<a href="https://kyzylorda-news.kz/">Kyzylorda-news.kz</a> Белгілі актер Рүстем Жаныаманов Жанар Байсемізге берген сұхбатында өнерден кетіп, кәсіпке бет бұруды&nbsp;жоспарлап жүргенін ашық айтты.&nbsp;Бұл туралы<a href="https://stan.kz/koshtasuga-dayinmin-akter-rustem-zhaniamanov-onerden-ke-412216/">&nbsp;Stan.kz</a>&nbsp;ақпарат агенттігі хабарлайды<blockquote>“Жалықтым дегеннен Құдай сақтасын. Бірақ қазір Жанарға кәсіпке қарай бет бұрғым келеді деп көп айтып жүрмін. Өнерден кету ойда бар және ол солай болатын сияқты. Меніңше, өле-өлгенше өнерде жүрген дұрыс емес сияқты. Басқа саланы көру керек сияқты. Балалар өсіп&nbsp;келе жатыр. Оқыту керек, оңай емес. Өнерді сағынбаймын, қоштасуға дайынмын”, –&nbsp;дейді Рүстем Жаныаманов.</blockquote>Ол болашақта балаларының әкесі өмірін өнерге арнады деп айтып отырғанын қаламайды екен.<blockquote>“Жанарға кино бітсе, әлем аралауға кетейікші деп отырмын. Мұны да маған Жанар үйретті. Өзіміз бірнәрсе өндіріп шығарғымыз келеді. Мысалы, кітап, кино. Бірақ кадрдан тыс болғым келеді. Киноға түскім келмейді. Қазір кетпеймін, шамамен 40 жасыма дейін осы салада боламын. Өмірімде бір нәрсені өзгерткім келеді. Актерлердің проблемалары маған мәлім. Олардың ұйқысы дұрыс емес, сүйектері, белі ауырады”, –&nbsp;дейді актер.</blockquote>Фото: Рүстем Жаныаманов инстаграм парақшасынан

"Қоштасуға дайынмын": Белгілі актер көрермендерін ойландырып қойды

<a href="https://kyzylorda-news.kz/">Kyzylorda-news.kz</a> Қазақ күресі бойынша алдағы жарыстарға дайындық кезеңі басталды. Атап айтқанда, Қызылорда қаласында 6-8 қаңтар аралығында 2008-2009 және 2010-2011 жылы туылған жасөспірімдер арасында қазақ күресінен ҚР чемпионатына іріктеу өтті.Іріктеу барысында 2008-2009 жылғы жасөспірімдер 9 салмақ дәрежесі бойынша 180 спортшы қатысса, 2010-2011 жылғы жасөсіпірімдер 10 салмақ дәрежесінде 300 спортшы бақ сынады.Фото: Қызылорда облысының дене шынықтыру, спорт және туризм басқармасы

Қазақ күресінен ҚР чемпионатына іріктеу өтті

<a href="https://kyzylorda-news.kz/">Kyzylorda-news.kz</a> Бүгін облыс әкімдігінде «Өңірлік дамыту және Арал теңізінің Солтүстік бөлігін қалпына келтіру» жобасы талқыланған мәжіліс өтті. Оған ҚР Су ресурстары және ирригация министрі Нұржан Нұржігітов, Парламент Мәжілісінің депутаты Мархабат Жайымбетов, облыс әкімінің орынбасары Бахыт Жаханов, аталған министрліктің өкілдері, жергілікті атқарушы органдар мен су шаруашылығы саласының басшылары, ардагерлер қатысты.Бахыт Жаханов аймақ басшысының тапсырмасына сәйкес өңірде атқарылған жұмыстарға, алдағы жоспарларға тоқталды.«Өңірлік дамыту және Арал теңізінің Солтүстік бөлігін қалпына келтіру» жобасының 3 негізгі компоненті бар. Соның 2-уі Қызылорда облысында тұрақты экономикалық, әлеуметтік және экологиялық қызметті қолдауға арналған.Екінші компоненттің бес бағыты – балық шаруашылығы, туризм, жасыл белдеу құру, егін және мал шаруашылығы. Оған 39 жоба енгізілген, 13-ін Халықаралық «Аралды құтқару қорының» атқарушы дирекциясы, 13-ін жергілікті әкімдіктер, 4 жобаны Балық шаруашылығы ғылыми зерттеу орталығының Арал филиалы, 3 жобаны Ы.Жахаев атындағы Қазақ күріш шаруашылығы ғылыми-зерттеу институты, 6 жобаны әртүрлі ұйымдар, жеке тұлғалар ұсынған.Жобалар іске асқан жағдайда 1927 адам тұрақты жұмыспен қамтылуы жоспарланған.«Жаңақорған ауданы Сүттіқұдық ауылы аумағындағы суармалы алқаптарда 11 ұңғыманы бұрғылау» жобасы 2022 жылы Үкімет резервінен бөлінген қаржыға іске асырылды. Тағы 3 жоба қолға алынған.Министрдің жұмыс сапары Арал ауданында жалғасады. Онда «Өңірлік дамыту және Арал теңізінің Солтүстік бөлігін қалпына келтіру» жобасының техника-экономикалық негіздемесі талқыланатын мәжіліс өтеді деп жоспарлануда.<img src="https://knadmin.beoblood.kz/uploads/19_0696dcc9a3.jpg" alt="19.jpg">Фото: Қызылорда облысы әкімінің баспасөз қызметі

ҚР Су ресурстары және ирригация министрі Сыр еліне келді

<a href="https://kyzylorda-news.kz/">Kyzylorda-news.kz</a> Сенат кулуарында депутат Марат Қожаев халық арасында қызу талқыланып жатқан тәртіпке қатысты пікірін айтты, деп хабарлайды <a href="https://baq.kz/koligin-5-minuttan-artyq-qyzdyrgandarga-ayyppul-qalay-salynady-senator-tusindirdi-200005151/">BAQ.KZ</a> тілшісі.Еске салайық, көлігін 5 минуттан артық қыздырғандарға айыппұл салынатыны туралы кеше жазған едік.ІІМ баспасөз қызметінің бізге берген жауабына сәйкес, тұрғын аудандарда қозғалтқышы 5 минуттан астам жұмыс істеп тұрған көліктерді қоюға тыйым салынады. Ереже бұзғандарға 5 АЕК (19 660 теңге), ал қайталап бұзғаны үшін 10 АЕК (39 320 теңге) айыппұл салынады.Сенатор бұл норманың жаңа емесін және ұзақ уақыттан бері қолданыста жүргенін айтады.<blockquote>Мәселе мынада ғой, мұның бәрі экологиялық нормаларды сақтау үшін жасалған… Біздің үлкен қалаларымыздың ауасы қатты ластанған. Осыған байланысты бұл шара қолға алынып отыр. Иә, әрине, осы бап бойынша жауапкершілікке тарту үшін нақты процессуалдық дәлелдер қажет. Бұл жағдайда, бәлкім, бейнетүсірілім, уақытты тіркеу және тағы басқа әдістер қолданылады. Егер мұндай жағдай тіркелсе, онда бұл адамдар әкімшілік тәртіппен жазаланады, - деді Марат Қожаев.</blockquote>Фото: Нұрболат Нұржаубай

Көлігін 5 минуттан артық қыздырғандарға айыппұл қалай салынады?

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаев Тереңөзек кентіндегі аудандық төтенше жағдайлар бөлімі №12 өрт сөндіру бөлімінің жұмысымен танысты. Аудан әкімімен бірге бөлім жұмысын аудандық мәслихат төрағасы Ержан Әжікенов пен "АМАНАТ" партиясы аудандық филиалдың атқарушы хатшысы Ақтөре Ибрагимұлы көрді.Азаматтық қорғау саласында атқарылып жатқан жұмыстарды бөлім бастығы, азаматтық қорғаy подполковнигi Қанат Шарафадинов таныстырды.Өрт оқиғаларында, жер сілкінісі, апат және төтенше жағдайлар орын алған кезде алғашқы авариялық құтқару жұмыстарын жүргізетін бөлім Тереңөзек кентінен бөлек 8 елді мекеннің аумағын қамтиды. Жол ұзақтығы мен уақыт тығыздығына қарамастан мамандар бар күшін салып, құтқару жұмыстарын жүргізіп келеді.Қазіргі таңда бөлімде 38 қызметкер жұмыс істейді. Мекеме 4 бірлік техникамен және барлық керекті құрал-жабдықтармен қамтылған. Сонымен қатар, бөлімге өткен жылы жергілікті бюджет есебінен моторлы қайық алып берілді.Сала жұмысымен танысқан аудан басшысы төтенше жағдайлар кезінде жедел қызмет көрсетіп, халықтың қауіпсіздігін тұрақты бақылауда ұстауды тапсырды.Фото: Сырдария ауданы әкімінің баспасөз қызметі

Төтенше жағдайлар бөлімінің жұмысымен танысты

<a href="https://kyzylorda-news.kz/">Kyzylorda-news.kz</a> Қазақстанда 2025 жылдың 1 ақпанынан бастап электр энергиясының бағасы көтерілуі мүмкін. Оған&nbsp;Энергетика министрлігінің электр энергиясына шекті тарифтерді бекітуі себеп болды. Бұл туралы<a href="https://stan.kz/"> Stan.kz</a> ақпарат агенттігі хабарлайды.&nbsp;Қазақстанның 36 энергия өндіруші ұйымы электр энергиясының шекті тарифтерін түзетуге өтінім берген. Сонымен қатар&nbsp;үш жаңа компания энергия өндіруші ұйымдар тізіміне кіру үшін тарифтерді белгілеу ұсынысын айтқан.&nbsp;Министрдің бұйрығы 22 қаңтарға дейін талқылау үшін "Ашық нормативтік-құқықтық актілер порталына" жарияланды. Бұйрық жобасында энергия өндіруші ұйымдардың көпшілік топтары үшін шекті тарифтерді көтеру көзделген. Құжатта тек топтар көрсетілген. Ал осы топтарға сәйкес ұйымдардың атаулары Энергетика министрінің (05.12.2018 ж., № 476) бұйрығымен берілген.<ul><li style="text-align:justify;">1-топ: "Б.Нұржанов атындағы Екібастұз Мемлекеттік аудандық электр станциясы-1" ЖШС – тариф 2024 жылы 8,27 теңгеден 2025 жылы кВт/сағ үшін 9,50 теңгеге дейін;</li><li style="text-align:justify;">2-топ: "Еуразиялық энергетикалық корпорациясы" АҚ – кВт/сағ үшін 7,98 теңгеден 8,48 теңгеге дейін;</li><li style="text-align:justify;">3-топ: "Екібастұз Мемлекеттік аудандық электр станциясы-2" АҚ – кВт/сағ үшін 13,17-ден 15,67 теңгеге дейін;</li><li style="text-align:justify;">4-топ: "Топар бас тарату электр станциясы" ЖШС – кВт/сағ үшін 15,32-ден 20,84 теңгеге дейін;</li><li style="text-align:justify;">5-топ: Батыров атындағы "Жамбыл Мемлекеттік аудандық электр станциясы" АҚ – кВт сағ үшін 17,73 теңгеден 22,58 теңгеге дейін;</li><li style="text-align:justify;">6-топ: "Қарағанды ​​Энергия Центр" ЖШС – кВт/сағ үшін 14,09 теңгеден 17,64 теңгеге дейін;</li><li style="text-align:justify;">7-топ: "Өскемен ЖЭО" ЖШС– кВт/сағ үшін 14,27-ден 17,82 теңгеге дейін;</li><li style="text-align:justify;">8-топ: "Севказэнерго" АҚ – кВт/сағ үшін 18,61 теңгеден 23,17 теңгеге дейін;</li><li style="text-align:justify;">9-топ: "Астана-Энергия" АҚ – кВт/сағ үшін 9,28-ден 11,71 теңгеге дейін;</li><li style="text-align:justify;">10-топ: "Павлодарэнерго" АҚ (ЖЭО-2,3) – кВт/сағ үшін 18,25-тен 24,29 теңгеге дейін;</li><li style="text-align:justify;">12-топ: "Қазақстан алюминийі" АҚ – кВт/сағ үшін 7,87-ден 8,52 теңгеге дейін;</li><li style="text-align:justify;">13-топ: "Kazakhmys Energy" ЖШС (ЖТЭК, БТЭК) – кВт/сағ үшін 21,42 теңгеден 30,24 теңгеге дейін;</li><li style="text-align:justify;">15-топ: "Согринская ЖЭО" жауапкершілігі шектеулі серіктестігі – кВт/сағ үшін 18,62 теңгеден 20,52 теңгеге дейін;</li><li style="text-align:justify;">16-топ: "Bassel Group LLS" ЖШС – кВт/сағ үшін 16,73-тен 25,48 теңгеге дейін;</li><li style="text-align:justify;">17-топ: "Текелиский энергокомплекс" жауапкершілігі шектеулі серіктестігі – кВт/сағ 20,72-ден 24,17 теңгеге дейін;</li><li style="text-align:justify;">18-топ: "Степногорск ЖЭО" жауапкершілігі шектеулі серіктестігі – кВт/сағ үшін 28,97 теңгеден 38,67 теңгеге дейін;</li><li style="text-align:justify;">19-топ: "Шахтинсктеплоэнерго" жауапкершілігі шектеулі серіктестігі – кВт/сағ үшін 6,36 теңгеден 21,05 теңгеге дейін;</li><li style="text-align:justify;">20-топ: "Атырау ЖЭО" АҚ – кВт/сағ үшін 20,70-тен 23,91 теңгеге дейін;</li><li style="text-align:justify;">21-топ: "Ақтөбе ЖЭО" АҚ – кВт/сағ үшін 12,63 теңгеден 17,54 теңгеге дейін;</li><li style="text-align:justify;">22-топ: "Кентау сервис" МКҚК – кВт/сағ 7,07-ден 37,12 теңгеге дейін;</li><li style="text-align:justify;">23-топ: "Арқалық ТЭК" МКҚК – кВт/сағ үшін 8,44 теңгеден 13,13 теңгеге дейін;</li><li style="text-align:justify;">25-топ: "Жайықтеплоэнерго" АҚ – кВт/сағ 12,52-ден 13,25 теңгеге дейін;</li><li style="text-align:justify;">26-топ: "Алматы электр станциялары" АҚ (ТЭЦ-1,2,3, Қапшағай СЭС, Каскад ГЭС) – кВт/сағ үшін 17,82 теңгеден 20,93 теңгеге дейін;</li><li style="text-align:justify;">27-топ: "МАЭК-Қазатомөнеркәсіп" ЖШС – кВт/сағ үшін 19,45-тен 22,16 теңгеге дейін;</li><li style="text-align:justify;">28-топ: "Жаңажолская Газ турбиналық электр станциясы" жауапкершілігі шектеулі серіктестігі – кВт/сағ үшін 11,85-тен 14,36 теңгеге дейін;</li><li style="text-align:justify;">31-топ: "Crystal Management" АҚ – кВт/сағ үшін 12,44-тен 15,27 теңгеге дейін;</li><li style="text-align:justify;">33-топ: "АЭС Шүлбі ЖЭО" АҚ – кВт/сағ үшін 4,14-тен 5,04 теңгеге дейін;</li><li style="text-align:justify;">34-топ: "АЭС Өскемен ЖЭО" АҚ – кВт/сағ үшін 3,44 теңгеден 4,29 теңгеге дейін;</li><li style="text-align:justify;">37-топ: "Ақтөбе рельс-арқалық зауыты" ЖШС – кВт/сағ үшін 13,05-тен 21,11 теңгеге дейін;</li><li style="text-align:justify;">39-топ: "З-Энергоорталық" АҚ – кВт/сағ үшін 15,09-дан 16,77 теңгеге дейін;</li><li style="text-align:justify;">40-топ: "Қызылордатеплоэлектроцентр" МКК – кВт/сағ үшін 11,58-ден 12,10 теңгеге дейін;</li><li style="text-align:justify;">41-топ: "Таразэнергоцентр" АҚ – кВт/сағ үшін 14,29-дан 21,07 теңгеге дейін;</li><li style="text-align:justify;">42-топ: "Батыс Пауэр" ЖШС&nbsp;– кВт/сағ үшін 14,60 теңгеден 15,89 теңгеге дейін;</li><li style="text-align:justify;">50-топ: "Жайықмұнай" ЖШС – кВт/сағ үшін 9,00-ден 11,92 теңгеге дейін.</li></ul>Бірыңғай сатып алушы үшін электр энергиясының құнының өсуі кВт/сағ үшін шамамен 2 теңге болуы мүмкін.&nbsp;Энергия өндіруші ұйымдар тізіміне үш жаңа кәсіпорынды енгізу жоспарланып отыр. Бірақ олардың атаулары көрсетілмеген.Тарифтерді көтеруге не әсер еттіЖалақының өсуі. 2024 жылы орташа жалақы 18%&nbsp;өсіп, 425 мың теңге болды. 2025 жылы одан әрі 15-20%-ға, 490 мың теңгеге дейін көтерілуі мүмкін.&nbsp;"Жалақыны көтеру білікті кадрларды тартуға және сақтауға бағытталған", – делінген бұйрық жобасында.Кадр тапшылығы. 2024 жылғы қаңтардағы жағдай бойынша энергетика саласында 52,5 мың қызметкер жұмыс істеді. Оның штаттық деңгейі 57 мың, бұл 4,5 мың маман тапшылығын тудырып отыр.&nbsp;Жанармай мен материалдар бағасының өсуі. Көмірдің, газдың және оларды тасымалдаудың, металл және жөндеу жабдықтарының қымбаттауы шығындардың өсуінің негізгі факторлары болды.Фото: Нұрболат Нұржаубай

Қазақстанда 1 ақпаннан бастап электр энергиясы қымбаттамақ

<a href="https://kyzylorda-news.kz/">Kyzylorda-news.kz</a>&nbsp; Аймақтың еңбек нарығына қажетті, сұранысқа ие мамандықтардың ұзақ мерзімді болжамын анықтау үшін мамандықтар атласы әзірленуде. Қорқыт ата атындағы Қызылорда университеті мамандықтар атласын әзірлеу мақсатында 20 қызметкерді арнайы оқудан өткізді.<blockquote>«Атом саласына осыдан 10 жыл бұрын мамандар тапшылығы байқалатын. Қазіргі кезде бір орынға он шақты адамнан конкурсқа түсетін болды. Сонда да керекті мамандар кейде жетіспеушілігі пайда болады. Ол мамандықтар – бізде газ-авто сварщик, керек болады көбіне, токарь мамандығы. Осы екі мамандығы әрдайым конкурста адам жетіспеушілігі бізде байқалады», – деді «РУ-6» кәсіпорынының директоры Жандос Әбдімәуленов.</blockquote>Фото: Облыстық қоғамдық даму басқармасы

20 қызметкерді арнайы оқудан өткізген

<a href="https://kyzylorda-news.kz/">Kyzylorda-news.kz</a>&nbsp; С.Ысқақов атындағы колледжде жалпы жұмысшы мамандықтары бойынша 16 ірі кәсіпорын мен мекемемен келісімшарт жасалған.<blockquote>«Келісімшартты біз әр жыл сайын жасап, жаңартып отырамыз. Онда мекеменің талаптарын ескере отырып, пункттерге қосамыз. Ол келісімшарттарда біздің бітірушілерді әр мекеменің сұранысына қарай жұмыспен қабылдау да қарастырылған. Биылғы жылы колледжд 230 бала аяқтаса, олардың 72 пайызы жұмысқа орналасты», – деді С.Ысқақов атындағы колледж директоры Әлия Досмаханова.</blockquote>Фото: Облыстық қоғамдық даму басқармасы

Колледж түлектерінің 72 пайызы жұмысқа орналасқан

<a href="https://kyzylorda-news.kz/">Kyzylorda-news.kz</a>&nbsp; Қызылорда облысындағы студенттердің 35,7 пайызы жұмысшы мамандығы бойынша білім алып жатыр.<blockquote>«Жұмысшы біліктілігі бойынша бізде техникалық мамандықтарымыз бар. Автомобиль көлігін жөндеу, автоэлектрик, автослесарь деген сияқты. Сонымен қатар электр монтаждау және IT мамандықтарына көп басымдық беріліп жатыр. Атап айтатын болсақ, электрмен қамтамасыз ету мамандығы бойынша бізде тіпті студенттеріміз іс-тәжірибеден өтіп жүріп жұмысқа орналасып кетеді. Президентіміз 2025 жылды «Жұмысшы мамандықтар жылы» деп жариялаған болатын. Бұл өте орынды. Жұмысшы біліктілік сапасының жоғарылауына және жұмысшы біліктілігінде оқып жатқан студенттердің мәртебесін көтеруге арналған бірден-бір мүмкіндік деп айтуға болады», – деді «Орда» жоғары колледжінің директоры Гүлжамила Досжанова.</blockquote>Фото: Облыстық қоғамдық даму басқармасы

Электр монтаждау және IT мамандықтарына көп басымдық беріліп жатыр

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы халыққа Жолдауында 2025 жыл – «Жұмысшы мамандықтар жылы» деп атады. Қазіргі таңда өңірде 28 колледж бар. Оның ішінде 19 колледжде 45 мамандық 49 біліктілік бойынша жұмысшы кадрларды даярлау жүзеге асырып келеді.<blockquote>«Ауыл шаруашылығы саласында істегеннен кейін біз маманның жетіспейтінін&nbsp; білеміз. Қазір көбі зейнет жасына келген немесе зейнет жасынан асқан адамдар да жұмыс істеп жатыр. Ауылға керек мамандықтар – су маманы, көлік жүргізушісі және аспаз. Осы мамандықтарды көптеп оқытса дейміз. Көлік жүргізушілері мен механизаторлар жұмыс істегеніне қарай табыс табады ғой. Мысалы, маусымның кезінде олардың алды 350 000 теңгеге дейін алады», – дейді «Жаңажол»&nbsp; ЖШС директоры Орынбасар Төлепов.</blockquote>Фото: Облыстық қоғамдық даму басқармасы

Жұмысшы мамандығының беделі артады

<a href="https://kyzylorda-news.kz/">Kyzylorda-news.kz</a> Жаңа жылдық мерекелерден кейін, сыйлықтар, жеңілдіктер және акциялар туралы ойлармен жүргенде, көптеген сатып алушылар танымал маркетплейстерде сақтықты естен шығарып алады. Мұны алаяқтар бірден &nbsp;пайдаланып, жаппай мерекелік онлайн-сатып алулар кезінде белсенділігін арттыра түседі. Қаскүнемдер сенгіш азаматтарды алдау үшін барған сайын айлакерлік схемаларды ойлап табуда.Тиімді сауда жасадым деп қуанудың орнына, сіз ақшасыз және тауарсыз қалу қаупіне ұшырайсыз.<a href="https://fingramota.kz/kk/post/marketplejsterdegi-alayaty-ziizdi-alaj-oraua-bolady"> Fingramota.kz</a> алаяқтардың торына түспеу жолдарын түсіндіреді.Қазақстан Республикасы Ішкі істер министрлігінің деректері бойынша, биыл елде 22 мыңнан астам интернет-алаяқтық фактісі тіркелген. Оның шамамен 34%-ы жалған тауарлар мен қызметтер туралы хабарландырулар, жалған сайттар және жалған сатушылармен байланысты жағдайларды құрайды.Жалған хабарландыруларАлаяқтар қымбат тауарды – мысалы, смартфон немесе ноутбукты – өте тиімді бағамен сату туралы хабарландыру орналастырады. Олар алдын ала төлем талап етіп (көбінесе танымал емес немесе шетелдік төлем жүйелерін қолдана отырып), ақшаны алғаннан кейін жоқ болып кетеді. Тағы бір мысал –көлікке «бронь қою» үшін кепілақы енгізуді талап етумен &nbsp;автокөлік сатылымы туралы хабарландырулар.Естеріңізде болсын, ешқашан тауарды алғанға дейін бейтаныс сатушыларға ақша аудармаңыз. Сонымен қатар, жеткізілімді немесе ресми төлем шлюзін қамтамасыз ететін ұсынылып отырған платформаның (маркетплейстің) қауіпсіз төлем әдістерін пайдаланыңыз. Егер сізден жеке аударым талап етілсе (жеке тұлға-жеке тұлға), бірден олардың сізді пайдаланып ақша тапқысы келетін алаяқтар немесе жосықсыз сатушылар екенін түсініңіз.Жалған тауарлар немесе дүкендерАлаяқтар танымал тауарларды тым төмен бағамен ұсынатын дүкен жасайды. Клиент тапсырысты төлейді, бірақ не жалған тауар алады, не мүлдем ештеңе алмайды. Қазақстанда маркетплейстерде жиі түпнұсқа электроника ретінде оның арзан көшірмелері (қолдан жасалғандары) сатылады, олар сатып алушыларға кепілдіксіз немесе жарамсыз күйде жеткізіледі.Өзіңізді қорғау үшін сатушы туралы пікірлерді әрқашан тексеріңіз. Егер дүкеннің пікірлері аз болса немесе олар біркелкі жазылған болса, ал баға басқалармен салыстырғанда әлдеқайда төмен болса, мұндай жағдайлар бірден күмән туғызары сөзсіз.Жалған қайтарымдар мен шағымдарБұл алаяқтық түрі сатушыларға әсер етеді: алаяқтар тауарға тапсырыс беріп, содан кейін оны қайтарған болады, бірақ түпнұсқа тауардың орнына жалған зат салады немесе бос қорап жібереді. Тіпті қорапқа тастар салынған жағдайлар да тіркелген. Қалай болғанда да, сатушылар ақшасынан айырылады, ал платформалар көбінесе «сатып алушы» жағында болады.Сондықтан да тауарды жібермей тұрып, алдымен оны суретке түсіріп, бейне түсірілім жасап алған жөн. Платформадағы сатушыны қорғаңыз және тауар нашар күйде қайтарылса, шағым жасаңыз. Ең бастысы – үндемей қалмаңыз және алаяқтыққа жол бермеңіз.Зиянды сілтемелер арқылы деректерді жинауАлаяқтар сатып алушылардың тауарды тезірек алу ниетін пайдаланып, маркетплейстің ресми беттері ретінде көрсетілетін фишингтік сілтемелер жібереді. Пайдаланушылар деректерін енгізеді және осылайша құрылғысын әртүрлі вирустардың енуіне жол береді, не фишингтік сайтта тіркеліп, өздері туралы құпия ақпарат қалдырады, оны алаяқтар одан әрі өз схемаларында пайдаланады.Тағы бір нұсқа – белгілі интернет-дүкендерден «тапсырысты растау қажеттігі» туралы ескертулерге еліктейтін фишингтік хаттар.Ақшаңыз бен жеке деректеріңізді жоғалтып алмас үшін, күмәнді сілтемелерге өтпеңіз және URL-мекенжайды мұқият тексеріңіз: ол маркетплейстің ресми доменіне сәйкес келуі және https-тен басталуы керек.Жалған курьерлер мен жалған жеткізу қызметтеріМұнда алаяқтар өздерін курьерлер немесе жеткізу қызметінің қызметкерлері ретінде таныстырып, жеткізу үшін алдын ала төлем сұрайды, бірақ оған қол жеткізілмейді. Кейде қаскүнемдер сізге қосымша ақыға «жедел жеткізу» қызметін ұсынады, әрине ол кейіннен өтірік болып шығады.Маркетплейс ұсынған ресми жеткізу қызметтерін ғана пайдаланыңыз және жеткізу төлемін ешқашан &nbsp;курьерге төлемеңіз. Сондай-ақ, егер тапсырыс бермегеніңізге сенімді болсаңыз, курьерлерге SMS-кодты айтпаңыз.Жалған ұтыстар мен жеңілдіктерБарлығымыз жеңілдіктер мен акцияларды жақсы көреміз, мұны алаяқтар жиі пайдаланады. Пайдаланушыларға үлкен жеңілдік немесе тауар ұтып алғаны (сыйлық) туралы хабарлама келеді. Сыйлық алу үшін олар «жеткізу» немесе «салық» үшін төлем жасауды сұрайды.Ұтыс туралы ақпаратты әрдайым маркетплейстердің ресми сайттарынан тексеріңіз. Сондай-ақ, белгісіз нөмірлерден немесе email мекенжайларынан &nbsp;келген хабарламаларға сенбеңіз.Бөгде қосымшалар арқылы төлем жасауСіз маркетплейстен тауарға тапсырыс бергеніңізді ұмытпаңыз, ал «сатушы» сізді тауарды бөгде төлем жүйелері арқылы төлеуге көндіруге тырысады ма? Сізге бұл жағдайда алаяқтың хабарласып тұрғанын белгілі. Қаскүнемдер әдетте мессенджерлер арқылы немесе ақшаны тікелей аударуды сұрайды, ал ақша аударылғаннан кейін, әрине, олар бірден жоқ болып кетеді.Есте сақтаңыз: тауарды тек қорғалған төлем жүйелері арқылы төлеңіз – бейтаныс адамдарға тікелей ақша жібермеңіз. Ресми дүкендер мен сатушылар мұндайға ешқашан жол бермейді, себебі олар өз беделін жоғалтқылары келмейді.<img src="https://knadmin.beoblood.kz/uploads/rekomendaczii_infographic_kaz_82afae41ac.png" alt="рекомендации infographic каз.png">Қауіпсіздік бойынша тағы да аздаған ұсыныстар:дүкендер рейтингін және сатушылар туралы пікірлерді қарап, тексеріп шығыңыз;шамадан тыс тиімді ұсыныстарға сенбеңіз;хат-хабарларды және түбіртектерді сақтаңыз – бұл талқылаулар кезінде көмектеседі;хабарламалар мен хаттарға мұқият болыңыз: ресми ұйымдар ешқашан бейтаныс шоттарға ақша аударуды сұрамайды.Осы кеңестерді ұстанып, әрбір қадамыңызды тексеру арқылы жағымсыз жағдайлардан аулақ болып, қаржыларыңызды қорғай аласыз!Fingramota.kz-пен бірге қаржылық сауатты болыңыз!

Маркетплейстердегі алаяқтық: өзіңізді қалай қорғауға болады?

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында былтыр 92 адам коронавирус жұқтырды.Оған шалдыққан науқастардың басым бөлігі қаңтар-мамыр аралығында тіркелген. Олардың жалпы саны 76 адам.&nbsp;<blockquote>– Ал мамыр мен тамыз аралығында бірде-бір адам коронавирусқа шалдыққан жоқ. Одан кейін тамызда – 3, қыркүйекте – 7, қазанда – 5, қарашада – 1 жағдай есепке алынды. Науқастардың басым көпшілігі ауру симптомымен тіркелді. Облыстағы коронавирус инфекциясы бойынша эпидемиологиялық ахуалды тұрақты деп бағалауға болады. Оған шалдыққан адамдардың басым бөлігінде аурудың жеңіл немесе орташа клиникалық белгісі болуы мүмкін. Олар арнайы емді қажет етпестен аурудан айығып жатады. Кей адамдарда ол ауыр ағымда болады. Асқыну байқалып, медициналық араласуды қажет етеді, – деді Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова.</blockquote>Бұдан бұрын облыста эпидемиологиялық маусымда 44 599 адам ЖРВИ-ге шалдықты.Фото: Нұрболат Нұржаубай

Архив