<a href="https://kyzylorda-news.kz/">Kyzylorda-news.kz</a> Сыр спорты тағы бір тарихи белесті бағындырды. Жуырда қызылордалық баскетболшылар ел ішінде өткен маңызды додаларда жоғары нәтижелерге қол жеткізіп, аймақ абыройын асқақтатты.&nbsp;Атап айтқанда, 1-4 шілде күндері Алматы облысы, Қонаев қаласында баскетболдан өткен Қазақстан Республикасының VI Жастар спорт ойындарында Қызылорда облысының қомандасы тартысты ойын өрнегін көрсетіп, жүлделі ІІІ орынды иеленді.&nbsp;Сондай-ақ, Талдықорған қаласында 4-8 шілде аралығында баскетболдан жасөспірім ұлдар мен қыздар арасында өткен Қазақстан Республикасының чемпионатында баскетболшыларымыз жүлделі орындарды еншілеп, марапат төрінен көрінді. Атап айтқанда 16 жас аралығындағы ұлдар арасында - І орын, 14 жас аралығындағы қыздар арасында жүлделі - ІІ орын, 12 жас аралығындағы қыздар арасында жүлделі - ІІІ орын иеленді.&nbsp;Осыған орай, бүгін облыстық дене шынықтыру, спорт және туризм басқармасының басшысы Бахтияр Ғарифоллаұлы команда жетекшілері, тәжірбиелі бапкерлер &nbsp;Александр Жавзмагин және Азамат Сыздықовты қабылдап, аймақ спортын дамытуға қосқан үлестері үшін алғыс білдіріп, бұдан да биік белестерді бағындыруға сенім білдірді. Сондай-ақ, алда өтетін ауқымды жарыстарға сәттілік пен жеңіс тіледі.&nbsp;Айта кетейік, &nbsp;31 тамыз бен 7 қыркүйек аралығында Моңғолияның Ұлан-Батыр қаласында баскетболдан Азия кубогы өтетін болады. Әр елден іріктелген үздік спортшылар қатарында қызылордалық Айтөре Сыздықов та бар. Ол жасөсіпірімдер арасында өтетін тартысты бәсекеде бақ сынамақ.&nbsp;

Қызылордалық баскетболшылар республикалық жарыста үздік нәтижеге қол жеткізді

<a href="https://kyzylorda-news.kz/">Kyzylorda-news.kz</a> Энергетика және тұрғын үй-коммуналдық шаруашылық салаларында Қызылорда облысында ауқымды инфрақұрылымдық жобалар жүзеге асырылуда. Жаңа жылу электр орталығының құрылысы мен қала аумағын ыстық сумен қамтамасыз ету жұмыстары - өңір үшін стратегиялық маңызы бар бастамалар саналады. Бұл туралы бүгін Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасы басшысының міндетін атқарушы Тахир Нәдірбек пен «Қызылордажылуэлектрорталығы» директоры Бақытжан Молдиманов мәлімдеді.<blockquote>- Мемлекет басшысының тапсырмасына сәйкес, Қызылорда қаласында қуаттылығы 240 мегаватт электр және 277 гигакалория жылу энергиясын құрайтын жаңа жылу электр орталығының құрылысы жүріп жатыр. Бұл жоба өңірдегі электр тапшылығын болдырмауға бағытталған. Құрылысқа қажетті барлық негізгі қондырғылар жеткізіліп, монтаж жұмыстары қарқынды жүруде. Қазіргі таңда жобаның орындалу деңгейі 70 пайыздан асты. Құрылыс алаңында 1200-ден аса маман мен 130-ға жуық техника жұмыс істеуде. Жобаны толығымен түркиялық инвестор - «Aksa Energy» компаниясы жүзеге асырып отыр. Жаңа орталықты 2025 жылдың соңында іске қосу көзделген, - деді Тахир Қуанышбекұлы.</blockquote>&nbsp;<blockquote>- Мемлекет басшысы 2023 жылғы жұмыс сапары аясында Қызылорда қаласын ыстық сумен қамтамасыз ету мәселесін шешуді тапсырған болатын. Осыған сәйкес, 423 көпқабатты тұрғын үйді ыстық су жүйесіне қосу мақсатында екі кезеңнен тұратын жоба қолға алынды. Бірінші кезеңде 187 үй қамтылып, биыл бұл жұмыстар толығымен орындалды. Енді 2025 жылы 236 үйге желі тарту жоспарлануда. Қазірдің өзінде Ақмешіт пен Мерей мөлтек аудандарындағы 60-тан астам үйде құрылғыларды орнату басталып кетті. Бұл жұмыстар толығымен аяқталғанда қала тұрғындары жыл он екі ай үздіксіз ыстық сумен қамтамасыз етіледі, - деді Бақытжан Молдабекұлы.</blockquote>

Өңірдің энергетикалық әлеуеті артуда

<a href="https://kyzylorda-news.kz/">Kyzylorda-news.kz</a> &nbsp;Облыс көлемінде елді мекендер арасындағы қатынасты жақсарту, жол желілерінің сапасын арттыру және көлік қатынасының қауіпсіздігін қамтамасыз ету бағытында бірқатар маңызды жобалар жүзеге асырылып келеді. Бұл туралы бүгін Өңірлік коммуникациялар қызметінің ақпарат алаңында облыстық жолаушылар көлігі және автомобиль жолдары басқармасының басшысы Жәнібек Сыздықов мәлімдеді.<blockquote>- Бүгінгі таңда Қызылорда облысы аумағындағы жергілікті маңызы бар автомобиль жолдарының жалпы ұзындығы 3545 шақырымды құрайды. Оның ішінде республикалық маңызы бар жолдар - 1024,5 шақырым, облыстық жолдар - 555 шақырым, ал 1965,5 шақырым аудандық маңызы бар жолдар санатына жатады. Ағымдағы жылы өңірде ұзындығы 330 шақырымға жуық жолдар мен көшелерге, сондай-ақ көпір өткелдеріне жөндеу жұмыстары жүргізілуде. Бұл - халықтың қауіпсіз әрі ыңғайлы қозғалысын қамтамасыз етуге бағытталған маңызды қадам. Атап айтқанда, Қызылорда қаласындағы «Әуежайға кіре беріс» жолы, сондай-ақ Шіркейлі, Сыздық, Жаңадария каналдары үстіндегі көпірлер қайта жаңғыртудан өтіп, пайдалануға берілді. Сонымен қатар, Тәуелсіздіктің 25 жылдығы даңғылы кеңейтіліп, «Қызылжарма» каналы арқылы өтетін автожол көпірінің құрылысы толық аяқталды. Бұдан бөлек, Әбілхайыр хан көшесінен Саламатов көшесіне дейінгі Сырдария бөгеті бойымен жаңа жол салу жұмыстары жүргізіліп жатыр. Бұл бағыттағы жұмыстар қала ішіндегі көлік ағынын қайта реттеуге және жол жүктемесін азайтуға оң әсер етеді. Жол - тек қатынас құралы емес, ел экономикасының қозғаушы күші. Сол себепті біз үшін әрбір бағыт, әрбір учаске маңызды. Басты мақсатымыз - тұрғындардың өмір сапасын жақсарту, шалғай ауылдарды сапалы жолмен байланыстыру және өңірлік көлік логистикасын дамыту, - деді Жәнібек Шәкімбайұлы.</blockquote>Сондай-ақ, облыс аумағында тұрғындардың аудан және облыс орталығына қатынауын қамтамасыз ету, көлік қатынасын жүйелеу мақсатында жолаушылар тасымалы бағытында нақты жұмыстар жүргізілуде. Қазіргі таңда елді мекендер арасындағы тұрақты қатынас жолға қойылып, халыққа қолайлы көлік қызметі ұсынылуда.<blockquote>- Қазіргі уақытта облыста 200-ден астам тұрақты жолаушылар бағыты ұйымдастырылған. Оның ішінде ауданаралық, ауданішілік, қалаішілік және қала маңына қатынайтын бағыттар бар. Сонымен қатар, еліміздің ірі қалаларына және Ташкентке дейін қатынайтын облысаралық және халықаралық бағыттар да халыққа тұрақты қызмет көрсетіп отыр. Жолаушыларды тасымалдау қызметін 30-дан астам жеке және заңды тұлғалар жүзеге асыруда. Автопарктерде әртүрлі сыйымдылықтағы автобустар бар. Жыл басынан бері тасымалданған жолаушылар саны артты. Бұл тұрғындардың қоғамдық көлікке деген сұранысының жоғары екенін білдіреді. Сондай-ақ, Қызылорда қаласы мен аудан орталықтарында орналасқан автовокзалдар мен автостансалар арқылы халыққа тұрақты қызмет көрсетілуде. Алдағы уақытта бағыттардың қолжетімділігін арттырып, жолаушыларға жайлы жағдай жасау бағытындағы жұмыстар жалғасады, - деді басқарма басшысы.</blockquote>Қызылорда облысында темір жол бағытындағы вокзалдар мен қызмет көрсету бекеттерін жаңарту жұмыстары басталды. Бұл шаралар Мемлекет басшысының «Әділетті Қазақстанның экономикалық бағдары» атты Жолдауын іске асыру аясында көлік инфрақұрылымын жаңғырту мақсатында қолға алынған. Өңірде жолаушыларға сапалы, қауіпсіз және заманауи стандарттарға сай қызмет көрсету бағытында нақты жобалар жүзеге асырылуда.&nbsp;<blockquote>- 2023 жылы Қызылорда қаласындағы темір жол вокзалы мен оның аумағы күрделі жөндеуден өтіп, абаттандырылды. Бұл жұмыстар өз жалғасын өңірдегі Жаңақорған, Шиелі, Жосалы, Төретам, Қазалы, Арал және Сексеуіл станцияларында тапты. Бүгінде аталған 7 вокзалда ішкі демонтаж жұмыстары басталып, жаңғырту жұмыстары жүргізілуде. Сондай-ақ, Тереңөзек пен Жалағаштағы қызмет көрсету пункттерін кеңейту немесе жаңа заманауи нысан салу мәселесі қарастырылып жатыр. Бұл бағыттағы жобаларды іске асыруға тәжірибелі мердігер, жобалаушы және техникалық қадағалаушы ұйымдар тартылған. Темір жол нысандарын жаңғырту - тұрғындарға қолайлы жағдай жасау мен өңірлік көлік инфрақұрылымын дамытуға бағытталған маңызды қадам, - деді Жәнібек Шәкімбайұлы.</blockquote><img class="image_resized" style="width:100%;" src="https://knadmin.beoblood.kz/uploads/Zh_nibek_Syzdy_ov_41a4da4c48.jpg" alt="Жәнібек Сыздықов.jpg">

Жол инфрақұрылымын жақсарту бағытында нақты жобалар жүзеге асуда

<a href="https://kyzylorda-news.kz/">Kyzylorda-news.kz</a> Бүгін Қармақшы ауданының әкімі Жандос Еркінбек тұрғындарды жеке мәселелері бойынша қабылдап, ұсыныстарын тыңдады.Қабылдауға келген азаматтар тұрғын үй, жер және тұрақты жұмысқа орналасу мәселелерін көтерді. Қабылдауға онлайн қосылып, өзінің ұсынысын жеткізген тұрғындар да болды. Аудан әкімі әрбір тұрғынның мәселесіне жеке тоқталып, заңдылыққа сәйкес түсіндіріп өтті.Жұмыссыздық мәселесін көтерген тұрғындарға, бүгінгі таңда аудан бойынша бос жұмыс орындарын ұсына отырып, мәселесін шешу үшін тиісті сала басшысына тапсырмалар жүктеді.Қабылдауға келген азаматтардың арыз-шағымдары мен ұсыныстары бойынша жауапты басшыларға мүмкіндіктерді қарастыра отырып, заң аясында шешу қажеттігін тапсырды.Айта кетейік, тұрғындар аудан әкімінің қабылдауына <a href="http://egov.kz/?fbclid=IwZXh0bgNhZW0CMTAAYnJpZBExczJ4UEJnNDg0R25UQWxtcAEeQAxpfh2TJEqN_NqYIPgH_avVE5r8OlKXv6nFT7njyPIBW1sBaGjLe29bTxg_aem_gSSLMbHQ_vpxvqwy4lSyPg">egov.kz</a> порталы, <a href="https://l.facebook.com/l.php?u=http%3A%2F%2Fe-otinish.kz%2F%3Ffbclid%3DIwZXh0bgNhZW0CMTAAYnJpZBExczJ4UEJnNDg0R25UQWxtcAEe6jwdDvM_6VBtCzYjqrgpxL7RVBIXwHOul5d2dbF26sORQkYT74b7nphPoMQ_aem_bnxWaIFKYkF2Yo6OjXzbOQ&amp;h=AT0W4NxDylslqfPYNtcXCofINIEo7BXy3kkyGHv8H3-paNUtO87u8NlN2Sv4v6ApzJdiPonr0yYWjBeDSQm9cZb5g8DwC7ccmokVYPCqMUGPaDcPpS32TdF3epxaIs5xjB6IHMBVlmZw4gRi&amp;__tn__=-UK-R&amp;c[0]=AT2yuheuuA3o8e1f9dKkntwBN0zYkw7uAhBnHQDXry26sKNqfRhemKv6TT7mAOAWRy9XuwXubnB9K4p1SHMmlQ4IoWQw3doskuTyLKMvA3AfUecThiC9fFjb23owaHtq99oWuLU35Nka-UtyXaaXUF4ED-TbbBNr6oKvjWBvOxDq0yyR39zV">e-otinish.kz</a> базасы немесе әкімдікке жазбаша өтініш беру арқылы жазыла алады.

Тұрғындардың ұсыныс-тілектерін тыңдады

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов Су шаруашылығы және ветеринария қызметкерлері күніне орай сала ардагерлері мен қызметкерлерін қабылдап, кәсіби мерекелерімен құттықтады.<blockquote>"Сіздерді кәсіби мерекелеріңізбен шын жүректен құттықтаймын! Су шаруашылығы – тіршіліктің негізі, ал ветеринария – ауыл шаруашылығының қауіпсіздігін қамтамасыз ететін маңызды бағыт. Екі сала да ел өмірінде айрықша орынға ие", – деді А.Ибраимов.</blockquote>Жалағаш ауданының әкімі соңғы жылдары өңірде ауыз су инфрақұрылымын дамыту бағытында бірқатар істер атқарылғанын атап өтіп, бүгінде аудан халқы 100 пайыз орталықтандырылған ауыз сумен қамтылғанын жеткізді.Қазіргі таңда ауданда ұзындығы 180 шақырымнан асатын су жеткізу жүйелері мен 200 шақырымнан артық қашыртқы-дренаждық желілер жұмыс істеп тұр. Су шаруашылығы мамандары заманауи технологияларды қолданып, су ресурстарын тиімді пайдалану және қорғау бағытында ауқымды жұмыстар жүргізуде.Сонымен қатар, аудан әкімі эпизоотиялық тұрақтылықты сақтау, мал өнімдерінің экспорттық әлеуетін арттыру, жануарлар мен адамдарға ортақ аурулардың алдын алу сынды маңызды бағыттарда ветеринария мамандарының еңбегі ерекше екенін атап өтті.Салтанатты шара барысында бірқатар сала ардагерлері мен қызметкерлері облыс әкімінің және аудан әкімінің Алғыс хаттарымен марапатталды.Мерекелік жиында аудандық ардагерлер кеңесінің төрағасы Садық Әлиев, ветеринария саласының ардагері Қабылбек Нұрмағанбетов және су шаруашылығы саласының ардагері Асқар Табынбаев сөз сөйлеп, қос саланың тарихы мен бүгінгі дамуына тоқталып, мерекелік лебіздерін білдірді.

Жауапты сала ардагерлері мен қызметкерлерін қабылдады

<a href="https://kyzylorda-news.kz/">Kyzylorda-news.kz</a> «Өнер орталығында» облыс әкімі Нұрлыбек Нәлібаевтың қатысуымен су, балық шаруашылығы, ветеринария қызметкерлері күніне орай салтанатты шара өтті. Оған ҚР Парламенті Мәжілісінің депутаттары Мұрат Ергешбаев, Мұрат Әбенов, құқық қорғау органдарының басшылары, зиялы қауым өкілдері мен сала қызметкерлері қатысты.Аймақ басшысы су, балық, мал шаруашылығы және ветеринария салаларында атқарылған жұмыстарды саралап, жиналған жұртшылықты кәсіби мерекемен құттықтады.<blockquote>«Президентіміз Қасым-Жомарт Кемелұлы 2025 жылды «Жұмысшы мамандықтары жылы» деп жариялап, «Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз!Адал әрі табанды еңбегімен табысқа жеткен адамдар қашанда құрметті, сыйлы болуы керек» деді. Бұл - экономикалық тұрақтылық пен әлеуметтік прогрестің басты факторы ретінде жұмысшы кәсіптерінің рөлін күшейтудегі стратегиялық қадам.Күні кеше Президентіміз Қасым-Жомарт Кемелұлысу шаруашылығы қызметкерлерін Ақордада қабылдап, мемлекеттік наградалар табыстады. Салтанатты қабылдауда жерлестеріміз, сала ардагері Сұлтанбек Тәуіпбаев «Парасат» орденімен, «Шиелісушар» өндірістік учаскесінің басшысы Дихан Әубәкіров, «Қызылорда су торабы» өндірістік учаскесінің аға инженер-гидротехнигі Мақсұт Өтеулиев «Құрмет» орденімен наградталды. Бұл - аймағымыздағы су шаруашылығы саласында атқарылған жұмыстарға берілген жоғары баға.Алаштың анасы атанған Сыр елі еңбегімен елге сыйлы, өмір жолы жас ұрпаққа өнеге болған абзал да адал жандарға, еңбек адамдарына кенде емес. Біз еңбеккерлерге лайықты құрмет көрсетіп, ғибратты ғұмырын жастарға үлгі-өнеге етуді дәстүрге айналдырып келеміз. Бұл - біздің басты парызымыз», - деді Нұрлыбек Машбекұлы.</blockquote>Салтанатты шарада «Құрмет» орденімен су шаруашылығы саласының ардагері Бегеш Жақып, «Ерен еңбегі үшін» медалімен «Қазалы су торабы» өндірістік учаскесінің басшысы Болат Асербаев , «Су шаруашылығы саласының еңбек сіңірген қайраткері» құрметті атағымен ардагер Әділхан Қарлыханов марапатталды.Саланың дамуына елеулі үлес қосқан бірқатар қызметкерге ҚР Премьер-министрінің Алғыс хаты, «Балық шаруашылығы саласына еңбек сіңірген қызметкер» құрметті атағы, «Ауыл шаруашылығы саласының үздігі» төсбелгісі, «Еңбек ардагері» медалі, «Су шаруашылығының ардагері» және «Қазақстан Республикасы су шаруашылығының үздігі» төсбелгісі табысталды.Сонымен қатар, Ауыл шаруашылығы, Су ресурстары және ирригация министрлерінің Құрмет грамотасы мен Алғыс хаты, облыс әкімінің Алғыс хаты табыс етілді.Іс-шарада 42 қызметтік автокөлік пен 65 арнайы техниканың кілті аталған салалардың мекемелеріне берілді.<img src="https://knadmin.beoblood.kz/uploads/2_Su_baly_sharuashyly_y_veterinariya_mekemelerine_yzmettik_zh_ne_arnajy_k_likter_tapsyryldy_5e17c41d23.jpg" alt="2 Су, балық шаруашылығы, ветеринария мекемелеріне қызметтік және арнайы көліктер тапсырылды.jpg"><img src="https://knadmin.beoblood.kz/uploads/1_Su_baly_sharuashyly_y_veterinariya_mekemelerine_yzmettik_zh_ne_arnajy_k_likter_tapsyryldy_729453419d.jpg" alt="1 Су, балық шаруашылығы, ветеринария мекемелеріне қызметтік және арнайы көліктер тапсырылды.jpg">Фото: Қызылорда облысы әкімінің баспасөз қызметі

Су, балық шаруашылығы, ветеринария мекемелеріне қызметтік және арнайы көліктер тапсырылды

<a href="https://kyzylorda-news.kz/">Kyzylorda-news.kz</a> Облыс орталығындағы қоғамдық-саяси ахуалдың тұрақтылығы, құқық бұзушылықтың алдын алу шараларының барлығы тәртіп сақшыларының тынымды тірлігінің нәтижесі.Бүгінде қалаға соңғы технологиядағы бақылау камералары орнатылып, құқық бұзушылық есебі едәуір төмендеген. Соның негізінде іске қосылған «Жедел басқару орталығы» оқыс жағдайлардың алдын алуда үлкен рөл атқарып келеді.Бүгін облыстық полиция департаменті жанындағы аталмыш орталықтың жұмысымен ҚР Парламенті Мәжілісінің депутаттары, «AMANAT» партиясы фракциясының мүшелері Мұрат Ергешбев пен Мұрат Абенов танысты.Қалада 272 бейнебақылау камерасы жұмыс істейді. Ағымдағы жылдың 6 айында Жедел орталықтың көмегімен 25 007 әкімшілік құқық бұзушылық анықталса, соның 21 582-сі жол ережесін бұзғандар. Ең бастысы, бейнекамералардың көмегімен 65 қылмыстың ізі ашылды.Дегенмен, бұл жұмыстар әлі де жандандыруды қажет етеді. Шаһардың барлық аумағын мейлінше қоғамдық қауіпсіздікпен қамту үшін бейнебақылау камераларының санын арттыру – алдағы мақсат.Бұл жұмыстар облыс төңірігенде де белсенді жүзеге асуда. Қызылорда облысы Полиция департаментімен атқарылған шаралар нәтижесінде 2025 жылдың 5 айында құқық бұзушылықтар 3%-ға, оның ішінде қылмыстар, ауыр және аса ауыр санаттағы қылмыстар, бөтен мүлікті ұрлау, бұзақылықтың тіркелуі төмендеді.Сонымен қатар, қоғамдық орындарда, көшелерде жасалған қылмыстардың саны азайды. Жалпы қылмыстың негізгі түрлері бойынша ашылу пайызының өсу тенденциясы қалыптасқан.Облыс аумағында жол-көлік оқиғаларының алдын алу және жол қауіпсіздігін қамтамасыз ету мақсатында құқық бұзушылықтарды автоматты түрде анықтайтын барлығы 112 дана құрылғылар яғни, 20 дана «Аркан», 5 дана «Интегра КДД», 1 дана «Мираж», 3 дана «Зерек», 10 дана «Сергек», 1 дана «Ekin X Spotter», 49 дана «Ekin BOX Spotter» құрылғылары және 23 дана «Ekin Patrol» мобильді кешендері жұмыс атқаруда. Бұл жолдағы көлік қозғалысы салдарынан орын алатын апараттардың алдын алуда.

Мәжілісмендер «Жедел басқару орталығының» жұмысымен танысты 

<a href="https://kyzylorda-news.kz/">Kyzylorda-news.kz</a> Сырдария өзенінің сол жағалауынан іргесі қаланған заманауи үлгідегі жаңа автовокзал өткен жылы ел игілігіне берілген болатын. Бүгінде сапаржай жолаушыға жайлылық сыйлаумен қатар, түрлі бағыттарға қатынауға жол ашқан іргелі орынға айналып отыр.Оның орналасуы да оңтайлы, «Батыс Еуропа – Батыс Қытай» жолына көлік кедергісіз шыға алады. Ал, жолаушылар мен жүргізушілер үшін барлық жағдай қарастырылған. Медициналық-санитарлық көмек көрсету, диспетчерлік бекет және жүк сақтау камералары бар. Сонымен бірге ана мен бала, жүргізушілердің демалыс бөлмесі жұмыс істейді. Одан бөлек мүгедектігі бар жандардың кедергісіз қозғалысына қажетті құрылғылармен жабдықталған. Жалпы, бір мезетте 200 жолаушыға қызмет көрсететін мүмкіндікке ие.Қазір жолаушыларға тиімді болу мақсатында темір жол вокзалы маңынан да билет сату кассасы ашылған. Автобустардың жүру кестесі де қолайлы уақытқа есептелген.Сапаржай стандарттарға сай, облысішілік қатынастармен шектелмей, «Қызылорда-Алматы», «Қызылорда-Астана», «Қызылорда-Сарыағаш» бағыттарына да күнделікті қатынайды. Яғни, көлік-логистика саласын дамытуға дем берген автовокзал қызметі уақытпен үндесетінін көрсетті.

Сапаржай қызметі сан алуан

<a href="https://kyzylorda-news.kz/">Kyzylorda-news.kz</a> Жаз мезгілінде тұрғындардың су айдындарында шомылу белсенділігі артатындықтан, белгіленбеген орындарда суға түсуге жол бермеу, тұрғындардың қауіпсіздігін қамтамасыз ету, қайғылы жағдайлардың алдын алу бағытындағы жұмыстар күшейтілуде.Осыған орай, Жалағаш ауданы әкімі аппаратының жұмылдыру дайындығы және аумақтық қорғаныс бөлімі, Жалағаш кенті әкімі аппараты, Жалағаш ауданы Төтенше жағдайлар бөлімі мамандары бірлесіп, Сырдария өзені жағалауына және Жалағаш кентіне жақын су айдындарында рейд жұмыстарын жүргізді.Су айдындарындағы қайғылы оқиғалардың негізгі себептері&nbsp;– тыйым салынған жерлерде шомылу, мас күйде суға түсу, сондай-ақ балаларды қараусыз қалдыру. Сондықтан да, кент тұрғындары мен қонақтарын мұқият болуға, тек белгіленген орындарда шомылуға және қауіпсіздік ережелерін қатаң сақтауға шақырамыз.Фото: &nbsp;Жалағаш кенті әкімі аппаратының баспасөз қызметі

Жалағаш:Су айдындары аумағына рейд жүргізілді

<a href="https://kyzylorda-news.kz/">Kyzylorda-news.kz</a>&nbsp; Кеше «AMANAT» партиясының Қызылорда қалалық филиалында ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Әбенов азаматтарды жеке мәселелері бойынша қабылдады.Қоғамдық қабылдау барысында қала тұрғындары өзекті әлеуметтік мәселелерді көтерді.Азаматтардың өтініштерінің бірі – Қызылорда қаласына қарасты Қызылөзек ауылдық округін газдандыру мәселесі. Аталған елді мекенді табиғи газбен қамтамасыз ету – тұрғындардың өмір сүру сапасын арттырып, өңірдегі экологиялық және әлеуметтік жағдайды жақсартуға ықпал ететіндігі сөзсіз.Елді-мекен тұрғындары тарапынан 2023 жылы Қараөзек бекеті-4 көшесі мен А.Құнанбаев көшесі бойынша ұзындығы 0,79 км болатын желі құрылысына конкурс жарияланып, жобаның кассалық шығындары игерілді. 2024 жылы республикалық бюджеттен 30 млн теңге бөлініп, белгіленген жұмыстары жүргізілгенімен, қазіргі таңда құрылыс жұмыстары тоқтап тұрғандығы туралы жолданды.Сонымен қатар қабылдауда, «Торғай Петролеум» АҚ өкілі пайдалы қазбаларды өндіру салығына (ПҚӨС) мемлекет тарапынан өзгеріс енгізу қажеттігін жеткізді.Қаладағы жеке клиника өкілдері міндетті әлеуметтік медициналық сақтандыру (МӘМС) жүйесі арқылы медицина ұйымдарына қаржы төлеу тетіктеріне қатысты өз ұсыныстарын білдірді.Қабылдауға қатысқан тұрғындардың өтініш-тілектерін тыңдаған Мәжіліс депутаты әрбір мәселені жеке назарда ұстап, қолданыстағы заңнамаларға сәйкес жұмыс жүргізілетінін хабарлады.

Тұрғындар мәжіліс депутатына өтініштерін жеткізді

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорына МӘМС жүйесіне қатысты сұрақтардың түсуі жалғасуда. Жиі қойылатын сұрақтарға Қордың Қызылорда облысы бойынша филиалы директорының орынбасары Жұпар Алхожаева жауап берді.Ресми түрде жұмысқа орналасқанмын, жақында жалақысы сақталмайтын ұзақ демалысқа шықтым, осы кезеңде жұмыс беруші мен үшін жарна төлемейді. Менің мәртебем қанша уақыттан кейін «сақтандырылмаған» болады және «сақтандырылған» мәртебесін жоғалтпау үшін не істеуім керек?&nbsp;МӘМС жүйесіндегі мәртебе соңғы жарнадан кейін 3 ай бойы сақталатын болады. Ол одан әрі өзекті болып қалуы үшін өткізіп алған кезең үшін дербес төлеуші ретінде 2025 жылы ай сайын 4&nbsp;250 теңге төлеу қажет болады.МӘМС жарналарын дербес төлеуші ретінде қалай төлеу керек?<ul style="list-style-type:disc;"><li style="text-align:justify;">Төлем жасамас бұрын, мәртебеңізді және соңғы 12 айдағы төлемдердің болуын тексеріңіз.</li><li style="text-align:justify;">Егер сізде бірнеше төленбеген ай болса, олар үшін әлдеқайда аз мөлшерде төлем жасап, мәртебені алу тиімді болады.</li><li style="text-align:justify;">Егер ешқандай төлем болмаған жағдайда, онда төлемді өткен жылға емес, алдағы 12 айға жасаған тиімді.</li><li style="text-align:justify;">Жарналарды ағымдағы айдан бастап төлеу керек.&nbsp;</li><li style="text-align:justify;">Жарналарды әр ай үшін жеке төлеу қажет (2024-2025 ж. ж. 4 250 теңгеден).</li><li style="text-align:justify;">Жарналарды кез келген банкте, АҚ «Қазпошта», төлем терминалдары немесе банктердің мобильді қосымшалары арқылы төлеуге болады</li></ul>Ресми түрде жұмыс істейтін адам 56 күндік ұзақ демалысқа шықты. «Сақтандырылған» мәртебесін сақтап қалу үшін МӘМС-ке жарнаны қалай төлейді?&nbsp;&nbsp;&nbsp;Сіздің жұмыс берушіңіз міндетті медициналық сақтандыру төлемдерін дұрыс бөлуі қажет. Егер демалыс бірнеше кезеңді (бір айдан астам) қамтитын болса, онда міндетті медициналық сақтандыру төлемдерін кезеңдерге бөлуі тиіс.&nbsp;Мысалы, сіз&nbsp;шілде&nbsp;және тамыз айларында демалыста болды делік.&nbsp; Бұл жағдайда есепші төлемдерді бір сомада емес, екі түрлі кезеңге (шілде және&nbsp;тамыз) есептеуі керек.&nbsp;

МӘМС жарналарын дербес төлеуші ретінде қалай төлеу керек?

<a href="https://kyzylorda-news.kz/">Kyzylorda-news.kz</a> Асаба, әзілкеш, Колобок лақап атымен танылған Елдос Кәдірханов әлеуметтік желідегі парақшасында әйелі Таңшолпан Шотаеваның жүктілігіне қатысты дауға пікір білдірді. Бұл туралы ол өзінің әлеуметтік парақшасында <a href="https://www.instagram.com/stories/eldos_kalabok/3673784642486458770/">жариялады.&nbsp;</a><blockquote>"Жақсылық істесең де жақпайды екен. Үндемей отыр едік, болмайды екен. Ертең бәрін айтамыз. Ешкімнің көңіліне, беделіне қарамаймыз. Бізді емдеген дәрігерімізден кешірім сұраймыз, оларға реніш жоқ. Жұмыстан шығып кетіп, қай клиникаға барады, сол клиниканы жарнамалаймын! Себебі олар – өте мықты дәрігер", – деді әзілкеш.</blockquote>Сонымен қатар ол ешкім хабарласып тоқтатпауын айтты.<blockquote>"Бүгінше жылап алайық, ертең ДІҢК ДІҢК деп сөйлегеннің көкесін көрсетеміз. Ешкім звондап тоқтатпай-ақ қойсын, телефонды алмаймыз", – деді ол.</blockquote>Фото: Скриншот

Архив