<a href="https://kyzylorda-news.kz/">Kyzylorda-news.kz.</a> Жаңақорған аграрлы-техникалық колледжінде дуалды білім беру жүйесіне көшкен бұл колледждің келешегі кемел. Болашағы баянды. Бұл жөнінде колледж басшысының міндетін атқарушы Т.Шарап баяндады.Нәтижелі жұмыспен қамтуды және жаппай кәсіпкерлікті дамытудың 2017-2023 жылдарға арналған «Еңбек» бағдарламасына сәйкес «Жас маман» жобасының операторы болып «Кәсіпкер» холдингі КЕАҚ белгіленді. Жоба аясында облыс бойынша 8 колледж таңдалып алынды. Ендігі кезекте, келесі жылы «Жас маман» жобасы шеңберінде республикалық бюджеттен 260 миллион теңге бөліну жоспарлануда. Бұл қаржыға біз колледждегі автомеханика және дәнекерлеу шеберханасын материалдық техникамен жабдықтауды жоспарлап отырмыз, – деді ол.Сонда студенттердің алысқа бармай-ақ колледж ішінде тәжірибеден өтуге тынысы ашыла түседі. Әрине, колледж директоры мемлекет қашан қолдау көрсетеді деп қарап отырмай, қолда бар дүниелерді үйлестіріп, дуалды білім жүйесіне іс жүзінде кірісіп жатқанының куәсі болдық. Колледждің жаңашыл бағыттағы жұмыстарымен бізге директордың оқу-әдістемелік ісі жөніндегі орынбасары Қуаныш Абилбашаров таныстырды. Бірінші кезекте, жаңадан жаңғыртылып жатқан асхананың құрылысына табан тіредік. Асхана деген атауы болмаса, жақын уақытта кең сарайдай мейрамханаға айналады.Қуаныш Абилбашаровтың айтуынша, 150 орындық асханада қосымша наубайхана пеші де орналасады. Мұнда аспазшы мамандығының студенттері түрлі тоқаш, нан өнімдерін пісіру процесіне тікелей араласатын болады. Әрі асханада сапалы қызмет көрсетіп, талғамға сай тағам әзірлеудің қыр-сырына тәжірибе жүзінде қанығады. Міне, нағыз дуалды оқыту процесі. Бұл бір деп бас бармағыңызды бүгіп қойыңыз. Енді екіншіден, тігін тігу шеберханасы да ат шаптырым аумақта орналасқан. Ішкі мүмкіндігімен танысып, студенттермен тілдестік. 25 тігін машинасы сақадай сай болып тізіліп тұр. Мұнда да тігінші болуға бар мүмкіндік жасалған. Тек, әріптесіміз Ханзада Дошан барғалы насихат жағы қолға алынып, тігін шеберханасының өнімдері ел арасына әлеуметтік ролик ретінде насихаттала бастағанын білдік. Расында Жаңақорғанда 2000-ға жуық ақ халатты абзал жандар бар десек, олардың жұмыс уақытысында киіп жүрген ақ халаттары қайда тігілген. Әрине, Түркістан не өзгеде шаһардан келген жұмыс формасы. Бірақ біз көрген колледждің ақ халаттары ешқайсысынан кем емес. Оған қоса, арқасында «Охрана» деген жазуы бар формалар мен түрлі мәдени-рухани бағыттағы шараларда киюге ыңғайлы ұлттық киімдер менмұндалап тұр. Егер бұл жергілікті өнімдер мекемелер тарапынан сұраныс тудырса, онда колледждің қазынасын толтырып, ол қаржыға материалдық базасын нығайтуға жол ашылары айқын.Сондай-ақ Қуаныш Абилбашаровқа еріп, темір жонатын, ағаш тілетін, дәнекерлеуші һәм автомеханика шеберханаларының жұмысымен таныстық. Станоктары «советский» демесеңіз, сапасы сыр бермейтіні көзге көрініп тұр. Жоғарыда айттық келер жылы осы автомеханика және денекерлеу кабинеттері материалдық техникамен толық жабдықталып, студенттердің білім көкжиегі кеңейе түседі.Дуалды білім беру жүйесінің шетелдік тәжірибесін сөз етсек. АҚШ, Австрия, Германия, Швейцария, Оңтүстік Корея және тағы басқа мемлекеттерде кеңінен қолданыста жүрген дуалды білім беру бойынша білім алатын студенттер уақытының көп бөлігін мамандығына сай кәсіпорын қабырғасында жүреді. Мәселен, немістерде жұмыс күшінің нарығы дуальды оқыту түлектері арқылы қалыптасады екен. Германияда колледждерде екі күн оқыса, қалған бес күніне кәсіпорында өткізеді. Яғни, оқушының жұмыс істеуіне де, кәсібі бойынша білім алуына да жағдай жасаған. Әрі бұл мемлекетте дуалды оқыту бағдарламалары 340 кәсіп бойынша оқытылады. Мұнда студенттер өздері кәсіпорын не фирмаға барып келісімшартқа отырады. Жұмыс беруші тарап оның оқу ақысын төлеп береді. Бұдан бөлек, студенттің медициналық сақтандыруы мен қоғамдық көлікте жеңілдікпен жүру жайын өз мойнына алады. Ең бастысы – өз қабілетімен көзге түскен шәкірттерді оқу бітіргесін жұмысқа қабылдайды.Техникалық және кәсіптік білім беруді дамыту-заман талабы. Баршаңызға белгілі, осыдан 20-30 жыл бұрын екінің бірі тракторист, дәнекерлеуші, диқаншы, наубайханашы яғни кәсіпті меңгерген мамандар көп болды. Яғни, керісінше цифрландыру және ақпараттық техникалық құралдармен жұмыс жасай білетін мамандар өндіріске жетпей жататын. Ал, қазіргі заман талабы мүлдем басқаша. Тәуелсіздіктің 30 жылдығы қарсаңында Қазақстан экономикасы едәуір алға жылжыды. Заман талабына сәйкес түрлі мамандық иегерлерін, білікті мамандарды кез-келген жерден табуға болады.&nbsp;Қарапайым кәсіпті меңгерген кәсіптің иелері азайып кетті. Мұның негізгі себебі, ата-ананың талабы өз перзентін талапқа сай етіп «Заңгер, мұғалім, дәрігер болуға үгіттейді.Аталмыш мамандықтарға кадрлардың тым көптігінен жұмыссыздық мәселесі туындауда.Енді нарық сұранысына тоқталсақ, тау-кен, мұнай, газ, электроника, техника, заманауи гаджеттерді меңгерген нағыз іскер мамандар бойынша бос жұмыс орындарын табу оңайға соғады.Тек кәсіби, өз ісін жетік меңгерген мамандар қажет. Сондықтан, әрбір ата-ана мамандық таңдарда баласын «Заман сұранысына сай, ертеңгі күні сол нәпақасын тауып жей алатын мамандықтарға» үгіттегені абзал. Әрине, мұндай іскерлікке баулитын мамандықтарды кәсіптік және техникалық білім беру ұйымдарынан дәріс ала алады.Жаңақорған аграрлы-техникалық колледжінде де жұмыссыздық мәселесіне сай, ертеңгі күні жастардың жұмысқа тұруына оңай болуы үшін біршама өзгерістер енгізілуде. Білім беру процесінің жаңа технологияға бейімделуінен бөлек, «Жас Маман» жобасы бойынша 2021 жылы «Дәнекерлеу ісі» мамандығы және «Автомобиль көлігіне қызмет көрсету, жөндеу және пайдалану» мамандықтары бойынша оқу-техникалық база, заман талабына сәйкес қажетті құрал-жабдықтар түбегейлі жаңартылу жұмыстары жүргізілуде.Қазіргі уақытта «Дәнекерлеу ісі» мамандығы бойынша заман талабына сәйкес оқу-техникалық база құрал жабдықтармен толығымен жабдықталды. Ал, «Автомобиль көлігіне қызмет көрсету, жөндеу және пайдалану» мамандықтары бойынша қажетті құрал-жабдықтар алдағы уақытта жеткізіліп, оқу техникалық база толығымен жабдықталатын болады.Студенттерді нағыз іскер етіп шыңдау үшін практикаға баса мән беріліп, қажеттіліктер толықтырылуда. Алдағы уақытта «WorldSkills Kazakhstan» ұлттық чемпионатында колледжіміздің білім алушылары жүлделі орын алады деген сеніміміз мол. Мемлекет басшысы өз Жолдауларында «Кәсіпті меңгерген мамандар өндірісте өте тапшы екенін, осы мамандықтар аясында жастарды тереңнен оқыту қажеттілігін, бүгінгі заман талабы – кәсіпті және техниканы меңгерген мамандар болуы тиіс делінген.Белгілі бір напахамен күнелтіп отырған мемлекеттік қызметкердің жалақысынан, тәуелсіз, өз алдына жұмыс жасайтын электр жабдықтарын жөндеу мамандарының табысы жоғары. Бұл – бүгінгі күннің басты шындығы. Токарь, дәнекерлеуші, электрик, мал дәрігері сынды мамандарды іздеп тауып, жұмысымызды ұсынатын күнге жеттік.Сондықтан, өндіріс пен техникаға бейімделген мамандықтар аясында жастарды тәрбиелесек, кәсіп саласы ауданымызда едәуір дамитыны ақиқат.Сөз соңында, барша бітіруші түлектерді, келешек маман иелерін Жаңақорған аграрлы-техникалық колледжінен білім алуға, арнайы шәкіртақы алып, студент атануға шақырамыз. Аудан айнасы саналған кәсіптік колледж Сіздерді жан-жақты маманданып шығу үшін әрқашан дәріс беруге дайын!

Жаңақорған колледжінде жаңалық көп

Kyzylorda-news.kz. ҚР Сайлау туралы конституциялық Заңына сәйкес, бүгін Қызылорда облысының Арал ауданында 2 ауылдық округтің әкімі сайланады.Тұрғындар Жаңақұрылыс ауылдық округі мен Құланды ауылдық округінің әкімі болуға үмітті кандидаттарға дауыс беріп, өз таңдауын жасауда.&nbsp;Таңғы сағат 07.00-де №22, №29 учаске ашылып, алғашқы келген сайлаушыларға сыйлықтар үйлестірілді.Сайлауда Жаңақұрылыс ауылдық округінің әкіміне 4 азамат үміткер болды. Оның барлығы өзін-өзі ұсыну тәртібімен сайлауға қатысуда.Айту керек, Жаңақұрылыс округінде 408 сайлаушы тіркелген. Ал, Құланды ауылдық округінің әкіміне 3 кандидат үміткер атанды. Олардың бәрі де өзін-өзі ұсыну жолымен кандидат ретінде бақ сынауға ниет білдірді. Бүгінгі күні Құланды округінде 267 сайлаушы бар.&nbsp;Еске салайық, жыл басынан бері Қызылорда өңірінде 8 ауылдың әкімі сайланды. Олар: Қазалы ауданының Ақжона, Арықбалық, Жалағаш ауданының Жаңадария, Аққұм, Мырзабай ахун, Сырдария ауданының Ақжарма, Жаңақорған ауданының Жаңарық және Қармақшы ауданының Ақтөбе ауылдық округінің әкімі.&nbsp;Ал, маусым айының 25 күні Жаңақорған ауданының Сүттіқұдық пен Қаратөбе ауылының әкімдері сайланбақ.&nbsp; Биыл Президент тапсырмасына сәйкес аудан әкімдерінің сайлауы өтеді. Қызылорда өңірінде тұрғындар 2 ауданның әкімін тікелей сайлайды.&nbsp;

Бүгін Арал ауданында 2  ауылдың әкімі сайланады

<a href="https://kyzylorda-news.kz/">Kyzylorda-news.kz.</a> Биылғы құрғақшылық шаруаларға ауыр тиді. Жығылғанға жұдырық болып Сырдың деңгейі төмендеп кетті. Қазір аяқ су мәселесі Жаңақорған кентінде де өзекті. Аптап ыстықта көпшілік қора-жайдағы егістігі мен төрт түлігіне су жеткізе алмай қиналады. Қажеттілікті ауыз суды пайдалану арқылы шешеді. Ал ауызсу желісі толық іске қосылған жоқ. Жыл өткен сайын аудан орталығындағы халық саны артып, әкімшілік аумағы кеңейіп келеді. Демек су жетіспеушілігі алдағы уақытта өзекті мәселеге айналары анық. Мұны аудан басшылары жақсы түсенеді әрі облыстық, республикалық деңгейдегі басшыларға мәселені ашық айтып, шешуге дем беруді ұсынып келеді.«Өңірлерді дамытудың ұлттық жобасы аясында бес жыл ішінде халықты 100 пайыз таза ауыз сумен қамтамасыз етуді тапсырамын». Президент Қасым-Жомарт Тоқаев осылай нақты міндет қойды. Өйткені 2030 жылға қарай әлемдегі су тапшылығы 40 пайызға жететінін мамандар айтып, дабыл қағуда. Осының алдын алып, су мәселесін ертерек ретке келтіру өте маңызды.Жиында көтерілген екі мәселе – бірі жер асты суының игілігін тұрғындар көру қажеттілігі болса, екінші, ауыз су жүйесінің екінші желісінің салынуын тездету. Жиынды аудан әкімі Мұрат Жолкелдіұлы ашып, аудандағы атқарылған жұмыстар мен негізгі мәселеге қысқаша тоқталды.<blockquote>«Аудандық бюджет есебінен өткен жылы 4 елді мекенге ауыз су жүйесін жаңғыртуға жоба-сметалық құжат әзірленді. Биыл Төменарық, Екпінді, Сунақта ауылдық округіне Ұлттық қордан 808 млн теңге қаржы бөлініп, жұмыс жүргізілуде. Одан бөлек, тағы Қожамберді, Сүттіқұдық, Жайылма елді мекенінде ауыз судың сервистік желісін қайта жаңғырту үшін жоба-сметалық құжат әзірленуде. Жаңақорған кентінде ауыз су сервистік желісі аяқталып, іске қосылуға да жақын. Бірақ, бұл мәселені толық шеше алады деуге келмейді, сондықтан бүгінгі жиында осы төңірегінде талқыланатын болады», – деді аудан басшысы.</blockquote>Алдымен аудандағы су құрылысының барысын, өзекті мәселелер жайлы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Қайрат Сапарбаев қысқаша түсініктеме берді.<blockquote>«Ауданда 35 елді мекен болса, оның 32-і орталықтандырылған ауыз су жүйесімен қамтылды. Жиделі топтық су құбыры арқылы кент тұрғындарының 40 пайызы ғана таза суды тұтынуда. Ал, мемлекеттік бағдарлама аясында жүзеге асқан жоба арқылы 5400 абонемент ауыз сумен қамтылу керек бола, қазір 3000-ға жуық тұрғын үй су жүйесіне қосылды. Бірақ, бұл алдағы уақытта толықтай мәселені шешеді деген сөз емес», – деді бөлім басшысы.</blockquote>Қайрат Әбдірахманұлының ұсынысы «Шалқия ЦИНК» ЛТД АҚ теңгеріміндегі су жүйесінен мамыр, маусым, шілде, тамыз айында уақытша суды пайдалану. Алдағы уақытта «Жиделі» топтық су құбырынан екінші желі тартылып, су желісінің құрылысы толық аяқталғанша «Алтыкрант» аумағының суын пайдалануға әбден болады. Бұл бойынша сәуір айында меморандумға отырғанын, алайда өндіріс орнының басшылығы рұқсат бермегенін алға тартты. Көтерілген мәселе бойынша «Шалқия ЦИНК» ЛТД АҚ-ның құқықтық-сүйемелдеу бөлімінің басшысы Сағи жауап берді.<blockquote>«Бірінші мәселе – меморандумдағы келісім бойынша заңдылық көтермеді, яғни қате шықты. Екіншісі – біздегі суды «Арал» ОДСП мекемесі халыққа сата алмайды, яғни тұрғындар тұтына алмайды. Өйткені, ертең жергілікті жұрт уланып немесе ауруға душар болса біз кінәлі боламыз. Үшіншісі – біздегі объектілердің пайдаланылмай тұрған себебі «Монолит дизаин» ЖШС мемлекеттік сатып алу конкурсында жеңімпаз болып, кенттегі су қоймаларын (водозавор) салу тиіс. Алайда бұл компания шартта көрсетілген жұмысты орындамай, тастап кетті. Біз олармен соттасудамыз. Егер суды пайдалануға берсек, онда біз жауапсыз мекемеден сотта ұтыламыз», – деді ол.</blockquote>Ел ағасы Алшынбай Тұртанов жер астындағы тұщы су, яғни көл барын дәлелмен айтты. Су – халықтың байлығы, оны халық пайдаланбаса онда оның не керегі бар деген құрылыс саласының ардагері:<blockquote>«Қазір әлем халқы судан тапшылық көріп жатқаны белгілі. Ал, біздің аудан тұрғындары судың үстінде тіршілік етуде. Кенттің 40 пайызы ғана таза суды тұтынып отырса, қалғанының суы жарамсыз күйде. Әрине, зауыт, өндіріс орны біздің елге керек, бірақ бірінші кезекте жергілікті жұрттың әлеуметтік жағдайын ойлауымыз керек. Осынша байлығы бар Жаңақорған жұрты неге бір суға зар, біздің сұрайтынымыз төрт айда 12 мың куб алу. Қалғанында шаруамыз жоқ, онсызда мемлекет қаржысынан осы зауытқа қаншама қаржы құйылуда, ол қайда кетуде? Бұған біз араласпаймыз», – деді.</blockquote>Өте орынды, келесі кезекте екінші мәселеге көшті. «Арал» салынып жатқан кәсіпорындардың бірлескен дирекциясы» филиалының директоры Алтынбек Есенов бүгінгі жағдайға қысқаша тоқталды. Аудан орталығына қанша куб су келуде, келешекте қалай болатынын меже-межемен түсінірді. Ең бастысы, екінші желіге бөлінген 800 млн теңгені келесі жылы игерудің маңызын айтты. Ал, облыстық энергетика және тұрғын үй-коммуналдық шаруашылығы басқарма басшысының орынбасары Ерлан Жоламанов:<blockquote>«Біздегі басты мәселе – бастаған іс уақытылы тапсырылмайды, мәселен, Талап-Сырдария топтық су құбыры 2014 жылы басталғанымен әлі толық пайдалануға берілмеді. Оның құрылысына күмәнмен қарап отырмыз, тіпті, субсидиясы да шешілмеді. Оның үстіне, аяқ суға басқа, ауыз суға бөлек мекеме жауапты. Көбіне ауылдың саны мен көлеміне назар аударып жатамыз, бұл дұрыс емес, халық санымен өлшенуі керек. Өйткені, жыл сайын демографияда өсім жоғары. Сондықтан әлі де бір жүйеге келе алмай отырмыз», – деп уәжін айтты.</blockquote>Жиында ҚР Экология, геология және табиғи ресурстар министрлігі Су ресурстары комитеті «Қазсушар» шаруашылық жүргізу құқығындағы РМК бас директорының орынбасары Ерболат Беркінбаев пен ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істер комитеті төрағасының орынбасары Бейбіт Шаханов та өз қызметтегі құзырларын сөз етті. Аудандық мәслихат депутаттары Мәжит Балқожаев, Бақытжан Төлегенов, Нұрлат Байгенже, Серік Мырзахметов аяқ су мәселесі өзектенгенін, мұны тиімді шешу жолын қарастырмаса халықтың әлеуметтік жағдайына әсер ететінін айтты.&nbsp;Ал жиынды қорытындылаған Мұрат Бақтиярұлы ауыз суды өндіріске пайдалану қылмыс екенін айтты<blockquote>«Егер Жаңақорған жеріндегі жер асты су таза ауыз су болса, онда оны құрылысқа немесе өндірісіке пайдалануға мүлде болмайды. Өйткені, су тапшылығы сезіле бастады, алдағы он жылдықта не болары белгісіз. Сонда біз осы ауыз суды қажетімізге жаратуымыз керек. 14 ұңғыманы жаз айында неге тұрғындар пайдаланбасқа. Өндіріске қажетті суды дариядан алуы тиіс. Бұл тәжірибені «СКЗ-U» ЖШС қолданып, арнайы құбырлар арқылы тартып, пайдалануда. Ал екінші желіні қосуға келесі жылы жұмыс істейміз. Соңғы мәселе – тарифке байланысты. Бізге тарифті көтермей, келешекке нақты бағдар түзей алмаймыз. Бір күнде 1 адамға 140 литр су пайдалануға берілген, бұл тым көп. Сондықтан, ауыз су мен аяқ су тарифін көтеріп, құнын арттыруымыз керек», – деді.</blockquote>Сенат депутаты арнайы келіп, аяқ және ауыз су мәселесінің ұтымды шешілуіне араласуы мәселенің өзектелігінен хабар берді. Ендігі жерде суды ысырапсыз пайдалану керекпіз. Олай болмаса немере-шөберелеріміз бұл жерде тұрақтамай, сулы-нулы жер іздеп кететіні ақиқат.

Жаңақорған: 32-і елді мекен орталықтандырылған ауыз су жүйесімен қамтылған

<a href="https://kyzylorda-news.kz/">Kyzylorda-news.kz.</a> «Қайырымдылық жасасаң, қайырын өзің көресің», дейді қазақ. Иа, жоқжітікке қарасу, жылағанды жұбату, сүрінгенді сүйеу, мұқтаждардың талған өзегіне талғажау табу – халқымыздың бойында ежелден қалыптасқан қасиет. Әсіресе, көптің мәселесін қарақан бастың қамынан жоғары қою – елжандылықты екшейтін болмыс болса керек. Қайырымдылық жасау үшін асып-тасып бай болудың қажеті шамалы, ең бастысы мейірімді жүрегің мен таза ниетің болса жеткілікті. Міне, осы тұрғыда жеке кәсіпкер, аудандық мәслихат депутаты Данияр Досантаевты бөлежара айтсақ артық емес. Осындай жүрегі мейірімге толы азаматтың әрбір ісі көпке өнеге. Кәсіпкер азамат өзінің туған жері Жаңақорғандық кәсіпкер азаматтарының басын біріктіріп, 11 &nbsp;жағдайы төмен отбасыларға үй сыйлап, баспаналы етті.Соңғы уақыттары батыл қадамға барып, кәсіптің көзін тапқан азаматтар аз емес. Осы тұста, депутат Даниярдың мақсат-мүддесі айқын.<blockquote>«Әкем мен анам күн-түн демей еңбек етті. Бала күнімізден әке-шешемізге қолғабыс ететінбіз. Әкеміз бізге өмірлік ұстаз болды. Еңбекке ерте араласып, шаруаның жайын білуге себепкер осы кісілер десем артық болмас. Орта мектепті бітіргеннен кейін, Алматы қаласындағы Абай атындағы қазақ ұлттық педагогикалық университетіне алғашқы әскери дайындық мамандығы бойынша оқуға түсіп, оны ойдағыдай аяқтадым. Еңбек жолымды аудандағы қиыршық тас өндіретін «КДСМ Қыран» ЖШС-де жүргізуші болып бастадым. 2009-2012 жылы «Құмкөл» мұнайгаз кен орнында оператор қызметін атқардым. 2012 жылдан бастап «Тау-Кен» өндірісінен жинаған тәжірибемді аудан халқына жұмсау мақсатында «Мадияр» дара кәсіпкерлігін аштым. Алғашында жүк көліктерін жалға алып, қиыршық тас өнімін аудан, облыс тұтынушыларына JT Әсел КЕҢЕСҚЫЗЫ тікелей тасымалдадық. Ұйымшыл ұжым мен ерен еңбектің арқасында жеке кәсіпкерлігіміз кеңейіп, ауданда алғашқылардың бірі болып бетон зауытын аштым. Бүгінде өзім секілді қарапайым отбасынан шыққан 35 жас жігітті жұмыспен қамтып отырмын», – дейді ол.</blockquote>– «Сөзіне қарай кісі ал, Кісіге қарап сөз алма» деп Абай Құнанбайұлы айтқандай, сөзі мен ісі келісті адам ғана қашанда құрмет пен мақтауға лайық. Көрген көзге нұр сыйлап, еңбегінің нәтижесімен айналасын қуантып жүретін Даниярды жұртшылық та жақсы көреді, қайырымдылықты жаршысы деп бағалайды. Бұған не айтасыз?– Кәсіпкерлік саладан бөлек қайырымдылық бағытта «Жаңарған Жаңақорған жастары» қоғамдық қорының белсенді мүшесімін. Қордың мұқтаж отбасыларына асар әдісімен тұрғын үй салу жобасына жетекшілік етудемін. Қазақ халқы табиғатынан қайырымды ғой. Жоқжітікке қарасу, жылағанды жұбату, сүрінгенді сүйеу, мұқтаждардың талған өзегіне талғажау табу, көмекке мұқтаж адамға көмек көрсетіп, қайырымдылық жасау, кіріптарға қайыр беріп, қарттарды аялауды, мүгедектерді қолдапқорғау сынды ертеден қалыптасқан ізгі қасиет қой. Бірлесіп істеген жұмыс тез әрі қарқынды болады. Сол себепті де, ауданның белді жастары жиналып, «Асар» үрдісін қайта жаңғыртып, біраз жұмысты жүйелеп келе жатырмыз. Бүгінде көптеген жастарымыз іс-шараларға белсенді түрде атсалысады. Одан бөлек, жанашыр азаматтардың қолдауымен сырқат балалардың еміне көмектесуді мұрат етіп келеміз. Қоғамдық қор құрылғалы әлеуметтік жағынан аз қамтылған мүмкіндігі шектеулі санаттағы 11 отбасына тұрғын үй құрылысын жүргізіп, табыстадық. Осындай істің басы-қасында жүрген азаматтарға, ауданымыздағы кәсіпкер жігіттерге ризашылығымды білдіремін. «Жұмыла көтерген жүк жеңіл» демей ме, бәріміз жұдырықтай жұмылып, міне 11 отбасыны қуантып үлгердік.– Аудандық мәслихатқа депутаттыққа келуіңізге не түрткі болды?– Жас кезімнен кәсіпке үйір болып, елмен, қоғаммен тығыз байланыста болдым. Жасыратыны жоқ, біздің қоғамда кез келген әлеуметтік мәселеге әкімдіктегілер ғана жауапты деп ойлайтындар бар. Шын мәнінде жайлы өмір сүру өзімізге байланысты екенін естен шығармасақ. Жақсылық жасауды өзіме жеке басым үшін емес, Алла разылығы үшін міндет еттім. Сауап түгесілмейтін нығмет қой. Осы сайлау болады деген уақытта, қаламы қарымды журналист Әбдісамат Әбдіш фейсбук парақшасына «Кімнің депутат болғанын қалар едіңіз?» деп пост салған екен. Халықтың барлығы дерлік менің аты-жөнімді жазып, қолдау білдіріпті. Содан тәуекел етіп, өзімнің бағдарламамды ұсындым. Шүкір, көпшіліктің қолдауымен, халықтың сенімі ақталып, депутат болып сайландым.– Сайлауалды бағдарламаңызбен таныспын. Онда халыққа маңызды 6 күрмеулі мәселені шешуге жұмыс жасайтыныңды айтқан едіңіз? Бұл уәдеңізді орындай алдыңыз ба?– Иә, бағдарламамда аудандағы жаяу жүргіншілер жолын салу, балаларға арналған спорт алаңдары мен мәдени нысандарының құрылысына жағдай жасауды алғашқы орынға қойдым. Қандөз ауылдық округіндегі ішкі жолдардың асфальттануы мен көшені жарықтандыру, абаттандыру мен Қалғансырға баратын жол мәселесі бойынша аудандық бюджеттің мүмкіндігіне қарай ұсыныс жасайтынымды айтқан едім. Одан бөлек, ауыл жастарының кәсіпкерлікпен айналысуына демеу көрсетіп, «Жас кәсіпкер», «Дипломмен ауылға» бағдарламаларымен жұмыс істеуге және жастардың ұлттық спорт түрлерімен тұрақты айналысуына жағдай жасауға және Жаңақорған кентіндегі Б.Байкенжеев және З.Мұсаханов көшелерінің аралығын абаттандыруға, учаскеме қарасты барлық көшелердің тазалығын қадағалауға уәде еткенмін. Сонымен қатар, қайырымдылық бағытта жалғыз басты аналар мен әлеуметтік жағынан аз қамтылған отбасы мүшелерінің әл-ауқатын жақсартуға, кент бойынша электр желілері мен бағаналарын жаңғыртуға ықпал етуге, №169 орта мектебіне қарай қоғамдық маршруттың жүруіне жұмыс жасайтынымды айтқан болатынмын. Шүкір, барлығы дерлік өз ретімен, өз жолымен шешіліп келе жатыр. Тек, қана №51 мектептің артына ойын алаңқайын салуда аздап мәселелер туындап жатыр. Ол да шешіледі деп есепттеймін. Сондай-ақ, кәсіпкерлер бүгінгі қоғамның және ел экономикасының бастамашыл тобы болғандықтан кәсіпкерлікті қолдау, шағын және орта бизнесті дамытуға арналған бағдарламалар белсенділігін арттыруды ұйымдастырғым келеді. Бағдарламадан тыс халықтың талап-тілегін тыңдап, сол бойынша басқа да жобаларды іске асыруға күш салатын боламын.– Табысты болу үшін нені білу керек?– Әкем үнемі: «Бір істі бастадың ба, тастама. Түбінде жемісін береді» деп отырады. Қазір көп жастарда тұрақтылық жетіспейді. Бір істі бастайды да табысқа кенеле қоймадым деп, екіншісіне ауысып жатады. Ешқашан өрлеу, алға жылжу болмайды. Ең бастысы – тұрақтылық, қиындықтарға төзіп, алған беттен таймайтын қайсарлық қажет. Табыс адамға аспаннан салбырап түспейтіні бәрімізге мәлім. Әрбір адам жетістікке жету сапарында қайткен күнде сәтсіздікке ұшырауы ықтимал. Құлаған орыннан қайта тұрып, еңсе тіктеудің өзі батылдық. Бүгінгі жетістіктерім мақсат қойып, табандылықтан таймауымнан нәтижесі шығар.– Бұдан бөлек, қоғам үшін пайдалы қандай істі қолға алу жоспарыңызда бар?– Елдің ертеңі – жастар. Олар білімді әрі дені сау болса, мемлекетіміз гүлденері сөзсіз. Сондықтан мен жеткіншектердің сапалы білім алуы мен спортқа бейім болып өскендігін қалаймын. Осы орайда қаржылай қолдаудан бөлек олармен емен-жарқын тілдесу маңызды. Ойларын біліп, пікірлерімен санасып отырғанды құп көремін. Өзім төрт ұл өсіріп отырмын. Мен оларға дауыс көтеріп жекіген емеспін. Барынша жәй сөзбен айтып түсіндіремін. Сол сияқты, қазір қоғам қатыгезденіп барады. Өсіп келе жатқан жастарға дауыс көтеріп, айқайламай, дұрыс бағыт-бағдар беруіміз керек.– Қоғамда өзіңізді қандай мəселе алаңдатады?– Мені алаңдатар мəселе көп... Жастардың арасында ажырасушылық, тастанды балалар көбейіп кетті. Осындай оқиғаны көріп-өскен ұрпақтың ертеңгі жайы не болар екен деп алаңдаймын. Қазір тоқшылық, тыныштық заман. Осыған шүкір етемін. Тек соның қадірін жастар білсе екен деп ойлаймын.– Қазір интернеттің дәуірі жүріп тұр. Таяқтың екі ұшы болатыны секілді желінің де жақсы және жаман тұстары бар. Нақтысы, адам санасын улайтын да, теріс жолға түсіріп, адал табысыңды тонайтын да – осы желі. Өзіңіздің желі қолданушысы және депутат ретінде қазіргі жастардың беталысы жайындағы ойыңызды білсек…– Жөн сөз. Қазір желі әлемді кіндігінен байлап, өз иіріміне тартып барады. Жетегінде көптеген жастар кетті. Салдарынан қазіргі буын кітап, газетжурнал оқуды қойып, желідегі арзан қауесеттерге үйірсек болып жүргенін жасыра алмаймыз. Бұл – шындық. Оның үстіне, интернет иіріміндегі әртүрлі жазбалар мен пікірлерден саяси астар іздеп, жалған ақпаратқа сенетіндер көбейген. Сондықтан мейлінше әлеуметтік желіні дұрыс пайдалана білген жөн. Өскелең жастар ғаламтор мүмкіндіктерін өз мақсаттарына ұтымды қолданып, уақытының басым бөлігін кітап оқуға арнап, рухани азықтануға шақырар едім. «Кітап – маған тақтан да қымбат» деген У.Шекспирдің сөзін әр буын өз әлінше түсіне білсе деймін. Өз басым әлеуметтік желіге ақпарат көруге ғана кіріп, өзіме қажетті мағлұматтарды ғана алып отырамын.– Отбасыңыз жайында айтсаңыз.– Шүкір, үйде ата-анамды төредей күтіп, мені сыйлап отырған Назгүл есімді жарым бар. Алланың қалауымен төрт ұлдың ата-анасы атандық. Осы отбасымның береке бірлігін сақтап, ұлдарымды атқа қондырсам, елдің азаматы етуге ықпал етсем, менің әкелік парызымның орындалғаны деп білемін. Адамның жеке басының алғашқы қалыптасуы, ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – балаларымның көкірегінде көп жылдар бойы сақталып, мәңгі есінде жүрсе деп ойлаймын.– Сұхбатыңызға рахмет, ісіңіз берекелі болсын.

Жаңақорғандықтарға 11 үй сыйлаған азамат

Kyzylorda-news.kz. Бүгін – Мемлекеттік рәміздер күні. Биыл мемлекеттігіміздің символдарының қабылданғанына 31 жыл толып отыр.1992 жылдың басында мемлекеттік үш нышан - Ту, Елтаңба және Әнұранымызды таңдау үшін Жоғарғы кеңес президиумы жұмыс тобын құрып, арнаулы шығармашылық комиссия тағайындады.Оның құрамына Салық Зиманов, Ербол Шәймерденов, Серікболсын Әбділдин, Серік Әбдрахманов және тағы басқа қайраткерлер кірді. Осыдан кейін бүкіл Қазақстан көлемінде Елтаңба, Ту, Әнұран нұсқаларына конкурс жарияланды.Бір ғана тудың өзіне 600 адамнан 1 200 нұсқа түссе, Елтаңбаның 245 жобасы, әнұранның 750 үлгісі байқауға қатысты.Эстетикалық сипатымен де, тарихи, саяси, экономикалық символизмге сәйкес келуі бойынша да үздік туынды ұсынған байқау жеңімпаздарын қазір халық мемлекеттік нышан авторлары ретінде таниды.Олар: Ту авторы - Шәкен Ниязбеков. Елтаңба авторлары - Жандарбек Мәлібеков пен Шота Уәлиханов.ҚазАқпарат

Архив

Жаңақорған колледжінде жаңалық көп

Бүгін Арал ауданында 2 ауылдың әкімі сайланады

Жаңақорған: 32-і елді мекен орталықтандырылған ауыз су жүйесімен қамтылған

Жаңақорғандықтарға 11 үй сыйлаған азамат

Бүгін – Мемлекеттік рәміздер күні