп келеді. &nbsp;&nbsp;&nbsp;&nbsp;&nbsp; 
Бүгінде 2020 жылғы 1 наурыздан бастап Департаментте «Азаматтық қорғаныс және алғашқы көмек әр үйге» ұранымен Бүкіләлемдік Азаматтық қорғаныс күніне арналған іс-шаралары жүргізілуде. Бүгінгі волейболдан өткізілген спорттық турнир игі шаралардың жалғасы.&nbsp;&nbsp;&nbsp; 
Сондай-ақ 2008 жылғы ақпан айының соңғы күнінде Сырдария өзеніндегі мұздың жағдайын, қорғаныс бөгеттерін зерттеу, ықтимал табиғи апатқа қарсы тұру шараларын пысықтап, дайындықты қамтамасыз ету үшін әуеге көтерілген МИ – 8 тікұшағының апаты орын алды.&nbsp;&nbsp;&nbsp;&nbsp;&nbsp;&nbsp; 
Сол апатта бірқатар азаматтармен бірге аяулы дос, жоғарғы дәрежелі маман полковник Қазбек Төреманов қаза болған еді. Биыл Қазбек Төреманов арамыздан кеткеніне де 12 жыл уақыт өтті. &nbsp;&nbsp; 
Қазбек Төреманов өз елінің алдында атқарған ерен еңбегі үшін бірқатар жоғарғы мемлекеттік наградалармен марапатталған. Кәсіби шеберлігімен және өжеттілігімен ерекшеленетін еді. Әртүрлі төтенше жағдайларда оң шешім қабылдап, одан шығудан жол таба білген іскер басшы болатын. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 
Бүгінгі Азаматтық қорғаныс күніне және Қазбек Төремановты еске алуға арналған спорттық жарыста 14 команда өз бақтарын сынап, жүйрігін анықтады. 
тартысқа толы бәсекеде облыстық жастар орталығының еріктілері мен №2 мамандандырылған өрт сөндіу бөлімінің командасы ерекше ойын өрнегін көрсетті. 
Ақтық мәреге дейін жетіп жүлделі 1-орынды №2 мамандандырылған өрт сөндіру бөлімі иеленсе, 2- орын еріктілерге бұйырды. Алғашқы үштіктен ойып тұрып орын алған ұйымшыл Төтенше жағдайлар департаментінің құрама командасы 3 орынды қанжығасына бағындырды.
<img src="https://kyzylorda-news.kz/wp-content/uploads/2020/03/oblystyk-zharys-1-scaled.jpg" alt="" />
<img src="https://kyzylorda-news.kz/wp-content/uploads/2020/03/oblystyk-zharys-2-scaled.jpg" alt="" />

Қызылордада волейболдан облыстық турнир өтті

<a href="https://kyzylorda-news.kz/">Kyzylorda-news.kz.</a> Қазақстанда табысы аз отбасыларының балалары үшін кепілдік берілген әлеуметтік топтама (КБӘТ) беру жалғасуда. Республиканың 11 өңірінің 85 ауданында алушыларға азық-түлік жиынтығы берілді, деп хабарлайды <a href="http://lenta.inform.kz/kz/kazakstannyn-11-onirinde-tabysy-az-otbasylardyn-balalary-azyk-tulik-zhiyntyktaryn-aldy_a3620983">ҚазАқпарат</a>.
<blockquote>
 «Олардың қатарында Ақмола, Ақтөбе, Атырау, Қарағанды, Қостанай, Қызылорда, Маңғыстау, Шығыс Қазақстан, Батыс Қазақстан облыстары, Алматы және Павлодар қалалары бар. Алушылардың жалпы саны 9,6 мың отбасындағы 17,6 мың баланы құрады. Жалпы, атаулы әлеуметтік көмек (АӘК) алатын табысы аз отбасылардағы 1 жастан 6 жасқа дейінгі 64 мың баланы қамту жоспарлануда», – делінген Еңбек және халықты әлеуметтік қорғау министрлігі мәліметінде.
</blockquote>
Естеріңізге сала кетейік, Мемлекет басшысы Қазақстан халқына Жолдауында АӘК тағайындау тетігін оның ашықтығын, әділдігін және еңбекке деген ынтасын қамтамасыз ету мақсатында түзетуге тапсырма берген болатын. Мемлекеттік көмектің жаңа шаралары 2020 жылғы 1 қаңтардан бастап кешенді түрде жүзеге асырылуда. Оған көпбалалы отбасыларға арналған жаңа мемлекеттік жәрдемақы, атаулы әлеуметтік көмек, табысы аз отбасылардағы балаларға арналған кепілдік берілген әлеуметтік топтама кіреді.
1 жастан 6 жасқа дейінгі балаларға арналған КБӘТ азық-түлік жиынтығын және тұрмыстық химия тауарларының жиынтығын қамтиды. 6 жастан 18 жасқа дейінгі балалар үшін мектептерде ыстық тамақ, оқу құралдары мен мектеп киімдерін беру көзделеді. Сондай-ақ, осы санаттағы балалар үшін мектепке дейінгі жол жүру шығындарын өтейтін болады.
Азық-түлік жиынтығы балалардың жас санатына байланысты өз құрамы бойынша ерекшеленеді: 1 жастан 3 жасқа дейін және 3 жастан 6 жасқа дейін, бірақ әлеуметтік топтаманың құрамы өңірге қарамастан бірдей. Жиын құрамы физиологиялық ерекшеліктерді, азық-түліктің тағамдық және энергетикалық құндылығының арақатынасын және жасына сәйкес оларды пайдалану нормаларын ескере отырып, Денсаулық сақтау министрлігінің ұсынымдары негізінде құрылған. Өнімдер дәруменге бай, бұл өсіп келе жатқан ағзадағы дәрумендердің жетіспеушілігін өтеуге мүмкіндік береді.
1-ден 3 жасқа дейінгі балаларға арналған жиынтық сүт, печенье, ботқа, үлпек және балалар пюресін қамтиды. 3 жастан 6 жасқа дейінгілерге арналған азық-түлік жиынтығы сүттен, макароннан, сұлы үлпектерінен, күнбағыс майынан, гематогеннен, таңғы асқа арналған сүт жастықтарынан, балалар печеньесінен, арпа, қарақұмық жармасынан, бұршақ пен балдан тұрады.
1 жастан 6 жасқа дейінгі балаларға арналған тұрмыстық химия тауарларының жиынтығына тіс пастасы, щетка, крем-сабын, сабын, сусабын, ұнтақ және крем кіреді. Табысы аз отбасының әрбір баласына осы жиынтық тоқсан сайын берілетін болады.

Қызылорда облысында табысы аз отбасылардың балалары азық-түлік жиынтықтарын алды

<a href="https://kyzylorda-news.kz/">Kyzylorda-news.kz.</a> Қызылорда олысында мәдениет нысандарын жаңғырту мақсатында 2019 жылы мәдениет саласы бойынша 2 ауылдық клуб құрылысы салынды.
Атап айтар болсақ, Арал ауданы Шижаға&nbsp; ауылдық мәдениет үйі, Шиелі ауданы Тартоғай ауылдық мәдениет үйінің,&nbsp; мемлекеттік-жекешелік әріптестік&nbsp; аясында Қызылорда қаласы Ақжарма ауылдық клубының құрылысы&nbsp; құрылысы салынып, пайдалануға берілді.
Сонымен қатар «Ауыл ел бесігі» республикалық жобасы аясында 5 мәдениет нысанына, жергілікті бюджет есебінен 1 клубқа&nbsp; күрделі және жәй жөндеу жұмыстары жүргізілді.
<img src="https://kyzylorda-news.kz/wp-content/uploads/2020/01/30aubakir2.jpg" alt="" />

Қызылордада бірнеше мәдениет нысандарына құрылыс жұмыстары жүргізілді

«Рухани жаңғыру» бағдарламасы қалай жүзеге асырылып жатыр?

<a href="https://kyzylorda-news.kz/">Kyzylorda-news.kz.</a> Бүгінгі таңда қайырымдылықпен айналысу белең алып келеді. Көптеген адам мұқтаж жандарға көмектесу мақсатында ескі киімдерін таратуға бейім тұрады. Алайда бұл іс-әрекет әрдайым дұрыс бола бермейді деп хабарлайды <a href="https://korrespondent.kz/obshhestvo/pochemu-ne-stoit-otdavat-svoyu-staruyu-odezhdu-dazhe-bednym/?utm_medium=referral&utm_source=lentainform&utm_campaign=korrespondent.kz&utm_term=1284781&utm_content=8260011">Korrespondent.kz</a>&nbsp;басылымы.
Біздің ата-бабаларымыз ешқашан өзінің киімін бөтен біреуге сыйға тартқан емес. Мұның да өз себебі бар.
Мәселен, адам бір киімді бірнеше жыл киген кезде, киім мен оның арасында энергетикалық байланыс туындайды. Ал киілген киім бөтен біреудің иелігіне өтсе, энергетика сол адам мен киімнің бұрынғы иесінің арасында пайда болады.
Әрине, ол әр кез жамандыққа әкеп соқпайды. Кейде осылайша адам көптеген күткен сәттілікке ие болуы мүмкін. Десе де кейбір кезде адам киімін басқа біреуге бергенде өзінің жолы болмай, өмірінде қара жолақ пайда болады.
Естеріңізге сала кетейік, Америкада келіншек өзінің омырауынан артылған сүтпен 30&nbsp;баланы тойдырған.
Кристинаның омырау сүті күніне екі-үш литрге дейін жиналып қалатын болған. Бастапқыда әйел адам артылған сүтті емізулі қызы бар құрбысына беріп жүрген.
Дегенмен Кристинада сүт артылып қалып қоя берген.
Осыдан кейін ол Facebook желісі арқылы мұқтаж балаларды іздеп, нәтижесінде 17-і айда Кристина 355 литр омырау сүтін беріп, тағы 28 сәбиге көмектескен.

Біреудің киімін неліктен бөтен адамға киюге болмайды?

<a href="https://kyzylorda-news.kz/">Kyzylorda-news.kz.</a> Себепсіз, жөнсіз ажырасу-екі жаққа да абырой, жақсылық әкелмейтін іс. Бір-бірін сыйлай білген, сыйлата білген, қадірін біліп, құрмет тұтқан жандардың бақыты баянды болатыны рас. Ислам дінінде ерлі-зайыптылар некесінің тұрақты болуына байланысты кеңестер бар. Сонымен отбасыны сақтау қалу үшін не істеу керек?
1. Жар таңдау
Пайғамбарымыз Мұхаммед (с.ғ.с.) жар таңдауда төрт нәрсеге көңіл бөлуді өсиет еткен:&nbsp;
<blockquote>
 “Әйел затына үйлену төрт нәрсеге негізделеді: байлығы үшін, атағы (тегі) үшін, сұлулығы үшін және діні үшін. Сен діні барын таңда, әйтпесе көп жақсылықтан құр қаласың!”, – деген.
</blockquote>
Шындығында әйел адам ең әуелі ар-ұятымен, иманымен көрікті.
Абай Құнанбайұлы өзінің өсиетті өлеңдерінің бірінде жастарға былайша насихат айтты:&nbsp;
“Жасаулы деп, малды деп байдан алма,&nbsp;&nbsp; Кедей қызы арзан деп құмарланба.&nbsp; Ары бар, ақылы бар, ұяты бар,&nbsp; Ата-ананың қызынан ғапыл қалма”.
2. Өзгеден емес өзінен бастау
Ислам діні жақсы амалда өзгеге бірінші болып үлгі болуға тәрбиелейді. Әсіресе, ер адам өз отбасын жақсылыққа шақырып, жамандықтан тыю керек. Үйдің отанасы, бала-шағасының тіршілігі мен құлшылығында бір Аллаға бойсұнуына, оларға имани тәрбие беруге аса көңіл бөлуі керек.
<blockquote>
 Алла Тағала қасиетті Құранда адамзат баласына:&nbsp;“Отбасыңа намаз оқуды бұйыр. Өзің де намаз оқуда табандылық таныт”, – деп бұйырған.
</blockquote>
Отағасы отбасы алдында жақсы істерде жетекші болуы керек. Мұсылман адам өзгені түзетуден бұрын өзін түзеуі тиіс. Сонда оның сөзі де өтімді, амалы нәтижелі болады. Жақсылыққа ұмтылған жанұя жамандықтан іргесін аулақ ұстайтыны айдан анық.
3. Ажырасуға асықпау
Пайғамбарымыз Мұхаммед (с.ғ.с.) бір хадисінде:&nbsp;
<blockquote>
 “Алланың құзырында рұқсат етілгенімен, қатты ұнамсыз іс – ажырасу”, – деген.
</blockquote>
Жаратушы ер мен әйелдің болмашы нәрселер үшін ажырасуын қаламайды. Сондықтан некені бұзудың өзіндік шарттары, уақыттары, әдептері бар. Бұл себептер екі жақтың “ажырасамын” деген райларынан қайту үшін жасалған үлкен мүмкіндіктер есігі деп түсінген абзал.
4. “Ажырасамын” деп әзілдемеу
Қалжың сөзбен “талақ” деп айтылған сөз де талақ ретінде есептеліп кетуі мүмкін. Сондықтан ер мен әйел бұл сөзді айтудан аса сақ болуы қажет. Ал ислам дінінде “талақ” деп әзілдеп айтуға рұқсат жоқ. Ислам некені ойыншыққа айналдырмауға шақырады. Алла Елшісі Мұхаммедтің (с.ғ.с.):&nbsp;“Үш нәрсенің шыны да шын, әзілі де шын: олар – неке, құл азат ету, талақ”,&nbsp;– деген хадисін есте сақтаған жөн.&nbsp; &nbsp;
5. Адамның жақсы мінезін көре білу
Ажырасу мәселесінде байқалатын жағдайдың бірі – адамның кемшілігін көбірек көру. Осы жағдай түбі жақсылыққа әкелмейді.
<blockquote>
 “Мүмін ер адам еш уақытта мүмін әйелді жек көруші болмасын. Егер де қандай да бір мүмін әйелдің әлдебір мінезі көңіліне жақпаса, басқа бір қасиетін ұнатар”, – деп айтылған хадисте.
</blockquote>
Ешбір адам кіршіксіз емес. Адамның әлсіз оның жаман екенін білдірмейді. Жақсы мінезі әлсіз тұсынан басым болуы – оның жақсы адам екенін айшықтаса керек. Сол себепті бір әлсіздігі үшін 10 жақсы тұсын жоққа шығару – әділетсіздік болып табылады.
6. “Ең жақсыларың – әйелдеріңе жақсы қарағандарың…”
<blockquote>
 “Иман тұрғысынан мүміндердің ең кәмілі – мінез-құлқы ең жақсы болғандар. Ең жақсыларың – әйелдерімен жақсы қарым-қатынаста болғандарың”, – деген Пайғамбарымыз Мұхаммедтің (с.ғ.с.) хадисі болашақ отағасының жадында әрдайым жаңғырып тұрса жақсы.
</blockquote>
Амр ибн әл-Ахуас әл-Жушами (р.а.) мына оқиғаны былай баяндайды:
<blockquote>
 “Пайғамбарымыз (с.ғ.с.) қоштасу қажылығында Алла Тағалаға мақтау айтып, шүкіршілік білдірген соң жамағатқа былай деп насихат айтқанын естідім:&nbsp;“Әйелдеріңе жақсы қараңдар, өйткені сендер шын мәнінде оларға жауаптысыңдар. Анық арсыздық жасамайынша&nbsp;(күйеуіне опасыздық жасамайынша немесе бойсұнудан бас тартпайынша), олармен тек жақсы қарым-қатынаста болуға тиіссіңдер. Сендер үшін бұдан басқа жол жоқ…”.
</blockquote>
7. Ер мен әйелдің хақылары мен міндеттері
Отбасындағы келіспеушілік немесе түсінбеушілік ерлі-зайыптылардың бір-бірінің міндеттерін жіті білмеуінен туындап жатады. Екі тарап өзіне қатысты міндеттерді білмеген соң кейбір мәселеде шектен шығып қалады. Бұл шектен шығушылық жақсылыққа әкелмейтіні анық. Ал Алла Тағала өз құлдарына қатысты міндеттерді Құранда баяндап қойған:
<blockquote>
 “Ер адамдар әйелдеріне басшы&nbsp;(яғни, әйелді бағып-қағу, қорғау және тәрбиелеу – ер адамның міндеті). Өйткені, Алла Тағала (күш-қуат тұрғысынан)&nbsp;оларды бір-бірінен&nbsp;(ер адамды әйел затынан)&nbsp;үстем қылды әрі ер адамдар&nbsp;(отбасының)&nbsp;нәпақасын табушы.
 Ал, салиқалы әйелдер Аллаға және ерлеріне басы бүтін бойсұнады.&nbsp;(Ерлері жоқ кезде)&nbsp;Алла олардың құқығын қалай қорғаса, олар да ерлерінің хақысын қорғап, абыройларын әрі ерлері тапқан дүние-мүлікті сақтайды һәм араларындағы сырға берік болады”. &nbsp;
</blockquote>
Muslim.kz

&#8220;Ажырасамын&#8221; деушілерге арналған кеңес: Отбасын сақтап қалу үшін не істеу қажет?

<a href="https://kyzylorda-news.kz/">Kyzylorda-news.kz</a>. Ауыл шаруашылығы ғылымдарының кандидаты Марат Жанзақов Қызылорда «Болашақ» университетінің «Құрылыс, мұнай, логистика, биология» кафедрасының қауымдастырылған профессоры ретінде 2016 жылдан бастап қызмет атқарып келеді.
<img src="https://kyzylorda-news.kz/wp-content/uploads/2020/01/gylym-zholyndagy-gwmyr-1.jpg" alt="" />
Ол 1955 жылы Қызылорда облысы, Қазалы ауданының Қазалы қаласында дүниеге келген. 1962-1972 жылдары Қазалы қаласындағы Ғ. Мұратбаев атындағы №17 қазақ орта мектебінде оқыған. 1977 жылы Алматыдағы Еңбек Қызыл Ту орденді Қазақ мемлекеттік ауылшаруашылығы институтының агрономиялық факультетін бітіріп, ғалым-агроном біліктілігін алғаннан кейін 1991 жылдың қарашасына дейін Қызылорда қаласындағы Қазақ күріш ғылыми-зерттеу институтының селекция бөлімінде лаборант, кіші ғылыми қызметкер, аға ғылыми қызметкер секілді қызметтер атқарып, Сыр өңірінің экологиясына жақсы бейімделген күріш сорттарының селекциясымен айналысты.
Аталған ғылыми-зерттеу мекемесінде қызмет атқара жүріп, 1980-1984 жылдары Ленинград қаласындағы Н.И. Вавилов атындағы Бүкілодақтық өсімдік шаруашылығы ғылыми-зерттеу институтының аспирантурасында оқып, «06.01.05 – Селекция мен тұқым шаруашылығы» мамандығы бойынша «Күріш сорттарының гербицидтерге реакциясы» тақырыбындағы кандидаттық диссертацияны қорғады.
Ғалым-селекционер М.М. Жанзақов 1991 жылдың қарашасынан бастап сол кездегі Қызылорда агроөнеркәсіп инженерлері институтына (қазіргі Қорқыт Ата атындағы Қызылорда мемлекеттік университеті) оқытушылық қызметке ауысты. Ол оқу орнында студенттерге дәріс берумен қатар, жоғары және орта арнайы оқу орындары студенттері мен ауыл шаруашылығы өндірісінің, сондай-ақ ғылыми-зерттеу мекемелерінің жас мамандарына арнап көптеген оқулықтар мен оқу құралдар, әдістемелік құралдар дайындады және де оның тікелей жетекшілігіндегі Қызылорда облысындағы мектептер оқушыларының, Қорқыт Ата атындағы Қызылорда мемлекеттік университеті, «Ақмешіт» гуманитарлық-техникалық институты студенттерінің ғылыми жобалары Республикалық және облыстық ғылыми конференцияларда және пәндік олимпиадаларда жүлделі орындарды иемденіп, дипломдармен марапатталды. Атап айтар болсақ, 2004 жылы – №226 гимназияның 11 сынып оқушысы А. Тәжі облыстық және Республикалық «Экология және балалар» ғылыми конференциясында І орын; 2007 жылы – №226 гимназияның 11 сынып оқушысы Б. Нармағанбетов облыстық «Қоршаған орта және адам денсаулығын қорғау» ғылыми жоба жарысында І дәрежелі диплом; 2008 жылы – оқушылардың Алматыда өткен биология пәнінен Республикалық ғылыми жарысында І дәрежелі диплом; №15 гимназияның 11 сынып оқушысы Ж. Жәнібекова биология пәнінен облыстық ғылыми жоба жарысында ІІ орын; 2009 жылы – Ә. Спандиярова Қорқыт Ата атындағы Қызылорда мемлекеттік университеті студенттерінің «Студент және ғылым: білім, инновация, бәсекеге қабілеттілік» атты ғылыми конференцияда І орын; Ә. Спандиярова, А. Уалиева, А. Демесінова («Агрономия» мамандығы студенттерінен құралған команда) – Ауылшаруашылық және ветеринария мамандықтарының Республикалық пәндік олимпиадасында жоғары білімі мен біліктілігі үшін Құрмет грамоталарымен марапатталды. 2010 жылы – Қорқыт Ата атындағы Қызылорда мемлекеттік университетінің «Агрономия» мамандығы студенттерінен құралған команда Ауылшаруашылық және ветеринарлық мамандықтар бойынша Республикалық студенттік пәндік олимпиадада II дәрежелі дипломмен; №15 гимназияның 9 сынып оқушысы Г. Камалова Семей қаласында оқушылардың экология бойынша IV Республикалық олимпиадасында І дәрежелі дипломмен марапатталды. 2011 жылы – №15 гимназия оқушысы Г. Камалова Тараз қаласында өткен «Жас ғалым-11» Халықаралық ғылыми-практикалық конференцияда І дәрежелі диплом; Д.&nbsp;Қылышбай Қорқыт Ата атындағы Қызылорда мемлекеттік университетінде өткен «Студенттердің ғылыми-инновациялық шығармашылығы: зерттеулердің тәжірибесі және басым бағыттары» конференциясында ІІ дәрежелі диплом; «Агрономия» мамандығы студенттерінің командасы Республикалық пәндік олимпиадада жүлделі ІІ орынды иеленді; №15 гимназияның оқушысы Ж. Жәнібекова Алматыда өткен Қазақстан Республикасы Тәуелсіздігінің 20 жылдығына арналған «Жаса, Жайна, Қазақстан!» атты оқушылардың зерттеу жобалары фестивалінде ғылыми-жаратылыстану бағытында ІІІ орын иеленді. 2012 жылы Талдықорғанда өткен Қазақстан Республикасы жоғары оқу орындары студенттік ғылыми қоғамдарының «Жаңа әлемдегі жастар және ғылым» Республикалық конференциясында «Ақмешіт» гуманитарлық-техникалық институты студенті Г. Ерболатқызы мен №171 Ғ. Мұратбаев атындағы орта мектеп оқытушысы А.Т. Рүстемованың ғылыми баяндамалары өзектілігімен марапатқа ие болды.
Қызылорда «Болашақ» университетінде де ғылыми жұмыстарын жалғастырып, ауыл шаруашылығы саласындағы жаңа селекциялық әзірлемелер дайындады. Халықаралық «Молодой ученый» журналында жарияланған зерттеулері арқылы кәсіби тұрғыдан дамып, өзге елдердің ғалымдары арасындағы тәжірибелерімен бөлісті.
М.М. Жанзақовтың осы кезге дейін 120-дан аса ғылыми және ғылыми-әдістемелік еңбектері жарық көрсе, оның ауыл шаруашылығының болашақ мамандары – студенттер мен магистранттарға, ғылыми қызметкерлерге арнаған басты еңбектерітөмендегідей:
<ol>
<li>Агрономия негіздері (Оқулық, К.А. Мырзабекпен бірлескен авторлықта; Қызылорда-Алматы, Тұмар-Атамұра, 2007. – 496 б.).</li>
<li>Стандарттау (Оқулық, К.А. Мырзабекпен бірлескен авторлықта; Қызылорда-Алматы, Тұмар-Атамұра, 2007. – 224 б.).</li>
<li>Өсімдік шаруашылығы (Оқулық, Қызылорда-Алматы, Тұмар-Атамұра, 2007. – 384 б.).</li>
<li>Егіншілік (Оқулық, Қызылорда-Алматы, Тұмар-Атамұра, 2010. – 400 б.).</li>
<li>Егістік дақылдар селекциясы (Оқулық, Астана, Фолиант, 2015. – 416 б.).</li>
<li>Өсімдік шаруашылығы (Оқулық, Б.Қ. Кенбаев және К.А.&nbsp;Мырзабекпен бірлескен авторлықта; Нұр-Сұлтан, Ақмешіт, 2019. – 489 б.).</li>
<li>Методические рекомендации по сортоиспытанию дыни в условиях Казахстанского Приаралья. Для селекционеров научных учреждений, специалистов сортоучастков, преподавателей, докторантов и магистрантов высших учебных заведений (Б.А. Дуйсембеков, К.Б. Бегалиев, А.М.&nbsp;Токтамысов және т.б., Қызылорда, 2019. – 44 б.).</li>
</ol>
М.М. Жанзақовтың соңғы 3-жылда (2016-2019 жж.) жарыққа шыққан (28) және баспаға тапсырылған еңбектері (14), оның ішінде «Селекция және тұқым шаруашылығы» (27,5 б.т.), «Агрономия негіздері» (40,3 б.т.), «Егіншілік» (20,5 б.т.) оқулықтары ҚР БҒМ ҚазҰАУ жанындағы Республикалық ОӘК «Ауыл шаруашылығы және биоресурстар», «Ветеринария» мамандық топтары бойынша ОӘБ ұсынған.
Ғалым-оқытушының қазіргі таңдағы ғылыми-зерттеу жұмыстарының бағыттары төмендегідей:
– Сыр өңірінің қолайсыз топырақ-климаттық жағдайларына жақсы бейімделген ауыл шаруашылығы дақылдарының сорттарын шығару мен олардың тұқым шаруашылығы жұмыстарын ұйымдастыруды жетілдіру;
– білім беру саласында берілетін арнайы білімнің сапасын арттыру мақсатында ауыл шаруашылығы мамандығы студенттеріне арналған заманауи талаптарға сай келетін, сапалы оқулықтар мен оқу құралдарын шығару.
Марат Мықтыбайұлы 1 қыз бен 1 ұлдың әкесі, 2 немересі бар. Жұбайы – Жанзақова Рая Бөгенбайқызы қалалық жедел жәрдемде дәрігер-педиатор. Қызы – Жанзақова Нұршат тұрмыста, Каспий банкте бөлім басшысы. Ұлы – Мықтыбай Нұртілеу мектеп оқушысы.
Бүгінде Қызылорда «Болашақ» университетінің ғалымы М.&nbsp;Жанзақов мерейлі 65 жасқа толып отыр. Университет ұжымы ғалымды осы мерейтойымен құттықтайды.
Ғалия ӘЛІБЕКОВА,
ауыл шаруашылығы ғылымдарының кандидаты, доцент, Қызылорда «Болашақ» университетінің «Құрылыс, мұнай, логистика, биология» кафедрасының меңгерушісі, «Болашақ» ҒЗИ жанындағы Агробиотехнологиялық ғылыми-зерттеу лабораториясының жетекшісі

Ғылым жолындағы ғұмыр: қызылордалық ғалым-селекционердің жарқын жетістіктері

<a href="https://kyzylorda-news.kz/">Kyzylorda-news.kz.</a> Статистикалық мәліметтерге сүйенсек, ұшақ әлемдегі ең қауіпсіз көлік құралдарына жатқызылады. Алайда, әдетте ұшақ апатынан жолаушылардың аман қалуы екіталай. Оны бүгінгі Иранда болған әуе апаты да айғақтайды. Дегенмен, ұшақта орынды дұрыс таңдау арқылы апат болған жағдайда аман қалуға мүмкіндігіңізді арттыра аласыз деп хабарлайды&nbsp;<a href="https://kaz.nur.kz/">KAZ.NUR.KZ</a>.
Мамандар көп жағдайда әуе апаты болған кезде ұшақтың құйрығы сау қалатынын мәлімдейді. Бұл сәйкесінше, лайнердің артқы жағында отырғандардың апат кезінде аман қалуға мүмкіндігі артады деген сөз. Ұшақтың бұл бөлігінде жанармай болмайды, сондай-ақ шығатын есіктер де жақын орналасқан.
Егер әуе апаттарының суреттеріне мән берсек, қирандылар арасында ұшақтың құйрығы сау, кейде тіпті, зақымдалмаған күйде қалатынын жиі байқауға болады. Себебі, көп жағдайда ұшақ құлаған кезде оның құйрығы жерге соңғы болып тиеді.
Сонымен қатар, ұшақтың көлеміне де мән беру қажет. Мамандардың айтуынша, әуе кемесі неғұрлым үлкен болса, соғұрлым қауіпсіз болатын көрінеді.
Бұған қоса, апаттық шығу есіктеріне жақын отырған жолаушылардың ұшақтан бірінші болып шығатынын ескерген жөн.
Ұшақтағы неғұрлым қауіпсіз орындарды білу үшін, төмендегі сызбаға назар аударуды ұсынамыз.
<img src="https://kyzylorda-news.kz/wp-content/uploads/2020/01/ushaq-bortyndaghy-eng-qawipsiz-oryndar-qandaj-2.png" alt="" />
Айта кетейік, әуе кемелерінің бортында төтенше жағдайларда не істеу керектігі жазылған нақты нұсқаулар бар. Сол нұсқауларды орындау өміріңізді аман алып қалуға септігін тигізеді.

Ұшақ бортындағы ең қауіпсіз орындар қандай?

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрі Біржан Нұрымбетов зейнетақы жинақтарын мерзімінен бұрын кімдердің жұмсай алатынын айтты, деп хабарлайды&nbsp;<a href="https://kaz.tengrinews.kz/private_finance/zeynetakyi-jinaktaryin-merzmnen-buryin-kmder-jumsay-aladyi-304020/">Tengrinews.kz</a>.
&nbsp;“Концептуал, жеткілікті мөлшер шегі бар (10 және 12 миллион теңге – түсіндірме), сосын жеткілікті мөлшерден аса шек мөлшері бар, осыған жеткенде рұқсат берілсе қолдануға болады”, – деді Нұрымбетов ОКҚ баспасөз конференциясында журналистердің сұрағына жауап беру кезінде. &nbsp;
Оның айтуынша, ерплер үшін жеткілікті мөлшер – 10 миллион теңге, ал әйелдер үшін – 12 миллион теңге. &nbsp;Айта кетейік, егер БЖЗҚ салымшысы 12 миллион теңгеден аса қаражаты болса, мысалы, 13 миллион теңге, онда оған бір миллион теңгені алуына рұқсат беріледі. Ол кезде зейнет жасына жеткені не жетпегені қаралмайды. &nbsp;Қазақстандықтар зейнетақы жинақтарын емдеуге жұмсай алады. &nbsp;&nbsp;&nbsp;&nbsp;&nbsp; 2019 жылдың қыркүйегінде Қасым-Жомарт Тоқаев қазақстандықтардың өздерінің зейнетақы жинақтарын пайдалануы туралы мәселені пысықтауды тапсырды. Жинақтарды пайдалану үшін мысал ретінде Президент сол кезде тұрғын үй сатып алуды және білім алуды атады.

Зейнетақы жинақтарын мерзімінен бұрын кімдер жұмсай алады?

<a href="https://kyzylorda-news.kz/">Kyzylorda-news.kz.</a> Қызылорда облысында талапқа сай емес &nbsp;тағам өнімдері анықталды. Бұл туралы Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі хабарлады.
Былтыр Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті сатып алынған азық-түлік өнімдеріне зертханалық сараптама жүргізген болатын. Ол халық тұтынатын тауарлардың сапасына мониторинг жүргізу шеңберінде қолға алынды.
<blockquote>
 «Осы мақсатта сауда орындарынан барлығы 3035 азық-түлік өнімін сатып алынды. Оның ішінде 986-ы отандық өнім болса, Еуразиялық экономикалық одақ (ЕАЭО, 310-ы өзге елдерінен жеткізілген. Сатып алынған өнімдерге зертханалық сараптама барысында 396 өнімнен сәйкессіздік анықталды. Атап айтқанда, олармикробиологиялық, физикалық-химиялық, қауіпсіздік көрсеткіштер бойынша талапқа сай болмай шықты. Ал құрамы, жарамдылық мерзімі мен өндірушісі, сақтау шарттары туралы мәліметтері мүлде көрсетілмеген 156 өнім анықталды. Сонымен қатар құрамындағы нитраттың саны 3 өнімде мөлшерден тыс болып шықты», – деп мәлім етті Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті баспасөз қызметінің маманы Айман Жанахаева.
</blockquote>
Оның айтуынша, тағам өнімдері арасында ең көп сәйкессіздік ет, сүт, кондитерлік өнімдердің үлесіне тиеді. Оның кейбірінде таңбалану дұрыс болмаса, тағы бірінде кофеин мен құрғақ қоспалар нормадан көп екені анықталды. Мұндай өнімдер сауда сөрелерінен алынып, заңнамаларға сәйкес ұйғарымдар берілді. Жоспардан тыс тексерулер жүргізіліп, айыппұл салынды.

Қызылордада талапқа сай емес тағам өнімдері анықталды

<a href="https://kyzylorda-news.kz/">Kyzylorda-news.kz</a>. 2019 жылы Қызылордада 167 пәтер ұрлығы қылмысы ашылып, 28 қылмыстық топ қолға түскен.
Облыстық полиция департаменті баспасөз қызметінің хабарлауынша, өткен жылдың тек желтоқсан айында облыс орталығында 4 пәтер ұрлығын жасағаны үшін Арал ауданының 2 тұрғыны құрықталды. Сондай-ақ, 5 пәтер ұрлығы мен 2 тонау қылмысын жасағаны үшін Қызылорда қаласының 4-тұрғыны ұсталды. Олар жасаған қылмыстарын толығымен мойындап тергеу абақтысына қамалды.

Қызылордада 28 қылмыстық топ ұсталды

Kyzylorda-news.kz. Қызылордада полиция қызметкерлері ауа райының қолайсыздығынан жолда қалып қойған жолаушыларды құтқарды, деп хабарлайды полиция департаментінің баспасөз қызметі.
Аталған оқиға «Самара-Шымкент» тасжолының бойында болған. Жергілікті полиция қызметі басқармасының қызметкерлері, полиция аға лейтенанттары Аябек Құрбанов пен Әділсейіт Қалағанов Қармақшы ауданында кезекті патрульдеу шарасын өткізіп жүргенде жолдың 1620-шақырымы тұсында жол жиегінде тұрған «ГАЗель» маркалы автокөлікті байқайды.
«Онда 3 жолаушы бар екен. Көлік техникалық ақау салдарынан жолда тоқтап қалған. Ауа райының суық болуына байланысты жолаушылар тоңып қалған. Полиция қызметкерлері оларға дереу көмек көрсетті. Бұзылған автокөлікті Қармақшы ауданындағы Қорқыт ата кешеніне дейін сүйреп алып барды», – деп мәлім етті Қызылорда облыстық полиция департаментінің баспасөз қызметі.
Қазіргі күні Қызылорда облысында ауа райы қолайсыз. Полиция қызметкерлері оқыс оқиғалардың алдын алу мақсатында күшейтілген кезекшілік қызметін атқарып жүр.

Қазақстан және Қызылорда облысының жаңалықтары: Рубрикасыз

Қызылордада волейболдан облыстық турнир өтті

Қызылорда облысында табысы аз отбасылардың балалары азық-түлік жиынтықтарын алды

Қызылордада бірнеше мәдениет нысандарына құрылыс жұмыстары жүргізілді

«Рухани жаңғыру» бағдарламасы қалай жүзеге асырылып жатыр?

Біреудің киімін неліктен бөтен адамға киюге болмайды?

“Ажырасамын” деушілерге арналған кеңес: Отбасын сақтап қалу үшін не істеу қажет?

Ғылым жолындағы ғұмыр: қызылордалық ғалым-селекционердің жарқын жетістіктері

Ұшақ бортындағы ең қауіпсіз орындар қандай?

Зейнетақы жинақтарын мерзімінен бұрын кімдер жұмсай алады?

Қызылордада талапқа сай емес тағам өнімдері анықталды

Қызылордада 28 қылмыстық топ ұсталды

Қызылордалық полицейлер жолда қалып қойған жолаушыларға көмектесті

Қазақстан және Қызылорда облысының жаңалықтары: Рубрикасыз

Қызылордада волейболдан облыстық турнир өтті

Қызылорда облысында табысы аз отбасылардың балалары азық-түлік жиынтықтарын алды

Қызылордада бірнеше мәдениет нысандарына құрылыс жұмыстары жүргізілді

«Рухани жаңғыру» бағдарламасы қалай жүзеге асырылып жатыр?

Біреудің киімін неліктен бөтен адамға киюге болмайды?

&#8220;Ажырасамын&#8221; деушілерге арналған кеңес: Отбасын сақтап қалу үшін не істеу қажет?

Ғылым жолындағы ғұмыр: қызылордалық ғалым-селекционердің жарқын жетістіктері

Ұшақ бортындағы ең қауіпсіз орындар қандай?

Зейнетақы жинақтарын мерзімінен бұрын кімдер жұмсай алады?

Қызылордада талапқа сай емес тағам өнімдері анықталды

Қызылордада 28 қылмыстық топ ұсталды

Қызылордалық полицейлер жолда қалып қойған жолаушыларға көмектесті

“Ажырасамын” деушілерге арналған кеңес: Отбасын сақтап қалу үшін не істеу қажет?