<a href="https://kyzylorda-news.kz/">Kyzylorda-news.kz</a> Жаңақорған аграрлы-техникалық колледжінде Президентіміздің бастамасымен жарияланған "Жұмысшы мамандықтары жылы" аясында "Жұмысшы мамандықтардың қоғамдағы рөлі мен маңызы" атты облыстық семинар өтті.&nbsp;Іс-шараға &nbsp;техникалық және кәсіптік білім беру өкілдері, әлеуметтік серіктестік мекемелердің басшылары, ардагер ұстаздар, кәсіпкерлер, колледж түлектері мен студент жастар қатысты.&nbsp;Алдымен семинар қатысушылары колледждің материалдық техникалық базасымен танысып, арнайы дайындалған көрмені аралап көрді.&nbsp;Жиынды аудан әкімінің орынбасары Бектас Нұридинов ашып, білім беру саласы мен өндірістік кадрларды даярлау бағытындағы бастамаларға сәттілік тіледі.&nbsp;Іс-шара аясында оқу орны мен "СКЗ-U" ЖШС, "Қызылқұм" ЖШС, "Жаңақорған Транзит" ЖШС, "Шалқия Цинк ЛТД" АҚ, "Агро Сервис" Жаңақорған ЖШС арасында өзара ынтымақтастықты нығайтуға бағытталған меморандумға қол қойылды.&nbsp;Бұл меморандумдар - колледж студенттерінің нақты өндірістік тәжірибе алуына, кәсіби дағдыларын шыңдауына жол ашатын үлкен мүмкіндік.&nbsp;Семинар барысында техникалық және кәсіптік білім беру саласындағы жұмысшы мамандықтарының өзектілігіне қатысты мазмұнды баяндамалар тыңдалды.

Жаңақорған: "Жұмысшы мамандықтары жылы" аясында облыстық семинар өтті

<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы «Жастар Рухы» жастар қанатының Қызылорда облыстық филиалы, «GRAND Master» бағдарламалау мектебі және Қорқыт Ата атындағы Қызылорда университетінің ұйымдастыруымен 10–11 сынып оқушыларына арналған дәстүрлі CP Open Cup III – 2025 олимпиадасы &nbsp;өтуде.Іс-шараның ашылу салтанатына партияның облыстық филиалының төрағасы Жандос Базартай қатысып, барша қатысушыларға сәттілік тіледі.Биыл үшінші мәрте дәстүрлі түрде өткізіліп отырған шараның мақсаты – жастар арасында IT саласының маңыздылығын насихаттау және қызығушылықтарын арттыру.&nbsp;Жарысқа қатысушылар 60-қа жуық команда күрделі есептерді шешу арқылы өзара үздіктерді анықтайды.&nbsp;Нәтижесінде бас жүлдеге ие болған оқушыларға Қорқыт ата атындағы Қызылорда университетінің 2 білім гранты табысталады. Сондай-ақ ІІ және ІІІ орын иелеріне арнайы диплом және бағалы сыйлықтар, қатысушы командаларға алғыс хат және ынталандыру сыйлықтары табысталады.<img src="https://knadmin.beoblood.kz/uploads/Amanat_olimpiada_2_15bc57e031.jpg" alt="Аманат олимпиада 2.jpg">

«CP OPEN CUP ІІІ – 2025» спорттық бағдарламалау олимпиадасы өтуде

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының «Таза Қазақстан» жалпыұлттық бастамасы аясында «AMANAT» партиясы қолға алған «Таза бейсенбі» экологиялық акциясы бүгін партия мүшелерінің қатысуымен Қызылорда облысы, Сырдария ауданында ұйымдастырылды.&nbsp;Акция шеңберінде Сырдария ауданының орталығы Тереңөзек кентіндегі А.Иманов көшесінің бойындағы «Жастар» аллеясына тазалық жұмыстары жүргізілді.&nbsp;Тазалық акциясына «AMANAT» партиясы Сырдария аудандық филиалының атқарушы хатшысы, аудандық мәслихаттағы депутаттық фракция жетекшісі Ақтөре Ибрагимұлы, аудан әкімінің орынбасары Роллан Еспенбетов, бастауыш партия ұйымдарының мүшелері, Жастар рухының еріктілері мен филиал қызметкерлері қатысты.&nbsp;<blockquote>«Тазалық – баршаға ортақ құндылық. Туған өлкеміздің тазалығы өзімізге тығыз байланысты. Осыған орай акция басталған уақытта бері ауданымызда ауқымды жұмыстар жасалып жатыр. Аудан бойынша жыл басынан бері 7 мың тоннаға жуық қоқыс шығарылып, жалпы ұзындығы 70 шақырымды құрайтын каналдар мен арықтар тазартылды. Біз осындай акциялар арқылы тазалық жұмыстарын жүргізіп қана қоймай, тұрғындарды экологиялық мәдениетті қалыптастыруға да шақырамыз. Бірер жыл бұрын аудандық мәслихаттағы «AMANAT» партиясы депутаттық фракцияның қолдауымен «Жастар» аллеясын салуға жергілікті бюджеттен қаржы бөлінген болатын. Қазір бұл маң жастар үшін қолайлы мекенге, демалыс орнына айналды. Партия Таза Қазақстанды құратын, дамытатын жастардың бастамаларын әркез қолдайды», – деді партия филиалының атқарушы хатшысы Ақтөре Ибрагимұлы.&nbsp;</blockquote>Экологиялық мәдениетті қалыптастыруға бағытталған акцияға 50-ге жуық адам қатысып, аллея тазартылды. Айта кету керек, «Таза бейсенбі» экологиялық акциясы аудан орталығынан бөлек ауылдық округтерде де өткізілді.<img src="https://knadmin.beoblood.kz/uploads/Taza_aza_stan_zhastar_alleyasy_tazaly_2_9325ca79fc.jpg" alt="Таза Қазақстан жастар аллеясы тазалық 2.jpg">

Таза бейсенбі: «Жастар» аллеясына тазалық жүргізілді

<a href="https://kyzylorda-news.kz/">Kyzylorda-news.kz</a> Үкімет үйінде ҚР Үкіметінің халықаралық қаржы ұйымдарымен (МҚҰ) ынтымақтастық жөніндегі үйлестіру кеңесінің отырысы өтті. Жиынға Дүниежүзілік банктің (ДБ), Халықаралық қаржы корпорациясының (ХҚК), Азия даму банкінің (АДБ), Еуропалық қайта құру және даму банкінің (ЕҚДБ), Еуразиялық даму банкінің (ЕАДБ), Ислам даму банкінің (ИДБ) өкілдері қатысты. Мемлекет басшысының тапсырмасы бойынша Үйлестіру кеңесіне Премьер-министр басшылық етті. Кеңес құрамына сондай-ақ ҚР Президенті Әкімшілігі Басшысының орынбасары Ерболат Досаев, ҚР стратегиялық жоспарлау және реформалар агенттігінің төрағасы Әсет Ерғалиев енді.Отырыс жұмысын аша отырып, Премьер-министр Олжас Бектенов халықаралық қаржы институттарының құрылымдық реформаларды жүзеге асырудағы және экономиканың сапалы өсуіне бағытталған озық тәжірибелерді енгізудегі стратегиялық рөлін атап өтті.«Үйлестіру кеңесінің жұмысын және халықаралық қаржы ұйымдарымен өзара іс-қимыл тетіктерін қайта форматтау ел Президентінің тікелей тапсырмасы бойынша жүргізілуде. Бұл мемлекеттің беделді қаржы институттарымен ынтымақтастыққа қаншалықты деңгейде көңіл бөлетін көрсетеді. Бізде бірлесіп жүзеге асырылған табысты жобалар мол. Десе де, одан да көп нәрсе жасауға болатынына сенімдімін. Еліміздің әлеуеті өте зор, сіздердің қолдауларыңызбен оны барынша жүзеге асыра аламыз деп ойлаймын», — деп атап өтті Олжас Бектенов.Күн тәртібінде – ел экономикасына мультипликативті әсер беретін жобаларға халықаралық қаржы ұйымдарының қатысуын арттыру мәселесі.Жиында мемлекеттік-жекеменшік әріптестікті нығайту саласына қатысты нақты бастамалар, ел өңірлерінің қаражатты өз бетінше тарту мәселелері қаралды. Сондай-ақ көлік әлеуетін одан әрі дамыту, микро, шағын және орта кәсіпкерлікті қаржылық қолдау бағдарламаларын кең ауқымда тарату бойынша МҚҰ-мен бірлескен бірқатар жоба ұсынылды.МЖӘ тетігін қолдану мәселесін талқылау барысында «Мемлекеттік-жекеменшік әріптестік туралы» Заңның жаңа редакциясы атап өтілді. Ол бірқатар рәсімді оңтайландыру арқылы жобалардың сапасын арттыру және жоспарлау мерзімдері мен бюджеттік шығыстарды қысқарту үшін «Бағдарламалық МЖӘ» тетігін енгізуге бағытталған.ХҚК-мен бірлесіп бүгінде энергетика, денсаулық сақтау, білім беру, сумен жабдықтау және көлік салаларында 7 ауқымды жоба жүзеге асырылуда. Жалпы сомасы 2,7 трлн теңгеге 1 100-ден астам МЖӘ шарттары (аяқталғандарын қоса алғанда) жасалды.Халықаралық қаржы корпорациясының Қазақстандағы өкілі Зафар Хашимов нормативтік-құқықтық базаны одан әрі жетілдіруге, жобаларды конкурстық іріктеу рәсіміне, сондай-ақ халықаралық алаңдарда Қазақстанның инвестициялық мүмкіндіктерін белсенді ілгерілетуге қатысты ұсыныстарын айтты.«Азия даму банкі Қазақстанның серіктесі болып саналады және Үкіметті, оның ішінде мемлекеттік-жекеменшік әріптестік үшін жағдайды жақсарту жөніндегі бастамаларда қолдауға дайын. Біз МЖӘ жобаларының пулын анықтауды маңызды деп санаймыз. Бұл сенімді инвесторларды тартуға көмектесіп, қазақстандық нарықтағы бәсекелестікті күшейтуге ықпал етеді. Аталған тәсіл АДБ-ның бұған дейінгі берген ұсынымдарына сәйкес келеді және біз МЖӘ орталығының осы маңызды кезеңді ілгерілетудегі белсенді рөлін жоғары бағалаймыз», — деп атап өтті АДБ өкілдігінің директоры Утсав Кумар.ЕҚДБ-ның ҚР-дағы басшысының орынбасары Асқар Намазбаев валюталық тәуекелдерге бюджет бөлу, әкімшілік кедергілерді қысқарту, инфрақұрылымдық жобаларды жүзеге асыру кезінде МЖӘ тетіктерін пайдалану және тағы да басқа мәселелерді көтерді.Көтерілген мәселелер бойынша ҚР Премьер-министрінің орынбасары – ұлттық экономика министрі Серік Жұманғарин, ҚР Президенті Әкімшілігі Басшысының орынбасары Ерболат Досаев өз пікірлерін білдірді.Премьер-министр ТКШ саласында, оның ішінде «Энергетикалық және коммуналдық секторларды жаңғырту» ұлттық жобасы шеңберінде, сондай-ақ цифрлық технологияларды дамыту мен жасанды интеллектіні енгізу саласында халықаралық қаржы институттарымен әріптестіктің маңыздылығын атап өтті.Отырысқа қатысушылар республикалық маңызы бар қалалардың инвестициялық жобаларға қаржыны өз бетінше тарту тетігін талқылау барысында Үкіметтің өңірлердің бюджеттік дербестігін нығайту жөніндегі дәйекті жұмысын атап өтті. Бірқатар салық түсімі республикалық деңгейден жергілікті деңгейге берілді. Жаңа Бюджет кодексінде жергілікті бюджеттердің қаржылық өкілеттіктерін кеңейтетін және олардың тұрақтылығын арттыратын нормалар бекітілген. Бүгінде Алматының Халықаралық қаржы институттарынан тікелей қарыз алу мүмкіндігі бар. Fitch халықаралық агенттігінің қаланың кредиттік рейтингін «BBB+» &nbsp;деңгейінде растауы да сыртқы қаржыландыруды тарту үшін қолайлы жағдайларды қамтамасыз етеді. ХҚК және ЕҚДБ өкілдері Алматының экологиялық жобаларын жүзеге асыруға қолдау көрсетуге дайын екендіктерін білдірді.Дүниежүзілік банктің инвестициялық кепілдіктер бойынша берілетін қарыз қаражатын тарту арқылы «ҚТЖ» ҰК-ның күрделі салымдар бағдарламасына назар аударылды. Онда теміржол желілерін реконструкциялау, қалпына келтіру, жөндеу, локомотивтер және жолаушылар вагондарымен қатар, электр жылжымалы құрамын сатып алу қарастырылған.Дүниежүзілік банктің Қазақстандағы тұрақты өкілі Андрей Михнев елдің транзиттік әлеуетін күшейтудің маңыздылығына тоқталып, осы бағдарламаға жан-жақты қолдау көрсетуге дайын екенін білдірді.Кәсіпкерлік қызметті ынталандыруға бағытталған «Өрлеу» бағдарламасы аясында «Бәйтерек» және АДБ арасындағы ынтымақтастық мәселелері талқыланды. Осы бағдарлама бойынша келесі жылы ШОБ-ты жеңілдетілген мөлшерлемемен қаржыландыруға қосымша қаражат бөлу жоспарлануда. Бұл өңірлерде жаңа жұмыс орындарын ашуды қамтамасыз етеді.Үкімет айналасында шағын және орта кәсіпкерлік белдеуін дамытатын, экономиканың өсіміне және елдің экспорттық әлеуетін арттыруға бағытталған ірі жобаларды қолдайды. Бұл ретте ШОБ – халықты жұмыспен қамтудың негізгі көзі. Осыған байланысты, Премьер-министр атап өткендей, ШОБ-ты қолдау шараларымен кеңінен қамту мемлекет үшін басым бағыт болып қала береді. Сондықтан жұмыстың осы бағытын назардан тыс қалдырмау маңызды.<blockquote>«Президент пен Үкімет халықаралық қаржы ұйымдарымен тиімді өзара іс-қимылға баса назар аударады. Бұл мемлекетке бюджеттік мүмкіндіктерді ұтымды пайдалана отырып, ірі жобаларды жүзеге асыруға мүмкіндік береді. Сіздер жаһандық ауқымды қамтып отырсыздар, сондықтан да әртүрлі мемлекеттердегі белгілі бір мәселелердің қалай шешіліп жатқанымен таныссыздар. Сол себепті бизнес-ахуалды жақсартуға, инвестициялар тартуға және экономикалық тұрғыда басқа да мәселелерге қатысты ұсыныстар болса, біз оларды қуана қабылдаймыз. Жалпы, Үкімет барлық қаржы институттарымен сындарлы жұмыс істеуге ниетті», — деп атап өтті Олжас Бектенов.</blockquote>Отырыс қорытындысы бойынша Премьер-министр мемлекеттік органдардың басшыларына қаржы институттарынан алынған қарыздардың сапалы және мақсатты жұмсалуына бақылауды күшейтуді тапсырды. Ұлттық экономика министрлігі мен басқа да құрылымдарға барлық айтылған бастамалар мен ұсыныстарды пысықтау жүктелді.

Үкіметтің халықаралық қаржы ұйымдарымен өзара іс-қимылы жаңа деңгейге көтерілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Мысырдың Каир қаласында өткен парапауэрлифтингтен Әлем чемпионатында жанкүйерлеріне тарихи алтын медаль сыйлаған, ересектер арасында чемпион атанған Фариза Төлжанмен және жасөспірімдер арасында топ жарған Снежанна Бойкомен кездесті.Спортшыларды жеңісімен құттықтап, өңірде спорт саласын дамытуда атқарылған жұмыстарды атап өтті.<blockquote>«Сіздер қажырлы еңбектің, жеңіске деген ерік-жігердің арқасында еліміздің көк байрағын әлемдік жарыста желбіретіп, Сыр елінің мерейін үстем еттіңіздер. &nbsp;Президентіміз Қасым-Жомарт Кемелұлы: «Спортшыларымыздың ерлігі – ел рухын көтеретін, ұлт бірлігін нығайтатын маңызды фактор» - деп атап өтті. Сіздердің жарқын жеңістеріңіз осының айқын дәлелі. Осы жолды әрі қарай жалғастырып, алдағы уақытта да еліміздің спорт саласын жаңа деңгейге көтеретіндеріңізге сеніміміз мол. Алда болатын байрақты бәсекелерде жоғары нәтижеге қол жеткізу үшін жан-жақты қолдау көрсетіледі. &nbsp;Спорт — егемен еліміздің еңсесін көтеретін, Тәуелсіздігіміздің тұғырын бекітетін маңызды сала. Фариза мен Снежанна қарындастарымызды жарқын жеңісімен тағы да шын жүректен құттықтаймыз!Отбасыларыңызға амандық, Өздеріңізге зор денсаулық, бақ-береке тілеймін!», - деді Нұрлыбек Машбекұлы.</blockquote>Кездесуде &nbsp;Төлжан Фаризаға Сыр жұртшылығының атынан жаңа пәтер кілті табысталды. Снежанна Бойко мен жаттықтырушы Бахытбек Болатбайұлына 1 млн. теңгеден қаржылай сыйақы берілді. Қызылорда облысының құрметті азаматы, Қазақстанның Еңбек Ері Абзал Ералиев пен “Астана сервис LTD” ЖШС директоры Мұса Әбдіқалықов құттықтау сөз сөйледі.Жиында әлем чемпионы Фариза Қалбайқызы, жаттықтырушы Бахытбек Балтабайұлы өз алғыстарын жеткізді. Аймақта спорт саласын дамыту бағытында ауқымды жобалар қолға алынып, жүйелі жұмыстар жүргізілуде. Соңғы үш жылда Сыр спортына қаржыландырудың барлық көзінен 64 млрд. 200 млн. теңге бөлінді.Биыл дене шынықтыру мен спортты дамытуға облыстық бюджеттен 38 млрд. 213 млн. теңге қаражат қаралды. 2022 жылдан бері 21 спорт кешені бой көтеріп, ел игілігіне табысталды. Елді мекендерде «Ауыл – ел бесігі» бағдарламасы аясында тағы да 5 спорт кешені ашылады. Өткен аптада Шиелі ауданында жаңа спорт кешені пайдалануға берілді.Балалар мен жасөспірімдерге арналған «Сыр жұлдыздары» шығармашылық-инновациялық академиясы ашылды. Биыл алғаш рет ерлер мен әйелдерге арналған «Қызылорда бокс клубы» жұмысын бастады. Президент қолдауымен Қызылорда қаласында 11 мың орындық жаңа стадион бой көтерді.Бұдан бөлек, &nbsp;Qyzylorda Arena спорт кешенінің құрылысы жүргізілуде.<img src="https://knadmin.beoblood.kz/uploads/lem_chempiondarymen_kezdesu_2_aec81b6600.jpg" alt="Әлем чемпиондарымен кездесу 2.jpg">

Аймақ басшысы парапауэрлифтингтен әлем чемпиондарымен кездесті

<a href="https://kyzylorda-news.kz/">Kyzylorda-news.kz</a> “АMANAT” партиясы облыстық филиалының төрағасы Жандос Базартайдың қатысуымен партияның облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңестің отырысы өтті.&nbsp;Жиынға сонымен қатар Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының міндетін атқарушы Мирамкүл Бибітова, Қызылорда қаласы әкімі аппаратының басшысы Мұрат Тасқараев, кеңес мүшелері және партияның қалалық филиалының атқарушы хатшысы Гүлшат Мұсаева мен партияның қалалық филиалы жанындағы партиялық бақылау комиссиясының төрағасы Мейрамбек Есжанов &nbsp;қатысты.&nbsp;Кеңес отырысында Қызылорда қаласы әкімдігі жанындағы Сыбайлас жемқорлыққа қарсы іс-қимыл жөніндегі комиссиямен Қазақстан Республикасының Сыбайлас жемқорлыққа қарсы саясатының 2022-2026 ж.ж. арналған тұжырымдамасының аймақта 2025 жылы іске асырылу барысы қаралды.Кеңес төрағасы Мақсұт Нәлібаев Мемлекет басшысының биылғы Жолдауындағы «Заң және тәртіп» қағидасы құқық бұзушылыққа жол бермеу, заңсыздыққа қарсы тұру деген ұстанымы мемлекетіміздің мызғымас тұғыры екендігін тілге тиек етіп, бұл мәселе партияның ерекше бақылауында. Бұл үшін партия жанынан Сыбайлас жемқорлыққа қарсы іс – қимыл бойынша Кеңес пен Партиялық бақылау комиссиясы жұмыс атқарады. Сондықтан жиын барысында түскен ұсыныстар тиісті органдарға жолданатынын атап өтті.&nbsp;Күн тәртібіндегі мәселе бойынша Қызылорда қаласы әкімі аппаратының басшысы Мұрат Тасқараев хабарлама жасап, атқарылып жатқан жұмыстарды баяндады.&nbsp;Аппарат басшысының айтуынша Сыбайластық сипатындағы құқық бұзушылықтарды болдырмау бағытында қала әкімдігі құрылымындағы барлық мекемелерде профилактикалық жұмыстар ұйымдастырып, басшылар мен лауазымды тұлғалардың жауапкершіліктерін арттыру мақсатында Қызылорда қаласы әкімдігінің Әдеп жөніндегі уәкілінің функциясы аппарат басшысына жүктелген. Қызылорда қаласы әкімдігі жанындағы Сыбайлас жемқорлыққа қарсы іс-қимыл жөніндегі комиссияның 2025 жылға арнайы жұмыс жоспары бекітіліп, жоспар аясында комиссияның отырысында әлеуметтік салада, бизнес қоғамдастығында және жалпы қоғамдағы сыбайлас жемқорлықтың алдын алу бағытында атқарылған жұмыстар туралы мәселелер қаралған.&nbsp;<blockquote>Қала әкімдігінің құрылымында «Ашық әкімдік» («Open Space») форматы қолданысқа енгізіліп, бүгінгі күні сыбайлас жемқорлыққа қарсы «мүлдем төзбеушілік» қағидатын қалыптастыру және сыбайлас жемқорлық тәуекелдерінің алдын алу мақсатында қала әкімдігіне қарасты Тасбөгет кенті мен Ақсуат, Ақжарма, Қосшыңырау, Қарауылтөбе, Қызылөзек ауылдық округ әкімдерінің аппараттарының ғимараттары «Ашық әкімдік» форматына көшірілген. Бұл бастама мемлекеттік органдар мен тұрғындар арасындағы кедергілерді жою бағытында сыбайлас жемқорлық тәуекелдерін болдырмауға өз септігін тигізуде»,- дейді ол.&nbsp;</blockquote>Сондай-ақ, Сыбайлас жемқорлықтың алдын алуға және оған қоғам тарапынан қадағалау шараларын арттыру мақсатында қала әкімі жанынан арнайы комиссиялар жұмыс жасайды. Соның бірі &nbsp;құрамы кәсіпкерлер мен қоғам белсенділерінен және азаматтық қоғам өкілдерінен &nbsp;жасақталған Жер комиссиясы. Комиссия отырыстары бұқаралық ақпарат құралдарының қатысуымен интернет ресурстарында тікелей көрсетілім арқылы ашық түрде өткізілуде. Бүгінгі күні жер қатынастары саласындағы барлық құжат айналым «Бір терезе» қағидасы бойынша «Халыққа қызмет көрсету орталығы» арқылы жүргізілуде. Тұрғындарды көп толғандыратын жеке тұрғын үй құрылысы үшін берілетін жер телімдері мен тұрғын үй кезегіне тіркелген азаматтардың реттілігі туралы ақпараттар қала әкімдігінің ресми сайтында, жергілікті баспасөз беттерінде және арнайы Kezekte.KZ сайтында &nbsp;жарияланып, өз мерзімінде жаңартылуда.Қоғаммен ашық байланыс орнату үшін «Open Қызылорда» жобасы жұмыс істеуде. Жыл басынан бері аталған жоба бойынша әлеуметтік желілер мен хабарламалар арқылы тұрғындардан 1 300-ден астам өтініш түсіп, тиісті сала мамандарымен дер кезінде нақты жауаптар берілген. Соңғы 3 жылда аталған жоба арқылы 20 мыңға жуық тұрғынның ұсыныс-пікірлері тыңдалып, халық пен билік арасында ашық диалог орнатудың ең тиімді тәсіліне айналған. 2025 жылы қала әкімдігімен 80 қызмет түрі бойынша 126 мың &nbsp;905 мемлекеттік қызмет көрсетілсе, оның 40%-ы «Электрондық үкімет порталы» арқылы жүргізілген.&nbsp;Соңғы 4 жылда электронды түрде көрсетілген мемлекеттік қызметтердің саны 2 есеге артқан. Қызылорда қаласы әкімі аппаратының басшысы Мұрат Тасқараев бұл өз кезегінде жауапты мамандардың жеке және заңды тұлғалармен тікелей қарым-қатынасын болдырмауға, уақытылы және сапалы мемлекеттік қызмет көрсетуге мүмкіндік беріп отыр дейді.Атап өтейік, комиссия өз жұмысында халық арасында сыбайлас жемқорлыққа қарсы көзқарас қалыптастыру мақсатында жергілікті телеарналарда 50 сюжет, жергілікті баспасөз беттерінде 35 мақала, әлеуметтік желілер арқылы посттар мен инфографикалар жариялап, халық көп шоғырланатын орындарда, әлеуметтік нысандар мен қала көшелерінде орналасқан ЛЭД экрандармен сыбайлас жемқорлыққа қарсы көзқарас қалыптастыру бағытындағы әлеуметтік бейнероликтер тұрақты түрде көрсетуде. Мұнан бөлек, «Арыңды сатпа! Пара туралы хабарла», «Барыңды бағала, пара берме» тақырыптарында арнайы сыртқы көрнекі ақпараттық билбордтар орналастырған.Жиында филиал төрағасы Жандос Базартай және Кеңес мүшелері жұмысты жетілдіру бағытындағы ойларын ортаға салып, нақты ұсыныстарын жеткізді. Көтерілген ұсыныстар хаттамаланып, тиісті органдарға жолданатын болды.<img src="https://knadmin.beoblood.kz/uploads/Whats_App_Image_2025_11_27_at_15_31_18_2023624c40.jpeg" alt="WhatsApp Image 2025-11-27 at 15.31.18.jpeg">

Заң және тәртіп – мемлекеттің мызғымас тірегі

Салмақты саясат қағидаттары

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев Бішкекте өтіп жатқан Ұжымдық қауіпсіздік шарты ұйымы Ұжымдық қауіпсіздік кеңесінің кезекті отырысына қатысты.Саммитке Қырғыз Республикасының Президенті Садыр Жапаров, Беларусь Республикасының Президенті Александр Лукашенко, Ресей Федерациясының Президенті Владимир Путин, Тәжікстан Республикасының Президенті Эмомали Рахмон қатысты.Мемлекеттер басшылары Ұйымға мүше елдердің ұжымдық қауіпсіздігін қамтамасыз етудің өзекті мәселелерін қарастырып, биылғы ҰҚШҰ жұмысының негізгі бағыттарын қорытындылады. Сондай-ақ алдағы кезеңге арналған басымдықтарды анықтады.Президенттер ҰҚШҰ Бас хатшысы лауазымындағы қызметін аяқтап жатқан Иманғали Тасмағамбетовке алғыс айтты.Жиын барысында 2026 жылғы 1 қаңтардан бастап ҰҚШҰ Бас хатшысы қызметіне үш жыл мерзімге Қырғыз Республикасының өкілі Таалатбек Масадыковты тағайындау туралы шешім бекітілді.Отырыс қорытындысы бойынша Ұжымдық қауіпсіздік кеңесінің декларациясы қабылданды. Сондай-ақ Ұйымға мүше мемлекеттердің мүддесіне сай ұжымдық қауіпсіздік жүйесін жан-жақты жетілдіруге бағытталған бірқатар құжатқа қол қойылды.Мемлекеттер басшылары халықаралық және өңірлік қауіпсіздіктің өзекті мәселелері жөнінде пікір алмасты.

Мемлекет басшысы ҰҚШҰ Ұжымдық қауіпсіздік кеңесінің отырысына қатысты

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаевтың есепті кездесулері Қалжан ахун, С.Сейфуллин, А.Тоқмағанбетов және Тереңөзек кентінде жалғасын тапты. Кездесулерге аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, аудандық мәслихат депутаттары, бөлім мен мекеме басшылары қатысты.Жиында аудан басшысы облыс пен ауданда атқарылып жатқан жұмыстар жөнінде кеңінен баяндады.<blockquote>– Мемлекет басшы Қасым-Жомарт Кемелұлы Тоқаевтың қолдауымен, аймақ басшысы Нұрлыбек Машбекұлы Нәлібаевтың тапсырмасымен аймағымызда ауқымды жұмыстар жүргізілуде. Қызылорда облысында «Келешек мектептері» ұлттық жобасы аясында 54 млрд. 391 млн. теңгеге 10 жаңа мектеп салынды. 2023 жылдан бері 5 млрд. 700 млн. теңгеге 9 мектептің жанынан қосымша ғимарат бой көтерді. Бұл арқылы өңірдегі үш ауысымдық мектептер мәселесі түбегейлі шешімін тапты. Президенттің тікелей қолдауымен Қызылорда қаласында 215 млрд. теңгеге қуаттылығы 240 мегаватты құрайтын жаңа жылу электр орталығының құрылысы салынды. Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау мақсатында Қызылорда облысында құны 1,6 трлн. теңгені құрайтын қуаттылығы 1100 мегаваттық жаңа бу газ қондырғыларының құрылысы жоспарлануда. Жаңа бу газ қондырғылары Сырдария ауданының аумағында салынатын болады. Бұл жұмыстарға аудан әкімдігі тарапынан 280 гектар жер аумағы бөлінді. Жоба іске асқан уақытта ауданымыздың экономикалық жағдайын көтеруге зор септігін тигізеді. Бұдан бөлек ауданды дамытуға бағытталған инвестициялық жобалар жүзеге асырылатын болады, – деді Берік Әбдіғаппарұлы.</blockquote>Биыл Тереңөзек кентінде "Руханият" орталығы ашылып, О.Абдулпаттаев, Д.Керейтбаев, Ғ.Мұратбаев, Ә.Тәжібаев көшелеріне жаяу жүргіншілер жолы, 3 ойын алаңы салынды. С.Сейфуллин ауылында Ә.Байназарұлы, М.Арықұлы, З.Әбілдаұлы көшелері күрделі жөндеуден өткізіліп, орталық алаң абаттандырылды. Қалжан ахун ауылында электр желілері қайта жаңғыртудан өтіп жатса, А.Тоқмағамбетов ауылында 2 ойын алаңы пайдалануға берілді.Кездесулерде тұрғындар инфрақұрылым, қоғамдық тәртіп, әлеуметтік салаға қатысты ұсыныс-пікірлерін жеткізді. Аудан әкімі барлық айтылған мәселелер назарға алынып, олардың шешілуі бойынша тиісті жұмыстар жүргізілетінін атап өтті.

Сырдария: Тұрғындармен есепті кездесу өткізді

“Жол активтері сапасының ұлттық орталығы” ШЖҚ РМК бас директоры Болатбек Айтбаев Сыр өңіріне жұмыс сапарымен келіп, қайта жаңғыртудан өткен “Қызылорда-Жезқазған” автожолының ашылу рәсіміне қатысты. 3 жылға созылған ауқымды жобаны аймақ жолшылары мерзімінде аяқтап, республикалық маңыздағы тасжолдың 192 шақырымы пайдалануға берілді. Жалпы күрежолдың құрылысын филиал мамандары жіті бақылап, нормативтік талаптарға сай болуын қатаң қадағалады. Мәселен, биылдың өзінде мамандар жылжымалы зертханамен 87 мәрте тексеруге шықты. Және жол құрылыс материалдарынан 598 сынама алынды. Оның ішінде, 475 сынамасы нормативтік талаптарға сай келген. Ал зертханалық тексеру кезінде анықталған 60 ақау бойынша мердігер компаниялар қайта қалпына келтіру жұмыстарын жүргізіп, олқылықты уақытында түзеткен. Айта кету керек, еліміздің оңтүстігі мен орталығын жалғайтын ең төте автожолдың құрылысына 80 млрд. теңге қаржы жұмсалды. Егер, 5 жыл кепілдік мерзімі бітпей жатып трассаның асфальт жабындысы сыр беріп жатса мердігерлер өз қаражатына қайта қалпына келтіретін болады. Сондай-ақ, бас директор Болатбек Қобыланбекұлы филиал жұмысымен танысып, ұжыммен жиын өткізді. Биыл атқарылған жұмыстар сараланып, өз қызметін абыроймен атқарған жергілікті мамандарға алғысын білдірді. Және алдағы жоспар-міндеттер бойынша бірқатар тапсырма берді.

Қайта жаңғыртудан өткен «Қызылорда-Жезқазған» автожолының сапасы қандай?

<a href="https://kyzylorda-news.kz/">Kyzylorda-news.kz</a> &nbsp;Астанадан Алматыға ұшып бара жатқан ұшақ бортында келеңсіз оқиға болды. Жолаушылардың бірі өзін нашар сезінген.&nbsp;Бұл туралы&nbsp;<a href="https://stan.kz/zhelide-yshak-bortinda-zholaushiga-komek-korsetken-mini-426813/">Stan.kz&nbsp;</a>ақпарат агенттігі&nbsp;хабарлайды.Ұшақта болған оқиғаны қазақстандық әйел Threads жазбасында мәлімдеді. Айтуынша,&nbsp;оқиға таңертең KC622 рейсінің бортында болған.<blockquote>"Ұшақ ұшу-қону жолағына қарай келе жатты, мен ұйықтап қалдым, содан кейін үрейлі айқай естідім. "Бортсерік! Бортсерік! Қыз өзін жайсыз сезініп жатыр, дәрігер шақырыңызшы!" деді", –&nbsp;деп жазды Айгүл Елемес.</blockquote>Жолаушының айтуынша,&nbsp;өзін жайсыз сезінген қызға бір әйел жақындап, оны оята бастады.<blockquote>"Оның қан қысымын өлшеді, ол жоғары болды. Бортсеріктер жүгіріп, майлықтар мен пакет беріп жатты. Өйткені қыз құса бастады. Жанында тағы бір әйел болды. Ол қызбен бірге ұшып бара жатқан, бірақ басқа қатарға отырды", –&nbsp;деді автор.</blockquote>Жолаушыға дәрі, су және шай берілді.<blockquote>"Бортсерік олардан&nbsp;"Сіздер дәрігерсіздер ме?" деп сұрады. Пакет ауыстырып, қан қысымын өлшеп жатқан адам ақырын "Дәрігер" деп, жұмысын жалғастырды. Олар қыздан жағдайын сұрап, әрі қарай ұша ала ма деп сұрады. Қыз "Иә" деп жауап берді. Олар ұшуға дайындала бастады", –&nbsp;деді қазақстандық әйел.</blockquote>Кейінірек жазба авторы көмек көрсеткен дәрігер денсаулық сақтау министрі Ақмарал Әлназарова екенін қосты.Әуекомпаниясы әзірге жағдайға қатысты пікір білдірмеді.&nbsp;Видеодан скриншот

Желіде ұшақ бортында жолаушыға көмек көрсеткен министр Әлназарованың видеосы тарады

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің «Экономика және құқық» институтында «Аманат» партиясының Қызылорда қалалық филиалының Атқарушы хатшысы, облыстық мәслихат депутаты Гүлшат Мусаеваның қатысуымен «Әлеуметтік жұмыс» және «Мемлекеттік және жергілікті басқару» білім беру бағдарламасының студенттеріне арналған «Адал азамат – Әділетті Қазақстан» тақырыбында дәріс өткізілді.Дәріс барысында әділетті қоғам құрудың маңызы, адал азаматтың қоғамдық дамуға ықпалы, ұлы тұлғалардың өнегелі пікірлері жайлы мәліметтер берілді. Сонымен қатар Президент Жолдауында атап көрсетілген негізгі бағыттар — әділетті Қазақстан қалыптастыру, тең мүмкіндіктер жасау, ашық қоғам құру, азаматтардың өмір сапасын арттыру мәселелері талқыланды. Адал азаматты тәрбиелеуде отбасының, мектеп пен жоғары оқу орындарының, қоғамдық ортаның және жеке дамудың рөліне назар аударылды.Шарада Әбу Насыр Әл-Фарабидің «Қайырымды қала тұрғындарының көзқарастары» еңбегіндегі адамзаттың өзара көмекке негізделген қоғам құру туралы тұжырымдары мысалға келтіріліп, оның әділетті мемлекет жайлы ойлары қазіргі реформалардың идеясымен үндес екені атап өтілді. Сондай-ақ Мемлекет басшысы Қасым-Жомарт Тоқаевтың «Жаңа Қазақстан – әділетті Қазақстан» қағидатының маңызы да сөз болды. Студенттер дәріс мазмұны бойынша белсенді пікір алмасып, өз көзқарастарын ортаға салды.

Архив