<a href="https://kyzylorda-news.kz/">Kyzylorda-news.kz</a> “Ауыл” партиясының ұйымдастыруымен “Батаменен ел көгерер” байқауының аймақтық кезеңі аяқталып, қазылар алқасы жеңімпаздарды анықтады.Тағылымы мол байқауға дуалы ауыз, шежіре­кеуде қариялар қатысып, өскелең ұрпаққа өнеге көрсетті. Ақыл додасына қала мен аудан­­дарының 12 ақылгөй қариялары қатысып, жұртшылық алдында беріп жүрген баталарын жалпы көпшілік пен әділқазылар алқасының сарабына салды. Биылғы додаға Ұлы Отан соғысының ардагері, 104 жастағы қария Яхия Тасыров та қатысып, өмір тәжірибесінің &nbsp;молдығын бай­қатты.Байқаудың қорытындысы бойынша 3 орынға Сырдария ауданының тұрғыны Айсин Жантемірдің батасы лайықты болды, 2 орын Қазалы ауданының құрметті азаматы Сержан Берденұлына бұйырды. Қазылардың шешімімен белгілі ұстаз, филология ғылымдарының доценті Алдажар Әбілов аймақтық байқаудың жеңімпазы атанды. Жүлделі 3 орынға ие болған роликтер Республикалық кезеңге жолланды.<img src="https://knadmin.beoblood.kz/uploads/Ajma_ty_ty_batag_jler_sajysyny_zhe_impazdary_marapattaldy_f3a1105790.jpg" alt="Аймақтықтық батагөйлер сайысының жеңімпаздары марапатталды.jpg">

 Аймақтықтық батагөйлер сайысының жеңімпаздары марапатталды

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Есірткі қылмысына қарсы іс-қимыл басқармасы алғаш рет студенттер мен оқушылардың есірткіге қарсы логотиптер жасауына шығармашылық конкурс өткізді.Байқауға аудандық және қалалық білім бөлімдерінің пікірінше, есірткіге қарсы тақырыпқа сәйкес келетін, эстетикалық және қабылдауға оңай, қысқа, креативті және ерекше 48 жұмыс ұсынылды.Балалар екі тақырып бойынша жұмыс ұсынды: «Қызылорда облысы есірткіге қарсы!» эмблема-логотипі және «Есірткі қылмысына қарсы іс-қимыл басқармасы» эмблема-логотипі, яғни облыс үшін және Есірткі қылмысына қарсы іс-қимыл басқармасы үшін LOGO құрастырды.&nbsp;Ең жақсыларын анықтау қиын болды, өйткені жұмыстың көркемдік деңгейі мен әр түрлі идеялар жоғары болды. Сондықтан қазылар алқасы үш финалистті емес, он финалистті жариялауды ұйғарды. Онда, үш бірінші, үш екінші және&nbsp; төрт үшінші орындарды белгіледі.Бірінші орынды: Шиелі ауданының №127 мектеп-лицейінің оқушысы Рыспанбетов Мақсат, Арал ауданының №14 орта мектебінің оқушысы Қосанов Еркебұлан және Шиелі ауданының №244 орта мектебінің оқушысы&nbsp;Тілеуберген Бексұлтан иеленді.Екінші орынды: Қорғанбек Аяулым (Жалағаш ауданының №188 орта мектебі), Аябек Еркебұлан және Қуаныш Әсет (Сырдария ауданының №№132,44 орта мектептері) иеленді.Үшінші орын иегерлері: Құрбан Аян (Шиелі ауданының №244 орта мектебі), Қасымов Қуаныш (Арал ауданының №260 орта мектебі), Оразбаев Данияр (Қармақшы ауданының №269 орта мектебі), Абдулахан Гауһар (Жаңақорған ауданының №110 мектеп-лицейі).Ең жақсы проектілер жұмыста пайдаланылады және ресми логотиптер ретінде қабылданады деп жоспарлануда.<img src="https://knadmin.beoblood.kz/uploads/2_6afa9b5e7b.webp" alt="2.webp">

Қызылорда облысында есірткіге қарсы эмблема, логотиптер байқауы өтті

<a href="https://kyzylorda-news.kz/">Kyzylorda-news.kz</a> Қазақстандық стандарт бойынша Байқоңыр қаласында мектепке дейінгі мекемелердің саны артып келеді. Бұған дейін қалада екі балабақша ғана жұмыс істесе, соңғы екі жылда облыс әкімдігінің қолдауымен үш жаңа балабақша ашылды. Бұл туралы бүгін өңірлік коммуникациялар қызметінің ақпарат алаңында облыс әкімінің орынбасары, ҚР Президентінің «Байқоңыр» кешеніндегі арнаулы өкілі Қайрат Нұртай айтты.<blockquote>– Алдағы уақытта тағы бір мемлекеттік балабақшаның ашылуы жоспарлануда, бұл өз кезегінде балаларды мектепке дейінгі біліммен қамту көрсеткішін арттыруға ықпал етеді.&nbsp;Сонымен қатар, қалада қазақстандық мектеп ашу мәселесі жан-жақты қарастырылып, нақты шешімдер қабылдануда. Бұл бастамалар балалардың сапалы білім мен тәрбие алуына мүмкіндік беріп, қазақстандық білім беру жүйесінің дамуына және ұлттық білім стандарттарының нығаюына зор үлес қосады,-деді, Қайрат Ырзақұлұлы.</blockquote>Үкіметаралық комиссияның шешімі бойынша «Байқоңыр» кешенінде туристік қызметті жүзеге асыратын ұйымдар ретінде «Бәйтерек» БК» АҚ және «Инфракос» РМК бекітілді.<blockquote>– Туристер үшін қалаға және ғарыш айлағына электронды рұқсаттамаларды рәсімдеу процесі жеңілдетіліп, рұқсат алу мерзімі қысқартылды. Сонымен қатар, «Инфракос» кәсіпорны туристік нысандар негізінде жаңа маршруттар әзірлеп, Байқоңырдың бірегей ғарыш мұрасын кеңінен таныстыру бағытында жұмыс істеуде. Бұл бастамалар Байқоңырдың туристік әлеуетін арттырып, оны әлемдік деңгейдегі ерекше туристік орталыққа айналдыруға мүмкіндік береді, – деді, Қайрат Ырзақұлұлы.</blockquote>Биылғы жылдың 2 маусымда Байқоңыр ғарыш айлағы мен қаласының құрылғанына 70 жыл толады. Осы атаулы күнге орай облыс әкімдігі арнайы мерейтойлық іс-шаралар жоспарын әзірлеуде.<blockquote>– Жоспар аясында жыл бойына облыстық және республикалық деңгейдегі өнер ұжымдарының концерттері, спорттық жарыстар және түрлі мәдени іс-шаралар ұйымдастырылады. Сонымен қатар, мерейтой қарсаңында қалада дене шынықтыру-сауықтыру кешенінің құрылысы бастау алмақ. Бұл жоба қала тұрғындары мен жастар үшін маңызды әлеуметтік нысан болмақ. &nbsp;70 жылдық мерейтой – Байқоңырдың тарихи маңызын айшықтайтын ерекше оқиға.&nbsp;Ұйымдастырылатын шаралар ғарыш қаласының дамуына жаңа серпін беріп, тұрғындар мен қонақтарға мерекелік көңіл-күй сыйлайды, – деді, Қайрат Ырзақұлұлы.</blockquote>Фото: Өңірлік коммуникациялар қызметі

Байқоңыр - ғарыш туризмінің жаңа бағыты

<a href="https://kyzylorda-news.kz/">Kyzylorda-news.kz</a> ҚАЖД №60 мекеме бастығы, әділет &nbsp;подполковнигі Мақсұт Өтегенұлы мен жеке кәсіпкерлер бірлесіп «Алғыс айту» күні және Рамазан айымен құттықтау үшін «Қарттар үйіне» барып қарияларға керемет көңіл күй сыйлады.Шараның мақсаты – жас ұрпақтың бойына адамгершілік қасиеттерді сіңіріп, мейрімділікке, жанашырлыққа және қарт адамдарға құрмет көрсетуге тәрбиелеу.Кездесу барысында қарттарға №60 мекемесінде жазасын өтеушілер жасаған көмекші құралдар мен қол өнер туындылары, оның ішінде үстел үсті ойындары, шахмат, шашкі және &nbsp;домбыра секілді бұйымдар табысталды.&nbsp;<blockquote>«Қазыналы қарияларға қолдау көрсетіп, бағалағандарыңызға өте қуаныштымыз. Жас ұрпаққа үлгі боларлық қызметтеріңіз үшін үлкен рахмет» –деді ардагерлер үйінің бастығы Раушан Жәдігерқызы</blockquote>Қарттар сыйлықтарды ризашылықпен қабылдап, өз кезегінде қонақтарға алғысын білдірді.&nbsp;<blockquote>«Жоғары қасиет –үлкендерге құрмет» делінген қазақ даналығында. Біз қарт адамдарға құрмет пен қамқорлық көрсетуді өз міндетіміз деп санаймыз. Әрбіріміз өз келешегіміз үшін мейірімді қоғам орнатайық, жылулық сыйлайық, қарттарымызды құрметтейік. Айлардың сұлтаны Рамазан айының алғашқы күнімен және Алғыс айту күнімен баршаңызды құттықтаймын. Бай қуатты, дендеріңіз сау болсын. Осындай шаралар алдағы уақытта да жалғасынын табатын болады – деді мекеме бастығы, әділет подполковнигі Мақсұт Өтегенұлы.</blockquote>Фото: ҚАЖД №60 мекеме баспасөз қызметі

Қазыналы қарттарға ерекше көңіл күй сыйлады

<a href="https://kyzylorda-news.kz/">Kyzylorda-news.kz</a> Аймақ басшысының тапсырмасына сәйкес, шаһардың тазалығы және көркейту-көгалдандыру қызметін жандандырып, уақыттың қай мезгілі болса да міндетті шаруасын ширата білетін «Қызылорда тазалығы» мен «Жасыл Қызылорда» мекемесіне қала әкімі Нұржан Ахатов барды. Онда еңбек ұжымдарының жұмысшыларымен жүздесті.<blockquote>– Қазіргі қоғамда еңбек адамына құрмет ерекше. Бұл орайда Мемлекет басшысы Қасым-Жомарт Кемелұлы Ұлттық құрылтайда: «Біз ел болып еңбек адамын қадірлей білуіміз керек. Қажетсіз мамандық болмайды, біліксіз маман болады. Ерінбей еңбек еткен жан өз ісінің майталманы атанады» деген болатын. Осы бағаны әрдайым құптаймын және маңдай тер, адал еңбек иелері Сіздерге алғысымды білдіремін, – деді Нұржан Сәбитұлы.</blockquote>Шаһар басшысы қос мекеменің беделі мен берекесін көтеріп келе жатқан жұмысшыларға санаториялық-тынығу орындарына жолдама табыстады. Айта кету керек, бұл бастама облыс әкімінің қолдауымен жүзеге асып келеді.

Еңбек ұжымына алғыс білдірді

<a href="https://kyzylorda-news.kz/">Kyzylorda-news.kz</a> Танымал әнші Төреғали Төреәлінің Астана мен Алматы және Шымкент пен Тараз қаласында жоспарланған концерті өтпейді. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Өнер иесінің әріптесі Мақпал Жүнісова хабарлады.&nbsp;<blockquote>“Төреғалидың концерті кейінге қалдырылыпты. Әншінің концерті денсаулығына байланысты шегерілген. Сатылған билеттер түгел қайтарылады”, – деп жазды әнші.&nbsp;</blockquote>Эстрада жұлдызының әкесі ақпан айында концертке шақырған еді. Алайда <a href="https://stan.kz/">Stan.kz</a> тілшісінің сұрағына жауап бермеді.&nbsp;<blockquote>“Ассалаумағалейкум, ағайын! Алланың қалауымен Ұлы дала баласы Төреғали Төреәлі ұлымыздың концертінде аман-есен, төрт көзіміз түгел, бас қосуды нәсіп етсін”, – деп жазған еді арт-менеджер.&nbsp;</blockquote>Фото: Stan.kz

"Билеттер қайтарылады": Төреғали Төреәлінің наурыз мерекесіне жоспарланған концерті өтпейтін болды

<a href="https://kyzylorda-news.kz/">Kyzylorda-news.kz</a> Көктемнің алғашқы күні ыстық ықыласқа толы ризашылық сезіммен бастау алды. Облыс әкімінің тапсырмасына сәйкес, Алғыс айту және қасиетті Рамазан айының рәуішімен шаһар басшысы Нұржан Ахатов, қалалық мәслихат төрағасы Ибадулла Құттықожаев, облыстық ардагерлер кеңесінің төрағасы Серік Дүйсенбаев және қалалық ардагерлер кеңесінің төрағасы Шәкизат Төребаев жасы жүзге таяған ардагерлерге барып, сәлем берді.Нұржан Сәбитұлы алдымен Тасбөгет кентінің байырғы тұрғыны, медицина саласының ардагері - Байсерке Райымқұловтың шаңырағында болды. Ақсақалдың иығына шапан жауып, сый-құрмет көрсетті. Байсерке ақсақал 92 жаста. Ол - Тартоғай ауылында бас дәрігер, Сырдария ауданының бас терапевті болған білікті дәрігердің бірегейі. Халық денсаулығын жақсарту жолында аянбай еңбек еткен ардақты ата.Мұнан кейін шаһар басшысы тыл ардагері, 96 жастағы Патымаш Әбдіреваны құттықтады. Қала әкімі қиын-қыстау заманда қайсар мінез танытып, ел еңсесін көтеруге атсалысқаны үшін кейуанаға алғысын айтты. Гүл шоғын ұсынып, иығына қамзол, басына ақ орамал жапты. Ақжаулықты әже ақ тілегін жеткізді. Бүгінде Патымаш ана 9 ұл-қыз өсіріп, олардан 33 немере,14 шөбере сүйіп отыр.Келесі аялдаған шаңырақ – білім саласының ардагері Марк Подольскийдің отбасы. Ұлағатты ұстаз ұзақ жылғы еңбегіне лайық – Қызылорда облысының «Құрметті азаматы» және Қазақстанның еңбек сіңірген қызметкері атағының иегері. Қаланың қадірлі қариясы.Нұржан Сәбитұлы ұстазға ұзақ ғұмыр тіледі, атаулы күнге сай сый-сияпат жасады. Өз кезегінде Марк Захарович мерекемен құттықтап, мерейін тасытқан ел азаматтарына ықыласын білдірді.<img src="https://knadmin.beoblood.kz/uploads/arttar_a_rmet_97e83129c9.jpg" alt="Қарттарға құрмет.jpg">

Қазыналы қарияларға құрмет көрсетті

<a href="https://kyzylorda-news.kz/">Kyzylorda-news.kz</a> Қызылордада жолаушылар мен көлік жүргізушілері үшін "Aparu" такси қосымшасы жұмысын бастады. Отандық бағдарлама тұтынушыларға жасырын комиссиясыз қызмет көрсетеді.Аталған қосымшаны іске қосу рәсімі бүгін «Достық» аллеясында өтті.<blockquote>- Біздің мақсатымыз - жолаушыны А нүктесінен В нүктесіне жеткізу ғана емес, қалалық ұтқырлық идеясын өзгерту. “APARU” озық технологияларды қолдана отырып, тұрғындардың жайлылығын үйлестіреді. Біздің қызметіміз - қаланың күнделікті өмірінің ажырамас бөлігі болады деп сенеміз, - деді «APARU»акционері Ерлан Шаяхметов.</blockquote>Айта кету керек, "APARU" – Өскемен қаласында жасалған қазақстандық энтузиасттар тобы құрған стартап. Компанияның мақсаты - аймақтардағы өмір сапасын жақсартуға бағытталған цифрлық шешімдерді енгізу. Қызылордада іске қосылғаннан кейін сервисті еліміздің басқа өңірлерінде де масштабтау жоспарлануда дейді өкілдік. Қосымшаны App Store және GooglePlay онлайн дүкендерінен жүктеуге болады.Шарада осы қосымшаны қолданушылар арасында ұтыс ойнатылып, сыйлықтар үлестірілді.<img src="https://knadmin.beoblood.kz/uploads/Aparu_osymshasy_marapattau_14741e0ffe.jpg" alt="Апару қосымшасы марапаттау.jpg">

"APARU" такси шақыру қосымшасы іске қосылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың тапсырмасына сәйкес облыс әкімінің орынбасары Шахмардан Байманов, Қызылорда қаласының әкімі Нұржан Ахатов және жауапты сала басшылары «Қызылорда тазалығы», «Жасыл Қызылорда», «Қызылорда автобус паркі» мен "Қызылордажылуэлектр орталығы" мекемелеріне барды. Мерекеге орай коммуналдық қызметтердің үздіксіз жұмысын қамтамасыз еткен жұмысшыларға аймақ басшысының Алғыс хаты табысталды.<blockquote>“Баршаңызды Алғыс айту күнімен шын жүректен құттықтаймын! Ауа райының қолайсыздығына қарамастан, күндіз-түні тазалық сақтауға аянбай атсалысудасыздар. Қала халқының тыныс-тіршілігіндегі қалыптасқан ырғақ бұзылмау үшін жолаушылар тасымалы, коммуналдық қызмет көрсету саласы қызметкерлері уақытпен санаспай еңбек етеді. Тұрғындарды діттеген жеріне жеткізіп, әр үйді жарықпен, жылумен қамтамасыз етеді. Сіздер, жұртшылыққа жайлылық, елге қуат, жанға шуақ сыйлап келесіздер. Тұрмыс- тіршілігіміздегі аса маңызды салалардың дамуына қосқан үлестеріңіз үшін аймақ басшысының алғысын жеткізуге арнайы келдім”, - деді Шахмардан Байманов.</blockquote>Фото: Қызылорда облысы әкімінің баспасөз қызметі

Коммуналдық сала қызметкерлерін марапаттады

<a href="https://kyzylorda-news.kz/">Kyzylorda-news.kz</a> «Туризм экономиканың өсуіне жаңаша серпін беретін сала болуға тиіс. Еліміздің әр өңірінде көрікті жерлер бар. Сондықтан жеке инвесторларды да тарта отырып, қажетті инфрақұрылым салу жұмысын дереу бастау қажет». Қасым-Жомарт Тоқаев Қазақстан Республикасының ПрезидентіЕлдегі туризм саласында іске асырылып жатқан жүйелі іс-шаралардың нәтижесінде Қазақстанға келетін туристер саны да, әлемдік рейтингтегі орнымыз да айтарлықтай жақсарып келеді. Мәселен, Дүниежүзілік экономикалық форумның (World Economic Forum) Саяхат пен туризмді дамыту индексіне сәйкес Қазақстан туристік бағыттар тізімінде 119 ел ішінде&nbsp;52-орынды&nbsp;иеленді.&nbsp;Бұған дейінгі индексте Қазақстан &nbsp;66-орынға орналасқан еді.Ал былтыр Қазақстанға жұмыс бабымен немесе тұрақты тұруға келгендерді есептемегенде, туристік мақсатпен&nbsp;15,3 млн шетелдік қонақ&nbsp;келген. Оның ішінде&nbsp;10,4 млн&nbsp;адам&nbsp;елде бір күннен көп уақытқа қалып, шетелдік туристер санатына енді. Ресми статистикаға сәйкес, шетелдік меймандардың елімізде орташа болу мерзімі –&nbsp;4 күн.Ұлттық банк мәліметінше, алыс шетелден келген туристер Қазақстанға сапары кезінде орта есеппен&nbsp;1500 АҚШ&nbsp;долларын&nbsp;жұмсайды. 2024 жылы шетелдік туристер еліміздің аумағында&nbsp;1,2 трлн теңгеден астам&nbsp;қаражат&nbsp;жұмсады.Туризм саласында негізгі капиталға салынған инвестиция көлемі тұрақты түрде өсіп келе жатқанын байқауға болады. 2019-2024 жылдар аралығында&nbsp;салаға салынған инвестиция көлемі&nbsp;төмендегідей:<ul><li style="text-align:justify;">2019 ж. – 502 млрд тг</li><li style="text-align:justify;">2020 ж. – 629 млрд тг</li><li style="text-align:justify;">2021 ж. – 593 млрд тг</li><li style="text-align:justify;">2022 ж. – 513 млрд тг</li><li style="text-align:justify;">2023 ж. – 787 млрд тг</li><li style="text-align:justify;">2024 ж. – 947,5 млрд тг</li></ul>2019-2024 жылдар аралығында туризм саласында жалпы сомасы&nbsp;550 млрд теңгеге 605-тен астам инвестициялық жоба&nbsp;іске асырылды, оның ішінде 2024 жылы&nbsp;87&nbsp;инвестициялық жоба&nbsp;сәтті аяқталды.Ірі инвестициялық жобалар ішінен Шымкент қаласындағы «Махамбет» қонақ үйін (жоба құны – 4,9 млрд теңге), Атырау облысындағы «Keremet Park»отбасылық паркін (3 млрд теңге), сондай-ақ Алматы облысындағы «Ақ-Жайық» демалыс аймағын (1,8 млрд теңге) атап өтуге болады.Сонымен қатар былтыр Мемлекет басшысы Қасым-Жомарт Тоқаевтың тапсырмасы бойынша&nbsp;Neo Nomad деп аталатын жаңа виза&nbsp;түрі енгізілді. Бұл виза заманауи көшпенділерге – саяхаттап, қашықтан жұмыс істейтін шетелдік туристерге арналған. Жаңа визалық режимді енгізер кезде пандемиядан кейін осындай бағдарламаларды сәтті қолданған&nbsp;50-ден астам елдің&nbsp;халықаралық тәжірибесі назарға алынған.Neo Nomad визасын алған шетелдік туристердің Қазақстанда бір жылға дейін тұруға мүмкіндігі бар. Осы уақыт ішінде олар шетелдік компанияларда жұмыс істей алады. Бұл туристерге еліміздің мәдениеті мен тұрмысын жақынырақ тануға мүмкіндік беріп қана қоймай, ел экономикасына пайда әкеледі деп күтілуде. Виза енгізілген жағдайда жылына&nbsp;500 адам&nbsp;оны алса, экономикалық әсер шамамен&nbsp;3,6 млрд теңге&nbsp;болмақ. Визаны пайдаланатын шетелдік азаматтар Қазақстанда тұрып, қаражатын осында жұмсайды. Бірақ отандық еңбек нарығына әсер етпейді. Бұл – бағдарламаның маңызды бөлігі. Жалпы Қазақстанның туристік әлеуеті халықаралық аренада табысты насихатталып келеді. The New York Times нұсқасы бойынша Алматы қаласы үздік&nbsp;52 туристік бағыттың&nbsp;қатарына енсе, Lonely Planet журналының нұсқасы бойынша Қазақстан 2025 жылы саяхаттауға тиіс үздік елдердің тізіміне кірді. Бұдан бөлек, Conde Nast Traveller Italia басылымы «Шымбұлақ» тау-шаңғы курортын таңдаулы&nbsp;ТОП-5&nbsp;дестинация&nbsp;тізіміне қосты.Сонымен қатар CNN Travel 2025 жылы саяхаттауға тұрарлық&nbsp;25 бағыттың&nbsp;тізімін жариялап, Қазақстанды ерекше мәртебеге лайық деп таныды. Атап айтқанда, Алматы қаласы саяхаттауға тиіс ең үздік бағыттардың қатарына енді. Қала кең табиғи ландшафттар мен дамып келе жатқан урбанистік мәдениетті біріктіретін ерекше атмосферасының нәтижесінде Орталық Азияның «жаңа стиль астанасы» деп аталды.Алдағы жылдары Қазақстан туризм саласын дамытуды қарқынды түрде жалғастырып, ауқымды жобалар мен бастамаларды жүзеге асырады.Басым бағыт ретінде үш ірі туристік аймақ белгіленді, олар: Щучье-Бурабай курорттық өңірі, Маңғыстау курорттық өңірі және Алматы тау кластері.2027 жылға дейін жалпы құны&nbsp;1,1 трлн&nbsp;теңгеден асатын&nbsp;181 инвестициялық жоба&nbsp;іске асырылады. Туризм саласында жұмыспен қамтылғандар санын&nbsp;800 мың адамға&nbsp;дейін арттырып, агротуризмді дамыту есебінен ауылдық жерлерде&nbsp;10 мың&nbsp;жаңа жұмыс орнын&nbsp;ашу жоспарланған.Ішкі туристер санын&nbsp;11 миллион&nbsp;адамға&nbsp;жеткізіп, елдегі орналастыру орындарының төсек-орын қорын&nbsp;280 мыңға&nbsp;дейін ұлғайту, сондай-ақ барлық қонақ үйді eQonaq ақпараттық жүйесіне енгізу көзделген.Сонымен қатар Қазақстан Дүниежүзілік экономикалық форумның Саяхат және туризмді дамыту жаһандық индексінде&nbsp;әлемнің үздік&nbsp;50 елі&nbsp;қатарына кіруді мақсат етіп отыр.Бұл бастамалар елдің халықаралық туристік аренадағы орнын нығайтып, саяхатшылар, бизнес және жергілікті қауымдастықтар үшін жаңа мүмкіндіктер ашады.Фото: gov.kz

Қазақстандағы туризм саласы: динамика, инвестиция және Neo Nomad Visa

<a href="https://kyzylorda-news.kz/">Kyzylorda-news.kz</a> Біздің еліміз үшін ең құнды, ең асыл дүниелер ол - &nbsp;татулық, бірлік, келісім. Мемлекеттілігіміздің басты негізі - халқымыздың бірлігі.Бүгінде Қазақстан халқын бір атаның балаларындай еліміздің өркениетті даму жолындағы игілікті іске жұмылдырып отырған - Қазақстан халқы Ассамблеясы еліміздің барлық этнос өкілдерін ортақ мақсатқа ұйыстырып, елімізде тұрақтылықты сақтау мен оның дамуына аса зор үлес қосып келеді.Биыл Қазақстан халқы Ассамблеясының құрылғанына 30 жыл. Бұл ұйым 1995 жылы құрылып, елдегі түрлі этностар мен мәдениеттердің ынтымақтастығын, бірлігін нығайтуға бағытталған маңызды институтқа айналды. Оның басты мақсаты – елімізде барлық этностар мен ұлттардың тең құқықтары мен мүмкіндіктерін қамтамасыз ету, қоғамдық келісімді қолдау және мәдени көптүрлілікті сақтау.Бірлігі бекем елімізде &nbsp;Қазақстан халық Ассамблеясының атқарып келе жатқан қызметінің нәтижесінде елімізде этностық және діни ерекшелігіне қарамастан әрбір азаматтың Конституциялық құқықтары мен еркіндігін толық қолдана алатын этносаралық және конфессияаралық &nbsp;келісімнің айрықша үлгісі қалыптасты. &nbsp;Сөйтіп, Қазақстанның &nbsp;көп этностық кеңістігінде сенім, келісім мен өзара түсіністік берік орын алды.Қазақстан халқы Ассамблеясының &nbsp;алдына қойған басты мақсаты &nbsp;және түбегейлі міндеті &nbsp;- этносаралық қатынас саласында мемлекеттік органмен және азаматтық қоғам институтарымен өзара іс-қимылды қамтамасыз ету. Осы мақсатта халық бірлігін нығайту, қазақстандық қоғамның негізін қалаушы құндылықтар бойынша қоғамдық келісімді қолдап дамыту, қоғамдағы экстремизм мен радикализм көріністеріне тойтарыс бере отырып, азаматтың құқықтық бостандықтарына қысым жасауға жол бермеу, азаматтың демократиялық нормаларына сүйенетін саяси-құқықтық мәдениетін қалыптастыру да осы ұйымның төл парызы. Ынтымақ ұйытқысына айналған ұйым бұл мақсаттырды жоғары деңгейде орындап келеді.Қоғамдық сана қалыптасу үшін, уақыт талабына сай өзгеру үшін де оған ықпалды күш болады. Олар – өмірлік тәжірибесі бар аға буын. Қай қоғамда да алдыңғы аға буын өзінен кейінгілерге жол көрсетіп, бағыт береді. Қазақ қоғамында ол міндетті қариялар атқарды. Дала заңы бойынша ел ішіндегі екеуара немесе руаралық дау-дамайды әділ шешіп, жанжалдасқан екі тарапты мәмілеге келтіріп, татуластырыпты, тентек-теліні тезге салып, түзетіп отырыпты. Яғни қандай жағдайда да ақсақалдарымыз ел ішінің бірлігін сақтап қалуды көздеген.Қазір де ел ісінде ақсақалдардың үлес салмағы басым. Осыған сәйкес елімізде 2022 жылы Қазақстан халық Ассамблеясы жанынан Ақсақалдар кеңесі құрылды.Қазалы ауданында да сол жылы Қазақстан халқы Ассамблеясы жанындағы аудандық ақсақалдар кеңесі құрылды. Бұл – Қазақстан халқы Ассамблеясы жанындағы консультативтіккеңесші орган. Аудандық ақсақалдар кеңесі құрылғалы бері кеңестің 25 рет отырысы өтті. Онда жергілікті жердегі түрлі өзекті мәселелер көтеріліп, олардың шешулі жолдары қарастылды. Кеңес құрамында жергілікті қоғамдастықтың ақсақалдары, этномәдени бірлестіктердің, үкіметтік емес ұйымдардың беделді, белсенді өкілдері, қоғамдық пікір көшбасшылары және аймағымызға белгілі зиялылар бар.Биыл ауданымызда Қазақстан халқы Ассамблеясының құрылғанына 30 жыл толуына орай мерейтойлық іс-шаралар &nbsp; &nbsp; &nbsp; &nbsp; &nbsp; 2025 жылға арналған ауданның қоғамдық-саяси маңызды шаралар жоспарына сәйкес жыл көлемінде өткізу жоспарланып отыр.Қазақстан халқы Ассамблеясына және барша азаматтарға бейбітшілік пен келісімнің туын биік ұстап, халқымыздың достығы мен бірлігін нығайтып, қасиетті Отанымыз – Қазақстан Республикасының игілігі үшін аянбай еңбек етуді тілеймін. Баршаңызды Қазақстан халқы Ассамблеясының 30 жылдығымен шын жүректен құттықтаймын. &nbsp; &nbsp;Қасқырбай Әлімбай,Қазақстан халқы Ассамблеясы жанындағыҚазалы аудандық Ақсақалдар кеңесінің төрағасы

Қазақстан халқы ассамблеясына 30 жыл

<a href="https://kyzylorda-news.kz/">Kyzylorda-news.kz</a> Еліміз өзінің тәуелсіз даму жолына түскен уақытта көптеген қиыншылықтарға тап болғаны белгілі. Экономикалық дағдарыс пен әлеуметтік тұрақсыздық жағдайында этносаралық келісімді сақтау мәселесі де жас мемлекеттің алдына өткір қойылды.Кеңес одағы ыдырағаннан кейінгі кезеңде тәуелсіз мемлекет құрудың қазақстандық тәжірибесі этносаралық қатынастар тұрақтылығының ерекше маңызды фактор екендігін көрсетіп берді. Өйткені мемелекеттік құрылыс жетістіктері мен қоғамның өсіп-өркендеуі этносаралық қатынастар тұрақтылығына тәуелді болатыны белгілі болды. Міне, осындай қысылтаяң жағдайда этносаралық келісім мен татулықтың қазақстандық моделінің негізі қаланған болатын. Осылайша, қазақ халқының барлық этностарды топтастырудағы рөлі тарихи тұрғыда айқындалды. Осы кезге дейін қазақ елінің барлық аумақтарында әрбір этникалық топтың қоғамның барлық саласында белсенді қызмет етуіне тең құқықты жағдай туғызылып отыр. Қазіргі ғаламдық дағдарыс жағдайында да этносаралық қатынастар мәселесі алдыңғы қатарға шығып отыр. Себебі, дағдарыс онсыз да күрделі болып келетін әлеуметтік қатынастардың шиеленісуіне алғышарттар жасайтыны белгілі.​Сондықтан да, этносаралық келісімнің толерантылықтың қазақстандық моделінің түп-тамырында тарихтың сын сағатында қазақ жері мен қазақ халқының көрсеткен көмегі мен қолдауына деген қазақстандық этностардың шексіз алғысы, ыстық ілтипаты жатыр. Қазақ халқының табиғатындағы данышпандық пен дархандық, салт-санасындағы толеранттылық жаңа тарихи жағдайда Қазақстандағы этносаралық қайшылықтардың алдын алуға, оған жол бермеуге алғышарт жасады.Қазақстан Республикасының Конституциясы еліміздің халықаралық құқықтық нормаларға негізделген демократиялық қоғам мен құқықтық мемлекет құруға дайындығын көрсетіп берді соған сәйкес өзін әлемдік қауымдастықтың құрамдас бір бөлігі екендігін жариялады.Еліміз біріккен ұлттар ұйымының мүшесі ретінде және адам құқықтары жөніндегі халықаралық стандарттарға сәйкес елімізде тұратын барлық ұлттар мен ұлыстардың құқықтары мен мүдделерін толық қамтамасыз етті.​Биылғы жылы Қазақстан халқы Ассамблеясына 30 жыл толады. Кезінде әлемде баламасы жоқ болып ашылған бұл ұйым бүгінгі күнге дейін елімізде қоғамдық келісім мен этносаралық татулықты сақтау бағытында еңбек етіп келеді. 2023 жылдың басында, Қазақстан Республикасының Президенті Қ. Тоқаевтың бастамасымен, ассамблея жанынан әр өңірлерде Ақсақалдар кеңестері ашылып, жергілікті жерлерде әлеуметтік маңызы бар түйіткілді мәселелердің оңтайлы шешілуіне билік ұйымдарына ұсынымдар беру арқылы ат салысып келеді. Сондай-ақ, әлеуметтік нысандар мен білім беру ошақтарында қазақ тіліне, салт-дәстүрге, жастар тәрбиесіне, қоғамдық-саяси тұрақтылыққа қатысты кездесулер өткізіп келеді. Жыл сайын өткізілетін Ұлттық құрылтайда көтерілген мәселелерді аймақ тұрғындарына жеткізіп, тиімді жақтарын талқылаумен де айналысады.Қазақ халқы қиын-қыстау кездерде ақыл сөзге тоқтап, ақсақалдардың ақыл-кеңестеріне жүгініп отырған. Бұл – біздің болмысыз, әрі діліміз. Мемлекет құраушы ұлт ретінде қазақ халқы барлық этнос өкілдерін оң бастамаларға топтастырып, елдің дамуы мен өркендеуіне қызмет жасауы тиіс деп ойлаймын. Жасап қана қоймай, әр істе оларға үлгі болуымыз керек.Н. Ерманов,Қызылорда облыстық Қазақстанхалқы АссамблеясыныңАқсақалдар кеңесінің төрағасы ​​​​​​

Архив