<a href="https://kyzylorda-news.kz/">Kyzylorda-news.kz</a> Президент салтанатты іс-шараға жиналған барша қауымды көктем мерекесімен шын жүректен құттықтап, әлемге сүйіспеншілікпен қарайтын, жан-жағына жақсылық шарапатын сыйлап жүретін әйелдер қауымына жылы лебізін жеткізді.<blockquote>– «Әйел бір қолымен бесікті тербетсе, бір қолымен әлемді тербетеді» деген сөз бекер айтылмаған. Әйел – шаңырақтың шырағы, ұлттың ұйытқысы. Ана – тіршілік пен берекенің бастауы, адамзат бойындағы &nbsp;бар ізгіліктің қайнар көзі. Ананың аялы алақаны мен шексіз мейірімі әр үйге жылылық береді. Салт-дәстүріміз бен ана тіліміздің бүгінгі күнге жетуі де, ең алдымен, аналардың арқасы. Өмірдің мәні де, тіршіліктің сәні де – сіздер! Сондықтан, бүгінгі мейрамда барша ер-азаматтар өздеріңізге ақ тілегін арнап, ықылас-ілтипатын білдіріп жатыр. Солардың ішінде мен де Мемлекет басшысы ретінде әйелдерге тілегімді, лебізімді айтып тұрмын, – деді Қасым-Жомарт Тоқаев.</blockquote>Мемлекет басшысы халқымызда ерлік пен елдіктің туын биік ұстаған арулар аз емес екенін алға тартып, олардың есімі ел шежіресіне алтын әріппен жазылғанын айтты.<blockquote>– Тұмар мен Бопай ханымдардың, Домалақ ана, Зере және Ұлпан аналардың, Әлия, Мәншүк, Хиуаз секілді батыр қыздарымыздың аты ел жадында. Сіздерді ақылы мен ажары, даналығы мен даралығы келіскен қазақ әйелінің ізбасары деуге болады. Әйелдер қауымы күрделі кезеңдерде аянбай еңбек етті, Отанымыздың өсіп-өркендеуіне белсене атсалысты. Ұрпақ тәрбиесі – ұлт тәрбиесі. Бүгінде сіздер санасы сергек, ойы азат ұрпақ өсіріп, Отанымыздың өркен жаюына айрықша үлес қосып келесіздер. Қазақстанның сан түрлі салада жетістікке жетуіне қыз-келіншектеріміз мол еңбек сіңіруде. Бүгін Ақордаға шақырылған әйелдер арасында Отанымызға әр салада еңбек сіңірген білікті мамандар бар. Мен баршаңызға зор алғыс айтамын! – деді Президент.</blockquote>Қасым-Жомарт Тоқаевтың пікірінше, аналары алаңсыз қоғамда балалар да бақытты өмір сүреді. Бұл ретте Президент елімізде әйелдердің құқығын қорғау, оларды қолдау бағытында жүргізіліп жатқан игі істерге айрықша тоқталды.<blockquote>– Ана мен баланың жағдайы дұрыс болса, әлеуметтің жағдайы да дұрыс болады. Сондықтан болашағын ойлаған ел, ең алдымен, әйелдердің жағдайын жақсартуды ойлайды. Мемлекетіміз әйелдерді барынша қорғауға және жан-жақты қолдауға баса мән береді. Осы бағытта нақты жұмыстар атқарылып жатыр. Менің тапсырмаммен отбасы институтын нығайтуды көздейтін маңызды шаралар қабылданды. Барлық аймақта қиын жағдайға тап болған отбасыларға қолдау көрсететін орталықтар ашылып жатыр. Көп балалы аналарды қолдаудың ұлттық моделі қалыптасты. Соның арқасында жыл өткен сайын көп балалы отбасылардың саны артып келеді, – деді Мемлекет басшысы.</blockquote>Президент қазір әйелдер түрлі салада табысты еңбек етіп жүргенін атап өтті.<blockquote>– Мемлекеттік қызметшілердің жартысынан көбі – әйелдер. Білім беру, денсаулық сақтау саласындағы мамандардың 70 пайыздан астамы да – әйелдер қауымы. Сондай-ақ олар төтенше жағдайлар, қорғаныс және құқық қорғау органдарында табысты жұмыс істеп жүр. Көптеген әйелдер лауазымды қызметтер атқарады, Сіздердің араларыңызда да табысты басшылар аз емес. Қыз-келіншектер бизнесте де жетістікке жетіп жүр. Бойларыңыздағы мақсаткерлік пен жасампаздық қуаты ең батыл бастамаларыңызды жүзеге асыруға көмектесіп келеді. Берік азаматтық ұстанымдарыңызды танытып, қоғамдық жұмысқа да жан-жақты атсалысасыздар. Маңызды бастамалар мен халыққа қажетті әлеуметтік жобаларды іске асырып жүрсіздер. Қай іспен айналыссаңыздар да жауапкершілікпен қарап, ұдайы оң нәтижеге қол жеткізіп келесіздер. Әлемдік додаларда топ жарып, еліміздің абыройын асқақтатып жүрген аруларымыз да бар. Біз қажырлы еңбегімен, ерен ерлігімен танылған қыз-келіншектерді мақтан тұтамыз. Тәуелсіздік жылдары өз саласының үздігі атанған 8 әйелге «Қазақстанның Еңбек Ері» атағы берілді, – деді Мемлекет басшысы.</blockquote>Осы орайда Президент биыл елімізде «Жұмысшы мамандықтары жылы» деп жарияланып, білікті мамандардың мәртебесін көтеру үшін белсенді жұмыс жүргізіліп жатқанына назар аударды.<blockquote>– Мысалы, мемлекеттік марапаттар жүйесіне жаңадан тоғыз құрметті атақ енгізілді. Бүгін осындай екі марапатты алғаш рет тапсырылады. «Қазақстанның еңбек сіңірген құрылысшысы» атағы еңбек ардагері Ольга Шелудькоға беріледі. Ал өндіріс озаты Майра Ерманова «Қазақстанның еңбек сіңірген өнеркәсіп қайраткері» атанып отыр. Осындай нағыз еңбек адамдарына бүкіл ел болып құрмет көрсетіп, оларды жан-жақты дәріптеуіміз керек. Жұмысшы мамандықтары жылының түпкі мәні де – осы, – деді Қасым-Жомарт Тоқаев.</blockquote>Салтанатты жиында Мемлекет басшысы еліміздің дамуына елеулі еңбек сіңірген, өз саласында жоғары жетістікке жеткен бір топ әйел азаматқа мемлекеттік наградалар табыстады.Фото: Ақорда

Мемлекет басшысы әйелдер қауымына жылы лебізін білдірді

<a href="https://kyzylorda-news.kz/">Kyzylorda-news.kz</a>&nbsp; Облыстық дене шынықтыру, спорт және туризм басқармасының басшысы Бахтияр Ғарифоллаұлы басқармадағы нәзік жандыларды 8 наурыз – Халықаралық әйелдер күнімен құттықтап, арнайы алғыс хат пен сыйлықтар табыстады.Басқарма басшысы өз сөзінде спорт және туризм саласын дамытуда ару қыздардың қажырлы еңбегі мен жемісті жұмысына өз ризашылығын білдіріп, ізгі тілегін арнады. Сондай-ақ, алдағы уақытта да нәтижелі еңбек ететіндеріне сенім білдірді.Мереке құтты болсын, құрметті арулар!Фото: Қызылорда облысының дене шынықтыру, спорт және туризм басқармасы

Ару қыздар құрмет төрінде

<a href="https://kyzylorda-news.kz/">Kyzylorda-news.kz</a>&nbsp; Достық үйінде 8 наурыз – Халықаралық әйелдер күніне арналған салтанатты шара мерекелік көңіл-күйде өтті. Шараға этномәдени бірлестіктердің төрағалары, облыстық Қазақстан халқы Ассамблеясы жанындағы құрылым төрағалары мен мүшелері қатысты.Мерекелік жиында облыстық қоғамдық даму басқармасының басшысы Каюпов Руслан Мұхамедәліұлы сөз сөйлеп, барлық қатысушыларды Халықаралық әйелдер күнімен және Қазақстан халқы Ассамблеясының 30 жылдық мерейтойымен құттықтады. Ол әйелдер қауымының қоғамдағы маңызды рөлін атап өтіп, олардың еңбек жолындағы жетістіктерін жоғары бағалауға шақырды.Құттықтау сөздерімен облыстық татар этномәдени бірлестігінің жетекшісі Галия Гизатуллина мен облыстық ҚХА жанындағы Аналар кеңесінің төрағасы Айгүл Мұсабаева да бөлісті.Мереке аясында әндер шырқалып, аналарға арналған жылы тілектер айтылды. Қатысушылар кеш соңында естелік суретке түсіп, бір-біріне жүрекжарды тілектерін жеткізді.

Шұғылалы көктемде мерекелік кездесу өтті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев 8 наурыз - Халықаралық әйелдер күні мерекесіне орай жұмысшы мамандық иелерін қабылдап, аймақ басшысының арнайы құттықтауын жеткізіп, сый-құрмет көрсетті.Еркін форматта өрбіген емен-жарқын жүздесуде аудан әкімі қоғам қажетіне жарап, түрлі саланың шылбырын қаққан нәзік жанды арулардың еңбектерін ерекше бағалайтынын жеткізді.<blockquote>– Мемлекет басшысының Жарлығымен биылғы жыл – «Жұмысшы мамандықтар жылы» болып жарияланды. Елімізде жұмысшы мамандықтары кеңінен дәріптеліп, қоғамда еңбекқор және нағыз маман болу идеясы насихатталуда. Біз де өзінің табысын маңдай терімен табатын, өздеріңіздей еңбек адамдарын әрдайым жоғары бағалаймыз. Нәзік жанды бола тұра, біріңіз - балық шаруашылығында, біріңіз - тұз өндірісінде, темір жол, пошта торабы, газет тасымалдаушы сынды өзге де салаларда ер азаматтармен иық тірестіре еңбек етіп келесіздер. Адал әрі табанды еңбегімен табысқа жеткен адамдар қашанда құрметті, сыйлы болуы керек, – деді аудан басшысы А.Оңғарбаев.</blockquote>Аяулы жандарға деген құрмет мұнымен шеткелген жоқ. Туған жердің дамуына сүбелі үлес қосып келе жатқан нәзік жандылар мерекелік басқосуда аудан әкімінің Құттықтауымен марапатталды. Аналарға арналған әсем ән жолданып, арнайы гүл шоқтары тарту етілді.Басқосу соңында құрметке бөленген іскер әйелдер қауымы ерекше ризашылықтарын білдіріп, еңбек майданындағы өзге де нәзік жандыларды мерекемен құттықтады.Жан жадыратар шуақты мереке қарсаңындағы іс-шаралар легі мұнымен шектеліп қалмайды. Түрлі салаларда айшықты мұзмұнға ие мереке өз мәнінде аталып өтіліп, нәзік жандыларға айрықша құрмет көрсетілетін болады.<img src="https://knadmin.beoblood.kz/uploads/Zh_mysshy_mamandy_ielerin_marapattau_1074531ce6.jpg" alt="Жұмысшы мамандық иелерін марапаттау.jpg">Фото: Арал ауданы әкімдігі

Арал: Аудан әкімі жұмысшы мамандық иелерін құттықтады

<a href="https://kyzylorda-news.kz/">Kyzylorda-news.kz</a>&nbsp; Әлеуметтік сақтандыру қоры заңсыз жолмен көп мөлшерде декреттік төлем алған әйелдерге қатысты қылмыстық істің барысы туралы айтты. Бұл туралы <a href="https://stan.kz/">Stan.kz</a> ақпарат агенттігі <a href="https://www.youtube.com/watch?v=zDSXPRkrNIw">Жетінші арнаға</a> сілтеме жасап хабарлайды.&nbsp;Бұған дейін 113 қазақстандық әйелдің үстінен декреттік төлемдерге байланысты алаяқтық әрекеттері үшін <a href="https://stan.kz/aleumettik-tolemderdi-koldan-kobeytip-algan-kazakstandi-414460/">қылмыстық іс қозғалған еді.&nbsp;</a>Әлеуметтік сақтандыру қорының мәліметінше, 2024 жылы жүкті әйелдер арасында бірнеше жұмыс беруші&nbsp;табу үрдісі көбейген. Схема қарапайым: болашақ аналар ресми табыстарын күрт көбейтіп, үлкен жәрдемақы&nbsp;алуға әрекет еткен. Мысалы, бір кәсіпкер 30 жүкті әйелге&nbsp;құжат жасап&nbsp;берген.&nbsp;“Сот барысында егер бұл іске қатысы бар адамдар, яғни осы әрекеттерді жүзеге асырған жеке кәсіпкерлер немесе ауыл шаруашылығы қожалықтары анықталса, және олардың арасында жалған еңбек келісімшарттарын жасағандар болса, онда барлығы заңды бұзғаны үшін өз жазасын алады”, –&nbsp;дейді&nbsp;әлеуметтік сақтандыру қорының өкілі Гүлбағила Болатбекова.Әлеуметтік сақтандыру қорының мәліметі бойынша, әйелдер көбінесе осындай алаяқтық әрекеттермен миллион теңге көлемінде табыс туралы құжаттар ұсынған, ал кейін төрт жарым миллион теңгеге жуық төлем алған.&nbsp;Ал 1500 әйел, төлемдерді тағайындау кезінде, табысын жасанды түрде көтергендерін мойындаған. Осылайша, бюджеттің үш миллиард теңгеден астам қаражаты үнемделген.“Бұл азаматшалардың әрекеттері қылмыстық кодекстің 190-бабының екінші бөлігі бойынша саралануы мүмкін. Неліктен? Себебі, жалған анықтамалар мен құжаттар, негізсіз ақша аударымдары жасалған. Бұл бап бойынша 400 АЕК дейін айыппұл салу, бостандығын шектеу,&nbsp;сондай-ақ төрт жылға дейін бас бостандығынан айыру жазасы да бар”, –&nbsp;дейді адвокат Жандос Тұяқов.&nbsp;Адвокаттың айтуынша,&nbsp;егер әйелдер өз кінәсін мойындап, келтірілген зиянды өтесе, сондай-ақ, кішкентай балаларының бар екенін&nbsp;сот жазаны&nbsp;жеңілдетуі мүмкін.&nbsp; &nbsp;

Заңсыз жолмен жоғары декреттік төлем алған 113 әйел: Әлеуметтік сақтандыру қоры қылмыстық істің барысы туралы айтты

<a href="https://kyzylorda-news.kz/">Kyzylorda-news.kz</a>&nbsp; 8 наурыз – халықаралық әйелдер күні қарсаңында партия филиалының төрағасы Ибадулла Дүйсенбайұлы Құттықожаев белсенді партияластармен кездесті. Басқосуда филиал төрағасы өткен жылы партия бастамасымен қолға алынып, жемісті нәтиже көрсеткен бірқатар жобалардың іске асуына тоқталды.&nbsp; Партия тарапы азаматтардың әл ауқатын арттыру мақсатында «Қарызсыз қоғам», «Бақытты отбасы», «Кедергісіз келешек», «Құқықтық көмек» жобаларын қарқынды жүргізуде. Бұл өз кезегінде тұрғындарға қолайлы орта қалыптастыру, қаржылық сауаттылығын арттыру, тегін заңгерлік кеңестер мен әлеуметтік көмек түрлерін көрсетуде маңыздылығын айқын көрсетті.Халықаралық әйелдер күні қарсаңында партия филиалының төрағасы нәзік жанды аруларға белсенді қызметі үшін алғысын білдіріп, &nbsp;партия атынан марапат табыстады.&nbsp; &nbsp;Биылғы мереке қарсаңында партия тарапы Мемлекет басшысының бастамасымен қолға алынған «Жұмысшы маман» иелерінің еңбегін ескеріп, қоғамға дәріптей отырып, марапат төріне шығарды.&nbsp; &nbsp; Бүгінде қаламызда 13 мыңға жуық партияластарымыз болса соның 9 000-ы нәзік жанды арулар. Қоғамдық негізі бар бастамаларда белсенділік танытып жүрген партияластарымыз мереке қарсаңында ізгі лебізін білдіріп, &nbsp;алғыстарын жеткізді.<img src="https://knadmin.beoblood.kz/uploads/1_Haly_araly_jelder_k_nine_oraj_belsendi_partiya_m_sheleri_marapattaldy_0dbfb88b0a.jpg" alt="1 Халықаралық әйелдер күніне орай белсенді партия мүшелері марапатталды.jpg">

Халықаралық әйелдер күніне орай белсенді партия мүшелері марапатталды

<a href="https://kyzylorda-news.kz/">Kyzylorda-news.kz</a> Аймақта инвестициялық жобаларды жүзеге асыру және өңір экономикасын дамыту жұмыстары қарқынды жүргізілуде. Облыста инвестициялық ахуалды жақсарту, жаңа өндіріс орындарын ашу және инфрақұрылымды дамыту бағытында кешенді шаралар жүзеге асырылып жатыр. Сонымен қатар, өңірге шетелдік және отандық инвесторларды тарту мақсатында жүйелі жұмыстар жүргізілуде.Бұл туралы&nbsp;Өңірлік коммуникациялар қызметінің ақпарат алаңында облыс әкімінің орынбасары Ардақ Зебешев айтты.<blockquote>– Алдағы бесжылдықта 86 инвестициялық жобаны іске асыру жоспарланып отыр. Өңірлік штабтың отырыстарында әрбір жобаға қатысты туындаған мәселелер талқыланып, оларды шешу бағытында тиісті шаралар қабылдануда. Былтырғы жылы 21 жоба іске қосылып, 411 жаңа жұмыс орны ашылды. Солардың ішінде ең ірі жобалардың бірі – Қорқыт Ата әуежайының жаңа жолаушылар терминалының ашылуы. Бұл өңірдің көлік-логистикалық әлеуетін арттырып, әуе қатынасын жақсартуға мүмкіндік береді. Әуежайды одан әрі дамыту мақсатында вьетнамдық «Sovico Group» компаниясымен Қорқыт Ата халықаралық әуежайын сенімгерлік басқаруға беру бойынша келіссөздер жүргізілуде. Егер келісім жүзеге асса, бұл әуежайдың қызмет көрсету сапасын жақсартып, жаңа халықаралық бағыттардың ашылуына ықпал етуі мүмкін. Жалпы, қолға алынған инвестициялық жобалар өңір экономикасының өсуіне, жаңа жұмыс орындарының құрылуына және халықтың әл-ауқатын жақсартуға бағытталған маңызды қадамдар болып табылады, –&nbsp;деді, Ардақ Темірханұлы.</blockquote>Сондай-ақ, жаңа перспективалық мұнай-газ кен орындарын анықтау және энергетикалық әлеуетті арттыру бағытындағы зерттеулер жалғасуда.<blockquote>– Былтырғы жылы Арал шөгінді бассейнінің екі учаскесінде кешенді зерттеу жұмыстары аяқталып, нәтижесінде 1,1 млрд тонна көмірсутек қоры бар екені анықталды. Бұл өңірдің энергетикалық әлеуетін арттыруға мүмкіндік беретін маңызды жаңалық. Сонымен қатар, биыл Сырдария бассейінін зерттеу жұмыстары басталады. Осы мақсатта қажетті бұрғылау жабдықтары жеткізіліп, далалық жұмыстарға кірісу жоспарланған. Бұл зерттеулер аймақта жаңа кен орындарының ашылуына жол ашып, болашақта мұнай-газ саласын дамытуға серпін береді. Бұдан бөлек, «Саутс Ойл» компаниясы «Құмкөл» кен орнында орналасқан қиын өндірілетін тақтатас мұнайын дәстүрлі емес тәсілдермен өндіру жобасын іске асыруда. Қазіргі таңда жобалау жұмыстары жүріп жатыр, ал биылдың өзінде өндірісті бастау жоспарланған. Бұл әдіс жаңа технологияларды қолдану арқылы мұнай өндіру көлемін арттыруға мүмкіндік береді. Жалпы, жүргізіліп жатқан зерттеулер мен жобалар аймақтың мұнай-газ саласын дамытуға, жаңа кен орындарын игеруге және өңір экономикасын нығайтуға бағытталған маңызды қадамдар болып табылады, –&nbsp;деді, Ардақ Темірханұлы.</blockquote>Өткен жылы Мемлекет Басшысының Катарға жасаған ресми сапарының нәтижесінде Қызылорда облысында қуаттылығы 1 100 МВт болатын бу-газ қондырғысының құрылысы қолға алынды.<blockquote>– Жобаны жүзеге асыру үшін облыс әкімдігі 280 гектар жер телімін резервке алды, оның 100 гектары газ-электр станциясының құрылысына арналса, қалған бөлігі болашақ перспективалық жобаларды іске асыру үшін белгіленген. Аталған жоба аймақтың энергетикалық әлеуетін нығайтып, электр энергиясына деген сұранысты қамтамасыз етуге ықпал етеді. Аймақ басшысы Үкімет және тиісті министрліктермен бірлесіп жұмыс істей отырып, инвестициялық жобалардың тұрақты жүзеге асырылуын бақылауда ұстап, туындаған мәселелерді шешуге белсенді атсалысуда. Бұл өз кезегінде өңірге тартылатын инвестиция көлемін ұлғайтып, экономикалық дамуға серпін береді,&nbsp;– деді Ардақ Темірханұлы.</blockquote>Фото: Өңірлік коммуникациялар қызметі

Алдағы бесжылдықта 86 инвестициялық жоба іске асырылмақ

Фото: akorda.kz<a href="https://kyzylorda-news.kz/">Kyzylorda-news.kz</a>&nbsp; Президент салтанатты іс-шараға жиналған барша қауымды көктем мерекесімен шын жүректен құттықтап, әлемге сүйіспеншілікпен қарайтын, жан-жағына жақсылық шарапатын сыйлап жүретін әйелдер қауымына жылы лебізін жеткізді.<blockquote>– «Әйел бір қолымен бесікті тербетсе, бір қолымен әлемді тербетеді» деген сөз бекер айтылмаған. Әйел – шаңырақтың шырағы, ұлттың ұйытқысы. Ана – тіршілік пен берекенің бастауы, адамзат бойындағы &nbsp;бар ізгіліктің қайнар көзі. Ананың аялы алақаны мен шексіз мейірімі әр үйге жылылық береді. Салт-дәстүріміз бен ана тіліміздің бүгінгі күнге жетуі де, ең алдымен, аналардың арқасы. Өмірдің мәні де, тіршіліктің сәні де – сіздер! Сондықтан, бүгінгі мейрамда барша ер-азаматтар өздеріңізге ақ тілегін арнап, ықылас-ілтипатын білдіріп жатыр. Солардың ішінде мен де Мемлекет басшысы ретінде әйелдерге тілегімді, лебізімді айтып тұрмын, – деді Қасым-Жомарт Тоқаев.</blockquote>Мемлекет басшысы халқымызда ерлік пен елдіктің туын биік ұстаған арулар аз емес екенін алға тартып, олардың есімі ел шежіресіне алтын әріппен жазылғанын айтты.<blockquote>– Тұмар мен Бопай ханымдардың, Домалақ ана, Зере және Ұлпан аналардың, Әлия, Мәншүк, Хиуаз секілді батыр қыздарымыздың аты ел жадында. Сіздерді ақылы мен ажары, даналығы мен даралығы келіскен қазақ әйелінің ізбасары деуге болады. Әйелдер қауымы күрделі кезеңдерде аянбай еңбек етті, Отанымыздың өсіп-өркендеуіне белсене атсалысты. Ұрпақ тәрбиесі – ұлт тәрбиесі. Бүгінде сіздер санасы сергек, ойы азат ұрпақ өсіріп, Отанымыздың өркен жаюына айрықша үлес қосып келесіздер. Қазақстанның сан түрлі салада жетістікке жетуіне қыз-келіншектеріміз мол еңбек сіңіруде. Бүгін Ақордаға шақырылған әйелдер арасында Отанымызға әр салада еңбек сіңірген білікті мамандар бар. Мен баршаңызға зор алғыс айтамын! – деді Президент.</blockquote>Қасым-Жомарт Тоқаевтың пікірінше, аналары алаңсыз қоғамда балалар да бақытты өмір сүреді. Бұл ретте Президент елімізде әйелдердің құқығын қорғау, оларды қолдау бағытында жүргізіліп жатқан игі істерге айрықша тоқталды.<blockquote>– Ана мен баланың жағдайы дұрыс болса, әлеуметтің жағдайы да дұрыс болады. Сондықтан болашағын ойлаған ел, ең алдымен, әйелдердің жағдайын жақсартуды ойлайды. Мемлекетіміз әйелдерді барынша қорғауға және жан-жақты қолдауға баса мән береді. Осы бағытта нақты жұмыстар атқарылып жатыр. Менің тапсырмаммен отбасы институтын нығайтуды көздейтін маңызды шаралар қабылданды. Барлық аймақта қиын жағдайға тап болған отбасыларға қолдау көрсететін орталықтар ашылып жатыр. Көп балалы аналарды қолдаудың ұлттық моделі қалыптасты. Соның арқасында жыл өткен сайын көп балалы отбасылардың саны артып келеді, – деді Мемлекет басшысы.</blockquote>Президент қазір әйелдер түрлі салада табысты еңбек етіп жүргенін атап өтті.<blockquote>– Мемлекеттік қызметшілердің жартысынан көбі – әйелдер. Білім беру, денсаулық сақтау саласындағы мамандардың 70 пайыздан астамы да – әйелдер қауымы. Сондай-ақ олар төтенше жағдайлар, қорғаныс және құқық қорғау органдарында табысты жұмыс істеп жүр. Көптеген әйелдер лауазымды қызметтер атқарады, Сіздердің араларыңызда да табысты басшылар аз емес. Қыз-келіншектер бизнесте де жетістікке жетіп жүр. Бойларыңыздағы мақсаткерлік пен жасампаздық қуаты ең батыл бастамаларыңызды жүзеге асыруға көмектесіп келеді. Берік азаматтық ұстанымдарыңызды танытып, қоғамдық жұмысқа да жан-жақты атсалысасыздар. Маңызды бастамалар мен халыққа қажетті әлеуметтік жобаларды іске асырып жүрсіздер. Қай іспен айналыссаңыздар да жауапкершілікпен қарап, ұдайы оң нәтижеге қол жеткізіп келесіздер. Әлемдік додаларда топ жарып, еліміздің абыройын асқақтатып жүрген аруларымыз да бар. Біз қажырлы еңбегімен, ерен ерлігімен танылған қыз-келіншектерді мақтан тұтамыз. Тәуелсіздік жылдары өз саласының үздігі атанған 8 әйелге «Қазақстанның Еңбек Ері» атағы берілді, – деді Мемлекет басшысы.</blockquote>Осы орайда Президент биыл елімізде «Жұмысшы мамандықтары жылы» деп жарияланып, білікті мамандардың мәртебесін көтеру үшін белсенді жұмыс жүргізіліп жатқанына назар аударды.<blockquote>– Мысалы, мемлекеттік марапаттар жүйесіне жаңадан тоғыз құрметті атақ енгізілді. Бүгін осындай екі марапатты алғаш рет тапсырылады. «Қазақстанның еңбек сіңірген құрылысшысы» атағы еңбек ардагері Ольга Шелудькоға беріледі. Ал өндіріс озаты Майра Ерманова «Қазақстанның еңбек сіңірген өнеркәсіп қайраткері» атанып отыр. Осындай нағыз еңбек адамдарына бүкіл ел болып құрмет көрсетіп, оларды жан-жақты дәріптеуіміз керек. Жұмысшы мамандықтары жылының түпкі мәні де – осы, – деді Қасым-Жомарт Тоқаев.</blockquote>Салтанатты жиында Мемлекет басшысы еліміздің дамуына елеулі еңбек сіңірген, өз саласында жоғары жетістікке жеткен бір топ әйел азаматқа мемлекеттік наградалар табыстады.

Мемлекет басшысы Халықаралық әйелдер мерекесімен құттықтады

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімдігі жанындағы құқық бұзушылық профилактикасы жөніндегі ведомствоаралық комиссияның отырысы өтті. Оған аудан әкімі Аманжол Оңғарбаев төрағалық етіп, жоспарға сәйкес бекітілген күн тәртібіндегі мәселеге қысқаша тоқталып өтті.Мәселе өте маңызды. Себебі, қоғамдағы өзекті мәселелерінің бірі – бас бостандығынан айыру орындарынан шыққан адамдарды әлеуметтік бейімдеу, жұмысқа орналастыру және олардың әрі қарай қоғамға сіңісіп кетуі. Пробацияның негізгі мақсаты да олардың білім алуына, кәсіп түрлерін игеруіне, жұмысқа орналасуына, емделуіне және құқықтық кеңестермен қамтамасыз етілуіне көмек көрсету. Себебі, ел арасында қылмыс жасап, өзін қоғамға қажетсіз сезініп, алдағы өмірінен үміт үзгендер аз емес.Жиында бұрын сотты болғандарды, оның ішінде пробациялық бақылау есебінде тұратын азаматтарды әлеуметтік көмек көрсету бойынша 2024 жылы атқарылған шаралар туралы Арал аудандық пробация қызметі бөлімшесінің бастығы Серік Сейталиев және Арал аудандық жұмыспен қамту және әлеуметтік бағдарламалар бөлімінің басшысы Ғалия Тоғысова хабарлама жасады.Аудан бойынша 2024 жылдың қорытындысымен қылмыстылық жағдай өткен жылмен салыстырғанда - 9,6 пайызға азайған. Оның ішінде, бұрын сотты болғандармен жасалған қылмыс 2024 жылы 2,5 пайызға аз. Дегенмен пробация қызметінің есебінде бақылауда тұрған азаматтардың кейбірі ауыр санаттағы қылмыс жасаған. Бұл өз кезегінде есепте тұрған жазасын өтеушілерге лайықты деңгейде бақылаудың болмағандығын байқатады. Аудан әкімі осы және өзге де мәселелер бойынша баяндамашыларға сауал жолдап, атқарылған жұмыстарды жан-жақты саралады.Жазасын өтеп, қатесін түсінгендерге қоғамда қай уақытта да қолдау бар. Ал, оларды түзеу, тәрбиелеу, көмек көрсету арнайы орындардың басты міндеті болып табылады. Солай бола тұра кейбір тиісті мекемелер тарапынан есепте тұрған азаматтармен лайықты жұмыс жүргізілмеген. Өзге де кемшіліктерді назарға алған аудан әкімі Аманжол Сақыпұлы осы бағыттағы жұмыстарды жандандыру керектігін айтып, жауаптыларға бірқатар тапсырмалар жүктеді.Жиын барысында күн тәртібінен тыс жасөспірімдер арасындағы құқық бұзушылықтар жайы сөз болды. Бұл мәселе де бүгінгі күні қоғамда өзекті болып тұр. Әсіресе мектеп жасындағы балалардың қатысуымен болатын түрлі деңгейдегі құқық бұзушылықтар ара-тұра орын алуда. Осы мәселелерді сын садағына алған аудан әкімі А.Оңғарбаев оқиғаның себебі емес, салдары бойынша жұмыстар жүргізу керектігін алға тартты.Осы және өзге де мәселе бойынша жауаптыларға бірқатар тапсырмалар беріп, орындалуы бойынша аудан әкімінің орынбасарларына бақылау жұмыстарын күшейтуді тапсырды.Фото: Арал ауданы әкімдігі

Құқық бұзушылыққа бақылау босаңсымайды

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Президентінің Жарлығымен мемлекеттік және қоғамдық қызметке cіңірген еңбегі, елдің әлеуметтік-экономикалық және мәдени дамуына қосқан елеулі үлесі, сондай-ақ әскери және қызметтік борышын үлгілі атқарғаны үшін бір топ азамат мемлекеттік наградалармен марапатталды. Бұл туралы Ақорда мәлім етті.&nbsp; Олардың қатарында: 4 еңбек ардагері; 19 жұмысшы маман мен кәсіпорын еңбеккерлері; 14 денсаулық сақтау, білім беру, ғылым және мәдениет саласының қызметкерлері; 6 кәсіпорын басшысы; 3 қоғамдық ұйым өкілі; 7 мемлекеттік қызметкер; 6 құқық қорғау, арнаулы және бақылаушы органдарда, әскер қатарында еңбек ететін қызметкерлер бар.Қазақстан Республикасының мемлекеттік наградаларымен наградтау туралы Мемлекеттік және қоғамдық қызметтегі cіңірген еңбегі, елдің әлеуметтік-экономикалық және мәдени дамуына қосқан елеулі үлесі, сондай-ақ әскери және қызметтік борышын үлгілі атқарғаны үшін наградталсын:Бауыржан Момышұлы атындағы ІI дәрежелі «Айбын» орденіменАйтмағамбетова Жұлдыз Рахымқызы – Мемлекеттік күзет қызметінің аға инспекторыАхметова Айман Рахмеджанқызы – Ұлттық қауіпсіздік комитетінің аса маңызды істер бойынша аға жедел уәкіліӘбуева Анаргүл Аманжолқызы – Төтенше жағдайлар министрлігінің департамент бастығыКанкина Құралай Темірболатқызы – Бас Прокурордың аға көмекшісіМұсатаева Балжан Төлеужанқызы – Қорғаныс министрлігі 44013 әскери бөлімінің взвод командирі;«Парасат» орденіменӘбілдина Қарақат Түлкібайқызы – «Қарақат» мектеп-студиясының бас директоры, Астана қаласыЖексенбай Бибігүл Нұрғалиқызы – Парламент Сенатының депутатыҚұспан Айгүл Сайфоллақызы – Парламент Мәжілісінің депутатыНоғайбаева Гүлдана Рахымбекқызы – Абай облысы мәдениет, тілдерді дамыту және архив ісі басқармасының «Ә. Қашаубаев атындағы мемлекеттік филармониясы» КМҚКәншісі-әртісі;«Құрмет» орденіменАбиева Раиса Леонидовна – «Абиев А.А.» ШҚ басшысы, Жетісу облысыАғыбаева Раиса Мұхамедиқызы – Астана қаласының ардагерлер кеңесі медиатобының төрағасыАйтбаева Шолпан Сашкенқызы – еңбек ардагері, Астана қаласыӘбдірайымова Тілеукүл Шайымқызы – Су ресурстары және ирригация министрлігінің «Қазсушар» РМК Жамбыл филиалы «Шу» өндірістік бөлімшесінің инженеріӘбенова Күлпаш Қайроллақызы – Сауда және интеграция министрлігі Техникалық реттеу және метрология комитетінің «Ұлттық аккредиттеу орталығы» РМК жұмысқа тартылатын бағалаушысыӘзімқұлова Әділет Срадинқызы – еңбек ардагері, Түркістан облысыГияги Роза Римовна – «Қазақстан темір жолы» ҰК» АҚ «Шымкент магистральдық желі бөлімшесі» филиалы Арыс жол дистанциясының диспетчері, Түркістан облысыЕгізбаева Сәуле Әбутәліпқызы – «М. Шоқай атындағы № 187 ақпараттық технологиялар мектеп-лицейі (IT мектеп-лицейі)» КММ мұғалімі, Қызылорда облысыЕлеуова Қаракөз Темірбекқызы – еңбек ардагері, Алматы қаласыЗемляная Людмила Дмитриевна – «Жер су» ЖШС директоры, Шығыс Қазақстан облысыКәпенова Гүлмира Амангелдіқызы – «BESTKZ.KST» ЖШС басшысы, Қостанай қаласыҚанапина Гүлнар Бекежанқызы – «Қазақстан Алюминийі» АҚ гидрометаллургы-аппаратшысы, Павлодар облысыҚараева Бибігүл Атшыбайқызы – Маңғыстау облысы Жаңаөзен қаласы бойынша білім бөлімінің «№ 14 жалпы білім беретін мектеп» КММ мұғаліміҚұрманғалиева Бикеш Қайдарқызы – «Цифрлық экономиканы дамыту орталығы» ЖШС бас директорыМолдашева Бағдашжан Қадыржанқызы – «Хромтау тау-кен техникалық жоғары колледжі» МКҚК директоры, Ақтөбе облысыОдинцова Маргарита Владимировна – Жоғарғы Соттың судьясыСағынтаева Аида Қыстаубайқызы – «Назарбаев университет» ДББҰ вице-провосты, Астана қаласыҮмбеталина Марал Әбдірашқызы – «Қалалық жұқпалы аурулар ауруханасы» МКҚК дәрігері, Шымкент қаласыХамитова Алмагүл Мәжитқызы – «Желаев нан өнімдері комбинаты» АҚ директоры, Батыс Қазақстан облысыХорошаш Ғалия Нәсіболлақызы – «Қазақстан Республикасы Президенті Іс басқармасы Медициналық орталығының ұлттық госпиталі» РМК дәрігері;III дәрежелі «Еңбек Даңқы» орденіменҚамбарова Баянгүл Қожабергенқызы – «Қазақмыс» корпорациясы» ЖШС филиалы «Қ. Сәтбаев атындағы «Жезқазғантүсмет» ӨБ электрмен дәнекерлеушісіМадимарова Анар Серікбайқызы – «Тараз металлургиялық зауыты» ЖШС шикіқұрамшысы, Жамбыл облысыНұрғалиева Зинагүл Әбенқызы – «Altyntau Kokshetau» АҚ шикіқұрамшысы, Көкшетау қаласыСанқыбаева Бахытгүл Қуанышбайқызы – «Ақ Жайық-7» ЖШС вагон жөндеу депосының кран машинисі, Атырау қаласыСәрсенова Ботагөз Ғабитқызы – «Қазақстан темір жолы» ҰК» АҚ «Павлодар магистральдық желі бөлімшесі» филиалы Ерейментау жол дистанциясының жол шебері;«Ерен еңбегі үшін» медаліменАрпабаева Бибігүл Төлегенқызы – «Өскемен ЖЭО» ЖШС отын-көлік цехының аға жүк және багаж қабылдап-тапсырушысыӘбелдинова Надежда Николайқызы – Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) аса маңызды істер жөніндегі офицеріБәкірова Қарлығаш Тастанбекқызы – «№ 13 қалалық емхана» МКК дәрігері, Астана қаласыЖамалиева Әлима Аманжолқызы – Ішкі істер министрлігі Астана қаласы полиция департаментінің аса маңызды істер жөніндегі аға тергеушісіЖолдыбаева Маржан Жолдыбайқызы – «Кажсервис» ЖШС Қарағанды облыстық филиалының жол жұмысшысыИгбаева Меруерт Асылханқызы – Сыртқы істер министрлігі департамент директорының орынбасарыҚожамсейітова Мақпал Қамашқызы – «Алматыэлектротранс» ЖШС троллейбус жүргізушісі, Алматы қаласыМолдыбаева Гүлшарат Тоқанқызы – «Астана-АЭК» АҚ жедел-диспетчерлік қызметінің операторыРусинова Ольга Владимировна – «Қазтелерадио» АҚ бөлім басшысы, Алматы қаласыСарымсақова Айна Абылайқызы – Шымкент қаласы № 7 округтік сайлау комиссиясының төрағасыСәрсембаева Жанаркүл Оразалықызы – «Almaty turmystyq tehnika zavody» ЖШС сапа инспекторы, Алматы облысыТабергенова Айгүл Олжабайқызы – «Дара» қайырымдылық қоры «Ерте қолдау» жобасының жетекшісі, Астана қаласыТұрсынқанбетова Еркежан Саятқызы – «Туризм және спорт индустриясын қолдау қоры» КҚ бас директорының орынбасарыШек Наталья Анатольевна – Қазақстан Республикасы Ұлттық Банкінің бас маманы, Астана қаласы;«Шапағат» медаліменӘлімбаева Динара Төлегенқызы – «Қарағанды қаласының № 2 арнаулы әлеуметтік қызметтер көрсету орталығы» КММ аға мейіргеріӘуренова Мәдина Дәулетханқызы – «DEMEY» оңалту және түзету орталығы» ҚБ төрағасы және негізін қалаушы, Шығыс Қазақстан облысыВасина Светлана Станиславовна – «Moon-Ай» музыкалық дуэтінің қатысушысы, Астана қаласыЖақыпова Жанар Бексұлтанқызы – «New Decision Group» ғылыми-зерттеу агенттігі» ЖШС басшысы, Алматы қаласыМихеева Елена Валериевна – «Moon-Ай» музыкалық дуэтінің қатысушысы, Астана қаласыОрынбаева Алтынай Романқызы – «Қызылорда облысының тілдерді оқыту орталығы» КММ бөлім бастығыУайысова Гүлмәрия Қажағалиқызы – Солтүстік Қазақстан облысы Шал ақын ауданы Жаңажол ауылдық округінің мал дәрігері;«Қазақстанның еңбек сіңірген ұстазы» құрметті атағы берілсінАханова Бақытжан Омарғалиқызы – Шығыс Қазақстан облысы Ұлан ауданының білім басқармасы «Балалар музыка мектебі» КМҚК директоры;«Қазақстанның еңбек сіңірген дәрігері» құрметті атағы берілсінҮкібасова Талшын Мұқадесқызы – «University medical centre» корпоративтік қорының бас консультанты, Астана қаласы;«Қазақстанның еңбек сіңірген құрылысшысы» құрметті атағы берілсінШелудько Ольга Николаевна – Өнеркәсіп және құрылысы министрлігі «Жобаларды мемлекеттік ведомстводан тыс сараптау» РМК Оңтүстік өңір бойынша филиалы Жамбыл облысы бойынша департаментінің сарапшысы;«Қазақстанның еңбек сіңірген өнеркәсіп қайраткері» құрметті атағы берілсінЕрманова Майра Жұратбекқызы – «Қазақмыс корпорациясы» ЖШС филиалы - «Жезқазғантүстімет» ӨБ №1, 2, 3 Жезқазған байыту фабрикаларының флотаторы, Жезқазған қаласы.Фото: Ақорда

Президент бірқатар әйел қауымын мемлекеттік наградалармен марапаттады  

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Машбекұлының тапсырмасына сәйкес аудан әкімінің орынбасары Айдын Серікұлы «Қазақстан темір жолы» ұлттық компаниясы» акционерлік қоғамының «Қызылорда магистральдық желі бөлімшесі» филиалының директоры Ербол Сәулебековпен бірге Жосалы және Төретам кенттеріндегі темір жол вокзалдарының жай-күйімен танысты.Жұмыс сапары барысында вокзал ғимараттарының техникалық жағдайы зерделеніп, оларды жаңғырту қажеттілігі қаралды. Теміржол көлігі жолаушыларына сапалы қызмет көрсету және вокзал инфрақұрылымын жақсарту мақсатында күрделі жөндеу жұмыстарын жүргізу мәселесі талқыланды.Кездесу қорытындысы бойынша тиісті сала мамандарына ғимараттардың жөндеу жұмыстарына қажетті ұсыныстар әзірлеу және жобалық-сметалық құжаттаманы пысықтау жөнінде тапсырмалар берілді.Фото: Қармақшы ауданы әкімдігі

Қармақшы ауданы: Теміржол вокзалын жаңғырту мәселесі қаралды

<a href="https://kyzylorda-news.kz/">Kyzylorda-news.kz</a> Ел Президенті Қасым-Жомарт Кемелұлы Тоқаев халыққа Жолдауында аграрлық секторға аса мән беріп келеді. Ауыл шаруашылығы ел экономикасының негізгі салаларының бірі. Аграрлық сектордың дамуы мемлекет үшін экономикалық және әлеуметтік негізде стратегиялық жағынан маңызға ие екендігін атап өтті.Осы бағыттағы жұмыстарды жандандыру мақсатында ауыл шаруашылығы тауарын өндірушілеріне 2025 жылғы мемлекеттік қолдау бағдарламалары бойынша түсіндірме жұмыстары жөнінде арнайы жиын болды.Аталған жиынға аудан әкімінің орынбасары Бағлан Сағындықов төрағалық етіп, түсіндірме жұмыстарын жүргізу мақсатында Облыстық ауыл шаруашылығы және жер қатынастары басқармасының басшысы Дүйсебаев Талғат, «Аграрлық несие корпорациясы» АҚ облыстық филиалының басшысы Прешова Жанар, «Даму» кәсіпкерлікті дамыту қорының бағдарламаларды жылжыту бойынша бас менеджері Абдуллаева Салтанат «Қызылорда өңірлік инвестициялық орталығы» микроқаржылық ұйымының директорының орынбасары Қуанышов Имат бар.Жиында егін науқанын ойдағыдай өткізу үшін дайындық жұмыстарын пысықтап, көктемгі дала жұмыстарын оңтайлы мерзім ішінде жүргізуді қамтамасыз ету үшін қолда бар техникаларды толық дайындыққа келтіру керек екені пысықталды.Сонымен қатар, барлық су нысандарын толық дайындыққа келтіруді, су жолдарын тазалау, оның ішінде егіске қажетті тұқымдар, қажетті қосалқы бөлшектер, тыңайтқыштар, гербицидтер және дизель отынымен дер кезінде қамтамасыз етуді де басты назарда ұстауды айтып өтті.Жиын барысында кәсіпкерлер мен шаруашылық жетекшілері айтқан маңызды ұсыныстар ескерілдіФото: Шиелі ауданы әкімдігінің баспасөз қызметі

Архив