Қазгидромет Қазақстанның бірқатар аймақтарында дауылды ескерту жариялады. Cебебі республиканың оңтүстік облыстарында аптап ыстыққа байланысты&nbsp;өрт қаупі сақталады, ал солтүстік облыстарда жауын-шашын болады. Бұл туралы <a href="http://stan.kz/">Stan.kz</a> ақпарат агенттігі хабарлайды.&nbsp;Қызылорда облысында 7 маусымда Қызылорда облысының солтүстігінде, оңтүстігінде және орталығында найзағай ойнап, бұршақ жаууы мүмкін. Ал облыстың солтүстігі мен орталығында шаңды дауыл соғады. Желдің жылдамдығы секундына 15-20 метр. Төтенше өрт қаупі сақталады. Қызылордада күндіз найзағай, бұрқасын, шаңды дауыл, жел болады. Төтенше өрт қаупі сақталады.Фото: freepik.com

Қазгидромет дауылды ескерту жариялады

Шиелі ауданында «Таза Қазақстан» республикалық экологиялық акциясы аясында кезекті сенбілік жұмыстары өтті.Айта кетейік, аудан көлемінде өткен сенбілік жұмыстары барысында көшелер мен саябақтар, арықтар тазаланды. Одан бөлек көше бойындағы арам шөптер оталып, қоқыс қалдықтары арнайы орындарға шығарылды.Сенбілік жұмыстарына аудан орталығынан бөлек барлық ауылдық округтердің тұрғындары да қатысып, белсенділік танытты.Фото: Шиелі ауданы әкімдігінің баспасөз қызметі

Сенбілік жұмыстары жалғасын тапты

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен Дүниежүзілік қоршаған ортаны қорғау күніне орай жағажай аумағында тазалық іс-шарасы өтті. Іс-шараға аудандық мәслихат депутаттары, еңбек ардагерлері, мекеме және бөлім, азаматтық қорғау саласы қызметкерлері мен аудан тұрғындары қатысты.Аудан басшысы экологиялық іс-шараның мән-маңызына тоқталды.&nbsp;<blockquote>– Бүгінде Мемлекет басшысы Қасым-Жомарт Кемелұлы Тоқаевтың бастамасымен елімізде «Таза Қазақстан» экологиялық акциясы жүргізілуде. Осы ретте, Сыр өңірінде аймақ басшысы Нұрлыбек Машбекұлы Нәлібаевтың тапсырмасымен экологияны жақсарту бағытында үлкен шаралар қабылдануда. Қоршаған ортаны қорғау мақсатында аймағымызда тазалық акциялары мен сенбіліктер тұрақты өткізіліп келеді. Соның нәтижесінде өңіріміз таза аймақтар қатарынан көрінуде. Бұл бағытта аудан тұрғындары үлкен үлес қосуда. Осы жылдың өзінде ауданымызда бірнеше экологиялық акциялар мен ағаш отырғызу шаралары ұйымдастырылып, сенбіліктер апта сайын өткізілуде. Экологиялық ахуалды жақсарту мақсатында аймақ басшысының қолдауымен аудан орталығында тұрмыстық қатты қалдықтар тастайтын полигон пайдалануға берілді. Қазіргі таңда полигонда тазалық шаралары нәтижесінде жиналған қалдықтар өңделуде. Біздің әрқайсымыз табиғатқа деген жауапкершілікті сезінуіміз қажет. Таза ауа, жасыл желек пен таза су – біздің келешегіміз. Осы байлықты сақтап қалу үшін бәріміз қоршаған ортаны қорғауымыз қажет. Сіздерді табиғатты қорғауға, оны аялауға, болашақ ұрпаққа таза және сау табиғат қалдыруға шақырамын, – деді Берік Әбдіғаппарұлы.</blockquote>Экологиялық іс-шара барысында жағажай аумағына тазалық жұмыстары жүргізілді. Арнайы техникалармен қоқыстар тазартылып, демалыс орнындағы жабдықтар сырланды. Арнайы қайықпен көлдегі қалдықтар да тазартылды.

Сырдариялық тұрғындар экологиялық тазарту іс-шарасына қатысты 

Бүгінде Сырдария өзеніндегі су деңгейінің төмен болуына байланысты суды үнемдеп, егісті әртараптандыру бағытында бірқатар жұмыстар атқарылуда. Аталған мәселеге байланысты Қазалы ауданында Қазақстан Республикасының Су ресурстары және ирригация вице-министрі Нұрлан Алдамжаров келіп, аудандағы шаруашылық жетекшілері және су бөлімшелері мен ауыл шаруашылығы құрылымдарының басшыларымен кездесті.Вице-министрі Нұрлан Жанұзақұлы жұмыс сапары барысында аудан әкімі Мейрамбек Шермағанбет, «Арал-Сырдария» бассейндік инспекциясының басшысы Зейнулла Қазтоғанов және тиісті сала басшыларымен бірге Басықара ауылындағы Ә.Тыныбаев атындағы су торабы мен аудандағы күріш егумен айналысатын шаруашылық «Жалаңтөс батыр» ЖШС-нің егіс алқабына барды.Аудан әкімі вице-министрге биыл Қазалы ауданы бойынша 18245 жерге ауылшаруашылығы дақылдары, оның ішінде күріш дақылын 6436 гектар жерге орналастыру жоспарланғанын айтты. Алайда Сырдария өзеніндегі су деңгейінің төмендеуіне байланысты суды үнемдеу мақсатында күріш белгіленген жоспардан 800 гектарға кем, яғни 5636 гектарға орналастырылғанын жеткізді.Нұрлан Жанұзақұлы алдағы уақытта Сырдария өзеніндегі су деңгейі төмендеген жағдайда жоғары магистралды каналдардан арнайы насостар арқылы төменгі каналдарға су жіберу мақсатында тиісті жұмыстар жасалатындығын айтты. Сонымен қатар тиісті сала басшылары мен шаруашылық басшыларына мүмкіндігінше суды тиімді пайдаланып, тиісті өнімді алуға бірлесе жұмыс жасау керектігін жеткізді.Айта кетейік, бүгінде жалпы аудан бойынша күріш егумен 9 шаруашылық айналысады. Қазіргі таңда барлық шаруашылық бойынша егілген 5636 гектар күріш дақылының барлығы толықтай суға бастырылды.

Архив

Қазгидромет дауылды ескерту жариялады

Сенбілік жұмыстары жалғасын тапты

Сырдариялық тұрғындар экологиялық тазарту іс-шарасына қатысты

ҚР Су ресурстары және ирригация вице-министрі жұмыс сапарымен Сыр елінде