Kyzylorda-news.kz. Қызылорда қаласы бойынша ауа-райының қолайсыздығына байланысты 2023 жылғы 11 желтоқсан күні, яғни ертең 0-4 сыныптар аралығындағы оқушылар қашықтықтан оқытылады, деп хабарлайды Қызылорда қаласы бойынша білім бөлімінің баспасөз қызметі.Айта кетейік, қаладағы 56 мектеп пен жеке мектептердің бастауыш сыныптары сабақты қашықтан оқитын болады.

Қызылорда: Бастауыш сыныптар қашықтан оқиды

Kyzylorda-news.kz. Облыстық кәсіпкерлік және өнеркәсіп басқармасының басшысы Дінмұхамед Абсаттаров түркиялық «Koruma Group» компаниясының өкілі Атилла Йылмазбен кездесті.Іссапар аясында екі тарап өңірде жылыжай салу жобасын іске асыру мәселелерін талқылады.Аталған компания 1949 жылы құрылған, Түркиядағы химия саласындағы ең ірі компаниялардың бірі болып табылады.Кездесу аясында түркиялық инвесторға өңірдің инвестициялық әлеуеті және жобаны жүзеге асыру мүмкіндігі бар өндірістік объектілер таныстырылды.Кездесу қорытындысымен Д.Абсаттаров жобаны жүзеге асыру мақсатында әкімдік тарапынан жан-жақты қолдау көрсетілетінін және өңірде басқа да жобаларды жүзеге асыруға дайын екендігін жеткізді.Айта кетейік, аймақта түріктің «Корума Груп» компаниясы Қызылорда облысына инвестиция құйып, 50-100 га жылыжай кешенін салуға кіріспек.<img src="https://knadmin.beoblood.kz/uploads/FB_IMG_1702193052040_0ec6b17476.jpg" alt="FB_IMG_1702193052040.jpg">

Түрік инвесторымен бірге өңірде жылыжай салу мәселесі талқыланды

Kyzylorda-news.kz. Қыста тұмау мен респираторлық вирустық инфекцияның маусымы басталатыны белгілі. Дәрігер аурудың алдын алу жолдарын айтты.Бұл туралы Stan.kz хабарлайды.Иммунолог дәрігер тұмаудың алдын алу үшін маусымдық көкөністер мен жеміс-жидектер жиі жеуге кеңес береді. Маманның айтуынша, маусымдық көкөністер мен жемістер ерте жиналған өнімдерден әлдеқайда пайдалы. Кеш жиналған өнімнің құрамында иммунитетті нығайтатын қоректік заттар көп.Сондай-ақ қыста бета-каротинге бай асқабақ, цитрустық жемістер мен ашыған қырыққабат тұмаудың алдын алады."Бета-глюкандармен қаныққан саңырауқұлақ иммунитетті көтереді. Сол себепті саңырауқұлақты күнделікті ас мәзіріне қосуды ұмытпаңыз", - дейді иммунолог Дженна Мачиоки.Ауырып ем іздегенше, ауырмайтын жол ізде. Алдын алу шаралары біріншіден организмнің өзіндік қорғанысын күшейтуге бағытталуы керек:Денені шыңықтыру (мысалы, контрастты душ, бассейн т.б.); Дұрыс тамақтану - яғни дәрумендерге бай жаңа піскен көкөністер мен жемістерді көбірек тұтыну. Сонымен қатар олардың құрамындағы тағамдық талшықтар ішек микрофлорасын жақсартады. Бұл организмнің әртүрлі инфекцияларға қарсы тұру қабілетін нығайтады; Дене белсенділігі (күніне кем дегенде 30 минут жаттығу, жаяу жүру) Дұрыс ұйқы (7-8 сағаттан кем емес, сағат 23:00-ге дейін жату, бөлме температурасы 17- 18°С); Иммундық жүйеңіз әлсіреген болса (жиі ауыратын болсаңыз), онда дәрігердің кеңесімен иммунокоррекциялық препараттар және мультидәрумендер қабылдауға болады.

Қыста тұмаумен жиі ауырмау үшін не істеу керек?

Фото: rtraveler.ru<a href="https://kyzylorda-news.kz/">Kyzylorda-news.kz.</a>&nbsp; Жарнамаларда тері жастығы мен сұлулығы үшін душқа түскенде түрлі гель, скраб және лосьондар қолдану керегін айтып жатады. Алайда осының бәрін қолдансаңыз да, теріңіздің душтан соң құрғап кететінін байқайсыз ба? Ендеше, төмендегі ережелерге көз жүгіртіңіз.1-ереже. Душқа жиі түспеңізДушқа түсу жиілігі адамның белсенділігіне байланысты. Мысалы, егер спортпен айналыспаңыз және үйден жұмыс істейтін болсаңыз, сізге аптасына бірнеше рет душқа түсу жеткілікті. Егер спортпен айналыссаңыз және кеңседе жұмыс істейтін болсаңыз, күніне бір рет душқа түскен жөн. Бір күнде таңертең, жаттығу залынан соң және кешке душқа түсудің қажеті жоқ. Себебі душқа жиі түсу теріңізді табиғи ылғалдан арылтады, ал гельдер мен сусабындар оны қосымша құрғатады.2-ереже. Душқа ұзақ түспеңізЖұмыстан келгенде судың астында тұру шаршағаныңызды басып, босаңсытады. Алайда бұлай ұзақ тұру теріге жағымсыз әсер етеді. Сондықтан душқа максимум 20 минут түсу керек.3-ереже. Ыстық суға түспеңізЫстық су теріні зақымдайды. Ыстық суға түссеңіз, теріңіз құрғап қана қоймай, жүрек соғысы жиіленуі, бас терісі қышуы және басыңыз айналуы мүмкін. Сондықтан жылы немесе салқындау суға түскен жөн.4-ереже. Скрабты жиі қолданбаңызСкрабты жиі қолданатын болсаңыз, ол теріні қатты құрғатып, кейде зақымдап жібереді. Сондықтан оны тері типіне қарай аптасына 1-2 рет қолдану жеткілікті.5-ереже. Теріні ылғалдандыруды ұмытпаңызДенеге арналған крем гидролипидті тепе-теңдікті сақтауға көмектеседі. Бастысы, кремді денеге душтан кейін бірден жағыңыз.Ақпарат дереккөзі:<a href="https://massaget.kz/basty-zhaalytar-438/94447/"> Massaget.kz &nbsp;</a>

Жастық пен сұлулықты сақтау үшін душқа қалай түсу керек?  

&nbsp;Kyzylorda-news.kz. Бүгін Қызылорда өңіріндегі 11 аудандық маңызы бар қала, кент, ауылдық округ әкімдерінің сайлауы өтуде. Арал, Қазалы, Сырдария, Шиелі, Жаңақорған және Қызылорда қаласындағы аудандық маңызы бар қала, кент, ауылдық округ әкімдерінің сайлауына дауыс беруге ниетті 81 мыңнан аса сайлаушы тіркелген. Таңсәріден бері дауыс беруге асыққан азаматтардың ішінде отбасымен бірге келген сайлаушылардың үлесі басым болды. Олардың қатарында аралдық зейнеткер Шегебай Жанабаев та бар. Ол №42 сайлау учаскесіне отбасын ерте келіп, шөбересімен бірге өз таңдауын жасады. &nbsp;<blockquote>&nbsp;Әрбір сайлау біздің отбасы үшін маңызды. Балаларымды, немерелерімде сайлауға ерте баратын дәстүрім бар. Себебі балалар жастайын елдік істе әрбір дауыстың маңызды екенін сезінуі керек. Бүгін міне, ауданымызға жанашыр, туған жерін дамытуға ниетті азамат үшін дауыс бердім,-дейді ол.</blockquote>Дауыс беру күні аудандар және қалада 51 сайлау учаскесі құрылды. Учаскелер кешкі 20.00-ге дейін сайлаушыларға қызмет көрсетеді.

Әкімдер сайлауы: Отбасымен бірге келген сайлаушылардың үлесі басым

Kyzylorda-news.kz. Бүгін жәй жексенбі емес. Қызылорда өңіріндегі 11 аудандық маңызы бар қала, кент, ауылдық округ әкімдерінің сайлауы өтуде.Атап айтқанда, Қызылорда қаласында Тасбөгет кенті, Талсуат ауылдық округі, Арал ауданында Арал қаласы, Қаратерең және Қамыстыбас ауылдық округі, Қазалы ауданында &nbsp;Әйтеке би кенті, Қазалы қаласы және Майлыбас ауылдық округі, Сырдария ауданында Бесарық, Шиелі ауданында Бестам, Жаңақорған ауданында М.Нәлібаев ауылдық округінің әкімі сайланады.Таңғы сағат 07.00-де учаскелерде дауыс беру басталып, алғаш болып келген сайлаушыларға сыйлықтар үйлестірілді. Барлығы 51 сайлау учаскесі құрылды. Мұнда 81 мыңнан аса сайлаушы дауыс беру құқығына ие.

Қызылордада аудандық маңызы бар қала, кент, ауылдық округ әкімдерінің сайлауы өтуде

«Қазгидромет» РМК мәліметі бойынша, еліміздің 6 облысында дауылды ескерту жарияланды, деп хабарлайды.Атырау облысында шығыстан соғатын желдің екпіні 15-20 м/с болады.Өскемен, Риддер және Семей қалаларында күтілетін қолайсыз ауа райы жағдайына байланысты екінші дәрежелі жағдайдың төмендігі туралы ескерту сақталады.Түркістан, Қостанай облыстарында тұман күтіледі.Маңғыстау облысында кей жерлерде жауын-шашын, көктайғақ, бұрқасын болады деп болжанып отыр.Жамбыл облысында қар жауып, тұман, бұрқасын күтіледі.&nbsp;