Kyzylorda-news.kz. Әдеп жөніндегі кеңестің көшпелі отырысында сыбайлас жемқорлық тәуекелдеріне жүргізілген сыртқы талдау қорытындысы қаралды. Аталған тақырыптағы мәселе Кеңес отырысында жыл басынан бері алғаш рет талқыланды.
Сыртқы талдауды ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті жүргізген. Сыртқы талдаумен Қызылорда облысы бойынша экология департаменті қызметінің 2018 және 2019 жылғы кезеңі қамтылып, сыбайлас жемқорлық тәуекелдеріне әкеліп соғатын бірқатар мән-жайлар анықталған.
Департамент өз қызметі барысында басшылыққа алатын «Қоршаған ортаны ластаудан келтірілген залалды экономикалық бағалау ережесі» мен «ҚР Экологиялық кодексі» арасында қарама-қайшылықтар белгілі болған. Бірыңғай практиканың болмауы және аталған заңнама нормаларын дұрыс қолданбау кәсіпкерлердің құқықтарына қысым жасауға және олардың қызметін дамытуда кедергілерге әкеп соғатыны жөнінде жоғары тұрған уәкілетті органға ұсыныс жолданған.
Талдау барысында, экология департаменті қызметінде ҚР Әкімшілік құқық бұзушылық туралы кодексінің 324, 334, 336 және 344 баптарында санкциялардың баламалы түрлерін қолдану, яғни «Ескерту немесе Айыппұл» салу құқығы берілгендігі және нормаларды әкімшілік құқық бұзушылықтар туралы істерді жүргізу кезінде лауазымды тұлғалардың өз қалауы бойынша пайдалану мүмкіндігі, яғни сыбайлас жемқорлық тәуекелдеріне жол ашу қаупі бар екендігі анықталған.
Айта кету керек, департамент қызметкерлері мен кәсіпкерлік субъектілері арасында тікелей байланысты болдырмау мақсатында І санаттағы объектілері бар субъектілер есептерін қоршаған ортаны қорғаудың бірыңғай ақпараттық жүйесі арқылы тапсыру жүзеге асырылуда.
Кеңес отырысы қорытындысымен Қызылорда облысы бойынша экология департаментіне сыбайлас жемқорлық тәуекелдеріне ішкі талдау жүргізетін жұмыс тобына ҮЕҰ өкілдерін қатыстыру, департамент қызметінің ашықтығын қамтамасыз ету бағытында БАҚ-да, әлеуметтік желілерде заң нормаларына енгізілген өзгерістер мен атқарылған жұмыстарды кеңінен насихаттау шараларын жүргізу ұсынылды.

Әдеп жөніндегі кеңесте Экология департаментіндегі сыбайлас жемқорлық тәуекелдері талқыланды

Kyzylorda-news.kz. Қызылорда облысының әкімі Гүлшара Әбдіқалықова Ұстаздарды кәсіби мерекесімен құттықтады.
Құрметті ұстаздар!
Сіздерді кәсіби мерекелеріңізбен шын жүректен құттықтаймын! 
«Ұстаз» деген ұлы ұғымда ұлылық та, жылылық та бар. 
Барлық кәсіп иесі, ол дәрігер не кәсіпкер болсын, ол ақын не әкім болсын ұстаздан білім-тәрбие алып шығады. Бүгінге дейін мен де өзімді білім шыңына жетелеген аяулы ұстаздарымның алдында бала шәкірттей сезінемін. 
Нағыз ұстаз болу кез-келгенге бұйыра бермеген бақыт. Өз ұстаздарымды сол бақытты еселеген жандар деп түсінемін. Мен білім алған Қызылорда қаласының қақ ортасында орналасқан Сәкен Сейфуллин атындағы №4 мектепте түрлі пәннен сабақ берген Райхан Көшкінова, Сара Тайманова, Кәмила Әбілова, Алуа Разақова, Ксения Тимофеевна Цой, Үміткүл Айманова, Айша Үсенова, Тоқсұлу Көшербаева, Күлбарам Сәдуақасова, Спандияр Дүйсеков, Жүсіп Ахметов сияқты ұстаздарымды күні бүгінге дейін ұмытқан емеспін. Өкінішке қарай, олардың кейбірі арамызда жоқ. 
Алғашқы ұстазым – Айша Үсенова апай. Жетінші сыныпқа дейін Үміткүл Айманова апай, сегізінші сыныптан бастап бітіргенше Сара Тайманова апай сынып жетекшіміз болғанын айта кетейін. 
Ұстаздарымның сабақта түрлендіріп өткізіп, қызықты шаралар жасаудағы тынымсыз еңбегін, сабақты ынта-шынтасымен түсіндіргендегі сәтін есіме алсам, таң қаламын. Жұмысты беріліп істеу үлкен энергияны қажет етеді. Ұстаздарымның көбі – көпбалалы. Соған қарамастан үйде бала тәрбиелеуге, мектепте бізге білім нәрін беріп, нағыз мұғалім екенін көрсетуге күш-қуаты жететін. Оларда бүгінгідей дайын тұрған көрнекі құралдар да жоқ. Бізге қолымен жасап әкелген көрнекілігінің өзі көрнекті көрінетін. Қазіргі ұстаздар да оқушыларға өз заманына лайықты білім беруде дәл осы ұстаздардай еңбек етіп жүр деген ойдамын. 
Мектебіміздің түрлі жылдардағы түлектері тәуелсіз еліміздің төрт бұрышында абыройлы еңбек етіп, сүйікті Отанымыздың көркейіп-көріктенуіне сүбелі үлес қосуда. Олардың арасында менен басқа облыстық мәслихат хатшысы Қылышбай Бисенов, кәсіпкер-меценаттар Рая Үдербаева, Асқар Махамбетовтер де бар. 
Бүгін бірнеше ұстазымның үйіне төл мерекесімен құттықтап барып, шәкірт екенімді тағы бір сәт сезіну бақыты бұйырып тұр. 
Өз уақытын аямаған, өзгенің бақытын аялаған ұстаздарымызға қандай мақтау, мадақ айтсақ та жарасады. 
Дарынды да талантты, тәлімді де тәрбиелі шәкірттеріңіз көп болсын! Шаңырақтарыңызға шаттық, шығармашылық табыс тілеймін! 
Мерейлі мерекелеріңіз құтты болсын, құрметті ұстаздар!

Облыс әкімі Ұстаздарды кәсіби мерекелерімен құттықтады

Kyzylorda-news.kz. Қазан айының алғашқы жексенбісінде Қазақстанда мұғалімдердің кәсіби мерекесі атап өтіледі, деп хабарлайды ҚазАқпарат.
Бұл атаулы күн 1965 жылы 29 қыркүйекте КСРО Жоғарғы Кеңесі Президиумының Бұйрығымен белгіленген.
Бүгінгі таңда Қазақстан, Беларусь, Латвия және Украина Мұғалімдер күнін қазанның алғашқы жексенбісінде атап өтеді. Ал көршілес Өзбекстан – 1 қазанда, Қырғызстан, Әзербайжан, Ресей, Тәжікстан, Армения, Молдавия, Эстония және Литва – ұстаздар мерекесін 5 қазан күніне бекіткен. ҚР ҰЭМ Статистика комитетінің деректеріне сүйенсек, 2019 жылы елімізде мектепке дейінгі ұйымдарда – 97 209 педагог, жалпы білім беретін мектептерде – 347 052 мұғалім (оның ішінде 281 209 – әйелдер), колледждерде – 36 881 оқытушы (26 731 – әйелдер), жоғары оқу орындарында – 38 470 оқытушы (24 611 – әйелдер) болған.

Бүгін &#8211; Ұстаздар күні

Kyzylorda-news.kz. 4 қазан күні Қазақстанның солтүстік, орталық және шығыс өңірлерінде жауын-шашын (көбінесе жаңбыр түрінде) жауады. Қалған аумақтарында жауын-шашынсыз ауа райы күтіледі.
Республиканың кей жерлерінде тұман күтіледі, солтүстігінде және шығысында жел күшейеді.
Қызылорда облысының басым бөлігінде төтенше өрт қаупі сақталады.

Жексенбіге арналған ауа райы болжамы

Kyzylorda-news.kz. “Nur Otan” праймеризі партия лидері Елбасы Нұрсұлтан Назарбаевтың тапсырмасымен еліміздің партиялық-саяси даму тарихында тұңғыш рет республикалық партияішілік сайлау ауқымында өтіп жатыр. Бір жарым айға жуық созылған саяси доданың үздіктеріне дауыс беру Сыр өңірінде де қызу өтуде.
Бүгін Қызылорда облысының әкімі, Гүлшара Әбдіқалықова партия мүшесі, облыстық партия филиалының төрағасы ретінде А.Тоқмағанбетов атындағы мәдениет үйінде орналасқан № 13 дауыс беру орнына келіп, лайықты деп таныған азаматтарға веб портал арқылы онлайн дауыс берді.
Филиал төрағасы праймериз шараларының басым көпшілігінің онлайн форматтарда өткізілуі партияластар үшін, үміткерлердің бағдарламаларымен кеңінен танысуға мүмкіндік бергенін және онлайн дауыс берудің алғаш рет өкізілуіне қарамастан жерлестеріміздің белсенді қатысып жатқандығын айтады.
<blockquote>
 “Әлеуметтік желілерде ашық өткізілген дебаттар көпшіліктің қызығушылығын туғызды. Мен барлық үміткерлердің үгіт-насихат жұмыстарымен таныспын. Үгіт жұмыстарының ең бір ауқымды кезеңінде жария пікір сайысқа қатыстым. Үміткерлер өздерін жан-жақты көрсетуде. Еліміздің дамуына, өңіріміздің әлеуметтік эконмикалық көрсеткіштерін арттыру бағытында көптеген мәселелерді көтеріп, олардың шешу жолдарын ұсынып жатыр. 1 қазаннан басталған дауыс беру барысы да Праймериздің ашық өткізіліп жатқанын көрсетуде. Дауыс беру барысы жеңіл және түсінікті түрде ойластырылған. Бүгін дауыс беру арнайы орындарда онлайн форматта және шалғай ауылдарда бюллетень арқылы өткізілуде. Бүгін мен де Тұңғыш Президент – Елбасы Нұрсұлтан Әбішұлы Назарбаевтың бастамасын қолдап, өз таңдауымды жасадым. Бұл тұрғыда өңірдегі барлық партияластарымызды мықты көшбасшыларды таңдау үшін дауыс беруге толық қатысуға және өз таңдауларын дұрыс жасауға шақырамын”, – деді Гүлшара Әбдіқалықова.
</blockquote>
Атап өту керек, Қызылорда облысы бойынша 485 үміткер бақ сынауда. Облыстың қалалары мен аудандарында дауыс беруге арналған 133 орын анықталды. Олардың 103-де дауыс беру онлайн форматта, ал интернет желісінің жылдамдығы төмен елді мекендердегі 30 – дауыс беру орындарында қағаз бюллетеньдер арқылы жүргізілуде. Нақты кезеңде өңірдегі 43742 партия мүшесінің 80 пайызға жуығы онлайн дауыс беріп үлгерді. 6956-і қағаз бюллетеньдер арқылы өз таңдауларын жасамақ.
<img src="https://kyzylorda-news.kz/wp-content/uploads/2020/10/img-20201003-wa0010.jpg" alt="" />

Гүлшара Әбдіқалықова праймериз үміткерлеріне өз таңдауын жасады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова пандемия кезінде халық саулығы үшін алдыңғы шепте жүрген белсенді азаматтарға “Халық алғысы” медалін табыс етті.
Аймақ басшысы карантин уақытында халық игілігіне қызмет етіп, қайсарлық пен мейірімділіктің нағыз үлгісін көрсеткен азаматтарға ерекше алғыс білдіріп, олардың еңбектерін жоғары бағалады.
<blockquote>
 “Бұл медаль – халықтың ыстық ықыласы мен шын құрметіне ие болған азаматтарға тағайындалатын арнайы марапат. Індетпен күресте адам өмірінің сақшысы болған дәрігер, тәулік бойы қоғамдық тәртіптің сақталуын қадағалаған полицей, облыс орталығы мен ауыл-ауылды аралап, жұқпалы кесел ошағын залалсыздандыруға қатысқан әскерилер, қайырымдылық шараларын толассыз жүргізіп, ауруханаларды қажетті медициналық бұйымдар, құралдармен қамтамасыз еткен кәсіпкерлер, қаржысыз көмек қолын созған еріктілер, індет ошақтарынан жылдам ақпарат жүргізген журналистердің еңбегі ерен екенін айтуымыз керек”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/10/120700456_2778951085541276_256191329795189054_o.jpg" alt="" />
Қазақстан Республикасының Президенті Қасым-Жомарт Кемелұлы Тоқаевтың Жарлығына сәйкес, аймақта 107 денсаулық сақтау, кәсіпкерлік, мәдениет және спорт саласының қызметкерлері мен әскери қызметшілерге «Халық алғысы» медалі тағайындалды.
Бұған дейін 8 марапат иесі 2020 жылғы 23 маусымда Мемлекет басшысының қатысуымен өткен «Biz Birgemiz» онлайн-форумы аясында марапатталды. Ал, бүгін еңбегімен танылған 14 азаматқа “Халық алғысы” медалі табысталды. Қалған марапат иелерін облыс әкімінің орынбасарлары мен қала, аудан әкімдері марапаттайды.
Шарада өңір басшысы Гүлшара Әбдіқалықова адамзат баласына қиын сынақ әкелген “COVID-19” вирусымен күн-түн демей күрескен азаматтарды бейбіт күннің батырлары екенін айрықша атап өтіп, денсаулыққа жете мән беріп, сақтық шараларын сақтауға шақырды.
Айта кетейік, Президент Жарлығымен биыл «Халық алғысы» медалі бекітілді. Бұл медальмен білім беру, денсаулық сақтау, әлеуметтік қорғау салаларында жемісті жұмыс істейтін, пандемиямен күресте ерекше көзге түскен ел азаматтары наградталады.
<img src="https://kyzylorda-news.kz/wp-content/uploads/2020/10/120645668_2778952075541177_3412608010608073837_o.jpg" alt="" />
<img src="https://kyzylorda-news.kz/wp-content/uploads/2020/10/120702972_2778951752207876_8638204253442677438_o.jpg" alt="" />

Гүлшара Әбдіқалықова белсенді азаматтарға &#8220;Халық алғысы&#8221; медалін табыстады

<a href="https://kyzylorda-news.kz/">Kyzylorda-news.kz.</a> Қызылордадағы кез-келген ХҚО бөліміне барсаңыз қызмет алып, жаңа құжатқа ие болып жатқан аналар мен зейнеткерлерге құрмет көрсетіп, сыйлықтар табыстап жатқан мамандарды кезіктіресіздер.
Мұны Халыққа қызмет көрсету орталығының жаңа дәстүрі десе де болады. Осылайша «Азаматтарға арналған үкімет» мемлекеттік корпорациясы» Қызылорда облысы бойынша филиал мамандары қызмет алуға келген әрбір жанға жылулық сыйлап, көңілдерін табуға тырысуда. Себебі, қазіргідей күдігі мен үміті қатар тұрған қиын кезеңде қамкөңілдерге кішкене болса да қуаныш сыйлап, күдігін сейілтуге қызмет етуде.
Азаматтардың көпшілігі алғаш жеке куәлік пен төлқұжатын, жүргізуші куәлігі мен сәбилерінің алғашқы құжаттарын алған кездерін естен шығармайды. Ал, олардың осындай ерекше сәттерінің куәсі – Халыққа қызмет көрсету орталықтары. Қызмет алушылардың қуанышты сәттерін бірге бөлісіп, жан жылуын сыйлайтын бұл бастама қазіргі таңда еліміздің барлық өңірлерінде де өткізілуде. Өміріндегі маңызды жайттармен байланысты құжаттарын рәсімдеуге келген әр тұрғын ХҚО бөлімінен көтеріңкі көңіл күймен шығып, сый-сияпаттарға ие болып жатыр.
<blockquote>
 “Қызмет алушының ризашылығы біз үшін қашан да қымбат. Бұл бастаманы қолдаудағы басты мақсатымыз азаматтарға жылу сыйлау болып табылады. Бір жағынан осындай көріністер мамандарымызға да қуат сыйлап, ХҚО ішінде ерекше көңіл күй орнайды” – дейді, “Азаматтарға арналған үкімет” мемлекеттік корпорациясы» КЕ АҚ Қызылорда облысы бойынша филиалының директоры Айдын Қайруллаев.
</blockquote>
Елімізде орын алған төтенше жағдайдан кейін тұрғындарымыздың көңілін көтеру мақсатында жасалып отырған бұл бастама көңіл қуантады. Бұл жерде сыйлықтың көлемі немесе бағасы маңызды емес, бастысы шын көңілден болуы. Әрдйым бір-бірімізге жылу сыйлап, қуантып жүрейік!
<img src="https://kyzylorda-news.kz/wp-content/uploads/2020/09/02-2.jpg" alt="" />
<img src="https://kyzylorda-news.kz/wp-content/uploads/2020/09/03-4.jpg" alt="" />

Айдын Қайруллаев: Қызмет алушының ризашылығы біз үшін қымбат

<a href="https://kyzylorda-news.kz/date/2020/09/28/">Kyzylorda-news.kz.</a> Қызылорда қаласында «Мейірім» сауда белгісімен шығарылатын полуфабрикат өнімдері «ҚМДБ халал» сертификатына ие болды. 
⠀ 
«ҚМДБ халал» сертификатын Қызылорда облысының бас имамы Болатбек Ұласқанұлы табыстады.&nbsp;«Халал Дамудың» жергілікті өкілі Перизат Шарапатова өндіріс аймағында аудит жұмыстарын жүргізіп, өнімдердің стандарт талабына сай дайындалуын қадағалады. 
⠀ 
Цех қызметкерлеріне шариғат және халал стандарт талабы бойынша өнім өндірудің ерекшеліктері мен маңыздылығы жөнінде оқу-семинар өткізілді. 
«Мейірім» кәсіпорнының тұшпара, котлет, тефтели, фарш секілді полуфабрикаттары «Халал өнімдерді өндіру, өңдеу, дайындау, сақтау, тасымалдау және сатуға қойылатын жалпы стандарт» талаптары бойынша сертификатталды. 
⠀ 
«Мейірім» өнімдеріне берілген «ҚМДБ халал» сертификатының жарамдылық мерзімі: 08.09.2020-09.09.2021
<img src="https://kyzylorda-news.kz/wp-content/uploads/2020/09/whatsapp_image_2020-09-27_at_16.32.32_gepq3av.jpeg" alt="" />

Қызылорда: «Мейірім» полуфабрикат өнімдері сертификатталды

<a href="https://kyzylorda-news.kz/">Kyzylorda-news.kz.</a> Жастар арасында кәсіпкерлікті дамыту, бизнес – әлеуетті арттыру мақсатында «Kyzylorda Business Hub» облыстық стартап жобалар байқауы өтуде. Тамыз айында аталмыш байқаудың StartUp Weekend аймақтық іріктеу кезеңі карантинге байланысты барлық ауданда Zoom, Youtube, Instagram желілері арқылы онлайн форматта ұйымдастырылды.
Аймақтың 484 жас тұрғыны қызығушылық танытып, онлайн оқыту тренингке қатысты. Қорытындысымен барлығы 157 бизнес стартап жоба ұсынылып, 91 бизнес-жоба қыркүйек айының екінші онкүндігінде жартылай финалына қатысты.
Финалдық кезеңі қазан айының ортасында өтеді. Үздік деп танылған 17 стартап жобаны жастар инвесторлар алдында қорғайтын болады. Бюджеттен тыс қаржы көздері арқылы 5 бизнес жобаға инвестиция тарту жоспарланған.

Қызылордада жастардың 5 стартап жобасы қаржыландырылады

<a href="https://kyzylorda-news.kz/date/2020/09/17/">Kyzylorda-news.kz.</a> Қазалы ауданында «Ауылдық үкіметтік емес ұйымдарды қолдау: даму мен өркендеу мақсатындағы серіктестік» тақырыбында облыстық форум болып өтті.
Жиынға «Қызылорда облысының Үкіметтік емес ұйымдарының Альянсы Ассоциациясы» ЗТБ-нің төрайымы Анар Ізден, «Арал теңізі» ҚҚ директоры, «Қызылорда облысының Үкіметтік емес ұйымдарының Альянсы Ассоциациясы» ЗТБ-нің Арал ауданы бойынша өкілі Айнагүл Баймаханова, «Шапағат» қайта оңалту орталығы»&nbsp;ҚҚ президенті, «Қызылорда облысының Үкіметтік емес ұйымдарының Альянсы Ассоциациясы» ЗТБ-нің Қазалы ауданы бойынша өкілі Шынар Женсикбаева, аудандық Ардагерлер кеңесінің төрағасы Оразғали Бекпанов, аудандағы үкіметтік емес ұйымдардың жетекшілері, жастар ұйымдары, ішкі саясат бөлімі мен бұқаралық ақпарат құралдарының өкілдері қатысты.
Форум барысында Мемлекет Басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» Қазақстан халқына Жолдауындағы «Азаматтардың мемлекетті басқару ісіне қатысуы», яғни «Халық үніне құлақ асатын мемлекет» құруға белсенді қатысып, Жолдаудағы міндеттерді орындауға үкіметтік емес ұйымдарды белсенді қатысуға шақыру және ауылдық елді мекендердегі қоғамдық ұйымдардың белсенділігін арттыру туралы айтылды.
Форум бағдарламасына сәйкес, тақырыптық баяндамалар жасалды. «Жергілікті қауымдастық мәселелерін шешудегі үкіметтік емес ұйымдардың рөлі» тақырыбында ҮЕҰ өкілдері мен жастар ұйымдары арасында сұхбат алаңы ұйымдастырылды. Тақырыптық дебатқа қатысушы белсенді топтарға “Алғыс хаттар” мен бағалы сыйлықтар табысталды. 
Шараға қатысушылар тарапынан ұсыныс-пікірлер айтылып, күн тәртібіндегі мәселелер жан-жақты талқыланып, ортаға салынды.
Басқосу соңы форум қатысушылары мен аудандық ҮЕҰ өкілдерінің «Қызылорда облысының Үкіметтік емес ұйымдарының Альянсы Ассоциациясы» ЗТБ-нің төрайымы Ізден Анар Жарылқасынқызымен кездесумен жалғасты.
<img src="https://kyzylorda-news.kz/wp-content/uploads/2020/09/119735622_2857495447804717_4439873413298066403_o.jpg" alt="" />

Қазалыда үкіметтік емес ұйымдардың форумы өтті

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 64 адамда коронавирус індеті ПТР арқылы расталды.
Коронавирус жұқтырғандар саны Шығыс Қазақстан (18 адам), Атырау облысы (8) және астанада (7) басым болды.
Шымкент қаласы, Маңғыстау және Атырау облыстарында вирус жұқтырғандар тіркелген жоқ.
Аймақтар бойынша:
<ul>
<li>Нұр-Сұлтан қаласы – 7</li>
<li>Алматы қаласы – 1</li>
<li>Ақмола облысы – 2</li>
<li>Алматы облысы – 4</li>
<li>Атырау облысы – 8</li>
<li>Шығыс Қазақстан облысы – 18</li>
<li>Жамбыл облысы – 2</li>
<li>Батыс Қазақстан облысы – 4</li>
<li>Қарағанды облысы – 5</li>
<li>Қостанай облысы – 2</li>
<li>Қызылорда облысы – 1</li>
<li>Павлодар облысы – 1</li>
<li>Солтүстік Қазақстан облысы – 6</li>
<li>Түркістан облысы – 3</li>
</ul>
Жалпы ел бойынша ауырғандар саны 106 984.

Қызылордада коронавирус індеті қайта тіркелді

<a href="https://kyzylorda-news.kz/date/2020/09/15/">Kyzylorda-news.kz.</a> Қазақстан президенті Қасым-Жомарт Тоқаев үкімет басшысын қабылдады, деп хабарлады Ақорданың ресми сайты.
Премьер-министр Асқар Мамин мемлекет басшысына қаңтар-тамыз айлары аралығындағы еліміздің әлеуметтік-экономикалық даму қорытындылары туралы баяндады. Осы уақыттың ішінде қайта өңдеу өнеркәсібі 3,3 процентке өсті. Соның ішінде машина жасау (16,3%), көлік құрастыру (51,8%), фармацевтика (34,1%), жеңіл өнеркәсіп (11%), химия өнеркәсібі (3,1%) және дайын метал өнімдерін шығару (18,8%) салалары бар.
Биыл Индустрияландыру картасы аясында жалпы сомасы 996 миллиард теңге болатын 206 жобаны іске қосу жоспарланып отыр. Осының арқасында өндіріс көлемі 1,3 триллион теңгеге, ал экспорт 325 миллиар теңгеге артады деген жоспар бар. Бұдан бөлек, 19 мыңға жуық жаңа жұмыс орындары ашылады.
<blockquote>
 “Жыл басынан бері 71 мың жаңа үй салынды, бұл өткен жылмен салыстырғанда 8,6 процентке артық. Ауыл шаруашылығындағы тұрақты өсім 4,9 процент құрады, азық-түлік өндірісінің көлемі 3,6 процентке артты”, – дейді Мамин. &nbsp;
</blockquote>
Мемлекет басшысы кездесу қорытындысы бойынша тұрғындарды жұмыспен қамту, кәсіпкерлік субъектілеріне қолдау көрсету, өндіріс үдерістеріне жаңа технологиялар енгізу, эпидемиологиялық жағдайды тұрақтандыру мен карантин талаптарын біртіндеп жеңілдету маңызды екенін атап өтті.

Қазақстан және Қызылорда облысының жаңалықтары: Рубрикасыз

Әдеп жөніндегі кеңесте Экология департаментіндегі сыбайлас жемқорлық тәуекелдері талқыланды

Облыс әкімі Ұстаздарды кәсіби мерекелерімен құттықтады

Бүгін – Ұстаздар күні

Жексенбіге арналған ауа райы болжамы

Гүлшара Әбдіқалықова праймериз үміткерлеріне өз таңдауын жасады

Гүлшара Әбдіқалықова белсенді азаматтарға “Халық алғысы” медалін табыстады

Айдын Қайруллаев: Қызмет алушының ризашылығы біз үшін қымбат

Қызылорда: «Мейірім» полуфабрикат өнімдері сертификатталды

Қызылордада жастардың 5 стартап жобасы қаржыландырылады

Қазалыда үкіметтік емес ұйымдардың форумы өтті

Қызылордада коронавирус індеті қайта тіркелді

Тоқаев карантин талаптарын біртіндеп жеңілдету маңызды екенін айтты

Қазақстан және Қызылорда облысының жаңалықтары: Рубрикасыз

Әдеп жөніндегі кеңесте Экология департаментіндегі сыбайлас жемқорлық тәуекелдері талқыланды

Облыс әкімі Ұстаздарды кәсіби мерекелерімен құттықтады

Бүгін &#8211; Ұстаздар күні

Жексенбіге арналған ауа райы болжамы

Гүлшара Әбдіқалықова праймериз үміткерлеріне өз таңдауын жасады

Гүлшара Әбдіқалықова белсенді азаматтарға &#8220;Халық алғысы&#8221; медалін табыстады

Айдын Қайруллаев: Қызмет алушының ризашылығы біз үшін қымбат

Қызылорда: «Мейірім» полуфабрикат өнімдері сертификатталды

Қызылордада жастардың 5 стартап жобасы қаржыландырылады

Қазалыда үкіметтік емес ұйымдардың форумы өтті

Қызылордада коронавирус індеті қайта тіркелді

Тоқаев карантин талаптарын біртіндеп жеңілдету маңызды екенін айтты

Бүгін – Ұстаздар күні

Гүлшара Әбдіқалықова белсенді азаматтарға “Халық алғысы” медалін табыстады