<a href="https://kyzylorda-news.kz/">Kyzylorda-news.kz</a> Халықаралық шахмат федерациясы (FIDE) шахматшылардың рейтингін жаңартты. Қазақстандық Бибісара Асаубаева қыздар арасында рапид және блиц категориялары бойынша рейтинг көшін <a href="https://massaget.kz/basty-zhaalytar-438/113166/">бастады.&nbsp;</a>Қыздар арасындағы "блиц" категориясындағы үздік ондыққа Қазақстаннан 4 бірдей шахматшы енген.&nbsp;Фото: instagram.com/bibisarachess/

Бибісара Асаубаева екі бірдей категория бойынша рейтинг көшін бастады

<a href="https://kyzylorda-news.kz/">Kyzylorda-news.kz</a>&nbsp; Партияның қалалық филиалының өкілдері, «Жастар рухы» жастар қанатының еріктілері, Қызылорда облыстық Төтенше жағдайлар департаментінің арнайы жасағы қаладағы көппәтерлі үйлердің тұрғындарына түсіндірме жұмыстарын жүргізді.Ағымдағы жылы көппәтерлі тұрғын үйлердің терезелерінен 13 бала құлаған. Бұл өткен жылғы көрсеткішпен тұспа-тұс келіп отыр.Түсіндірме жұмысы барысында азаматтарға терезеге арналған арнайы торлар мен терезе есігін бұғаттағыш құрылғыларды орнату жөнінде нұсқаулар жүргізілді.&nbsp; Қала тұрғындары түсіндірме жұмыстарының нәтижесінде арнайы қондырғыларды орнатып, қауіпсіздік шараларын сақтауда. Аталған іс шара алдағы уақытта жалғасын табатын болады.

Тұрғындарға түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Оқыс жағдай 27 шілде күні&nbsp;№47 балабақшада болған. Ұл баланың қызды соғып жатқаны бейнекамераға түсіп қалған. Видеодан баланың қызды 6 минут бойы бетінен ұрып жатқанын көруге болады.&nbsp;Бұл туралы&nbsp;<a href="https://stan.kz/beti-men-erni-isip-ketken-almatilik-tyrgin-balabakshada-404196/">Stan.kz</a>&nbsp;ақпарат агенттігі хабарлайды.Бейнежазба әлеуметтік желіде тарады.&nbsp;Жазба авторының айтуынша, қызын алып кетуге келгенде оның бет-жүзінен өзгерістерді байқаған.“Бірден көзіме түсті, беті, ерні ісіп, көгеріп кеткен.&nbsp;Ауыз қуысында үлкен гематома пайда болыпты, беттің оң жағы мүлде қозғалмайды. Өйткені ісініп, жансызданып қалған. Қызым жылай бастады. Ол өзі ештеңе айта алмайды, енді ғана сөйлеп үйреніп жүр. “Соққы іздері қайдан пайда болды?” деген сұрағыма балабақша тәрбиешісі мен күтуші жауап бере алмады. Олар тіпті баланың бетіндегі соққы іздерін байқаман”, –&nbsp;деп жазды қыздың анасы.Болған жағдай туралы әйел балабақшадағы басқа балалардан білген. Олардың айтуынша, ТимофейД. есімді бала қызды әбден соғып тастаған. Сондай-ақ Тимофейдің зәбір көрген қыздан 7 ай үлкен екені белгілі болды.“Қызыма алғашқы көмек көрсетілмегендіктен бірден 103 пен 102-ге хабарластым.&nbsp;Дәрігерлер бас терісінің жұмсақ тіндері зақымданып, қызымның&nbsp;ерні мен беті көгергенін айтты. Видеодан Тимофейдің қызымды ұрып жатқанын көруге болады. Қызым ауырсынып жылап жатқан. Бірақ ешкім көмекке келмеген”, –&nbsp;дейді ашынған ана.Бейнежазбада өзінен кішкентай қызды бетінен ұрып жатқан бала жан-жағына қарап, әлдекім&nbsp;келіп қалмады ма дегендей қарап қояды. Ол төсекте жатқан қызды орнынан тұруға мүмкіндік бермей, 6 минут бойы ұрған.Оқиға кезінде тәрбиеші әдістемелік іс-шараларға құжаттарды дайындағандықтан&nbsp;бөлмеде болмаған. Күтуші балалар жатқан бөлмеге 30 минуттан кейін келген.“Балабақша әкімшілігі тәрбиеленушілердің өмірі мен денсаулығын сақтау мақсатында жоспардан тыс өндірістік кеңес өткізді. Тәрбиеші мен оның көмекшісіне қатаң сөгіс түріндегі тәртіптік жаза қолданылды”, –&nbsp;деп пікір білдірді білім басқармасы.Полиция бейнебақылау камерасындағы бейнежазбаларды алды. Қазір тергеу амалдары жүргізіліп жатыр.Фото:democrat.kz

Балабақшада қызды аяусыз  ұрған бала видеоға түсіп қалған

<a href="https://kyzylorda-news.kz/">Kyzylorda-news.kz</a> Қызылорда облысына ҚР Энергетика вице-министрі Әлібек Жамауов келді. Өңірімізге іс-сапар барысында вице-министр мұнай-газ және энергетика салаларын дамыту бойынша мәжіліс өткізіп, өңіріміздің бірқатар өзекті мәселелерінің шешілу жолына үңілді. Сондай-ақ &nbsp;тұрғындар тарапынан туындаған түрлі сұрақтарға тұшымды жауап берді.&nbsp;Өз баяндамасында аймақтың отын-энергетикалық кешенінің қазіргі жағдайы туралы сондай-ақ газ инфрақұрылымын іске асыру, электрмен жабдықтау, жылумен жабдықтау және халықты мұнай өнімдерімен және сұйытылған мұнай газымен қамтамасыз ету сынды мәселелердің маңызын ашып берді. Келелі кездесуге облыс әкімінің орынбасары Ардақ Зебешев қатысып, бұл жиынның мәні мен маңызы зор екендігін атап өтті. Жиында сөз алған вице-министр айтылған мәселелерді уақытылы шешу үшін бар күшін салатынын айтты. Сондай-ақ тұрғындардың талап-тілегі “Е-өтініш” электрондық жүйесі арқылы ескерілетінін жеткізді.<blockquote>“Айтылған барлық мәселелер Үкіметтің тұрақты бақылауында екеніне Сіздерді сендіргім келеді. Біз осы міндеттерді толық және уақытылы шешу үшін бар күшімізді саламыз. Сонымен қатар «Халық үніне құлақ асатын мемлекет» тұжырымдамасын іске асыру аясында «Е-өтініш» электрондық жүйесі құрылғанын атап өткім келеді. Бұл азаматтардың барлық өтініштерін қабылдаудың және өңдеудің бірыңғай платформасы болып табылады.Сондықтан туындаған мәселелер бойынша Сіздердің &nbsp;осы жүйе арқылы жүгінуге мүмкіндіктеріңіз бар”,- деді Әлібек Жұмабекұлы.</blockquote><img src="https://knadmin.beoblood.kz/uploads/3_4479d85f54.jpg" alt="3.jpg"><img src="https://knadmin.beoblood.kz/uploads/4_cba9aeaf39.jpg" alt="4.jpg"><img src="https://knadmin.beoblood.kz/uploads/2_aa9d2e71b6.jpg" alt="2.jpg"><img src="https://knadmin.beoblood.kz/uploads/1_f59a7e3c1e.jpg" alt="1.jpg">

ҚР Энергетика вице-министрі өңірімізге іс-сапармен келді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен мәжіліс өтіп, онда ҚР Премьер-министрінің орынбасары Тамара Дүйсенованың Қызылорда облысына іссапары кезінде берілген тапсырмалардың орындалу барысы талқыланды. Жиынға жауапты сала басшылары қатысты, қала және аудан әкімдері онлайн байланыс арқылы қосылды.Аймақ басшысы берілген тапсырмалар бойынша атқарылған жұмыстардың есебін тыңдады.<blockquote>«Өңірімізге Тамара Қасымқызы арнайы келіп, мәжіліс өткізді. Іссапар қорытындысы бойынша қала, аудан әкімдеріне негізгі тұтыну тауарларының 65 түрі бойынша көрсеткіштерді қалпына келтіру және жобалар ұсыну жөнінде тиісті тапсырмалар жүктелді. Өздеріңізге кемшіліктерді қалпына келтіруге үш күн уақыт берілді. Қала және аудан әкімдері, барлық жұмысты қатаң бақылауға алып, мерзімінде орындалуын қамтамасыз етіңіздер. Жүктелген тапсырмалар уақытында әрі тиянақты орындалуы тиіс», - деді Н.Нәлібаев.</blockquote>Еске салайық, Үкімет делегациясының Сыр еліне жұмыс сапары кезінде Тамара Дүйсенованың қатысуымен аймақтың даму қарқынына арналған жиын өтті. Жиында «Ауыл аманаты» жобасын жүзеге асыру және кәсіпкерлікті дамыту мәселелері талқыланды. «Ауыл аманаты» жобасының басты мақсаты - ауыл халқының әл-ауқатын жақсарту және әлеуметтік мәселелерін шешу. Жылдық 2,5 пайызбен берілетін жеңілдетілген несие азаматтарға идеяларын жүзеге асыруға, өз ісін ашуға және ауылдағы жұмыссыздықты азайтуға мүмкіндік берді. Аймаққа өткен жылы республикалық бюджеттен жобаны қаржыландыруға 3 млрд. теңге бөлінсе, биыл 4 млрд. 600 млн. теңге қаржы қаралуда. Барлығы 411 жоба несиелендіріліп, ауылдың әлеуметтік-экономикалық дамуына айрықша үлес қосты.Фото: Қызылорда облысы әкімінің баспасөз қызметі

Тапсырмалардың орындалуы бақылауда болады

<a href="https://kyzylorda-news.kz/">Kyzylorda-news.kz</a> &nbsp; AmalBooks баспасының негізін қалаушы, баспагер Бақытжан Бұқарбай өзінің инстаграм-парақшасында "Қазақтарды қалай басқару керек" деген кітапты бүкіл сату нүктесінен алып тастағанын айтты, - деп хабарлайды <a href="https://massaget.kz/basty-zhaalytar-438/113157/?fbclid=IwY2xjawEZkAxleHRuA2FlbQIxMQABHQTceSYbgr_UE5g9oBtNLIcPCn8zUCOMCeH-THW83gbE70R6nqcM-nsiPg_aem_xpg_tkPrvu7qt09oA3Gx5A">Massaget.kz&nbsp;</a><blockquote>"Құрметті қазақ елі, бүгін таңғы 9:00-ден 12:00-ге дейін "Компос" жанармай бекеттеріне барып, өзім жеке сол жерде болдым. Видеоны көріп келген жанашыр ағайындарымыз, бауырларымыз, ағаларымыз бар, әрқайсысымен жеке-жеке осы уақыт аралығында кездесіп, мақсат-мүдделерін түсіндіріп, жеткізіп айттым. Бірақ кітап шығаратын баспагер болған соң біз кері байланыспен де жұмыс істеуіміз керек және ешқашан біз өзімізді халықтан биік қойған жоқпыз. Сонда келушілердің пікірін, кері байланысын тыңдап отырсақ, оларға ұнамағаны мұқаба болып тұр. Бірден кітаптың мазмұнын түсінбей қаласың дейді. "Мына жазылған, сен айтып отырған нәрселер дұрыс та шығар, бірақ мына мұқаба соны ашпайды, сондықтан осындай реакциямыз болып жатыр" деп айтты. Сондықтан біз бүгін бүкіл сату нүктелерінен бұл кітапты түгел алып тастадық. Қазір ешбір жерде бұл кітап сатылымда жоқ", - деді баспагер.</blockquote>Еске салайық, бұған дейін блогер және продюсер Нұрқожа Ерсайын дүкен сөресінде "Қазақтарды қалай басқару керек" деген кітап сатылып жатқанын айтқан болатын. Бұл желіде дау тудырды.Фото: instagram.com/bar.korn

"Қазақтарды қалай басқару керек": желіде дау туғызған кітап сатылымнан алып тасталды

&nbsp;<a href="https://kyzylorda-news.kz/">Kyzylorda-news.kz</a> Кезінде аты дүркіреп тұрған отандық зілтеміршілердің бірі Алмас Өтешов бүгінде Алматыда күзетші қызметін атқарып жүр, деп жазады <a href="https://qandastar.kz/tanymal-ziltemirshi-almas-oteshov-kuzetshi-bolyp-zhur/?fbclid=IwY2xjawEZT_RleHRuA2FlbQIxMQABHUpZfgEenRe5jJWwtomRucwlUWKeozIisgqYSXRclptwqZl8SEkNBJuoGw_aem__v48F_XUXblwF_wHhGBOZg&amp;sfnsn=wa">Qandastar.kz. </a>Бұл туралы спортшының өзі «Уақыт көрсетеді» YouTube арнасына берген сұхбатында айтты.Әлем чемпионатының күміс жүлдегері ешкімге керек болмай қалғаны өкінішті деп отыр. Өмірін де, денсаулығын да сүйікті спортына арнаған ол талай қиындықты басынан өткізген.«Қазақта «Ер жігіттің басына нелер келіп кетпейді» дейді ғой. Қазір сондай қиындықты бастан кешіріп жатырмын.<blockquote>Менің түсінбейтінім, белгілі бір дәрежеге жетіп көтерілсең, бәрі қолпаштайды. Қателікке бой алдырып, сүрінсең, бәрі сені жек көріп кетеді. Осыны түсіне алмай-ақ қойдым. Қолымнан келгеннің бәрін істедім. 230 келі салмақты (бір бұқа) басыңнан асырып көтере салу деген оңай емес. Соны көтердік. Қазір омыртқамның төрт жерінен грыжам бар. Не айтамын, қазағымды жақсы көремін, қазақ болып туғаныма мақтанамын. Бірақ сүрінсең, ешкімге керек болмай қалады екенсің. Сол қорлыққа шыдамай Владимир Седов өз-өзіне қол жұмсады. Альберт Линдер де арамыздан ерте кетті. Кезінде үкімет бізді пайдаланды. Туды көтердік. Одан кейін ешкім болмай қалдық. Омыртқадан омыртқа, тізеден тізе қалмады», – деді спортшы.</blockquote>Әрине, ауыр атлеттердің соңғы кездері осындай халге түсуіне допинг дауы әсер еткені жасырын емес. Ол спортшылардың допинг ішетіні рас екенін, оған спорт саласындағы басшылардың өздері мүдделі екенін айтты.«Пропионат, тестостерон, станозолол сияқты гармоналды препараттардың бәрін іштік. Оны ішпесең көтере алмайсың. Таза ағзам 200 келіден артық көтеруге шамасы жетпейді. Допингтің көмегімен 230 келіге дейін болады», – дейді Алмас Өтешов.Ол сонымен қатар досы Илья Ильин де өзі де халықты алдаған жоқпыз деп отыр.<blockquote>«Дәрі-дәрмектің бәрін өзіміз жайдан-жай ішпейміз. Бізде медициналық штаб, бас бапкер, аға бапкер бар, солар береді», – дейді спортшы.</blockquote>Ауыр атлет ешқандай өтемақы алмайтынын да алға тартты.<blockquote>«Ешқандай өтемақы жоқ. Қазір Алматыда күзетші болып жұмыс істеймін», – деді Өтешов.</blockquote>Зілтемірші спорт мектептеріне жұмысқа шақырса, білек сыбана кірісуге де дайын екенін айтты. Бірақ әзірге ондай ұсыныс жоқ екен.Фото: Ашық дереккөз

Танымал зілтемірші Алмас Өтешов күзетші болып жүр

&nbsp;<a href="https://kyzylorda-news.kz/">Kyzylorda-news.kz</a> &nbsp;Әрине, бала оқуды жалғастырады. Балалардың құқықтарын қорғау комитетінің төрағасы Насымжан Оспанова 1 тамызда ОКҚ брифингінде Павлодар облысында босанған 12 жастағы оқушы мектепте оқуын жалғастыра ма, жоқ па, соны айтты, деп хабарлайды <a href="https://sn.kz/sn-akparat-agyny/114894-12-zhasynda-ana-atangan-mektep-okushysy-bilim-ministrligi-zhagdaiga-tusinikteme-berdi">Skifnews.kz </a>ақпарат порталы.Спикер мектеп оқушыларының жүктілік жағдайы өте сирек кездесетінін атап өтті.<blockquote>"Бұл, әрине, сұмдық жағдай. Аталмыш фактіні психологиялық және медициналық қызметтерді қосу арқылы белсенді әрекет ете бастаған мектеп тәрбиешілері байқады. Оқиға үйде, кәмелетке толмаған жақын туысының тарапынан болған. Зорлау фактісі 2023 жылдың қазан айында болды. Бүгінде қылмыстық іс қозғалды. Бұл кәмелетке толмаған бала психиатриялық ауруханада жатыр, белгілі бір сараптамалар жүргізілуде", – деді Оспанова. &nbsp;</blockquote>Оның айтуынша, бұл жағдай балалардың құқықтарын қорғау комитетінің бақылауында.<blockquote>"Әрине, бала оқуды жалғастырады. Психологиялық және педагогикалық көмек көрсетіледі. Балалардың білім алу құқығы конституциямен қорғалған", – деп түйіндеді Насымжан Оспанова. &nbsp;</blockquote>23 шілдеде Павлодар облысының Шарбақты ауданында 12 жасар оқушы "ана" атанғаны белгілі болды. Осы факті бойынша ішкі істер органдары тергеу жүргізуде.Фото: Pixabay

12 жасында ана атанған мектеп оқушысы: Балалардың құқықтарын қорғау комитетінің төрағасы түсініктеме берді

<a href="https://kyzylorda-news.kz/">Kyzylorda-news.kz</a> Аграрлық саладағы ең өзекті мәселенің бірі – фитосанитариялық қауіпсіздік. Ол ауыл шаруашылығы саласында еңбек өнімділігін арттыруға және өңделген өнімдердің экспортын ұлғайтуға үлкен мүмкіндік береді. Сондай-ақ, бүгінде азық-түлік қауіпсіздігін сақтап тұру бағытында Қызылорда облысының аумақтық инспекциясы тұрақты түрде бақылау жасап, өнімдердің фитосанитариялық талаптарға сәйкестігі мен сапасын тексеруден өткізеді. Бұл туралы Өңірлік коммуникациялар қызметінің ақпарат алаңында ҚР АШМ АӨК МИК Қызылорда облыстық аумақтық инспекциясының басшысы Мұхтар Оразбаев мәлімдеді.<blockquote>– Жыл басынан бері инспекция тарапынан 1 328 мемлекеттік қызмет көрсетілді. Сауда базарларында жүргізілген бақылау қадағалау жұмыстарының нәтижесінде облыста таралмаған 4 карантиндік нысан анықталып, залал келтірілген өнімдер сот органдары шешімімен тәркіленіп, тиісті әдістермен жойылды. Сондай-ақ, биыл өсімдіктер карантині саласындағы заңбұзушылықтарға жол берген жеке және заңды тұлғаларға 71 әкімшілік айыппұл салынды. Жалпы, жиі кездесетін заңбұзушылықтар қатарында өнімдерді ілеспе құжаттарынсыз тасымалдау және олардан карантиндік нысандардың анықталуы мен өнімдерді межелі пунктінде екінші қайтара ұсынбауы болып табылады. Айта кету керек, осы жылы облыс аумағында карантиндік объектілер жатаған у кекіреге қарсы 131 гектар жерге, қауын шыбынына қарсы 1 750 гектар жерге химиялық өңдеу жұмыстары жасалды. Ауыл шаруашылығы құрылымына қарасты 11,5 гектар жерге карантиндік арамшөп жатаған у кекірені оқшаулау, жою бойынша 2 нұсқама беріліп, өңделді. Ал, қазір калифорниялық қалқанша сымырына қарсы 34,5 гектар және арамсояуға қарсы 423,85 гектар залал орын алған жердің иелеріне карантиндік нысандарды оқшаулау және жою бойынша 31 нұсқама берілді.</blockquote>Бүгінгі таңда біздің облысқа өзге өңірлерден 16 342,2 тонна ауыл шаруашылығы өнімдері әкеліп тексерілсе, 13 746,2 тонна өнім өзге облыстарға жөнелтілген.

 Биыл 43 686 тонна ауыл шаруашылық өнімі экспортталған

<a href="https://kyzylorda-news.kz/">Kyzylorda-news.kz</a> &nbsp;Қазақтың Ақбаяны атанған Мадина Ералиева ән әлемінде ерекше із қалдырған тамаша дауыс иесі. Оның репертуары лирикаға, шексіз махаббатқа толы болды. Талант иесі биыл көзі тірі болғанда 70 жастың желкенін керетін еді. “Орнында бар оңалар”,- дейді дана қазақ. Бүгін әншінің құрметіне арналған “Қазақтың Ақбаяны” атты тұңғыш республикалық әншілер байқауы түндігін түрді.&nbsp;Ән сайысына Қазақстанның әр өңірінен көмейіне бұлбұл ұя салған 15 жас әнші қатысты. Олар екі кезең бойынша сынға түсіп, сахна көркін қыздырды. Жас әншілерге Қазақ эстрадасында өзіндік орны қалыптасқан әншілер төрелік етті.&nbsp;Конкурс қорытындысы бойынша жүлделі lll орынды Дариға Саттарова (Астана қаласы),Қарақат Базарбай (Қызылорда облысы), ll орынды Дулат Жасұзақ (Жамбыл облысы) және l орынды Мадина Қабдолла (Павлодар облысы) иеленсе, Бас жүлдені Асыл Жомартов (Түркістан облысы) жеңіп алды. Жүлдегерлерге қаржылай сыйлық табысталды.Сондай-ақ, Қазалы ауданы әкімінің арнайы жүлдесі «Туған жер» номинациясы әншінің жерлесі Рахымжан Мақсатбаевқа ( Қазалы ауданы) табысталса, «Ақбаян» номинациясын Айбек Абдыашимұлы (Ұлытау облысы) иеленді.Артында өшпес із қалдырған “Қазақтың Ақбаяны” ел жадында мәңгі жаңғыра бермек.

М.Ералиеваның 70 жылдығына арналған республикалық әншілер конкурсы өтті

<a href="https://kyzylorda-news.kz/">Kyzylorda-news.kz</a> ҚР Президентінің кеңесшісі Ернар Баспаевтың төрағалығымен мәжіліс өтіп, онда «Жайлы мектеп» ұлттық жобасы мен «Таза Қазақстан» республикалық экологиялық акциясын ұйымдастыру мәселелері талқыланды.«Жайлы мектеп» ұлттық жобасымен облыста 12 300 орынға арналған 21 мектеп салу жоспарланған. Биыл 6 900 орындық 10 мектеп, алдағы жылы 5 400 орындық 11 мектеп пайдалануға беріледі. Облыс әкімдігі оларға инфрақұрылым жеткізуге жергілікті бюджеттен 118,4 млн. теңге бөліп, жоба-сметалық құжаттары әзірленді, сараптаманың оң қорытындысы алынды. Инфрақұрылым жүргізуге жергілікті бюджеттен 1,7 млрд. теңге бөлініп, қазір 10 мектептегі құрылыс-монтаж жұмыстары толық аяқталды. Биыл құрылысы басталатын 11 мектептің жер телімдері белгіленіп, «Самұрық - Қазына Констракшн» акционерлік қоғамына наурыз айында табысталды.Мемлекет басшысының бастамасымен қолға алынған «Таза Қазақстан» республикалық экологиялық акциясы бекітілген өңірлік іс-шаралар жоспары бойынша жалғасын табуда. Акция басталғалы бері санитарлық тазарту, абаттандыру және көркейту-көгалдандыру бағытында ауқымды жұмыс атқарылды. Оған қатысушылар қоқыс қалдықтарын шығаруға, елді мекендердегі скверлер мен парктерді, тарихи-мәдени ескерткіштерді, әлеуметтік, өнеркәсіп және бизнес нысандар аумағын, өзен, көл, су айдындарын, субұрқақтар мен арықтарды, аулалар мен көшелерді тазартуға біркісідей жұмылды.«Таза Қазақстан» онлайн платформасында операторлар, модераторлар мен орындаушылар тұрғындардан түскен өтініштерді уақытылы қарап, жауабын беруде. Республикалық және жергілікті БАҚ-тардағы, әлеуметтік желілердегі жарияланымдар да көпшілікті ортақ істің аясына бірігуге үндейді.«Таза Қазақстан» телеграм-боты бойынша жауапты тұлғалар белгіленіп, түсіндірме жұмыстары жүргізілді. Қала, аудан әкімдіктерінде де жауапты орындаушылар бар.Телеграм-бот туралы ақпарат КСК, ОСИ, тұрғын үйлер мен квазимемлекеттік секторлардың, мекемелердің 12 мыңға жуық «Whatsapp», «Телеграм» чаттарына таратылды.Фото: Қызылорда облысы әкімінің баспасөз қызметі

Архив