Исатай Әбдікәрімов атындағы Қызылорда политехникалық жоғары колледжінде құқық бұзушылықтың алдын алу мақсатында «Жауапкершілік пен оның салдарын түсіндіру» тақырыбында ақпараттық-түсіндірме тренинг ұйымдастырылды. Шараның мақсаты – жастар арасында құқықтық мәдениетті қалыптастыру, заң бұзушылықтың салдары туралы түсінік беру және жауапкершілік сезімін арттыру. Тренинг барысында студенттерге құқықтық сауаттылық, жеке жауапкершілік, заң талаптарын сақтау және құқықбұзушылықтың түрлі салдары туралы нақты мысалдар келтіріліп, интерактивті форматта пікір алмасу өтті. Жастар өздерін қызықтырған сұрақтарын қойып, мамандардан толыққанды жауап алды. Мұндай іс-шаралар жастардың заң алдындағы жауапкершілігін арттырып, қоғамдық тәртіпті сақтауға оң әсер етеді.

"Жауапкершілік пен оның салдарын түсіндіру" тақырыбында тренинг өтті

<a href="https://kyzylorda-news.kz/">Kyzylorda-news.kz</a> Партияның облыстық филиалының төрағасы Жандос Базартай Жалағаш ауданындағы жұмыс сапары барысында партия активімен кездесті.Отырыста партияның аудандық филиалының атқарушы хатшысы Қаншагүл Мұстафаева филиалдың бір жыл ішінде атқарған жұмыстары бойынша есебін баяндады. Сонымен қатар, партиялық бақылау комиссиясының жылдық есебі, Аққұм ауылдық округі бастауыш партия ұйымының есебі, бастауыш ұйымдар деңгейінде жүзеге асқан іс-шаралардың қорытындылары тыңдалды.Сондай-ақ жиында «Ауыл аманаты» жобасы аясында ауданда атқарылған жұмыстар жайлы да кеңінен мәлімет берілді. Аталған жобаның жүзеге асу барысы туралы есепті Мақпалкөл ауылдық округінің әкімі Тұңғышбаев Бауыржан баяндады.Атқарылған жұмыстармен танысқан партияның облыстық филиалының төрағасы Жандос Базартай партия активі алдына сайлауалды уәделердің орындалуын қатаң бақылауға алу, қоғамдық қабылдау бөлмесіне тұрғындардан келіп түсетін өтініштердің оң шешілуіне ықпал ету, партиялық жобаларды жүзеге асыру барысында сайлаушылармен жүйелі әрі тиімді жұмыс жүргізу, бастауыш партия ұйымдарының жұмысын күшейтіп, олардың рөлін арттыру, партия атынан ұсынылған ауыл әкімдерің жауапкершілігін күшейтіп, сайлауалды уәделерінің орындалуына жұмыс жасау жөнінде міндеттер қойды.&nbsp;Сондай-ақ төраға партия жұмысына белсенді атсалысып жүрген бірқатар азаматтарға алғыс хаттар табыстап, ризашылығын білдірді.Мұнан бөлек жұмыс сапарында филиал төрағасы аудандық филиалға қарасты «Дарын» бастауыш партия ұйымының арнайы кабинетімен де танысты.&nbsp;

Партия жұмысының басым бағыттары және алдағы міндеттер актив отырысында пысықталды

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының төрағасы Жандос Базартайдың жұмыс сапары Жалағаш ауданында жалғасты. Төраға алдымен партияның аудандық филиалының қызметімен танысты.Төраға партия филиалының техникалық базасы, материалдық жабдықталуы және қызметтік жағдайын зерделеді. Партия жұмысының тиімділігін арттыруда техникалық қамтамасыз ету мен кеңсе мүмкіндіктерінің маңыздылығы зор екені айтылып, бұл бағытта атқарылып жатқан жұмыстар оң бағаланды.Сонымен қатар, аппарат қызметкерлерімен жүздесіп, олармен ашық пікір алмасу жүргізілді. Кездесу барысында партияның сайлауалды бағдарламасының орындалуы, партиялық жобалардың жүйелі жүзеге асуы, қоғамдық қабылдаулар мен халықпен кері байланысты күшейту төңірегінде әңгімелесу болды.Облыстық филиал төрағасы Жалағаш ауданындағы партия жұмысын оң бағалап, алдағы кезеңде де жүйелі жұмыс пен нақты нәтижелерге қол жеткізу бағытында белсенділік сақталуы қажеттігін атап өтті.

«AMANAT»: Партия төрағасы жұмыс сапары Жалағаш ауданында жалғасты

<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы мәдениет үйінде қала әкімінің бүлдіршіндерге арналған Жаңа жылдық шыршасы өтті. Ғажайып мереке «Сиқырлы Жаңа жыл» тақырыбында ұйымдастырылып, салтанат орны балақайлар &nbsp;үшін жаңалық пен жұмбаққа толы ертегілер мекеніне айналды.&nbsp;Іс-шараға білім, өнер, спортта зор жетістіктерге жеткен балалар қатысты. Жаңа жылдық шырша салтанаты арнайы әзірленген қойылымымен басталды. Қызықты кешке жиналған балалар Жаңа жылдық шыршаның басты қонақтары – Аяз ата мен Ақшақарға өз өнерлерін көрсетіп, керемет сыйлықтарға ие болды.Жаңа жыл мерекесі – балалар үшін ұмытылмас оқиға. Өйткені, олардың бақытты жүздерін, шынайы күлкілерін көруден артық ештеңе жоқ. Қуанышпен бөліскен қала әкімі Нұржан Ахатов балалармен бірге жаңажылдық шырша шамын жағып, бүлдіршіндерді мерекемен құттықтады.&nbsp;<blockquote>«Еліміздің жарқын болашағы да, ата-аналарыңның бақыты мен қуанышы да өздеріңсіздер. Сондықтан да, әрқашан ата-аналарыңызды қуантыңыздар. Зерделі де зерек, білімді де білікті болыңыздар. Бүгінде жасампаз істердің барлығы Сіздердің келешектеріңіз үшін жасалуда. Келер жылда ұшқыр арман-қиялдарыңыз бен ақ тілек-ниеттеріңіз орындалсын», – деп балаларға сыйлықтар табыстады.&nbsp;</blockquote>Шаттыққа толы шарада жасыл шырша жанына жиналған ертегі кейіпкерлері ғажайыпқа толы қойылымдар көрсетіп, балауса балғындарды көтеріңкі көңіл-күйге бөледі.<img src="https://knadmin.beoblood.kz/uploads/Shyrsha_merekesi_2_56a48196af.jpg" alt="Шырша мерекесі 2.jpg">

Шаттыққа толы шырша мерекесі

<a href="https://kyzylorda-news.kz/">Kyzylorda-news.kz</a> Жаңақорған ауданы Кейден ауылы үшін тарихи әрі қуанышты күн. Бизнестің әлеуметтік жауапкершілігі аясында Кейден ауылында жастардың спортпен шұғылдануына мүмкіндік беретін, заманауи талаптарға сай салынған жаңа күрес залы халық игілігіне пайдалануға берілді.&nbsp;«Қазатомөнеркәсіп» Ұлттық атом компаниясы» акционерлік қоғамының еншілес «СКЗ-U» жауапкершілігі шектеулі серіктестігінің игі бастамасымен бой көтерген жаңа күрес залының ашылу салтанатына облыс әкімінің орынбасары Ардақ Зебешов, аудан әкімі Мажит Самитов, "Қазатомөнеркәсіп" Ұлттық атом компаниясы» акционерлік қоғамының басқарма төрағасы Мейржан Юсупов, зиялы қауым өкілдері, ауданның спортшылары және ауыл тұрғындары қатысты.&nbsp;Жаңа спорттық нысанның ашылу рәсімінде облыс әкімінің орынбасары Ардақ Темірханұлы «Қазатомөнеркәсіп» Ұлттық атом компаниясы» акционерлік қоғамының еншілес «СКЗ-U» жауапкершілігі шектеулі серіктестігіне алғысын білдіріп, ғимараттың ашылуымен ауыл тұрғындарын құттықтады. Сондай ақ, ауданымыздың әлеуметтік - экономикалық дамуына үлес қосқан азаматтар мен күрес залының құрылысын сапалы жүргізген мердігер мекеме өкілдерін облыс әкімінің алғыс хаттарымен марапаттады.&nbsp;Одан соң «Қазатомөнеркәсіп» Ұлттық атом компаниясы» акционерлік қоғамының басқарма төрағасы Мейржан Бақытұлы сөз сөйлеп, ауыл тұрғындарын жаңа нысанмен құттықтап, жаңа жыл қарсаңында заманауи спорт залды халық игілігіне пайдалануға беруге арнайы келгендігін айтты.Жаңақорған аудандық ардагерлер кеңесінің төрағасы Өмірсерік Тақырбасов аудан ардагерлері және ауыл тұрғындары атынан «Қазатомөнеркәсіп» Ұлттық атом компаниясы» акционерлік қоғамына ауыл жастарының спортпен шұғылдануына қолдау көрсеткені үшін алғыс айтып, батасын берді.&nbsp;Осыдан соң келген қонақтар жаңа күрес залы ғимаратының лентасын қиып, нысанның ішкі жұмысымен танысты. Аталған ғимаратта күрес және жаттығу залы бар. Одан бөлек, дәрігерлер мен жаттықтырушылар &nbsp;бөлмелері бар. Шара қонақтары жас спортшыларға сәттілік тілеп, жаңа жылдық сый сияпат тапсырды.Бұдан бөлек, келген қонақтар «СКЗ-U» жауапкершілігі шектеулі серіктестігінің күкірт қышқылы заутына барып, онда зауыт қызметкерлеріне арналған спорт залды салтанатты түрде ашты.&nbsp;Ашылу салтанатында «Қазатомөнеркәсіп» Ұлттық Атом компаниясының акционерлік қоғамының басқарма төрағасы Мейржан Бақытұлы Юсупов барша кәсіпорын қызметкерлерін келе жатқан жаңа жыл мерекесімен құттықтап, кәсіпорын ұжымына сәттілік тіледі.&nbsp;Сондай ақ, 2025 жыл – «Жұмысшы мамандықтар» жылының қорытындысына арналған «Үздік маман – 2025» номинациясымен бірқатар қызметкерлер марапатталды.&nbsp;Ел алдындағы әлеуметтік жауапкершіліктің нақты үлгісін көрсеткен «Қазатомөнеркәсіп» Ұлттық Атом компаниясы акционерлік қоғамының еңшілес «СКЗ - U» жауапкершілігі шектеулі серіктестігіне зор алғыс айтамыз.<img src="https://knadmin.beoblood.kz/uploads/Kejden_auyly_k_res_zaly_493bb99349.jpg" alt="Кейден ауылы күрес залы.jpg">

Жаңақорған: Кейден ауылында жаңа күрес залы пайдалануға берілді

<a href="https://kyzylorda-news.kz/">Kyzylorda-news.kz</a> Еңбек – елді алға бастайтын ең басты құндылық. Осы ұстанымды негізге алған «AMANAT» партиясы Қызылорда облыстық филиалының төрағасы Жандос Базартай Жалағаш ауданына жасаған жұмыс сапары барысында еңбекші жастармен кездесті.«Жұмысшы мамандықтар жылы» аясында өткен шараға Қазақстанның Еңбек Ері, «Таң LTD» ЖШС директоры Имамзада Шағыртаев арнайы қатысып, ауыл жастарына үлгі болар өмірлік тәжірибесімен бөлісті. Сонымен қатар кездесуге Жалағаш ауданы әкімінің орынбасары Ғани Сүлейменов, ауыл шаруашылығы саласында еңбек етіп жүрген жастар мен мамандар және бастауыш партия ұйымдарының өкілдері қатысты.Кездесудің мақсаты – еңбек адамының қоғамдағы рөлін дәріптеу, ауыл жастарын еңбекке баулу, кәсіпкерлікке ынталандыру, сондай-ақ партиялық жобалар арқылы көрсетілетін қолдау тетіктерін кеңінен түсіндіру болды. Ашық форматта өткен жүздесу жастар мен тәжірибелі мамандар арасында еркін пікір алмасуға ұласты.Еңбек Ері Имамзада Шағыртаев өз сөзінде адал еңбектің, табандылық пен жауапкершіліктің адамды биік белестерге жетелейтінін нақты өмірлік мысалдар арқылы жеткізді. Ол ауылда жүріп-ақ үлкен жетістікке жетуге болатынын айтып, жастарды туған жеріне қызмет етуге, жаңа бастамаларға батыл қадам жасауға, кәсіп ашуға шақырды.Өз кезегінде «AMANAT» партиясы Қызылорда облыстық филиалының төрағасы Жандос Базартай партия тарапынан еңбекші жастарды қолдауға бағытталған жобалар мен бастамаларға тоқталып, олардың әлеуетін ашуға барлық мүмкіндік бар екенін атап өтті.<blockquote>«Еңбек адамына құрмет – ел болашағына жасалған инвестиция. Осындай мазмұнды кездесулер ауыл жастарының еңбекке деген көзқарасын қалыптастырып, олардың туған жерді дамытуға деген ынтасын арттырары сөзсіз.- деді төраға Жандос Базартай.</blockquote>Сондай-ақ кездесуде &nbsp;Еңбек Ері Имамзада Шағыртаевқа «AMANAT» партиясы Төрағасы Ерлан Қошановтың Құрмет грамотасы және белсенділерге партияның облыстық филиалының Алғыс хаттары табысталды.<img src="https://knadmin.beoblood.kz/uploads/Zhala_ash_zhastarmen_kezdesu_2_db18661705.jpg" alt="Жалағаш жастармен кездесу 2.jpg">

Еңбек адамы – ел байлығы

<a href="https://kyzylorda-news.kz/">Kyzylorda-news.kz</a> 2025 жылы Қазақстан Республикасының Президенті – Қарулы күштердің Жоғарғы Бас қолбасшысының тапсырмасы бойынша Қорғаныс министрлігі әскерге шақыру және азаматтардың мерзімді әскери қызметі жүйесінде цифрлық шешімдерді енгізуді жалғастырды.Жаңа технологиялар медициналық тексеруден өту, азаматтарды ақпараттандыру, шақыру тізімдерін қалыптастыру және қызметті ұйымдастыру сияқты бағыттарды қамтиды.Шақыру науқанын цифрландыру аясында «e-Медосмотр» ақпараттық жүйесі енгізілді. Жүйе Астана, Шымкент қалаларында және Қарағанды облысының Абай қаласында пилоттық режимде сәтті енгізілді. Ол Қазақстан Республикасы Денсаулық сақтау министрлігінің ақпараттық жүйелерімен тікелей байланыс орнатып, медициналық тексеру процесін жеделдетуге және шақыруға жататын азаматтардың деректерін нақты уақытта алуға мүмкіндік береді.«e-Медосмотр» шақырушы азаматтың цифрлық медициналық картасын жасап, 100-ден астам медициналық параметр бойынша ақпарат ала алады. Дәрігер қорытындыларын енгізуге, құжаттарды электрондық цифрлық қолтаңба (ЭЦҚ) және QR-код арқылы бекітуге, қосымша тексерулерге жолдауға және олардың нәтижелерін электронды түрде алуға мүмкіндік береді. Жүйе зертханалармен, медициналық құрал-жабдықтармен және мемлекеттік ақпараттық ресурстармен интеграцияланған. Қазіргі уақытта «e-Медосмотр» Астана, Шымкент қалалары, Жетісу және Батыс Қазақстан облыстарында енгізілген. Ақмола облысында жүйені қосу жұмыстары басталды.Азаматтарды әскери қызмет өткеру тәртібі туралы ақпараттандыру мақсатында Қорғаныс министрлігі ARMIA.KZ цифрлық сервисін іске қосты. Бұл сервиске жасанды интеллект енгізілген. Ол пайдаланушылардың сұрақтарына жедел жауап беруді қамтамасыз етеді. Платформа Қорғаныс министрлігінің жалпы цифрлық жүйесімен интеграцияланады.Шақыру жұмысына «Smart военкомат» жүйесі де енгізілді. Жасанды интеллект технологиясына негізделген бұл жүйе автоматты түрде шақыруға жататын азаматтардың тізімін жасап, медициналық тексеруден өту қажеттілігі туралы хабарламалар жібереді. Тізім жасалған кезде азаматтардың жасы, антропометриялық деректері, денсаулық жағдайы, білім деңгейі, жүргізуші куәлігінің болуы және шақырудан кейінгі кейінге қалдыру немесе босатылу негіздері ескеріледі.Цифрлық тәсілдер мерзімді әскери қызмет барысында да қолданылады. Әуе қорғанысы күштерінің 78460 әскери бөлімінде жүзеге асырылып жатқан Sarbaz+ пилоттық жобасы жауынгерлік және арнайы дайындықтың жаңарған тұжырымдамасын, заманауи тұрмыстық және оқу инфрақұрылымын, әскери қызметшілердің фитнес-браслеттер арқылы медициналық мониторингін және қызмет кезінде IT, телекоммуникация және дрондарды басқару саласындағы азаматтық мамандықтарды алу мүмкіндігін қамтиды.Цифрлық шешімдерді енгізудің мақсаты – шақыру рәсімдерін ашық әрі тиімді ету, даярлық сапасын арттыру және әскери қызметтің жағдайын жақсарту.

Жыл қорытындысы: Әскерге шақыру мен әскери қызметтегі цифрлық шешімдер

<a href="https://kyzylorda-news.kz/">Kyzylorda-news.kz</a> Жүректегі жүкті жазумен жеңілдетуге болады. Мұны ескерген ҚАЖ департаментіне қарасты №68 мекемесінің психологы Айзат Мырзалы мен Аружан Омар айыпталушы және жазасын өтеуші әйелдерге “Хат” терапиясын өткізді. Алдымен баяу әуен қосылып, қатысушыларға ақ парақ таратылды. Жүрек түкпіріне жиналған сыры мен ішке бүккен ойын жаза бастағанда терең күрсініс те сезілді. Көз жасына ерік бергендер де бар. Бірі кешірім сұрап, ауыр сезімнен арылса, енді бірі ет жақындарына деген сағынышын жеткізді. Бұл терапияның тиімділігі де сол, ішкі сезімді іркіп қалмай, эмоцияны ішке жұтпай, адамның жеңілдеп қалуына түрткі болу.<blockquote>– Бүгінгі терапия мен үшін пайдалы болды. Қаумалаған мың сан ойдан қайда қашарыңды да білмейтін сәттер кездеседі. Ал, хат жазу арқылы, өз-өзіммен бетпе-бет келіп, ақтарылдым. Бірақ, хатты кімге арнағанымды және оның мазмұнын айтқым келмейді. Тек бір айтарым, жеңілдеп қалдым, маған керек болып жүргені де осы екен. Сондықтан, мұндай мүмкіндік берген психологтарға алғысымды білдіремін, - дейді жазасын өтеуші азаматша.</blockquote>Иә, психологиялық қолдау – жанның саулығына әсер етеді. Алдағы уақытта да пайдалы терапия мен тренингтер өткізіле бермек.

Мекеме психологтары “Хат” терапиясын өткізді

<a href="https://kyzylorda-news.kz/">Kyzylorda-news.kz</a> &nbsp;Жаңа жыл – балалар асыға күтетін, сиқыр мен ғажайыпқа толы ерекше мереке. Әрбір бала бұл күннен қуаныш пен тосын сый күтетіні сөзсіз. Мерекелік тартулар мен көңілді шаралар балалардың жүрегіне шаттық сыйлап, жаңа жылдық ертегі әлеміне жетелейді.Осы орайда Қызылорда облысы Полиция департаменті қызметкерлерінің 5–12 жас аралығындағы балаларына арналған «Ертегілер елінде» атты мерекелік шырша кеші Қызылорда қаласындағы Өнер орталығында өткізілді.Мерекелік шараны Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы құттықтау сөзбен ашып, бүлдіршіндерді келе жатқан Жаңа жылмен құттықтады.Айта кетейік, мерекелік іс-шараға 600-ге жуық бала қатысты. Кеш барысында әртістер мен ертегі кейіпкерлері сахналық қойылымдар ұсынып, әсем киімдерімен балаларды ертегі атмосферасына бөледі. Мультфильм кейіпкерлері жас көрермендерге көтеріңкі көңіл күй мен ұмытылмас әсер сыйлады.Сонымен қатар Аяз Ата мен Ақшақардың қатысуымен ойын-сауық бағдарламасы ұйымдастырылып, түрлі байқаулар өткізілді. Қаламыздың жас өнерпаздары ән шырқап, би билеп, мерекенің сәнін арттырды.Сиқырлы кеште әуелеген ән мен мың бұралған би бүлдіршіндерге ерекше қуаныш сыйлап, балаларға арнайы жаңа жылдық сыйлықтар таратылды. Дәстүрлі түрде жыл сайын өткізілетін бұл мерекелік шара жоғары деңгейде ұйымдастырылды.

«Ертегілер елінде» атты мерекелік шырша кеші өтті

<a href="https://kyzylorda-news.kz/">Kyzylorda-news.kz</a> &nbsp;Зауыт биыл жазда іске қосылған. Жобаға салынған инвестиция 1 миллиард теңгені құрайды.Жылына 500 мың шаршы метр әйнек шығару жоспарланып отыр. Бүгінде аталған нысанда 50 адам жұмыс істейді.Қасым-Жомарт Тоқаев кәсіпорын қызметкерлерімен әңгімелесіп, олардың еңбегіне табыс тіледі.Фото: Ақорда

Президент Dala Glass әйнек өндіретін кәсіпорын қызметімен танысты

<a href="https://kyzylorda-news.kz/">Kyzylorda-news.kz</a> Елордада ҚР Туризм және спорт министрлігінің ұйымдастыруымен өткен жыл қорытындысына арналған «Үздік премия - 2025» салтанатты іс-шарасында Қызылорда облысы ел көлемінде «Жылдың үздік спорт өңірі» атанды. Бұл Сыр Спортының жүйелі дамуы мен өңірде жүргізіліп жатқан кешенді жұмыстың нақты нәтижесін айғақтайтын айтулы жетістік.Соңғы жылдары Қызылорда облысында бұқаралық және кәсіби спортты дамытуға ерекше көңіл бөлініп келеді. Жаңа спорт нысандары салынып, ауыл-аймақтарда дене шынықтырумен айналысуға қолайлы жағдай жасалуда. Соның нәтижесінде өңір спортшылары республикалық және халықаралық ареналарда жоғары нәтижелер көрсетіп, ел абыройын асқақтатып жүр.Салтанатты жиында Сыр елінің спорттағы табысы жеке жетістіктермен де толықты. Грек-рим күресінен 26 жылдан кейін тарихи жеңіске қол жеткізген жерлесіміз Айдос Сұлтанғали «Жылдың үздік спортшысы» аталымына лайық деп танылды. Бұл қажырлы еңбек пен табандылықтың, кәсіби дайындықтың жемісі. Ал оның жеке бапкері Ғабиден Райымбек «Жылдың үздік жаттықтырушысы» номинациясын иеленіп, шәкірт тәрбиелеудегі жоғары шеберлігін тағы бір мәрте дәлелдеді.Марапат иелерінің жетістігі тұтас өңірдегі спорт саласының жеңісі. Бұл табыстың артында жаттықтырушылардың жанкешті еңбегі, спорт мамандарының кәсібилігі және салаға көрсетіліп отырған мемлекеттік қолдау тұр.Айта кетейік, биыл денешынықтыру мен спортты дамытуға жергілікті бюджеттен 38 млрд. 213 млн. теңге қаржы бөлінді. Қазір өңірде 377 мыңнан астам тұрғын спортпен жүйелі түрде шұғылданады. Бұл – өңір халқының 44,6 пайызы.Жалпы соңғы 3 жылда 21 спорт кешені пайдалануға беріліп, ел игілігіне қызмет етуде. «Ауыл – ел бесігі» бағдарламасымен алдағы уақытта тағы 5 спорт нысаны ашылады.Биыл алғаш рет ерлер мен әйелдерге арналған «Қызылорда бокс клубы» өз жұмысын бастады. Өңірде спорт инфрақұрылымын қарқынды дамытуға ұлттық компаниялар, қорлар, жергілікті кәсіпкерлер де белсенді атсалысуда.Мемлекет басшысының спорт инфрақұрылымын дамыту тапсырмасына сәйкес, Қызылорда қаласында 11 мың орындық жаңа стадион, «Самұрық Қазына Траст» әлеуметтік қолдау қорымен бірлескен «Теннис орталығы», Шиелі және Жалағаш аудандарында жаңа спорт нысандары салынып, іске қосылды.Бүгінде «Қызылорда Арена» көпбейінді спорт кешені, «Қазақстан халқына» қоғамдық қорының демеушілігімен ерекше қажеттілігі бар жандарға арналған дене шынықтыру-сауықтыру кешені салынуда.Сыр спортшылары ҚР чемпионаттары мен кубоктарынан 158 алтын, 154 күміс, 227 қола медаль жеңіп алса, Әлем және Азия чемпионаттары мен кубоктарынан 55 алтын, 38 күміс, 53 қола жүлдеге ие болды.

Қызылорда - жылдың үздік спорт өңірі атанды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаевтың Жамбыл облысына жұмыс сапары «Әмір және Д» жауапкершілігі шектеулі серіктестігінің қызметімен танысудан басталды.Кәсіпорын медициналық бұйымдар мен дәрілік заттар өндіреді.Президентке медициналық препараттар мен дайын өнім түрлерін шығаратын негізгі цехтың жұмысы көрсетілді.«Әмір және Д» ЖШС-і әлеуметтік маңызы бар ауруларды диагностикалауға арналған жедел тестілердің көптеген түрін шығарады. Бұл өнімдер В және С гепатитін, ВИЧ-инфекциясын, миокард талмасын, сондай-ақ есірткі және психотропты заттарды анықтай алады.Кәсіпорынға тиесілі медициналық бұйымдардың 200-ден аса атаулы түрі бар. Бүгінде серіктестікте 94 қызметкер еңбек етеді.Мемлекет басшысына «Super-pharm» фармацевтикалық компаниясының жұмысы туралы ақпарат берілді.Бұл – елімізде медициналық бұйымдар өндіретін жетекші кәсіпорындардың бірі. Зауытта 600-ден аса еңбеккер жұмыс істейді.Компания отандық нарықтағы бір реттік қолдануға арналған медициналық бұйымдарға сұраныстың 30 пайызын қамтамасыз етеді.Атап айтқанда, кәсіпорын түрлі операциялар үшін хирургиялық және процедуралық жиынтықтарды, медициналық бетперденің барлық түрін, бірреттік қорғаныш киімін, санитарлық-гигиеналық мақсаттағы бұйымдарды өндіреді. Сонымен қатар медициналық шприцтер, инфузионды және қанды қайта құюға арналған система құралдары, басқа да өнімдер дайындалады.Президент отандық фармацевтика индустриясының дамуы импортқа тәуелділікті төмендетіп, ұлттық денсаулық сақтау жүйесін нығайтуда маңызды екенін атап өтті.Фото: Ақорда

Архив