<a href="https://kyzylorda-news.kz/">Kyzylorda-news.kz</a> Ұлттық құрылтайдың бір ерекшелігі – ол жерде әлеуметтік-экономикалық бағыттан бөлек, иделогиялық әрі тәрбиелік маңызы жоғары тақырыптар талқыланады. Бұл туралы бүгін өтетін Ұлттық құрылтай аясында Мәжіліс депутаты Жұлдыз Сүлейменова мәлім етті.<blockquote>- Бүгін Мемлекет басшысы Қасым-Жомарт Тоқаевтың қатысуымен Ұлттық құрылтайдың төртінші отырысы өтеді. Еліміз үшін өте маңызды басқосу болады деп ойлаймын. Жалпы, осыған дейінгі үш құрылтайда біз шешімі қиын, 30 жылдан астам уақыт бойы қордаланған күрделі мәселелерді қарастырдық. Соның заңнамалық шешімін де, оның орындалуына қатысты қадамдарды қабылдадық. Қазір аталған шешімдердің дұрыс екені уақыт өте келе дәлелденді. Мәселен, лудоманияға қарсы күресте нақты шешімдер жасалды. Мемлекеттік қызметшілерге, әскерилерге құмар ойындарға баруына тыйым салынды. Сонымен қатар, үлкен үйлердің сыртындағы жарнамаларда ойын бизнесіне қатысты жарнама ілеуге де тыйым бар. Бұл шешімді қабылдау күрделі болғаны түсінікті, бірақ халық үшін керек шешім болды, - деді Ж. Сүлейменова тілшілер сұрағына жауап бере отырып.</blockquote>Оның айтуынша, әйелдердің құқықтарын қорғау мен балалардың қауіпсіздігін сақтау туралы заң біраздан бері көп талқыланған. Бұл ретте, денсаулыққа қасақана зиян келтіру, ұрып-соғу баптары қылмыс санатына жатқызылды. Осы заң қабылданғаннан кейін, оңтайлы өзгерістер байқалды.<blockquote>- Атап айтқанда, жастарды тәртіпке шақыру тұрғысында тиісті заңнамалық түзетулер болды. Буллинге қатысты әкімшілік құқықбұзушылық кодексінде арнайы жауапкершілік қарастырылды. Жаһандану заманында ұлттық құндылықтарымыз таразыға түскен кезде, өзіміздің құндылықтарымызды заңмен бекітуіміз қажет екенін толыққанды түсініп отырмыз, - деді депутат.</blockquote>Ж.Сүлейменова Ұлттық құрылтайдың отырыстарында көтерілген мәселелер аясында 10 заң жобасына бастамашылық жасалғанын, оның ішінде тоғыз құжат қабылданғанын еске салды.<blockquote>- 10-шы заң жобасы археологияға байланысты. Бұл ретте мәдени жәдігерлерімізді сақтау, археология саласының дамуына қатысты құжат Мәжілістің қарауына енгізілді. Осының бәрі - күрделі мәселелер. Ұлттық құрылтайдың бір ерекшелігі – ол жерде әлеуметтік-экономикалық бағыттан бөлек, иделогиялық әрі тәрбиелік маңызы жоғары тақырыптар талқыланады. Құрылтайда Президент Әкімшілігінің, Парламенттің, Үкіметтің, сондай-ақ азаматтық қоғам өкілдері және әрбір өңірдің азаматтары пікірлерін ортаға салып келеді. Бұл жерде барлығының пікірі тең дәрежеде, - деді ол.</blockquote>Депутаттың пайымынша, бүгінгі құрылтай отырысында еңбек адамына ерекше екпін қойылуы мүмкін.<blockquote>- Еңбек адамына қатысты мемлекеттік бағдарлама қабылданса екен деген үмітім бар. Кейінгі үш жылда еңбек адамына деген құрмет жайындағы тақырып көтеріліп келеді. Көше немесе әлеуметтік нысандардың тазалығына және басқа да ауқымды жұмыстарға еңбек адамдарының үлесі зор. Сондықтан еңбекті бағалау үшін осы адамдарға арналған мәртебесін ескеретін мемлекеттік бағдарлама қабылданған жөн. Екіншіден, ауыл мәселесі назардан тыс қалмайды деп санаймын. Үшіншіден, кітап мәселесі бар. Балалардың дамуына кітап оқытудың маңызы зор. Осы орайда балаларға пайдалы туындыларды кеңінен насихаттау керек. Жалпы, бұл бағытта кітап оқуға байланысты мемлекеттік бағдарлама қабылдау керек деп ойлаймын, - деді Жұлдыз Сүлейменова.</blockquote>Фото: Parlam.kz

Ұлттық құрылтайда көтерілген мәселелерге қатысты дұрыс шешім қабылданып келеді - депутат 

<a href="https://kyzylorda-news.kz/">Kyzylorda-news.kz</a> Қадірлі жерлестер!Баршаңызды Амал күнімен құттықтаймын!Көктемнің лебі сезілетін, елдің ырыс-ынтымағын, бір-біріне құрметін арттыратын айрықша мерекені жұртшылық асыға күтеді.Мемлекет басшысы Қасым-Жомарт Кемелұлы «Амал күні – халқымыздың ежелгі әдет-ғұрпын жаңғыртып, төл мәдениетіміздің ажырамас бөлігіне айналған бірегей дәстүріміз» деп атап өтті. Адамдардың бір-бірімен cәлемдесуі, жасы үлкендерге кішінің ізет көрсетіп, ілтипат білдіруі – ұлттық ерекшелігіміз ғана емес, ұрпақтар сабақтастығының, бауырмалдықтың жарқын көрінісі.Бүгін – «Амал келді! Жыл келді!» деп бір-бірін құттықтаған, бір дастарханнан дәм татқан ағайынның арасы жақындай түсетін күн. Бұл күн бізге туған жерімізді, халқымызды қадірлеуді, өткенді құрметтеп, бірлігімізді сақтап, болашаққа үмітпен қарап, сеніммен қадам басуға шақырады.Жанашырлық, қамқорлық, мейірім сияқты асыл қасиеттер дәріптелетін, ұрпақтар сабақтастығы салтанат құратын Амал күні құтты болсын!Баршаңызға зор денсаулық, ұзақ ғүмыр, бақ-береке тілеймін!Бірлігіміз бен ырыс-ынтымағымыз арта берсін!

Облыс әкімі Нұрлыбек Нәлібаевтың Амал күнімен құттықтауы

<a href="https://kyzylorda-news.kz/">Kyzylorda-news.kz</a> Бурабайда Президент Қасым-Жомарт Тоқаевтың қатысуымен Ұлттық құрылтайдың IV отырысы басталды.Жиында Мемлекет басшысы сөз сөйлейді. Сондай-ақ, Ұлттық құрылтай мүшелері қоғамдағы өзекті мәселелерге қатысты ұсыныстарын ортаға салады.Айта кету керек, құрылтайдың панельдік сессиялары кеше басталған. Ол секциялардың тақырыптары азаматтық қоғам, мәдениет, өнер, руханият, білім және ғылым, әлеуметтік-экономикалық даму мәселелерін қамтыды.Бұған дейін Мәдениет және ақпарат министрі Аида Балаева жиынның алғашқы күнінде айтылған ұсыныстар туралы&nbsp;мәлімет берген еді.&nbsp;Ал Ғылым және жоғары білім министрі Саясат Нұрбек Ұлттық құрылтайдың 4-отырысы аясында Қазақстан тарихының жаңа академиялық басылымы әзірленетінін айтты.Фото: Ақорда

Бурабайда Ұлттық құрылтайдың IV отырысы басталды  

<a href="https://kyzylorda-news.kz/">Kyzylorda-news.kz</a> Бүгін халқымыз қадір-қасиеті жоғалмаған Наурыз мерекесінің бастау алар сәтіне келіп, жұртшылық жаңа жылдың, жаңа күннің басталуына куә болып жатыр.14 наурыз «Көрісу күні» – қазақ халқының ұлттық дәстүрлерінің бірі, әсіресе Батыс аймақтарда кеңінен тойланатын мейрам. Бұл күні адамдар бір-бірімен амандасып, көрісіп, жаңа жылға аман-есен жеткеніне қуанып, ақжарма тілектерін арнайды.Көпшіліктің мейманасын тасытып, көңілін шалқытқан шуақты күннің басты шарасы бүгін Арал қаласының орталығында шымылдық түрді. Мереке «Жаңа өмір, жаңа жыл, жаңа күнмен көрісу» атты «Көрісу күні – Амал мерекесі» күніне арналған қойылым – концертпен басталды. Алдымен қаланың басты көшесімен жүріп, халқымыздың көшпелі мәдениетін кеңінен дәріптеген керуен орталық алаңға ойсып, жұртшылықпен көрісті.Орталықтың сәнін келтірген ақшаңқан үйлерде түрлі тақырыпқа сай, қазақы дәстүрге негізделген шаралар өтті. Арал ауданының әкімі Аманжол Оңғарбаев бастаған ауданның ардагерлері және зиялы қауым өкілдері әр киіз үйге бас сұғып, ел-жұртты мерекемен құттықтады.Қаз-қатар тігілген үйлерде бір мезетте «Наурыз-құт, береке бастауы» атты кең көлемді кітап көрмесінің таныстырылымы, Ет, сүт және нан өнімдерінің көрмесі, Жыраулар шоғырының «Көш керуені», «Құт болып кел еліме – Әз Наурызым!» атты театрландырылған қойылым концерт, Ұлттық спорт түрі тоғызқұмалақ ойынынан сайыс, «Жаңа өмір, жаңа жыл, жаңа күнмен көрісу», «Береке мен бірліктің бастауы» атты қойылым, халқымыздың ежелгі тұрмыс салтынан сыр шертетін мұражай таныстырылымы, «Құлақ тесу» дәстүрінің қойылымы және 14 наурыз – Көрісу күніне арналған «Көрісу - көңілдің кілті» атты қойылымдар өтті.Сан-алуан тақырыпқа негізделіп, игі дәстүрге айрықша сән беретін шараларды аудандағы түрлі мәденниет мекемелері мен дербес бөлімдер өткізеді.Айта кетейік, еліміздің тұрмыс-салты, әдеп-дәстүрімен ұштасатын айтулы мереке бүгінгі өткен іс-шаралармен қоса алғанда Наурызнама онкүндігіне сай алдағы он күн бойы аталып өтілетін болады.<img src="https://knadmin.beoblood.kz/uploads/1_Amal_merekesi_Aralda_ajry_sha_atalyp_tilude_44cb9aa607.jpg" alt="1 Амал мерекесі Аралда айрықша аталып өтілуде.jpg"><img src="https://knadmin.beoblood.kz/uploads/Amal_merekesi_Aralda_ajry_sha_atalyp_tilude_2161c7a5ac.jpg" alt="Амал мерекесі Аралда айрықша аталып өтілуде.jpg"><img src="https://knadmin.beoblood.kz/uploads/3_Amal_merekesi_Aralda_ajry_sha_atalyp_tilude_1b46ea3c3f.jpg" alt="3 Амал мерекесі Аралда айрықша аталып өтілуде.jpg">Фото: Арал ауданы әкімінің баспасөз қызметі

Амал мерекесі Аралда айрықша аталып өтілуде

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Гонконг білім беру университетінің (The Education University of Hong Kong) профессорлары Ю Сон Ли (Ju Seong Lee) және Норман В.Мендоза (Norman B.Mendoza) біліктілікті арттыру курсын өткізуде.Курстың мақсаты – қатысушылардың кәсіби дағдыларын жетілдіру, жаңа білім мен тәжірибе алуға мүмкіндік беру.Қатысуышларға жеке кеңес беріп, ҚР Ғылым және жоғары білім министрлігі ғылыми зерттеулер мен инновацияларды қолдау мақсатындағы гранттық қаржыландыруға ұсынылатын жобаларға бағыт-бағдар беруде.Айта кетейік, шетелдік ғалымдар 15 наурызға дейін университеттің профессор-оқытушыларына, докторанттар мен магистранттарға, мектеп мұғалімдеріне 72 сағат көлемінде біліктілікті арттыру курсы бойынша дәріс жүргізуде.

Гонконг білім беру университетінің ғалымдары өз тәжірбиелерімен бөлісті

<a href="https://kyzylorda-news.kz/">Kyzylorda-news.kz</a> Оңтүстікте ауа температурасы +19 градусқа дейін жылынса, елдің шығысында түнде әлі де 20 градустық аяз сақталады, деп хабарлайды <a href="https://baq.kz/20c-qay-onirlerde-kun-zhylidy-200009618/">BAQ.KZ.</a>Ал Қызылорда облысында ашық, жауын-шашынсыз, желдің жылдамдығы 7-12 м/с. Ауа температурасы түнде 0...+2°C, күндіз +14...+16°C.Фото: Нұрболат Нұржаубай

Қызылордада жауын-шашынсыз, күн ашық болады

<a href="https://kyzylorda-news.kz/">Kyzylorda-news.kz</a> Щучинскте IV Ұлттық құрылтайдың отырысы аясында секциялар басталды, деп хабарлайды <a href="https://baq.kz/biylgy-ulttyq-quryltayda-qanday-masele-koteriledi-200009536/">BAQ.KZ </a>тілшісі.Мәжіліс депутаты Максим Рожин атап өткендей, бұл - IV Құрылтай. Президент әрқашан Құрылтайдың еліміздің тарихында, руханиятында ерекше орны бар жерлерде өткізуді ұсынып келеді.<blockquote>Бүгін біз Бурабай өңіріне жиналып отырмыз. Құрылтай өзінің мақсатын орындайды деген ой бар. Өйткені әр құрылтайда әртүрлі көзқарастағы азаматтар жиналады. Бұл - пікір алуандылығы, өйткені түрлі көзқараста диалог арқылы белгілі бір шешімдер пайда болады деген сенім бар. Бұл жерге біройлы, біркелкі азаматтар жиналмайды. Тіпті кей жағдайда кейбір мәселелер бойынша азаматтарда қарама-қайшы пікірлер де пайда болады, - деді депутат.</blockquote>Ол бүгін өзі қатысатын секцияда қоғамның мәдени саласында өршіп жатқан мәселелер көтерілетінін атап өтті.<blockquote>Мен бүгін әдеп мәселесі жайлы айтқым келеді. Қоғамды, қоғам мүшесі ретінде өзімді қоғамда болып жатқан әдепсіз дүниелер алаңдатып отыр. Неге ондай жағдай туындап жатыр? Оны қалай шешуге болады? Осы сұрақтарды ортаға талқыға салғым келеді. Азаматтың қауіпсіздігіне, баланың мектептегі, қоғамдағы қауіпсіздігіне қатысты ойлар болады, - дейді Рожин.</blockquote>Депутат әдеп - ол фундамент екенін, сол себепті алдымен әдеп мәселесін көтеру орынды дейді.<blockquote>Мысалы, соңғы кездері жүргізушілердің көшеде төбелесіп қалуы, оқушылардың бір-бірін ұрып-соғуы. Мені бұл мәселелер алаңдатады. Өйткені менің балам мектепке барады, ертең менің балам көшеге шығады, қоғам мүшесі болады. Енді мен баламның әдепті болуы үшін жұмыс істеуім керек. Басқалары да солай жасауы керек. Оны қалай жасаймыз? Бәлкім, біз үйде тәрбие беріліп жатыр дейміз. Бірақ қоғамда осындай жағдайлар болады. Қайдан шығады? Неге болады? Біз қай жерден олқылық жібердік? Осыны көтергім келіп отыр, - деп ойын айтты Максим Рожин.</blockquote>Ол елімізде мәдениет үйлерін көбейту керек деп санайды. Себебі депутаттар өңірлерді аралағанда кейбір өңірлерде мәдениет ошақтарының жоқ екенін байқаған.<blockquote>Кейбір өңірлерде мәдениет үйлері әлі жоқ. Ауылды жерлерде балалардың не кітап оқитын жері жоқ. Президент айтқандай, мәдениет үйі концерт өтетін орынға ғана емес, жастар жиналып, түрлі бағыттағы жұмыстар жүргізілетін орындарға айналуы керек. Кейбір өңірлерде азаматтар оны әлі күтіп отыр. Ауылдарда тәрбие беретін қариялар да қалмады. Сол қарияларды мәдениет үйлеріне алып келу керек шығар, - деді ол.</blockquote>Рожин қазір ата-аналар баласын асырау үшін жұмыстан қолы босамай жүретініне назар аударды.Фото: Гүлжан Раманқұлова

Биылғы Ұлттық құрылтайда қандай мәселе көтеріледі?

<a href="https://kyzylorda-news.kz/">Kyzylorda-news.kz</a> Ауқымды рейд барысында елордалық полицейлер 34 жастағы ер адамды қолға түсірді. Ол өлген малдың етін өңдеп, жаңа сойылған ет ретінде саудалаған. Қазіргі уақытта өнім сараптамаға жіберілді. Бұл туралы <a href="https://www.instagram.com/maskara_news/#">maskara_news</a> инстаграм парақшасы хабарлады.&nbsp; Құқық қорғау органдары мал ұрлығы, заңсыз ет саудасы және ветеринариялық құжаттарды қолдан жасау фактілерін тексеруде. Әсіресе, қала шеттеріндегі базарлар, сою пункттері және ет тасымалдайтын көліктер қатаң бақылауда. Рейд кезінде «Еуразия-1» сауда орталығы мен «Күйгенжар» бекетінде қажетті құжаттары жоқ етті заңсыз тасымалдаудың үш жағдайы анықталды. Тексеру науқаны наурыз айының соңына дейін жалғасады. Сонымен қатар, полиция халықтың денсаулығына қауіп төндірмеу мақсатында түсіндіру жұмыстарын жүргізуде.Фото: freepik.com

Өлген малдың етін сатқан кәсіпкер ұсталды

<a href="https://kyzylorda-news.kz/">Kyzylorda-news.kz</a> 20 наурыз күні сағат 11:00–де Наурыз мейрамына орай барлық мектепте республикалық челлендж өтеді, деп хабарлайды Оқу-ағарту министрлігі.Шараның мақсаты&nbsp;— өскелең ұрпақтың бойында рухани-адамгершілік құндылықтарын қалыптастыру, патриотизмді нығайту, ұлттық мәдени мұраны сақтау және балалар арасында домбыра өнерін насихаттау.<blockquote>—&nbsp;Домбырашылар челленджі&nbsp;— бұл балалар, жастар, педагогтер мен ата-аналардың музыкалық шеберлігін танытатын және бүкіл елді домбыра үнімен біріктіретін ерекше шара. Оған барлық тілек білдіруші қатыса алады. 2023 жылдан бастап челлендж барлық білім беру ұйымдарында ұйымдастырылып келеді және ол&nbsp;маңызды мәдени оқиғаға айналды. Челлендж «Біртұтас тәрбие» бағдарламасы мен «Наурызнама» іс-шаралар жоспары аясында ұйымдастырылады,&nbsp;— дейді тәрбие жұмысы және қосымша білім беру департаментінің директоры Ерлан Қалмақов.&nbsp;</blockquote>Айта кетейік, Наурыз мейрамын мерекелеу 14-23 наурыз аралығында еліміздің барлық мектептерінде өтеді. Бұл күндері тақырыптық челлендждер, экологиялық акциялар және ұлттық ойындар бойынша жарыстар ұйымдастырылады.Фото: Оқу-ағарту министрлігі

Наурыз мерекесінде оқушылар бір мезгілде күй тартады

<a href="https://kyzylorda-news.kz/">Kyzylorda-news.kz</a> Шиелі ауданында банк өкілдерінің қатысуымен аудан тұрғындарына интернет алаяқтықтың алдын алу және құқықтық көмек көрсету туралы дөңгелек үстел өткізілді. Жиын аудан әкімінің орынбасары А.Алдабергеновтың төрағалығымен өтті.Шиелі аудандық полиция бөлімінің бастығы полиция подполковнигі Мұханов Болатхан Ниязханұлы интернет алаяқтықтан сақтанудың жолдары мен сақтық шараларын атап өтті. Оның айтуынша, интернет алаяқтары түрлі тәсілдермен жеке мәліметтерді ұрлап, тұрғындарды сан түрлі алаяқтық әрекеттерге тартуда. Болатхан Ниязханұлы тұрғындарды сақ болуға шақырды.Сонымен қатар, «HALYK BANK» АҚ Қызылорда филиалының орталық меңгерушісі Жаңабаев Ғани Өмірзақұлы,«Bereke Bank» АҚ Қызылорда филиалы директорының орынбасары Абдикаримова Меруерт Мұхитқызы және «KMF МҚҰ» АҚ Шиелі аудан бөлімшесінің директорының орынбасары Исмаилов Алишер өз баяндамаларында алаяқтықтарға алданып қалмаудың жолдары, алаяқтыққа қарсы заңнамалар және жазалау шаралары туралы тереңірек мағлұмат берді.Тұрғындарды интернет алаяқтықтың алдын алу үшін сақ болуға шақырамыз! Өйткені, алаяқтар өз қақпанына түсу үшін түрлі әдістерді пайдаланады. Қосымша ақпарат пен кеңестер алу үшін аудандық полиция бөліміне немесе банктердің өкілдеріне хабарласа аласыз.Алаяқтыққа қарсы бірге күресіп, қоғамда саналы, қауіпсіз ақпараттық орта қалыптастырайық!Фото: Шиелі ауданы әкімдігінің баспасөз қызметі

Интернет аляқтыққа қарсы жиын өтті

<a href="https://kyzylorda-news.kz/">Kyzylorda-news.kz</a> Қазақстанда енді жедел жәрдем мен полиция көлігін өткізбегендерге айыппұл салынады. Бұл туралы <a href="https://stan.kz/">Stan.kz</a> ақпарат агенттігі <a href="https://www.ktk.kz/kz/news/video/2025/03/13/292959/">КТК </a>телеарнасына сілтеме жасап хабарлайды.&nbsp;Осы айдан бастап бірқатар жол жүру ережелеріне өзгеріс енгізіледі. Енді жедел жәрдем мен полиция көлігін өткізбей,&nbsp;кедергі келтіргендерге 80 мың теңгеге дейін айыппұл салынбақ.&nbsp;Сондай-ақ жүріп келе жатқан көлікте басын шығарғандарға да&nbsp;40 мың теңгеге дейін айыппұл хаттамасы толтырылады.&nbsp;Дегенмен заңда жұмсартылған тұстар да бар. Мәселен, жол-көлік апатында кінәлі жүргізуші, ешкімнің өліміне себепкер болмаса, бұған дейін жүргізуші куәлігінен жарты жылға дейін айырылатын болса, енді 80 мың теңге айыппұл төлеп, жазадан құтыла алады.Жоғары палата депутаттары автомектептерге тексерісті күшейту керек деген пікірді ұстанады. Себебі, куәлікті оңды-солды таратқандардың кесірі жазықсыз адамның өмірін қиып жатыр.<blockquote>“Жол инфрақұрылымы әлі жолда апат болудан сақтауға дайын емес. Жолдарды жөндеуіміз керек. Екінші мәселе, жүргізушілердің дайындығын дамыту керек, басқаша тәсілмен. Бүгінде жүргізуші куәлігін алу рәсімі өте жеңіл”, –&nbsp;дейді сенат депутаты&nbsp;Марат Қожаев.&nbsp;</blockquote>Фото: Нұрболат Нұржаубай

Қазақстанда енді жедел жәрдем мен полиция көлігіне жол бермегендерге айыппұл салынады

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев «AMANAT» партиясы Арал аудандық филиалы ғимаратында аудан тұрғындарын жеке мәселелері бойынша қабылдап, ұсыныс-пікірлеріне құлақ түрді.Аудан басшысының қабылдауында болған азаматтар өздерін толғандырған мәселелерін жеткізді. Қабылдауға келгендердің дені жұмыссыздық мәселесін алға тартса, бірқатар тұрғындар жер, үй және әлеуметтік мәселесімен жүгінді.Қабылдау барысында аудан әкімі Аманжол Сақыпұлы әрбір тұрғынның жеке мәселесін тыңдап, бірқатарына заңдылыққа сәйкес жауап берді. Сонымен бірге бірқатар жұмыс сұраушыларға аудан бойынша бос жұмыс орындары ұсынылып, кейбір мәселелер бойынша тиісті бөлім басшыларына тапсырмалар жүктелді.Фото: Арал ауданының әкімінің баспасөз қызметі

Архив