<a href="https://kyzylorda-news.kz/">Kyzylorda-news.kz</a> Қармақшы ауданы полиция бөлімі тергеу бөлімшесінің аға тергеушісі полиция майоры Конырбаева Алтынгуль Торыбаевна ішкі істер органдарында 2013 жылдан бастап табанды қызмет атқарып келеді.Қызметке кіріскен алғашқы жылдардан-ақ өзін жауапкершілігі жоғары, адал әрі тәртіпті маман ретінде таныта білді.Тергеу саласы- тиянақтылық пен төзімділікті, кәсіби біліктілік пен үлкен жауапкершілікті талап ететін күрделі бағыт. Шенді ару осы талаптарды абыроймен атқарып, бірқатар қылмыстық істерді сотқа жолдап, нақты нәтижелерге қол жеткізді. Әріптестері арасында тегеурінді тергеуші ретінде танылған.

Ел тыныштығын сақтаған ару

<a href="https://kyzylorda-news.kz/">Kyzylorda-news.kz</a> &nbsp;Атқарып жүрген қызметінің ауыр екендігіне қарамастан, полиция департаментінің барлық құрылымдарында жауапты жұмысымен көпшіліктің ыстық ықыласына бөленіп жүрген арулар көп. Атап айтар болсақ, Қызылорда қаласы Полиция басқармасы қоғамдық қауіпсіздік бөлімі патрульдік полиция батальоны саптық бөлінісінің қызмет инспекторы лауазымында Индира Жұмабайқызы үлкен жауапкершілікпен қызмет атқарып келеді. Қателесуге болмайтын, азаматтармен тығыз қарым қатынаста болатын ең негізгі жұмыстардың бірі осы - патрульдік полиция қызметі.Қызметтік борышын адал атқарып жүрген полиция қызметкері беделі мен мәртебесінің артуына, сонымен бірге отбасылық құндылықтарының нығаюына да зор ықпал етіп келеді.Темірдей тәртіпке бас иген аруға көктемнің шуақты мерекесінде қажымас қайрат, зор денсаулық тілейміз. Арманы аласармай ең биік мақсаттарға қол жеткізіп, полицей ретінде қарапайым тұлға ретінде мәртебесі биіктеп, ең сыйлы жанға айналсын.

Қызметіне адал полицей Индира Жұмабайқызы

<a href="https://kyzylorda-news.kz/">Kyzylorda-news.kz</a> Қызылорда облыстық Қазақстан халқы Ассамблеясы жанындағы медиация орталығының ұйымдастыруымен Абылай хан атындағы жоғары колледжінде кездесу өтті. Іс-шара барысында қоғамдағы медиация мәдениетін қалыптастыру, этносаралық келісімді нығайту және дауларды бейбіт жолмен шешу тетіктері кеңінен сөз болды.Жиында спикерлер ретінде Этномедиация орталығының төрағасы, кәсіби медиатор-психолог Жанна Мирамбекқызы және «Қоғамдық келісім» КММ бөлім басшысы Шахизат Абдраманова баяндама жасады. Олар медиацияның құқықтық әрі психологиялық қырларына тоқталып, оның қоғамдағы дау-дамайлардың алдын алудағы тиімді құрал екенін атап өтті.Кездесу барысында жастар тәрбиесіне кері әсерін тигізетін бес кесел, соның ішінде құмар ойынға тәуелділік мәселесі қозғалып, оның әлеуметтік салдары мен алдын алу жолдары талқыланды. Спикерлер түсіндіру және ақпараттық жұмыстардың маңыздылығына ерекше назар аударды.Сонымен қатар, 15 наурызда өтетін Референдумның маңыздылығы айтылып, ел дамуына қатысты маңызды бастамаларға азаматтардың белсенді қатысуы – ортақ жауапкершілік екені жеткізілді.

Архив

Ел тыныштығын сақтаған ару

Қызметіне адал полицей Индира Жұмабайқызы

Қызылордада медиация мәселелері талқыланды