<a href="https://kyzylorda-news.kz/date/2020/11/05/?doing_wp_cron=1604557296.9215369224548339843750">Kyzylorda-news.kz.</a> Қазалы ауданы Әйтеке би кентінің тұрғыны Сейітқасым Бақтыберлин темір жол саласының ардагері. Жиырма жыл бойы ол артрозбен ауырады.
<blockquote>
 «Мен теміржолда жұмыс істеген кезде буындарым үнемі ауыратын. Зейнетке шыққаннан кейін әр қадамым ауыр болды. Ауруханаға жатқызу бюросының порталы арқылы Қызылорда қалалық ауруханасына жіберілдім. Бір аптаның ішінде травматологтар сол аяғымның тізе буынының эндопротездеу отасын сәтті жасады. Басқа тізе буынына ота алты айдан кейін жоспарланған. Сондықтан оң жақ тізе буынындағы ауырсынуды жою үшін радиожиілікті абляция жасалды. Дәрігерлерге алғысым шексіз», – дейді Сейітқасым Бақтыберлин.
</blockquote>
Травматология бөлімшесінің меңгерушісі Расул Әлімбетовтың айтуынша, радиожиілік абляциясы –радиотолқындар тудыратын электр тоғы, бұл жүйке ұштарын күйдіреді және нәтижесінде ауырсыну синдромы бірнеше жылға тоқтатылады.
<blockquote>
 «Радиожиілік абляциясы алғаш рет бір ай бұрын енгізілген. Бұл аз инвазивті рәсім жамбас, тізе буындарының артрозы, протрузия, остеохондрозы бар науқастарға жасалады. Бірақ бұл белгілі бір кезеңдегі ауырсынудың бітелуі, сондықтан эндопротездеу тиімдірек болады. Сонымен қатар, міндетті әлеуметтік медициналық сақтандыру шеңберінде осы жоғары технологиялық медициналық қызметтерді тегін алу мүмкіндігі бар. Эндопротез (жасанды буын) – титаннан жасалған, оның құны 500 мың теңгеден және одан жоғары, ал отаға жұмсалатын шығыстар 1 млн.теңгеден асады. Сондай – ақ біздің сақтандырылған науқастарға оңалту емі бойынша да қызметтер қолжетімді», – деді дәрігер.
</blockquote>
<img src="https://kyzylorda-news.kz/wp-content/uploads/2020/11/travmatolog_zavotdel.jpg" alt="" />
Аталған медициналық қызметтерді қаржыландыру МӘМС қаражаты есебінен жүзеге асырылады, сондықтан сақтандыру мәртебесіне ие болу қажет.
<img src="https://kyzylorda-news.kz/wp-content/uploads/2020/11/travmatologi.jpg" alt="" />

Қазалылық тұрғынға 1 млн теңгенің қызметін МӘМС тегін ұсынды

Kyzylorda-news.kz. 19 қарашада Қазақстанда теле және радиохабар тарату тоқтатылады. Бұл туралы “Қазтелерадио” АҚ хабарлады.
Ұлттық оператор хабарлағандай, осы уақыт ішінде жоспарлы-профилактикалық жұмыстар жүргізіледі.
<blockquote>
 “2020 жылдың 19 қарашасында сағат 03:00-ден 17:00-ге дейін жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады”, – делінген хабарламада.
</blockquote>

Радиолар мен телеарналар хабар таратуды бір күнге тоқтатады

<a href="https://kyzylorda-news.kz/">Kyzylorda-news.kz.</a> Тіс пен сүйек – беріктігі жоғары, ақ түске боялған адам денесінің тіні. Екеуінің ұқсастығы осы. Ал айырмашылығы қандай? Тіс неге сүйек емес?
Тіс құрамы жағынан сүйекке қарағанда теріге жақынырақ дейді ғалымдар.&nbsp;Түрі ұқсас, құрамы бірдей секілді көрінгенімен – олардың құрамы әртүрлі. Әрқайсына ғана тән өзіндік ерекше қасиеті бар. Мысалы тістің эмалі өте берік, ал сүйектікі әлсіздеу. Дегенмен сүйек сынған соң қайта қалпына келе алады, ал тістің мұндай қабілеті жоқ.&nbsp;
Тіс құрамының басым бөлігін фосфор мен кальций алады. Сыртқы қабығын эмаль қаптаған. Бұл – адам ағзасындағы ең берік тін. Эмальді түзетін жасушылар зақымданған жағдайда қайта қалпына келмейді. Сол үшін де сынған тіс өспейді.
Сүйек&nbsp;коллаген деп аталатын тірі тіннен тұрады. Осының арқасында сүйек иілгіш келеді. Коллагендердің арасындағы бос кеңістікте орналасқан кальций болса сүйекті берік қылады. Сүйектің иілгіштігі қаңқаның өмір бойы түсетін “жүкті” көтере алуына әсер етеді.
Тіс пен сүйек ішіндегі заттарымен де ерекшеленеді. Тістің ішінде көктамыр,&nbsp;күретамыр, жүйке тамырлары бар байланыстырушы тін болса, сүйекте қан жасушасын түзуде маңызды рөл атқаратын&nbsp;жілік майы бар. Бұған қоса сүйекпен көптеген күретамыр байланысқан, сондай-ақ, онда ағзадағы ең үлкен кальций мен фосфор қоры бар. Тістегі байланыстырушы тін – ұлпа тіс пен иектің арасында орналасқан. Эмаль зақымданғанда ұлпадағы жүйке тамырлары қозып, қатты ауырады. Сондай-ақ, эмаль жұқарғанда ыстық не салқын су ішкенде ыңғайсыз сезім тудырады.&nbsp;
Сүйек пен тістің тағы бір-екі айырмашылығы:
– тіс әртүрлі дауыс шығаруға атсалысады, ал сүйек тек сықырлай алады;
– тіс ашық тұрғандықтан адамның эмоциясын білдіріп,&nbsp;&nbsp;эстетикалық функцияны атқарады, ал сүйек терімен қапталып, жасырын тұр.
<a href="https://massaget.kz/layfstayl/bilim/ol-kim-bl-ne/63534/">Massaget.kz</a>

Тіс пен сүйектің айырмашылығы қандай?

<a href="https://kyzylorda-news.kz/date/2020/10/30/">Kyzylorda-news.kz.</a> Халықаралық дзюдо федерациясы (IJF) Будапештте (Венгрия) аяқталған «Үлкен Дулыға» турнир қорытындысы бойынша қалыптастырылған әлем дзюдошыларының жаңа рейтингін жаңартты. Жарысқа әлемнің 69 елінен 459 спортшы бақ сынасқан.
Сайыстың қорытындысы бойынша Армия орталық спорт клубының спортшысы ефрейтор Ғұсман Қырғызбаев 60 келіге дейінгі салмақ дәрежесінде әлемдік рейтингтегі үздік дзюдошылардың жетінші қатарына енді. Оның есебінде 4080 ұпай бар.
&nbsp;«Будапешттегі «Үлкен дулыға» сайысы, коронавирустық пандемиямен байланысты ұзақ үзілістен кейінгі алғашқы маңызды турнир болды. Жарысқа қатысушылар құрамы өте білекті, әлемнің үздік балуандары қатысты. Осыған қарамастан, Гұсман жоғары нәтиже көрсетті. Енді бізді алдағы жарыстарға үздіксіз жаттығулар күтіп тұр», – деп өз ойымен бөлісті Армия орталық спорт клубының олимпиадалық спорт түрлері бойынша штаттық командаларды даярлау бөлімінің бастығы майор Анвар Үсенов.
Ғұсман Қырғызбаев – ҚР Ұлттық құрамасының мүшесі, 2016 жылы Цюрихте (Швейцария) өткен CISM (Халықаралық әскери спорт кеңесі) әскери қызметшілері арасындағы әлем чемпионатының жеңімпазы, 2018 жылы Агадирде (Марокко) өткен Гран-при кезеңінің және де 2019 жылы Абу-Дабиде (БАӘ) өткен «Үлкен Дулыға» (Grand-Slam) турнирінің чемпионы, өкілді халықаралық турнирлердің бірнеше дүркін жүлдегері.

Әскери спортшы ефрейтор Ғұсман Қырғызбаев әлемнің үздік ТОП-10 дзюдоисттер тізіміне енді

<a href="https://kyzylorda-news.kz/">Kyzylorda-news.kz.</a> 2025 жылға қарай халықтың сапалы ауыз суға қол жеткізу мәселесін толығымен шешіледі. Бұл туралы Үкімет отырысында Премьер-Министр Асқар Мамин айтты, деп хабарлайды <a href="https://lenta.inform.kz/kz/2025-zhylga-karay-sapaly-auyz-su-maselesi-tolyk-sheshiledi-askar-mamin_a3711175">ҚазАқпарат.</a>
<blockquote>
 “Сумен жабдықтау және су бұру мәселелері Үкіметтің стратегиялық міндеті болып табылады және халықтың өмір сүру сапасын жақсартуға тікелей әсер етеді. Жалпы елде орталықтандырылған сумен жабдықтау қалаларда 97,2, ауылдарда 86,4 пайызды құрайды. «Нұрлы жер» мемлекеттік бағдарламасы бойынша 2025 жылға қарай халықтың 100 пайыз сумен жабдықтау қызметімен қамтамасыз етіледі. Осының арқасында біз халықтың сапалы ауыз суға қол жеткізу мәселесін толығымен шешеміз”, – деді Асқар Мамин.
</blockquote>
Оның атап өтуінше, сумен жабдықтау мәселесінің әлеуметтік маңыздылығын ескере отырып, әр әкімдіктің елді мекендерге, әсіресе, тұрғындары аз ауылдарға тиісті инфрақұрылымды жеткізу бойынша нақты жоспарлары болу керек.
<blockquote>
 “Осы мәселедегі маңызды фактор топтық су құбырларының инфрақұрылымын жасау және ауылдардың шекарасына дейін жеткізу керек. Бұл жұмыс желілерді елді мекендердің ішінде тартумен үйлесімді жүруі қажет. Жауапты министрліктер мен әкімдіктер, бірінші кезекте, артта қалған өңірлер осы мәселені ерекше бақылауда ұстасын”, – деді Үкімет басшысы.
</blockquote>

2025 жылға қарай сапалы ауыз су мәселесі толық шешіледі &#8211; Асқар Мамин

<a href="https://kyzylorda-news.kz/date/2020/10/26/">Kyzylorda-news.kz.</a> Қызылордада рұқсат етілмеген уақытта компьютер клубында ойнаған кәмелетке толмағандардың ата-аналарына айыппұл салынды.
Қазан айының 15-нен бастап Қызылордада&nbsp; қалалық&nbsp; Полиция басқармасының қызметкерлері прокуратура қызметкерлерімен бірлесіп&nbsp;«Қауіпсіз қала» жедел-профилактикалық іс-шарасын өткізуде.
Шара барысында&nbsp; тыныштықты бұзу&nbsp; және Қазақстан Республикасы заңнамасының алкоголь өнімін өткізу жөніндегі талаптарын бұзу деректері анықталып, заң шеңберінде әкімшілік хаттамалар толтырылды.
Бұдан бөлек, карантин режимін бұзу деректері де орын алды. Мәселен қала орталығындағы ойын-сауық орталықтарының бірінде 150 адамға арналған той өткізіліп жатқандығы белгілі болды. Бұл дерек бойынша әкімшілік хаттама рәсімделіп, тиісті шара көру үшін Тауарлар мен қызметтердің сапасы мен қауіпсіздігін бақылау басқармасына жолданды.
Сонымен қатар,&nbsp; полицейлер&nbsp; қала аумағында&nbsp; орналасқан&nbsp; компьютер клубтарының бірінде түнгі мезгілде ойнап отырған 4 кәмелетке толмағанды анықтады. Олардың ата-аналарына айыппұл салынды.
Аталған шара қазан айының соңына дейін жалғасады.
<img src="https://kyzylorda-news.kz/wp-content/uploads/2020/10/whatsapp-image-2020-10-25-at-11.44.15-1.jpeg" alt="" />
<img src="https://kyzylorda-news.kz/wp-content/uploads/2020/10/whatsapp-image-2020-10-25-at-11.44.15.jpeg" alt="" />

Қызылордада түнде компьютер клубында ойнаған балалардың ата-аналарына айыппұл салынды

<a href="https://kyzylorda-news.kz/">Kyzylorda-news.kz.</a> Қазақстанда сайлау жүйесін ары қарай дамыту қажет. Бірақ асыра сілтеу болмасын, науқаншылыққа жол бермеу керек, деп мәлімдеді мемлекет басшысы Қасым-Жомарт Тоқаев.
<blockquote>
 “Елімізде басталған реформалардың маңызды бөлігі – ауыл округтерінің әкімдерін тікелей сайлау. Шын мәнінде, бұл барлық саяси жүйені жаңғыртудың негізі болып саналады. Әкімдер сайлауы ел тарихында алғаш рет өтеді және тиімді мемлекеттік институттарды құру жолында маңызды қадам болады”, – деді Тоқаев ұлттық қоғамдық сенім кеңесінің төртінші отырысында.
</blockquote>
Мемлекет басшысының айтуынша, бүгінде үлкен дайындық жұмыстары атқарылды. Биыл барлық ауыл округінде төртінші деңгейдегі бюджеттер енгізілді. Осыған орай, 80 мыңнан астам жылжитын және жылжымайтын мүлік тіркелді. Бұған дейін оған салық салынбады. Бұдан бөлек, министрліктердің ақпараттық базалары қосылды. Ауыл әкімдерінің аппаратында жұмыс істейтін 3,5 мыңнан астам қызметкер арнайы дайындықтан өтті.
<blockquote>
 “Осы шаралардың бәрі жергілікті жердегі басқару жүйесін жаңа деңгейге көтеріп отыр. Меніңше, сайлау жүйесін ары қарай дамыту қажет. Бірақ асыра сілтеу болмасын, науқаншылыққа жол бермеу керек. Қазақстанның саяси трансформациясы бұл бір сәттік, ал, ең бастысы, популистік акция емес. Бұл реформаның стратегиялық маңызы бар. Себебі Қазақстанды демократиялық әрі өркенитті мемлекет ретінде дамытуға бағытталған”, – деп атап көрсетті Тоқаев.
</blockquote>

Қасым-Жомарт Тоқаев ел үшін аса маңызды мәселе туралы айтты

<a href="https://kyzylorda-news.kz/date/2020/10/19/">Kyzylorda-news.kz.</a> Мүмкіндігі шектеулі азаматтар мүгедектер арбасына тапсырысты ХҚО арқылы бере алады. Халыққа қызмет көрсету орталығының ұйымдастыруымен <a href="tg://search_hashtag?hashtag=oqy">#oqy</a>&toqy айдарында тапсырыс беру жолы оқырмандар назарына ұсынылады. 
ХҚО арқылы:
– ХҚО-ға кезекті алдын-ала брондаңыз; 
– Тіркеу бөліміне белгіленген уақыттан 20 минутқа ерте келіп, броныңызды растап, жеңілдік терезесіне талон алыңыз; 
– Операторға қажетті құжаттарды ұсыну арқылы қызметті 15 минутта рәсімдеңіз. 
Мобильді топты шақырту арқылы:
– “1414” бірыңғай байланыс орталығына мобильді топты үйге шақыртуға тапсырыс беру арқылы жүзеге асады. Сізбен ХҚО операторы байланысып, мән-жайды толық анықтайды және 10 күн ішінде сіздің мекенжайыңызға келіп, құжаттарды рәсімдейді. 
Сізге қажетті құжаттар:
– Жеке басыңыздың куәлігі; 
– Егер сенімді өкіліңіз келген болса, оның сенімхаты (нотариалды растау қажет емес); 
– Медициналық оңалту бағдарламасы жөнінде анықтама;
-Мүгедектігі жайлы куәлік;
-Егер ҰОС ардагері немесе соған теңестірілген азамат болса, ол туралы куәлік;
-Егер әрекетке қабілетсіз азамат болса, ХҚО-ға оның заңды өкілі құжат тапсыра алады. 
Қызмет көрсету уақыты:
– Құжат тапсырған күнді есепке алмағанда, 10 жұмыс күні ішінде. 
Қызмет нәтижесі:
– Ұялы телефоныңызға SMS хабарлама келген кезде мүгедектерге арналған арбаның берілуі жайлы шешімді ХҚО-дан аласыз. 
Айта кетейік, мүгедектерге арналған арба Жұмыспен қамту, еңбек және әлеуметтік қорғау басқармасынан беріледі.

ХҚО: Мүгедектерге арналған кресло-арбаларға қалай тапсырыс беруге болады?

<a href="https://kyzylorda-news.kz/date/2020/10/16/">Kyzylorda-news.kz.</a> Тұрғын үй кешендерін интернетсіз пайдалуға беруге тыйым салынады. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлім етті, деп хабарлайды <a href="https://lenta.inform.kz/kz/turgyn-uy-keshenderin-internetsiz-paydalanuga-beruge-tyyym-salynady-bagdat-musin_a3707057">ҚазАқпарат</a>.
<blockquote>
 «Көрсетілген проблемаларды ескере отырып, реттеушінің рөлін, яғни біздің министрлікті күшейтуді ұсынып, тиісті заңнамаларға өзгертулерді енгізбекпіз. Біріншіден, сапалы шешім әрі бақылау міндеттерін атқару үшін телекоммуникация желілерінің бас схемасын әзірлейміз. Бұл ақпаратты министрлікке операторлар автоматты түрде беруі қажет», – деді министр цифрландыру тақырыбы бойынша Сенатта өтіп жатқан Үкімет сағатында.
</blockquote>
Екіншіден, ведомство интернет сапасына қойылатын талаптарды белгілейді және көрсетілген қызметтердің сапасына бақылауды күшейтпек.
<blockquote>
 «Сонымен қатар, радиожиіліктерді бөлудің жаңа стандарттарын бекіту керек. Тұрғын үй кешендерін интернетсіз пайдалуға беруге тыйым салатын боламыз. Ұялы байланыс ұйымдарына бөлінген радиожиіліктер үшін төлемақының жылдық мөлшерлемесін 90 пайызға қысқарту арқылы ауылдық елді мекендерде кең жолақты ұтқыр байланыс желілерін салуға арналған қаражатты қайта инвестициялау мақсатында салықтық преференциялар беруді ұсынудамыз», – деді Б. Мусин.
</blockquote>
Министрдің сөзіне қарағанда, салалық заңнама талаптарын бұзғаны үшін айыппұлдар сомасын ұлғайту ескеріліп отыр.

Тұрғын үй кешендерін интернетсіз пайдалануға беруге тыйым салынады &#8211; Бағдат Мусин

<a href="https://kyzylorda-news.kz/date/2020/10/13/">Kyzylorda-news.kz.</a> Қазақстанның туын көкке көтеріп, мемлекетімізді әлемге танытқан Сыр өңірінің тумасы, ауыр атлетикадан әлемнің төрт дүркін чемпионы Илья Ильин Қызылорда қаласындағы Назарбаев Зияткерлік мектебінде онлайн кездесу өткізді.
Қазақстанның еңбек сіңірген спорт шебері зияткер оқушылармен кездесіп, өмірлік тәжірибесімен бөлісу туралы ұсынысты қуана қабылдады. «Даналық бейсенбінің» төрінде құрметті мейман зияткерлермен онлайн-сұхбаттасып, әлемдік аренада рекорд орнатқан ұмытылмас сәттерімен және кез-келген жетістікке жетудегі ұстанымдарымен бөлісті.
<blockquote>
 «Зілтемірмен алғаш рет 2 сыныбымда таныстым. Ағаммен бірге спортзалға барып, бұл спорт түрімен әуестендім. 7-сыныпта ауыр атлетикамен кәсіби деңгейде шұғылдана бастадым. 13 жасымда спорт шебері, 17 жасымда әлем Чемпионы атандым. Бірақ ол кезде мен жеңімпаз болуға талпынбайтынмын. Жай ғана сүйікті іспен айналысып, қалай жетістікке жеткенімді байқамадым», – дейді Илья.
</blockquote>
Табысқа жету жолында сәттілік пен қиындықтар қатар жүретіні заңдылық. Бірақ ол кедергілер құндылықтарды қайта бағалауға үйретіп, өздігінен дамуға және бойындағы тұлғалық қасиеттерді дамытуға негіз болады.&nbsp;
<blockquote>
 «Өмірімдегі барлық ауыр кезеңдер менің тұлға болып қалыптасуыма септігін тигізді. Алған үлкен өмірлік тәжірибемді пайдаланып, бөлісуге дайынмын. Ата-анамның үнемі көрсеткен қолдауы мен бапкерлердің берген тәлімі үшін әрқашан қарыздармын. Олар – менің ең мықты мотивациям», – деп бөлісті зілтемірші.
</blockquote>
Бүгінде Илья Александрович туған жерінде спорт саласын дамытуда жаңа идеялар мен жобаларды жүзеге асыруда. «Мұз айдыны» спорттық кешеніне жетекшілік етуімен қатар аймақта ауыр атлетикадан спорт мектебін ашу бағытында жоспарлы жұмыстар жүргізуде. Кездесу барысында оқушылар спортпен үнемі шұғылдануда өз-өзіңді дағдыландыру, қысқа және ұзақ мерзімді істерді жоспарлаудың тиімді әдістері мен табысқа жетудегі кеңестер туралы ақпарат алды. Бір уақытта тікелей эфирге қосылған мың жарым көрермен Илья Ильинге танымды және пайдалы ақпаратқа толы сұхбатына алғыстарын білдірді.

Илья Ильин оқушылармен кездесті (ВИДЕО)

Kyzylorda-news.kz. Жердің тиімді пайдаланылуы мен қорғалуын мемлекеттік тұрғыда бақылауды жетілдіру мақсатында заң жобасы әзірленіп жатыр, деп хабарлайды <a href="https://www.inform.kz/kz/kazakstanda-paydalanylmay-zhatkan-zherdi-memleketke-kaytaru-merzimi-kyskaruy-mumkin_a3702958">ҚазАқпарат</a>.
<blockquote>
 «Заң жобасы пайдаланылмайтын ауыл шаруашылығы жерлерін тексеру кезеңдері мен алып қою мерзімдерін қысқартуды (2 жылдан 1 жылға дейін), ғарыштық мониторинг деректері бойынша байланыссыз бақылау процесін автоматтандыруды, тексерілетін объектіні мәтіндік хабарламалар арқылы ұялы байланыс арналарымен хабардар ету рәсімін автоматтандыруды көздейді», – деді Ауыл шаруашылығы министрі Сапархан Омаров ОКҚ-да өткен баспасөз мәслихатында.
</blockquote>
Министр бұдан бөлек Цифрлық даму, инновациялар және аэроғарыш өнеркәсібі министрлігімен бірлесіп, халыққа қолжетімді болатын тиімді мемлекеттік электрондық жер кадастрын енгізу жұмысы жүргізіліп жатқанын баян етті.
Бұл 2023 жылдан бастап қазақстандықтар үшін жерді электронды түрде ашық бөлуге көшуге мүмкіндік береді.
<blockquote>
 «Жер учаскелерін берудің электрондық тәртібі жер қатынастары саласындағы бюрократиялық және сыбайлас жемқорлық алғышарттарын жойып, жер учаскесін алу рәсімдерінің ашықтығын қамтамасыз етеді», – деді Сапархан Омаров.
</blockquote>
Барлық құқықтар қорғалған. inform.kz белсенді сілтемені пайдаланыңыз&nbsp;<a href="https://www.inform.kz/kz/kazakstanda-paydalanylmay-zhatkan-zherdi-memleketke-kaytaru-merzimi-kyskaruy-mumkin_a3702958">https://www.inform.kz/kz/kazakstanda-paydalanylmay-zhatkan-zherdi-memleketke-kaytaru-merzimi-kyskaruy-mumkin_a3702958</a>

Қазақстанда пайдаланылмай жатқан жерді мемлекетке қайтару мерзімі қысқаруы мүмкін

Kyzylorda-news.kz. Кәсіпкерлер палатасының директоры Ғалымбек Жақсылықов баспасөз мәслихатында Палата заңгерлеріне 9 айда&nbsp; кәсіпкерлерден&nbsp; 578&nbsp; арыз түскенін, оның ішінде 175 кәсіпкер бизнесін қорғауды сұрағанын айтты.
Орташа есеппен Палата сарапшылары түскен өтініштердің&nbsp; 45 пайызында (79) оң шешімге қол жеткізіп, 8 лауазымды тұлға тәртіптік және әкімшілік жауапкершілікке тартылған.
<blockquote>
 «Палатамен өтініштерді қарау барысында кәсіпкерлердің 580 млн. теңгеден аса қаражаты сақталып қалды. Оның ішінде қаржының 73 пайызы орта кәсіпкерлік субъектілерінікі болса, 27 пайызы шағын бизнестікі. Аталған сома күші жойылған айыппұлдар, өсімпұлдардан, мемлекет тарапынан қайтарылған қаражат есебінен, сақталып қалған бизнес мүлкінің құнынан және т.б.қаржыдан құралып отыр», – дейді Палата директоры.
</blockquote>
Жалпы Палата жұмысының соңғы үш-төрт жылын&nbsp; бөліп алып қарайтын болсақ, кәсіпкерлердің құқықтары мен заңды мүдделерін шектеген немесе бұзғаны үшін жауапкершілікке тартылған лауазымды тұлғалар санының арту көрінісін байқауға болады.
Мәселен, 2015 жылы кәсіпкерлердің жұмыс жасауына кедергі жасаған тек 5 мемлекеттік қызметкер тәртіптік жауапкершілікке тартылса, 2018 жылдың қорытындысымен19 қызметкер, 2019 жылы&nbsp;&nbsp; 15 мемлекеттік қызметкер, ағымдағы жылы 8-і тәртіптік және әкімішілік жауапкершілікке тартылды.
Бұл жағдайларда лауазымды тұлғалар кәсіпкерлік қызметтерге тексеру жүргізу, мемлекеттік сатып алу және&nbsp; рұқсат беру рәсімдері барысында кәсіпкерлерге қатысты заңсыз әрекеттерге барып, олардың құқықтарын шектеген.
Одан бөлек, кәсіпкерге қатысты азаматтық істі сот тәртібімен қарау барысында мемлекеттік сатып алу барысында заң бұзушылықтарға жол бергені үшін сотпен&nbsp; 2 мемлекеттік органға қатысты жеке ұйғарым шығарылған.
Ғалымбек Жақсылықов баспасөз мәслихатында Палата жанында тұрақты жұмысшы орган –&nbsp; Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңес жұмыс жасайтындығын да жеткізді.
<blockquote>
 «Жыл басынан өткізілген кеңестің 3 отырысында 8 жүйелі мәселе қаралып, оның 5-і оң шешімін тапты. Нәтижесінде&nbsp; 200-ден аса кәсіпкердің құқықтары мен заңды мүдделері қалпына келтіріліп, Кеңестің ұсынысымен Әдеп жөніндегі кеңесі 2 мемелекеттік қызметкерді «мемлекеттік лауазымын төмендету» жазасына ұсынып, алайда төмен лауазым болмауына байланысты&nbsp; «қызметке толық сәйкес еместігі туралы ескерту» түріндегі тәртіптік шара қолданылды. Сондай-ақ, 1 лауазымды тұлға әкімшілік&nbsp; жауапкершлікке тартылып, 194&nbsp;460 теңге көлемінде айыппұл төледі», – деді Палата басшысы баспасөз мәслихатында.
</blockquote>

Қазақстан және Қызылорда облысының жаңалықтары: Рубрикасыз

Қазалылық тұрғынға 1 млн теңгенің қызметін МӘМС тегін ұсынды

Радиолар мен телеарналар хабар таратуды бір күнге тоқтатады

Тіс пен сүйектің айырмашылығы қандай?

Әскери спортшы ефрейтор Ғұсман Қырғызбаев әлемнің үздік ТОП-10 дзюдоисттер тізіміне енді

2025 жылға қарай сапалы ауыз су мәселесі толық шешіледі – Асқар Мамин

Қызылордада түнде компьютер клубында ойнаған балалардың ата-аналарына айыппұл салынды

Қасым-Жомарт Тоқаев ел үшін аса маңызды мәселе туралы айтты

ХҚО: Мүгедектерге арналған кресло-арбаларға қалай тапсырыс беруге болады?

Тұрғын үй кешендерін интернетсіз пайдалануға беруге тыйым салынады – Бағдат Мусин

Илья Ильин оқушылармен кездесті (ВИДЕО)

Қазақстанда пайдаланылмай жатқан жерді мемлекетке қайтару мерзімі қысқаруы мүмкін

Қызылорда: Биыл Кәсіпкерлер палатасы кәсіпкерлердің 580 млн теңгесін сақтап қалды

Қазақстан және Қызылорда облысының жаңалықтары: Рубрикасыз

Қазалылық тұрғынға 1 млн теңгенің қызметін МӘМС тегін ұсынды

Радиолар мен телеарналар хабар таратуды бір күнге тоқтатады

Тіс пен сүйектің айырмашылығы қандай?

Әскери спортшы ефрейтор Ғұсман Қырғызбаев әлемнің үздік ТОП-10 дзюдоисттер тізіміне енді

2025 жылға қарай сапалы ауыз су мәселесі толық шешіледі &#8211; Асқар Мамин

Қызылордада түнде компьютер клубында ойнаған балалардың ата-аналарына айыппұл салынды

Қасым-Жомарт Тоқаев ел үшін аса маңызды мәселе туралы айтты

ХҚО: Мүгедектерге арналған кресло-арбаларға қалай тапсырыс беруге болады?

Тұрғын үй кешендерін интернетсіз пайдалануға беруге тыйым салынады &#8211; Бағдат Мусин

Илья Ильин оқушылармен кездесті (ВИДЕО)

Қазақстанда пайдаланылмай жатқан жерді мемлекетке қайтару мерзімі қысқаруы мүмкін

Қызылорда: Биыл Кәсіпкерлер палатасы кәсіпкерлердің 580 млн теңгесін сақтап қалды

2025 жылға қарай сапалы ауыз су мәселесі толық шешіледі – Асқар Мамин

Тұрғын үй кешендерін интернетсіз пайдалануға беруге тыйым салынады – Бағдат Мусин