<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданына жұмыс сапары кезінде паллиативті медициналық көмек көрсету және оңалту бөлімшелерінің жұмысымен танысты.Аталған бөлімше ғимараты өткен жылдың желтоқсан айында пайдалануға берілген. «Пульс» ЖШС күрделі жөндеу жүргізіп, материалдық базасы жетілдірілді, заманауи үлгідегі технологиялармен қамтылды. Арнайы медициналық құрал-жабдықтар алынып, білікті мамандар тартылды.Мұнда ауыр хәлдегі және ұзақ уақыт бойы оңалтуды қажет ететін науқастарға тәулік бойы ем-шара жүргізіледі. Ол үшін барлық мүмкіндік қарастырылған, науқастар мезгілімен ем қабылдап, дәрігер бақылауында болады.Қос бөлімшеде 5 дәрігер, 50-ге жуық орта және кіші буын қызметкер еңбек етеді. Сонымен қатар, логопед, психолог, массажист, емдік-дене шынықтыру мамандары жұмыс жасайды.Айта кету керек, жаңа ғимараттың бір бөлігінде облыстық жедел жәрдем станциясына қарайтын аудандық бөлімше орналасқан.Аймақ басшысы күрделі жөндеуден өткен медициналық нысан ел игілігіне ұзақ жылдар бойы қызмет ететініне сенім білдіріп, бөлімше жұмысына сәттілік тіледі.<img src="https://knadmin.beoblood.kz/uploads/Syrdariya_o_altu_ortaly_y_05291bbbca.jpg" alt="Сырдария оңалту орталығы.jpg"><img src="https://knadmin.beoblood.kz/uploads/O_altu_ortaly_y_Syrdariya_a1fc4803bd.jpg" alt="Оңалту орталығы Сырдария.jpg">Фото: Облыс әкімінің баспасөз қызметі

Аймақ басшысы оңалту орталығының жұмысымен танысты

<a href="https://kyzylorda-news.kz/">Kyzylorda-news.kz</a> Бұл сұраққа Сенат кулуарында Ауыл шаруашылығы вице-министрі Ермек Кенжеханұлы жауап берді, деп хабарлайды <a href="https://baq.kz/elimizde-et-bagasy-qymbattay-ma-200008066/">BAQ.KZ тілшісі</a>.<blockquote>Өткен жылдың қорытындысы бойынша ет өндірісі шамамен 4 пайызға артты, оның ішінде сиыр еті 2 пайыздан астам өсті. Бұл шаралар елдің етке деген сұранысын толық қамтамасыз етуге мүмкіндік береді. Сондықтан өндіріс есебінен бағаның өсуіне себеп көріп отырған жоқпыз, - деді ол.</blockquote>Оның айтуынша, бұған дейін ет бағасының көтерілуіне Өзбекстан жақтан болған жоғары сұраныс әсер еткен.Бірақ соңғы аптада байқағанымыздай, баға тұрақтанды және қазір өсімнің басқа факторларын көріп тұрғанымыз жоқ, - деді вице-министр.Фото: freepik.com

Елімізде ет бағасы қымбаттай ма?

<a href="https://kyzylorda-news.kz/">Kyzylorda-news.kz</a> «Қазақмыс» корпорациясы хабарлағандай, жеті кенші қаза болған Жомарт кенішіндегі апат орнында авариялық-құтқару бригадалары тау жынысының опырылмағанын анықтаған.«Қазақмыс» компаниясы Жомарт кенішінде болған апаттың бастапқы нұсқасын жоққа шығарды.<blockquote>«Кеніштегі жұмыс тергеу аяқталғанға дейін тоқтатылды. Табиғи газдың жарылуына не себеп болғаны талданып жатыр. Компания Үкіметтік комиссиямен және тергеу органдарымен қоян-қолтық жұмыс істеуде және қолданыстағы қауіпсіздік стандарттарына түзету енгізуді жоспарлап отыр. Соңғы үш жылда «Қазақмыс» еңбек қауіпсіздігіне 87 млрд теңгеден астам инвестиция салды, ал 2025 жылға жоспарланған қаржыландыру көлемі 38 млрд теңгені құрайды. Компания жұмыскерлердің қауіпсіздігін қамтамасыз етуге басымдық береді», - деп мәлімдеді компанияда.</blockquote>Cондай-ақ, хабарламада «Жомарт» кенішіндегі қайғылы оқиғаға байланысты «Қазақмыс» компаниясы қаза тапқан жұмыскерлердің отбасын қолдау үшін шұғыл әрекет етіп, нақты шара қабылдап жатқаны айтылған. Атап айтқанда, ішкі штаб құрылып, өтемақы төлеу, мәйіттерді тасымалдау, несие бойынша міндеттемелерді орындау және отбасы мүшелерін жұмыспен қамту мәселелері назарға алынған. Қаза болған кеншілердің жақын туыстарының өтініші бойынша үш мәйіт Түркістан, Қарағанды облыстарына, қалғандары Жезқазған, Сәтбаев қалаларына жеткізілді.Бұдан бөлек, «Қазақмыс» компаниясының жұмыскерлерін жазатайым оқиғадан сақтандыратын «KM Life» сақтандыру компаниясы қаза тапқан әр кеншінің асырауында бала болғанын ескеріп, олардың отбасына асыраушысынан айырылуына байланысты сақтандыру төлемін тағайындайды.Сақтандыру төлемінің мөлшері қаза болған кісінің асырауындағы адамдардың санына және оның орташа айлық жалақысына байланысты болады. Бұл төлемдер балалар 18 жасқа толғанға дейін ай сайын төленеді, егер олар жоғары оқу орнының күндізгі бөлімінде оқыса, 23 жасқа дейін төленеді. Сондай-ақ 14 жасқа дейінгі балаларға күтім жасайтын, жұмыс істемейтін аналарға да төлем тағайындалады.Ал ұжымдық келісімшартқа сай, марқұмдардың отбасына жерлеу рәсімін атқару үшін 2,2 млн теңге мөлшерінде біржолғы төлем аударылған. Алдағы уақытта оларға 84 млн теңгеден 141 млн теңгеге дейін жететін жылдық жалақының 10 еселенген мөлшері төленеді.Сондай-ақ асыраушысынан айырылу жағдайына ай сайынғы төлемдер, балалардың оқу ақысын төлеу, сондай-ақ отбасы мүшелерінің өтініші бойынша басқа да көмек түрлері қарастырылған.Сонымен қатар қаза болған кеншілердің банк алдындағы қарызы назарға алынуда. Қазіргі таңда Bank RBK, Kaspi және Halyk Bank-те жалпы сомасы 47,5 млн теңгені құрайтын несие мен ипотека анықталды. Қарызды өтеу бойынша жұмыс жүргізілуде.Фото: kazakhmys_official / Instagram

«Қазақмыс» Жомарт кенішіндегі апат туралы: Тау жынысы опырылмаған

<a href="https://kyzylorda-news.kz/">Kyzylorda-news.kz</a> Бүгін Жалағаш ауданында облыс әкімі Нұрлыбек Нәлібаевтың қатысуымен әлеуметтік осал топтағы отбасылар үшін сатып алынған 111 пәтерлік 56 тұрғын үйдің кілтін иелеріне табыстау рәсімі өтті. Оған жауапты сала басшылары, зиялы қауым өкілдері мен аудан тұрғындары қатысты.Аймақ басшысы жаңа пәтер иелерін қоныстоймен құттықтап, өңірдің әлеуметтік-экономикалық дамуындағы, &nbsp;құрылыс, инфрақұрылым салаларындағы жетістіктерге тоқталды.<blockquote>«Президентіміз Қасым-Жомарт Кемелұлы халықты тұрғын үймен қамтамасыз ету мемлекеттің әлеуметтік саясатының басым бағыты екенін атап өтті.&nbsp;Жерлестеріміздің ауызбіршілігі, ынтымақ-бірлігінің арқасында өңіріміз өркендеу жолына түсті. Мемлекет басшысының, Үкіметтің қолдауымен аймағымыз қарқынды құрылыс алаңына айналды. Облыс бойынша 187 нысанның құрылысы салынуда. Бұл – өңірде қолға алынған жұмыстарымыздың бір бөлігі ғана. Алдағы уақытта елдің игілігі мен балаларымыздың болашағы жолындағы жобалар жалғасын табады.&nbsp;Жалағаш ауданында да ауқымды істер атқарылуда. Соңғы 3 жылда Жалағаш ауданына 50 млрд. теңгеден астам инвестиция тартылды.&nbsp;Бүгін міне, 111 пәтерлік 56 тұрғын үйдің құрылысы аяқталып, жаңа қонысты иелеріне салтанатты түрде табыстаудамыз.&nbsp; Елдік мүддеге қызмет етіп, жаңа баспаналарды уақытылы әрі сапалы аяқтаған құрылыс мекемелеріне шынайы алғысымызды білдіреміз. Қоныстой құтты болсын!», – деді Нұрлыбек Нәлібаев.</blockquote>Іс-шарада ел бірлігін бекемдеуге үлес қосқан аға буын ардагерлер мен жаңа тұрғын үйлерді сапалы етіп салған құрылысшылар марапатталды. Облыстық ардагерлер кеңесінің төрағасы Серік Дүйсенбаев қоныстой иелерін құттықтап, батасын берді.Айта кетейік, өткен жылдың басында аудан бюджеті 10 млрд. 200 млн. теңгеге бекітіліп, жыл көлемінде 12 млрд. 200 млн. теңгеге ұлғайды. Аудан халқы 100 пайыз таза ауыз сумен қамтылған. "Ақсу", Мөрәлі Шәменов елді мекендері газға қосылып, тұрғындар игілігін көруде.Ауданда 5 жоба жүзеге асырылып, 19,3 шақырымнан астам көше, жол тораптары жөндеуден өтті. Соңғы 3 жылда &nbsp;5 елді мекеннің 66,3 шақырым электр желілері жаңартылды.<img src="https://knadmin.beoblood.kz/uploads/Zhala_ash_audany_baspana_a3450c9a68.jpg" alt="Жалағаш ауданы баспана.jpg"><img src="https://knadmin.beoblood.kz/uploads/Baspana_Zhala_ash_cf77ffaffb.jpg" alt="Баспана Жалағаш.jpg"><img src="https://knadmin.beoblood.kz/uploads/T_r_yndar_Zhala_ash_audany_3413e6d2bc.jpg" alt="Тұрғындар Жалағаш ауданы.jpg">Фото: Қызылорда облысы әкімінің баспасөз қызметі&nbsp;

Жалағаш ауданында 111 отбасы баспаналы болды

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатов тұрғындарға жеке қабылдау өткізді. «AMANAT» партиясының қалалық филиалы ғимаратында өткен жеке қабылдауға қалалық мәслихат төрағасы Ибадулла Құттықожаев және қалалық полиция басқармасының бастығы Дәулет Беркімбаев қатысты.“Халық үніне құлақ асатын мемлекет” қағидасына негізделген қабылдауда 40-қа жуық азаматтың өтініші қаралды. Көпбалалы аналар мен мүгедектігі бар жандар және жұмыссыз жүрген азаматтар мәселелерін жеткізді. Басым бөлігі - тұрғын үй алу, жол, көше жарығы және жер кезегі туралы сауалдарын жолдады.Шаһар басшысы Нұржан Сәбитұлы көтерілген мәселелерге жауап беріп, шешу жолдарын қарастыруды жауапты басшыларға тапсырды. Ал, қалалық мәслихат төрағасы мен қалалық полиция басқармасының бастығы қабылдауға келген азаматтарға заң аясында түсіндірме жасады.

Тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Тәуелсіздік жолында күрескен қаһарман жерлесіміз Батыржан Шалғынбаевтың ерлігін кейінгі ұрпаққа үлгі ету мақсатында Қызылорда облыстық архивімен бірлесе отырып «Ауғанның отты жылдары» атты еске алу кеші ұйымдастырылды.Аталған іс-шараға Қызылорда облыстық мемлекеттік архиві басшысы орынбасары Жанат Алтынбаева, ҚР ҰҚК Шекара қызметі Қызылорда облысы бойынша департаментінің бөлім бастығы, полковник Ермек Досаев , «Застава Тарландары» РҚБ Қызылорда облысы бойынша филиалының төрағасы Асан Худояров, Батыржан Шалғынбаевтың ағасы Мырзабай Шалғынбаев, Ауған соғысының ардагері Алмабек Сәулебеков және &nbsp;Сәдірбек Омаров қатысып, жастарды білімділікке, отансүйгіштікке, туған жерге қызмет етуге шақырып, тағылымды ойларымен бөлісті.&nbsp;Сондай-ақ іс-шара барысында өнерпаз оқушылар әсем ән айтып, Б.Шалғынбаевтың өмірінің соңғы сәттерінен үзінді көрсетті. &nbsp;Батырдың елге жазған &nbsp;хатының сөзіне негізделген “Соңғы хат” әнін салтанатты түрде хормен орындап шықты. Сыр елінің көсегесін көгертуге атсалысып жүрген ауғандық ардагер жауынгерлерге құрмет көрсетілді.Фото: Қызылорда облыстық архиві

Жалынды жауынгерді еске алу кеші өтті

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатовтың төрағалығымен өткен аппараттық мәжілісте екі мәселе талқыланды.Алдымен жыл көлемінде аталып өтетін іс-шаралардың жоспары жан-жақты нақтыланып, оны жоғары дәрежеде ұйымдастыру пысықталды.<blockquote>– Көктем айында бірқатар мерекелік күндер аталып өтеді. Оның ішінде, «Алғыс айту», «Халықаралық әйелдер күні» және «Әз Наурыз» мейрамдарын жаңашыл сипатқа бағыттауымыз керек. Халықтың талғамы ескерілуі қажет. Сондай-ақ, Ұлы Жеңістің 80 жылдығы лайықты деңгейде аталып өтуі үшін осы бастан тыңғылықты дайындыққа кіріскен жөн. Ал, Қызылорданың астана болғанына және «Қазақ» атауының қайтарылуына 100 жыл толу мерейтойы мазмұнды және шаһарымыздың шежіресі тарихи тұрғыда тереңнен тарқатылуы тиіс, – деді Нұржан Сәбитұлы.</blockquote>Шаһар басшысы екінші мәселе бойынша «Отбасының цифрлық картасына» тоқталып, халықтың әл-ауқатын көтеру мақсатында дағдарыс және Д, Е санатындағы отбасылармен жұмысты күшейтуді тапсырды.<blockquote>– Жекелеген отбасылардың дағдарыс жағдайы тұрақты зерделеуге алынып, олардың себеп-салдары анықталуға тиісті. Балалардың мектепке толық қамтылу жайы нақтыланып, ақпараттық жүйелердің мәліметтері цифрлық картада дұрыс көрсетілуі керек, – деді қала әкімі.</blockquote>Жиында көтерілген мәселелер бойынша жауапты сала басшыларына бірқатар тапсырмалар жүктелді.<img src="https://knadmin.beoblood.kz/uploads/Apparatty_m_zhilis_0423a4273e.jpg" alt="Аппараттық мәжіліс.jpg">Фото: Қызылорда қаласы әкімінің баспасөз қызметі

Әрбір іске тиянақтылық қажет

<a href="https://kyzylorda-news.kz/">Kyzylorda-news.kz</a> Облыста бастауыш ұйымдарда есепте тұратын ардагерлер саны - 68 мыңға жуықтайды. Зейнетке шыққан еш жерде есепте жоқ 17 905 ардагерлерді бастауыш ұйымдарға тіркеп, оларды ардагерлер қозғалысының барлық шараларына қатыстырып, ортаға бейімдеуде ардагерлер кеңесінің атқаратын рөлі айрықша. Ол үшін әрдайым олармен тікелей байланыста отырып, жұмыс істеу маңызды. Облыстағы және аудандағы ардагерлердің жай-күйі облыстық ардагерлер кеңесінің назарында. Келелі кеңесті облыс әкімінің бірінші орынбасары Данияр Жаналинов ашып берді. Пленум аясында Данияр Жаналинов облыстың ардагерлер кеңесі мүшелеріне аймақтағы ең өзекті деген мәселелерді шешу, тұрғындардың өмір сүру сапасын жақсарту және ауқымды инфрақұрылымдық жобаларды іске асыру бойынша облыс әкімдігімен атқарылған және жоспардағы шаралар туралы баяндама жасады.<blockquote>- Мемлекет басшысы Сыр еліне жасаған сапарында облысымызды алтын бесікке теңеп, дамудың үлкен перспективалары бар стратегиялық маңызды өңір деп айрықша баға берді. Биыл бірқатар ауқымды, маңызы зор мерейлі шараларды атап өтеміз. Солардың ең бастысы - Ұлы Жеңістің 80 жылдығы. Облысымызда көзі тірі екі соғыс ардагері бар. Олар Сырдария ауданының Тереңөзек кентіндегі 104 жастағы Яхия Тасыров пен Қазалы ауданының Әйтеке би кентінде тұратын, 101 жастағы Тілеуберген Тубабергенов ағаларымыз ғана қалды. Жалпы, ардагерлерімізді алаңдататын мәселе – сапалы медициналық қызмет алу. Ұлт саулығын нығайтып, ауыл халқына сапалы медициналық қызмет көрсету - мемлекеттің басты міндеттерінің бірі. Сондай-ақ, пленумда қоғамдағы өзекті мәселелер талқыланып, шешімін табады деген сенімдемін, - деді Данияр Еренғалиұлы.</blockquote>Жиында облыстық ардагерлер кеңесінің төрағасы Серік Дүйсенбаев 2024 жылы атқарылған жұмыстарды қорытындылады. Сонымен қатар, әр саланың ардагерлері өздерінің ұсыныс-пікірлерін ортаға салды.<blockquote>- Өткен жылы облыстың 140 ардагері еліміздің 4 шипажайында ем алып қайтты. Өткен жылы 50-ден астам ардагерімізді еліміздің орталық өңірі – Ұлытау аймағының тарихи орындарымен таныстыру шарасы өткізілді. Далалық өркениеттің орталығы Жошы хан, Алаша хан, Алтын шоқы, Хан ордасы тарихи ескерткіштеріне зиярат етіп қайтты. Сонымен қатар 1000-нан аса облыс ардагерлері Арыстан баб, Түркістан, Үкіш ата және жергілікті Хорасан баба, Төлек ата, Сунақ ата кесенелеріне барып зиярат етті. Биыл да атқаратын ауқымды жұмыстар көп. Бірінші кезекте ардагерлеріміздің толық есебін алып, оларды бастауыш ұйымдарға тіркеп, іс-шараларға белсене қатыстыруын қамтамасыз етеміз, - деді Серік Әбішұлы.</blockquote><img src="https://knadmin.beoblood.kz/uploads/Whats_App_Image_2025_02_21_at_14_16_05_86a7aec169.jpeg" alt="Ардагерлер кеңесі пленум.jpeg">

Облыстық ардагерлер кеңесінің кезекті V пленумы өтті

<a href="https://kyzylorda-news.kz/">Kyzylorda-news.kz</a> Қазақстан БҰҰ Жарғысына қатаң сәйкестікте кең ауқымды көпжақты ынтымақтастыққа бейілділігін айқын көрсетіп отыр. Бұл туралы Президент Қасым-Жомарт Тоқаев 2024 жылғы қыркүйектегі халыққа Жолдауында мәлімдеді. Мемлекет басшысы еліміздің халықаралық қауіпсіздік пен тұрақтылық мәселелерін шешуде белсенді рөл атқаратынын атап өтті.2024 жылы Қазақстан бірқатар беделді халықаралық ұйымдар мен платформаларға төрағалық етті, бұл өңірлік және жаһандық күн тәртібіндегі өзекті мәселелерді шешуге ықпал етті. Шанхай ынтымақтастық ұйымына (ШЫҰ), Түркі мемлекеттері ұйымына (ТМҰ), Азиядағы өзара іс-қимыл және сенім саралары жөніндегі кеңеске (АӨСШК), Ұжымдық қауіпсіздік туралы шарт ұйымына (ҰҚШҰ), Орталық Азия мемлекеттері басшыларының консультативтік кездесуіне және Халықаралық Аралды құтқару қорына (ХАҚҚ) табысты төрағалық ету Қазақстанның халықаралық ықпалын нығайтудағы маңызды қадам болды, сондай-ақ дипломатиялық мүмкіндіктерді кеңейтті.Қазақстанның ШЫҰ-ға төрағалық ету барысында экономикалық ынтымақтастықты, қауіпсіздікті, экологиялық бастамаларды және цифрлық трансформацияны қоса алғанда, кең ауқымды тақырыптарды қамтитын 160-тан астам іс-шара өткізілді. Шарттық база қатысушы елдер арасындағы ынтымақтастықты нығайтатын 60 жаңа құжатпен толықтырылды. Қазақстан Еуразия экономикасының, саудасының, көліктік және логистикалық байланысының континенттік белдеуін қалыптастыруға бағытталған Ұйымның 2035 жылға дейінгі даму стратегиясына бастамашы болды. Төрағалықтың басты іс-шарасы ретінде алғаш рет «ШЫҰ плюс» форматында өткен Астана саммиті болды.АӨСШК төрағалығының негізгі жетістігі институционалдық дамудың жаңа кезеңіне көшу болды. Трансформацияның жол картасы аясында Жарғы мен Рәсімдер ережелері әзірленді, Сенім шараларының каталогы жаңартылды, Даналар кеңесі, Талдау орталықтарының форумы және АӨСШК қоры құрылды. Қазақстан қатысушы елдердің өзара іс-қимылын цифрландыру бойынша бастама көтеріп, деректер мен талдамалық материалдармен алмасу платформасын іске қосты.Түркі мемлекеттерінің ұйымына төрағалық ету «TURKTIME!» ауқымды бағдарламаның іске қосылуымен ерекшеленді, сондай-ақ мәдени және экономикалық интеграцияны нығайтуға ықпал етеді. Мемлекет басшысының осы бастамасы аясында білім беру, ғылыми зерттеулер және кәсіпкерлік саласындағы жобалар іске асырылды. Тұрақты өкілдер механизмі құрылды, мемлекеттік рәміздер біріздендірілді, стратегиялық жобаларды қолдауға бағытталған Инвестициялық қор құрылды. Қатысушы елдер арасында 45 млрд АҚШ долларынан асқан өзара сауданың айтарлықтай өсуі экономикалық ынтымақтастықтың артып келе жатқанын көрсетеді.ҰҚШҰ-ға төрағалық ету барысында Қазақстан трансшекаралық қылмыс, терроризм және есірткінің заңсыз айналымы сияқты өзекті қатерлерге қарсы іс-қимыл жөніндегі бастамаларды ілгерілетуге назар аударды. Мемлекет басшыларының кездесулерін, тақырыптық дөңгелек үстелдер мен әскери жаттығуларды қоса алғанда, 80-нен астам іс-шара өткізілді. Тәжік-ауған шекарасын нығайту бағдарламасы бойынша 10 жылдық жұмысты аяқтауға ерекше назар аударылды.Халықаралық Аралды құтқару қорындағы қазақстандық төрағалықтың (2024-2026 жылдары) күш-жігері ХАҚҚ жетілдіру процесін аяқтауға, өңірдің су-энергетикалық ресурстарын басқарудың өзара тиімді механизмін әзірлеуге, экологиялық бағдарламалардың уақтылы және сапалы іске асырылуын қамтамасыз етуге, сондай-ақ климаттың өзгеруінің салдарын еңсеру мақсатында келісілген шаралар қабылдауға шоғырланған.Қазақстанның Су дипломатиясы аясында 2024 жылы Қытаймен, Ресеймен және Орталық Азия елдерімен трансшекаралық өзендер бойынша 35-ке жуық отырыс өткізілді. Қырғызстанмен және Өзбекстанмен Шу, Талас және Сырдария трансшекаралық өзендері арқылы Қазақстанға су беру туралы уағдаластыққа қол жеткізілді. Қытаймен Ертіс және Іле сияқты 20-дан астам өзендер бойынша келіссөздер жүргізілуде. Еліміздің БҰҰ-дың Халықаралық су ағындарын кеме қатынасынан басқаша пайдалану түрлерінің құқығы туралы конвенциясына қосылуы маңызды қадам болды.2024 жыл Орталық Азия мемлекеттерімен көпжоспарлы ынтымақтастықты нығайту тұрғысынан серпінді жыл болды. Мемлекет басшысының «Орталық Азияның Ренессансы: орнықты даму мен өркендеу жолында» бағдарламалық мақаласы өңірдегі бауырластық қатынастардың, тату көршілік пен стратегиялық серіктестіктің форматын белгіледі.Әзербайжан Президенті, БҰҰ Бас хатшысының ОА жөніндегі арнайы өкілі және БҰҰ Орталық Азия үшін превентивті дипломатиясы жөніндегі өңірлік орталығының басшысының қатысуымен Орталық Азия мемлекеттері басшыларының консультативтік кездесуінің 6-шы отырысын өткізу маңызды болды. Саммит қорытындысы бойынша «ОА-2040» Өңірлік кооперацияны дамыту тұжырымдамасына, 2025-2027 жылдарға арналған Өңірлік ынтымақтастықтың жол картасына, сондай-ақ 2025-2027 жылдарға арналған Өнеркәсіптік кооперацияны дамыту жөніндегі іс-қимыл жоспарына қол қойылды.Бұдан басқа Қазақстан қақтығыстарды реттеуде делдал бола отырып, халықаралық дипломатияда маңызды рөл атқаруды жалғастыруда. Астана процесі аясында біз Сирия дағдарысы бойынша келіссөздер алаңын ұсындық. Қазақстан негізгі қатысушыларды біріктіреді және ымыралық шешімдерге қол жеткізуге ықпал етеді. Сондай-ақ ел өңірлік қақтығыстарды шешу үшін халықаралық медиация орталығын құру туралы ұсыныс жасады, бұл профилактикалық дипломатия механизмдерін дамытудағы маңызды қадам болады.Қазақстан әлемдік саясатқа интеграцияның жоғары дәрежесін көрсетіп отыр. Еліміз энергетика, көлік, сауда және цифрлық технологиялар салаларындағы ірі өңірлік жобаларға бастамашы болып отыр. Транскаспий халықаралық көлік бағытын дамыту, «Бір белдеу – бір жол» жобасы аясындағы ынтымақтастық және Еуразиялық экономикалық одаққа белсенді қатысу еліміздің жаһандық экономикалық байланыстарды нығайтуға бейілділігін растайды. Жасыл технологиялар мен экономиканы декарбонизациялау жөніндегі бағдарламаларды енгізу Қазақстанның халықаралық күн тәртібінің маңызды бөлігіне айналды. Еуропалық одақ және Таяу Шығыс елдерімен орнықты даму және энергетика саласындағы ынтымақтастықты кеңейту маңызды аспект болды.Қазақстан бейбітшілікке бағытталған сыртқы саясат ұстануды жалғастырады. Ел Еуразиялық кеңістікте қауіпсіздікті, орнықты даму мен өркендеуді қамтамасыз етуге елеулі үлес қосуда. БҰҰ, ДСҰ және басқа да халықаралық ұйымдардың жаһандық бастамаларына қатысуды кеңейту, жетекші державалармен стратегиялық серіктестікті дамыту және экономикалық дипломатияны тереңдету елдің сыртқы саясатының негізгі басымдықтары болып қала береді.Фото: gov.kz

Қазақстан жаһандық ынтымақтастықты нығайтуда: 2024 жылғы сыртқы саясаттың негізгі жетістіктері

<a href="https://kyzylorda-news.kz/">Kyzylorda-news.kz</a> Синоптиктер 20-21-22 ақпанға арналған ауа райы болжамын жариялады, деп хабарлайды «Қазгидромет» РМК баспасөз қызметі.&nbsp;Болжам бойынша, алдағы күндері ел тұрғындары климаттық айырмашылықты айқын сезеді.&nbsp;<blockquote>– Республиканың солтүстік өңірлеріне антициклон әсер етеді. Ол негізінен жауын-шашынсыз аязды ауа райын сақтайды. Ал, оңтүстік өңірлерде жағдай керісінше: мұнда баяу жылжып келе жатқан оңтүстік циклоны ықпал етеді, күндізгі температура біртіндеп 10-15 градусқа дейін көтеріледі, - делінген хабарламада.</blockquote>Фото: Нұрболат Нұржаубай

Қазгидромет үш күнге арналған ауа райы болжамын жариялады

<a href="https://kyzylorda-news.kz/">Kyzylorda-news.kz</a> Сенаттың жалпы отырысында «Қазақстан Үкіметі мен Түркия Үкіметі арасындағы өсімдіктер карантині және оларды қорғау саласындағы ынтымақтастық туралы келісімді ратификациялау туралы» Заңы мақұлданды.Келісімнің негізгі мақсаты - фитосанитариялық қауіпсіздікті қамтамасыз ету және екі мемлекеттің аумағында карантиндік зиянды организмдердің әкелінуі мен таралуын болғызбау үшін өсімдіктер карантині және оларды қорғау саласындағы екіжақты ынтымақтастықты дамыту.<blockquote>- Өсімдіктер карантині бойынша халықаралық ынтымақтастық екі елдің фитосанитариялық қауіпсіздігін қамтамасыз ету үшін маңызды. Бұл Келісім карантиндік шараларды жетілдіру және қажетті өзара қарым-қатынасты дамыту мәселелерін қамтиды. Мысалы, нормативтік-құқықтық актілермен, карантиндік зиянды организмдердің ұлттық тізбесімен, сондай-ақ басқа да ережелермен алмасу, өсімдіктер карантині және оларды қорғау саласындағы ғылыми-зерттеу институттары мен ұйымдары арасындағы ғылыми ынтымақтастықты дамыту қарастырылған. Бұдан басқа, Келісім әкелінетін жүктерге, фитосанитариялық сертификаттауға және жүктердің транзитіне қатысты талаптарды белгілейді, - сенатор Ернұр Әйткенов.</blockquote>Оның айтуынша, соңғы үш жылда Қазақстаннан Түркияға 700 мың тонна өсімдік өнімі экспортталды, ал Түркиядан 40 мың тоннаға жуық ауыл шаруашылығы дақылы мен 2,7 мың тұқым импортталды. Барлық карантинге жатқызылған өнімдер фитосанитариялық бақылаудан өтеді.<blockquote>- Өткен үш жылда Түркиядан әкелінген өнімдердің 76 партиясында фитосанитариялық талаптарға сәйкес келмеу дерегі анықталды. Егер карантиндік зиянды организмдер анықталса, олардың таралуын болдырмау үшін тиісті шаралар қабылданады. Бұл шаралар халықаралық міндеттемелер мен ұлттық заңнамаға сәйкес жүзеге асырылады. Осы заңды қабылдау екі ел арасындағы ынтымақтастықты нығайтуға және карантин қызметтерінің жұмысын жақсартуға мүмкіндік береді. Заңның қабылдануы әлеуметтік-экономикалық немесе құқықтық мәселелер тудырмайды және бюджеттен қосымша шығындарды талап етпейді, - деді Е. Әйткенов.</blockquote>Өз кезегінде сенатор Сұлтан Дүйсембинов Түркия Қазақстанның ең ірі бес сауда серіктесінің бірі екенін атап өтті. Сонымен қатар, басты 10 инвестордың қатарына кіреді. Былтыр екі елдің тауар айналымы 6 млрд доллар, экспорт көлемі 3,6 млрд доллар, ал импортталған түркиялық тауарлар көлемі 2 млрд долларға жеткен. Қарым-қатынасымыздың әлеуеті өте зор.Былтыр күзде Үкіметте фитосанитариялық бақылау жүйесін реформалау жобасы таныстырылды.Фото: freepik.com

Қазақстан мен Түркия ғылыми ынтымақтастықты күшейтеді - Сенат

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінің мәжіліс залында аудандық қоғамдық кеңестің отырысы өтті. Жиында күн тәртібіне сәйкес аудан әкімі Жандос Еркінбек ауданның әлеуметтік-экономикалық дамуы туралы баяндама жасады.Аудан басшысы 2024 жылы аудан көлемінде атқарылған ауқымды жұмыстарға тоқталып, алдағы негізгі міндеттерді саралады.<blockquote>– 2024 жылдың қорытындысы бойынша ауданның әлеуметтік-экономикалық дамуында тұрақты оң тенденция сақталды. Оның бір дәлелі ретінде аудан бюджетінің ұлғаюын атап айтуға болады. Облыс әкімінің ерекше қолдауының арқасында 2024 жылдың қорытындысымен аудан бюджеті 18 млрд. 533 млн. теңгені құрап, 2023 жылғы бекітілген бюджетпен салыстырғанда 6 млрд. 541 млн. теңгеге немесе 54,5 пайызға артып отыр, – деді аудан әкімі.</blockquote>Одан кейін аудандық мәслихат төрағасы Әділ Қошалақов өз хабарламасында жыл көлемінде атқарылған жұмыстарын жан-жақты баяндады.Сондай-ақ, аудандық қоғамдық кеңес төрағасы Әбдірахман Құлдүйсенов есепті кезеңдегі кеңес қызметіне шолу жасап, көтерілген және шешімін тапқан мәселелер бойынша хабарлама жасады.Жиын соңында қоғамдық кеңес мүшелері аудан әкімінің және аудандық мәслихат хатшысының есептерін тыңдап, олардың жұмысына оң баға берді.Фото: Қармақшы ауданы әкімінің баспасөз қызметі

Архив