<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтың төрағалығымен мәжіліс өтіп, онда егін жинау науқанының қорытындысы мен спорттық инфрақұрылымды дамыту және бұқаралық спортты қолдау барысы қаралды. Жиында көтерілген мәселелер бойынша қала әкімдігінде шаһар басшысы Нұржан Ахатов алдағы міндеттерді пысықтады.&nbsp;Биыл Қызылорда қаласында 8 мыңнан астам гектар жерге ауылшаруашылығы дақылдары орналастырылды. Негізгі дақыл &nbsp;- күріш 3 мың 354 гектарға егілді. Қиыншылықтарға қарамастан егінге аяқ су толық көлемді берілді. Қазіргі таңда жиын-терім талаптарға сай жүргізіліп, егін ысырапсыз жиналып алынды.<blockquote>- Келер жылдан бастап шаруашылықтар суды аз қажет ететін дақылдарды егуге көшуі керек. Осыған сәйкес, қала аумағында орналасқан шаруашылық құрылымдарына түсіндірме жұмыстарын жүргізу қажет,-деді қала әкімі Нұржан Сәбитұлы.&nbsp;</blockquote>Сырдың бас шаһарында бұқаралық спортпен шұғылданушылар саны жылдан жылға артып келеді. Аймақ басшысының қолдауымен &nbsp;спорт нысандары ашылып, тұрғындарға қажетті жағдайлар жасалуда.&nbsp;<blockquote>- Ендігі кезекте спорт нұсқаушыларының жұмысын жүйелеу қажет. Бұл өте маңызды. Мемлекеттің негізгі капиталы – адам, сондықтан дені сау ұлт тәрбиелеп, халықтың салауатты өмір салтын ұстануы басты назарда болуы керек,-деді шаһар басшысы.&nbsp;</blockquote>Жиында күн тәртібінен тыс бірқатар өзекті мәселе талқыланды. &nbsp;Қала әкімі жауапты сала басшыларына санитарлық тазалық шараларын күнделікті ұйымдастыруды, жылу беру маусымында апаттық жағдайлардың алдын алуды, күннің суытуына байланысты барлық қажетті шараларды үйлестіруді тапсырды.

Мәжілісте өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен Үкімет отырысы өтті. Күн тәртібінде &nbsp;егін жинау науқанының қорытындысы, спорт инфрақұрылымын дамыту және бұқаралық спортты қолдау мәселелері талқыланды. Оған облыс әкімінің бірінші орынбасары Данияр Жаналинов селекторлық режим арқылы қатысып, баяндама жасады.Үкімет отырысынан кейін өткен мәжілісте осы және өзге де мәселелерге орай бағыт-бағдар белгіленіп, жауапты сала басшыларына тапсырмалар жүктелді.<blockquote>«Қазіргі таңда егін жинау жұмыстары толығымен аяқталды. Ендігі кезекте сүдігер айдау және &nbsp;күздік бидай егуді мерзімінде бітіру қажет. Келесі маңызды мәселенің бірі – жер үлескерлерінің мәселесі. Егін жиналған соң жыл сайын ірі шаруашылықтар мен жер үлескерлері арасында наразылық орын алады. Мәселенің маңызын ескеріп, шаруашылық басшыларымен, жергілікті тұрғындармен кездесіп, жан-жақты талқылап, заңнамаға сәйкес шешілуін қамтамасыз ету қажет. Қала, аудан әкімдері шаруашылық басшыларының халық алдында есеп беруін қатаң қадағалаңыздар! Халықтың спортпен шұғылдануы үшін барлық жағдай жасалуы тиіс. Заманауи үлгідегі спорт инфрақұрылымын дамыту, санын арттыру, халыққа қолжетімді болуы үшін ауқымды жұмыс жүргізілуде. Бұл бағыттағы жұмыс жүйелі түрде жалғасуы қажет. Саладағы тағы бір өзекті мәселе - спорт нұсқаушыларының жетіспеушілігі. Бұл өте маңызды, сондықтан жұмысты жүйелі &nbsp;ұйымдастыру қажет. Дені сау, белсенді әрі табысты қоғам қалыптастыру үшін балалардың, жастардың спортпен шұғылданып, салауатты өмір салтын ұстануын басты мақсат етіп қоюымыз қажет», - деді Данияр Еренғалиұлы.</blockquote>Аймақта спорт саласын дамытуда ауқымды жобалар қолға алынды. Биыл дене шынықтыру мен спортты дамытуға жергілікті бюджеттен 38 млрд. 213 млн. теңге қаржы бөлінді.Қазіргі таңда аймағымызда 340 мыңнан астам тұрғын спортпен жүйелі түрде шұғылданады. Бұл - &nbsp;өңір халқының 40,4 пайызы. Соңғы 3 жылда 20 спорт кешені пайдалануға берілді. Биыл «Ауыл – ел бесігі» бағдарламасы аясында елді мекендерде тағы 6 спорт кешені ел игілігіне табысталады.

Спорт инфрақұрылымын және бұқаралық спортты дамыту  мәселесі талқыланды

<a href="https://kyzylorda-news.kz/">Kyzylorda-news.kz</a> Туризм және спорт министрі Ербол Мырзабосынов Қазақстанда&nbsp;14 жаңа үлкен стадион салу жолспарымен бөлісті. Айтуынша ел аймақтарындағы мұндай стадиондар халықаралық стандартқа сай болады. Бұл туралы <a href="https://stan.kz/kazakstanda-14-futbol-stadioni-salinatin-boldi-425772/">Stan.kz </a>ақпарат агенттігі хабарлайды.Министрдің айтуынша, мемлекет басшысының тапсырмасын орындау мақсатында облыс орталықтарында демеушілік қаражат есебінен футбол ареналарын салу және қайта жаңарту жұмыстары белсенді жүргізіліп жатыр.<blockquote>“Мәселен, Қызылорда қаласында 11 мың көрерменге арналған жаңа стадион пайдалануға берілген. Ол УЕФА талаптарына сай заманауи жабынмен жабдықталған. Астанада 3 600 орындық стадионның құрылысы жалғасуда, оны 2026 жылдың бірінші тоқсанында аяқтау жоспарланған.&nbsp;Сонымен қатар 14 жаңа стадион салу қажеттілігі бар. Оның 10-ы бойынша жобалық-сметалық құжаттама әзірленіп жатыр”, – деді Ербол Мырзабосынов.</blockquote>Бұдан бөлек, жұмыс істеп тұрған 7 футбол стадионы қайта жөндеуден өтеді. Қарағанды мен Орал қалаларында жөндеу жұмыстары басталған, Атырау мен Ақтауда жобалық-сметалық құжаттама мемлекеттік сараптамадан оң қорытынды алған. Ал Өскеменде сараптама жүргізілуі күтілуде.Сондай-ақ Алматы мен Жезқазған қалаларындағы екі стадион бойынша жобалық-сметалық құжаттама әзірлеу қажет.Қазіргі таңда Қазақстанда жалпы 7 432 футбол алаңы бар. Олардың 1 420-сы жөндеуді қажет етеді. Ал қосымша 1 694 алаңға сұраныс бар.<blockquote>“Осыған байланысты министрлік балаларға арналған футбол алаңдарын салу жоспарын бекітті. Қазіргі уақытта жергілікті бюджеттер мен жеке инвестициялар есебінен 685 жоба жүзеге асырылып жатыр”, &nbsp;– деді министр.</blockquote>Фото:&nbsp;pixabay.com

Қазақстанда 14 футбол стадионы салынатын болды

<a href="https://kyzylorda-news.kz/">Kyzylorda-news.kz</a> &nbsp;Мұғалім 16 жыл бойы жұмысқа бір күн де шықпаған, бірақ осы уақыттың бәрінде толық жалақысын алып отырған. Сот оны заң бұзды деп таныды, деп хабарлайды <a href="https://baq.kz/mugalim-16-zhyl-bolnichnyyda-bolyp-500-million-tenge-zhalaqy-algan-200024682/">BAQ.KZ</a> тілшісі Oddity Central басылымына сілтеме жасап.Германияның Солтүстік Рейн-Вестфалия жеріндегі Везель қаласының кәсіби колледж мұғалімі 2009 жылдан бері еңбекке жарамсыздық қағазымен үйде отырып, ай сайын шамамен 6,1 мың еуро (шамамен 3 миллион теңге) көлемінде жалақы алып келген. 16 жыл ішінде оған жалпы 1 миллион еуроға жуық (шамамен 500 миллион теңге) төлем жасалған.Мектептің жаңа басшылығы мұғалімнен медициналық тексеруден өтуді талап еткенде, ол жұмыс берушіні сотқа берген. Алайда сот оның талабын қанағаттандырмай, керісінше 2,5 мың еуро (шамамен 1,25 миллион теңге) көлемінде сот шығындарын өтеуге міндеттеді.Сот өкілдері бұл жағдайды «ақылға қонбайтын жағдай» деп сипаттады, себебі педагог 16 жыл бойы жұмыс орнында мүлде болмағанымен, ай сайын еңбекке жарамсыздық парағын уақытылы тапсырып отырған.Германия заңнамасына сәйкес, мұғалімдер мемлекеттік қызметкер мәртебесіне ие болғандықтан, шектеусіз еңбекке жарамсыздық кезеңінде де толық жалақы алуға құқылы. Алайда тергеу барысында әйелдің сол уақыт аралығында медициналық стартап ашқаны анықталып, бұл мемлекеттік қызмет ережелерін өрескел бұзу деп танылды.Фото: freepik.com

Мұғалім 16 жыл "больничныйда" болып, 500 миллион теңге жалақы алған

<a href="https://kyzylorda-news.kz/">Kyzylorda-news.kz</a> &nbsp;Қызылордада 2025 жылдың 7-8 қараша күндері облыс әкімінің қолдауымен мерейлі 5 жылдық «Inno.Fest» Qyzylorda 2025 инновациялық жобалар фестивалі өтеді.«Inno.Fest» Qyzylorda – «Software dev», «AI», «Movies&amp;video» бағыттары бойынша 24 сағат ішінде идеядан прототипке дейін ІТ саласында жоба жасауды мақсат ететін іс-шара.Аталған фестивальге республиканың өзге де облыстарынан және көршілес мемлекеттерден қатысушылар келеді. Фестивальдің негізгі мақсаты – аймақ дамуына қажетті жаңа инновациялық идеяларды қолдау, ІТ бағытына қызығушы жастардың жобаларын қаржыландыруға мүмкіндік беру және жаңа есімдерді шығару.Ауқымды шараға Қызылорда облысының шалғай елді мекендерінде тұратын ауыл жастарын тарту мақсатында 13-16 қараша аралығында Inno.Fest Roadshow кездесулері өткізілді.Жыл сайын фестивальге ІТ, медиа және киноиндустрия саласында жетістікке жеткен танымал азаматтар спикер ретінде шақырылады.«Inno.Fest» Qyzylorda фестивалінің биылғы спикерлері:«Кино&amp;Видео» секциясы бойынша: Дәурен Серғазин — актер, режиссер, тележүргізуші. (@dauren_sergazin) , Қазақстан тұңғыш президенті қоры сыйлығының иегері. Астана жастар театырының негізін қалаушы актері. Кино өнерінде де рөлдері бар. ( «Возвращение в А» , «Жас ұланда» , «Жаужүрек мың балада» , «Брат или брак2», «Біз екеуміз», « Ән аға» ) киноларымен танымал. Азамат Тұрсынбай — блогер, актер, сценарист (@trsnbay) , «Сыныптас», «Жол», «Қалам», киноларымен танымал. Ғани Әбдиев — ПТК компаниясының СЕО-сы, продюсері.«Жасанды интеллект» секциясы бойынша Тимур Бектұр — (@timurbektur) ІТ сарапшы, ЖИ зерттеушісі, жазушы, спикер, цифрлық ойлау мен білім мәдениетін қалыптастырушы. Айдос Жұманазар — (@aidos.zhumanazar) Eduser компаниясының бас директоры, кәсіпкер. Джесу Ким — жасанды интеллект саласының профессоры.«Software Development» секциясы бойынша Асқар Болат — (@asqar_bolat) Qalan.kz компаниясының бас директоры, кәсіпкер. Qalan.kz математикадан интерактивті онлайн порталының негізін қалаған. Білім негізінде табыс табуға болатынын дәлелдеп берген қазақстандық мұғалім. Ғани Абадан — (@abadgani) , EdTech және AI саласының сарапшысы. Жандос Оңалбеков — JSoft компаниясының бас директоры, кәсіпкер. Жобаның жүлде қоры 5 400 000 теңгені құрайды. Сондай-ақ, әр секциядан үздік шыққан жастарға Халықаралық ІТ университеті, Астана ІТ университеті, Қорқыт Ата университеті, Болашақ университеті, Ашық университетінің оқу гранттары, сондай-ақ фестиваль серіктестерінен бағалы сыйлықтар табысталатын болады.Фестиваль серіктестері: Astana Hub, Н.Назарбаев Қоры, KeyHorse, JSOFT, MSSP GLOBAL, Ұлттық ақпараттық технологиялар, &nbsp;Елорданы тұрақты дамыту орталығы, &nbsp;Alceko, IT Space , &nbsp;Global elements, &nbsp;Kaspersky, &nbsp; &nbsp;Альянс-Техносервис, &nbsp;Grand Master, Hikvision, Alatau Smart Technology, EKİN, Marvel Kazakhstan, Fortinet Inc, Қазақтелеком, Транстелеком, &nbsp;Kcell, Tele2, Мағжан и К, &nbsp;Orda_cakes_kzo, Effect_zolushki_kzo, Fly orda, Red orda

«INNO.FEST» Qyzylorda-2025 инновациялық жобалар фестивалі өтеді

<a href="https://kyzylorda-news.kz/">Kyzylorda-news.kz</a> «Облыс әкімдігі жанындағы мемлекеттік рәміздер жөніндегі комиссия» отырысы өтті. Комиссия отырысының күн тәртібінде мемлекеттік рәміздердің насихатталуы және қолданылу жай-күйіне облыстық инспекциялық топпен жүргізілген тексеру қорытындысы, жұмыспен қамтуды үйлестіру және әлеуметтік бағдарламалар басқармасы мен Қармақшы және Жалағаш аудандарындағы мемлекеттік рәміздердің қолданылуы мен насихатталу барысы қаралды.Аймақ басшысының тапсырмасына сәйкес құрылған облыстық инспекциялық топ 2025 жылғы 25-27 тамыз аралығында аймақтағы 36 мемлекеттік мекемеге зерделеу жұмыстарын жүргізді. Зерделеу барысында 4 мекемеде кемшіліктер анықталып, 4-і дер кезінде қалпына келтірілді.Комиссия қорытындысымен облыстық басқарма басшыларына, Қызылорда қаласы және аудан әкімдеріне, сондай-ақ, аумақтық департамент басшыларына мемлекеттік рәміздердің бекітілген Ұлттық стандарттарға және ҚР басқа да нормативтік-құқықтық актілеріне сәйкес пайдаланылуын, қолданылуы мен орналастырылуын қатаң бақылауда ұстау тапсырылды.<img src="https://knadmin.beoblood.kz/uploads/Memlekettik_r_mizder_zh_nindegi_komissiya_otyrysy_2_8914d38fe2.jpg" alt="Мемлекеттік рәміздер жөніндегі комиссия отырысы 2.jpg">

Мемлекеттік рәміздер жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a> Бүгінде Қазалы ауданының бас қақпасы саналатын Әйтеке би кентіндегі теміржол вокзалы ғимаратына күрделі жөндеу жұмыстары жүргізіліп, тарихи ғимарат жаңаша кейіпке енуде.Соған сәйкес, вокзал жанындағы перон бойында орналасқан кәсіпкерлік нысандардыңда сыртқы келбеті жаңғыртылып, барлық талаптарға сай болуы тиіс.&nbsp;Осыған орай аудан әкімі Алмасбек Есмахановтың аудан әкімнің орынбасары Мұрат Әбсұлтановқа жұмысшы топпен бірге теміржол вокзалының аумағында орналасқан кәсіпкерлік нысандарды аралап, ретке келтіруді тапсырған болатын.&nbsp;Бүгін аудан әкімінің орынбасары Мұрат Байғабылұлы бастаған жұмысшы топ вокзал аумағында орналасқан кәсіпкерлік нысандардың иелерімен кездесіп, ғимараттардың сыртқы келбетін қалыпқа келтіру, нысан аумақтарының тазалық мәселелеріне байланысты түсіндірме жұмыстарын жүргізді.&nbsp;Сондай-ақ теміржол вокзалының аумағына, сырт келбетіне, ондағы жолаушылар мен тұрғындарға жасалған жағдайға қарап өңір имиджі қалыптасатынын жеткізіп, кәсіп иелеріне туған жердің ортақ абыройы үшін бірлесе жұмыс жасауға шақырды.Аудан әкімінің орынбасары осы мақсатта құрылған жұмысшы топқа кәсіпкерлік нысандардың сыртқы келбетін қалыпқа келтіру және басқа да белгіленген жұмыстарды үнемі бақылауда ұстау керектігін тапсырды.Мұрат Әбсұлтанов кәсіпкерлік нысандарды аралау барысында вокзал жанындағы тарихи ғимарат су қыспақты мұнараға жүргізіліп жатқан ағымдағы жөндеу жұмыстарында көрді.<img src="https://knadmin.beoblood.kz/uploads/azaly_vokzal_2_3993227250.jpg" alt="Қазалы вокзал 2.jpg">

Вокзал аумағындағы нысандардың сыртқы келбеті талапқа сай болуы тиіс

<a href="https://kyzylorda-news.kz/">Kyzylorda-news.kz</a> Облыс бойынша өрттің алдын алу және өрт қауіпсіздігін сақтау бағытында тұрғындар арасында кең көлемді түсіндірме жұмыстары жүргізілуде. Сақтық шараларын уақытында қолға алу төтенше жағдайлардың алдын алуға көмектеседі. Бұл туралы Өңірлік коммуникациялар қызметінің ақпарат алаңында өткен брифингте облыстық Төтенше жағдайлар департаментінің Мемлекеттік өрт бақылау басқармасының бастығы Асхат Оразбеков хабарлады.<blockquote>- Орын алып жатқан көптеген оқиғалар тұрғындардың өрт қауіпсіздік шараларына салғырт қарауынан, яғни тұрмыстық пештердің техникалық жағдайына мән бермеуінен, электр желілерінің қысқаша тұйықталуынан пайда болуда. Осыған байланысты әр аптаның сәрсенбі, жұма және сенбі күндері облыс бойынша департаменттің және полиция департаментінің қызметкерлерімен, қоғамдық бірлестіктердің волонтерлермен бірлесіп жылу беру маусымы кезеңінде өрттің пайда болуын, адамдардың қаза болуын және жарақат алу қауіп-қатерін азайту мақсатында профилактикалық жұмыстары атқарылуда. Барлығы 21 855 тұрғын үй секторының ауласы араланды. Тұрғындармен 161 рет кездесу ұйымдастырылып, соның ішінде электр және газ баллон жабдықтарын, пешті және газ пештерін орнату, қолдану туралы өрт қауіпсіздігі талаптары бойынша түсіндіру жұмыстары жүргізіліп қамтылды,- деді Асхат Плалұлы.</blockquote>Фото: Қызылорда облысының Өңірлік коммуникациялар қызметі

Өрт қауіпсіздігін сақтау - басты талап

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы» КЕАҚ Қызылорда облыстық филиалы Халыққа қызмет көрсету орталығының 20 жылдық мерейтойына орай «Саламатты өмір салты&nbsp;–&nbsp;табысты ұжымның кепілі» атты спорттық турнир ұйымдастырды.Жарысқа облыстық филиалға қарасты басқармалар мен бөлімдердің қызметкерлері қатысып, шағын футбол, армрестлинг, арқан тарту және жүгіру&nbsp;сайыстарында өзара&nbsp;бақ сынасты. Додаға 100-ге жуық спортшы қатысып, ұйымшылдық пен спорттық рухтың жоғары деңгейін көрсетті.Нәтижесінде Бірыңғай байланыс орталығының командасы барлық кезеңдерде үздік өнер көрсетіп, турнирдің жеңімпазы атанды. Екінші орынды Жер кадастры бөлімі иеленсе, үшінші орын Халыққа қызмет көрсету орталықтарының ұжымына бұйырды.<blockquote>«Биыл - біздің корпорация үшін&nbsp;айтулы жыл. 20 жыл ішінде біз халыққа қызмет көрсетудің сапасын арттырып қана қоймай, ұйым ішіндегі корпоративтік мәдениетті де&nbsp;нығайттық. Бүгінгі турнир - соның&nbsp;айқын дәлелі. Салауатты өмір салтын ұстану - табысты әрі белсенді ұжым қалыптастырудың негізгі кепілі», - деді&nbsp;облыстық филиал директоры&nbsp;Аида Абибуллаева.</blockquote>Бірыңғай байланыс орталығының басшысы Шолпан Жеңсікбай мұндай іс-шаралар тек спорттық бәсеке ғана емес, ұжымдық рух пен ортақ мақсат жолындағы ынтымақтастықты нығайтудың маңызды құралы екенін атап өтті.Спорттық шара ұжым қызметкерлеріне сергектік сыйлап, достық пен бірлікті нығайта түсті. Турнир соңында жеңімпаздар мен жүлдегерлер арнайы дипломдармен және естелік сыйлықтармен марапатталды. &nbsp;

«Саламатты өмір салты – табысты ұжымның кепілі» атты спорттық турнир өтті

<a href="https://kyzylorda-news.kz/">Kyzylorda-news.kz</a> Қызылорда облысы, Шиелі ауылындағы Алғабас ауылында көкпар ойыны кезінде жеңіл көлік бірнеше жылқы мен шабандозды қағып кеткен. Бұл туралы <a href="https://stan.kz/kizilorda-oblisinda-kokpar-kezinde-kolik-zhilkilardi-ka-425740/">Stan.kz </a>ақпарат агенттігі хабарлады.Әлеуметтік желілерде тараған видеода жеңіл автокөліктің ойынға қатысушыларды қағып өтіп, тоқтамай әрі қарай жүріп кеткенін көруге болады.Полицияның мәліметінше, ойынды Шиелі тұрғыны ұйымдастырған.<blockquote>“Іске қатысты бұзақылық бабымен қылмыстық іс қозғалды. Көлік жүргізушісі анықталып, полиция бөлімшесіне жеткізілді”, –&nbsp;делінген полиция хабарламасында.</blockquote>Ойынның ұйымдастырушысы билік органдарынан көкпар өткізу туралы рұқсат алмағаны үшін әкімшілік жауапкершілікке тартылған.<a href="https://www.instagram.com/reel/DQn_fyADccF/?igsh=czE5am96Nng5NGVx">https://www.instagram.com/reel/DQn_fyADccF/?igsh=czE5am96Nng5NGVx</a>Видеодан скрин

Қызылорда облысында көкпар кезінде көлік жылқыларды қағып кеткен 

<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы Аграрлық сектордың мәселелері жөніндегі Республикалық кеңестің отырысы өтті. Онда сауда қызметін реттеу мәселелері, сондай-ақ «Сауда қызметін реттеу туралы» заңына енгізілетін түзетулер кеңінен талқыланады.Жиынға ZOOM-конференциясы арқылы партияның облыстық филиалының атқарушы хатшысы Ләйлә Төрешова, партияның облыстық филиалы жанындағы Экономика, кәсіпкерлік және аграрлық сектор мәселелері жөніндегі өңірлік кеңес төрағасының орынбасары Ержан Искендер, жауапты басқарма өкілдері қатысты.Жиын соңында Кеңес отырысынан туындайтын мәселелерді жүзеге асыру бойынша өңірлік кеңес мүшелері талқылап, алдағы міндеттерді пысықтады.

 Сауда қызметін реттеу мәселелері республикалық кеңес отырысында талқыланды

<a href="https://kyzylorda-news.kz/">Kyzylorda-news.kz</a> Алаяқтар бүгінде өздерін банк қызметкерлері ретінде таныстырып, «көмекші қосымшаны орнатыңыз» немесе «ақшаңызды қайтарып береміз» деп жиі әрекет етеді. Олардың нақ мақсаты — сіздің телефоныңыз бен шоттарыңызға қол жеткізу.Клиенттерді қорғау үшін Қаржы нарығын реттеу және дамыту агенттігі (ҚНРДА) кезең кезеңмен, 2023 жылдан бастап мобильді банктердің ақпараттық қауіпсіздігіне қойылатын талаптар енгізіп келеді.Ал 2025 жылы жаңа, неғұрлым қатаң қағидалар пайда болды - енді қосымшалар өзіңіз қауіпті байқамай қалуыңыз мүмкін жағдайларда да сізді қорғайды. Бұл туралы толығырақ Fingramota.kz айтып береді. &nbsp;<h2 style="text-align:center;">Банктік қосымшаларда нелер өзгерді&nbsp;</h2>Екіфакторлық аутентификаттау &nbsp;— бұдан былай міндетті болады.&nbsp;Енді барлық банктер адамның жеке басын екі факторлы тексеруді қолдануға міндетті: мысалы, кіру кезінде тек құпиясөзді енгізіп қана қоймай, кіруді SMS, push-хабарлама немесе биометрия арқылы растау қажет. Бұл клиенттің қауіпсіздік деңгейін жоғарылатады және құрылғы жоғалған кезде де оған рұқсатсыз кіруді болдырмауға мүмкіндік береді.&nbsp;СДАО арқылы биометрия - бұл жеке тұлғаны сенімді тексеру. Бастапқы тіркеу немесе құпиясөзді ауыстыру кезінде банк&nbsp;Ұлттық Банктің Ұлттық төлем корпорациясының&nbsp;базасында жұмыс істейтін ұлттық жүйе —&nbsp;Орталықтандырылған сәйкестендіру деректерімен алмасу орталығы (СДАО) арқылы биометриялық деректер бойынша&nbsp;клиенттің жеке басын растауға міндетті. Бұл алаяқтың басқа біреудің бет-әлпетімен немесе деректерімен кіру мүмкіндігін жояды.Бұзу немесе қашықтан басқару кезінде қорғау. Егер қосымша құрылғыда қашықтан қол жеткізу бағдарламалары іске қосылғанын немесе операциялық жүйе бұзылғанын анықтаса,&nbsp;банктің жұмысы автоматты түрде бұғатталады. Бұл қате емес, қорғаныс жүйесі: мұндай болмаған жағдайда алаяқтар жәбірленушінің телефонын қашықтан басқара алады.Кодты қауіпсіз әзірлеу және сақтау.&nbsp;Банктер қосымшаларды құру және жаңарту кезінде қауіпсіздік стандарттарын сақтауға міндетті — сондықтан қаскүнемдер зиянды кодты енгізе алмайды. Бұдан басқа, енді әрбір банктің өз құрылымында киберқауіпсіздікке және реттеушінің барлық талаптарын жаңартуға жауапты бөлімшесі болуы керек.Операциялардың геолокациясы. Қаржылық операциялар кезінде клиенттің орналасқан жері жазылады. Бұл біреудің басқа аймақта немесе елде басқа біреудің құрылғысынан операция жасауға тырысқанын анықтауға көмектеседі.Кибергигиена қазір тұтынушыларға қызмет көрсетудің бір бөлігі болып табылады.&nbsp;Банктер өз&nbsp;клиенттерін&nbsp;өз деректерін қалай қорғау және фишингті, зиянды қосымшаларды және басқа да қауіп-қатерді танып-білу жолдары туралы хабардар етуге тиіс. Бұл қосымшаның ішіндегі «қаржылық қауіпсіздік сабақтарының» &nbsp;бір түрі.Барлық байланыс арналарын шифрлау. Телефон мен банк арасындағы деректерді беру толығымен, тіпті трафик заңсыз алынған кезде де деректерді оқуға болмайтындай шифрланған.<h2 style="text-align:center;">2025 жылғы жаңа шаралар</h2>2024 жылғы соңғы оқыс оқиғаларды талдаудан кейін Агенттік талаптарды күшейтті:Жаңа құрылғыда қайта бірдейлендіру.&nbsp;Егер сіз өзіңіздің банкіңізге жаңа телефоннан кірсеңіз, қосымша жеке басыңызды растау қажет болады. Бұл сіздің логиніңізбен басқа құрылғыдан қаскүнемдердің кіру мүмкіндігін жояды.Микрофон қосылып тұрған кезде бұғаттау. Егер қолданбаны пайдалану кезінде микрофон қосулы болса (мысалы, қоңырау соғылып тұрса),&nbsp;ақшамен операциялар уақытша бұғатталатын болады.&nbsp;Осылайша алаяқтар сөйлесу кезінде клиенттің әрекетін басқара алмайды.Кеңейтілген қауіпсіздік журналы.&nbsp;Енді қосымшалар көбірек техникалық жазбаларды сақтауға міндетті — мысалы, қашықтан басқаруға тырысу, жүйенің тұтастығын бұзу, күдікті өзгерістер туралы ақпарат. Бұл банктер мен құқық қорғау органдарына оқыс оқиғаларды жылдам тергеуге және ұрланған қаражатты қайтаруға көмектеседі.Бұл шаралардың барлығы алаяқтық орын алмас бұрын оның алдын алуға бағытталған. &nbsp;Егер бұрын қауіпсіздік тек клиенттің мұқият болуына байланысты болса, енді іске технологиялар кірісуде — қосымшалар күдікті жағдайларды өздері «анықтап», операцияны уақытында тоқтата алады.<h2 style="text-align:center;">Пайдаланушы өзін қалай қосымша қорғай алады</h2>Қосымша мен жүйені жаңартып тұрыңыз&nbsp;— жаңартуларды кейінге қалдырмаңыз, олар көбінесе осалдықтарды жояды.&nbsp;Биометрия және күрделі құпиясөздерді қолданыңыз.&nbsp;«Телефонды басқару» немесе «банктен көмек алу» үшін&nbsp;шеткі&nbsp;бағдарламаларды орнатпаңыз.SMS&nbsp;кодтарын&nbsp;ешкімге жібермеңіз&nbsp;— тіпті «қауіпсіздік қызметінен» қоңырау соғатын болса да.&nbsp;Қосымшаларға берілген рұқсатты тексеріп отырыңыз: банкке артық қолжетімділік бермеңіз.&nbsp;Шегерімдер туралы хабарламаларды бақылап отырыңыз&nbsp;және күмән тудыратын жағдай болса, бірден банкке қоңырау соғыңыз. &nbsp;Жақындарыңызға,&nbsp;әсіресе&nbsp;қарт&nbsp;адамдарға алаяқтарды қалай тану керек екенін&nbsp;үйретіңіз.&nbsp;Антивирус қолданыңыз және экранның бұғатталуын теңшеңіз. &nbsp;<img src="https://knadmin.beoblood.kz/uploads/1205_infographics_kaz_9_4afda12701.png" alt="1205-infographics-kaz-9.png">Негізгі қағида:Сіздің телефоныңыз — сіздің жеке сейфіңіз. Сіз оның қауіпсіздігіне мұқият болған сайын алаяқтардың шотыңызды «бұзуға» мүмкіндігі азая түседі. Трендтерді бақылап отырыңыз және Fingramota.kz-пен бірге қаржылық тұрғыдан сауатты болыңызФото: fingramota.kz

Архив