Несие несібеден айырмасын

Азық бағасына бақылау керек

Жазалаумен мәселе шешілмейді

<a href="https://kyzylorda-news.kz/">Kyzylorda-news.kz.</a> Қызылорда қалалық білім бөліміне қарасты&nbsp;Ә.Мүсілімов атындағы №101 мектеп-лицейінде ұзақ жылдар білім саласында еңбек еткен,&nbsp;салалық білім және ғылым қызметкерлері кәсіптік одағының Қызылорда облыстық ұйымының Қызылорда қалалық комитетін 20 жылға жуық басқарған, өнегелі еңбек жолында кәсіби қабілетімен дараланған Орынша Әлімбетованы құрметті демалысқа шығарып салу кеші өтті.&nbsp;"Қалдырған ізің мәңгілік..." тақырыбында өткен шараға Қызылорда қаласы бойынша білім бөлімінің басшысы Жанат Сәдуақасова мен сала ардагерлері және ұстаздар мен БАҚ өкілдері қатысты.&nbsp;Шарада қалалық білім бөлімінің басшысы Жанат Мылтықбайқызы құттықтау сөз сөйлеп, жылы лебіз білдірді.<blockquote>– Орынша Міржақыпқызының кәсіподақ комитетінің төрайымы ретінде білікті әрі кәсіби қабілеті жоғары маман екенін бәріміз жақсы білеміз. Мұғалімнің мәртебесін көтеру үшін алдымен әлеуметтік жағдайды жақсартуға, әлеуметтік нысандарын дамытуға, &nbsp;Еңбек кодексін қолданылып еңбек қатынастарын ұжымдық-шарттық реттеуіне, &nbsp;білім беру жүйесінде жүргізіліп жатқан реформаларды жүзеге асыруға үлесін қосуда. Біз ол кісінің еңбегін жоғары бағалаймыз. Білім саласына Орынша Міржақыпқызы секілді мамандар аса қажет. Ол кісінің еңбегіне алғыстан басқа айтарым жоқ, – деді білім бөлімінің басшысы.</blockquote>Сонымен қатар "Сыр медиа" ЖШС бас директорының міндетін атқарушы Марат Аралбаев іс-шараға арнайы қатысып, құттықтау сөз сөйледі.<blockquote>&nbsp; – Орынша Әлімбетова2006 жылдан бері«Қазақстандық салалық білім және ғылым қызметкерлері кәсіптік одағының Қызылорда облыстық ұйымының Қызылорда қалалық комитеті» филиалының төрайымы болып жұмыс істеді.Орынша Міржақыпқызы, кәсіподақтың қызметкері ғана болған жоқ, ол кісі&nbsp;ұстаздар қауымының мүддесі үшін аянбай еңбек етті. Оны бәріміз жақсы білеміз. 2011-2015 жылдары қалалық білім бөлімінің басшысы болған кезімде сізбен етене-жақын жұмыс істеп, мұғалімдер мүддесін қорғау жолындағы ерен еңбегіңіз бен кәсіби қабілетіңізге тәнті болғанмын. Білімді, білікті, адамгершілігі мол, парасат пайымы жоғары сіздей жанмен әріптес болғанымды мақтан тұтамын, – деді М.Аралбаев.</blockquote>&nbsp; &nbsp; Айта кетейік, Орынша Әлімбетова еңбек жолында&nbsp;атақ пен марапаттан да кенде болмаған. Атап айтқанда,&nbsp;ҚР Президенті Қ.Ж.Тоқаевтың «Алғыс хаты», Оқу-ағарту министрі Ғ.Бейсембаевтың «Алғысы», «ҚР тәуелсіздігіне - 20 жыл», «Қызылорда облысына -70 жыл», «Қызылорда қаласына -190 жыл» мерекелік медальдары, облыс, қала басшыларының «Алғыс хаттары» мен «Құттықтаулары» ұстаз еңбегіне берілген лайықты баға деп білеміз.<img src="https://knadmin.beoblood.kz/uploads/6_M4_A4683_1_07bf8ec389.jpg" alt="6M4A4683 (1).jpg"><img src="https://knadmin.beoblood.kz/uploads/6_M4_A4720_3b43e0584a.jpg" alt="6M4A4720.jpg">

Әр ісі болып өнеге

<a href="https://kyzylorda-news.kz/">Kyzylorda-news.kz.</a> Дәрігер – жан мен тән шипагері. Адамның тәнін ғана емес, жанын да емдейтін ақ халатты жандардың қоғамда алатын орны ерекше.&nbsp;Адамның өмірі мен денінің саулығына тікелей қатысы бар дәрігерлер қауымының алдына сырқат жандар емімен қоса қамқорлықты сезінгісі келіп, сеніммен барады. Осындай сенімді ақтайтын дәрігерлік жолды таңдау үшін үлкен жүрек, нұрлы ақыл керек. Мұндай асыл қасиеттер бойынан табылатын жанның бірі – №3 қалалық емхананың бас мейірбикесі Әбдіхалықова Гаухар Алтынбекқызы.Ол жұмысында кәсіби маман болса, отбасында ардақты ана, адал жар, бір әулеттің ибалы келіні. Кәсібіне адалдық танытып, абыройлы еңбек етіп жүрген кейіпкеріміз отбасына көп көңіл бөлуге тырысады екен.<blockquote>– Бақытты отбасы болудың құпиясы бір-бірін түсіну. Сенім – бұл отбасылық үйлесімділікті сақтауда маңызды рөл атқарады. Бақытты отбасына байланысты тағы бір құндылықтың бірі – жауапкершілік. Отбасында әркім өз рөлін тыңғылықты атқарса, бір-біріне деген сыйластығын арттырады, – дейді ол.</blockquote>Гаухар Алтынбекқызы Қызылорда медициналық колледжін 2001 жылы үздік дипломмен бітірген. 2004-2009 жылдары Қорқыт ата атындағы Қызылорда университетін бітіріп, «Педагог-психолог» біліктілігі бакалавр академиялық дәрежесін алып шыққан. Онан соң Қызылорда медициналық жоғарғы колледжінің «Мейіргер ісі» мамандығы бойынша қолданбалы бакалавр дәрежесін де алған. Ал 2023 жылы М.Оспанов атындағы Батыс Қазақстан медицина университетін «Мейіргер ісі» денсаулық сақтау бакалавр академиялық дәрежесі берілген.Еңбек жолын 2001 жылы №1 қалалық емхананың химизиатр-мейіргері болып бастап, 2004 жылы аталған емханада 2-ші терапия бөлімінің аға мейірбикесі қызметін атқарды. 2012 жылы Қызылорда қалалық №3 емханасында терапия бөлімінің аға мейірбикесі, 2023 жылдан осы күнге дейін қалалық емхананың бас мейіргері қызметін атқарып келеді. Адам жанына араша болған ақ халатты абзал жандар қашан да халық арасында үлкен бедел мен құрметке ие. Бірақ олар үшін осындай абыройға бөлену оңай емес. Ол үшін кәсіби жоғары біліктілік, өз мамандығына деген шексіз сүйіспеншілік қажет. Өйткені, олар адам тағдырына жауап береді.&nbsp;Гаухар Алтынбекқызы медицина мамандарының қызметіне мұқтаж болып келген жанды жылы жүзбен қарсы алып, тиісті ем-дом жасайды. Әрбір алдына келушінің денсаулығы мықты болуы үшін көмегін аямайды. Уақытпен санаспай жұмыс жасайды. Өз жұмысына аса жауапкершілікпен қарайды. Сондықтан да әрқашан кәсіби біліктілігін жетілдіріп отыруды ұмытпайды.Аружан Мырзалықызы &nbsp;

Гаухар Алтынбекқызы: Отбасының бақыты сенім мен жауапкершілікте

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың тапсырмасына сәйкес әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету мақсатында Арал қаласында «Отбасын қолдау» орталығы ашылып, қызмет көрсетуде. Мейірім азайып, қамқорлық көрсетуден алыстап бара жатқан бүгінгі қоғамның қасіретіне айналған тұрмысы төмен, психологиялық тұрғыдан әлсіз отбасылар мен адамдардың, оның ішінде балалардың бар болуы және олардың санының жыл санап артып бара жатқаны кім-кімді де алаңдатады. Ендеше осындай санатқа жатқызылған немесе аталған орталықтың көмегіне мұқтаж жандар хабардар болсын деген ниетпен «Отбасын қолдау» орталығы жөнінде хабардар болайық.&nbsp;«Арал ауданының жұмыспен қамту және әлеуметтік бағдарламалар бөлімі» КММ-нің «Арал аудандық отбасын қолдау орталығы» коммуналдық мемлекеттік мекемесін құру туралы Арал ауданы әкімдігінің 2023 жылғы 11 сәуірдегі №57-қ қаулысымен жаңадан отбасын қолдау орталығы құрылған болатын. Орталықта 17 қызметкер еңбек етуде. Ғимарат қала аумағындағы Ш.Уәлиханов тұйығының бойында №2а ғимаратында орналасқан. Аптасына бес күн сағат 9.00-19.00 аралығында қызмет көрсетеді. Мамандар тұрғындарды қабылдап, тегін кеңес береді. Сондай-ақ кеңесті +7 72433 2-65-98 телефонына хабарласу арқылы алуға болады. Айта кетерлігі, жаңа мекеме халық үшін қажетті қызмет көрсетеді.Бұл орталық ұсынатын қызмет түрлері аз емес және олардың көбі, әсіресе қазіргі кезде өте маңызды мәселелер санатына жататын әлеуметтік тұрғыда аз қамтылған отбасыларға қатысты. Орталықтың басты бағыты – әлеуметтік жағдайы төмен, көп балалы, аз қамтылған отбасы мүшелеріне ақпараттық-кеңестік және ресурстық қолдау көрсету болып табылатындықтан, орталық қызметінің бірнеше мақсаты бар. Атап айтар болсақ, олар: зорлық-зомбылық көрген отбасыларға жәрдемдесу; мүгедектігі бар адамдарға әлеуметтік порталда жұмыс жасау үшін өз-өзіне қызмет көрсетуге жәрдемдесу; ардагерлерге қызмет көрсету. Сонымен қатар психолог-логопед маманының қабылдауында болып және психологиялық, әлеуметтік және құқықтық кеңестер алуға да болады. Кәсіптік бағыт-бағдар беретін қысқа мерзімді тігін, массаж, шаштараз, маникюр және ұсақ моншақтар үйрету курстарын ұйымдастыру және тағы басқа қажетті сұраныстарға байланысты қызметтер көрсету арқылы қорғауды және көмек көрсетуді қамтамасыз етеді.Қазір осы мақсатта орталық аудан аумағындағы тұрғындарға ішкі істер бөлімімен, оқу орындарымен, аудандық ауруханамен, білім бөлімімен, қала, кент, ауылдық округ әкімдерімен және аудан әкімдігіне қарасты бөлімдермен бірге өмірде қиын жағдайға тап болған немесе оның туындау қауіп-қатері бар отбасыларды анықтап, тиісті қызмет көрсетуде. Сондай-ақ мүгедектігі бар адамдарға және олардың отбасы мүшелеріне, осал топтағы азаматтардың жеке қабілеттері, дағдыларын ескеріп, жұмыс іздеулері мен жұмысқа орналасуларына ықпал етеді.<blockquote>– Өкінішке қарай біздің қызметке жүгінетіндер саны көбеймесе азаймайды. Өйткені тұрмыс тауқыметін тартқандар мен тұрмыстық зорлық-зомбылық көргендердің дені алдымен орталықтың қызметіне жүгінеді. Жыл басынан бері қиын өмірлік жағдайға тап болған 287 адам (отбасылар) анықталып, осы отбасыларға жан-жақты көмек түрлері бойынша жұмыс жасалып келеді. EGOV web-порталы арқылы өтініштер беру бойынша көмек көрсетіледі. Атап айтар болсақ, оңалтудың жеке бағдарламасы бойынша 265 адамға, мемлекеттік атаулы әлеуметтік көмекке – 43 отбасыға (172 адам), тұрғын үй көмегіне – 9 адамға, жер телімін алуға – 5 адамға, балабақшаға кезекке қою – 6 адамға қызмет көрсетілді. Одан бөлек аудан бойынша 522 отбасыға 5646,5 мың теңге көлемінде қайырымдылық көмектер көрсетілді. Ағымдағы жылдың бірінші жарты жылдығында айтулы күндері керемет көңіл-күй сыйлау мақсатында былтыр мерекелік 9 іс-шара өткізілді,-дейді «Отбасын қолдау орталығының» директоры Әділжан Өтегенов.</blockquote>Иә, окінішке орай бүгінде қоғамда неше түрлі жағымсыз жағдайлар орын алып жатыр. Тіпті бір шаңырақ астында тұратын ерлі-зайыптылар арасында тұрмыстық-зорлық зомбылық та аз емес. Оның бірін білсек, бірін білмейміз. Сол үшін адам қандай жағдай болмасын оны жеңу жолын қарастыру қажет.-Тағы айта кетерлігі, орталық қызметіне жүгінетін адамдар да осы қоғамның нақты мүшесі болғандықтан оларға барынша адамгершілікпен, түсіністікпен қарау керек. Сондықтан мұндай жағдайға тап болған ересектер мен балаларды, тіпті бүтін отбасын осы қоғамдық орталарға қайта бейімдеп, оларға психологиялық тұрғыда қолдау білдіріп, аяғына тұрып кетуіне барлығымыз қолдан келгенше көмек көрсетсек құба-құп болар еді. Өйткені өмірден өз орнын таба алмаған адамдардың тұрмыстық қылмыстарды жасауға деген бейімділігі де өте жоғары болатыны белгілі. Сондықтан оларды қатарға қосуға қоғам болып атсалысуымыз керек деп есептеймін,-деді Әділжан Өтегенов.

«Отбасын қолдау» орталығы үздіксіз қызмет етеді

<a href="https://kyzylorda-news.kz/">Kyzylorda-news.kz.</a> &nbsp;Бүгін қала әкімі Серік Қожаниязовтың төрағалығымен аппараттық мәжіліс өтіп, онда өзекті екі мәселе талқыланды.Қазір қалада 150 көпқабатты иесіз үй бар, яғни олар кондоминиум нысанының ортақ мүлкін күтіп-ұстауға тиісті пәтер иелері кооперативінің қарауына тіркелмеген. Осы мәселенің құқықтық тәртібі зерттеліп, алдағы уақытта тұрғын үйлердің тиісті құжаттары рәсімделіп, конкурс арқылы кондоминиум обьектісін басқарушы органы тағайындалатын болады.Ал, жаппай кәсіпкерлікті дамыту және инвестиция тарту бойынша біршама ілгерілеушілік бар. Атап айтқанда, қалада кәсіпкерлердің саны 33296-ға жетіп, оның 93,7 пайызы тұрақты жұмыс істеп келеді. Бұл секторда 66 450 адам жұмыспен қамтылған. Бүгінде 527,4 миллион теңгенің өнімі өндірілген. Сол секілді бөлшек сауданың нақты көлем индексі 102,4 процентке, көтерме сауда 104 пайызға өсіп отыр.Шаһар басшысы инвестиция тарту бойынша кент, ауылдық округтердегі бүгінгі жағдайды біліп, жұмыс жүргізудің жүйесін нақтылап, жауапкершілікті күшейту керек деді. Сонымен қатар, жауапты бөлімдерге санитарлық тазалықты жүйелі ұйымдастыруды, келер жылы аталып өтілетін Ұлы Жеңістің 80 жылдығына орай тыңғылықты дайындық жасауды, «Тағзым алаңдарына» күрделі жөндеу жұмыстарын жүргізуді тапсырды.

Қызылордада кәсіпкерлікке инвестиция тарту ілгерілеп келеді

<a href="https://kyzylorda-news.kz/">Kyzylorda-news.kz</a> &nbsp;Бұл өмірде ешкім кездейсоқ&nbsp;жағдайлардан сақтандырылған жоқ.&nbsp;Сақтандыру&nbsp;құжаты&nbsp;–&nbsp;бұл, ең алдымен, сақтандыру жағдайы туындаған жағдайда сіздің қаржылық мүдделеріңізді қорғау. Сізге сақтандыру&nbsp;құжатын&nbsp;қалай дұрыс таңдау&nbsp;қажеттілігі &nbsp;туралы Fingramota.kz. айтып береді.Сақтандырудың екі түрі бар: міндетті және ерікті. Бірінші жағдайда заң сақтандыру құжатының болуын міндеттейді. Сақтандырудың бұл түріне автомобиль иелерінің азаматтық-құқықтық жауапкершілігі, тасымалдаушының жолаушылар алдындағы азаматтық-құқықтық жауапкершілігі, қызметкерді еңбек (қызметтік) міндеттерін орындау кезінде жазатайым оқиғалардан сақтандыру және т.б. жатады. Екіншісінде – ерікті сақтандыру, онда сақтандыру ерікті негізде сатып алынады. Мысалы, мүлікті немесе денсаулықты сақтандыру.Сақтандырушыны қалай таңдауға болады?Сақтандыру компаниясын таңдаған кезде лицензияның болуына назар аудару қажет. Сақтандыру компаниясы Қаржы нарығын реттеу және дамыту агенттігі берген лицензия болған жағдайда ғана жұмыс істеуге құқылы. Мұндай құжаттың болуын реттеушінің gov.kz сайтында «Рұқсаттар мен хабарламалар тізілімі» бөлімінде тексеруге болады.Компанияны таңдағанда, тарифтерге назар аударыңыз. Бұл сіздің полисіңіздің құнына әсер ететін негізгі көрсеткіштердің бірі. Сақтандырудың міндетті түрлері бойынша тарифтер заңнамалық деңгейде белгіленеді. Ерікті сақтандыру түрлері бойынша сақтандыру шартында белгіленеді. Бұл жағдайда сіз полистің болжамды құнын сақтандыру &nbsp;компаниясының сайтында өзіңіз есептей аласыз.Сақтандыру компаниясының негізгі қаржылық көрсеткіштерін зерделеу қажет. Қажетті статистика Қазақстан Республикасы Ұлттық Банкінің ресми интернет-ресурсында (www.nationalbank.kz) орналастырылған.Сақтандыру компаниясына қатысты қолданылған шаралардың және (немесе) санкциялардың болуына ерекше назар аударыңыз, олар туралы ақпарат реттеушінің ресми интернет-ресурсында (https://www.gov.kz) қолжетімді.&nbsp;Сақтандыру компаниясының қызметі туралы толық ақпарат орналастырылатын оның интернет-ресурсымен танысыңыз. Сақтандыру компанияларының ресми интернет-ресурстарына сілтемелер реттеушінің ресми интернет-ресурсында (https://www.gov.kz) &nbsp;орналастырылған.Сондай-ақ кез келген акционерлік қоғамы сияқты сақтандыру ұйымы да өзінің қаржылық есептілігін қаржылық есептілік депозитарийінің сайтында (https://www.dfo.kz) тұрақты түрде жариялайды.Шартқа қол қоюдан бұрын неге ерекше назар аудару қажет? &nbsp; &nbsp;&nbsp;Сақтандыру жағдайы туындаған кезде сақтандыру төлемін жасау үшін талап етілетін сақтанушы ұсынған құжаттардың тізбесіне ерекше назар аудару қажет. Сақтандыру шартымен мұқият танысыңыз, түсініксіз болған жағдайда, менеджерден ақпаратты міндетті түрде нақтылаңыз. &nbsp;Шартта міндетті негізде клиенттің жеке деректері: сақтандырушының аты-жөні, атауы, оның байланыс деректері, БСН/ЖСН және басқа да мәліметтер көрсетілуге тиіс.Сақтандыру жағдайларының тізбесіне назар аудару қажет. Сақтандырушы шартта жазылған жағдайлар бойынша және көрсетілген оқиғалар болған кезде ғана төлемдер жүргізеді. Сақтандырушы сақтандыру төлемін жасамау құқығын өзіне қалдыратын жағдай туындаған кезде сақтандыру жағдайларының ерекшеліктер тізбесімен мұқият танысыңыз.&nbsp;Шарттағы маңызды нәрсе – франшизаның болуы және оның мөлшері. Сақтандырудың аталған талабы сақтандырушыға белгілі бір жағдайларда шығынның белгілі бір сомасын өтемеуге мүмкіндік береді. Франшиза &nbsp;шартты немесе шартсыз болады. Шартты немесе шегерілмейтін франшиза жағдайында сақтандырушы франшизаның белгіленген мөлшерінен аспайтын шығынды өтеуден босатылады. Яғни, егер шығынның сомасы франшизаның белгіленген мөлшерінен төмен болса, сақтанушы компаниядан ештеңе алмайды. Ал шығынның мөлшері франшизаның белгіленген сомасынан артық болса, онда сақтандырушы оны сақтанушыға толық көлемде өтеуге міндетті.Шартсыз немесе шегерілетін франшиза жағдайында оның мөлшері сақтандыру өтемінің сомасынан шегеріледі. Бұл шығынның франшизаның белгіленген сомасын шегеріп тастау арқылы төленетінін білдіреді.Сақтандыру компаниясының клиенті үшін негізгі артықшылық – бұл франшизасы бар полисті құны жағынан франшизасы жоқ полиске қарағанда біршама тартымды ететін төмен тариф. Франшизаның мөлшері көп болған сайын полис арзанырақ және керісінше болады. Франшиза болған кезде сақтанушы үшін тиімсіз нәрсе – сақтандыру жағдайы орын алған кезде өтемақы мөлшерінің аз болуы немесе оның болмауы. Кейде өз есебіңнен жөндеу жүргізу франшизасыз толық сақтандыру құнынан қымбатырақ болуы мүмкін. Сондай-ақ, шартқа қол қоюдан бұрын сақтандыру компаниясының өкілінен сақтандыру жағдайы орын алған уақытта сіздің іс-әрекеттеріңіздің тәртібін нақтылап алыңыз. Әсіресе сақтандырушыға хабарлау мерзімдері мен тәртібі маңызды. Өйткені аталған талаптарды бұзу сақтандыру компаниясының сақтандыру төлемін жасаудан бас тартуына негіз болуы мүмкін. &nbsp;&nbsp;Fingramota.kz-пен бірге қаржылық тұрғыдан сауатты болыңыз!&nbsp;

Сақтандыру құжаты –  сіздің қаржылық мүддеңізді қорғайды

<a href="https://kyzylorda-news.kz/">Kyzylorda-news.kz</a>&nbsp; 17 мамыр – Байланыс саласы қызметкерлерінің кәсіби мерекесі. Бұл күн 2019 жылдан бері елімізде ресми мерекелер қатарына енген болатын. Бүгінде байланыс саласы – ең ауқымды әрі жауапкершілікті талап ететін салалардың бірі болғандықтан қоғамда айрықша маңызға ие. Сондықтан да байланыс және IT саласы мамандарының ақпараттандыру саласына қосқан үлесі ерекше бағаланады. Өңірлік коммуникациялар қызметінде өткен брифингте облыстық қоғамдық даму басқармасының басшысы Алмасбек Есмаханов сала мамандарын құттықтады.<blockquote>– Байланыс саласы қызметкерлерін кәсіби мерекелерімен құттықтаймын. Сіздердің ізденістеріңіз, қажырлы еңбектеріңіз бен сала алдында тұрған барлық стратегиялық міндеттерді іске асырудағы жауапкершіліктеріңіз үшін алғысымызды білдіреміз. Сіздерге және отбасыларыңызға зор денсаулық, амандық және алға қойған мақсаттарға қол жеткізулеріңізге тілектеспін, – деді ол.</blockquote>Бүгінгі таңда жаһандық дамуды коммуникация, байланыс және ақпараттандырусыз елестету мүмкін емес. Жаһандану тенденциясының өте жылдам темппен дамуына әсер еткен – осы ақпарат саласының қарышты дамуы тікелей әсер етті. ХХI ғасырда медиа саласы әлемдегі оқиғаларды таратушы болып қана қоймай, көбіне оның жекелеген елдерде және тұтас әлемде қалай өрістеп отырғанын айқындайтын жетекші күшке айналды. Айта кету керек, біздің елдегі цифрландыру, қызметтерді онлайн алу, «бір терезе» қағидаты арқылы жүзеге асады. &nbsp;Біз өзімізге қажет маңызды қызметтерді үйден шықпай-ақ, қолымыздағы смартфон арқылы қол жеткізе аламыз.&nbsp;<blockquote>– Жақында ғана аймақ басшысы Нұрлыбек Машбекұлы Нәлібаев байланыс саласында 35 жыл қажырлы еңбек еткен сала ардагері Әбдіхан Көбеевті облыстың ең жоғарғы наградасы «Құрмет грамотасымен» марапаттады. Сондай-ақ, кәсіби мереке қарсаңында байланыс саласында елеулі еңбек етіп жүрген азаматтар да құрмет төрінен көрінді. Мұның барлығы қажырлы еңбектің жемісі, – деді басқарма басшысы.</blockquote>Жалпы, статистикаға келер болсақ, қазіргі уақытта елімізде бекітілген байланыстың 2,5 млн абоненті тіркелген, яғни бұл стационарлық телефонды пайдаланатын азаматтардың көрсеткіші. &nbsp;Бұл ретте, жыл сайын телекоммуникация нарығының жалпы көлемінде бекітілген байланыс үлесі ұялы байланысқа орнын бере отырып, төмендеуде. Ұялы байланысқа келетін болсақ, бекітілген абоненттер саны 26 млн-нан асты.Ал 2011 жылы елімізде 3G стандартының байланысы енгізілген кезде сала ұялы байланыстың дамуына айтарлықтай серпін алды. 2014 жылы байланыс операторлары 4G/LTE стандартында байланыс қызметтерін ұсына бастады. 2019 жыл ішінде Қазақстанда Астана, Алматы және Шымкент қалаларында 5G байланыс желілерін тестілеу бойынша пилоттық жоба іске асырылуда. Тестілеудің алғашқы нәтижелері оң болды және сарапшылар Қазақстан аумағында 5G технологиясын енгізуге дайын екендіктерін көрсетті.&nbsp;

 Үздіксіз ақпарат тарату – қажырлы еңбекті талап етеді

<a href="https://kyzylorda-news.kz/">Kyzylorda-news.kz.</a> Әлеуметтік сала, жұмыспен қамту, кәсіпкерлікті қолдау бағытында аймақта бос жұмыс орындары жәрмеңкесі өтті. Облыс әкімінің бірінші орынбасары Данияр Жаналинов жетістіктер алаңының мән-маңызына тоқталып, кәсібін жүргізем деген жандарға қолайлы мүмкіндік екендігін жеткізді.Жәрмеңкеге Солтүстік Қазақстан, Ұлытау, Абай облыстарынан 3500-ге жуық бос жұмыс орындару ұсынылды. Олардың басым бөлігі ғылым мен білімге, денсаулық сақтау және мәдениет пен спорт салаларына бағытталған. Бүгінгі жәрмеңкеге облыстық мәслихат депутаттары, облыстық прокуратура өкілдері, облыстық басқарма мен қоғамдық бірлестіктер ұйымдарының өкілдері, жергілікті жұмыс берушілермен қатар Ұлытау, Абай және Солтүстік Қазақстан облыстарынан келген делегация мүшелері және өңіріміздің тұрғындары, оқу орындарының түлектері қатысты. Жетістіктер алаңында мемлекеттік қайтарымсыз грант алып, кәсіп көкжиегін кеңейткен 80 кәсіпкер өз өнімдерін көпшілікке ұсынды.Ал, Қызылорда қаласы аумағындағы 20 жұмыс берушілерден 200-ге жуық бос орындар өз жұмыскерлерін күтуде.Жалпы, Солтүстік өңірге қоныс аудару жобасы бойынша өңірімізде соңғы 5 жыл ішінде 348 жанұя қоныс аударған. Оларға тиісті қаржы бөлініп, бастаған кәсіптеріне лайықты қолдау жасалып, тұрғын үй, үйді жалдау шығынын өтеуге қажетті көмек көрсетілген. Мұндай қолдауға биыл да ниет білдірген жандар ие бола алады.Бүгінгі жәрмеңкеде осы бағыттағы біраз тірліктің түйіні шешілді. Шара соңында мемлекеттік қайтарымсыз грант алу арқылы кәсібін өрге домалатқан бірқатар кәсіпкерлер алғыс хаттармен марапатталды.<img src="https://knadmin.beoblood.kz/uploads/441516474_2006126353116200_4727104523044635497_n_695fa4121c.jpg" alt="441516474_2006126353116200_4727104523044635497_n.jpg"><img src="https://knadmin.beoblood.kz/uploads/441255435_2006126386449530_2476179008548943926_n_578ac46350.jpg" alt="441255435_2006126386449530_2476179008548943926_n.jpg"><img src="https://knadmin.beoblood.kz/uploads/441316839_2006126319782870_8586192244993554145_n_00beade02f.jpg" alt="441316839_2006126319782870_8586192244993554145_n.jpg">

Кәсіпкерлікті қолдау бағытында аймақта бос жұмыс орындары жәрмеңкесі өтті

Білім беру саласында нәтижелі жұмыстар көп

<a href="https://kyzylorda-news.kz/">Kyzylorda-news.kz</a> &nbsp;Адам өміріне араша болатын дәрігерлік мамандығы үлкен жауапкершілікті талап етеді. Сондықтан болар бұл мамандыққа кез келген адам бара бермейді. Тереңнен ойлап қарасақ жауапкершіліктің астарында көптеген қасиет жатыр. Ол – табандылық, білім мен білік, мейірімділік. Осы қасиеттер ұштасқанда ғана мықты дәрігер болары сөзсіз. Біздің өңірде де білімі мен білігі, талабы мен талпынысы бір бойынан табылатын, алтын қолды дәрігерлер жетерлік. Солардың бірі – Қызылорда облыстық көпбейінді ауруханасында хирург қызметін атқарып жүрген Әсет Әбутәліпұлы Жалмағанбетов.Сырқаты жанына батқан талай науқасты ажалдан арашалап алып қалған хирург бүгінде жауапкершілігі өте үлкен дәрігер мәртебесінің биік болуына үлкен үлес қосып, қаншама жанның алғаусыз алғысына бөленіп келеді.Әсет бұл салаға бала жасынан қызыққан. Мектепті жақсы оқып, биология, химия пәндерін тереңнен игеруге тырысады. Оның қалайда дәрігер боламын деген мақсаты арман қала Алматыға әкелді. Өзінің білімінің арқасында &nbsp; &nbsp;Асфендияров атындағы Қазақ ұлттық медицина университетіне грантқа оқуға түсіп, білікті мамандардан дәріс алады.&nbsp;<blockquote>− Бұл салаға бала жасымнан қызығатын едім. Теледидардан ақ халатты киіп, ота жасап жатқан дәрігерлерді көргенде олардың жұмысын ерекше қызығатынмын. Сол арман жетегімен медицина саласы маманы болуды алдыма мақсат етіп қойдым. Мектепте оқып жүргенде сабақты жақсы оқыдым. Әсіресе, биология, химия пәндеріне қызығушылығым ерекше еді. Сондықтан аталған пәндерді тереңдете оқуға ықыласым артты. Сол арманым аса жауапты хирургия саласын таңдауыма әкелді,−дейді ол.</blockquote>Әсет 2012 жылы Қазақ ҰМУ-нің «Емдеу ісі» мамандығын бітіреді. Одан кейін Қызылорда қаласындағы облыстық медицина орталығында «Жалпы хирург» мамандығы бойынша интернатураны тәмамдайды. Содан соң аталған орталықта қабылдау бөлімшесінде дәрігер-хирург болып еңбек жолын бастаған. 2023 жылдан бастап орталықта хирургия №1 бөлімшесінің меңгерушісі қызметін атқаруда. 2017 жылы Алматы қаласы А.Сызғанов атындағы ұлттық-ғылыми хирургия орталығында «УДЗ бақылауымен кіші инвазивті әдістер» тақырыбында маманданудан өткен.&nbsp;Бүгінде &nbsp;ол өзінің &nbsp;біліктілігін жетілдіруді тоқтатқан емес. Үнемі ізденісті қажет ететін маман иесі болғандықтан білімді бірінші орынға қояды. Әсіресе хирургия саласының дамуына өзіндік үлесін қосуды армандайды. Қазіргі таңда бұл саланың біздің өңірде де тың серпін алып келе жатқандығын айтады.<blockquote>− Еліміздің хирургия саласының даму деңгейі әлемдегі дамыған елдермен шамалас. Ол жақтарда да жасалып жатқан ота түрлері бізде де жасалуда. Облыстағы хирургия саласының даму деңгейін республикада алдыңғы орындарда деп санаймын. Қазір біздің ауруханада Сызғанов атындағы ҰХҒО-та қызмет атқарып, алыс-жақын шетелде білім алып, көптеген жаңа ота түрін меңгерген тәжірибелі мамандар басшылық қызмет атқарады. Осындай жұмыстардың нәтижесінде облыс хирургиясы тың серпін алды. Нәтижесінде жаңа ота түрлерін сатылы түрде енгізіп жатырмыз. Жергілікті дәрігерлер Алматы қаласы Сызғанов атындағы ҰХҒО, шетелдік ауруханалармен тығыз байланыста еңбек етіп келеді. Аталған әріптестермен тәжірибе алмасып, жан-жақты жасалған үлкен ашық ота, кіші инвазивті жолмен жасалатын ота түрлері ауруханаға енгізілуде.&nbsp; Еңбек жолымда алғашқы жасаған aппендэктомия отасы ерекше есімде қалыпты. Соқырішекке байланысты жасалған отаны облыстық медицина орталығында 2012 жылы жасадым. Бүгінде күніне орташа есеппен 4-5 ота жасалуда. Ол аптасына шашамен 10-15 отаға жетеді. Олардың 90 пайзы кіші инвазивті жасалады, яғни лапароскопиялық жолмен жасалды, − дейді.&nbsp;</blockquote>Қазақ халқында «Ауырып ем іздегенше, ауырмайтын жол ізде» деген сөз бар. Білікті хирург бұл ретте халықтың денсаулыққа немқұрайлық танытпаса екен дейді. Сондай-ақ &nbsp;бұл ретте дәрігер халыққа құнарлы тамақтану жолын ұсынады. Осы ретте хирургияның қыр-сырын тереңнен меңгеруді қолға алған Әсет жұмыс барысында түрлі жобаларға қатысып, отаның сәтті өтуіне атсалысып келеді.&nbsp;<blockquote>− Орталықта науқастарға кіші инвазивті технологияны пайдаланып, лапароскопиялық операциялар кеңінен орындалуда. Қазіргі таңда лапароскопиялық аппендэктомия, холецистэктомия, шап жарықтары кезінде лапароскопиялық герниопластика ТАРР, асқазан және 12 елі ішек тесілген ойық жарасын лапароскопиялық тігу, панкреонекроз кезінде лапароскопиялық кіші шарбы майды ашу секілді жаңашыл істерді қолға алып отырмыз. Оған қоса дренаждау, механикалық сарғаю кезінде лапароскопиялық бауыр арқылы холецистостома орнату және УДЗ және ИОХГ бақылауымен тері-бауыр арқылы холангиостомия, лапароскопиялық бауырдың эхинококэктомиясы, жатырдан тыс жүктілік кезіндегі лапароскопиялық тубэктомия және туботомия жасалады. Одан басқа да көптеген отаны орындаймын. Санитарлық авиация арқылы аудандық ауруханаларда жоспарлы және жедел ота жасаудамыз, − дейді дәрігер.&nbsp;</blockquote>Осындай еңбегінің арқасында Әсет түрлі марапат төрінен көрінуде. Бұл оның еңбегінің жемісі. Осындай жақсы дәрежеге жетуіне өзінің алдыңғы буын ағаларының, ұстаздарының арқасы деп біледі.&nbsp;<blockquote>− Еңбек жолымда көптеген білікті маманнан тәлім алдым. Сондықтан менің үлгі тұтатын ұстаздарым көп. Ол азаматтар менің жақсы маман болып қалыптасуыма жол сілтеді. Олардың қатарында облыс хирургиясын республикалық деңгейге көтерген білікті азаматтар көп. Мәселен, елімізде көптеген хирургия саласының профессорларын тәрбиелеген Абдулла Шүленбаев, облысқа танымал хирургтар Нуриддин Әмитов, Бекет Мантаев, Вероника Цой, Бауыржан Куанышбаев сынды мамандарды ерекше құрметпен атаймын. Сондай-ақ, Қазақстан хирургиясын әлемге танытқан Болатбек Баймахановқа алғыс айтамын, − дейді ол.</blockquote>Жақсы дәрігер ауруды жазады деген. Халықтың ықыласына бөленіп, жақсы дәрігер атану көп маманның қолынан келе бермейтін іс. Бұл ретте Әсет Әбутәліпұлы үдеден шығуда десек артық айтпағандығымыз болар.Мейрамгүл ДАУЫЛБАЙҚЫЗЫ &nbsp;

Архив