<a href="https://kyzylorda-news.kz/">Kyzylorda-news.kz.</a> «Астана Опера» театры Ресейдің Үлкен театрына гастрольдік сапармен барады. Мұндай шешім Қазақстан мен Ресей елшілігі және екі астананың басты театрларының келісімінің арқасында қабылданды, деп хабарлайды <a href="https://sputniknews.kz/culture/20200206/12751856/Abay-operasy-Maskeu.html">Sputnik Қазақстан</a>.
Екі театр жетекшілері – Ғалым Ахмедияров пен Владимир Урин тиісті құжатқа қол қойған. Оған сәйкес 5-11 қыркүйек аралығында ресейліктерге Ахмет Жұбанов пен Латиф Хамидидің музыкасы мен Мұхтар Әуезовтің либреттосына жазылған «Абай» операсы ұсынылады. Сондай-ақ, Морис Жаррдың музыкасына негізделген «Париж Құдай анасы соборы» балеті қойылады.
Гастрольдік сапар Қазақстан және Ресей елшіліктері мен Қазақстанның мәдениет және спорт министрлігінің қолдауымен өтеді.
Абайдың 175 жылдығы
Абайдың мерейтойы ЮНЕСКО деңгейінде аталып өтеді. Қазан айында осы ұйымның Париж қаласындағы штаб-пәтерінде ғылыми-конференция, концерт, көрме, кинокөрсетілім және тағы басқа мерейтойлық шаралар ұйымдастырылады. Кембридж сияқты әлемнің жетекші университеттері де меретойға атсалысады.
Биыл мерейтой аясында қолға алынатын маңызды жобалардың бірі – Абай шығармаларының жинағын шетелдің 10 тіліне аударып шығару. Соның ішінде француз, ағылшын, орыс, араб, испан, қытай, түрік, жапон, неміс және итальян тілдері бар. Осылайша, әрбіреуі үш мың данамен әлемнің түкпір-түкпіріне таратылады. Оған ұлттық аударма бюросы жауапты.
Бұдан бөлек, Абайдың өмірі мен шығармашылығына арналған үш деректі фильм түсіріледі.
Жидейбай жеріндегі Абай мен Шәкәрімнің кесенелеріне де жаңғырту жұмыстары жасалады. Бұдан бөлек, абаттандыру шаралары атқарылады. Ал Құнанбайдың жатқан жерінде музей салу жоспарланып отыр.
Жалпы, Абайдың мерейтойына арналған жоспар 82 тармақты қамтиды. Соның ішінде халықаралық, республикалық, облыстық және қоғамдық маңызы бар 500-ден астам шара бар. Олар – ғылыми, ағартушылық іс-шаралар, конференциялар, симпозиумдар, пленэрлер, дөңгелек үстелдер, сынып сағаттар, поэтикалық жəне əдеби конкурстар мен баспасөз турлары. Жергілікті әкімдіктер де өз жоспарларын әзірледі.
<img src="https://kyzylorda-news.kz/wp-content/uploads/2020/02/6operaabai2.jpg" alt="" />
<img src="https://kyzylorda-news.kz/wp-content/uploads/2020/02/6operaabai3.jpg" alt="" />

«Абай» операсы Мәскеудегі Үлкен театрда сахналанады

<a href="https://kyzylorda-news.kz/">Kyzylorda-news.kz.</a> «Қазақстан» телерадиокорпорациясы ұлы ақын Абай Құнанбайұлының 175 жылдығына орай түсіретін телехикая актерлеріне байқау жариялайды. Бұл туралы Qazaqstan Ұлттық телеарнасының <a href="https://t.me/qazaqstan_arnasy/2373">«Telegram»</a> парақшасында хабарлады.
Кастингке арнайы актерлік білімі бар, 17 мен 40 жас аралығындағы қолаң шашты, қою қасты қыз-келіншектер мен 15 пен 50 жас аралығындағы кескін-келбеті келіскен, атқа отыра алатын ер-азаматтар қатыса алады.
Бұған дейін телехикаяның сценарийіне байқау жарияланып, отандық тәжірибелі өндірушілерден үш ай бойы өтінімдер қабылданған болатын. Бүгіннен бастап Телерадиокорпорацияның шығармашылық бірлестігі мен арнайы құрылған Көркемдік кеңестің қабылдаған нұсқасы бойынша түсірілім жұмыстарына әзірлік басталды. 
Үміткерлер өзі туралы ақпаратты (фото, видео) 15 ақпанға дейін casting.abai@kaztrk.kz поштасына жолдай алады. Қосымша мәліметтер үшін 8 747 706 64 94, 8 707 401 55 91 нөмірлеріне хабарласуға болады.

Абайдың 175 жылдығына орай түсірілетін телехикаяға кастинг жарияланды

<a href="https://kyzylorda-news.kz/">Kyzylorda-news.kz.</a> Қызылорда облыс орталығындағы Ә.Тәжібаев атындағы облыстық әмбебап ғылыми кітапханасында жыл бойы жұмыс жасайтын «Кемеңгерліктің биік шыңы – Абай» атты кітап көрмесі ашылды.
Кітап көрмесі «Мен жазбаймын өлеңді ермек үшін», «Әлем классиктері – Абай аудармаларында», «Абайдың философиялық дүниетанымы», «Үңілсең көзің жете ме, теңізден терең сыры бар…» атты бөлімдерден тұрады.
Көрмеге ақынның шығармаларымен қатар, белгілі абайтанушы Мекемтас Мырзахметұлының «Абайтану» кітабының 2 томдығы, «Даңқты адамдар» сериясынан «Абай», М.Әуездің «Ділім», Б.Ердембековтің «Абайтану», «Абай – Пушкин» шығармалары қойылды. Сондай-ақ, Заки Ахметовтің «Абай и Лермонтов», «Жизнь замечательных людей» сериясынан Н.Анастасьевтің «Абай», Д.Досжановтың «Абайдың рухы», Р.Сыздықованың «Абай шығармаларының тілі» кітабының 3 томдығы және өзге де дүниелер көпшілік назарына ұсынылды.
<img src="https://kyzylorda-news.kz/wp-content/uploads/2020/02/5abaikorme2.jpg" alt="" />

Қызылорда кітапханасында Абайға арналған кітап көрмесі ашылды

Абай тағылымы – арналы тағылым

<a href="https://kyzylorda-news.kz/">Kyzylorda-news.kz.</a> 21 қаңтар күні президентіміз Абай Құнанбаевтың 175 жылдық мерейтойына арналған мерекелік шараларды ресми түрде ашып берді. Елімізде ұлы ақынымыздың шығармашылығы мен өмір жолын дәріптейтін 80-нен аса ірі шара өткізілу жоспарланып отыр. Осыған орай Құнанбаевтың өмірі мен шығармашылығына қатысты көп айтыла бермейтін тың мәліметтерді&nbsp;жариялаймыз.
Ақын, абайтанушы, Жазушылар одағының мүшесі, “Жас абайтанушылар&nbsp;клубының” жетекшісі&nbsp;Алмақан Мұхамедқалиқызы Абай Құнанбаевты әлі де толық зерттеп,&nbsp;тереңіне бара алмай жатқанымызды айтады. Оның пікірінше, Абайдың біз саралап бітпеген сырлары көп.&nbsp;
<blockquote>
 “Абайдың өмір дерегін ең бірінші қағазға түсірген Абайдың інісі Ысқақтың ұлы Кәкітай. Кәкітайдың дерегіне сүйеніп, Бөкейханов Абай биографиясын жазды. Осы туралы әлі де толық айта алмай келе жатырмыз. Өйткені, Әлихан туралы жақ ашуға мүмкіндік болмады. Әлихан мен Абайдың байланысы туралы көп сөз бола бермейді. Абайды ең бірінші батысқа, зиялы қауымға таныстырған Әлихан Бөкеханов екенін дүйім жұрт біле бермейді”, – деген абайтанушы мәселені осыдан бастағанды жөн деп біледі.
</blockquote>
Оның айтуынша,&nbsp;Әлиханның Абай шығармашылығында атқарған қызметін, еңбегін әлі жетесіне жеткізіп айта алмай&nbsp;жүрміз. Себебі Әлихан ұлы ақынның шығармашылығын жинақтап, ең бірінші Санкт-Петербургта басып шығарған адам.
<blockquote>
 “Абайдың қайраткерлігін, балалық шағы туралы&nbsp;толық, нақты ақпарат жоқтың қасы. Бала Абай қандай болып еді? Біз қай дерекке сүйенсек те Зере мен Ұлжанның тәрбиесінде өскен ол шешен болды дегеннен ары аса алмаймыз. “Абай жолы” эпопеясында заман ағымына қарай Абай мен Құнанбайды қайшы қойғандығын айтамыз. Негізі ол мүлде олай емес”, – дейді Алмахан&nbsp;Мұхамедқалиқызы.
</blockquote>
Алмахан апайдың&nbsp;айтуынша, Абайдың ең бір сүйіп ойнайтын ойыны&nbsp;тоғызқұмалақ болғанын көбі біле де бермейді және көп жерде айтыла&nbsp;бермейді.
<blockquote>
 “Абайдың тоғызқұмақты ерекше сүйіп ойнағаны&nbsp;туралы жазбаймыз. Бұл ойынның тоғыз құмалағы туралы, ерекше математикалық есепке құрылған ғажап ойын екенін айтпаймыз. Оның саятшылығы мен аңшылығы туралы жазбаймыз. “Қансонарда бүркітші шығады аңға” деген өлеңі қандай жағдайда туды?” – деген зерттеуші бұл тақырыптар әлі де жан-жақты зерттеуді қажет ететінін жеткізді.
 “26 жасында Абай&nbsp;болыс болған, бірақ оның қандай қызметтер атқарғанын нақты айта алмай, терңіне дендей алмай отырмыз. Ел басқару ісіне араласып жүріп, Абайдың зиялы қауыммен араласуы, саяси жер аударылып келген көзі ашық қауыммен тыңыз байланысы туралы аз айтылған.&nbsp;Олармен бірігіп, қазақтың&nbsp;тұрмысы мен мәдениетіне пайдаланылған 60-қа жуық экспонаттарды жинап, Семей қаласындағы Михаилстің кітап көрмесінің жанынан қазақтың тұрмысына қатысты&nbsp;көрме ұйымдастырған. Оны жасаудағы мақсаты не және көрмеде қандай заттар қойылды деген сұраққа тереңдей алмай жүрміз”, – дейді Мұхамедқалиқызы.&nbsp;
 “Абайдың достары туралы да көп айтылмайды. Абай досты қалай таңдады?&nbsp;“Елу бесте мен дағы, сенісер дос таптық па?!” деп не айтқысы келді?”, – деген Алмахан&nbsp;Мұхамедқалиқызы&nbsp;құрғақ соғып, жалпылама айтып Абайды тауыса алмайтынымызды,&nbsp;оның әрбір сөзін, ісін, жеке-жеке жүйелі түрде зерттесек қана ұлы ойшыл ақынның тұлғасы толық Абай ашылатынын айтады.&nbsp;
</blockquote>
Тәуелсіздік алғаннан кейінгі жылдары Абайдың қара сөзі туралы тұңғыш рет диссертация қорғап, тереңінен зерттеп жүрген Жабал Шойынбет ақын&nbsp;өмірінің соңғы кезеңінде неге қайғыға салынып кеткенін былайша пайымдайды.&nbsp;
<blockquote>
 “Абай өмірінің соңғы кезінде жеке отбасылық та мәселелермен қатты күйзелісте жүрді. Балалары кезек-кезек қайтыс болып, қабырғасы қайысқанда&nbsp;бұл Абайдың басына түскен қайғы&nbsp;дейміз. Бірақ бұл әрбір адамның басына түсе бертін қайғы. Абайдың қайғысы, мұңы өзі өлеңінде айтқандай:&nbsp;
</blockquote>
“Жүрегіңнің түбіне терең бойла,
Мен бір жұмбақ адаммын оны да ойла.
Cоқтықпалы-соқпақсыз жерде өстім,
Мыңмен жалғыз алыстым, кінә қойма”.&nbsp;
<blockquote>
 Абайдың қайғысы тек отбасылық емес, бүкіл қазақтың қайғысы&nbsp;екенін түсіне білуіміз керек. Әрине, бірінші отбасы үшін өмір сүрсе, екінші өзінің ұлты үшін өмір сүрген ақын, хәкім. Қайтсем өз елім өзге елмен терезесі қатар болады деп көп ойланып, көп толғанған. Сол жолда көп қызмет еткен. Оның бүкіл өлеңі өнер- ғылым,&nbsp;білімге шақырады. Адамнан адам өнер мен ғылым арқылы ғана озады дегенін жақсы білеміз.&nbsp;Сол заманда көрші орыс халқының өндірісі&nbsp;көркейген, алда еді. Әдебиеті де әлемдік дәрежеге көтеріліген кез еді. Оның орыстан үйрен деген сөзінде өндіріс орындарын ашса, білім-ғылымға сусындаса, қазақ алға түсіп озады деді. Бірақ алғашқы кезде көп үміт артқан “орыс халқы дүниенің кілтін ұстап тұр” деген ойынан өмірінің соңында бас тартты. Өйткені,&nbsp; бір кездегі өзі үміт еткен елде өндіріс жоқ, даму жоқ болды. Жағдайы күн сайын нашарлай бастады. Осыдан кейін орыс империясынан күткен үмітін үзді. Оның үстіне Анна ІІ дайындаған орыс империясының қазақтарды жаулап алу туралы арнайы хатты өз қолымен ұстап, оқуы мүмкін. Себебі, онда былай деп жазылған: “Біз америкалықтар үндістерді жер бетінен қалай жойса,&nbsp;қазақтарды да жер бетінен солай жоюымыз керек”, – дейді зерттеуші.
</blockquote>
Жабал Шойынбеттің пайымдауынша, ұлы ойшыл ақынның қатты қайғыға түсуіне бір кездері өзі үлгі тұтқан орыс империясының қазаққа&nbsp;салып жатқан бұғауы себеп болуы мүмкін.&nbsp;Сол себепті өмірінің соңында Абай өлең жазуды қойып, қара сөздерін жазған. Неден қателік кетті, елге қандай қауіп төніп тұр, соның барлығын қара сөз ретінде қалдырды. Бірінші&nbsp;қара сөзінде&nbsp;барлығынан&nbsp;күдер үзген адамдай көрінгенімен, ақын күдерін үзіп тұрған жоқ,&nbsp;өзінің ұлтына бұйырмай тұрған несібеге қынжылады деп қорытындылады&nbsp;зерттеуші.
<a href="https://stan.kz/abaydin-balaligi-turali-ayta-almay-zhurmiz-abaytanushil-326638/">Stan.kz</a>

Абай өмірінің соңғы кезінде неге қайғыға салынып кетті? Зерттеушілер ұлы ақынға қатысты тың деректерді жаңартты

<a href="https://kyzylorda-news.kz/">Kyzylorda-news.kz.</a> Ереван мемлекеттік университеті (ЕМУ) жанындағы Қазақ тілі, тарихы және мәдениеті орталығына Абайдың аты берілді.
Бұл туралы ҚР Елшілігі ҚР Парламент Сенаты төрайымы Дариға Назарбаеваның атынан Орталыққа компьютерлік техника мен әдеби оқулықтарды тапсыруға арналған шара барысында ЕМУ ректорының міндетін атқарушы Гегам Геворкян мәлімдеді, деп хабарлайды <a href="https://www.inform.kz/kz/erevandagy-kazak-tili-tarihy-zhane-madenieti-ortalygy-abaydyn-esimimen-ataldy_a3609186">ҚазАқпарат</a>.
Еревандағы ЕМУ жанындағы Қазақ тілі, тарихы және мәдениеті орталығына ҚР Сенат төрайымы Дариға Назарбаеваның атынан компьютер, интерактивті тақта, сонымен қатар қазақ тілін үйренуге арналған 120 қазақ сөздігі мен жаңа оқу материалдары тапсырылды. Орталыққа арналған компьютерлік техникалар қазақ бағдарламаларымен жабдықталған, ол қазақ тілін үйретудің заманауи және тиімді тәсілдерін пайдалануға көмектеседі.
Шара барысында Қазақстанның Армениядағы елшісі Тимур Уразаев ЕМУ әкімшілігіне, профессор-оқытушылар құрамы мен басшылыққа қазақ тарихын, мәдениеті мен тілін зерттеуге қосып жүрген үлестері үшін алғыс айтты.
<blockquote>
 «175 жылдық мерейтойы кезінде Абайдың тілін жаңа құрылғылардың көмегімен армян студенттеріне үйрету – қазақ әдебиеті және поэзиясымен танысып, екі ел арасындағы мәдени сабақтастықты нығайтуға көмектеседі. Ал Дариға Назарбаеваның Орталыққа берген сыйжазбасы екі ел арасындағы мәдени-гуманитарлық қарым-қатынасты дамытуға ақ тілек болады», – деп атап өтті шара барысында елші Т.Оразаев.
</blockquote>
ЕМУ ректорының міндетін атқарушы Гегам Геворкян университет басшылығы Орталыққа Абай есімін беру туралы шешім қабылдағанын мәлімдеді.
<blockquote>
 «Былтыр біз ерекше оқиғаның куәсі болдық, «Қазақ әдебиетінің антологиясы» армян тілінде жарық көрді. Бұл екі елдің әдебиетшілері, ғалымдары мен лингвистері серіктестігінің озық үлгісі. Биыл Абайдың 175 жылдығы мерейтойының куәсіболамыз»,- деп атап өтті академик Гегам Геворкян.
</blockquote>
Сонымен қатар, ол шара барысында университет басшылығы Орталыққа кеңірек орын қарастыратынын айтты. ЕМУ жанындағы Қазақ тілі, мәдениеті және тарихы ортылығы Қазақстан Республикасының Армениядағы елшілігінің қолдауымен 2010 жылдың 19 тамызында ашылған болатын.
<img src="https://kyzylorda-news.kz/wp-content/uploads/2020/01/30imenemabaya2.jpg" alt="" />
<img src="https://kyzylorda-news.kz/wp-content/uploads/2020/01/30imenemabaya3.jpg" alt="" />
<img src="https://kyzylorda-news.kz/wp-content/uploads/2020/01/30imenemabaya4.jpg" alt="" />

Еревандағы Қазақ тілі, тарихы және мәдениеті орталығы Абайдың есімімен аталды

<a href="https://kyzylorda-news.kz/">Kyzylorda-news.kz.</a> Қармақшы ауданындағы орталық кітапханада қазақтың бас ақыны Абай Құнанбаевтың 175 жылдығына арналған «Абай» залының ашылу салтанаты өтті.
Салтанатты шараға аудан әкімі Мұса Қалдарбеков, аудан әкімінің орынбасары Жарқын Омаров, мәдениет саласының ардагер кітапханашылары мен оқырмандары қатысты.
Шара барысында жас оқырмандар Абай өлеңдерінен үзінді оқып, жыраулар ұлы ақын өлеңдерін сыр мақамдарына салып терме орындады.
Сонымен қатар, оқырмандар назарына «Алтын Орда – Ұлы дала тарихының арқауы», «Әл-Фараби және оның рухани мұрасы», «Еріктілік-риясыз жақсылық жасау» тақырыбында көрмелер ұсынылды.
Абай залында ұлы ақынның өмірі мен шығармашылығы туралы 200 ден астам шығармалары мен Абайды зерттеушілер М.Әуезовтың, З.Ахметовтың, М.Мырзахметовтың, Р.Сыздықованың, Ә.Қоңыратбаевтың, Д.Омаровтың, Д.Досжанның, Ғ.Есімнің басылымдары айрықша орын алды.
Сонымен бірге, құнды жинақтар қатырында 1965 жылы салынған «Абай» портреті, М. Ауезов «Абай» романы (1948 жыл), Абай Құнанбаев «Ғылым таппай мақтанба» өлеңдер жинағы. Қазақстан мемлекеттік көркем әдебиет баспасы(1950 жыл), «Таңдамалы шығармалары» (1952 жыл), «Шығармаларының толық жинағы» 2 том (1954 жыл), «Стихотворения поэмы прозы» Москва (1954 жыл), М.С.Сильченко «Творческая биография Абая» (1957 жыл) жинақталған.
<img src="https://kyzylorda-news.kz/wp-content/uploads/2020/01/29abaizaly2.jpg" alt="" />
<img src="https://kyzylorda-news.kz/wp-content/uploads/2020/01/29abaizaly3.jpg" alt="" />
<img src="https://kyzylorda-news.kz/wp-content/uploads/2020/01/29abaizaly4.jpg" alt="" />
<img src="https://kyzylorda-news.kz/wp-content/uploads/2020/01/29abaizaly5.jpg" alt="" />
<img src="https://kyzylorda-news.kz/wp-content/uploads/2020/01/29abaizaly6.jpg" alt="" />
<img src="https://kyzylorda-news.kz/wp-content/uploads/2020/01/29abaizaly7.jpg" alt="" />

Қармақшыда Абай залы ашылды (ФОТО)

<a href="https://kyzylorda-news.kz/">Kyzylorda-news.kz.</a> Қызылордадағы Ә.Тәжібаев атындағы облыстық әмбебап ғылыми&nbsp;кітапханасында «Кемеңгерліктің биік шыңы – Абай» атты кітап көрмесі ұйымдастырылды.
Ұлы Абай шығармаларынан қазақ баласының салауатты тәрбие алып, ұлттық өсіп-өнуіне қажетті көптеген өсиет сөздерді табуға болады. Оның шығармалары мен қара сөздері қазақ халқын ғана емес, жалпы адамзат баласын екі ғасырдан бері рухани құндылықтарға жетелеуде. Абай даналығы жаңа ғасырда жаңарып түлеп, өркениетті мемлекет құрып жатқан қазақ халқының дамуына өлшеусіз зор ықпал жасауда.
Кітап көрмесінің мақсаты – тереңдеп таныған сайын жаңа қырларымен, өзгеше сипатымен ашыла түсетін ақын поэзиясын зерделеп оқуға, ұлы ақынның сан салалы ақыл-ойын, өнер өрісін жүйелеп тануға ықпал ету, насихаттау.
Кітап көрмесі «Мен жазбаймын өлеңді ермек үшін», «Әлем классиктері – Абай аудармаларында», «Абайдың философиялық дүниетанымы», «Үңілсең көзің жете ме, теңізден терең сыры бар…» атты бөлімдерден тұрады.
Көрмеге ақынның шығармалары мен қатар белгілі абайтанушы Мекемтас Мырзахметұлының «Абайтану» кітабының 2 томдығы, «Даңқты адамдар» сериясынан «Абай», М.Әуездің «Ділім», Б.Ердембековтың «Абайтану», «Абай – Пушкин», Заки Ахметовтың «Абай и Лермонтов», «Жизнь замечательных людей» серисынан Н.Анастасьевтың «Абай», Д.Досжановтың «Абайдың рухы», Р.Сыздықованың «Абай шығармаларының тілі» кітабының 3 томдығы және т.б кітаптар қойылды.
<img src="https://kyzylorda-news.kz/wp-content/uploads/2020/01/29abaikorme2.jpg" alt="" />
<img src="https://kyzylorda-news.kz/wp-content/uploads/2020/01/29abaikorme3.jpg" alt="" />

Қызылордада Абайдың 175 жылдығына арналған кітап көрмесі ашылды (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Үкіметтің кеңейтілген&nbsp;отырысында&nbsp;ҚР Президенті Қасым-Жомарт Тоқаев Абайдың 175 жылдығына арналған шаралар қандай бағытта өтуі керектігін түсіндірді, деп хабарлайды <a href="https://lenta.inform.kz/kz/prezident-abaydyn-mereytoyy-turaly-ysyrapshyldyk-kerek-emes_a3607077">ҚазАқпарат</a>.
<blockquote>
 «Қажеті болса бөлінген қаржыны қысқарту керек. Ысырапшылдыққа жол бермеу қажет, той деген тойлау үшін емес, бәрімізге толғау үшін керек. Сондықтан бұл шараларда ұқыптылық болу керек, яғни шектен тыс концерттерді ұйымдастырудың қажеті жоқ. Шетелдік әртістерді тарту қажет емес. Яғни, демеушілік қаржы бөлінгеннің өзінде, ысырапшылдық керек емес. Менің ойымша, осы шараларды іскерлік тұрғыда өткізуге болады. Сіз әкімдердің арасында ең тәжірибелі адамсыз. Осы орайда, Абайдың 175 жылдығын атап өту аясында ұйымдастырылатын барлық шараларды мұқият пысықтап шығыңыздар», – деді Президент Шығыс Қазақстан облысының әкімі Даниал Ахметовке қарата айтқан сөзінде.
</blockquote>
Мемлекет басшысы аталған шараларға ағартушылық бастауды енгізуді тапсырды.
<blockquote>
 «Бұл шаралар тәжірибелік маңызды, идеологиялық жүктемін қамтуы керек», – деді Қасым-Жомарт Тоқаев.
</blockquote>

Президент Абайдың мерейтойы туралы: Ысырапшылдық керек емес

<a href="https://kyzylorda-news.kz/">Kyzylorda-news.kz.</a> Бүгін «Астана Опера» театрында Абай Құнанбайұлының 175 жылдық мерейтойы салтанатты түрде ашылды. Ресми шараға ҚР Тұңғыш Президенті – Елбасы Нұрсұлтан Назарбаев және Мемлекет басшысы Қасым-Жомарт ТоқаевҚР Тұңғыш Президенті – Елбасы Нұрсұлтан Назарбаев және Мемлекет басшысы Қасым-Жомарт Тоқаев қатысты.
Салтанатты шара барысында мәдениет және спорт министрі Ақтоты Райымқұлова бірінші болып сөз сөйледі.
<blockquote>
 «Ұлы Абай шығармашылығының өзегінде елдің қамы, қуанышы мен қайғысы, келешегі, арман-мұраты тұр. Жаңа қоғам мен жаңа адамды қалыптастыру идеясы да Абайдан басталады. Ол елдің үнемі алға жылжуына, өсіп-өркендеуіне шын ниетімен тілеулес болып, халқымызды жаңа өмірге бейім болуға шақырды. Хәкім Абайдың тіл үйренуді және жаңа кәсіп игеруді ерекше дәріптегенін жақсы білеміз», – деді Райымқұлова.
</blockquote>
Министр Абайдың халықты еңбекке баулуға деген ынтасын ерекше атап өтіп, елдің дамуын тежейтін теріс әдеттерге қатысты сөзіне де тоқталды.
«Әсіресе, мақтан мен масылдық психологиядан арылып, адамды еңбек етуге үндеді. Ұлы ойшылдың ғибратты сөздері тәуелсіз Қазақстанның жаңа серпінмен дамуы үшін қажет. Сондықтан бұл мерейтойдың танымдық және тағылымдық мән-маңызы өте зор», – деп атап көрсетті Райымқұлова.
Осыдан кейін жүргізушілер музыкалық кештің басталатынын жариялады. Театр сахнасында ұлы Абайдың өлеңдері мен әндері орындалды. Қазақстанның танымал әртістері – Роза Рымбаева, Әлібек Дінішев, Майра Мұхамедқызы, Тамара Асар және тағы басқа әншілер өз өнерін паш етті.
<img src="https://kyzylorda-news.kz/wp-content/uploads/2020/01/abaj-tojy-bastaldy-1.jpeg" alt="" />
<img src="https://kyzylorda-news.kz/wp-content/uploads/2020/01/abaj-tojy-bastaldy-2.jpg" alt="" />
<img src="https://kyzylorda-news.kz/wp-content/uploads/2020/01/abaj-tojy-bastaldy-3.jpg" alt="" />
<img src="https://kyzylorda-news.kz/wp-content/uploads/2020/01/abaj-tojy-bastaldy-4.jpg" alt="" />

Абай тойы ресми түрде басталды (ФОТО)

Қызылордалық Елена Пак Абайдың 200-ге жуық өлеңін жатқа біледі

<a href="https://kyzylorda-news.kz/">Kyzylorda-news.kz.</a> Қызылордалық студент Елена Пак қазақтың ұлы ойшылы Абайдың өлеңдерін жатқа біледі. Алаштың ардақты тұлғасының шығармашылығына ерекше қызығушылық танытқан жас көптеген байқауда жеңімпаздар қатарына көрінді, деп хабарлайды [ҚазАқпарат](https://lenta.inform.kz/kz/kyzylordalyk-elena-pak-abaydyn-200-ge-zhuyk-olenin-zhatka- biledi_a3605078).
Елена 2001 жылы Шиелі ауданына қарасты Ақмая ауылында дүниеге келген. Ақмаяда көптеген ұлт өкілдері тату-тәтті ғұмыр кешіп отыр. Солардың қатарында Пак әулеті де бар. Ұзақ уақыттан бері оыс ауылда тұратын бұл әулет жергілікті жұртпен етене араласып, елдегі ағайынмен дос-бауырдай болып кетті. Береке мен бірлік ұя салған шуақты шаңырақтағы барлық адам қазақ тілін жетік біледі. Халқымыздың мақал-мәтелін, бейнелі сөздерін, өзге де ерекшелігін бір кісідей түсінеді.
<blockquote>
 «Кезінде атам Виталий Пак ауылда күрішші болып еңбек етсе, әжем Светлана Лян есепші қызметін атқарды. Қазір екеуі де зейнеткер. Әкем Владимир мен анам Татьяна да сол құтты қоныста тұрақ тапты, бүгінде «Ақмая» шаруашылығында несібесін теріп жүр. Отбасында үш баламыз. Үлкені – менмін, інім Виталий де қазақ ақын-жазушыларының шығармаларына қызығады. Ол да Абайдың біршама өлеңін жатқа біледі. Биыл елімізде кемеңгер тұлғаның 175 жылдығын кеңінен атап өту жоспарланып отыр. Біз мерейтой барысында зердемізге тағылымды ой түйеріміз сөзсіз», – деді Елена.
</blockquote>
Ол ауылда қазақ мектебінде білім алды. Ес білгеннен сол тілде сөйлеген жас өрен білім ұясында ешбір қиындық көрген жоқ. Күнде өзімен ойнап жүрген достары секілді әрбір сабақта өзінің қабілетін көрсетіп, зердесіне тоқыған дүниелерді ұстазына емін-еркін жеткізе алатын. Әжесі Светлана немересінің қолынан жетектеп қазақ мектебіне алып барған еді. Тәуелсіз еліміздің ертеңі – қазақ тілінде екенін жете түсінген шаңырақ иелері қарияның орайлы пікіріне ешбір қарсы болған жоқ. Білімге құштар жеткіншек осылайша ұлан-ғайыр даланың тереңнен тартқан тарихына бойлап, қаншама толымды туынды, жыр маржанымен сусындап өсті. Дархан даланың данасы Абай өлеңдеріне деген қызығушылық та сол мектеп қабырғасында жүргенде оянды.
<blockquote>
 «Тоғызыншы сыныпта оқып жүрген кезім еді. Ең алғаш Абай атамыздың өлеңдеріне деген қызығушылығымды оятқан ұстазым Бибігүл Сұлтанова маған «Абай оқулары» байқауы болатынын айтты. Соған қатысуға шақырды. Мен одан ешбір жүрексінген жоқпын. Әзірлік жасауды бастап кеттік. Бас-аяғы үш-айдың көлемінде Абайдың 80-ге тарта өлеңін жаттадым. Аудандық байқауда еңбегім жоғары бағаланып, бірінші орын иегері атандым. Одан кейін облыстық байқауға дейін ұлы ақынның «Ескендір» поэмасын жаттап алдым. Ұстазым екеуміз ол байқаудан да абыройлы оралдық», – дейді Елена.
</blockquote>
Бүгінгі күндері Елена Қорқыт ата атындағы Қызылорда мемлекеттік университетінде филолог мамандығы бойынша екінші курста оқиды. Зерек қыз тіл білімінің қыр-сырына қаныға түсуге ынта жасап отыр. Әрбір тілді жете зерттей білсең, сол ұлттың бүкіл болмыс-бітімін зерделеуге әбден болатынын айтады.
Ол көптеген қоғамдық шараларға белсене қатысып келеді. Оған қазақ тілін жақсы білетіндігі көп көмектеседі.
Достық пен бірлік ұлт таңдамайды. Сонау бір аласапыран жылдарда қазақ топырағына қаншама ұлт пен ұлыс қадам басты. Қадым заманнан қанымызға сіңген қалпымызды сақтап, тағдыр жазуымен біздің жерге келген талай жан кеңпейіл ниетіміздің шуағынан қуат алды. Қазіргі таңда егемен еліміздің еңсесін тіктетуге олар да бізбен бірге қал-қадерінше үлесін қосып келеді. Жергілікті халықтың тілі мен ділін бойына сіңіріп, олармен туыс-бауыр секілді етене араласып кетті.
<img src="https://kyzylorda-news.kz/wp-content/uploads/2020/01/20pak2.jpg" alt="" />

Қазақстан және Қызылорда облысының жаңалықтары: АБАЙ-175