<a href="https://kyzylorda-news.kz/ru">Kyzylorda-news.kz</a> Облыс әкімі Нұрлыбек Нәлібаев Қазақстан мұсылмандары діни басқармасы діни және кадр даярлығы бөлімінің меңгерушісі Смайыл Сейтбековті қабылдап, ҚМДБ-ның Қызылорда облысы бойынша өкілі, «Ақмешіт-Сырдария» мешітінің бас имамы Болатбек Әбуовті жаңа қызметке шығарып салды.Аймақ басшысы 2018 жылдан бері өңірдің бас имамы қызметін атқарып келген Болатбек Ұласқанұлына сәттілік тілеп, Алғыс хат табыстады.Бүгіннен бастап облыстың бас имамы лауазымына Дастан Жанасұлы Құрманбаев тағайындалды.Дастан Жанасұлы 1991 жылы Қызылорда облысында туған. Білімі жоғары, 2014 жылы «Нұр-Мүбарак» ЕИМУ-ді исламтану мамандығы бойынша бітіріп, әрі қарай осы оқу орнында магистратура, докторантурада білім алған.Еңбек жолын 2015 жылы аталған университетке қарасты «Әбу Ханифа» ҒЗО-ның кіші ғылыми қызметкері лауазымынан бастады. 2016 жылдан бері Қызылорда облысының мешіттерінде имам, бас имам, бірінші наиб имам болды. Бұған дейін Алматы қаласы Бостандық ауданындағы «Орбита-3» мешітінің бас имамы қызметін атқарып келді.

Облыстың жаңа бас имамы тағайындалды

Фото: rskrf.ru<a href="https://kyzylorda-news.kz/">Kyzylorda-news.kz.</a>&nbsp; 2023 жылдың 1 желтоқсанынан бастап Google екі жылдан астам пайдаланылмаған аккаунттарды өшіре бастайды, деп хабарлайды &nbsp;<a href="https://kaz.inform.kz/">Kazinform</a>.&nbsp;Google белсенді емес есептік жазбалар саясатына сәйкес, жұмадан бастап белсенді емес аккаунттарды жоя бастайды.Компания «құрылып, ешқашан пайдаланылмаған» аккаунттардан бастап кезең-кезеңімен өшіріп отыратынын атап өтті.Мамырда интернет алыбы ескі аккаунттарды бұзу жеңіл екенін, себебі олар ескі құпиясөзбен қорғалғанын және көбінде қос факторлы сәйкестендіру жоқ екенін мәлім етті.Біреу үшін жұмысы немесе оқу орны ашқан есептік жазбаларға тиіспейді.Есептік жазбаны өшірмес бұрын аккаунттың электронды поштасы мен қосымша мекенжайына ескерту жіберіледі.Аккаунтты сақтап қалу үшін оған кіріп, Google сервистерінің кез келгенінде белсенді болу қажет. Мәселен, электронды хаттарды оқу немесе жіберуге, Google Drive, Google Play пайдаланып, YouTube-тағы видеоны көруге болады.Есептік жазбаны тұрақты қолданып отырған аккаунттарға қауіп төнбейді.

Google белсенді емес аккаунттарды өшіре бастайды

Фото: Н.Нұржаубай<a href="https://kyzylorda-news.kz/ru">Kyzylorda-news.kz</a>&nbsp; Жыл соңына дейін аймақты газдандыру деңгейін 75 пайызға жеткізу жоспарланған. Облыс әкімінің бірінші орынбасы Серік Қожаниязов Өңірлік коммуникациялар қызметінің баспасөз алаңында осылай мәлімдеді.Жалпы, биыл 26 газбен жабдықтау жобаларын жүзеге асыруға барлығы 9,3 миллиард теңге қаржы бөлініпті. Жыл басынан бері облыс аумағында 4 елді мекен табиғи газға қосылып үлгерген. Ал, 8 елді мекеннің газдандыру жұмыстары аяқталуға жақын. Осылайша, 12 елді мекеннің 40 мыңға жуық тұрғыны табиғи газдың игілігін көретін болады.Мемлекет басшысының тапсырмасына сәйкес, 100 пайыз халықты таза ауыз сумен қамтамасыз ету көзделген. Бүгінде өңірімізде кешенді жоспар әзірленіп, тиісті жұмыстар тізбегі қалыптасқан.<blockquote>Облыс бойынша халық санымен алғанда 98,1 пайызы орталықтандырылған ауыз су жүйесіне қосылған. Осы жылы 23 жобаға барлығы 7,2 миллиард теңге қаржы бөлінді. Жобалар толығымен аяқталған соң, 163 шақырым ауыз су жүйелері жаңғыртылып, 100 мыңнан аса халықтың ауыз сумен қамтылуы жақсарады. Сонымен қатар, облыстық бюджеттен Арал ауданы Құланды елді мекеніне және Шиелі ауданы Жуантөбе елді мекеніне су тұщытқыш орнатуға 38,5 миллион теңге қаржы бөлінді. Жыл соңына дейін ауыл тұрғынын ауыз сумен қамту деңгейін 98,3 пайызға жеткізу жоспарлануда, - деді Серік Салауатұлы.</blockquote>Аймақта келесі өзекті салалардың бірі – энергетика саласы. Серік Қожаниязовтың айтуынша, аймақ басшысы бұл бағытта нақты шараларды қабылдауды тапсырған. Сол себепті өткір мәселенің шеті шыққан сыңайлы. Қызылорда қаласындағы ең бірінші кезекте жөндеуді қажет ететін электр жүйелерін жөндеу мақсатында облыстық бюджеттен 1,6 миллиард теңге қаржы бөлініп, тиісті жұмыстар атқарылуда. Облыстағы электр желілерінің тозу деңгейін төмендету үшін және аталған жұмыстарды жалғастыруға келесі жылға қаржы бөлінген. Брифингте облыс әкімінің бірінші орынбасары жылу беру маусымы мен ТЭЦ жайлы да қоса кетті.<blockquote>Жылу беру маусымы 13 қазаннан басталып, тұрақты өтуде. Облыстағы барлық 1067 әлеуметтік нысан мен орталықтандырылған жылу жүйелеріне қосылған 855 көпқабатты тұрғын үй жылумен қамтамасыз етілуде. Бүгінде ТЭЦ-тің негізгі агрегаттары мен қондырғыларының тозу деңгейі жоғары екендігі баршамызға белгілі. Осы жылы ТЭЦ-тің 2 газотурбиналық қондырғысы мен 1 су қазандығына облыстық бюджет есебінен күрделі жөндеу жұмыстары жүргізілуде. Бұдан басқа, кәсіпорынның өз қаржысы есебінен 9 бу қазандығы мен 1 бу турбинасына және 18 автономды қазандықтарға жөндеу жұмыстары 100 пайызға орындалды, - деді Серік Қожаниязов.</blockquote>

Қызылорда: 8 елді мекеннің газдандыру жұмыстары аяқталуға жақын

Фото: altaynews.kz<a href="https://kyzylorda-news.kz/ru">Kyzylorda-news.kz</a> Жас ғалымдарды баспанамен қамтамасыз ету бағдарламасы іске қосылды.Отбасы банк («Бәйтерек» холдингінің еншілес ұйымы) пен ҚР Ғылым және жоғары білім министрлігі арасында қол қойылған ынтымақтастық туралы келісім аясында,2023 жылдың 1 желтоқсанынан бастап ғалымдардан заем алу туралы өтініштер қабылдайды.&nbsp;Бағдарлама ғылыми ұйымдар мен жоғары және ЖОО кейінгі білім беру ұйымдарының жас ғалымдарына 5 жыл бойы қолжетімді шарттармен тұрғын үй алу мүмкіндігін береді.<blockquote>&nbsp;Ғылыми жаңалықтар мен жаңа технологиялар еліміздің экономикалық өрлеуінің маңызды факторы болып табылады. Жаңа технологияларды жасап, онымен жұмыс істей алатын кадрларды дайындаудың да маңызы зор. Бұл рөл ғалымдарымызға жүктелген. Аталмыш кәсіптің беделін көтеріп, қолдау көрсетуіміз керек. Ғалымдарымыз күнделікті мәселелерді ойламай, ғылымға ден қоюы үшін біз өз тарапымыздан оларға баспана мәселесін шешуге көмектесуге дайынбыз. Біз Ғылым және жоғары білім министрлігімен бірлесіп, Отбасы банкінен жылдық мөлшерлемесі 5%, ең төменгі 10%-дық алғашқы жарнамен несие алуға мүмкіндік беретін бағдарламаны іске қосып жатырмыз», - деп түсіндірді «Отбасы банк» АҚ Басқарма төрайымы Ләззат Ибрагимова.&nbsp;</blockquote>Министрлiк, қызметкерлерi жеңiлдетілгеншарттармен заем ала алатын ғылыми ұйымдар мен жоғары және (немесе) жоғары оқу орнынан кейiнгi бiлiм беру ұйымдарының тiзімін қалыптастырып, банкке ұсынады. Ал қатысушылар пулын жұмыс беруші белгілейді.Ғылыми ұйымдардың бірінші басшылары қол қойған жолдаманы алған бағдарламаға қатысушылары төлем қабілеттілігін бағалату үшін банкке жолдама алады.&nbsp;Баспананы алғашқы немесе екінші нарықтансатып алуға болады. Заемның жылдық мөлшерлемесі 5% (ЖТСМ 5,2% бастап) беріледі. Алғашқы жарна 10%-дан 50%-ға дейін болады. Бағдарламаға қатысушысынаберілетін ең жоғары заем сомасы 20 млн теңгеге дейін. Сондай-ақ «Жасыл ипотека» бағдарламасы аясындада заем алу мүмкіндігі бар. Оныңең жоғрғы сомасы 35 млн теңгегедейін. Несие бойынша мөлшерлеме жылдық 8% (ЖТСМ 8,2%-дан бастап). Алғашқы жарна – 20%-дан 50%-ға дейін.Ғалымдарды несиелендіру бағдарламасына қатысушысы 40 жастан аспауы тиіс. Оның және онымен бірге тұратын отбасы мүшелерінің соңғы 5 жылда баспанасы болмауы керек. &nbsp;

Отбасы банк қазақстандық жас ғалымдарға қолжетімді шарттармен баспана сатып алуға көмектеседі

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облыстық сотының 85 жылдығына орай «Жаңа Қазақстандағы сот жүйесін жетілдіру» халықаралық ғылыми-тәжірибелік конференциясы өтті. Халықаралық конференцияны Қызылорда облыстық соты мен Қорқыт ата атындағы Қызылорда университеті ұйымдастырды.Конференцияда сот шешімдерінің сапасын көтеру, сот төрелігін әділ жүргізу мәселелері, осы саладағы өзгерістер ғылыми тұрғыда талданды.<figure class="image"><img src="https://knadmin.beoblood.kz/uploads/0f1dedfa_c75c_4238_86e9_46f33e336651_658ca4525b.jpg" alt="0f1dedfa-c75c-4238-86e9-46f33e336651.jpg"></figure>Жиынға Қызылорда облыстық мәслихат төрағасы Наурызбай Байқадамов, Қызылорда облыстық сотының төрағасы Әділхади Шығамбаев, Қорқыт ата атындағы Қызылорда университетінің Басқарма төрағасы – Ректордың міндетін атқарушы Жандос Базартай және зиялы қауым өкілдері, сот төрағалары, профессор-оқытушылар, білім алушылар қатысты.Конференцияда Қызылорда облыстық мәслихат төрағасы, тарих ғылымдарының кандидаты Наурызбай Байқадамов бұл саланың маңыздылығын ерекше атап өтіп, соттың әрбір шешімінің артында адам тағдыры тұрғанын, сот төрелігін жүргізетін судьялардың мәртебесі арнайы заңмен айқындалғанын атап өтті.<figure class="image"><img src="https://knadmin.beoblood.kz/uploads/35990a4e_5f3b_4a99_8ce6_d27ae7ad885d_e5f97ac814.jpg" alt="35990a4e-5f3b-4a99-8ce6-d27ae7ad885d.jpg"></figure>Ауқымды шара барысында Қызылорда облыстық сотының төрағасы Әділхади Шығамбаев конференцияның мақсаты – сот төрелігін іске асыру бойынша өзара тәжірибе алмасу, заңнамаларға енгізілген өзгерістер мен толықтыруларды талқылау, алдағы басымдықтарды анықтау екенін атап өтті.Сондай-ақ, еліміздің сот жүйесінде бірқатар реформалар жүргізілгеніне, соның нәтижесінде сот жүйесінде дауларды жан-жақты және объективті қараудың озық тәжірибесі қалыптасқанына тоқталды.Л.Гумилев атындағы Евразия ұлттық университетінің профессоры, заң ғылымдарының докторы Ермек Әбдірасұлов сот билігінің тәуелсіздігі &nbsp;сот жүйесі билік тармақтарынан тәуелсіз болуы керектігін, басқа мемлекеттік органдар, соның ішінде атқарушы және заң шығарушы органдар сот билігінің жұмысын шектемей, сот шешімдеріне араласпау &nbsp;керектігін айтты.<figure class="image"><img src="https://knadmin.beoblood.kz/uploads/29f10f9d_5b57_4891_abb6_e43725a3a01f_b7e297136f.jpg" alt="29f10f9d-5b57-4891-abb6-e43725a3a01f.jpg"></figure>Абай атындағы Қазақ ұлттық педагогикалық университетінің қауымдастырылған профессоры, заң ғылымдарының кандидаты Несібелі Калкаева Қазақстан Республикасының заңнамасы бойынша процестік келісімді институцияландыру мәселелерін көтеріп, процестік келісімді институцияландырудың артықшылықтары – қатысушылар арасында туындайтын қатынастарға жүйелілік беру, құқықтық қатынас субъектілерінің құқықтары мен міндеттері арасындағы теңгерімді қамтамасыз ету, процестік келісімді қылмыстық процесс қағидаларына сәйкестендіру, процестік келісімге қатысты қарама-қайшылықтарды жою болып табылатынын атап көрсетті.Ташкент мемлекеттік заң университетінің профессоры, заң ғылымдарының докторы Лейла Бурханова Өзбекстан Республикасының азаматтық құқығы бойынша із-түссіз жоғалған жеке тұлғаларды, сот тәртібімен жоғалған деп тануды дәлелдеу процессін құқықтық реттеудің ерекшелігі тақырыбын қозғап, &nbsp; өзекті мәселелерге тоқталып өтті.Сондай-ақ, конференция барысында Ресей халықтар достығы университетінің профессоры, заң ғылымдарының докторы Людмила Букалерова, Қорқыт ата атындағы Қызылорда университеті, Құқықтану білім беру бағдарламаларының жетекшісі, заң ғылымдарының кандидаты Ерлан Алтаев баяндама жасады. &nbsp;

«Жаңа Қазақстандағы сот жүйесін жетілдіру» тақырыбында халықаралық конференциясы өтті

<a href="https://kyzylorda-news.kz/ru">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Францияның Қазақстандағы Төтенше және Өкілетті Елшісі Дидье Канесспен кездесті, деп хабарлайды облыс әкімдігінің баспасөз қызметі.&nbsp;Аймақ басшысы екі ел арасында жоғары деңгейдегі тұрақты байланыстар мен ерекше достық қарым-қатынас орнағанын атап өтіп, елшінің жұмыс сапары жемісті әрі нәтижелі болуына тілектестік білдірді.<blockquote>«Биылғы қаңтар-тамыз айларында Қызылорда облысы мен Франция арасындағы тауар айналымы 244,3 мың АҚШ долларды құрап, өткен жылдың сәйкес кезеңімен салыстырғанда 4,3 есе өскен. Аймақтан негізінен балық және өсімдік өнімдері экспортталса, Франциядан трактор, пластмассадан жасалған бұйымдар және тоқыма өнімдері импортталуда. Өз кезегімізде біз шетелдік әріптестерден, оның ішінде, француз компанияларынан инвестиция тартуға қызығушылық танытамыз. Жаңа жобаларды орналастыру үшін қажетті инженерлік инфрақұрылымы жеткізілген арнайы индустриялық аймақтар жұмыс жасауда. Екіжақты ынтымақтастықты кеңейтуге шақырып, инвесторлармен ұзақ мерзімді серіктестік орнатуға дайын екенімізді жеткіземін», – деді Нұрлыбек Машбекұлы.</blockquote>Өз кезегінде, Дидье Канесс облыс әкіміне ризашылығын, өзара тиімді әріптестікті әрі қарай нығайтуға ниетін білдірді.Айта кетейік, Сыр өңіріне жұмыс сапары барысында Франция Елшісі «Тұрмыстық зорлық-зомбылық құрбандарына арнаулы әлеуметтік қызметтер көрсету орталығына» барып, жұмысымен танысты. Әрі қарай Канесс мырза Қорқыт ата атындағы Қызылорда университетінде өтетін «Гендерлік зорлық-зомбылыққа қарсы 16 күндік белсенді іс-әрекет» шеңберінде аймақтағы университеттер арасындағы кейс-чемпионатқа қатысады. Сонымен қатар, Қорқыт ата атындағы Қызылорда университетінің ректорымен кездеседі деп жоспарлануда.

Аймақ басшысы Францияның Қазақстандағы Елшісімен кездесті

<a href="https://kyzylorda-news.kz/ru">Kyzylorda-news.kz</a>&nbsp; Бейсенбі күні БҰҰ Бас хатшысы Антониу Гутерриш Дубайда өткен Климаттың өзгеруі жөніндегі БҰҰ негіздемелік конвенциясына (СОР28) қатысушылардың 28-ші конференциясында 2023 жылды адамзат тарихындағы ең ыстық жыл деп атады, деп хабарлайды Каzinform.&nbsp;<blockquote>«2023 жылғы жаһандық климатқа қатысты жағдай айқын. Жағдайдың жылдам өзгеріп жатқаны соншалық, жыл соңы аяқталмай жатып осы жылдың тарихтағы ең ыстық жыл болғанын нақты айта аламыз», - деді БҰҰ басшысы СОР28 делегаттарына жасаған видеоүндеуінде.</blockquote>Ол биыл әлем жұртшылығы өрт, су тасқыны және аптап ыстықтан жапа шеккенін айта келе, ғаламдық жылынудың рекордтық жылдамдығы әлем көшбасшыларын әрекет етуге итермелеуі керек екенін айтты.

БҰҰ Бас хатшысы 2023 жылды тарихтағы ең ыстық жыл деп атады

Фото: kazpravda.kz<a href="https://kyzylorda-news.kz/ru">Kyzylorda-news.kz</a> Қызылорда облысының &nbsp;Полиция департаменті еріктілер мен еріктілер қозғалысын қолдауға ерекше көңіл &nbsp;бөледі.Жыл басынан қоғамдық қауіпсіздікті қамтамасыз ету, құқық бұзушылықтар мен &nbsp;қылмыстардың алдын алу мақсатында еріктілермен бірлесіп, нәтижелі жұмыс атқарылды.<blockquote>Еріктілер әр түрлі рейдтерге, құқық бұзушылықтардың жолын кесу бойынша жүргізілген жедел-профилактикалық іс-шараларға, түрлі акцияларға қатысып, белсенділік танытуда. Олардың еңбегі еленіп, &nbsp;қоғамдық тәртіп пен азаматтардың қауіпсіздігін қамтамасыз ету ісінде полицейлерге көрсеткен көмектері үшін Департамент басшылығының алғыс хаттармен марапатталып келеді. &nbsp;Жоғалған адамдарды іздеу барысында полицейлерге белсенді еріктілер көмек көрсетуде. Мәселен, қызылордалық полицейлер жоғалған 10 жастағы жасөспірімді аман – есен тапты. &nbsp;Қызылордада 28 қараша күні түнгі уақыт 00:32 шамасында 10 жастағы жасөспірім үйінен «ойнауға кеттім», - деп белгісіз бағытқа шығып кетіп, қайта оралмағандығы жөнінде хабарлама келіп түсті.</blockquote>Іздестіру жұмыстарына Қызылорда қалалық Полиция басқармасының жеке құрамы, Ұлттық ұлан сарбаздары, Төтенше жағдайлар департаментінің қызметкерлері жұмылдырылды.Жүргізілген іс – шараларының нәтижесінде 10 жастағы жасөспірімді 28 қараша күні сағат 09:00 шамасында аман – есен тапты. Ювеналды полиция бөлімнің инспекторлары жасөспіріммен және оның ата-анасымен профилактикалық түсіндірме жұмыстарын жүргізді.Бұдан бөлек, &nbsp;Қызылорда облысы Полиция департаментінің Есірткі қылмысына қарсы іс-қимыл басқармасы мен "Қызылорда еріктілері" Қоғамдық Қоры мен "Жастар спорттық туризм және туристік көпсайыс федерациясы" Жастар қоғамдық бірлестігі арасында ынтымақтастық туралы Меморандумға қол қойылды.Меморандумның мақсаты нашақорлықтың алдын алу саласында жәрдемдесу; нашақорлықтың таралуына қарсы тұруға бағытталған тұжырымдамаларды, бағдарламалар мен жобаларды әзірлеу және іске асыру; құқықтық ағарту, ақпараттандыру, кеңес беру түрінде жастарға тегін заң көмегін көрсету; психоактивті заттарды тұтынбай жастардың бос уақытын тиімді қолдануға бағыт-бағдар беру, өскелең ұрпақ арасында есірткі қылмысына қарсы іс-қимыл жасау, салауатты өмір салтын насихаттау, сондай-ақ Қазақстанда бұқаралық спорт пен шығармашылықты насихаттау және дамыту.Ынтымақтастық шеңберінде тараптар нашақорлық пен есірткі қылмысының алдын алу саласында үкіметтік емес ұйымдармен ынтымақтастық орнату нашақорлық пен есірткі қылмысының таралуына қарсы тұруға, есірткі құралдары мен психотроптық заттарға сұранысты азайтуға, сондай-ақ денсаулықты қорғау бағытында ғылыми-әдістемелік шараларды қамтамасыз етуге, азаматтардың рухани, адамгершілік тәрбиесіне бағытталған бағдарламаларды, іс-шараларды іске асыруға ықпал ететініне сенім білдірді.Қызылорда облысы Полиция департаментінің еріктілермен &nbsp;бірлескен жұмыстары алдағы уақытта да жалғасын таппақ.&nbsp;

Полиция департаменті еріктілермен бірге нәтижелі жұмыстар атқаруда 

<a href="https://kyzylorda-news.kz/ru">Kyzylorda-news.kz</a>&nbsp; Мәжіліс депутаты Ринат Зайытов «<a href="https://www.youtube.com/watch?v=24Q5gqbRV7I">ADAL ADAM</a>» youtube-арнасына берген сұхбатында Түркістандағы былықтар туралы мәлімдеді. Оның айтуынша, әр аймақ биліктің тапсырмасымен кезінде жаңадан құрылған облыс орталығына әлеуметтік, мәдени нысандар салып берген. Алайда ол нысандар жеке адамдардың қолына өтіп кеткен.&nbsp;<blockquote>“Сол ғимараттарды қалалық әкімшілік сенімгерлік хатпен біреулерге беріп тастаған. Осы ақылға қона ма? Визит центрді, яғни шеберлердің орталығы болу керек жерді біреулер кафе, дүкен ғып тастаған, Неке сарайын сұлулық, массаж салоны қылған. Ал Мәдениет үйін ресторан ғып жатқаны ақылға қонымсыз ғой. Музейге қатысты да әңгіме көп. Үлкен шу болады бұл” - деді Ринат Зайытов.&nbsp;</blockquote>Депутаттың айтуынша, бұл олқылықтарға кінәлі облыстың бұрынғы әкімі &nbsp;Өмірзақ Шөкеевтің адамдары болуы мүмкін дегенді жасырмады.<blockquote>«Әкімдік пен тараптарды тыңдадым. Бас прокуратураға да барып айттым, тексеруді сұрадым. Бір сыбыстарға сүйенетін болсақ, бұрынғы әкім Өмірзақ Шөкеевке қатысты адамдар осының барлығын &nbsp;істеген дейді. Біз тексеріп жатырмыз. Өзіміз күмәнсіз болған кезде ең бірінші далада қалып қалған, ұлттық өнерді ұстап отырған қолөнершілердің орны қайтарылуы керек. Ал оларды жан-жаққа қуып тастаған. Мәдениет үйін мүлдем шет жақта ескі ғимаратқа көшіріп тастаған. Ал қалаға салынған Мәдениет үйінен ресторан жасап жатыр дегенде жағамызды ұстадық. Сондықтан бұл бір күндік мәселе емес», &nbsp;— деді Ринат Зайытов.</blockquote>Сонымен қатар, Мәжіліс депутаты Түркістанға тексеруге барғанда бір “қызық” жағдайға тап болғанын айтты.&nbsp;<blockquote>“Біз әкімдікке барсақ, қала әкімі, оның орынбасары, көмекшісі сол күні ауырып қалыпты бәрі. Больничныйда дейді”, - дейді депутат. Ринат Зайытовтың айтуынша, құзырлы құқық қорғау органдары Түркістандағы былықтар бойынша екі тарапты тексеріп, қылмыстық іс қозғау қажет.</blockquote>&nbsp;

Ринат Зайытов Түркістан қаласындағы былықтарды айтты

<a href="https://kyzylorda-news.kz/ru">Kyzylorda-news.kz</a>&nbsp; Қызылорда облысы әкімінің қолдауымен Қызылорда облысы «Ақпараттық технологиялар орталығы» КММ және Қорқыт ата атындағы Қызылорда университетінің ұйымдастыруымен 8-9 желтоқсан күндері «Inno.Fest» Qyzylorda 2023 IT жобалар байқауы өтеді.&nbsp;InnoFest Qyzylorda – жаңа перспективалы инновациялық IT жобаларды анықтауға, стартаперлердің өз идеясын жүзеге асыруына, инвестор табуға, жобаны көпшілікке ұсынуға мүмкіндік береді.Фестивальге жобалар 3 бағыт бойынша қабылданады.&nbsp;-Smart city: ақылды қала концепциясы аясындағы ІТ жобалар;-Контент &amp; дизайн: цифрлы контент пен дизайн жасаушы және қолданысқа еңгізетін жобалар;-Кино &amp; видео: мобилография және кинематография саласының жобалары.Фестивальдің жүлде қоры – 3 000 000 теңге. Сондай-ақ үздік жобаларды таныстырған оқушыларға ЖОО білім гранттары табысталады.Толық ақпарат үшін: @kyzylordahub @innofest

«Inno.Fest» Qyzylorda 2023 IT жобалар байқауы өтеді

Фото: sputnik.kz<a href="https://kyzylorda-news.kz/">Kyzylorda-news.kz.</a>&nbsp;Жылдың қай мезгілі болмасын балық аулауды жақсы көретіндер аймағымыздың өзендері мен көлдеріне, сондай-ақ Арал теңізіне балық аулауға барады. Дегенмен су айдындарында балық аулау қауіпсіздік шараларын қатаң сақтауды талап етеді.Сол себепті, балық аулауға шықпас бұрын, қайықтың және құлаққаптардың жағдайын тексеру міндетті. Егер үрлемелі қайық болса, клапандардың ауасы шығып кетпейтінін тексеру қажет. Балықшылар отыратын орнына қайықтың төменгі жағын бөгде заттармен араластыруға болмайды, балық аулаудың барлық түрлерін жақтаулар жағына қою керек. Үрлемелі қайықта аяқ астына ешқандай зат болмау қажет.Сондай-ақ, су айдындарына шықпас бұрын құтқару жилетін кию керек. Қайық үстінде балық аулау кезінде, жылдам қозғалыстар жасауға, балық аулау кезінде бортты бүгуге болмайды.Ал қайықта тұрып балық аулау кезінде, екі аяқты кеңінен ашып, қайықтың ортасында тұру қажет. Үрлемелі қайықта тұрегеп тұруға қатаң тиым салынады. Сондай-ақ, үрлемелі қайықтың үстіне қойылған тақтайшаға отырып қармақ салуға болмайды. Құтқарушылар суда тұрған қайықта орындарды ауыстырмауға кеңес береді.Сонымен қатар, 16 жасқа дейінгі балаларға және ересектердің қарауынсыз балалар моторлы қайықты пайдалануға жол берілмейді.Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

16 жасқа дейінгі балаларға моторлы қайықты пайдалануға жол берілмейді

Фото: Өңірлік коммуникациялар қызметі<a href="https://kyzylorda-news.kz/ru">Kyzylorda-news.kz</a>&nbsp; Жыл сайын аграрлық саланы дамытуға мемлекет тарапынан көптеген қолдау көрсетілуде. Нақтырақ айтсақ, биыл облыстың аграрлық саласына 18,5 млрд.теңге қаржы бөлінсе, оның 14,0 млрд.теңгесі субсидиялауға қарастырылған. Осы мемлекеттік қолдаудың арқасында ауыл шаруашылығы саласында 202,9 млрд теңгенің өнімі өндіріліп, өсім көрсеткіші 2,6 пайызға артты. Нәтижесінде, негізгі қорға 9,4 млрд.теңге инвестиция салынды. Сондай-ақ, алдағы 3 жыл ішінде агроөнеркәсіп саласында өңделген өнім үлесін 70 пайызға ұлғайту мақсатынла 11 инвестициялық жоба қарастырылды. Бүгінде оның 8 жобасы жүзеге асырылды. Бұл туралы Өңірлік коммуникациялар қызметінің ақпарат алаңында облыс әкімінің бірінші орынбасары Серік Қожаниязов хабарлады.<blockquote>Мемлекет басшысы өз Жолдауында ауыл шаруашылығы саласында егіс түрлерін көбейту бағытында жұмыс жасау қажеттігін айтқан болатын. Бұл ретте аймағымызда әртараптандыру бағыты тиісті деңгейде қолға алынып, егін алқаптары ұлғайып келеді. Биылдың өзінде егіс көлемі өткен жылмен салыстырғанда 4,8 мың гектарға ұлғайып, 193,4 мың гектарға дән себілді. Ал негізгі дақыл күріштің көлемі 89,0 мың гектарды құрады. Егін жинау қорытындысымен күріштен - 503,3 мың тонна, картоптан - 94,4 мың тонна, көкөністен - 152,1 мың тонна, бақша өнімдерінен - 246,6 мың тонна өнім жиналды. Өздеріңіз білетіндей, аймақта су тапшылығы айтарлықтай сезілуде. Осыған сәйкес, егіс көлемін әртараптандыруға басымдық берудеміз. Ал басты дақыл күріш көлемін біртіндеп тұрақтандыра отырып, егіс алқаптарын әртараптандыру мақсатында суды аз қажет ететін майлы, жемшөп және бақша дақылдарын ұлғайтуды жоспарлаудамыз. Сәйкесінше, 2025 жылға қарай күріш алқабы бөлінген су көлеміне қарай 80 мың гектарға тұрақтандырылып, суды аз қажет ететін дақылдардың егіс көлемін 8,7 мың гектарға ұлғайту көзделуде, - деді Серік Қожаниязов.</blockquote>Брифинг барысында облыс әкімінің бірінші орынбасары Серік Салауатұлы су шаруашылығында атқырылған жұмыстарды баяндап, күрделі деп танылған су тапшылығы мәселесінің алдын алу бойынша негізгі шараларды атап өтті.<blockquote>Биылғы вегетациялық кезең өте күрделі су тапшылығы жағдайында өтті. Мемлекетаралық су шаруашылығын үйлестіру комиссиясында Шардара су қоймасына 1 қазанға дейін 4,2 млрд.м3 су түсуі болжанса, нақты 2,4 млрд.м3 немесе 57 пайызы түсті. Осыған қарамастан жауапты министрліктермен және шаруалармен бірлесіп, егілген егістікті судан қалдырмау шараларын барынша жүргіздік. Арнайы жұмыс тобы құрылып, шаруашылықтарға су кезекпен берілді. Шаруалар жоғары орналасқан жерлерге су жеткізу және қашыртқыдағы суды екінші мәрте пайдалану үшін 351 насос қолданды. Сонымен қатар, Су ресурстары және ирригация министрлігімен бірге «Қызылорда облысындағы суармалы жүйелерді қалпына келтірудің жол картасын» әзірледік. Соның аясында облыста тасқын суларды жинақтау, суармалы суды бөлу мен есепке алу процестерін автоматтандыру арқылы ирригациялық инфрақұрылымды қайта құру мен жаңғырту шаралары жүргізілетін болады. Сондай-ақ, Үкіметпен бірлесіп 1 млрд. текше метрге дейін тасқын суды жинақтауға арналған Қараөзек су қоймасын салу жоспарлануда. Одан бөлек, иесіз каналдарды, қашыртқыларды және кіші гидротехникалық құрылыстарды есепке алып, күтіп ұстау үшін облыстық су шаруашылығы мекемесін құруды жоспарлап отырмыз, - деді Серік Салауатұлы.</blockquote>

Архив