<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда қаласы, Достық үйінде облыс әкімінің орынбасары Нұрымбет Сақтағановтың қатысуымен Еңбек күніне арналған «Еңбек – елдің мұраты» тақырыбындағы дөңгелек үстел өтті.
Қазақстан Республикасы Президентінің 2013 жылғы 22 қарашадағы Жарлығымен жұмысшы мамандықтарына құрмет көрсету дәстүрлерін жаңғырту және ерте жастан еңбектің маңыздылығын түсіну мақсатында қыркүйектің соңғы жексенбісі «Еңбек күні» болып бекітілді.
Содан бері айтулы мереке елімізде тоғызыншы рет аталып өткелі отыр. Кәсіби мерекені тойлаудағы мақсат – жастарды еңбекке үйрету, еңбекпен есімі еленген жандарды көпке үлгі ете отырып, беделін арттыру болып табылады. Сонымен қатар, жұмысшы кәсіптерін танымал қылып, жастарды өндіріс саласына тарту басты назардан тыс қалмауы қажет.
Мемлекет басшысы Қ.К. Тоқаев 1 қыркүйектегі халыққа Жолдауында: «Қуатты ұлттың діңгегі – халық. Ең бастысы, азаматтарымыздың денсаулығы мықты, білімі терең болуы керек. Кәсібилік пен еңбекқорлық қоғамымызда ең жоғары орында тұруы қажет. Елімізде еңбекқор адам, кәсіби маман ең сыйлы адам болуға тиіс», &#8212; дегені белгілі.
Облыс әкімінің орынбасары Нұрымбет Сақтағанов алғы сөзінде жиналғандарды Еңбек күнімен құттықтап, бұл мереке адал еңбегімен еліміздің дамуы мен өркендеуіне өлшеусіз үлес қосып жүрген еңбеккерлерге көрсетілген құрметтің көрінісі екендігін атап өтті.
Дөңгелек үстел барысында «Облыстық кәсіподақтар орталығы» аумақтық кәсіподақтар бірлестігінің төрағасы Мақсұт Нәлібаев жұмыскерлердің әлеуметтік-экономикалық және заңды еңбек құқықтарының бұзылмауын, еңбек қауіпсіздігінің заң аясында сақталуын қадағалаудағы кәсіподақтарға жүктелген ерекше міндет жайлы хабарлама жасаса, Ардагерлер ұйымының Қызылорда облысы бойынша бірлестігінің төрағасы Серік Дүйсенбаев және еңбек ардагері Қ. Шапшанов өз ұсыныс-пікірлерімен бөлісті.
Шара аясында «Абай Дәулет» ЖШС және «HY Oil Technology Service (ЭйчУай мұнай-технологиялық қызмет)» ЖШС кәсіпорындарымен еңбек ұжымдарындағы әлеуметтік-еңбек жағдайын және өндірістік процестерді тұрақтандыру, жұмыскерлердің еңбек құқықтарын және жұмысқа орналасуын қамтамасыз ету мәселелері бойынша өзара түсіністік және ынтымақтастық туралы меморандумға қол қойылды.
Шара соңында Еңбек күніне орай еселі еңбек етіп, ел алғысына бөленіп жүрген бір топ азаматқа облыс әкімдігінің және кәсіподақтар орталығы атынан төсбелгілер мен алғыс хаттар табысталды.
<div class="wp-block-image"><figure class="aligncenter size-full"><img loading="lazy" width="960" height="636" src="https://kyzylorda-news.kz/wp-content/uploads/2022/09/308605895_408186748167223_3417699969825918106_n.jpg" alt="" class="wp-image-167859" srcset="https://kyzylorda-news.kz/wp-content/uploads/2022/09/308605895_408186748167223_3417699969825918106_n.jpg 960w, https://kyzylorda-news.kz/wp-content/uploads/2022/09/308605895_408186748167223_3417699969825918106_n-768x509.jpg 768w" sizes="(max-width: 960px) 100vw, 960px" /></figure></div>
<figure class="wp-block-image"><img/></figure>
<figure class="wp-block-image"><img/></figure>

«Еңбек – елдің мұраты» тақырыбындағы дөңгелек үстел өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Бүгін Премьер-Министр Әлихан Смайыловтың төрағалығымен өткен Үкімет отырысында 2021-2025 жылдарға арналған кәсіпкерлікті дамыту жөніндегі ұлттық жобаны іске асыру барысы мен егін жинаудың алдын-ала қорытындысы қаралды. Жиынға министрлер мен онлайн режимде өңір әкімдері қатысты.
ҚР Ұлттық экономика министрі Әлібек Қуантыров 2021 жылы ұлттық жоба аясында 48,8 мың жобаға мемлекеттік қолдау көрсетіліп, қызмет көрсету және өңдеу өнеркәсібі салаларында жаңа бизнес-идеяларды іске асыру үшін 984 жобаға гранттар берілгенін мәлімдеді.
Егін мәселесі бойынша Ауыл шаруашылығы министрі Ербол Қарашөкеев биыл ауыл шаруашылығы дақылдарының жалпы жинау алаңы 23,4 млн гектарға жеткенін баяндады. Оның ішінде астық жинау алаңы 16,1 млн гектарды құрайды.
Жиын қорытындысымен Үкімет басшысы кәсіп ашам деген азаматтарға жан-жақты қолдау көрсетуді, астық жинау жұмыстарын тез арада толықтай аяқтауды тапсырды.
Үкімет тапсырмаларын орындау негізінде аймақтағы жағдайды саралаған облыс әкімі Нұрлыбек Нәлібаев шағын және орта кәсіпкерлікті қолдау бағытында Арал, Сырдария, Жаңақорған аудандарында жұмыс баяу екенін ескертті. Сол себепті де ауылдарда жаңа кәсіпкерлік субъектілерін құру шараларын атқаруды, макроэкономикалық көрсеткіштерді орындау қажет екенін баса айтты.
Мұнан бөлек, аймақ басшысы құрылысы аяқталған инвестициялық жобалардың статистикалық есептіліктерінің тапсырылуын және іске қосу актісінің алуы мен Қызылорда қаласында жаңғыртылуы қажет «Сыбаға», «Сұлтан» және «Асбол» сауда базарларын сүйемелдеуге алып, құрылыс жұмыстарын жақын арада бастау бойынша жедел шаралар қабылдауды тапсырды. Сондай-ақ, жуырда қайтарымсыз грант беру бастамасына қатысты орын алған түсініспеушілікті ескеріп, нақты түсіндірме жүргізуді және қаражаттың мақсатты жұмсалуына, жобаның толығымен іске қосылуына мониторинг жүргізуді міндеттеді.
«Бизнес жасауға ынталы азаматтарды қолдауымыз қажет. Әрбір кәсіпкер 5-6 азаматты жұмыспен қамтыса да, тұрақты табыс түсіруге ықпал етеді. Сондықтан шағын өндіріс болса да, оны іске асыруға мүдделі болуымыз керек. Біз үшін салық базасын ұлғайту, халық табысын арттыру өте маңызды. Сондықтан, аудан әкімдері, өңір дамуына үлес қосатын азаматтарға барынша қолдау көрсетіңіздер,-деді Н.Нәлібаев.
Айта кетейік, қазіргі таңда мемлекеттік қолдау шараларының нәтижесінде облыста жұмыс жасап тұрған кәсіпкерлік субъектілерінің саны 15,2%-ға, жұмыспен қамтылғандар саны 6,6%-ға ұлғайды. Ал, шағын және орта кәсіпкерлік бойынша несие портфелі 15 млрд. теңгені құрайтын 833 жоба субсидияланды. Оның ішінде, ауылдық елді мекендегі кәсіпкерлердің 165 жобасына 867 млн.теңге көлемінде шағын несие берілді.
Үкімет отырысында қаралған екінші мәселе бойынша облыс әкімі аймақта егін жинау жұмыстарын сапалы жүргізіп, өнімді шығынсыз толық жинап алуға ерекше мән беру және жыл сайын өткізілетін «Алтын дән» мерекесін жоғары деңгейде ұйымдастыру жөнінде нақты тапсырма берді.
<div class="wp-block-image"><figure class="aligncenter size-full"><img loading="lazy" width="1600" height="1252" src="https://kyzylorda-news.kz/wp-content/uploads/2022/09/akimat-4-1.jpg" alt="" class="wp-image-167805" srcset="https://kyzylorda-news.kz/wp-content/uploads/2022/09/akimat-4-1.jpg 1600w, https://kyzylorda-news.kz/wp-content/uploads/2022/09/akimat-4-1-768x601.jpg 768w, https://kyzylorda-news.kz/wp-content/uploads/2022/09/akimat-4-1-1536x1202.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1600" height="1114" src="https://kyzylorda-news.kz/wp-content/uploads/2022/09/309614670_1627604014301771_5536654599249230277_n.jpg" alt="" class="wp-image-167812" srcset="https://kyzylorda-news.kz/wp-content/uploads/2022/09/309614670_1627604014301771_5536654599249230277_n.jpg 1600w, https://kyzylorda-news.kz/wp-content/uploads/2022/09/309614670_1627604014301771_5536654599249230277_n-768x535.jpg 768w, https://kyzylorda-news.kz/wp-content/uploads/2022/09/309614670_1627604014301771_5536654599249230277_n-1536x1069.jpg 1536w" sizes="(max-width: 1600px) 100vw, 1600px" /></figure></div>

Қызылордада жұмыс жасап тұрған кәсіпкерлік субъектілерінің саны 15,2 пайызға өсті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазіргі таңда Қазалы ауданының орталығы – Әйтеке би кентінде Қызылорда облысының футболдан IX чемпионатының кезекті III тур ойындары өтуде.
Кезекті тур ойындарына Қызылорда қаласы мен 7 ауданның құралары қатысып, бақ сынауда. Аудан әкімі Мұхтар Оразбаев Жалаңтөс батыр атындағы орталық стадионда Қазалы мен Сырдария аудандарының құрамасы арасындағы ойын алдында футболшылармен кездесіп, сәттілік тіледі.
<blockquote class="wp-block-quote">«Спорт – елдің мерейін асырып, абыройын тасытатын сала. Салауатты өмір салтын қалыптастыруда, денсаулықты нығайтуда спорттың алатын орны ерекше. Соның ішінде футбол – кең таралған, көпшіліктің ерекше ықыласына бөленген спорт түрі. Футбол ойыны – жер жүзіне кең тараған әлемдегі №1 спорт түрі болып саналады. Ала доптың сиқыры соншалықты, еңбектеген баладан еңкейген қарияға дейін құмар. Футбол әсіресе жас жеткіншектерді бұқаралық сипатта спортқа баулудың бірден-бір құралы. Өйткені футбол тек қызықты спорт түрі ғана емес, жастардың жан-жақты физиологиялық дамуына, салауаттылыққа тартылуына жеткізер спорт. Өздеріңіз білесіздер, Қызылорда облысында жыл сайын футболдан дәстүрлі чемпионат ұйымдастырылады. Дүбірлі додада қазалылық аяқдопшылар нәтижелі ойын өрнегін көрсетіп келеді. Біздің жерлестеріміз облыс чемпионатында 4 рет жеңімпаз атанған. Соңғы рет өткен жылы топ жарды. Биыл тоғызыншы рет ұйымдастырылып отырған чемпионаттың кезекті тур ойындары Қазалыда өтіп жатыр. Дәл қазір Жалаңтөс баһадүр атындағы орталық стадионда Сырдария ауданының командасымен жасыл алаңға шығатын біздің жерлестерімізге тек қана сәттілік тілеймін», – деді Мұхтар Әуесұлы.</blockquote>
<div class="wp-block-image"><figure class="aligncenter size-full"><img loading="lazy" width="1280" height="727" src="https://kyzylorda-news.kz/wp-content/uploads/2022/09/308009065_3461154170772172_6839660842743345880_n.jpg" alt="" class="wp-image-166888" srcset="https://kyzylorda-news.kz/wp-content/uploads/2022/09/308009065_3461154170772172_6839660842743345880_n.jpg 1280w, https://kyzylorda-news.kz/wp-content/uploads/2022/09/308009065_3461154170772172_6839660842743345880_n-768x436.jpg 768w" sizes="(max-width: 1280px) 100vw, 1280px" /></figure></div>

Қазалы ауданының әкімі футболшыларға сәттілік тіледі

Kyzylorda-news.kz. Қандай да бір болмасын мемлекеттің қалыпты өмір сүруінің маңызды және міндетті элементтерінің бірі қоғамдық тәртіп болып табылады. Бұл элементтің тұрақтылығын қалыптастырмай мемлекеттің, қоғамның тыныс-тіршілігін елестету мүмкін емес. Сондықтан, қоғамдағы шиеленісті болдырмау, азаматтардың бостандықтары мен заңды мүдделерін қорғау мақсатында қоғамдық тәртіпті бұзушылықпен күресуге бағытталған әкімшілік-құқықтық шаралар жүйесі жұмыс жасайды.
Сырдария ауданында сол қоғамдық тәртіпті сақтау бағытында тиісті жұмыстарды атқарып, ел тыныштығын сақтауда қызмет жасап жүрген аудандық полиция бөлімінің сақшыларымен арнайы мәжіліс өткізілді.
Мәжіліске Қызылорда облысы полиция департаментінің бастығы Мұхтар Қожабаев, аудан әкімі Мұрат Ергешбаев, аудан прокуроры Асқар Кемалов, облыстық мәслихат депутаты Р.Есенов, аудандық мәслихат хатшысы Е.Әжікенов, аудандық полиция бөлімінің жеке құрамы, қоғамдық ұйымдар және БАҚ өкілдері қатысты.
Мәжілісте аудандық полиция бөлімінің бастығы Нұрлан Ибраев «Сырдария аудандық полиция бөлімінің 2022 жылдың 8 айында атқарылған жұмыстары туралы» есебі тыңдалды.
Облыстық полиция департаментінің бастығы Мұхтар Аманқұлұлы полиция бөлімінің бастығы берген есепке қатысты және өсім алған қылмыс түрлеріне байланысты ескертпелерін жеткізіп, Өз тарапынан тиісті тапсырмалар берді. Сонымен қатар, аудан әкімдігімен бірлесіп шешілетін мәселелерге тоқталып, ұсыныстарын айтты.
<blockquote class="wp-block-quote">«Айтылған ұсыныстар бойынша тиісті жұмыстарды атқаратын боламыз. Ортақ мүдде ел тыныштығы мен қоғамдық тәртіпті сақтау. Бұл бағыттағы жергілікті атқарушы органның жұмыстары тоқтамайды. Аудан әкімдігі әрдайым ішкі істер органдарымен бірлесе отырып, аудан тұрғындарының құқықтарын қорғауға және қоғамдық қауіпсіздікті қамтамасыз етуге өзіндік үлесін қосуға дайын екендігін жеткізгім келеді. Біздің елімізде әр адам өз құқықтары мен бостандықтарын ішкі істер органдары арқылы қорғауға құқылы. Өйткені, еліміз үшін адам өмірінің қауіпсіздігі қашанда басты назарда», &#8212; деді Мұрат Ергешбаев.</blockquote>
Аудан әкімі облыстық полиция департаментінің бастығы Қожабаев Мұхтар Аманқұлұлына ауданға келіп, есеп беруге арнайы қатысқаны үшін алғысын білдірді. Жалпы, аудандық полиция бөлімінде 77 штаттық бірлік енгізілген. Оның 70 орта және аға басшы құрам, 7 қатардағы және кіші басшы құрам. Аудан бойынша барлығы 15 учаскелік полиция тірек пункті бар. Сырдария аудандық полиция бөлімінің теңгеріміндегі тірек пунктінің саны 3-ті құрайды. Биылғы жылдың 8 айында жалпы тіркелген қылмыстардың саны 77, өткен жылмен салыстырғанда 1,3 пайызға төмендеген.
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663167888489.jpg" alt="" class="wp-image-165927" srcset="https://kyzylorda-news.kz/wp-content/uploads/2022/09/fb_img_1663167888489.jpg 1080w, https://kyzylorda-news.kz/wp-content/uploads/2022/09/fb_img_1663167888489-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663167879363.jpg" alt="" class="wp-image-165928" srcset="https://kyzylorda-news.kz/wp-content/uploads/2022/09/fb_img_1663167879363.jpg 1080w, https://kyzylorda-news.kz/wp-content/uploads/2022/09/fb_img_1663167879363-768x512.jpg 768w" sizes="(max-width: 1080px) 100vw, 1080px" /><figcaption>Лш</figcaption></figure></div>

Мұрат Ергешбаев: Ортақ мүдде ел тыныштығы мен қоғамдық тәртіпті сақтау

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Президент Жолдауында зейнетақы жүйесінің тиімділігін арттыру бойынша жаңа шаралар топтамасы ұсынылды. Бұл туралы еңбек және әлеуметтік қорғау Комитетінің Қызылорда облысы бойынша департаменті хабарлады. 
&nbsp;2023 жылдан бастап әйелдердің зейнеткерлік жасын жоспар бойынша арттыруды 61 жас деңгейінде 5 жылға дейін тоқтата тұруға қатысты тоқталсақ.
Бұл шара коронавирус пандемиясының азаматтардың денсаулығы мен өмір сүру ұзақтығына теріс әсер еткенін ескере отырып қабылданды.
Сондықтан алдағы 5 жыл ішінде денсаулық сақтау жүйесін жақсарту жөнінде шаралар қабылданатын болады.
Бұл ретте ауыл медицинасына, азаматтардың денсаулығын қалпына келтіруге және қолдауға бағытталған оңалту орталықтары желісін құруға, сондай-ақ кеңейтуге ерекше назар аударылатын болады.
Сонымен қатар базалық зейнетақы мөлшері орта есеппен 51%-ға дейін артатын болады. Базалық зейнетақының орташа мөлшерінің жыл сайынғы өсуі шамамен 13%-ды құрап, барлық 2 млн. зейнеткерді қамтиды.
Ұсынылып отырған шаралар 2025 жылға қарай жиынтық&nbsp;зейнетақыны орта есеппен 27%-ға өсіруге&nbsp;(3 жыл ішінде – 109 мыңнан 138 мың теңгеге дейін)&nbsp;және жиынтық зейнетақыдағы мемлекеттік төлемдердің үлес салмағын арттыруға мүмкіндік береді.
Осылайша, мемлекет қарт адамдар арасында кедейліктің өсуіне жол бермеу үшін шаралар қабылдайды.
Тағы бір мәселе – отбасыларды қолдау шараларын күшейту.&nbsp;&nbsp;Қазіргі уақытта балалы отбасыларды қолдаудың қолданыстағы моделі мемлекеттік жәрдемақылар мен төлемдердің 6 түрін қамтиды.Жаңа Әлеуметтік кодекстің жобасында да осы әлеуметтік қолдау шараларының барлығы толық сақталған.
Оған қоса балалы отбасының жекелеген санаттарын қолдаудың қолданыстағы шараларын күшейтуге бағытталған бірқатар жаңалықтар енгізілуде.
Ең негізгілерінің бірі&nbsp;–&nbsp;бала күтімі бойынша жәрдемақы төлеу мерзімін бір жылдан бір жарым жасқа дейін ұлғайту.
Аталған норма жұмыс істейтін және жұмыс істемейтін ата-аналарға да қолданылады. Бұл құқықты жарты миллионға дейін ата-ана пайдаланатын болады. Бала күтімі бойынша жәрдемақы алуға үміткер әрбір ата-ана оның әлеуметтік сақтандыру жүйесіне қатысу өтілі неғұрлым көп болса, төлем мөлшері соғұрлым жоғары болатынын білуге тиіс.
Бұл төлем бүгінде Мемлекеттік әлеуметтік сақтандыру қорына аударымдар жүргізілген табыстың 40%-ын құрайды.
Ал жұмыс істемейтін&nbsp;немесе бала туылғанға дейінгі соңғы екі жылда 6 айдан кем жұмыс өтілі бар ата-аналар жәрдемақы мен төлемдерге тек мемлекеттік бюджеттен ғана үміткер бола алады.&nbsp;
Бүгінде бала күтімін атқаратын ата-ана еңбек қызметін қайта бастаған жағдайда, бала күтіміне төленетін жәрдемақы тоқтатылуы қажет.
Жаңа Әлеуметтік кодекс бойынша егер бала күтімін жүзеге асыратын ата-ана МӘСҚ-дан әлеуметтік төлем алу кезеңінде еңбек қызметін қайта бастаса, онда &nbsp;әлеуметтік төлем мөлшері бала күтімі жөніндегі жәрдемақының бюджеттен төленетін мөлшері деңгейінде жүргізілетін болады.

Халықты әлеуметтік қолдау жалғасады

Kyzylorda-news.kz. Сырдария ауданындағы елді мекендердің инфрақұрылым мәселелері шешімін тауып келеді.
Соңғы уақытта тұрғындар тарапынан жиі көтеріліп жүрген мәселенің бірі елді мекендердегі күре жолдардың бойына жаяу жүргіншілер жолын салу мәселесі болатын.
Аталған мәселені аудан әкімдігі биылғы жылдың жұмыс жоспарына енгізіп, нәтижесінде құрылысы ағымдағы жылдың шілде – тамыз айында басталған Сәкен Сейфуллин ауылының орталық Сәрке батыр және Шортанбай би көшелеріне ұзындығы 3 шақырымды құрайтын тротуар қазіргі таңда ел игілігіне пайдалануға беріліп отыр.
Мердігер мекеме «Универсал сервис МН» ЖШС салған жол құрылысына тұрғындар ризашылықтарын білдіруде.
Айта кету керек, Сырдария ауданының аумағында жалпы ұзындығы 268,06 шақырымды құрайтын автомобиль жолдары бар. Оның ішінде, 44 шақырым – республикалық, 111,56 шақырым – облыстық, 112,5 шақырым – аудандық маңызы бар жолдар.
Бүгінгі күні ауданға автомобиль жолдарын жөндеу бойынша 1,3 млрд. теңге қаржы бөлініп, 23 жоба іске асырылуда.
<img src="https://kyzylorda-news.kz/wp-content/uploads/2022/09/fb_img_1662816403355.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662816409723.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662816414619.jpg" alt="" />

Сырдария ауданында тұрғындардың мәселесі шешімін тапты

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы әрбір отбасы елдің ұлттық байлығынан нақты табыс алуы керек екенін ескертті.
<blockquote>
 «Жалпыхалықтық референдумда қабылданған конституциялық өзгерістер Әділетті Қазақстанның символына айналды. Біз Ата заңымызда жер мен табиғи ресурстар халықтың меншігі деген басты қағидатты бекіттік. Бұл – құр сөз емес. Бұл – барлық реформаның арқауы», – деді Президент.
</blockquote>
Мемлекет басшысы әрбір отбасы елдің ұлттық байлығынан нақты табыс алуы керек екенін ескертті.
<blockquote>
 «Сондықтан мен жариялаған Балалар жылы аясында жаңа «Балаларға арналған ұлттық қор» бағдарламасын іске қосуды аса маңызды деп санаймын», – деді Қасым-Жомарт Тоқаев.
</blockquote>

Әрбір отбасы елдің ұлттық байлығынан нақты табыс алуы керек

<a href="https://kyzylorda-news.kz/">Kyzylorda-news.kz.</a> Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті «Байқоңыр (Байқоңыр) «Әлеуметтік – кәсіпкерлік корпорациясы» акционерлік қоғамы «Әділдік жолы» республикалық қоғамдық бірлестігі өкілдерімен және белсенді азаматтармен кездесу өткізілді.
Кездесу аясында ӘКК қызметіндегі сыбайлас жемқорлық тәуекелдеріне сыртқы талдау нәтижелері талқыланды.
Талдау нәтижелерімен ӘКК-дың жұмысын реттейтін нормативтікқұқықтық базаның жетілмегендігі, төмендетілген құн бойынша активтерді сату, әлеуметтік маңызы бар азық-түлік тауарларына бағаларды тұрақтандыруға тиісті шараларын уақытылы қабылдамау осы саладағы түйінді проблемалық мәселелер екені белгілі болды.
Мәселен,әлеуметтік маңызы бар азық-түлікті есептен шығару кезінде тәуекелдер орын алған, яғни тауар жеткізілгеннен кейін 3 айдан астам уақыт өткеннен кейін ӘКК өнімдердің бір бөлігі дұрыс сақталмау салдарынан жарамсыздығы анықталып, есептен шығарылған.
Атап айтқанда, 2021 жылы басты пияз – 288 тоннаның 204 тоннасы (барлық дерлік көлемі) немесе 11 млн. теңгеге, сәбіз – 80 тоннаның 44 тоннасы (жартысы) немесе 2 млн. теңгеге және қырыққабат – 15 тоннаның 6 тоннасы немесе 553 мың теңгеге жарамсыз ретінде есептен шығарылған.
Сонымен қатар өткен жылы картоп пен сәбізді ӘКК-мен жалпы 39 млн.теңгеге қымбат алынғаны да әлеуметтік маңызы бар азық-түлік тауарларын алатын өнім берушіні таңдау мәселесіне де сұрақтар туындатады.
Бұлар өз кезегінде карантиндік мерзімде ӘКК-мен әлеуметтік маңызы бар азық-түлік өнімдерін тиісінше сақтауға шаралар қабылдамағандықтан немесе жоғары бағамен алынуы олардың нарықтық бағасының жоғарылауына да себебі болғаны жоққа шығарылмайды.
Бұдан бөлек, ӘКК-да кадр мәселесі бойынша, яғни жұмысқа қабылдау барысында ашықтық қамтамасыз етілмегендігі жеткізілді.
Департамент тарапынан анықталған сыбайлас жемқорлық тәуекелдерін жою туралы тиісті ұсыныстар енгізілді.
Жиын нәтижесінде ӘКК-нің басшылығымен анықталған сыбайлас жемқорлық тәуекелдерін жоюға іс-шаралар жоспарын орындау шеңберінде қабылданатын және алдағы уақытта мұндай кемшіліктерге жол бермеуге жүйелі шаралар жүргізілетіні хабарланды.
<img src="https://kyzylorda-news.kz/wp-content/uploads/2022/08/78071635-8ad4-41b0-930b-ed7bddc89680.jpg" alt="" />

«Байқоңыр» ӘКК АҚ-на жүргізілген сыртқы талдау нәтижелері талқыланды

<a href="https://kyzylorda-news.kz/">Kyzylorda-news.kz.</a> Облыстық жастар ресурстық орталығы мен қалалық жастар орталығы бірлесіп Арай сити сауда үйінін алдында «ЖазFEST» өнер фестивалін ұйымдастырды.
<blockquote>
 «12 тамыз жастар күніне орай, жастар апталығы жарияланды. Соның аясында осы жерде заманауи би өнерінен бүлдіршіндер сынға түсті. Сонымен қатар, «Атамекен» балалар ауылының қолөнер көрмесі ұйымдастырылды. Балалар бос уақыттарын тиімді пайдаланып түрлі қолөнер бұйымдарын дайындаған. Мұның бәрі жастардың, қала тұрғындарының уақытын тиімді пайдалану мақсатында фестивальді ұйымдастырып отыр. Мұндай көпшілік мәдени іс-шаралар алдағы уақытта да жалғасын табады», – деді облыстық жастар ресурстық орталығы директорының орынбасары Талғат Тілесов.
</blockquote>
Бұл іс-шарада халық арасынан шыққан бишілер мен «Qosyl Dance» тобының бишілері сынға түсті. Ақтық мәреде Сұлтана есімді кішкентай бүлдіршін жеңіске жетіп, 10 мың теңгелік сертификатқа қол жеткізсе, Гүлнұр есімді қызға 5 мың теңгелік сертификат берілді. Фестиваль би жарысымен шектеліп қалмады, әншілер де ортаға шығып, халықтың көңіл-күйін көтерді.
<blockquote>
 «Мен ата-анаммен сауда орталығында қыдырып жүріп биден жарыс өтіп жатқанын байқадым. Бағымды сынап көру үшін жарысқа қатыстым. Жеңіске жетемін деп ойламадым. Себебі өнерлі бүлдіршіндер өте көп екен. Ұйымдастырушылар рақмет», – деді жеңімпаз Сұлтана.
</blockquote>
<img src="https://kyzylorda-news.kz/wp-content/uploads/2022/08/297989815_1309516676489655_8013401625641198536_n.jpg" alt="" />
<img src="https://kyzylorda-news.kz/wp-content/uploads/2022/08/298285055_1309516746489648_7296698929501847170_n.jpg" alt="" />

Қызылордада «ЖазFEST» өнер фестивалі өтті

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясының облыстық филиалында азық-түлік тауарларының бағаларына сараптама жүргізу жөніндегі мониторингтік топ мүшелерінің, облыстық ауыл шаруашылығы және жер қатынастары мен кәсіпкерлік және өнеркәсіп басқармаларының, ҚР Бәсекелестікті қорғау және дамыту Агенттігінің Қызылорда облысы бойынша департаменті мен «Байқоңыр» ӘКК» АҚ басшыларының қатысуымен негізгі азық-түлік өнімдері бағаларының тұрақтылығын қамтамасыз ету бойынша арнайы жиын өтті.
Жиында қазіргі уақытта күн тәртібінен түспей тұрған әлеуметтік маңызы бар азық-түлік бағасының жай-күйі қаралып, бұл бағыттағы аймақта орын алып отырған проблемалық мәселелер мен олардың шешілу жолдары талқыланды және мониторинг топ мүшелерімен мәселені шешу туралы нақты ұсыныстар айтылды.
Олардың негізгілеріне тоқтап өтсек, азық-түлік бағасын тұрақтандыру бағдарламасы шеңберінде барлық сауда нысандарымен меморандумдарға отыру, қаладағы ірі сауда үйлерінде «Байқоңыр» ӘКК-ның сауда бұрыштарын көбейту, оларды негізгі азық-түлік өнімдерінің барлық түрімен қамту мен бағаларды тұрақтандыру бойынша жедел желі телефондарын орналастыру және т.б. бағыттарда болды.
Сонымен бірге партия алаңында қаралған маңызды мәселе осы айда өңірімізге жұмыс сапарымен келетін ҚР Парламенті Мәжілісі депутаттарының алдында көтеріліп, ұсыныстар беріліп, кеңінен талқыланатын болады.
Айта кетейік а.ж. 27 шілдесінен бастап өңірде облыс орталығы мен барлық аудандарды қоса есептегенде құрамы 77 адамнан тұратын 10 мониторингтік топ құрылып, 84 сауда нысандарына бақылау жұмыстары жүргізілді және бұл жұмыстар алдағы кезеңдерде жалғасатын болады. 
Өз кезегінде мониторинг топ мүшелері азық-түлік бағаларынан бөлек, қымбатшылыққа қарсы басқа да тауарлардың бағаларына бақылау жүргізу туралы ұсыныс білдірді. Мысалы: мектепке дайындық жұмыстары аясындағы оқуға қажетті тауарлар бағасы және т.б.
<img src="https://kyzylorda-news.kz/wp-content/uploads/2022/08/amanat.jpg" alt="" />

Қызылордада әлеуметтік маңызы бар азық-түлік мәселесі партия алаңында талқыланды

<a href="https://kyzylorda-news.kz/">Kyzylorda-news.kz.</a> Қызылорда облысында 19 шілде мен 18 тамыз аралығында өтіп жатқан «Қауіпсіз жол» айлығы іс-шарасының алғашқы 7 күнінде 3891 құқық бұзушылық анықталды.
Тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысудың (ҚР ӘҚБтК-нің 463 бап)-14,медициналық қарап-тексеруден өтпеудің (ҚР ӘҚБтК-нің 590.8-б.) -9,заңсыз қайта жабдықтаудың /590.7-бөлігімен/-121, міндетті техникалық қарап-тексеруден өтпеген /590.9-бөлігімен/-330, ұялы телефонмен сөйлесудің /591.1-бөлігімен/-150, жүргізушінің көлік құралын мас күйінде басқарудың/608-бабы/ -39, қауіпсіздік белдігін тақпаудың /593.1-бөлігімен/-788, жаяу жүргіншіге жол бермеудің /600 бап/ -98, құжатсыз автокөлік басқару /612.1-бөлігімен/- 229, жаяу жүргіншілер жолағынан өтпеу /615 бап/- 195, маневр жасау ережесін бұзу /595 бап/-156 деректері анықталды.
Бұл бағыттағы жұмыстар жалғасуда.

Қызылордада «Қауіпсіз жол» шарасы жүріп жатыр

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың 4 шілдесінде «Міндетті әлеуметтік медициналық сақтандыру туралы» Қазақстан Республикасының Заңына өзгерістер мен толықтырулар қабылданды. Сақтандыру мәртебесін алу үшін тек өткен 12 ай үшін емес, алдағы 12 айға да төлем жасауға болады. Яғни МӘМС-ке жарналар төлемеген адамдар сол өзгерістер бойынша міндетті әлеуметтік медициналық сақтандыру жүйесіндегі медициналық көмекті алу үшін екі тәсілдің біреуін таңдап, жарналар төлей алады. Бұл өзгеріс қол қойылған сәттен бастап 60 күннен кейін, яғни 2022 жылдың қыркүйегінде күшіне енеді.
Қазақстанда медициналық сақтандыру жүйесі 2020 жылдан бастап жұмыс істеп келеді. МӘМС-ке төлем жасау барлығы үшін міндетті болып саналатынына қарамастан, елімізде шамамен 3,1 млн адам әлі күнге дейін сақтандырылмаған. Оның 3 миллионы – экономикалық белсенді халық, &nbsp;яғни жұмысқа қабілетті азаматтар.
«Saqtandyrý» ақпараттық жүйесінде соңғы 12 ай ішіндегі деректерді талдау кезінде МӘМС жүйесіне қатысушының алдыңғы мәртебесі тұрғысынан сақтандырылмағандардың 69%-ы мүлде жарна төлемегені анықталды. Азаматтардың тағы 16%-ы – өз қызметін азаматтық-құқықтық сипаттағы шарт бойынша атқаратын тұлғалар. Қазір жарналарды төлеуді тоқтатқан бұрынғы жалдамалы жұмысшылар 7%-ды құрайды. Дербес төлеушілердің үлесі – 4%. Қазір жарна төлемейтін және сақтандыру мәртебесін жоғалтқан жеке кәсіпкерлер мен бірыңғай жиынтық төлем (БЖТ) төлеушілердің саны 3%-ға тең. Бұл негізінен 38-40 жастағы адамдар. Олар бейресми жұмыс істейді және жарна төлемейді. Сондай-ақ жұмыспен қамту орталығына барып ресми тіркеле алатын жұмыссыздар да бар. Бұл жағдайда осы азаматтар жеңілдік санатына кіріп, олар үшін төлемдерді мемлекет аударады», – деп түсіндірді заңды және жеке тұлғалармен жұмыс істеу департаменті директорының орынбасары Жанар Ботагарина.
Қор жергілікті атқарушы органдармен, мемлекеттік кіріс басқармаларымен, «Атамекен» ҰКП және басқа да мүдделі мекемелермен бірлесіп сақтандырылмаған халықты МӘМС жүйесіне тарту бойынша кең ауқымды ақпараттық-түсіндіру жұмыстарын жүргізуде.
Бұрын сақтандыру мәртебесін және МӘМС тізбесінен медициналық көмекті алу үшін пациенттің өткен 12 айға жарнасы төленген болуы және мәртебесін жоғалтпау үшін ай сайын жарналарды үзбей төлеуі міндеттелген еді.
«Тәжірибе көрсеткендей және өтініштерді талдау нәтижесінде жұмыс істемейтіндер мен өзін-өзі жұмыспен қамтығандар өткен кезең үшін жарна төлеуге қызығушылық танытпайтыны анықталды. Сол себепті олар үшін МӘМС жүйесіне қатысудың баламалы нұсқасы әзірленді. Ол сақтандыру мәртебесін алу үшін алдын ала 12 айға төлем жасауға мүмкіндік береді. 2022 жылғы шілдеде «Міндетті әлеуметтік медициналық сақтандыру туралы» ҚР Заңына тиісті толықтырулар мен өзгерістер бекітілді. Ол қыркүйек айының басында күшіне енеді. Біздің ойымызша, бұл халықты медициналық сақтандыру жүйесіне көптеп тартуға ықпал етеді» – деді Жанар Ботагарина.
Азаматтар алдын ала жарналарды төлеп, жыл бойы МӘМС тізбесіндегі медициналық көмекті алады. Сақтандырылмаған халықтың шамамен 30%-ы жаңа төлем түрін пайдаланады деп күтілуде. Сонымен қатар өткен берешегі жоқ дербес төлеушілердің МӘМС жарналарын ай сайын төлеу құқығы сақталады. Естеріңізге сала кетейік, 2022 жылы дербес төлеушілер ай сайын ең төменгі жалақы мөлшерінің 5%-ы көлемінде – &nbsp;3 000 теңге жарна төлейді.
Егер медициналық көмек көрсету сапасына қатысты сұрақтарыңыз болса, сіз өз емханаңыздағы пациенттерді қолдау қызметіне жүгіне аласыз. Егер жағдайды сол жерде шешу мүмкін болмаса, Әлеуметтік медициналық сақтандыру қорының өзіңізге ыңғайлы байланыс арналары арқылы хабарласа аласыз: fms.kz &nbsp;ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot .
Дәл осы құралдар сақтандыру мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, ҚР электрондық үкіметі egov.kz сайтындағы «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы жүргізілген төлемдер туралы біле аласыз.

Қазақстан және Қызылорда облысының жаңалықтары: Рубрикасыз