<a href="https://kyzylorda-news.kz/">Kyzylorda-news.kz.</a> Қызылорда облысы бойынша Мемлекеттік кірістер департаменті жеке тұлғалардың мүлік салығын ағымдағы жылдың 1-қазанына дейін төлеу қажеттігін еске салады.Салық сомасын kgd.gov.kz Комитет порталының алдағы төлемдер сервисінен, E-salyq Azamat мобильді қосымшасында, сондайақ банктердің kaspi.kz, homebank мобильді қосымшаларынан көруге болады. Мұнда сіз салық сомасын төлей аласыз. Салық төлеу арқылы балаларымызға лайықты болашақ сыйлаймыз және елдің дамуына өз үлесімізді қосамыз

Мамандар мүлік салығын 1-қазанға дейін төлеу қажеттігін еске салады

<a href="https://kyzylorda-news.kz/">Kyzylorda-news.kz.</a> 2023 жылғы 21 қыркүйек күні сағат 16:00-де көп қабатты тұрғын үй ауласында өрт-тактикалық оқу-жаттығу өткізілетінін хабарлаймыз.<blockquote>«Құрметті &nbsp;қала тұрғындары мен қонақтары, 4 ірілендірілген квартал №1 тұрғын үйдің &nbsp;тұрғындары! Оқу-жаттығу кезінде дүрбелең тудырмай, өрт қауіпсіздігі талаптарын қатаң сақтауға, өзін-өзі эвакуациялау мен құтқару әдіс-тәсілдерін үйренуге шақырамыз, дейді Қызылорда облысы ТЖД “ӨСжАҚЖҚ” ММ. &nbsp;</blockquote>

Көп қабатты тұрғын үй ауласында өрт-тактикалық оқу-жаттығу өткізіледі

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаевтың қатысуымен мемлекет және қоғам қайраткері Елеу Көшербаевты еске алуға арналған волейболдан XХIV Халықаралық турнирдің салтанатты ашылуы өтті. Дәстүрлі спорттық іс-шараға аудандық мәслихат төрағасы Ержан Әжікенов, облыстық спорт және мәдениет басқармасы басшысының орынбасары Жігер Айекешов, жақын туыстары мен ұрпақтары Айтбай Көшербайұлы мен Болат Елеуұлы, аудан ардагерлері және спортшылар қатысты.Салтанатты іс-шараның ашылуында аудан басшысы мемлекет және қоғам қайраткері Е.Көшербаевтың ел дамуына сіңірген еңбектерін атап көрсетті.<blockquote>«Елеу Көшербайұлы – қазақ елінің экономикасын, мәдениетін өркендетуге, ұлттық дәстүрді сақтауға, әсіресе Қызылорда облысының дамуына өзінің қажымас қызметі арқылы айрықша үлес қосқан қайраткер. Ол ХХ ғасырдың 60-70 жылдары Қазалы, Сырдария аудандық партия комитетінің екінші хатшысы, Тереңөзек, Сырдария ауданының атқару комитетінің төрағасы, облыстық атқару комитеті төрағасының орынбасары болған. Сонымен қатар, 1975-1991 жылдары Қармақшы, Қазалы аудандық партия комитетінің бірінші хатшысы қызметтерін абыроймен атқарған. Елеулі қызметтері үшін халықтың ыстық ықыласына бөленген. Мемлекет және қоғам қайраткерінің елдің есінде қалған еңбектері жетерлік. Мәселен, Елеу Көшербаевтың бастамасымен және ерекше ықпал етуімен Қорқыт ата мемориалды кешені тұрғызылды. Бұл жер бүгінде Түркі тілдес елдердің ортақ тағзым ететін орнына айналды. Сондай-ақ, Орталық Азия мен Қазақстан жастар қозғалысын ұйымдастырушылардың бірі – Ғани Мұратбаев ескерткішінің ашылып, мұражайының салынуына атсалысты. Елге еңбегі сіңген азаматтың халқына жасаған осындай игі істері ел жадында сақтаулы. Ардақты әкенің ісін ұрпақтары лайықты жалғастыруда. Атап айтқанда, Елеу Көшербайұлы бастаған Қорқыт ата мұрасы ұрпақтарының қолдауымен ЮНЕСКО-ның мәдени мұраларының қатарына қосылды. Одан бөлек, қайраткер тұлғаның өмірі мен қызметін насихаттау мақсатында ұрпақтары бір ғана Сырдария ауданында емес, мәдени-спорттық іс-шараларды облыс көлемінде жыл сайын ұйымдастырып келеді. Бұл – әкені ардақтап, есімін мәңгі етудегі игі іс. Сондықтан Елеу Көшербайұлының елге жасаған еңбегі жас ұрпаққа үлгі-өнеге, – деді Берік Әбдіғаппарұлы.</blockquote>Турнирдің ашылу салтанатында мемлекет және қоғам қайраткері Қырымбек Көшербаевтың, ҚР Парламенті Мәжілісінің депутаты Мұрат Ергешбаевтың арнайы жолдаған құттықтау жеделхаттары оқылды.Өз кезегінде облыстық мәдениет және спорт басқармасы басшысының орынбасары Жігер Айекешов спортшыларға сәттілік тілесе, Өзбекстан волейбол Федерациясының аға жаттықтырушысы Шерузат Маталиев те құттықтау сөз сөйлеп, Көшербаевтар әулетіне арнайы сыйлық табыс етті.Бұл додаға Өзбекстан мемлекетінен және еліміздің әр өңірінен 30-ға жуық команда, яғни 350-ден астам спортшы қатысуда.Айта кетейік, Халықаралық турнир 24 қыркүйекке дейін жалғасады.<img src="https://knadmin.beoblood.kz/uploads/382143603_1422378354991719_4406070904053768268_n_a37c024d49.jpg" alt="382143603_1422378354991719_4406070904053768268_n.jpg">

Е.Көшербаевты еске алуға арналған дәстүрлі турнир басталды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев ел ағалары Шахизат Төребаев пен Қожахмет Баймахановты мерейтойымен құттықтады.<blockquote>«Бүгін біз қос мерейтой иесінің қуанышына орай жиналдық. Қоғам қайраткері, Қармақшы, Жалағаш аудандары және Қызылорда қаласының құрметті азаматы, «Құрмет» орденінің иегері Төребаев Шахизат Хамитұлы мерейлі 75 жасқа, мемлекет және қоғам қайраткері, Қызылорда облысының құрметті азаматы, «Құрмет» орденінің иегері Баймаханов Қожахмет Мәдібайұлы 70 жасқа толды. Екі ағамыз да киелі Сыр бойындағы шежіре тұнған, жан сарайы жырға толы асылдар туған Жалағаш ауданында дүниеге келіп, туған жерінің құрметіне бөленіп келеді. Біз де елдік мүддені жоғары қоятын, парасаты биік, адами болмысы асқақ, абыройлы ағаларымызға қарап бой түзейміз», – деді Нұрлыбек Машбекұлы.</blockquote>Шахизат Хамитұлы облыстың әлеуметтік-экономикалық дамуына, соның ішінде аймақтағы қоршаған ортаны қорғау саласына, экологияны жақсартуға зор үлес қосты. Нарыққа өту кезеңiнде шағын кәсiпкерлiктiң дамуына, кооперативтердiң құрылуына, яғни ел экономикасының жаңа жүйеге бетбұрыс жасау уақытындағы бастамаларға атсалысты. Облыс орталығын абаттандыруға, сәулеттi ғимараттардың бой түзеуiне еңбек сіңірді. Парламент Мәжілісінің депутаты кезiнде Шахизат Хамитұлы Қоршаған ортаны қорғау туралы заңның шығуына белсене қатысты. Ғылыми iзденiстерінің көкжиегін кеңейтіп, 1997 жылы «Арал өңiрiнiң экологиялық проблемалары» тақырыбында кандидаттық диссертация қорғап, 8 ғылыми мақаланың авторы атанды.Құрылыс саласында өзіндік қолтаңбасы бар мемлекет және қоғам қайраткері Қожахмет Мәдібайұлы тәуелсіздіктің алғашқы жылдарындағы қиын-қыстау кезеңде ел тізгінін қолға алып, өңіріміздің әлеуметтік-экономикалық дамуы жолында аянбай еңбек етті. Қызылорда қаласының әкімі болған жылдары облыс орталығында «Тағзым алаңы», «Қорқыт ата» кітабының 1300 жылдығына арналған мемориал, «Қорқыт ата» әуежайы, «Еуразия» мәдени-спорт кешені, аквапарк секілді жаңа нысандар бой көтеріп, «Сарқырама» каналы қайта қалпына келтірілді. Қазір ол басқаратын «Асар Холдинг ЛТД» компаниясы тұрғын үй кешендері мен халыққа қызмет көрсету орталықтарын салып, аймақ экономикасына үлес қосуда.Актив отырысында Шахизат Хамитұлына және Қожахмет Мәдібайұлына «Құрмет» грамотасы табысталды.Жиында Жалағаш аудандық ардагерлер кеңесінің төрағасы Садық Әлиев, мемлекет және қоғам қайраткерлері Бақберген Досманбетов, Бақыт Нұртазаев, Батырбек Маншарипов мерейтой иелерін құттықтады.<figure class="image"><img src="https://knadmin.beoblood.kz/uploads/380572748_613161681005080_3287304313193419173_n_527c9c9662.jpg" alt="380572748_613161681005080_3287304313193419173_n.jpg"></figure>&nbsp;<figure class="image"><img src="https://knadmin.beoblood.kz/uploads/380541017_613161247671790_7498814517603705886_n_92ed8dbf86.jpg" alt="380541017_613161247671790_7498814517603705886_n.jpg"></figure>&nbsp;<figure class="image"><img src="https://knadmin.beoblood.kz/uploads/380583427_613161141005134_2313048644840217237_n_fa35726c82.jpg" alt="380583427_613161141005134_2313048644840217237_n.jpg"></figure>

Облыс әкімі Ш.Төребаев пен Қ.Баймахановты мерейтойымен құттықтады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбек аудан орталығынан шалғай орналасқан Көмекбаев, Қуаңдария, Алдашбай Ахун, Дауылкөл ауылдық округтерінде болып, ауыл тұрғындарымен есепті кездесу өткізді.Апта басынан бері елді мекендерді жеке-жеке аралап, жергілікті тұрғындармен кездесу өткізіп жүрген аудан басшысы кездесуде бүгінгі күнге дейін ауыл тұрғындары тарапынан көтерілген өзекті мәселелердің кезең-кезеңімен шешімін тауып жатқандығын, атап айтар болсақ Көмекбаев, Алдашбай Ахун ауылдарындағы халықтың күнделікті тұтынатын ауызсу құбырларын қайта жаңғыртудан өткізіп, толықтай халық игілігіне табысталғандығын, Дауылкөл, Қуаңдария ауылдарындағы тозығы жеткен ауылдық амбулаториялық бекеттердің жаңадан салынып жатқандығын, құрылыстардың 2024 жылы толықтай пайдалануға берілетіндігін жеткізді.Мұнымен қоса, Көмекбаев ауылындағы №18 «Қуаныш» бөбекжайының қазандық ғимаратын салу, Қуаңдария, Алдашбай Ахун, Тұрмағамбет ауылдарында балаларға арналған спорттық ойын алаңдарын жасату, аталмыш ауылдардағы бірқатар көшелерге күрделі, орташа жөндеу мен жарықтандыру жұмыстарына қаржы қаралғандығын айтты.Ауылдарды абаттандыру жұмыстары бойынша жыл басынан барлық елді мекендерге қаржы бөлініп, ауыл көркін кіргізер аллеялар мен саябақтардың, билбордтардың, ауыл қақпалары мен паспорттарының жаңалануы мақсатындағы жұмыстар жүргізілуде.Кездесуде барлық шалғай ауылдардағы басты мәселе саналатын аяқсу тапшылығын алға тартқан тұрғындарға Жандос Еркінбек Көмекбаев ауылдық округіндегі "Қарақ" және "Қоңыраулы" учаскесінде су шаруашылығы жұмыстарын жүргізу, Тұрмағамбет ауылын көгалдандыру мақсатында дизельді мотопомпа су насоспен қамтамасыз ету, Алдашбай Ахун мен Қуаңдария ауылдарын көгалдандыру мақсатында аяқсу жіберу жұмыстарына қаржы қарастырылғандығын және аталмыш жұмыстар толықтай жүргізілетіндігін, қаралған қаржылардың мақсатты жұмсалуы өз бақылауында болатындығын білдірді.Аудан басшысы кездесуді «Ел ортақ. Барлығымыздың туған жеріміз ортақ. Жұмылған жұдырықтай болып, бір-бірімізге қолдау білдіріп, әрқайсысымыз жан-жаққа тартпай бір бағытта жұмыс жасағанда ғана біз жетістікке жететін боламыз. Ел қызметінде жүрген біздерге халықтың қолдауы маңызды. Бірлігіміз бекем болса берекеміз артарына бек сенемін» деп түйіндеді. Аталған ауылдардағы үлкендік жолынан жаңылмаған ақылшы ақсақалдар ақ батасын беріп, тілектестігін білдірді.

Қармақшы ауданының әкімі шалғай ауылдарға барды

<a href="https://kyzylorda-news.kz/">Kyzylorda-news.kz.</a> Жыл сайын дәстүрлі түрде өткізіліп келе жатқан "Үздік балықшы" деп аталған сайысқа биыл 10-нан астам ардагер қатысуға ниет білдіріп, өз бақтарын сынады. Бір ерекешелігі, бұл жолы қатысушыларды қолдау үшін аудан әкімі Нұржан Ахатов сайыс өтетін орынға арнайы барды.Нәтижесінде, асығы алшысынан түсіп, қармағына бірнеше балық ілінген ардагерлер жүлделі орындарға ие болып, алғыс хаттар мен балықшыға қажетті жабдықтармен марапатталды. Сондай-ақ, барлық қатысушыларға естелік сыйлықтар табыс етілді.

Сырдария ауданында ардагерлер арасында балық аулаудан сайыс өтті

<a href="https://kyzylorda-news.kz/">Kyzylorda-news.kz.</a> Мемлекет және қоғам қайраткері Темірбек Жүргеновтің 125 жылдығына орай Жалағаш ауданы Т.Жүргенов ауылында республикалық іс-шаралар ұйымдастырылатынын хабарлаймыз! Шаралар барысында Темірбек Жүргенов атындағы саябақтың ашылуы, Қазақ күресінен Түйе палуандар арасындағы турнирді тамашалауға шақырамыз. Сондай-ақ, «Тәуелсіздік жалаугері-Жүргенов» атты республикалық жазба ақындар мүшәйрасында ауызымен құс тістеген ақындар жырдан шашу шашатын болады.

Темірбек Жүргеновтің 125 жылдығына орай республикалық іс-шаралар ұйымдастырылуда

<a href="https://kyzylorda-news.kz/">Kyzylorda-news.kz.</a>&nbsp;Жетес би баба ұрпақтары 5 квартал аймағындағы Жетес би ескерткіші орналасқан саябаққа тазалық жұмыстарын жүргізді.Нәтижесінде саябақтың шөптерді жұлынып, қоршаулары боялып, түнгі жарықшамдары тазаланып, талдары әктелді.<blockquote>«Абай, Ы.Алтынсарин, М.Маметова атындағы көшелердің тұрғындары кешкілік осы жерде бас қосады. Бабамыздың атындағы саябақтың таза болуы біз үшін маңызды. “Өлі разы болмай, тірі байымайды” деген. Сондықтан бүгін арнайы Жетес би ұрпақтары бас қосып, тазалық жұмыстарын жүргіздік. Талдардың түбін әктеліп, темір қоршауларды сырланып, түнгі жарығы қайта қалыпқа келтірілуде, - дейді баба ұрпақтары.</blockquote>

Баба ұрпақтары тазалық жұмыстарын жүргізді

<a href="https://kyzylorda-news.kz/">Kyzylorda-news.kz.</a>&nbsp; Арал ауданында балық шаруашылығы жыл санап дамып келеді. Ол үшін мемлекет тарапынан да түрлі қолдаулар бар. Осыдан бірнеше жыл бұрын іргетасы қаланған «ARAL SEA FOOD» ЖШС-нің, балық өнімдерін тереңнен өңдеу және пластикалық қайықтар шығару цехы өз жұмысын жолға қойған. Алғашқы кезеңінің құны 160 млн. теңге болса, бүгін іске қосылған екінші кезеңінің жобан құны 125 млн. теңгені құрап отыр. «Өңірлік кәсіпкерлікті дамыту» картасына енгізілген жобада 5 аралдық еңбек етуде.Балықтың жон етін шығаруға бағытталған өндіріс орнының қуаттылығы жылына 4 мың тоннаны құрайды.Жаңадан іске қосылған цех ендігі кезекте балықты қалдықсыз өндіруге мүмкіндік бермек. Қуаттылығы тәулігіне 10 тонна болса айына 260 тонна балық ұнын шығарады. Сондай-ақ 13 тонна балық майын өндіруге қауқарлы.Балық өңдеу цехына облыс әкімінің бірінші орынбасары Серік Қожаниязов барып, ата кәсіпті түлетіп отырған кәсіпкерлерге сәттілік тіледі.Атап өту қажет, аталған серіктестікте Еуропа нарығына шығуға мүмкіндік беретін Еврокод белгісі бар. Өңделген балық өнімдерін Қазақстанның өзге аймақтарына, ТМД елдеріне экспорттауға мүмкіндігі бар цехта барлық заманауи құрал-жабдықтар, қатыру құрылғылары орнатылған. Алдағы уақытта серіктестік жергілікті еңбеккерлер санын арттыруды көздеуде.

«ARAL SEA FOOD» ЖШС-ның екінші кезеңі іске қосылды

<a href="https://kyzylorda-news.kz/">Kyzylorda-news.kz.</a>&nbsp; Биыл теңізді өлкеде Арал ауданының 95 жылдығы тойлануда. Ауданның мерейтойына орай «Балықшылар» аллеясы қайта жаңғыртылып, тұрғындарға өз есігін ашты.Қайта жаңғыртылған «Балықшылар аллеясында» биыл жаяу жүргіншілер жолы мен түнгі жарық шамдар қойылып, шамшырақ(маяк) және шаңырақ іспетті арнайы арка орнатылды.Бұл аллея Арал қаласы тұрғындарының мерекелік шараларда бас қосатын, демалыс уақытын өткізуге арналған саябақ болады.

Аралдағы «Балықшылар аллеясы» қайта жаңғыртудан өтті

<a href="https://kyzylorda-news.kz/">Kyzylorda-news.kz.</a> "Жалаңтөс батыр" ЖШС-нің егіс алқабына аудан әкімінің орынбасары Күнтілес Назымбековтың төрағалығымен көшпелі штаб отырысы өтті.Мақсаты - егістік жерлерді малдан қору туралы тұрғындар мен кәсіпкерлер арасында түсіндірме жұмысын жүргізу.Штаб отырысына "Жалаңтөс батыр" ЖШС-нің басшысы Қ.Әлімбайұлы, ауыл шаруашылығы мен жер қатынастары бөлімінің басшысы Е. Сейтов, аудандық ветеринария станциясы мекемесінің басшысы Б. Әміреев, Әйтеке би кенті, Қазалы қаласы, Қарашеңгел, Құмжиек, Басықара ауылдық округтерінің әкімдері мен учаскелік полиция инспекторлары қатысты.Жиын барысында Күнтілес Айдарбекұлы Қазалы қаласы, Әйтеке би кенті және ауылдық округ әкімдеріне пада бағу жұмыстарымен бірге кезекшілікке шығуды ұйымдастыру жұмыстарын күшейту жүктелді.Сондай-ақ, шаруашылықтар тарапынан егістік қарауылдарын көбейтуге және егіске түскен малдарды қамап, заңдылықтарға сәйкес учаскелік полиция мен ветеринариялық станция және әкімдік өкілдерін қатыстыра отырып, ҚР "Әкімшілік құқық бұзушылық туралы кодексінің 147-бабының, 1 тармағына сәйкес шара көру жұмыстарын жүргізу туралы тапсырма берілді.

Қазалы ауданында көшпелі штаб отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Арал ауданында «Арал өңірі балықшыларының VII-ші слеті» өтті. Аталған шара аясында «Арал өңіріндегі балық шаруашылығын дамыту» жөніндегі дөңгелек үстел болды. Онда балық шаруашылығы саласында жұмыс атқарып жүрген ғалымдар, мемлекеттік органдар және табиғат пайдаланушылар, балық шаруашылығы ардагерлерімен пікір алмасып, проблемалық мәселелерді талқылады.<blockquote>Жиында алдымен сөз алған облысы әкімінің бірінші орынбасары Серік Қожаниязов «Бүгінгі күні акваөсіру саласын қоспағанда балықты табиғи су айдындарынан аулаумен ғана шектеліп отырмыз. Жоғарыда атап өткенімдей облысқа бекітілген балық аулау квотасының көлемі балық өңдеу зауыттарының мүмкіндігінен едәуір төмен. Дүниежүзілік тәжірибе көрсетіп отырғандай, балық өнімдерінің көлемін арттырудың бірден-бір жолы қолдағы су айдындарда балық қорын табиғи молайту мен балық өсіру болып табылады. Бүгінгі шараның мақсаты облысымыздың балық шаруашылығының дамуының негізгі жолдарын нақтылай отырып, Кіші Арал теңізінің және көлдер жүйесінің болашағын қолға алу болып табылады. Сондай-ақ балық өсіруді тоған шаруашылығын дамыту арқылы да жүзеге асыруымыз қажет. Осы орайда алдағы уақытта өздеріңізбен іскерлік байланыста болып, бірлесіп жұмыс атқаруымыз қажет» деп хабарлады.</blockquote>Балық шаруашылығы комитеті төрағасының орынбасары Алмас Асылбеков сөз алып еліміздегі «Балық шаруашылығын дамыту бойынша қабылданып жатқан шаралар» туралы айтты. Соынмен қатар Мемлекет басшысы Қасым-Жомарт Тоқаевтың су ресурстарының тапшылығын азайтуға септігін тигізетін, климаттың өзгеруі мен шекаралас мемлекеттердің саясатын ескеруге мүмкіндік жасай алатын жаңа нұсқадағы «Су кодексі» дайындалып жатқандығын жеткізді.Ал, балық шаруашылығы саласының ардагері, қоғам қайраткері, бұрынғы балық шаруашылығы министрі Құдайберген Саржанов «Арал-Сырдария бассейнінде Арал қаяз балығы мен барлық балық популяциясын сақтаудың қажеттілігі» туралы ой қозғады.Жиында түрлі сала басшылары мен ғалымдар, табиғат пайдаланушылары «Кіші Арал теңізінің қазіргі жағдайы», «Арал теңізінің қазіргі жай күйі және болашағы», «Браконьерлікпен күрес шаралары» туралы пікірлерін білдірді.«Арал теңізінің балық қорын сақтау» бойынша Арал ауданының әкімі Серік Сермағамбетов сөз сөйледі.<blockquote>«Балық зерттеу институтының жұмысын жүйелендіру. Осыған байланысты Арал теңізіндегі балықтың қорын анықтап, нақты өсу динамикасын терең зерттеу. Себебі, теңіздің суы 27 млрдтан 19 млрдқа азайғанымен балық аулау лимиті азаймай отыр. Бүгінде заңсыз балық аулаудың дерегі көп. Осыған тосқауыл қою бағытында аудан аумағында белгіленген орындарында арнайы салмақ өлшейтін таразымен және бейне бақылау қондырғыларымен жарақталған бекет қою жұмыстарын қолға ала отырып, заңсыз балық аулаушылардың алдын алу. Табиғат пайдаланушылар өз учаскелерінде балық аулаумен айналысатын барлық жеке тұлғалардың заң шеңберінде тіркелуін жүзеге асыру. Судыңда сұрауы бар демекші ауданда суды реттеу мәселесі қордаланған. Аталған мәселеге байланысты Арал ауданында 2005-ші жылға дейін жұмыс жасаған «АралСуШаруашылығы» мекемесін қайта құруды ұсынамыз» деп ұсынысын білдірді.</blockquote>Басқосуға қатысушы балықшылар мен сала ардагерлері «Балық шаруашылығы ғылыми зерттеу институтын» өңірде қайта құруды, Халықаралық Аралды құтқару қорының бас дирекциясын Арал ауданына орналстыруды, Арал теңізінің суландыру бойынша ауданға бөлек судың лимитін бекітуді ұсынды.Өңірдің балық шаруашылығы саласын дамыту бойынша пікір алмасқан жиын соңында Кіші Арал теңізінің бекітілген учаскелері бойынша табиғат пайдаланушылар арасындағы өзара ынтымақтастық туралы меморандумға қол қойылды.Жиынға қатысушылар мұндай түйткілді мәселерді қамтыған дөңгелек үстелдің алдағы уақытта да дәстүрлі түрде өткізу жөнінде тілектерін білдірді.

Архив