​<a href="https://kyzylorda-news.kz/">Kyzylorda-news.kz</a> Қазақстанда әлеуметтік желіде құқыққа қайшы контент таратқандарға айыппұл салынбақ. Бұл туралы <a href="https://stan.kz/kazakstanda-zhelide-kykikka-kayshi-kontentke-repost-zha-425152/">Stan.kz</a> ақпарат агенттігі хабарлады.Мәжілістің жалпы отырысында "Құқық бұзушылық профилактикасы туралы" заң жобасы бірінші оқылымда мақұлданды. Заң жобасында құқыққа қайшы контентті орналастырғаны және таратқаны үшін әкімшілік жауапкершілік қарастырылған."Онлайн-платформалар және онлайн-жарнама туралы” заңның 14-баптың 1-тармағына сәйкес, құқыққа қайшы контент дегеніміз:- Қазақстан Республикасының конституциялық құрылысын күшпен өзгертуге, тұтастығын бұзуға шақыру,- мемлекеттің қауіпсіздігіне нұқсан келтіру,- соғысқа үндейтін,- әлеуметтік, нәсілдік, ұлттық, діни, сословиелік және тектік артықшылықты насихаттайтын,- қатыгездік пен зорлық-зомбылықты, суицидті, порнографияны, есірткі мен психотроптық заттарды, олардың аналогтары мен прекурсорларын дәріптейтін,- сепаратизм, алаяқтық идеяларын немесе ұлтаралық және конфессияаралық келісімді бұзуға ықпал ететін ақпарат.Сонымен қатар, Қазақстанның мемлекеттік тұтастығына күмән келтіретін, мемлекеттік құпияны немесе заңмен қорғалатын өзге де құпияны ашатын және өзге де заңмен тыйым салынған ақпарат та құқыққа қайшы контентке жатады.Желіде заң бұзатын контентті жариялағандарды ғана емес, оны қайталап таратқандар, яғни репост жасағандарды да жазалайды деген болжамдар пайда болды.Бұл мәселеге қатысты заң жобасын&nbsp;әзірлеушісі әрі мәжіліс депутаты Магеррам Магеррамов&nbsp;түсіндірді. Депутаттың айтуынша, құқыққа қайшы контентті жасағандар ғана емес, сонымен қатар оны таратқандар да жазаланады.<blockquote>"Онлайн-платформалар және онлайн-жарнама туралы"&nbsp;заңның 14-бабына сәйкес, әкімшілік құқық бұзушылық туралы кодекске өзгерістер енгізілгеннен кейін, құқыққа қайшы ақпаратты таратқандар да, жариялағандар да&nbsp;жазаланады. Видео түсіріп, өз парақшасына орналастырған адам да, &nbsp;ол жазбаға репост жасаған адам да жауапқа тартылмақ", – деді Магеррамов.</blockquote>Депутаттың айтуынша, тіпті видеоны өз парақшасында жариялап "Бұл заң бұзушылық" деп жазса да,&nbsp;құқыққа қайшы контент таратушы болып саналады. Мұндай жағдайда ең дұрыс шешім – мәдениет және ақпарат министрлігіне немесе полицияға хабарлау.<blockquote>"Өз парақшасына салып, астына "Бұл заңды бұзады"&nbsp;деп жазу ақымақтық, не айлакерлік. Егер адам құқыққа қайшы контент жайлы хабарлағысы келсе, ресми органдарға жүгінсін. Ал оны парақшасына жүктеп, өзі таратса – онда ол да заң бұзады және жауапқа тартылады", – деді депутат.</blockquote>Қазіргі уақытта әкімшілік құқық бұзушылық туралы кодексте мұндай бап жоқ.&nbsp;Бірақ парламент түзетулерді қабылдаса, жаңа бап бойынша заң бұзғандар жазаладанады. Оған қоса, жаңа бап осыған дейін жарияланған жазбаларды да қамтиды.<blockquote>"Сондықтан адамдар мұның бәрін өшіруі керек, мен мұнда ешқандай мәселе көріп тұрған жоқпын. Егер біреу үш жыл бұрын құқыққа қайшы контент жариялап, әлі өшірмеген болса – бұл заң бұзушылық. Мұндай контентті парақшасында сақтап отырғандарға таңғаламын", – деді Магеррам Магеррамов.</blockquote>Фото: Нұрболат Нұржаубай

Қазақстанда желіде құқыққа қайшы контентке репост жасағандарға да айыппұл салынбақ

​<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаевтың бастамасымен қолға алынып, «AMANAT» партиясы Үкіметпен бірлесіп жүзеге асырып келе жатқан «Ауыл аманаты» жобасы Шиелі ауданында да өз жемісін беруде.Ауыл тұрғындарының табысын арттыруға, жаңа жұмыс орындарын құруға және кәсіпкерлікті дамытуға бағытталған жоба аясында мұнда жаңадан кәсіпкерлік нысан ашылып, кәсіпкерлер жұмыс жасауда. Осы орайда партияның Шиелі аудандық&nbsp;филиалының атқарушы хатшысы Жібек Баймұратова жоба аясында жұмыс жасап жатқан кәсіпкерлермен кездесіп, жүзеге асырылып жатқан жобалардың маңыздылығына тоқталды.&nbsp;<blockquote>«Ауыл тұрғындарының өз кәсібін ашып, тұрмыс сапасын арттыруына бағытталған «Ауыл аманаты» жобасы нақты нәтижесін беруде. Бағдарламаның қолдауымен көптеген азаматтар жаңа кәсіп түрін бастап, ауыл экономикасының дамуына өз үлесін қосып келеді. Жоба – ауыл халқын кәсіпке бейімдеп қана қоймай, олардың әл-ауқатын арттыруға бағытталған әлеуметтік бастама.Партияның басты мақсаты – әр азаматқа еңбек етуге, табыс табуға және туған жерінің дамуына үлес қосуға мүмкіндік беру.»-деді филиалдың атқарушы хатшысы Жібек Баймұратова.</blockquote>Мұнда кондитер өнімдері, бірреттік қолданыстағы қағаз түрлері, қолдан тігілетін қуыршақтар шығарылып тұтынушыларға ұсынылуда.«Ауыл аманаты» жобасы аясында соңғы үш жылда Шиелі ауданы бойынша жалпы құны 968,1 миллион теңгені құрайтын 135 жоба қаржыландырылып, нәтижесінде ауданда жаңа жұмыс орындары ашылып, кәсіпкерлік саласы дамып келеді.

«Ауыл аманаты»: ауыл кәсіпкерлеріне мүмкіндік көп

​<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалы алаңында облыстық мәслихат депутаты, мәслихаттағы «AMANAT» партиясы фракциясының мүшесі Абибуллаева Аида Ибрагимқызы қоғамдық қабылдау өткізіп, азаматтар өтінішін тыңдады.&nbsp;Қабылдауға келушілер тұрақты жұмысқа орналасу, еңбек дауларын шешу және өзге де тақырыптар бойынша өтініштерін білдіріп, ұсыныс-тілектерін ортаға салды.Аида Абибуллаева барлық келушіге заң нормалары бойынша түсіндірме жұмыстарын жүргізіп, тиісті мекеме басшыларымен тікелей байланысу арқылы мәселелерді оңтайлы шешу бойынша ұсынысын білдірді.&nbsp;Фракция мүшесі қабылдау барысында аталған мәселелер бойынша жазбаша өтініш жаздыртып алып, түбегейлі шешілгенше өз бақылауында болатынын айтты.&nbsp;

Фракция мүшесі қабылдау өткізді

​<a href="https://kyzylorda-news.kz/">Kyzylorda-news.kz</a>&nbsp; «Өрт – тілсіз жау». Адам өміріне тікелей араша түсетін тәртіп сақшыларының әр күні қауіпке толы.Осы орайда айта кетелік, патрульдік полиция қызметкерлері аймақтың тыныштығын қамтамасыз ету кезінде 21 қазан күні сағат 00:13 шамасында А. Бөкейхан көшесі 74 үйдің екінші қабаты өртеніп, &nbsp;үй ішінде тұрғындардың бар екендігі жөнінде басқарманың “102” арнасына хабарлама келіп түсті. &nbsp;Патрульдік полиция батальонының қызметкерлері құтқарушылармен бірлесіп, өртке оранған пәтердің ішінде қалып қойған 59 жастағы тұрғынды екінші қабат терезесінен өрт сөндіру қызметкерлерінің баспалдағымен аман-есен алып шығып, алғашқы медициналық көмекті көрсетті.&nbsp;Сонымен қатар басқа &nbsp;пәтердегі тұрғындарды эвакуациялау жұмыстарын жүргізіп, оларды сыртқа алып шығып, өрттен оқшаулаған.&nbsp;«Адамдарды апаттан құтқарып қалу – біздің қызметтік те, азаматтық та парызымыз. Біз сол сәтте ерлік жасайық, көзге түсейік деп ойлаған жоқпыз. Бар мақсатымыз – адамдарға көмектесу» – дейді офицерлер.&nbsp;Үй тұрғындары өрттен аман алып қалған полицейлерге алғыстарын жеткізді.

Архив

Қазақстанда желіде құқыққа қайшы контентке репост жасағандарға да айыппұл салынбақ

«Ауыл аманаты»: ауыл кәсіпкерлеріне мүмкіндік көп

Фракция мүшесі қабылдау өткізді

Қызылордалық полицейлер адам өміріне араша түсті